Con Toşak (“Xəzər Lənkəran” futbol komandasının baş məşqçisi)

“Naxçıvanda yerləşdiyimiz otel, oranın personalı bizə qarşı çox qonaqpərvər davrandılar. Təhlükəsizliyimiz üçün lazım olan bütün diqqət alqışalayiq idi və elə polislər də nümunəvi davranışları ilə yadda qaldılar”. Bu sözləri “Xəzər Lənkəran”ın baş məşqçisi Con Toşak deyib.
Uelsli mütəxəssis klubun rəsmi saytına açıqlamasında bir daha Azərbaycan Superkubokunun “Neftçi” ilə qarşılaşmasından (2:1) danışıb: “Çox təmiz havası olan Naxçıvanda hər tərəflə əhatə olunmuş dağlar da şəhər mərkəzinə əlavə gözəllik verirdi. Xüsusən bir rəngdə olan taksilər və sürücülərin uniformada olması diqqətimi çəkdi. Maraqlanıb biləndə ki, taksilər yerli istehsaldı, yadıma “FİAT”ın İtaliyada yayılması düşdü. Bundan əlavə, küçələrdə şütüyən avtomobillər çox təmiz idi. Məncə, Avropada Naxçıvan haqqında geniş məlumatlar yoxdur. Hamı Bakı, Bakı deyir, amma belə bir gözəl məkan da varmış. Ən çox da bizi matç ərzində dəstəkləyən naxçıvanlı azarkeşlərə minnətdaram. Görünür, “Xəzər Lənkəran”ın hər yerdə sadiq azarkeşləri var. Bir sözlə, Naxçıvan məndə inanılmaz xoş təəssürat oyatdı”.

Naxçıvan şəhərindəki Biznes Mərkəzində “Miqrasiya problemlərinin həlli: miqrasiya idarəçiliyinə dair təcrübələrin bölüşdürülməsi” mövzusunda keçirilən beynəlxalq konfransın ikinci günündə “Sərhəd və immiqrasiya idarəçiliyi” mövzusunu əhatə edən məruzələr dinlənilib.

“Qabaqcıl sərhəd idarəçiliyi: təcrübələr və məqsədlər” mövzusunda məruzə edən Ukrayna Dövlət Sərhəd Xidmətinin Risk Qiymətləndirilməsi İdarəsi rəhbərinin müavini, polkovnik Oleq Zalyubivski təmsil etdiyi qurumda həyata keçirilən islahatlardan, yeni layihələrdən bəhs edib, Ukrayna Respublikasında sərhəd xidmətinin təşkili və miqrasiya proseslərinin tənzimlənməsi sahəsində görülən işlərdən, yeni texnologiyalardan istifadə səviyyəsindən, infrastruktur quruculuğundan və təcrübə mübadiləsinin vacibliyindən söz açıb.

2013-cü ilin Naxçıvan Muxtar Respublikasında “Heydər Əliyev ili” elan edilməsi ilə əlaqədar Naxçıvan Muxtar Respublikası Gənclər və İdman Nazirliyi və Yeni Azərbaycan Partiyası Naxçıvan Muxtar Respublikası Təşkilatının Heydər Əliyev adına Gənclər Birliyi tərəfindən Heydər Əliyev Gənclər Məktəbi üzvlərinin Heydər Əliyev Muzeyinə ekskursiyası təşkil edilmişdir. Muzeyin direktoru Ramil Orucəliyev muzeyin yaradılması barədə məktəblilərə məlumat vermişdir. Bildirmişdir ki, görkəmli ictimai-siyasi xadim, dünya şöhrətli siyasətçi, Azərbaycan xalqının ulu öndəri olaraq hələ sağlığında canlı əfsanəyə çevrilmiş ümummilli liderimizin adını daşıyan bu muzey Naxçıvan Muxtar Respublikası Ali Məclisinin Sədri cənab Vasif Talıbovun 18 fevral 1999-cu il tarixdə imzaladığı Sərəncamla Naxçıvan şəhərində yaradılmışdır.

Ailəmiz Zərdabda, yaxınlarımın əksəriyyəti isə Bakıda yaşadığından son illər doğulub boya-başa çatdığım Naxçıvana yolum düşməmişdi. Doğrudur, televiziya və qəzetlərdən Naxçıvan haqqında həmişə ürək­açan məlumatlar alsam da, bu yaxınlarda doğma yurdumuza gedib, yüz eşitməkdənsə, bir dəfə görmək yaxşıdır, məqsədilə mətləbimə yetişdim. Təyyarədən enib qonaqlarımla birlikdə hava limanının qarşısında maşına əyləşib şəhərə doğru rahat, səliqəli, yüksək standartlara uyğun, yaşıllıqlar, gül-çiçəklər, bəzək ağacları və kolları ilə haşiyələnmiş asfalt yolla irəlilədik. Elimizin adəti üzrə valideynlərimizin, vaxtlı-vaxtsız dünyasını dəyişmiş yaxınlarımızın, Vətənin azadlığı uğrunda canlarını fəda edən şəhidlərimizin müqəddəs məzarlarını ziyarət edib ruhlarına dualar oxuduq, ehtiramla yad etdik.

Xəbər verdiyimiz kimi, Naxçıvan şəhərindəki Biznes Mərkəzində Beynəlxalq Miqrasiya Təşkilatının təşəbbüsü ilə keçirilən beynəlxalq konfransda Azərbaycan Respublikası, Naxçıvan Muxtar Respublikası Dövlət Miqrasiya xidmətlərinin əməkdaşları ilə yanaşı, 8 dövlətin aidiyyəti qurumlarının nümayəndələri də iştirak ediblər. Beynəlxalq konfransda iştirak edən qonaqlar Naxçıvanın müxtəlif tarixi məkanları, gəzməli-görməli yerləri ilə də tanış olublar. Belə gəzintilərdən biri zamanı müxtəlif ölkələrdən gəlmiş xarici qonaqlardan bəziləri ilə görüşüb onların Naxçıvanla bağlı təəssüratlarını öyrəndik.
Serhan AKTOPRAK (Beynəlxalq Miqrasiya Təşkilatının Azərbaycandakı Nümayəndəliyinin rəhbər əvəzi – Türkiyə):
– İlk dəfə Naxçıvana 2009-cu ildə gəlmişəm. O dövrdən indiyə qədər Naxçıvanda möhtəşəm dəyişikliklər görürəm. Naxçıvan Azərbaycanın ən sürətlə inkişaf edən regionudur. Sonuncu dəfə bura, təqribən, 13 gün əvvəl gəlmişdim. İnanın ki, 13 gündən sonra belə, burada dəyişikliklər var. Naxçıvanın təmizliyi, səliqəliliyi payız fəslində belə, diqqət çəkir. Amma bəzi dəyişməyən məsələlər də var. Məsələn, Naxçıvan bütün tarix boyunca olduğu kimi, bu gün də bütün türk dünyasının göz bəbəyidir. Naxçıvanın geostrateji mövqeyi həmişə olduğu kimi, bu gün də əhəmiyyətini saxlamaqdadır. Naxçıvan İslam mədəniyyətinin mərkəzlərindən biri olmaqla yanaşı, həm də müxtəlif mədəniyyətlərə hörmətlə, sayğı ilə yanaşmağı bacaran insanları ilə seçilir.

Hər bir xalqın milli azadlığa və dövlət müstəqilliyinə qovuşması üçün vacib olan mühüm şərtlərdən biri milli iradəyə və tükənməz Vətən sevgisinə malik siyasi liderin olmasıdır. Milli tariximizə öz adını əbədi həkk etmiş ümummilli liderimiz Heydər Əliyev belə şəxsiyyətlərdəndir. Ulu öndərimiz xalqımızın daim arzusunda olduğu azadlıq, müstəqillik və milli dövlətçilik kimi ali idealların gerçəkləşməsinə nail olmuş, bununla da, əbədiyaşarlıq hüququ qazanmışdır. Ümummilli lider Heydər Əliyevin zəngin irsi müstəqil Azərbaycan dövlətinin inkişafı və tərəqqisi yolunun etibarlı bələdçisi olmaqla, indiki və gələcək nəsillər üçün böyük qürur və iftixar mənbəyidir. 

Ötən əsrin 90-cı illərinin əvvəllərində dövlət müstəqilliyini bərpa edən Azərbaycanın mövcud inkişaf yolunun müəyyənləşdirilməsində lider amili həlledici rol oynamışdır. Ölkəni üzləşdiyi xaosdan, anarxiyadan, yenicə əldə olunan müstəqilliyini itirmək təhlükəsindən xilas edən, onun dinamik inkişaf strategiyasının müəllifi olan ulu öndər Heydər Əliyev respublikanı uğurlu intibah yoluna çıxarmışdır. 

“Azərbaycan hazırda dünya miqyasında sürətlə inkişaf edən ölkələrdən biridir. Ölkə həyatının bütün sahələrində əldə edilən yüksək göstəricilər milli inkişaf modelinin uğurlu tətbiqinin nəticəsidir. Sosial-siyasi islahatların ardıcıl həyata keçirilməsi, qanunvericilik bazasının təkmilləşdirilməsi, vətəndaş cəmiyyətinin formalaşdırılması və digər bu kimi strateji əhəmiyyətli tədbirlər Azərbaycanın dinamik inkişafını təmin edən fundamental faktorlardır. Bütün bu nailiyyətlər əsası 1969-cu ildə qoyulmuş inkişafın Heydər Əliyev modelinin, Heydər Əliyev quruculuq xəttinin bəhrələridir”. Bu fikirləri Naxçıvan Dövlət Universitetinin nəzdində fəaliyyət göstərən Heydər Əliyev Universitetinin   “Heydər Əliyev ideyaları və müasir Azərbaycan” mövzusunda keçirilən 174-cü məşğələsinin açılış nitqində universitetin rektoru, professor Saleh Məhərrəmov səsləndirib.

