Naxçıvan Dövlət Universitetində Tibb fakültəsinin ənənəvi məzun günü keçirilib.
Naxçıvan Dövlət Universitetinin rektoru, AMEA-nın müxbir üzvü Saleh Məhərrəmov muxtar respublikada ali təhsilli tibbi kadrların hazırlanması istiqamətində görülən işlərdən danışıb. Qeyd olunub ki, bu yaxınlarda Naxçıvan Muxtar Respublikası Ali Məclisinin Sədri cənab Vasif Talıbovun iştirakı ilə Tibb fakültəsinin müasir tələblərə cavab verən yeni xəstəxana binasının istifadəyə verilməsi, xəstəxananın müasir tibbi avadanlıqlarla təchiz olunması səhiyyənin inkişafına göstərilən dövlət qayğısının parlaq təzahürüdür. Tibb fakültəsinin dekanı, dosent Bəhruz Məmmədov hesabat xarakterli məruzəsində bildirib ki, 1999-cu ildə Pediatriya ixtisası ilə təməli qoyulan fakültədə 2007-ci ildə Tibbi profilaktika və 2011-ci ildə Müalicə işi ixtisasları açılıb. Bir ixtisasla fəaliyyətə başlayan fakültə ötən dövr ərzində inkişaf edərək bu gün 4 kafedrada 5 ixtisas üzrə həkim hazırlığını həyata keçirir.
Naxçıvan Muxtar Respublikasının Səhiyyə naziri Niyazi Novruzov regionda yüksəkixtisaslı mütəxəssislərin hazırlanmasında Tibb fakültəsinin rolundan, məzunların iş yerləri ilə təmin olunmasına göstərilən qayğıdan danışıb.

Bir neçə gündən sonra çox insanların sevdiyi və səbirsizliklə gözlədiyi yay fəsli başlayacaq. Bu, gərgin iş rejimindən azad olub yorğunluğu aradan qaldırmaq, stresdən uzaqlaşmaq üçün ideal mövsümdür. Ancaq yaddan çıxarmaq olmaz ki, istirahət fəsli sağlamlıq üçün təhlükə də törədə bilər. Bu amili Naxçıvan Muxtar Respublika Xəstəxanasının həkimi, anestezioloq-reanimatoloq Elsevər Ağəliyev bizimlə söhbətində xüsusi olaraq diqqətə çatdırdı. 

– Elsevər həkim, yay mövsümü hələ başlamasa da, havalar yazın sonundan isti keçir, artıq günvurma hadisələri ilə bağlı məlumatlar var.
– Bu il Naxçıvan Respublika Xəstəxanasına 3 nəfər günvurma ilə əlaqədar müraciət edib. Birgünlük müalicədən sonra onlar tam yaxşılaşma ilə evə buraxılıblar. Bu, əvvəlki illərə nisbətən xeyli yaxşı göstəricidir. Əhalinin sosial şəraitinin yaxşılaşdırılması, yaşıllıq zolaqlarının genişləndirilməsi, yeni parkların salınması və digər amillərlə yanaşı, əhali arasında aparılan səhiyyə maarifi işi günvurmanın azalmasında mühüm rol oynayır.

Muxtar respublikanın səhiyyə müəssisələrində çalışan tibb işçilərinin may ayında start verilən dövri tibbi müayinələri başa çatıb.
İldə iki dəfə keçirilən bu müayinələr cari mövsümdə Naxçıvan Muxtar Respublikası QİÇS-lə Mübarizə Mərkəzi tərəfindən bilavasitə rayonlarda təşkil olunub. Şərur, Culfa, Ordubad rayonlarından sonra mövsümün son müayinələri Babək, Kəngərli, Sədərək, Şahbuz Rayon Mərkəzi xəstəxanalarında və ərazi həkim ambulatoriyalarında, feldşer-mama məntəqələrində, eləcə də Naxçıvan Dövlət Universitetində aparılıb. Bütövlükdə, mövsüm ərzində 1635 nəfər həkim və orta tibb işçisindən qan müayinələri götürülüb. Tibb işçiləri ilə yanaşı, Gigiyena və Epidemiologiya mərkəzlərinin, gözəllik salonlarının işçiləri, universitetin professor-müəllim heyəti də aksiyaya cəlb ediliblər.
Onların HİV, hepatit B, C və qanla keçən digər xəstəliklərə görə analiz olunması üçün seroloji diaqnostikası aparılıb, nəticələr tibbi müayinə kartlarında öz əksini tapıb, yoluxucu xəstə­liklərə yoluxma əlamətləri olan işçilər haqqında ərazi Gigiyena və Epidemiologiya mərkəzlərinə və Naxçıvan Muxtar Respublikası Səhiyyə Nazirliyinə məlumat verilib.
Aksiya çərçivəsində Naxçıvan Muxtar Respublikası Ağciyər Xəstəlikləri Dispanserinin həkimləri də dövri tibbi müayinələr aparıblar. Ağciyər vərəminin profilaktikası və ilkin vərəmin vaxtında aşkar edilməsi məqsədilə 959 nəfər tibb işçisi rentgen-flüoroqrafik müayinədən keçirilib, 12 nəfərdə xəstəliyə meyillilik aşkar olunub, 1 nəfər dispanser qeydiyyatına alınıb.

Naxçıvan Muxtar Respublikası
Səhiyyə Nazirliyinin mətbuat xidməti

Naxçıvan Muxtar Respublikası Səhiyyə Nazirliyi və Bakı şəhərində fəaliyyət göstərən Bioloji təbabət klinikasının təşkilatçılığı ilə iyunun 17-də Akademik Zərifə Əliyeva adına Naxçıvan Şəhər Poliklinikasında yerli həkimlər üçün bioloji təbabət üzrə “Modul A” tədris proqramına start verilib.
Naxçıvan şəhərindəki səhiyyə müəssisələri və rayon mərkəzi xəstəxanaları həkimlərinin iştirak etdikləri tədbiri Naxçıvan Muxtar Respublikası Səhiyyə Nazirliyinin Tibbi yardımın təşkili şöbəsinin baş məsləhətçi-pediatrı, Azərbaycan Respublikasının Əməkdar həkimi İbrahim Ağayev açaraq tədbir iştirakçılarını 17 iyun tibb işçilərinin peşə bayramı münasibətilə təbrik edib. Bildirib ki, səhiyyə sisteminin günün tələblərinə uyğunlaşdırılması, müasir tibb strukturunun yaradılması muxtar respublikada həyata keçirilən sosial islahatların mühüm tərkib hissəsidir. Bunun nəticəsidir ki, istər Naxçıvan şəhərində, istərsə də ən ucqar dağ kəndlərində əhaliyə nümunəvi tibbi xidmət göstərilir. Həkimlərin peşə vərdişlərinin artırılması məqsədilə seminar və konfransların keçirilməsi diqqət mərkəzində saxlanılır. Bu gün keçirilən növbəti tədris proqramı da həmin tədbirlərin davamıdır.

1918-ci il iyunun 17-də Azərbaycan Xalq Cümhuriyyəti tərəfindən ölkəmizdə ilk Səhiyyə Nazirliyi yaradılmışdır. Ümummilli liderimiz Heydər Əliyevin 2001-ci il 4 iyun tarixli Sərəncamı ilə hər il iyunun 17-si ölkəmizdə tibb işçilərinin peşə bayramı kimi qeyd olunur.

Bu günün qeyd olunması ölkə­mizdə səhiyyə sahəsinə, o cümlədən tibb işçilərinə göstərilən qayğının parlaq təzahürüdür. Milli dövlət quruculuğu strategiyasında səhiyyənin də inkişafına həssaslıqla yanaşan, bu sahəyə diqqət və qayğısını heç zaman əsirgəməyən ulu öndər Heydər Əliyev tibb işçilərinə müraciətlə deyirdi: “...Siz bütün fəaliyyətinizi bu sahə ilə bağlayaraq həyatınızı olduqca qədim, nəcib və xeyirxah bir işə – insanların sağlamlığının qorunması işinə həsr etmisiniz. Əhalinin sağlamlığının mühafizəsi və tibbi xidmətin yaxşılaşdırılması istiqamətində irəliyə doğru atdığınız addımlar bizi sevindirir. Həkimlik peşəsi öz xalqına, sənətinə yüksək sədaqət tələb edən bir işdir”.

Koronarangioqrafiya ürəyin tac damarlarını müayinə etmək üçün ən informativ bir üsuldur. Bu üsul ürəyin tac damarlarının vəziyyəti haqqında geniş məlumat verir. Müayinə prosesində sağ və ya sol bud arteriyasından nazik tel (kateter) salınaraq ürəyin tac damarına qədər yeridilir. Kontrast maddə vurularaq ürəyin tac damarlarının şüa müayinəsi aparılır. Ürəyin damarları haqqında dəqiq məlumat toplandıqdan sonra müəyyən nəticəyə gəlinir. Xəstəyə stent qoyulmasına, yaxud kardiocərrahi əməliyyata, dərman müalicəsinə qərar verilir. Bu prosesin həyata keçirilməsi üçün Naxçıvan Diaqnostika-Müalicə Mərkəzində angioqrafiya bölməsi fəaliyyət göstərir.
Son illər bölmənin maddi-texniki bazası möhkəmlənmiş, yeni tibbi avadanlıq və cihazlar qurulmuşdur. Proseslərin aparılmasında əsas vasitə olan koronarangioqrafiya aparatı monitordan və müayinənin nəticəsini elektron daşıyıcıya yazan qurğudan ibarətdir. Rentgen şüasından qorunmaq üçün tibb işçiləri xüsusi geyimdən istifadə edirlər.

