Tarix göstərir ki, iqtisadiyyatın bütün sahələrinin və əhalinin bütün təbəqələrinin maraqlarını ödəyən stabil inkişaf, ilk növbədə, cəmiyyətdə bərqərar edilmiş sosial-siyasi sabitliklə bərabər, eyni zamanda davamlı olaraq həyata keçirilən məqsədyönlü idarəetmədən asılıdır. Bu idarəetmə bir-biri ilə zəncirvarı əlaqələrlə bağlı olub, məntiqi ardıcıllıqla bir-birini tamamlayan elə qərarlar sistemidir ki, onların vaxtından tez və yaxud çox gec verilməsi arzuedilən məqsədlərə çatmaqda çətinlik yarada bilər. Bu baxımdan iqtisadi inkişaf məsələləri həvalə olunmuş hər bir kəsin cəmiyyətin artan tələbatlarına cavab verə biləcək səviyyədə öz işini qurması və onu daim yeniləşdirə bilməsi müasir idarəetmə sistemi qarşısında dayanan ən mühüm keyfiyyət tələblərindəndir.

Naxçıvan Muxtar Respublikası Kənd Təsərrüfatı Nazirliyi növbəti tarla seminar müşavirəsini Şərur rayonunun Xanlıqlar kəndində sahibkar Ramiz Həsənova məxsus qarğıdalı sahəsində keçirib. Müşavirəni giriş sözü ilə rayon İcra Hakimiyyəti başçısının müavini Rövşən İsgəndərov açaraq müşavirənin mahiyyətindən bəhs edib. Naxçıvan Muxtar Respublikası kənd təsərrüfatı nazirinin müavini Sahib İbrahimli əkinçilik məhsulları sırasında qarğıdalı bitkisinin əhəmiyyətindən danışıb, onun becərmə texnologiyası barədə məlumat verib. Nazirliyin mütəxəssisləri Məmmədqulu Səfərov və Yaşar Quliyev qarğıdalının becərilməsində mütərəqqi texnologiyaların tətbiqi, bu bitkinin sirayət oluna biləcəyi zərərverici və xəstəliklərə qarşı mübarizə tədbirləri barədə danışıblar.
Sonda mütəxəssislər sahibkarlar tərəfindən onlara verilən sualları cavablandıraraq fikir mübadiləsi aparıblar.

Naxçıvan Muxtar Respublikası 
Kənd Təsərrüfatı Nazirliyinin mətbuat xidməti

Babək rayonunda müxtəlif ünvanlarda aparılan quruculuq tədbirləri sosial-iqtisadi inkişafın göstəriciləridir

İldən-ilə həcmi artırılan, istiqamətləri genişləndirilən quruculuq tədbirləri paytaxt şəhərimiz Naxçıvandan başlayaraq ən ucqar dağ və sərhəd kəndlərini belə əhatə edir. Rayon mərkəzlərində tikilən obyektlərdən heç də seçilməyən obyektlərin kənd yaşayış məntəqələrinə gətirdiyi yeniliklər hər birimizin zövqünü oxşamaqla həmin ünvanlarda yaşayan insanların mövcud problemlərinin aradan qaldırılmasını təmin edir. “Muxtariyyət ili”ndə belə tədbirlərin həcmi daha çoxdur. Babək rayonu da bu cəhətdən istisna deyil. Hazırda rayon mərkəzində və bir neçə kənd yaşayış məntəqəsində müxtəliftəyinatlı tikintilərin aparılması bu bölgədə də davamlı quruculuq siyasətinin həyata keçirildiyini göstərir.

Muxtar respublikanın böyük bölgələrindən biri olan Babək ötən illərdə həyata keçirilən məhz belə tədbirlər hesabına müasir rayonlarımız sırasında özünəməxsus yer tutur.

Blokada şəraitində yaşayan muxtar respublikamızın bu gün sosial-iqtisadi inkişafı özünün elə bir mərhələsinə qədəm qoyub ki, hərtərəfli inkişaf, tərəqqi hər kəsin öz gündəlik həyatında hiss olunur. Yaxın keçmişə nəzər salsaq, muxtar respublikadan kənara çıxmaq üçün nəqliyyatda yaranmış çətinliklər göz önünə gələcək.

Blokadanın yaratdığı çətinliklər, yanacaq və nəqliyyat vasitələrinin ehtiyat hissələrinin qıtlığı muxtar respublikada nəqliyyat sektorunu da ağır vəziyyətə salmışdı. Əhalini qısa müddət ərzində çətin vəziyyətdən çıxararaq insanlar üçün rahat həyat şəraitindən biri olan geniş nəqliyyat xidmətləri yarada bilmək isə heç də asan məsələ deyildi. Ulu öndər Heydər Əliyevin qayğısı ilə Naxçıvan Hava Limanının dünya standartlarına uyğun şəkildə yenidən qurulması, limana beynəlxalq status verilməsi, reyslərin sayının artırılması muxtar respublika sakinləri tərəfindən böyük sevinclə qarşılanmışdır.

Naxçıvan Muxtar Respublikası Dövlət Statistika Komitəsindən verilən məlumata görə, iqtisadiyyatın əsas göstəricisi qismində 584 milyon 99 min manatlıq Ümumi Daxi­li Məhsul istehsal olunmuşdur ki, bu da 2013-cü ilin yanvar-aprel ayları ilə müqayisədə 2,3 faiz çoxdur. Ümumi Daxili Məhsulun sahə strukturunda ilk yeri sənaye sahəsi tutmaqdadır.
Hər bir nəfərə düşən Ümumi Daxili Məhsulun həcmi 2013-cü ilin yanvar-aprel ayları ilə müqayisədə 1,8 faiz artaraq 1339,7 manata (1707,9 ABŞ dollarına) çatmışdır.

Son illərdə ölkəmizdə, eyni zamanda muxtar respublikamızda sosial-iqtisadi sahədə qazanılan çoxsaylı uğurlar, iqtisadiyyatın dinamik inkişafı mühüm islahatların həyata keçirilməsi ilə yadda qalmışdır. Azərbaycan Respublikasının Prezidenti cənab İlham Əliyevin imzaladığı sərəncamlar və təsdiq etdiyi dövlət proqramları, digər sahələrdə olduğu kimi, aqrar sahədə də müsbət nəticələrin əldə edilməsi ilə nəticələnmişdir.

Naxçıvan Muxtar Respublikası aqrar region olduğundan kənd təsərrüfatının, xüsusilə əkinçiliyin inkişaf etdirilməsi bu sahədə zəruri tələblərin yerinə yetirilməsini qarşıya məqsəd qoyur. Yaradılmasının 10-cu ili tamam olan Kəngərli rayonunda da aqrar sahədə görülən işlər torpaqlardan səmərəli istifadə olunmasına şərait yaratmaqla bərabər, torpaq mülkiyyətçilərinin də qarşısında geniş imkanlar açır.

Naxçıvan Muxtar Respublikası Vergilər Nazirliyindən aldığımız məlumata görə, 2014-cü ilin ötən ilk 4 ayı ərzində nazirlik və onun yerli vergi orqanları tərəfindən muxtar respublika ərazisində fəaliyyət göstərən ticarət, iaşə, xidmət və digər sahələrdə əhali ilə nağd pul hesablaşmalarının aparılması qaydalarına riayət olunması, nəzarət-kassa aparatlarından istifadə, vergi orqanlarında uçota durmadan fəaliyyət göstərən ödəyicilərin aşkarlanması, xarici valyuta sərvətlərinin ödəniş vasitəsi olaraq qəbul edilməsi, işəgötürənlərlə işçilər arasında əmək müqavilələrinin bağlanmasına nəzarət və sair kimi operativ nəzarətin əhatə funksiyalarına daxil olan məsələlər üzrə 37 vergi ödəyicisində qanunvericiliyin pozulması faktları aşkar edilmiş və müvafiq tədbirlər görülmüşdür.

Dünən Naxçıvan Muxtar Respublikası Kənd Təsərrüfatı Nazirliyinin təşəbbüsü ilə Babək rayonunun Qaraqala kəndində torpaq mülkiyyətçisi Faiq Bayramova məxsus kartof sahəsində tarla seminar müşavirəsi keçirilmişdir.
Tədbiri giriş sözü ilə Babək Rayon İcra Hakimiyyətinin başçısı Elçin Hüseynəliyev açaraq müşavirənin məqsədi barədə məlumat vermiş, bölgənin iqtisadiyyatında kartofçuluğun xüsusi yeri olduğunu bildirmiş, bu sahə ilə məşğul olan torpaq mülkiyyətçilərinin hərtərəfli qayğı ilə əhatə edildiklərini tədbir iştirakçılarının diqqətinə çatdırmışdır.
Naxçıvan Muxtar Respublikasının kənd təsərrüfatı naziri Elşad Əliyev aqrar sahədə əldə olunan nailiyyətlər və qarşıda duran vəzifələr haqqında danışmışdır.
Nazirliyin mütəxəssisləri Əsgər Həsənov və Bəybala Rüstəmov kartof bitkisinin becərilməsində tətbiq olunan aqrotexniki tədbirlər, zərərverici və xəstəliklərə qarşı mütərəqqi üsullar haqqında məlumat vermişlər.
Sonda sahibkarları maraqlandıran suallar cavablandırılmış, seminar iştirakçılarına buklet-informasiya kitabçaları paylanmışdır.
Qeyd edək ki, belə seminar-müşavirələr digər yaşayış məntəqələrində də keçiriləcək.