Xəbər verdiyimiz kimi, hərb tariximizin məşhur simalarından biri – Kəngərli generalı Hüseyn xan Naxçıvanskinin anadan olmasının 150-ci ildönümü münasibətilə muxtar respublikamızın müxtəlif hərbi hissələrində yubiley tədbirləri keçirilir. Belə tədbirlərdən biri dünən Kəngərli rayonunun Mədəniyyət Evində keçirilib.
Tədbiri Naxçıvan Qarnizonunun zabiti, polkovnik-leytenant Mirqiyas Rüstəmov açaraq tədbirin mahiyyəti haqqında məlumat verib.
Naxçıvan Müəllimlər İnstitutunun rektoru, professor Oruc Həsənli çıxış edərək Kəngərlilər nəslinin tanınmış nümayəndələri haqqında danışıb, Hüseyn xan Naxçıvanski kimi məşhur generalların irsinin gənc nəslin vətənpərvərlik tərbiyəsində rolundan bəhs edib. Qeyd olunub ki, Hüseyn xan Naxçıvanskinin həyatı, keçdiyi qısa, lakin şərəfli ömür yolu bu torpağı bir daha qəhrəmanlar yurdu kimi tanıdır. O, şücaətinə görə müxtəlif orden və medallarla təltif edilib, hərbçi kimi yüksək nüfuzu isə onu təkcə çar Rusiyasında deyil, digər dövlətlərdə də tanıdıb.

Bu mövzuda Naxçıvanda beynəlxalq konfrans keçirilir

Dünən Naxçıvan şəhərindəki Biznes Mərkəzində bu mövzuda beynəlxalq konfrans öz işinə başlayıb. Beynəlxalq Miqrasiya Təşkilatının təşəbbüsü ilə keçirilən konfransda Azərbaycan Respublikası, Naxçıvan Muxtar Respublikası Dövlət Miqrasiya xidmətlərinin əməkdaşları və 8 dövlətin aidiyyəti qurumlarının nümayəndələri iştirak edirlər. Konfransın keçirilməsində məqsəd miqrasiya idarəçiliyində qazanılmış təcrübələrin bölüşdürülməsidir. Konfransdan əvvəl qonaqlar və tədbir iştirakçıları Naxçıvan şəhərindəki Heydər Əliyev Muzeyinin qarşısında ucaldılmış ümummilli liderin abidəsi önünə gül dəstələri qoyaraq ulu öndərimizin xatirəsini yad edib, sonra muzeylə tanış olublar.

Biznes Mərkəzində davam etdirilən tədbirin açılış mərasimində Naxçıvan Muxtar Respublikası Dövlət Miqrasiya Xidmətinin rəisi, baş miqrasiya xidməti müşaviri Fazil Ələkbərov çıxış edərək bildirib ki, ulu öndər Heydər Əliyev ölkəmiz yenicə müstəqillik əldə etdiyi dövrdə öz müdrikliyi və uzaqgörənliyi ilə miqrasiya prosesinin mahiyyətini açıqlayaraq deyib: “Miqrasiya təbii prosesdir, onun qarşısını almaq olmaz, almaq da lazım deyil və ümumən pozitiv xarakter daşıyır. Dünyada miqrasiya prosesi bütün ölkələrə, xalqlara aiddir”.

Oktyabrın 22-də Naxçıvan Qarnizonunun Zabitlər Evində hərb tariximizin görkəmli nümayəndəsi, Kəngərlilər nəslinin məşhur generallarından olan Hüseyn xan Naxçıvanskinin anadan olmasının 150-ci ildönümü münasibətilə yubiley tədbiri keçirilmişdir.
Tədbiri Naxçıvan Qarnizonunun zabiti, polkovnik-leytenant Mirqiyas Rüstəmov açaraq hərb tariximizdə Kəngərlilər nəslinin hərbçi nümayəndələri haqqında məlumat vermiş, onların keçdikləri döyüş yolunun bugünkü gənc nəsil üçün örnək olduğunu vurğulamışdır.

Naxçıvan şəhərindəki Heydər Əliyev Muzeyində növbəti açıq dərs keçilmişdir. Açıq dərsin budəfəki iştirakçıları Heydər Əliyev adına tam orta məktəbin VII-IX sinif şagirdləri olmuşlar.
Açıq dərsdə məktəbin tarix müəllimi Feyruz Novruzov çıxış edərək bildirmişdir ki, tarixdə silinməz iz buraxmış böyük siyasət xadimləri, ilk növbədə, təmsil etdikləri xalqın və dövlətin idarə olunmasına, gələcək taleyinə hesablanmış elmi-nəzəri baxışları, milli-bəşəri idealları ilə tanınırlar. Azərbaycan xalqı qarşısında əvəzsiz xidmətləri olan, əvəzolunmaz idarəçilik keyfiyyətləri, uzaqgörənliyi və müdrikliyi ilə müstəqil dövlət ideyasını əzmlə gerçəkləşdirən ümummilli liderimiz Heydər Əliyev də məhz belə şəxsiyyət idi. O, Vətən, dövlət və xalq qarşısında əzəmətli xidmətləri ilə Azərbaycan tarixində əbədiyaşarlıq hüququ qazanmış, onun ölməz ideyaları milli inkişafın istiqamətverici qüvvəsinə çevrilmişdir.

Ulu öndər Heydər Əliyev Azərbaycan xalqının və dövlətinin milli mənafeyini hər şeydən uca tutan, onu ümumi məqsədlər naminə səfərbər etməyi bacaran, cəmiyyətdə qanunçuluğu, hüquq qaydalarını təmin edən dahi rəhbər idi. 1969-cu ildə dahi şəxsiyyət Heydər Əliyevin respublikamızda rəhbərliyə gəlməsi sovet rejiminin sərt qanunlarına baxmayaraq, Azərbaycanda böyük iqtisadi, elmi və ədəbi-mədəni inkişafa, müstəqil düşüncəyə yol açmışdır. Qısa zaman kəsiyində Azərbaycan iqtisadi potensiala malik olan respublikaya çevrilmişdir.  Müstəqil Azərbaycanın sosial-iqtisadi bünövrəsi məhz  ulu öndər Heydər Əliyevin sayəsində ötən əsrin 70-80-ci illərində qoyulmuş və ölkəmizin gələcəyi üçün möhkəm təməl yaradılmışdır.

Taleyin hökmü ilə iki dəfə xilaskarlıq missiyasını üzərinə götürərək hakimiyyətə gələn ümummilli lider  Heydər Əliyev Azərbaycanın müqəddəratının həll olunduğu təhlükəli və mürəkkəb məqamlarda xalqın köməyinə çatmış, ona dayaq olmuş, Azərbaycanı zamanın ağır  məngənəsindən  xilas etmişdir.  Azərbaycanda dövlətçilik ənənələrinin bərpa edilib zənginləşdirilməsi, müstəqilliyin möhkəmləndirilməsi, onun əbədi, dönməz xarakter alması, ölkəmizin dinamik iqtisadi inkişaf yolu ilə inamla irəliləməsi, beynəlxalq nüfuzunun sürətlə artması məhz ulu öndər  Heydər Əliyevin  titanik fəaliyyəti sayəsində mümkün olmuşdur.

və yaxud seçkiyə sözardı…

Sözönü
Azərbaycan siyasi tarixinin daha bir mühüm hadisəsini geridə qoydu. Ölkəmizdə növbəti prezident seçkiləri keçirildi. Seçkidən öncə yazdığımız yazıların birində qeyd etmişdik: “Alternativ əsaslarla keçirilən bu prezident seçkiləri öncəsi də nəinki ölkə, o cümlədən dünya mətbuatının xüsusi vurğuladığı bir məqam var: siyasi rəqiblərindən fərqli olaraq, cənab İlham Əliyev seçkidə iştirakı ilə bağlı hər hansı populist və təbliğat xarakterli bir fikir səsləndirmir”. Prezident təbliğat kampaniyası boyunca da öz təbliğatına yönəldilmiş hər hansı bir fikir səsləndirmədi. O, sadəcə, Prezident kimi öz işi ilə məşğul oldu.
Müxalifət…
Müxalifət isə bütün vasitələrdən istifadə edərək xalqı inandırmağa çalışdı. Məhz BÜTÜN VASİTƏLƏRDƏN… Buraya qanuni vasitələrlə mübarizə üsullarından tutmuş insan və vətəndaş hüquqlarının kobud şəkildə pozulmasına, konfidensial (şəxsi həyata aid) informasiyaların açıqlanmasına qədər hər şey aid idi. Hər halda “yıxılana balta vuran” prinsipindən uzağıq və indiki məqamda bu qeyri-qanuni vasitələrdən istifadə edənlərin də bu və ya digər şəkildə müzakirə obyektinə çevrilməsinin tərəfdarı deyilik. Çünki hazırkı və növbəti 5 il üçün seçdiyimiz dövlət başçısının buna ehtiyacı yoxdur…

“XX əsrin əvvəllərində yaradılmış Azərbaycan Xalq Cümhuriyyətinin dünya birliyi tərəfindən de-fakto tanınmasında görkəmli dövlət xadimi Əlimərdan bəy Topçubaşovun xüsusi xidmətləri olmuşdur. Əlimərdan bəy Topçubaşovun tarixi, siyasi və diplomatik fəaliyyətinə ilk qiyməti məhz Azərbaycan xalqının ümummilli lideri Heydər Əliyev vermişdir. Bu il fevral ayının 23-də Azərbaycan Respublikasının Prezidenti cənab İlham Əliyevin imzaladığı “Əlimərdan bəy Topçubaşovun 150 illik yubileyinin keçirilməsi haqqında” Sərəncam da milli dövlətçilik tariximizə verilən qiymətin təzahürü və bu istiqamətdə ümummilli lider Heydər Əliyev siyasətinin davamıdır”. Əlimərdan bəy Topçubaşovun 150 illik yubileyinə həsr olunmuş elmi konfransı giriş sözü ilə açan AMEA Naxçıvan Bölməsinin sədri, akademik İsmayıl Hacıyev belə deyib. Akademik qeyd edib ki, Azərbaycanın görkəmli siyasi xadimi, diplomat, hüquqşünas, çar Rusiyasında Birinci Dövlət Dumasının üzvü, Bakıda Müsəlman Milli Şurasının Müvəqqəti İcraiyyə Komitəsinin üzvü, Azərbaycan Xalq Cümhuriyyətinin xarici işlər naziri, parlament sədri olmuş Əlimərdan bəy Topçubaşov bütün həyatı boyunca Azərbaycan xalqına ləyaqətlə xidmət etmişdir. Ə.Topçubaşovun diplomatik bacarığı sayəsində bir çox dünya ölkə­lərinin rəhbər işçilərilə apardığı danışıqlar öz bəhrəsini vermişdir. Nəticədə isə 1920-ci il yanvarın 11-də keçirilən Paris Konfransının Ali Şurası Azərbaycanın istiqlaliyyətini tanımışdır.

