Blokada şəraitində yaşayan və buna baxmayaraq, sürətlə inkişaf edən muxtar respublikamızın təhsil ocaqlarının göstəriciləri ölkə miqyasında seçilməkdə, ali məktəblərə qəbulun səviyyəsi ilbəil artmaqdadır. Nailiyyətlərin təməlində isə, heç şübhəsiz ki, təhsilə göstərilən dövlət qayğısı, təhsil ocaqları üçün yeni-yeni binaların inşa olunması, məktəblərimizin maddi-texniki bazasının gücləndirilməsi, bu işdə böyük fədakarlıq göstərən müəllimlərimizin əməyinin layiqincə qiymətləndirilməsi dayanır. Builki qəbul imtahanlarında muxtar respublikamızdan 312 abituriyent 500-700 intervalında bal toplayıb. Onlardan biri də Naxçıvan şəhər 10 nömrəli tam orta məktəbin məzunu Surə Qurban­ovadır. 

O, III ixtisas qrupu üzrə 690 bal toplayaraq Naxçıvan Dövlət Universitetinin hüquq ixtisasına qəbul olunub. Bu istedadlı gənclə görüşdük və onunla qəbul imtahanında qazandığı uğurun sevincini bölüşdük:

AMEA Arxeologiya və Etnoqrafiya İnstitutunun aparıcı elmi işçisi, “Xaraba Gilan” arxeoloji ekspedisiyasının rəhbəri, tarix üzrə fəlsəfə doktoru Bəhlul İbrahimlidən aldığımız məlumata görə, ekspedisiya üzvləri Ordubad rayonu ərazisində yerləşən arxeoloji abidələrdə – Plovdağ yaşayış yerində, Plovdağ nekropolunda, Dəlmə qalasında və Rəsul dərəsində qazıntı işlərini davam etdirirlər.
Qeyd edək ki, Ordubad rayonu ərazisində, Sabirkənddən 2 kilometr şərqdə, Gilançayın sol sahilində yerləşən Plovdağ ərazisində 1975-1976-cı illərdə aparılan ilkin tədqiqatlar zamanı bu yaşayış yerinin tarixi Son Tunc və İlk Dəmir dövrlərinə aid edilirdisə, sonrakı tədqiqatlar zamanı aşkarlanan maddi-mədəniyyət nümunələri əsasında ərazidə məskunlaşmanın hələ İlk Tunc və daha qədim dövrlərdən başlandığını söyləmək mümkündür. Ərazidə uzun illər tədqiqat aparmış “Xaraba Gilan” arxeoloji ekspedisiyası 2004-cü ildən başlayaraq fəaliyyətini daha da genişləndirib.
Dəlmə qalasında aparılan qazıntı işləri zamanı əldə edilən materialların hamısının qadınlara məxsus olduğu müəyyənləşdirilib. Bu isə belə elmi nəticəyə gəlməyə əsas verir ki, ərəb qoşunlarının hücumu zamanı qadınların təhlükəsizliyini qorumaq üçün Kiran şəhərinin hakim təbəqəsi onları burada yerləşdirib.
Xaraba Gilandan 4 kilometr aralı məsafədə yerləşən bu qalada, həmçinin orta əsr Aza şəhərinin qəbiristanlığında, Rəsul dərəsində, Plovdağ nekropolunda arxeoloji qazıntılar davam etdirilir.

