Naxçıvan Muxtar Respublikası Dövlət Statistika Komitəsindən verilən məlumata görə, 2014-cü ilin yanvar-fevral aylarında Naxçıvan Muxtar Respublikasında 296 milyon 185 min  manatlıq Ümumi Daxili Məhsul istehsal olunmuşdur ki, bu da 2013-cü ilin yanvar-fevral ayları ilə müqayisədə 5,2 faiz çoxdur. Ümumi Daxili Məhsulun sahə strukturunda ilk yeri sənaye sahəsi tutmaqdadır. Hər bir nəfərə düşən Ümumi Daxili Məhsulun həcmi 2013-cü ilin yanvar-fevral ayları ilə müqayisədə 4,9 faiz artaraq 679,6 manata (866,4 ABŞ dollarına) çatmışdır.

Böyükdüz ərazisində yeni istixana kompleksinin tikintisinə başlanılıb

Muxtar respublikamızda özəl bölməyə göstərilən dövlət qayğısı öz bəhrəsini vermiş,  sahibkarlığın inkişafında ciddi nailiyyətlər qazanılmış, aqrar bölmədə yüzlərlə yeni istehsal müəssisəsi, kiçik fərdi təsərrüfatlar yaradılmışdır. Özəl sektorun inkişafı daxili bazarın qorunmasında, idxaldan asılılığın aradan qaldırılmasında, əhalinin tələbatının yerli istehsal hesabına dolğun ödənilməsində və ərzaq təhlükəsizliyi proqramının uğurla icra edilməsində əhəmiyyətli rola malikdir. Hazırda muxtar respublikada Ümumi Daxili Məhsul istehsalında özəl bölmənin payı 87 faiz təşkil edir.
“2012-2015-ci illərdə Naxçıvan Muxtar Respublikasında meyvəçiliyin və tərəvəzçiliyin inkişafı üzrə Dövlət Proqramı”na uyğun olaraq ardıcıl və məqsədyönlü tədbirlər həyata keçirilir,  sahibkarlara dövlət maliyyə dəstəyi göstərilir, yeni meyvə bağları salınır, istixana kompleksləri yaradılır. Tərəvəz məhsullarına olan tələbatın yerli istehsal hesabına ödənilməsi istiqamətində həyata keçirilən tədbirlər ötən ildə də uğurla davam etdirilmiş, Naxçıvan şəhərində yeni istixana kompleksi istifadəyə verilmişdir.

Ümummilli lider Heydər Əliyevin müəyyənləşdirdiyi dövlət idman və gənclər siyasəti muxtar respublikamızda uğurla davam etdirilir.
Bu sahədə həyata keçirilən tədbirlərin nəticəsidir ki, müxtəlif idman obyekti və qurğularının yaradılması təkcə paytaxt Naxçıvan şəhərini deyil, bölgələrimizi də əhatə edir. Muxtar respublikamızın ən gənc rayonlarından olan Kəngərli rayonunda Uşaq-Gənclər Şahmat Məktəbi üçün yeni binanın tikilməsi də görülən işlərin davamıdır.
İş icraçısı Hicran Əliyevin verdiyi məlumata görə, zirzəmi ilə birlikdə 4 mərtəbədən ibarət olacaq binanın tikintisinə 2013-cü ilin noyabr ayından başlanılıb. Hazırda binanın son mərtəbəsində beton-qəlib işləri aparılır, birinci mərtəbədə isə arakəsmələrin hörülməsi davam etdirilir. Bina istifadəyə tam hazır olduqdan sonra zirzəmi hissədə qazanxana, bufet və sinif otaqları, ikinci mərtəbədə 4 sinif otağı, üçüncü mərtəbədə sinif otaqları ilə yanaşı, müəllimlər otağı və kompüter otağı yerləşəcək. Sonuncu mərtəbə isə oyun zalı və hakim otağı üçün nəzərdə tutulub.
Naxçıvan Muxtar Respublikası Dövlət Şəhərsalma və Arxitektura Komitəsinin Kəngərli Rayon İdarəsi tərəfindən tikintisi davam etdirilən obyektdə, əsasən, yerli tikinti materiallarından istifadə edilir, təhlükəsizlik qaydalarına ciddi əməl olunur.

Xəbərlər şöbəsi

Bu ilin ilk 2 ayı ərzində Naxçıvan Muxtar Respublikası Vergilər Nazirliyi və onun yerli vergi orqanları tərəfindən muxtar respublika ərazisində operativ nəzarətin əhatə funksiyalarına daxil olan məsələlər üzrə 18 vergi ödəyicisində qanunvericiliyin pozulması faktları aşkar edilib və müvafiq tədbirlər görülüb.
Naxçıvan Muxtar Respublikası Vergilər Nazirliyindən bildiriblər ki, həyata keçirilən operativ nəzarət tədbirləri zamanı 5 vergi ödəyicisi tərəfindən əhali ilə nağd hesablaşmaların aparılması qaydalarının pozulması, 7 vergi ödəyicisi tərəfindən xarici valyuta məbləğlərinin ödəniş vasitəsi kimi qəbul edilməsi və valyuta vəsaitlərinin ticarət, iaşə və xidmət müəssisələrində qanunvericiliklə müəyyən edilmiş qaydalar pozulmaqla alınıb satılması və ya dəyişdirilməsi faktları aşkarlanıb.

Azərbaycan Respublikası regionlarının sosial-iqtisadi inkişafı Dövlət Proqramına uyğun olaraq, ölkəmizdə su və kanalizasiya sistemləri də yenidən qurulur. 2009-cu ildən etibarən muxtar respublikanın paytaxtı Naxçıvan şəhərində və rayon mərkəzlərində də içməli su və kanalizasiya sistemlərinin yenidən qurulmasına başlanılmışdır. Artıq Naxçıvan şəhərində və rayon mərkəzlərində tikinti işlərinin əsas hissəsi başa çatdırılmışdır.

Muxtar respublikada həyata keçirilən qurucu­luq tədbirləri “Muxtariyyət ili”ndə həcmini bir qədər də genişləndirməklə həyatımızın bütün sahələrini əhatə edir. Belə qayğıdan regionumuzun yanğın təhlükəsizliyi infrastrukturu da bəhrələnib. Ötən illərdə muxtar respublikanın müxtəlif ünvanlarında Naxçıvan Muxtar Respublikası Fövqə­l­adə Hallar Nazirliyinin Dövlət Yanğın Təhlükəsizliyi İdarəsinin rayon şöbələri üçün müasir tələblərə cavab verən yeni binalar inşa olunub, onların maddi-texniki bazaları gücləndirilib. Hazır­da Sədərək Rayon Dövlət Yanğın Təhlükəsizliyi Şöbəsi üçün yeni inzibati binanın inşası sürətlə davam etdirilir. İnzibati hissədən, təlim qülləsindən və anbarlardan ibarət olacaq binanın birinci mərtəbəsində növbətçi yanğınsöndürmə xidmətinin fəaliyyətini təmin edən otaqlar və texniki qaraj yerləşəcək. Burada sinif otağı, yataqxana, yeməkxana, istirahət otağı, camaşırxana və qazanxana, binanın ikinci mərtəbəsində isə iş otaqları və müşavirə zalı əməkdaşların ixtiyarına veriləcək. Sinif otağında şəxsi heyətin təlimatlandırılması üçün lazımi şərait yaradılacaq, məlumat stendləri və kitabçalar qoyulacaq.
Dispetçer otağında mərkəzi radiorabitə sistemi quraşdırıla­­caq. Binanın həyətində geniş abad­­lıq işləri aparılacaq, yaşıllıqlar salınacaq.
“Gəmiqaya” Məhdud Məsuliyyətli Cəmiyyətinin bir qrup inşaatçısı öhdəsinə götürdüyü obyektin tikintisini vaxtında başa çatdırmaq üçün yaradılmış şəraitdən səmərəli istifadə etməyə səy göstərir.