Ulu öndər Heydər ƏLİYEV: Biz bütün bu çətinliklərdən keçdik, bütün bu maneələrin qarşısını aldıq, Azərbaycanın bütün düşmənlərinə layiqli cavablar verdik, ölkəmizin dövlət müstəqilliyini qoruduq, Azərbaycanı parçalanmaq təhlükəsindən xilas etdik və Azərbaycanın dövlət müstəqilliyini yaşadırıq və bundan sonra da yaşadacağıq.
Xalqların azadlığını, ölkələrin müstəqilliyini qiymətləndirmək üçün çoxsaylı müdrik ifadələr səsləndirilib, min illər yaşayacaq kəlamlar ərsəyə gəlib. Müxtəlif dövrlərdə, müxtəlif ölkələrdə və müxtəlif aqillər tərəfindən söylənilən həmin aforizmlərin hamısı dəyərlidir. Ancaq ötən əsrin görkəmli şəxsiyyətlərindən olan hind dövlət və ictimai xadimi Mahatma Qandinin bir ifadəsi bizim bugünkü mövzumuzla daha çox üst-üstə düşür. O söyləyib ki, “qartalın dağdakı ən uca yüksəklikləri belə, fəth etməsinin əsas səbəbi təkcə onun güclü qanadları və ya qətiyyəti, iradəsi deyil. O eyni zamanda azad olduğuna görə zirvələri fəth edə bilir. Əks təqdirdə qəfəsdəki qartal da digər quşlar kimi “uğursuz” olur”. Azərbaycan xalqının bir əsrdə iki dəfə öz dövlət müstəqilliyinə qovuşmasıyla yaşadığı xoşbəxtliyin miqyasını düşünəndə böyük hind mütəfəkkirinin yuxarıda qeyd etdiyimiz fikrinin məna yükü barədə əsl təəssürat yaranır.

Dünən Naxçıvan Dövlət Universitetində 18 Ok­tyabr – Dövlət Müstəqilliyi Gününə həsr olunmuş konfrans keçirilmişdir.
Ali təhsil ocağının rektoru, professor Saleh Məhərrəmov konfransı giriş sözü ilə açaraq Azərbaycan xalqının milli müstəqillik uğrunda çoxəsrlik mübarizəsindən bəhs etmişdir. Bildirilmişdir ki, 1991-ci il oktyabrın 18-də Azərbaycan Respublikası Ali Sovetinin sessiyasında mühüm tarixi sənəd – Dövlət Müstəqilliyi haqqında Konstitusiya Aktı qəbul edilməklə Azərbaycanın dövlət müstəqilliyi uzun illərdən sonra yenidən bərpa olunmuşdur. 1993-cü ildə ölkədə siyasi çəkişmələrin, vətəndaş qarşıdurmasının, iğtişaşların gücləndiyi bir dövrdə yenidən siyasi hakimiyyətə qayıdan ümummilli lider Heydər Əliyev siyasi sabitlik və həmrəyliyi bərqərar etməklə Azərbaycanı dövlət müstəqilliyini itirmək təhlükəsindən xilas etmişdir. Rektor demişdir ki, Azərbaycan xalqı cənab İlham Əliyevi yenidən Prezident seçməklə bir daha Heydər Əliyev ideyalarına sədaqət və milli birlik nümayiş etdirmiş, müstəqil Azərbaycanın firavan gələcəyinə səs vermişdir.

Dünən Naxçıvan Muxtar Respublikası Səfərbərlik və Hərbi Xidmətə Çağırış üzrə Dövlət Xidmətinin Ordubad Rayon Şöbəsində gənclərin müddətli həqiqi hərbi xidmətə yola salınması mərasimi keçirilib. Mərasimi giriş sözü ilə şöbənin rəisi vəzifəsini icra edən kapitan Vüqar Rəhimli açıb.
Azərbaycan Respublikasının Dövlət himni səsləndirilib.
Mərasimdə Ordubad Rayon Müharibə, Əmək, Silahlı Qüvvələr və Hüquq-Mühafizə Orqanları Veteranları Şurasının sədri Fərrux Nağızadə, Ordubad Rayon İcra Hakimiyyətinin Hüquq şöbəsinin müdiri Emin Mehbalıyev, Gənclər və İdman İdarəsinin rəis əvəzi Ramil Həsənquliyev və başqaları çıxış edərək bu əlamətdar hadisə münasibətilə çağırışçıları, onların valideynlərini təbrik ediblər. 

Azərbaycan hazırda dünya miqyasında sürətlə inkişaf edən ölkələrdən biridir. Ölkə həyatının bütün sahələrində əldə edilən yüksək göstəricilər milli inkişaf modelinin uğurlu tətbiqinin nəticəsidir. Sosial-siyasi islahatların ardıcıl həyata keçirilməsi, qanunvericilik bazasının təkmilləşdirilməsi, vətəndaş cəmiyyətinin formalaşdırılması və digər bu kimi strateji tədbirlər Azərbaycanın dinamik inkişafını təmin edən fundamental faktorlardır. Bütün bu nailiyyətlər əsası 1969-cu ildə qoyulmuş inkişafın Heydər Əliyev modelinin, Heydər Əliyev quruculuq xəttinin bəhrələridir. Ümummilli liderimiz müstəqil Azərbaycanın qurucusu, xalqımızın xilaskarı, bugünkü uğurların müəllifi olmaqla bərabər, banisi olduğu dövlətçilik irsinin əbədiyaşarlığını təmin edən, ölkəmizi dünyada lider dövlətə çevirən, nəyin bahasına olursa-olsun, dövlət müstəqilliyini qoruyub möhkəmləndirən qüdrətli siyasi varisi də yetişdirmişdir. Bu gün ulu öndərimizin mənəvi-siyasi irsinin layiqli davamçısı, dövlət başçısı cənab İlham Əliyevin rəhbərliyi ilə Azərbaycanın müasir tarixinin şanlı səhifələri yazılır.

Tanrının öz bəndələrinə lütf və mərhəmətinin ifadəsi olan müqəddəs Qurban bayramı əsrlər boyu insanların həmrəyliyinə, mənəvi saflaşmasına xidmət etmişdir.  
“Qurban” sözü “yaxınlaşmaq” deməkdir. Yəni qurban kəsən hər bir kəs bu əməli ilə Allaha yaxınlaşır. Allah dərgahında kəsilən qurbanlar ruhi dəyərlərin paklanmasında, insanların xeyirxah əməllər ətrafında birləşməsində mühüm rol oynayır.
Qurban İslam aləmində ən dəyərli bayramlardan biridir. Qurban bayramı eyni zamanda müsəlmanların Həcc ziyarəti mərasiminin də bir hissəsidir.

Naxçıvana enərkən gözəl mənzərə ilə qarşılaşdım! Nuhun gəmisini zədələmiş dağ silsilələri ilə birləşən İlandağ gözlərimizi və qəlbimizi sevindirir. Bakıdan Naxçıvana təyyarə ilə səfər edən kəs, gərək təyyarədə pəncərənin qırağında əyləşsin və təyyarə enərkən qətiyyən yatmasın! Enişdən bir neçə dəqiqə sonra biz balaca bir hava limanını tərk edirik və 15 dəqiqə dolmadan şəhərin mərkəzində yerləşən mehmanxanaya yerləşirik. Bizim Naxçıvan, daha dəqiq desək, Azərbaycanın muxtar respublikası haqqında ilk təəssüratımız olduqca müsbətdir: küçələr və binalar qərb şəhərini xatırladır. Müxtəlif tikililər, şübhəsiz, yenə də Azərbaycanın keçmişinin şahididir. Naxçıvan insanı əsəbiləşdirən avtomobil siqnalları, tələsən avtomobillər və avtomobil xaosundan uzaqdır. Eləcə də hara baxsaq, nə tullantı, nə də həddindən artıq sıx olan evlər görürük. Yoxsa biz Qafqazın İsveçrəsinə gəlmişik?

“Azərbaycan Respublikası vətəndaşlarının 2013-cü il ok­tyabrın 1-dən 30-dək müddətli həqiqi hərbi xidmətə çağırılması və müddətli həqiqi hərbi xidmət hərbi qulluqçularının ehtiyata buraxılması haqqında” Azərbaycan Respublikası Prezidentinin 11 sentyabr 2013-cü il tarixli Sərəncamına əsasən, dünən Naxçıvan Muxtar Respublikası Səfərbərlik və Hərbi Xidmətə Çağırış üzrə Dövlət Xidmətində gənclərin müddətli həqiqi hərbi xidmətə yola salınması mərasimi keçirilib.
Mərasimi giriş sözü ilə Naxçıvan Muxtar Respublikası Səfərbərlik və Hərbi Xidmətə Çağırış üzrə Dövlət Xidmətinin rəisi, polkovnik Səxavət Salmanov açıb.