Xəbərlər şöbəsi

Ötən il Naxçıvan Özəl Universitetinin bir qrup əməkdaşı Şimali Kipr Türk Cümhuriyyətinin Doğu Ağdəniz Universitetində olmuşdur. Əldə olunmuş razılaşmalara əsasən, Doğu Ağdəniz və Naxçıvan Özəl universitetləri arasında tələbə mübadiləsinin həyata keçirilməsi, Naxçıvan Özəl Universitetinin professor-müəllim heyətinin Doğu Ağdəniz Universitetində müntəzəm şəkildə keçirilən ixtisasartırma kurslarında iştirak edərək beynəlxalq dərəcəli sertifikat almaları nəzərdə tutulmuşdur.
Bununla əlaqədar olaraq, bu yaxınlarda universitetin tədris və elmi işlər üzrə prorektoru, tarix üzrə fəlsəfə doktoru, dosent İbrahim Kazımbəylinin rəhbərliyi ilə universitetin bir qrup əməkdaşı bir neçə istiqamət üzrə Doğu Ağdəniz Universitetində ixtisas­artırma kurslarında iştirak etmişdir. İxtisas­artırma kurslarında “Kurikulum və akkreditasiya”, “İKT-dən istifadənin yeni istiqamətləri”, “İngilis dilinin tədrisi metodikası” mövzularında seminarlar keçirilmişdir.
Səfər zamanı Şimali Kipr Türk Cümhuriyyətinin Prezidenti Dərviş Əroğlu Naxçıvan Özəl Universitetinin və Bakı Dövlət Universitetinin nümayəndələrini qəbul etmişdir.
Görüş zamanı Naxçıvan Özəl Universitetinin prorektoru, dosent İbrahim Kazımbəyli Naxçıvanın tarixini əks etdirən hədiyyəni Şimali Kipr Türk Cümhuriyyətinin Prezidentinə təqdim etmişdir.
Qeyd edək ki, ixtisasartırma kurslarında iştirak edən 9 nəfərə beynəlxalq dərəcəli sertifikatlar təqdim olunmuşdur.

Nuray ƏSGƏROVA

Ötən ay onu Naxçıvan şəhərindəki 7 nömrəli tam orta məktəbin qarşısında əlində şəxsiyyət vəsiqəsi ilə həyəcanlı gördüm. İmtahan vermək üçün valideynlərindən xeyir-dua alırdı. Ona yaxınlaşıb imtahandan öncəki təəssüratlarına şərik oldum. Özünə güvəni sonsuz idi. Bunu dəfələrlə vurğuladı ki, mən Heydər Əliyev adına tam orta məktəbin məzunuyam. Bu təhsil ocağını bitirənlər böyük məsuliyyət daşıyırlar. Odur ki, mütləq yüksək nəticə qazanmalıyam.
Budur, Fatma İsmayılovanın tərcümeyi-halı, təhsildə qazandığı uğurlar, imtahanda əldə etdiyi nəticələr qarşımdadır. Ancaq bununla belə, özünü redaksiyamıza dəvət etdim. Onunla daha yaxından tanış olmaq istədim. Fatma İsmayılova 1996-cı ildə Naxçıvan şəhərində anadan olub. Naxçıvan şəhərindəki Heydər Əliyev adına tam orta məktəbi qızıl medalla bitirib. Təhsil aldığı müddətdə Azərbaycan Respublikasının ümumtəhsil məktəbləri arasında keçirilən Azərbaycan dili və ədəbiyyat fənni üzrə olimpiadada birinci yerə layiq görülüb. Ən böyük arzusu ingilis dili ixtisası üzrə təhsil almaq olub. Bu arzusuna çatmaq üçün gecəsini gündüzünə qatan Fatma bu il III ixtisas qrupu üzrə imtahan verərək 687 bal toplayıb. Ali təhsil almaq üçün Azərbaycan Dillər Universitetinin ingilis dili ixtisasını seçib.

“Biçənək” “ot biçilən yer” deyil, tayfa adıdır

Biçənək Şahbuz rayon mərkəzindən 24 kilometr şimal-şərqdə, Zəngəzur silsiləsinin ətəyində, Naxçıvan-Laçın-Yevlax avtomobil yolunun kənarında yerləşən kəndin adıdır. Kənd Azərbaycanın qədim yaşayış məntəqələrindən biridir. Rayon ərazisində bu kənd adı ilə bağlı Biçənək aşırımı, Biçənək çayı, Biçənək mineral su bulaqları, Biçənək yolu, Biçənək meşəsi, Biçənək körpüsü və sair kimi coğrafi obyekt adları da mövcuddur. Biçənək kəndi keçmiş Zərnətün və Xınzirək kəndləri və Azərbaycanın tarixi ərazisi olan Zəngəzur qəzası ilə həmsərhəd ərazidə yerləşir. Məşhur Batabat yaylağı, Biçənək aşırımı, Fərhad evi, Zorbulaq bu kəndin yaxınlığındadır. Buradakı Əyriqar dağı, Ağ qaya, Qara qaya, Ballı qaya, Sarı qaya, Gəlin qayası, Xəznə təpəsi, Sandıq daş, Miz daş, Saat daşı, At taxta, Yanıq taxta, Yuxarı pay, Orta pay, Bənövşəli dərə, Qara göl, Cilli göl, Zorbulaq, Söyüdlü bulaq, Karvansara bulağı, Soyuq bulaq, Qiblə bulaq, Qızıl bulağı, Qırxgözlü bulaq, Turşsu və sair kimi yer-yurd adları ərazinin qədim oğuzlara məxsusluğunu təsdiqləyən faktlardır.

