Naxçıvan Müəllimlər İnstitutu Naxçıvan Muxtar Respublikası Göz Xəstəxanası ilə birlikdə görkəmli oftalmoloq-alim Zərifə xanım Əliyevanın 90 illik yubileyinə həsr edilmiş elmi-praktik konfrans keçirmişdir.
Ali təhsil ocağının akt zalında keçirilən konfransı giriş sözü ilə institutun rektoru, professor Oruc Həsənli açmışdır.
Konfransda Naxçıvan Muxtar Respublikası Göz Xəstəxanasının baş həkimi Səidə Hüseynovanın “Zərifə Əliyevanın elmi fəaliyyəti”, tibb üzrə fəlsəfə doktoru, do­- sent Adil Məmmədovun “Zərifə Əliyeva­­­nın həyatı və həkimlik fəaliyyəti”, institutun Yeni Azərbaycan Partiyası ərazi ilk təşkilatının sədri Tamara Baxşəliyevanın “Zərifə Əliyeva və Azərbaycan oftalmologiyası” mövzularında məruzələri dinlənilmişdir. Məruzələrdə qeyd olunmuşdur ki, qayğıkeş ana, vəfalı ömür-gün yoldaşı, intellektual keyfiyyətləri özündə birləşdirən ziyalı, dünya tibb elminə əvəzolunmaz töhfələr vermiş böyük oftalmoloq-alim Zərifə xanım Əliyevanın həyatı, elmi və yaradıcılıq fəaliyyəti ilə daha yaxından tanış olduqca, haqqında xatirələri oxuduqca yaddaşımızda Ulu Tanrının bu ən yüksək mənəvi xüsusiyyətləri bəxş etdiyi böyük insanın obrazı canlanır, gözlərimiz önündə onun portreti yaranır.

Heydər Əliyev Muzeyində ümummilli liderimizin 90 illik yubileyi münasibətilə keçilən açıq dərslər və ekskursiyalar davam etdirilir.
Heydər Əliyev adına Hərbi Liseyin kursantları ulu öndərin xatirəsinin əbədiləşdirildiyi muzeydə olub, açıq dərsdə iştirak ediblər.
Açıq dərsdə liseyin tarix müəllimi Mir­ismayıl Seyidov ulu öndərimizin ictimai-siyasi fəaliyyəti haqqında danışıb, ölkəmizdə idarəçiliyin gücləndirilməsi istiqamətində dahi rəhbərin gördüyü işlərdən bəhs edib.
Bildirilib ki, ümummilli liderimiz Heydər Əliyevin çətin, məsuliyyətli, lakin şərəfli və mənalı ömür yolu, zəngin ictimai-siyasi fəaliyyəti müstəqil Azərbaycanın bütün vətəndaşları üçün əsl həyat məktəbi, xalqa və dövlətçilik ideallarına sədaqət və məhəbbətin parlaq nümunəsidir. Ümummilli liderimizin həyatı və zəngin dövlətçilik fəaliyyəti Azərbaycanın inkişafı ilə sıx şəkildə bağlıdır. 1969-cu ildə birinci dəfə respublika rəhbərliyinə gələn ulu öndərimiz sosial-iqtisadi böhran keçirən, geridə qalan Azərbaycanı qısa zaman ərzində keçmiş ittifaqın ən qabaqcıl respublikalarından birinə çevirib. 1969-1982-ci illərdə milli şüurun oyanışı naminə həyata keçirilən kompleks tədbirlər, elm, təhsil, səhiyyə, mədəniyyət, kadr hazırlığı, sosial-iqtisadi sahələr üzrə görülən işlər XX əsrin 90-cı illərində Azərbaycanın müstəqillik əldə etməsinə şərait yaradıb. Müasir mərhələdə Azərbaycanın dövlət suverenliyi və iqtisadi müstəqilliyi məhz həmin dövrdə təməli qoyulmuş potensiala əsaslanır.

Yeni Azərbaycan Partiyası Şərur Rayon Təşkilatının növbəti şura iclasında 2013-cü ilin birinci rübündə görülmüş işlərə yekun vurulmuş, qarşıda duran vəzifələr müəyyənləşdirilmişdir. Gündəlikdə duran məsələ ilə əlaqədar təşkilatın sədri, Naxçıvan Muxtar Respublikası Ali Məclisinin deputatı Əmir Babayevin məruzəsi dinlənilmişdir.
Bildirilmişdir ki, 1993-cü il yanvar ayının 23-də YAP-ın ilk rayon təşkilatı Şərurda yaradılmışdır. Təsis konfransı keçiriləndə rayonda 34 ilk təşkilatın 3 min nəfər üzvü və çoxlu sayda tərəfdaşı vardı. Bu heç də təsadüfi deyildi. Çünki yeni partiyanın yaradıcısı və sədrinin o zaman Naxçıvan Muxtar Respublikası Ali Məclisinin Sədri vəzifəsində çalışan xalqımızın böyük oğlu, ulu öndər Heydər Əliyev olması onun xalq arasında şöhrətlənməsinə, böyük nüfuz qazanmasına rəvac vermişdir. Təsis konfransında çıxış edən partiyanın sədri, görkəmli dövlət xadimi Heydər Əliyev yeni siyasi qurum qarşısında duran başlıca vəzifələrdən danışarkən qeyd etmişdir ki, partiyanın ən əsas məqsədlərindən biri Azərbaycanın müstəqilliyinin qorunub möhkəmləndirilməsidir.

Dünən akademik Zərifə xanım Əliyevanın adını daşıyan Naxçıvan Şəhər Poliklinikasında görkəmli oftalmoloq-alimin 90 illik yubileyi qeyd olunmuşdur. Tədbir iştirakçıları əvvəlcə alimin poliklinikanın foyesindəki büstü önünə tər gül dəstələri düzmüş, onun həyat və fəaliyyətini əks etdirən maraqlı fotoşəkillərə, kitab və qəzet materiallarına, həmçinin tanınmış insanların görkəmli oftalmoloq-alim haqqında söylədikləri fikirlərdən ibarət guşəyə baxmışlar.
Poliklinikanın iclas salonunda keçirilən yubiley tədbirini Naxçıvan Muxtar Respublikasının səhiyyə naziri Niyazi Novruzov açaraq akademik Zərifə xanım Əliyevanın xalqını, elini, yurdunu, Vətənini dərin məhəbbətlə sevən bir vətəndaş, böyük alim, əsl ziyalı, qayğıkeş ana kimi nəcib insani keyfiyyətlərindən danışmışdır. Qeyd olunmuşdur ki, böyük şəxsiyyətlər, həqiqi elm fədailəri yaşadıqları mühitin hüdudlarına sığmırlar. Azərbaycan Respublikasının Prezidenti cənab İlham Əliyevin 7 fevral 2013-cü il tarixli Sərəncamı ilə ölkə­mizin hər yerində olduğu kimi, muxtar respublikamızda da görkəmli elm xadimi, akademik Zərifə xanım Əliyevanın 90 illik yubileyi geniş qeyd olunur.

Naxçıvan Muxtar Respublikası Səfərbərlik və Hərbi Xidmətə Çağırış üzrə Dövlət Xidmətində gənc­lərin həqiqi hərbi xidmətə yola salınması mərasimi keçirilmişdir. Tədbiri xidmətin rəisi, polkovnik Səxavət Salmanov açaraq gəncləri ordu sıralarına yola düşmələri münasibətilə təbrik etmişdir.
Azərbaycan Respublikasının Dövlət himni səsləndirilmişdir.

Naxçıvan Muxtar Respublikası daxili işlər nazirinin müavini, polis general-mayoru Qaçay Quliyev, gənclər və idman nazirinin müavini Mirməcid Seyidov çıxış edərək ordu sıralarına yola düşən gənclərə uğurlar arzulamışlar. Qeyd olunmuşdur ki, bu gün hərbi xidmətə yola düşən gənc­lər hərbi biliklərə dərindən yiyələnməyə çalışmalıdırlar.
Çıxışlarda ölkəmizdə aparılan ordu quruculuğundan, Azərbaycan Silahlı Qüvvələrində xidmət edən zabit, gizir və əsgərlərə göstərilən dövlət qayğısından da danışılmışdır. Bildirilmişdir ki, bu gün ucqar zirvələrdə düşmənlə üz-üzə səngərdə torpaqlarımızı göz bəbəyi kimi qoruyan Azərbaycan əsgəri üçün lazımi şərait yaradılmış, əsgər yataqxanaları, yeməkxanalar tikilərək onların istifadəsinə verilmişdir.

Məlum olduğu kimi, Azərbaycan Respublikası uzun illər Sovetlər Birliyinin tərkibində mərkəzdən idarə olunan ölkə kimi fəaliyyət göstərmişdir. Digər tərəfdən, iqtisadi inkişafın bütün istiqamətləri, təsərrüfat mexanizmi mərkəzləşdirilmiş planlaşdırmaya tabe edilmişdi. Belə şəraitdə 1969-cu ildə Azərbaycanın rəhbəri seçilən xalqımızın ümummilli lideri Heydər Əliyevin hakimiyyətinin ilk illərindən etibarən apardığı məqsədyönlü, qətiyyətli sosial-iqtisadi siyasət nəticəsində respublika iqtisadiyyatında inkişafa doğru böyük dəyişikliklər özünü göstərməyə başladı.

Fikrimizcə, söhbət Azərbaycan iqtisadiyyatının gücləndirilməsi strategiyasından gedirsə, bu sahədə ulu öndərin əvəzsiz rolunu aşağıdakı dövrlərə bölmək və bu dövrləri təhlil etmək daha məqsədəuyğun olar:
Birinci dövr – sovet dövrü: 1969-cu ildən 1987-ci ilə qədər; ikinci dövr – müstəqillik illəri: 1993-cü ildən 2003-cü ilə qədər.
Üçüncü dövr isə sosial-iqtisadi sahədə inkişafla bağlı dahi rəhbər Heydər Əliyev tərəfindən hazırlanmış iqtisadi inkişaf konsepsiyasının ardıcıl olaraq ölkə Prezidenti cənab İlham Əliyev tərəfindən həyata keçirildiyi müasir dövrdür. Heç şübhəsiz, ulu öndərin iqtisadi inkişafın sürətləndirilməsi strategiyasını, modelini dolğun dərk etmək üçün bu dövrlər ayrı-ayrılıqda təhlilə cəlb edilməli, gələcəkdə də bu strategiyanın iqtisadi-sosial inkişafın sürətləndirilməsindəki rolu xüsusilə qeyd olunmalıdır.

Dünya təcrübəsi və biz

QHT-lərin tarixi və yaxud tarixi QHT-lər

Azərbaycanda qeyri-hökumət təşkilatları (QHT) anlayışı, əsasən, 1993-cü ildən sonrakı dövrdə geniş vüsət alan demokratikləşmə dövründən məşhurlaşsa da, ölkəmizdə QHT-lərin yaranması və fəaliyyəti hələ XIX əsrin sonları, XX əsrin əvvəllərinə təsadüf edir. Bugünkü qeyri-hökumət təşkilatlarının xüsusiyyətlərini özündə əks etdirən ictimai birliklər, xeyriyyə cəmiyyətləri hələ Şimali Azərbaycanın çar Rusiyasının əsarəti altında olduğu zamanda fəaliyyət göstərmişlər. XIX əsrin sonları, XX əsrin əvvəllərində Azərbaycanın ictimai-iqtisadi həyatında baş verən dəyişik­liklər burada yeni sosial təbəqənin – sahibkarlar təbəqəsinin formalaşması ilə nəticələnmişdir. Yeni yaranan sahibkarlar təbəqəsi həm müxtəlif təşkilatlarda birləşərək, həm də fərd olaraq ictimai sektorda fəaliyyət göstərir, xeyriyyəçilik fəaliyyətləri həyata keçirirdilər.
Sahibkarlarla yanaşı, bir sıra ictimai xadimlər də müxtəlif təşəbbüslərlə çıxış edir, əhalinin maariflənməsinə səy göstərirdilər. 1894-cü ildə Bakıda C.Vəlibəyov, H.Mahmudbəyov, S.M.Qənizadə, Ə.Axund­ov, Ə.Cəfərzadənin yaxından iştirakı ilə N.Nərimanov tərəfindən təşkil edilmiş ilk Azərbaycan qiraətxanası ölkənin ictimai-mədəni həyatında mühüm rol oynamışdır. Qiraətxana azərbaycanlı müəllimlərin yardımları, xüsusən pyeslərin tamaşaya qoyulmasından əldə olunan gəlirlər və könüllü ianə, üzvlük haqları hesabına fəaliyyət göstərirdi.

