Naxçıvan Dövlət Universiteti və Naxçıvan Muxtar Respublikası Dövlət Meliorasiya və Su Təsərrüfatı Komitəsinin təşkilatçılığı ilə elmi-nəzəri seminar keçirilib. Ali təhsil ocağında keçirilən seminarda universitetin Memarlıq və mühəndislik fakültəsinin Meli­orasiya və su təsərrüfatı tikintisi mühəndisliyi ixtisasının müəllim və tələbələri, eyni zamanda komitə əməkdaşları iştirak ediblər.
Seminarı universitetin rektoru, AMEA-nın müxbir üzvü Saleh Məhərrəmov giriş sözü ilə açaraq bildirib ki, son illər muxtar respublikada fəaliyyət göstərən nazirlik və təşkilatlarla ali təhsil müəssisələri arasında əməkdaşlığın möhkəmləndirilməsi öz bəhrələrini verməkdədir. Naxçıvan Muxtar Respublikası Ali Məclisi Sədrinin 2015-ci il 27 iyul tarixli “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsi haqqında” Sərəncamının icrası bu əməkdaşlığı inkişaf etdirmək, peşəkar kadr hazırlığının vəziyyətini yaxşılaşdırmaq və tələbələrin təcrübi biliklərinin artırılmasına kömək etmək, onları gələcəkdə işlə təmin etmək baxımından mühüm əhəmiyyət kəsb edir.
Naxçıvan Muxtar Respublikası Dövlət Meliorasiya və Su Təsərrüfatı Komitəsinin sədri Əsgər Əsgərov tədbirdə çıxış edərək komitənin muxtar respublikada meliorasiya və irriqasiya sistemlərinin yaradılması, inkişafı və qarşıya çıxan problemlərin həlli istiqamətində gördüyü işlər barədə məlumat verib.

1930-cu ilin dekabr ayında yaradılan Şahbuz rayonunun tarixinə nəzər salarkən burada həmin tarixdən 34 il əvvəl yaranmış məktəbin məzunları olan maarifpərvər ziyalıların hərtərəfli fəaliyyəti diqqəti cəlb edir. Həmin məktəbin yetirmələri xalq təsərrüfatının bütün sahələrində fəallıq göstərmişlər. Arxiv materialları ilə tanış olarkən məndə belə bir təəssürat yarandı ki, Şahbuzun bir rayon kimi yaradılmasında ilk təhsil ocağımız Şahbuzkənd məktəbinin ziyalıları böyük təşəbbüskarlıq göstərmişlər. Elə bu baxımdan 119 yaşlı məktəbin yaradıcıları və onun tarixi haqqında danışmağa dəyər. Tarixi mənbələrə əsasən demək olar ki, 1896-cı ildə Naxçıvan qəzasının Şahbuz uyezdində açılmış ilk ikisinifli rus-tatar məktəbi bölgədə uzun müddət yeganə təhsil ocağı olmuşdur.

Məktəb uzun və tarixi bir yol keçmiş, öz ənənələrini yaratmışdır. Xalq şairi Məmməd Araz, dilçi-alim Firudin Hüseynov, Azərbaycan Respublikasının Əməkdar artisti Yaşar Səfərov, tibb elmləri doktoru Şəmsi Əsədov və başqa ziyalılarımız bu məktəbdə təhsil almış, gələcək həyat yollarını elm nuru ilə işıqlandırmışlar.

Noyabr ayının 29-da muxtar respublikanın ümumtəhsil məktəblərinin IX-XI sinif şagirdləri arasında ümumi test-sınaq imtahanı keçirilib.
Ənənəvi olaraq təşkil edilən belə imtahanlarda məqsəd şagirdlərin biliyinin yoxlanılması və elmlərə marağının artırılması, ali və orta ixtisas məktəblərinə qəbul imtahanlarına hazırlıqdır.
İmtahanlar səhər saat 1000-da başlayıb və iki saat yarım davam edib.
Şagirdlərə öz bilik və bacarıqlarını nümayiş etdirmək üçün hərtərəfli şərait yaradılıb. Məlumat üçün bildirək ki, test-sınaq imtahanında şagirdlərə iş nömrəsi verilib və kodlaşma aparılıb. Həmin iş nömrəsi vasitəsilə şagirdlər imtahanın nəticələrini www.istedad21.com saytından öyrənə bilərlər.

Xəbərlər şöbəsi

Naxçıvan şəhərindəki Gənclər Mərkəzində yeniyetmələr arasında “Nuh yurdu” intellektual oyununun Naxçıvan Muxtar Respublika birinciliyinə yekun vurulub.
Birincilik Naxçıvan Muxtar Respublikası Ali Məclisinin Sədri yanında Gənclər Fondu, muxtar respublikanın Gənclər və İdman Nazirliyi, Təhsil Nazirliyi, Yeni Azərbaycan Partiyası Naxçıvan Muxtar Respublika Təşkilatının Heydər Əliyev adına Gənclər Birliyi və Naxçıvan Muxtar Respublikası “Gənclərin İntellektual İnkişaf Mərkəzi” İctimai Birliyinin təşkilatçılığı ilə keçirilib.
Tədbirdə Naxçıvan Muxtar Respublikası Gənclər və İdman Nazirliyinin şöbə müdiri Nicat Babayev çıxış edərək intellektual oyunun keçirilmə qaydaları haqqında iştirakçılara məlumat verib.
Bildirilib ki, intellektual oyunun keçirilməsində məqsəd Azərbaycanın, o cümlədən Naxçıvanın zəngin milli mədəniyyətinin və tarixinin təbliği, yeniyetmələrin intellektual səviyyəsini, dünyagörüşünü, zehni inkişafını stimullaşdırmaq, onlar arasında bilik və elmin nüfuzunu artırmaq, eləcə də asudə vaxtlarının səmərəli təşkili istiqamətində yeni üsullar tətbiq etməkdən ibarətdir.

Ümumtəhsil məktəblərinin pedaqoji kadrlarla təmin olunması bu sahədə yeni uğurlara imza atılmasında başlıca amillərdən biridir. Bu tədbir təhsilin keyfiyyətcə daha da yaxşılaşmasına müsbət təsir göstərir, bu məqsədlə hər il təhsil yarmarkaları təşkil olunur. Keçirilən yarmarkalarda təyinat alan yüzlərlə gənc müəllim muxtar respublikanın ucqar dağ kəndlərində, sərhəd yaşayış məntəqələrində pedaqoji fəaliyyətə başlayır. Maraqlı cəhət orasıdır ki, bu müəllimlərin içində Azərbaycanın digər bölgələrindən olan gənclərimizin də sayı az deyil.
Ordubad rayonunun ucqar dağ kəndlərinə təhsil yarmarkası vasitəsilə göndəriş alan Azərbaycanın digər bölgələrindən olan müəllimlərlə görüşmək, onlara yaradılan şəraitlə tanış olmaq üçün Dırnıs kəndinə üz tutduq.

Bakı Beynəlxalq Multikulturalizm Mərkəzinin əməkdaşı Vidadi Rzayev Naxçıvan Dövlət Universitetində (NDU) tədris olunan Multikulturalizmə giriş və Azərbaycan multikulturalizmi fənlərinin monitorinqini aparmaq məqsədilə həmin ali təhsil ocağında olub.
Universitetin Sosial idarəetmə və hüquq fakültəsində monitorinq keçirilib.
Azərbaycan Respublikasının Prezidenti cənab İlham Əliyevin “Azərbaycan dünyada nümunəvi tolerantlıq örnəyi, sivilizasiyalar və mədəniyyətlərarası dialoq məkanı, zəngin multikultural ənənələrə malik ölkə kimi tanınır” fikirlərini səsləndirən ali təhsil ocağının Sosial idarəetmə və hüquq fakültəsinin dekanı, dosent Qərib Allahverdiyev çıxışında mədəni, etnik, dini müxtəlifliyin tənzimlənməsində düzgün siyasət modellərindən birinin də multikulturalizm olduğunu nəzərə çatdırıb.
Sonra universitetin Fəlsəfə və sosial iş kafedrasının müdiri, dosent Novruzəli Rəhimov Sosial iş ixtisasında təhsil alan I kurs tələbələrə “Multikulturalizm və xarici siyasət” mövzusunda açıq dərs keçib.

(Əvvəli qəzetin 26 noyabr
2015-ci il tarixli sayında)

Müasir texnologiyaların elm, təhsil və digər sahələr üzrə tətbiqi bu günün ən mühüm şərti, inkişafın əsas meyarıdır. Mühüm yeniliklərdən biri də təhsil ocaqlarında quraşdırılan elektron lövhələrdir. Qeyd edək ki, dərsdə elektron lövhənin tətbiqi müəllimlə şagird arasında informasiya mübadiləsinin səmərəliliyinin yüksəldilməsinə geniş imkan yaradır. Bu gün məktəblərdə 600-dən çox elektron lövhə quraşdırılıb.
Naxçıvan Muxtar Respublikası Ali Məclisi Sədrinin “Naxçıvan Muxtar Respublikasının təhsil müəssisələrində elektron təhsilin təşkili ilə bağlı əlavə tədbirlər haqqında” 2014-cü il 20 iyun tarixli Sərəncamı muxtar respublikada elektron təhsilin tətbiqinin genişləndirilməsinə, təhsil müəssisələrində virtual tədris mühitinin formalaşdırılmasına, tədrisin əyaniliyinin və səmərəliliyinin daha da artırılmasına böyük imkanlar yaradıb. 2014-cü ilin iyul ayında Naxçıvan Muxtar Respublikası Ali Məclisində təhsilin vəziyyəti və qarşıda duran vəzifələrlə bağlı keçirilən müşavirədə distant təhsilin muxtar respublikada tətbiqi üçün müvafiq qurumlara müxtəlif tapşırıqlar verilib, ötən dövrdə bu sahədə uğurlar qazanılıb.

