Mayın 25-də Naxçıvan Muxtar Respublikası Təhsil Nazirliyinin və Naxçıvan Qarnizonunun təşkilatçılığı ilə muxtar respublikanın ümumtəhsil məktəblərinin şagirdləri ilə görüşlər təşkil edilmişdir. Culfa, Şahbuz, Kəngərli rayonlarında, həmçinin Naxçıvan şəhərində yerləşən hərbi təlim poliqonlarında keçirilən görüşlərdə əsas məqsəd şagirdlərdə hərbi vətənpərvərlik ruhunun yüksəldilməsi, onların orduda istifadə edilən döyüş texnikaları ilə tanışlığından ibarət olub. Naxçıvan şəhərində yerləşən təlim poliqonunda Naxçıvan Qarnizonunun rəisi, general-leytenant Kərəm Mustafayev ordu quruculuğundan danışmış, bu istiqamətdə həyata keçirilən tədbirlər haqqında məlumat vermişdir. Xüsusilə müstəqilliyimizin ilk illərində muxtar respublikamızın blokadaya alınması nəticəsində yaranmış çətin vəziyyəti xatırladan Kərəm Mustafayev regionun müdafiəsi ilə bağlı ümummilli lider Heydər Əliyevin xidmətlərindən söhbət açmış, Milli Ordumuzun qarşısında duran mühüm vəzifələrdən bəhs etmişdir.
Naxçıvan Muxtar Respublikasının təhsil naziri Piri Nağıyev çıxış edərək muxtar respublikanın ümumtəhsil müəssisələrində ibtidai hərbi hazırlığın tədrisindən, hərbi kabinələrin fəaliyyətindən və şagirdlərin hərbi vətənpərvərlik ruhunun yüksəldilməsi istiqamətində görülən işlərdən danışmışdır. Vurğulanmışdır ki, son dövrlərdə bu istiqamətdə həyata keçirilən tədbirlər şagirdlərin hərbi peşəyə olan marağını daha da artırmış və bu, ildən-ilə Hərbi Liseyə daxil olanların say artımında da özünü göstərməkdədir. Nazir bu cür tədbirlərin keçirilməsinin təqdirəlayiq olduğunu bildirərək həm də xalq-ordu birliyi baxımından əhəmiyyətini nəzərə çatdırmışdır.
Sonra Silahlı Qüvvələrin arsenalında yer alan müxtəliftəyinatlı döyüş texnikalarına baxış olmuş, hər birinin texniki xüsusiyyətləri ilə bağlı məlumat verilmişdir. Səhra şəraitində maddi-texniki təminat bölmələrinin fəaliyyəti, yaralılara ilkin tibbi xidmətin göstərilməsi, səyyar ideoloji və siyasi hazırlığın təşkili və sair haqqında ətraflı məlumat alan iştirakçılar xüsusitəyinatlı bölmələrin əsgərlərinin helikopterdən paraşütlə enməsini maraqla seyr etmişlər.
Tədbir təlim poliqonundakı səyyar əsgər-məişət kompleksində təşkil edilən nahar fasiləsi ilə başa çatmışdır.

Səbuhi HƏSƏNOV

Filosoflar cəmiyyətin inkişaf qanunlarını müəyyənləşdirərkən bunun üçün insanın fiziki sağlamlığının əsas amil olduğunu bildirmişlər. Fiziki sağlamlığın təmin olunmasında isə məhz fiziki tərbiyənin əvəzsiz rolu vardır. Fiziki tərbiyənin mükəmməl səviyyədə aparılması, onun metodoloji əsaslarının yüksək səviyyədə mənimsənilməsi və tətbiqi insan hüquqlarının qorunduğu bir cəmiyyətdə mümkündür. Məhz belə cəmiyyətdə insan həyatı və fəaliyyəti üçün vacib olan fiziki tərbiyə şəxsiyyətin hərtərəfli inkişafına xidmət etmiş olur. Bu gün yeni inkişaf mərhələsinə qədəm qoyan ölkəmizdə insan hüquqlarının qorunması, qanunun aliliyinin təmin edilməsi istiqamətində məqsədyönlü tədbirlər həyata keçirilmiş və bu tədbirlər öz bəhrələrini verməkdədir. Təcrübə göstərir ki, məhz belə bir cəmiyyətdə fəaliyyət sahəsini hərtərəfli mənimsəmiş, sağlam əqidəli insanlara böyük ehtiyac duyulur. Belə insanların yetişməsində isə hələ məktəbli dövründən başlanan fiziki tərbiyənin müstəsna əhəmiyyəti vardır. Odur ki, bu gün muxtar respublikamızda şagirdlərin fiziki hazırlığının günün tələbləri səviyyəsində aparılmasına xüsusi diqqət göstərilir. Bu diqqət və qayğı, öz növbəsində, müəllimlər qarşısında mühüm vəzifələr qoyur. 

Qeyd olunmalıdır ki, fiziki tərbiyənin, fiziki mədəniyyətin, fiziki kamilliyin, fiziki inkişafın, bədən tərbiyəsi və idmanın ümumtəhsil məktəblərində hərtərəfli inkişafına nail olmaq bilavasitə müvafiq ixtisaslı müəllimlərin üzərinə düşən əsas vəzifələrdəndir. Həmin vəzifələr içərisində şagirdlər arasında ümumi tərbiyənin bərqərar olunması əsas şərtdir. Ümumi tərbiyə üç əsas amili özündə birləşdirir: birinci əqli tərbiyə, ikinci fiziki tərbiyə, üçüncü isə texniki təlim.

Naxçıvan Dövlət Universiteti TEMPUS proqramının “Avropa Birliyi araşdırmaları üzrə kurikulumların işlənib hazırlanması və qabiliyyətlərin inkişaf etdirilməsi” layihəsi çərçivəsində Niderlandın Leyden Universiteti ilə də tərəfdaşlıq edir. Bu tərəfdaşlığın davamı kimi, Leyden Universitetinin əməkdaşı, iqtisad üzrə fəlsəfə doktoru D.M.Oude Nijhuis universitetdə olmuş, İqtisadiyyat, Sosial idarəetmə və hüquq, Beynəlxalq münasibətlər və xarici dillər fakültələrinin tələbələri üçün Avropada iqtisadi böhran, inflyasiya problemləri, onların aradan qaldırılması yolları ilə bağlı mühazirə oxumuşdur.
Mühazirə başlanmazdan əvvəl Naxçıvan Dövlət Universitetinin rektoru, biologiya elmləri doktoru Saleh Məhərrəmov çıxış edərək müasir dövrdə Avropa ölkələri təhsil sistemlərinə inteqrasiyadan və ümum­avropa ali təhsil məkanının formalaşdırılmasının aktuallığından, bu istiqamətdə universitetdə görülən işlərdən danışmışdır.
Sonra Avropanın aparıcı universitetlərindən olan Leyden Universitetinin mütəxəssisinin mühazirəsi dinlənilmişdir. Mühazirədə qlobal iqtisadi böhran, Avropada valyuta sistemində hazırkı vəziyyət və inflyasiya, makroiqtisadi tarazlığın pozulması, işsizliyin artması və sosial rifah halının aşağı düşməsi kimi aktual problemlərə toxunulmuş, Avropa Birliyi ölkələrinin iqtisadi inkişaf konsepsiyalarından bəhs olunmuşdur. İqtisadi böhranın aradan qaldırılmasında dövlətlərarası siyasi-iqtisadi əlaqələrin, beynəlxalq ticarətin, müasir investisiya siyasətinin və özəl sektorun inkişafının əhəmiyyətindən danışan məruzəçi müxtəlif statistik fakt və rəqəmlərdən, diaqramlardan ibarət slaydlar vasitəsilə Avropa ölkələrinin sosial-iqtisadi vəziyyətini təhlil etmiş­dir. Mühazirə diskussiya ilə başa çatmışdır.

Mehriban SULTAN

Dünən Heydər Əliyev Uşaq-Gənclər Yaradıcılıq Mərkəzində Naxçıvan şəhərində fəaliyyət göstərən məktəbəqədər tərbiyə müəssisələrinin uşaqları arasında “Milli dəyərlərimiz – uşaqların aləmi ilə” mövzusunda müsabiqəyə start verilmişdir.

Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsi və Naxçıvan Şəhər İcra Hakimiyyətinin təşkilatçılığı ilə keçirilən müsabiqə uşaqlar arasında milli intellekt səviyyəsinin yüksədilməsi, milli dəyərlərimizin yaşadılması yolunda təbliğat işinin gücləndirilməsi, milli dəyərləri uşaqlara ətraflı şəkildə izah etmək, mənimsətmək, kiçikyaşlı uşaqların Vətənə məhəbbət, böyüyə hörmət, milli dəyərlərə bağlılıq ruhunda formalaşmasının təbliğini gücləndirmək məqsədini daşıyır.
Müsabiqə başlanmazdan əvvəl Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsinin sədr müavini Aytən Məmmədova və Naxçıvan Şəhər İcra Hakimiyyətinin şöbə müdiri İsmayıl Gülməmmədov çıxış edərək muxtar respublikada uşaqların hərtərəfli inkişafı üçün həyata keçirilən tədbirlərdən danışmışlar.
Sonra müsabiqəyə start verilmişdir. Müsabiqədə 1, 3, 10, 11 və 15 nömrəli bağçaların fidanları çıxış etmişlər.
Bugünkü müsabiqədə isə 4, 6, 7 və 12 nömrəli uşaq bağçaları iştirak edəcəklər.
Yekun tədbir may ayının 29-da keçiriləcək, qaliblər müəyyənləşəcək və müsabiqənin təşkilatçıları tərəfindən diplom və hədiyyələrlə mükafatlandırılacaqlar.

Xəbərlər şöbəsi

“Alp Bağları Cəmiyyəti” İngiltərədə yaradılıb. Dünyanın müxtəlif ölkələri bu cəmiyyətin üzvləridir. Müalicəvi otların tədqiqi ilə məşğul olan cəmiyyətin 15 nəfərdən ibarət ekspedisiyası may ayının 18, 19, 20-də Naxçıvanda tədqiqat aparıb.
Ekspedisiyaya İngiltərə, Yeni Zellandiya, Avstraliya və Türkiyə dövlətlərinin bioloqları, botanikləri və təbiətsevərləri qatılmışdılar. Azərbaycan Milli Elmlər Akademiyası Naxçıvan Bölməsinin Bioresurslar İnstitutunun əməkdaşları ilə birlikdə ekspedisiya üzvləri Culfa rayonunun Ərəfsə, Ləkətağ, Ordubad rayonunun Biləv kənd­lərində, Şahbuz rayonunun Batabat yaylağında olublar. Ekspedisiyanın İngiltərə qrupunun rəhbəri Yan Qrin dedi ki, məqsəd analoqu dünyanın heç bir yerində olmayan süsən bitkisinin muxtar respublikada yayılma arealını tədqiq etməkdir. Qrup rəhbərinin bildirdiyinə görə, bitkinin Naxçıvanda bitən növünün müalicəvi cəhətdən əhəmiyyəti dünyanın digər ölkələrində bitən həmin bitkidən çox yüksəkdir. Bu da onunla bağlıdır ki, muxtar respublikanın təbiəti çox təmizdir. Bu isə həmin bitkinin muxtar respublikada geniş yayılmasına imkan verib. Belə tədqiqatlar gələcəkdə də davam etdiriləcək.

Xəbərlər şöbəsi

Naxçıvan Dövlət Universitetində distant təhsil sistemi vasitəsilə AMEA İnformasiya Texnologiyaları İnstitutunun alim və mütəxəssislərinin Naxçıvan Muxtar Respublikasında təhsil alan doktorant və dissertantlar üçün onlayn mühazirəsi dinlənilmişdir.
Onlayn bağlantıda çıxış edən Naxçıvan Dövlət Universitetinin elmi işlər üzrə prorektoru, riyaziyyat üzrə fəlsəfə doktoru, dosent Anar Kazımov yüksək ixtisaslı kadrların yetişdirilməsində, dünyanın nüfuzlu universitetləri ilə genişmiqyaslı əlaqələrin qurulmasında, bilik və təcrübə mübadiləsinin aparılmasında distant təhsil sisteminin mühüm rolundan bəhs etmişdir.
Sonra AMEA İnformasiya Texnologiyaları İnstitutunun əməkdaşı, texnika elmləri doktoru Ramiz Alıquliyevin “Elmmetriya” mövzusunda mühazirəsi dinlənilmişdir.