Xəbərlər şöbəsi

İnsan sağlamlığı cəmiyyətin sərvətidir. Yalnız sağlam olanlar dövlətin və xalqın xeyrinə qurub-yaratmaq üçün özünün yaradıcı imkanlarından tam istifadə edə bilərlər. Odur ki, Naxçıvan Muxtar Respublikasında insanların sağlamlığının qorunmasına, səhiyyənin inkişafına xüsusi diqqət və qayğı göstərilir. Səhiyyə sistemində aparılan islahatlar tibb ocaqlarının maddi-texniki bazasının möhkəmləndirilməsinə, xidmətin keyfiyyətcə yaxşılaşmasına zəmin yaradıb.
Son illər Naxçıvan şəhərində fəaliyyət göstərən əksər səhiyyə müəssisələri üçün yeni binalar inşa edilib, bölgələrimizdə müasir tələblərə cavab verən səhiyyə ocaqları tikilərək istifadəyə verilib. Muxtar respublikanın ən böyük səhiyyə müəssisəsi olan Naxçıvan Muxtar Respublika Xəstəxanası binasının yenidən qurulması da səhiyyə quruculuğu istiqamətində atılan növbəti addımdır.

“İşgəsu” balıqçılıq təsərrüfatı da bu işə öz töhfəsini verir

Daxili bazarda yerli istehsal məhsullarının xüsusi çəkisinin artmasında sahibkarlıq fəaliyyətinə ciddi önəm verilməsi, sahibkarlıq subyektlərinə hərtərəfli qayğı göstərilməsi, onların üzləşdikləri problemlərin həllinə həssaslıqla yanaşılması mühüm rol oynayır. Bir qədər əvvələ qayıtsaq və bu günümüzlə müqayisə etsək, bu istiqamətdə muxtar respublikamızda böyük irəliləyişlər olduğunu görərik.

Hələ keçmiş zamanlardan yol çəkdirmək, körpü salmaq savab işlərdən sayılıb. Bu təşəbbüsdə olanlara daim hörmətlə yanaşılıb. Yol eyni zamanda ümummilli lider Heydər Əliyevin sözləri ilə desək, iqtisadiyyat, mədəniyyət, bir sözlə, həyat deməkdir. Buna görə də ölkəmizdə, eyni zamanda muxtar respublikamızda aparılan tikinti-quruculuq tədbirləri sırasında yol infra­strukturunun müasirləşdirilməsinin xüsusi yeri var. Bu infrastrukturun yenilənməsi həm də regionun inkişaf göstəricilərindən hesab olunur. Təsadüfi deyil ki, ölkə Prezidenti cənab İlham Əliyev Naxçıvana səfərlərinin birində demişdir: “Yol tikintisi inkişaf, insanların normal, rahat yaşaması üçün əsasdır. Harada ki yol tikilir, orada inkişaf vardır. Ona görə bu gün yol tikintisi Azərbaycanın bütün bölgələrində sürətlə gedir. O cümlədən Naxçıvanda bu proses sürətlə gedir və həll olunur”.

Muxtar respublikanın əlverişli iqlim şəraiti, bərəkətli, münbit torpaqları, kənd təsərrüfatının inkişafına hərtərəfli dövlət qayğısının göstərilməsi mövcud torpaq potensialından səmərəli istifadə edilməsinə, həmçinin əkin dövriyyəsinin genişləndirilməsinə geniş imkanlar açmışdır. Təsərrüfat suyuna olan tələbatın ödənilməsi, torpaq mülkiyyətçilərinə güzəştli şərtlərlə kreditlərin və müasir kənd təsərrüfatı texnikalarının verilməsi, aqrotexniki xidmət sarıdan köməkliklərin göstərilməsi bu sahəyə olan dövlət  qayğısının daha bir ifadəsidir. Təbii ki, əkin-biçin kampaniyasının mütəşəkkil keçirilməsində, yetişdirilən məhsulun vaxtında və itkisiz toplanılmasında müasir kənd təsərrüfatı texnikalarından səmərəli istifadə mühüm əhəmiyyət daşıyır. Bu baxımdan torpaq mülkiyyətçilərinin və fermerlərin kənd təsərrüfatı texnikaları ilə təmin olunması olduqca vacib məsələlərdəndir.

Əhalinin mənzil-məişət şəraitinin yaxşılaşdırılması istiqamətində həyata keçirilən tədbirlər Naxçıvan Muxtar Respublikasında geniş vüsət alan tikinti işlərinin tərkib hissəsidir.
Naxçıvan şəhərinin Atatürk və Əziz Əliyev küçələrində inşa olunan yeni yaşayış binaları bu tədbirlərin davamıdır. Atatürk küçəsində yerləşən bina zirzəmi ilə birlikdə 9 mərtəbədən ibarətdir. Tikinti işlərinə ötən ilin fevral ayından başlanılıb. İş icraçısı Rəfael Zamanovdan aldığımız məlumata görə, 54 mənzilli nəzərdə tutulmuş yaşayış binasında beton-qəlib işləri başa çatdırılıb, 4-cü mərtəbəyədək arakəsmələr hörülüb, dam örtüyünün vurulmasına başlanılıb. Bundan əlavə, binada elektrik xətlərinin çəkilişi və digər təchizat işləri davam etdirilir. Tikinti işləri “Gəmiqaya” Məhdud Məsuliyyətli Cəmiyyətinin inşaatçıları tərəfindən aparılır.

Naxçıvan Muxtar Respublikası İqtisadi İnkişaf Nazirliyi “İstehlak Mallarının Ekspertizası Mərkəzi” Məhdud Məsuliyyətli Cəmiyyəti üçün müasir avadanlıqlarla təchiz edilmiş yeni bina tikilərək 2008-ci ildə istifadəyə verilmişdir.
“İstehlak Mallarının Ekspertizası Mərkəzi” Məhdud Məsuliyyətli Cəmiyyətinin maddi-texniki bazasının möhkəmləndirilməsi istiqamətində mütəmadi olaraq məqsədyönlü tədbirlər həyata keçirilmişdir. Ötən illər ərzində ABŞ, Almaniya, İngiltərə, Polşa, İtaliya, Türkiyə istehsalı olan, beynəlxalq standartlara uyğun laboratoriya avadanlıqları alınıb quraşdırılmış və bu istiqamətdə mütəxəssislərə təlimlərin keçilməsi təmin edilmişdir.
İstehlak Mallarının Ekspertizası Mərkəzi tərəfindən Mərkəzi qida sınaq laboratoriyasının beynəlxalq standartların tələblərinə uyğunlaşdırılması istiqamətində tədbirlər davam etdirilir.

Xəbər verdiyimiz kimi, 28 fevral-1 mart tarixlərində Naxçıvan şəhərində Azərbaycan Bank Tədris Mərkəzi tərəfindən muxtar respublikada kənd təsərrüfatının kreditləşməsi mövzusunda kurs keçilmişdir. Tədbirdə iştirak edən Bank Tədris Mərkəzinin direktoru Cavanşir Abdullayevlə həmsöhbət olduq:
– Cavanşir müəllim, bu kursun keçilməsində məqsəd nədir?
– Bilirsiniz, bank işi daim olaraq iqtisadiyyatın digər sahələri ilə əlaqəli şəkildə inkişaf edərək təkmilləşmə tələb edən həssas bir sahədir. Biz 2003-cü ildən başlayaraq hər il ölkəmizin regionlarında, o cümlədən Naxçıvan Muxtar Respublikasında bank işçiləri ilə görüşlər təşkil edir, onların kreditləşmə sahəsində bilik və bacarıqlarının artırılması üçün belə tədbirlər keçiririk. Bu dəfə də Mərkəzi Bankın Naxçıvan Muxtar Respublikası İdarəsinin dəvəti ilə biz kənd təsərrüfatının maliyyələşməsi istiqamətində bankların fəallığının artırılması və kredit alan fermer və torpaq mülkiyyətçiləri ilə onların əməkdaşlığının genişləndirilməsi yollarını müzakirə etmək üçün burdayıq.