Naxçıvan Muxtar Respublikası Ali Məclisi Sədrinin 2015-ci il 29 mart tarixli “Naxçıvan Musiqi Kollecinin 40 illik yubileyinin keçirilməsi haqqında” Sərəncamı Naxçıvanda yaşayıb-yaradan musiqiçilərin sevincinə səbəb olmuşdur. 40 illik bir yol keçən kollecin bugünkü inkişaf səviyyəsinə çatmasında həmin təhsil ocağında çalışan müəllimlərin rolu böyükdür. Onlar burada peşəkar musiqiçilərin yetişməsində əllərindən gələni əsirgəməmiş, muxtar respublikada mədəniyyətin inkişafına öz töhfələrini vermişlər. Yubiley ərəfəsində kollecin müəllimlərindən Naxçıvan Muxtar Respublikasının Əməkdar mədəniyyət işçisi Mahirə Məmmədova ilə həmsöhbət olub, təhsil ocağının keçdiyi inkişaf yoluna, qazandığı uğurlara nəzər saldıq. Məlumat üçün bildirim ki, Mahirə müəllimə 1952-ci ildə Ordubad rayonunda anadan olmuşdur. 1972-ci ildə Azərbaycan Milli Konservatoriyasına qəbul olunmuşdur. Naxçıvan Musiqi Kollecinin yaradılması onun təhsil aldığı illərə təsadüf edir. O, təyinatla 1977-ci ildə indiki Naxçıvan Musiqi Kollecində kamança ixtisası üzrə fəaliyyətə başlayır. İndiyə kimi də bu sənət ocağında çalışır. Dərs dediyi tələbələrin əksəriyyəti indi muxtar respublikanın müxtəlif mədəniyyət müəssisələrində səmərəli fəaliyyət göstərirlər. Bu kollecin müəllimi olmağı özü üçün şərəf hesab edən Mahirə Məmmədova 2006-cı ildə Naxçıvan Musiqi Kollecinin 30 illik yubileyi münasibətilə Naxçıvan Muxtar Respublikasının Əməkdar mədəniyyət işçisi fəxri adına layiq görülmüşdür.

Çətin sınaqlar qarşısında
(1991-1995-ci illər)

Müstəqilliyini yenicə qazanmış dövlətimiz azadlığına qovuşsa da, başı bəlalardan qurtulmurdu. Azərbaycanın Şərqə açılan qapısı Naxçıvanda isə vəziyyət daha ağır idi. Azərbaycandan aralı düşmüş bu qədim diyar blokadanın çətinliklərinə sinə gərməyə çalışırdı. Həmin dövrdə çörək növbəsi, su qıtlığı, enerji çatışmazlığı və başqa problemlərlə mübarizə aparan naxçıvanlıları o çətin günlərdə övladını oxutmaq, təhsil vermək, bəlkə də, heç düşündürmürdü. Çünki onlar üçün hələlik bir amal var idi: əl-ələ verib Naxçıvanı qorumaq. Ancaq bütün çətinliklərə baxmayaraq, o dövrdə Naxçıvan Muxtar Respublikasına rəhbərlik edən ümummilli lider Heydər Əliyev bu sahəni diqqətdə saxlayırdı.

Naxçıvan Dövlət Universitetində ənənəvi olaraq müxtəlif səpkili seminarlar keçirilir. Ali təhsil ocağının müəllimlərinin, doktorant və dissertantlarının, magistrantlarının iştirak etdiyi növbəti seminar “Elmi-tədqiqat işlərinin yerinə yetirilməsi, elmi məqalələrin hazırlanmasına qoyulan beynəlxalq tələblər və etik problemlər” mövzusuna həsr olunmuşdu. Seminarda elmi məqalənin yazılması qaydaları, beynəlxalq elmi jurnallarda çap olunacaq məqalələrə qoyulan tələblər, bu sahədə peşəkarlıq, beynəlxalq standartlara uyğunlaşma və digər bu kimi məsələlərə aydınlıq gətirilib.
Seminarı rektor, AMEA-nın müxbir üzvü Saleh Məhərrəm­ov açaraq vurğulayıb ki, bu kimi tədbirlərin keçirilməsinin başlıca məqsədi elmin davamlı inkişafına, alimlərimizin elmi nəticələrinin dünya miqyasında tanıdılmasına nail olmaqdır. Bu, elmdə ilk addımlarını atan gənclər, elmi-tədqiqat işlərinə başlamış magistrant, doktorant və dissertantlar üçün böyük əhəmiyyətə malikdir. Vurğulanıb ki, elmi məqalə hər bir alimin müvəffəqiyyəti deməkdir. Elmi məqaləni lazımi səviyyədə yazmaq bacarığı elm sahəsində irəliləyən gənc­lərin gələcəkdə alim kimi formalaşmasına və yüksək uğurlar qazanmasına çox kömək edir.

Azərbaycanla Rusiya arasında təhsil sahəsində tarixən geniş əlaqələr mövcud olub. “ADA” Universitetində keçirilən Azərbaycan-Rusiya Universitetlərarası Forum da Rusiya ilə ölkəmiz arasında universitetlərarası əməkdaşlığın qurulması və elmi əlaqələrin inkişafı baxımından mühüm əhəmiyyətə malikdir.
Forumda hər iki ölkənin aparıcı universitetlərinin rektorları və tanınmış elm xadimləri iştirak etmişlər.
Forum çərçivəsində Naxçıvan Dövlət Universitetinin rektoru, AMEA-nın müxbir üzvü Saleh Məhərrəmovun Ufa Dövlət Neft Texniki Universitetinin rektoru Ramil Baxtizin ilə görüşü olmuşdur. Görüş zamanı elmin, təhsilin inkişafına dair birgə əməkdaşlığın qarşılıqlı faydaları və perspektivləri barədə fikir mübadiləsi aparılmışdır.
Görüşdən sonra hər iki ali təhsil müəssisəsi arasında elmi-tədqiqat və tədris sahələrində əlaqələrin inkişafına dair əməkdaşlıq müqaviləsi imzalanmışdır. Müqavilədə iki universitet arasında təhsil sahəsində əməkdaşlığın inkişafında müəllim və tələbə mübadilələrinin həyata keçirilməsi, müştərək elmi-tədqiqat layihələri, ortaq konfrans, seminar və tədbirlərin təşkili nəzərdə tutulmuşdur.

Mina QASIMOVA

Naxçıvan Muxtar Respublikası ərazisində indiyədək qalan epiqrafik abidələr – kitabələr orta əsrlər zamanı bölgədə yaşayan görkəmli şəxsiyyətlər, onların yaşadıqları dövrdə tutduğu mövqe haqqında çox əhəmiyyətli faktlar təqdim edirlər. Belə şəxsiyyətlərdən biri də Əmir Seyyid Əhməd Oğulşamidir. Əmir Seyyid Əhməd Oğulşaminin adına Azərbaycanın epi­qrafik abidələri sırasında yeganə olaraq Culfa rayonunun Хаnəgah kəndinin qərb tərəfində, Əlincəqаlаnın ətəyində yerləşən türbənin içərisində saxlanan dörd sətirdə ərəb dilində həkk еdilmiş kitаbədə rast gəlinir.
Kitabədə qeyd olunur ki, “bu şərəfli qübbənin (günbəzin, türbənin) binа оlunmаsınа mərhum, хoşbəхt şəhid, Əmir Sеyyid Əhməd Оğul­şаminin оğlu, sаhib əl-əzəm Hаcı Məhəmmədin vəfаt еtmiş оğlu Əmir­хаn üçün ən böyük sultаn, Sultаn Cаhаnşаh Bаhаdır хаn zаmаnındа – Аllаh оnun hökmrаnlığını əbədiləşdirsin – əmr еtmişdir. Və аdıçəkilən bаni (yəni Hacı Məhəmməd) dəvət еdən məqbərəyə … əkilmiş yеr… bu dəfn yеri оlаn günbəzə ildə … vəqf еtmişdir”.

Naxçıvan Muxtar Respublikası Təhsil Nazirliyi və Naxçıvan Müəllimlər İnstitutunun təşkilatçılığı ilə Sədərək kənd 1 nömrəli tam orta məktəbdə “Yeni təlim metodları və müasir fənn kurikulumlarının tətbiqi” mövzusunda elmi-praktik konfrans keçirilib.
Konfransı giriş sözü ilə Naxçıvan Muxtar Respublikası Təhsil Nazirliyinin şöbə müdiri Firudin Zamanov açıb.
Naxçıvan Müəllimlər İnstitutunun rektoru, professor Oruc Həsənli “Yeni təlim metodları və müasir fənn kurikulumlarının tətbiqi”, filologiya üzrə fəlsəfə doktoru, dosent Həsənəli Eyvazlı “Kurikulumun tətbiqi və qarşıya çıxan problemlərin həlli yolları”, Sədərək kənd 2 nömrəli tam orta məktəbin direktoru Elmira Dadaşova “Məktəbdə müasir kurikulumun təşkili təcrübəsindən” mövzularında məruzələrlə çıxış ediblər.
Qeyd olunub ki, bu gün yetişməkdə olan nəslin inkişafını, tərbiyəsini düzgün təşkil etmək, sürətlə artan elmi-texniki yeniliklərin əsaslarını onlara mənimsətmək müasir təhsil prinsiplərinin əsas vəzifələrindəndir. Bunun üçün uşaqların dərk­etmə imkanlarının, idrak proseslərinin inkişaf qanunauyğunluqlarının və bu prosesin necə aşılanmasının yeni metodlarının müəllimlər tərəfindən öyrənilməsi vacibdir. Ona görə də son illərdə muxtar respublikada, eləcə də Sədərək rayonunda təhsil sahəsində islahatların müvəffəqiyyətlə həyata keçirilməsi üçün kompleks işlər aparılır. Rayonun ümumtəhsil məktəblərində kurikulum proqramı ilə aparılan tədrisə diqqətlə yanaşılır, yeni təlim metodlarının istifadəsi və onların tətbiqinin reallaşdırılmasına köməklik edilir. Naxçıvan Müəllimlər İnstitutu tərəfindən keçirilən tədbirlər də bu baxımdan əhəmiyyətlidir.

Xəbərlər şöbəsi

 Bu mövzuda beynəlxalq konfrans keçirilir

Naxçıvan Dövlət Universitetində “Şərqin böyük dahisi Nəsirəddin Tusi” mövzusunda iki gün davam edəcək beynəlxalq konfrans öz işinə başlamışdır.
Ölkənin müxtəlif ali təhsil ocaqlarından, Türkiyə və İrandan dəvət olunmuş alimlərin, AMEA-nın elmi-tədqiqat institutlarının, AMEA Naxçıvan Bölməsinin əməkdaşlarının, “Naxçıvan” Universiteti və Naxçıvan Müəllimlər İnstitutunun, Naxçıvan Dövlət Universitetinin professor-müəllim heyəti və tələbələrinin iştirakı ilə keçirilən beynəlxalq konfransın plenar iclasını universitetin rektoru, AMEA-nın müxbir üzvü Saleh Məhərrəmov açmışdır. Rektor “Elmin Nəsirəddin Tusi zirvəsi” mövzusunda məruzə edərək bildirmişdir ki, o, elmin müxtəlif sahələri ilə dərindən maraqlanmış, astronomiya, riyaziyyat, fizika, tibb, fəlsəfə, etika, məntiq və elmin digər sahələrinə həsr olunmuş əsərlər yazmışdır. Onun yaradıcılığında astronomiya və riyaziyyat üzrə tədqiqatlar xüsusi yer tutur. Riyaziyyata həsr etdiyi əsərlər yalnız ərəbcə, astronomiya üzrə tədqiqatları isə həm fars, həm də ərəb dillərində yazılmışdır. Riyaziyyatçı alimin ən məşhur əsərləri arasında “Şəklül-qita” (Bütöv çoxtərəfli haqda risalə), “Cameül-hesab” (Lövhə və tozun köməyi ilə hesab toplusu), “Dairənin ölçüsü”, “Təhrir Öqlidis” (Evklid başlanğıcının təsviri) kimi kitablar xüsusi yer tutur. Dörd hissədən ibarət “Zici-İlxani” (İlxanilərin astronomik cədvəlləri) əsəri isə alimin adını dünya astronomiya tarixinə salmışdır.