Aprel ayının 10-da Naxçıvan Şəhər İcra Hakimiyyətinin akt zalında Naxçıvan Muxtar Respublikası qadınlarının konfransı keçirilmişdir. Konfransı açıq elan edən Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsinin sədri Ramilə Seyidova geniş məruzə ilə çıxış etmişdir. Qeyd olunmuşdur ki, dünya qadınları arasında öz layiqli yerini tutan Azərbaycan qadını böyük inkişaf yolu keçmişdir. Azərbaycan qadınları yüzillərdən bəri formalaşmış milli dəyərlərə sadiq qalmaqla ana dilimizin, mədəniyyətimizin və mənəviyyatımızın ən etibarlı dayağı olmuşlar. Keçmişimizin unudulmaz səhifələrindəki möhkəm iradəyə malik görkəmli qadın şəxsiyyətlərimizin yüksək ləyaqətinin, ağbirçək analarımızın müdrikliyinin daşıyıcıları kimi müasir Azərbaycan xanımları öz dərin zəkaları və tükənməz daxili potensialları ilə bu gün də xalqa və cəmiyyətə fədakarcasına xidmət edirlər. Təməli ümummilli liderimiz Heydər Əliyev tərəfindən qoyulan və bu gün də uğurla həyata keçirilən dövlət qadın siyasəti ictimai-siyasi həyatda qadınlarımızın rolunu daha da artırmışdır. Həyatımızın elə bir sahəsi yoxdur ki, qadınların orada iştirakı təmin olunmasın. Məhz həyata keçirilən uğurlu siyasətin nəticəsidir ki, bu gün muxtar respublikamızda qadınlarımız müxtəlif dövlət orqanlarında çalışırlar.

Aprelin 10-da Naxçıvan Şəhər Üzgüçülük Mərkəzində muxtar respublika Gənclər və İdman Nazirliyi muxtar respublikada fəaliyyət göstərən idman federasiyaları ilə birgə iclas keçirib. İclasın keçirilməsində məqsəd mart ayının 18-də Naxçıvan Muxtar Respublikası Ali Məclisində keçirilən müşavirədən irəli gələn vəzifələrin müzakirəsi olub.
Tədbiri giriş sözü ilə Naxçıvan Muxtar Respublikasının gənclər və idman naziri Azad Cabbarov açaraq müzakirə olunan məsələ ilə bağlı məruzə edib. Bildirilib ki, nazirlik idman federasiyaları ilə birgə öz fəaliyyətini müşavirədən irəli gələn vəzifələrin qısa zamanda və yüksək keyfiyyətlə həyata keçirilməsi istiqamətində qurub. Müşavirədən ötən müddət ərzində nazirlik muxtar respublikadakı idman federasiyaları və aidiyyəti təşkilatlarla birgə tədbirlər həyata keçirib, tədbirlər planı hazırlanıb. Yeni idman federasiyalarının yaradılması istiqamətində işlər görülüb. Verilmiş tapşırıqlara əsasən, muxtar respublikada “Araz” Naxçıvan Peşəkar Futbol Klubunun yaradılması üzrə işlər yekunlaşdırılır, federasiyaların internet saytlarının yaradılması davam etdirilir. Artıq lazım olan məlumatlar toplanılıb, saytların açılması və məlumatların yerləşdirilməsi yaxın vaxtlarda başa çatdırılacaq. Bundan başqa, Basketbol Federasiyasının fəaliyyətində dönüşə nail olunması, rayonlarda federasiyaların klublarının yaradılması və Uşaq-Gənclər İdman məktəblərinin fəaliyyətinin gücləndirilməsi ilə bağlı da tədbirlər görülməsinə başlanılıb.

Görkəmli alim və ictimai xadim, akademik Zərifə Əliyevanın adı və elmi-ictimai fəaliyyəti zəriflik və işıqla bağlıdır. Bu böyük elm xadiminin keçdiyi ömür yolu, yaşadığı şərəfli həyat, mənalı həkimlik fəaliyyəti, yazdığı qiymətli əsərlər yüksək insanlıq meyarlarına və müqəddəs həkimlik andına parlaq və ibrətamiz bir örnəkdir.
Zərifə xanım 1947-ci ildə Azərbaycan Dövlət Tibb İnstitutunun Müalicə-profilaktika fakültəsini əla qiymətlərlə bitirdikdən sonra Azərbaycanda gözü zədələyən və ağır nəticəyə, hətta tam korluğa səbəb olan traxoma infeksion xəstəliyinə qarşı aparılan müalicəvi və profilaktik tədbirlərin təşkilində və keçirilməsində fəal iştirak etmiş, konkret müalicə təcrübəsindən başqa, Azərbaycanda traxoma xəstəliyinin daha geniş yayıldığı rayonlarda olaraq həkim-oftalmoloqlara məruzələr oxumuş, əhali arasında maarifləndirici söhbətlər aparmışdır. Traxoma xəstəliyinin öyrənilməsi və müalicəsi üzrə elmi işləri yekunlaşdırdıqdan sonra Zərifə xanım oftalmologiya elmi üçün vacib olan digər istiqamətlərdə də tədqiqatlar aparmışdır. Onun qlaukoma xəstəliyinin öyrənilməsi ilə bağlı apardığı tədqiqatların nəticələrindən bəhs edən elmi işlərin mətbuatda dərc olunması klinik göz xəstəliyi sahəsində çalışan həkimlərin biliklərinin genişlənməsinə əsaslı köməklik göstərmişdir.

Dünən akademik Zərifə Əliyevanın adını daşıyan Şahtaxtı kənd tam orta məktəbində görkəmli oftalmoloq-alimin 90 illik yubileyi qeyd olunmuşdur. Tədbirdən əvvəl məktəbin müəllim və şagird kollektivi alimin məktəbin foyesindəki büstünün önünə gül dəstələri qoymuşlar.
Zərifə Əliyevanın həyat və fəaliyyətinin müxtəlif məqamlarını fotoşəkillər, kitab və qəzet materialları vasitəsilə əks etdirən muzeyə baxışdan sonra tədbiri məktəbin direktoru, Naxçıvan Muxtar Respublikası Ali Məclisinin deputatı Zal Rüstəmov açmışdır. Qeyd olunmuşdur ki, akademik Zərifə Əliyeva XX əsrin dünya şöhrəti qazanmış ən parlaq ziyalı qadınlarından biridir. Zəriflik və nəciblik, humanizm və vətənpərvərlik kimi yüksək keyfiyyətləri özündə birləşdirən Zərifə Əliyeva elm və təfəkkürün, həkimlik və müəllimliyin ən uca zirvəsinə yüksələ bilmişdir.

Müasir Azərbaycan tarixinin 40 ildən artıq bir dövrünü əhatə edən mərhələ, bu dövrdəki ictimai-siyasi, iqtisadi və mədəni həyatın bütün sahələrindəki dirçəliş xalqımızın ümummilli lideri Heydər Əliyevin adı ilə bağlıdır. Ümummilli lider Heydər Əliyev elmi-ictimai fikir tariximizə elmi düşüncənin müxtəlif sahələrinə aid orijinal ideyalar müəllifi kimi də daxil olmuşdur. Onun elmin, mədəniyyətin, iqtisadiyyatın, təhsilin inkişafı, təhsilin məzmununun zənginləşdirilməsi, praktik təsir gücünün artırılması ilə bağlı  əvəzsiz ideyaları ölkəmizə rəhbərliyinin hər iki dövründə öz bəhrələrini vermişdir. Müdrik şəxsiyyət Heydər Əliyevin müəllifi olduğu ideyalar sırasında milli mədəniyyətimizin ayrılmaz hissəsi olan kitabxanaların inkişafı xüsusi əhəmiyyətə malikdir. Ulu öndərin fikrincə, “Kitabxana xalq, millət üçün, cəmiyyət üçün müqəddəs bir yer, mənəviyyat, bilik, zəka mənbəyidir. Ona görə də kitabxanalara daim hörmət xalqımızın mədəniyyətini nümayiş etdirən amillərdən biridir”.

Azərbaycanda oftalmologiya elminin inkişafında müstəsna xidmətləri olan Əməkdar elm xadimi, akademik Zərifə Əliyevanın elmi fəaliyyəti çox zəngin və əhatəli olmuşdur. Onun oftalmologiyanın aktual problemlərinə həsr edilmiş sanballı və çoxprofilli tədqiqatları nəinki respublikamızda, eyni zamanda dünya səhiyyə sistemində alimə şöhrət qazandırmışdır.
1942-ci ildə Azərbaycan Dövlət Tibb İnstitutunun Müalicə-profilaktika fakültəsinə daxil olan və 1947-ci ildə həmin institutu müvəffəqiyyətlə bitirən Zərifə Əliyeva Moskva şəhərində Mərkəzi Həkimləri Təkmilləşdirmə İnstitutunda oftalmologiya üzrə ixtisaslaşdırma kursu keçmişdir. Elmi tədqiqatlara olan sonsuz marağı onu Azərbaycan Oftalmologiya Elmi-Tədqiqat İnstitutuna gətirib çıxarmışdır. 1950-1953-cü illərdə Zərifə xanım Əliyeva aspiranturada təhsil almış və elmi-tədqiqatla məşğul olmuşdur.
Müxtəlif göz xəstəliklərinin müalicə və profilaktikası ilə məşğul olan Zərifə xanım özünün tədqiqat işlərini traxomanın müalicəsi ilə bağlı məsələlərə, habelə traxomanın və onun ağır nəticələrinin müalicəsi zamanı o dövrdə yeni olan antibiotiklərin imkanlarından səmərəli istifadə etməyin öyrənilməsinə həsr etmişdir. Bu tədqiqatların nəticələri Zərifə xanım Əliyevanın 1960-cı ildə “Sintomisin terapiya metodlarının başqa birləşmələri traxomanın müalicəsində” mövzusunda müdafiə etdiyi namizədlik dissertasiyasının əsasını təşkil etmişdir. 1968-ci ildən başlayaraq Zərifə xanım məqsədyönlü şəkildə professional oftalmologiya məsələləri, o cümlədən görmə orqanının patologiyası ilə ciddi məşğul olmağa başlamış, sözün əsl mənasında, bu sahənin ilk pioneri olmuşdur. Alim dünyada ilk dəfə olaraq görmə orqanının peşə patologiyasını araşdıran elmi-tədqiqat laboratoriyası yaratmış və praktik olaraq elm aləmində yeni bir istiqamətin – “peşə oftalmologiyası”nın əsasını qoymuşdur.

Şərur rayonundakı Dərəkənddə Yeni Azərbaycan Partiyası Dərəkənd ərazi ilk təşkilatı ulu öndər Heydər Əliyevin 90 illik yubileyinə həsr edilmiş “Heydər Əliyevin ideyaları Azərbaycanın dayanıqlı inkişafının əsasıdır” mövzusunda tədbir keçirmişdir. Kənd mərkəzində təşkil olunmuş tədbiri giriş sözü ilə YAP Şərur Rayon Təşkilatı idarə heyətinin üzvü Vasif Kazım­ov açmışdır. Qeyd olunmuşdur ki, Azərbaycan Respublikasının müasir inkişaf tarixi dahi şəxsiyyət Heydər Əliyevin adı, onun dövlətçilik siyasəti ilə bağlıdır. Xalqımızın xilaskarı və Yeni Azərbaycanın qurucusu olan dahi rəhbərin siyasi irsi bugünkü uğurlarımızın əsasını təşkil edir. Bütün nəsillərə örnək ömür yaşamış ulu öndər Heydər Əliyevin ictimai-siyasi və dövlət xadimi kimi Azərbaycan xalqı üçün ən böyük xidmətlərindən biri hələ sovetlər dönəmində Azərbaycanın gələcək müstəqilliyinin iqtisadi əsaslarını yaratması və xalqımızı öz müstəqilliyi uğrunda mübarizəyə hazırlaması, dövlətçiliyimiz üçün məhv­olma qorxusu yarandığı illərdə həyatını təhlükə qarşısına qoyaraq dayanıqlı sabitlik və əmin-amanlığı bərpa etməsi, daha sonra Azərbaycanın qüdrətli bir dövlətə çevrilməsini şərtləndirən misli görünməmiş yenidənqurma və quruculuq tədbirlərini böyük uzaqgörənliklə həyata keçirməsindən ibarət olmuşdur.