Təqdimat mərasimində Naxçıvan Muxtar Respublikası Ali Məclisi Sədrinin birinci müavini Azər Zeynalov çıxış edərək qeyd etmişdir ki, Naxçıvan Dövlət Universitetinin sabiq rektoru, akademik İsa Həbibbəyli Azərbaycan Milli Elmlər Akademiyasının 2013-cü il aprelin 24-də keçirilən ümumi yığıncağında akademiyanın vitse-prezidenti seçilmişdir. Bununla əlaqədar olaraq, Azərbaycan Respublikası Prezidentinin 2013-cü il 25 aprel tarixli Sərəncamı ilə İsa Həbib­bəyli Naxçıvan Dövlət Universitetinin rektoru vəzifəsindən azad edilmişdir.
Azər Zeynalov demişdir ki, presedent qaydaya uyğun olaraq, muxtar respublikadakı ali təhsil müəssisələrinin rektorları Naxçıvan Muxtar Respublikası Ali Məclisi Sədrinin təqdimatı əsasında Azərbaycan Respublikasının Prezidenti tərəfindən vəzifəyə təyin və ya azad olunurlar. Naxçıvan Muxtar Respublikası Ali Məclisi Sədrinin təqdimatına əsasən, Azərbaycan Respublikası Prezidentinin 2013-cü il 17 may tarixli Sərəncamı ilə Saleh Heydər oğlu Məhərrəmov Naxçıvan Dövlət Universitetinin rektoru təyin edilmişdir.
Azərbaycan Respublikasının təhsil naziri Mikayıl Cabbarov yeni təyin olunmuş rektoru universitetin kollektivinə təqdim etmiş və ona fəaliyyətində uğurlar arzulamışdır.
Universitetin Azərbaycan tarixi kafedrasının müdiri, tarix elmləri doktoru, dosent Zəhmət Şahverdiyev, Sosial idarəetmə və hüquq fakültəsinin dekanı Qərib Allahverdiyev universitetin keçdiyi tarixi inkişaf yoluna nəzər salmış, muxtar respublikamızda təhsilə və təhsil işçilərinə göstərilən qayğıdan danışmış, universitet kollektivi adından yeni təyin olunmuş rektoru təbrik etmişlər.
Naxçıvan Dövlət Universitetinin rektoru Saleh Məhərrəmov göstərilən yüksək etimadı doğruldacağını, Naxçıvan Dövlət Universitetinin gələcək inkişafı üçün səylə çalışacağını bildirmişdir.
Naxçıvan Muxtar Respublikası Ali Məclisi Sədrinin birinci müavini Azər Zeynalov təqdimat mərasiminə yekun vurmuşdur.

Naxçıvan Dövlət Universitetinin
mətbuat xidməti

Mükəmməl təhsil sisteminə malik olmaq bu və ya digər bir dövlətin gələcəyinin təmin edilməsi və müstəqilliyinin əbədiliyi üçün mühüm şərtlərdən biridir. Bu səbəbdən də ölkəmizdə həyata keçirilən təhsil islahatının əsas məqsədi məhz təlim prosesinin səmərəliliyini təmin etməklə milli və ümumbəşəri dəyərlərə yiyələnən təlim-tədris prosesində yaradıcı, müstəqil düşünməyi bacaran, fəal şəxsiyyət yetişdirməkdir. Ona görə də hər bir müəllim öz bacarıqlı, işgüzar fəaliyyəti ilə müəllim adına  layiq olmağa çalışmalı, özünə və şagirdlərinə qarşı tələbkar olmalı, peşəsinə bağlı keyfiyyətləri özündə cəmləşdirməyi bacarmalıdır.

Bütün bunlar təlimdə keyfiyyətin əldə olunması üçün vacib şərtlərdir. Müəllim bütün hallarda, xüsusən, müəllim-şagird münasibətlərinin qurulmasında nəzakəti, etik tələbləri gözləməli, şagirdlərin şərəf və ləyaqətinə hörmət bəsləməli, onlara münasibətdə ədəblə davranmalıdır. Bu, “pedaqoji takt” adlanır. Pedaqoji takt nədir? Pedaqoji takt xüsusi bacarıq növü olub, şagirdlərlə ünsiyyətdə müəyyən hədlərə riayət etmək deməkdir. Takt müəllimin ağlının, hisslərinin və ümumi mədəniyyətinin ümumiləşmiş ifadəsidir. Şagird şəxsiyyətinə hörmət etmək pedaqoji taktı səciyyələndirən əsas xüsusiyyətdir.

BMT-nin Azərbaycan Respublikasındakı rezident əlaqələndiricisi Antonius Brukun rəhbərlik etdiyi nümayəndə heyəti Naxçıvan Muxtar Respublikasına səfəri çərçivəsində Naxçıvan Dövlət Universitetində də olmuşdur. Universitetin tədris işləri üzrə prorektoru, dosent Surə Seyid qonaqlara ali məktəb haqqında məlumat vermişdir. Bildirilmişdir ki, hazırda universitetdə 11 fakültədə 52 ixtisas üzrə 5000-dən yuxarı tələbə, o cümlədən 12 ölkənin 300 nəfərdən çox vətəndaşı ali təhsil alır. Universitetdə bakalavr, magistratura, doktorantura və rezidentura təhsil pillələri üzrə yüksək ixtisaslı mütəxəssislər hazırlanır. Bu ali məktəb dünyanın 80 tanınmış universiteti ilə beynəlxalq əməkdaşlığa malik olmaqla yanaşı, NATO, BMT, Avropa Şurası kimi nüfuzlu beynəlxalq təşkilatlarla birgə layihələrin hazırlanması və tətbiqində uğurla iştirak edir.
Universitetin elmi işlər üzrə prorektoru, riyaziyyat üzrə fəlsəfə doktoru, dosent Anar Kazımov bildirmişdir ki, hazırda universitetdə 400-dən çox professor-müəllim heyəti, AMEA-nın 6 nəfər həqiqi və müxbir üzvləri, 22 professor, 32 elmlər doktoru fəaliyyət göstərir.
BMT-nin Azərbaycan Respublikasındakı rezident əlaqələndiricisi Antonius Bruk təmsil etdiyi qurumun Azərbaycan Respublikası Təhsil Nazirliyi ilə birlikdə təhsilin inkişafı və inteqrasiyası istiqamətində gördüyü işlərdən danışmış, Naxçıvan Muxtar Respublikasındakı dinamik sosial-iqtisadi inkişafı, ali təhsil quruculuğunu yüksək qiymətləndirmiş, Naxçıvan Dövlət Universiteti ilə əlaqələrin inkişafının əhəmiyyətini vurğulamışdır.
Qonaqlar universitetin maddi-texniki bazası, buradakı tədris prosesi ilə tanış olmuşlar.

Mehriban SULTAN

Naxçıvan Muxtar Respublikası Ali Məclisi Sədrinin “Naxçıvan tarixi” çoxcildliyinin hazır­lanması və nəşr olunması barədə” 6 avqust 2012-ci il tarixli Sərəncamından sonra AMEA Naxçıvan Bölməsinin və Naxçıvan Dövlət Universitetinin tarixçi alimləri sözügedən çoxcildliyin hazırlanmasına cəlb olunmuşlar. Bu məqsədlə AMEA Naxçıvan Bölməsində iclaslar keçirilmiş, çoxcildliyin hazırlanmasına cəlb olunmuş sahə mütəxəssisləri ilə birgə müzakirələr aparılmış, bir sıra tədbirlər həyata keçirilmişdir. Belə ki, “Naxçıvan tarixi” çoxcildliyinin strukturu və planı hazırlanmış, redaksiya heyəti və müəlliflər qrupu təsdiq olunmuş, çoxcildliyə daxil ediləcək əlavələr – şəkillər, xəritələr, illüstrativ materiallar, sxemlər, cədvəllər müəyyənləşdirilmiş, bununla əlaqədar işçi qrupu yaradılmışdır.
Məlumat üçün qeyd edək ki, “Naxçıvan tarixi” çoxcildliyində Naxçıvan tarixinin ən qədim dövrlərdən başlayaraq günümüzədək olan bütün mərhələləri xronoloji ardıcıllıqla öz əksini tapacaq. “Giriş”dən, 17 fəsildən, ədəbiyyat siyahısından və əlavələrdən ibarət olacaq çoxcildliyin birinci cildi qədim dövrlərdən XVIII əsrin ortalarınadək, ikinci cildi XVIII əsrin ortalarından XX əsrin 30-cu illərinin sonunadək, üçüncü cildi isə İkinci Dünya müharibəsindən günümüzədək olan dövrü əhatə edəcəkdir.
Çoxcildliyin bu ilin sоnuna kimi nəşr еdilməsi nəzərdə tutulan və Naxçıvan tarixinin ən qədim dövrlərindən XVIII əsrin ortalarınadək olan dövrünü əhatə edən birinci cildi Naxçıvanın tarixi ərazisinin, fəsil və para­qrafların müəlliflərinin, Naxçıvanın təbii-coğrafi şəraitinin, məskunlaşmanın, əhalisinin və “Naxçıvan” adının mənşəyinin əks olunduğu “Giriş”dən, həmçinin “Naxçıvan qədim dövrdə”, “Naxçıvan e.ə IX-b.e II əsrlərində”, “Naxçıvan erkən orta əsrlər dövründə”, “Naxçıvan X-XIII əsrin I rübündə”, “Naxçıvan XIII-XV əsrlərdə” və “Naxçıvan Səfəvilər dövründə” adlı fəsillərdən ibarətdir.
İkinci və üçüncü cildlərdə isə müvafiq olaraq, “Naxçıvan xanlıqlar dövründə”, “Naxçıvanın Rusiya tərəfindən işğalı”, “Naxçıvan XIX əsrdə”, “Naxçıvan XX əsrin əvvəllərində”, “Naxçıvan XX əsrin 20-30-cu illərində”; “Naxçıvan İkinci Dünya müharibəsi dövründə”, “Naxçıvan müharibədən sonrakı bərpa dövründə və 50-60-cı illərdə”, “Naxçıvan 70-80-ci illərdə”, “Naxçıvanda müstəqillik uğrunda mübarizə (1988-1990-cı illər)”, “Naxçıvan müstəqilliyin ilk illərində (1991-1993-cü illər)” və “Naxçıvan müstəqilliyin möhkəmləndirilməsi dövründə (1993-2013)” adlı fəsillərə yer veriləcəkdir.
Onu da qeyd edək ki, çoxcildliyin hazırlanmasına 30 müəllif cəlb olunmuşdur. Birinci cildin hazırlanması ilə yanaşı, ikinci və üçüncü cildlərin də 2014 və 2015-ci illərdə nəşr edilməsi istiqamətində işlər davam etdirilir.

AMEA Naxçıvan Bölməsinin
İnformasiya şöbəsi

Naxçıvan Dövlət Universitetində Gürcüstanın Şota Rustaveli adına Batumi Dövlət Universitetindən gəlmiş və tələbə mübadiləsi yolu ilə ali təhsillərini bir semestr boyunca burada davam etdirmiş gürcü tələbələrin konserti olmuşdur.
Hər iki ölkənin Dövlət himnləri səsləndikdən sonra universitetin tədris işləri üzrə prorektoru, dosent Surə Seyid universitetlərarası əlaqələrin inki­şa­fından danışaraq bildirmişdir ki, 2012-ci ildə Gürcüstanın Acarıstan Muxtar Respublikası hökuməti Sədrinin Naxçıvan Muxtar Respublikasına səfəri zamanı universitetlərarası əməkdaşlıq müqaviləsi imzalanmışdır. Qeyd olunmuşdur ki, universitetin Azərbaycan dili və ədəbiyyatı müəllimliyi, fransız dili müəllimliyi, ingilis dili müəllimliyi, alman dili müəllimliyi ixtisasları üzrə 4 nəfər tələbə 2012-2013-cü tədris ilinin I semestri ərzində təhsillərini Acarıstan Muxtar Respublikasının Şota Rustaveli adına Batumi Dövlət Universitetində, həmin universitetin 4 nəfər tələbəsi isə 2012-2013-cü tədris ilinin II semestri ərzində təhsillərini Naxçıvan Dövlət Universitetində davam etdirmişlər.
Sonra konsert proqramı təqdim olunmuşdur. Konsertdə Azərbaycan-Gürcüstan mədəniyyətini əks etdirən musiqi nömrələri, mahnı və rəqslər, həmçinin poeziya nümunələri səsləndirilmişdir. Gürcü tələbələrin təqdim etdiyi musiqi çələngi, “Azərbaycan-Gürcüstan” dostluq mahnısının birgə ifası alqışlarla qarşılanmışdır.
Konsertin sonunda universitetin tərbiyə işləri üzrə prorektoru, fəlsəfə elmləri doktoru, professor Məmməd Rzayev çıxış edərək gürcü tələbələrə bundan sonrakı fəaliyyətlərində, dostluq əlaqələrinin davam etdirilməsində uğurlar arzulamışdır. Gürcü tələbələr adından Azərbaycan dili və ədəbiyyatı ixtisası üzrə II kursda təhsil alan Nona Nikabadze çıxış edərək universitetdə təhsil aldıqları müddətdə onlara göstərilən diqqət və qayğıya, yaradılan hərtərəfli şəraitə görə minnətdarlığını bildirmişdir.
Təhsildə, elmi-ictimai mühitdə fərqlənən gürcü tələbələr universitetin fəxri fərmanı ilə təltif edilmişlər.