 Elm, ali və orta ixtisas təhsili müəssisələrinin elmi dərəcəli əməkdaşlarının ayda bir dəfə

ümumtəhsil məktəblərində nümunəvi dərs keçmələri tədrisdə yeni istiqamət kimi dəyərləndirilir

Azərbaycan xalqının ümummilli lideri, görkəmli dövlət xadimi Heydər Əliyev ölkənin və xalqın taleyində, hərtərəfli tərəqqisində, davamlı uğurlar qazanmasında təhsilin xüsusi rolunu, böyük əhəmiyyətini həmişə yüksək dəyərləndirmişdir. Dahi rəhbərimiz deyirdi: “Hər bir dövlət əgər istəyirsə ki, öz ölkəsinin inkişafını təmin etsin, öz millətinin elmini, mədəniyyətini dünya standartlarına çatdırsın, o mütləq hər şeydən çox təhsilə fikir verməlidir, təhsilin inkişafına səy göstərməlidir, təhsil üçün bütün imkanları yaratmalıdır”.

Ulu öndər Heydər Əliyev daim təhsilə strateji sahə kimi baxmış, Vətənin, xalqın tərəqqisində onun rоluna yüksək qiymət vermişdir. Müdrik rəhbər Azərbaycan təhsilinin inkişafı naminə son dərəcə böyük işlər görmüş, yeni nəsillərin hərtərəfli biliyə, mükəmməl dünyagörüşə malik vətəndaşlar kimi yetişməsi naminə möhtəşəm tədbirləri müvəffəqiyyətlə reallaşdırmışdır.

AMEA Naxçıvan Bölməsində “Gülüstan türbəsi” və “Əlincəqala” tədqiqat qruplarının yığıncağı keçirilmişdir. Yığıncağı AMEA Naxçıvan Bölməsinin sədri, akademik İsmayıl Hacıyev açmışdır.
Bildirilmişdir ki, muxtar respublikamızın ərazisində qədim və orta əsrlər dövründə yaradılmış çoxlu maddi-mədəniyyət nümunələrinin, o cümlədən memarlıq abidələrinin bir hissəsi yarandığı vaxtdan keçən müddət ərzində baş verən təbii fəlakətlər, müharibələr zamanı dağılmış, bir qismi isə zəmanəmizədək aşınmış, yarıuçuq vəziyyətdə gəlib çatmışdır.
Son illərdə bu abidələrdən bir qismi bərpa olunmuş, bəzilərində isə hazırda abadlıq-bərpa işləri aparılmaqdadır. Bu abidələr sırasında Gülüstan türbəsi və Əlincəqala da vardır. Ötən müddət ərzində bu abidələrdə xeyli iş görüldüyünü diqqətə çatdıran İsmayıl Hacıyev qarşıda duran vəzifələrdən də danışmış və diqqətə çatdırmışdır ki, aparılan tədqiqatların nəticələrindən ibarət kitablar hazırlanması nəzərdə tutulmuşdur.

Noyabrın 16-da Naxçıvan Dövlət Universitetində Naxçıvan Muxtar Respublikası Təhsil Nazirliyi ilə birgə Naxçıvan Muxtar Respublikasının ümumtəhsil məktəblərində çalışan biologiya, kimya və fizika fənlərini tədris edən müəllimlər üçün həftə sonuna qədər davam edəcək seminar öz işinə başlayıb.
Tədbiri universitetin rektoru, AMEA-nın müxbir üzvü Saleh Məhərrəmov açaraq təhsilin inkişafından danışıb.
Naxçıvan Muxtar Respublikasının təhsil naziri Piri Nağıyev tədbirdə çıxış edərək vurğulayıb ki, bu gün muxtar respublikamızda təhsilə diqqət və qayğı ən yüksək səviyyədədir. Yeni məktəb binalarının tikilib istifadəyə verilməsi, onların yüksək maddi-texniki baza və ən müasir informasiya-kommunikasiya texnologiyaları ilə təchiz olunması, eyni zamanda müəllimlərin fəaliyyəti üçün hərtərəfli şəraitin yaradılması muxtar respublikada təhsilə göstərilən qayğının bariz nümunəsidir.

Naxçıvan şəhərindəki Gənclər Mərkəzində 10-17 noyabr – Beynəlxalq Tələbə-Gənclər Həftəsi ilə əlaqədar Naxçıvan Muxtar Respublikasında fəaliyyət göstərən ali və orta ixtisas təhsili müəssisələrinin tələbələri arasında “Nuh yurdu” intellektual oyunu keçirilib.
Tədbirdə Naxçıvan Muxtar Respublikası Gənclər və İdman Nazirliyi aparatının Gənclərlə iş şöbəsinin müdiri Nicat Babayev və Naxçıvan Muxtar Respublikası Ali Məclisinin Sədri yanında Gənclər Fondunun məsləhətçisi Qabil Vəliyev çıxış ediblər. Qeyd olunub ki, Yeni Azərbaycan Partiyası Naxçıvan Muxtar Respublika Təşkilatının Heydər Əliyev adına Gənclər Birliyi, Naxçıvan Muxtar Respublikası Ali Məclisinin Sədri yanında Gənclər Fondu, Gənclər və İdman Nazirliyinin birgə təşkilatçılığı ilə keçirilən tədbirin məqsədi Azərbaycanın, o cümlədən Naxçıvanın zəngin milli mədəniyyətinin və tarixinin təbliği, gənclərin intellektual səviyyəsini, dünyagörüşünü, zehni inkişafını stimullaşdırmaq, onlar arasında bilik və elmin nüfuzunu artırmaq, eləcə də asudə vaxtlarının səmərəli təşkili istiqamətində yeni üsullar tətbiq etməkdən ibarətdir.
İntellektual oyunda ali və orta ixtisas təhsili müəssisələrindən 12 komanda iştirak edib. Finala “Şahdağ”, “Əlincə”, “Loğman” və “Buta” komandaları vəsiqə qazanıblar. Naxçıvan Dövlət Universitetinin “Əlincə” komandası birinci yerə layiq görülüb. Naxçıvan Dövlət Universitetinin “Şahdağ” komandası ikinci, Naxçıvan Musiqi Kollecinin “Buta” komandası isə üçüncü olublar.

 Ceyhun Məmmədov

Noyabr ayının 14-də Tələbə Qəbulu üzrə Dövlət Komissiyası (TQDK) Naxçıvan şəhər 14 nömrəli tam orta məktəbdə 2015-ci ildə ali təhsil müəssisələrinə keçirilmiş qəbul imtahanlarında istifadə edilmiş test tapşırıqlarının və yeni tədris proqramı (kurikulum) əsasında hazır­lanmış tarix fənni üzrə VIII sinif dərslik komplektlərinin müzakirəsinə həsr olunmuş elmi- metodik seminar keçirib.
Əvvəlcə TQDK Naxçıvan Muxtar Respublikası Regional Bölməsinin müdiri Sabir Məmməd­ov çıxış edərək muxtar respublikada təhsilin inkişafı istiqamətində həyata keçirilən tədbirlərdən danışıb.
TQDK-nın şöbə müdiri Afiqə Batıyeva TQDK tərəfindən qəbul imtahanlarında istifadə edilmiş test tapşırıqlarının formaları və yeni təhsil proqramları (kurikulum) əsasında hazırlanmış VIII sinif dərslik komplektlərinin təhlili ilə bağlı görülən işlər barədə məlumat verib.
Tarix fənni üzrə elmi-metodik seminarın rəhbəri, Bakı Dövlət Universitetinin dosenti Kərəm Məmmədov və Bakı şəhərindəki 170 nömrəli tam orta məktəbin müəllimi Niyaməddin Quliyev 2015-ci ildə ali təhsil müəssisələrinə keçirilmiş qəbul imtahanlarında istifadə edilmiş test tapşırıqlarının elmi-metodik baxımdan təhlili və yeni təhsil proqramları (kurikulum) əsasında hazırlanmış 8-ci sinif dərslik komplektlərinin monitorinqi haqqında tədbir iştirakçılarını məlumatlandırıblar.

Noyabr ayının 14-də muxtar respublikanın ümumtəhsil məktəblərinin V-VIII sinif şagirdləri arasında ümumi test-sınaq imtahanı keçirilib.
Ənənəvi olaraq təşkil edilən belə imtahanlarda məqsəd şagirdlərin biliyinin yoxlanılması və elmlərə marağının artırılması, ali və orta ixtisas məktəblərinə qəbul imtahanlarına hazırlıqdır.
İmtahanlar səhər saat 1000-da başlayıb və iki saat yarım davam edib.
Şagirdlərə öz bilik və bacarıqlarını nümayiş etdirmək üçün hərtərəfli şərait yaradılıb. Məlumat üçün bildirək ki, test-sınaq imtahanında şagirdlərə iş nömrəsi verilib və kodlaşma aparılıb. Həmin iş nömrəsi vasitəsilə şagirdlər imtahanın nəticələrini www.istedad21.com saytından öyrənə bilərlər.

Xəbərlər şöbəsi

Naxçıvan Muxtar Respublikası Ali Məclisi Sədrinin 2015-ci il 27 iyul tarixli “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsi haqqında” Sərəncamının icrası məqsədilə Naxçıvan Muxtar Respublikası Ali Məclisinin Sədri yanında Dövlət Qulluğu Məsələləri üzrə Komissiyanın əməkdaşlarının Naxçıvan Dövlət Universitetinin Dövlət və bələdiyyə idarəetməsi ixtisasının tələbələri ilə görüşü keçirilib.
Universitetin elmi işlər üzrə prorektoru, fizika üzrə fəlsəfə doktoru, dosent Mübariz Nuriyev bildirib ki, adıçəkilən sərəncam muxtar respublikada fəaliyyət göstərən ali təhsil müəssisələri ilə müvafiq təşkilatlar arasında əməkdaşlığı genişləndirmək, peşəkar kadr potensialı hazır­lamaq, bu sahədəki çətinlikləri aradan qaldırmaq, tələbələrə elmi-nəzəri biliklərlə yanaşı, təcrübi biliklər də aşılamaq, onların gələcək iş yerlərini müəyyənləşdirmək baxımından mühüm əhəmiyyət kəsb edir.

