Naxçıvan Dövlət Universitetində 2015-2016-cı tədris ilinin ikinci semestrinə aid pedaqoji təcrübənin başlanğıc konfransı keçirilib.
Konfransı universitetin rektoru, AMEA-nın müxbir üzvü Saleh Məhərrəmov açaraq vurğulayıb ki, pedaqoji təcrübə tələbələrin ali təhsil zamanı aldıqları nəzəri bilikləri tətbiq etmələri, pedaqoji mühitə uyğunlaşmaları, pedaqoji prosesi dərindən mənimsəmələri baxımından mühüm əhəmiyyət kəsb edir. Rektor ümumtəhsil məktəbləri ilə əməkdaşlığın möhkəmlənməsinə, yüksəkixtisaslı kadr hazırlığına xidmət edəcək pedaqoji təcrübə zamanı məsuliyyət və nizam-intizamın vacibliyindən bəhs edib.
Naxçıvan Muxtar Respublikasının təhsil naziri Məmməd Qəribov çıxış edərək bildirib ki, son 20 ildə muxtar respublikada 200-dən çox müasir standartlara cavab verən, yüksək təchizata malik təhsil müəssisəsi istifadəyə verilib. Yarım əsrə yaxın tarixə malik, Azərbaycanın qabaqcıl ali təhsil müəssisələrindən biri olan Naxçıvan Dövlət Universitetində də regionda intellekt bazasının, kadr potensialının formalaşması istiqamətində əhəmiyyətli işlər görülür. Növbəti pedaqoji təcrübə də gənclərin qocaman pedaqoqların zəngin və nümunəvi iş təcrübələrini öyrənmələri, gələcəyin mükəmməl pedaqoqları kimi yetişmələri baxımından öz bəhrəsini verəcək. Muxtar respublikanın tam orta məktəblərində təcrübəçi tələbələrin pedaqoji prosesi əyani şəkildə öyrənmələri, bilik və peşə vərdişlərini yaxşı mənimsəmələri üçün hər cür şərait yaradılıb.

Martın 30-da Naxçıvan şəhərindəki Heydər Əliyev Uşaq-Gənclər Yaradıcılıq Mərkəzində muxtar respublikada fəaliyyət göstərən ümumtəhsil müəssisələrinin şagirdləri arasında 31 Mart – Azərbaycanlıların Soyqırımı Gününə həsr olunmuş şeir müsabiqəsi keçirilib.
Naxçıvan Muxtar Respublikası Gənclər və İdman Nazirliyi, Təhsil Nazirliyi və Yazıçılar Birliyinin təşkilatçılığı ilə keçirilən müsabiqədə muxtar respublikanın şəhər və rayonlarını təmsil edən məktəblilər öz bacarıqlarını nümayiş etdiriblər.
Müsabiqənin münsiflər heyətinin qərarına əsasən, Şərur rayon Axura kənd tam orta məktəbinin şagirdi Aysu Dünyamalıyeva 1-ci, Naxçıvan şəhər 13 nömrəli tam orta məktəbin şagirdi Rza Babayev 2-ci, Babək rayon Kültəpə kənd tam orta məktəbinin şagirdi Zərifə Səfər­əliyeva isə 3-cü yerə layiq görülüblər.
Qaliblərə təşkilatçılar tərəfindən diplom və qiymətli hədiyyələr təqdim olunub.

Rauf Əliyev

Heydər Əliyev Uşaq-Gənc­lər Yaradıcılıq Mərkəzində sağlamlıq imkanları məhdud uşaqların təhsili ilə bağlı ibtidai sinif müəllimləri, məktəb psixoloqları və distant tədris üzrə pedaqoji kadrlar üçün seminar keçirilib.
Seminarda Naxçıvan Muxtar Respublikasının təhsil naziri Məmməd Qəribovun, Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsinin sədri Ramilə Seyidovanın, Naxçıvan Müəllimlər İnstitutunun rektoru, professor Oruc Həsənlinin çıxışları dinlənilib. Çıxışlarda qeyd edilib ki, Naxçıvan Muxtar Respublikası Ali Məclisi Sədrinin 11 yanvar 2016-cı il tarixli Sərəncamı ilə “2016- 2020-ci illərdə Naxçıvan Muxtar Respublikasında sağlamlıq imkanları məhdud uşaqların təhsili və reabilitasiyası üzrə Dövlət Proqramı” bu istiqamətdə həyata keçirilən tədbirlərin davamıdır.
Bildirilib ki, məktəbin tədris və tərbiyə müəssisəsi olduğunu və vətəndaş yetişdirdiyini nəzərə alsaq, psixoloqların təhsil prosesində nə qədər əhəmiyyətli rol oynadığını və onların üzərinə çox çətin, məsuliyyətli iş düşdüyünü demək olar.

Naxçıvan şəhərindəki Gənclər Mərkəzində Naxçıvan Muxtar Respublikası Gənclər və İdman Nazirliyi, Yeni Azərbaycan Partiyası Naxçıvan Muxtar Respublika Təşkilatının Heydər Əliyev adına Gənclər Birliyi, Naxçıvan Muxtar Respublikası Ali Məclisinin Sədri yanında Gənclər Fondu və Naxçıvan Muxtar Respublikası Gənclərin İntellektual İnkişaf Mərkəzi İctimai Birliyinin təşkilatçılığı ilə “Xəmsə” milli intellektual oyununun gənclər arasında VIII Azərbaycan çempionatının zona seçim turunun oyunları keçirilib.
Gənclərin intellektual səviyyəsini, dünyagörüşünü, zehni inkişafını stimullaşdırmaq, onlar arasında biliyin və elmin nüfuzunu artırmaq, Azərbaycanın, o cümlədən Naxçıvanın zəngin milli mədəniyyətini və tarixini təbliğ etmək, eləcə də gənclərin asudə vaxtlarının səmərəli təşkili məqsədilə keçirilən yarışda 12 komanda 3 qrupda qüvvəsini sınayıb. Oyunun final mərhələsinə isə Naxçıvan Dövlət Universitetinin “Savalan”, “Əlincə”, “Şahdağ” və “Səadət” komandaları vəsiqə qazanıb.
Gərgin keçən bilik yarışında “Xəmsə” intellektual oyununun zona seçim turunun qalibi adını “Əlincə” komandası qazanıb. Digər iki pillədə isə “Savalan” və “Şahdağ” komandaları qərarlaşıblar.
Sonda qalib komandalar diplomlarla mükafatlandırılıblar.
Qeyd edək ki, final mərhələsində muxtar respublikanı qalib olan 3 komanda təmsil edəcək. Final mərhələsi aprel ayının əvvəllərində Bakı şəhərində təşkil olunacaq.

Xəbərlər şöbəsi

Azərbaycan Milli Elmlər Akademiyasının fəaliyyəti xalqımızın elmi potensialının formalaşmasında mühüm mərhələ təşkil edir. Ötən əsrin əvvəllərində Azərbaycanın iqtisadiyyatını, təbii sərvətlərini, tarixini, fəlsəfəsini və incəsənətini öyrənmək üçün yaradılan Azərbaycanı Tədqiq və Tətəbbö Cəmiyyəti elmi-təşkilati işlərin əsasını qoymuşdur. SSRİ Elmlər Akademiyasının Zaqafqaziya filialının Azərbaycan şöbəsinin təşkil olunmasından sonra isə burada rus alimləri ilə yanaşı, Azərbaycan alimləri də fundamental elmi araşdırmalar aparmışlar.  1935-ci ildə şöbə SSRİ Elmlər Akademiyasının Azərbaycan filialına çevrilmiş, kimya, geologiya, botanika, fizika və humanitar elmlər sahəsində sanballı elmi tədqiqatların aparılması Azərbaycan SSR Elmlər Akademiyasının təsis olunmasına gətirib çıxarmışdı. 

SSRİ Xalq Komissarları Sovetinin 1945-ci il 23 yanvar tarixli və Azərbaycan Xalq Komissarları Sovetinin həmin ilin 27 mart tarixli xüsusi qərarı ilə İttifaq Akademiyasının Azərbaycan filialı Azərbaycan Elmlər Akademiyasına çevrilmişdir. O vaxt akademiya özündə dörd bölməni, on altı elmi-tədqiqat institutunu, iki elmi-tədqiqat şöbəsini və üç muzeyi birləşdirirdi. Akademiyanın ilk heyəti 15 nəfərdən ibarət olmuşdur. Elmlər Akademiyasının tərkibində 4 bölmə, 16 elmi-tədqiqat institutu, 2 elmi-tədqiqat şöbəsi və 3 muzey vardı. Bunlardan başqa, Naxçıvanda, Gəncədə, Xankəndində elmi bazalar mövcud idi. Akademiyanın ilk heyətinə Ü.Hacıbəyov, S.Vurğun, M.İbrahimov, Y.Məmmədəliyev, M.Qaşqay, A.Qrossheym, S.Dadaşov, İ.Yesman, M.Mirqasımov, Ş.Əzizbəyov, Ə.Əlizadə, M.Topçubaşov, M.Hüseynov, H.Hüseynov və İ.Şiroqorov daxil idi.