Heydər Əliyev Muzeyində ümummilli liderimizin 90 illik yubileyi münasibətilə keçilən açıq dərslər və ekskursiyalar davam edir.
Dünən Naxçıvan şəhər 3 nömrəli tam orta məktəbin şagirdləri Heydər Əliyev Muzeyində olub, açıq dərsdə iştirak ediblər.
Dərsdə məktəbin tarix müəllimi Vüsalə Aslanova ulu öndərimizin ictimai-siyasi fəaliyyəti haqqında danışıb. O bildirib ki, Azərbaycan iqtisadiyyatında transmilli şirkətlərin iştirakına ümummilli lider Heydər Əliyevin siyasi iradəsi ilə 1994-cü ilin 20 sentyabrında 8 ölkənin 11 şirkəti ilə birlikdə Xəzər dənizinin ölkəmizə aid hissəsində bir sıra karbohidrogen yataqlarının işlənməsini nəzərdə tutan tarixi sazişin – Əsrin müqaviləsinin imzalanması ilə start verilib. Azərbaycan neftinin dünya bazarlarına çıxarılması üçün 1996-cı ildə Bakı-Novorossiysk, 1999-cu ildə isə Bakı-Supsa ixrac neft kəmərlərinin istismara verilməsinə və Bakı-Tbilisi-Ceyhan əsas ixrac neft kəmərinin inşası ilə bağlı sazişin imzalanmasına nail olunub.

Naxçıvan Dəmir Yolu Nəqliyyatında Polis Şöbəsində “Heydər Əliyev və Azərbaycanın daxili işlər orqanları” mövzusunda tədbir keçirilmişdir. Tədbiri şöbənin rəisi, polis polkovnik-leytenantı Səbuhi Hüseynov açmışdır. Bildirmişdir ki, ümummilli liderimiz Heydər Əliyev həyatımızın bütün sahələri kimi, hüquq-mühafizə orqanlarının, o cümlədən daxili işlər qurumlarının fəaliyyətinə qayğı ilə yanaşır, onların problemlərinin yerindəcə həll olunmasına diqqət göstərirdi.
Tədbirdə Naxçıvan Muxtar Respublikası Daxili İşlər Nazirliyinin Kadrlar şöbəsinin baş inspektoru, polis mayoru Pərviz Qəribov “Ümummilli lider müasir Azərbaycan dövlətinin banisi və qurucusudur”, nazirliyin Sıravi Kiçik Rəis Heyəti Hazırlayan Məktəbin baş müəllimi, polis leytenantı Xəqani Nəsirov “Heydər Əliyev və Azərbaycanın daxili işlər orqanları” mövzularında məruzələr etmişlər.

Naxçıvan Muxtar Respublikası Ədliyyə Nazirliyi Ordubad rayonunda “Qeydiyyat və notariat sahəsində aparılan əməliyyatlarda qanunvericiliyin tələbləri” mövzusunda seminar-müşavirə keçirib.
Ordubad Rayon İcra Hakimiyyətinin akt zalında keçirilən seminar-müşavirəni giriş sözü ilə rayon İcra Hakimiyyəti başçısının müavini Etibar İsmayılov açıb, Ədliyyə Nazirliyinin əməkdaşlarından Səyyub Kərimovun, Ayaz Məhərrəmovun çıxışları olub. Çıxışlarda qeyd edilib ki, notariat hərəkətlərinə görə qəbul edilmiş dövlət rüsumu iki bank günü ərzində büdcəyə köçürülməli, dövlət notariusu və əməliyyat aparan icra nümayəndəsi qanunvericiliyin tələblərinə əməl etməlidirlər. Müraciət etmiş şəxslərin şəxsiyyəti müəyyən edilməli, əməliyyat rəsmiləşdirilən zaman vətəndaşların şəxsi iştirakı təmin olunmalıdır.
Çıxışlardan sonra tədbir iştirakçılarını maraqlandıran suallar cavablandırılıb.

Xəbərlər şöbəsi

Azərbaycan Respublikasının Prezidenti cənab İlham Əliyevin 2013-cü il 7 fevral tarixli Sərəncamına əsasən, ölkəmizdə görkəmli elm xadimi, akademik Zərifə xanım Əliyevanın anadan olmasının 90 illik yubileyi qeyd olunur. Zərifə Əliyevanın adı Azərbaycanda böyük fəxrlə, sonsuz qürur hissi ilə səslənir. Ölkəmizdə ana adının ucalığı, ömür-gün yoldaşının sədaqəti, nurlu həkimliyin müqəddəsliyi onun adı ilə əbədiləşmişdir. Zərifə xanım tibb elmimizin zirvəsində parlayan əbədiyyət Günəşidir.

İnsan dünyaya bir dəfə gəlir. Gəlir ki, şərəfli və dəyərli bir ömür yaşasın. Vətənə, torpağa məhəbbəti, təmiz mənəviyyatı, xalqa sədaqətli xidməti ilə yaddaşlarda qalsın. Belələrinin yaşadıqları bitib-tükənmir, əməlləri, xeyirxah işləri daim xatırlanır. Tarixdə bu cür insanların həyat yolu gələcək nəsillərə örnək, nümunə olur. Görkəmli oftalmoloq-alim, akademik Zərifə Əliyeva da məhz belə bir ömür yaşamışdır. Zərifə xanımın fitri istedada malik novator alim, pak və nadir bir insan kimi yaşadığı ömür, keçdiyi şərəfli həyat yolu hər bir Azərbaycan vətəndaşı, hər bir alim və həkim üçün həyat və mənəviyyat dərsi, kamillik və müdriklik məktəbidir. Onun zəngin elmi irsi, oftalmologiyanın müxtəlif sahələri üzrə apardığı tədqiqatlar, qazandığı nailiyyətlər, yaratdığı fundamental əsərlər Azərbaycan tibb elminin parlaq səhifəsidir.

Aprelin 5-də Yeni Azərbaycan Partiyası Şərur Rayon Təşkilatında “Heydər Əliyev lektoriyası”nın növbəti məşğələsi keçirilmişdir. Tədbiri giriş sözü ilə təşkilatın sədri Əmir Babayev açmışdır.
Lektoriyada Yeni Azərbaycan Partiyası Şərur Rayon Təşkilatının sədr müavini İbrahim Hənifəzadə “Heydər Əliyev və milli inkişaf konsepsiyası” mövzusunda məruzə etmişdir. Məruzəçi bildirmişdir ki, Azərbaycanın bugünkü inkişafı xalqımızın ümummilli lideri Heydər Əliyevin müəyyən etdiyi siyasi xəttin ardıcıl davam etdirilməsinin nəticəsidir. Ulu öndər Heydər Əliyev bütün həyatı boyu Vətəninin, xalqının gələcəyini düşünmüş, Azərbaycanın müstəqilliyinin əbədiliyinə bütün varlığı ilə inanaraq bu dövlətin ideya əsaslarını, strateji inkişaf istiqamətlərini müəyyənləşdirmişdir.
Qeyd edilmişdir ki, dahi rəhbər Heydər Əliyev tərəfindən təməli qoyulan dövlət müstəqilliyimizin möhkəmlənməsinə xidmət edən siyasi və iqtisadi inkişaf konsepsiyası sonrakı illərdə ulu öndərin davamçısı ölkə Prezidenti cənab İlham Əliyev tərəfindən yeni geosiyasi şəraitdə yeni ideyalarla zənginləşdirilmiş və böyük bacarıqla tətbiq edilməkdədir. Bir sözlə, keçdiyimiz qısa tarixi dövr sübut edir ki, Heydər Əliyev ideyalarının reallaşdırılması üçün göstərilən səylər öz bəhrəsini verir və vaxtilə görkəmli dövlət xadimi Heydər Əliyevin həyata keçirdiyi düşünülmüş və məqsədyönlü tədbirlər Azərbaycanın bugünkü və gələcək problemlərinin həllinə, müstəqilliyimizin möhkəmləndirilməsinə, dövlətimizin və xalqımızın tərəqqisinə yönəlmişdir.
Sonra məruzə ətrafında partiya üzvlərindən Qadir İsmayılovun, Ceyhun Abbasovun çıxışları olmuşdur.

Xəbərlər şöbəsi

Tarixi şəxsiyyətlərə əsl düzgün qiymət müəyyən zaman keçdikdən sonra verilir. Lakin elə şəxsiyyətlər var ki, onlardan nə qədər yazılırsa-yazılsın, yenə də həyat və fəaliyyətlərini olduğu kimi əks etdirmək mümkünsüzdür. Azərbaycan xalqının ümummilli lideri Heydər Əliyev də məhz belə dahi şəxsiyyətlərdəndir. Dövlət başçısı da bir müəllim funksiyasını yerinə yetirir. Onun hər bir hərəkəti, sözü, nitqi, çıxışı, məsləhəti, tövsiyəsi, hətta verdiyi tapşırıq belə, öz dərin məzmunu, tərbiyəvi əhəmiyyəti və idraki gücü ilə mühüm rol oynayır. 

Ümummilli lider Heydər Əliyev fikir zənginliyi, təfəkkür müdrikliyi, sözləri doğru seçmə və ifadə etmə, ahəng və ritmi dəqiq tapma qabiliyyəti, sadəliyi, insanların düşüncələrinə səmərəli istiqamət vermək baxımından fövqəladə şəxsiyyət idi. Bu eyni zamanda onun gözəl danışmaq qabiliyyətinin elmi sintezi olan natiqliyini ön plana çəkirdi. Dahi rəhbər öz natiqlik məharəti ilə cəmiyyətə natiqlik sənətinə yiyələnmək yollarını göstərirdi. Görkəmli dövlət xadimi Heydər Əliyev bir natiq kimi diplomatik, rəsmi üslubla xalq danışıq dilini qovuşdurur, onun nitqlərində əvvəldən axıra kimi bir mehribanlıq, səmimiyyət duyulur, düşünülmüş dərin bir nəzakət hiss edilirdi. Dinləyici istər-istəməz onun çıxışlarından aldığı təəssüratlarla natiqlik elminin hüdudlarının tükənməzliyinin canlı şahidi olurdu. M.T.Siseron yazır: “...Ancaq müdrik adam həqiqi natiq ola bilər. Natiq filosofun düşüncələrini, dərin fikirlərini, şairin sözləri mənalandırma bacarığını, hüquqçunun möhkəm yaddaşını, tragiklərin səsindəki intonasiyanı özündə yaşatmalıdır. Filosof natiqdən aşağı səviyyədə durur. Çünki hər filosof natiq ola bilmir, natiq isə filosofların öyrəndiyi bütün bilikləri əxz etməyi bacarır”.