Tarixi qaynaqlara görə, Biçənək aşırımı qədim və orta əsrlərdə Naxçıvandan Beyləqana və oradan da Bərdəyə gedən yolun üstündə idi. IX əsr ərəb tarixçilərinin məlumatına görə, Azərbaycanın şimal hissələrinə hücum edən ərəb sərkərdəsi Salman ibn Rəbyə öz qoşununu Beyləqana Biçənək aşırımı ilə aparmışdı. Bu aşırım Naxçıvanla Arranı birləşdirən yeganə yol idi.

Azərbaycan “Tədqiq və tətəbbö” cəmiyyətinin Naxçıvan şöbəsi 1925-ci ilin mart ayında yaradılmış, 1928-ci ilə kimi fəaliyyət göstərmişdir. Üç il ərzində Naxçıvan “Tədqiq və tətəbbö” cəmiyyəti bu qədim yurd yerinin tarixinin, mədəniyyətinin, folklorunun öyrənilməsi sahəsində böyük rol oynamışdır. Həmin dövrün siyasi mənzərəsinə nəzər yetirdikdə görülən işlərin nə qədər çətin və eyni zamanda dəyərli olduğunu görürük.
Belə ki, o dövrdə imperiya daxilindəki xalqlara cüzi də olsa verilmiş hüquqlar tamamilə boğulur, Vətən, millət naminə çalışan vətənsevər insanlara divan tutulurdu. Cəmiyyətin 2 may 1925-ci ildə keçirilən ilk iclasında cəmiyyətin qurulmasındakı məqsəd və bunun mahiyyəti haqqında Vəhab Həsənzadə və Məmmədhəsən Baharlı məlumat vermişlər. Sonra seçki yolu ilə cəmiyyətin idarə heyəti müəyyənləşdirilmişdir. Vəhab Həsənzadə sədr, Mirbağır Mirheydərzadə elmi katib seçilmişdir. Bu iclasda naxçıvanlı müəllim Həsən Səfərlinin 19 may tarixində Bakıda keçiriləcək “Tədqiq və tətəbbö” cəmiyyəti qurultayında yenicə yaranmış Naxçıvan şöbəsini təmsil etməsi qərara alınmışdır. Yaranan texniki çətinliklərə görə, cəmiyyətin ikinci iclası bir qədər yubadılır, təxminən üç ay yarımdan sonra, 17 avqustda keçirilir. Bu iclasda cəmiyyətin görüləcək işlərə dair iş planının tərtib edilməsi və büdcə məsələsi müzakirə edilir. İclasda cəmiyyətin fəaliyyətini maliyyələşdirmək üçün Azərbaycan Xalq Komissarlar Şurası Naxçıvan şöbəsindən və Azərbaycan “Tədqiq və tətəbbö” cəmiyyətindən yardım tələb edilməsi də təklif olunur. Həmçinin adıçəkilən iş planının tərtib edilməsi üçün Həmid Sultanlının rəhbərliyi ilə beş nəfərdən ibarət komissiya yaradılması qərara alınır. Qısa bir zamanda iş planı hazır olur və 6 sentyabrda keçirilən iclasda elmi katib Mirbağır Mirheydərzadə iclas iştirakçılarını planın mətni ilə tanış edir. Bu iclasda həmçinin cəmiyyət üzvlərinin siyahıya alınması və üzvlük haqlarının toplanması qərarına gəlinir ki, bununla da, büdcə məsələsi qismən də olsa həllini tapmış olur. Qurumun fəaliyyətini təkmilləşdirmək, daha da məhsuldar etmək üçün cəmiyyət nəzdində İctimai, iqtisadi və təbii; Arxiv işi; Mətnoqrafiya, tarix və ədəbiyyat komitələri yaradılır.