“Oktyabr ayının 9-da keçirilən prezident seçkilərinin elan olunan ilkin nəticələrinə görə, cənab İlham Əliyevin yenidən Prezident seçilməsi Azərbaycan xalqının ümummilli lider Heydər Əliyevin dövlətçilik yoluna inamını ifadə edir.  Seçkilərdə fəal şəkildə iştirak edən naxçıvanlı elm adamlarının seçimi də məhz cənab İlham Əliyev olub”. Bu fikirləri AMEA Naxçıvan Bölməsindəki “Heydər Əliyev lektoriyası”nın “Ümummilli lider Heydər Əliyev və Azərbaycanın dövlət müstəqilliyi” adlı 56-cı məşğələsində bölmənin sədri, akademik İsmayıl Hacıyev səsləndirib. Akademik qeyd edib ki, Azərbaycanın dövlət müstəqilliyini əldə etməsinin 22-ci  ildönümü ərəfəsində keçirilən “Heydər Əliyev lektoriyası”nın 56-cı məşğələsi ümummilli lider Heydər Əliyevin müstəqilliyimizin əldə olunması və qorunub saxlanılmasındakı xidmətlərinə həsr olunub. Ulu öndər Heydər Əliyevin 35 ildən artıq dövlət idarəçilik fəaliyyətinin və ümumilikdə, həyatının elmi şəkildə öyrənilməsi həm də Azərbaycanın müasir dövr tarixinin öyrənilməsi deməkdir.
Tədbirdə AMEA Naxçıvan Bölməsinin Tarix, Etnoqrafiya və Arxeologiya İnstitutunun şöbə müdiri, tarix üzrə fəlsəfə doktoru Emin Şıx­əliyev “Ümummilli lider Heydər Əliyev və Azərbaycanın dövlət müstəqilliyi” mövzusunda geniş məruzə ilə çıxış edib. Ölkə başçısı cənab İlham Əliyevin “Müstəqillik bizim üçün ən böyük sərvətdir, ən böyük dəyərdir. Ancaq müstəqilliyi əldə etmək onu qoruyub saxlamaqdan, möhkəmləndirməkdən daha asandır” fikrini xatırladan məruzəçi ümummilli lider Heydər Əliyevin Azərbaycan dövlətçiliyinin qorunub saxlanılmasındakı misilsiz xidmətlərindən danışıb. Vurğulanıb ki, Azərbaycanın bu gün həm daxili, həm də xarici siyasətdə qazandığı bütün uğurların əsasında ulu öndər Heydər Əliyevin dövlət idarəçilik konsepsiyası, müəyyənləşdirdiyi siyasi xətt dayanır.
Sonra məşğələ iştirakçılarını maraqlandıran suallar cavablandırılıb. Tədbirə AMEA Naxçıvan Bölməsinin sədri, akademik İsmayıl Hacıyev yekun vurub.

Elnur KƏLBİZADƏ

Dəmir yolu nəqliyyatı ölkə iqtisadiyyatının əsasını təşkil edir

Azərbaycan Respublikasının Prezidenti cənab İlham Əliyevin 2005-ci il 7 oktyabr tarixli Sərəncamı ilə hər il oktyabr ayının 13-ü Azərbaycan “Dəmir yolu işçilərinin peşə bayramı” kimi qeyd olunur.
Azərbaycan nəqliyyat sisteminin inkişafı, eləcə də dəmir yolu təsərrüfatının ən sürətli və parlaq dövrü ulu öndər Heydər Əliyevin Azərbaycana rəhbərlik etdiyi illərə təsadüf edir. Ötən əsrin 70-ci illərində ümummilli liderin şəxsi təşəbbüsü sayəsində dəmir yolu nəqliyyatında da köklü islahatlara və sürətli inkişafa təkan verilmişdir. Ulu öndərin Azərbaycan dəmir yolu nəqliyyatının inkişafı istiqamətində gördüyü işlər qısa zamanda öz bəhrəsini vermiş, dəmir yolu təsərrüfatının və stansiyaların inkişafı ön plana çəkilmişdir. Bu dövrdə 482,8 kilometr uzunluğunda yeni dəmir yolu xətləri çəkilmiş, 1284 kilometr uzunluğundakı dəmir yolu xətləri elektrikləşdirilmişdir.
Naxçıvan Muxtar Respublikasında da dəmir yolu nəqliyyatının inkişafı ümummilli liderin daim diqqət mərkəzində olmuşdur. Muxtar respublika üzrə artan yük və sərnişin daşınmasına olan tələbatı təmin etmək, yüksək səviyyədə nəqliyyat xidmətini təşkil etmək məqsədilə 1976-cı ildə dəmir yollarının Naxçıvan Hissəsinin mərkəzi aparatı İmişli stansiyasından Naxçıvan şəhərinə köçürülmüşdür. 1988-ci ildə Culfa-Şərur sahəsinin elektrikləşdirilməsi nəticəsində yük və sərnişin daşınmasında elektrovoz dartısından istifadə olunmasına başlanmışdır.

Cənubi Qafqaz respublikaları ilə Тürkiyə arasında Qars müqaviləsinin bağlanmasından 92 il keçir. Qars müqaviləsi ilə Тürkiyə və Cənubi Qafqaz respublikaları arasında digər məsələlərlə yanaşı, ərazi-sərhəd məsələləri həll оlundu. Bu müqavilənin əsas müddəaları Mоskva müqaviləsinin müvafiq maddələri ilə üst-üstə düşürdü. Qars müqaviləsi Moskva müqaviləsi ilə müəyyənləşdirilmiş müddəaların təsdiq edilməsidir.
Qars müqaviləsində öz ədalətli həllini tapan bir sıra məsələlər əvvəlki müqavilələrdə – Gümrü (Aleksandropol) və Moskva müqavilələrində də ya müzakirə olunmuş, ya da imzalanmışdı. “Böyük Ermənistan” yaratmaq üçün bir sıra torpaqlara iddialı olan ermənilər bu torpaqları əldə etmək üçün siyasi və hərbi vasitələrdən istifadə edirdi. Bu yolda onlara iri kapitalist dövlətləri kömək edirdi. Konkret olaraq, Azərbaycanın bir sıra ərazilərini, xüsusilə Naxçıvan ərazisini ABŞ, İngiltərə və Rusiya çox cidd-cəhdlə Ermənistana vermək istəyirdi. Ermənilər “böyük Ermənistan” uğrunda Türkiyə və Azərbaycanla müharibə aparırdı. Türk ordusu 24 sentyabr 1920-ci ildə ermənilərin hücumlarının qarşısını almaq üçün onlarla müharibə aparmalı oldu və həmin il noyabr ayının 18-də daşnakları məğlub etdi. Dekabrın 2-də Ermənistanla Türkiyə arasında Gümrü müqaviləsi bağlandı. Daşnaklar xəyallarında qurduqları “böyük Ermənistan”ın ərazisinin İrəvan və Göyçə gölü rayonu ilə məhdudlaşdığını etiraf etdilər. Gümrü müqaviləsinin 2-ci maddəsində tərəflər Naxçıvan bölgəsi ilə bağlı aşağıdakı razılığa gəlmişdilər: Ermənistan Kükü dağı, Həməsür dağı, Qurdqulaq kəndi, Sayat dağı, Arpaçay evləri, Qəmərli dağı, Saray bulaq dağları, Ararat stansiyası, Araz çayı yaxınlığındakı Aşağı Qarasuyun töküldüyü yerdən keçən zolağın cənubundakı (Naxçıvan, Şahtaxtı, Şərur) əraziyə, daha sonra referendumla təyin olunacaq idarə formasına və bu idarənin əhatə edəcəyi torpaqlara qarışmayacaq, indiki ərazidə, hələlik, Türkiyənin himayəsində yerli idarə yaradılacaqdır.

Naxçıvan Muxtar Respublikası üzrə 7 seçki dairəsindəki 316 seçki məntəqəsində səsvermə oktyabrın 9-da səhər saat 8⁰⁰-də başlanmış və saat 19⁰⁰-da başa çatmışdır. Fəaliyyət göstərən bütün seçki məntəqələrində səsvermə baş tutmuş hesab olunmuşdur. Səsvermə başa çatdıqdan sonra müşahidəçilərin də iştirakı təmin olunmaqla Seçki Məcəlləsi ilə müəyyən olunmuş qaydada səslər hesablanmış, müvafiq məlumatlar mütəmadi olaraq internet vasitəsilə Azərbaycan Respublikası Mərkəzi Seçki Komissiyasının İnformasiya Mərkəzinə ötürülmüş və seçkilərin yekunlarını əks etdirən məntəqə və dairə seçki komissiyalarının protokolları tərtib olunaraq 10 oktyabr 2013-cü il tarixdə Azərbaycan Respublikasının Mərkəzi Seçki Komissiyasına təqdim olunmuşdur.

Oktyabr ayının 9-da müstəqil Azərbaycan Respublikasının tarixində sayca 7-ci prezident seçkiləri keçirildi. Bəri başdan qeyd edək ki, bu seçkilər də ölkəmizin siyasi demokratikləşmə mərhələsinə növbəti töhfə oldu.
On namizəd arasında gedən seçkiqabağı mübarizə kampaniyasında prezidentliyə namizədlər öz seçki platformalarından, cəmiyyətin və dövlətin gələcəyi ilə bağlı görüşlərindən danışaraq seçiciləri özünün daha layiqli dövlət başçısı olacağına inandırmağa çalışdı. Lakin xalqımızın böyük əksəriyyəti bir daha pafoslu siyasi vədlərə aldanmayaraq Azərbaycan cəmiyyətinin, dövlətçiliyinin taleyini naşılara, səriştəsizlərə, keçmişi sabit olmadığı kimi, gələcək fəaliyyəti də qeyri-müəyyən olanlara etibar etmədi, müstəqil Azərbaycan dövlətinin varisliyini, üfüqdə aydın görünən gələcək inkişafını, son 20 ildəki uğurlarının davamını dəstəklədi. Son dörd seçkidə olduğu kimi, bu dəfə də xalqımız özünün və ölkəmizin gələcəyi üçün son dərəcə taleyüklü hadisə olan prezident seçkilərində düzgün seçim edərək növbəti dəfə milli dövlətçiliyin inkişafına – Heydər Əliyev yoluna səs verdi, öz taleyini yenidən Yeni Azərbaycan Partiyasının Sədri cənab İlham Əliyevə etibar etdi.