Biliyə gedən yol əməli fəaliyyətdən keçir. Bu fikirdə böyük məna yükü var. Əməli fəaliyyətində təhsilin inkişafı naminə çalışan hər kəs bu sahədə yaradılan sağlam körpünün “mühəndisi” kimi tanınır. Naxçıvan Muxtar Respublikasının timsalında bu həqiqəti bütün dolğunluğu ilə görmək mümkündür. Onu deyim ki, şəhər və rayonlar arasında sağlam rəqabət mövcuddur. Hər qəbul imtahanında muxtar respublikanın məzunları yüksək nəticə göstərmək uğrunda mübarizə aparırlar. Qeyd edim ki, Naxçıvan şəhərinin ümumtəhsil məktəbləri uğurlarına görə ön sıralarda yer tutub. Qazanılan nailiyyətlər  Naxçıvan şəhərində son 15 il ərzində 16 məktəb binasının tikilməsi və ya yenidən qurulması, lazımi avadanlıqlarla təmin olunmasının bəhrəsidir. İllər öncə dəftər-kitab tapa bilməyən şagird indi hər cür şəraiti olan məktəbdə təhsil alır. 

2015-ci ildə Naxçıvan Şəhər Təhsil Şöbəsinin əhatə etdiyi 17 tam orta məktəbi bitirən 588 məzunun 534 nəfəri ali və orta ixtisas məktəblərinə daxil olmaq üçün sənəd verib, onlardan 365 nəfəri ali məktəblərə, 55 nəfəri isə müxtəlif orta ixtisas məktəblərinə qəbul olunub. 2014-2015-ci tədris ilində Prezident təqaüdünə layiq görülən 7 nəfərdən 5-nin Naxçıvan şəhərinin məktəblərindən olması müəllim əməyinin bəhrəsi, təhsildəki keyfiyyətin göstəricisidir.

Naxçıvan Şəhər Gənclər və İdman İdarəsi və Naxçıvan Şəhər Təhsil Şöbəsinin birgə təşkilatçılığı ilə Gənclər Mərkəzində yeniyetmələr arasında “Nuh yurdu” intellektual oyununun şəhər birinciliyi keçirilib. Tədbiri Gənclər və İdman İdarəsinin rəisi Xəyal Qurbanov açaraq bildirib ki, intellektual oyunun keçirilməsində məqsəd Azərbaycanın, o cümlədən Naxçıvanın zəngin milli mədəniyyətinin və tarixinin təbliğindən, yeniyetmələrin intellektual səviyyəsini, dünyagörüşünü, zehni inkişafını stimullaşdırmaqdan, onlar arasında bilik və elmin nüfuzunu artırmaqdan, eləcə də asudə vaxtlarının səmərəli təşkili istiqamətində yeni üsullar tətbiq etməkdən ibarətdir.
8 komandanın iştirak etdiyi intellektual oyun 2 mərhələ və final mərhələsindən, hər mərhələ isə beş raunddan ibarət olub. Gərgin keçən mübarizə nəticəsində “Nuh yurdu” komandası birinci yerə layiq görülüb. “Əlincə” komandası ikinci, “Nuh diyarı” komandası isə üçüncü olub.
Qaliblər təşkilatçılar tərəfindən diplom və fəxri fərmanlarla mükafatlandırılıblar. Məlumat üçün qeyd edək ki, “Nuh yurdu” komandası Naxçıvan Muxtar Respublika mərhələsində Naxçıvan şəhərini təmsil edəcək.

Ceyhun Məmmədov

Naxçıvan Muxtar Respublikası Ali Məclisi Sədrinin 2015-ci il 27 iyul tarixli “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsi haqqında” Sərəncamının icrası məqsədilə Naxçıvan Muxtar Respublikasının Dini Qurumlarla İş üzrə İdarəsinin əməkdaşlarının Naxçıvan Dövlət Universitetinin Tərcümə (ərəb – Azərbaycan dilləri) ixtisası üzrə təhsil alan tələbələri ilə görüşü keçirilib. 

Beynəlxalq münasibətlər və xarici dillər fakültəsinin dekanı, dosent Qurban Qurbanlı muxtar respublikada ali təhsilin inkişafından, tədrisin müasir səviyyədə qurulması istiqamətində görülən işlərdən bəhs edib. Dekan bu fakültədəki ixtisaslar, Şərq dilləri və ədəbiyyatı kafedrası haqqında məlumat verib.
Naxçıvan Muxtar Respublikasının Dini Qurumlarla İş üzrə İdarəsinin rəisi Vüqar Babayev çıxışında vurğulayıb ki, muxtar respublikamızda dini tolerantlıq mövcuddur, dini bayramlar və ayinlər burada yüksək səviyyədə qeyd edilir, ziyarətgah və məscidlər təmir və ya bərpa olunaraq əhalinin ixtiyarına verilir. Muxtar respublika ərazisində 209 məscid, 16 dini icma, 750 din xadimi fəaliyyət göstərir. 2014-cü il avqustun 20-də Naxçıvan Muxtar Respublikası Ali Məclisi Sədrinin Sərəncamı ilə muxtar respublikada dövlət orqanlarının dini qurumlarla qarşılıqlı fəaliyyətinin təmin edilməsi, multikulturalizm və dövlət-din münasibətlərinin daha dolğun tənzimlənməsi məqsədilə multikulturalizm və dini məsələlər üzrə komissiyalar yaradılıb. Muxtar respublikada İslam dini üzrə ixtisaslı kadrların hazırlanması üçün 2015-ci ildə “Naxçıvan” Universitetində Dinşünaslıq ixtisası açılıb.
Vüqar Babayev tələbələrin Dini Qurumlarla İş üzrə İdarənın əməkdaşları ilə görüşlərinin təşkil olunması, sərəncamdan irəli gələn vəzifələrin həyata keçirilməsi ilə bağlı görüləcək digər işlər barədə məlumat verib, müəllim və tələbələrin suallarını cavablandırıb.

Mehriban SULTAN

Azәrbaycan Respublikasının Prezidenti yanında Elmin İnkişafı Fondunun qrant müsabiqəsinin nəticələri açıqlanıb. Müsabiqənin nəticələrinə görə, Qarabağ tədqiqatları üzrə 3-cü “Şuşa qrantı” müsabiqәsində AMEA Naxçıvan Bölməsinin sədri, akademik İsmayıl Hacıyev, dosent Elman Cəfərli, tarix üzrə fəlsəfə doktoru Mehman Şabanov və dosent Emin Şıxəliyevin təqdim etdiyi “Böyük güclərin Azərbaycanla bağlı geosiyasi maraqlarında Naxçıvanın yeri və ermənilər tərəfindən törədilən soyqırımların pərdəarxası” mövzusunda layihə qalib olmuşdur.

Naxçıvan Dövlət Universitetində 9 Noyabr – Dövlət Bayrağı Günü münasibətilə universitetin Beynəlxalq münasibətlər və xarici dillər fakültəsinin komandaları arasında 4 turdan ibarət bilik yarışı keçirilib. Yarışda adıçəkilən fakültənin 7 ixtisası üzrə təhsil alan I və II kurs tələbələrindən ibarət 7 komanda iştirak edib.
Xalqımızın böyük oğlu Heydər Əliyevin həyatı və fəaliyyətindən bəhs edən, Azərbaycan tarixi, coğrafiya, məntiq və digər sahələr üzrə 70 test sualından ibarət bilik yarışı maraqlı və yaddaqalan olub. Gərgin mübarizə nəticəsində İngilis dili müəllimliyi ixtisasının komandası qalib gələrək I yerə çıxıb. Beynəlxalq münasibətlər və tərcüməçilik (ingilis dili) ixtisasının komandaları isə II və III yerləri bölüşüblər.
Qeyd edək ki, bilik yarışı növbəti günlərdə digər fakültələrdə də təşkil olunacaq və sonda qalib gələn komandalar finalda qarşılaşacaqlar. Qalib komandalar, eyni zamanda yarışın fəal iştirakçıları diplom və hədiyyələrlə mükafatlandırılacaqlar.

Mina QASIMOVA

“Naxçıvan” Universitetində Pedaqoji və Xarici dillər fakültələrinin əyani şöbə üzrə IV kurs tələbələrinin 2015-2016-cı tədris ilinin birinci yarısında keçdikləri pedaqoji təcrübəyə həsr edilmiş yekun konfrans keçirilmişdir.
Konfransı giriş sözü ilə ali təhsil ocağının tədris işləri üzrə prorektoru, tarix üzrə fəlsəfə doktoru, dosent İbrahim Kazımbəyli açaraq bildirmişdir ki, ali təhsil müddətində qazanılan nəzəri bilikləri təcrübədə möhkəmləndirmək, peşə vərdişlərinə yiyələnmək baxımından pedaqoji təcrübənin əhəmiyyəti böyükdür. 2015-2016-cı tədris ilinin birinci yarısında universitetin 102 tələbəsi Naxçıvan şəhərindəki Heydər Əliyev adına tam orta məktəbdə, 8 nömrəli və 15 nömrəli tam orta məktəblərdə pedaqoji təcrübə keçmişlər. Pedaqoji təcrübə müddətində tələbələrin muxtar respublikanın tam orta məktəblərində pedaqoji prosesi əyani şəkildə öyrənmələri, bilik və peşə vərdişlərinə yiyələnmələri üçün hər cür şərait yaradılmışdı.
İbrahim Kazımbəyli həmçinin pedaqoji təcrübə zamanı dərslərin informasiya-kommunikasiya texnologiyaları vasitəsilə keçilməsinin, tələbələrin hazır­ladığı tərbiyəvi tədbirlərin təşkilinin əhəmiyyətindən də bəhs etmişdir.
Pedaqoji təcrübənin qrup rəhbərləri Arifə Zeynalova, Vaqif Hüseynov, Elnarə Seyidova, Rəcəb Cəfərli, Riyaziyyat-informatika kafedrasının müdiri Məftun Əliyev və metodist Elbrus Vəliyev çıxışlarında bildirmişlər ki, tələbələr təcrübə müddətində yeni metodlardan istifadə etmiş, dərslərinin əksəriyyətini informasiya-kommunikasiya texnologiyaları vasitəsilə keçmiş və VII-VIII siniflərdə keçilən dərslərdə kurikulum üsulunu müvəffəqiyyətlə tətbiq etmişlər.
Təcrübəçi tələbələr çıxış edərək təcrübə zamanı onlar üçün yaradılmış şəraitdən, göstərilən qayğıdan danışmışlar.
Sonda təcrübədə fərqlənən tələbələrə fəxri fərmanlar təqdim olunmuşdur.