Naxçıvan Dövlət Universitetində Hüquqşünaslıq ixtisası üzrə təhsil alan IV kurs tələbələri Naxçıvan Muxtar Respublikası Ədliyyə Nazirliyinin Məhkəmə Ekspertiza Mərkəzinin iş prosesi ilə tanış olmuşlar.
Sonra Ədliyyə Nazirliyinin akt zalında tələbələrlə görüş keçirilmişdir.
Tədbirdə Naxçıvan Muxtar Respublikasının ədliyyə naziri, II dərəcəli dövlət ədliyyə müşaviri Suliddin Əliyev çıxış etmişdir.
Qeyd olunmuşdur ki, növbəti görüş ali təhsil müəssisələrində ixtisasların müvafiq təşkilatlara hamiliyə verilməsi ilə bağlı Ali Məclis Sədrinin 27 iyul 2015-ci il tarixli Sərəncamı ilə Ədliyyə Nazirliyinin üzərinə düşən vəzifələrlə bağlıdır.
Bildirilmişdir ki, nazirliyin fəaliyyət istiqamətləri genişdir. Bunlardan biri də ekspertiza fəaliyyətidir. Muxtar respublikanın mövcud coğrafi relyefi ekspertiza işlərinin Bakı şəhərinə göndərilməsinə çətinlik yaradırdı. Bunu aradan qaldırmaq məqsədilə Ali Məclis Sədrinin təşəbbüsü ilə 5 oktyabr 2005-ci ildə Məhkəmə Ekspertizası Mərkəzinin Naxçıvan filialı təsis edilmişdir. Qısa müddət ərzində filial üçün inzibati bina ayrılmış, lazımi avadanlıqlarla təmin olunmuşdur. Ekspertlər ixtisasartırma kurslarına göndərilmişdir.
Ali Məclis Sədrinin 22 oktyabr 2015-ci il tarixli Fərmanı ilə Məhkəmə Ekspertizası Mərkəzinin Naxçıvan filialı müstəqil Məhkəmə Ekspertizası Mərkəzinə çevrilmişdir. Hazırda mərkəzdə 11 növ, 17 ixtisas sahəsi üzrə tədqiqatlar aparılır.
Mərkəzdə 17 inzibati vəzifə üzrə çalışan əməkdaşlardan 14 nəfəri Naxçıvan Dövlət Universitetinin məzunudur. Bu da məzunların bu sahəyə marağını göstərir.
Vurğulanmışdır ki, növbəti tədbirlər nazirliyin digər xidmət sahəsi olan Penitensiar Xidmətdə təşkil ediləcəkdir. Bu, tələbələrin həmin sahə üzrə nəzəri biliklərinin praktik şəkildə mənimsənilməsinə müsbət təsirini göstərəcəkdir.

Xəbərlər şöbəsi

 Təbriz Milli Kitabxanası onun adını daşıyır

Dövrünün həm imkanlı, həm də mənəvi cəhətdən zəngin insanlarından olan vətənpərvər Hacı Məhəmməd Əliabbas oğlu Naxçıvani (1880-1962) xeyriyyəçi alim kimi də tanınıb. Səhər Vəhdəti yazır: “Kitablara məhəbbəti onu bütün İranda tanıtdı, dünya üləmaları arasında ona yer verdi”.
Hacı Mirzə Abdulla Müctehidiyə görə isə Məhəmməd Naxçıvaninin dünyanın müxtəlif ölkələrindən topladığı əlyazma və kitablar o qədər dəyərli idi ki, hələ sağlığında çox vaxt Tehrandan və Avropadan gələn alimlər onun evində bu kitabların mütaliəsi ilə məşğul olar və qeydlər götürərdilər.
“Dünya müharibəsinin (1918-1919-cu illər) hərbi tarixi”, “Tərbiyət kitabxanası və oxu zalı əlyazma və kitablarının kataloqu”, “Göz yaşlarının leysan buludu”, “Qətran Təbrizinin divanına müqəddimə”,“Hacı Mirzə Cavad Müctehid”, “Dar ağacından asılmış Seqətülislam” (Aşura günü ruslar tərəfindən dar ağacından asılaraq edam edilib), “Darsinin ləğvi”, “Allahın köməyi və yaxınlığın fəthi”, “Nizamiyyənin tarixi”, “Əmadülzakirinin vəfatı”, “Mirzə Mahmud Qənizadə Salmasinin xatirəsi”, “Mirzə Əli Ləlinin həyatı” və sair kimi əsərlər məhz onun qələminin məhsuludur. Məqalələri “Ərməğan”, “Mahtab”, “Təbriz Ədəbiyyat İnstitutu” və “Yəğma” jurnallarında nəşr olunub. Onun hazır­ladığı müxtəlif söz ustaları və filosofların əsərlərinin elmi-tənqidi mətnləri, “Saib Təbrizi”, “Ədil əl-məmlekin bir neçə beytinin redaktəsi”, “Əbu Əli Sinanın məzarı”, “Sədrəddin Rəbii”, “Setan sözünün şərhi”, “Məazi Təbrizi”, “Məhəmməd ibn Əlbəis və Azərbaycan dili”, Motul Təftəzaninin əsərlərinin fars dilinə tərcüməsi və digər əsərləri xüsusilə maraq doğurur.

Naxçıvan Dövlət Universitetində “Eynəli bəy Sultanovun Naxçıvan ədəbi mühitinin formalaşmasında rolu” mövzusunda elmi konfrans keçirilib.
Elmi konfransı giriş sözü ilə universitetin rektoru, AMEA-nın müxbir üzvü Saleh Məhərrəmov açaraq bildirib ki, Naxçıvan Muxtar Respublikası Ali Məclisinin Sədri “Eynəli bəy Sultanovun 150 illik yubileyinin keçirilməsi haqqında” 2016-cı il 15 fevral tarixli Sərəncam imzalayıb. Vurğulanıb ki, ədəbi-mədəni fikir tariximizdə öz dəst-xətti ilə seçilən Eynəli bəy Sultanov bütün ömrünü təmənnasız olaraq xalqın, millətin tərəqqisi yolunda fəda edib. O, dünyanın qabaqcıl ədəbi-mədəni fikrini Azərbaycana gətirərək, Azərbaycan xalqının dünyada tanınmasına çalışıb.

İstedadlı uşaq və gənclərin aşkara çıxarılmasında, onların həvəsləndirilməsində, təlimdə sağlam rəqabətin yaradılmasında fənn olimpiadaları müstəsna rol oynayır.
Muxtar respublikanın ümumtəhsil məktəblərində ayrı-ayrı fənlər üzrə olimpiadalarda iştiraka layiq şagirdlər seçilir və onların hazırlığına nəzarət gücləndirilir. Bu cür bilik olimpiadaları məktəblərin fəaliyyətinin əsas meyarlarından biri kimi dəyərləndirilir.
Martın 13-də muxtar respublika ümumtəhsil məktəblərinin IX-XI siniflərində təhsil alan, fənn olimpiadalarının rayon (şəhər) mərhələsində hər sinif üzrə ilk 3 yeri tutmuş şagirdlərin iştirakı ilə fənn olimpiadalarının respublika mərhələsinin yarımfinal turu keçirilib.
Üç zonada (Naxçıvan şəhəri, Culfa və Şərur rayonları) keçirilən yarımfinal turunda 8 fənn (Azərbaycan dili və ədəbiyyatı, tarix, coğrafiya, riyaziyyat, fizika, kimya, biologiya və informatika) üzrə 351 şagird biliyini sınayıb.
İştirakçılara fənlərdən asılı olaraq qapalı test formasında 30-40 sual təqdim edilib və cavablandırmaq üçün 3 saat vaxt ayrılıb. Nəticələrin qiymətləndirilməsi məqsədilə cavab kartları fənn olimpiadalarının respublika təşkilat komitəsinə göndərilib.

Xəbərlər şöbəsi

Naxçıvan Muxtar Respublikasının maarifçilik tarixi çox qədim və zəngindir. Naxçıvanda xalq maarifi işinin təbliği və inkişafında xidmətləri olanlardan, eləcə də xalq maarifinin ilk təməl daşını qoyanlardan biri də Abbasqulu bəy Mahmud ağa oğlu Kəngərlidir.
2004-cü ildə Sankt-Peterburqda Rusiya Dövlət Tarix Arxivində elmi axtarışlar apararkən 1349-cu fondda Abbasqulu bəyin xidmət kitabçasını tapdım.
Üz qabığında belə yazılmışdı: İkisinifli Şahbuz məktəbinin nəzarətçisi Abbasqulu bəy Mahmud ağa oğlu Kəngərlinin xidməti haqqında.
Bu xidmət kitabçası 23 iyul 1910-cu ildə tərtib edilmişdir. Həmin xidmət kitabçasında olanları yazmazdan əvvəl Abbasqulu bəyin atası və babaları haqqında, azacıq da olsa, məlumat vermək maraqlı olardı.
Abbasqulu bəyin atası Mahmud ağa (1821-1883) məşhur hərbçi Novruz ağanın oğlu, Naxçıvan xanlığının qoşun rəisi Hacı Lütfəli Sultanın nəvəsidir. Mahmud ağa 1848-ci ildə general-mayor Kalbalı xan Kəngərli-Naxçıvanskinin rəhbərliyi altında Naxçıvan milisi dəstəsinin tərkibində Dağıstanın Gergebil aulu (kəndi) ətrafında döyüşmüşdür. Bu döyüşlərdə o, praporşik, sonralar isə podporuçik hərbi rütbələrini almışdır. Naxçıvana qayıtdıqdan sonra Ordubadda torpağı mühafizə idarəsində rəis işləmişdir. 1866-cı ildə xəstəliyi ilə əlaqədar olaraq tutduğu vəzifədən azad edilmiş və Naxçıvan şəhərində yaşamışdır. Ona göstərdiyi xidmətlərə görə Kırna kəndi tiyul olaraq verilmişdir.

Eynəli bəy Sultanov adına Naxçıvan şəhər 7 nömrəli tam orta məktəbdə keçirilən tədbiri giriş sözü ilə məktəbin direktoru, Azərbaycan Respublikasının Əməkdar müəllimi Aygün Hüseynova açaraq bildirib ki, görkəmli yazıçı-publisist və pedaqoq Eynəli bəy Sultanovun çoxşaxəli fəaliyyəti Azərbaycan ictimai fikir tarixində mühüm mərhələ təşkil edir. 