Dünən Naxçıvan Muxtar Respublikası Göz Xəstəxanasının və Naxçıvan Özəl Universitetinin birgə təşkilatçılığı ilə akademik Zərifə xanım Əliyevanın 90 illik yubileyi münasibətilə “Böyük alim, qayğıkeş insan” mövzusunda elmi-praktik konfrans keçirilmişdir.
Konfransda universitetin tədris və elmi işlər üzrə prorektoru, tarix üzrə fəlsəfə doktoru İbrahim Kazımbəyli çıxış edərək görkəmli alimin keçdiyi mənalı həyat yolundan danışmış, onun yüksək ixtisaslı kadrların hazırlanmasında və göz xəstəliklərinin müalicəsində göstərdiyi misilsiz xidmətlərindən bəhs etmişdir.
Humanitar işlər üzrə prorektor Əli Yusifov “Akademik Zərifə xanım Əliyevanın həyat və yaradıcılığı” mövzusunda məruzə ilə çıxış etmişdir. Bildirilmişdir ki, görkəmli oftalmoloq-alim, Əməkdar elm xadimi, akademik Zərifə xanım Əliyeva yüksək mədəniyyəti, zərif qəlbi, elmə sədaqəti, insanlara münasibətdə məsuliyyəti ilə xalqımızın qəlbində həmişə yaşayır, parlaq xatirəsi daim böyük ehtiramla anılır. Geniş dünyagörüşü, dərin tədqiqatçılıq bacarığı, yüksək ziyalılığı ilə hamının rəğbətini qazanmış bu fədakar alimin həyat və yaradıcılığı hər bir Azərbaycan vətəndaşı, hər bir elm adamı və tibb işçisi üçün həyat və mənəviyyat, kamillik, müdriklik məktəbidir.
Naxçıvan Muxtar Respublikası Göz Xəstəxanasının həkimi Rəhmiyyə Əliyeva “Akademik Zərifə xanım Əliyevanın oftalmologiya elmində əldə etdiyi böyük nailiyyətlər” mövzusundakı məruzəsində qeyd etmişdir ki, Zərifə xanım Əliyevanın zəngin elmi irsi, oftalmologiyanın müxtəlif sahələri üzrə apardığı tədqiqatlar, qazandığı nailiyyətlər, yaratdığı fundamental əsərlər Azərbaycan tibb elminin parlaq səhifəsini təşkil edir. Görkəmli alim oftalmologiyanın aktual mövzularına həsr edilmiş çox­profilli tədqiqatlar aparmış, fədakar həkim kimi bir sıra göz xəstəliklərinin müalicəsində, o cümlədən Azərbaycanda traxomanın kökünün kəsilməsində böyük əmək sərf etmiş, xəstəliyin müxtəlif mərhələlərinin öyrənilməsi və müalicəsi metodlarının axtarılması yollarında dəyərli elmi nəticələr ortaya qoymuşdur.
Sonda görkəmli alimin həyat və fəaliyyətinə həsr olunmuş slayd nümayiş etdirilmişdir.

Xəbərlər şöbəsi

Bu mövzuda lektoriya keçirilmişdir

Naxçıvan Tibb Kollecində xalqımızın ümummilli lideri Heydər Əliyevin 90 illik yubileyi münasibətilə “Heydər Əliyev dövlətçilik dərsləri” mövzusunda “Heydər Əliyev lektoriyası”nın növbəti məşğələsi keçirilmişdir. Lektoriyanı giriş sözü ilə kollecin direktoru, Naxçıvan Muxtar Respublikası Ali Məclisinin deputatı İlhamə Mustafayeva açmışdır. Qeyd olunmuşdur ki, xаlqı qаrşısındа göstərdiyi misilsiz хidmətlər ümummilli lidеrimizin şərəfli ömrünü tаriхimizin cаnlı səhifəsinə çеvirmiş, оnа əbədiyаşаrlıq hüququ qаzаndırmışdır. Dahi şəxsiyyət Hеydər Əliyеvin qurub-yаrаtdıqlаrı, dərin düşüncəli idеyаlаrı, dövlətçilik xətti yаlnız dünənki və bugünkü nəsillərə dеyil, həm də nеçə-nеçə gələcək nəsillərə hеsаblаnmışdır. Оnu həmişəyаşаr еdən, хаlqın qəlbində оnа əbədi аbidə ucаldаn məhz bu хüsusiyyətidir. Ulu öndər Hеydər Əliyеvin bütün fəаliyyətinin, аtdığı аddımlаrın mаhiyyəti yаlnız хаlqınа хidmət еtmək аrzusundаn dоğurdu. Biz yаşаdıqcа, оnun аçdığı yоllаrlа irəlilədikcə bu dаhi insаnın böyüklüyünü, müdrikliyini, uzаqgörənliyini dаhа dərindən dərk еdirik. Ürəyində Vətən sеvgisi оlаn hər bir kəs çох gözəl аnlаyır ki, işıqlı gələcəyimiz ulu öndərimizin zəngin irsini öyrənməkdə, оnun vəsiyyətlərinə sədаqətlə əməl еtməyimizdədir. Оnun Аzərbаycаn tаriхində yаzdığı pаrlаq səhifələrə dönə-dönə nəzər sаlmаq hər birimizin mənəvi bоrcudur.

Bu il Azərbaycan xalqının ümummilli lideri  Heydər Əliyevin anadan olmasının 90 illik yubileyini geniş şəkildə qeyd edirik. Naxçıvan Muxtar Respublikasında 2013-cü ilin “Heydər Əliyev ili” elan olunması qarşımıza mühüm vəzifələr qoymuşdur. Ulu öndərin adını daşıyan obyektlərdən məqalələr hazırlanmasını davam etdiririk. Növbəti ünvanımız Heydər Əliyev adına Hərbi Liseydir. Ulu öndərin adı ölkəmizdə ilk dəfə olaraq muxtar respublikadakı bu Hərbi Liseyə verilməklə  əbədiləşdirilmişdir. Bildiyimiz kimi, ümummilli lider Heydər Əliyev Azərbaycan Silahlı Qüvvələrinin yaradıcısı olduğu kimi, onun təlim sisteminin də banisidir.

1971-ci ildə ulu öndər tərəfindən Cəmşid Naxçıvanski adına ixtisaslaşdırılmış hərbi məktəbin yaradılması, minlərlə gəncin ölkənin ali hərbi məktəblərinə təhsil almağa göndərilməsi və sair tədbirlər bu tarixi həqiqətin təsdiqidir. Sovet hakimiyyətinin hökm sürdüyü bir dövrdə öz xalqının gələcək milli zabit kadrlarını yetişdirmək qayğısına yalnız bir insan cəsarət edə bilərdi: O da ümummilli liderimiz Heydər Əliyev idi. Müdrik siyasətçinin uzaqgörənliyinin bəhrəsi olan bu məktəbin yaradılma səbəbini ulu öndərimiz sonralar belə açıqlamışdır: “Biz bu işə başlayanda o, bizim üçün nəzəriyyə deyildi, böyük gələcəyə baxış idi. Azərbaycanın gələcəyinə baxış idi... Biz bu addımları atarkən düşünürdük ki, zaman gələcək, Azərbaycan xalqı öz milli azadlığını əldə edəcək, dövlət müstəqilliyini əldə edəcək, Azərbaycan dövləti yaranacaqdır”. O zamanlar Hərbi Lisey dəfələrlə bağlanmaq təhlükəsi ilə üz-üzə qalsa da, ulu öndər buna imkan verməmişdir. Görkəmli dövlət xadimi Heydər Əliyevin ikinci dəfə siyasi hakimiyyətə qayıdışından sonra ordu quruculuğunda mühüm inkişaf mərhələsi başlanmışdır. 1993-cü ildən sonra Azərbaycanın hərbi təhsil müəssisələrinin, o cümlədən Cəmşid Naxçıvanski adına Hərbi Liseyin fəaliyyətində mühüm dəyişikliklər olmuşdur. Ordu quruculuğunun davamı kimi ümummilli liderimizin 13 mart 1998-ci il tarixli Sərəncamı ilə bu məktəbin Naxçıvanda filialı yaradılmışdır.

Dünən AMEA Naxçıvan Bölməsində bölmənin Tarix, Etnoqrafiya və Arxeologiya İnstitutunun təşkilatçılığı ilə xalqımızın ümummilli lideri Heydər Əliyevin anadan olmasının 90 illiyinə həsr olunmuş elmi konfrans keçirilib. Konfransı giriş sözü ilə açan AMEA Naxçıvan Bölməsinin Tarix, Etnoqrafiya və Arxeologiya İnstitutunun direktoru, professor Hacıfəxrəddin Səfərli dünya şöhrətli siyasi xadim, ulu öndər Heydər Əliyevin Azərbaycanın milli müstəqilliyinin qorunmasındakı xidmətlərindən danışıb. Qeyd edilib ki, görkəmli dövlət xadimi Heydər Əliyevin uzaqgörən siyasəti nəticəsində Azərbaycançılıq məfkurəsi müstəqil dövlətimizin ümummilli ideologiyasına çevrilib.

Cəlil Məmmədquluzadə adına Naxçıvan Dövlət Musiqili Dram Teatrında Azərbaycan xalqının ümummilli lideri Heydər Əliyevin 90 illik yubileyinə həsr olunmuş “Milli teatrın əsl inkişaf və intibaha qovuşması ulu öndər Heydər Əliyevin adı ilə bağlıdır” mövzusunda elmi-nəzəri konfrans keçirilmişdir.
Elmi-nəzəri konfransı Naxçıvan Muxtar Respublikasının mədəniyyət və turizm naziri Sarvan İbrahimov açaraq “Milli teatrın əsl inkişaf və intibaha qovuşması ulu öndər Heydər Əliyevin adı ilə bağlıdır” mövzusunda məruzə ilə çıxış etmişdir. Bildirilmişdir ki, Azərbaycan mədəniyyətinin böyük himayədarı, xalqımızın ümummilli lideri Heydər Əliyev Azərbaycana rəhbərliyinin bütün dövrlərində milli mədəniyyətin, incəsənətin, xüsusilə teatr sənətinin inkişafına diqqət və qayğı göstərmişdir. Azərbaycan teatrının inkişaf və intibahı, teatrlarımızın yaradıcılıq imkanlarının genişlənməsi ulu öndərimiz Heydər Əliyevin adı ilə bağlıdır. Əgər 1969-cu ilə qədər Azərbaycanda cəmi 12 teatr fəaliyyət göstərirdisə, təkcə ulu öndərin hakimiyyəti illərində ölkəmizdə 15 peşəkar teatr, 50-yə qədər xalq teatrı yaradılmışdır. Dahi rəhbərin hakimiyyəti illərində teatrların inkişafı üçün müxtəlif tədbirlər həyata keçirilmiş, sənət ocaqlarının maddi-texniki bazası gücləndirilmiş, görkəmli teatr xadimlərinin yubileyləri dövlət səviyyəsində qeyd olunmuşdur. Məhz bu diqqət və qayğı teatrlarımızın gələcək inkişaf yolunu müəyyən etmişdir.

Azərbaycanın keçdiyi tarixi yola nəzər salarkən, ümumiyyətlə, xalqımızın çoxminillik dövlətçilik tarixini vərəqlərkən aydın olur ki, müxtəlif dövrlərdə Vətənimizə rəhbərlik etmiş elə şəxsiyyətlər olmuşdur ki, onlar öz fəaliyyətləri ilə tariximizdə dərin iz buraxmış, xalqın yaddaşında əbədi olaraq yaşamışlar. Azərbaycan tarixində çox böyük xidmətləri olan bu şəxsiyyətlər nə qədər yüksək zirvələrə qalxsalar da, xalqımızın ümummilli lideri, görkəmli dövlət xadimi Heydər Əliyev bu şəxsiyyətlərin fövqündə dayanır.
Ulu öndər Heydər Əliyevin zəngin dövlətçilik fəaliyyətini nəzərdən keçirərkən aydın olur ki, Cоrc Vаşinqtоn АBŞ, Cəvаhirləl Nеhru Hindistаn, Şаrl dе-Qоll Frаnsа, Mustаfа Kаmаl Аtаtürk Türkiyə üçün nə еtmişdirsə, dahi rəhbər Hеydər Əliyеv də Аzərbаycаn üçün оnu еtmişdir. Dünyа tаriхində bu dа nаdir hаdisələrdən biridir ki, bir zamanlar hаkimiyyətdə оlаn bir lidеr sоnrаdаn ölkənin аğır günündə хаlqın tələbi ilə yеnidən hаkimiyyətə gəlsin. Xalqımızın böyük oğlu Hеydər Əliyеvə Аzərbаycаndа siyаsi hаkimiyyətinin birinci dövründə, 1969-1982-ci illərdə yаrаnаn хаlq sеvgisi 80-ci illərin sоnlаrındа Dаğlıq Qаrаbаğ prоblеmi ilə əlаqədаr ölkəmizdə yаrаnmış ümumi böhrаn, hərc-mərclik, özbаşınаlıq şərаitində Аzərbаycаnın pаrçаlаnmаq, dövlətçiliyinin itirilməsi təhlükəsi yаrаnanda оnun Аzərbаycаndа ikinci dəfə siyаsi hаkimiyyətə qаyıdışı ilə nəticələndi.

