Ulu öndərimiz Heydər Əliyev milli dəyərlərimizə daim qayğı göstərmişdir. Bu dəyərlər içərisində ən böyüyü, ən ülvisi Ana dilimiz – Azərbaycan dilidir. Ana dili milli varlığımızı şərtləndirən ən mühüm və başlıca amildir; dil varsa, millət də mövcuddur, dil yoxsa, millətin varlığından söhbət gedə bilməz.
50 milyonluq insanın doğma dili olan Azərbaycan dili hazırda dünyanın ən inkişaf etmiş dillərindən biridir. Çünki bu dilin dövlət dili statusu, mükəmməl yazılı və şifahi ədəbi nitq formaları vardır. Məlumat üçün deyək ki, dünyada mövcud olan altı min dildən yalnız 225 dilin yazılı forması mövcuddur və həmin dillərdən ancaq 109 dilin dövlət dili statusu vardır. Bu bir daha onu göstərir ki, Azərbaycan dili, belə demək mümkünsə, dünyanın ən xoşbəxt dillərindən biridir. Əlbəttə, Azərbaycan dili indiki səviyyəyə çatmaq üçün çox çətinliklərlə qarşılaşmışdır. Xüsusilə onun dövlət dili statusu məsələsi uzun mübarizələrin nəticəsində, yalnız xalqımızın tarixə bəxş etdiyi dahi şəxsiyyət, ümummilli liderimiz Heydər Əliyevin qətiyyəti sayəsində mümkün olmuşdur. 1978-ci ildə Azərbaycan SSR-in Konstitusiyası qə­bul edilərkən dahi rəhbər Heydər Əliyevin ciddi səyləri və qətiyyəti sayəsində həmin Konstitusiyanın 73-cü maddəsində ilk dəfə Azərbaycan dilinin statusu müəyyən edilmişdir. Bu, dövlətçilik tariximizdə dilimizin dövlət dili statusu sahəsində aparılan mübarizələrdə ulu öndər Heydər Əliyevin adı ilə bağlı ən möhtəşəm, ən nadir qələbələrin birincisi və ən vacibi idi. Çünki bu tarixə qədər dilimizin statusunun müəyyənləşməsinə bir neçə dəfə təşəbbüs göstərilsə də, onların hamısı uğursuzluqla nəticələnmişdi.

Azərbaycan Respublikasının Prezidenti cənab İlham Əliyev 2007-ci il iyunun 18-də “Azərbaycan Respublikasında İnsan Hüquqları Gününün təsis edilməsi haqqında” Sərəncam imzalamışdır. Həmin sərəncama əsasən, hər il iyunun 18-i ölkəmizdə “İnsan Hüquqları Günü” kimi qeyd edilir.
Ölkəmizdə insan və vətəndaş hüquqlarının qorunması ümummilli liderimiz Heydər Əliyevin adı ilə bağlıdır. Ulu öndər tərəfindən həyata keçirilən hüquqi islahatlar dövlətçiliyimizin möhkəmləndirilməsinə, sabitliyin yaranmasına və bununla da, cəmiyyətimizin gələcək inkişafında insan hüquq və azadlıqlarının müdafiəsinə yönəlmiş yeni hü­quq sisteminin formalaşmasına real şə­rait yaratmışdır. Ulu öndərimizin 1993-cü ildən tətbiqinə moratorium qoyduğu ölüm hökmü 1998-ci ildə tamamilə ləğv edilmiş, bununla da, Azərbaycan Respublikasının adı Şərqdə ölüm hökmünü ləğv edən ilk ölkə kimi tarixə düşmüşdür. Bu, ölkəmizin hələ Avropa Şurasına üzv qəbul olunmadığı dövrlərdə insan hüquqları sahəsində atılan ən mütərəqqi addımlardan biri idi. Azərbaycan BMT-nin İnsan Hüquqları Ümumi Bəyannaməsinə və digər beynəlxalq konvensiyalara da qoşulmaqla insan hüquqları sahəsində beynəlxalq miqyasda təsbit olunmuş prinsiplərə sadiqliyini nümayiş etdirmişdir.

Müasir Naxçıvanın uğurları ulu öndər Heydər Əliyevin yoluna sədaqətin nəticəsidir

Naxçıvan “Azərbaycana yenidən doğan Günəş” adıyla dünyada yurdumuzu tanıdan, “Mən fəxr edirəm ki, azərbaycanlıyam!” deyimi ilə öz xalqını uca tutan, tarixin yeni səhifələrinə öz imzasını atan ümummilli lider Heydər Əliyevin Vətənidir. Ulu öndər Heydər Əliyev əzəli-əbədi torpağımızın xalqımıza bəxş etdiyi ən böyük şəxsiyyət, sözün əsl mənasında, xilaskardır. O, müstəqil Azərbaycanın memarı, xalqımızın xoşbəxt gələcəyinin yaradıcısıdır. 

Ulu öndərin Azərbaycana əmanəti

Ötən əsrin 90-cı illərində, mürəkkəb tarixi şərait yarandığı bir vaxtda Naxçıvan Azərbaycanda baş verən ictimai-siyasi proseslərin mərkəzinə çevrilmişdi. Dünya miqyasında böyük nüfuz qazanmış görkəmli dövlət xadimi Heydər Əliyevin 1990-cı il iyulun 22-də Naxçıvana gəlişi bütün Azərbaycana böyük ümid və sevinc bəxş etmişdir. Milli zəmində münaqişələr başlayandan sabahkı həyatlarına naümid baxan, “olum, ya ölüm” dilemması ilə üz-üzə qalan insanlara yeni nəfəs, yeni bir ruh gəldi. Əzablı və məşəqqətli günlərini yaşayan, taleyin ümidinə buraxılmış bir adanı xatırladan diyarı düçar olduğu ağır bəlalardan hifz etməkdən ötrü elə bil yeri-göyü yaradan ilahi qüvvə dahi və müdrik insanı öz doğma yurduna xilaskar göndərmişdi. Bu tarixi qayıdış Azərbaycanın müstəqilliyinin qorunub saxlanılması, ölkənin tərkib hissəsi olan Naxçıvanın erməni işğalından qurtulması, müstəqillik uğrunda mübarizənin ümummilli maraqlar və sağlam siyasi əsaslar istiqamətində aparılması baxımından yeni imkanlar açmışdır. Ancaq acınacaqlı hal odur ki, Azərbaycan rəhbərliyi görkəmli dövlət xadiminin imkanlarını yaranmış çətin vəziyyəti aradan qaldırmaq üçün dəyərləndirmək əvəzinə ona qarşı haqsız-ədalətsiz mövqe tutmaqda davam edirdi. Naxçıvanda hazırlanan dövlət çevrilişi cəhdləri, iqtisadi yardımın maneələrlə göndərilməsi, regionda sabitliyi pozmaq meyilləri və sair proseslər imperiya və qrup maraqları üstündə köklənmiş AXC-Müsavat hakimiyyətinin yarıtmaz fəaliyyətinin nəticələri idi.

“Qədim Şərq filosofları deyirdilər ki, dövləti qurmaq və qorumaq üçün üç amil əsasdır: ordu, çörək və xalqın inamı. Ən ağır vəziyyətlərdə ilk iki amil olmasa da, üçüncü amilə sahib olan lider dövləti qorumağa və onu hər cür çətinliklərdən çıxarmağa qadirdir. XX əsrin 90-cı illərinin əvvəllərində Azərbaycan xalqının ümummilli lideri Heydər Əliyev də məhz ümumxalq inamını qazanmaqla Azərbaycan dövlətçiliyinin əbədi memarına çevrilmişdir. Azərbaycan dövlətçiliyinin taleyini heç bir kənar amil deyil, Heydər Əliyev – xalq birliyi həll etmişdir.” Bu fikirlər Azərbaycan Milli Elmlər Akademiyası Naxçıvan Bölməsi, Naxçıvan Dövlət Universiteti, Naxçıvan Müəllimlər İnstitutu və Naxçıvan Özəl Universitetinin 15 İyun – Milli Qurtuluş Günü münasibətilə keçirdiyi elmi konfransda səsləndirilib.
Elmi konfransı giriş sözü ilə açan AMEA Naxçıvan Bölməsinin sədri, akademik İsmayıl Hacıyev qeyd edib ki, Azərbaycanın müstəqilliyinin qorunub saxlanılması, möhkəmləndirilməsi xalqımızın mənəvi, siyasi, ictimai həyatında, dövlət quruculuğunda misilsiz xidmətlər göstərən ulu öndər Heydər Əliyevin yorulmaz siyasi fəaliyyətinin nəticəsi olub. 1993-cü ildə yenidən siyasi hakimiyyətə qayıdan ümummilli lider Heydər Əliyev ölkəni parçalanma və vətəndaş müharibəsindən qurtarmaqla Qurtuluş tariximizin şanlı səhifəsini yazıb.

Azərbaycanın ən yeni tarixinin hər bir məqamı ümummilli lider Heydər Əliyevin həyat və fəaliyyəti ilə sıx şəkildə bağlıdır. Onun haqqında söz demək, onun ürəklərdə formalaşmış bitkin portretinə yeni cizgilər əlavə etmək çox məsuliyyətli və çətin bir işdir. Amma eyni zamanda Heydər Əliyev elə bir şəxsiyyətdir ki, zaman ötdükcə, illər keçdikcə, onun miras qoyub getdiyi siyasi xətt öz həyatiliyini sübut etdikcə mütləq və mütləq əlavə sözə və Heydər Əliyev obrazına əlavə cizgilərə ehtiyac yaranır. Çünki hər ötən gün böyük öndəri bizə daha da yaxınlaşdırır, Heydər Əliyevin əbədiyaşar bir şəxsiyyət olduğunu, belə insanların məhz əbədiyyət qanunları fövqündə durduğunu bir daha təsdiq edir.

Heydər Əliyev idarəçilik fəlsəfəsinin əsas ideya-siyasi istiqamətini xalqın tarixi yaddaşının bərpası, sürətli inkişaf strategiyasının gerçəkləşməsi kimi mühüm amillər təşkil edir. O, hələ ötən əsrin 70-ci illərindən başlayaraq dahiyanə uzaqgörənliklə ölkənin uzunmüddətli, dinamik və hərtərəfli inkişafını təmin edən kompleks layihələrin həyata keçirilməsinə nail olmuşdur. O dövrdən başlanan sürətli inkişaf Azərbaycanın bütün regionlarını öz əhatə­sinə almış, sənaye, tikinti-quruculuq və aqrar-sənaye kompleksinin inkişafına nail olunmuş, emal və hasilat şəbəkəsi genişlənmişdi. Respublikanın böyük şəhərlərində zavodlar, fabriklər, kombinatlar tikilmiş, müxtəlif təyinatlı müəssisələr yaradılmış, əhalinin işlə təminatı yaxşılaşdırılmışdı.

Naxçıvan Muxtar Respublikası gömrük orqanlarının əməkdaşları 15 İyun – Milli Qurtuluş Gününü qeyd ediblər. Bu münasibətlə Naxçıvan Muxtar Respublikası Dövlət Gömrük Komitəsində fəaliyyət göstərən “Heydər Əliyev lektoriyası”nın növbəti məşğələsi keçirilib.
“Heydər Əliyev: xilaskarlıq missiyası” mövzusunda təşkil olunan sayca 14-cü məşğələni giriş sözü ilə açan komitənin sədri, gömrük xidməti general-leytenantı Asəf Məmmədov qeyd edib ki, bu gün Azərbaycan xalqı və dövləti bütövlükdə müstəqilliyini, bu gününü və gələcəyini ümummilli lider Heydər Əliyevin xilaskarlıq missiyasına borcludur. Məhz müstəqillik dövründə əldə etdiyimiz bütün uğurların, ölkəmizdə hökm sürən ictimai-siyasi sabitliyin, təmin olunan təhlükəsizliyin, mövcud iqtisadi qüdrətin təməlində ulu öndərimizin Azərbaycanda ikinci dəfə siyasi hakimiyyətə qayıdışı dayanır.
Bildirilib ki, dahi rəhbərin məhv olmaq təhlükəsindən xilas edib dönməz və əbədi müstəqillik yoluna çıxardığı Azərbaycan xilaskar və qurucu rəhbərin – Heydər Əliyevin şah əsəridir.