Səhiyyə sistemində tibbi xidmətin əhatə dairəsinin genişləndirilməsi, əhalinin hər bir təbəqəsinin keyfiyyətli tibbi xidmətlə əhatə olunması bu ilin may ayında da diqqət mərkəzində saxlanılmış, Naxçıvan Muxtar Respublikası Səhiyyə Nazirliyinin iş planına uyğun olaraq bu istiqamətdə ardıcıl tədbirlər həyata keçirilmişdir.
Azərbaycan Respublikası Elmi-Tədqiqat Ağciyər Xəstəlikləri İnstitutundan Naxçıvan Muxtar Respublikası Ağciyər Xəstəlikləri Dispanserinə, Azərbaycan Respublikası QİÇS-lə Mübarizə Mərkəzi və Qlobal Fond tərəfindən Naxçıvan QİÇS-lə Mübarizə Mərkəzinə dərman preparatları, ehtiyac olan miqdarda reaktivlər və tibbi materiallar, HİV ekspres testlər, dezinfeksiyaedicilər, hepatit B və C testləri gətirilmişdir.

İyunun 1-dən etibarən ölkəmizdə ailə qurmaq istəyən şəxslərin məcburi tibbi müayinəsi həyata keçiriləcək. Bu addım sağlam ailənin formalaşması, uşaqların irsi xəstəliklər və anadangəlmə inkişaf qüsuru ilə doğulmasının qarşısının alınması baxımından zəruridir.

“Azərbaycan Respublikasının Ailə Məcəlləsində dəyişikliklərin edilməsi haqqında” Qanunun tətbiqi ilə bağlı Naxçıvan Muxtar Respublikası Səhiyyə Nazirliyinin kollegiya iclasında konkret vəzifələr müəyyənləşdirilib. “Nikaha daxil olmaq istəyən şəxslərin tibbi müayinədən keçməli olduğu xəstəliklərin siyahısı”, “Nikaha daxil olmaq istəyən şəxslərin tibbi müayinədən keçdiklərini təsdiq edən arayışın forması”, “Nikaha daxil olmaq istəyən şəxslərin tibbi müayinədən keçmə Qaydası”nın icrasını təmin etmək üçün müvafiq qərar qəbul olunub. Həmin qərara əsasən, nikaha daxil olmaq istəyən şəxslərə tibbi arayışların verilməsi ərazi bölgüsünə uyğun olaraq, Naxçıvan Muxtar Respublikası Doğum Mərkəzi və rayon mərkəzi xəstəxanaları tərəfindən qeyd olunan müayinələrin nəticələri təqdim edildikdən sonra həyata keçiriləcəkdir. Nikaha daxil olmaq istəyən şəxslərin tibbi müayinəsi Naxçıvan Muxtar Respublikası Dəri-Zöhrəvi Dispanserində, QİÇS-lə Mübarizə Mərkəzində, Naxçıvan Muxtar Respublika Xəstəxanasının Hematologiya şöbəsində aparılacaqdır. Tibbi arayışların verilməsi adları qeyd olunan səhiyyə müəssisələrində məsul şəxslərə həvalə edilib.

Muxtar respublikamızda praktik tibb və ya əczaçılıq fəaliyyəti ilə məşğul olan səhiyyə mütəxəssislərinin sertifikasiya prosesi davam etdirilir.
Məlum olduğu kimi, bu işə 2011-ci ilin sentyabr ayından başlanılıb və ötən dövr ərzində imtahanlarda iştirak edən 514 həkim, 290 orta tibb işçisi şəffaf şəraitdə test imtahanlarını və müsahibə mərhələsini uğurla başa vuraraq növbəti beş il üçün sertifikat alıblar.
İyunun 3-də keçirilən növbəti sertifikasiya imtahanının müsahibə mərhələsində 17 ixtisas üzrə həkimlər öz bilik və bacarıqlarını sınamalı olublar.
Naxçıvan Muxtar Respublikası Səhiyyə Nazirliyində keçirilən müsahibə turunda həkimlərə öz ixtisaslarına aid nəzəri, habelə onların bilik səviyyəsini və peşə vərdişi­ni müəyyən edən praktik suallar verilib.

Naxçıvan Muxtar Respublikası Səhiyyə Nazirliyinin tədbirlər planına uyğun olaraq, muxtar respublikada 40-45 yaşlı əhalinin kütləvi dispanserizasiyası davam etdirilir.
Aprelin əvvəllərindən start verilən kütləvi dispanserizasiyada bu günə kimi 2814 nəfər profilaktik tibbi müayinədən keçirilib. Onlardan 295 nəfərində xəstəlik aşkar olunaraq dispanser qeydiyyatına götürülüb.
Hazırda 40-45 yaşlı əhalinin kütləvi profilaktik tibbi müayinəsi Akademik Zərifə Əliyeva adına Naxçıvan Şəhər Poliklinikasında və rayon mərkəzi xəstəxanalarında tərtib edilmiş iş qrafiki əsasında terapevt, cərrah, ginekoloq, stomatoloq, oftalmoloqlar tərəfindən həyata keçirilir. Ehtiyac olan hallarda xəstələrə yüksəkixtisaslı həkimlərin, o cümlədən nevropatoloq, psixiatr, endokrinoloq, uroloq, ftiziatr, kardioloq və başqalarının konsultasiyası və laborator-diaqnostik müayinələr təşkil edilir. Xəstəlik əlamətləri aşkar edilənlər dərin yoxlamalar üçün qeydiyyata alınır, onların müalicə-profilaktika tədbirləri müəyyənləşdirilir, müalicəyə ehtiyacı olan xəstələrin stasionar müalicəsinə göstəriş verilir.
Dispanserizasiya tədbirləri iyulun 30-da başa çatdırılacaq və müayinələrin nəticələri Naxçıvan Muxtar Respublikası Səhiyyə Nazirliyində təhlil ediləcəkdir.

Muxtar respublikanın səhiyyə müəssisələrində çalışan tibb işçilərinin qanla keçə bilən yoluxucu xəstəliklərlə, o cümlədən B və C hepatit virusuna yoluxma ehtimalını aradan qaldırmaq üçün onlardan ildə iki dəfə qan nümunələri götürülür və tibb işçiləri müayinəyə cəlb olunurlar.
Bu tədbir əvvəllər Naxçıvan Muxtar Respublikası QİÇS-lə Mübarizə Mərkəzində keçirildiyindən rayonlarda obliqat qrupuna daxil olan tibb işçilərinin vaxt itkisinə səbəb olur, göndərilən qan nümunələrində yanlışlıqlara yol verilir, nəticələr tibbi müayinə kartlarında lazımi əksini tapmırdı. Bu problemi aradan qaldırmaq üçün QİÇS-lə Mübarizə Mərkəzi Naxçıvan Muxtar Respublikası Gigiyena və Epidemiologiya Mərkəzi, Dəri-Zöhrəvi və Ağciyər Xəstəlikləri dispanserlərinin iştirakı ilə belə müayinələri bilavasitə obliqat qruplarının fəaliyyət göstərdikləri rayonlarda keçirməyə başlamışdır. Culfa və Şərur Rayon Mərkəzi xəstəxanalarında keçirilən tədbirlərdə həmin bölgələrdə fəaliyyət göstərən səhiyyə müəssisələrinin tibb işçilərindən qan nümunələri götürülmüş, QİÇS-lə Mübarizə Mərkəzinin laboratoriyasında HİV, hepatit B, C və qanla keçən digər xəstəliklərə görə analiz olunması üçün seroloji diaqnostikası aparılmış, nəticələr tibbi müayinə kartlarında öz əksini tapmış, yoluxucu xəstəliklərə yoluxma əlamətləri olan işçilər haqqında ərazi gigiyena və epidemiologiya mərkəzlərinə və Naxçıvan Muxtar Respublikası Səhiyyə Nazirliyinə məlumat verilmişdir.