Naxçıvan Muxtar Respublikası
Kənd Təsərrüfatı Nazirliyinin mətbuat xidməti

“Gəmiqаyа Dаş Məhsullаrı Sənаyе Коmplеksi” Məhdud Məsuliyyətli Cəmiyyətinin Naxçıvan şəhərində, Babək rayonunun Araz və Kəngərli rayonunun Qarabağlar kəndlərində istehsal müəssisələri, Kəngərli rayonunun Qarabağlar və Çalxanqala kəndlərinin ərazilərində isə daş karxanaları fəaliyyət göstərir. 

Daş karxanalarının yerləşdiyi dağlıq əraziyə avtomobil yolu, elektrik və su xətləri çəkilmiş, iaşə xidməti üçün əlverişli şərait yaradılmışdır. Daş karxanalarında əvvəlcə kəşfiyyat xarakterli qazıntı işləri aparılır və daş kəsilərək nümunə götürülüb keyfiyyəti yoxlanılır. Sonra isə blok şəklində kəsilən daşlar ağırtonnajlı maşınlarla Şahtaxtı stansiyasına daşınıb yük vaqonları ilə istehsal müəssisələrinə göndərilir. Kiçik daş parçaları isə Qarabağlar daş karxanasının yaxınlığında 2011-ci ilin əvvəlində istifadəyə verilmiş istehsal müəssisəsinə daşınıb müxtəlif çeşiddə tikinti materialları istehsal edilir.

Bölgənin quruculuq xəritəsində yeni ünvanların sayı artır

Bu yazını hazırlayarkən yadıma muxtar respublikanın ucqar dağ kəndlərinin birində həmsöhbət olduğum ağsaqqal bir ziyalının dedikləri düşdü:
– Televizoru açırsan, diyarımızın hansısa kəndində yeni bir obyektin istifadəyə verildiyini görürsən. Qəzetləri vərəqləyirsən, yenə də eləcə. Bütün bunlar muxtar respublikada inkişafın bariz göstəriciləridir. Ömrümün çoxunu sovet dönəmində yaşamışam. O illərdə görülən işlərlə bu gün görülən işləri heç müqayisə etmək olmaz. Həm kəmiyyət, həm də keyfiyyət baxımından.
Naxçıvanın sürətli sosial-iqtisadi inkişafını aprel ayının 8-də Naxçıvan Muxtar Respublikasının 90 illik yubileyinə həsr olunmuş təntənəli mərasimdə çıxış edən ölkə Prezidenti cənab İlham Əliyev də yüksək qiymətləndirdi: “Naxçıvan... sürətlə inkişaf edir. Naxçıvanda bütün məsələlər uğurla icra edilir. Bu səfər mənim Naxçıvana son 10 il ərzində 11-ci səfərimdir. Demək olar ki, hər il Naxçıvana gəlirəm, burada gedən inkişafla tanış oluram və çox sevinirəm. Sevinirəm ki, bu gün Naxçıvan çiçəklənən bir diyardır.

İqtisadiyyatda sənayenin hansı rola malik olduğu haqda ötən yazılarımızda bəhs etmişdik. Buna görə də müasir dünyada sənayenin inkişaf etdirilməsi iqtisadi potensialını durmadan artıran ölkələr üçün əsas vəzifələrdən birinə çevrilib.
Sənaye istehsalı elə bir sahədir ki, bu istehsal xammal mənbələrindən maksimum istifadəyə hesablanmaqla bərabər, həm də müştəri ehtiyaclarını mütəmadi ödəmək istiqamətində qurulur. Fərqi yoxdur, onun xammalı məhsulun istehsal edildiyi ölkədə mövcud olsun və ya olmasın. Əsas odur ki, əldə edilən məhsul istehlakçı düşüncəsində özünə yer tapa bilsin, yəni brendləşsin. Unutmaq olmaz ki, dünyada məşhur olan brend məhsulların 90 faizdən çoxu sənaye məhsullarının payına düşür. Bu məhsullar sırasında içki növlərindən tutmuş tikinti materiallarınadək, avtomobil markalarından məişət mallarınadək xeyli məhsulun adını saymaq mümkündür. “Sənaye dünyası”nın biznesdə bu qədər geniş sektoru əhatə etməsi, təbii ki, Azərbaycan kimi inkişaf etməkdə olan ölkələrin diqqətindən yayına bilməzdi. Azərbaycan Respublikasının Prezidenti cənab İlham Əliyevin 2014-cü ili “Sənaye ili” elan etməsi dövlətin bu sahəyə olan məqsəd və məramlarını ortaya qoyur.

Bu il yaradılmasının 90 illiyini qeyd etdiyimiz Naxçıvan Muxtar Respublikası hər zaman qəhrəman övladları ilə fəxr edib, onların sayəsində bu qədim diyarın təhlükəsizliyi, ərazi bütövlüyü təmin olunub. Naxçıvan şəhərində yerləşən Şəhidlər Xiyabanı doğma diyarımızın varlığı üçün əziz canlarından keçərək şəhid olmuş el­oğullarımızın igidliyini, mübarizliyini bir daha sübut edir. Şəhərimizin ən müqəddəs məkanlarından biri olan Şəhidlər Xiyabanı həm də yüzlərlə, minlərlə insanın ziyarətgahına çevri­lib. Xiyaban ərazisində yeni muzey binasının tikilməsi isə döv­lətimiz tərəfindən şəhid xatirəsinin əziz tutulduğunun daha bir nümunəsidir.
Naxçıvan Şəhər Abadlıq və Təmir-Tikinti İdarəsinin inşaatçıları tərəfindən inşa edilən muzey binasının tikintisinə cari ilin mart ayından başlanılıb. İki mərtəbədən ibarət olacaq binada beton-qəlib işləri yekunlaşıb, birinci mərtəbədə isə arakəsmələrin hörgüsü başa çatıb. Hazırda binanın dam örtüyünün vurulmasına başlanılıb. 245 kvadratmetr sahəni əhatə edən binanın birinci mərtəbəsində iş otaqları, ikinci mərtəbədə isə sərgi salonu yerləşəcək.

Xəbərlər şöbəsi

Naxçıvan Muxtar Respublikasında istehsal və xidmət sahələrinin genişləndirilməsi, yeni iş yerlərinin açılması və əhali gəlirlərinin artırılması ilə paralel olaraq, kredit sektorunda da işlər ildən-ilə genişlənir. İqtisadiyyatın real sektorunun, əhalinin istehlak tələbatının ödənilməsi üçün nəzərdə tutulan müxtəlifhəcmli kreditlər hazırkı mərhələdə muxtar respublikada hərtərəfli inkişafı dəstəkləyən ən mühüm amillərdən biridir.
Azərbaycan Respublikası Mərkəzi Bankı Naxçıvan Muxtar Respublikası İdarəsindən aldığımız məlumata əsasən, bu il də verilmiş kreditlərin həcmində xeyli artım müşahidə olunmaqdadır. Belə ki, cari ilin ilk dörd ayının yekunlarına görə, muxtar respublikada verilmiş kreditlərin həcmi 89 milyon 544 min manata çatmışdır. Bu kreditlərin 32,1 faizi sənaye məhsulu istehsalının, 34,3 faizi kənd təsərrüfatı və emal sahələrinin, 7 faizi inşaat işlərinin, 6,9 faizi ticarət və xidmət sahələrinin genişləndirilməsinə yönəldilmiş, 12 faizi ev təsərrüfatlarının istehlak tələbatlarının ödənilməsi, 4,5 faizi ipoteka məqsədilə istifadə edilmişdir. Kredit qoyuluşlarının real sektordakı sahələr üzrə strukturuna baxdıqda cari ilin ilk ayı ilə müqayisədə ən çox dinamika müşahidə olunan sahələr arasında inşaat və ipoteka istiqamətli kreditlər daha çox diqqəti cəlb edir. Muxtar respublikada kreditləşmə sahəsindəki belə inkişaf yaradılmış iqtisadi sabitlik və əhali gəlirlərinin davamlı artım tempi ilə əlaqədardır.