1. Qurbanova Surə Urfullah qızı – Naxçıvan şəhər 10 nömrəli tam orta məktəbi – 690 bal
2. Əsgərova Müşfiqə Qasım qızı – Şərur şəhər 2 nömrəli tam orta məktəbi – 690 bal
3. İsmayılova Fatma Abdulla qızı – Heydər Əliyev adına tam orta məktəb – 687 bal
4. Mikayılova Nərmin Oktay qızı – Şərur rayon Dizə kənd tam orta məktəbi – 686 bal
5. Əhmədova Leyla Yaşar qızı – Şərur şəhər 2 nömrəli tam orta məktəbi – 682 bal
6. Həsənov Kənan Əqil oğlu – Naxçıvan Türk Liseyi – 680 bal
7. Həsənova Narxanım Məhəmməd qızı – Naxçıvan şəhər 4 nömrəli tam orta məktəbi – 679 bal
8. Abdullayev Mahmud Zeynalabdın oğlu – Naxçıvan Türk Liseyi – 677 bal
9. Həbibbəyli Tuncay Həbib oğlu – Şərur Türk Liseyi – 677 bal
10. Həsənov Qafar Rövşən oğlu – Naxçıvan şəhər 7 nömrəli tam orta məktəbi – 676 bal
11. Seyidli Rəna Yulət qızı – Naxçıvan şəhər 11 nömrəli tam orta məktəbi – 676 bal
12. Quluzadə Tellər Rəşid qızı – Culfa rayon Kırna kənd tam orta məktəbi – 675 bal
13. Budaqlı Turac Surac qızı – Kəngərli rayon Təzəkənd tam orta məktəbi – 673 bal
14. Tağısoy Rukiyyə Elşən qızı – Ordubad rayon Unus kənd tam orta məktəbi – 672 bal

Cari ilin 11-18 avqust tarixlərində Azərbaycan Tələbə Gənclər Təşkilatları İttifaqının Azərbaycan Respublikası Gənclər və İdman Nazirliyinin dəstəyi ilə həyata keçirdiyi “VII Liderlik Məktəbi-Nəqşicahan” layihəsinin təlimləri yekunlaşıb.
Avqustun 17-də keçirilən bağlanış mərasimində Azərbaycan Tələbə Gənc­lər Təşkilatları İttifaqının sədri Şahin İsmayılov layihədə iştirak etmiş tələbələrlə görüşüb. Görüş ərzində Şahin İsmayılov tələbələrə ittifaqın gələcək layihələri haqqında məlumat verib və onları bu layihələrdə aktiv iştirak etməyə çağırıb. Layihə ərzində keçirilən təlimlər əsasında imtahan verən və uğurlu nəticə göstərən tələbələrə sertifikatlar təqdim olunub. Həmin gün tələbələr Naxçıvan Dövlət Universitetinin ərazisi və onun maddi-texniki bazası ilə tanış olub, bu ali təhsil ocağında tələbələr üçün yaradılan şərait barədə məlumatlandırılıblar. “VII Liderlik Məktəbi-Nəqşicahan” layihəsinin iştirakçılarına – Azərbaycanın müxtəlif regionlarındakı ali və orta ixtisas təhsili müəssisələrinin I və II kurs tələbələrinə 1 həftə ərzində sosial media, layihənin yazılması və idarə olunması, etiket və liderlik təlimləri keçilib.
Xatırladaq ki, indiyə kimi adıçəkilən ittifaq 6 liderlik məktəbi keçirib və bu liderlik məktəblərində 600-dən çox tələbə iştirak edib. Bu layihə ərzində tələbə gənclərdən əldə olunmuş yeni ideyaların və təkliflərin ATGTİ tərəfindən həyata keçirilməsi nəzərdə tutulub.

Səbuhi HÜSEYNOV

Terrorizm beynəlxalq təhlükəsizliyi, bəşəriyyətin dinc həyat tərzini hədələyən qlobal problemlərdən biridir. Gənc tədqiqatçı-alim, Naxçıvan Dövlət Universitetinin Beynəlxalq münasibətlər kafedrasının baş müəllimi, tarix üzrə fəlsəfə doktoru Şamxal Məmmədovun bu yaxınlarda işıq üzü görmüş “Erməni terrorizmi və ikili standartlar siyasəti” adlı monoqrafiyası beynəlxalq terror şəbəkəsinin ən təhlükəli tərkib hissələrindən biri olan erməni terrorizminin iç üzünün açılmasına həsr olunmuşdur. 