Mehriban SULTAN

AMEA Naxçıvan Bölməsinin Əlyazmalar Fondu tərəfindən ötən il Şahbuz rayonu ərazisindən “Böyük Qarabaddin” adlı əlyazma tapılıb. İlkin araşdırma zamanı müqəddimə hissəsində göstərilən məlumatdan əsərin müəllifinin Əzəm xan olduğu və Məhəmməd Əbdul Rəhman xan tərəfindən tərtib olunaraq çap edildiyi müəyyən olunub. Tədqiqata cəlb olunan nüsxənin bu günlərdə dəqiq araşdırmalardan sonra tibbə aid olduğu müəyyən edilib.
Nüsxənin fars dilində nəstəliq xətt ilə hicri-qəməri tarixinin 1302-ci ilində, miladi tarixinin isə 1880-ci ilində üzü köçürülüb.
Əldə olunan nüsxə əsas və xülasə olmaqla, iki hissədən ibarətdir. Əsərin sonunda verilən cədvəldən xülasənin (395-ci səhifədən 415-ci səhifəyədək) Fazil Naxçıvani tərəfindən işləndiyi müəyyən olunub. Nüsxənin 416-cı – son səhifəsində əsərin üzünün köçürülməsi göstərilib. “Böyük Qarabaddin” adlı əlyazma üzərində aparılan tədqiqat işlərinin bu ilin sonunadək yekunlaşdırılması nəzərdə tutulub.

Xəbərlər şöbəsi

Naxçıvan Müəllimlər İnstitutu Azərbaycanda və qardaş Türkiyə Respublikasında fəaliyyət göstərən ali təhsil ocaqları ilə qarşılıqlı əməkdaşlıq əlaqələrinin yaradılmasına ciddi fikir verir. Şimali Kipr Türk Cümhuriyyətinin Doğu Ağdəniz Universiteti ilə bağlanan müqavilə belə əlaqələri bir qədər də genişləndirib. 2012-ci il dekabr ayının 28-də bağlanmış müqaviləyə əsasən, hər iki ali təhsil ocağı arasında ustad dərslərin, birgə qarşılıqlı mədəni-kütləvi tədbirlərin keçirilməsi, tələbə mübadiləsi aparılması, Doğu Ağdəniz Universiteti tərəfindən muxtar respublikanın müəllimləri üçün yay kurslarının təşkili, Naxçıvan Müəllimlər İnstitutu tərəfindən regionun turizm məkanlarının, tarixi abidələrinin, görməli yerlərinin tanıdılması məqsədilə tədbirlərin həyata keçirilməsi nəzərdə tutulub. Aprel ayının 24-dən başlayaraq 8 gün Doğu Ağdəniz Universitetinin 4 əməkdaşının Naxçıvan Müəllimlər İnstitutunda “Ağıllı lövhə” proqramı üzrə tələbələrə məşğələlər keçməsi müqavilədə nəzərdə tutulmuş tədbirlərdən biridir. Naxçıvan Muxtar Respublikasının ali, orta ixtisas və ümumtəhsil məktəblərində elektron lövhələrdən düzgün istifadə və müasir informasiyaların təhsildə tətbiqi məqsədilə keçilən məşğələlərin hər biri saatyarımlıq olmaqla, gündə 3 dəfə təşkil olunub. Məşğələlərdə 123 tələbə iştirak edib. Qeyd edək ki, məşğələlərdə müəllimlərin də iştirakı təmin olunub.
Sonuncu məşğələdən sonra keçirilən görüşdə institutun rektoru, professor Oruc Həsənli, Xarici əlaqələr şöbəsinin müdiri, filologiya üzrə fəlsəfə doktoru Həsənəli Eyvazlı və başqaları çıxış edərək tədbirin əhəmiyyətini yüksək qiymətləndiriblər.
Tədbirdə qonaqlara hədiyyələr, məşğələlərdə iştirak edən tələbələrə sertifikatlar təqdim olunub.
Qonaqlar adından çıxış edən Azərbaycan-Şimali Kipr Türk Cümhuriyyəti Dostluq Cəmiyyətinin sədri, Doğu Ağdəniz Universitetində Azərbaycan və Qazaxıstan üzrə təmsilçi Orxan Həsənoğlu səmimi qarşılandıqlarına görə institutun kollektivinə minnətdarlıq edib, belə görüşlərin hər iki ali təhsil ocağı tərəfindən müntəzəm olaraq davam etdiriləcəyinin nəzərdə tutulduğunu bildirib.

Xəbərlər şöbəsi

Dünən Naxçıvan Dövlət Texniki Kollecində ümummilli lider Heydər Əliyevin 90 illik yubileyi münasibətilə kollecin tələbələri arasında olimpiada keçirilmişdir.
Olimpiada başlanmazdan əvvəl kollecin direktoru Məhəmməd Qəribov çıxış edərək bildirmişdir ki, dahi rəhbər Heydər Əliyev ölkəmizin düşdüyü ən ağır vaxtlarda xalqının köməyinə çatmış, gördüyü böyük işlərlə hər bir azərbaycanlının qəlbində əbədi yaşamaq hüququ qazanmışdır. Xoşbəxt gələcəyimiz naminə göstərdiyi belə misilsiz xidmətlərlə ümummilli liderimizin adı Azərbaycan tarixinə qızıl hərflərlə yazılmışdır. Onun əməlləri, qurduğu dövlət, işıqlı ideyaları ölməzdir, əbədiyaşardır. Bu gün hər bir Azərbaycan gənci ulu öndərin həyat və siyasi fəaliyyətinə dərindən bələd olmalı, onun ideyalarına sadiq bir vətəndaş kimi yetişməlidir.
Keçirilən olimpiadanın bütün suallarının ümummilli liderin həyat və siyasi fəaliyyətinə həsr olunduğunu deyən Məhəmməd Qəribov bildirmişdir ki, bu olimpiada ulu öndərə böyük sevgi və ehtiramın ifadəsidir.
Sonra olimpiadaya start verilmişdir. Olimpiadada 20 komanda və hər komandada 5 tələbə iştirak etmişdir. Komandaların hər birinə 20 sual təqdim edilmişdir.
Qaliblərə diplomlar və mükafatlar verilmişdir.

Xəbərlər şöbəsi

Hərtərəfli biliyə malik intellektli gənclər yetişdirmək, onları yetkin şəxsiyyət kimi cəmiyyətə təqdim etmək hər bir ali təhsil müəssisəsinin istəyi və əsas vəzifələrindəndir. Bağban bəsləyib yetişdirdiyi ağacın saf meyvəsinə sevindiyi kimi, müəllim də yetirdiyi intellektli, savadlı tələbələrin uğurlarına sevinir, onlarla fəxr edir.
Müstəqil fəaliyyətinin 10 illiyini qeyd etməyə hazırlaşdığımız Naxçıvan Müəllimlər İnstitutunda da ötən illər ərzində bir çox tələbələrimizin əldə etdiyi yaradıcılıq uğurlarına sevinmişik. İnstitutumuzda aparılan maarifləndirici tədbirlərin nəticəsidir ki, tələbələrimiz son vaxtlar dünyanın müxtəlif ölkələrində fəaliyyət göstərən beynəlxalq tələbə assosiasiyaları ilə əlaqələr qurur, forumların iştirakçıları olurlar.
Bu yazıda xarici ölkələrin universitet tələbələri cərgəsində öz sözlərini deyən, institutumuzun fəxri olan iki tələbəmizin uğurlarından bəhs etmək istərdik.
Naxçıvan Müəllimlər İnstitutunun təhsildə sosial-psixoloji xidmət ixtisası üzrə IV kurs tələbələri Murad Məmmədov və Yaqut Rəhimova internet vasitəsi ilə beynəlxalq tələbə yarışlarına qatılmış və uğurlu nəticələr əldə etmişlər.

Şərqin ilk satirik mətbuat orqanı olan “Molla Nəsrəddin” jurnalının nəşr tarixi hər il Naxçıvan Dövlət Universitetində qeyd olunur. Universitetdə keçirilən “Cəlil Məmmədquluzadənin sənət idealları və müasir dövr” mövzusundakı elmi konfransla “XII Cəlil Məmmədquluzadə günləri”nə başlanmışdır.
Konfransda giriş sözü ilə çıxış edən rektor, akademik İsa Həbibbəyli böyük mütəfəkkir, demokrat yazıçı Cəlil Məmmədquluzadənin Azərbaycan ədəbiyyatında, ictimai-fikir tarixində xidmətlərindən danışmış, ədibi milli istiqlal ədəbiyyatının sərkərdəsi kimi dəyərləndirərək onun milli dirçəliş və tərəqqi, müstəqillik uğrunda apardığı əhəmiyyətli mübarizədən bəhs etmişdir.
Konfransda Tarix-filologiya fakültəsinin dekanı, filologiya üzrə fəlsəfə doktoru, dosent İman Cəfərov “Azərbaycan ədəbiyyatşünaslığında Cəlil Məmmədquluzadə yaradıcılığı və dünya ədəbiyyatı məsələsi”, Beynəlxalq münasibətlər kafedrasının müdiri, fəlsəfə doktoru, dosent Yusif Hüseynov “Cəlil Məmmədquluzadə və milli mənafe məfkurəsi”, Azərbaycan ədəbiyyatı kafedrasının dosenti, filologiya üzrə fəlsəfə doktoru Əbülfəz Əzimli “Cəlil Məmmədquluzadə yeni dövrün yeni üslublar yazıçısıdır”, Azərbaycan dilçiliyi kafedrasının dosenti, filologiya üzrə fəlsəfə doktoru Qalibə Hacıyeva “Cəlil Məmmədquluzadə yaradıcılığında dil problemi və onomastik vahidlərin üslubi xüsusiyyətləri” mövzularında məruzələr etmişlər.
Məruzələrdə böyük yazıçı və nasir, publisist Cəlil Məmmədquluzadənin həyat və fəaliyyəti, nəsr, dramaturgiya yaradıcılığı, bədii publisistikası, dramaturji üslubu, yaradıcılığını dil və janr cəhətdən səciyyələndirən xüsusiyyətlərdən bəhs olunmuşdur. Vurğulanmışdır ki, Azərbaycan ədəbiyyatında kiçik hekayənin böyük ustadı, tənqidi-realist nəsrin dahi yaradıcısı kimi geniş şöhrət qazanmış, Azərbaycan ədəbiyyatı tarixində tragikomediyanın, mətbuatda isə bütün Şərqdə satirik publisistikanın yaradıcısı olmuş Mirzə Cəlilin bədii irsi vətəndaş ziyalılıq, milli məfkurəyə sədaqət nümunələri kimi hər zaman aktualdır, gənc nəslin faydalanacağı böyük məktəbdir.
Tarix-filologiya fakültəsinin tələbələri görkəmli ədibin əsərlərindən nümunələr səsləndirmiş, ona ithaf olunmuş şeirləri bədii qiraət etmişlər.
Qeyd edək ki, “XII Cəlil Məmmədquluzadə günləri” çərçivəsində muzey ekskursiyaları keçiriləcək, karikatura və kitab sərgiləri, ustad Mirzə Cəlildən bəhs edən bədii və sənədli filmlər nümayiş etdiriləcək.

Mehriban SULTAN

Dünən muxtar respublikanın ali və orta ixtisas təhsili müəssisələrinin tələbələri arasında “Nuh yurdu” intellektual müsabiqəsi keçirilib. Müsabiqəni Naxçıvan Muxtar Respublikası Gənclər və İdman Nazirliyi ilə YAP Naxçıvan Muxtar Respublikası Təşkilatının Heydər Əliyev adına Gənclər Birliyi təşkil edib.
Oyunun şərtləri, keçirilmə qaydası və əhəmiyyəti ilə bağlı ətraflı məlumat verildikdən sonra komandalar biliklərini sınayıblar. Müsabiqədə 8 komanda iştirak edib. Müsabiqə 2 qrupda olub, komandalar finala qədər iki mərhələdən keçiblər. Komandalar hər mərhələdə müxtəlif mövzulardan ibarət bəlli, şərti, sirli və fərdi raundlarda öz intellektual səviyyələrini göstəriblər. Bu mərhələlərdə müsabiqənin birincisi olmağa iddialı olan Naxçıvan Dövlət Universitetinin “Fikir” və “Əlincə”, Naxçıvan Özəl Universitetinin “İrəli” və Naxçıvan Müəllimlər İnstitutunun “Araz” komandaları finalda mübarizəni davam etdiriblər. Final mərhələsi gərgin və maraqlı keçib. Bu mərhələdə verilən sualları cavablandırmaqda fəallıq göstərən “Əlincə” komandası müsabiqənin qalibi olub. “Fikir” komandası ikinci, “İrəli” komandası isə üçüncü yerləri tutublar.
Qeyd edək ki, birinci, ikinci və üçüncü yerləri tutan komandalar “Xəmsə” milli intellektual oyunlarında muxtar respublikamızı təmsil edəcəklər.