Kəngərli rayonunda “Yerli özünü­idarəetmə orqanlarının fəaliyyətində bələdiyyələrin reqlamenti ilə bağlı məsələlərin tənzimlənməsi və qarşıda duran vəzifələr” mövzusunda seminar-müşavirə keçirilib.
Seminar-müşavirəni Kəngərli Rayon İcra Hakimiyyətinin şöbə müdiri Mahir İsmayılov açaraq rayonda fəaliyyət göstərən bələdiyyələrə dövlət qayğısından danışıb. Qeyd olunub ki, rayonda bələdiyyələrin fəaliyyəti üçün normal iş şəraiti yaradılıb, bu qurumların əksəriyyəti yeni binalarda yerləşdirilib. Bunun müqabilində bələdiyyə üzvləri məsuliyyətlərini dərindən dərk etməli, fəaliyyətlərində fəallıq göstərməlidirlər.

Şərur rayonu Aralıq Kənd Sahə Xəstəxanasının təşkilatçılığı ilə Aralıq kənd tam orta məktəbində akademik Zərifə Əliyevanın anadan olmasının 90 illiyinə həsr olunmuş elmi-praktik konfrans və “Açıq qapı sağlamlıq günü” keçirilmişdir. Konfransı giriş sözü ilə açan xəstəxananın baş həkimi, Naxçıvan Muxtar Respublikası Ali Məclisinin deputatı Asəf Tağıyev bildirmişdir ki, Azərbaycan Respublikasının Prezidenti cənab İlham Əliyev 7 fevral 2013-cü il tarixdə “Akademik Zərifə Əliyevanın 90 illik yubileyinin keçirilməsi haqqında” Sərəncam imzalamışdır. Azərbaycanın görkəmli alimi, tibb elmləri doktoru, professor, Əməkdar elm xadimi, Azərbaycan Respublikası Elmlər Akademiyasının həqiqi üzvü Zərifə xanım Əliyeva respublikamızda tibb elminin inkişafına mühüm töhfələr verərək oftalmologiyanın aktual problemlərinə dair sanballı tədqiqatları ilə böyük şöhrət qazanmışdır. Onun elmi-pedaqoji və ictimai fəaliyyəti həkimlərin yeni nəslinin yetişməsinə və Azərbaycanda oftalmologiya elminin inkişafına güclü təsir göstərmişdir.
Konfransda Aralıq kənd tam orta məktəbinin direktoru, Naxçıvan Muxtar Respublikasının əməkdar müəllimi Züleyxa Rzayevanın və Şərur Rayon Mərkəzi Xəstəxanası Təcili tibbi yardım şöbəsinin müdiri Qurban Musayevin çıxışlarında akademik Zərifə xanım Əliyevanın həyat və yaradıcılığı, elmi-pedaqoji və ictimai fəaliyyəti öz əksini tapmışdır.
Həmin gün keçirilən “Açıq qapı sağlamlıq günü”ndə Aralıq kənd tam orta və 7 illik uşaq musiqi məktəblərinin müəllim və şagird kollektivləri tibbi müayinədən keçmişlər. Şagird və müəllimlər məktəbdə təşkil olunmuş ultrasəslə müayinə, EKQ, terapiya və stomatoloji kabinələrdə təcrübəli həkimlər tərəfindən müayinə edilmiş, aşkara çıxarılan xəstələr müalicəyə cəlb olunmuşlar.

Xəbərlər şöbəsi

Martın 29-da AMEA Naxçıvan Bölməsində “Azərbaycanlıların soyqırımı və deportasiyası” mövzusunda elmi konfrans keçirilib.
Konfransı giriş sözü ilə bölmənin sədri, akademik İsmayıl Hacıyev açıb. Ümummilli lider Heydər Əliyevin 1998-ci il 26 mart tarixdə imzaladığı “Azərbaycanlıların sоyqırımı haqqında” Fərmandan sonra hər il ölkəmizdə martın 31-nin “Azərbaycanlıların Sоyqırımı Günü” kimi dövlət səviyyəsində qeyd edildiyini, habelə sоyqırımı qurbanlarının anım tədbirlərinin keçirildiyini vurğulayan akademik havadarlarının dəstəyi ilə Azərbaycan tоrpaqları hesabına “böyük Ermənistan” yaratmaq ideyalarından əl çəkməyən, qarşılarına qоyduqları məqsədə çatmaq üçün bu gün də milli-mədəni irsimizi özününküləşdirmək siyasətini davam etdirən məkrli ermənilərin iki əsrdir ki, Azərbaycan xalqına qarşı soyqırımı siyasəti yeritməsindən, cəllad düşmənlərin törətdikləri soyqırımı və təcavüz siyasətinin mahiyyətindən danışıb. Qeyd olunub ki, bir çox dövlətlərin arxivlərində ermənilərin azərbaycanlılara qarşı törətdikləri faciələrlə bağlı xeyli sayda arxiv materialları var.

Tariximizin qanla yazılmış səhifəsi

XIX əsrdən başlayaraq ermənilər Qafqazda işğalçılıq niyyətlərini həyata keçirmək və tarixi torpaqlarımız hesabına “böyük Ermənistan” xülyasını reallaşdırmaq üçün ardıcıl olaraq hərbi və ideoloji vasitələrdən istifadə etmiş, XX əsr boyu Azərbaycan xalqına qarşı dəhşətli soyqırımı cinayətləri həyata keçirmişlər.
Tarixi mənbələr sübut edir ki, əslində, bu plan XVII əsrdən başlanmışdı. XVII əsrin axırlarında ermənilər əvvəlcə Avstriya imperatoruna, 1701-ci ilin iyun ayında isə I Pyotra özlərinin köməkliyi ilə Osmanlı imperiyasını və Səfəvilər dövlətini dağıdaraq, yerində xristian erməni dövlətinin qurulması ilə bağlı müraciət etmişlər. I Pyotr erməni tacirlərini, kilsə nümayəndələrini dinlədikdən sonra söz verir ki, Xəzər dənizi sahilində Azərbaycan torpağını işğal edib yerində erməni dövləti yaradacaq. Beləliklə, 1724-cü ildə I Pyotr ermənilərin Rusiya ərazilərinə köçürülməsinə dair fərman imzalayır. Məhz bundan sonra ermənilərin Azərbaycan torpaqlarına köçürülməsinə başlanılır.
1828-ci ildə imzalanan Türkmənçay müqaviləsindən sonra ermənilərin Azərbaycan ərazilərinə köçürülməsi kütləvi xarakter almış, 1828-1896-cı illərdə İrandan və Türkiyədən 1 milyon 200 min erməni köçürülərək Azərbaycanın qərb bölgələrində, eləcə də Qarabağ və Gəncə quberniyasında yerləşdirilmişdir. Onlar həmin ərazilərdə özlərinə yer etdikdən sonra azərbaycanlıları sıxışdırıb çıxarmış, qarətlər, talanlar etmiş, yerli sakinləri amansızlıqla öldürmüşlər. Azərbaycanın şimal hissəsi Rusiyanın tərkibinə qatıldıqdan sonra isə rus çarı I Nikolay 21 mart 1828-ci il tarixli fərmanı ilə əhalisinin böyük əksəriyyətini azərbaycanlılar təşkil edən İrəvan, Naxçıvan və Qarabağ xanlıqları ərazisində “erməni vilayəti”nin yaradılmasını elan etmiş, vilayətin tərkibinə həmin dövrdə 7331 azərbaycanlı və 2369 erməni ailəsi yaşayan İrəvan şəhəri də daxil edilmişdir.

Dünən Naxçıvan Qızlar Liseyində 31 Mart – Azərbaycanlıların Soyqırımı Gününə həsr olunmuş tədbir keçirilmişdir. Tədbiri giriş sözü ilə liseyin direktoru Aidə Allahverdiyeva açaraq keçirilən tədbirin məqsəd və mahiyyətindən danışmışdır.
Məktəbin müəllimlərindən Gülmirə Əsgərova, Səkinə Allahverdiyeva əsrlər boyu erməni təcavüzkarları tərəfindən Azərbaycan xalqının başına gətirilən bəlalardan danışmışlar. Çıxış edənlər ermənilər tərəfindən zaman-zaman Azərbaycan xalqına qarşı həyata keçirilmiş qanlı qırğınlar, xüsusilə 1905-1907-ci illərdə Bakı, Şuşa, Zəngəzur, İrəvan, Naxçıvan və digər bölgələrdə azərbaycanlılara qarşı törədilmiş vəhşiliklər barədə ətraflı məlumat vermişlər. Bu qırğınların 1918-ci ilin mart-aprel aylarında Azərbaycanın müxtəlif bölgələrində daha geniş xarakter alması, həmin soyqırımı aktları zamanı soydaşlarımızın xüsusi amansızlıqla qətlə yetirilməsi, on minlərlə günahsız insanın doğma yurd-yuvasından didərgin salınması şagirdlərin diqqətinə çatdırılmışdır. Tədbirdə martın 31-nin “Azərbaycanlıların Soyqırımı Günü” kimi qeyd olunması haqqında Azərbaycan xalqının ümummilli lideri Heydər Əliyevin 1998-ci il 26 mart tarixli Fərmanının böyük tarixi əhəmiyyəti vurğulanmış, bu sənədin xalqımızın milli şüurunun oyanmasında mühüm rol oynadığı qeyd olunmuşdur.
Sonda liseyin şagirdləri Vətənə, şəhidlərə həsr olunmuş şeirləri bədii qiraət etmişlər.

Xəbərlər şöbəsi

Tədbiri giriş sözü ilə Yeni Azərbaycan Partiyası Şərur Rayon Təşkilatının sədri, Naxçıvan Muxtar Respublikası Ali Məclisinin deputatı Əmir Babayev açmışdır.
Dəyirmi masada təşkilatın sədri Əmir Babayevin məruzəsi dinlənilmişdir.
Qeyd olunmuşdur ki, XX əsrin əvvəllərində ermənilər Bakı, Şamaxı, Quba, Göyçay, Qarabağ, Zəngəzur və Naxçıvanda xalqımıza qarşı qırğınlar, talanlar, terror və digər zorakılıq aktları həyata keçirmişlər. Erməni faşistləri bu ərazilərdə on minlərlə dinc azərbaycanlı əhalini – qadını, uşağı, qocanı milli mənsubiyyətlərinə görə vəhşicəsinə qətlə yetirmişlər.
Aramsız soyqırımı və deportasiya siyasəti 1918-1920-ci illərdə daha da genişlənmiş və ermənilərin Azərbaycan xalqını Yer üzündən tam silmək kimi iyrənc niyyətlərini bütün çılpaqlığı ilə üzə çıxarmışdır.

Vətən uğrunda canlarını qurban verən Milli qəhrəmanlarımız! Öz qəhrəmanlıqları ilə tariximizdə silinməz izlər qoyan, əfsanələşən, Azərbaycanımızın müstəqilliyinin qorunub saxlanılmasında əvəzsiz rol oynayan qəhrəmanlarımız daim qəlbimizdə yaşayır, adları böyük ehtiramla yad edilir. Hörmətli oxucular! “Milli qəhrəmanlarımızı tanıyaq” rubrikasında ənənəni davam etdirərək Milli qəhrəmanlarımız Səyavuş Həsənov ilə Mirəsgər Seyid­ovun həyat və döyüş yoluna nəzər salaq:

Yengicə kəndinin qəhrəman oğlu

20 yanvar 1964-cü ildə Şərur rayonunun Yengicə kəndində Həsən kişinin ailəsində əkiz oğlu dünyaya gəldi. Onlardan birinin adını Səyavuş qoydular. Səyavuş səkkizinci sinfə qədər kənd məktəbində oxuduqdan sonra təhsilini Bakıdakı 54 saylı texniki-peşə məktəbində davam etdirdi. Rəngsaz peşəsinə yiyələndi. Bir neçə ay Bakı Baş Tikinti İdarəsinin nəzdindəki Evtikmə Kombinatında işlədi. Əsgərlik yaşına çatanda hərbi xidmətə getdi. Stavropol diyarında xidmətini başa vurduqdan sonra yenidən işlədiyi kombinata qayıtdı. Evtikmə Kombinatından Tümenə 3 il müddətində işləməyə göndərilən 300 nəfərlik dəstənin tərkibinə Səyavuş da daxil edildi.
1990-cı il yanvarın 20-də əkiz qardaşların ad günü qeyd olunurdu. Elə bu vaxt məlum olan acı xəbər bütün azərbaycanlıları sarsıtdı. Qəflətən Bakı şəhərinə ordu yeridilmiş, yüzlərlə günahsız insan qətlə yetirilmişdi. Həmin gecəni sübhəcən oyaq qalan eloğlular ertəsi gün Vətənin harayına çatmaq üçün geriyə – Bakıya dönməyi qərara aldılar.