Nuray ƏSGƏROVA

Azərbaycan xalqının maddi və mənəvi sərvəti olan yazılı abidələrimizə dünyanın bir sıra zəngin kitabxanalarında, əlyazma fondlarında rast gəlmək olar.
Əvvəllər mühitlərin bir-birinə təsiri səyyahların və elm adamlarının tanış olduqları diqqətçəkən yeniliklərin duyulduğu materialların öz ölkələrinə aparmaları, ya da əsərlərində bu məlumatlardan bəhs edib əsaslandırmaqları hesabına yaranırdı. Ərazidən əraziyə daşınan fikirlər daşındığı regionun tələblərinə uyğun istiqamət və mövqe dəyişdirirdisə də, ümumiləşmiş fikir olduğu kimi qalırdı. Bu, dildə də, ədəbiyyatda da belədir. Bəzi əsərlərdə isə ortaq arqumentlər, ortaq fikirlər nəzərə çarpır. Bu oxşarlıqlar, fərqliliklər, bəhrələnmə, istinadlar, icazəli və icazəsiz köçürmələr xalqların ortaq mədəniyyətlərinin tədqiqi zamanı ortaya çıxan və mübahisələrə səbəb olan məsələlərdir.
Başqa xalqlar tərəfindən mənimsənilən bir çox dahi şəxsiyyətlərimizin bəşəri istedadı onların dünyada olan nüfuzunun və dünyanın onlara olan maraq və rəğbətinin təcəssümüdür.
Tarixi öyrənmək baxımından vacib bir sıra faktorlar vardır. Əlyazmalar da bu baxımdan son dərəcə əhəmiyyətlidir. Ona görə də bu qəbildən olan sənədlərin, məlumatların qorunması baxımından fondlar mühüm əhəmiyyətə malikdir.
Azərbaycan Milli Elmlər Akademiyası Naxçıvan Bölməsi Əlyazmalar Fondu da bu əhəmiyyətli işə xidmət edir. Bu fond 8 aprel 2005-ci ildə fəaliyyətə başlamışdır.

 “Naxçıvanda Dədə Qorqud” beynəlxalq elmi simpoziumun iştirakçılarının ortaq qənaəti belədir 

Oktyabrın 26-27-də Azərbaycan Milli Elmlər Akademiyası Naxçıvan Bölməsində Naxçıvan Muxtar Respublikası Ali Məclisinin Sədri yanında Bilik Fondunun təşkilatçılığı ilə keçirilən “Naxçıvanda Dədə Qorqud” beynəlxalq elmi simpoziumu mühüm elmi nəticələrin əldə edilməsi ilə yadda qaldı. Qonşu ölkələrdən gələn elm xadimləri bu cür beynəlxalq tədbirlərin əhəmiyyətini vurğulayaraq Naxçıvan Muxtar Respublikasının regionda həm də beynəlxalq səviyyəli elmi müzakirələrin aparıldığı bir məkan kimi diqqəti cəlb etdiyini bildirdilər.
Türkiyənin İqdır Universitetinin professoru Turqut Öcal “Naxçıvanda Dədə Qorqud” beynəlxalq elmi simpoziumunun əhəmiyyətindən danışaraq dedi:
– Məlum olduğu kimi, “Kitabi-Dədə Qorqud” dastanları tariximizin, qədim dövrlərdən bəri mövcud olan adət-ənənələrimizin, folklorumuzun, ədəbiyyatımızın və digər mühüm sahələrin öyrənilməsi baxımından bənzəri olmayan möhtəşəm abidədir. Mən məmnuniyyətlə bildirmək istəyirəm ki, həmin dastanlarda qeyd olunan hadisələrin məhz bizim coğrafiyamızda, xüsusən də Naxçıvan Muxtar Respublikası ərazisində cərəyan etməsi bu gün artıq tarixi bir reallıq kimi qəbul olunur. Bu mənada, “Naxçıvanda Dədə Qorqud” beynəlxalq elmi simpoziumun yüksək səviyyədə keçirilməsi bir sıra elmi faktların aşkara çıxarılmasında, mühüm nəticələr əldə edilməsində önəmli rol oynadı.
Bundan başqa, belə hesab edirəm ki, simpoziumda bizim kimi xaricdən dəvət olunan elm xadimləri ilə yanaşı, Azərbaycanın nüfuzlu alim və tədqiqatçılarının birgə müzakirələr aparması beynəlxalq tədbirin səmərəli keçməsinə imkan yaratdı. Mən çox sevinirəm ki, “Kitabi-Dədə Qorqud” irsinin araşdırılması, qədim türk yurdu olan Naxçıvanla bağlılığı və yaşadılması istiqamətində muxtar respublikada çox mühüm işlər görülüb. “Naxçıvanda Dədə Qorqud” beynəlxalq elmi simpoziumun keçirilməsi bu istiqamətdə aparılan düzgün elmi siyasətin davamıdır.
Tədbir barədə son olaraq bunu deyə bilərəm ki, simpozium çox uğurlu keçdi və belə möhtəşəm tədbirlər Naxçıvanın şöhrətini daha da artırır. Simpozium çərçivəsində Naxçıvanda olmaq isə mənim üçün ikiqat əlamətdardır. Çünki bu qədim diyarı sevən bir insan kimi buradakı möhtəşəm quruculuq-abadlıq işlərini, sürətli inkişafı bir daha görmək imkanım oldu.
Naxçıvan Muxtar Respublikasının zəngin təbiəti, təmiz havası, saf suyu, gözəl insanları var. Mən bir daha insan amilinə diqqət çəkərək demək istəyirəm ki, Naxçıvanın mehriban, alicənab və yüksək intellektual potensiala malik insanları bu yurdun ən böyük sərvətidir. Məhz belə də olmalıdır. Çünki bu yurd Türk dünyasının böyük oğlu, dünya şöhrətli siyasətçi Heydər Əliyevin vətənidir.
İbad Məmizadə Ağdaşlı – İran İslam Respublikasının Təbriz Universitetinin müəllimi:
– Naxçıvan dahilər yurdu olub, çox böyük şəxsiyyətlər yetişdirib. Təbii ki, həmin dahilərin, elm, siyasət xadimlərinin fövqündə görkəmli dövlət xadimi Heydər Əliyev dayanır. Böyük şəxsiyyət Azərbaycan-İran əlaqələrinin inkişafına əvəzsiz töhfələr verib. Heydər Əliyev Muzeyi ilə tanış olarkən orada saxlanılan tarixi sənədlərə baxanda bunu bir daha xatırladıq və görkəmli dövlət xadimi Heydər Əliyevi hörmətlə, ehtiramla yad etdik.
Bu gün Naxçıvan Muxtar Respublikasında dahi şəxsiyyət Heydər Əliyevin uğurlu siyasi xətti böyük nailiyyətlə davam etdirilir. Elmə, təhsilə göstərilən diqqət də bunu göstərir. “Naxçıvanda Dədə Qorqud” beynəlxalq elmi simpoziumun keçirilməsi, “Kitabi-Dədə Qorqud” dastanları barədə elmi müzakirələrin aparılması həm də Heydər Əliyev yolunun elmi şəkildə davam etdirilməsidir. Çünki mən də bir tədqiqatçı kimi yaxşı bilirəm ki, hələ keçmiş sovet dönəmində dahi şəxsiyyət “Kitabi-Dədə Qorqud” dastanlarının araşdırılması, ortaya çıxarılması üçün böyük işlər görüb. “Naxçıvanda Dədə Qorqud” beynəlxalq elmi simpoziumun keçirilməsi muxtar respublikada mənəvi dəyərlərin qorunması, gələcək nəsillərə ötürülməsi istiqamətində həyata keçirilən tədbirlərin davamlı xarakter aldığını göstərir.
Simpoziumda elmi şəkildə əsaslandırılmış çıxışlarda da qeyd olunduğu kimi, “Kitabi-Dədə Qorqud” dastanlarında nəql olunan hadisələr məhz Naxçıvanda cərəyan edib. Bildiyiniz kimi, dastanda bir sıra boylarda adıçəkilən Qaraçuq, Əlincə qalası, Dərəşam, Şərur kimi coğrafi adlar Naxçıvan ərazisindədir.
Naxçıvan elm və mədəniyyət baxımından çox böyük inkişaf yolu keçib. Biz səfər müddətində bir daha bunun şahidi olduq. Tədbir çərçivəsində Naxçıvanın tarixi yerlərini gəzdik. Çox möhtəşəm idi. Dinamik sürətlə inkişaf edən muxtar respublikada abadlıq və quruculuq işləri bütün sahələri əhatə edib. Bunu hər addımda görmək mümkündür.

 Rauf Əliyev

Azərbaycan Milli Elmlər Akademiyası (AMEA) Naxçıvan Bölməsində Naxçıvan Muxtar Respublikası Ali Məclisinin Sədri yanında Bilik Fondunun təşkilatçılığı ilə keçirilən “Naxçıvanda Dədə Qorqud” beynəlxalq elmi simpoziumu öz işini başa çatdırıb.
Simpoziumun bağlanış mərasimində çıxış edən AMEA Naxçıvan Bölməsinin sədri, akademik İsmayıl Hacıyev bildirib ki, Naxçıvan Muxtar Respublikası Ali Məclisi Sədrinin 2015-ci il 25 iyul tarixli Sərəncamı ilə təsdiq etdiyi “Kitabi-Dədə Qorqud”un alman dilində ilk tərcüməsi və nəşrinin 200 illiyinin Naxçıvan Muxtar Respublikasında qeyd edilməsi ilə bağlı Tədbirlər Planı”na uyğun olaraq keçirilən “Naxçıvanda Dədə Qorqud” beynəlxalq elmi simpoziumunda mühüm elmi nəticələr əldə olunub. Simpozium bir daha onu göstərdi ki, Naxçıvan Muxtar Respublikasında elmin, təhsilin inkişafı, milli-mənəvi dəyərlərin qorunması, gələcək nəsillərə ötürülməsi istiqamətində həyata keçirilən tədbirlər davamlı xarakter alıb. Bu istiqamətdə Naxçıvanda təşkil olunan elmi tədbirlərə diqqəti çəkən İsmayıl Hacıyev onu da vurğulayıb ki, belə beynəlxalq simpoziumlara ev sahibliyi edilməsində Naxçıvan Muxtar Respublikası zəngin təcrübəyə malikdir. Simpoziumda iştirak edən Azərbaycanın nüfuzlu alim və tədqiqatçıları, Türkiyə və İran İslam Respublikasının ali təhsil müəssisələrinin nümayəndələri də bunu bir daha təsdiq etdilər.