Naxçıvan Muxtar Respublikası
Gənclər və İdman Nazirliyinin mətbuat xidməti

AMEA Naxçıvan Bölməsinin nəzdində fəaliyyət göstərən “Tusi” nəşriyyatında dərc olunan “Xəbərlər” jurnalının bu ilə olan ilk sayı işıq üzü görmüşdür.
Tanınmış alim və ziyalılarımızın müxtəlif sahələrdə apardıqları araşdırmalar, əldə etdikləri elmi nəticələr, topladıqları materiallar əsasında hazırladıqları elmi məqalələr məcmuəsi “Xəbərlər” jurnalının 306 səhifədən ibarət növbəti 30-cu sayı ictimai və humanitar elmlər seriyasına həsr edilmişdir.
Jurnalın Tarix, Arxeologiya və Etnoqrafiya, Azərbaycan dili, Folklor və Ədəbiyyat, İncəsənət, İqtisadiyyat bölmələrində 42 müəllifin 40-a yaxın elmi məqaləsi dərc olunmuşdur.
Elmi məcmuədə AMEA Naxçıvan Bölməsinin sədri, akademik İsmayıl Hacıyevin, Naxçıvan Dövlət Universitetinin rektoru, akademik İsa Həbibbəylinin, AMEA Naxçıvan Bölməsinin Tarix, Etnoqrafiya və Arxeologiya İnstitutunun direktoru, professor Hacıfəxrəddin Səfərlinin, həmin institutun şöbə müdiri, AMEA-nın müxbir üzvü Vəli Baxşəliyevin, İncəsənət, Dil və Ədəbiyyat İnstitutunun direktoru, AMEA-nın müxbir üzvü Əbülfəz Quliyevin, həmin institutun elmi işlər üzrə direktor müavini, filologiya üzrə fəlsəfə doktoru Firudin Rzayevin və digər elm adamlarının “Naxçıvanın muxtariyyəti tarixi nailiyyətdir”, “Məmməd Səid Ordubadinin şeir yaradıcılığı: dövrandan şikayətdən milli istiqlala”, “Araz vadisi ilkin şəhərin yarandığı mərkəzlərdən biri kimi”, “Ermənistan-Azərbaycan münaqişəsinin yaxın gələcəyi (təhlil və mülahizələr)”, “Mövlana və Əkmələddin Naxçıvani”, “Naxçıvanda qədim Hürrü boyları və onların dili (Naxçıvan oykonimləri əsasında)”, “Naxçıvan rəssamlarının portret yaradıcılığı (1950-1990)”, “Naxçıvanda teatrın formalaşması və inkişafında yerli ziyalıların rolu (1905-ci ilədək), “Naxçıvan Muxtar Respublikasının xarici ticarəti” və müxtəlif mövzularda yazdıqları orijinal elmi məqalələri toplanılmışdır.
Qaynaqlara və müxtəlif dövrlərdə yaşamış müəlliflərin əsərlərinə istinad edilməklə çap olunmuş elmi məqalələrin rus və ingilis dillərində xülasələri verilmiş, ədəbiyyat siyahısı kodlaşdırılmışdır.

AMEA Naxçıvan Bölməsinin
İnformasiya şöbəsi

Naxçıvan Muxtar Respublikasında 2013-cü ilin “Heydər Əliyev ili” elan olunması ilə əlaqədar Heydər Əliyev Uşaq-Gənclər Yaradıcılıq Mərkəzində tədbir keçirilmişdir.
Tədbiri giriş sözü ilə Heydər Əliyev Uşaq-Gənclər Yaradıcılıq Mərkəzinin direktoru Rauf Hüseynov açaraq ulu öndərin zəngin dövlətçi­lik fəaliyyətindən danışmışdır. Bildirilmişdir ki, xalqımızın böyük oğlu Heydər Əliyev həyatının bütün mərhələlərində Vətən və xalq üçün çalışmış, ömrünü bu yolda şam kimi əritmişdir.
Qeyd olunmuşdur ki, Azərbaycan tarixinin 40 ilə yaxın bir müddəti əhatə edən son dövrü bila­vasitə onun adı ilə bağlıdır. Bu mərhələdəki bütün uğurlarımızın, siyasi, iqtisadi, sosial-mədəni tərəqqimizin rəhbəri, ilhamvericisi, təminatçısı məhz dahi rəhbər Heydər Əliyevdir.
Sonra mərkəzin dərnək rəhbəri Leyla Mürsəlova çıxış edərək ümummilli lider Heydər Əliyevin Azərbaycana rəhbərlik etdiyi dövrü mədəniyyətimizin tarixində yeni intibah dövrü kimi qiymətləndirmişdir. Vurğulanmışdır ki, klassik Azərbaycan ədəbiyyatı, incəsənəti, çoxəsrlik tariximiz məhz ulu öndər Heydər Əliyevin ölkəmizə rəhbərlik etdiyi dövrdə onun bilavasitə dəstəyi, himayədarlığı, gərgin səyləri nəticəsində bütün dünyada tanınmış, kino, teatr, balet, təsviri incəsənət əsərlərimiz sərhədləri aşmışdır.
Tədbirdə “Gənc Heydərçilər” dərnəyinin üzvləri ulu öndərimizə həsr olunmuş şeirləri bədii qiraət etmişlər.
Sonra mərkəzin Texniki yaradıcılıq və Bədii şöbələrinin “Bacarıqlı əllər”, “Bədii tikmə”, “Toxuma” və “Dekorativ tətbiqi sənət” dərnəklərinin üzvlərinin əl işlərindən ibarət sərgiyə baxış olmuşdur. 

Firəngiz HÜSEYNBƏYLİ

АMЕА Nахçıvаn Bölməsinin Biоrеsurslаr İnstitutunun Tоrpаq еhtiyаtlаrı lаbоrаtоriyаsının rəhbəri, kənd təsərrüfаtı üzrə fəlsəfə doktoru, dоsеnt Sаhib Hаcıyеvin və Dənli, taxıl və paxlalı bitkilər lаbоrаtоriyаsının rəhbəri, kənd təsərrüfаtı üzrə fəlsəfə doktoru, dоsеnt Rəşadət Əmirovun həmmüəllifi olduqları “Naxçıvan Muxtar Respublikasının müasir torpaq xəritəsinin əkinçilik sistemində rolu” adlı monoqrafiya bu günlərdə “Əcəmi” Nəşriyyat-Poliqrafiya Birliyində işıq üzü görüb.

Akademik Qərib Məmmədovun elmi redaktorluğu ilə nəşr edilən monoqrafiyada Naxçıvan Muxtar Respublikasında müasir torpaq xəritəsinin əkinçilik sistemində rolu haqqında məlumatlar verilir. Səkkiz il müddətində müəlliflər tərəfindən müxtəlif ərazidə aparılmış genişmiqyaslı torpaq tədqiqatları Naxçıvan Muxtar Respublikasının müasir üsulla torpaq xəritəsinin tərtib edilməsinə şərait yaratmışdır. Mono­qrafiyada əksini tapan həmin xəritədə torpaqların tipi, yarımtipi, növ müxtəliflikləri göstərilmiş, gələcəkdə Naxçıvan Muxtar Respublikasında torpaqlardan daha səmərəli istifadə etmək imkanları əks olunmuşdur.
Monoqrafiyadakı “Naxçıvan Muxtar Respublikasında relyef şəraiti nəzərə alınmaqla torpaq xəritəsinin tərtibi üçün müəyyən olunan vəzifələr”, “Naxçıvan Muxtar Respublikasında torpaqların coğrafi yayılması”, “Naxçıvan Muxtar Respublikasının relyefin plastikası üsulu ilə yeni torpaq xəritəsinin tərtibi”, “Naxçıvan Muxtar Respublikası torpaqlarının qiymətləndirilməsi (bonitirovkası) və aqroistehsalat qruplaşdırılması”, “Naxçıvan Muxtar Respublikasında torpaq münbitliyinin artırılması üçün aparılan tədbirlər” adlı başlıqlarda aparılan tədqiqatlardan alınmış nəticələr ümumiləşdirilərək Naxçıvan Muxtar Respublikasında torpaq münbitliyinin qorunması, bərpası və səmərəli istifadə olunmasına dair ətraflı məlumatlar işıqlandırılmışdır.
178 səhifəlik yeni nəşrin sonunda tədqiqat işinin nəticələri təhlil olunaraq muxtar respublika şəraitində torpaqlardan səmərəli istifadə olunması və torpaq münbitliyinin artırılması üçün tədbirlər müəyyənləşdirilmiş, bir neçə təklif və tövsiyələr verilmişdir.
Qeyd edək ki, yeni tərtib olunmuş torpaq xəritəsi muxtar respublikanın uyğun kənd təsərrüfatı müəssisələrində çalışan mütəxəssislər və ali məktəblərin kənd təsərrüfatı, coğrafiya, biologiya, iqtisadiyyat ixtisaslarının tələbələri üçün dəyərli vəsaitdir.

AMEA Naxçıvan Bölməsinin
İnformasiya şöbəsi

Göstərilən dövlət qayğısı sayəsində son vaxtlar Naxçıvan Dövlət Universitetinin ölkədə və beynəlxalq aləmdə nüfuzunun artması Böyük Britaniyanın dünyada məşhur olan Kembric Universitetinin  də diqqətini cəlb etmişdir. Beynəlxalq miqyasda böyük imicə malik olan Kembric Universiteti hər il müstəqil olaraq apardığı seçim əsasında Naxçıvan Dövlət Universitetini özünün dostları olan universitetlər sırasına daxil etmişdir. Ənənəyə uyğun olaraq, Kembric Universitetinin dostluq və əməkdaşlıq üçün seçdiyi ali məktəblər haqqında “Mükəmməlliyə bələdçi. Qlobal təhsil və imkanlar” seriyasından olan bələdçi kitabında bu dəfə Naxçıvan Dövlət Universitetinə yer ayrılmışdır.

Bu yaxınlarda qabaqcıl təhsil müəssisələri və onların əldə etdiyi uğurları, həmçinin bu ali məktəblərin elmi imkanları haqqında məlumatları əks etdirən İngiltərənin Kembric Universitetinin illik nəşri olan “Mükəmməlliyə bələdçi. Qlobal təhsil və imkanlar” seriyasının 2013-cü ilə aid növbəti sayı çap olunmuşdur. Kitabda Böyük Britaniya, Rusiya, Türkiyə, Çin, Kanada, Almaniya, Pakistan, İsveç, Küveyt, Hollandiya, Malayziya, Tailand, İspaniya, İtaliya, Danimarka, Qazaxıstan, Serbiya, Birləşmiş Ərəb Əmirlikləri, Qətər və dünyanın başqa aparıcı təhsil ölkələri də daxil olmaqla, 44 ölkədən 183 təhsil müəssisəsi sırasında Azərbaycanın ən mühüm akademik, iqtisadi və mədəni regionlarından birinin əsas elm və ali təhsil mərkəzi olan Naxçıvan Dövlət Universiteti, onun əldə etdiyi uğurlar haqqında məqalə verilmiş, nəşrə Naxçıvan Dövlət Universitetinin rektoru, akademik İsa Həbibbəylinin müsahibəsi daxil edilmişdir.

Mart ayının 18-də Naxçıvan Muxtar Respublikası Ali Məclisində bədən tərbiyəsi və idmanın hazırkı vəziyyəti və qarşıda duran vəzifələrlə bağlı keçirilən müşavirədə qarşıya qoyulan tapşırıqların müzakirəsi, bu sahədə mövcud vəziyyətin qiymətləndirilməsi məqsədilə Ordubad rayonunda tədbir keçirilib.
Tədbiri giriş sözü ilə rayon İcra Hakimiyyətinin başçısı Elşad Əliyev açaraq Naxçıvan Muxtar Respublikası Ali Məclisində keçirilən müşavirədə muxtar respublika rəhbəri tərəfindən qarşıya qoyulan vəzifələrdən danışıb. O deyib ki, sözügedən müşavirədə yetişməkdə olan gənclərin fiziki sağlamlığının təmin olunması məqsədilə ümumtəhsil məktəblərində bədən tərbiyəsi və idman dərslərinin təşkilinin ciddi nəzarətə götürülməsi qarşıya vəzifə kimi qoyulub. Bundan başqa, şəhər və rayon İcra hakimiyyətlərinə bununla bağlı fəaliyyətlərini gücləndirməsi, Təhsil şöbələri ilə birlikdə istər ümumtəhsil, istərsə də Uşaq- Gənclər Şahmat və İdman məktəblərində tədrisin vəziyyəti ilə ciddi maraqlanılması tapşırılıb. Müşavirədə qeyd edilib ki, şəhər və rayon İcra hakimiyyətləri qısa müddətdə idman federasiyalarının şəhər və rayon şöbələrinin yaradılmasına nail olmalı, rayon İcra hakimiyyətlərinin başçıları idman federasiyalarının rayonlarda yaradılan şöbələrindən birinə rəhbərlik etməli, idmanın kütləviliyi, müxtəlif idman yarışlarının təşkili və keçirilməsi təmin edilməli, gənc idmançıların hazırlanmasına, yerlərdəki idman qurğu və obyektlərindən, eləcə də olimpiya idman komplekslərindən istifadəyə, bununla yanaşı, onların qorunub-saxlanılmasına da diqqət artırılmalıdır. Yığıncağın keçirilməsində məqsəd qarşıya qoyulan vəzifələrin və verilən tapşırıqların qısa müddətdə və keyfiyyətlə yerinə yetirilməsi yollarının müzakirəsi və konkret istiqamətlərin müəyyənləşdirilməsidir.
Qeyd edilib ki, uşaqlarla məktəbdənkənar bədən tərbiyəsi və idman tədbirlərinin aparılması, o cümlədən uşaq və gənclərin asudə vaxtlarında bədən tərbiyəsi və idman məşğələlərinə cəlb edilməsi məqsədilə əlaqədar qurumlarla birlikdə konkret addımların atılmasına başlanılıb. Bundan başqa, rayon Təhsil Şöbəsi məktəblərdə yay-idman məşğələlərinin təşkil olunması, təhsil müəssisələrində idman zal və qurğularından səmərəli istifadə edilməsi, bədən tərbiyəsi və idman sahəsində pedaqoji fəaliyyətə müvafiq ixtisas təhsili olanları cəlb etmək üçün müvafiq işlər görməli, bütün təhsil müəssisələrində bədən tərbiyəsinin tədrisinə nəzarət gücləndirilməlidir.
Sonra məruzə ətrafında rayon Təhsil Şöbəsinin müdiri İlqar Həsənovun, Gənclər və İdman İdarəsinin rəisi Rafiq Bayramovun, Uşaq-Gənclər İdman Məktəbinin direktoru Elşən Əliyevin, Şahmat Məktəbinin direktoru İsrafil Məmmədovun çıxışları olub.