Ötən əsrin səksəninci illərinin axırlarında sırf rus olmadığı üçün deyil, həm də yüksək siyasi iradə, istedad və bacarıq sahibi olduğu üçün səriştəsiz Qorbaçov və tərəfdaşları tərəfindən SSRİ rəhbərliyindən uzaqlaşdırılan Azərbaycan xalqının ümummilli lideri Heydər Əliyev onu gözləyən təhlükəli və soyuq münasibət qarşısında da öz qamətini qorumağı bacardı.
Görkəmli dövlət xadimi Heydər Əliyevin siyasi fəaliyyətdən uzaqlaşdırılması planları əvvəlcədən düşünülmüşdü. Kommunist imperiyasının “başbilənləri”nin Şərqin və türk dünyasının böyük siyasi şəxsiyyətinə qısqanclığı dahi şəxsiyyət Heydər Əliyevi müvəqqəti də olsa, siyasi fəaliyyətdən uzaqlaşdıra bilərdi. Amma onların düşünməyə ağıl etmədikləri bir məsələ də var idi. Tanrının bir xalqın taleyində XİLASKAR kimi müəyyənləşdirdiyi şəxsləri Tanrının özü həmişə qoruyur. Xalqımızın böyük oğlu Heydər Əliyev məhz belə bir dahi insan idi. Dünya nizamının siyasi oyunlarla çalxalandığı bir dövrdə SSRİ-nin də gəmisinə su sızmışdı. Belə olan halda o gəminin batacağı gün çox da uzaqda deyildi. Müxtəlif coğrafiyaya, iqlimə, düşüncə və həyata malik olan xalqların yaşadığı ayrı-ayrı dövlətlər “böyük qardaş”ın özbaşınalığına etiraz olaraq öz müstəqilliklərinə can atırdılar.

Həmin günlərdə Azərbaycan xalqının da müstəqillik arzuları aşıb-daşırdı. Dərin sularda çalxalanan gəminin kapitanlarının bilinən vəhşiliyi də, qəddarlığı da elə bu məqamlarda üzə çıxdı. Yüz illərlə himayə etdikləri ermənilərdən zaman-zaman istifadə edərək gözdağı vermək istədikləri Azərbaycan xalqı öz şanlı tarixi boyu belə hallarla çox rastlaşmışdı. Növbəti acı nəticə isə 1990-cı ilin 20 Yanvar hadisələri oldu. Baxmayaraq ki, həmin gün Bakının küçələri Azərbaycan xalqının qanına boyandı, amma o qan heç vaxt boyun əyməyə alışmayan bir millətin qanını qaynatdı, coşdurdu. Bu vəhşicəsinə törədilmiş faciəyə ilk etiraz isə elə o “başbilənlər”in oturduğu Mos­kvadan gəldi. Ulu öndər Heydər Əliyev həmin günün səhərisi – 21 yanvar 1990-cı ildə təqib edildiyini və hər cür təhlükə ilə üzləşmə ehtimalının olduğunu bilə-bilə, müalicə olunduğu halda Azərbaycanın Moskvadakı Daimi Nümayəndəliyinə gəlib yanvar faciəsinin günahkarlarını kəskin şəkildə ittiham etdi, qınadı.

Dünən Naxçıvan Tibb Kollecində “Ulu öndər Heydər Əliyevin xilaskarlıq missiyası” mövzusunda “Heydər Əliyev lektoriyası”nın növbəti məşğələsi keçirilmişdir. Kollecin direktoru, Naxçıvan Muxtar Respublikası Ali Məclisinin deputatı İlhamə Mustafayeva tədbiri giriş sözü ilə açaraq xalqımızın tarixində ən əlamətdar günlərdən biri olan Milli Qurtuluş Gününün əhəmiyyətindən danışmışdır.
Sonra Naxçıvan Müəllimlər İnstitutunun rektoru, professor Oruc Həsənlinin “Heydər Əliyevin hakimiyyətə qayıdışı tarixi zərurət idi” mövzusunda məruzəsi dinlənilmişdir. Qeyd olunmuş­­­dur ki, ümummilli liderimiz Heydər Əliyevin həyata keçirdiyi xilaskarlıq missiyası nəticəsində ölkəmiz məhv olmaq təhlükəsindən xilas olmuşdur. Dahi şəxsiyyət müstəqil Azərbaycanın ən mürəkkəb və taleyüklü dövründə dövlətə rəhbərlik məsuliyyətini öz üzərinə götürərək xilaskarlıq və quruculuq missiyasını yerinə yetirməklə tarixdə silinməz iz qoymuşdur. Ulu öndərin 1993-cü ildə Azərbaycan rəhbərliyinə qayıdışı ilə ölkənin ictimai-siyasi, sosial-iqtisadi, elmi-mədəni həyatında əsaslı dəyişikliklər baş vermiş, müstəqil Azərbaycanın hərtərəfli inkişafı üçün geniş üfüqlər açılmışdır. Vurğulanmışdır ki, ulu öndər Heydər Əliyevin Azərbaycan rəhbərliyinə qayıdışı ilə başlıca qayəsini müstəqillik, Azərbaycançılıq, dövlətçilik, ədalətlilik, demokratiya, milli tərəqqi kimi ümumbəşəri dəyərlər təşkil edən yeni bir ideologiyanın əsası qoyulmuşdur. Böyük şəxsiyyətin apardığı siyasət Azərbaycanın hər bir vətəndaşına azad, sərbəst yaşamaq hüquqlarını təmin etmək və öz rifahını yaxşılaşdırmaq imkanları yaratmaqdan ibarət olmuşdur. Fəaliyyəti və şəxsiyyəti ilə Azərbaycan tarixinin ayrılmaz bir hissəsini təşkil edən ümummilli lider Heydər Əliyevin böyük ideyaları bu gün də Azərbaycanın yoluna nur saçır, xalqımızı xoşbəxt gələcəyə aparır. Dünya dövlətləri sırasında layiqli yerini tutan Azərbaycanın ulu öndərimiz tərəfindən müəyyənləşdirilən inkişaf xəttinin hazırda ölkə başçısı cənab İlham Əliyev tərəfindən uğurla davam etdirildiyini qeyd edən natiq bu gün əldə edilən nailiyyətlərin respublikamızı qüdrətli dövlətə çevirdiyini bildirmişdir.

Ulu öndərin  möhtəşəm qayıdışından başlanan xilaskarlıq missiyası qüdrətli Azərbaycan dövlətinin qurulması ilə nəticələndi

Ulu öndər Heydər Əliyevin Azərbaycanın dövlətçilik tarixində xüsusi yeri vardır. Ümummilli liderimiz müdrik siyasəti, uzaqgörənliyi sayəsində milli dövlətçilik ideyasının gercəkləşdirilməsinə, müasir Azərbaycan dövlətinin qurulmasına nail olmuş, ölkəmiz özünün geostrateji, iqtisadi və mədəni potensialı sayəsində dünyanın ən dinamik inkişaf edən ölkələrindən birinə çevrilmişdir. Azərbaycan xalqının taleyüklü hadisələrlə dolu 40 ildən artıq bir dövrü ulu öndər Heydər Əliyevin adı ilə bağlıdır. 

Tarix sübut edir ki, yalnız xalqa bağlı olan, onun maraqlarını qoruya bilən, vətən və millət sevgisi ilə yaşayan siyasətçilər böyük uğur qazanırlar. Siyasi fəaliyyətinin bütün dönəmlərində dahi şəxsiyyət Heydər Əliyev xalqa bağlı olduğunu, ümummilli maraqları hər zaman uca tutduğunu dəfələrlə sübut etmişdir. Böyük rəhbər Vətəni, milləti qarşısında ölkənin taleyüklü məqamlarında bütün məsuliyyəti öz üzərinə götürərək Azərbaycanı bir dövlət və millət kimi tarixin sınaqlarından çıxarmışdır. Bununla da, xilaskarlıq missiyasını yerinə yetirmişdir: “Mənim həyat amalım bütün varlığım qədər sevdiyim Azərbaycan xalqına, dövlətçiliyimizə, ölkə­mizin iqtisadi-siyasi, mənəvi inkişafına xidmət olub. Bu yolda bütün gücümü və iradəmi yalnız müdrik və qədirbilən xalqımdan almışam. Ən çətin anlarda, ən mürəkkəb vəziyyətlərdə yalnız və yalnız xalqa arxalanmışam. Bu da mənə dözüm, iradə verib və bütün uğurlarımı təmin edib”. Müstəqil Azərbaycanın keçdiyi sınaqlar, dövlətçiliyimizin ən ağır günlərində dahi şəxsiyyət Heydər Əliyevin göstərdiyi qətiyyət bu sözlərdəki gerçəkliyi dəfələrlə təsdiqləmişdir. Ümummilli lider Azərbaycan dövlətçiliyini, Azərbaycan xalqını fəlakətlərdən qurtarmış, dövlətçiliyi möhkəmləndirmiş, onu çevriliş, qiyam cəhdlərindən hifz edərək dirçəliş və inkişafa doğru yönəltmiş, cəmiyyətdə özünəinam hissini bərpa etmiş, sabitlik və firavanlığa şərait yaratmışdır. Çox çətinliklə əldə etdiyimiz müstəqilliyimizi dönməz və əbədi etmişdir.

Dünən AMEA Naxçıvan Bölməsində keçirilmiş “Heydər Əliyev lektoriyası”nın 55-ci məşğələsi 15 İyun – Milli Qurtuluş Gününə həsr olunmuşdu.
Lektoriyanı giriş sözü ilə açan AMEA Naxçıvan Bölməsinin sədri, akademik İsmayıl Hacıyev 1993-cü ilin iyun hadisələrindən, Azərbaycanın dövlət müstəqilliyinin qorunub saxlanılmasında, möhkəmləndirilməsində, xalqımızın taleyində, mənəvi, siyasi, ictimai həyatında, dövlət quruculuğunda misilsiz xidmətlər göstərən ümummilli lider Heydər Əliyevin Azərbaycanı böyük bəlalardan xilas etməsindən, ulu öndərin yorulmaz siyasi fəaliyyətindən və ötən müddət ərzində ölkəmizin əldə etdiyi nailiyyətlərdən danışıb. Akademik qeyd edib ki, ulu öndər Heydər Əliyev zəngin idarəetmə və dövlətçilik təcrübəsinə arxalanaraq, hər şeydən əvvəl, ölkədə özbaşınalığa son qoyaraq müstəqilliyimizin möhkəmləndirilməsinə, haqq-ədalətin bərpasına, müharibədə atəşkəsə nail oldu. Özünün uğurlu siyasəti ilə vətəndaş müharibəsinin və etnik parçalanmanın qarşısını alan dahi rəhbər hakimiyyətə yenidən qayıdışı ilə Milli Qurtuluşumuzun əsasını qoydu və 1993-cü ilin 15 iyun günü Azərbaycan tarixinə “Milli Qurtuluş Günü” kimi daxil oldu. Bu qayıdış Azərbaycanın müstəqilliyini dünya müstəvisində reallığa çevirdi. Ulu öndərin milli maraqlara əsaslanmaqla həyata keçirdiyi çoxşaxəli siyasət strategiyası bu gün Onun layiqli davamçısı, ölkə Prezidenti cənab İlham Əliyev tərəfindən uğurla davam etdirilir. Bu gün ölkəmizin hərtərəfli və sürətli inkişafı, xarici siyasətimizdəki uğurlar, vətəndaşların rifahı naminə həyata keçirilən qlobal layihələr məhz Heydər Əliyev siyasətinin təntənəsidir.
Lektoriyada AMEA Naxçıvan Bölməsinin Tarix, Etnoqrafiya və Arxeologiya İnstitutunun şöbə müdiri, AMEA-nın müxbir üzvü Vəli Baxşəliyevin “Ulu öndər Heydər Əliyevin xilaskarlıq missiyası” mövzusunda məruzəsi dinlənilib.
Sonra məruzə ətrafında Biоresurslar İnstitutunun direktоru, AMEA-nın müxbir üzvü, professor Tariyel Talıbоv, İncəsənət, Dil və Ədəbiyyat İnstitutunun direktоru, AMEA-nın müxbir üzvü, professor Əbülfəz Quliyev, Tarix, Etnoqrafiya və Arxeologiya İnstitutunun direktoru, professor Hacıfəxrəddin Səfərli çıxış edərək görkəmli dövlət xadimi Heydər Əliyevin qurucusu və yaradıcısı оlduğu müstəqil Azərbaycan dövlətinin ayrı-ayrı sahələrdəki uğurlarından söhbət açıblar.

AMEA Naxçıvan Bölməsinin
İnformasiya şöbəsi

Azərbaycan xalqının ümummilli lideri Heydər Əliyevin həyatı və siyasi fəaliyyətinə nəzər salarkən aydın olur ki, ulu öndərin genişmiqyaslı fəaliyyətində müxtəlif xarakterli və səpgili xilaskarlıq missiyası xüsusi mərhələ təşkil edir. Hələ keçən yüzilliyin 60-cı illərində Dövlət Təhlükəsizlik Komitəsinin sədr müavini və sədri kimi açıqfikirli Azərbaycan ziyalılarının incidilməsinə, təqib və həbs edilməsinə mane olan, onları qoruyan ulu öndər Heydər Əliyev 14 iyul 1969-cu ildə Azərbaycanda siyasi hakimiyyətə gəldikdən sonra SSRİ-yə daxil olan 15 müttəfiq respublika sırasında axırıncı yerdə olan ölkəmizi durğunluqdan, ətalətdən, gerilikdən xilas etmiş, respublikamızı əsl inkişaf yoluna çıxarmışdır. 