Naxçıvan Muxtar Respublikası Ali Məclisi Sədrinin “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsi haqqında” 2015-ci il 27 iyul tarixli Sərəncamına uyğun olaraq, Naxçıvan Dövlət Universitetinin Mühasibat uçotu və audit ixtisası Naxçıvan Muxtar Respublikası Maliyyə Nazirliyinin hamiliyinə verilib. Sərəncamdan irəli gələn vəzifələrin icrası ilə bağlı nazirlik tədbirlər planı hazırlayıb. Tədbirlər planına uyğun olaraq, Naxçıvan Dövlət Universitetində Mühasibat uçotu və audit ixtisasında təhsil alan tələbələrlə görüş keçirilib.
İqtisad fakültəsinin dekanı, iqtisad elmləri doktoru, professor Asif Şirəliyev Naxçıvanda təhsilin inkişafı istiqamətində görülən işlərdən danışıb.
Naxçıvan Muxtar Respublikası maliyyə nazirinin müavini Hikmət Cəfərov adıçəkilən sərəncamın muxtar respublikadakı ali və orta ixtisas təhsili müəssisələrində müvafiq ixtisaslarda təhsil alan tələbələrin yüksək səviyyədə hazırlığı, mühasibat uçotu və audit sahəsində kadr potensialının formalaşması baxımından əhəmiyyətindən bəhs edib, nazirliyin iş prinsipi haqqında ətraflı məlumat verib.
Maliyyə Nazirliyinin Dövlət aparatının və hüquq-mühafizə orqanlarının maliyyəsi şöbəsinin müdiri Bulqeyis Novruzovanın “Dövlət büdcəsinin mahiyyəti və planlaşdırılması” mövzusunda çıxışı olub.
Sonda tələbələri maraqlandıran suallar cavablandırılıb.

Mina QASIMOVA

Oktyabrın 26-da Azərbaycan Milli Elmlər Akademiyası (AMEA) Naxçıvan Bölməsində Naxçıvan Muxtar Respublikası Ali Məclisinin Sədri yanında Bilik Fondunun təşkilatçılığı ilə iki gün davam edəcək “Naxçıvanda Dədə Qorqud” beynəlxalq elmi simpoziumu öz işinə başlamışdır.
Simpozium iştirakçıları əvvəlcə ümummilli lider Heydər Əliyevin Naxçıvan şəhərinin baş meydanında əzəmətlə ucaldılan abidəsini ziyarət etmişlər.
Naxçıvan şəhərindəki Heydər Əliyev Muzeyi ilə tanış olan simpozium iştirakçılarına muzey barədə ətraflı məlumat verilmişdir.
Sonra simpozium iştirakçıları AMEA Naxçıvan Bölməsində “Naxçıvanda Dədə Qorqud” adlı sərgiyə baxmışlar.
Daha sonra “Naxçıvanda Dədə Qorqud” beynəlxalq elmi simpoziumu öz işinə başlamışdır.
Simpoziumu giriş sözü ilə açan Naxçıvan Muxtar Respublikası Ali Məclisi Aparatının Humanitar siyasət məsələləri və ictimai təşkilatlarla iş şöbəsinin müdiri Rəhman Məmməd­ov simpozium iştirakçılarını salamlayaraq bildirmişdir ki, bu gün Naxçıvan Muxtar Respublikası Ali Məclisi Sədrinin 2015-ci il 25 iyul tarixli Sərəncamı ilə təsdiq etdiyi “Kitabi-Dədə Qorqud”un alman dilində ilk tərcüməsi və nəşrinin 200 illiyinin Naxçıvan Muxtar Respublikasında qeyd edilməsi ilə bağlı Tədbirlər Planı”na uyğun olaraq, “Naxçıvanda Dədə Qorqud” beynəlxalq elmi simpoziumu öz işinə başlayır. Naxçıvan Muxtar Respublikası Ali Məclisinin Sədri yanında Bilik Fondu Himayəçilik Şurasının təşkilatçılığı ilə keçirilən simpoziumda Azərbaycanın nüfuzlu alim və tədqiqatçıları, Türkiyə və İran İslam Respublikasının ali təhsil müəssisələrinin nümayəndələri iştirak edirlər. Bu isə beynəlxalq elmi simpoziumun səmərəli keçəcəyinə əsas verir.

Naxçıvan Muxtar Respublikası Ali Məclisi Sədrinin 2015-ci il 27 iyul tarixli “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsi haqqında” Sərəncamının icrası məqsədilə muxtar respublikada fəaliyyət göstərən müxtəlif nazirlik və təşkilatların nümayəndələri Naxçıvan Dövlət Universitetinin müvafiq ixtisaslarının tələbələri ilə görüşlər keçirir.

Növbəti görüş Naxçıvan Muxtar Respublikası Prokurorluğu əməkdaşlarının universitetin Hüquqşünaslıq ixtisasının IV kurs tələbələri ilə olub.
Universitetin Sosial idarəetmə və hüquq fakültəsinin dekanı, dosent Qərib Allahverdiyev sözügedən sərəncamın əhəmiyyətindən danışıb.
Naxçıvan Muxtar Respublikası Prokurorluğunun Kadrlar şöbəsinin rəisi, baş ədliyyə müşaviri Zəfər Mahmudov adıçəkilən sərəncamın icrası ilə bağlı prokurorluqda görülən və görüləcək işlər barədə məlumat verib. Bildirib ki, hazırlanmış tədbirlər planında Hüquqşünaslıq ixtisası üzrə təhsil alan tələbələr üçün seminar-məşğələlərin keçirilməsi, onların prokurorluqda istintaq olunan cinayət işləri üzrə ayrı-ayrı istintaq hərəkətlərinin aparılmasında iştirakı və kriminalistik texnikanın mövcud imkanlarından səmərəli istifadəsi, dövlət ittihamçıları ilə birgə dövlət ittihamının müdafiəsi sahəsi üzrə məhkəmələrdə iştirakı, prokurorluğun imtahan-informasiya sistemində nəzəri bilik səviyyələrinin kompüter vasitəsilə yoxlanması, gələcək hüquqşünasların Naxçıvan Muxtar Respublikası Prokurorluğunun kitabxanasından və qanunvericilik bazası sistemindən istifadə etmələri, istehsalat təcrübələri keçmələri nəzərdə tutulub.
Naxçıvan Muxtar Respublikası Prokurorluğunun Hüquqi təminat və informasiya şöbəsinin rəisi, kiçik ədliyyə müşaviri Faiq Səfərov prokurorluğun fəaliyyət istiqamətləri və fəaliyyətinin əsas prinsipləri barədə məlumat verib.
Görüş universitetlə mütəmadi əməkdaşlığın perspektiv istiqamətlərinin müzakirəsi ilə yekunlaşıb.

Xəbərlər şöbəsi

Şahbuz rayonunun Qızıl Qışlaq kənd tam orta məktəbində rayon Multikulturalizm və Dini Məsələlər üzrə Komissiyasının iş planına əsasən, “Müasir gəncliyin vətənpərvərlik ruhunda tərbiyəsi” mövzusunda tədbir keçirilmişdir.
Məktəbin pedaqoji kollektivi və şagirdlərin iştirak etdikləri tədbiri giriş sözü ilə açan rayon İcra Hakimiyyəti başçısının müavini Mətanət Məmmədova bildirmişdir ki, ulu öndər Heydər Əliyev vətənpərvərlik hislərini yüksək qiymətləndirərək demişdir: “Hamımızın ümumi vəzifəmiz xalqımızda vətənpərvərlik, vətən torpağına, millətə sədaqət, vətən uğrunda şəhidliyə hazır olmaq hislərini formalaşdırmaq, inkişaf etdirmək və təbliğ etməkdir”.
Qeyd olunmuşdur ki, bu borcu şərəflə, ləyaqətlə yerinə yetirmək üçün hər birimiz vəzifə borcumuzun məsuliyyətini dərk etməli, öhdəmizə düşən işin icrasına səy göstərməliyik. Vətən borcu, vətən sevgisi hər kəsin ürəyində olmalıdır. Çünki babalarımızdan yadigar qalan torpaqlarımızı qorumaq üçün vətəni qəlbən sevmək lazımdır. Gənclərin vətən sevgisi onların gələcək həyat yolunu düzgün istiqamətləndirir. Vətəni sevmək heç də həmişə yalnız ələ silah alıb döyüşə atılmaq deyil, həm də vətəninin əmin-amanlıq şəraitində yaşamasına çalışmaqdır. Bununla yanaşı, hər birimiz milli dəyərlərimizə həmişə hörmətlə yanaşmalı, kimliyimizin təsdiqi olan adət-ənənələrimizə sadiqlik göstərməliyik. Biz fəxr etməliyik ki, bu gün belə gözəl vətənimiz var. Lazım olan anda azərbaycanlı gənclər bu vətən üçün ölümün gözünə dik baxa biliblər, torpaq uğrunda şəhid olublar.

Naxçıvan Muxtar Respublikası Ali Məclisinin Sədri 14 mart 2015-ci il tarixdə “Naxçıvan Muxtar Respublikasının elm, ali və orta ixtisas təhsili müəssisələri ilə ümumtəhsil məktəbləri arasında əlaqələrin təşkili haqqında” Sərəncam imzalamışdır.
Sərəncamda Azərbaycan Milli Elmlər Akademiyasının Naxçıvan Bölməsinin, ali və orta ixtisas təhsili müəssisələrinin professor və müəllim heyətinin iştirakı ilə muxtar respublikanın ümumtəhsil məktəblərində ayda bir dəfə nümunəvi dərslərin təşkil olunması nəzərdə tutulmuşdur. Adıçəkilən sərəncama müvafiq olaraq Azərbaycan Milli Elmlər Akademiyasının Naxçıvan Bölməsi və Naxçıvan Muxtar Respublikasının Təhsil Nazirliyi birgə qrafik hazırlamışdır. Qrafikə uyğun olaraq, AMEA Naxçıvan Bölməsində çalışan 51 nəfər elmi dərəcəli əməkdaş Naxçıvan Muxtar Respublikasında fəaliyyət göstərən ümumtəhsil məktəblərində ayda bir dəfə nümunəvi dərslərin keçilməsində fəal iştirak edir.

Naxçıvan Muxtar Respublikası Ali Məclisi Sədrinin “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsi haqqında” 2015-ci il 27 iyul tarixli Sərəncamına uyğun olaraq, Naxçıvan Dövlət Universitetinin Sosial iş ixtisası Naxçıvan Muxtar Respublikası Əmək və Əhalinin Sosial Müdafiəsi Nazirliyinin hamiliyinə verilib.
Sərəncamdan irəli gələn vəzifələrin icrası ilə bağlı nazirlik 2015-2016-cı tədris ili üçün tədbirlər planı hazırlayıb. Tədbirlər planı çərçivəsində Naxçıvan Dövlət Universitetində Sosial iş ixtisası üzrə təhsil alan tələbələr Əmək və Əhalinin Sosial Müdafiəsi Nazirliyinin yanında Dövlət Sosial Təminat Xidmətində, Naxçıvan Şəhər Əhalinin Sosial Müdafiəsi Mərkəzində, Naxçıvan Regional Peşə Tədris Mərkəzində və Məhdud Fiziki İmkanlılar üçün Naxçıvan Regional İnformasiya Mərkəzində həmin qurumların iş prosesləri ilə tanış olublar.
Oktyabrın 21-də isə bu istiqamətdə həyata keçirilən tədbirlərin davamı olaraq nazirliyin əməkdaşları ilə Naxçıvan Dövlət Universitetində Sosial iş ixtisasında təhsil alan tələbələrlə görüş keçirilib.