Xəbərlər şöbəsi

Qədim diyarımızın ən böyük bölgələrindən biri olan Babək rayonunun quruculuq xəritəsi hərtərəfli dövlət qayğısı hesabına ildən-ilə genişlənir. Öncə onu qeyd edək ki, ötən il rayonun müxtəlif yaşayış məntəqələrində bir sıra yeni obyektlər istifadəyə verilib. Quruculuq tədbirləri hazır­da bölgənin bir neçə kəndində davam etdirilir. Belə yaşayış məntəqələrindən biri Güznüt kəndidir. Bu yaşayış məntəqəsində kompleks qu­ruculuq tədbirlərinə başlanılıb.
İş icraçısı Adil Baxşəliyevdən aldığımız məlumata görə, bu yaşayış məntəqəsində kənd mərkəzi, həkim ambulatoriyası və xidmət mərkəzi üçün binalar inşa edilir. İki mərtəbədən ibarət olacaq kənd mərkəzində inzibati ərazi dairəsi üzrə nümayəndəlik, bələdiyyə, Yeni Azərbaycan Partiyası ərazi ilk təşkilatı, rabitə evi, polis sahə və baytarlıq məntəqələri, kitabxana və mədəniyyət evi fəaliyyət göstərəcək. Obyektdə tikinti işləri sürətlə davam etdirilir, ikinci mərtəbənin inşası üçün qəliblər quraşdırılır.

Naxçıvan Muxtar Respublikası Kənd Təsərrüfatı Nazirliyi, “Araz” Elm İstehsalat Birliyi  əməkdaşlarının və taxılçılıqla məşğul olan torpaq mülkiyyətçilərinin iştirakı ilə Naxçıvan Muxtar Respublikasında taxılçılığın elmi əsaslarla inkişaf etdirilməsi məqsədilə maarifləndirici seminar-müşavirə keçirilib. “Araz” Elm İstehsalat Birliyinin yardımçı təcrübə təsərrüfatında təşkil olunan tədbiri kənd təsərrüfatı nazirinin müavini Sahib İbrahimli açaraq bildirib ki, ölkəmizdə ərzaq təhlükəsizliyi probleminin həllində taxıl istehsalının həcminin ildən-ilə artırılması müstəsna rol oynayır. Buna görə də muxtar respublikada taxılçılığın inkişafına böyük önəm verilir.

Birləşmiş Millətlər Təşkilatı Baş Assambleyasının 2006-cı il 26 mart tarixli qətnaməsinə əsasən, hər il mayın 17-si dünyanın müxtəlif ölkələrində “Telekommunikasiya və İnformasiya Cəmiyyəti Günü” kimi qeyd olunur.
İnformasiya cəmiyyəti anlayışı ictimai həyatın bütün sahələrində, cəmiyyətin və şəxsiyyətin həyat fəaliyyətində informasiyanın rolunun durmadan artırılmasını nəzərdə tutur. İnformasiya cəmiyyətində əhalinin böyük hissəsi müasir informasiya texnologiyalarından istifadə etməklə informasiyanın, ən əsası isə onun ali forması olan biliyin istehsalı, saxlanması, emalı və ötürülməsi ilə məşğul olur.
Azərbaycanda informasiya cəmiyyətinin qurulması dövlət siyasətinin prioritet istiqamətlərindəndir. Ümummilli liderimiz Heydər Əliyev 2003-cü ildə ölkəmizdə “Azərbaycan Respublikasının inkişafı naminə informasiya və kommunikasiya texnologiyaları üzrə Milli Strategiya (2003-2012-ci illər)”nı təsdiq etmişdir. Milli strategiyanın qəbulundan sonra ölkəmizdə bu sahədə kompleks tədbirlər həyata keçirilmiş, informasiya və kommunikasiya texnologiyalarının həyatın bütün sahələrində tətbiqi genişlənmiş, bu sahənin inkişafı yeni mərhələyə qədəm qoymuşdur.

“Gəmiqaya Kərpic Kompleksi” Məhdud Məsuliyyətli Cəmiyyəti son illər Naxçıvan Muxtar Respublikasında həyata keçirilən genişmiqyaslı quruculuq tədbirləri nəticəsində yerli tikinti materiallarına olan tələbatın ödənilməsi zərurətindən yaradılmışdır.
Muxtar respublikamızda belə müəssisələrin yaradılmasının nəticəsidir ki, daxili bazar keyfiyyətli yerli tikinti materialları ilə təmin olunur. İldən-ilə genişlənən qurucu­luq tədbirləri kərpic zavodunun istehsal gücünün artırılması və qış mövsümündə də tam gücü ilə işləməsi zərurətini yaratmışdı. Bu məqsədlə yeni layihə hazırlanmış və ötən il layihənin icrasına başlanılmışdır. Zavodun qurutma sexində Türkiyə istehsalı olan və kompüterlə idarə edilən müasir texnoloji avadanlıqlar quraşdırılmış, kərpiclə dolu diyircəkli arabaların avtomatik hərəkəti üçün dəmir relslər çəkilmiş, istiliklə təminat və nəmliyin aradan qaldırılması üçün xüsusi qurğular qurulmuşdur. Eni 12, uzunluğu 50 metr olan süniqurutma sexi 4 kameradan ibarətdir. Hər kameraya ilkin olaraq 13 min ədəd kərpic yığılır. İlk mərhələdə kərpicin nəmliyi götürülür, ikinci mərhələdə qurutma prosesinə başlanılır.

Naxçıvan şəhərindən tutmuş ən ucqar dağ və sərhəd kəndlərinədək geniş vüsəti ilə diqqəti çəkən quruculuq tədbirlərinin həcmi Şərur rayonunda da 2014-cü ildə xeyli artıb. Hazırda rayon mərkəzində, Cəlilkənd, Kürkənd, Diyadin, Püsyan, Dizə yaşayış məntəqələrində kompleks quruculuq tədbirləri həyata keçirilir.
Naxçıvan Muxtar Respublikası Dövlət Şəhərsalma və Arxitektura Komitəsinin Şərur Rayon İdarəsinin bir qrup inşaatçısı Şərur şəhərinin Nəriman Nərimanov küçəsindəki 18 mənzilli yaşayış binasının yenidən qurulması ilə məşğuldur. Yeni layihəyə əsasən, binanın mənzil sahəsinin artırılması nəzərdə tutulub. Adıçəkilən idarənin inşaatçıları digər quruculuq tədbirlərində də fəallıq göstərirlər. Rayon mərkəzində Naxçıvan Muxtar Respublikası Daxili İşlər Nazirliyinin Dövlət Yol Polisi İdarəsinin Qeydiyyat, imtahan və texniki baxış şöbəsinin Şərur rayonlararası müayinə və diaqnostika mərkəzi üçün yeni bina inşa olunur, əltopu oyunları idman meydançası təmir edilir.

Təxminən, on il bundan əvvəl Azərbaycan iqtisadiyyatının gələcəyi haqqında proqnozlaşdırılan fikirləri xatırlayası olsaq, çoxları dünyanın bir çox aparıcı mətbu orqanlarında geniş yer verilən “Holland sindromu” kimi “xəstəliyin” ölkəmizdən də yan keçməyəcəyini düşünür və yaxın gələcəkdə bunun acı nəticələri ilə üz-üzə qalacağımızı ehtimal edirdilər. Təbii ki, o zaman söylənilən bu ehtimallar elə ehtimal kimi də tarixin arxivində qaldı. Ancaq burada əsas məqam ondan ibarət idi ki, qərbli ekspertlərin əksəriyyəti ölkəmizin inkişafının yalnız neft və qazdan asılılığı yoluna üstünlük verir, Azərbaycanın qlobal  inkişafına inanmır və ya bu istiqamətdə müsbət proqnozlar verməyə xəsislik edirdilər.

Azərbaycanın ən yaxın onillik tarixi bir daha sübut etdi ki, ölkəmiz bütün sahələrdə inkişaf edir və bu inkişafın əsasında da neft amili yox, insan amili dayanır. Elə ölkə başçısı da təbii ehtiyatların nə zamansa tükənəcəyini, buna görə də buradan əldə edilən vəsaitlərin digər sahələrə yönəldilməsinin zəruriliyini dəfələrlə qeyd etmişdir. Azərbaycan Respublikasının Prezidenti kimi fəaliyyəti dövründə cənab İlham Əliyevin imzaladığı çoxsaylı dövlət pro­qramlarının əsas məqsədi də ölkəmizin gələcək inkişafı üçün mükəmməl və hərtərəfli infra­struktur bazasının yaradılmasından ibarətdir.