Dahi rəhbər o zaman ölkədə başlanan milli oyanışın önündə gedən ziyalıları himayə edərək təqiblərdən, həbslərdən qorumuşdur. Yaxud da 1990-1993-cü illərdə – həyatı və siyasi fəaliyyətinin Naxçıvan dövründə, ulu öndərin, özünün sözləri ilə desək, “taleyin ümidinə buraxılmış tənha bir ada”nı xatırladan, “olum, ya ölüm” dilemması qarşısında qalan, blokada şəraitində yaşayan, Azərbaycan rəhbərlərinin heç bir yardım etmədiyi, əksinə, “kor bağırsaq kimi kəsib atmaq” istədikləri Naxçıvan Muxtar Respublikasını erməni işğalından, əhalini aclıqdan, səfalətdən, soyuqdan donmaqdan, didərgin və qaçqın düşməkdən xilas etmişdir. Xilaskarlıq missiyasını o zamanlar müxtəlif xalqlara mənsub 300 milyona yaxın əhalinin vətəni sayılan SSRİ dövlətinin rəhbər elitasında çalışdığı 5 il ərzində də müxtəlif sahələrdə davam etdirən ulu öndərin xilaskarlıq missiyası ilə əlaqədar xatırlatdığımız bu fikirləri digər başqa faktlarla davam etdirmək olar.

İnsan fərd kimi doğulub, şəxs kimi fəaliyyət göstərərək təhsil-tərbiyə və əmək proseslərində vətəndaş hazırlığı keçir. Vətəndaş dedikdə bilavasitə vətənə, dövlətə sədaqətlə xidmət edən, mənəvi keyfiyyətlərə malik olan insan başa düşülür. Vətəndaşlıq tərbiyəsinin mənbəyi ailə, bu tərbiyənin, necə deyərlər, səmərəli nəticəsi isə vətənpərvərlikdir. Təcrübə göstərir ki, ailədə uşaqların əxlaqi kamillik baxımından milli və mənəvi dəyərlərə köklənmiş sağlam, planlı, sistemli və məqsədli şəkildə tərbiyəsi həmin ailə üzvlərinin vətəndaşlıq hisslərinin cilalanması ilə nəticələnmiş olur. Uşaqların vətəndaşlıq tərbiyəsi dedikdə yüksək əxlaqi, mənəvi keyfiyyətlərə yiyələnmə və şəxsiyyət kimi yetişmə nəzərdə tutulur. Bunun üçün gələcəyimiz olan uşaqlara Vətənimizin tarixini, coğrafiyasını, mədəniyyətini, milli adət-ənənələrimizi təlqin etməyi bacarmalıyıq. Bunun özü vətənpərvərlik, vətəndaşlıq nümunəsidir. Fikrimizcə, uşaqlara vətəni sevdirmək üçün vətəni onlara gərəyincə tanıtmaq lazımdır: belə olarsa, o fərd vətənin hər qayasını, daşını sevəcək. Bundan sonra Vətənə xidmətin əsasları uşaqlara mənimsədilir. Bu isə, ilk növbədə, ailədə, sonra məktəbdə həyata keçirilir. Belə olan təqdirdə həmin şagird bilikli, məsuliyyətli, vicdanlı və mübariz şəxs kimi formalaşacaq, gələcək fəaliyyətində Vətən sevgisi anlayışını Vətənə, dövlətə sadalanan keyfiyyətlərlə xidmət edən Vətəndaş kimi əxz edəcək.

Muхtаr rеspublikаmızdа şəхsi аvtоmоbillərin sаyı ildən-ilə аrtmаqdаdır. İndi еlə аilələr vаr ki, hər bir üzvünün öz аvtоmоbili var.  Təbii ki, аvtоmоbillərin sаyının аrtmаsı yоllаrdаkı hərəkətin intеnsivliyinə də öz təsirini göstərir. Bu isə,  öz növbəsində, Dövlət Yоl Pоlisi əməkdаşlаrının dа qаyğılаrını аrtırır. Bəs hərəkətin tənzimlənməsi üçün hаnsı tədbirlər görülür? Bu və yа digər suаllаrа аydınlıq gətirmək üçün Nахçıvаn Muхtаr Rеspublikаsı Dövlət Yоl Pоlisi İdаrəsinin rəisi, pоlis mayoru Aydın Ağayevlə görüşüb həmsöhbət оlduq. 

Müasir idarəetmənin mühüm tələblərindən biri kollektivdə mövcud olan korporativ mədəniyyəti dərindən mənimsəmiş və vahid məqsədə çatmaq üçün vəzifələrini düzgün qiymətləndirməyi bacaran yetkin insan resurslarına sahib olmaqdır. İnsanın yaradıcılıq potensialını üzə çıxaran, onu uzun müddət cəmiyyətə xidmət etməyə yönəldə bilən işgüzar komanda ilə bu gün dünənkindən daha yaxşı işləməyin əsl formulunu tapmaq mümkündür.
Yəqin ki, “Yeddi nar çubuğu” hekayəsini xatırlayırıq. “Tək əldən səs çıxmaz” məsəlinə yaxşı bələd olan müdrik insanlar gələcəkdə məqsədə çatmaq üçün öz övladlarına bir qüvvə kimi birləşmək yolu göstərmişlər. Yalqız qaldıqda asanlıqla qırılan incə nar çubuqlarının birləşərək bir sinerji ilə hansı qüvvə sahibi ola biləcəyini başa düşmək üçün bu, kifayət qədər ibrətamiz nəsihətdir. Bu xalq hikməti bu gün də özünü doğrultmaqdadır. Müasir dövrdə hər kəsin dövlət və xalq mənafeləri uğrunda yeni cəmiyyət quruculuğuna qoşulması belə bir sinergiyanın – komanda işinin əsas şərtlərindən biridir. Çünki yaradıcı qrupların formalaşması cəmiyyətdə hər kəsin tələbatlarına cavab verəcək nəticələr əldə olunmasına xidmət edir. Belə ki, kiminsə fərdi istəyinə görə deyil, məhz ümumi inkişaf naminə kollektivə qoşulan insanlarla birgə işləməklə həmişə istənilən çətinliyi dəf etmək, başqalarına nümunə olmaq mümkündür.

Muxtar respublikanın inkişaf və tərəqqisi Sloveniya telekanalının əməkdaşlarını heyrətləndirib

Azərbaycan avroatlantik məkana sürətlə inteqrasiya etdikcə, ölkə­miz dünyanın ən sürətlə inkişaf edən ölkələrindən birinə, eyni zamanda Qafqaz və Mərkəzi Asiya regionunun əsas güc mərkəzlərindən birinə çevrildikcə dünyanın müxtəlif ölkələrinin diqqəti respublikamıza yönəlir. Son 18 illik zaman kəsiyində inkişaf sürətinə görə həmsərhəd ölkələrin qonşuluqda yerləşən regionlarını geridə qoyan Naxçıvan haqqında son dövrlərdə dünyanın nüfuzlu kütləvi informasiya vasitələrində dərc olunan məqalələr, efirə verilən videosüjetlər, televiziya pro­qramları, sənədli filmlər dediklərimizə əyani sübutdur.
Bu günlərdə Naxçıvanın inkişaf və tərəqqisi daha bir Avropa telekanalı vasitəsilə dünyaya nümayiş etdirilib. Belə ki, Sloveniyanın ictimai televiziyası olan RTV-də Azərbaycanın inkişafı, bu inkişafda Naxçıvanın tutduğu yer haqqında geniş proqram yayımlanıb. Milyonlarla tamaşaçısı olan RTV-də efirə verilən proqramda əsas diqqət Naxçıvanın tarixi, turizm potensialı və sürətli inkişafına yönəldilib.

Naxçıvan Muxtar Respublikası Kənd Təsərrüfatı Nazirliyində kollegiya iclası keçirilmişdir. Nazirlik və onun strukturuna daxil olan təşkilatların məsul işçiləri və mütəxəssislərinin iştirak etdiyi iclası nazir Elşad Əliyev açaraq muxtar respublikada 2013-cü ilin ilk 5 ayında kənd təsərrüfatı sahəsində görülmüş işlər, yaz-tarla işlərinin gedişi vəziyyəti və taxıl biçininə hazırlıq barədə məlumat vermişdir. Bildirilmişdir ki, bəhs olunan dövrdə nazirlik və onun strukturları qarşısında müəyyənləşdirilmiş vəzifələrin yerinə yetirilməsi istiqamətində bir sıra işlər görülmüşdür.
Yaz-tarla işlərinin mütəşəkkil keçirilməsində kənd təsərrüfatı texnikalarının sazlığının başlıca şərtlərdən biri olduğunu diqqətə çatdıran nazir vurğulamışdır ki, bunu nəzərə alaraq nazirliyin Dövlət Texniki Nəzarət Müfəttişliyi və yerli müfəttişliklər tərəfindən texnikalara baxış keçirilmiş, lazım olan ehtiyat hissələrinin alınıb gətirilməsi və sahibkarlara çatdırılması təmin edilmişdir.

“Naxçıvan ərazisini götürsək, bu kiçik ərazidə həddindən çox dünya miqyaslı tarixi-memarlıq abidələri yaşayıb və bu gün də yaşayır. Onların hər biri Azərbaycan xalqının həm tarixini, həm mədəniyyətini, həm də adət-ənənələrini göstərən abidələrdir...
Azərbaycanın siyasi, iqtisadi, mədəni və elmi həyatında özünəməxsus rol oynayan Naxçıvanın hər daşı, hər qayası tarixin canlı şahididir”.

Xalqımızın ümummilli lideri Heydər Əliyevin Azərbaycan xalqının tarixini özündə yaşadan Naxçıvan, buradakı tarixi abidələrin əhəmiyyəti barədə söylədiyi bu müdrik fikirlər qədim diyarımızın təkcə siyasi, iqtisadi baxımdan deyil, həm də tarixi baxımdan nə qədər əhəmiyyətli olduğunu bir daha göstərir. Çünki tarixi abidələr xalqın milli kimliyinin göstəricisi, milli və mənəvi varlığının maddiləşmiş sübutudur. Bu sübutlar olmadan, bu dəlillər qorunmadan müasir qloballaşan dünyada bir xalq, bir millət kimi öz varlığını qoruyub saxlamaq, dünyanın ali mədəni millətlərindən biri kimi gələcəyə inamla addımlamaq mümkün deyildir.

Ordubad Rayon Təhsil Şöbəsində keçirilən “Heydər Əliyev lektoriyası”nın “Ulu öndər Heydər Əliyev müasir Azərbaycanın qurucusudur” mövzusunda növbəti məşğələsi 15 İyun – Milli Qurtuluş Gününə həsr olunmuşdu. Tədbiri giriş sözü ilə rayon Təhsil Şöbəsinin müdiri İlqar Həsənov açmışdır. Qeyd olunmuşdur ki, ümummilli lider Heydər Əliyevin xalqımızın təkidli tələbi ilə 1993-cü ildə yenidən siyasi hakimiyyətə qayıdışı müstəqil Azərbaycanı anarxiyadan, parçalan­maq və məhv olmaq təhlükəsindən, iqtisadi tənəzzüldən, beynəlxalq təcriddən xilas etmişdir. Ulu öndərin işləyib hazırladığı müstəqil dövlət quruculuğu konsepsiyası müasir Azərbaycan dövlətinin uğurlarının bünövrəsində dayanaraq gələcək inkişafın, misli görünməmiş uğurların əsasını qoymuşdur. Hazırda Azərbaycanın dünyada analoqu olmayan bir sürətlə inkişaf etməsini məhz Milli Qurtuluş Gününə borclu olduğumuzu vurğulayan İlqar Həsənov ulu öndərin siyasətinin bu gün ölkə Prezidenti cənab İlham Əliyev tərəfindən uğurla davam etdirildiyini diqqətə çatdırmışdır. Qeyd olunmuşdur ki, bu gün Azərbaycanın bütün dünya tərəfindən etiraf olunan dinamik inkişafı, ilk növbədə, vətəndaşlarımızın maddi rifah halının yaxşılaşmasına xidmət edir, paytaxtla bərabər, regionlar da sürətli tərəqqi yolu ilə inamla addımlayır.