Muxtar respublikamızda praktik tibb və ya əczaçılıq fəaliyyəti ilə məşğul olan səhiyyə mütəxəssislərinin sertifikasiya prosesi davam etdirilir. Məlumat üçün bildirək ki, bu prosesə 2011-ci ilin sentyabr ayından başlanılıb və ötən dövr ərzində imtahanlarda iştirak edən 514 həkim, 290 orta tibb işçisi şəffaf şəraitdə test imtahanlarını və müsahibə mərhələsini uğurla başa vuraraq növbəti beş il üçün sertifikat alıblar.
Növbəti test imtahanında Əziz Əliyev adına Naxçıvan Muxtar Respublikası Mərkəzi Uşaq Xəstəxanasının tibb bacıları bilik və bacarıqlarını sınayıblar.
Naxçıvan Muxtar Respublikası Səhiyyə Nazirliyi Tibbi yardımın təşkili şöbəsinin müdiri, sertifikasiya şurası sədrinin müavini Süleyman Cəfərov tibb işçilərinin sertifikasiyasını kadr potensialının gücləndirilməsi istiqamətində ən önəmli addımlardan biri kimi dəyərləndirərək deyib ki, hazırda bütün inkişaf etmiş ölkələrdə olduğu kimi, respublikamızda da beş ildən bir imtahan verib sertifikat almayan tibb işçiləri praktik fəaliyyətlə məşğul ola bilməzlər. Sertifikasiya əhaliyə keyfiyyətli səhiyyə xidmətinin göstərilməsi, praktik tibb və ya əczaçılıq fəaliyyəti ilə məşğul olan şəxslərin peşəkarlıq səviyyəsinin və peşə yararlılığının artırılması məqsədilə həyata keçirilir. Bu, həkim və orta tibb işçilərinin nəzəri və təcrübi bilik və bacarıqlarını daha da artırmalarına imkan yaradır. Mərkəzləşdirilmiş qaydada, obyektiv və şəffaf surətdə keçirilən sertifikasiya muxtar respublikamızda da həkimlərin və orta tibb işçilərinin bilik və peşə bacarıqlarının artırılmasını zəruri edir.

 Bu mövzuda dördgünlük təlimlər keçirilir

Ötən şənbədən başlayaraq Türk Əməkdaşlıq və Koordinasiya Agent­liyi (TİKA) Bakı Proqram Koordinasiya Ofisi tərəfindən Naxçıvan Doğum Mərkəzində “Xoş gəldin, körpə” ana-uşaq sağlamlığını dəstəkləmə layihəsi çərçivəsində 4 günlük təlimlərə start verilib.
Layihə Azərbaycan Tibb Universiteti, Gəncliyə Yardım Fondu, Türk Əməkdaşlıq və Koordinasiya Agent­liyi, Beynəlxalq Həkimlər İttifaqının dəstəyi ilə həyata keçirilir.
Tədbiri giriş sözü ilə açan Naxçıvan Muxtar Respublikası Səhiyyə nazirinin müavini Sona Məmmədova TİKA ilə qarşılıqlı əməkdaşlıq çərçivəsində görülən işlərdən danışıb. Bildirib ki, bu gün muxtar respublikanın səhiyyə sisteminin inkişafi, bu sahənin maddi-texniki bazasının, kadr potensialının gücləndirilməsi, infra­strukturun yenidən qurulması dövlətimizin diqqət mərkəzində saxlanılır. Tibb müəssisələrinin bilikli kadrlarla təmin olunması bu gün qarşıda duran başlıca vəzifələrdən biridir. Bu sahədə qardaş Türkiyə Respublikasının universitet və səhiyyə müəssisələri, o cümlədən TİKA ilə təcrübə mübadilələri mühüm əhəmiyyət kəsb edir.

Naxçıvan Muxtar Respublikası Səhiyyə Nazirliyinin təşkilatçılığı ilə ölkəmizin paytaxtında fəaliyyət göstərən yüksəkixtisaslı həkim briqadalarının dəvət olunaraq muxtar respublikamıza gətirilməsi və aztəminatlı ailələrdən olan xəstələrin başqa ünvanlara üz tutmadan müayinəsinin və cərrahiyyə əməliyyatlarının təşkili davam etdirilir. Bu sahədə Azərbaycan Respublikası Səhiyyə Nazirliyinin Mərkəzi Neftçilər Xəstəxanası ilə qarşılıqlı əməkdaşlıq artıq ənənə halını alıb. Xəstəxananın Ürək-damar xəstəlikləri şöbəsinin heyəti Naxçıvan Diaqnostika-Müalicə Mərkəzinin Kardiocərrahiyyə şöbəsi ilə birgə 2015-ci ilin yanvar-aprel aylarında 65 nəfərdə müayinə, 44 nəfərdə açıq ürək əməliyyatı aparıb.
Bu günlərdə kardiocərrah Seymur Musayevin rəhbərliyi ilə Naxçıvan Diaqnostika-Müalicə Mərkəzində olan heyət əvvəlcədən qeydiyyata götürülmüş risk faktorlu xəstələri müxtəlif kardioloji müayinələrdən keçirib, kardioloji ambulator müayinə və müalicələr zamanı xəstələrə tibbi məsləhət və tövsiyələr, 25 nəfər üzərində isə açıq ürək əməliyyatı aparılmasına göstəriş verilib.
Ötən şənbədən başlayaraq 16 nəfər kardioloji xəstə üzərində açıq ürək-aortakoronar şuntlama, qulaqcıqlararası defektin aradan qaldırılması, süni qapaqcıqların qoyulması, botal axacağın bağlanması kimi mürəkkəb əməliyyatlar aparılıb. Heyət xəstələrdə müşahidə olunan gizli ürək xəstəlikləri və onların risk amillərini araşdırır, ürək xəstəliyi aşkarlanan xəstələrin sonrakı müayinə və müalicələrini diqqət mərkəzində saxlayır.
Cərrahi əməliyyatlarda Naxçıvan Diaqnostika-Müalicə Mərkəzinin həkimləri ilə yanaşı, əməliyyat, reanimasiya, palata tibb bacıları da yaxından iştirak edirlər.

Naxçıvan Muxtar Respublikası
Səhiyyə Nazirliyinin mətbuat xidməti

Naxçıvan Muxtar Respublikası Səhiyyə Nazirliyinin iş planına uyğun olaraq, təhsil müəssisələrində çalışan qadınlar arasında süd vəzi xərçəngönü xəstəliklər üzrə kütləvi profilaktik tibbi müayinələr davam etdirilir.
Naxçıvan Muxtar Respublikası Onkoloji Mərkəzin həkim-onkoloqları tərəfindən son iki ildə Naxçıvan şəhəri, Şərur, Sədərək, Şahbuz, Babək, Kəngərli və Culfa rayonları üzrə 2000-dən çox qadın təhsil işçisinin profilaktik müayinəsi həyata keçirilib. Müayinələr zamanı 85 qadında fibroadenoma, mastopatiya və digər patologiyalar aşkar edilərək onlar Onkoloji Mərkəzə dəvət olunublar və mammoqrafiya müayinəsindən keçirilərək diaqnozları dəqiqləşdirilib, müvafiq müalicələr təyin edilib.
Yaz mövsümünün profilaktik tibbi müayinələrinə Ordubad rayonunda start verən Onkoloji Mərkəz artıq Ordubad şəhərində, Dəstə, Kotam, Əndəmic, Əylis, Nüsnüs kənd tam orta məktəblərində çalışan qadın təhsil işçilərini müayinələrdən keçirib.
Mayın 20-də isə Dırnıs, Vənənd, Xanağa, Kələki, Unus, Pəzməri və Vələver kənd məktəblərində çalışan qadınlar keçirilən müayinə aksiyasında iştirak ediblər. Bu məktəblərdə 175 qadın təhsil işçisi müayinədən keçib, 6 nəfər mastopatiya və digər patologiyalar aşkar edilərək Onkoloji Mərkəzə dəvət olunub. Bütövlükdə isə mövsüm ərzində Ordubad rayonunun tam orta məktəblərində 454 qadın təhsil işçisi müayinədən keçirilib, 22 nəfər dispanser qeydiyyatına alınıb.
Rayonun şəhər və kənd məktəblərində qadın təhsil heyətinin profilaktik tibbi müayinələrini ayda üç dəfə həyata keçirməklə ilin sonuna qədər başa çatdırmaq nəzərdə tutulub.

Naxçıvan Muxtar Respublikası Səhiyyə
Nazirliyinin mətbuat xidməti

Mayın 19-da Naxçıvan Muxtar Respublikası Səhiyyə Nazirliyi və Bakı şəhərində fəaliyyət göstərən “Bioloji təbabət” klinikasının təşkilatçılığı ilə Şərur Rayon Mərkəzi Xəstəxanasında “Bioloji təbabətin aktual problemləri” mövzusunda elmi-praktik seminar keçirilib.
Şərur, Kəngərli və Sədərək rayonlarındakı mərkəzi xəstəxanaların həkimlərinin iştirak etdikləri tədbiri Naxçıvan Muxtar Respublikası Səhiyyə Nazirliyinin Tibbi yardımın təşkili şöbəsinin baş məsləhətçi-pediatrı, Azərbaycan Respublikasının Əməkdar həkimi İbrahim Ağayev açaraq bildirib ki, səhiyyə sisteminin günün tələblərinə uyğunlaşdırılması, müasir tibb strukturunun yaradılması muxtar respublikada həyata keçirilən sosial islahatların mühüm tərkib hissəsidir. Bunun nəticəsidir ki, istər Naxçıvan şəhərində, istərsə də ən ucqar dağ kəndlərində əhaliyə nümunəvi tibbi xidmət göstərilir. Tibb müəssisələri üçün yeni binalar tikilir, səhiyyə ocaqları müasir tibbi avadanlıqlarla təchiz edilir. Həmçinin həkimlərin peşə vərdişlərinin artırılması məqsədilə seminar və konfransların keçirilməsi diqqət mərkəzində saxlanılır. Bu gün keçirilən növbəti seminar da həmin tədbirlərin davamıdır.