Regionların sosial-iqtisadi inkişafı üzrə dövlət proqramlarının uğurlu icrası muxtar respublikada da kənd təsərrüfatının müxtəlif sahələrinin hərtərəfli inkişafını təmin etmişdir. Bütün bunların nəticəsidir ki, muxtar respublikada əhalinin yaşayış səviyyəsi yüksəlmiş, insanların maddi rifahı yaxşılaşmışdır. Rahat yaşayış və firavan həyat, öz növbəsində, insanların torpağa bağlılığını artırır. İndi daha çox işləyib daha yaxşı qazanc əldə etmək istəyən sakinlərin torpaqla ünsiyyəti yerli məhsulların istehsalını, keyfiyyətini və çeşidini artırmışdır. Muxtar respublikamızın digər bölgələrində olduğu kimi, Şahbuz rayonunda da kənd təsərrüfatının müxtəlif sahələrinin inkişafı üçün yaradılan şərait­dən yüksək səviyyədə istifadə olunması fərdi sahibkar­lıq sahələrinin yaradılmasına, bunun da nəticəsində istehsalın ilbəil artmasına səbəb olmuşdur.
Şahbuz rayonu dağlıq rayon olduğuna görə burada yaşayan əhali, əsasən, kənd təsərrüfatı ilə məşğul olur. Maldarlıq, heyvandarlıq, əkinçilik, bağçılıq və arıçı­lıq rayonda xeyli inkişaf etmişdir. Aqrar sahənin inkişafı üçün Şahbuz rayonunda geniş imkanlar var.

“Muxtariyyət ili”ndə Ordubad rayonunda tikinti-quruculuq işlərinin həcmi bir qədər də artıb. Hazırda rayonun bir neçə yaşayış məntəqəsi tikinti meydançasını xatırladır. Bu ünvanlardan biri də Aşağı Əylis kəndidir. Hazırda bu yaşayış məntəqəsində kənd mərkəzi və kənd tam orta məktəbi üçün binalar inşa olunur.
Naxçıvan Muxtar Respublikası Dövlət Şəhərsalma və Arxitektura Komitəsinin Ordubad Rayon İdarəsinin rəisi Əkrəm Salmanovdan aldığımız məlumata görə, 2 mərtəbədən ibarət olacaq kənd mərkəzində inzibati ərazi dairəsi üzrə nümayəndəlik, bələdiyyə, Yeni Azərbaycan Partiyası ərazi ilk təşkilatı, rabitə evi, polis sahə və baytarlıq məntəqələri, kitabxana və mədəniyyət evi fəaliyyət göstərəcək. Obyektin birinci mərtəbəsində inşaat işləri başa çatmaq üzrədir.

Muxtar respublika iqtisadiyyatının çoxşaxəliliyinin təmin olunmasında bank-kredit təşkilatlarının rolu böyükdür. Naxçıvan Muxtar Respublikasında fəaliyyət göstərən bank təşkilatları ilə yanaşı, bank olmayan kredit təşkilatları da bu vəzifənin yerinə yetirilməsində fəallıq göstərirlər. Azərbaycan Respublikası Mərkəzi Bankı Naxçıvan Muxtar Respublikası İdarəsindən aldığımız məlumata görə, cari ilin ilk rübündə bank olmayan kredit təşkilatlarının muxtar respublika iqtisadiyyatının kredit qoyuluşlarında xüsusi çəkisi 14,8 faiz olmuşdur. Hazırda muxtar respublikada 8 belə kredit təşkilatı fəaliyyət göstərir. Bunlar arasında “FINCA” BOKT, “Naxçıvan-Kredit” BOKT MMC, “Aqrarkredit” SKT Naxçıvan filialı və digərləri muxtar respublika iqtisadiyyatının müxtəlif sahələrinə kredit qoyuluşlarında xüsusilə fərqlənirlər. Ümumilikdə, bu təşkilatlar tərəfindən cari ilin ilk 3 ayı ərzində 12 milyon 500 min manatdan çox həcmdə kredit qoyuluşları həyata keçirilmişdir.

Xəbərlər şöbəsi

Naxçıvan Muxtar Respublikası Kənd Təsərrüfatı Nazirliyi may ayı ərzində torpaq mülkiyyətçilərinə, həmçinin fermerlərə bitkiçilik və heyvandarlıq sahələrində mövsümlə bağlı aşağıdakı işlərin görülməsini tövsiyə edir.
Meyvə və üzüm bağlarında
Bu ayda meyvə bağlarında suvarma işi davam etdirilməli, müşahidə edilən bakterial xəstəliklərə qarşı “Bordo” mayesi və yaxud onun əvəzedicilərindən biri ilə çiləmə aparılmalıdır. Eyni zamanda meyvə ağaclarındakı zərərvericilər “Desis”, “Arrivo”, “Dentis” preparatlarından birindən istifadə etməklə məhv edilməlidir.

“Azərbaycan Respublikasında avtomobil yolları şəbəkəsinin yeniləşməsinə və inkişafına dair (2006-2015-ci illər) Dövlət Pro­qramı”na uyğun olaraq, muxtar respublikamızda da yol-nəqliyyat kompleksinin yeniləşməsi və beynəlxalq standartlara uyğunlaşdırılması istiqamətində kompleks tədbirlər həyata keçirilir. Yol infrastrukturunun yenidən qurulması cari ildə də mühüm əhəmiyyətli sahə kimi diqqət mərkəzində saxlanılır.
Məlum olduğu kimi, 2014-cü il fevral ayının 11-də Naxçıvan Muxtar Respublikası Ali Məclisinin Sədri Culfa rayonundakı Əlincəqala tarixi abidəsinin bərpa edilməsi haqqında Sərəncam imzalamışdır. Abidənin bərpası məqsədilə Çeşməbasar-Boy­əhməd avtomobil yolundan tarixi abidəyədək olan 0,8 kilometr məsafədə yeni avtomobil yolu çəkilmiş, yola suötürücü borular salınmış, torpaqbərkitmə işləri aparılmışdır.
Yol-nəqliyyat infrastrukturunun yenidən qurulması istiqamətində həyata keçirilən kompleks tədbirlər magistral yollarla yanaşı, kəndlərarası və kənddaxili avtomobil yollarını da əhatə edir. Hazırda Babək qəsəbəsində daxili avtomobil yollarının, uzunluğu 16 kilometr, eni 9 metr, asfalt hissəsinin eni 7,2 metr olacaq Yarımca-Qahab-Naxışnərgiz, Şərur rayonunda uzunluğu 4 kilometr olacaq Kürkənd avtomobil yollarının yenidən qurulması istiqamətində işlər davam etdirilir, yol yatağı genişləndirilir, su keçidlərinə beton borular salınır, qum-çınqıl tökülərək bərkidilir. Ayrı-ayrı hissələrdə yol kənarlarına beton bardürlər düzülür, suaparıcı beton kanallar çəkilir.  
Onu da qeyd edək ki, inşaat işlərinin vaxtında və keyfiyyətlə aparılması üçün obyektlərə Naxçıvan Muxtar Respublikası Avtomobil Yolları Dövlət Şirkəti və onun tabeliyində olan Yol İstismar idarələrinin müasir maşın-mexanizmləri və təcrübəli inşaatçıları cəlb edilmişdir.

Xəbərlər şöbəsi

Aprel ayının 21-də Sədərək rayonunda yeni nasos stansiyasının istifadəyə verilməsi sərhəd bölgəsində yaşayan insanlara növbəti dövlət qayğısı olmaqla, torpaq mülkiyyətçilərinin əkin sahələrindən səmərəli istifadəsinə şərait yaratmışdır. Stansiyanın açılışında iştirak edən Naxçıvan Muxtar Respublikası Ali Məclisinin Sədri cənab Vasif Talıbov demişdir: “Naxçıvan Muxtar Respublikasında da kənd təsərrüfatının inkişafı istiqamətində ardıcıl tədbirlər görülmüş, kənd təsərrüfatı məhsullarının istehsalı artmış, ərzaq təhlükəsizliyi təmin edilmişdir. Sədərək rayonunda nasos stansiyasının tikilməsi və yeni torpaq sahələrinin əkin dövriyyəsinə qatılması da bu sahədə görülən işlərin davamıdır. Azərbaycan Respublikası ilə İslam İnkişaf Bankı arasında imzalanmış müqaviləyə əsasən, layihənin icrasına 5 milyon manata yaxın kredit ayrılmışdır. Layihədə nəzərdə tutulan tədbirlər keyfiyyətlə və qısa müddətdə başa çatdırılmış, yeni nasos stansiyası tikilmişdir. Bu da Sədərək rayonunda əkinəyararlı torpaqların 40 faizinin dayanıqlı suvarma suyu ilə təmin olunmasına imkan verəcəkdir. Eyni zamanda yeni nasos stansiyası hesabına uzun müddət əkilməyən 1500 hektar torpaq sahəsi yenidən əkin dövriyyəsinə qatılmışdır. Görülən bu işlər kənd təsərrüfatının inkişafına, məhsul istehsalının artmasına və əhalinin məşğulluğunun təmin olunmasına imkan verəcəkdir”.