Ulu öndər Heydər Əliyevin 1993-cü il iyunun 9-da Naxçıvandan Bakıya qayıdışı Azərbaycanın qurtuluşunun başlanğıc günüdür

Azərbaycanın müasir tarixinin bir qərinədən artıq mərhələsi müdrik dövlət xadimi, ümummilli lider Heydər Əliyevin adı ilə bağlıdır. Azərbaycan dövlətçiliyinin müasir tarixinə öz adını əbədi həkk etmiş dahi şəxsiyyətin, fenomenal siyasi xadimin ölkəmizə rəhbərlik etdiyi illər intibah, milli tərəqqi, milli oyanış, nəhayət, müstəqil dövlət quruculuğu dövrü kimi qəbul edilir.
Hər bir xalqın minilliklər boyu formalaşmış dövlətçilik ənənələrinin praktik şəkildə gerçəkləşməsi üçün əlverişli siyasi mühit və milli iradənin olması mühüm şərtdir. Ancaq mənən güclü, xalqına bağlı, vətənpərvər liderə malik olmayan xalqın müstəqillik, azadlıq ideallarına qovuşması da mümkün deyil. Yaranmış müəyyən əlverişli mərhələdə məsuliyyəti öz çiyinlərinə götürən belə fenomen şəxsiyyətlər xalqının daim arzusunda olduğu azadlıq, müstəqillik və milli dövlətçilik kimi ali idealların gerçəkləşməsində müstəsna rol oynayır, bununla da, əbədiyaşarlıq hüququ qazanırlar. Xalqımızın ümummilli lideri Heydər Əliyev məhz belə şəxsiyyətlərin fövqündə dayanan dahidir. Azərbaycanın ötən əsrin 90-cı illərində düşdüyü bəlalardan xilas olunması, itirilməkdə olan dövlət müstəqilliyimizin əbədi, dönməz xarakter alması ulu öndərimizin adı ilə bağlıdır.

1991-ci ildə Azərbaycan dövlət müstəqilliyini elan etmişdir. Xalq illər boyu ürəyində yaşatdığı, can atdığı istiqlala qovuşmuşdu. Lakin çox keçmədi ki, müstəqillik duyğusunun yaratdığı sevincin yerini iztirab, narahatlıq tutdu, ölkəmiz ağır sınaqlarla üzləşdi. Artıq Azərbaycanın müstəqil bir dövlət kimi yaşaması üçün təhlükə göz qabağında idi. 1991-1993-cü illərdə ölkəmizdəki anarxiya və xaotik proseslər təsdiq edirdi ki, yalnız Heydər Əliyev kimi qətiyyətli, iradəli siyasi lider Azərbaycanı bu bəlalardan xilas edə, yenicə əldə edilmiş müstəqilliyimizi yaşada bilər.

15 İyun – Milli Qurtuluş Günü ilə əlaqədar Naxçıvan Muxtar Respublikası Gənclər və İdman Nazirliyində “Heydər Əliyev lektoriyası”nın növbəti məşğələsi keçirilmişdir.
Gənclər və İdman Nazirliyinin Yeni Azərbaycan Partiyası Naxçıvan Muxtar Respublika Təşkilatının Heydər Əliyev adına Gənclər Birliyi ilə birlikdə təşkil etdiyi “Ulu öndər Heydər Əliyevin xilaskarlıq missiyası” mövzusunda keçirilən məşğələni giriş sözü ilə gənclər və idman nazirinin müavini Mirməcid Seyidov açmışdır.
Tədbirdə Azərbaycan Milli Elmlər Akademiyası Naxçıvan Bölməsinin Tarix, Etnoqrafiya və Arxeologiya İnstitutunun direktor müavini, AMEA-nın müxbir üzvü Hacı Qadir Qədirzadə ümummilli lider Heydər Əliyevin Azərbaycan xalqı qarşısındakı xidmətlərindən danışmışdır.
Məruzəçi bildirmişdir ki, Heydər Əliyev idarəçilik fəlsəfəsinin əsas ideya-siyasi istiqamətini xalqın tarixi yaddaşının bərpası, sürətli inkişaf strategiyasının gerçəkləşməsi kimi mühüm amillər təşkil edir. Ulu öndərimiz hələ ötən əsrin 70-ci illərindən başlayaraq dahiyanə uzaqgörənliklə ölkənin uzunmüddətli, dinamik və hərtərəfli inkişafını təmin edən kompleks layihələrin həyata keçirilməsinə nail olmuşdur.

Şərqlə Qərbin qovşağındakı mədəniyyət

Belə bir deyim var: “Dünyanı gözəllik xilas edəcək”. Əslində, bu gözəlliyin daxilində mədəniyyət məfhumu gizlənmişdir. Müasir dünyada ölkələr arasındakı müəyyən münasibətlərin qurulmasında, əlaqələrin inkişaf etdirilməsində mədəniyyət amilinin necə rol oynadığı hamımıza bəllidir. Ümummilli lider Heydər Əliyev mədəniyyətə çox yüksək qiymət verərək deyirdi: “Xalq bir çox xüsusiyyətləri ilə tanınır, sayılır və dünya xalqları içərisində fərqlənir. Bu xüsusiyyətlərdən ən yüksəyi, ən böyüyü mədəniyyətdir”. Həqiqətən də, maddi və mənəvi ünsürlərin formasiyasını özündə cəmləşdirən mədəniyyət xalqların həyatında mühüm rol oynayır. Azərbaycan xalqı da özünün zəngin mədəniyyət tarixini yaratmışdır. Ölkə­miz Avropa ilə Asiyanın qovşağında yerləşdiyi üçün onun mədəniyyəti həm Qərb, həm də Şərq element­lərini özündə ehtiva edir. Bu zənginlikdən irəli gəlir ki, milli ənənələrimizdə İslam mədəniyyətinin incəlikləri müxtəlif dövrlərdəki qadağalara baxmayaraq, qorunub saxlanılmış və bu gün də həmin dəyərlər inkişaf etdirilməkdədir.

Dünən Naxçıvan Özəl Universitetində 15 İyun – Milli Qurtuluş Günü münasibətilə “Heydər Əliyev lektoriyası”nın “Ulu öndər Heydər Əliyevin xilaskarlıq missiyası” mövzusunda növbəti məşğələsi keçirilmişdir.
Lektoriyanı giriş sözü ilə universitetin tədris və elmi işlər üzrə prorektoru, tarix üzrə fəlsəfə doktoru, dosent İbrahim Kazımbəyli açaraq bildirmiş­dir ki, Milli Qurtuluş Günü xalqımızın həyatında ən mü­hüm mərhələnin başlanğıcıdır. Ümummilli lideri­miz Heydər Əliyevin 1993-cü ilin iyununda xalqın təkidli tələbi ilə yenidən siyasi hakimiyyətə qayıdışı ilə ölkəmizin iqtisadi, siyasi, mədəni həyatında mühüm və gələcəyə yönəlmiş əhəmiyyətli addımlar atılmışdır.
Sonra “Milli Qurtuluş Günü Azərbaycan milli dövlətçiliyinin xilas günüdür” mövzusunda məruzə ilə çıxış edən tarix üzrə fəlsəfə doktoru, dosent Elçin Zamanov bildirmişdir ki, ulu öndər Heydər Əliyevin Azərbaycanda yenidən siyasi hakimiyyətə qayıdışından sonra ölkəmizdə anarxiyanın, hərc-mərcliyin qarşısı alınmış, Vətənimiz düşdüyü bəlalardan xilas olmuşdur. Xalqımızın böyük oğlu qısa müddətdə ölkədə baş vermiş vətəndaş qarşıdurmasının qarşısını almış, cəmiyyət həyatının bütün sahələrini əhatə edən uğurlu islahatlar həyata keçirilməsini təmin etmişdir.
Vurğulanmışdır ki, zamanı tarixləşdirən, əbədiləşdirənlər müdrik şəxsiyyətlərdir. Tarix əbədiliyi, bəşəriyyət isə azad və firavan həyatı üçün belə insanlara, şəxsiyyətlərə borcludur. Biz ulu öndərə ona görə borcluyuq ki, dahi şəxsiyyət öz qayıdışı ilə müstəqilliyimizi, bütövlükdə, Azərbaycanımızı xilas etmişdir.
Ötən müddət ərzində respublikamız böyük inkişaf yolu keçmiş, ulu öndərin siyasi kursunu uğurla davam etdirən ölkə Prezidenti cənab İlham Əliyevin səyi nəticəsində Azərbaycan yeni inkişaf mərhələsinə qədəm qoymuşdur. Bu inkişafın bəhrələrini muxtar respublikamızda hər bir sahədə görmək mümkündür. Ümummilli liderin müəyyən etdiyi inkişaf strategiyası, onun ideyalarına sədaqət bu qədim diyarın hərtərəfli tərəqqisinə səbəb olmuşdur.
Lektoriyaya İbrahim Kazımbəyli yekun vurmuşdur.

Xəbərlər şöbəsi

Dahilik səviyyəsinə çatmış tarixi simalar, əslində, Tanrının seçilmiş insanlarıdır. Azərbaycan xalqı da öz tarixində hər dövr üçün böyük tarixi şəxsiyyətlər yetirə bilmişdir. Xalqımız XX əsrdə – hətta totalitar sovet rejimində belə, Azərbaycan xalqını təkcə SSRİ məkanında deyil, bütün dünyada tanıtdıran və dünya xalqları içərisində özünə layiq yer tutmasına nail olan ümummilli lider Heydər Əliyev kimi böyük bir şəxsiyyət yetişdirmişdir.
Azərbaycan dövlətinin, xalqımızın tarixi taleyində müstəsna rol oynamış ulu öndər Heydər Əliyev zəngin və şərəfli bir ömür yolu keçmişdir. Ümummilli liderimiz Heydər Əliyevin çətin, məsuliyyətli, lakin şərəfli və mənalı ömür yolu, zəngin ictimai-siyasi fəaliyyəti müstəqil Azərbaycanın bütün vətəndaşları üçün əsl həyat məktəbi, xalqa və dövlətçilik ideallarına sədaqət və məhəbbətin parlaq nümunəsidir.

Ulu öndərimiz Azərbaycan dövlətinin, xalqımızın tərəqqi və inkişaf yolunu böyük uzaqgörənliklə müəyyənləşdirmişdir. Xalqımız qarşısında müstəsna xidmətlərinə görə dahi şəxsiyyət hələ sağlığında hər bir azərbaycanlının qəlbində özünə əbədi abidə ucaltmış, Azərbaycan xalqının ümummilli lideri adını qazanmışdır. Ulu öndər Heydər Əliyevin tərcümeyi-halını vərəqləsək, orada yalnız bir məqsəd, bir amal görmək mümkündür: Azərbaycan naminə çalışmaq, Azərbaycan xalqının xoşbəxtliyi naminə fəaliyyət göstərmək.

Şahbuz rayonunda inzibati ərazi dairələri üzrə nümayəndələrin iştirakı ilə “Qeydiyyat və notariat sahəsində aparılan əməliyyatlarda qanunvericiliyin tələbləri” mövzusunda seminar-müşavirə keçirilmişdir.
Seminar-müşavirəni giriş sözü ilə rayon İcra Hakimiyyətinin şöbə müdiri İmran Məmişov açmışdır.
Sonra Naxçıvan Muxtar Respublikası Ədliyyə Nazirliyinin Qanunvericilik şöbəsinin rəisi, ədliyyə müşaviri Ayaz Məhərrəm­ovun, Qeydiyyat və notariat şöbəsinin baş məsləhətçisi, kiçik ədliyyə müşaviri Səyyub Kərimovun məruzələri dinlənilmişdir.
Vurğulanmışdır ki, qeydiyyat və notariat sahəsində aparılan əməliyyatlar zamanı qanunvericiliyin tələblərinə riayət olunmalıdır. Notariat hərəkətlərinə görə qəbul edilmiş dövlət rüsumu vaxtında dövlət büdcəsinə köçürülməli, dövlət notariusunu və əməliyyatları aparan icra nümayəndəsi müvafiq qanunvericiliyin, xüsusilə notariat haqqında qanunun və təlimatın tələblərinə riayət etməlidir. Kargüzarlığın qeydiyyatı zamanı qaralama, pozuntu hallarına yol verilməməlidir. Müraciət etmiş şəxslərin şəxsiyyəti müəyyən edilməli, əməliyyat rəsmiləşdirilən zaman vətəndaşların şəxsən iştirakı təmin edilməlidir. Daşınmaz əmlakın özgəninkiləşdirilməsi, vərəsəlik, etibarnamələrin verilməsi və digər notariat əməliyyatları zamanı qanunvericiliyin tələblərinə riayət olunmasına nəzarət edilməsi diqqət mərkəzində saxlanılmalıdır.
Vətəndaşlıq vəziyyəti aktları hərəkətlərinə görə dövlət rüsumu ödənildikdən sonra qeydiyyat şöbəsinin rəisi və əməliyyatları aparan icra nümayəndəsi əməliyyatı rəsmiləşdirərkən müvafiq qanunvericiliyin, Ailə Məcəlləsinin və vətəndaşlıq vəziyyəti aktları haqqında təlimatın tələblərinə riayət etməlidir.
Sonda seminar-müşavirə işti­rakçılarını maraqlandıran suallar cavablandırılmışdır.

Kərəm HƏSƏNOV

Dünən Azərbaycan Tələbə Gənc­lər Təşkilatları İttifaqının (ATGTİ) illik hesabat konfransı keçirilmişdir. Növbəti hesabat konfransında tələbə gənc­lər informasiya-kommunikasiya texnologiyalarının imkanlarından faydalanmış, eyni vaxtda Naxçıvan, Gəncə və Lənkəran şəhərlərində keçirilən region panelləri videobağlantı vasitəsilə izlənilmiş, onlayn əlaqə yaradılmışdır.
Naxçıvan Dövlət Universitetində keçirilən Naxçıvan panelində əvvəlcə Dövlət himni səsləndirilmişdir. Tədbiri giriş sözü ilə ATGTİ sədr müavini, Naxçıvan Dövlət Universiteti Tələbə Gənclər Təşkilatının sədri Arzu Abdullayev açaraq konfransın gündəliyinə daxil olan məsələlər barədə məlumat vermişdir.