Muxtar respublikamızda praktik tibb və ya əczaçılıq fəaliyyəti ilə məşğul olan səhiyyə mütəxəssislərinin sertifikasiya prosesi davam etdirilir.
Növbəti test imtahanında stomatologiya, kardiologiya, nevrologiya, endokrinologiya, şüa diaqnostikası, terapiya, dermatovenerologiya, ginekologiya – bütövlükdə, 11 ixtisas üzrə həkimlər öz bilik və bacarıqlarını sınamışlar.
Naxçıvan Muxtar Respublikası Səhiyyə Nazirliyi sertifikasiya imtahan şurasının sədri Süleyman Cəfərov tibb işçilərinin sertifikasiyasını kadr potensialının gücləndirilməsi istiqamətində ən önəmli addımlardan biri kimi dəyərləndirərək demişdir ki, sertifikasiya əhaliyə keyfiyyətli səhiyyə xidmətinin göstərilməsi, praktik tibb və ya əczaçılıq fəaliyyəti ilə məşğul olan şəxslərin peşəkarlıq səviyyəsinin və peşə yararlılığının artırılması məqsədilə həyata keçirilir. Bu, həkim və orta tibb işçilərinin nəzəri, eləcə də təcrübi bilik və bacarıqlarını daha da artırmalarına imkan yaradacaqdır.
Naxçıvan Muxtar Respublikası Səhiyyə Nazirliyində test imtahanı üçün əvvəlcədən 1000 sual tərtib edilərək kompüterə yerləşdirilmişdir. Azərbaycan Respublikası Tələbə Qəbulu üzrə Dövlət Komissiyasının Naxçıvan Muxtar Respublikası Regional Bölməsi nümayəndəsinin iştirakı ilə test bankından hər variant üzrə 100 sual seçilərək imtahanda iştirak edən 36 tibb işçisinə paylanmış, 3 saat davam edən imtahanın şəffaf, tam obyektiv şəraitdə keçirilməsi təmin edilmişdir.
İmtahanda 5 nəfər 60-70, 7 nəfər 70-80, 10 nəfər 80-90, 14 nəfər isə 90-100 arası bal toplamışdır ki, bu da əvvəlki imtahanlara nisbətən ən yüksək nəticədir.
Sertifikasiya prosesinin müsahibə mərhələsi növbəti on gün ərzində keçiriləcək və bu mərhələdə də uğur qazananlar növbəti beş il üçün sertifikat alacaqlar.

Xəbərlər şöbəsi

Muxtar respublikada əhaliyə göstərilən səhiyyə xidmətinin səviyyəsi ilbəil yüksəldilir. Səhiyyə infrastrukturunun yenilənməsi əhalinin sağlamlığının qorunması işində əsaslı dönüşə səbəb olmuşdur. Müasir tibb ocaqlarının tikilib istifadəyə verilməsi, insanların sağlamlığının yaxşılaşdırılması, əhalinin bütün təbəqələrinin keyfiyyətli tibbi xidmətlə təmin edilməsi diqqət mərkəzində saxlanılır. Bununla yanaşı, yüksəkixtisaslı həkim briqadalarının mütəmadi olaraq muxtar respublikaya gəlməsi də aztəminatlı ailələrdən olan xəstələrin müayinə və müalicəsinə hərtərəfli şərait yaradır.
Ümummilli lider Heydər Əliyevin anadan olmasının 92-ci ildönümü münasibətilə Bakı şəhərində yerləşən Akademik Mirqasımov adına Respublika Klinik Xəstəxanasının 24 nəfərdən ibarət həkim briqadası mayın 7-10-da Ordubad Rayon Mərkəzi Xəstəxanasında əhalini tibbi müayinədən keçirmişdir. Akademik Mirqasımov adına Respublika Klinik Xəstəxanasının baş həkimi Telman İbadovun rəhbərliyi ilə yüksəkixtisaslı həkimlər 3 günlük aksiya müddətində 2478 nəfəri müayinə etmiş, 84 nəfərdə müxtəlif cərrahi əməliyyatlar aparmışlar.

Xəbərlər şöbəsi

Ölkəmizin paytaxtı Bakı şəhərindən müxtəlif ixtisaslar üzrə həkim briqadalarının dəvət olunaraq muxtar respublikamıza gətirilməsi, aztəminatlı ailələr üçün nəzərdə tutulmuş xüsusi sağlamlıq layihələrinin intensiv qaydada icra olunması davam etdirilir.
Ulu öndər Heydər Əliyevin anadan olmasının 92-ci ildönümü münasibətilə Respublika Klinik Xəstəxanasının yüksəkixtisaslı həkim heyəti may ayının 7-dən Ordubad rayonunda növbəti humanitar aksiyaya start verib. Ordubad Rayon Mərkəzi Xəstəxanasında təşkil olunan aksiyada Klinik Xəstəxananın baş həkimi Telman İbadovun rəhbərliyi ilə 20 yüksəkixtisaslı həkim və orta tibb işçisi iştirak edir. Onlardan travmatoloq Natiq Əliyev, cərrah Pənah Hüseynov, anestezioloq Azər Əhmədov, proktoloq Məsmə Həsənova, kardioloq Gülşən Ağamirova, mama-ginekoloq Kənarə Abdullayeva, otolarinqoloq Sahib Səmədov, nevropatoloq Mehparə Qədimova, terapevt Fəxrəddin Cəfərov və başqalarının səyi ilə aksiyanın ilk günü 560 pasiyent profilaktik tibbi müayinə ilə əhatə edilib, cərrahi müdaxiləyə ehtiyacı olan 18 xəstə üzərində LOR, göz və ümumi cərrahi əməliyyatlar aparılıb.

Muxtar respublikamızda yoluxucu xəstəliklərlə mübarizə işi səhiyyənin prioritet sahələrindən biridir. Əhalinin hər bir təbəqəsinin xəstələnmə və ölüm səviyyəsinin azaldılmasına yönəldilmiş immunprofilaktikaya dair çox vacib proqramların həyata keçirilməsi də bunu təsdiq edir. Nəticədə, bir sıra xəstəliklərin yayılma səviyyəsi xeyli azalıb, bir neçə infeksion patologiya isə tam ləğv olunub.
Hazırda bu sahədə tədbirlər uğurla davam etdirilir. Muxtar respublikanın səhiyyə müəssisələrində çalışan tibb işçiləri həm obliqat, həm də risk qrupuna (xüsusilə ginekologiya, stomatologiya, cərrahiyyə, hemodializ, laboratoriya şöbələrinin işçiləri) daxil olduqları üçün onların qanla keçə bilən yoluxucu xəstəliklərlə, o cümlədən B və C hepatit virusuna yoluxma ehtimalı daha çoxdur. Odur ki, bu təhlükəli virus infeksiyası ilə qarşılaşmamaq üçün tibb işçiləri ildə iki dəfə qan nümunələri götürülərək müayinəyə cəlb olunurlar.

Səhiyyə sistemində tibbi xidmətin əhatə dairəsinin genişləndirilməsi, əhalinin hər bir təbəqəsinin keyfiyyətli tibbi xidmətlə əhatə olunması aprel ayında diqqət mərkəzində saxlanılmış, Naxçıvan Muxtar Respublikası Səhiyyə Nazirliyinin iş planına uyğun olaraq, bu istiqamətdə ardıcıl tədbirlər həyata keçirilmişdir.

Aprel ayında aparılan genişmiqyaslı quruculuq işləri səhiyyə sahəsini də əhatə etmiş, Şərur rayonunun Cəlilkənd yaşayış məntəqəsində həkim ambulatoriyası, Şahbuz rayonunun Gömür kəndində feldşer-mama məntəqəsi əhalinin istifadəsinə verilmişdir.
Azərbaycan Respublikası Səhiyyə Nazirliyi İnnovasiya və Təchizat Mərkəzindən idarəolunan yoluxucu xəstəliklərin immunoprofilaktikası məqsədilə peyvənd materialları, hepatit əleyhinə vaksinlər, öz-özünü məhv edən şpris və işlənmiş materialları yığmaq üçün konteyner gətirilmişdir.