Qeyd olunub ki, 1866-cı il mayın 5-də Naxçıvan şəhərində anadan olan Eynəli bəy Sultanov ilk təhsilini Naxçıvan qəza məktəbində alıb. 1880-1886-cı illərdə “İrəvan kişi gimnaziyası”nda təhsilini davam etdirən gənc Eynəli öz bilik səviyyəsini xeyli zənginləşdirib, Avropa ədəbiyyatını və Qərb maarifçiliyini dərindən mənimsəyib. 1886-cı ildə gimnaziyanın yeddinci sinfindən çıxdıqdan sonra yüksək hazırlığı, mənəvi yetkinliyi, ədəbi istedadı nəzərə alınaraq məktəbin pedaqoji şurasının qərarı ilə ona şəhər ibtidai məktəblərində müəllimlik etmək hüququ verilib. O, hələ gimnaziyada oxuyarkən Naxçıvanda maarifçi mühitin formalaşmasında yaxından iştirak edib, 1882-1883-cü illərdə burada “Ziyalı məclisi”, “Müsəlman dram incəsənəti cəmiyyəti” kimi ədəbi-mədəni mərkəzlər yaradıb. Bu mərkəzlərdə dövrün ictimai-siyasi məsələləri tez-tez müzakirə edilir, fanatizmə qarşı mübarizənin yolları araşdırılır, məktəblər, kitabxanalar açmaq qərara alınır və digər mədəni tədbirlər həyata keçirilirdi.

Naxçıvan Dövlət Universitetində Frankofoniya bayramı qeyd olunub. Tədbir Azərbaycanın və Fransanın Dövlət himnlərinin səsləndirilməsi ilə başlayıb.
Universitetin rektoru, AMEA-nın müxbir üzvü Saleh Məhərrəmov tədbirdə çıxış edərək xarici dillərin mükəmməl tədrisinin dünyaya inteqrasiya, ölkələrarası siyasi, elmi, mədəni əlaqələrin inkişafındakı rolundan, fransız dilinin əsas beynəlxalq dillərdən biri olmasından danışıb. XIX əsrin əvvəllərindən təməli qoyulan Azərbaycan-Fransa əlaqələrinin bugünkü inkişafından bəhs edən Saleh Məhərrəmov vurğulayıb ki, bu istiqamətdə universitetdə görülən işlər elm, təhsil sahəsində ölkələrarası əməkdaşlığı möhkəmləndirmək baxımından mühüm əhəmiyyət kəsb edir.
Fransız dili müəllimliyi ixtisasının IV kurs tələbəsi Rüxsarə Qurbanova Frankofoniyanın tarixi haqqında məlumat verərək bildirib ki, fransız dilində danışanların bayramı olan Frankofoniya hər il dünyanın 53 ölkəsində keçirilir. Fransız dilinin, mədəniyyətinin təbliği məqsədi daşıyan bu bayramı 2015-ci ildə 284 milyon nəfər qeyd edib. 2050-ci ildə dünyanın 5 qitəsində 700 milyon insan bu bayrama qatılacaq. Naxçıvan Dövlət Universitetində Frankofoniya bayramının qeyd olunması 1998-ci ildən etibarən ənənə halını alıb. Bu işdə universitetin Roman-german dilləri kafedrasının böyük əməyi var.
Tədbirdə Fransız dili müəllimliyi ixtisasında təhsil alan tələbələrin ifasında fransız dilində şeir və mahnılar səsləndirilib. Azərbaycan dramaturgiyasının banisi Mirzə Fətəli Axund­zadənin “Sərgüzəşti-mərdi-xəsis” (“Hacı Qara”) komediyasından fransız dilində təqdim olunan səhnələr alqışlarla qarşılanıb.

Mehriban SULTAN

Babək rayon Şıxmahmud kənd tam orta məktəbində rayonun məktəbdənkənar müəssisələrinin birgə təşkil etdikləri “Yurduma bahar gəlir” adlı tədbir keçirilib.
Tədbirdən əvvəl iştirakçılar məktəbin foyesində Novruz bayramı münasibətilə hazırlanmış sərgiyə baxıblar.
Tədbirdə çıxış edən Naxçıvan Muxtar Respublikası Təhsil Nazirliyinin sektor müdiri Rasim Rüstəmov xalqımızın milli bayramı olan Novruzun gəlişi münasibətilə tədbir iştirakçılarını təbrik edib, belə tədbirlərin əhəmiyyətini vurğulayıb.
Rayon Uşaq-gənclər idman məktəbinin direktoru Füzuli Salmanov, Ekoloji Tərbiyə Mərkəzinin direktoru Ramiz Babayev və başqaları müxtəlif dərnəklərin fəaliyyətindən bəhs ediblər. Bildirilib ki, məktəbdənkənar müəssisələr uşaqların bacarıq və istedadlarının üzə çıxarılmasında, düzgün formalaşdırılmasında, məktəblilərin asudə vaxtlarının səmərəli təşkilində mühüm rol oynayır. Ona görə də muxtar respublikada belə müəssisələrin fəaliyyətinə hərtərəfli şərait yaradılıb. Qeyd olunub ki, digər məktəblərdə də belə tədbirlərin keçirilməsi nəzərdə tutulub.
Sonra Ekoloji Tərbiyə, Uşaq Yaradıcılıq, Turist Diyarşünaslıq, Texniki Yaradıcılıq mərkəzlərinin dərnək üzvlərinin hazırladıqları əl işlərindən ibarət sərgiyə baxış olub. Sərgidə muxtar respublikanın ekologiyasını özündə əks etdirən təbii eksponatlar, herbarilər, əl işləri, həmçinin müxtəlif toxuculuq nümunələri, rəsm əsərləri nümayiş etdirilib.
Sonda Uşaq-gənclər idman məktəbinin güləşçiləri tatami üzərinə çıxıb, Şahmat Məktəbinin dərnək üzvləri şahmat taxtası arxasında öz güclərini sınayıblar.
Qaliblərə diplomlar və hədiyyələr təqdim olunub.

Xəbərlər şöbəsi

Tələbə Qəbulu üzrə Dövlət Komissiyası (TQDK) martın 6-da 2016/2017-ci tədris ili üçün ali təhsil müəssisələrinin və Azərbaycan Milli Elmlər Akademiyasının magistratura səviyyəsinə qəbul imtahanının birinci mərhələsini keçirib.
Muxtar respublikada imtahan Naxçıvan Dövlət Universitetinin binalarında keçirilib. İmtahanda iştirak etmək üçün 758 bakalavr sənəd verib. İmtahan bütün binalarda eyni vaxtda – saat 1300-də başlanaraq 1530-da başa çatıb.
İmtahan prosesinin idarə olunması üçün komissiyada operativ qərargah fəaliyyət göstərib, gün ərzində imtahan mərkəzləri ilə müntəzəm əlaqə saxlanılıb və imtahan prosesinin gedişinə nəzarət olunub. Bakalavrların öz bilik və bacarıqlarını nümayiş etdirmələri üçün bütün imtahan mərkəzlərində normal imtahan şəraiti yaradılıb.
Bu mərhələdə bakalavrlara ümumi intellektin (məntiqi təfəkkürün) inkişaf səviyyəsinin yoxlanılması üçün 50 (5-i açıqtipli), informatika üzrə 25 (5-i açıqtipli) və xarici dil üzrə 25 (5-i açıqtipli) test tapşırığı təqdim olunub. Bakalavrın hər bir test tapşırığına düzgün cavabı bir balla qiymətləndirilir, səhv cavablar düzgün cavabların nəticəsinə təsir göstərmir.
Dünəndən başlayaraq komissiyada imtahan protokollarının və cavab kartlarının emalı aparılıb. Artıq nəticələr elan edilib. Bakalavrlar imtahan nəticələri ilə TQDK-nın internet saytında və ya iş nömrələrini bütün mobil operatorlardan 7727 nömrəsinə göndərməklə tanış ola bilərlər.

Xəbərlər şöbəsi

Dünən Naxçıvan Muxtar Respublikası Təhsil Nazirliyində Naxçıvan Muxtar Respublikası Ali Məclisi Sədrinin “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsi haqqında” 2015-ci il 27 iyul tarixli Sərəncamına uyğun olaraq seminar-müşavirə keçirilib.
“Naxçıvan” Universiteti və Naxçıvan Müəllimlər İnstitutunun pedaqoji ixtisasları üzrə təhsil alan tələbələrinin iştirak etdiyi tədbiri giriş sözü ilə Naxçıvan Muxtar Respublikasının təhsil naziri Məmməd Qəribov açıb. Bildirilib ki, əsası ümummilli lider Heydər Əliyev tərəfindən qoyulan təhsil strategiyası ölkəmizdə, eləcə də muxtar respublikamızda uğurla davam etdirilir. Təhsilə göstərilən dövlət qayğısının nəticəsidir ki, ötən dövrdə Naxçıvan Muxtar Respublikasında fəaliyyət göstərən 216 ümumtəhsil məktəbindən 200-ə yaxını yenidən qurulub, müasir tədris avadanlıqları ilə təmin olunaraq istifadəyə verilib. Hazırda bu təhsil müəssisələrində 45 minə yaxın şagird təhsil alır ki, onların da təlim-tərbiyəsi ilə 7 minə yaxın müəllim məşğul olur. Eyni zamanda muxtar respublikada fəaliyyət göstərən ali və orta ixtisas təhsili müəssisələri də həyata keçirilən quruculuq tədbirlərindən öz payını alıb, nəticədə, tədris şəraiti yaxşılaşıb, ixtisaslı kadr hazırlığına diqqət artırılıb.

“Naxçıvan” Universiteti dünyanın 22 ali təhsil ocağı ilə sıx əməkdaşlıq edir. Bunlar arasında Avropanın, eyni zamanda Türkiyə Respublikasının və İran İslam Respublikasının bir sıra universitetləri də var.
“Naxçıvan” Universitetindən aldığımız məlumata görə, universitetin dünyanın tanınmış ali təhsil ocaqları ilə əməkdaşlığı inkişaf etdirməsi ortaq elmi proqramların və konfransların keçirilməsinə, tələbə mobilliyinin artırılmasına, müəllim-tələbə mübadilələrinin həyata keçirilməsinə geniş şərait yaradır.
Hazırda “Mövlana Mübadilə Proqramı” çərçivəsində Türkiyənin bir sıra ali təhsil ocaqları ilə əlaqələrini genişləndirən universitetdə qardaş ölkədən dəvət edilmiş müəllimlər mühazirələr oxuyurlar. Bu çərçivədə Ərzurum şəhərindəki Atatürk Universitetinin İqtisadi və idari bilimlər fakültəsinin professoru Kerem Karabulut “Naxçıvan” Universitetinin İqtisadiyyat və İdarəetmə fakültələrində “Dünyanın sosial-iqtisadi problemlərinin təhlili” mövzusunda mühazirələr oxuyub. O, dövrümüzün aktual problemlərindən və onların həlli yollarından bəhs edib. Türkiyə-Azərbaycan iqtisadi əlaqələrindən, bu əlaqələrin iki qardaş ölkə üçün əhəmiyyətindən söhbət açan professor Türkiyə ilə Ermənistan arasındakı mövcud problemlərindən də danışıb.
Professor Kerem Karabulut növbəti dəfə bu ilin aprel ayında “Naxçıvan” Universitetinin qonağı olacaq.