Çin və Türkiyə istehsalı olan avadanlıqların quraşdırıldığı Naxçıvan Sement Zavodunda 18 əsas istehsal bölməsi mövcuddur. Bütün xammal növləri muxtar respublikanın yataqlarından əldə olunur. Əsas xammal olan əhəngdaşı, mergel və köməkçi xammallar – dəmirli gil Kəngərli rayonunun Çalxanqala, gips  isə Babək rayonunun Nehrəm kəndləri yaxınlığındakı yataqlardan çıxarılır.

“Cahan Holdinq” Şirkətlər İttifaqı ərzaq məhsulları, tikinti materialları istehsal edən zavod və fabriklərlə yanaşı, yeni xidmət sahələrinin yaradılmasına da nail olmuş, 2011-ci ilin oktyabr ayında istifadəyə verilən ticarət mərkəzində alıcılara nümunəvi xidmət göstərilməsi üçün hərtərəfli şərait yaradılmışdır. Ümumi sahəsi 10 min kvadratmetr olan ticarət mərkəzində Almaniya, Yaponiya, Cənubi Koreya və Türkiyə istehsalı olan texniki avadanlıqlar quraşdırılmışdır.
Zirzəmi ilə birlikdə 3 mərtəbədən ibarət olan ticarət mərkəzi müasir memarlıq üslubunda inşa olunmuşdur. Binanın birinci mərtəbəsində məişət avadanlıqlarının, gündəlik tələbat mallarının, santexnika avadanlıqlarının və uşaqlar üçün əyləncə qurğularının, ikinci mərtəbəsində isə xalçaçılıq və mebel məmulatlarının, elektrotexnika avadanlıqlarının, məişət cihazlarının satışı bölmələri fəaliyyət göstərir. Binada eskalator və lift sistemi quraşdırılmış, iş otaqları istifadəyə verilmişdir. Zirzəmi qatından isə böyük anbar kimi istifadə olunur. Burada quraşdırılan videonəzarət sistemləri ilə ərazini və alış-veriş obyektlərini müntəzəm müşahidə etmək mümkündür.

Cari ilin birinci rübündə bank və digər kredit təşkilatları
tərəfindən 9,4 milyon manat kredit verilib

Müasir bazar iqtisadiyyatı şəraitində muxtar respublikamızda bankların verdiyi kreditlər nəticəsində iqtisadiyyatın ayrı-ayrı sahələrinin maliyyələşdirilməsi məhz bank sektorunun iqtisadiyyatın inkişafında rolunun əsas göstəricisidir. Banklarımız tərəfindən həyata keçirilən səmərəli kreditləşmə prosesi müxtəlif istehsal və xidmət sahələrinin yaradılması, bu sahələrdə fəaliyyətin genişləndirilməsi, nəticə etibarilə, əhali tələbatlarının ödənilməsi ilə müşahidə olunur. Muxtar respublikamızda kreditləşmə iqtisadiyyatın müxtəlif sahələri üzrə aparılır. Bu sahələr içərisində kənd təsərrüfatı mühüm yerlərdən birini tutur. Muxtar respublika iqtisadiyyatının aparıcı sahələrindən hesab olunan kənd təsərrüfatının yüksək sürətli inkişafına nail olmaq üçün bu sahədə səmərəli  kreditləşmənin aparılması vacib şərtlərdən biridir. Bu gün banklar və kredit təşkilatları tərəfindən kənd təsərrüfatı sahələrinə verilən güzəştli kreditlər kənd təsərrüfatı məhsulları istehsalının artmasına, istehsal olunmuş məhsulların ixracına, məşğulluğun artırılmasına, aqrar sektorun və onunla əlaqədar olan digər sahələrin inkişafına birbaşa təsir göstərir.

Və ya sahibkarlıq fəaliyyətində qadınların rolu haqqında bir neçə söz

“Bizim yolumuz islahatlar yoludur. Yolumuz bazar iqtisadiyyatının inkişaf etdirilməsi yoludur. Yolumuz sahibkarlığın inkişaf etdirilməsi yoludur”. Azərbaycan xalqının ümummilli lideri Heydər Əliyevin illər əvvəl söylədiyi bu fikirləri gündən-günə inkişaf edən ölkəmizin simasında daha aydın görür və hiss edirik. Müstəqilliyimizin bərpasından sonra digər inkişaf etmiş ölkələr kimi, Azərbaycanın da bazar iqtisadiyyatı yolunu tutması və mühüm nailiyyətlər əldə etməsi hər birimizə məlumdur. Müstəqil Azərbaycanın ən yaxın tarixdə keçdiyi bu inkişaf yolu dünya dövlətlərinin də diqqətindən yayınmamış, müxtəlif nüfuzlu qurum və təşkilatların hesabatlarında bu inkişaf öz əksini tapmışdır. Həqiqətən də, Azərbaycan dövləti milli iqtisadiyyatımızda özəl sektorun, bunun da nəticəsində sahibkarlığın inkişaf etdirilməsi üçün indiyədək çoxsaylı dövlət proqramlarının icrasını həyata keçirmiş, hərtərəfli qanunvericilik bazasının yaradılmasına nail olmuşdur. Görülən işlərin nəticəsidir ki, indi ölkəmizdə, eləcə də onun ayrılmaz tərkib hissəsi olan Naxçıvan Muxtar Respublikasında böyük sahibkarlar ordusu yaranmış və bu sahibkarlar dövlətimizin iqtisadi dayaqlarının gücləndirilməsində mühüm rol oynamaqdadırlar. Naxçıvan Muxtar Respublikası Ali Məclisi Sədrinin yerli sahibkarlarla görüşləri, onlara hərtərəfli dövlət dəstəyinin göstərilməsi ilə bağlı verdiyi tapşırıq və tövsiyələr, sahibkarlıq fəaliyyətinə qanunsuz müdaxilələrin qarşısının alınması istiqamətində görülən tədbirlər özəl sektorun inkişafını şərtləndirməkdədir.

Şərur rayonundakı Cəlilkənddə  yeni quruculuq tədbirlərinə başlanılıb. Bu tədbirləri Naxçıvan Muxtar Respublikası Dövlət Şəhərsalma və Arxitektura Komitəsinin Şərur Rayon İdarəsinin inşaatçıları həyata keçirirlər. Qurucu­luq tədbirlərindən biri yazıçı-dramaturq Cəlil Məmmədquluzadənin bu kənddəki fəaliyyətini yaşatmaq məqsədilə yaradılmış muzey üçün yeni bina inşa olunmasıdır. Məlumat üçün bildirək ki, mövcud muzey binası sökülərək müasir arxitektura üslubunda tikilmiş yeni binada əsas inşaat işləri başa çatdırılıb. Hazırda muzeyin daxilində işlər davam etdirilir.
Muzey binasına yaxın ərazidə isə xidmət mərkəzi inşa olunur. Burada sənaye, ərzaq, təsərrüfat malları, ətriyyat və ət satışı mağazaları fəaliyyət göstərəcək.
Kənd mədəniyyət evinin binası da yenidən qurulur.
İdarədən aldığımız məlumata görə, inşaatçılar yaxın günlərdə Şərur şəhərinin Nəriman Nərimanov küçəsindəki 18 mənzilli yaşayış binasının yenidən qurulmasına başlayacaqlar. Yeni layihəyə əsasən, binanın mənzil sahəsinin artırılması nəzərdə tutulub.
Məlumat üçün bildirək ki, rayonun Diyadin və Kürkənd yaşayış məntəqələrində də kompleks qurucu­luq tədbirləri həyata keçirilir.

Xəbərlər şöbəsi

Naxçıvan Biznes Mərkəzində muxtar respublikanın pərakəndə və topdansatış ticarət obyektlərində çalışan satıcıların mövcud ticarət qaydalarını öyrənməsi istiqaməti üzrə qısamüddətli təkmilləşdirmə kurslarına başlanılıb. On gün davam edəcək kurslarda satıcılar topdansatış və pərakəndə ticarət, ərzaq məhsullarının keyfiyyətinə olan tələbat, ticarət, iaşə və xidmət sahəsində qüvvədə olan qaydalar və onların icrası üzrə məsuliyyət, habelə müasir marketinq fəaliyyətində mühüm yer tutan alıcı-satıcı münasibətlərinin əhəmiyyəti mövzusunda mühazirələri dinləyəcəklər.
Naxçıvan Biznes Mərkəzi tərəfindən təşkil edilən kursun keçirilməsində əsas məqsəd sahibkarlıq subyektlərinin maarifləndirilməsi, bu sahədə biliklərin təkmilləşdirilməsindən ibarətdir. Sonda kursu müvəffəqiyyətlə bitirənlərə mərkəz tərəfindən sertifikatlar veriləcəkdir.
Qeyd edək ki, ötən il muxtar respublikada topdan və pərakəndə satışla məşğul olan 155, ictimai-iaşə xidməti sahəsində çalışan 23 nəfərə belə sertifikatlar verilib.