Naxçıvan Muxtar Respublikası Səhiyyə Nazirliyinin iş planına uyğun olaraq, təhsil müəssisələrində çalışan qadınlar arasında süd vəzi xərçəngönü xəstəliklərinin aşkar edilməsi üçün kütləvi profilaktik tibbi müayinələr davam etdirilir.
Naxçıvan Muxtar Respublikası Onkoloji Mərkəzin həkim-onkoloqları tərəfindən son iki ildə Naxçıvan şəhəri, Şərur, Sədərək, Şahbuz, Babək, Kəngərli və Culfa rayonları üzrə 2000-dən çox qadın təhsil işçisinin süd vəzinin profilaktik müayinəsi həyata keçirilib. Müayinələr zamanı 85 qadının süd vəzində fibroadenoma, mastopatiya və digər patologiyalar aşkar edilərək onlar Onkoloji Mərkəzə dəvət olunub və mammoqrafiya müayinəsindən keçirilərək diaqnozları dəqiqləşdirilib, müvafiq müalicələr təyin edilib.
Yaz mövsümünün profilaktik tibbi müayinələrinə isə Ordubad rayonundan start verilib. Dəstə kənd tam orta məktəbində keçirilən tədbirdə Onkoloji Mərkəzin baş həkimi Vladi Cabbarov bildirib ki, süd vəzi xərçənginin yaranma səbəbi elmə məlum olmasa da, yaş, irsiyyət faktorları, müxtəlif hormonal pozuntuları, piylənmə, zərərli alışqanlıqlar və digər amilləri səbəb kimi qəbul etmək olar. Lakin bu faktorlar xəstə­liyin yaranması və inkişafı üçün təhlükəli hesab edilsə də, insanlarda təşviş yaratmamalıdır. Mühüm olan xəstəliyin vaxtında aşkarlanmasıdır. 35 yaşdan sonra hər bir qadın ildə bir dəfə həkim müayinəsindən keçsə, problem erkən mərhələdə müəyyənləşdirilsə, xəstəliklə mübarizə asanlaşar və o, müvəffəqiyyətlə müalicə olunar.

Naxçıvan Muxtar Respublikası Səhiyyə Nazirliyinin iş planına uyğun olaraq, hər il yaz və payız mövsümlərində tam orta məktəblərin şagirdləri arasında profilaktika xarakteri daşıyan dərin tibbi yoxlamalar aparılır. Ötən il payız mövsümünün kütləvi profilaktik müayinələri muxtar respublikanın bütün təhsil müəssisələrini əhatə edib, 43 min 589 uşaq kompleks tibbi müayinədən keçib, 4 min 73 uşaq göz, stomatoloji, nevroloji, cərrahi, dəri-zöhrəvi və digər xəstəliklərin ilkin əlamətlərinə görə əlavə və təkrar yoxlanmalar üçün xəstəxanaya – stasionara dəvət edilib. Sonrakı mərhələdə müayinələr zamanı ehtiyac olan hallarda xəstə uşaqların daha yüksək­ixtisaslı mütəxəssis həkimlər (ftiziatr, kardioloq, nevropatoloq, dermatoloq, uroloq və sair) tərəfindən konsultasiyası, zəruri hallarda isə stasionar müalicəsi təşkil olunub.

Muxtar respublika əhalisinin sağlamlığının mühafizəsi, dispanserizasiya işinin yaxşılaşdırılması məqsədilə həkim briqadaları şəhər, qəsəbə və kəndlərdə, ümumtəhsil məktəblərində kütləvi profilaktik müayinələri davam etdirirlər.
Naxçıvan Muxtar Respublikası Səhiyyə Nazirliyinin həkim briqadası ənənəni davam etdirərək Şərur rayonunun Danyeri kəndindəki yeni quruculuq ünvanlarından olan ikimərtəbəli həkim ambulatoriyasında əhalini profilaktik müayinələrdən keçirib. Yüksəkixtisaslı həkimlərdən – terapevt, pediatr, cərrahlardan ibarət briqada ultrasəs və müayinə aparatları ilə təchiz edilib. Kənd ambulatoriyasının tibb işçilərinin də fəal iştirakı ilə həkim briqadası tərəfindən gün ərzində 18 terapevtik, 24 pediatrik, 22 kardioloji, 14 cərrahi müayinə aparılıb. Aşkar olunan ilkin xəstələrin müvafiq səhiyyə müəssisələrində dərin tibbi müayinələrə cəlb edilməsi məsləhət görülüb, onlara ambulator kartlar açılıb. İki nəfərdə hipertoniya, 1 nəfərdə stenokardiya, 1 nəfərdə xroniki beyin qan dövranı çatışmazlığı, 2 uşaqda anemiya, 1 uşaqda revmatizm müşahidə edildiyindən onlar dispanser qeydiyyatına götürülüb, kənd üzrə dispanser qeydiyyatında duran xroniki xəstələrin sayı dəqiqləşdirilib. Əhali arasında ürək-damar, yoluxucu, dəri-zöhrəvi, şəkərli diabet, onkoloji, vərəm, göz, ginekoloji xəstəliklər, uşaqların düzgün qidalanması, ana südünün əhəmiyyəti, qohumluq nikahının və zərərli vərdişlərin hamiləliyə ziyanı barədə səhiyyə maarifi işləri aparılıb, xəstəliklərin profilaktikası ilə bağlı tibbi məsləhətlər verilib.

Naxçıvan Muxtar Respublikası
Səhiyyə Nazirliyinin mətbuat xidməti

Uşaqlarda eşitmənin qismən və ya tam itirilməsi əqli inkişafın zəifləməsinə səbəb olur, onlarda nitq pozğunluğu yaranır. Bu problemə muxtar respublikamızda da rast gəlinir. Odur ki, Naxçıvan Muxtar Respublikası Doğum Mərkəzi istifadəyə veriləndən burada audiometriya kabinəsi fəaliyyət göstərir. Yenidoğulmuşların digər tibbi müayinələri ilə yanaşı, eşitmə qabiliyyətləri də yoxlanılıb müvafiq təyinatlar verilir. Türkiyə Respublikasının Ankara və Ərzurum şəhərlərinin tanınmış klinikalarında kurs keçmiş Zəminə Əliyeva həmin sahə üzrə yenidoğulmuşlara tibbi xidmət göstərir.

 Naxçıvan Muxtar Respublikası Stomatoloji Mərkəzində “Stomatoloji innovasiyalar” mövzusunda elmi-praktik konfrans keçirilib. Konfransda  Naxçıvan Muxtar Respublikası Səhiyyə Nazirliyinin əməkdaşları, Stomatoloji Mərkəzin həkim heyəti, səhiyyə müəssisələrində fəaliyyət göstərən həkim-stomatoloqlar və Naxçıvan Dövlət Universiteti Tibb fakültəsinin tələbələri iştirak ediblər.

Konfransı giriş sözü ilə açan Naxçıvan Muxtar Respublikası Səhiyyə nazirinin müavini Sona Məmmədova bildirib ki, əhalinin sağlamlığının qorunması, tibbi xidmətin keyfiyyətinin daha da yaxşılaşdırılması həyata keçirilən sosial-iqtisadi siyasətin başlıca istiqamətlərindən olaraq daim dövlətin diqqət mərkəzindədir. Son illər muxtar respublikada səhiyyə sahəsində aparılan islahatlar nəticəsində əhalinin sağlamlığının qorunması istiqamətində bir sıra mühüm işlər görülüb, o cümlədən tibb müəssisələrinin maddi-texniki bazası əhəmiyyətli dərəcədə yaxşılaşdırılıb, yeni-yeni tibb müəssisələri tikilərək istifadəyə verilib. Bütün bunlarla bərabər, həmin müəssisələrin kadr təminatı da diqqət mərkəzində saxlanılır, həkimlərin peşə vərdişlərinin yüksəldilməsi məqsədilə ardıcıl iş aparılır.

Naxçıvan Diaqnostika-Müalicə Mərkəzinin tibb işçiləri bölgələrdə cərrahi əməliyyatları uğurla davam etdirirlər. Yeni səhiyyə müəssisələrindən olan Culfa Rayon Mərkəzi Xəstəxanasında da cərrahiyyə əməliyyatları aparılır. Naxçıvan Diaqnostika-Müalicə Mərkəzinin cərrahları və əməliy­yat blokunun tam heyəti ötən şənbə bu səhiyyə müəssisəsində olub, əvvəlcədən növbəyə alınmış xəstələri müayinə edib, tövsiyələr veriblər. Cərrahi müdaxiləyə ehtiyacı olan 30 nəfər üzərində uroloji, proktoloji qiqant, yırtıq, öd kisəsi əməliyyatları aparılıb. Əməliyyatlar uğurla başa çatdırılıb, xəstələr 1 günlük müşahidədən sonra evlərinə buraxılıblar.
Naxçıvan Diaqnostika-Müalicə Mərkəzinin həkim və tibb işçiləri yerli həkimlərlə tibbi avadanlıqların işləmə qaydaları haqqında söhbətlər aparıblar.
Mərkəzin əməliyyat bloku digər rayonlarda da ucqar dağ və sərhəd kəndlərini əhatə etməklə cərrahiyyə əməliyyatları davam etdirəcəkdir.