Xəbərlər şöbəsi

Dünən Naxçıvan Dövlət Universitetində Naxçıvan Muxtar Respublikası Fövqəladə Hallar Nazirliyi ilə birgə 1 mart – Ümumdünya Mülki Müdafiə Gününə həsr olunmuş elmi konfrans keçirilib.
Universitetin tərbiyə işləri üzrə prorektoru, tarix üzrə fəlsəfə doktoru, dosent Şamxal Məmmədov çıxış edərək 1 mart – Ümumdünya Mülki Müdafiə Günü haqqında, həmçinin ali təhsil ocağında mülki müdafiə işinin təşkili barədə danışıb.
Naxçıvan Muxtar Respublikası Fövqəladə Hallar Nazirliyinin Mülki müdafiə işinin təşkili şöbəsinin rəisi, polkovnik Emin Qasımov bildirib ki, Ümumdünya Mülki Müdafiə Təşkilatı 1972-ci il martın 1-dən fəaliyyət göstərir. Azərbaycan Respublikası bu təşkilatda 1993-cü ildən təmsil olunur.

Ümummilli liderimiz Heydər Əliyevin xalqımız qarşısındakı misilsiz xidmətləri sırasında milli ordu quruculuğu, ixtisaslı hərbi kadrların hazır­lanması xüsusi yer tutur. Hələ Sovetlər İttifaqı dövründə, azərbaycanlıların hərb sahəsindən uzaq salındığı zamanlarda ulu öndərimizin əzmi və təşəbbüskarlığı sayəsində ölkəmizdə hərbi təhsilin inkişafına xidmət edən islahatlar aparılmış, 1971-ci ildə Cəmşid Naxçıvanski adına Respublika Hərbi Təyinatlı Orta İnternat Məktəbi yaradılmışdır. 1972-ci ildən başlayaraq yüzlərlə azərbaycanlı gəncin Sovet İttifaqının müxtəlif ali hərbi məktəblərinə təhsil almağa göndərilməsi də ümummilli liderimizin bu sahədə yüksək təşəbbüskarlıqlarla həyata keçirdiyi tədbirlərdəndir. Məhz həmin dövrdə yetişdirilən milli hərbçi kadrlar ölkəmiz müstəqillik qazandıqdan sonra ordu quruculuğunda mühüm rol oynamışdır.

Xalqımızın böyük oğlu ölkəmizdə ikinci dəfə siyasi hakimiyyətə qayıtdıqdan sonra milli ordu quruculuğu sahəsində daha geniş tədbirlər görüldü. “Müstəqil Azərbaycanın bu gün də, gələcəkdə də çox güclü ordusu olmalıdır. Olmalıdır ki, torpaqlarımız bundan sonra işğal edilməsin. Olmalıdır ki, torpaqlarımızın hər bir qarışı qoruna bilsin. Olmalıdır ki, dünya tarixində böyük yer tutmuş sərkərdələr kimi müstəqil Azərbaycanın özünün də hərbi sərkərdəsi olsun”, – deyən ulu öndərin müdrikliyi və uzaqgörənliyi sayəsində ölkəmizdə qüdrətli milli ordu yaradılmış, onun ixtisaslı hərbçi kadrlarla təminatına böyük qayğı ilə yanaşılmışdır. Naxçıvanda hərbi təmayüllü məktəbin yaradılması da məhz bu uzaqgörənliyin nəticəsində mümkün oldu. Dahi rəhbərin 1998-ci il 13 mart tarixli Sərəncamı ilə Cəmşid Naxçıvanski adına Hərbi Liseyin Naxçıvan filialı yaradıldı.

Fevralın 25-də Naxçıvan Muxtar Respublikası Ali Məclisinin Xocalı soyqırımı ilə əlaqədar Tədbirlər Planına uyğun olaraq Rabitə və Yeni Texnologiyalar Nazirliyi və Təhsil Nazirliyinin təşkilatçılığı ilə muxtar respublikanın 200-dən çox məktəbi və Heydər Əliyev adına Hərbi Lisey ilə Naxçıvan şəhərindəki Xatirə Muzeyi arasında interaktiv əlaqə yaradılıb.

Heydər Əliyev adına Hərbi Liseydə kursantlar arasında keçirilən və Xocalı faciəsinin 24-cü ildönümünə həsr olunmuş “Torpaq, uğrunda ölən varsa Vətəndir” adlı inşa yazı müsabiqəsi qaliblərinin mükafatlandırılması mərasimi keçirilib.
Mərasimdə Naxçıvan Muxtar Respublikası Ali Məclisinin Sədri yanında Gənclər Fondunun icraçı direktoru Məmməd Babayev çıxış edərək muxtar respublikada təhsilə, eləcə də böyüməkdə olan nəslin hərtərəfli inkişafına göstərilən dövlət qayğısından danışıb. Bildirilib ki, belə müsabiqələr gənclərin istedadlarının üzə çıxarılmasında və onların özünüifadə qabiliyyətlərinin artırılmasında böyük əhəmiyyət kəsb edir.
Tədbirdə çıxış edən Naxçıvan Muxtar Respublikası Təhsil Nazirliyinin əməkdaşı Elxan Babayev Xocalı faciəsinin 24-cü ildönümünə həsr olunmuş inşa yazı müsabiqəsinin keçirilməsinin kursantların vətənpərvərlik ruhunda tərbiyəsində böyük rol oynadığını bildirib. Qeyd olunub ki, bu müsabiqənin keçirilməsində məqsəd Xocalı gerçəkliklərini, vətən, yurd sevgisini, torpağa bağlılığı gənclərin sözü ilə təqdim etməkdən ibarət olub.
1-22 fevral tarixlərində keçirilən müsabiqəyə 50-yə yaxın inşa təqdim edilib. Münsiflər heyətinin yekun qərarına əsasən, liseyin birinci kurs kursantı Turqay Məhərrəmli birinci yeri tutub. İkinci yerə üçüncü kurs kursant Musa Əsgərovun, üçüncü yerə isə üçüncü kurs kursant Qabil Haqverdiyevin inşa yazıları layiq görülüb.
Hərbi liseyin rəisi, general-mayor Elman Orucov çıxış edərək kursantlar arasında belə müsabiqələrin keçirilməsinin əhəmiyyətini vurğulayıb.
Sonra qaliblərə diplomlar təqdim edilib.

Xəbərlər şöbəsi

Ordubad Rayon Tarix-Diyarşünaslıq Muzeyində Naxçıvan Dövlət Universitetinin Muzeyşünaslıq, arxiv işi və abidələrin qorunması ixtisası üzrə təhsil alan tələbələr üçün açıq dərs keçilib.
Açıq dərsdən əvvəl Naxçıvan Muxtar Respublikası Mədəniyyət və Turizm Nazirliyi Aparatının şöbə müdiri Həsən Kərimov çıxış edərək bildirib ki, muzeylər xalqımızın maddi-mənəvi dəyərlərini toplayan, qoruyan və təbliğ edən mədəniyyət müəssisələridir. Ölkə­mizdə muzey işinin təşəkkül tapması və inkişafı müstəqil Azərbaycanın qurucusu və memarı Heydər Əliyevin adı ilə bağlıdır. Ümummilli liderimizin rəhbərliyi dövründə respublikamızın bütün bölgələrində yeni muzeylər yaradılıb.

Azərbaycan Milli Elmlər Akademiyası (AMEA) Rəyasət Heyətinin növbəti iclası keçirilib. Naxçıvan Dövlət Universitetinin və AMEA Naxçıvan Bölməsinin əməkdaşları internet vasitəsilə hesabat iclasını onlayn izləyiblər.

Tədbiri AMEA-nın prezidenti, akademik Akif Əlizadə açaraq iştirakçıları gündəlikdəki məsələlərlə tanış edib. Akademik Akif Əlizadə çıxışında AMEA Naxçıvan Bölməsinin və Naxçıvan Dövlət Universitetinin müəlliflər kollektivinin hazırladığı 3 cildlik “Naxçıvan tarixi” kitabı haqqında danışıb. Akademik bildirib ki, əsər Naxçıvanın qədim tarixini, ayrı-ayrı mərhələlərdəki inkişaf səviyyəsini, bu diyarın ölkəmizə və dünyaya bəxş etdiyi görkəmli siyasi və ədəbi şəxsiyyətləri, onların müstəqillik uğrunda mübarizəsini əks etdirən dəyərli monoqrafik tədqiqatdır. Rəyasət Heyəti kitabın aktuallığını və Azərbaycançılıq ideologiyasının təbliği baxımından əhəmiyyətini nəzərə alaraq əsəri 2015-ci ilin ən mühüm elmi nəticəsi hesab edib. Tədbirdə kitabın müəlliflər kollektivinin 2016-cı il üçün Azərbaycan Respublikasının dövlət mükafatına təqdim olunması qərara alınıb.