İyunun 1-də Heydər Əliyev Uşaq-Gənclər Yaradıcılıq Mərkəzində Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsi, Əmək və Əhalinin Sosial Müdafiəsi, Mədəniyyət və Turizm nazirliklərinin birgə təşkilatçılığı ilə 1 iyun – Uşaqları Beynəlxalq Müdafiə Günü münasibətilə tədbir keçirilmişdir. Tədbiri Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsinin sədri Ramilə Seyidova açaraq muxtar respublikada uşaqlara göstərilən dövlət qayğısından danışmış, bu sahədə həyata keçirilən tədbirlərdən bəhs etmişdir.
Qeyd olunmuşdur ki, əsası ümummilli lider Heydər Əliyev tərəfindən qoyulmuş və bu gün uğurla davam etdirilən dövlət uşaq siyasətinin başlıca məqsədi sosial vəziyyətindən asılı olmayaraq, bütün uşaqların öz hüquqlarından bərabər şəkildə istifadə etməsinin təmin olunmasından, onların düzgün tərbiyə olunması üçün hər cür şəraitin yaradılmasından ibarətdir. Vurğulanmışdır ki, “Uşaq hüquqlarının həyata keçirilməsinə dövlət nəzarəti qaydası”nın təsdiq edilməsi haqqında” Azərbaycan Respublikası Prezidentinin 2012-ci il 8 may tarixli Fərmanına uyğun olaraq, Naxçıvan Muxtar Respublikası Ali Məclisi Sədrinin “Naxçıvan Muxtar Respublikasında Uşaq hüquqlarının həyata keçirilməsinə dövlət nəzarəti Qaydası”nın təsdiq edilməsi haqqında” 2012-ci il 24 may tarixli Fərmanı uşaq hüquqlarının qorunması istiqamətində imzalanmış mühüm dövlət sənədidir. Həmçinin Naxçıvan Muxtar Respublikası Ali Məclisi Sədrinin 2006-cı il 4 oktyabr tarixli və 2010-cu il 19 aprel tarixli sərəncamlarına müvafiq olaraq, Naxçıvan Dövlət Uşaq Teatrı və Uşaq Filarmoniyasının yaradılması, M.T.Sidqi adına Naxçıvan Dövlət Kukla Teatrının fəaliyyət göstərməsi uşaqların estetik tərbiyəsi, istedadlarının üzə çıxarılması, intellektual və mənəvi inkişafı, asudə vaxtının təşkili kimi məsələlərdə mühüm rol oynayır. “Naxçıvan Muxtar Respublikasında gənc istedadlara dövlət qayğısının artırılması haqqında” Naxçıvan Muxtar Respublikası Ali Məclisi Sədrinin 2012-ci il 31 yanvar tarixli Fərmanına əsasən, “Naxçıvan Muxtar Respublikası Gənc İstedadlarının “Qızıl kitabı”nın təsis olunması, “Qızıl kitab”a adları yazılmış gənc istedadlar üçün xüsusi təqaüdün təsis edilməsi, valideyn himayəsindən məhrum, sağlamlıq imkanları məhdud olan uşaqlara hərtərəfli dövlət qayğısının göstərilməsi gələcəyimiz olan uşaqların sağlam ruhda böyüməsinə xidmət edir.
Tədbirin bədii hissəsində Naxçıvan Dövlət Uşaq Filarmoniyasının mahnı və rəqs ansamblının, Naxçıvan şəhər 3 nömrəli uşaq bağçasının balaca fidanlarının ifalarında mahnı, şeir və rəqs nümunələri təqdim edilmişdir.
Sonra istedadlı uşaqların rəsm və əl işlərindən ibarət sərgiyə baxış olmuş, bayram tədbiri Heydər Əliyev Mədəniyyət və İstirahət Parkında davam etdirilmişdir.

Səbuhi HƏSƏNOV

Azərbaycanda müasir demokratik, hüquqi və dünyəvi dövlət quruculuğu, vətəndaş cəmiyyətinin təşəkkülü, milli-mənəvi dəyərlərə qayıdış və elmin, təhsilin, mədəniyyətin inkişafı əbədi surətdə Heydər Əliyevin adı ilə bağlıdır. Ölkəmizin Əsas Qanunu Konstitusiyanın qəbul edilməsi, hakimiyyətlərin bölünmə prinsipinin təsbit olunması, hüquq normalarının və qanunvericilik bazasının beynəlxalq standartlara uyğunlaşdırılması, müasir idarəetmə üsullarının bərqərar olması və müvafiq dövlət qurumlarının formalaşdırılması Heydər Əliyevin rəhbərliyi ilə gerçəkləşən genişmiqyaslı quruculuq proqramının tərkib hissələridir.

(Azərbaycan xalqının ümummilli lideri Heydər Əliyevin  90 illik yubileyi haqqında Azərbaycan Respublikası Prezidentinin 21 yanvar 2013-cü il tarixli Sərəncamından)

Dünyada tarix haqqında danışanlar və yazanlar çox olsa da, tarix yaradanların sayı azdır. Çünki tarix yaratmaq tarix yazmaqdan qat-qat çətin və məsuliyyətlidir. Ulu öndər Heydər Əliyev də tarixi yaradan dahi şəxsiyyətlərdən biridir. Ümummilli liderimiz Heydər Əliyev öz xalqına, Vətəninə sonsuz sədaqəti, tükənməz məhəbbəti, uzaqgörənliyi, xeyirxahlığı, düşünülmüş və gərgin fəaliyyəti ilə Azərbaycanın XX əsr ictimai-siyasi, iqtisadi, mədəni və mənəvi həyatında yeni bir tarix yaratmışdır. Sağlığında ümummilli liderlik ucalığına yüksəlmiş bu müdrik şəxsiyyət böyük fədakarlıqlar hesabına qurub-yaratdığı dövlətin sarsılmazlığını, demokratik inkişafını, Azərbaycanın müstəqilliyinin əbədiliyini, daimiliyini, dönməzliyini qoruyub saxlaya bilmişdir. Əgər ulu öndər Heydər Əliyevin rəhbərliyi altında ötən əsrdə Azərbaycanın sosial-iqtisadi, mədəni yüksəlişi üçün həyata keçirilən tədbirlər, milli şüurun oyanışı istiqamətində görülən nəhəng işlər olmasaydı, biz bu gün Azərbaycanın suveren dövlət kimi mövcudluğundan söhbət aça bilməzdik.

Ölkəmizin aparıcı siyasi təşkilatı və iqtidar partiyası olan Yeni Azərbaycan Partiyası özünün V qurultayına hazırlaşır. Bu məqsədlə may ayının 31-də Yeni Azərbaycan Partiyası Naxçıvan Şəhər Təşkilatının X konfransı keçirilmişdir.
Konfransda Yeni Azərbaycan Partiyası Naxçıvan Şəhər Təşkilatının sədri, Naxçıvan Muxtar Respublikası Ali Məclisinin deputatı Elman Cəfərli məruzə etmişdir. Bildirilmişdir ki, 1992-ci il noyabrın 21-də Naxçıvan şəhərində təsis edilən Yeni Azərbaycan Partiyası ölkədə siyasi anarxiya və xaosun hökm sürdüyü taleyüklü bir anda yaradılmışdır. Müxalifət partiyası kimi yaradılsa da, cəmi 7 ay sonra, 1993-cü ilin iyun ayında obyektiv tarixi şəraitin diqtəsi ilə hakimiyyətə gələn Yeni Azərbaycan Partiyası, sözün əsl mənasında, dövlətçiliyimizin əbədi varlığının qarantı və istiqlaliyyətin başlıca təminatçısı olan siyasi gücə çevrilmişdir.

Dünən Yeni Azərbaycan Partiyası Şərur Rayon Təşkilatının XI konfransı keçirilmişdir. Konfransda rayon təşkilatının sədri, Naxçıvan Muxtar Respublikası Ali Məclisinin deputatı Əmir Babayevin hesabat məruzəsi dinlənilmişdir. Bildirilmişdir ki, müstəqilliyinin ilk illərində Azərbaycan xalqı çox ciddi çətinliklərlə üzləşmişdir. Ölkənin ağır sınaqlara məruz qaldığı bir dövrdə ümummilli lider Heydər Əliyevin rəhbərliyi ilə Yeni Azərbaycan Partiyası yaradılmışdır. Yarandığı ilk gündən o dövrün haqsızlıqlarına sinə gərərək sivil metodlarla mübarizə aparan Yeni Azərbaycan Partiyası xalqın partiyası adını qazanmış ilk və yeganə siyasi təşkilatdır. 1993-cü ildən bəri keçirilmiş prezident, parlament və bələdiyyə seçkilərində partiyamız bütün rəqiblərinə böyük üstünlüklə qalib gəlmişdir. YAP-ın sıralarının getdikcə artması bu təşkilata ölkə ictimaiyyətinin inam və etibarından irəli gəlir.
Qeyd olunmuşdur ki, Yeni Azərbaycan Partiyası ulu öndər Heydər Əliyevin siyasi uzaqgörənliyi və dövlət idarəçiliyindəki zəngin təcrübəsi nəticəsində qısa zaman kəsiyində hakim partiyaya çevrilmişdir. Bu günə qədər də liderliyini qoruyub saxlayır.

Müasir dövrdə hər bir dövlətin milli təhlükəsizlik maraqlarının qorunması zərurəti bir sıra mühüm amillərlə yanaşı, miqrasiya proseslərinin düzgün tənzimlənməsindən də asılıdır. Qloballaşma prosesləri ilə bağlı dövlətlər arasında faktiki sərhədlərin tədricən aradan qalxması, transmilli korporasiyaların nüfuz dairəsinin genişlənməsi, istehsal, istehlak və ticarətin unifikasiyası şəraitində miqrasiya problemləri də qlobal səciyyə daşıyır. XXI əsrin başlanğıcında dövlətlərin bir-biri ilə siyasi, sosial-iqtisadi, mədəni, xarici ticarət əlaqələrinin genişlənməsi dünya əmək bazarında müxtəlif problemlərlə müşayiət olunur.

Belə şəraitdə inkişaf etmiş, habelə sürətli inkişaf yolunda olan dövlətlər miqrasiya proseslərinin daha ciddi təsir və təhdidlərinə məruz qalırlar. Bəzi ölkələrin inkişaf səviyyəsindəki kəskin fərq, əmək bazarlarının daha cəlbedici olması, əməkhaqqının yüksək səviyyəsi, biznes mühitinin liberallığı, azad iqtisadi zonaların mövcudluğu və digər amillər miqrasiya proseslərini stimullaşdırır. Eyni zamanda milli, irqi, regional münaqişələrin, fövqəladə vəziyyətlərin və təbii fəlakətlərin doğurduğu problemlər də insanların bir ölkədən digərinə kütləvi şəkildə miqrasiyasına səbəb olur. Təhlükəli məqam ondan ibarətdir ki, bu zaman insanlar təkcə qanuni deyil, qeyri-qanuni miqrasiya vasitələrindən də istifadə edirlər. Yəni hər hansı ölkəyə leqal yolla gedərək yaşamaq və işləmək hüququ əldə etmədən mövcud qanunları, sivil birgə yaşayış normalarını kobud şəkildə pozur, yerli əmək bazarında problemlər yaradırlar.

Mayın 24-də Azərbaycan Respublikasının Türkiyənin Qars şəhərindəki Baş Konsulluğunda 28 May – Respublika Günü münasibətilə tədbir keçirilmişdir.
Azərbaycan və Türkiyə respublikalarının Dövlət himnləri səsləndirildikdən sonra tanınmış ürək cərrahı, tibb elmləri doktoru, professor Bingür Sönməz Azərbaycan və Türkiyə arasındakı qardaşlıq münasibətlərindən danışmış, Azərbaycan xalqını 28 May – Respublika Günü münasibətilə təbrik etmişdir.
Azərbaycanın Qarsdakı Baş konsulu Ayxan Süleymanov çıxış edərək demişdir ki, 95 il bundan əvvəl öz müstəqilliyini əldə edən Azərbaycan Xalq Cümhuriyyəti Şərqdə ilk demokratik respublika olmuşdur. Həmin dövrdə son dərəcə cəsarətli bir addım kimi qiymətləndirilən demokratik dövlət modelinin yaradılması Azərbaycanın çox­əsrlik dövlətçilik tarixində yeni bir mərhələnin başlanğıcı idi. Azərbaycan xalqının müstəqillik qazanmasında türk xalqının verdiyi dəstəyi xatırladan Baş konsul çoxəsrlik tarixə malik olan Azərbaycan-Türkiyə qardaşlığının əbədi olduğunu bildirmişdir. Qeyd olunmuşdur ki, 1991-ci ildə müstəqilliyini yenidən bərpa edən Azərbaycan Respublikası ölkədaxili çəkişmələr və hakimiyyət mübarizəsi nəticəsində öz müstəqilliyini itirmək təhlükəsi ilə üzləşmişdi. Belə bir dövrdə ümummilli liderimiz Heydər Əliyevin yenidən siyasi hakimiyyətə qayıtması ilə ölkəmizdə sabitlik yaradılmış, qanunçuluq, demokratik prinsiplər bərqərar edilmiş, müstəqilliyimiz əbədi və dönməz xarakter almışdır. Ulu öndərin müəyyənləşdirdiyi siyasi xətt bu gün ölkə Prezidenti cənab İlham Əliyev tərəfindən uğurla davam etdirilir.