Naxçıvan Muxtar Respublikası
Səhiyyə Nazirliyinin mətbuat xidməti

Naxçıvan Muxtar Respublikası Səhiyyə Nazirliyinin təşkilatçılığı ilə Azərbaycan Pediatrlar Assosiasiyası və Naxçıvan Dövlət Universiteti ilə birgə “Pediatriyanın aktual problemləri” mövzusunda elmi-praktik konfrans keçirilib.
Naxçıvan Muxtar Respublikası Səhiyyə Nazirliyi Tibbi yardımın təşkili şöbəsinin baş məsləhətçi-pediatrı, Azərbaycan Respublikasının Əməkdar həkimi İbrahim Ağayev muxtar respublikada uşaqların sağlamlığına göstərilən diqqət və qayğıdan danışıb.

Son illər uşaqların, xüsusən məktəbyaşlı uşaqların sağlamlığının qorunmasına, onların müayinə və müalicələrinə, dispanserizasiyasının təşkilinə xüsusi diqqət yetirilir. Bu məqsədlə Naxçıvan Muxtar Respublikası Səhiyyə Nazirliyinin iş planına uyğun olaraq, hər il yaz və payız mövsümlərində tam orta məktəblərin şagirdləri arasında profilaktika xarakteri daşıyan dərin tibbi yoxlamalar aparılır. Ötən il payız mövsümünün kütləvi profilaktik müayinələri muxtar respublikanın bütün təhsil müəssisələrini əhatə edib, 43 min 589 uşaq kompleks tibbi müayinədən keçib, 4 min 73 uşaq göz, stomatoloji, nevroloji, cərrahi, dəri-zöhrəvi və digər xəstəliklərin ilkin əlamətlərinə görə əlavə və təkrar yoxlanmalar üçün xəstəxanaya – stasionara dəvət edilib. Sonrakı mərhələdə müayinələr zamanı ehtiyac olan hallarda xəstə uşaqların daha yüksəkixtisaslı mütəxəssis həkimlər (ftiziatr, kardioloq, nevropatoloq, dermatoloq, uroloq və sair) tərəfindən konsultasiyası, zəruri hallarda isə stasionar müalicəsi təşkil olunub.

Naxçıvan Muxtar Respublikası Səhiyyə Nazirliyinin təşkilatçılığı ilə ölkəmizin paytaxtında fəaliyyət göstərən yüksəkixtisaslı həkim briqadalarının dəvət olunaraq muxtar respublikamıza gətirilməsi və aztəminatlı ailələrdən olan xəstələrin başqa ünvanlara üz tutmadan müayinəsinin və cərrahiyyə əməliyyatlarının təşkili davam etdirilir. Bu sahədə Azərbaycan Səhiyyə Nazirliyinin Mərkəzi Neftçilər Xəstəxanası ilə qarşılıqlı əməkdaşlıq artıq ənənə halını alıb.

1948-ci il aprelin 7-də Ümumdünya Səhiyyə Təşkilatı fəaliyyətə başlamışdır. Həmin tarixdən etibarən hər il aprelin 7-si “Ümumdünya Sağlamlıq Günü” kimi qeyd olunur.

Əsası ulu öndər Heydər Əliyev tərəfindən ötən əsrin 70-ci illərində qoyulan səhiyyə islahatları ölkəmiz müstəqillik qazandıqdan və dahi şəxsiyyətin ali hakimiyyətə ikinci qayıdışından sonra inkişaf etdirilmiş, müasir tibb ocaqları tikilərək istifadəyə verilmişdir. Ulu öndərin müxtəlif vaxtlarda imzaladığı fərman və sərəncamlarla bu sahənin qanunvericilik bazası təkmilləşdirilmiş, əhaliyə göstərilən səhiyyə xidmətinin keyfiyyəti yüksəldilmişdir. Səhiyyəni cəmiyyət və dövlət həyatında mühüm sahə kimi qiymətləndirən ümummilli liderimiz demişdir: “Səhiyyə bizim üçün, hər bir cəmiyyət və dövlət üçün çox lazımlı, həyatın bütün sahələrini əhatə edən sahədir. Onun inkişafı üçün zəruri tədbirlər görülüb və gələcəkdə də görüləcəkdir”.

Hər il martın 24-də dünya ictimaiyyəti Beynəlxalq Vərəmlə Mübarizə Gününü qeyd edir. Ümumdünya Səhiyyə Təşkilatının (ÜST) təşəbbüsü ilə 1993-cü ildən başlayaraq keçirilən Beynəlxalq Vərəmlə Mübarizə Gününün məqsədi qlobal vərəm epidemiyası haqqında məlumatlılığı artırmaq və bu xəstəliyin aradan qaldırılması istiqamətində səyləri gücləndirməkdir.
Naxçıvan Muxtar Respublikası Səhiyyə Nazirliyinin iş planına uyğun olaraq, mart ayında Beynəlxalq Vərəmlə Mübarizə Gününə həsr edilmiş tədbirlər keçirilib. Martın 19-da Naxçıvan Muxtar Respublikası Ağciyər Xəstəlikləri Dispanseri Naxçıvan Tibb Kolleci ilə birgə elmi-praktik seminar keçirib.
Kollecin direktoru İlhamə Mustafayeva tədbiri giriş sözü ilə açaraq mövzunun aktuallığı barədə danışıb. Dispanserin baş həkimi İlqar Rzayev “Uşaq və yeniyetmələrdə vərəm intoksikasiyası”, təşkilati-metodik kabinənin müdiri Məmməd­əli Ələkbərov “Vərəmin aşkarlanma strategiyası”, profilaktik kabinə müdiri Əbülfəz Məmmədov “Vərəm xəstə­liyinin profilaktikası” mövzularında çıxış ediblər.
Seminarda bildirilib ki, belə bir günün qeyd edilməsi üçün martın 24-ü təsadüfən seçilməyib. 1882-ci ildə məhz həmin gün alman mikrobioloqu Robert Kox vərəmi törədən mikrobları kəşf etdiyini elan edib. Statistikaya görə, vərəm hər il 1,6 milyon insanın həyatına son qoyur. Təəssüf ki, vərəm gecikmiş mərhələdə qarşısı alına bilməyən xəstəlikdir. Lakin bu mübarizəni bir an belə dayandırmadan müəyyən sabitliyə nail olmaq mümkündür. Bunun üçün əhalinin vərəm xəstəliyi ilə bağlı məlumatlılıq səviyyəsini artırmaq, insanlar arasında maarifləndirmə işi aparmaq vacibdir.

Martın 17-də – ilaxır çərşənbə günü Naxçıvan Muxtar Respublikası Psixi Xəstə­liklər Dispanseri, Körpələr Evi və Ailələrə Dəstək Mərkəzi, Ağciyər Xəstəlikləri Dispanserində yazın gəlişini müjdələyən Novruz bayramı ərəfəsində bayram süfrəsi açılıb.
Qədim adət-ənənələrimizə uyğun xonça, bərəkətli torpaqlarımızın şirin bəhrəsi olan dadlı meyvələr, səməni, şəkərbura, paxlava, şərbətlər, milli içkilər, müxtəlif rənglərdə boyanmış yumurtalarla bəzədilmiş plov süfrəsi başında vurğulandı ki, Novruz hər bir azərbaycanlının qəlbinin bayramıdır, hər bir insanın, ailənin bayramıdır, müstəqil Azərbaycan Respublikasının bayramıdır.

Naxçıvan Muxtar Respublikası Səhiyyə Nazirliyinin və Stomatoloji Mərkəzin iş planına uyğun olaraq, muxtar respublikamızda bütün məktəbəqədər və məktəbyaşlı uşaqlar arasında ildə iki dəfə stomatoloji müayinələrin aparılması nəzərdə tutulub. Bu məqsədlə Naxçıvan Muxtar Respublikası Stomatoloji Mərkəzdə 6 həkim və 6 tibb bacısından ibarət briqada yaradılıb. Yanvarın 22-də start verilən ilkin mərhələnin profilaktik tədbirləri hazırda uğurla davam etdirilir.

Naxçıvan Muxtar Respublikası Səhiyyə Nazirliyinin ölkəmizin paytaxtında fəaliyyət göstərən tanınmış tibb müəssisələri ilə qarşılıqlı əlaqələri, son nəticədə, xəstələrin başqa ünvanlara üz tutmadan yerli şəraitdə müayinə və müalicələrinə mühüm töhfələr verir. Onların iştirakı ilə aksiyalar təşkil olunaraq müayinələr aparılır, müxtəlif cərrahi, o cümlədən laparoskopik, LOR, TUR, kardiocərrahiyyə, oftalmoloji, transplantasiya, damar əməliyyatları həyata keçirilir. 