Xəbərlər şöbəsi

Azərbaycan xalqının ümummilli lideri Heydər Əliyevin 90 illik yubileyi ilə əlaqədar olaraq muxtar respublikamızın bütün bölgələrində olduğu kimi, Babək rayonunda da müxtəlif tədbirlər keçirilir, ulu öndərin dövlətçilik xətti öyrənilir, xalqımızın xilası, inkişafı yolundakı titanik xidmətləri böyük minnətdarlıqla xatırlanır. Rayon ümumtəhsil məktəbləri arasında keçirilən şeir müsabiqəsi də ulu öndərin yubileyinə həsr olunub.
Müsabiqə zonalar üzrə keçirilir. Zeynəddin kənd tam orta məktəbində keçirilən I zona turu başlanmazdan əvvəl çıxış edən rayon İcra Hakimiyyəti başçısının müavini Səlvər Hacıyev, Təhsil Şöbəsinin əməkdaşı Nicat Fətullayev, Sirab kənd tam orta məktəbinin müəllimi Əli İsmayılov və Hacıvar kənd tam orta məktəbinin müəllimi Sədaqət Həmzəyeva ümummilli liderin həyat yolundan, gənclərin savadlanması istiqamətindəki fəaliyyətindən bəhs ediblər.
Sonra Hacıvar, Yarımca, Sirab və Zeynəddin kənd tam orta məktəblərinin şagirdləri şairlərimizin ulu öndərə, Vətənə, torpağa, müstəqilliyimizə həsr etdikləri şeirləri bədii qiraət ediblər.
Müsabiqədə seçilən şagirdlər may ayının 6-da keçiriləcək final mərhələsinə vəsiqə qazanıblar.

Xəbərlər şöbəsi

Ordubad rayonunun ümumtəhsil müəssisələrinin şagirdləri arasında Azərbaycan xalqının ümummilli lideri Heydər Əliyevin 90 illik yubileyi ilə əlaqədar “Heydər Əliyev və Azərbaycan” mövzusunda inşa yazı müsabiqəsinə yekun vurulmuşdur.
Rayon Təhsil Şöbəsi ilə Gənclər və İdman İdarəsinin birgə təşkil etdiyi müsabiqənin yekun mərhələsində ən yaxşı inşa yazıları münsiflər heyəti tərəfindən qiymətləndirilmişdir. Üstüpü kənd tam orta məktəbinin VIII sinif şagirdi Gültən Əlisoyun inşa yazısı birinci, Aza kənd tam orta məktəbinin X sinif şagirdi Təzəgül Cəlilovanın və Azadkənd tam orta məktəbinin IX sinif şagirdi İnci Rzayevanın inşa yazıları ikinci, Ordubad şəhər 1 nömrəli tam orta məktəbin IX sinif şagirdi Arzu İsmayılovanın, Dırnıs kənd tam orta məktəbinin XI sinif şagirdi Fatimə Yusiflinin və Kotam kənd tam orta məktəbinin IX sinif şagirdi Jalə İsmayılovanın inşa yazı işləri üçüncü yerlərə layiq görülmüşdür.

Xəbərlər şöbəsi

“Akademik Zərifə Əliyeva qayğıkeş ana, sahib olduğu dəyərlərlə ali milli ideallara sadiq olan Azərbaycan qadını və Azərbaycan elmini dünyada şöhrətləndirən görkəmli alimdir. Onun elmi tədqiqatları tibb elmi tarixində o səbəbdən fövqəladə əhəmiyyət kəsb edir ki, bu tədqiqatlar praktik əhəmiyyəti ilə minlərlə insanın sağlamlığının qorunmasına xidmət edib”. Bu fikirlər dünən AMEA Naxçıvan Bölməsinin Bioresurslar İnstitutunda keçirilən elmi konfransda səsləndirilib.
Konfransı giriş sözü ilə açan bölmənin sədri, akademik İsmayıl Hacıyev qeyd edib ki, Azərbaycan Respublikasının Prezidenti cənab İlham Əliyevin “Akademik Zərifə Əliyevanın 90 illik yubileyinin keçirilməsi haqqında” Sərəncamı respublikamızda tibb elminin inkişafına mühüm töhfələr verərək oftalmologiyanın aktual problemlərinə dair sanballı tədqiqatları ilə böyük şöhrət qazanmış akademik Zərifə xanım Əliyevanın xalqımız və dünya elmi qarşısında mühüm xidmətlərinin nə qədər böyük olduğunu göstərir. Vurğulanıb ki, onun elmi-pedaqoji və ictimai fəaliyyəti həkimlərin yeni nəslinin yetişməsinə və Azərbaycanda oftalmologiya elminin inkişafına güclü təsir göstərib.

Martın 18-də Naxçıvan Muxtar Respublikası Ali Məclisində bədən tərbiyəsi və idmanın hazırkı vəziyyəti və qarşıda duran vəzifələrlə bağlı keçirilən müşavirədə verilən tapşırıqların icrası ilə əlaqədar Şərur rayonunda müşavirə keçirilib.
Müşavirəni giriş sözü ilə Şərur Rayon İcra Hakimiyyətinin başçısı İbrahim Məmmədov açaraq sözügedən müşavirədə qarşıya qoyulan vəzifələrdən danışıb. Qeyd olunub ki, yığıncağın keçirilməsində məqsəd qarşıya qoyulan vəzifələrin və verilən tapşırıqların qısa müddətdə keyfiyyətlə yerinə yetirilməsi yollarının müzakirəsi və konkret istiqamətlərin müəyyənləşdirilməsindən ibarətdir.

Naxçıvan Dövlət Universitetində “Ətraf mühitin mühafizəsi və əhalinin ekoloji təmiz ərzaq məhsulları ilə təminatı” mövzusunda keçirilən elmi konfransı universitetin rektoru, akademik İsa Həbibbəyli açaraq kənd təsərrüfatında ekoloji təmiz məhsul istehsalının stimullaşdırılmasının, əhalinin ərzaq məhsullarına olan tələbatının yerli istehsal hesabına ödənilməsi və ərzaq təhlükəsizliyinin təmin edilməsinın, ixrac imkanlarının genişləndirilməsinin, Azərbaycanın zəngin təbii ehtiyatlarından səmərəli şəkildə istifadənin əhəmiyyətindən danışmışdır.
Rusiyanın Penza Dövlət Universitetinin beynəlxalq əlaqələr üzrə prorektoru, professor Mazey Yuri Aleksandroviç çıxış edərək aqrar sahənin rəqabətə davamlılığında intensivləşmənin müstəsna rol oynadığını, ərzaq bazarındakı dəyişikliklərin artan əmtəəlik məhsulun satışı üçün mütərəqqi texnologiyalardan istifadə tələb etdiyini vurğulamışdır.

Naxçıvan Müəllimlər İnstitutundan verilən məlumata görə, 3 may 2013-cü il tarixdə ali təhsil ocağında xalqımızın ümummilli lideri Heydər Əliyevin 90 illik yubileyinə həsr olunmuş “Müasir təlim metodları və yeni pedaqoji texnologiyanın təlim-tərbiyə prosesində tətbiqi” mövzusunda respublika elmi konfransı keçiriləcək.
Elmi konfransın aşağıdakı bölmələr üzrə təşkili nəzərdə tutulub:

1. Heydər Əliyev və müasir təhsil
2. Yeni pedaqoji texnologiyalarda pedaqogikanın rolu
3. Yeni pedaqoji texnologiyalarda psixologiyanın rolu
4. Təhsilin müasir tələbləri – fənn kurikulumları
5. Müasir təhsildə tərbiyə məsələləri
6. Fənlərin tədrisi texnologiyaları

Təqdim olunacaq və məcmuə şəklində nəşr ediləcək məruzə mətnləri 1-3 səhifə həcmində, A4 formatda 12 ölçülü hərflərlə Times New Roman şrifti ilə yazılaraq bir nüsxə çap və elektron variantlarla birlikdə 30 aprel 2013-cü il tarixədək Naxçıvan Müəllimlər İnstitutunun elmi hissəsinə təqdim edilməlidir. Bundan başqa, təqdim ediləcək məruzə mətnlərində Azərbaycan, rus və ingilis dillərində olmaqla açar sözlər, məruzə müəllifinin və ya müəlliflərinin elektron poçt ünvanı göstərilməlidir.
Qeyd edək ki, Naxçıvan Müəllimlər İnstitutunun akt zalında keçiriləcək respublika səviyyəli konfransda respublikanın ali və orta təhsil müəssisələrinin əməkdaşları iştirak edə bilərlər.
Əlavə məlumat əldə etmək istəyənlər aşağıdakı ünvana müraciət edə bilərlər:
Naxçıvan şəhəri, Heydər Əliyev prospekti 1, Naxçıvan Müəllimlər İnstitutu

Telefon: (036) 544-04-29
E-mail: Bu email ünvanı spambotlardan qorunur. Onu görmək üçün JavaScripti qoşmaq lazımdır.

Dünən Şahbuz Rayon İcra Hakimiyyətində “Şahbuz rayonunda idmanın inkişafı və mövcud vəziyyət” mövzusunda müşavirə keçirilmişdir. Tədbiri rayon İcra Hakimiyyətinin başçısı Nurəddin Quliyev açaraq bildirmişdir ki, martın 18-də Naxçıvan Muxtar Respublikası Ali Məclisində bədən tərbiyəsi və idmanın hazırkı vəziyyəti və qarşıda duran vəzifələrlə əlaqədar keçirilən müşavirədə yetişməkdə olan gənclərin fiziki sağlamlığının təmin olunması məqsədilə ümumtəhsil məktəblərində bədən tərbiyəsi və idman dərslərinin təşkilinin ciddi nəzarətə götürülməsi, şəhər və rayonlarda qısa müddətdə idman federasiyalarının şəhər və rayon şöbələrinin yaradılması ilə bağlı şəhər və rayon İcra hakimiyyətləri qarşısında bir sıra vəzifələr qoyulmuşdur. Bundan başqa, yerlərdə idmanın kütləviliyinin, müxtəlif idman yarışlarının təşkilinin və keçirilməsinin təmin edilməsi də qarşıya qoyulan əsas vəzifələrdən olmuşdur. Bu vəzifələrin yerinə yetirilməsi məqsədilə aidiyyəti qurumlar öz işlərini günün tələbləri səviyyəsində qurmalıdırlar.

“Yaradılan hərtərəfli şəraitə baxmayaraq, bir sıra məktəblərdə fiziki tərbiyə dərslərinin tədrisində və mövcud idman normativlərinin yerinə yetirilməsində nöqsanlara yol verilir. Elə bunun nəticəsidir ki, şagirdlərimizin fiziki sağlamlığında bir sıra problemlər ortaya çıxır. Halbuki tədris olunan dərsin keyfiyyəti və müəllim məsuliyyəti yüksək olarsa, şagirdlərimizin sağlamlığı sahəsində problemlər də aradan qalxar”. Bu fikirlər muxtar respublika Təhsil Nazirliyində keçirilən tədbirdə təhsil naziri Piri Nağıyev tərəfindən səsləndirilib.
Martın 18-də Naxçıvan Muxtar Respublikası Ali Məclisində bədən tərbiyəsi və idmanın hazırkı vəziyyəti və qarşıda duran vəzifələrlə bağlı keçirilən müşavirədən irəli gələn vəzifələr, onların icrası ilə bağlı keçirilən tədbiri giriş sözü ilə muxtar respublikanın təhsil naziri Piri Nağıyev açaraq məruzə edib.

Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsi, Təhsil Nazirliyi və Yazıçılar Birliyinin təşkilatçılığı ilə ümummilli lider Heydər Əliyevin anadan olmasının 90 illik yubileyi və 2 aprel – Beynəlxalq Uşaq Kitabı Günü münasibətilə uşaqlar arasında şeir müsabiqəsi keçirilib.
Müsabiqədən əvvəl Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsi sədrinin müavini Aytən Məmmədova, Təhsil Nazirliyinin aparat rəhbəri Rəşad Xudiyev və Yazıçılar Birliyinin sədri Asim Yadigar çıxış edərək müsabiqənin keçirilməsinin əhəmiyyətindən danışıblar.
Sonra müsabiqəyə start verilib. İki nominasiya üzrə keçirilən şeir müsabiqəsində müvafiq olaraq Heydər Əliyev adına Hərbi Liseyin kursantı İbrahim İbrahimli və Şərur rayon Düdəngə kənd tam orta məktəbinin şagirdi Humay Nağıyeva I yeri, Ordubad rayon Nüsnüs kənd tam orta məktəbinin şagirdi Gülzar İsgəndərova və Şahbuz rayon Yuxarı Qışlaq kənd tam orta məktəbinin şagirdi Səlbinaz İbrahimli II yeri, Babək rayon Qoşadizə kənd tam orta məktəbinin şagirdi Gülənbər Nuriyeva və Kəngərli rayon Yurdçu kənd tam orta məktəbinin şagirdi Nigar Rüstəmova III yeri tutublar.
Qaliblərə Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsinin diplom və hədiyyələri, Təhsil Nazirliyinin diplomları verilib.