Hər il olduğu kimi, 2013-cü ildə də muxtar respublikamızın bütün bölgələrində yeni məktəb binalarının tikintisi, mövcud binaların yenidən qurulması və əsaslı təmir işlərinin həyata keçirilməsi diqqət mərkəzində saxlanılmış, 25 tam orta məktəb binasında tikinti, yenidənqurma və əsaslı təmir işləri həyata keçirilmişdir. Bu məktəblərdə 9 min 164 şagirdin elmlərin sirlərinə yiyələnmələri üçün hərtərəfli şərait yaradılmışdır.
Yeni istifadəyə verilən məktəblərdə təhsilin səmərəliliyini artırmaq üçün müasir şərait yaradılmış, bütün təhsil ocaqları elektron lövhələr, kompüter dəstləri, idman qurğuları ilə təmin olunmuş, müəllim və şagirdlər zəngin kitabxanalardan istifadə etmək imkanı qazanmışlar.
Uşaqlara qayğı və diqqətin gələcək nəslin fiziki və mənəvi cəhətdən sağlam böyüdülməsinə xidmət etdiyini nəzərə alaraq onların təhsil və tərbiyəsinin təşkili, eləcə də məktəbəqədər tərbiyə müəssisələri üçün zəruri şəraitin yaradılmasına da ciddi önəm verilmiş, Naxçıvan şəhərində 275 yerlik 10 nömrəli, 242 yerlik 5 nömrəli, Sədərək rayonunun Heydərabad qəsəbəsində 144 və Ordubad şəhərində 242 yerlik uşaq bağçalarının tikintisi dövlətimizin 2013-cü ildə uşaqlara hədiyyəsi olmuşdur.
Qeyd edək ki, 2014-cü ildə də bir neçə məktəb binası istifadəyə verilmişdir.

Səbuhi HÜSEYNOV

Naxçıvan Özəl Universiteti quruculuq tədbirlərinin kompleks şəkildə aparıldığı ünvanlardan birinə çevrilib. Təhsilin müasir tələblər səviyyəsində qurulması, həmçinin müəllim və tələbələrin hərtərəfli imkanlardan yararlanması üçün ötən ilin mart ayından burada yeni tədris korpuslarının, rektorluq binasının və tələbə yataqxanasının tikintisinə başlanılıb. Tikinti işləri “Gəmiqaya” Məhdud Məsuliyyətli Cəmiyyətinin inşaatçıları tərəfindən aparılır.
Rektorluq binası zirzəmi ilə birlikdə 3 mərtəbədən ibarətdir. Burada əsas işlər yekunlaşdırılıb, dam örtüyü vurulub, pəncərələr salınıb, təchizat işləri başa çatdırılıb. Hazırda binanın fasad hissəsi travertin daşlarla üzlənir.
Təhsil müəssisəsinin əsas korpusu isə zirzəmi ilə birlikdə 6 mərtəbədən ibarətdir. Burada beton-qəlib işləri yekunlaşdırılıb, arakəsmələrin hörgüsü aparılır. Bina istifadəyə tam hazır olduqdan sonra zirzəmi hissədə müəllim və tələbələr üçün yeməkxana, laboratoriya otaqları və anbarlar yerləşəcək. Digər mərtəbələrdə isə mühazirə zalları, elektron lövhəli siniflər, kompüter və müəllimlər otaqları, fənn kabinələri və auditoriyalar fəaliyyət göstərəcək.

Son illər muxtar respublika iqtisadiyyatında yüksək templə inkişaf edən sahələrdən birinə çevrilən və yerli istehsalın stimullaşdırılmasında mühüm əhəmiyyətə malik olan sənaye sektorunda həyata keçirilən tədbirlər Naxçıvanın aqrar regiondan sənaye regionuna çevrilməsinə şərait yaratmış, muxtar respublikada müxtəlif çeşidlərdə yüksəkkeyfiyyətli məhsullar istehsal edən rəqabətqabiliyyətli müəssisələr həyata vəsiqə almışdır.

Naxçıvan şəhərinin İslam Səfərli küçəsində ötən ilin mart ayından inşasına başlanan 400 yerlik avtomobil dayanacağında işlər sürətlə davam etdirilir.
Burada inşaat işlərini “Dizayn” Məhdud Məsuliyyətli Cəmiyyətinin kollektivi həyata keçirir. Obyektin iş icraçısı Nəsir Nəsirovun bildirdiyinə görə, avtomobil dayanacağı zirzəmi ilə birlikdə dörd mərtəbədən ibarət olacaq. Binada qəlib-beton işləri başa çatdırıldıqdan sonra məhdud ölçüdə hörgü işləri həyata keçiriləcək, fasad hissədə daha estetik görüntü əldə etmək üçün, əsasən, şüşə konstruksiyalardan istifadə ediləcək.
Qeyd edək ki, muxtar respublikada nəqliyyat kompleksinin inkişafı üçün nəqliyyat sisteminin təhlükəsizliyinin təmin edilməsi, avtomobil yollarının və yol infrastrukturunun inkişaf etdirilməsi, o cümlədən mövcud yollar üzərində beynəlxalq əhəmiyyətli tranzit yolların salınması, nəqliyyat vasitələrinin rahat və təhlükəsiz hərəkəti tədbirlərinin həyata keçirilməsi, şəhər nəqliyyatı işinin ekoloji təmizlik və sərnişin daşınmasında daha səmərəli nəqliyyat növlərinin istifadə prinsiplərini əsas götürərək müasir standartlar səviyyəsinə çatdırılması istiqamətində işlər aparılmaqdadır.

Xəbərlər şöbəsi

Fevralın 28-i və martın 1-də Azərbaycan Bank-Tədris Mərkəzi tərəfindən Naxçıvanda kənd təsərrüfatının kreditləşməsi mövzusunda kurs keçilmişdir. Tədbirdə Bank-Tədris Mərkəzinin direktoru Cavanşir Abdullayev və ekspert Rauf Ağayev Naxçıvanda fəaliyyət göstərən bank-kredit təşkilatlarının mütəxəssisləri üçün kənd təsərrüfatının kreditləşməsi zamanı yaranan müxtəlif məsələlər haqqında məlumat vermiş, suallar ətrafında qarşılıqlı diskussiyalar aparılmışdır. Çıxışlarda kənd təsərrüfatının iqtisadiyyatdakı əhəmiyyətindən, bu sahənin fəaliyyətinin genişləndirilməsi, ərzaq bazarında bolluq yaradılması üçün lazım olan bütün sahələrə kredit dəstəyinin göstərilməsi zamanı yaranan problemlərin həlli yollarından bəhs edilmişdir.

Naxçıvan Muxtar Respublikası Kənd Təsərrüfatı Nazirliyi torpaq mülkiyyətçilərinə, həmçinin fermerlərə bitkiçilik və heyvandarlıq sahələrində mövsümlə bağlı aşağıdakı işlərin görülməsini tövsiyə edir.

Meyvə və üzüm bağlarında

Aran bölgələrdə tumurcuqların şişməsi müşahidə edilməyən ağaclarda budama işləri davam etdirilməli, dağlıq və dağətəyi bölgələrdə budama işlərinə başlanmalıdır. Əgər temperatur +5 dərəcədən yuxarıdırsa, ağaclara xəstəlik və zərərvericilərə qarşı 1 faizli DNOK məhlulu çiləmək mümkündür.

Bu uğurlar 2014-cü ildə də davam etdirilir

Bu gün qaynar bir həyat tərzinin hökm sürdüyü sərhəd bölgəmiz Sədərək rayonu haqqında qəzetimiz üçün dəfələrlə yazılar hazırlamışam. Bölgənin 1988-ci ildən başlanan ağır günlərini, o günlərdə əl-ələ verib doğma torpağı böyük qəhrəmanlıqla qoruyan insanlarını, son illər burada həyata keçirilən tədbirləri qələmə almağa çalışmışam. Çalışmışam ki, insanların torpağa bağlılıq, doğma yurda sevgi və məhəbbət hisslərini bu sərhəd bölgəsi sakinlərinin timsalında göstərə bilim. Belə bölgələrin sakinlərinin həm də sərhədçi həyatı yaşamalarını elə həmin hisslərin təcəssümü kimi təsvir etməyə nə dərəcədə nail olmuşamsa, bunu oxucular deyə bilər.

Yerlə göy arasında olan fərq

2014-cü ilin əvvəllərində yolum yenidən Sədərəyə düşdü. Tanış olan yollar, qəlbə fərəh gətirən qış mənzərələri, Kəngərli və Şərur rayonlarının Naxçıvan-Sədərək magistralının sağ və solunda qərarlaşan kənd yaşayış məntəqələrindəki müasir görkəm yenə də məni düşüncələr aləminə apardı...