Bu yol xalqımızı işıqlı sabahlara doğru aparır

1991-ci ildə Azərbaycan müstəqil dövlət quruculuğu yoluna qədəm qoymuşdur. Öz tarixinin yeni səhifəsini açan xalqımız milli və ümumbəşəri dəyərlərə söykənən demokratik, hüquqi və dünyəvi dövlət yaratmaq arzularını reallaşdırmaq istiqamətində addımlar atmağa başlamışdır. Təəssüf ki, həmin dövrdə hakimiyyətdə olanların dövlət idarəçiliyində naşı olmaları, müstəqilliyimizin möhkəmləndirilməsinə zəmin yarada bilməmələri  ölkəni uçuruma sürükləyirdi. Köhnə sovet rejimindən əl çəkə bilməyən hakimiyyət rəhbərləri yalnız özlərini düşünür, müstəqil qərarlar qəbul edə bilmir, getdikcə baş alıb gedən anarxiyanın qarşısını almaqda acizlik göstərirdilər. Anarxiya, başıpozuqluq uçurumuna yuvarlanan Azərbaycan vətəndaş müharibəsi ilə üz-üzə qalmışdı. Bir tərəfdən Azərbaycan torpaqlarının Ermənistan silahlı qüvvələri tərəfindən işğalı, digər tərəfdən daxildəki hakimiyyət davası onsuz da gərgin olan ictimai-siyasi vəziyyəti daha da ağırlaşdırmışdı.

Belə bir şəraitdə xalqı arxasınca aparmağa qadir olan liderə, dövlət idarəçiliyində zəngin təcrübəsi, biliyi olan nüfuzlu ictimai-siyasi xadimə böyük ehtiyac var idi.
1969-cu ildə də buna oxşar şərait yaranmışdı. O vaxt da respublikamız ağır vəziyyətə düşəndə, iqtisadi sahədə tənəzzülə uğrayanda, keçmiş ittifaq tərkibindəki müttəfiq respublikalar arasında geridə qalanda Ulu Tanrı dahi şəxsiyyət Heydər Əliyevi xalqın xilaskarı kimi yetirmişdir.

Deyirlər ki, Naxçıvanda üç Şahtaxtı var. Biri nə zamansa Eldənizlərin taxtının və xəzinəsinin qorunaraq saxlanıldığı Əlincənin zirvəsindədir, ikincisi Cəhri kəndi ərazisində Nadir şahın nə zamansa qoşununa müraciət etdiyi məkandır, üçüncüsü isə Kəngərli rayonunun ərazisində yerləşən Şahtaxtı kəndidir. Şahtaxtı kəndi İsmayıl Xətainin şahlığa gedən yolda son qüdrətli qələbəsini qazandığı yerdir. Başqa sözlə desək, Şərur döyüşündən sonra gələcək Səfəvi sarayının diplomatları da, sərkərdələri də, mədəniyyət xadimləri də, təbibləri də bura yığışmışdı. Bəlkə, elə bu səbəbdəndir ki, sonradan bu kiçik kənd Azərbaycana görkəmli diplomatlar, sərkərdələr, həkimlər, ədiblər bəxş etdi. O insanlar isə bu kəndə əbədi bir şöhrət gətirdilər. Şahtaxtılı diplomatlardan danışarkən ilk olaraq yada düşən XX əsrin görkəmli diplomatı Behbud ağa Şahtaxtinski olsa da, görkəmli ədib, azərbaycanlı kimliyi haqqında ilk mülahizələri mətbuata və ictimai müzakirələrə çıxaran Məhəmməd ağa Şahtaxtlının da bir müddət diplomatik korpuslarda tərcüməçi kimi fəaliyyəti haqqında bəzi məlumatlar var. 

1846-cı ildə Şahtaxtıda anadan olan Məhəmməd ağa Şahtaxtlının Tiflis Klassik Gimnaziyasını bitirməsi, Almaniyanın Leypsiq Unversitetinin Tarix, fəlsəfə və hüquq fakültəsində, Fransanın məşhur Sorbon Universitetinin Ali Təcrübi Təhsil Mərkəzində təhsil alması, rus, alman, fransız, ərəb, fars, yunan və türk dilləri ilə yanaşı, qədim pəhləvi, zənd və latın dillərini bilməsi onun diplomatiya sahəsində fəaliyyətinə imkan verən əsas amillər olmuşdur. İndiyə qədər ədib haqqında yazılmış kitablarda və məqalələrdə onun həyatının 1909-1912-ci illərdəki dövrü diplomatik fəaliyyət dövrü kimi xarakterizə edilmişdir.

Konfransda təşkilatın sədri, Naxçıvan Muxtar Respublikası Ali Məclisinin deputatı İsa Məmməd­ovun məruzəsi dinlənilib. Qeyd olunub ki, Yeni Azərbaycan Partiyası müasir Azərbaycan tarixinin son dərəcə çətin mərhələsində – xaosun, hərc-mərcliyin, hakimiyyət uğrunda gedən siyasi didişmələrin cərəyan etdiyi dövrdə tarixi zərurətdən yaranıb. Mövcud iqtisadiyyatın və infrastrukturun tamamilə dağıldığı, özbaşınalığın hakim olduğu dövrdə xalqın son ümidinin ifadəsi kimi Azərbaycanın 91 nəfər ziyalısının xalqımızın böyük oğlu Heydər Əliyevə müraciətindən sonra belə bir partiyanın yaranması qaçılmaz zərurət idi.
O zaman Azərbaycan cəmiyyəti ümummilli liderimiz Heydər Əliyev kimi böyük şəxsiyyətin ətrafında daha sıx birləşərək bu partiyanın təşkilatlanaraq ölkədə baş verən siyasi proseslərdə fəal iştirakına stimul yaratdı. Xalq inanırdı ki, Azərbaycanı iqtisadi böhrandan, siyasi tənəzzüldən, parçalanıb məhv olmaqdan və müstəqilliyini itirmək təhlükəsindən məhz Heydər Əliyev və onun banisi olduğu Yeni Azərbaycan Partiyası xilas edə bilər.

Mayın 26-da Azərbaycan Respublikasının İranın Təbriz şəhərindəki Baş Konsulluğu tərəfindən ümummilli lider Heydər Əliyevin 90 illik yubileyi və 28 May – Respublika Günü münasibətilə rəsmi qəbul təşkil edilmişdir.
Əvvəlcə Azərbaycanın və İranın Dövlət himnləri səsləndirilmişdir.
Rəsmi qəbulda çıxış edən Azərbaycanın Təbrizdəki Baş konsulu Əli Əlizadə xalqımızın öz azadlığı uğrunda apardığı şərəfli mübarizə yolundan, ölkə­mizin bütün sahələrdə əldə etdiyi nailiyyətlərdən danışmışdır. Qeyd olunmuşdur ki, 1918-ci il mayın 28-də müstəqilliyini elan edən Azərbaycan Şərqdə ilk demokratik parlamentli respublika kimi tarixə düşmüşdür. 23 ay fəaliyyət göstərməsinə baxmayaraq, xalq cümhuriyyəti hökuməti dövlətçiliyimiz üçün mühüm əhəmiyyətli və taleyüklü qərarlar qəbul etmişdir. Ötən əsrin sonlarında yenidən öz müstəqilliyini qazanan Azərbaycan məhv olmaq, müstəqilliyini itirmək təhlükəsi ilə üzləşmişdi. Lakin ümummilli liderimiz Heydər Əliyevin rəhbərliyi ilə Naxçıvandan başlanan qurtuluş yolu dövlət müstəqilliyimizi möhkəmləndirmiş, Azərbaycan sürətli sosial-iqtisadi inkişaf yoluna qədəm qoymuşdur. Bu gün ulu öndərin siyasi xəttini uğurla davam etdirən ölkə Prezidenti cənab İlham Əliyevin rəhbərliyi ilə Azərbaycan inkişaf və tərəqqi dövrünü yaşayır. Aparılan məqsədyönlü xarici siyasət nəticəsində ölkəmizin dünya dövlətləri və beynəlxalq təşkilatlarla əlaqələri güclənmiş, ərazi bütövlüyümüzün bərpa olunması istiqamətində müsbət nəticələr qazanılmışdır.
Baş konsul əsası ümummilli lider Heydər Əliyev tərəfindən qoyulmuş Azərbaycan-İran əlaqələrindən bəhs etmiş, iki qonşu ölkə arasında bütün sahələrdə əməkdaşlığın gündən-günə inkişaf etdiyini bildirmişdir.
İran İslam Respublikası Xarici İşlər Nazirliyinin Şimal-Qərb Nümayəndəliyinin rəhbəri Seyid Əhməd Neməti İran-Azərbaycan əlaqələrindən danışmış, qısa zaman ərzində Azərbaycanın böyük inkişaf yolu keçdiyini vurğulamışdır.
Çıxışlardan sonra Azərbaycanın sosial-iqtisadi inkişafından bəhs edən film nümayiş olunmuş, tədbir iştirakçılarına Azərbaycan həqiqətləri ilə bağlı əyani vəsaitlər paylanmış, Azərbaycan xalq mahnıları səslənmiş, ziyafət verilmişdir.
Rəsmi qəbulda Türkiyə Respublikasının Təbrizdəki Baş konsulu, Təbriz Şəhər İcra Hakimiyyəti başçısının müavini və ictimaiyyətin nümayəndələri iştirak etmişlər.

“Şərq qapısı”

Azərbaycan Xalq Cümhuriyyətinin yaradılmasının 95 illiyi ilə əlaqədar olaraq dünən AMEA Naxçıvan Bölməsində “Azərbaycan Respublikası Azərbaycan Xalq Cümhuriyyətinin varisidir” mövzusunda elmi konfrans keçirilmişdir. Konfransı AMEA Naxçıvan Bölməsinin sədri, akademik İsmayıl Hacıyev açaraq bildirmişdir ki, 1918-ci ilin 28 mayında yaradılmış Azərbaycan Xalq Cümhuriyyəti çox çətin bir şəraitdə fəaliyyət göstərməsinə baxmayaraq, bu dövrdə Azərbaycan dövlətçiliyi üçün vacib olan bir sıra məsələlər həll edilmiş, siyasi və sosial sahədə bir çox islahatlar həyata keçirilmişdir. Akademik qeyd etmişdir ki, Azərbaycan xalqının ümummilli lideri Heydər Əliyev 1993-cü ildə ölkəmizdə yenidən siyasi hakimiyyətə qayıtdıqdan sonra Azərbaycan Respublikasının Azərbaycan Xalq Cümhuriyyətinin varisi olduğunu daim çıxışlarında qeyd etmiş və xalq cümhuriyyəti dövrü tarixinin araşdırılmasına ciddi diqqət yetirmişdir.

Türkiyənin Radio-Televiziya Qurumunun (TRT) bir qrup əməkdaşı Türk Tarix Qurumunun üzvü, Naxçıvanın tarixinin xarici tədqiqatçılarından biri olan professor-doktor İbrahim Ethem Atnurun rəhbərliyi altında Naxçıvanda yeni bir tarixi filmin çəkilişlərini aparıb. Osmanlı idarəçiliyindən sovet idarəçiliyinə qədər Naxçıvan tarixinin (1918-1921) əsas tədqiqatçılarından biri olan İbrahim Ethem Atnurla “Şərq qapısı” qəzetinin redaksiyasında görüşdük, son 17 il ərzində, demək olar ki, tamamilə yenidən qurulan Naxçıvan haqqında təəssüratlarını öyrənmək, çəkilən filmlə bağlı daha geniş məlumat almaq üçün ona bir neçə sual ünvanladıq:

– Naxçıvana xoş gəlmisiniz. Sizin “Osmanlı idarəçiliyindən sovet idarəçiliyinə qədər Naxçıvan (1918-1921)” adlı kitabınız muxtariyyət ərəfəsində Naxçıvanın tarixinə həsr olunub. Bu əsər Naxçıvanın o dövr tarixinə aid ilk tədqiqatlardan biridir. Niyə məhz Naxçıvan və yaxud İbrahim Ethem Atnuru Naxçıvana bağlayan nədir?
– Biz illər boyu bağlı sərhədlər arxasında qalmış Azərbaycana həmişə həsrət çəkmişik. Tədqiqat mövzusu kimi Azərbaycanı, daha konkret desək, Naxçıvanı seçməyimə əsas səbəb bu olmuşdu. Digər bir tərəfdən, o zaman üçün bu, araşdırılmamış bir mövzu idi. Məlumdur ki, elmi dərəcə almaq üçün doktorluq mövzusu seçərkən tədqiq olunma­mış mövzu seçmək lazımdır. Mən də müəllimlərimin tövsiyəsi ilə Naxçıvan mövzusunu seçdim.