Xəbərlər şöbəsi

Naxçıvan Muxtar Respublikası Fövqəladə Hallar Nazirliyinin maddi-texniki bazasının gücləndirilməsi, nazirliyin və onun struktur qurumlarının iş şəraitinin yaxşılaşdırılması istiqamətində ardıcıl tədbirlər görülür. Bu gün muxtar respublikada fövqə­l­adə hadisələrin baş vermədən qarşısının alınması, yaşayış məntəqələrinin və əhalinin təbii və texnogen hadisələrdən qorunması diqqət mərkəzində saxlanılır. Bu istiqamətdə həyata keçirilən tədbirlərin davamı olaraq, Sədərək Rayon Dövlət Yanğın Təhlükəsizliyi Şöbəsi üçün yeni bina tikilir. Bundan başqa, ərazidə yeraltı ehtiyat su hovuzu, texnika parkı və təlim qülləsi inşa olunur.
Qeyd edək ki, binanın yerləşdiyi ərazi rayonun yaşayış məntəqələri istiqamətində şəxsi heyətin və avtomobillərin hərəkətinin təşkilinə uyğun seçilib. Burada yanğınsöndürmə xidmətinin fəaliyyətinin təmin olunması üçün hər cür şərait yaradılacaq.

Xəbərlər şöbəsi

Nахçıvаn şəhərində fəаliyyət göstərən “Ləzzət Biskvit və Şokolad Fabriki” Məhdud Məsuliyyətli Cəmiyyətində yeni istehsal sahəsi fəaliyyətə başlamışdır. Sаhibkаrlıq fəаliyyətinin inkişаfınа yаrаdılаn şərаitdən, göstərilən dövlət qаyğısındаn bəhrələnən bu müəssisə üçün ayrı-ayrı iş otaqlarından ibarət inzibаti binа, istеhsаl sahəsi və digər yardımçı binalar tikilib istifаdəyə vеrilmişdir. Daxili bazarın tələbatına uyğun müxtəlif çeşiddə unlu-qənnadı məmulatları istehsalı sahəsinin yaradılması və əlavə işçi qüvvəsinin cəlb olunması istiqamətində işlər davam etdirilmiş, yağlı və şəkərli tərkibdə peçenye istehsalına başlanılmışdır.
Burada fəаliyyət göstərən vafli istehsalı sahəsində Türkiyənin “Forma makina LTD”, “Ar-Can”, “Alper” və “Makrev”, peçenye istehsalı sahəsində isə Türkiyənin “Pek makina LTD” firmalarının istеhsаlı, istehsal gücü saatda 300-350 kiloqram оlаn və kompüterlə idarəetmə mərkəzi ilə təmin edilmiş müasir texnoloji avadanlıqlar qurаşdırılmış, istеhsаl prоsеsi аvtоmаtlаşdırılmışdır.  

Davamlı dinamik inkişafa nail olmaq hər bir ölkədə yeridilən iqtisadi siyasətin əsas hədəflərindən biridir. Bu baxımdan iqtisadiyyatın dövlət tənzimlənməsi vasitəsi kimi səmərəli kreditləşmə mexanizminin təmin edilməsi mühüm istehsal və xidmət sahələrinin fəaliyyətinin canlanması, əhali gəlirlərinin artırılması və alınmış kreditlərin qaytarılma imkanlarının genişləndirilməsi ilə nəticələnərək belə məqsədlərə çatmağa xidmət edir. Çox məsuliyyətli və eyni zamanda olduqca vacib olan kreditləşmə bu zaman öz zəmanətini dövlətin iqtisadi və sosial həyatda yaratmış olduğu sabitlikdən alır. Və beləliklə, zəncirvari bir proses kimi davamlı sabitlik kreditlərin, uzunmüddətli kreditləşmə isə daha uzaq gələcəyə yönəlmiş stabil inkişafın zəmanətçisi kimi qarşıya çıxır.

“Yol mədəniyyət, iqtisadiyyat, bir sözlə, həyat deməkdir”, – deyən ümummilli liderimiz Heydər Əliyevin 1993-cü ildə Azərbaycanda yenidən siyasi hakimiyyətə qayıdışından sonra ölkə iqtisadiyyatının inkişafında mühüm rol oynayan avtomobil yollarının yenidən qurulmasına başlanılmışdır. Bu sahədə işlər ölkə başçısı cənab İlham Əliyev tərəfindən uğurla davam etdirilir.
“Azərbaycan Respublikasında avtomobil yolları şəbəkəsinin yeniləşməsinə və inkişafına dair (2006-2015-ci illər) Dövlət Proqramı”na uyğun olaraq, muxtar respublikamızda da yol-nəqliyyat kompleksinin yeniləşdirilməsi və beynəlxalq standartlara uyğunlaşdırılması istiqamətində mühüm tədbirlər həyata keçirilir. Bu tədbirlərin bir hissəsini də magistral yolların yenidən qurulması təşkil edir. Artıq muxtar respublikamızda magistral yolların çoxu yenidən qurulmuşdur. Naxçıvan-Sədərək, Naxçıvan-Culfa magistral avtomobil yolu və bu magistral yolları birləşdirən Naxçıvan dairəvi avtomobil yolu yenidənqurma işlərindən sonra istifadəyə verilmişdir.

Muxtar respublikada həyata keçirilən sosial və iqtisadi islahatların uğurlu nəticələri Naxçıvan Muxtar Respublikasının yaradılmasının 90 illiyinin qeyd olunduğu və “Muxtariyyət ili” elan edilmiş 2014-cü ilin ilk rübü ərzində də qorunub saxlanılmışdır.
Cari ilin ötən dövrü ərzində muxtar respublikada ən mühüm hadisələrdən biri ölkə başçısı cənab İlham Əliyevin muxtar respublikaya səfəri olmuşdur. Ölkə Prezidenti Naxçıvan Beynəlxalq Hava Limanının, Naxçıvan Muxtar Respublikası Hərbi Prokurorluğunun inzibati binalarının, Gənc­lər Mərkəzinin, Naxçıvan-Şahbuz-Batabat magistral avtomobil yolunun, Naxçıvan Şəhər Su Anbarı və Sutəmizləyici Qurğular Kompleksinin, Kəngərli Rayon Mərkəzi Xəstəxanasının, “Arpaçay-1” və “Arpaçay-2” Su Elektrik stansiyalarının açılışlarında iştirak etmiş, “Naxçıvanqala” Tarix-Memarlıq Muzey Kompleksi ilə, Naxçıvan Biznes Mərkəzində muxtar respublikada istehsal edilən məhsulların sərgisi ilə tanış olmuş,  muxtar respublikanın ərazisində yerləşən hərbi hissələrə daxil olan  yeni texnika və silahlara baxmışdır.

Babək qəsəbəsində inşa edilən yeni uşaq bağçası binasının tikintisində son tamamlama işləri aparılır.
“Dizayn” Məhdud Məsuliyyətli Cəmiyyətinin inşaatçıları tərəfindən tikinti işlərinin həyata keçirildiyi obyektin ətrafında hazırda abadlıq işləri görülür.
160 yerlik uşaq bağçası zirzəmi ilə birlikdə 4 mərtəbədən ibarətdir. Ümumi ərazisi 1000 kvadratmetr olan binanın zirzəmi hissəsində yeməkxana, qarderob, tibb xidməti otağı, yataq otağı və oyun zalı yerləşəcək. Birinci mərtəbədə valideynlər otağı, müdiriyyət, ikinci və üçüncü mərtəbələrin hər birində metodik kabinet olmaqla, bütün mərtəbələrdə yataq otağı və oyun zalları fəaliyyət göstərəcək.

Xəbərlər şöbəsi

Möhkəm təməllər üzərində qurulmuş milli iqtisadiyyatın yaradılması, ilk növbədə, ölkədə bərqərar edilmiş dayanıqlı sabitlikdən və etibarlı xammal-enerji təminatına əsaslanan təsərrüfat əlaqələrinin qurulmasından asılıdır. Bu baxımdan dünyada karbohidrogen mənşəli enerji daşıyıcılarının ehtiyatının gedərək azalması və qiymətinin artması, onların regionlar üzrə qeyri-bərabər paylanması hər bir ölkənin öz müstəqil enerji siyasətini yürütməsi zərurətini ön plana çəkir. Enerjidən asılılığın həm qlobal, həm də regional miqyasda bəzən çox gərgin vəziyyət yaratdığı bir dövrdə enerji strategiyalarının həyata keçirilməsi, daha etibarlı, daha ucuz, ekoloji təmiz və bərpaolunan enerji mənbələrinin tapılıb üzə çıxarılması və onlardan səmərəli istifadə edilməsi məsələləri hər kəsi düşündürən həyati vacib problemlər səviyyəsinə qalxmışdır.