Fevral ayında muxtar respublikamızda epidemioloji vəziyyət sabit olmuş, zəhərlənmələr baş verməmiş, infeksiya ocaqlarında profilaktik və epidemiya əleyhinə tədbirlər həyata keçirilmişdir.
Yeni doğulmuş uşaqların 96,1 faizi idarəolunan yoluxucu xəstəliklərə görə peyvənd almışdır. Mövsümi xəstəliklərin və zəhərlənmələrin qarşısını almaq məqsədilə qidalanma sənayesi, kommunal, ictimai-iaşə, ticarət, su təchizatı, müalicə-profilaktika müəssisələrinin rəhbərlərinə müvafiq göstərişlər verilmiş, su təchizatı sistemlərində, ictimai, inzibati və fərdi binalarda, tullantı və çirkab suları axıdılan yerlərdə, məişət tullantıları qoyulan meydançalarda 15908 kvadratmetr dezinfeksiya tədbirləri həyata keçirilmişdir.
İstehsal olunmuş məhsulların sertifikatlaşdırılması işi Naxçıvan Muxtar Respublikası Standartlaşdırma, Metrologiya və Patent üzrə Dövlət Komitəsi ilə birgə aparılmış, 36 məhsul sertifikatlaşdırılmışdır.
Ay ərzində bakterioloji laboratoriya fəaliyyətini davam etdirmiş, 46 su, 284 yuyuntu nümunələrinin, 412 digər nümunələrin müayinələri aparılmışdır.
Obliqat qrupların bakterioloji müayinələri diqqət mərkəzində saxlanılmış, səhiyyə üzrə 203, təhsil üzrə 191, qidalanma sənayesi, ictimai-iaşə və ticarət üzrə 263, kommunal sahələr üzrə 68, sürücülük üzrə 120 nəfər olmaqla, bütövlükdə, 845 nəfər müayinədən keçmişdir.
Radioloji qrup tərəfindən 12 yerdə gündəlik olaraq radioloji ölçmələr aparılmış, təbii fon şüalanması yol verilən hədd daxilində olmuşdur. Qidalanma gigiyenası laboratoriyasında 81 nümunədə 324 müayinə aparılmış, o cümlədən yerli istehsal olan xörək duzu nümunələrində yodun, həmçinin 8 un nümunəsində bəsit elektrolit dəmir preparatlarının tələbata uyğunluğu müəyyən edilmişdir.

Tibbi biliklərin yüksək səviyyədə olması sağlam cəmiyyətin yaradılması işində vacib amildir. Bu amil isə səhiyyə maarifi işinin təşkilindən xeyli dərəcədə asılıdır. Əhalinin təhlükəsiz həyat sürməsinə, sağlamlığın yaxşılaşdırılması və xəstə­liklərin sayının azaldılmasına, eləcə də psixi sağlamlığın qorunması, ilk yardım vərdişlərinin aşılanmasına yönəldilən tədbirlər səhiyyə maarifi işinin əsasını təşkil edir. Bu məqsədlə muxtar respublikamızın səhiyyə işçiləri əhalinin müxtəlif təbəqələri ilə qarşılıqlı əlaqələr yaradır, onlarla söhbətlər aparır, təlim-məşğələlər təşkil edirlər.

Son illər 40-45 yaşlı insanlarda ürəyin işemik xəstəlikləri, hipertoniya, şəkərli diabet, onkoloji və digər xəstəliklərin yaranma riski artdığından onlar arasında  profilaktik müayinə tədbirlərinin aparılması  xüsusi əhəmiyyət kəsb edir. Belə hallar nəzərə alınaraq muxtar respublikamızda 40-45 yaşlı əhalinin kütləvi dispanserizasiyası həyata  keçiriləcəkdir.  

40-45 yaşlı əhalinin kütləvi profilaktik tibbi müayinəsini aparmaq üçün Zərifə xanım Əliyeva adına Naxçıvan Şəhər Poliklinikasında və rayon mərkəzi xəstəxanalarında terapevt, cərrah, ginekoloq, stomatoloq, oftalmoloqlardan ibarət həkim briqadaları yaradılır və onların iş qrafiki tərtib edilir. Həmin qrafikə uyğun olaraq, bu il aprelin 1-dən şəhər və rayonlarda 40-45 yaşlı əhalinin kütləvi profilaktik tibbi müayinələrinə başlanılacaq, ehtiyac olan hallarda xəstələrə yüksəkixtisaslı həkimlərin, o cümlədən nevropatoloq, psixiatr, endokrinoloq, uroloq, ftiziatr, kardioloq və başqalarının konsultasiyası və laborator-diaqnostik müayinələr təşkil ediləcəkdir.
Aşkar olunan xəstələrin sayı dəqiqləşdirilərək hər ay muxtar respublika Səhiyyə Nazirliyinə yazılı məlumat təqdim olunacaq, dispanser xəstələrin müayinə və müalicəsi işinə nəzarət daha da artırılaraq aşkar olunan ilkin xəstələrin siyahısı bölgələr üzrə dəqiqləşdiriləcəkdir.
Dispanserizasiya tədbirləri iyulun 30-da başa catdırılacaq və müayinələrin nəticələri Naxçıvan Muxtar Respublikası Səhiyyə Nazirliyində təhlil ediləcək.

Naxçıvan Muxtar Respublikası Səhiyyə Nazirliyinin mətbuat xidməti

Muxtar respublikanın səhiyyə müəssisələrində çalışan tibb işçiləri həm obliqat, həm də risk qrupuna (xüsusilə ginekologiya, stomatologiya, cərrahiyyə, hemodializ, laboratoriya şöbələrinin işçiləri) daxil olduqları üçün onların hepatit B virusuna yoluxma ehtimalı daha çoxdur. Odur ki, bu təhlükəli virus infeksiyası ilə qarşılaşmamaq üçün tibb işçilərinin hepatit B vaksini ilə immunlaşdırılması məqsədilə bu il fevralın 1-dən başlayaraq onların hepatit B vaksini ilə immunlaşdırılması işi həyata keçirilib. Hepatit B vaksininin vurulması üçün rayon mərkəzi xəstəxanalarında üç, Akademik Zərifə xanım Əliyeva adına Naxçıvan Şəhər Poliklinikasının dörd orta tibb işçisindən (vaksinator daxil olmaqla) ibarət briqada yaradılıb. Aksiya həm rayon mərkəzi xəstəxanalarının, həm də Naxçıvan şəhərindəki tibb müəssisələrinin işçilərini əhatə edib.

Ölkəmizin paytaxtında fəaliyyət göstərən yüksəkixtisaslı həkim briqadalarının dəvət olunaraq muxtar respublikamıza gətirilməsi və aztəminatlı ailələrdən olan xəstələrin başqa ünvanlara üz tutmadan müayinəsinin və cərrahiyyə əməliyyatlarının təşkili artıq ənənə halını almışdır.
Bölgədə analoqu olmayan Naxçıvan Diaqnostika-Müalicə Mərkəzində qurulmuş müasir tibbi avadanlıq və cihazlar, yaradılmış şərait burada mürəkkəb cərrahi əməliyyatların aparılmasına imkan verir. Yüksəkixtisaslı həkim briqadaları yerli həkimlərlə birgə hər il çoxlu sayda göz, TUR, açıq ürək, neyrocərrahi, travmatoloji, uroloji, invaziv yolla ürək əməliyyatlarını uğurla həyata keçirirlər.

Fevralın 27-də Naxçıvan Muxtar Respublikası Səhiyyə Nazirliyində 2014-cü ilin yekunları və qarşıda duran vəzifələrə həsr edilmiş kollegiya iclası keçirilib.
İclası Səhiyyə naziri Niyazi Novruzov açaraq 2014-cü ildə səhiyyə sistemində görülən işlərdən danışıb. Bildirib ki, ötən il 13 səhiyyə müəssisəsi istifadəyə verilib, 6 obyekt isə cari ildə istifadəyə verilməsi üçün hazırlanıb. Prezident İlham Əliyevin Kəngərli Rayon Mərkəzi Xəstəxanasının əsaslı yenidənqurma və təmirdən sonra açılışında iştirakı muxtar respublika səhiyyəsi üçün yaddaqalan, əlamətdar hadisədir.

Muxtar respublikamızda praktik tibb və ya əczaçılıq fəaliyyəti ilə məşğul olan səhiyyə mütəxəssislərinin sertifikasiya prosesi davam etdirilir. Məlum olduğu kimi, praktik tibb və ya əczaçılıq fəaliyyəti ilə məşğul olan şəxslərin sertifikasiyasının aparılmasına 2011-ci ilin sentyabr ayından başlanmış və ötən dövr ərzində imtahanlarda iştirak edən 530 həkimdən 482-si, 298 orta tibb işçisindən 135-i şəffaf şəraitdə test imtahanlarını verib, müsahibə mərhələsini də uğurla başa vuraraq növbəti beş il üçün sertifikat alıblar. Ötən ilin son rübündə isə sertifikasiya test imtahanlarında uğurlu nəticə qazanan 186 laborant və orta tibb işçisi müsahibə mərhələsinə buraxılıb.