Azərbaycan xalqının ümummilli lideri Heydər Əliyevin 90 illik yubileyi münasibətilə Naxçıvan şəhərindəki Heydər Əliyev Muzeyində keçilən açıq dərsdə Babək rayonunun Məmmədrzadizə və Qaraqala kənd tam orta məktəblərinin yuxarı sinif şagirdləri iştirak ediblər.
Açıq dərsdə Məmmədrzadizə kənd tam orta məktəbinin tarix müəllimi Zakir Orucov ulu öndərimizin milli-mənəvi dəyərlərimizə göstərdiyi diqqət və qayğıdan danışıb.
Zakir Orucov deyib ki, mədəniyyət tarixi sahəsində aparılmış tədqiqatlar və qazanılmış təcrübə sübut edir ki, insanların mənəviyyatı, əxlaqi normaları və baxışları ilə bağlı olan milli-mənəvi dəyərlərin yaradıcısı xalqdır. Xalqın mövcudluğunun əsas göstəricisi olan milli-mənəvi dəyərlər onun ən qiymətli sərvətidir. Hər bir xalq milli-mənəvi dəyərlər sisteminə malikdir. Bu milli-mənəvi dəyərlər bizim tariximiz, dilimiz, dinimiz, adət-ənənələrimiz, mentalitetimiz, mədəniyyətimiz, ədəbiyyat və incəsənətimizdir. Dünya xalqları arasında milli-mənəvi dəyərləri ilə tanınan Azərbaycan xalqı yaşatdığı və təbliğ etdiyi bəşəri ideyaları, adət-ənənələri, milli xüsusiyyətləri və özünəməxsusluğu ilə seçilməkdədir. Uzun illər aparılan tədqiqatlar zamanı aydın olub ki, qədim köklərə malik Azərbaycan xalqı əsrlər boyu maddi və mənəvi xəzinəsini qoruyub saxlaya bilib.

Yeni Azərbaycan Partiyası Culfa Rayon Təşkilatı rayonun Yaycı kəndindəki Soyqırımı abidəsinin önündə 31 Mart – Azərbaycanlıların Soyqırımı Günü ilə əlaqədar tədbir keçirmişdir. Əvvəlcə soyqırımı qurbanlarının xatirəsi bir dəqiqəlik sükutla yad edilmiş, abidə ətrafında iməcilik keçirilmişdir.
Tədbiri giriş sözü ilə Yeni Azərbaycan Partiyası Culfa Rayon Təşkilatının sədri Qadir İbrahimov açaraq məruzə ilə çıxış etmişdir. Bildirmişdir ki, xalqımızın ümummilli lideri Heydər Əliyevin “Azərbaycanlıların soyqırımı haqqında” 26 mart 1998-ci il tarixli Fərmanı ilə 31 mart Azərbaycanlıların Soyqırımı Günü elan edilmişdir. Azərbaycanlıların kütləvi surətdə qətlə yetirilməsi, repressiyalara məruz qalması, doğma yurdlarından sürgün edilməsi və didərgin salınması XX əsr tariximizin ən faciəli və dəhşətli səhifələrindəndir.
1918-ci ilin mart ayından etibarən əks-inqilabçı ünsürlərlə mübarizə şüarı altında Bakı Kommunası tərəfindən ümumən Bakı quberniyasını azərbaycanlılardan təmizləmək məqsədi güdən mənfur plan həyata keçirilməyə başlandı. Həmin günlərdə ermənilərin törətdikləri cinayətlər Azərbaycan xalqının yaddaşına əbədi həkk olunmuşdur. Minlərlə dinc azərbaycanlı yalnız milli mənsubiyyətinə görə məhv edilmişdir.

Dünən Naxçıvan Dövlət Universiteti nəzdində fəaliyyət göstərən Heydər Əliyev Universitetinin 167-ci məşğələsi keçirilib. “Heydər Əliyev dövlətçilik məktəbinin sosial-siyasi və ideoloji əsasları” mövzusunda keçirilən məşğələni giriş sözü ilə universitetin rektoru, akademik İsa Həbibbəyli açaraq dünya şöhrətli siyasi xadim, xalqımızın ümummilli lideri Heydər Əliyevin Azərbaycanın milli müstəqilliyinin qorunmasında, dinamik inkişafında, dünyada Azərbaycan imicinin və diasporunun formalaşmasındakı misilsiz xidmətlərindən bəhs edib. Qeyd olunub ki, məhz ulu öndər Heydər Əliyevin uzaqgörən siyasəti sayəsində Azərbaycançılıq məfkurəsi müstəqil dövlətimizin ümummilli ideologiyasına çevrilmişdir. Bu gün bu müdrik siyasətin layiqincə davam etdirilməsi nəticəsində Azərbaycan güclü və qüdrətli dövlət kimi inkişaf etməkdədir. Rektor ümummilli liderin anadan olmasının 90 illiyi, 2013-cü ilin Naxçıvan Muxtar Respublikasında “Heydər Əliyev ili” elan olunması ilə bağlı qarşıda duran vəzifələrdən də danışıb.

Müasir dövrdə hər bir dövlətin, xalqın gələcəyi və inkişaf səviyyəsi onun malik olduğu elmi-mədəni potensialla ölçülür. İndiyə qədər bəşər tarixində əbədilik qazanmış dahi şəxsiyyətlərin elmə, elm xadimlərinə münasibəti, bu fəaliyyət sahəsinin inkişafına verdikləri töhfələr onların əbədiyaşarlığını təmin edən başlıca amillərdən birinə çevrilmişdir. Bu baxımdan müstəqil Azərbaycan dövlətinin memarı və qurucusu, xalqımızın ümummilli lideri Heydər Əliyevin Azərbaycan elminin inkişafındakı xidmətləri də misilsizdir. Elm sahəsində qazanılan nailiyyətləri dövlət quruculuğu prosesinin mühüm şərti kimi nəzərdən keçirmiş ulu öndərimiz Azərbaycana rəhbərliyinin bütün dövrlərində bu sahəyə diqqət və qayğısını əsirgəməmiş, elmimizin qüdrətli hamisi olmuşdur. Azərbaycan elminin inkişafı ulu öndərimizin adı ilə bağlıdır. Ötən əsrin 70-ci illərində Azərbaycan Elmlər Akademiyası onun böyük təşkilatçılıq istedadı nəticəsində dünyada şöhrət qazanmış, özünün kadr potensialını yaratmış, maddi-texniki bazasını möhkəmləndirmişdir. 

Ulu öndər Heydər ƏLİYEV: Novruz bizim ən qədim milli bayramımızdır. O, xalq bayramıdır. Xalqımız çoxəsrlik tarixində böyük sınaqlardan keçib. Tariximizin ağır, çətin dövrləri olubdur. İnsanlar ağır günlər, çətin illər yaşayıblar. Ancaq bunlara baxmayaraq, Novruz bayramını heç kəs heç vaxt unutmayıb. Əksinə, Novruz bayramı insanları, xalqımızı həmişə sevindirib, ən çətin anlarda, ən ağır günlərdə də onlarda xoş, nikbin əhval-ruhiyyə yaradıbdır. Ona görə də bu bayram hər bir azərbaycanlı üçün əziz bayramdır.

Novruz bayramının ölkəmizdə dövlət səviyyəsində qeyd olunması ümummilli liderimiz Heydər Əliyevin adı ilə bağlıdır. Sovet imperiyası dövründə üzərinə “dini bayram” damğası vurulub qeyd olunmasına sərt qadağa qoyulan bu əziz bayramın uzun illərin fasiləsindən sonra 1969-cu ildən respublikamızda təntənə ilə qeyd edilməsinə başlanılmışdır. Bu, o vaxt ölkəmizin rəhbəri seçilən ümummilli lider Heydər Əliyevin öz xalqına, onun qədim, zəngin tarixinə, cahanşümul mədəniyyətinə, milli adət-ənənələrinə tükənməz məhəbbətinin əyani təzahürü idi.
Novruzu milli ideologiyamızın ana sütunu kimi əbədiləşdirən, sevinc, həvəs və birləşmə “formulu” kimi səciyyələndirən ümummilli lider Heydər Əliyev çıxışlarının birində bu bayram barədə demişdir: “Bu bayram çox qədim tarixə malikdir və əcdadlarımızın bizə töhfəsi, onlardan qalmış mirasdır... Böyük mənəvi gücə malik olan Novruz bayramı ulu əcdadlarımızın bizə verdiyi ən gözəl yadigar olub, Azərbaycan xalqının milli ruhunu və yaddaşını, onun daxili aləmini bütün zənginliyi ilə yaşadır. Təbiətin oyanışının, varlığın yenidən canlanmasının müjdəsini verən Novruz bayramı ən qədim zamanlardan bəri həyat və məişətimizə daxil olmuş, insanlara aydın və işıqlı sabaha, xoşbəxt gələcəyə inam duyğusu bəxş etmişdir”.

Heydər Əliyev Muzeyində AMEA Naxçıvan Bölməsi tərəfindən “Heydər Əliyev – 90: elm siyasəti” mövzusunda konfrans keçirilmişdir. Konfransı giriş sözü ilə bölmənin sədri, akademik İsmayıl Hacıyev açaraq ulu öndərimizin Azərbaycan elminin inkişafındakı xidmətlərindən danışmışdır.
Bildirilmişdir ki, keçid dövrünü uğur vә nailiyyәtlәrlә başa vuraraq sürәtlә inkişaf etmәkdә olan Azәrbaycan dünyanın iqtisadi-siyasi proseslәrinә inteqrasiya olunduqca ümumbәşәri elmi-texniki tәrәqqinin sәviyyәsi ilә uzlaşmaq istiqamәtindә dә mühüm addımlar atır. Bәşәr tarixindә silinmәz izlәr qoymuş böyük şәxsiyyәtlәrin elm vә tәhsilә münasibәti, bu sahәlәrin inkişafına verdiklәri töhfәlәr onların әbәdiyaşarlığını tәmin edәn başlıca amillәrdәn biridir. Müstәqil Azәrbaycan dövlәtinin qurucusu Heydәr Әliyev dә hakimiyyәtinin bütün mәrhәlәlәrindә elm vә tәhsilin inkişafına xüsusi qayğı ilә yanaşaraq, ilk növbәdә, xalqın intellektual gәlәcәyini düşünmüşdür. Elmi-intellektual sahәdә qazanılan nailiyyәtlәri dövlәt quruculuğu prosesinin vacib şәrti vә etibarlı tәminatı hesab edәn ulu öndәr elm vә milli tәhsil sisteminin mütәrәqqi prinsiplәr әsasında inkişafı naminә bütün zәruri tәdbirlәri hәyata keçirmişdir. Diqqәtәlayiq haldır ki, yüksәk intellektә malik şәxsiyyәt olan Heydәr Әliyev öz fәaliyyәti vә siyasi tәcrübәsindә hәr zaman elmi fikrin әn yeni nailiyyәtlәrindәn faydalanmışdır. O, elm vә texnikanın, mәdәniyyәt vә maarifin, әdәbiyyat vә incәsәnәtin inkişafı mәsәlәlәrinin hәlli mәqamlarında yüksәk peşәkarlıq göstәrmiş, cәmiyyәtin, xalqın inkişafını elmdә, intellektdә görmüşdür. Ulu öndərimiz Heydәr Әliyev elmә, alimә hәmişә yüksәk qiymәt vermişdir. Bunun ilk sәbәbi özünün dә elmi tәfәkkür sahibi olması, öz fәaliyyәtini hәmişә elmi prinsiplәr üzәrindә qurması, intellektual potensiala arxalanmasıdır. Azәrbaycan elminә respublikamızda rәhbәrlikdә olduğu bütün dövrlәrdә göstәrdiyi qayğı vә dәstәk elә buradan qaynaqlanır.

Bəs bu ünvanlarda fəaliyyət göstərən təşkilatlar öz işlərini necə qurublar?