Hüseyn HƏŞİMLİ – Naxçıvan Muxtar Respublikası Ali Məclisi­nin deputatı, filologiya elmləri doktoru, Əməkdar elm xadimi: – Ölkəmizdə 9 ok­tyabr 2013-cü il tarixdə keçirilən prezident seçkiləri müstəqil Azərbaycanın tam demokratik, azad və şəffaf seçki keçirmək sahəsində qazandığı böyük uğurun parlaq təzahürü olmaq­la yanaşı, xalqımızın cənab İlham Əliyevə hüdudsuz inam və etimadının növbəti möhtəşəm təntənəsinə çevrildi. Xalqımız növbəti dəfə böyük müdriklik və yekdillik göstərərək, müstəqil Azərbaycanın qurucusu olan ulu öndərimiz Heydər Əliyevin siyasi kursuna ardıcıl sədaqət nümayiş etdirərək görkəmli dövlət xadimi İlham Əliyevi yenidən ölkə Prezidenti seçdi. Cəmiyyətin müxtəlif təbəqələrinə mənsub milyonlarla seçicinin mütləq əksəriyyətinin dəstəyini qazanan cənab İlham Əliyevin bu qələbəsi onun ötən on il ərzində müstəqil Azərbaycana uğurla rəhbərlik etməsinin, ölkəmizi hər gün yeni nailiyyətlərə qovuşdurmasının, xalq arasındakı böyük nüfuz və hörmətinin qanunauyğun, məntiqi nəticəsidir, bütövlükdə, xalqın zəfəridir, ali həqiqətin, demokratiyanın qalibiyyətidir.

Dünən Naxçıvan Muxtar Respublikası Fövqəladə Hallar Nazirliyinin Dövlət Yanğın Təhlükəsizliyi İdarəsində Naxçıvan Muxtar Respublikası Ali Məclisi Sədrinin “Naxçıvan Muxtar Respublikası Fövqəladə Hallar Nazirliyinin yanğın təhlükəsizliyi işçilərinin “Rəşadətli əməyə görə” nişanı ilə təltif edilməsi haqqında” 8 ok­tyabr 2013-cü il tarixli Sərəncamı ilə təltif edilən yanğın təhlükəsizliyi işçilərinə “Rəşadətli əməyə görə” nişanının təqdimat mərasimi keçirilib.
Mərasimdə fövqəladə hallar naziri, general-mayor Şamı Abdullayev çıxış edərək ölkəmizdə yanğından mühafizə xidmətinin inkişaf dövrlərindən danışıb, muxtar respublikamızda bu sahəyə göstərilən diqqət və qayğıdan bəhs edib. Qeyd olunub ki, muxtar respublikamızda yanğın təhlükəsizliyi orqanları üçün hərtərəfli şərait yaradılıb, Dövlət Yanğın Təhlükəsizliyi şöbələri üçün yeni inzibati binalar tikilərək və ya əsaslı təmir olunaraq şəxsi heyətin istifadəsinə verilib. Bundan əlavə, maddi-texniki bazanın gücləndirilməsi, şəxsi heyətin rifahının yüksəldilməsi istiqamətində mühüm  addımlar atılıb, Dövlət Yanğın Təhlükəsizliyi əməkdaşlarının əməyi dövlətimiz tərəfindən yüksək qiymətləndirilib. Naxçıvan Muxtar Respublikası Ali Məclisinin Sədri cənab Vasif Talıbovun 8 ok­tyabr 2013-cü il tarixli Sərəncamı dediklərimizə sübutdur.
Sonra Naxçıvan Muxtar Respublikasında yanğın təhlükəsizliyi sahəsində fəaliyyətlərinə görə təltif edilən  yanğın təhlükəsizliyi işçilərinə “Rəşadətli əməyə görə” nişanları təqdim olunub.
Tədbirə Şamı Abdullayev yekun vurub.

Xəbərlər şöbəsi

Azərbaycan Respublikası sivil dünyanın cəmiyyətimizin yüksəlişinə xidmət edən mütərəqqi, demokratik prinsiplərə söykə­nən inkişaf modellərini rəhbər tutaraq bu yolda böyük uğurlar əldə etməkdədir. Seçkilərin qanunvericiliyə uyğun olaraq, azad, ədalətli və şəffaf keçirilməsi, seçicilərin səsvermədə fəal iştirakı, vətəndaşların sərbəst seçim etmələri demokratiyanın təmin edilməsinin və onun inkişafının əsas göstəricisi hesab olunur. Qürurla deyə bilərik ki, ötən illərdə respublikamızda yaradılan demokratik institutlar inkişaf etdikcə seçki sisteminin təkmilləşdirilməsi prosesi uğurla həyata keçirilmiş, beynəlxalq standartlara cavab verən Seçki Məcəlləsi qəbul olunmuş, bu qanuna əlavələr və dəyişikliklər edilməklə seçki qanunvericiliyi daim təkmilləşdirilərək azad və ədalətli seçkilərin keçirilməsi üçün mükəmməl hüquqi baza yaradılmışdır. Ok­tyabrın 9-da ölkəmizdə, o cümlədən onun ayrılmaz tərkib hissəsi olan Naxçıvan Muxtar Respublikasında bayram əhval-ruhiyyəsi şəraitində keçirilən növbəti prezident seçkiləri dediklərimizi  bir daha təsdiq etdi.

Veb-kameralarda heç bir texniki nasazlıq baş verməmişdir

Azərbaycan Respublikası Mərkəzi Seçki Komissiyasının 8 oktyabr 2008-ci il tarixli qərarına əsasən, geniş ictimaiyyət tərəfindən səsvermə günü seçkinin gedişinin müşahidə edilməsi, məntəqə seçki komissiyası üzvləri tərəfindən seçki sənədləri ilə işin aparılması, heç bir qanunsuz müdaxilə olmadan seçicilərə zəruri şəraitin yaradılması, seçki bülletenlərinin seçki qutusuna salınması, səslərin sayılması, nəticələrin müəyyənləşdirilərək rəsmiləşdirilməsi prosesinin izlənməsi və bununla da, aşkar­lığın daha geniş surətdə təmin ol­unması məqsədilə Seçkilər İnformasiya Mərkəzinə qoşulmaqla seçki məntəqələrinin bəzilərində veb-kameralar quraşdırılmışdır.

Azərbaycan Respublikası ilə Avropa İttifaqı arasında imzalanmış Fəaliyyət Planında 10 prioritet sahə müəyyən edilib. Bunlardan biri və ən əsası beynəlxalq tələblərə cavab verən ədalətli, şəffaf seçki prosesi vasitəsilə ölkədə demokratiyanın gücləndirilməsidir. Təbii ki, ölkəmizin dünyaya inteqrasiyasında öncül məsələlərdən biri də şəffaf, ədalətli seçkilərin keçirilməsidir. Son 20 ildə Azərbaycanda demokratik seçkilərin keçirilməsi istiqamətində ciddi addımlar atılıb. 2003-cü ildə keçirilən prezident seçkilərində ilk dəfə olaraq şəffaf seçki qutularından istifadə edilib. Daha sonra Azərbaycan Respublikası Prezidentinin sərəncamlarına əsasən, səs verənlərin barmağına mürəkkəb vurulması praktikasından istifadə olunub.

“Exit-poll” vətəndaşların seçki günü verdikləri səslərin təkrar sayılması, səslərin sayının yoxlanılması deməkdir.
İstənilən ölkədə seçkilərin şəffaf, ədalətli reallaşdırılması üçün “Exit-poll”un keçirilməsinin böyük əhəmiyyəti var. Ölkəmizdə bu tədqiqatın aparılması son 10 ilə təsadüf edir. Respublikamızda “Exit-poll” Azərbaycanda Vətəndaş Cəmiyyətinin İnkişafına Yardım Assosiasiyası tərəfindən 2004-cü ilin dekabrında bələdiyyə seçkiləri zamanı həyata keçirilib. Bu iş sonradan 2005-ci il par­lament, 2008-ci il prezident seçkilərində və 2009-cu il martın  18-də keçirilmiş referendumda daha da təkmilləşdirilib. “Exit-poll”un təşkilində respublikamız bir çox ölkələrlə əməkdaşlıq edir.

Muxtar respublikada yanğından mühafizə tədbirləri diqqət mərkəzindədir

2002-ci il oktyabr ayının 5-də ümummilli liderimiz Heydər Əliyev hər il oktyabr ayının 10-nun “Yanğınsöndürənlərin peşə bayramı günü” kimi qeyd olunması haqqında Sərəncam imzalamışdır. Həmin tarixdən etibarən hər il oktyabrın 10-u yanğınsöndürənlərin peşə bayramı kimi qeyd olunur.
XX əsrin əvvəllərində yaradılan Azərbaycan yanğından mühafizə xidmətinin əsas inkişaf dövrü ötən əsrin 70-ci illərinə təsadüf edir. Zəngin siyasi və idarəçilik təcrübəsinə, fenomenal rəhbərlik qabiliyyətinə malik olan ümummilli lider Heydər Əliyevin ikinci dəfə hakimiyyətə qayıdışından sonra ölkəmizdə yanğın təhlükəsizliyi sahəsi daha sistemli şəkildə inki­şaf etməyə başladı. Yanğından mühafizə xidmətinin maddi-texniki və normativ-hüquqi bazası möhkəm­ləndirildi, kadr ehtiyatının yaradılmasına, şəxsi heyətin peşəkarlığının artırılmasına xüsusi diqqət yetirildi. 1997-ci ildə “Yanğın təhlükəsizliyi haqqında” Azərbaycan Respublikası Qanununun qəbul olunması yanğın təhlükəsizliyi və dövlət yanğın nəzarəti sisteminin təşkilinin hüquqi əsaslarını və prinsiplərini müəyyən etmişdir. Sonrakı dövrlərdə də Azərbaycanın yanğın təhlükəsizliyi xidməti inkişafda olmuş, yanğından mühafizə sistemləri təkmilləşdirilmiş, şəxsi heyətin sosial-məişət şəraiti yaxşılaşdırılmışdır.