“Naxçıvan” Universitetində “Tarixi İpək Yolu və Naxçıvanın iqtisadi-mədəni əlaqələrinin inkişafı məsələləri” mövzusunda keçirilən beynəlxalq konfransın ikinci günündə müxtəlif ölkələrdən gələn elm adamları universitetin Tarix müəllimliyi ixtisasının tələbələrinə ustad dərsləri keçiblər. 

Ustad dərslərində ilk əvvəl Qazaxıstan Milli Elmlər Akademiyasının Etnoqrafiya İnstitutunun professoru Erbulat Smaqulov “İpək Yolu üzərində yerləşən ölkələrin tarixi, arxeoloji abidələri” mövzusunda mühazirə oxuyub. Bildirilib ki, Böyük İpək Yolu adlanan və tarixən ölkələr, xalqlar arasında iqtisadi, ticarət və mədəni əlaqələrin həyata keçirilməsində müstəsna əhəmiyyəti olan bu yolun keçdiyi ərazilərdən biri də Şərqlə Qərb arasında mühüm məntəqə sayılan, Azərbaycanın qədim zamanlardan inkişaf etmiş mədəniyyət, ticarət, sənətkarlıq mərkəzlərindən olan Naxçıvan ərazisidir. Yaxın Şərqin ticarət mərkəzləri ilə Cənubi Qafqazı, Orta Asiyanı və Uzaq Şərq ölkələrini əlaqələndirən əsas karvan yollarından biri Naxçıvan ərazisindən keçib.

Türkiyə Cümhuriyyətinin paytaxtı Ankara şəhərində yerləşən, Atatürk Mədəniyyət, Dil və Tarix Yüksək Qurumuna tabe olan Atatürk Araşdırma Mərkəzi 5 ildən bir Beynəlxalq Atatürk konqresi təşkil edir. Bu elmi tədbirdə dünya alimləri tərəfindən Türkiyə Cümhuriyyətinin qurucusu Mustafa Kamal Atatürkün dövrü, mühiti, elmi və mədəni-siyasi irsinə müraciət edilir, bu sahədəki araşdırma və tədqiqatlar müzakirə və təhlil olunur.
Belə tədbirlərdən növbətisi, VIII Atatürk konqresi bu günlərdə Azərbaycan Respublikasının qədim Gəncə şəhərində keçirilib. Konqresdə dünyanın 13 dövlətini təmsil edən 100-ə qədər elm adamı iştirak edib. Tədbirin keçirildiyi iki gün ərzində tarixi araşdırmalara əsaslanan maraqlı məruzələr dinlənilərək XIX-XX əsrlərin aktual problemləri müzakirə edilib.
Beynəlxalq elmi məclisin açılış mərasimində Azərbaycan Prezidenti cənab İlham Əliyevin iştirakçılara təbrik məktubu oxunub. Bağlanış mərasimində isə konqres iştirakçılarının dünya ictimaiyyətinə Azərbaycan, rus, türk və ingilis dillərində müraciəti qəbul olunub. Konqresdə AMEA Naxçıvan Bölməsinin İncəsənət, Dil və Ədəbiyyat İnstitutunun direktoru, AMEA-nın müxbir üzvü Əbülfəz Quliyev “Azərbaycanın Türkiyədəki ilk səfiri: İbrahim Əbilov” mövzusunda məruzə edib. Məruzə elm adamları tərəfindən maraqla qarşılanıb.
Konqres iştirakçıları Gəncə şəhərindəki Nizami Gəncəvi məqbərəsini, Cavad xan abidə kompleksini, Şah Abbas məscidini, Qax rayonunda Yunis Əmrəyə aid olduğu bilinən məzarı və Şəki xan sarayını ziyarət ediblər.

Xəbərlər şöbəsi

Naxçıvan Muxtar Respublikası Ali Məclisi Sədrinin 2015-ci il iyulun 27-də imzaladığı “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsi haqqında” Sərəncamına uyğun olaraq, müvafiq nazirlik, komitə və digər təşkilatların əməkdaşları Naxçıvan Dövlət Universitetində olur, tələbələrlə görüşürlər. Sərəncamdan irəli gələn vəzifələrin icrası ilə bağlı Naxçıvan Muxtar Respublikası Ədliyyə Nazirliyinin tədbirlər planına uyğun olaraq, adıçəkilən nazirliyin əməkdaşları Naxçıvan Dövlət Universitetində olub, ali məktəbin Sosial idarəetmə və hüquq fakültəsinin Hüquqşünaslıq, Dövlət və bələdiyyə idarəetməsi ixtisasları üzrə təhsil alan tələbələri ilə görüşüblər.
Naxçıvan Muxtar Respublikası Ədliyyə Nazirliyinin Təşkilat-nəzarət şöbəsinin rəisi, kiçik ədliyyə müşaviri Emin Səfərov çıxışında deyib ki, ali və orta ixtisas təhsili müəssisələrində ixtisasların müvafiq təşkilatlara hamiliyə verilməsi hüquq və bələdiyyə sahəsində də bilikli, həmçinin öz ixtisasına dərindən yiyələnən gənc kadrların hazırlanmasına böyük imkanlar yaradacaq.

 Beynəlxalq tədbirin iştirakçıları bunu xüsusi vurğuladılar

Xəbər verdiyimiz kimi, oktyabrın 16-17-də “Naxçıvan” Universitetində  “Tarixi İpək Yolu və Naxçıvanın iqtisadi-mədəni əlaqələrinin inkişafı məsələləri” mövzusunda beynəlxalq konfrans keçirildi. “Naxçıvan” Universitetinin, AMEA Naxçıvan Bölməsinin, Naxçıvan Dövlət Universitetinin və Türkiyənin Ərdahan Universitetinin təşkilatçılığı ilə keçirilən beynəlxalq konfransda 5 ölkənin 35 elm və təhsil müəssisəsindən 100-dən çox görkəmli elm xadimlərinin, mədəniyyət işçilərinin və tədqiqatçıların iştirak etməsi onun əhəmiyyətini daha da artırdı.

Xarici ölkələrdən tədbirdə iştirak edən tanınmış elm xadimləri ilə söhbətimizdə də onlar tədbirin əhəmiyyətini vurğuladılar, təşkilatçılığın çox yüksək səviyyədə olduğunu qeyd etdilər. Bu barədə bizimlə fikirlərini bölüşən qardaş Türkiyə Respublikasının Ərdahan Universitetinin prorektoru, Qafqaz Universitetlər Birliyinin baş katibi, professor Orhan Söyləməz dedi:
– “Tarixi İpək Yolu və Naxçıvanın iqtisadi-mədəni əlaqələrinin inkişafı məsələləri” mövzusunda keçirilən beynəlxalq konfransın yüksək səviyyədə baş tutması məni qürurlandırdı. Hər bir detala xüsusi diqqət yetirilməsi, təşkilatçılığın yüksək səviyyədə olması bir daha göstərdi ki, Naxçıvan Muxtar Respublikasında beynəlxalq tədbirlərin keçirilməsi məsələsində bir sıra ölkələrə nümunə olacaq çox böyük təcrübə mövcuddur.
Beynəlxalq konfransda müzakirə olunan məsələlər də önəmli sahələri əhatə etdi. İstər plenar iclasda, istərsə də bölmə iclaslarında əhəmiyyətli çıxışlar oldu, ciddi elmi müzakirələr aparıldı və mühüm elmi nəticələr əldə edildi. Qədim Şərq-Qərb İpək Yolu dəhlizinin yeni şəraitdə bərpası, nəqliyyat-kommunikasiya infrastrukturlarının yenidən qurulması və inkişaf etdirilməsi, yol üzərində olan ölkələr arasında iqtisadi-mədəni əlaqələrin inkişafının önəmli olduğu vurğulandı, “Türk qapısı”, “Şərqin qapısı” adlandırılan Naxçıvanın, həqiqətən də, “İpək Yolu qapısı” olduğu qeyd edildi.

Oktyabrın 17-də “Naxçıvan” Universitetində bu ali təhsil ocağının, AMEA Naxçıvan Bölməsinin, Naxçıvan Dövlət Universitetinin və Türkiyənin Ərdahan Universitetinin təşkilatçılığı ilə keçirilən “Tarixi İpək Yolu və Naxçıvanın iqtisadi-mədəni əlaqələrinin inkişafı məsələləri” mövzusunda beynəlxalq konfransın bağlanış mərasimi olub.
“Naxçıvan” Universitetinin İdarəetmə fakültəsinin dekanı, tarix üzrə fəlsəfə doktoru, dosent Elbrus İsayev beynəlxalq konfransın çox aktual bir məsələyə həsr olunduğunu bildirib. Qeyd edib ki, Avropa ilə Asiyanı birləşdirən, keçdiyi ərazilərdə yaşayan xalqların həyatında mühüm rol oynayan Böyük İpək Yolu ölkəmizin iqtisadi və mədəni inkişafına da öz müsbət təsirini göstərib. İpək Yolunun Naxçıvanın digər ölkələrlə mədəni-iqtisadi əlaqələrinin inkişafında rolundan bəhs edən Elbrus İsayev vurğulayıb ki, bu yol ticarətin və bazar münasibətlərinin inkişafına xidmət etməklə yanaşı, həm də bir sıra ölkələr və xalqlar arasında mədəni əlaqələrin inkişafında mühüm rol oynayıb. Bu mənada, beynəlxalq konfransın keçirilməsi strateji mövqedə yerləşən, beynəlxalq nəqliyyat dəhlizi kimi diqqətləri cəlb edən Naxçıvanın iqtisadi-mədəni əlaqələrinin inkişafı məsələlərinin aktuallığını ön plana çıxarır.

Naxçıvan Muxtar Respublikası Ali Məclisi Sədrinin “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsi haqqında” 2015-ci il 27 iyul tarixli Sərəncamının icrası ilə bağlı müvafiq nazirliklərdə, komitələrdə və təşkilatlarda tədbirlər planı hazırlanıb. Həmin tədbirlər planı çərçivəsində tələbələrlə görüşlər keçirilir. Növbəti görüş Heydər Əliyev adına tam orta məktəbdə Naxçıvan Dövlət Universitetinin hamiliyə götürülmüş Xarici dil müəllimliyi ixtisası üzrə təhsil alan tələbələrlə olub.
Görüşdə Naxçıvan Muxtar Respublikasının təhsil naziri Piri Nağıyev sərəncamdan irəli gələn vəzifələri nəzərə çatdırıb.
Muxtar respublikada təhsilin inkişafı ilə bağlı slaydlar nümayiş etdirilib, xarici əlaqələrlə bağlı tələbələrin fikirləri dinlənilib, onları maraqlandıran suallar cavablandırılıb.