Son illərdə muxtar respublikanın ayrı-ayrı yaşayış məntəqələrində kənd mərkəzlərinin inşa olunması əhali tərəfindən razılıqla qarşılanmışdır. Bütün bunlar isə təsadüfi deyildir. Əvvəllər kəndlərdə fəaliyyət göstərən ayrı-ayrı qurumlar kəndin müxtəlif yerlərində, köhnə, uyğunlaşdırılmış binalarda yerləşirdi. Xüsusən də iri yaşayış məntəqələrində çətinliklər yaranırdı, əhali müəyyən yerli məsələlərin həlli üçün xeyli vaxt sərf edirdi. Amma indi bütün təşkilatların hamısı bir mərkəzdə yerləşdirilir, əhaliyə nümunəvi xidmət göstərmək üçün lazımi şərait yaradılır. Yaradılan şərait isə imkan verir ki, kənd sakinləri öz vaxtlarını problemlərinin həlli məqsədilə rayon mərkəzinə getmək əvəzinə təsərrüfatlarına, ailələrinə sərf etsinlər. Ancaq təəssüf ki, bəzi kənd mərkəzlərində fəaliyyət göstərən təşkilatlar yaradılmış şəraitə əməli işlə cavab vermir, onlar öz vəzifə borclarına vicdanla yanaşmırlar. Bəzi kənd mərkəzlərində çalışanların çoxunun yerində olmamaları dediklərimizi sübuta yetirir. Yerində olan bəzi təşkilatlar isə, sadəcə, formal tədbirlər planı hazırlayaraq işlərini bitmiş hesab edirlər.

Son illərə qədər həyatı və siyasi fəaliyyəti haqqında məlumatların çox məhdud və ziddiyyətli şəkildə yer aldığı tariximizdə Behbud ağa Şahtaxtinskinin həqiqi yeri 2011-ci il fevral ayının 21-də Naxçıvan Muxtar Respublikası Ali Məclisinin Sədri cənab Vasif Talıbovun imzaladığı Sərəncamdan sonra müəyyənləşdi. Və yaxud fəaliyyəti və tarixi taleyimizdə oynadığı rolu ilə özünün özünə müəyyənləşdirdiyi yer bizə də məlum oldu.

Onun haqqında yazılan yazıları, elmi məqalələri və kitabları oxuduqca bir neçə məqam diqqətimi çəkdi. Bu məqamlardan ən birincisi isə 1881-ci ildə Şərur rayonunun (indiki Kəngərli) Şahtaxtı kəndində bəy-ağa ailəsində anadan olmuş Behbud Şahtaxtinskinin əhalinin aşağı təbəqələri, xüsusilə fəhlə və kəndlilər arasında yüksək nüfuzunun olmasıdır. Tarix üzrə fəlsəfə doktoru Musa Quliyevin yazdığına görə, 1859-cu ildə çar hökumətinin apardığı kameral siyahıya əsasən, Şahtaxtinskilər haqqında komissiyanın belə bir qərarı vardır: “1859-cu ildə aparılan siyahıyaalmaya görə, onlar bəy kimi qeyd olunmuşlar. Komissiyanın üzvləri hamısı bir səslə hələ onların ulu babalarının da zadəgan olduğunu təsdiqləmişlər. Şahtaxtinskilərin Qazaxlar tayfasına mənsubluğunu və ulu babalarının Ağacir ağanın varisləri olduqlarını qeyd etmişlər. Bu nəsildən indiyədək heç kim bəylik hüququndan məhrum edilməmişdir”. Bəlkə də, ona irsən olaraq damarlarında axan qanla keçən vətənpərvərlik, öz xalqının hər bir nümayəndəsinə qarşı olan böyük sevgisi imkan vermişdi ki, Behbud ağa siniflər arasında antaqonizmin təbliğinin aradan qaldırılması adı altında yuxarı siniflərin məhv edildiyi cəmiyyətdə yüksək nüfuzunu qoruyub saxlasın.

Azərbaycan xalqının ümummilli lideri, görkəmli dövlət xadimi Heydər Əliyevin zəngin nəzəri irsində və möhtəşəm fəaliyyətində təhsil məsələləri xüsusi yer tutur. Ulu öndərimiz ölkənin və xalqın taleyində, hərtərəfli tərəqqisində, uğurlar qazanmasında təhsilin xüsusi rolunu, əhəmiyyətini həmişə nəzərə almış, yüksək dəyərləndirmişdir. Dahi rəhbər deyirdi: “Hər bir dövlət əgər istəyirsə ki, öz ölkəsinin inkişafını təmin etsin, öz millətinin elmini, mədəniyyətini dünya standartlarına çatdırsın, o mütləq, hər şeydən çox, təhsilə fikir verməlidir, təhsilin inkişafına səy göstərməlidir, təhsil üçün bütün imkanları yaratmalıdır”. Ulu öndərimiz həm təhsilin məzmunu, mahiyyəti, məqsədləri, səmərəli təşkili, müəllim əməyinin şərəfi, şagirdlərin və tələbələrin vəzifələri barədə dəyərli fikirlər söyləmiş, həm də Azərbaycan təhsilinin hərtərəfli yüksəlişi qayğısına qalmış, illər bоyu bu sahədə böyük inkişafa rəvac verən sistemli tədbirlər həyata keçirmişdir.  

İstər Azərbaycana birinci, istərsə də ikinci rəhbərliyi dövründə ümummilli lider Heydər Əliyev daim təhsilə, tərbiyəyə strateji sahə kimi baxmış, Vətənin, xalqın tərəqqisində оnların rоluna yüksək qiymət vermişdir. “Təhsil sahəsi xalqımızın bu günü, millətimizin, dövlətimizin gələcəyi üçün ən vacib bir sahədir”, – deyən müdrik rəhbər Azərbaycan təhsilinin inkişafı naminə son dərəcə böyük işlər görmüşdür. Böyük dövlət xadimi təhsilə yalnız savad, bilik qazanmaq, elm öyrənmək imkanı kimi baxma­mış, bütövlükdə, hər bir insanın həyatını düzgün qurmasında, fəal vətəndaş mövqeyinin formalaşmasında, cəmiyyətdə gedən tərəqqi prosesində yaxından iştirak etməsində təhsilin mühüm rola malik olduğunu önə çəkərək demişdir: “Həyat böyük bir prosesdir. Bu prosesdə uğurla iştirak etmək üçün insan müasir tələblərə uyğun olan təhsilə malik olmalıdır”.

1962-ci il martın 15-də Amerika Birləşmiş Ştatlarında “İstehlakçıların hüquqlarının müdafiəsinə dair Bəyanat” qəbul edilmişdir. Hazırda bütün dünyada “İstehlakçıların hüquqlarının müdafiəsinə dair Bəyanat”ın qəbul olunduğu gün – martın 15-i Ümumdünya İstehlakçı Hüquqlarının Müdafiəsi Günü kimi qeyd olunur.

Azərbaycanda istehlakçı hüquqlarının müdafiəsi sahəsində dövlət siyasətinin əsası ümummilli liderimiz Heydər Əliyev tərəfindən qoyulmuşdur. Ulu öndərin təşəbbüsü ilə 1995-ci il sentyabrın 19-da “İstehlakçıların hüquqlarının müdafiəsi haqqında” Azərbaycan Respublikasının Qanunu qəbul edilmişdir. Qanunda Azərbaycan Respublikasının ərazisində istehlakçılar üçün bərabər şərait yaradılması, iş görülməsində və xidmət göstərilməsində istehlakçı və istehsalçı arasında münasibətlərin eyni cür tənzimlənməsi öz əksini tapmış, istehlakçı hüquqlarının müdafiəsinin hüquqi əsasları müəyyənləşdirilmiş, istehsalçı və istehlakçı münasibətləri dünya təcrübəsinə uyğunlaşdırılmışdır. “Antiinhisar fəaliyyəti haqqında”, “Yeyinti məhsulları haqqında”, “Haqsız rəqabət haqqında”, “Standartlaşdırma haqqında”, “Əmtəə nişanları və coğrafi göstəricilər haqqında” Azərbaycan Respublikası qanunlarının qəbul edilməsi də istehlakçıların hüquqlarının müdafiəsi baxımından mühüm əhəmiyyət daşıyır.

XX əsrin 90-cı illərinin əvvəllərində SSRİ-nin süqutu ilə beynəlxalq siyasi vəziyyət daha da mürəkkəbləşmiş və çoxcəhətli olmuşdur. Elə müstəqilliyimizin ötən 21 ilində keçid dövrünün mahiyyətini müəyyən edən sosial, iqtisadi və siyasi proseslər də bu gerçəklikdə öz əksini tapır. 70 illik bir dövr ərzində ikiqütblü dünyanın iki əsas güc mərkəzindən biri olmuş SSRİ-nin süqutu ilə beynəlxalq münasibətlər sistemi həm tərkibinə, həm də xarakterinə görə dəyişmişdir. İlk dövrlərdə siyasi nəzəriyyəçilər tərəfindən dünyada ABŞ-ın şəriksiz liderliyi və təkqütblü dünya nəzəriyyəsi irəli sürülsə də, tarixi gedişat göstərdi ki, dünya təkqütblü deyil, çoxqütblü sistemin formalaşmasına doğru gedir. Həm də bu beynəlxalq sistemin qütblərində yalnız dövlətlər deyil, bir sıra digər yeni subyektlər – hökumətlərarası beynəlxalq və qeyri-hökumət təşkilatları, hətta transmilli korporasiyalar da durur. Bir çox hallarda isə qütblərarası mübarizənin taleyinin müəyyənləşməsində müxtəlif iqtisadi və siyasi rıçaqları əlində cəmləşdirmiş bu tip yeni subyektlər mühüm rol oynayırlar.
Azərbaycanın müstəqillik dövrü xarici siyasət xəttinə nəzər saldığımız zaman 3 mərhələni müşahidə etmək mümkündür. Birinci mərhələ suverenliyini və müstəqilliyini elan etməsinə baxmayaraq, hələ də SSRİ-nin və onun varisi olan Rusiyanın təsirindən çıxa bilməyən Azərbaycanın yeni şəraitdə məhdud xarici əlaqələri ilə xarakterizə edilə bilər. 1992-1993-cü illərin ortalarına qədər olan dövrü əhatə edən ikinci mərhələ isə birmənalı şəkildə Qərbmeyilli siyasət yürütmək cəhdləri, regionun iri gücləri ilə münasibətlərin gözardı edilməsi şəraitində milli dövlətçiliyin ciddi təhlükələr girdabına sürüklənməsi ilə xarakterizə olunur. Bu dövrdə vüsət alan digər bir tendensiya – xarici siyasətin yalnız etnik və dini təəssübkeşlik üzərində qurulması da o dövrdəki Azərbaycan hökumətinin zamanın sınağından çıxa bilməməsinin əsas səbəblərindən biri olmuşdur. İlk iki dövrdə yürüdülən xarici siyasət xəttinin heç birinin mahiyyətcə özünü doğrultmaması bir tərəfdən dünyada və regionda yaranmış ağır və qarışıq geosiyasi durumla bağlı idisə, digər tərəfdən xarici siyasət xəttinin müəyyənləşdirilməsi ilə bağlı təcrübəsizlikdən, bir çox hallarda avantürizmdən irəli gəlirdi. Bu isə müstəqil Azərbaycan Respublikasının taleyini sual altında qoyurdu.

“Azərbaycan xalqının ümummilli lideri Heydər Əliyev tərəfindən müəyyənləşdirilən xarici siyasət xətti müstəqil dövlətimizin regionda və dünyada baş verən əsas iqtisadi, siyasi və mədəni proseslərdə layiqincə təmsil olunmasına, milli mənafelərin praqmatik şəkildə müdafiəsinə imkan yaratmışdır. Məhz bu siyasətin uğurla davam etdirilməsinin nəticəsidir ki, Azərbaycan BMT Təhlükəsizlik Şurasının qeyri-daimi üzvü seçilmişdir. Bu, Azərbaycanın dünyada artan nüfuzundan xəbər verir”. Bu fikirləri dünən AMEA Naxçıvan Bölməsində “Heydər Əliyev lekto­ri­ya­sı”nın “Heydər Əliyev və Azərbaycanın xarici siyasəti: uğurlar və perspektivlər” mövzusuna həsr olunmuş 53-cü məşğələsində bölmənin sədri, akademik İsmayıl Hacıyev səsləndirmişdir. Akademik vurğulamışdır ki, Azərbaycan Respublikası Prezidentinin “Azərbaycan xalqının ümummilli lideri Heydər Əliyevin 90 illik yubileyi haqqında” 2013-cü il 21 yanvar tarixli Sərəncamı və bu ilin muxtar respublikamızda “Heydər Əliyev ili” elan edilməsi ümummilli liderin çoxşaxəli fəaliyyətinin, siyasi və dövlətçilik irsinin fundamental şəkildə öyrənilməsi və tədqiqinə yeni-yeni imkanlar açır.