“Naxçıvan” Universitetində keçirilən konfransı ali təhsil ocağının tədris işləri üzrə prorektoru İbrahim Kazımbəyli giriş sözü ilə açaraq bildirib ki, pedaqoji təcrübə kadr hazırlığının ən vacib sahələrindən biri olub, ali təhsil müəssisələrinin tədris planında xüsusi yeri olan bir prosesdir. Tələbələrin yaxşı bir mütəxəssis kimi hazırlığı məhz praktik yolla dərinləşdirilir, nəzəri biliklər pedaqoji təcrübə müddətində icra oluna-oluna mənimsənilir. Bu yolla pedaqoji təfəkkür, pedaqoji qabiliyyət formalaşır ki, bunlar da pedaqoji səriştənin vərdiş halında möhkəmlənməsinə səbəb olur. Əslində, pedaqoji təcrübə professor-müəllim heyətinin müəyyən mərhələ üzrə elmi-pedaqoji əməyinin nəticələrini aşkarlayacaq bir vasitədir.
Konfransda Pedaqogika və psixologiya kafedrasının müdiri Nəzakət Yusifovanın, metodist Elbrus Vəli­yevin və qrup rəhbəri Nazim Mahmud­ovun mövzu ilə bağlı çıxışları olub. Vurğulanıb ki, 4 həftə davam edəcək təcrübə Heydər Əliyev adına tam orta məktəbdə, Naxçıvan şəhərindəki 8 və 15 nömrəli tam orta məktəblərdə keçiriləcək.
Məlumat üçün qeyd edək ki, pedaqoji təcrübədə 98 tələbə, 21 metodist, 4 qrup rəhbəri, 4 pedaqoq və psixoloq iştirak edəcək. Məktəblərdə tələbələr və metodistlərə yerlər ayrılıb və tələbələrin təcrü­bə keçmələri üçün lazımi şərait yaradılıb.

Nuray ƏSGƏROVA

Adətən, cəmiyyət özünün ən çətin problemlərini həll etmək üçün özünə qayıtmalı, daxili aləmini, milli-mənəvi dünyasını təzələməli olur. İlk növbədə, insan resurslarının təkmilləşdirilməsi üçün potensial imkanlar səfərbər edilir. Gənc nəslin yetişdirilməsi, geniş mənada kamil vətəndaş tərbiyəsi böyük uğurların bünövrəsini qoyur. Müasir dünyamızın inkişaf dinamikasına xas olan bu məntiq yalnız təhsil müstəvisində böyük uğurlarla nəticələnir.

Təbii ki, hazırkı dövrün təhsil sistemi – kurikulum özünün koqnitiv (idraki) xarakteri ilə insanın şəxsiyyət kimi formalaşmasında mühüm rol oynayır.
Bu gün bizim qarşımızda çox mühüm vəzifələr durur. Belə ki, qlobal dünyanın insanları kimi özümüzün milli varlığımızı saxlamaqla yanaşı, həm də ümumi düşüncə tərzinə, inteqrativ təfəkkürə sahib olmalı, inkişafı daha geniş miqyasda görməyi bacarmalıyıq. Əks halda, dünyada aparılan beynəlxalq şəxsiyyəti qiymətləndirmənin tələbləri bizim üçün əlçatmaz bir səviyyəyə çevrilər.
Ulu öndər Heydər Əliyev Azərbaycan təhsilinin inkişaf istiqamətlərini müəyyənləşdirərək 15 iyun 1999-cu il tarixli Sərəncamı ilə Azərbaycan Respublikasının təhsil sahəsində islahat proqramını təsdiq etmişdir. Bununla əlaqədar olaraq həmin il iyunun 29-da Azərbaycan hökuməti ilə Dünya Bankının Beynəlxalq İnkişaf Assosiasiyası arasında “İnkişaf üçün kredit haqqında” saziş imzalanmış və bu sənəd dövlət başçısının sərəncamı ilə təsdiq edilmişdir.

Azərbaycan Respublikası Tələbə Qəbulu üzrə Dövlət Komissiyası (TQDK) Naxçıvan Muxtar Respublikası Regional Bölməsinin nəzarətçi-müəllimlər üçün keçirdiyi seminar-məşğələlərə yekun vurulub.
Muxtar respublikanın şəhər və rayonlarında keçirilən məşğələlərdə 650 nəzarətçi-müəllim iştirak edib. Məşğələlərin keçirilməsində məqsəd imtahan texnologiyalarını və imtahanın gedişi ilə bağlı prosedur qaydalarını izah etməkdən, nəzarətçi-müəllimlərin fərdi keyfiyyətləri ilə yaxından tanış olmaqdan, şəxsi anket məlumatlarını dəqiqləşdirməkdən, abituriyent auditoriyasının – imtahan zalının idarə olunmasında professionallıq baxımından mühüm məqamları qeyd etməkdən ibarət olub.

Muxtar respublikanın ümumtəhsil məktəblərinin IX-XI sinif şagirdləri arasında ümumi test-sınaq imtahanı keçirilib.
Ənənəvi olaraq təşkil edilən belə imtahanlarda məqsəd şagirdlərin biliyinin yoxlanılması və elmlərə marağının artırılması, ali və orta ixtisas məktəblərinə qəbul imtahanlarına hazırlıqdır.
İmtahanlar səhər saat 1000-da başlayıb və iki saat yarım davam edib.
Şagirdlərə bilik və bacarıqlarını nümayiş etdirmək üçün hərtərəfli şərait yaradılıb.
Məlumat üçün bildirək ki, şagirdlərə paylanan iş nömrələri vasitəsilə imtahanın nəticələrini www.istedad21.com saytından öyrənmək olar.

Xəbərlər şöbəsi

Naxçıvan Muxtar Respublikasının ictimai-siyasi və elmi-mədəni həyatında ötən il baş verən çox mühüm, əhəmiyyətli və yaddaqalan  hadisələrdən biri də “Naxçıvan tarixi” çoxcildliyinin III cildinin işıq üzü görməsi, bununla da, bu möhtəşəm əsərin nəşrinin başa çatdırılmasıdır. Naxçıvanın tarixi haqqında gerçək və ümumiləşdirici əsərin  yazılması ideyası ilk dəfə 11-12 iyul 1996-cı ildə Naxçıvan şəhərində keçirilən “Uluslararası qaynaqlarda Naxçıvan” Beynəlxalq Simpoziumunda Naxçıvan Muxtar Respublikası Ali Məclisinin Sədri cənab Vasif Talıbov tərəfindən irəli sürülmüş, Naxçıvanın yeni istiqamətdə, milli ruhda, gerçək mənbələr əsasında, milli mənafe əsas götürülməklə əsl tarixinin yazılması tədqiqatçılar qarşısında bir vəzifə kimi qoyulmuş və vurğulanmışdır ki, “Bizə görə “Uluslararası qaynaqlarda Naxçıvan” simpoziumunun materialları ən yaxın dövrdə yazılacaq Naxçıvan tarixinin proqramı, necə deyərlər, eskizi, layihəsi, ilkin variantı, bəlkə də əsas istiqamətləri olacaqdır”.

Ancaq qarşıya qoyulan bu vəzifənin uğurlu həllinə nail olmaq üçün həmin vaxt bütün Azərbaycan Respublikasında olduğu kimi, ağır və çətin günlərini yaşayan Naxçıvan Muxtar Respublikasında da lazımi şərait yox idi. Ən başlıcası, əvvəlki dövrlərdə aparılan tədqiqatlar, əldə olunan elmi nəticələr belə bir möhtəşəm nəşrin yazılması üçün kifayət etmirdi.

Azərbaycan Respublikası Tələbə Qəbulu üzrə Dövlət Komissiyası (TQDK) Naxçıvan Muxtar Respublikası Regional Bölməsi iş planına uyğun olaraq, hər il olduğu kimi, bu il də qrafik üzrə nəzarətçi-müəllimlər üçün seminar-məşğələlərin keçirilməsinə başlayıb. İlk məşğələlər Şərur, Sədərək, Şahbuz və Kəngərli rayonlarında keçirilib. Məşğələlərə, ümumilikdə, 230 nəzarətçi-müəllim cəlb edilib.
Bölmənin rəhbəri Sabir Məmmədovun qəzetimizə verdiyi məlumata görə, məşğələlərin keçirilməsində məqsəd imtahan texnologiyalarını və imtahanın gedişi ilə bağlı prosedur qaydalarını izah etməkdən, nəzarətçi-müəllimlərin fərdi keyfiyyətləri ilə yaxından tanış olmaqdan, şəxsi anket məlumatlarını dəqiqləşdirməkdən, abituriyent auditoriyasının – imtahan zalının idarə olunmasında professionallıq baxımından mühüm məqamları qeyd etməkdən ibarətdir.

Naxçıvan Muxtar Respublikası Təhsil Nazirliyində “Elektron təhsilin təşkili və innovasiyalar” mövzusunda seminar-müşavirə keçirilib.
Tədbiri giriş sözü ilə açan Naxçıvan Muxtar Respublikasının təhsil naziri Piri Nağıyev bildirib ki, müasir dövrdə qarşıda duran vəzifələrdən biri təhsildə müasir texnologiyaların imkanlarından tam istifadə olunması və elektron təhsilin inkişaf etdirilməsidir. Belə ki, təhsildə innovativ nəticələrin əldə olunması gələcəkdə cəmiyyət həyatının bütün sahələrində hərtərəfli inkişaf üçün cığırlar açan mühüm nailiyyətlərdəndir.
Vurğulanıb ki, Naxçıvan Muxtar Respublikası Ali Məclisi Sədrinin “Naxçıvan Muxtar Respublikasının təhsil müəssisələrində elektron təhsilin təşkili ilə bağlı əlavə tədbirlər haqqında” 2014-cü il 20 iyun tarixli Sərəncamı qarşıya yeni vəzifələr qoyub. Sərəncamdan irəli gələn vəzifələrin icrası istiqamətində Azərbaycanın tarixi, mədəniyyəti ilə bağlı fənlərin tədrisi prosesində milli-mənəvi dəyərlərimizi özündə əks etdirən muzeylərlə təhsil müəssisələri arasında interaktiv əlaqələrin təşkili həyata keçirilir. Belə ki, muxtar respublikada muzeylərlə 200-dən çox məktəbin virtual əlaqəsi yaradılıb. Şagirdlərimizin milli-mənəvi irsimizə aid biliklərinin artırılmasına xidmət edən bu işlər tədris ili boyu davam etdirilir.