28 avqust 2015-ci il tarixdə Naxçıvan Muxtar Respublikası Ali Məclisində 2015-2016-cı ilin payız-qış mövsümünə hazır­lıq və qarşıda duran vəzifələrlə əlaqədar müşavirə keçirilmiş və digər təşkilatlarla yanaşı, təhsil müəssisələrinin də payız-qış mövsümündə fasiləsiz fəaliyyətinin təmin olunması ilə bağlı konkret tapşırıqlar verilmişdir. Verilən tapşırıqlara uyğun olaraq, Təhsil Nazirliyi tərəfindən ardıcıl işlər həyata keçirilir.
Görülmüş işlərin davamı olaraq, payız-qış mövsümündə müəssisələrin fasiləsiz fəaliyyətini təmin etmək məqsədilə muxtar respublikamızda neftlə qızdırılan təhsil müəssisələrinə soba, soba borusu, dirsək, şifer, şüşə və polietilen örtük verilmişdir. Verilən mal-material birbaşa mərkəzləşdirilmiş qaydada rayonlar üzrə bölünmüş və təhsil müəssisələrinə çatdırılmışdır.
Muxtar respublika rəhbəri tərəfindən yaradılan bu şərait təhsil işçilərinə göstərilən yüksək diqqət və qayğının bariz nümunəsi olmaqla təhsilin səviyyəsinin yüksəldilməsi üçün stimul yaradır.
Təhsil Nazirliyi mal-materialdan səmərəli və təyinatı üzrə, düzgün idarə edilməsi, məktəblərdə təhlükəsizlik qaydalarına əməl olunmasını nəzarətə götürməklə payız-qış mövsümündə təhsil müəssisələrinin fasiləsiz fəaliyyətinin təmin olunmasına çalışacaqdır.

Naxçıvan Muxtar Respublikası Təhsil Nazirliyinin mətbuat
xidməti

Oktyabrın 16-da “Naxçıvan” Universitetində bu ali təhsil ocağının, AMEA Naxçıvan Bölməsinin, Naxçıvan Dövlət Universitetinin və Türkiyənin Ərdahan Universitetinin təşkilatçılığı ilə “Tarixi İpək Yolu və Naxçıvanın iqtisadi-mədəni əlaqələrinin inkişafı məsələləri” mövzusunda beynəlxalq konfrans öz işinə başladı. Konfransda 5 ölkənin 35 elm və təhsil müəssisəsindən 100-dən çox görkəmli elm xadimləri, mədəniyyət işçiləri, araşdırmaçılar iştirak edirlər.

Naxçıvan Muxtar Respublikası Ali Məclisi Sədrinin “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsi haqqında” 2015-ci il iyulun 27-də imzaladığı Sərəncama uyğun olaraq, müvafiq nazirlik, komitə və digər təşkilatların əməkdaşları Naxçıvan Dövlət Universitetində olur, tələbələrlə görüşürlər. 

Sərəncamdan irəli gələn vəzifələrin icrası ilə bağlı Naxçıvan Muxtar Respublikası Mədəniyyət və Turizm Nazirliyinin tədbirlər planına uyğun olaraq, Azərbaycan Respublikasının Xalq artistləri Kamran Quliyev, Rza Xudiyev, Həsən Ağasoy Naxçıvan Dövlət Universitetində olub, ali məktəbin İncəsənət fakültəsinin Aktyor sənə­ti ixtisası üzrə təhsil alan tələbələr­lə görüşüb, onlara ustad dərsləri keçiblər.
Universitetin İncəsənət fakültəsinin dekanı, Azərbaycan Respublikasının Əməkdar artisti Mübariz Əsgərov Naxçıvan teatrının səhnəsində yaddaqalan və unudulmaz obrazlar yaradan, həmişə surətin daxili aləmini yüksək sənətkarlıqla ortaya çıxararaq böyük tamaşaçı sevgisini qazanan tanınmış aktyorların tələbələrə ustad dərsləri keçmələrinin əhəmiyyətindən danışıb. O, aktyor olmaq üçün ilk addımlarını atan gənclərin bu dərslərdə iştirakının böyük səmərə verəcəyini vurğulayıb.

Naxçıvan Dövlət Universitetində (NDU) Avropa İttifaqının TEMPUS proqramı çərçivəsində “Davamlı turizmin idarə olunması sahəsində beynəlxalq bakalavr və magistr proqramları üçün yeni modulların hazır­lanması” adlı üçgünlük təlim keçirilir.
Təlimin birinci günü universitetin rektoru, AMEA-nın müxbir üzvü Saleh Məhərrəmov sözügedən layihənin rəhbərləri ilə görüşüb, təlimin işinə uğurlar arzulayıb.
Rektor universitetin keçdiyi inkişaf yolu, həmçinin beynəlxalq əlaqələri haqqında qonaqlara ətraflı məlumat verib, Avropa təhsil prosesini özündə əks etdirən TEMPUS proqramının mühüm əhəmiyyət daşıdığını diqqətə çatdırıb.

Naxçıvan Muxtar Respublikası Ali Məclisi Sədrinin 2015-ci il iyulun 27-də imzaladığı “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsi haqqında” Sərəncamın icrası ilə bağlı Naxçıvan Muxtar Respublikası Səhiyyə Nazirliyi Naxçıvan Dövlət Universitetinin (NDU) Tibb fakültəsində hamiliyə götürülmüş ixtisaslarda təhsil alan tələbələrlə görüş keçirib.

Tədbirdə universitetin tədris işləri üzrə prorektoru, filologiya üzrə fəlsəfə doktoru, dosent Surə Seyid çıxış edərək Azərbaycanda və onun ayrılmaz tərkib hissəsi olan muxtar respublikada tibb təhsilinin inkişafına göstərilən dövlət qayğısından danışıb, NDU-nun Tibb fakültəsində təhsil alan tələbələr üçün hər cür şərait yaradıldığını bildirib.

Naxçıvan Muxtar Respublikası Ali Məclisi Sədrinin 2015-ci il iyulun 27-də imzaladığı “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsi haqqında” Sərəncamının icrası ilə bağlı Naxçıvan Muxtar Respublikası Ekologiya və Təbii Sərvətlər Nazirliyinin hazırladığı tədbirlər planı çərçivəsində nazirliyin əməkdaşları Naxçıvan Dövlət Universitetinin Ekologiya və Coğrafiya müəllimliyi ixtisaslarında təhsil alan tələbələrlə görüş keçirib.
Naxçıvan Dövlət Universitetinin Coğrafiya kafedrasının müdiri, coğrafiya üzrə fəlsəfə doktoru, dosent Nazim Bababəyli çıxışında bu sərəncamın Azərbaycan təhsil tarixindəki mühüm əhəmiyyətindən bəhs edib.
“Naxçıvan təbiət muzeyidir”, – deyən Nazim Bababəyli təbii sərvətlərdən düzgün faydalanmağın əhəmiyyətindən bəhs edib. Alim Rusiyada çapdan çıxmış “Coğrafiya Ensiklopediyası”nda qədim diyar barədə yazılan fikirləri diqqətə çatdırıb. Burada deyilir ki, Naxçıvan MDB məkanında mövcud olan ən qədim şəhərdir və bu, məhz muxtar respublikanın zəngin təbii sərvətlərinin olması ilə əlaqədardır. Naxçıvanda ekoloji gərginlik yox dərəcəsindədir. Bu da həmin sahəyə göstərilən diqqətin nəticəsidir.

Qanunsuz yolla ali təhsil haqqında əldə edilmiş sənədin həqiqi adı – itirilmiş illər və vəsaitlər

Bir neçə ildir ki, əksəriyyətimiz “imtahansız və yalnız attestatla xaricdə təhsil almaq” kimi fikirləri  tez-tez eşidirik. Azərbaycan Respublikası Təhsil Nazirliyinin rəsmi internet səhifəsində bildirilir ki, nazirlik xaricdə təhsil sahəsində, xüsusən də dövlət proqramı ilə bağlı heç bir şirkətlə əməkdaşlıq etmir və bu şirkətlərin fəaliyyətinə görə heç bir məsuliyyət daşımır. Buna görə də bu yolla xaricə təhsil almağa gedən gənclər aldıqları  diplomla ölkəmizdə iş yeri tapa bilmir. Xüsusilə də dövlət orqanlarında işə qəbul olunmaq üçün həmin diplom yararsız hesab olunur. Buna baxmayaraq, gənclərimiz, valideynlər  imtahansız və yalnız attestatla xaricdə təhsil almaq kimi vədlərə uyaraq aldadılır. Təəssüf ki, bu hallara  muxtar respublikamızda da rast gəlinir. Məhz bu yolla təhsil almaq kimə və nəyə xidmət edir? Bunun üçün qısa araşdırma apardıq. 

Əvvəlcə bu məsələ ilə bağlı Naxçıvan Muxtar Respublikası Təhsil Nazirliyinə müraciət etdik. Nazirliyin aparat rəhbəri Rəşad Xudiyev bildirdi ki, bəzi şəxslər və təşkilatlar valideynlər və abituriyentlərin məlumat azlığından istifadə edərək reytinqi və təhsilinin keyfiyyəti qat-qat aşağı olan universitetlərə “sadələşdirilmiş yollarla tələbə qəbulunu” təşkil edirlər.

5 oktyabr Beynəlxalq Müəllimlər Günü münasibətilə Naxçıvan şəhərindəki Heydər Əliyev adına tam orta məktəbdə tədbir keçirilib. Əvvəlcə tədbir iştirakçıları ulu öndəri­mizin məktəbin ərazisində ucaldılan abidəsi önünə gül dəstələri qoyublar.
Tədbiri giriş sözü ilə məktəbin direktoru, Azərbaycan Respublikasının Əməkdar müəllimi Namiq Məmmədov açaraq müəllimləri təbrik edib, onlara işlərində uğurlar arzulayıb.
Naxçıvan Muxtar Respublikası təhsil nazirinin müavini Məmməd Qəribov çıxış edərək muxtar respublikada müəllimlərə göstərilən dövlət qayğısından danışıb. Qeyd olunub ki, muxtar respublikada bu sahəni daim irəli aparan, öz peşəsini dərindən sevən peşəkar müəllim ordusu formalaşdırılıb. Cəmiyyətin maariflənməsi, bilikli, vətənpərvər, çalışqan və sağlam gəncliyin yetişdirilməsi yolunda yorulmadan çalışan muxtar respublika müəllimlərinin əməyi layiqincə qiymətləndirilir, onların sosial vəziyyətlərinin yaxşılaşdırılması diqqət mərkəzində saxlanılır. Naxçıvan Muxtar Respublikası Ali Məclisi Sədrinin 2015-ci il 22 iyun tarixli “Naxçıvan Muxtar Respublikasının dövlət ümumi təhsil müəssisələrində çalışan bilik və bacarıqlarının qiymətləndirilməsi aparılan müəllimlərin dərs yükünün və əməkhaqqının artırılması haqqında” Sərəncamı bu istiqamətdə atılan növbəti mühüm addımdır. Bu sərəncam muxtar respublika müəllimlərinin böyük sevincinə səbəb olub, onların işə məsuliyyətini daha da artırıb.