Monoqrafiyada, bütövlükdə, terrorizmin, günümüzdə onun ən fəal dəstələrindən olan erməni terrorizminin fəaliyyəti, erməni terrorizminə münasibətdə beynəlxalq aləmdə yürüdülən ikili standartlar siyasəti, bu siyasətin səbəb və nəticələri araşdırılmışdır.
XX əsrdə dörd dəfə müxtəlif səviyyələrdə beynəlxalq güclər, ayrı-ayrı dövlətlər tərəfindən gizli və ya aşkar dəstəklənən ermənilər tərəfindən soyqırımı və deportasiyaya məruz qalan Azərbaycan xalqı yaşadığımız əsrin ötən dövründə də mənfur erməni terrorizminin acı nəticələrini yaşamaqdadır. Torpaqlarımızın 20 faizi terrorizmi dövlət siyasəti səviyyəsinə qaldıran Ermənistan tərəfindən işğal olunmuş, bu təcavüz nəticəsində bir milyondan artıq soydaşımız öz yurd-yuvasından didərgin salınmışdır. Məhz bu baxımdan monoqrafiyada, bütövlükdə, beynəlxalq terrorizmin tarixi, onun şəbəkəyə çevrilməsi prosesi, erməni terrorizminin tarixi keçmişi və bu günü haqqında verilən məlumatlar çox aktualdır.

Bu bir həqiqətdir ki, yüksək savada və zəngin pedaqoji təcrübəyə malik olan müəllimlərə sahib cəmiyyətlər daim inkişaf edir. Bu cəhətdən Azərbaycan xalqını xoşbəxt xalq hesab etmək olar. Çünki bizim ölkəmizdə belə müəllimlər kifayət qədərdir. Dövlətimiz isə həmin müəllimlərin əməyini yüksək qiymətləndirir, onları dövlətin ali təltiflərinə layiq görür. Azərbaycan Respublikasının Prezidenti cənab İlham Əliyevin 2013-cü il 6 avqust tarixli sərəncamları ilə 2012-2013-cü tədris ilində keçirilmiş “Ən yaxşı ümumtəhsil məktəbi” və “Ən yaxşı müəllim” müsabiqələrində müvəffəqiyyət qazanan ümumtəhsil məktəbləri və müəllimlərin mükafatlandırılması sözügedən təltifə bariz nümunədir. Həmin müsabiqənin qalibləri sırasında muxtar respublikada fəaliyyət göstərən məktəblərin və bir qrup müəllimin də adlarının olması bizə ikiqat sevinc bəxş etdi. Müsabiqədə fərqlənən müəllimlərlə görüşüb onları təbrik etdik, həmin təhsil işçiləri ilə həmsöhbət olduq.
Yunis QULİYEV – Şahbuz rayon Kükü kənd tam orta məktəbinin müəllimi: – 38 ildir, müəllim işləyirəm. Bu illərdə müxtəlif mükafatlara layiq görülmüşəm. Bu təkcə mənim deyil, məktəb kollektivinin uğuru, ümumiyyətlə, Şahbuz rayonunda təhsilə verilən yüksək qiymətin nümunəsi kimi dəyərləndirilir. “Ən yaxşı müəllim” adına layiq görüldüyümə görə məni yüzlərlə ziyalı, müəllim, ağsaqqal, məktəb kollektivləri təbrik edir. Təbii ki, bu, bir müəllim üçün böyük xoşbəxtlikdir. Bunun üçün dövlətimə minnətdaram. Bundan sonrakı fəaliyyətimdə də gənclərimizin təhsilli, vətənpərvər, Azərbaycana layiq gənclər kimi tərbiyə olunması üçün var gücümü sərf edəcək, göstərilən qayğıya əməli işimlə cavab verməyə çalışacağam.