Naxçıvan Dövlət Universitetində 2012-ci ildən elektron imtahanların keçirilməsi tədrisdə müasir texnologiyaların tətbiqinə yüksək önəm verilməsinin ifadəsidir. Yanvar ayının 29-da ali təhsil ocağında bu sahədə daha bir ilkə imza atılıb. Belə ki, ilk dəfə olaraq Naxçıvan Dövlət Universitetində doktorant və dissertantlar informatika fənnindən elektron-test üsulu ilə minimum imtahanı veriblər.
Qeyd edək ki, Naxçıvan Dövlət Universiteti ilə AMEA İnformasiya Texnologiyaları İnstitutu arasında əldə olunmuş razılığa əsasən, imtahanlara hazırlıq məqsədilə doktorant və dissertantlar üçün tədris ilinin əvvəlindən həftədə bir dəfə onlayn dərslər keçilib. Bu dərslərdə informatikanın nəzəri və praktik əsasları AMEA İnformasiya Texnologiyaları İnstitutunun mütəxəssisləri tərəfindən onlayn şəkildə tədris olunub, elmi fəaliyyətdə informasiya texnologiyalarından istifadə vərdişləri aşılanıb.
Məlumat üçün qeyd edək ki, 2011-ci ildən Naxçıvanda yaşayan doktorant və dissertantlar tədris olunan dərsləri məsafədən izləyirlər.

Naxçıvan Muxtar Respublikası Təhsil Nazirliyində ümumtəhsil məktəblərində kitabxana işinin təşkilinə həsr edilmiş seminar-müşavirə keçirilib. Məktəb kitabxanaçılarının iştirakı ilə keçirilən seminar-müşavirəni giriş sözü ilə təhsil naziri Piri Nağıyev açaraq muxtar respublikamızda təhsilin inkişafı istiqamətində həyata keçirilən tədbirlərdən danışıb.
Qeyd olunub ki, həyata keçirilən tədbirlərdən biri də məktəblərdə yaradılan zəngin kitabxanalardır. Kitabxanaların hamısı bədii ədəbiyyat və pulsuz dərsliklərlə təmin edilib. Kitabxanalara 2005-ci ildən indiyədək 2 milyon 152 min 243 nüsxə dərslik verilib ki, onların da 132 min 761 nüsxəsi 2015-ci ilin avqust ayında gətirilib. Bundan başqa, məktəb kitabxanalarına 627 min 643 nüsxə latın qrafikası ilə çap olunmuş bədii ədəbiyyat, jurnal və məcmuə verilib. Vurğulanıb ki, bu gün hər bir məktəb kitabxanasından səmərəli istifadə edilməli, şagirdlərin təlim-tərbiyəsində bədii ədəbiyyatlardan istifadə, mütaliə mədəniyyətinin inkişaf etdirilməsi diqqətdə saxlanılmalıdır. Bu işdə məktəb kitabxanaçılarının üzərinə mühüm vəzifələr düşür.

Yanvarın 19-da Naxçıvan Muxtar Respublikası Rabitə və Yeni Texnologiyalar Nazirliyi və Təhsil Nazir­liyinin təşkilatçılığı ilə muxtar respublikanın 200-dən çox ümumtəhsil, orta ixtisas və peşə məktəbləri ilə Naxçıvan şəhərindəki Xatirə Muzeyi arasında interaktiv dərs aparılıb.

Əziz oxucum! 20 il bundan əvvəl qələmə alınmış bu yazını təsirsiz oxumaq qeyri-mümkündür. O illərdə bir müəllimin ürəkağrısı ilə yazdığı bu sətirləri oxuduqca Naxçıvan müəllimlərinin dünənini və bu gününü müqayisə edirsən. Və o illərdə müəllimlərin yaşadığı çətinlikləri göz önünə gətirəndə, sözün əsl mənasında, dəhşətə gəlirsən. Bütün dövrlərdə bu peşə daim uca tutulmuş, müəllimlərə hətta dünyanın ən böyük dahiləri ehtiram göstərmişlər. Sadə olduğu qədər də çətin və şərəfli peşə sahibləri təkcə bilik, savad öyrətmirlər, ən başlıcası, cəmiyyətə kamil insan, saf məfkurəli vətəndaş yetişdirirlər. O illərdə müəllimlərimizin yaşadığı çətinliklər az olmayıb. Dövrün gətirdiyi çətinliklər bu peşə sahiblərini də usandırmışdı. Ona görədir ki, həmin illərdə müəllimlərin nüfuzunun aşağı enməsi və başqa məsələlər qəzet səhifələrində özünə yer alırdı. 

Söz yox ki, hamı deyəcək ki, müəllim günümüzün aparıcı qüvvəsi, gənc nəslin tərbiyəsi keşiyində dayanan mənsub bir şəxs, sabahımız üçün daha çox əmək sərf etməli olan ziyalı qüvvəsi. Bu həmişə belə olubdur. Lakin qəribə də olsa, bu günün müəllimləri dövlət və cəmiyyət qarşısında yerinə yetirməli olan vəzifələrdən başqa, əlavə işlərlə də məşğul olurlar. Məsələn, indi hamının müəllim deyə çağırdığı, hörmət, izzət göstərdiyi şəxslərin bir çoxu piştaxta arxasında dayanaraq özləri demişkən “çak-çux” edirlər. Bu əməllərinə çox vaxt haqq qazandıraraq dolanmaq üçün bu cür işlərlə məşğul olduqlarını söyləyirlər. Düzdür, iqtisadi vəziyyət bu gün müəllimlərin də həyat tərzinə, dolanışığına ciddi təsir göstərmişdir.

Şərur Rayon Təhsil Şöbəsində IX-X-XI siniflər üzrə sınaq-test imtahanlarının müzakirəsinə həsr olunmuş tədbir keçirilib.
Tədbiri giriş sözü ilə açan Naxçıvan Muxtar Respublikasının təhsil naziri Piri Nağıyev bildirib ki, inkişaf etmiş ölkələrdə təhsilə strateji sahə səviyyəsində baxılır. Ölkəmizdə, onun ayrılmaz tərkib hissəsi olan Naxçıvan Muxtar Respublikasında son illərdə bu sahədə qazanılan uğurların getdikcə artması da təhsilə həmin prizmadan yanaşılmasıdır.
Nazir qeyd edib ki, təhsilin səviyyəsinin yüksəldilməsi xeyli dərəcədə keyfiyyət amilindən asılıdır və muxtar respublikada bu məsələ diqqət mərkəzində saxlanılır, təhsil müəssisələrində müasir iş şəraitinin yaradılması, onların maddi-texniki bazasının gücləndirilməsi ilə yanaşı, digər məqsədyönlü tədbirlərə də böyük önəm verilir. Məktəb və rayondaxili, muxtar respublika səviyyəli, müxtəlif formalı bilik yarışlarının, imtahanların keçirilməsi də bu məqsədə xidmət edir. Belə tədbirlər sırasında sınaq-test imtahanları da var və son illərdə belə imtahanların keçirilməsi ənənə şəklini alıb.

Müasir dövrdə informasiya-kommunikasiya texnologiyalarının (İKT) inkişaf etdirilməsi hər bir ölkənin intellektual və elmi potensialının vacib göstəricilərindən biri kimi son dərəcə əhəmiyyətlidir. Qloballaşan dünyada bu texnologiyaların sürətli inkişafı və yayılması bəşəriyyətin inkişafı üçün geniş imkanlar yaradıb. Xüsusilə son dövrlərdə dövlətimiz tərəfindən bu sahədə bir sıra kompleks tədbirlər həyata keçirilib və keçirilməkdədir. Bunu muxtar respublikamızın timsalında da görmək olar. Belə ki, regionumuzda informasiyalaşdırma sahəsində görülən işlərin bəhrələri göz qabağındadır. Bu istiqamətdə qarşımızda duran əsas vəzifələrdən biri yeni informasiya texnologiyalarının təhsilə vaxtında və səmərəli tətbiq edilməsidir.
Fikrimizcə, kompüter biliklərinin əsası məhz orta məktəbdə qoyulmalıdır. Bu vaxta qədər uşaqların kompüterdən istifadəsi düzgün deyil. Çünki məktəbəqədəryaşlı uşaqların kompüterdən istifadəsi onların sağlamlığı üçün çox təhlükəli ola bilər. Yalnız məktəbdə şagirdlərə bu sahə haqqında məlumat verilməli, onların sərbəst şəkildə kompüterlərdə işləmələrinə şərait yaradılmalıdır.

Müsahibimiz AMEA Naxçıvan Bölməsinin sədri, akademik İsmayıl Hacıyevdir

– İsmayıl müəllim, artıq 2015-ci ili yola saldıq. Ötən il muxtar respublika hansı əlamətdar hadisələrlə yadda qal­dı? İstərdim söhbətimizə buradan başlayaq.
– 2015-ci il həm ölkəmizin, həm də muxtar respublikamızın həyatına uğurlu bir il kimi daxil olmuşdur. Baxmayaraq ki, dünyada çox mürəkkəb hadisələr baş verir, iri dövlətlər öz maraqlarına üstünlük verdiyindən obyektiv mövqe tutmur, ikili siyasət aparırlar. Azərbaycan Respublikasının Prezidenti cənab İlham Əliyevin düşünülmüş, ölçülüb-biçilmiş siyasəti və qətiyyətli mövqeyi respublikamızın hərtərəfli inkişafını təmin etmişdir. Muxtar respublikamız da bu inkişafdan kənarda qalmamış, sosial-iqtisadi cəhətdən sürətlə inkişaf edən bir diyara çevrilmişdir.
2015-ci il muxtar respublikamız üçün də əlamətdar hadisələrlə yadda qalmışdır. Azərbaycan Respublikası Milli Məclisinə və Naxçıvan Muxtar Respublikası Ali Məclisinə seçkilər azad, demokratik və şəffaf şəraitdə keçirilmiş, ölkəmizin və muxtar respublikamızın ən dəyərli övladları bu seçkilərdə qalib gəlmişlər.