Azərbaycan 1993-cü ildə Ümumdünya Poçt İttifaqının üzvlüyünə qəbul olunmuşdur. Həmin tarixdən etibarən ok­tyabrın 9-u ölkəmizdə də “Ümumdünya Poçt Günü” kimi qeyd olunur.
Ölkəmizdə rabitə və informasiya texnologiyalarının inkişafının əsası ötən əsrin 70-ci illərində qoyulmuşdur. Həmin dövrdə ümummilli liderimiz Heydər Əliyevin ölkəyə rəhbərliyi ilə ictimai-siyasi və sosial-iqtisadi həyatın bütün sahələrində olduğu kimi, rabitə sahəsində də əsaslı dəyişikliklər baş vermiş, o dövrün tələblərinə uyğun poçt və rabitə sistemi yaradılmışdır. Azərbaycan müstəqillik qazandıqdan sonra isə ümummilli liderimizin qayğısı nəticəsində poçt sistemi yeni inkişaf mərhələsinə qədəm qoymuşdur. Ulu öndərin rəhbərliyi ilə 1997-ci ilin mart ayında poçt rabitəsinin “Dirçəliş və inkişaf pro­qramı” qəbul olunmuş, həmin ilin dekabr ayında isə “1998-2003-cü illər üçün poçt rabitəsinin inkişaf konsepsiyası” təsdiq edilmişdir. Ulu öndər 2003-cü il fevralın 17-də isə “Azərbaycanın inkişafı naminə informasiya və kommunikasiya texnologiyaları üzrə Milli Strategiya (2003-2012-ci illər)”nın təsdiq edilməsi haqqında” Sərəncam imzalamışdır.
Poçt rabitəsinin inkişafı istiqamətində həyata keçirilən tədbirlər bu gün də dövlətimizin diqqət mərkəzindədir. Dövlət başçısının 2004-cü il 29 iyun tarixli Sərəncamı ilə “Poçt rabitəsi haqqında” Azərbaycan Respublikası Qanununun qəbul edilməsi bu sahənin qanunvericilik bazasını gücləndirmişdir. Bu gün ölkəmizdə bütün poçt şöbələrinin müasir standartlara uyğun kompüterləşdirilməsi, texniki avadanlıqlarla tam təchizatı və informasiya texnologiyalarının ən son nailiyyətlərinin bu sahədə geniş tətbiqi göstərilən xidmətlərin yüksək keyfiyyətinə və etibarlılığına təminat verir. Artıq Azərbaycan poçtu dünya poçt sisteminə inte­qrasiya yolunda uğurlu addımlar atmaqdadır.

Seçkilər hər bir ölkənin siyasi həyatında mühüm hadisə hesab olunur. Seçkilərin demokratik, azad və ədalətli keçirilməsi hakimiyyətin seçkili orqanlarının xalq tərəfindən formalaşdırılmasının əyani ifadəsidir. Ölkəmiz mühüm siyasi kampaniya olan prezident seçkiləri ərəfəsindədir. Azərbaycanın aylardır hazırlaşdığı prezident seçkilərinin keçirilməsinə bir gün vaxt qalmışdır. Sabah seçicilər seçki məntəqələrinə gedib ölkəmizin gələcəyini etibar edəcəkləri namizədə səs verəcəklər. Seçki kampaniyası kifayət qədər demokratikliyi, seçkilərin keçirilməsi üçün lazımi şəraitin yaradılması ilə səciyyələnir. Naxçıvan Muxtar Respublikasında da prezident seçkilərinə ciddi hazırlıq işləri görülmüşdür. İndiyədək qanunvericiliyə uyğun olaraq, seçki prosesinin hər bir mərhələsi uğurla başa çatdırılmışdır. Prezident seçkilərinə hazırlıqla bağlı son vəziyyəti öyrənmək üçün Naxçıvan Muxtar Respublikası Mərkəzi Seçki Komissiyasının sədri Məhərrəm Qasımova müraciət etdik:
– Məhərrəm müəllim, artıq seçkilərə çox az bir müddət qalıb. Seçki komissiyalarının seçki gününə hazır­lığı hansı səviyyədədir?

Oktyabrın 4-də Naxçıvan Qarnizonunda Milli Ordunun zabit və gizir heyətinin iştirakı ilə seçkilərə hazırlıqla bağlı seminar-treninq keçirilmişdir. Seminarı giriş sözü ilə Naxçıvan Qarnizonunun zabiti Mirqiyas Rüstəmov açmışdır.
“Hərbi qulluqçular da Azərbaycan Respublikasının digər vətəndaşları kimi, aktiv və passiv seçki hüququna malikdirlər və bu hüquqları həyata keçirərkən onlarla eyni hüquq və vəzifələrə sahibdirlər”, – deyən Naxçıvan Muxtar Respublikasının İnsan Hüquqları üzrə Müvəkkili (Ombudsman) Ülkər Bayramova seçki hüququnun təminatları və məhdudiyyətləri barədə hərbi qulluqçulara məlumat vermişdir.

Səsvermə prosesinin mərhələləri Saat 8:00-19:00

1. Siz seçki məntəqəsinə daxil olarkən məntəqə seçki komissiyasının üzvü şəxsiyyətinizi təsdiq edən sənədinizin olmasına əmin olduqdan sonra ultrabənövşəyi lampa vasitəsilə sol əlinizin baş barmağının dırnaq və dəri hissəsinin gözəgörünməyən mürəkkəblə işarələnib-işarələnmədiyini yoxlayır.

2. Məntəqə seçki komissiyası üzvlərinin əyləşdiyi masaya yaxınlaşıb şəxsiyyət vəsiqənizi və ya onu əvəz edən sənədi komissiya üzvünə təqdim edin.

3. Təqdim etdiyiniz şəxsiyyət vəsiqənizin və ya onu əvəz edən sənədin seriya nömrəsi seçicilər siyahısındakı müvafiq qrafada yazıldıqdan sonra yazının düzgünlüyünü yoxlayın.

4. Sizin razılığınızla məntəqə seçki komissiyasının üzvü sol əlinizin baş barmağının dırnaq və dəri hissəsini gözəgörünməyən mürəkkəblə işarələyir. Mürəkkəb quruyanadək barmağınıza toxunmamalısınız (əgər barmağınızın mürəkkəblə işarələnməsinə etiraz etsəniz, səsvermə hüququndan istifadə edə bilməyəcəksiniz).

5. Sizə seçki bülleteni veriləcək. Azərbaycan Respublikası Mərkəzi Seçki Komissiyasının təsdiq etdiyi nümunəyə  müvafiq olaraq, rəsmən hazırlanmış seçki bülleteninin üz tərəfinin yuxarı sağ küncü müvafiq məntəqə seçki komissiyasının möhürü ilə təsdiqlənmiş, nömrəli yuxarı sol küncü isə kəsilmiş olmalıdır.

6. Sonra seçicilər siyahısında “Seçicinin seçki bülleteninin alması haqqında imza” qrafasında adınızın qarşısında imza edin.

7. Səs vermək üçün səsvermə kabinəsinə daxil olun. Səsvermə kabinəsində sizdən başqa heç kəs olmamalıdır. Siz gizli səs verirsiniz. Seçki bülletenində namizədlərin adlarının qarşısındakı kvadratlardan yalnız birinə işarə qoymalısınız. Birdən çox boş kvadratda işarə qoyulduqda və ya heç bir işarə qoyulmadıqda səs etibarsız sayılır.

8. İşarələnmiş seçki bülletenini qaytarıb səsvermə otağında qoyulmuş daşınmaz seçki qutusuna salın və seçki məntəqəsini tərk edin.

Naxçıvan Muxtar Respublikası
Mərkəzi Seçki Komissiyası

Seçki marafonu

  9 oktyabr Azərbaycan Respublikası Prezidentinin seçkiləri günüdür

Seçkilər günü səsvermə saat 8⁰⁰-dən 19⁰⁰-a kimi keçirilir. Məntəqə seçki komissiyaları səsvermə gününə azı 25 gün qalmış səsvermənin yeri və vaxtı haqqında kütləvi informasiya vasitələri ilə və ya məlumat lövhələri vasitəsi ilə seçiciləri xəbərdar etməlidirlər.

Hörmətli seçicilər!
Seçkilər günü saat 7⁵⁰-də məntəqə seçki komissiyasının sədri seçki məntəqəsini açıq elan edir, seçki komissiyasının üzvlərinə, orada olan seçicilərə, müşahidəçilərə boş seçki qutularını göstərib möhürləyir, saat 8⁰⁰-də səsvermənin başlandığını elan edir.

Seçki məntəqələrinin hazırlığı bunu deməyə əsas verir

Ötən hər gün bizi ölkəmizin həyatında başlıca taleyüklü ictimai-siyasi hadisə olan prezident seçkilərinə yaxınlaşdırır. Ona görə də muxtar respublikamızda fəaliyyət göstərən dairə və məntəqə seçki komissiyaları bu tədbiri uğurla başa çatdırmaq üçün yaradılmış bütün imkanlardan səmərəli istifadə etməyə səy göstərirlər. Həm seçki komissiyaları, həm seçicilər yaxşı bilirlər ki, ölkəmizin və ölkə vətəndaşlarının sabahı həmin gün qəbul ediləcək qərardan asılıdır.
5 saylı Şahbuz-Babək Seçki Dairəsi dairə seçki komissiyasının sədri Taməddin Hüseynovla söhbətimizdə öyrəndik ki, bu dairə üzrə 37 məntəqə fəaliyyət göstərir. Ümumilikdə, bu məntəqələrdə 26 min 432 seçici səs verəcək. Seçicilərin 5 nəfərinin yaşı 100-dən yuxarıdır. İlk dəfə səs verəcək seçicilər 597 nəfərdir.
Komissiya sədrinin sözlərinə görə, seçki məntəqələrinin 25-i Şahbuz, 12-si Babək rayonlarında yerləşir. Şahbuz rayonundan 14 min 591, Babək rayonundan 11 min 841 seçici seçkiyə qatılacaq. Seçki məntəqələrinin 30-u yeni, 7-si isə tam təmir olunan binalarda yerləşir. Bütün məntəqələr lazımi avadanlıqlarla təmin edilib, seçki sənədlərinin mühafizəsi üçün tədbirlər görülüb. Məntəqələr seçkilərə aid sənədlərlə təmin olunub. Dairənin 5-1, 5-2, 5-26, 5-31, 5-34 saylı seçki məntəqələrində veb-kameralar quraşdırılıb.