Müstəqillik illərində də Azərbaycanda kənd təsərrüfatının inkişafı ümummilli liderimiz Heydər Əliyevin adı ilə bağlıdır

SSRİ iqtisadiyyatında 1980-ci illərin ortalarından başlayan neqativ meyillər Azərbaycanın kənd təsərrüfatında da uzunmüddətli tənəzzülün əmələ gəlməsinə səbəb olmuşdu. Sovet hakimiyyətinin süqutu nəticəsində respublikada istehsal infrastrukturu dağıdılmış, torpaqların münbitliyinin qorunub saxlanılması, xəstəlik və zərərvericilərə qarşı mübarizə, baytarlıq, seleksiya və heyvandarlıqda cins tərkibin yaxşılaşdırılması tədbirlərinin həyata keçirilməsi dayandırılmış, yeyinti sənaye məhsulları istehsalı ağır vəziyyətə düşmüşdü.
Ölkəmiz müstəqillik əldə etdikdən sonra digər keçmiş ittifaq respublikalarında olduğu kimi, Azərbaycanın da iqtisadiyyatında böhran yaranmağa başlamışdı. O vaxtlar kənd təsərrüfatında əsas təsərrüfat formaları olan kolxoz və sovxozlar artıq lazımi səviyyədə fəaliyyət göstərə bilmir və iqtisadi böhran getdikcə dərinləşirdi. Bununla yanaşı, istehsal vasitələri, maşın və avadanlıqlar fiziki və mənəvi cəhətdən köhnəlir, maliyyə gərginliyi ilə əlaqədar olaraq yenisini almaq praktik cəhətdən mümkün olmurdu.

Xalqımızın ümummilli lideri Heydər Əliyevin bioqrafiyası haqqında xeyli kitablar yazılıb və gələcəkdə də yazılacaqdır. Araşdırıcıların söykəndikləri müxtəlif qaynaqlar onun çıxışları, müsahibələri, mədəniyyət və incəsənət xadimlərilə apardığı söhbətlərdir, desək, heç də səhv etmərik. Biz bu mənbələrə dahi şəxsiyyətə məxsus fotoşəkilləri də əlavə edə bilərik. Onunla bağlı hər bir fotoşəkil tariximizin bir səhifəsidir. Hətta bu fotoşəkillərin çoxu yüksək professional səviyyədə xalçalar üzərində də öz təsvirini tapmışdır.
Naxçıvan şəhərindəki Heydər Əliyev Muzeyində tarixi bir fotoşəkil muzeyə gələn hər bir ziyarətçinin xüsusi marağına səbəb olur.
Çəkilmə tarixi 1930-cu ilə təsadüf edən bu ailəvi fotoşəkildə Əlirza Əliyevlə həyat yoldaşı İzzət xanım və onların övladları (iki nəfərdən savayı) əks olunmuşdur. Mətbuatda və nəşr olunmuş bəzi kitablarda bu fotoşəkil haqqında yazılsa da, şəkildə ayaq üstdə dayanan iki gənc qız haqqında məlumatlara rast gəlinmir. Ona görə də bu tarixi fotoşəkillə bağlı bir daha araşdırmalar aparmağı məqsədəuyğun hesab etdik və axtarış nəticələrini oxucularımızla bölüşmək qərarına gəldik.

Yeni Azərbaycan Partiyası Şahbuz Rayon Təşkilatının yaradılmasının 20 illiyi ilə əlaqədar yığıncaq keçirilmişdir. Yığıncağı Yeni Azərbaycan Partiyası Şahbuz Rayon Təşkilatının sədri, Naxçıvan Muxtar Respublikası Ali Məclisinin deputatı Rizvan Məmmədov açaraq çıxış etmişdir. Qeyd olunmuşdur ki, bu təşkilat 1993-cü il mart ayının 13-də yaradılmışdır. Təsis konfransında ümummilli lideri­miz Heydər Əliyev iştirak etmiş, ölkədəki mövcud tarixi şəraitdən, ictimai-siyasi proseslərdən, yeni yaradılan rayon təşkilatının qarşısında duran vəzifələrdən danışmışdır.
Vurğulanmışdır ki, yarandığı gündən etibarən rayon təşkilatı qarşıya qoyulmuş vəzifələrin yerinə yetirilməsində fəallıq göstərmiş, rayonda fəal və aparıcı ictimai-siyasi qüvvəyə çevrilmişdir. Muxtar respublikamızın digər bölgələri kimi, inkişaf və tərəqqisinin yeni mərhələsinə qədəm qoymuş Şahbuz rayonunun da nail olduğu inkişafda Yeni Azərbaycan Partiyası üzvlərinin böyük rolu vardır. Onlar rayonda keçirilən bütün tədbirlərdə fəallıq göstərir, doğma yurd yerinin daha da çiçəklənməsi naminə var qüvvələrini əsirgəmirlər.
Bu gün Yeni Azərbaycan Partiyası Şahbuz Rayon Təşkilatının 54 ərazi ilk təşkilatı fəaliyyət göstərir. İlk təşkilatlar 3345 nəfər partiya üzvünü özündə birləşdirir. Onların 1489 nəfərini gənclər, 1229 nəfərini qadınlar təşkil edir. Partiya sıralarında qadın və gənc­lərin sayı getdikcə artır. Yeri gəlmişkən o da qeyd olunmalıdır ki, Yeni Azərbaycan Partiyasının yaradılmasından bir qədər sonra onun Gənclər Birliyinin əsasının qoyulması da təsadüfi deyildir. Bu gün Gənclər Birliyi rayonda böyük və fəal təşkilata çevrilmişdir.
Sonra Yeni Azərbaycan Partiyası fəallarından Nemət Cəmiyev, Sahib Hüseynov, Şəhla Nəbiyeva, Yeni Azərbaycan Partiyası Şahbuz Rayon Təşkilatının Heydər Əliyev adına Gənclər Birliyinin sədri Vüqar Muradov, Yeni Azərbaycan Partiyası Naxçıvan Muxtar Respublika Təşkilatının şura üzvü, rayon İcra Hakimiyyətinin başçısı Nurəddin Quliyev çıxış etmişlər.
Yığıncaqda partiya üzvlüyünə yeni qəbul olunmuş gənclərə vəsiqələr, fəal partiya üzvlərinə xatirə hədiyyələri təqdim olunmuşdur.

Xəbərlər şöbəsi

Naxçıvan Muxtar Respublikası Dövlət Baş Sığorta Agentliyi tərəfindən Ordubad rayonunun Sabirkənd yaşayış məntəqəsində tədbir keçirilib. Tədbirin keçirilməsində məqsəd sığortanın rayon əhalisi arasında təbliğ olunması, sığorta maarifçiliyinin inkişafı və sığortaya olan etimadın artırılması, sığorta növləri haqda iştirakçıların maarifləndirilməsi olub.
Tədbiri giriş sözü ilə Ordubad Rayon İcra Hakimiyyəti başçısının müavini Etibar İsmayılov açaraq sığorta maarifçiliyinin əhəmiyyətindən danışıb.
Naxçıvan Muxtar Respublikası Dövlət Baş Sığorta Agentliyinin əməkdaşı Sədi İsmayılov çıxışında sığortanın əhəmiyyəti, icbari və könüllü sığortaların mahiyyəti, daşınmaz əmlak­ın icbari sığortası, avtonəqliyyat vasitəsi sahiblərinin mülki məsuliyyətinin icbari sığortası, fərdi qəza sığortası, ev əmlakının sığortası və digər sığorta növləri barədə tədbir iştirakçılarına məlumat verib. Qeyd edilib ki, daşınmaz əmlakın icbari sığortası daşınmaz əmlakın yanğın və ya digər hadisələr nəticəsində zədə­lənməsi, məhv olması, yaxud hər hansı formada itkisi ilə bağlı dəyən zərərin əvəzinin ödənilməsi məqsədi ilə tətbiq edilir. Azərbaycan Respublikasının qanunvericiliyi ilə icazə verilməyən yerlərdə inşa edilmiş, sökülməsi barədə dövlət və yerli özünüidarəetmə orqanlarının qərar verdiyi, tikintisi başa çatmayan və qəzalı vəziyyətdə olan daşınmaz əmlak icbari sığortaya cəlb olunmur.
Ordubad Rayon Dövlət Sığorta Agentliyinin direktoru Rafiq İsmayılov çıxış edərək rayonda sığorta sahəsində görülən işlərdən, sığortanın iqtisadi və sosial əhəmiyyətindən danışıb.
Sonda tədbir iştirakçılarını maraqlandıran suallar cavablandırılıb.

Xəbərlər şöbəsi

Dünən Naxçıvan Şəhər İcra Hakimiyyətinin akt zalında Azərbaycan Respublikası Prezidentinin 2011-ci il 27 dekabr tarixli Sərəncamı ilə təsdiq edilən “Azərbaycan Respublikasında insan hüquq və azadlıqlarının müdafiəsinin səmərəli­liyini artırmaq sahəsində “Milli Fəaliyyət Proqramı”nın Naxçıvan Muxtar Respublikasında icra vəziyyəti ilə bağlı konfrans keçirilib.
Konfransı giriş sözü ilə Naxçıvan Muxtar Respublikasının İnsan Hüquqları üzrə Müvəkkili (Ombudsman) Ülkər Bayramova açaraq məruzə edib. Məruzəçi bildirib ki, proqramın əhatə etdiyi vəzifələrin həcminə, həmçinin müəyyən edilən tədbirlərin əhatə dairəsinə görə onun icrasına daha çox dövlət qurumu cəlb edilib. Belə ki, bu sənədin icrasına 43 dövlət qurumu, o cümlədən yerli icra hakimiyyətləri cəlb olunub. Qeyd etmək lazımdır ki, ötən il ərzində proqramda nəzərdə tutulmuş tədbirlərin təsisatımız tərəfindən həyata keçirilməsi istiqamətində bir sıra işlər görülüb. 2012-ci il ərzində insan hüquqlarının müdafiəsi, hüquqi maarifləndirmə sahəsində uşaq, əlil, qadın, hərbi qulluqçular və məhkumlara ünvanlanan insan hüquqlarının müxtəlif istiqamətlərini əks etdirən müvafiq tədbirlər keçirilib, maarifləndirici vəsaitlər hazır­lanıb. İnsan hüquqları sahəsində əlamətdar günlər muxtar respublikanın aidiyyəti qurumlarının iştirakı ilə qeyd edilib. Müvəkkilin beynəlxalq təcrübə mübadiləsi sahəsindəki əlaqələri davamlı inkişaf etdirilib, ötən il beynəlxalq təşkilatların Bakı ofisi, o cümlədən xarici ölkələrin səfirliklərinin nümayəndələri ilə bir sıra görüşlər keçirilib. İnformasiya əldə etmək hüququnun daha səmərəli təmin edilməsi məqsədilə muxtar respublikada informasiya sahibi olan dövlət qurumları müəyyənləşdirilib, onların mətbuat xidmətlərinə dair məlumatları toplanılıb, müvəkkil aparatında yaradılan ümumi məlumat bankına daxil edilib. Ötən il “Milli Fəaliyyət Proqramı”nın muxtar respublikada təbliği və icra mexanizmləri” mövzusunda konfrans keçirilib. Konfransda pro­qramın ictimaiyyətə təqdim edilməsi, pro­qramdan irəli gələn vəzifələrin aid qurumlar tərəfindən öyrənilməsi və səlahiyyətləri çərçivəsində icrası, o cümlədən bu sahədə əməkdaşlıq istiqamətləri müzakirə edilib.