Naxçıvan Muxtar Respublikası Dövlət Statistika Komitəsindən verilən məlumata görə, 2014-cü ilin yanvar ayında Naxçıvan Muxtar Respublikasında 139 milyon 965 min  manatlıq Ümumi Daxili Məhsul istehsal olunmuşdur ki, bu da 2013-cü ilin yanvar ayı ilə müqayisədə 2,3 faiz çoxdur. Ümumi Daxili Məhsulun sahə strukturunda ilk yeri sənaye sahəsi tutmaqdadır.
Hər bir nəfərə düşən Ümumi Daxili Məhsulun həcmi 2013-cü ilin yanvar ayı ilə müqayisədə 2,4 faiz artaraq 321,4 manata (409,7 ABŞ dollarına) çatmışdır.

Naxçıvan Muxtar Respublikasında dövlət vəsaitləri hesabına malların (işlərin, xidmətlərin) satın alınması sahəsində dövlət siyasətinin həyata keçirilməsində şəffaflığın təmin edilməsi, eyni zamanda müqavilə əsasında satınalınmanın qanuniliyinə və müqavilələrin icrasına nəzarətin diqqətdə saxlanılması mühüm amillərdən biridir. Bu istiqamətdə həyata keçirilən məqsədyönlü tədbirlərin nəticəsidir ki, Naxçıvan Muxtar Respublikası Satınalmalar üzrə Dövlət Agentliyi tərəfindən ötən il dövlət satınalmalarında malların ehtimal olunan qiymətlərinə qənaət edilməsinə nail olunmuş, yerli məhsulların satın alınmasına üstünlük verilmişdir.
Belə ki, 2013-cü il ərzində muxtar respublikanın müəssisə və təşkilatları tərəfindən 160 satınalma proseduru həyata keçirilmişdir. Müsabiqə yolu ilə keçirilmiş 160 satınalma proseduru üzrə bağlanmış satınalma müqavilələrinin dəyəri 42 milyon 248 min 622 manat təşkil etmiş, satınalma predmetlərinin ehtimal olunan qiymətinin 1 milyon 513 min 525 manatına və ya 3,46 faizinə qənaət edilmişdir. Qənaətin 35 min 882 manat və ya 2,37 faizi açıq tender üsulu ilə keçirilən satınalmalardan, 327 min 88 manat və ya 21,61 faizi kotirovka sorğusu üsulu ilə keçirilən satınalmalardan, 1 milyon 150 min 555 manat və ya 76,02 faizi isə təkliflər sorğusu üsulu ilə keçirilən satınalmalardan əldə edilmişdir.

Xəbərlər şöbəsi

Culfa rayonunun Yaycı kəndində rayonun Yaycı, Dizə,  Gal, Şurud, Gülüstan, Camaldın kəndlərinin torpaq mülkiyyətçiləri ilə rayon İcra Hakimiyyəti əməkdaşlarının görüşü keçirilib.
Yığıncağı Culfa Rayon İcra Hakimiyyəti başçısının aqrar məsələlər üzrə müavini Əbülfəz Mahmudov açaraq bildirib ki, Naxçıvan Muxtar Respublikası Ali Məclisi Sədrinin 14 fevral 2012-ci il tarixli Sərəncamla təsdiq etdiyi “2012-2015-ci illərdə Naxçıvan Muxtar Respublikasında meyvəçiliyin və tərəvəzçiliyin inkişafı üzrə Dövlət Pro­qramı” muxtar respublikada hazırkı dövrdə əhalinin artan tələbatına uyğun olaraq, meyvəçiliyin və tərəvəzçiliyin davamlı inkişafı üçün qəbul edilmiş mühüm dövlət sənədidir. Dövlət proqramının icrası mеyvə və tərəvəzçiliyin inkişafı yolu ilə kənd əhalisinin məşğulluğunun artırılması, onların maddi-rifah halının yaxşılaşdırılması, mövcud torpaq sahələrindən daha səmərəli istifadə olunması sahəsində əlavə imkanlar açmaqdadır.

Bu bəhrələr Sələsüz kəndinə müasirlik gətirib

Həyatın dəyişilməz qanunu kimi günlər aylara, aylar illərə çevrilir. Ötən hər gün, hər ay, hər il isə ömrümüzə, həyatımıza öz izlərini yazır. Son illər bu izlər hər birimizin yaddaqalan xatirələri ilə müşayiət olunur. Çünki muxtar respublikamızda son 18 ildə sosial-iqtisadi inkişafın dinamik xarakter alması hər bir naxçıvanlının həyat tərzini kökündən dəyişdirib, yaşayış səviyyəsini xeyli yüksəldib. Hər addımda rastlaşdığımız yeniliklər üzə gülür.

2013-cü ili – “Heydər Əliyev ili”ni daha uğurlu illərdən biri hesab edə və qətiyyətlə deyə bilərik ki, biz bu gün xalqımızın dahi oğlu Heydər Əliyevin bir vaxtlar arzuladığı Naxçıvanda yaşayır, bu qədim yurd yerinin ulu keçmişi ilə qürur duyduğumuz kimi, bu günü ilə də fəxr edirik. Bəs qəlbimizi dağa döndərən, qurub-yaratmaq əzmimizi yüksəldən amillər hansılardır? “Heydər Əliyev ili”ndə muxtar respublikada neçə illərdir, dinamik xarakter almış tikinti-quruculuq işlərinin davam etdirilməsi, yeni emal və istehsal sahələrinin yaradılması, sahibkarlığın inkişafında yeni mərhələyə qədəm qoyulması, aqrar sahədə qazanılan uğurların artırılması, məşğulluğun təmin edilməsi və saymaqla qurtarmayan digər reallıqlar...

Dağətəyi və dağlıq zonada yerləşən Culfa rayonu ötən ili bütün sahələrdə uğurla başa vurmuşdur. Rayon İcra Hakimiyyətindən aldığımız məlumatda bildirilir ki, 2013-cü ildə əhalinin həyat şəraitinin yüksəldilməsində, sosial-iqtisadi inkişafın dayanıqlılığının təmin olunmasında mühüm rol oynayan sənaye və digər istehsal sahələrinin yaradılmasına diqqət artırılmış, bir sıra layihələr həyata keçirilmişdir. Bu dövrdə ənənəvi olaraq tikinti-­quruculuq işləri davam etdirilmiş, Teyvaz və Kırna kəndlərində kənd və xidmət mərkəzlərinin, Kırna kəndində həkim ambulatoriyasının, Əbrəqunus kəndində məscidin, Camaldın kəndində un dəyirmanının, Əlincə kəndində yeni xidmət mərkəzinin, Teyvaz kəndində 110 şagird yerlik məktəb binasının, Culfa şəhərində Azərbaycan Dövlət Bayrağı Meydanı Kompleksinin tikintisi, Kırna, Ərəfsə və Əlincə kəndlərində məktəb binalarının, Culfa şəhərinin M.Əsgərov küçəsindəki 16 nömrəli beşmərtəbəli yaşayış binasının əsaslı təmiri və yenidən qurulması başa çatdırılmış, Şurud kəndində 110 şagird yerlik məktəb binasının yenidən qurulmasına başlanılmışdır.

Bu gün muxtar respublikamızın paytaxtı Naxçıvan şəhərində, rayon mərkəzlərində metaldan, çuqundan, dəmirdən hazırlanmış müxtəlif məmulatları görəndə bəziləri istər-istəməz düşünür ki, yəqin, bu məhsullar diyarımıza digər ölkələrdən gətirilib. Naxçıvanda belə məhsulların istehsalına 2008-ci ildən başlanılıb. Daha dəqiq desək, həmin il yanvar ayının 29-da “Dizayn” Məhdud Məsuliyyətli Cəmiyyətinin Metaləritmə Zavodunda ağır sənaye məhsulları istehsalına start verilib.