Naxçıvanın ərzaq təhlükəsizliyi tam təmin olunub

Azərbaycan Respublikasının Prezidenti İlhаm ƏLİYEV: ...Naxçıvanda sərgilənən yerli istehsal nümunələri ilə tanış olmuşam. O sərgidə Naxçıvanda son illər ərzində yaradılmış müəssisələrin məhsulları nümayiş etdirilirdi. Bu da çox sevindirici haldır. Çünki yerli istehsal artır. Naxçıvanın sənaye potensialı artır, ixrac artır və Naxçıvanın artıq 100 milyon dollar səviyyəsində ixrac potensialı yaranmışdır. Naxçıvanda ərzaq təhlükəsizliyi məsələləri, demək olar ki, tam şəkildə öz həllini tapmışdır.

Müasir dünyada ölkələrin ərzaq təhlükəsizliyi əsas strateji hədəflərdən sayılır. Çünki dünya əhalisinin getdikcə artması, bu səbəbdən təbii ehtiyatların getdikcə azalması və dünya düzəninin dəyişməsinə bu və ya digər dərəcədə təsir göstərən ictimai-siyasi proseslərin daim aktiv vəziyyətdə saxlanılması insanların təbii ehtiyacı olan qidalanmanı qlobal problemə çevirmişdir. Maraqlı, eyni zamanda ürəkağrıdıcı problemlərdən biri də odur ki, ümumsivilizasiya qapısına gündən-günə daha da yaxınlaşan qlobal dünyada hələ də aclıqdan əziyyət çəkən milyonlarla insan var.

Muxtar respublikada iqtisadiyyatın dinamik inkişafı təmin olunmuş, sahibkarlıq subyektlərinin fəaliyyətinin stimullaşdırılması və genişləndirilməsinə dövlət maliyyə dəstəyi göstərilmiş, iş adamlarının normal fəaliyyəti üçün əlverişli biznes mühiti formalaşdırılmış, yeni istehsal və xidmət sahələri, idxaləvəzləyici və ixracyönümlü məhsullar istehsal edən emal və sənaye müəssisələri yaradılmışdır. Aparılan uğurlu islahatlar nəticəsində sənaye məhsulunun həcmi ilbəil artmış, muxtar respublikada istehsal olunan sənaye məhsulunun 93 faizə qədəri özəl sektorun payına düşmüşdür.    
Son illər yaradılan müəssisələrdən biri də Naxçıvan şəhərində fəaliyyət göstərən “Dekor Qrup” Məhdud Məsuliyyətli Cəmiyyətidir. Müəssisənin direktoru Ələddin Allahverdiyev bildirdi ki, özəl bölməyə, sahibkarlıq fəaliyyətinə göstərilən dövlət qayğısından bu müəssisə də bəhrələnmişdir. Xammal və hazır məhsulların ağırtonnajlı yük avtomobilləri ilə daşınması üçün daha əlverişli yerdə – Naxçıvan dairəvi avtomobil yolunun kənarında müəssisə üçün 15 min kvadratmetr torpaq sahəsi ayrılmışdır. 2013-cü ilin may ayından inşaat işlərinə başlanılmış, əraziyə elektrik, qaz, su və kanalizasiya xətləri çəkilmişdir.

Müasir dünyanın mənzərəsində elə bir ölkə çətin tapılar ki, o, digərlərinin onilliklər boyu keçdiyi yolu qısa bir müddət ərzində qət etməklə əsas inkişaf göstəriciləri üzrə diqqətləri özünə cəlb edə bilsin. Bu mənada həm daxili, həm də xarici siyasətdəki uğurları, innovativ yeniliklərin cəmiyyət həyatına tətbiqi və regional inkişafdakı nailiyyətləri ilə Azərbaycan Respublikası dünya ölkələri arasında öz nüfuzunu artıraraq region müstəvisindən çıxmış və qlobal güclər ailəsinə doğru sürətlə irəliləməkdədir. Hərtərəfli inkişafı, ölkə vətəndaşlarının rifah və təhlükəsizliyinin təmin olunmasını yalnız öz daxili imkanları hesabına həyata keçirən, bunun üçün lazım olan anda və lazım olan yerdə bütün resursları bir məqsədə yönəldə bilən güclü iqtisadiyyat modeli müstəqil Azərbaycanda uğurla tətbiq edilməkdədir. Demokratik rifah cəmiyyəti qura bilmək üçün ölkənin hər bir vətəndaşının həyat səviyyəsinin yüksəldilməsinə xidmət edən sosial dövlətin də ali məqsədi budur.

Naxçıvan Muxtar Respublikası Ali Məclisi Sədrinin “Naxçıvan: ilk yaşayış və şəhərsalma yeri kimi” mövzusunda Beynəlxalq Simpoziumun keçirilməsi haqqında” 2011-ci il 7 iyun tarixli Sərəncamı ilə təsdiq olunmuş Tədbirlər Planına əsasən, Naxçıvan şəhər mədəniyyətinin günümüzə qədər gəlib çatan mühüm tarixi abidələrindən olan Naxçıvanqalada əsaslı bərpa və yenidənqurma işləri aparılmışdır. Ümumi ərazisi 12 min kvadratmetrdən artıq olan qalanın divarları, bürcləri, qalanın giriş hissəsi bərpa olunmuşdur.

Naxçıvan Muxtar Respublikası Ali Məclisinin Sədri tərəfindən təsdiq olunmuş “2008-2015-ci illərdə Naxçıvan Muxtar Respublikasında əhalinin ərzaq məhsulları ilə etibarlı təminatına dair Dövlət Proqramı”nın və “2012-2015-ci illərdə Naxçıvan Muxtar Respublikasında meyvəçiliyin və tərəvəzçiliyin inkişafı üzrə Dövlət Proqramı”nın həyata keçirilməsi məqsədilə bir sıra addımlar atılır. Atılan bu addımların əsas mahiyyəti muxtar respublikada kənd təsərrüfatının hərtərəfli inkişaf etdirilməsi, bu sahədə fəaliyyət göstərən kiçik və orta sahibkarlıq subyektlərinin dəstəklənməsi və əhalinin yerli məhsullara olan ehtiyacının tamamilə ödənilməsindən ibarətdir. Bu məqsədlə yeni bank və bank filiallarının yaradılması və onların əhatə dairəsinin genişləndirilməsi, xüsusilə kənd təsərrüfatı sahəsində çalışan fərdi torpaq mülkiyyətçilərinə güzəştli şərtlərlə mikrokreditlərin verilməsinin dəstəklənməsi mühüm əhəmiyyət daşıyır.

Naxçıvan şəhərində fəaliyyət göstərən “Zümrüd” Kiçik Müəssisəsi əlverişli sahibkarlıq mühitindən bəhrələnərək dövlət maliyyə dəstəyi ilə istehsal sahəsini ildən-ilə genişləndirir. Müəssisənin icraçı direktoru Mehrəngiz Əkbərovanın verdiyi məlumata görə, cari ildə də bu istiqamətdə işlər davam etdirilmiş, sifariş verilən xüsusi geyim formalarının kompleks şəkildə müəssisədə istehsal edilməsi məqsədilə köynək istehsalı sahəsinin yaradılmasına başlanmışdır.
Naxçıvan şəhərinin Əliabad qəsəbəsindəki Əcəmi-39 ünvanında ayrılmış yeni binanın istehsal sahəsinə uyğunlaşdırılması üçün təmir-bərpa və yenidənqurma işləri aparılmış, su, istilik və kanalizasiya sistemləri yenidən qurulmuş, elektrik xətləri çəkilmiş, arakəsmələr hörülmüş, beton və suvaq işləri başa çatdırılmışdır. Layihəyə uyğun olaraq, ümumi sahəsi 654 kvadratmetr olan binada istehsal sahəsi, xammal və hazır məhsulların saxlanılması üçün anbar, iaşə xidməti göstərilməsi üçün yeməkxana və ayrı-ayrı iş otaqları yaradılmışdır.

Naxçıvan Muxtar Respublikasında yeni hidrotexniki qurğuların tikilməsi və mövcud qurğularda yenidənqurma işlərinin aparılması diqqət mərkəzində saxlanılır. Həyata keçirilən tədbirlər nəticəsində regionda içməli və təsərrüfat suyuna olan tələbatın ödənilməsi istiqamətində müsbət nəticələr əldə olunub. Təkcə 2013-cü ildə Naxçıvan Şəhər Su Anbarı və Sutəmizləyici Qurğular Kompleksi, 4 nasos stansiyası, 3 sub­artezian quyusu, 11 kəhriz istifadəyə verilib.