Ölkəmizdə “Respublika Gü­nü” kimi qeyd edilən 28 may tarixi 21 il bundan əvvəl Azərbaycan-Türkiyə sərhədində, Araz çayı üzərində “Ümid” körpüsünün açılması ilə də əlamətdardır. Bu tarix iki qardaş xalqı bir-birinə qovuşdurmaq, yurddan-yurda, könüldən-könülə körpü salmaq və ağır blokada vəziyyətində olan bir diyarın – Naxçıvanın yaşaması və inkişafı baxımından mühüm əhəmiyyət daşıyır.
Ötən əsrin sonlarında ölkəmiz yenidən müstəqilliyini qazandığı bir vaxtda ermənilər məqsədli şəkildə Naxçıvanı blokadaya salmış, bu qədim Azərbaycan torpağını ələ keçirmək üçün məkrli planlar həyata keçirməyə başlamışdılar. Belə bir dövrdə ulu öndər Heydər Əliyevin Naxçıvana gəlməsi, burada yaşayıb siyasi fəaliyyət göstərməsi muxtar respublikanı işğaldan qorumuşdur. Ümummilli liderimizin Naxçıvanı işğaldan qorumaq üçün həyata keçirdiyi tədbirlərdə dost və qardaş ölkə olan Türkiyə ilə əlaqələrin qurulmasının mühüm əhəmiyyəti olmuşdur. 1992-ci il yanvarın 30-da görkəmli dövlət xadimi Heydər Əliyev Türkiyə Cümhuriyyətinin Naxçıvana gəlmiş nümayəndə heyətini qəbul etmiş, görüşdə Naxçıvan-Türkiyə gömrükxanasının istifadəyə verilməsi məsələləri müzakirə olunmuşdu. Elə həmin il fevral ayının 24-də ulu öndər “Naxçıvan Muxtar Respublikası Dövlət Gömrük Komitəsinin yaradılması barədə” Fərman imzalamışdır.

Xalqımızın müstəqillik əzmini nümayiş etdirən Azərbaycan Xalq Cümhuriyyəti XX əsr dünya siyasi mədəniyyətinin ən qabaqcıl demokratik formasını öz dövlət təsisatlarında tətbiq etməyin Şərqdə ilk təcrübəsi idi. Əgər Birinci Dünya müharibəsinin sonlarına doğru qalib və məğlub imperialist dövlətlərin Qafqaz regionunda maraqlarının kəskin toqquşduğu dramatik tarixi şəraitdə Azərbaycan Xalq Cümhuriyyəti yaranmasaydı, dövlətimizin müttəfiq respublika kimi Sovet İttifaqının tərkibinə daxil olması, bu ittifaqın süqutundan sonra suveren dövlət kimi öz müstəqilliyini bərpa etməsi də mümkün olmayacaqdı. Ümummilli lider Heydər Əliyev Azərbaycan Xalq Cümhuriyyətinin tarixi əhəmiyyətini və mövcudluğunu yüksək qiymətləndirərək deyirdi: “Həmin dövrdə yaranmış Azərbaycan Xalq Cümhuriyyəti qısa müddət ərzində həyata keçirdiyi ciddi tədbirlər sayəsində bütün dövlətçilik atributları – öz parlamenti, ordusu və pul vahidi olan müstəqil, suveren bir dövlətə çevrildi. O, bütün dövlətçilik göstəricilərinə və prinsiplərinə görə Şərqdə ilk demokratik respublika idi. Azərbaycanın Milli Şurasının qəbul etdiyi tarixi bəyannamə yeni yaranmış Azərbaycan Xalq Cümhuriyyətinin daxili və xarici siyasətinin başlıca prinsiplərini bütün dünyaya bildirdi. Bəyannamədə elan edilmiş prinsiplər – Azərbaycan xalqının öz müqəddəratını müəyyən etmək, insanların hüquq bərabərliyinə hörmət, bütün xarici dövlətlərlə, habelə qonşu xalqlarla dinclik və əmin-amanlıq şəraitində yaşamaq, bir-birinin suverenliyinə və ərazi bütövlüyünə hörmətlə yanaşmaq prinsipləri Azərbaycan Xalq Cümhuriyyətinin beynəlxalq nüfuzunu artırdı. 1920-ci ilin yanvarında Azərbaycan dövlətinin müstəqilliyi de-fakto tanındı”.

Dünən Yeni Azərbaycan Partiyası Culfa Rayon Təşkilatının IX konfransı keçirilmişdir. Konfransı YAP Culfa Rayon Təşkilatının sədri Qadir İbrahimov açaraq hesabat məruzəsi ilə çıxış etmişdir.
Qeyd olunmuşdur ki, 7 fevral 1993-cü ildə xalqımızın ümummilli lideri Heydər Əliyevin iştirakı ilə təsis olunmuş Yeni Azərbaycan Partiyası Culfa Rayon Təşkilatının yarandığı vaxtdan bu günədək 8 konfransı keçirilmişdir. Ötən müddət ərzində partiya üzvlərinin sayı 1912-si gənclər, 2408-i qadınlar olmaqla, 5293 nəfərə, ərazi ilk təşkilatlarının sayı isə 90-a çatmışdır.
Vurğulanmışdır ki, bu ilin oktyabr ayında ölkəmizdə prezident seçkiləri keçiriləcəkdir. YAP-ın yeganə alternativsiz namizədi cənab İlham Əliyevdir. Artıq bir sıra ictimai qurumlar cənab İlham Əliyevin namizədliyini irəli sürmüşlər. Şübhə yoxdur ki, bütün demokratik seçkilərdə olduğu kimi, budəfəki seçkilərdə də Culfa seçiciləri Prezident İlham Əliyevə səs verəcəklər.

Naxçıvan Dövlət Universitetində fəaliyyət göstərən Heydər Əliyev Universitetinin “Heydər Əliyev və Azərbaycanın dövlət müstəqilliyi” mövzusunda 170-ci məşğələsi keçirilmişdir.
Məşğələni giriş sözü ilə açan Naxçıvan Dövlət Universitetinin rektoru, biologiya elmləri doktoru Saleh Məhərrəmov müstəqil Azərbaycanın keçdiyi tarixi inkişaf yoluna nəzər salmış, dövlət müstəqilliyimizin qorunub saxlanılması, möhkəmləndirilməsi və daha da inkişaf etdirilməsində ümummilli lider Heydər Əliyevin misilsiz xidmətlərindən danışmışdır.
Sonra “Heydər Əliyev və Azərbaycanın dövlət müstəqilliyi” mövzusunda Azərbaycan tarixi kafedrasının dosenti, tarix üzrə fəlsəfə doktoru Elçin Zamanovun məruzəsi dinlənilmişdir.
Sonda Yeni Azərbaycan Partiyası sıralarına qəbul edilmiş tələbələrə üzvlük vəsiqələri təqdim olunmuşdur.

Xəbərlər şöbəsi

Heydər Əliyev Muzeyində Azərbaycan xalqının ümummilli lideri Heydər Əliyevin 90 illik yubileyi münasibətilə keçilən açıq dərslər davam edir. Növbəti açıq dərsdə Babək rayon Cəhri kənd 1 və 2 nömrəli, Didivar kənd tam orta məktəblərinin şagirdləri iştirak etmişlər.
Cəhri kənd 2 nömrəli tam orta məktəbin tarix müəllimi Qadir Əkbərov “Heydər Əliyev və Azərbaycançılıq” mövzusunda danışaraq demişdir ki, Azərbaycançılıq ideyasının təbliği və formalaşması dünya azərbaycanlıları arasında milli həmrəyliyin əsasını təşkil edir. Ulu öndər Heydər Əliyevin bu istiqamətdəki siyasəti danılmaz və əvəzolunmazdır. O, həmişə xarici ölkələrə gedəndə Azərbaycan icmaları ilə görüşməyə də vaxt tapırdı. Dahi öndər bunu çox önəmli hesab edir, bizi bir ideya – Azərbaycançılıq ideologiyası ətrafında birləşdirməyə çalışırdı. Həmişə bunun vacib olduğunu söyləyirdi. Həmçinin bildirirdi ki, kim harada yaşamasından asılı olmayaraq, öz ana dilini unutmamalıdır. Bunu xüsusi qeyd etməliyik ki, ulu öndər Heydər Əliyevin sayəsində Azərbaycan diasporu mütəşəkkil formaya düşmüş və milli həmrəylik yaranmışdır.
Qeyd olunmuşdur ki, ümummilli liderimiz Heydər Əliyev nəinki müstəqil Azərbaycan dövlətinin yaradılması konsepsiyasını həyata keçirmiş, eyni zamanda Azərbaycan vətəndaşlarını birləşdirən, xalqımızı beynəlxalq aləmdə vahid amal, əqidə, məqsəd və məram ətrafında səfərbər edən milli təlim – Azərbaycançılıq ideologiyasını da yaratmışdır.
Sonda məktəblilərin sualları cavablandırılmışdır.

Xəbərlər şöbəsi

Mayın 24-də Yeni Azərbaycan Partiyası Kəngərli Rayon Təşkilatının V konfransı keçirilmişdir. Konfransı təşkilatın sədri, Naxçıvan Muxtar Respublikası Ali Məclisinin deputatı Fazil Abbasov açaraq hesabat məruzəsi ilə çıxış etmişdir.
Bildirilmişdir ki, Yeni Azərbaycan Partiyası yarandığı gündən indiyədək çox böyük yol keçərək dünənin, bu günün və gələcəyin partiyası olduğunu təsdiqləmiş, Heydər Əliyevin müdrikliyi ilə xalqın geniş təbəqələrinin sarsılmaz ittifaqının bariz nümunəsinə çevrilmişdir.
Yeni Azərbaycan Partiyası ilk dəfə olaraq müstəqil Azərbaycana vahid milli ideologiya gətirmiş və bununla xalqı milli ideologiya ətrafında birləşdirərək milli həmrəyliyə nail olmuş, beləliklə də, xalqı 1991-1993-cü illərin ağır, böhranlı vəziyyətlərindən, faciələrdən, məhvolma təhlükəsindən qurtarmış, dövləti sabitlik, quruculuq, təkamül və tərəqqi yoluna çıxarmışdır.
Xalqımızın xilaskarı, ümummilli liderimiz Heydər Əliyevin miras qoyduğu Yeni Azərbaycan Partiyası ölkə başçısı cənab İlham Əliyevin rəhbərliyi ilə bu gün inkişafının yeni mərhələsindədir.

Mayın 24-də Naxçıvan Muxtar Respublikası Daxili İşlər Nazirliyinin Sıravi və Kiçik Rəis Heyəti Hazırlayan Məktəbinin məzunlarının 2013-cü ilin birinci toplanışının and­içmə mərasimi keçirilmişdir.
Əvvəlcə Azərbaycan Respublikasının Dövlət himni səsləndirilmişdir.
Məktəbin rəisi səlahiyyətlərini icra edən polis polkovnik-leytenantı Fariz İsmayılov şəxsi heyətin peşə, mənəvi və fiziki hazırlığının artırılmasında həyata keçirilən tədbirlər haqqında məlumat vermiş, bu istiqamətdə məktəbin əldə etdiyi uğurlardan bəhs etmişdir. Qeyd olunmuşdur ki, əsası xalqımızın ümummilli lideri Heydər Əliyev tərəfindən qoyulmuş dövlət gənclər siyasəti daxili işlər orqanlarında da layiqincə yerinə yetirilir. Bunun nəticəsidir ki, bu gün polis sıralarında yüzlərlə gənc dövlətə və xalqa sədaqətlə xidmət edir. Polis peşəsinin çətin, lakin şərəfli peşə olduğunu xatırladan Fariz İsmayılov ictimai asayişin qorunması, insan və vətəndaş hüquqlarının təmin edilməsi və dövlətçiliyimizin hər cür cinayətkar əməllərdən qorunmasının vacibliyini bildirmiş, bu yolda məzunlara müvəffəqiyyətlər arzulamışdır.
Məktəbin məzunu, polis kiçik serjantı Əsəd Əsədzadə çıxışında dövlətin və onun vətəndaşlarının müdafiəsinə daim hazır olacaqlarını vurğulamış, polis peşəsinə aid nəzəri bilikləri onlara öyrədən məktəbin zabit və müəllim heyətinə məzunlar adından minnətdarlığını bildirmişdir.
Naxçıvan Muxtar Respublikası daxili işlər nazirinin müavini, polis polkovniki Səbuhi Novruzov, Azərbaycan Yazıçılar Birliyinin üzvü, nazirliyin Veteranlar Şurasının sədri, istefada olan polis polkovniki Yadulla Əliyev polis andı içən məzunları təbrik etmiş, gələcək fəaliyyətlərində onlara uğurlar arzulamışlar.
Sonra andiçmə mərasiminə başlanmış, məzunlar təntənəli şəkildə polis andı içmişlər.