AMEA Naxçıvan Bölməsinin əməkdaşı, filologiya üzrə fəlsəfə doktoru, dosent Nuray Əliyevanın Naxçıvan dialektinin frazeologiyasına həsr olunmuş “Naxçıvan dialektinin frazeologiyası” monoqrafiyası Almaniyada rus dilində çapdan çıxmışdır.
Almaniyanın “Lambert” nəşriyyatı tərəfindən çap edilən kitabda Naxçıvan dialektinin frazeologiyası tədqiqata cəlb olunmuşdur. Frazeologiya dilin ən az tədqiq olunmuş sahələrindən biridir. Ümumxalq dilinin frazeologiyası isə, demək olar ki, tədqiqata cəlb olunmamışdır. Bu günə qədər dialektologiyaya aid yazılmış əsərlərdə bu sahəyə toxunulmamış, dialekt və şivələrimizin frazeologiyası öyrənilməmişdir. Kitabda ilk dəfə olaraq Naxçıvan dialektinin frazeologiyasından bəhs edilir. Naxçıvan bölgəsinin dialekt və şivələri frazeoloji vahidlərlə zəngindir. Burada ədəbi dilimizdə işlənməyən, ya da fərqli şəkildə işlənən maraqlı frazeoloji vahidlər vardır ki, onlar uzun əsrlərin məhsuludur və aid olduğu ərazinin şəraiti, adət-ənənələri, burada yaşayan insanların məşğuliyyətini özündə əks etdirməklə regionun tarixi haqqında da bizdə aydın təsəvvür yaradır. Kitabda Naxçıvanın ayrı-ayrı rayonlarından frazeoloji vahidlər – idiomlar, ibarələr, atalar sözləri və zərbi-məsəllər toplanaraq tədqiqata cəlb olunmuşdur. Burada sabit birləşmələrin modelləri ayrı-ayrılıqda təhlil olunmuş, onların hər birinə aid dialekt materialları verilmiş, yeri gəldikcə Azərbaycan dilinin digər dialekt və şivələri ilə, qədim yazılı abidələrlə müqayisələr də aparılmışdır.

Hər hansı bir ölkədə təhsilin inkişafına xüsusi diqqət yetirilirsə, deməli, orada xalqın işıqlı sabahına ümid və inamla baxmaq olar. Bu gün ölkəmizdə təhsilin inkişafına yüksək diqqət və qayğı göstərilməsinin səbəbi də məhz bununla bağlıdır. Xüsusi qeyd olunmalıdır ki, Azərbaycanda təhsilin inkişafı ümummilli liderimiz Heydər Əliyevin adı ilə bağlıdır. Ulu öndərin layiqli davamçısı, Azərbaycan Prezidenti cənab İlham Əliyevin ölkəmizdə təhsilin müasirləşdirilməsi və problemlərinin mərhələli həlli, müəllim kadrların hazırlığı, inkişaf etmiş ölkələrin bu sahədəki zəngin təcrübəsinin mənimsənilməsi, ümumtəhsil məktəblərində kompüter və informasiya texnologiyalarının geniş tətbiqi kimi məsələlərə xüsusi diqqət və qayğı göstərməsi nəticəsində bu sahədə böyük nailiyyətlər əldə edilib.

Naxçıvan Dövlət Universitetində İncəsənət fakültəsi də fəaliyyət göstərir. Fakültənin yerləşdiyi korpus 2007-ci ildə ali məktəbin 40 illik yubileyi ərəfəsində istifadəyə verilib. Burada kafedraların normal fəaliyyəti, yüksək səviyyəli mütəxəssis hazır­lığı üçün hər cür şərait yaradılıb, 240 nəfərlik konsert salonu, müxtəlif musiqi ixtisasları və alətləri üzrə siniflər, müvafiq mühazirə otaqları müəllim və tələbələrin istifadəsinə verilib.
Bu təhsil ocağının gənclərin musiqi tərbiyəsində, muxtar respublikamız üçün istedadlı musiqiçilər yetişdirilməsində mühüm rolu vardır. Milli, eləcə də dünya klassik musiqisini özünəməxsus şəkildə tələbələrə tədris edən, onun sirlərini gələcək nəsillərə çatdıran İncəsənət fakültəsi ötən illər ərzində uğurlu bir yol keçib.
Hazırda fakültədə Bəstəkarlıq, Musiqişünaslıq, Solo, Xalq çalğı alətləri, Simli alətlər kafedraları fəaliyyət göstərir. Müəllimlərdən Aynur Məmmədova, Samirə Hüseynova, Rumiyə Qasımova, Yaşar Xəlilov və yüksək peşə hazırlığı ilə seçilən digər müəllimlər əzmlə çalışaraq gənclərə incəsənətin sirlərini öyrətməyə çalışırlar. Onlar bir həqiqəti yaxşı dərk edirlər ki, bura gənclər üçün sənət yollarına atılan addımların başlanğıcıdır.

Bu gün muxtar respublikanın sosial-iqtisadi inkişafı, yeni sənaye və xidmət sahələrinin yaradılması, müasir informasiya texnologiyalarının tətbiqi peşə təhsilinin inkişafını və ixtisaslı kadr hazırlığını zəruri etmişdir. Ona görə də muxtar respublikada digər təhsil sahələri ilə yanaşı, peşə təhsilinin inkişafı istiqamətində də ardıcıl tədbirlər görülür, yeni peşə təhsili müəssisələri yaradılır. Naxçıvan Muxtar Respublikası Ali Məclisinin Sədri Vasif Talıbov demişdir: “Muxtar respublikanın sosial-iqtisadi inkişafı və bunun nəticəsi olaraq açılan yeni iş yerləri ixtisaslı kadrlara olan tələbatı artırmışdır. Bu səbəbdən son illər peşə təhsilinin məzmunu tamamilə yeniləşmiş, peşə tədrisi müəssisələrinin maddi-texniki bazası gücləndirilmişdir. İqtisadiyyatın çoxşaxəli inkişafı, yeni peşə və sənət sahələrinin yaranması özü ilə bərabər ixtisaslı kadrlara olan tələbatı da artırır. Artıq müasir dövrdə peşə təhsili günün tələbinə çevrilmişdir”.

Azərbaycan Respublikasının Prezidenti İlham Əliyevin 2015-ci il 21 dekabr tarixli Sərəncamı ilə 2014-2015-ci tədris ilində keçirilmiş “Ən yaxşı müəllim” müsabiqəsində müvəffəqiyyət qazanan müəllimlər mükafatlandırılmışlar. Mükafatlandırılanlar arasında muxtar respublikamızda fəaliyyət göstərən müəllimlər də var. Həmin müəllimləri oxucularımızla yaxından tanış etmək üçün redaksiyamıza dəvət edib təəssüratlarını öyrəndik.

Tahirə QASIMOVA – Sədərək rayon Sədərək kənd 1 nömrəli tam orta məktəbin müəllimi: – Pedaqoji fəaliyyətə 1994-cü ildə başlamışam. O illərdə rayon üzrə çox az halda tələbə adını qazananlar olurdu. 2014-2015-ci tədris ilində isə rayonun ümumtəhsil məktəblərini 88 məzun bitirmiş, onlardan 58-i ali məktəblərə qəbul üçün sənəd vermiş, 26 nəfər tələbə adını qazanmışdır. Məzunların 4 nəfəri 500-700 intervalında bal toplamışdır. Sevindirici haldır ki, son iki ildə 600 balı keçən məzunlar sırasına sədərəkli gənclər də daxil olur.
Əmək fəaliyyətimin dövlət başçısı tərəfindən yüksək qiymətləndirilməsi mənim üçün ən böyük mükafatdır. Çalışacağam ki, bu mükafata əməli işimlə cavab verim.

Naxçıvan Muxtar Respublikası Ali Məclisi Sədrinin “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsi haqqında” 27 iyul 2015-ci il tarixli Sərəncamına uyğun olaraq, dünən Naxçıvan Dövlət Universitetinin Dövlət və bələdiyyə idarəetməsi ixtisası üzrə təhsil alan tələbələr Ədliyyə Nazirliyinin Bələdiyyələrlə İş Mərkəzində və Naxçıvan bələdiyyəsində olublar. Bələdiyyələrlə İş Mərkəzində tələbələrə mərkəzin fəaliyyət istiqamətləri barədə geniş məlumat verilib. Bildirilib ki, mərkəzdə bələdiyyə fəaliyyətinə inzibati nəzarət qaydasında daxil olan bələdiyyə aktlarının qanunvericiliyin tələblərinə uyğun olub-olmaması araşdırılır. Bələdiyyələrə metodik köməkliklər göstərilir, onlar bələdiyyə qanunvericiliyinə aid hüquqi ədəbiyyatlarla təmin edilirlər.
Tələbələr bələdiyyələrdən daxil olmuş aktlarla tanış olub, habelə bələdiyyə aktlarının araşdırılması işində iştirak ediblər.
Naxçıvan bələdiyyəsində bələdiyyənin Ümumi və Vergi şöbələrinin gündəlik iş prosesi ilə tanış olan tələbələrə Ümumi şöbədə daxil olan sənədlərin qeydiyyatı, işlənmə qaydası, rəsmiləşdirilməsi və göndərilməsi qaydaları, qeydiyyat jurnallarının işlənməsi, Vergi şöbəsində isə torpaq və əmlak vergisinin hesablanması qaydası, bildirişlərin yazılması, paylanılması proseduru, habelə vergi ödəyicilərinin qeydiyyatının aparılması barədə ətraflı məlumatlar verilib.

Naxçıvan Muxtar Respublikası Ali Məclisi Sədrinin 2009-cu il 7 fevral tarixdə imzaladığı “Naxçıvan Muxtar Respublikasında Xalq yaradıcılığı günlərinin keçirilməsi haqqında” Sərəncamdan sonra muxtar respublikamızda geniş yaradıcılıq və təşkilatçılıq işi aparılmış, milli dəyərlərin qorunması və inkişafı daim diqqət mərkəzində saxlanılmışdır. Bu ilin noyabr ayının ilk günlərində “Naxçıvanqala” Tarix-Memarlıq Muzey Kompleksində keçirilən xalq yaradıcılığı sərgisi də həmin tədbirlərin davamı idi. Xalq yaradıcılığının təntənəsinə çevrilən tədbirdə Naxçıvan Musiqi Kollecinin gənc kollektivlərindən birinin – qədim musiqi alətləri ansamblının çıxışına hamı heyran qalmışdı. 