Oktyabrın 3-də Mərkəzi Seçki Komissiyasında Naxçıvan Muxtar Respublikasında fəaliyyət göstərən 24 qapalı seçki məntəqəsinin məntəqə seçki komissiyalarının sədr, katib və üzvlərinin iştirakı ilə seminar-treninq keçirilmişdir.
Seminarı giriş sözü ilə açan Mərkəzi Seçki Komissiyasının sədri Məhərrəm Qasımov prezident seçkilərinə hazırlıqla bağlı Naxçıvan Muxtar Respublikasında aparılan işlərdən bəhs etmişdir. Bildirilmişdir ki, seçkilər günü saat 750-də məntəqə seçki komissiyasının sədri seçki məntəqəsini açıq elan edir, seçki komissiyasının üzvlərinə, orada olan seçicilərə, müşahidəçilərə boş seçki qutularını göstərib möhürləyir, saat 800-də səsvermənin başlandığını elan edir. Məntəqə seçki komissiyasının bir üzvü seçki məntəqəsinin girişində dayanaraq məntəqəyə daxil olan vətəndaşların seçici vəsiqələrini, şəxsiyyət vəsiqələrini və ya şəxsiyyəti təsdiq edən digər sənədləri, onun sol əlinin baş barmağının bir hissəsinin gözəgörünməyən mürəkkəblə əvvəl işarələnib-işarələnmədiyini yoxlayır və içəri daxil olmağa icazə verir.

Kоnstitusiyаmızdа Аzərbаycаn Rеspublikаsı vətəndаşlаrının cəmiyyətin və dövlətin siyаsi həyаtındа mаnеəsiz iştirаk еtmək, dövlət оrqаnlаrınа sеçmək və sеçilmək, hаbеlə rеfеrеndumdа iştirаk еtmək hüquqlаrı təsbit оlunmuşdur. Seçki hüququ əsas insan hüquqlarından biri olub, demokratiyanın təmin edilməsində və inkişaf etməsində mühüm rol oynayır. Seçkilər xalqın iradəsinin düzgün müəyyən edilməsi əsasında demokratik hakimiyyətin formalaşdırılmasının ən mütərəqqi üsuludur. Аzərbaycan Respublikasındа seçki prosesinə hər hansı kənar müdaxilə qаnunlа qа-dаğаn оlunur. İnsаn və vətəndаş hüquqlаrı və аzаdlıqlаrı qаnunlа nəzərdə tutulmuş hаllаrdаn bаşqа hər hаnsı yоllа məhdudlаşdırılа bilməz. Qаnundа nəzərdə tutulmuş hüquqlаrdаn sui-istifаdəyə və yа müəyyən еdilmiş vəzifələrin yеrinə yеtirilməməsinə görə məsuliyyət nəzərdə tutulur. Qаnunu bilməmək məsuliyyətdən аzаd еtmir. Məsuliyyət şəхsin törətmiş оlduğu huqüq pоzuntusunа görə cаvаb vеrmək vəzifəsidir.

Qış fəsli yaxınlaşmaqdadır. Naxçıvan şəhərində və rayonlarımızda qışa hazırlıqla bağlı bir sıra tədbirlər həyata keçirilir. İnsan amilinə diqqət və qayğının bir nümunəsi kimi bu tədbirlər cəmiyyətdə maraq doğurur, diqqətlə izlənilir. Payız-qış mövsümünə hazırlıq bu baxımdan ən zəruri məsələlərdən biridir. Bu məqsədlə avqustun 24-də Naxçıvan Muxtar Respublikası Ali Məclisində 2013-2014-cü ilin payız-qış mövsümünə hazırlıq və qarşıda duran vəzifələrlə əlaqədar müşavirə keçirilib. Müşavirədə yeni mövsümə hazırlıqla bağlı aidiyyəti qurumlara müvafiq tapşırıqlar verilib. Ötən günlərdə payız-qış mövsümünə hazırlığın vəziyyəti haqqında oxuculara dolğun məlumat vermək üçün Ordubad rayonunda olduq.

Ordubad Rayon İcra Hakimiyyəti başçısının müavini Etibar İsmayılovla söhbətimizdə bildirdi ki, rayonda elektrik, rabitə, qaz təsərrüfatları və digər xidmət sahələrinin vəziyyətinin araşdırılması ilə bağlı rayon İcra Hakimiyyətində yaradılmış komissiya tərəfindən yoxlamalar aparılıb, nöqsan və çatışmazlıqlar aidiyyəti təşkilatların diqqətinə çatdırılıb. Çatışmazlıqların aradan qaldırılması üçün müəyyən işlər görülüb. Bu işlər hazırda davam etdirilməkdədir.

Sədərəkdə hamı belə düşünür, seçki gününü səbirsizliklə gözləyir

Sədərək rayonunda fəaliyyət göstərən 7 seçki məntəqəsi 1 saylı Şərur-Sədərək Seçki Dairəsinin tərkibinə daxildir. Bəri başdan qeyd edək ki, məntəqələr 9 ok­tyabr prezident seçkilərinə tam hazırdır. 1-1 saylı Heydərabad seçki məntəqəsi Heydərabad qəsəbə tam orta məktəbinin binasında yerləşir. Yolumuzu oradan salanda gördük ki, burada xeyli gənc var. Onlar məlumat lövhələri ilə tanış olur, seçici siyahılarına baxırdılar.
Bu il ilk dəfə səs verəcək İntiqam Məmmədovla tanış olduq və onun fikirlərini öyrəndik. İ.Məmmədovun dediklərindən:
– Düzünü deyim ki, çox həyəcanlıyam. İlk dəfə seçki məntəqəsinə gələcəyəm və ürəyimdə olan namizədə səs verəcəyəm. Axı gələcəyimiz, inkişaf və yüksəlişimiz səs verəcəyimiz həmin namizədlə bağlıdır. Ona görə də bu vacib məsələdə yanlışlığa yol vermək olmaz.
Söhbət zamanı məntəqənin sədri Nəsimi Rzayev bildirdi:

3 saylı Babək-Kəngərli-Nax­çıvan Seçki Dairəsi prezident seçkilərinə hazırlıq işlərini yüksək səviyyədə həyata keçirib. Dairə üzrə 40 min 823 nəfər seçici qeydiyyata alınıb. Bunu qəzetimizə müsahibəsində dairə seçki komissiyasının sədri Zahid Ələkbərov deyib.
Komissiya sədri bildirib ki, seçkilər hər bir xalqın tarixində mühüm rol oynayan, onun gələcək inkişaf yolunu müəyyənləşdirən mühüm siyasi proses kimi xarakterizə olunur. Bu prosesin məntiqi yekunu olaraq hər bir xalq öz taleyini inandığı, etibar etdiyi siyasi qüvvə və insanlarla bağlayır. Dairə üzrə Kəngərli rayonundan 19 min 140, Babək rayonundan 15 min 111, Naxçıvan şəhəri üzrə 6 min 572 seçici qeydiyyata alınıb. Kəngərli rayonundan 557, Babək rayonundan 376, Naxçıvan şəhərindən 144 nəfər ilk dəfə səs verənlərdir. Seçicilərin 43 faizini gənclər təşkil edir. Ümumilikdə, dairə üzrə seçicilərin 19 min 755 nəfəri kişilər, 21 min 68 nəfəri qadınlar olacaq. Səsvermə 46 seçki məntəqəsində həyata keçiriləcək.
Komissiya sədri onu da deyib ki, qarşıdan gələn prezident seçkilərinə hazırlıq işləri tam həyata keçirilib, seçici siyahılarının dəqiqləşdirilməsi başa çatdırılıb, bütün səsvermə məntəqələri hazır vəziyyətə gətirilib, xarici və yerli müşahidəçilərin seçki günü səsvermənin gedişini izləmələri üçün lazımi şərait yaradılıb. Qeydə alınan namizədlərin rayon ərazisində təşviqat apara bilmələri qanunvericiliyə müvafiq olaraq təmin edilib, namizədlərin təbliğat-təşviqat materiallarını yerləşdirmələri üçün lövhələr quraşdırılıb. Bütün seçki məntəqələri telefonlaşdırılıb, məntəqələrin seçki günü fasiləsiz elektrik enerjisi ilə təmin olunmaları üçün müvafiq tədbirlər görülüb. Seçicilərin namizədlərlə görüşlərinin keçirilməsi üçün müvafiq yerlər ayrılıb. 5 məntəqədə isə veb-kameralar quraşdırılıb. Artıq əminliklə demək olar ki, 3 saylı Babək-Kəngərli-Naxçıvan Seçki Dairəsi qarşıdan gələn prezident seçkilərinə tam hazırdır.