Səbuhi HƏSƏNOV

28 May – Respublika Günü münasibətilə Naxçıvan Muxtar Respublikası Mədəniyyət və Turizm Nazirliyinin Mədəniyyət üzrə Elmi-Metodik Mərkəzi Kəngərli Rayon Mədəniyyət və Turizm Şöbəsi ilə birgə Şahtaxtı Kənd Mərkəzində “Azərbaycan Xalq Cümhuriyyəti xalqımızın müstəqillik əzminin təcəssümü idi” mövzusunda tədbir keçirib. Tədbiri giriş sözü ilə rayon Mədəniyyət Evinin direktoru Tofiq Rüstəmov açıb.
Sonra Mədəniyyət üzrə Elmi-Metodik Mərkəzin aparıcı metodisti Ceyhun Həsənov çıxış edib. Qeyd olunub ki, 1918-ci il mayın 28-də xalqımızın görkəmli oğullarının qurduğu cümhuriyyət Azərbaycan tarixinin unudulmaz səhifəsidir. Xalq Cümhuriyyəti qısa ömür sürərək 1920-ci ilin 28 aprelində süqut etsə də, tarixdə onun yeri, Azərbaycan xalqının istiqlal arzusu, 23 aylıq müstəqil dövlətçilik salnaməsi qalıb. Ulu öndər Heydər Əliyev AXC-nin tarixi əhəmiyyətini və mövcudluğunu yüksək qiymətləndirərək deyirdi: “Həmin dövrdə yaranmış Azərbaycan Xalq Cümhuriyyəti qısa müddət ərzində həyata keçirdiyi ciddi tədbirlər sayəsində bütün dövlətçilik atributları – öz parlamenti, ordusu və pul vahidi olan müstəqil, suveren bir dövlətə çevrildi. O, bütün dövlətçilik göstəricilərinə və prinsiplərinə görə Şərqdə ilk demokratik respublika idi”.
Bildirilib ki, XX yüzilliyin sonunda Azərbaycan yenidən öz dövlət istiqlaliyyətini bərpa etmək imkanı əldə etdi. Ulu öndərimizin 1993-cü ildə ölkəmizdə yenidən siyasi hakimiyyətə qayıdışından sonra Azərbaycan düşdüyü bəlalardan xilas oldu, dövlət müstəqilliyimiz möhkəmləndirildi. Azərbaycan beynəlxalq hüququn subyekti kimi sübut etdi ki, o, Şərqdə və müsəlman aləmində ilk demokratik dövlət olan AXC-nin ləyaqətli varisidir, onun davamçısıdır və ənənələrinə sadiqdir. Xalqımızın ümummilli lideri Heydər Əliyevin qurub-yaratdığı və böyük öndərimizin mənəvi-siyasi irsinin layiqli davamçısı Prezident cənab İlham Əliyevin işıqlı sabahlara doğru apardığı azad, müstəqil Azərbaycan dövləti bu gün öz tarixi köklərinə sıx şəkildə bağlanmış bir millətin müqəddəs ümidgahı, pənah yeridir.
Tədbirdə ədəbi-bədii kompozisiya nümayiş etdirilib, “Kəngər” instrumental ansamblı üzvlərinin ifasında musiqi nömrələri səsləndirilib.

Xəbərlər şöbəsi

Naxçıvan Özəl Universitetində Azərbaycan Xalq Cümhuriyyətinin yaradılmasının 95 illiyinə həsr olunmuş elmi-praktik konfrans keçirilmişdir. Konfransı universitetin rektoru, professor İsmayıl Əliyev açaraq bildirmişdir ki, Şərqdə ilk demokratik respublika olan Azərbaycan Xalq Cümhuriyyəti cəmi 23 ay yaşamasına baxmayaraq, sübut etdi ki, Azərbaycan xalqı daim azadlıq eşqi ilə yaşayır.
Humanitar elmlər kafedrasının dosenti Elçin Zamanov “Azərbaycanın müstəqilliyinin beynəlxalq müstəviyə keçirilməsi”, tarix müəllimliyi ixtisasının II kurs tələbələri Rifaq Əhədov “Ə.Topçubaşov: Cənubi Qafqazda böyük demokrat və diplomat”, Təkmin Sadiqov “AXC-nin Naxçıvanla bağlı tədbirləri” mövzularında məruzələrlə çıxış etmişlər. Məruzələrdə qeyd olunmuşdur ki, Azərbaycan Xalq Cümhuriyyətinin qısa müddətdə həyata keçirdiyi tədbirlər xalqımızın tarixində silinməz iz buraxmış, milli dövlətçilik ənənələrimizin yaradılmasında böyük rol oynamışdır. 1991-ci ildə Azərbaycan xalqı müstəqilliyini yenidən bərpa etdi. 1993-cü ilin iyununda xalqın təkidli tələbi ilə yenidən siyasi hakimiyyətə qayıdan ümummilli lider Heydər Əliyev böyük xilaskarlıqla dövlət müstəqilliyimizi qoruyaraq onu Azərbaycan Xalq Cümhuriyyətinin varisi elan etmişdir.
Heydər Əliyev ideyalarını uğurla həyata keçirən Azərbaycan Respublikasının Prezidenti cənab İlham Əliyevin rəhbərliyi ilə ölkəmiz müstəqillik yollarında inamla irəliləyir. Bunun nəticəsidir ki, bu gün Azərbaycan bölgədə lider dövlətə çevrilmişdir. Bütün bunlar müstəqilliyimizin əbədiliyinin təminatıdır.
Sonra AXC-nin yaradılmasının 95 illiyinə həsr olunmuş slayd nümayiş etdirilmişdir.
Elmi-praktik konfransa professor İsmayıl Əliyev yekun vurmuşdur.

Xəbərlər şöbəsi

Bu fikir Yeni Azərbaycan Partiyası Sədərək Rayon Təşkilatının X konfransında səsləndirilib

Yeni Azərbaycan Partiyasının V qurultayına hazırlıqla bağlı Yeni Azərbaycan Partiyası Sədərək Rayon Təşkilatının X konfransı keçirilib. Konfransı təşkilatın sədri, Naxçıvan Muxtar Respublikası Ali Məclisinin deputatı Arif Qasımov açaraq məruzə edib. Bildirib ki, ölkədə ictimai-siyasi vəziyyətin son dərəcə ağır və dözülməz olduğu bir vaxtda Yeni Azərbaycan Partiyasının yaradılması zərurətə çevrilmişdi. Çünki müstəqilliyimizin uçuruma daha da yaxınlaşdığı və Azərbaycanın parçalanmaq ərəfəsində olduğu bir vaxtda xalqı arxasınca aparmağa qadir olan bir liderə, onun rəhbərlik etdiyi siyasi partiyanın yaradılmasına böyük ehtiyac var idi. Xalqın ümid yeri isə ulu öndər Heydər Əliyev idi. Yalnız qüdrətli şəxsiyyətin yaratdığı, rəhbərlik etdiyi təşkilat xalqı öz arxasınca apara bilərdi.
1993-cü ilin iyununda, Azərbaycan dövlətçiliyinin müqəddəratının həll olunduğu ağır məqamda xalq öz qüdrətli oğlunu ölkəyə rəhbərliyə dəvət etdi. Dövlət idarəçiliyində zəngin təcrübəsi olan, xalqını, Vətənini, millətini böyük məhəbbətlə sevən görkəmli dövlət xadimi Heydər Əliyevin yaratdığı Yeni Azərbaycan Partiyasının ətrafında xalq sıx birləşdi. Ulu öndər Heydər Əliyev yenidən hakimiyyətə gəldikdən sonra dövlətimizin əsl müstəqillik tarixi başlandı və Yeni Azərbaycan Partiyası iqtidar partiyasına çevrildi.

Naxçıvan Muxtar Respublikası Rabitə və İnformasiya Texnologiyaları Nazirliyi, AMEA Naxçıvan Bölməsi və Naxçıvan Dövlət Universitetinin birgə təşkilatçılığı ilə AMEA Naxçıvan Bölməsində “İnformasiya təhlükəsizliyi problemləri” mövzusunda Azərbaycan xalqının ümummilli lideri Heydər Əliyevin 90 illik yubileyinə həsr olunmuş konfrans keçirilib. Konfransa sədrlik edən AMEA Naxçıvan Bölməsinin sədri, akademik İsmayıl Hacıyev bu elmi konfransın Azərbaycan Respublikası Prezidentinin 28 mart 2013-cü il tarixli Sərəncamı ilə təsdiq edilmiş “Azərbaycan Respublikasında 2013-cü ilin “İnformasiya-kommunikasiya texnologiyaları ili” elan edilməsi ilə bağlı Tədbirlər Planı”na əsasən Naxçıvan Muxtar Respublikasında həyata keçirilməsi nəzərdə tutulan tədbirlərdən biri olduğunu deyib. Ölkəmiz üçün 2013-cü ilin bir sıra hadisələrlə əlamətdar olduğunu qeyd edən bölmə sədri ümummilli lider Heydər Əliyevin 90 illik yubileyinin qeyd olunduğu bu ildə Azərbaycanın süni peykinin orbitə buraxılmasının, əslində, ölkəmizdə Heydər Əliyev ideyalarının inamla həyata keçirilməsinin məntiqi nəticəsi olduğuna diqqət çəkib.

Ulu öndər Heydər Əliyevin kəlamlarının toplandığı miniatür kitablar toplusu çap edilib

Heydər Əliyev – adı Azərbaycan sözü ilə sinonimləşən Şəxsiyyət. O, əməlləri ilə, misilsiz xidmətləri ilə, bu dövləti qurmaq, qorumaq kimi müqəddəs missiyanı uğurla yerinə yetirməsinə görə ən böyük Azərbaycanlı idi. Hələ sovetlər dövrü haqqında danışan bir çox insanlardan eşitmişəm. Deyirlər ki, o zaman xarici ölkələrə gedəndə Azərbaycandan olduğumuzu deyirdik. Çoxları bizə “Azərbaycan haradır?” sualını ünvanlayırdı. Biz isə “Heydər Əliyevin vətənindənik” deyəndə dərhal tanıyırdılar. Bu mənada ümummilli lider Heydər Əliyev şəxsiyyəti Azərbaycan boydadır.
Ulu öndərin 90 illik yubileyi ilə əlaqədar Naxçıvan Dövlət Universitetinin “Qeyrət” mətbəəsinin direktoru, Azərbaycan və Avrasiya Yazıçılar birliklərinin üzvü, tarix üzrə fəlsəfə doktoru Vaqif Məmmədov tərəfindən nəfis şəkildə nəşrə hazırlanmış “Qalib gəldi, qalib getdi” adlı miniatür kitablar toplusunu açarkən oxuduğum şeirdə də ən çox diqqətimi bir bənd çəkmişdi:

       Sözü qanun, qayda idi.
       Nəcabəti soyda idi.
       Azərbaycan boyda idi.
       Qalib gəldi, qalib getdi.

Birinci miniatür kitabda ümummilli liderimizin dövlətçilik və Azərbaycançılıq barədə söylədiyi qiymətli kəlamlar toplanılıb.

Qeyri-ənənəvi tibbi fəaliyyətləri və təbii yollarla apardığı müalicələrlə dünyada məşhur olan professor-doktor Əhməd Marankinin Naxçıvana budəfəki səfərinin əsas məqsədi “Duzdağ” otelində dünyanın və Azərbaycanın müxtəlif bölgələrindən gəlmiş insanlar üçün sağlamlıq kurslarının təşkil olunmasıdır. May ayının 26-na qədər davam edəcək kurslarda bədən sağlamlığı və insan orqanizmindəki zəhərli (toksikoloji) maddələrin zərərsizləşdirilməsi prosedurları həyata keçirilir. Tamamilə təbii yollarla, otlar və düzgün qidalanma vasitəsilə aparılan müalicə proseduru əvvəllər dünyanın müxtəlif yerlərində 32 dəfə türkiyəli mütəxəssis və onun rəhbərlik etdiyi heyət tərəfindən həyata keçirilib.
– Naxçıvana xoş gəlmisiniz. Bilirik ki, bir müddət Türkiyə Respublikasında dövlət sektorunda çalışmısınız, XX əsrin 90-cı illərində Azərbaycanda BMT nümayəndəliyində fəaliyyət göstərmisiniz, eyni zamanda bir sıra universitetlərimizdə işləmisiniz. Dünya isə sizi daha çox qeyri-ənənəvi tibb vasitəsilə insanların sağlam həyat tərzi yaşamasına yardımçı olan bir tibb mütəxəssisi kimi tanıyır. Əhməd Maranki özü-özünü oxucularımıza necə təqdim edərdi?