Xalq musiqimizin ən ulu örnəklərini sazın ecazkar səsində, neyin naləsində, zurnanın harayında, rübabın kövrək ahəngində, balabanın yanğısında dinləmək xoşdur. Bu musiqi alətlərinin unudulanını üzə çıxarmaq, bu günün adamlarına çatdırmaq nə qədər nəcib və xeyirxah bir işdir. Ansamblın tərkibinə daxil edilmiş ən qədim musiqi alətlərindən olan rübab, tənbur, ud, çəğanə, ney, saz, cürə saz, qanun, zurna, balaban, tütək, nağara və qoşanağara kimi milli musiqi alətlərində səsləndirilən musiqilərdə, müğənnilərdən Əbülfəz Məmmədovun, Əfsanə Babayevanın, Ağaxan Məmmədovun, Rüstəm İbrahimovun, Cavad Babayevin və başqalarının ifa etdikləri “Şur təsnifi”, “Dilkeş təsnifi”, “Ceyran sevgilim”, “Gilənar”, “Sən-sən”, “Güləbətin”, “Tellərin” və başqa xalq mahnılarında milli-mənəvi dəyərlərimizin təravəti duyuldu.

Azərbaycan Milli Elmlər Akademiyası Naxçıvan Bölməsinin 2015-ci il ərzindəki elmi və elmi-təşkilati fəaliyyəti ilə bağlı hesabat yığıncağı keçirilib. Yığıncağı giriş sözü ilə AMEA Naxçıvan Bölməsinin sədri, akademik İsmayıl Hacıyev açıb.
Akademik bölmənin elmi-tədqiqat institutlarının və bölmə tərkibindəki digər qurumların fəaliyyəti ilə bağlı geniş məruzə edib.
Qeyd olunub ki, bu il AMEA Naxçıvan Bölməsində 2015-ci ilin muxtar respublikada “Kənd təsərrüfatı ili” elan edilməsi, Azərbaycan Milli Elmlər Akademiyasının yaradılmasının 70, 1941-1945-ci illər müharibəsində qələbənin 70, “Kitabi-Dədə Qorqud”un alman dilində ilk tərcüməsi və nəşrinin 200 illiyi ilə əlaqədar tədbirlər keçirilib. Hesabat ilində elmi-tədqiqat müəssisələrində 6 elmi istiqamətdə 6 prоblemi əhatə edən 7 mövzuya daxil оlan 32 elmi-tədqiqat işinin 86 mərhələdə yerinə yetirilməsi nəzərdə tutulmuşdu. Müxtəlif obyektiv səbəblərlə əlaqədar planda nəzərdə tutulan 9 mərhələ üzrə elmi-tədqiqat işləri dayandırılıb, 77 mərhələ üzrə tədqiqatlar tamamlanıb. Elmi-tədqiqat işləri 19 şöbə və 8 laboratoriyada 2 nəfər akademik, 6 nəfər AMEA-nın müxbir üzvü, 4 nəfər elmlər doktoru, 48 nəfər fəlsəfə doktoru, 7 nəfər doktorant, 2 nəfər dissertant, 8 nəfər elmi işçi olmaqla, 77 elmi işçi və köməkçi heyət tərəfindən yerinə yetirilib.

2015-ci il muxtar respublika üçün bir çox sahələrdə qazanılan uğurlarla yadda qalacaq. Təhsil sahəsində də qazandığımız uğurlar az olmamışdır. Təhsil elə bir sahədir ki, burada dövlətin qayğısı ilə yanaşı, müəllim əməyi, müəllim biliyi, pedaqoji ustalığı da mühüm rol oynayır. Ulu diyarımızdakı təhsil ocaqları bu iki amilin vəhdətində ilbəil uğurlarının sayını artırmaqla təhsilin inkişafına öz töhfələrini verirlər. Qeyd edək ki, şəhər və rayonlar arasında sağlam rəqabət mövcuddur. Hər qəbul imtahanında muxtar respublikanın şəhər və rayonları yüksək nəticə göstərmək uğrunda mübarizə aparır. Şəhər və rayonlarımızın qəbul imtahanlarında qazandıqları nəticələrin oxucularımız üçün də maraqlı olacağını nəzərə alıb kiçik araşdırma apardıq. Əvvəlcə Naxçıvan şəhər ümumtəhsil məktəblərinin nəticələrinə nəzər yetirək. Qazanılan nəticələr Naxçıvan şəhərində son 15 il ərzində 16 məktəb binasının tikilməsi  və ya yenidən qurulması, lazımi avadanlıqlarla təmin olunmasının bəhrəsidir. 

Azərbaycan Milli Elmlər Akademiyasının Fizika İnstitutu tərəfindən həyata keçirilən layihə ilə bağlı Naxçıvan Dövlət Universitetində təqdimat mərasimi keçirilib. Tədbirdə İnformasiya-Kommunikasiya Texnologiyaları Mərkəzinin, Elektron təhsil şöbəsinin, Media Mərkəzinin əməkdaşları, İnformasiya-kommunikasiya texnologiyaları mühəndisliyi ixtisasının müəllim və tələbələri iştirak ediblər.
Universitetin elmi işlər üzrə prorektoru, fizika üzrə fəlsəfə doktoru, dosent Mübariz Nuriyev tədbiri giriş sözü ilə açaraq çağdaş informasiya əsrində dünyaya inteqrasiya, informasiya-kommunikasiya texnologiyalarını hərtərəfli mənimsəmək, onlardan tədris prosesində, elmi tədqiqatlar zamanı səmərəli istifadə etmək istiqamətində ali təhsil ocağında görülən işlərdən danışıb.

Naxçıvan Muxtar Respublikasında yeni təhsil müəssisələrinin tikintisi, ümumtəhsil məktəblərinin ən müasir informasiya-kommunikasiya texnologiyaları ilə təminatı və təhsilin keyfiyyətinin yüksəldilməsi istiqamətində görülən işlər tədrisin yeni metodlarla tətbiqinə geniş imkanlar açıb. Təhsil infrastrukturunun müasirləşdirilməsi sahəsində görülən işlər Heydər Əliyev adına tam orta məktəbi də əhatə edib. Məktəb ötən dövrdə muxtar respublikada təhsilin inkişafına mühüm töhfələr verib, ali və orta ixtisas məktəblərinə, hərbi təhsil müəssisələrinə qəbul zamanı uğurlu nəticələr qazanıb.

“Heydər Əliyev adına tam orta məktəbin yaradılmasının 10 illiyinin qeyd olunması haqqında” Naxçıvan Muxtar Respublikası Ali Məclisi Sədrinin 21 avqust 2014-cü il tarixli Sərəncamından sonra məktəbin binasında yenidənqurma işləri aparılıb. Hazırda təhsil ocağında 5-i elektron lövhəli olmaqla, 61 sinif otağı, 3 kompüter otağı, kimya, biologiya və fizika laboratoriyaları, kitabxana, hərbi kabinə, 2 şahmat sinfi və müəllimlər otağı, emalatxana və idman zalı var. 1111 şagirdin təhsil aldığı məktəbdə gənclərin təlim-tərbiyəsi ilə 105 müəllim məşğul olur. Məktəbin kompüter otaqlarında 57 kompüter dəsti quraşdırılıb, internetə çıxış təmin olunub. Həmçinin elektron lövhəli siniflərdə və laboratoriyalarda da müasir tədris imkanları yaradılıb. Məktəbin kitabxana fondunda 16 mindən çox dərslik və bədii ədəbiyyat vardır.

Dekabrın 11-də Naxçıvan Muxtar Respublikası Təhsil, Rabitə və Yeni Texnologiyalar nazirliklərinin birgə təşkilatçılığı ilə 218 ümumtəhsil məktəbi ilə Heydər Əliyev Muzeyi arasında interaktiv dərs təşkil olunub.
“Heydər Əliyev dühası yenilməzdir” mövzusunda keçilən açıq dərsdə muzeyin direktoru Ramil Orucəliyev əvvəlcə muzey barədə şagirdlərə ətraflı məlumat verib. Bildirilib ki, Heydər Əliyev Muzeyi Naxçıvan Muxtar Respublikası Ali Məclisi Sədrinin 1999-cu il fevralın 18-də imzaladığı Sərəncam əsasında yaradılıb. Muzey həmin ilin may ayının 10-dan fəaliyyət göstərir.

Bu il dekabrın 4-5-də Fransanın Sen Jermen şəhərində yerləşən Milli Arxeologiya Muzeyinin təşkilatçılığı ilə “Son Tunc və Erkən Dəmir dövründə Xəzər dənizi ətrafındakı ərazilərdə əlaqələr” adlı beynəlxalq konfrans keçirilmişdir.
Konfransda Azərbaycan, Türkmənistan, Özbəkistan, Qazaxıstan və İran ərazilərində aparılan arxeoloji qazıntıların nəticələri haqqında dünyanın tanınmış alimləri məruzələr etmiş, mədəniyyətlərarası əlaqələri öyrənməyə çalışmışlar. Bu beynəlxalq konfransda Azərbaycan alimlərinin dörd məruzəsi dinlənilmişdir. Milli Azərbaycan Tarixi Muzeyinin direktoru, akademik Nailə Vəlixanlı və həmin muzeyin Arxeologiya fondunun müdiri, tarix üzrə fəlsəfə doktoru Nasir Quluzadə “Milli Azərbaycan Tarixi Muzeyinin Son Tunc və Erkən Dəmir dövrü mədəni irsinin öyrənilməsində rolu” mövzusunda çıxış etmiş, Azərbaycanın bu dövr maddi-mədəniyyəti və onun araşdırılması haqqında geniş məlumat vermişlər.