Zavodun açılış mərasimində çıxış edən Ali Məclisin Sədri bu barədə deyib: “Azərbaycan Respublikası, onun tərkib hissəsi olan Naxçıvan Muxtar Respublikası uzun illər Sovetlər Birliyinin tərkibində yaşayıblar. Həmin illərdə keyfiyyətə deyil, kəmiyyətə üstünlük verildiyinə görə qurulan müəssisələr, istifadəyə verilən təşkilatlar çox tez bir zamanda dağılıb sıradan çıxırdı. Yenidən qurularaq istifadəyə verilən bu zavod da Sovetlər Birliyi dövründə qurulmuş bir müəssisə idi. O vaxt müəssisənin quruluşuna fikir verilməmiş, istehsal edilən məhsulların keyfiyyəti də heç vaxt qaneedici olmamışdır.

Davamlı inkişafın təmin edilməsində təkcə iqtisadi artım deyil, eyni zamanda ətraf mühitin qorunması, əhalinin sağlamlığı, yüksək həyat şəraitinin təmin edilməsi, təbii və insan ehtiyatlarından səmərəli istifadə, məşğulluq sisteminin inkişafı nəticəsində işsizlik və yoxsulluq səviyyəsinin aradan qaldırılması kimi sosial məsələlər vacib şərt hesab olunur. Məşğulluq bazar iqtisadiyyatının əsas məsələlərindən biri olub, məqsədyönlü fəaliyyət nəticəsində insanlar arasında yaranan münasibətləri özündə əks etdirir. Bu münasibətlərin əsas məqsədi artan ehtiyacların ödənilməsini təmin etməkdən ibarətdir. İnsan fəaliyyətinin bütün sahələrində təzahür edən məşğulluq, bütövlükdə, cəmiyyətin mövcudluğunun maddi-mənəvi əsası, səmərəli iqtisadi fəaliyyətin nizamlanması üçün mühüm amildir. İnsan əməyi olmadan istehsal prosesini həyata keçirmək mümkün deyil. Ona görə də müasir iqtisadi şəraitdə dövlətimizin makroiqtisadi siyasətinin əsas məqsədlərindən biri əmək qabiliyyətli əhalinin məşğulluğunu yüksək səviyyədə təmin etməkdən ibarətdir.

Naxçıvan Muxtar Respublikası Dövlət Meliorasiya və Su Təsərrüfatı Komitəsindən aldığımız məlumata görə, ötən il 179,7 kilometr beton və torpaq kanallar, 110,5 kilometr kollektorlar, 493,5 kilometr ara arxları təmir edilərək işlək vəziyyətə salınıb. 6,3 kilometr kaptaj və drenaj tikilib, 930 metr kaptaj təmir olunub. 46,1 kilometr uzunluğunda içməli su xətti, 24,1 kilometr yeni təzyiqli boru xətti çəkilib. 16,4 kilometr su, 7,6 kilometr suvarma, 4,4 kilometr təzyiqli boru xətləri təmir edilib. Çaylarda və selovlarda 74,6 kilometr sahilbərkitmə işləri aparılıb.
Növbəti təsərrüfat ilinin suvarma mövsümünü uğurla başa vurmaq üçün ilk mərhələdə sututarlarda tələb olunan təmir işləri aparılıb və anbarlara su yığılmasına başlanılıb. 2013-cü il ərzində sututarlara 278,7 milyon kubmetr su yığılıb.

Naxçıvan Muxtar Respublikası Dövlət Şəhərsalma və Arxitektura Komitəsinin verdiyi məlumata görə, 2014-cü ildə də bir sıra təhsil müəssisələri üçün mövcud binaların yenidən qurulması və ya yeni binaların tikintisi davam etdiriləcək.
Bu il Babək rayonunun Nehrəm kəndində 738, Naxçıvan şəhərinin Qaraçuq kəndində 630, Şərur rayonunun Püsyan kəndində 630, Culfa rayonunun Bənəniyar kəndində 612, Kəngərli rayonunun Qarabağlar kəndində 468, Şərur rayonundakı Kürkənddə 216, Dizə kəndində 198, Axura kəndində 198, Şahbuz rayonunun Nursu kəndində 192 şagird yerlik məktəb binalarının yenidən qurulması, Ordubad şəhərində 774 şagird yerlik 1 nömrəli, Şahbuz şəhərində 234 şagird yerlik 2 nömrəli, Babək rayonunun Naxışnərgiz kəndində 234 şagird yerlik məktəb binalarının tikintisi nəzərdə tutulub.

Xəbərlər şöbəsi

Son illər Azərbaycanda, eləcə də Naxçıvan Muxtar Respublikasında aparılan aqrar islahatlar, qəbul edilmiş hüquqi-normativ sənədlərdə irəli sürülən vəzifələrin icrası, kənd  təsərrüfatı məhsulları istehsalçılarının dövlət tərəfindən hərtərəfli dəstəklənməsi, əhalinin ərzaq məhsullarına artan tələbatının ödənilməsi ilə ərzaq təhlükəsizliyinin təmin edilməsi istiqamətində həyata keçirilən məqsədyönlü tədbirlər sayəsində xüsusən dənli və dənli-paxlalı bitkilərin, meyvə-tərəvəz, bostan, heyvandarlıq məhsullarının istehsalında dinamik inkişaf əldə edilib.

Meyvə və tərəvəz məhsulu çox qədimdən insanların əsas qida mənbəyidir. Buna səbəb meyvə və tərəvəzlərin tərkibində insan orqanizminin normal fizioloji durumunu təmin edən sulu karbonların, üzvi turşuların, zülalların, fermentlərin, mineral duzların, müxtəlif vitaminlərin olmasıdır. Muxtar respublikamızın  aqrar sеktorunda aqrar siyasətin ümumi stratеgiyası – ərzaq təhlükəsizliyi  xüsusi diqqət və qayğı göstərilən sahələrdəndir və əhalinin ərzaq sarıdan təhlükəsizliyinin təmin olunmasında meyvə-tərəvəzçiliyin böyük əhəmiyyəti vardır.

Naxçıvan Muxtar Respublikasında ekoloji tarazlığın qorunması aktual məsələlərdən biridir. Buna görə də ətraf mühitin mühafizəsi, əlverişli ekoloji mühitin yaradılması muxtar respublikada ümumxalq işinə çevrilmişdir. Naxçıvan Muxtar Respublikası Ekologiya və Təbii Sərvətlər Nazirliyindən verilən məlumata görə, ötən il muxtar respublikanın turizm-rekreasiya əhəmiyyətli yol kənarlarında, çayların, sututarların ətrafında, meşə fondu torpaqlarında olmaqla, ümumilikdə, 531 hektar sahədə yaşıllaşdırma tədbirləri həyata keçirilmişdir. O cümlədən 257,6 hektar sahədə meşəbərpa tədbirləri aparılmış, 273,4 hektar sahədə yeni meşə massivləri, meyvə bağları və qoruyucu yaşıllıq zolaqları salınmışdır. Yaşıllaşdırma tədbirlərində 415 min 914 ədəd olmaqla, 63 min 245 ədəd meşə tingi, 282 min 235 ədəd meyvə tingi, 23 min 407 ədəd həmişəyaşıl ağac, 46 min 217 ədəd gül və bəzək kolları əkilmişdir. Nazirlik tərəfindən tabeli idarə və müəssisələrlə birlikdə 153,2 hektar sahədə meşəsalma, 179 hektar sahədə ting və toxumla meşəbərpa tədbirləri həyata keçirilmişdir. Meyvəçiliyin və tərəvəzçiliyin inkişaf etdirilməsi üçün müvafiq dövlət proqramına uyğun olaraq, ötən il ərzində muxtar respublika ərazisində 203,8 hektar sahədə meyvə bağları salınmışdır.
Hazırda yaz əkini üçün hazırlıqlara başlanılmışdır. Cari ildə muxtar respublika ərazisində 300 hektarı meyvə ağacları olmaqla, 500 hektar ərazidə meyvə bağlarının salınması, meşəbərpa işlərinin həyata keçirilməsi nəzərdə tutulmuşdur. Bu məqsədlə 300 mindən çox ting hazırlanmışdır.