Naxçıvan Muxtar Respublikası 
Ailə, Qadın və Uşaq Problemləri üzrə Dövlət Komitəsinin mətbuat xidməti

Dil millətin milli varlığını sübut edən ən ali milli dəyərdir. Milli-mənəvi sərvətimizdən, mənəviyyatımızdan bəhs olunanda, ilk növbədə, ana dilimiz yada düşür. Dilin birbaşa xalqla bağlı olan, onu daxil olduğu dillər ailəsi ilə müqayisəli şəkildə öyrənən dialektologiya sahəsinin tədqiq edilməsi həmin dilin tarixini, işləklik arealını öyrənmək baxımından olduqca əhəmiyyətlidir. Azərbaycan dilinin dialekt və şivələri həm ümumi şəkildə, həm də ayrılıqda regionlar üzrə öyrənilməkdədir. Hətta bəzən bir kəndin şivəsi belə araşdırma obyekti olmuşdur. Bu mənada Naxçıvan qrupu dialekt və şivələri həmişə maraq doğurmuşdur.
Azərbaycanın qədim diyarı Naxçıvanın dilbər guşələrindən olan, şeir, söz, sənət ocağı kimi tanınan Şahbuz rayonu burada yaşayan insanların özünəməxsus şivə xüsusiyyətləri ilə də səciyyələnməkdədir. Bu baxımdan Naxçıvan Dövlət Universitetinin müəllimi, filologiya üzrə fəlsəfə doktoru, dosent Əbülfəz Quliyevin bu günlərdə işıq üzü görmüş “Azərbaycan dilinin Şahbuz şivələrinin leksikası” monoqrafiyası dilçilik elminə layiqli töhfədir. Naxçıvan Dövlət Universiteti Elmi Şurasının qərarı ilə “Elm və təhsil” nəşriyyatında çap olunan mono­qrafiyanın elmi redaktoru filologiya elmləri doktoru, professor Sədaqət Həsənova, rəyçiləri filologiya elmləri doktoru, professor Sevindik Vəliyev və filologiya üzrə fəlsəfə doktoru Zirəddin Xasıyevdir.
Monoqrafiya giriş, üç fəsil, nəticə və istifadə olunan ədəbiyyat siyahısı olmaqla, 179 səhifədən ibarətdir. Əsər zəngin məhəlli dil faktlarının leksik-semantik təhlili əsasında yazılmışdır. Monoqrafiya ədəbi dil leksikasının zənginləşməsi, dil tarixi və tarixi leksikologiya ilə bağlı bəzi məsələlərin aydınlaşdırılması, ədəbi dilin leksik fondunun zənginləşməsi, həmçinin dialektoloji və izahlı lüğətlərin təkmilləşməsi baxımından zəngin material verir. Müəllif əsərində Şahbuz rayonunun yaşayış məntəqələrindən topladığı dil faktlarını həm ayrı-ayrı sahələr üzrə kameral təhlil etmiş, həm də dialektoloji materialları türk dilləri ailəsi ilə müqayisə edərək elmi izaha nail olmuşdur.
Monoqrafiyadan dialektologiya sahəsinin tədqiqatçıları ilə yanaşı, filologiya fakültəsinin tələbələri, terminoloji leksikanın izahı baxımından kənd təsərrüfatı mütəxəssisləri də faydalana bilərlər.

Mina QASIMOVA

Rusiyanın Penza Dövlət Universitetinin Beynəlxalq əlaqələr üzrə prorektoru, professor Mazey Yuri Aleksandroviçin rəhbərlik etdiyi nümayəndə heyəti Naxçıvan Dövlət Universitetində olub. Naxçıvan Dövlət Universitetinin rektoru, akademik İsa Həbibbəyli qonaqları salamlayaraq Azərbaycanda elmin, təhsilin inkişafından, dünya elm, təhsil sisteminə inteqrasiya baxımından beynəlxalq tərəfdaşlığın əhəmiyyətindən danışıb.
Rektor Naxçıvan Dövlət Universitetinin inkişaf yolu, strukturu, maddi-texniki bazası, beynəlxalq əlaqələri haqqında məlumat verərək qeyd edib ki, Naxçıvan Dövlət Universiteti ölkənin ali təhsil məktəblərinin 2012-ci il üzrə reytinq göstəricilərinə əsasən, 38 ali məktəb arasında 7-ci yerdə dayanır. Avropa Rektorlar Klubunun, Asiya Universitetlər Assosiasiyasının, Qara Dəniz Hövzəsi Universitetlər Birliyinin, Avrasiya İpək Yolu Universitetlər Cəmiyyətinin, Beynəlxalq Turizm Akademiyasının və Qafqaz Universitetlər Birliyinin üzvü olan universitetdə 10 ölkədən 300-ə yaxın xarici vətəndaş təhsil alır. Bu ali məktəb dünyanın 80-ə yaxın tanınmış universiteti ilə səmərəli tərəfdaşlıq edir, beynəlxalq layihələrdə uğurla təmsil olunur. Vurğulanıb ki, Rusiyanın Novosibirsk, Rostov universitetləri ilə də tərəfdaşlığa malik olan Naxçıvan Dövlət Universiteti Penza Dövlət Universiteti ilə də sıx əlaqələr qurmaqda maraqlıdır.

Martın 18-də Naxçıvan Muxtar Respublikası Ali Məclisində bədən tərbiyəsi və idmanın hazırkı vəziyyəti və qarşıda duran vəzifələrlə bağlı keçirilən müşavirədən irəli gələn vəzifələr, onların icrası ilə əlaqədar Babək rayonunda yığıncaq keçirilib.
Tədbiri giriş sözü ilə Babək Rayon İcra Hakimiyyəti başçısının birinci müavini Əbdülhüseyn Zamanov açaraq Naxçıvan Muxtar Respublikası Ali Məclisində keçirilən müşavirədə muxtar respublika rəhbəri tərəfindən qarşıya qoyulan vəzifələrdən danışıb. O deyib ki, sözügedən müşavirədə yetişməkdə olan gənclərin fiziki sağlamlığının təmin olunması məqsədilə ümumtəhsil məktəblərində bədən tərbiyəsi və idman dərslərinin təşkilinin ciddi nəzarətə götürülməsi qarşıya vəzifə kimi qoyulub. Bundan başqa, şəhər və rayon İcra hakimiyyətlərinə bununla bağlı fəaliyyətlərini gücləndirməsi, təhsil şöbələri ilə birlikdə istər ümumtəhsil, istərsə də uşaq- gənclər şahmat və idman məktəblərində tədrisin vəziyyəti ilə ciddi maraqlanılması tapşırılıb. Müşavirədə qeyd edilib ki, şəhər və rayon İcra hakimiyyətləri qısa müddətdə idman federasiyalarının şəhər və rayon şöbələrinin yaradılmasına nail olmalı, rayon İcra hakimiyyətlərinin başçıları idman federasiyalarının rayonlarda yaradılan şöbələrindən birinə rəhbərlik etməli, idmanın kütləviliyi, müxtəlif idman yarışlarının təşkili və keçirilməsi təmin edilməli, gənc idmançıların hazırlanmasına, yerlərdəki idman qurğu və obyektlərindən, eləcə də olimpiya idman komplekslərindən istifadəyə, bununla yanaşı, onların qorunub-saxlanılmasına da diqqət yetirilməlidir. Yığıncağın keçirilməsində məqsəd qarşıya qoyulan vəzifələrin və verilən tapşırıqların qısa müddətdə və keyfiyyətlə yerinə yetirilməsi yollarının müzakirəsi və konkret istiqamətlərin müəyyənləşdirilməsidir.

Naxçıvan Dövlət Universitetində 2012-2013-cü tədris ilinin ikinci semestrinə aid pedaqoji təcrübənin başlanğıc konfransı keçirilmişdir. Əvvəlki pedaqoji təcrübənin gedişini əks etdirən video-çarxın nümayiş olunduğu konfransı giriş sözü ilə açan ali məktəbin rektoru, akademik İsa Həbibbəyli tələbə və müəllimləri pedaqoji ixtisaslar üçün vacib olan pedaqoji təcrübənin başlanması münasibətilə təbrik etmişdir. Qeyd olunmuşdur ki, pedaqoji təcrübənin hər bir tələbənin gələcəyin yüksək intellektli müəllimi, mütəxəssisi kimi formalaşmasındakı rolu danılmazdır. Belə təcrübələr imkan verir ki, tələbələr təhsil müddətində qazandığı nəzəri bilikləri praktikada möhkəmləndirməklə peşə vərdişlərinə çevirə bilsinlər.
Universitetin Tədris şöbəsinin müdiri, tarix üzrə fəlsəfə doktoru, dosent Rafiq Rəhimov “Pedaqoji təcrübənin təşkilinə aid müasir tələblər haqqında”, Fənlərin tədrisi kafedrasının müdiri, pedaqogika elmləri doktoru Elbəyi Maqsudov “Metodistlərin təcrübə dövründə yerinə yetirəcəyi işlər haqqında” məruzələr etmişlər. Məruzələrdə təcrübəli pedaqoqların, universitetin Tədris şöbəsi əməkdaşlarının, metodist müəllimlərin nəzarəti altında beş həftə davam edəcək pedaqoji təcrübənin Boloniya sisteminə uyğun olaraq, 100 ballıq sistem üzrə qiymətləndiriləcəyi bildirilmiş, şəhər məktəbləri ilə yanaşı, Babək rayonunun Şəkərabad, Şıxmahmud, Kərimbəyli, Hacıvar kənd tam orta məktəbləri olmaqla, 17 ümumtəhsil məktəbində 287 tələbənin təcrübə keçəcəyi vurğulanmışdır.
Sonra Naxçıvan Muxtar Respublikası Təhsil Nazirliyinin aparat rəhbəri Rəşad Xudiyev, ali təhsil ocağının Rus dili və ədəbiyyatı kafedrasının baş müəllimi Əkbər Süleymanov çıxış edərək universitetdə ixtisaslı pedaqoji kadr hazırlığı prosesində ali və orta ümumtəhsil müəssisələrinin qarşılıqlı əməkdaşlığının, elm və tədris prosesində yeniliklərin öyrənilməsinin vacibliyini, nəzəri bilik və təcrübə mübadiləsinin diqqətdə saxlanmasının xüsusi əhəmiyyət kəsb etdiyini bildirmişlər.

Mina QASIMOVA

Naxçıvan Dövlət Universitetində Naxçıvan Dövlət Universiteti-Cənubi Koreyanın Kimçonq Universiteti dostluq parkı salınıb. Tədbirdə universitetin rektoru, akademik İsa Həbibbəyli çıxış edərək bildirib ki, muxtar respublika rəhbərinin və Koreya Respublikasının Azərbaycandakı Səfirliyinin dəstəyi ilə iki ölkənin ali məktəbləri arasındakı əlaqələr gün keçdikcə daha da inkişaf edir. Naxçıvan Dövlət Universiteti Cənubi Koreyanın Kimçonq və Busan Kyumqsunq universitetləri ilə hərtərəfli əməkdaşlığa malikdir. Hazırda universitetdə 1 nəfər doktorant da daxil olmaqla, 10 nəfər koreyalı tələbə təhsil alır. Universitetdə fəaliyyət göstərən Koreya Mədəniyyət və Dil Tədrisi mərkəzlərində Koreya dili tədris olunur, ölkənin tarixi, milli mədəniyyəti, ali təhsil sistemi ilə bağlı materiallar nümayiş etdirilir. Boloniya sisteminin prinsiplərinə uyğun olaraq, universitetlərarası tələbə mübadiləsi də genişlənməkdədir.
Hər iki universitet ərazisində salınan dostluq parkı isə elm, təhsil, mədəniyyət sahələrində əməkdaşlığın gələcək inkişafının rəmzidir. Kimçonq Universitetində salınan dostluq parkında Naxçıvan Dövlət Universitetindən göndərilən yerli meyvə tingləri və gül kolları əkilib.
Universitetin Koreya Mədəniyyət və Dil Tədrisi mərkəzlərinin rəhbəri, beynəlxalq münasibətlərin tarixi və nəzəriyyəsi ixtisaslaşması üzrə magistrant, Cənubi Koreya vətəndaşı Canq Second, tələbə mübadiləsi yolu ilə bakalavr pilləsində təhsillərini bir il müddətində Naxçıvan Dövlət Universitetində davam etdirəcək koreyalı tələbələr Lee Sumi və Jeonq Seok ölkə­lərarası münasibətlərin inkişafında elm, təhsil sahəsində tərəfdaşlığın əhəmiyyətindan danışıblar.
Sonra dostluq parkında rektor, akademik İsa Həbibbəylinin və xarici tələbələrin iştirakı ilə Cənubi Koreyanın Kimçonq Universitetindən göndərilən müxtəlif gül kolları, yerli bitkilər əkilib.