Görülən işlərin davamı olaraq, ötən əsrin 60-cı illərindən istismar olunan Uzunoba Su Anbarının 2013-cü ilin oktyabr ayından yenidən qurulmasına başlanılıb. “Gəmiqaya” Məhdud Məsuliyyətli Cəmiyyətinin inşaatçıları tərəfindən aparılan təmir və yenidənqurma işləri uğurla davam etdirilir. İş icraçısı Nemət Əhmədovun verdiyi məlumata görə, su anbarı bəndinin uzunluğu 1868 metr, hündürlüyü isə 17,7 metrdir. Anbarda yeni su keçidi qurulub, sahil xətti boyunca hündürlüyü 1 metr olan mühafizə divarının və yamac hissələrdə beton örtüyünün salınması işləri davam etdirilir. Sahil xətti boyunca dəmir dayaqlar üzərində 3 ədəd çay evinin (kafeteriya) qurulmasına da başlanılıb.

Aprelin 1-də Azərbaycan Respublikası Mərkəzi Bankının müvafiq lisenziyası əsasında “Naxçıvanbank” Açıq Səhmdar Cəmiyyətinin Şərur rayon filialı fəaliyyətə başlamışdır. Yeni yaradılmış filial vasitəsilə əhalinin, sahibkarların, torpaq mülkiyyətçilərinin maliyyə resurslarına olan tələbatlarının yüksək səviyyədə ödənilməsi üçün hərtərəfli şərait yaradılmışdır. Zəruri avadanlıqlarla təmin olunmuş bank filialında müştərilərə növbəlilik sistemi vasitəsilə bütün bank xidmətləri göstəriləcəkdir. Mühasibat-əməliyyat və kredit şöbələrinin xidmətlərindən istifadə edən müştərilər eyni zamanda burada plastik kartlar, müxtəlif pul köçürmələri, vergi və rüsumların ödənişləri və sair əməliyyatlardan yararlana biləcəklər.
Mərkəzi Bankın Naxçıvan Muxtar Respublikası İdarəsinin sədri Səbuhi Məmmədov bizimlə söhbətində filialın yaradılmasının əhəmiyyətindən danışdı. Bildirdi ki, “Naxçıvanbank” Açıq Səhmdar Cəmiyyəti tərəfindən 2014-cü ilin yanvar ayından etibarən kənd təsərrüfatı və biznes üçün verilən kreditlərin faiz dərəcələri 15 faizədək endirilmiş, kiçikhəcmli kreditlərin verilmə prosedurları isə sadələşdirilmişdir.

Naxçıvan Muxtar Respublikası Kənd Təsərrüfatı Nazirliyi torpaq mülkiyyətçilərinə, həmçinin fermerlərə bitkiçilik və heyvandarlıq sahələrində mövsümlə bağlı aşağıdakı işlərin görülməsini tövsiyə edir.

Meyvə və üzüm bağlarında

Aran bölgələrindəki meyvə bağlarında suvarma aparılmalı, dağlıq bölgələrdə isə budama işləri başa çatdırılmalıdır. Bundan başqa, tezyetişən sortlarda vegetasiya inkişafı müşahidə edilərsə, hava şəraiti nəzərə alınmaqla bar orqanlarının şaxtadan mühafizə edilməsi məqsədilə ağac cərgələri aralarında şaşkalar yandırmaq lazımdır. Çətin yanan bitki qalıqları, küləş və ya yaş odun yandırmaqla tüstüləndirmə aparmaq da məqsədəuyğundur.
Dağlıq ərazilərdə becərilən gec oyanan meyvə ağaclarında sortdəyişmə məqsədilə calaq işləri aprel ayının ilk ongünlüyündə aparılmalıdır.

“Prestij Naxçıvan Pivəsi” Məhdud Məsuliyyətli Cəmiyyəti 2006-cı ildə yaradılmışdır. Özəl bölməyə göstərilən dövlət qayğısından bu müəssisə də bəhrələnmiş, Sahibkarlığa Kömək Fondundan 1 milyon 80 min manat dövlət maliyyə dəstəyi göstərilmişdir. İllik istehsal gücü 300 min dekalitr olan zavodda Amerika Birləşmiş Ştatları, İtaliya, Çexiya və Macarıstandan alınmış avadanlıqlar quraşdırılmış, müəssisə 2008-ci ilin oktyabr ayında istifadəyə verilmişdir. Eyni zamanda 2008-ci ilin mart ayında Sahibkarlığa Kömək Fondundan əlavə 50 min manat dövlət maliyyə dəstəyi göstərilmişdir ki, bu vəsaitlə müəssisədə yeni istehsal sahəsi – istehsal gücü gündə 1000 kiloqram olan balığın duzlanması və qurudulması sexi tikilmişdir.
İstehsal edilən pivənin vaxtında yerlərə çatdırılması və keyfiyyətlə saxlanılması üçün müəssisəyə “Hyundai” markalı soyuducu kamerası olan avtomobil alınmışdır. Bundan başqa, xammalın saxlanılması üçün 288 kvadratmetrlik anbar inşa edilmiş, 50 min manat dəyərində Çexiya istehsalı olan pasterizator avadanlığı alınıb quraşdırılmışdır. Bu da istehsal edilən pivəni 6 ayadək saxlamağa imkan verir.

“2014-2015-ci illərdə Naxçıvan şəhərinin sosial-iqtisadi inkişafı üzrə Proqram”a uyğun olaraq, paytaxt Naxçıvan şəhərində abadlıq və təmir-bərpa işləri sürətlə davam etdirilir. Bu tədbirlər Naxçıvan şəhərinin “İstiqlal” küçəsini də əhatə edib.
Adıçəkilən ünvandakı 87 nömrəli ictimai yaşayış binasında aparılan yenidənqurma işləri “Dizayn İnşaat” Məhdud Məsuliyyətli Cəmiyyətinin inşaatçılarına həvalə edilib. Binaya sonradan əlavə edilmiş artırmalar sökülüb, insanların mənzil-məişət şəraitinin yaxşılaşdırılması məqsədilə əlavə yaşayış sahələrinin tikintisinə başlanılıb. Tikilinin davamlılığını artırmaq üçün binanın ön hissəsi 4 metr hündürlükdə olan dəmir-beton vasitəsi ilə möhkəmləndirilib. Hazırda girişlərdəki su, elektrik, telefon xətləri yenilənir və suvaq işləri aparılır.
Binanın 3 metr enində, 47 metr uzunluğunda genişləndirilməsi nəzərdə tutulub. Bu tədbir ilk iki mərtəbədə başa çatdırılıb. Yaxın günlərdə dam örtüyünün dəyişdirilməsinə başlanılacaq, bina üzlənəcəkdir.

Xəbərlər şöbəsi

Naxçıvan Muxtar Respublikası Ali Məclisi Sədrinin 2008-ci il 17 sentyabr tarixli Sərəncamı ilə təsdiq olunmuş “2008-2015-ci illərdə Naxçıvan Muxtar Respublikasında əhalinin ərzaq məhsulları ilə etibarlı təminatına dair Dövlət Proqramı” muxtar respublikada aqrar sektorun inkişafında mühüm əhəmiyyət kəsb edən dövlət sənədidir. Proqramın qəbulundan ötən müddət ərzində bu istiqamətdə xeyli nailiyyətlər əldə olunub. Elə 2013-cü ilin qısa statistikasına nəzər salsaq, bunun şahidi olarıq. Bəhs olunan dövrdə muxtar respublikada 60 min 127 hektar sahədə əkin aparılıb, taxılçılıq əsas əkinçilik sahəsi olmaqla diqqət mərkəzində saxlanılıb, 35 min 324 hektar sahədə taxıl əkilib. Zəmilərdən 102 min 960 ton məhsul toplanıb.  
Kartofçuluğun inkişafında da müsbət dinamika saxlanılmaqla, 2957 hektar sahədə kartof əkini həyata keçirilib, əkin sahələrindən 41296,8 ton kartof yığılıb.
2013-cü ildə 109468 ton dənli və dənli-paxlalı məhsulu (qarğıdalısız), 3882,9 ton dən üçün qarğıdalı, 694,9 ton dən üçün günəbaxan, 66497 ton tərəvəz, 39037,5 ton ərzaq üçün bostan məhsulları, 43276,2 ton meyvə, 15112,7 ton üzüm tədarük edilib.  
Həyata keçirilən aqrar siyasətin səmərəli nəticəsi kimi, 2013-cü ildə muxtar respublikada 337 milyon 127 min manatdan çox kənd təsərrüfatı məhsulları istehsal olunub.
Cari ildə də kənd təsərrüfatının inkişafı diqqət mərkəzində saxlanılıb. Torpaq mülkiyyətçiləri yazın ilk günlərindən sahələrə çıxıblar. Naxçıvan Muxtar Respublikası Kənd Təsərrüfatı Nazirliyindən aldığımız operativ məlumata görə, yaz əkinləri üçün bu günədək 2500 hektar sahədə şum aparılıb, 1800 hektar sahədə əkin keçirilib ki, bunun da 700 hektarını arpa, 300 hektarını kartof, 800 hektarını bostan-tərəvəz bitkiləri təşkil edir.
Şum aparılması və əkin prosesi davam etdirilir.

Xəbərlər şöbəsi