Xəbərlər şöbəsi

Ölkəmizdə sosial-iqtisadi inkişafın sürətləndirilməsi və əhalinin maddi rifahının daha da yaxşılaşdırılması məqsədilə sənaye məhsulları istehsalı sektoruna xüsusi önəm verilir. Muхtаr rеspublikаmızdа da bаzаr iqtisаdiyyаtının tələblərinə uyğun sаhibkаrlıq mühiti fоrmаlаşdırılır, sаhibkаrlıq fəаliyyətinin stimullаşdırılmаsı və gеnişləndirilməsi məqsədilə dövlət mаliyyə dəstəyi göstərilir. Bunun nəticəsidir ki, özəl sеktоrun Ümumi Dахili Məhsuldаkı pаyı ilbəil artır.
Nахçıvаn şəhərində fəаliyyət göstərən “Gəmiqaya Qida Məhsulları Sənaye Kompleksi” Məhdud Məsuliyyətli Cəmiyyəti də son illər yaradılan sənaye müəssisələrindəndir.
Müəssisədə keyfiyyətli müxtəlif meyvə şirələri, meyvə quruları, şərab, halva istehsal olunur. Müəssisənin illik istehsal gücü 120 dekalitr meyvə şirələri və şərab, 180 ton şirniyyat məhsullarıdır. Burada İtaliya və Almaniya istehsalı olan müasir avadanlıqlar quraşdırılıb. Naxçıvanda yetişdirilən meyvələrdən tam gigiyenik qaydada yüksəkkeyfiyyətli müxtəlif həcm və çeşidlərdə alma, ərik, şaftalı, gilənar, üzüm və qarışıqtərkibli nektarlar istehsal edilir. Həmin məhsullar “Badamlı” əmtəə nişanı ilə satışa çıxarılır.

Ölkəmizin inzibati-siyasi xəritəsində diyarımızın bu dilbər guşəsi kiçik bir yer tutan, ulu öndərimiz Heydər Əliyevin “Azərbaycanın incisi” adlandırdığı Ordubad binayi-qədimdən özünün maddi-mədəniyyət nümunələri, əvəzsiz tarixi-memarlıq abidələri, özünəməxsus adət-ənənələri ilə tanınıb. Son illər bu qədim yurd yeri də digər bölgələrimiz kimi sürətli inkişaf yoluna çıxıb. Bölgənin ən ucqar dağ və sərhəd kəndlərinin belə, siması dəyişib, tikinti-quruculuq işləri geniş vüsət alıb. Yeni tikililər qədim Ordubada  yeni görkəm gətirib. Böyük dövlət qayğısı hesabına tarixiliyini saxlamaqla abad və füsunkar bir yurd yerinə çevrilən bağlar diyarı 2013-cü ildə də böyük uğurlar qazanıb.

Ordubadlıların ürək sözləri

“Ordubadlılar çətinliyə dözməyi bacaran insanlardır. Buna baxmayaraq, ötən əsrin 90-cı illərinin əvvəllərində onların da bəzilərində ruh düşkünlüyü sezilirdi. Belələrini qınamaq da olmurdu. Niyə? Məktəb binaları yararsız vəziyyətdə idi, təhsil ocaqları uyğunlaşdırılmış binalarda yerləşdirilmişdi. Səhiyyə xidməti unudulmuşdu, müasir informasiya texnologiyalarından istifadə barədə söhbət etməyə dəyməzdi.

Yanvarın 31-də  Naxçıvan Muxtar Respublikası Ali Məclisi Sədrinin Sərəncamı ilə  Naxçıvan şəhərinin sosial-iqtisadi inkişafı üzrə ikiillik proqram təsdiqləndi. “2014-2015-ci illərdə Naxçıvan şəhərinin sosial-iqtisadi inkişafı üzrə Proqram” 90 il ərzində muxtariyyətin ictimai, siyasi, mədəni mərkəzi olmuş Naxçıvan şəhərinin qarşıdakı iki il ərzində inkişaf xəttini müəyyənləşdirdi. Bir zamanlar bütün Yaxın və Orta Şərqin əsas siyasi və mədəni mərkəzlərindən biri olmuş, hazırda isə yerləşdiyi Cənubi Qafqaz regionunda ictimai-siyasi fikrin formalaşdığı əsas mərkəzlərdən biri olan Naxçıvan  şəhərinin infrastrukturunun inkişaf etdirilməsi və genişləndirilməsi ilə yanaşı, qədim şəhər mədəniyyətinə malik olan Naxçıvanın tarixiliyinin qorunması da proqramda öz əksini tapmışdır.

İnkişaf etməkdə olan ölkələrin təcrübəsi göstərir ki, iqtisadi təhlükəsizliyə tam şəkildə nail olunması buradakı bütün iqtisadi resursları dövriyyəyə cəlb edə bilən və bununla da, onların səmərəli istifadəsinə şərait yaradan sənaye məhsulu istehsalından keçir. Hazırda iqtisadi inkişaf səviyyəsinə görə ilk sıralarda olan ölkələrin bir çoxu sənayeləşmə mərhələsini bu və ya digər yollarla keçməklə öz ixrac potensialını möhkəmləndirmiş, əl əməyini əvəz edən yeni, innovativ texnologiyalı inkişafı mənimsəmişdir. Azərbaycanın müasir iqtisadi potensialı və sahib olduğu bütün sərvətlər bunu deməyə əsas verir ki, ölkəmiz də öz imkanları hesabına bu vacib məsələnin həllinə nail ola bilər.

2014-cü il ölkəmizdə “Sənaye ili”dir. Azərbaycanda iqtisadi inkişafın artan tempi, əhalinin istehlak səviyyəsinin yüksəlməsi sənaye məhsulu istehsalını şərtləndirən amillərdəndir. Ölkəmizə idxal olunan məhsullar arasında yüksək texnologiyanın üstünlük təşkil etməsi də bu baxımdan diqqəti cəlb edir. Ona görə ki, yeni texnologiyaların istehsala tətbiqi ilə əldə olunan innovativ yeniliklər bizim ölkəmizdə də maraqla qarşılanır və insanlar bu yenilikləri öz həyatında dərhal tətbiq edib daha üstün keyfiyyət dəyişikliyinə keçmək istəyirlər.

Naxçıvan Biznes Mərkəzində “Əmək bazarında əcnəbi işçiyə olan tələbatın  müəyyənləşdirilməsi” mövzusunda yığıncaq keçirilib. Yığıncaq Naxçıvan Muxtar Respublikası Ali Məclisi Sədrinin 2013-cü il 18 dekabr tarixli Sərəncamı ilə təsdiq edilmiş “2014-2015-ci illərdə Naxçıvan Muxtar Respublikasında əhalinin məşğulluğunun artırılması üzrə Dövlət Pro­qramı”nda əks olunan və Naxçıvan Muxtar Respublikası Dövlət Miqrasiya Xidmətinin üzərinə düşən vəzifələrin icrasına həsr olunub.
Tədbirdə Naxçıvan Muxtar Respublikası Dövlət Miqrasiya Xidmətinin şöbə rəislərindən Əfqan Əliyevin, İlqar Seyid­ovun,  İqtisadi İnkişaf Nazirliyinin şöbə müdiri Mircavad Tağızadənin,  Əmək və Əhalinin Sosial Müdafiəsi Nazirliyi yanında Dövlət Məşğulluq Xidmətinin rəisi Sevindik Vəliyevin çıxışları olub. Çıxışlarda əmək bazarında əcnəbilərin çalışdıqları sahələrin yerli əmək ehtiyatları hesabına ödənilməsinin təmin edilməsindən, istehsalat və xidmət sahələri üzrə peşəkar kadrların hazırlanması istiqamətlərindən, əmək ehtiyatlarından istifadə edilməsində Dövlət Məşğulluq Xidmətinin rolundan söhbət açılıb.

Ümummilli liderimiz Heydər Əliyevin müəyyən etdiyi inkişaf strategiyasına uyğun olaraq, əvvəlki dövrlərdə olduğu kimi, “Heydər Əliyev ili” elan edilmiş 2013-cü il ərzində də muxtar respublikamızın iqtisadi və sosial həyatında dinamik inkişaf prosesləri uğurla davam etdirilmişdir.
2013-cü ildə muxtar respublikada 2 milyard 338 milyon 928 min manatlıq Ümumi Daxili Məhsul istehsal olunmuşdur ki, bu da bir il öncəki müvafiq göstəricini 10,3 faiz üstələyir. Ümumi Daxili Məhsulun tərkibində ilk yeri 28,5 faizlik payla sənaye, ikinci yeri isə 25,5 faizlik payla tikinti sahəsi tutmuş və Ümumi Daxili Məhsulun 64,8 faizi maddi istehsal sektorunun payına düşmüşdür. 2013-cü ildə hər bir nəfərə düşən Ümumi Daxili Məhsulun həcmi 2012-ci ilə nisbətən 9 faiz artaraq 5423 manat (6911,8 ABŞ dolları) səviyyəsində olmuşdur.