Mina QASIMOVA

Azərbaycan Respublikasının Prezidenti İlhаm ƏLİYEV: Bu məktəb çox yüksək səviyyədə tikilmiş və ən müasir dünya standartlarına cavab verir. Bu həm memarlıq baxımından gözəl binadır, eyni zamanda burada yüksək səviyyədə təhsil almaq üçün hər cür şərait vardır. Bu məktəbin tikintisi xalqımızın ümummilli lideri Heydər Əliyevin təşəbbüsü ilə başlanmışdır. Heydər Əliyev bu məktəbin tikintisinə çox böyük diqqətlə yanaşırdı, istəyirdi ki, bu təhsil ocağı Azərbaycanda bir nömrəli məktəb olsun. O, bu məktəbin dünya standartlarına cavab verməsini istəyirdi. Bu gün biz hamımız çox şadıq ki, məktəb Heydər Əliyevin istədiyi kimi tikilmiş və istifadəyə verilmişdir. Deyə bilərəm ki, bu məktəb indi təkcə Naxçıvanda deyil, bütün Azərbaycanda bir nömrəli məktəbdir.

Hər hansı bir ölkənin, xalqın milli intibahı, hərtərəfli tərəqqisi, həmçinin beynəlxalq aləmdə yeri və rolu onun təhsil sistemilə sıx bağlıdır. Əslində, müasir dünyamızın inkişaf modeli də bunu sübut edir ki, siyasi, iqtisadi, habelə mədəni-mənəvi yüksəlişə təkan verən maddi sərvətlərdən çox zehni potensial və elmi-texniki tərəqqidir. Yəni maddi nemət, təbii sərvət nə qədər çox olsa da, mütərəqqi texnologiya tətbiq edilmədən heç bir inkişafdan söhbət gedə bilməz. Elmi, zehni potensialın təməli isə sözsüz ki, ümumtəhsil məktəblərində qoyulur. Məhz buna görə xalqımızın ümummilli lideri Heydər Əliyev xalq maarifinin, milli təhsilin inkişafına xüsusi diqqət yetirir və bu istiqamətdə heç nəyi əsirgəmirdi: “Hesab edirəm ki, cəmiyyət haradan olursa-olsun, nədən olursa­-olsun, kəsib təhsilə xərcləməli, gənc nəslin təhsilinə, müəllimə kömək etməlidir. Bu, mənim prinsipial mövqeyimdir” deyən ümummilli liderimiz Azərbaycanın qloballaşan dünyada layiqli yer tutması, xalqın xoş və firavan gələcəyi üçün yeniyetmə və gənclərin təhsilinə böyük önəm verirdi. Onların hərtərəfli biliyə, dünyagörüşə malik vətəndaşlar kimi yetişmələri üçün hər cür şərait yaradırdı.

Culfa Rayon Təhsil Şöbəsində Azərbaycan xalqının ümummilli lideri Heydər Əliyevin anadan olmasının 90 illik yubileyi ilə əlaqədar geniş tədbirlər planı hazır­lanmışdır. Tədbirlər planına əsasən, rayonun ümumtəhsil məktəblərinin IX-XI sinif şagirdləri arasında “Heydər Əliyev və Azərbaycan” mövzusunda inşa-yazı müsabiqəsi keçirilmişdir.
Müsabiqənin rayon mərhələsində birinci yeri Əbrəqunus kənd tam orta məktəbinin X sinif şagirdi Gültən Əlizadə, ikinci yeri Saltaq kənd tam orta məktəbinin XI sinif şagirdi Mətin Qasımov, üçüncü yeri Culfa şəhər 2 nömrəli tam orta məktəbin IX sinif şagirdi Arzu Fərzəliyeva tutmuşlar.
Qaliblərin inşa-yazı işləri Naxçıvan Muxtar Respublikası Təhsil Nazirliyinə göndərilmişdir.

Xəbərlər şöbəsi

Naxçıvan Dövlət Universiteti və Azərbaycan Milli Elmlər Akademiyası Naxçıvan Bölməsinin təşkilatçılığı ilə ali təhsil müəssisəsində Azərbaycan Milli Elmlər Akademiyasının müxbir üzvü Kərim Kərimovun “Azərbaycanın neft-qaz potensialı” mono­qrafiyasının və “Haqq və ədalət uğrunda” satirik əsərlərindən ibarət kitab-albomunun təqdimat mərasimi keçirilmişdir. Təqdimat mərasimindən əvvəl alim-karikaturaçının kitablarından və karikaturalarından, həmçinin NDU-nun tələbələrinin rəsmlərindən ibarət ayrı-ayrılıqda təşkil edilmiş sərgilərə baxış olmuşdur.
Tədbiri giriş sözü ilə Azərbaycan Milli Elmlər Akademiyası Naxçıvan Bölməsinin sədri, akademik İsmayıl Hacıyev açaraq Kərim Kərimovun həyat və yaradıcılığı haqqında məlumat vermişdir.
Qeyd olunmuşdur ki, geologiya-mineralogiya elmləri doktoru, professor, Beynəlxalq Şərq, Ekoenergetika, Avropa Elmlər akademiyalarının həqiqi üzvü kimi yüksək titullar daşıyan alimin tədqiqatlarında Azərbaycanın neft-qaz potensialı problemləri mühüm yer tutur. Bu problemlərin həlli istiqamətində Kərim Kərimovun axtarışları, gəldiyi elmi nəticələr ölkəmizdə neft sənayesinin inkişafında xüsusi rol oynamışdır. Bildirilmişdir ki, səmərəli elmi fəaliyyət göstərən alim 600-dək elmi əsərin, həmçinin 14 monoqrafiyanın, 22 geoloji-geofiziki xəritənin, 18 atlasın, 25 ixtiranın müəllifidir.

Bu ilin 20-23 mart tarixlərində Türkmənistanın paytaxtı Aşqabad şəhərindəki Ruhiyyət Sarayında Novruz bayramına həsr olunmuş beynəlxalq tədbirlər keçirilmişdir.
Beynəlxalq tədbirlərdə Türkmənistan, İran, Pakistan və Tacikistan prezidentləri, eləcə də Novruz bayramını qeyd edən ölkələrin yüksək səviyyəli rəsmiləri iştirak etmişlər.
Tədbirdə Azərbaycan nümayəndə heyəti Azərbaycan Respublikası Baş nazirinin müavini Elçin Əfəndiyevin rəhbərliyi ilə təmsil olunmuşdur.
Tədbirlər çərçivəsində “Novruz – sülh və humanizm bayramı” adlı Beynəlxalq Elmi Konfrans keçirilmişdir. Türkmənistan Elmlər Akademiyasının təşkilatçılığı ilə dünyanın 30-dan artıq ölkəsinin nümayəndələrinin və bir sıra ölkə prezidentlərinin təmsil olunduğu tədbirdə həmyerlimiz, Naxçıvan Dövlət Universitetinin Beynəlxalq münasibətlər kafedrasının dosenti, tarix üzrə fəlsəfə doktoru Elbrus İsayev də iştirak etmişdir. Beynəlxalq konfransda II bölməyə sədrlik edən tədqiqatçı ingilis dilində təqdim etdiyi məruzəsində Naxçıvan haqqında qısa videoçarxın müşayiəti ilə Naxçıvanın digər türk dövlətləri ilə tarixən mövcud olan əlaqələrindən, ortaq mədəni dəyərlərindən və Naxçıvanda Novruz adətlərindən bəhs etmişdir.

Xəbərlər şöbəsi

Ümummilli liderimiz Heydər Əliyevin 90 illik yubileyi ilə əlaqədar olaraq Babək rayonunda keçirilən “Heydər Əliyev və Azərbaycan” mövzusunda inşa yazı müsabiqəsinin növbəti zona mərhələsi keçirilib. Vayxır, Məmmədrzadizə, Xalxal və Kültəpə kənd tam orta məktəblərinin IX-XI sinif şagirdləri arasında keçirilən müsabiqənin zona mərhələsi məktəblilərin aktivliyi, iştirakçıların mövzuya müxtəlif yanaşma tərzləri ilə yadda qalıb. Bu mərhələdə 134 şagird ulu öndərimiz haqqında düşüncələrini ağ kağıza köçürüb.
Xatırladaq ki, müsabiqəyə fevral ayının 20-dən başlanılıb. Bu günə qədər rayonun Nehrəm, Cəhri, Şıxmahmud, Xəlilli, Qaraqala, Məzrə, Kərimbəyli, Güznüt, Çeşməbasar kəndlərindən, Babək qəsəbəsindən 1344 şagird müsabiqəyə qatılıb. İnşa yazı müsabiqəsi may ayının 7-dək davam edəcək. Qaliblərə Babək Rayon İcra Hakimiyyətinin və rayon Təhsil Şöbəsinin hədiyyələri və diplomları veriləcək.

Xəbərlər şöbəsi

İstedadlı uşaq və gənclərin aşkara çıxarılmasında, onların həvəsləndirilməsində, təlimdə sağlam rəqabətin yaradılmasında fənn olimpiadaları müstəsna rol oynayır. Mart ayının 18-də Naxçıvan şəhərindəki 12 nömrəli tam orta məktəbdə muxtar respublikamızın ümumtəhsil məktəblərinin şagirdləri arasında məktəblilərin fənn olimpiada­larının respublika mərhələsi keçirilmişdir.
Naxçıvan Muxtar Respublikası Təhsil Nazirliyinin mətbuat xidmətindən aldığımız məlumata görə, IX-XI sinif şagirdləri arasında keçirilən olimpiada saat 1000-da başlayaraq 3 saat davam etmişdir. Olimpiadada “Azərbaycan dili və ədəbiyyatı”, “Azərbaycan tarixi”, “riyaziyyat”, “fizika”, “kimya”, “biologiya”, “informatika” fənləri üzrə 162 şagird bilik və bacarığını sınamışdır.
Qeyd edək ki, yazılar Azərbaycan Respublikası Təhsil Nazirliyində yoxlanılacaq və ballar əsasında yerlər müəyyənləşəcəkdir.

Xəbərlər şöbəsi

Naxçıvan Dövlət Universitetində Naxçıvan Muxtar Respublikası Fövqəladə Hallar Nazirliyi ilə birgə “Təhsil müəssisələrində mülki müdafiə işinin təşkilinə diqqət artırılmalıdır” mövzusunda konfrans keçirilib.
Tərbiyə işləri üzrə prorektor, fəlsəfə elmləri doktoru, professor Məmməd Rzayev çıxış edərək mülki müdafiə işinin təşkili məsələsinin vacibliyindən danışıb.
Naxçıvan Muxtar Respublikası Fövqəladə Hallar Nazirliyinin Mülki müdafiə işinin təşkili şöbəsinin rəisi, polkovnik-leytenant Emin Qasımov fövqəladə hallar zamanı ali təhsil müəssisələrində müəllim-tələbə heyətinin mühafizəsi üzrə tədbirlərin təşkili və keçirilməsi qaydaları haqqında məlumat verib.
Tədbirdə Naxçıvan Dövlət Universitetinin Çağırışaqədərki hazırlıq və mülki müdafiə kafedrasının müdiri Oktay Rzayev “Naxçıvan Dövlət Universitetində mülki müdafiə və fövqəladə hallara hazırlığın tədrisi vəziyyəti” mövzusunda məruzə edərək tələbələrin bu sahədə biliklərinin artırılmasından, mənəvi-psixoloji hazılıq səviyyəsinin yüksəldilməsindən, həmçinin əməli vərdişlərinin formalaşmasına yönəlmiş və muxtar respublika Fövqəladə Hallar Nazirliyi ilə birgə təşkil olunan təlimlərin, məşğələlərin rolundan danışıb.
Fövqəladə Hallar Nazirliyinin Mülki müdafiə işinin təşkili şöbəsinin əməkdaşlarından Şərif Əsədovun, Rəcəb Səfərovun, Çingiz Kazımovun müxtəlif mövzularda məruzələri dinlənilib.
Tədbirdə maarifləndirici filmlər nümayiş etdirilib.

Mina QASIMOVA

Naxçıvan Dövlət Universitetinin Elmi Şurasının növbəti iclasında “Naxçıvan Dövlət Universiteti üçün elektron təhsil şəbəkəsi və rəqəmsal multimedia infrastrukturunun yaradılması” layihəsinin təqdimatı olub, qış sessiyasında elektron-test imtahanlarının nəticələri və qarşıda duran vəzifələrlə bağlı hesabat dinlənilib. Elmi Şuranın sədri, universitetin rektoru, akademik İsa Həbib­bəyli hər iki məsələ ilə bağlı ətraflı məlumat verib. Qeyd olunub ki, Naxçıvan Dövlət Universitetində “Elektron təhsil”, “Elektron universitet” və Koreya Beynəlxalq Əməkdaşlıq Agentliyi (KOICA) ilə birgə “Naxçıvan Dövlət Universiteti üçün elektron təhsil şəbəkəsi və rəqəmsal multimedia infrastrukturunun yaradılması” layihələri həyata keçirilir. KOICA ilə birgə həyata keçiriləcək “Naxçıvan Dövlət Universiteti üçün elektron təhsil şəbəkəsi və rəqəmsal multimedia infrastrukturunun yaradılması” layihəsi informasiyalaşdırılmış universitet modelinin yaradılması baxımından olduqca əhəmiyyətlidir.