Səbuhi HÜSEYNOV

Naxçıvanda fəaliyyət göstərmək qürurvericidir

Türkiyənin Naxçıvan Muxtar Respublikasındakı Baş konsulu Cenk Ünal 2011-ci ildən muxtar respublikamızda diplomatik fəaliyyətdədir. Bu il oktyabr ayının 5-də Naxçıvanda diplomatik fəaliyyətini başa vuracaq C.Ünal Türkiyə Cümhuriyyətinin Naxçıvandakı Baş Konsulluğunda “Şərq qapısı” qəzetinin və Naxçıvan Dövlət Televiziyasının əməkdaşlarına müsahibə verib, jurnalistləri maraqlandıran sualları cavablandırıb.
Elnur KƏLBİZADƏ (“Şərq qapısı” qəzeti): 2011-ci ildən Naxçıvandasınız. Doğrudur, Azərbaycan və onun ayrılmaz tərkib hissəsi olan Naxçıvan Türkiyə üçün, əslində, yad bir ölkə sayılmır. Amma hər halda biz istərdik ki, sizin Naxçıvanla bağlı yekun təəssüratlarınızı öyrənək.

1993-cü il oktyabrın 3-də Azərbaycan Respublikasının Prezidenti seçilən Heydər Əliyevin müstəqil Azərbaycana rəhbərliyi illərində yeni tariximiz yazıldı. O tarixdə intibahımız, inkişafımız və tərəqqimiz qırmızı xətlə silinməz izlər qoydu

Yollarımızdan başlayaraq evlərimizə qədər hər şey zaman-zaman dəyişdi. Köhnələr yenilərlə əvəzləndi. Gözümüzü yoran bozarmış nimdaş tikililər bir-bir öz yerini yeni, müasir binalara verdilər. Yollarımız, küçələrimiz bir ayrı mənzərə ilə könlümüzü oxşadı. Yaşıllıqlar təbiətimizin əsrarəngiz gözəlliyinə yeni bir yaraşıq verdi. Hər bir sahədə inkişaf, yenidənqurma insanların yaxşı yaşayışında təzahür etdi. İllər uzunu yaranmış problemlərin kökündən həll olunması üçün məqsədyönlü siyasət həyata keçirildi. Daxili və xarici siyasətdə ağlagəlməz uğurlar Azərbaycanın bir dövlət kimi dünyada tanınmasına səbəb oldu. Bütün bunlar o gün – 3 oktyabr 1993-cü ildə görkəmli dövlət xadimi Heydər Əliyevi Prezident seçməyimizlə reallaşdı. Uzaqgörən siyasətin şirin bəhrələrini bu gün dadırıq.
Ötən əsrin 80-ci illərində tez-tez televiziya vasitəsilə öyrənirdik ki, Heydər Əliyev bölgələrdə təsərrüfat fəallarının müşavirələrini keçirir. Həmin müşavirələrdən əvvəl onun bölgədəki rayonların taxıl zəmilərinə, pambıq tarlalarına, üzüm plantasiyalarına və digər təsərrüfat obyektlərinə baxış keçirdiyi bildirilirdi. Problemləri yerindəcə araşdırıb müvafiq nazirliklərə göstərişlər verirdi. Ümummilli lider səmimiyyəti, qayğı­keşliyi, zəhmətsevərliyi, sadəliyi ilə xalqın inamını, böyük məhəbbətini elə o vaxtdan qazanmışdı.
Sovet kəndinin inkişaf etməsi üçün Azərbaycanın müxtəlif yerlərində olan təsərrüfatları həvəslə gəzən, görülən işlərə obyektiv qiymət verən ulu öndər hələ onda bu xalqın ürəyində əbədiyyət heykəlini ucaltmışdı. Azərbaycanı torpağa səcdə və məhəbbət, el-obaya hörmət və sayğı, Vətənə sədaqət və sevgi, əmək adamlarına rəğbət və ehtiram ruhuna kökləmişdi. Onun uzaqgörənliyi və Allah vergisi olan fitri istedadı xalqımıza xoşbəxt günlər yaşatdı. Bugünkü müstəqilliyimizin təməli qoyuldu.

Xalqın iradəsinin ən yüksək ifadəsi dövlət hakimiyyəti və yerli özünüidarə orqanlarına azad, demokratik seçkilərin keçirilməsi, habelə dövlət həyatının ən mühüm məsələlərinə dair öz rəyini ümumxalq səsverməsi (referendum) yolu ilə bildirməsidir. Seçkilər və referendum, demək olar ki, bütün dünyada vətəndaşların, cəmiyyətin ictimai həyatında və dövlət işlərində iştirakının ən kütləvi formasıdır. Siyasi mədəniyyətin, hüquq şüurunun və hüquq mədəniyyətinin formalaşmasında, xalqın ümumi iradəsinin milli maraqlar ətrafında birləşməsində seçkilərin və referendumun əhəmiyyəti olduqca böyükdür.

Ədalətli və demokratik seçkilər ölkənin suverenliyini əks etdirir ki, burada da xalq hökumətin səlahiyyətlərinin və qanuniliyinin əsasını təşkil edən söz azadlığına malik olur. Seçkilərin ədalətli keçirilməsi siyasi hakimiyyət uğrunda demokratik prinsiplərə əməl olunmasına və sabitliyin qorunub saxlanılmasına xidmət edir.
Seçkilərin ədalətli olması demokratik idarəçiliyin zəruri şərtidir, çünki bu cür seçkilər vasitəsilə xalq qanunun tələb etdiyi əsaslarla öz iradəsini azad şəkildə ifadə edir.
Seçki müşahidəsi demokratiyanın inkişafının göstəricisi kimi seçkilərin şəffaf keçirilməsində ictimaiyyətin maraqlarını əks etdirir. Seçkinin müşahidə olunması onun ədalətliliyini və legitimliyini qiymətləndirmək, seçki saxtakarlığını və ya seçki pozuntularını aşkara çıxarmaq üçün əsas vasitədir.

Oktyabrın 2-də “Naxçıvan” Sərhəd Diviziyasında prezident  seçkilərinə ­hazırlıqla bağlı seminar-müşavirə keçirilmişdir. Seminarı giriş sözü ilə açan “Naxçıvan” Sərhəd Diviziyası komandirinin şəxsi heyətlə iş üzrə müavini Həmzə İmanov qeyd etmişdir ki, seminarın keçirilməsində məqsəd hərbi hissələrdə məntəqə seçki komissiyalarının yaradılması qaydası və hərbi  qulluqçulara səsvermə hüquqları barədə məlumat verməkdən ibarətdir.

Naxçıvan Muxtar Respublikası Ali Məclisi Aparatının şöbə müdiri Cəlil Rüstəmov çıxış edərək hərbi qulluqçuların seçki hüquqlarının həyata keçirilməsinin qanun­vericilik əsasları haqqında məlumat vermişdir.

Seçki hər bir xalqın həyatında mühüm ictimai-siyasi hadisədir. Çünki bu proses vasitəsilə xalq həm öz rəhbərini, həm də dövlət orqanlarında onu təmsil edəcək insanları seçir və bununla da, hakimiyyətin formalaşmasında iştirak edir. Azərbaycan qarşıdan gələn 9 oktyabr prezident seçkilərinə hazırlaşır.

Bu mühüm tarixi gündə xalq növbəti dəfə növbəti 5 il üçün öz Prezidentini seçəcək. İndi Azərbaycanın hər yerində olduğu kimi, Naxçıvan Muxtar Respublikasında da bu mühüm siyasi kampaniyaya ciddi hazırlıq işləri aparılır. Hamıya məlumdur ki, Azərbaycanda beynəlxalq təşkilatların müsbət qiymətləndirdiyi seçki ənənəsi formalaşıb. Bu ənənə ədalətə, şəffaflığa söykənərək milli dəyərlərimizi də özündə əks etdirir. Bu siyasi günə bir neçə gün qalmış Naxçıvan şəhərindəki bir neçə seçki məntəqəsində olduq. Əvvəlcə 4 saylı Naxçıvan Şəhər Seçki Dairəsinə baş çəkib vəziyyətlə tanış olduq. Qeyd edək ki, seçki dairəsi 37 məntəqəni əhatə edir. Seçki məntəqələri yeni tikilmiş  və ya əsaslı təmir edilmiş binalarda fəaliyyət göstərir.

Dünən Naxçıvan Muxtar Respublikası Prokurorluğunda prokurorluq işçilərinin peşə bayramı və prokurorluq orqanlarının yaradılmasının 95 illik yubileyi münasibətilə tədbir keçirilmişdir. Tədbir iştirakçıları əvvəlcə ulu öndər Heydər Əliyevin Naxçıvan şəhərinin baş meydanında əzəmətlə ucalan abidəsini ziyarət etmiş, Heydər Əliyev Muzeyində olmuşlar.  
Naxçıvan Muxtar Respublikası Prokurorluğunda davam etdirilən yubiley tədbirində Naxçıvan Muxtar Respublikasının prokuroru, II dərəcəli dövlət ədliyyə müşaviri Səbuhi Şahverdiyev çıxış edərək bildirmişdir ki,  bu gün prokurorluq orqanlarının yaradılmasının 95 ili tamam olur. Bu sevinci bizə müstəqil Azərbaycan dövlətinin qurucusu ümummilli liderimiz Heydər Əliyev hər il oktyabr ayının 1-nin “Prokurorluq işçilərinin peşə bayramı günü” kimi qeyd edilməsi barədə 1998-ci il iyulun 17-də imzaladığı Sərəncamla bəxş etmişdir.

Dünən Naxçıvan Muxtar Respublikasında fəaliyyət göstərən seçki dairələrinin veb-kamera olan məntəqələrinin məntəqə seçki komissiyalarının sədr, katib və üzvlərinin iştirakı ilə seminar-treninq keçirilmişdir.
Seminarı giriş sözü ilə açan Mərkəzi Seçki Komissiyasının sədri Məhərrəm Qasımov prezident seçkilərinə hazırlıq sahəsində Naxçıvan Muxtar Respublikasında aparılan işlərdən bəhs edərək bildirmişdir ki, belə tədbirlərin keçirilməsi mühüm əhəmiyyət daşıyır. Belə ki, seçki günü məntəqə seçki komissiyası üzvlərinin öz vəzifələrini düzgün icra etmələri və səsvermə protokollarının təlimata uyğun doldurulması səsvermənin nəticələrinin müəyyən olunması baxımından çox vacibdir.