2013-cü ilin uğurlu nəticələrini muxtar respublikamızın bütün bölgələrində görmək olar. Ona görə də yurd, torpaq təəssübünü hər şeydən üstün tutan hər bir naxçıvanlı ötən ilin göstəricilərinə sevinir. Naxçıvanın Şərqə açılan qapısı hesab edilən Culfa da bu gün tamam özgə bir büsatdadır. İnsanların maddi-rifah halı xeyli yaxşılaşmış, onların məşğulluğunun təmin olunması istiqamətində məqsədyönlü tədbirlər həyata keçirilmişdir. Zəhmətdən çəkinməyən, torpağı daimi iş yerinə çevirən insanlar doğma yurd yerinin bugünkü büsatından qürur duyurlar. Çünki Culfa bu gün müasir Azərbaycan rayonunun canlı nümunəsidir. Və daha xoş sabahlara doğru addımlayır.

Dünənə qısa baxış

Qədim tarixi olan bu yurd yerinin yaxın keçmişinə qayıdaraq o dövrü xatırlayanlar bugünkü inkişaf və tərəqqi müstəvisində keçmişlə müqayisə belə apara bilməzlər. Çünki sovet dönəminin ən güclü vaxtlarında burada barmaqla sayılası həcmdə iş görülmüşdü. Baxmayaraq ki, Culfa o vaxt hərbçilər və dəmiryolçular şəhəri kimi tanınırdı. Buraya bir ucu Vladivostokdan, bir ucu Kamçatkadan, Sibirdən qonaqlar gəlirdi.

Muxtar respublikada ətraf mühitin mühafizəsi, ekoloji tarazlığın qorunması ilə bağlı məsələlər daim diqqət mərkəzində saxlanılır. İnsanların sağlam təbii mühitdə yaşaması və təbii sərvətlərdən xalqımızın rifahının yaxşılaşdırılması naminə istifadə edilməsi həyata keçirilən sosial-iqtisadi islahatların tərkib hissəsidir. Bu məqsədlə Naxçıvan Muxtar Respublikası Ekologiya və Təbii Sərvətlər Nazirliyi tərəfindən ekoloji problemlərin həllinə yönəlmiş tədbirlərin səmərəliliyini artırmaq, ekoloji problemlərin yaranmasının qarşısını almaq məqsədilə müxtəlif tədbirlər həyata keçirilir. Cari qış mövsümündə havaların şaxtalı keçməsi, ərazilərin qarla örtülməsi müxtəlif fauna növlərinin qidaya olan tələbatını daha da artırır. Buna görə də adıçəkilən nazirlik tərəfindən əvvəlki illərdə olduğu kimi, cari qış mövsümündə də müxtəlif biotexniki tədbirlər həyata keçirilir. Heyvanların kompleks məskunlaşdığı yerlərə, onların miqrasiya dəhlizlərinə, qoruq, milli park, yasaqlıqlarda təyin olunan yerlərə müxtəlif qida məhsulları yerləşdirilir.
Naxçıvan Muxtar Respublikası Ekologiya və Təbii Sərvətlər Nazirliyindən aldığımız məlumata görə, cari mövsümdə qeyd olunan ərazilərə 6 ton daşduz, 13 ton qaba yem (ot məhsulları), 1000 kiloqram buğda, arpa və 14 ton meyvə-tərəvəz məhsulları paylanılıb.
Qeyd edək ki, bu tədbirlər mövsüm ərzində heyvanların qidaya olan tələbatını ödəməklə yanaşı, bitki örtüyünə ziyan vurulmasının da qarşısını alır.

Xəbərlər şöbəsi

Babək rayonu ərazisində yerləşən Uzunoba Su Anbarında bu ilin yanvar ayının əvvəllərindən təmir-bərpa işlərinə start verilib. “Gəmiqaya” Məhdud Məsuliyyətli Cəmiyyətinin inşaatçıları tərəfindən aparılan təmir-bərpa işlərinə mütəxəssislər və lazımi texnika cəlb olunub. İş icraçısı Kamal Abbaslının verdiyi məlumata görə, su anbarının sahil xətti boyunca uzunluğu 1530 metr olan  sahil zolağına beton örtüyünün salınması nəzərdə tutulub. Su anbarının 17,56 metrlik yamac hissəsinin betonlanmasında istifadə edilməsi üçün əraziyə dəmir konstruksiyalar gətirilib. Artıq su anbarının yamac hissəsinə beton örtüyünün salınmasına başlanılıb. Beton örtüyünün qalınlığı əraziyə müvafiq olaraq 22-35 santimetr arasında  dəyişəcək. Su tutumu 8 milyon kubmetr olan su anbarına sahil xətti boyunca 1 metr hündürlükdə mühafizə divarı çəkiləcək, anbardan suyun axıdılması üçün qurulmuş suburaxıcı təmir ediləcək.

Nахçıvаn şəhərində fəаliyyət göstərən özəl müəssisələrdən biri də “Müasir Məkan” ət və ət məhsulları istehsalı müəssisəsidir. Bu müəssisə də dövlət qаyğısındаn bəhrələnmiş, müəssisəyə Sаhibkаrlığа  Kömək Fоndu tərəfindən 2010-cu ilin mart ayında 260 min mаnаt dövlət mаliyyə dəstəyi göstərilmişdir.

Nахçıvаn şəhərinin Babək məhəlləsində istеhsаl müəssisəsi üçün tоrpаq sаhəsi аyrılmış, burаdа müasir layihə əsasında istеhsаl sехi, хаmmаl və hаzır məhsullаrın sахlаnılmаsı üçün sоyuducu аnbаr, lаbоrаtоriyа, inzibаti binа tikilib istifadəyə verilmişdir. 2011-ci ilin əvvəlində istifadəyə verilən müəssisədə Polşa istehsalı olan müasir tехnоlоji аvаdаnlıqlаr quraşdırılmış, istehsal prosesinə mərkəzləşdirilmiş qaydada nəzarət təmin edilmişdir.

Ordubad Rayon Vergilər Şöbəsində “Nağdsız hesablaşmaların üstünlükləri” mövzusunda vergi ödəyiciləri ilə görüş keçirilib.
Tədbiri rayon Vergilər Şöbəsinin rəisi Məhəmməd İbadov açaraq qeyd edib ki, nağdsız ödənişlər vəsaitlərin dövriyyəsinin sürətləndirilməsində, nağd pulların çapı, daşınması, saxlanması və təsərrüfat əməliyyatlarının xərclərinin azalmasında, nəticədə isə iqtisadiyyatın inkişafında əhəmiyyətli rol oynayır. Nağdsız hesablaşmaların ödəniş kartları, bank köçürmələri, çeklər və sair kimi müxtəlif növləri mövcuddur. Onlardan ödəniş kartlarını xüsusilə qeyd etmək lazımdır.

İqtisadiyyatda öz aparıcı mövqeyini qoruyan kənd təsərrüfatı sektoru 2013-cü ildə də muxtar respublikada diqqət mərkəzində saxlanılmış, Naxçıvan Muxtar Respublikası Ali Məclisi Sədrinin 17 sentyabr 2008-ci il tarixli Sərəncamı ilə təsdiq edilmiş “2008-2015-ci illərdə Naxçıvan Muxtar Respublikasında əhalinin ərzaq məhsulları ilə etibarlı təminatına dair Dövlət Proqramı”na uyğun olaraq, bu istiqamətdə ardıcıl və məqsədyönlü tədbirlər həyata keçirilmişdir. Bunu Culfa rayonunun timsalında da görmək mümkündür.