Naxçıvan Muxtar Respublikası Ağciyər Xəstəlikləri Dispanseri tərəfindən əvvəllər vərəmli xəstələrin qeydə alındığı yaşayış məntəqələrinin tam orta məktəblərində aşkarlanmış ilkin vərəm intoksikasiyalı uşaqları vaxtında müayinə və müalicəyə cəlb etmək üçün bu il fevral ayının 2-dən I-IV sinif şagirdləri arasında mantu sınağı aparılıb. Bunun üçün əvvəlcədən zəruri təşkilati tədbirlər həyata keçirilib, mantu sınağına cəlb edilən məktəblərdə şagirdlərin siyahıları tərtib olunub, ərazi prinsipi üzrə yaradılmış bir həkim və iki tibb işçisindən ibarət xüsusi briqadalar bu mühüm profilaktik tədbiri nəzərdə tutulan vaxtda başa çatdırıblar.

Muxtar respublikanın səhiyyə müəssisələrində çalışan və risk qrupuna daxil olan ginekologiya, stomatologiya, cərrahiyyə, hemodializ, laboratoriya şöbələri işçilərinin, eləcə də obliqat qruplarının hepatit B infeksiyasına qarşı immunlaşdırma aylığı davam edir.

Fevralın 6-da start verilən bu tədbir artıq Naxçıvan Muxtar Respublika Xəstəxanası, Doğum, Diaqnostika-Müalicə, Stomatoloji, Onkoloji mərkəzlərin, Ağciyər, Psixi Xəstəliklər dispanserlərinin həkim və orta tibb işçilərini əhatə edib. Bu səhiyyə müəssisələrində 502 nəfər vaksinasiyaya cəlb olunub. Profilaktik tədbir Akademik Zərifə Əliyeva adına Naxçıvan Şəhər Poliklinikasının 4 nəfərdən ibarət vaksinator briqadası tərəfindən həyata keçirilib.

Yanvar ayında muxtar respublikamızda epidemioloji vəziyyət sabit olmuş, zəhərlənmələr baş verməmiş, infeksiya ocaqlarında profilaktik və epidemiya əleyhinə tədbirlər həyata keçirilmişdir. 

Yenidoğulmuş uşaqların 96,5 faizi idarəolunan yoluxucu xəstəliklərə görə peyvənd almışdır. Mövsümi xəstəliklərin və zəhərlənmələrin qarşısını almaq məqsədilə qidalanma sənayesi, kommunal, ictimai iaşə, ticarət, su təchizatı, müalicə-profilaktika müəssisələrinin rəhbərlərinə müvafiq göstərişlər verilmiş, su təchizatı sistemlərində, ictimai, inzibati və fərdi binalarda, tullantı və çirkab suları axıdılan yerlərdə, məişət tullantıları qoyulan meydançalarda 14616 kvadratmetr dezinfeksiya, 92 obyektdə isə 1510 kvadratmetr dezinseksiya tədbirləri həyata keçirilmişdir.

Naxçıvan Muxtar Respublikası Səhiyyə Nazirliyində Əmək və Əhalinin Sosial Müdafiəsi Nazirliyi ilə birgə iclas keçirilib. İclasda tibb müəssisələrindəki həkim-məsləhət komissiyalarının fəaliyyətinin və tibbi sosial ekspert komissiyalarına göndərişlərin vəziyyətinin daha da yaxşılaşdırılması ilə əlaqədar məsələ müzakirə edilib. Birgə iclasda pensiya və müavinətlərin dayanıqlı maliyyə təminatının formalaşdırılması ölkədə həyata keçirilən uğurlu sosial siyasətin bəhrəsi kimi dəyərləndirilib. Naxçıvan Muxtar Respublikası Səhiyyə Nazirliyi Tibbi yardımın təşkili şöbəsinin müdiri Süleyman Cəfərov tibb müəssisələrində həkim-məsləhət komissiyalarının fəaliyyəti, tibbi sosial ekspert komissiyalarına göndərişlərin vəziyyəti barədə məlumat verib.

Ölkəmizin paytaxtında fəaliyyət göstərən yüksəkixtisaslı həkim briqadalarının dəvət olunaraq muxtar respublikamıza gətirilməsi və aztəminatlı ailələrdən olan xəstələrin başqa ünvanlara üz tutmadan müayinəsinin və cərrahiyyə əməliyyatlarının burada təşkili artıq ənənə halını alıb.
Naxçıvan Diaqnostika-Müalicə Mərkəzində qurulmuş müasir tibbi avadanlıq və cihazlar, yaradılmış şərait burada mürəkkəb cərrahi əməliyyatların aparılmasına imkan verir. Yüksəkixtisaslı həkim briqadaları yerli həkimlərlə birgə hər il göz, TUR, açıq ürək, neyrocərrahi, travmatoloji, uroloji, invaziv yolla ürək əməliyyatlarını uğurla həyata keçirirlər.
Mərkəzi Neftçilər Xəstəxanası Ürək-damar xəstəlikləri şöbəsinin 9 nəfərlik heyəti Naxçıvan Muxtar Respublikası Səhiyyə Nazirliyinin təşkilatçılığı ilə bu il ikinci dəfə – fevralın 7-dən 10-dək Naxçıvan Diaqnostika-Müalicə Mərkəzində olub, yerli həkimlər tərəfindən müayinə olunaraq qeydiyyata götürülmüş və əməliyyatı planlaşdırılmış xəstələr üzərində 11 açıq ürək-aortakoronar şuntlama əməliyyatı aparıb. Kardiocərrahlardan Seymur Musayevin, Fərid Hüseynovun, Nurlana Mahmud­ovanın, Ramal Həsənovun, reanimatoloq-anestezioloq Aynurə Qasımovanın və əməliyyat tibb bacılarının təmsil edildiyi heyət xəstələri müxtəlif kardioloji müayinələrdən keçirib, xəstələrdə müşahidə olunan gizli ürək xəstəlikləri və onların risk amillərini araşdırıb, ürək xəstəliyi aşkarlanan xəstələrə tibbi məsləhət və tövsiyələr veriblər.
Cərrahi əməliyyatlarda Naxçıvan Diaqnostika-Müalicə Mərkəzinin kardiovaskulyar cərrahı İntiqam Fətullayev, reanimasiya, anestezioloji tibb bacıları da iştirak ediblər.
Akademik M.A.Topçubaşov adına Elmi-Cərrahiyyə Mərkəzinin Uşaq ürək cərrahiyyəsi şöbəsinin invaziv kardioloqu Elnur İmanov da bu müddət ərzində Diaqnostika-Müalicə Mərkəzində fəaliyyət göstərib, 12 nəfərdə exokardioqrafiya, 7 nəfərdə isə koronar angioqrafiya müayinələri aparıb.

Naxçıvan Muxtar Respublikası
Səhiyyə Nazirliyinin mətbuat xidməti

  Naxçıvan Muxtar Respublikası Səhiyyə Nazirliyinin iş planına uyğun olaraq, bu il fevral ayının 2-dən 16-dək muxtar respublika ərazisində seçmə üsulu ilə müəyyən edilən yaşayış məntəqələrinin tam orta məktəblərinin I-IV sinif şagirdləri arasında mantu sınağı keçiriləcəkdir.

Məqsəd Naxçıvan Muxtar Respublikası Ağciyər Xəstəlikləri Dispanseri tərəfindən əvvəllər vərəmli xəstələrin qeydə alındığı yaşayış məntəqələrinin tam orta məktəblərində ilkin vərəm intoksikasiyalı uşaq aşkarlanarsa, onları vaxtında müayinə və müalicəyə cəlb etməkdən ibarətdir. Bunun üçün əvvəlcədən zəruri təşkilati tədbirlər həyata keçirilib, mantu sınağına cəlb ediləcək uşaqların siyahıları tərtib olunub, ərazi prinsipi üzrə bir həkim və iki tibb işçisindən ibarət xüsusi briqadalar yaradılıb.

Naxçıvan Muxtar Respublikası Səhiyyə Nazirliyi irsi qan xəstəliklərindən əziyyət çəkən və qan köçürülməsinə ehtiyacı olan digər xəstələrin müalicəsində istifadə olunmaq üçün qanvermə aksiyalarının təşkilini davam etdirir.

Belə aksiyalardan biri yanvarın 30-da Kəngərli Rayon Polis Şöbəsi şəxsi heyətinin iştirakı ilə Naxçıvan Diaqnostika-Müalicə Mərkəzində həyata keçirilib. Donorların müayinəsini və qan götürülməsini həyata keçirən qan bankının həkimi Məmmədəli Həsənov ölkəmizdə qan köçürülməsinə ehtiyacı olan xəstələrin müalicəsinə göstərilən dövlət qayğısından, bu sahədə həyata keçirilən layihələrdən danışıb.

Muxtar respublikamızda yoluxucu xəstəliklərlə mübarizə işi səhiyyənin prioritet sahələrindən biridir. Körpələrin və uşaqların xəstələnmə və ölüm səviyyəsinin azaldılmasına yönəldilmiş immunprofilaktikaya dair çox vacib proqramların həyata keçirilməsi də bunu təsdiq edir. Nəticədə, bir sıra xəstəliklərin yayılma səviyyəsi xeyli azalıb, bir neçə infeksion patologiya isə tam ləğv olunub.