Təhsilə qayğı dövlət quruculuğunun mühüm sahəsidir

Təhsil elə strateji sahədir ki, daim qayğı tələb edir. Çünki istənilən dövrdə iqtisadiyyatın inkişafında mühüm aparıcı amil olan təhsilin həm də yüksək mədəni və intellektual səviyyəli cəmiyyətin formalaşdırılmasında mühüm rol oynadığı sübut olunmuşdur.
Azərbaycan Respublikasında bütün sahələrin, o cümlədən təhsil sahəsinin inkişafında ulu öndər Heydər Əliyev tərəfindən müəyyənləşdirilən tədbirlərin yüksək səviyyədə həyata keçirilməsi də bununla bağlıdır. Ümummilli liderin uzun onilliklərə hesablanmış təhsil siyasəti ölkəmizin bütün bölgələrində olduğu kimi, Naxçıvan Muxtar Respublikasında da ardıcıl olaraq həyata keçirilir. Bunu, ilk növbədə, bu sahədə həyata keçirilən quruculuq tədbirlərində görmək olar. Təkcə 2012-ci ildə bu istiqamətdə reallaşdırılan tədbirlərə nəzər salsaq, bunun bir daha şahidi olarıq. Bəhs olunan dövrdə muxtar respublikada 17 məktəb binası tikilərək və yaxud yenidən qurularaq istifadəyə verilmişdir.
Biliklərə əsaslanmış iqtisadiyyatın təşəkkül tapdığı şəraitdə informasiya və kommunikasiya texnologiyalarının inkişafı ölkənin intellektual və elmi potensialının vacib göstəricilərindən biridir. Tam əminliklə demək olar ki, bu gün ölkələrin rəqabət qabiliyyətləri, ilk növbədə, onların informasiya və kommunikasiya texnologiyalarından necə istifadə olunması müəyyənləşdirilməklə formalaşır. Bu baxımdan “2008-2012-ci illərdə Azərbaycan Respublikasında təhsil sisteminin informasiyalaşdırılması üzrə Dövlət Proqramı”na uyğun olaraq, ümumtəhsil məktəblərimizə hər 15 şagirdə 1 kompyuter düşməklə 3183 dəst kompyuter verilmişdir. Onlardan 2644-ü (83 faizi) internet şəbəkəsinə qoşulmuşdur. Bununla yanaşı, muxtar respublikanın ümumtəhsil məktəblərində 500 ədəd elektron lövhə quraşdırılmışdır.

Qeyd olunmalıdır ki, ümumtəhsil məktəbləri ilə yanaşı, orta ixtisas məktəblərində də təhsilin keyfiyyətinin yüksəldilməsi məqsədilə informasiya texnologiyalarının tətbiqi diqqətdə saxlanılmışdır.

AMEA Naxçıvan Bölməsində bölmənin Təbii Ehtiyatlar İnstitutunun elmi işlər üzrə direktor müavini, kimya elmləri doktoru Bayram Rzayevin və həmin institutun elmi katibi, kimya üzrə fəlsəfə doktoru Əhməd Qarayevin həmmüəllifi olduqları “Naхçıvan Muхtar Rеspublikasının təbii sərvətləri: hazırkı vəziyyəti və perspektivləri” monoqrafiyasının təqdimat mərasimi keçirilib.

Tədbiri giriş sözü ilə AMEA Naxçıvan Bölməsinin sədri, akademik İsmayıl Hacıyev açıb. Bildirilib ki, Naхçıvan Muхtar Rеspublikası yerüstü sərvətlərlə yanaşı, yeraltı mineral sərvətlərin də müxtəlifliyinə və ehtiyatına malik bir diyardır. Bu sərvət “Naхçıvan Muхtar Rеspublikasının təbii sərvətləri: hazırkı vəziyyəti və perspektivləri” monoqrafiyasında elmi əsaslarla geniş oxucu kütləsinə təqdim edilib. Naхçıvan Muхtar Rеspublikasının filiz, qeyri-filiz və inşaat materiallarının kimyası və texnologiyası, onlardan xalq təsərrüfatının müxtəlif sahələrində istifadə olunan birləşmələrin alınması yeni nəşrdə ətraflı şəkildə əks olunub.
Qeyd olunub ki, sözügedən elmi əsərdə muxtar respublikanın zəngin yeraltı sərvətlərinin dəyərliliyi, onlardan yataq əmələ gətirən bəzi filiz, qeyri-filiz və inşaat materialları əsasında alına bilən məhsullar, uzun illər istismar olunmuş mədənlərdə yığılıb qalan tullantıların yenidən işlənməsi və eləcə də yerli mineral xammal əsasında işlənib hazırlanmış texnologiya üzrə alınan məhsulların perspektivliyi geniş şəkildə təhlil edilib. Muxtar respublikanın ən qiymətli mineral sərvəti olan daşduz, Darıdağ termal suyu, Biləv zəy süxurları və mineral boya xammalı, qurğuşun filizi yataqları, mis polimetallik filizlər, kalsium karbonatlı süxurlar burada öz əksini tapıb. Qum-çınqıl qarışığı və tikinti qumuna, gil minerallarına, şüşə sənayesi üçün mineral xammala, sement istehsalı üçün xammala, qızıl filiz yataqları və təzahürlərinə, alüminium filizlərinə, habelə fosforitlər və yanar faydalı qazıntılara, volfram, dəmir və manqan filizlərinə, Darıdağ sürmə filizi yatağına və digər yataqlara 408 səhifədən ibarət və 25 fəsili əhatə edən nəşrdə nəzər salınıb.

Naxçıvan Dövlət Universitetində “Arıçılıq: mövcud vəziyyət və inkişaf strategiyası” mövzusunda birinci elmi seminar keçirilib. Universitetin müəllim və tələbələri ilə yanaşı, Türkiyənin Ərdəhan Universitetinin mütəxəssis-alimlərinin, muxtar respublikanın aidiyyəti qurum əməkdaşlarının, arıçı sahibkarların iştirakı ilə təşkil olunmuş elmi seminarı giriş sözü ilə universitetin rektoru, akademik İsa Həbibbəyli açıb. Rektor Azərbaycanda qədim tarixə malik arıçılığın X-XII əsrlərdə daha da inkişaf etdiyini, xüsusi halallıq və zəhmət sevən sahələrdən biri olduğunu bildirərək qeyd edib ki, Naxçıvan Muxtar Respublikasında kənd təsərrüfatının digər sahələri kimi, arıçılığın da inkişafı dövlət qayğısı ilə əhatə olunub. Bu sahə ilə məşğul olan sahibkarlara dövlət tərəfindən güzəştli kreditlər verilir, arıçılıq məhsullarının ixracına əlverişli şərait yaradılır. Naxçıvan Dövlət Universiteti əməkdaşlarının arıçılıqla bağlı son elmi tədqiqatları əsasında hazırlanacaq yeni nəşr, universitetdə yaradılacaq “Arıçılıq” fənn kabinəsi gələcəkdə bu sahənin inkişafına əhəmiyyətli töhfələr verəcəkdir.

AMEA Naxçıvan Bölməsində “Naxçıvan tarixi” çoxcildliyinin hazırlanması istiqamətində görülən işlərlə əlaqədar çoxcildliyin I cildinin müəlliflər qrupu ilə müzakirələr keçirilib.
AMEA Naxçıvan Bölməsinin sədri, akademik İsmayıl Hacıyev qeyd edib ki, Naxçıvan Muxtar Respublikası Ali Məclisi Sədrinin 2012-ci il 6 avqust tarixli Sərəncamı ilə “Naxçıvan tarixi” çoxcildliyinin hazırlanması qərara alınıb, bu iş Azərbaycan Milli Elmlər Akademiyasının Naxçıvan Bölməsinə və Naxçıvan Dövlət Universitetinə tapşırılıb. Sərəncamın icrası ilə əlaqədar ötən dövr ərzində bir sıra işlər görülüb, “Naxçıvan tarixi” çoxcildliyinin strukturu və planı hazırlanıb, redaksiya heyəti və müəlliflər qrupu təsdiq olunub. Yanvarın 15-də isə Naxçıvan Muxtar Respublikası Ali Məclisində “Naxçıvan tarixi” çoxcildliyinin hazırlanması sahəsində görülən işlər və qarşıda duran vəzifələr” mövzusunda müşavirə keçirilib. Artıq “Naxçıvan tarixi” çoxcildliyinin I cildinin fəsillər üzrə yazılması məqsədi ilə müəyyən olunmuş müəlliflər tərəfindən bir sıra işlər görülüb. Vurğulanıb ki, birinci cildin ən qədim dövrlərdən XVIII əsrin ortalarınadək olan xronoloji çərçivəni əhatə etməklə altı fəsildən ibarət olması nəzərdə tutulub.
Naxçıvan Dövlət Universitetinin rektoru, akademik İsa Həbibbəyli I cildin yazılması zamanı “Naxçıvan” adının mənşəyi və izahı ilə bağlı məsələlərin elmi şəkildə araşdırılmasının, bu istiqamətdə tədqiqatçıların gəldiyi nəticələrin işıqlandırılmasının vacibliyini qeyd edib.
Müzakirə zamanı ayrı-ayrı paraqraf və fəsilləri yazacaq müəlliflər, eləcə də çoxcildlikdə əksini tapmalı olan məsələlər bir daha dəqiqləşdirilib, materiallar işlənilərkən elmi prinsiplərin gözlənilməsi, yazılış forması, mənbə və ədəbiyyatlardan istifadə qaydaları, onların kodlaşdırılmasının diqqət mərkəzində saxlanılmasının vacib­liyi vurğulanıb. Naxçıvan tarixinin xronologiyasının işlənilməsi, eyni zamanda I cilddə yer alacaq xəritə, illüstrasiya və şəkillərin toplanılması, sistemləşdirilməsi məqsədilə görüləcək işlərlə bağlı təkliflər dinlənilib, vəzifələr müəyyənləşdirilib.

Elnur KƏLBİZADƏ

Babək rayonunun ümumtəhsil məktəblərinin şagirdləri arasında ümummilli liderimiz Heydər Əliyevin 90 illik yubileyinə həsr edilən “Heydər Əliyev və Azərbaycan” mövzusunda inşa yazı müsabiqəsinin növbəti zona turu Kərimbəyli kənd tam orta məktəbində keçirilib.
Müsabiqə başlanmazdan əvvəl rayon İcra Hakimiyyəti başçısının birinci müavini Əbdülhüseyn Zamanov çıxış edərək görkəmli dövlət xadimi Heydər Əliyevin xalqımız, ölkəmiz üçün göstərdiyi misilsiz xidmətlərindən bəhs edib, Babək rayonunun ulu öndərimizin təşəbbüsü ilə yaradıldığını xatırladıb.
Məktəbin direktoru Məsim İsmayılov, Azərbaycan dili və ədəbiyyat müəllimləri Ulduz Əliyeva və İradə Hüseynova çıxışlarında Azərbaycan dövlətinin xilaskarı, qurucusu Heydər Əliyevin həyat və fəaliyyətindən danışaraq ölkəmizdə, o cümlədən muxtar respublikamızda təhsilə göstərilən qayğını ulu öndərin siyasi xəttinin davamı kimi dəyərləndiriblər.
Sonra müsabiqəyə start verilib.
Xatırladaq ki, müsabiqədə Kərimbəyli, Qaraqala və Məzrə kənd tam orta məktəblərinin şagirdləri iştirak ediblər. Qaliblər may ayının 7-də keçiriləcək final mərhələsində iştirak edəcəklər.

Xəbərlər şöbəsi

Hələ magistratura təhsili aldığımız dövrdə pro­qramımızda belə bir fənn var idi: “V-XV əsrlərdə beynəlxalq ticarət və Azərbaycan”. Məlumdur ki, strateji baxımdan əlverişli bir məkanda, ticarət yolları üzərində yerləşmiş Azərbaycanın və ümumilikdə, bütün Şərqin tarixində bu dövr əhəmiyyətli bir dövr kimi nəzərdən keçirilir. Çünki III-IV əsrlərdə “Xalqların böyük köçü” adlı məşhur prosesdən sonra o zamankı məlum dünyanın Şərqi ilə Qərbi arasındakı əlaqələr daha sıxlaşmış, intensivləşmişdi. Əsrlər ötdükcə, əslində, Şərqdən getmişlərin Şərq nemətlərinin, Şərq düşüncəsinin həsrətindən yenidən geriyə hərəkəti baş vermişdi. Bəzən səlib yürüşçüsü cildində, bəzən isə tacir kimi... Bütün hallarda bəşəriyyətin müxtəlif toplumları bir-biri ilə ünsiyyətə möhtac olduqlarından daha çox bu münasibətlər maraqların və tələbatların təmininə xidmət etmişdir. Bunun üçün isə ən yaxşı vasitə işğal və talanlar deyil, qarşılıqlı ticarət olmuşdur. Yaranmış əlaqələr sonrakı dövrdə daha genişmiqyaslı xarakter aldığı və bu gün də xüsusi əhəmiyyət kəsb etdiyi üçün bu fənnin öyrənilməsi labüd və zəruri idi. İstiqamətverici dərsliyin və vəsaitin olmaması mövzuları müəyyənləşdirməyə ciddi çətinliklər törədirdi.