Azad və müstəqil yaşamaq hər kəsin haqqıdır. Ancaq tarix boyu bu haqqı əldə edə bilməyən xalqlar da az olmayıb. Bu, elə bir haqdır ki, onu vermirlər – qazanırlar. Məhz çətin tarixi dövrlərə sinə gərərək azadlıq və müstəqillik yolunda canlarını fəda etmiş qəhrəman övladlarımızın sayəsində xalqımız ötən əsrin sonlarında bu haqqını yenidən bərpa etdi. Bu tarixi proses bir daha onu göstərdi ki, qurub-yaratmaq əzmində olan xalqımız üçün müstəqillik hər şeydən öndə gəlir. Əgər bunu əldə edə bilməsəydik, bu gün qürurla ölkəmizin, muxtar respublikamızın hərtərəfli inkişafından, vətəndaşlarımızın rahat və firavan həyatından danışa bilməzdik. Həm də buna, necə deyərlər, haqqımız da çatmazdı. Müstəqillik bizə layiq olduğumuzu yaşamaq, edə biləcəklərimizi həyata keçirmək üçün yeni ruh verdi. Elə bu yazıda haqqında söhbət açacağımız Kəngərli rayonu da müstəqil Azərbaycanın müstəqil qərarları ilə həyata vəsiqə almış və durmadan inkişaf edən bir bölgəsidir.

“İqtisadiyyatı güclü olan dövlət hər şeyə qadirdir”. Azərbaycan xalqının ümummilli lideri Heydər Əliyevin bu fikrini indi inkişaf və tərəqqi dövrünü yaşayan ölkəmizin simasında daha yaxşı dərk edirik. Bu inkişafın fövqündə uğurla addımlayan Naxçıvan Muxtar Respublikası isə əldə edilən müsbət nəticələrə görə iqtisadi intibahın yüksək zirvələrini fəth etməkdədir. Müasir dünyada inkişaf etmiş və ya etməkdə olan ölkələrin statistikasına nəzər salsaq, iqtisadiyyatda daha çox sənayeləşmənin payının çox olduğunu görərik. Təbii ki, hər ölkənin sənaye payında onun yeraltı və yerüstü sərvətlərinin, düzgün və gələcəyə hesablanmış məqsədyönlü planlarının mümkün əsaslarla istifadə edilməsi mühüm yer tutur.

Tarixən zəngin təbii sərvətlərə malik Naxçıvan Muxtar Respublikasının iqtisadi imkanlarından ötən əsrin sonlarınadək  yetərincə istifadə olunmamışdır. Əslində, ötən əsrin sonlarınadək müəyyən qismi istifadə olunsa da, bu, sovet planlaşmasının prinsipinə uyğun qurulmuşdu.

İnsanların saf suya, təmiz havaya, çörəyə əbədi ehtiyacı olduğu kimi, yanacaq və elektrik enerjisi də gündəlik ehtiyaclardandır.
Amma neçə illər naxçıvanlılar həm elektrik enerjisi, həm də istilik sarıdan əzab-əziyyət çəkiblər. Bu yurdun insanları illərlə qışın sərt soyuğu ilə üz-üzə dayanıblar. Bəzən fasilələrlə verilən elektrik enerjisinə həsrətlə baxıblar, bəzən də körpələrinin soyuqdan donduğunu görüb onları xilas etmək üçün bir zamanlar kölgəsində əyləşdikləri,  meyvələrini dərdikləri ağac­lara balta çalıblar. Onları qırıb sobalarını yandırıblar ki,  təki beşikdəki körpələr soyuqdan donmasınlar.
“Çətin günün ömrü az olar”, deyib atalar. Bu çətin günlər naxçıvanlıların iradəsini qıra bilmədi. İradə və dözüm, bir də muxtar respublika  sakinlərinin öz rəhbərinə inam hissi hər şeyə qalib gəldi.

Təbii, müalicəvi “Badamlı” mineral su istehsalı ilə məşğul olan “Gəmiqaya Mineral Sular” Məhdud Məsuliyyətli Cəmiyyətinin istehsal sahəsi Naxçıvan şəhərində yerləşir.
Müəssisəyə iki boru xətti çəkilib. Uzunluğu 25 kilometr olan xətlərin biri qazlı mineral süfrə suyunu Badamlı yatağından buraya nəql etmək üçündür. Uzunluğu 35 kilometr olan ikinci xətt qazsız süfrə suyu istehsalı üçün Batabat-Salvartı yaylağından çəkilib.
Müəssisədə müxtəlifhəcmli plastik və şüşə butulkalarda olmaqla, 10 çeşiddə mineral su istehsal olunur. Məhsulun keyfiyyətinin yüksək olması müəssisəni alıcı problemi ilə üzləşdirmir. Məlumat üçün bildirək ki, 2013-cü ildə müxtəlif taralarda 3 milyon 773 min ədəd su istehsal edilib muxtar respublika ərazisində, Bakı şəhərində və ölkəmizin müxtəlif bölgələrində satışa çıxarılıb.

Etibarlı ərzaq təminatı hər bir ölkənin iqtisadi sabitliyinin və sosial dayanıqlılığının başlıca şərti, dövlətin iqtisadi təhlükəsizliyinin əsas amillərindəndir.
Aparılan araşdırmalar göstərir ki, son illər dünyada ərzaq istehsalının illik artımının azalması tendensiyası müşahidə edilir və bu azalmanın növbəti illərdə də davam edəcəyi proqnozlaşdırılır. Hazırda qlobal istiləşmə və iqlim dəyişikliyi insanların ərzaq məhsullarına olan tələbatının ödənilməsində əhəmiyyətli rol oynayan kənd təsərrüfatı sektoruna daha çox mənfi təsir göstərir. Kənd təsərrüfatını iqlim dəyişikliklərinə adaptasiya etmək qlobal ərzaq təhlükəsizliyinin təmin olunması və ekosistemi qorumaq baxımından vacib olmaqla yanaşı, həm də xeyli xərc tələb edir. Bütün bu faktlar onu göstərir ki, hazırda ərzaq təhlükəsizliyi probleminin səmərəli həlli dünyada gedən sürətli qloballaşma prosesi fonunda ən mühüm məsələlərdəndir. Odur ki, Naxçıvanda ərzaq təhlükəsizliyinin təmin olunmasına ciddi diqqət yetirilir və bu sahədə mühüm nailiyyətlər qazanılmışdır.

İqtisadi inkişafın əsas amillərindən biri ölkədə həyata keçirilən uğurlu bank-kredit siyasətidir. Real sektorun inkişafını şərtləndirən yerli istehsalın genişləndirilməsi bank-kredit müəssisələrinin də səmərəli fəaliyyətindən çox asılıdır. Naxçıvan Muxtar Respublikasında sosial-iqtisadi inkişafın ümumi mənzərəsinə baxdıqda bu sahədə müsbət dinamikanın ötən 2013-cü ildə də davam etdirildiyini görmək mümkündür. Ötən il muxtar respublikamızda bank-kredit sahəsində hansı işlər görülmüş və əldə olunan nəticələr nədir? Bu kimi suallara cavab almaq üçün Mərkəzi Bankın Naxçıvan Muxtar Respublikası İdarəsinin sədr müavini Elvin Axundovla həmsöhbət olduq:

– Elvin müəllim, ötən il muxtar respublikamız üçün bank-kredit sahəsində nə ilə əlamətdar olmuşdur?

Muxtar respublikamızda geniş həcmdə həyata keçirilən quruculuq tədbirlərindən Kəngərli rayonuna da böyük pay düşmüşdür. Rayonda Mərkəzi Xəstəxananın binası da yenidən qurulmuşdur. 30 çarpayılıq xəstəxana binası zirzəmi ilə birlikdə 3 mərtəbədən ibarətdir. Burada Poliklinika, Ginekologiya, Təcili yardım, Terapiya, İnfeksion xəstəliklər, Cərrahiyyə, Ümumi stasionar şöbələri, eləcə də Hemodializ bölməsi fəaliyyət göstərəcəkdir. Binanın zirzəmisində qazanxana, camaşırxana, rentgen kabinəsi, tibb işçiləri üçün otaqlar yerləşir. Yenidənqurma işlərinə ötən ilin iyul ayından başlanılmış xəstəxana binasında işlər tamamlanmış, müalicə və müayinə işlərinin aparılması üçün müasir tibbi avadanlıqlar quraşdırılmışdır.

Xəbərlər şöbəsi