Dünən Naxçıvan şəhərindəki “Təbriz” mehmanxanasında “VII Liderlik məktəbi – Nəqşicahan” layihəsinin açılış mərasimi keçirilib.
Tədbir iştirakçıları əvvəlcə ümummilli liderimizin Naxçıvan şəhərindəki əzəmətli abidəsi önünə gül dəstələri qoyub, Heydər Əliyev Muzeyini ziyarət ediblər.
Azərbaycan Respublikası Gənc­lər və İdman Nazirliyinin, Azərbaycan Tələbə Gənclər Təşkilatları İttifaqının (ATGTİ) təşkilatçılığı və Naxçıvan Dövlət Universitetinin dəstəyi ilə “VII Liderlik məktəbi – Nəqşicahan” layihəsinin açılış mərasimini giriş sözü ilə Azərbaycan Tələbə Gənclər Təşkilatları İttifaqının sədri Şahin İsmayılov açaraq bildirib ki, indiyə kimi təşkilat 6 liderlik məktəbi layihəsini həyata keçirib. Bu məktəblərdə 600-dən çox tələbə iştirak edib. “VI Liderlik məktəbi – Qış parlamenti” layihəsi digər liderlik məktəblərindən fərqli olaraq, parlament formatında həyata keçirilib. “VII Liderlik məktəbi – Nəqşicahan” layihəsi çərçivəsində müxtəlif təlimçilər tərəfindən tələbələrə liderlik, PR-sosial media, layihənin yazılması və idarə olunması, protokol qaydaları və digər təlimlər keçiləcək. Bu layihə ərzində tələbə gənclərin yeni ideyalarının və təkliflərinin təşkilat tərəfindən dəstəklənməsi və reallaşdırılması nəzərdə tutulub.

Muxtar respublikamızda təhsilin inkişaf etdirilməsi, müasirləşdirilməsi, maddi-texniki bazasının gücləndirilməsi, yüksəkixtisaslı mütəxəssislərin hazırlanması üçün zəruri tədbirlər həyata keçirilir. Hər il muxtar respublikamızın müxtəlif ünvanlarında məktəb binaları tikilərək və ya yenidən qurularaq istifadəyə verilir. Yeni təhsil müəssisələrində müəllim və şagirdlər üçün nümunəvi şərait yaradılır, fənn kabinələri, laboratoriyalar, açıq və örtülü idman qurğuları istifadəyə verilir, müasir informasiya və kommunikasiya texnologiyaları tətbiq olunur. Doğma diyarımızda təhsilə göstərilən qayğı, yaradılan hərtərəfli şərait isə bəhrəsiz qalmır. Hər il ali məktəblərə sənəd verən abituriyentlərin qəbul imtahanlarında yüksək bal toplamaları göstərilən qayğının müsbət nəticəsindən xəbər verir.
2007-2008-ci tədris ilində ölkə təhsili tarixində ilk dəfə olaraq “Ən yaxşı müəllim” və “Ən yaxşı ümumtəhsil məktəbi” müsabiqəsinin keçirilməsinə start verilməsi də təhsilə böyük önəm verilməsinin daha bir göstəricisidir. Böyük bir ziyalılar nəslinin yaranmasına vəsilə olan müəllimlərə bu ehtiram, əslində, həm də dövlətin nüfuzu, cəmiyyətin daha da inkişafı üçün atılan addım idi.

Naxçıvan Dövlət Universitetində “VII Liderlik məktəbi – Nəqşicahan” layihəsində iştirak edəcək tələbələrlə görüş keçirilib. Görüşdə universitetin rektoru, biologiya elmləri doktoru, professor Saleh Məhərrəmov çıxış edərək bildirib ki, Azərbaycan Respublikası Gənclər və İdman Nazirliyi ilə birgə Azərbaycan Tələbə Gənclər Təşkilatları İttifaqının silsilə şəkildə həyata keçirdiyi “Liderlik məktəbi” layihəsi gənclərin təşəbbüskarlığının dəstəklənməsi, onların dövlət gənclər siyasətinin həyata keçirilməsində səmərəli iştirakının təmin edilməsi baxımından olduqca əhəmiyyətlidir. Builki “Yay liderlik məktəbi” layihəsinin Naxçıvan Muxtar Respublikasında keçirilməsi Naxçıvan və Azərbaycanın digər regionlarının gənc­ləri arasında sağlam əlaqələrin inkişafına, onların bilik və dünyagörüşlərinin formalaşmasına xidmət edəcək. Rektor layihədə iştirak etmək üçün qeydiyyatdan keçən 70 nəfər naxçıvanlı tələbə gəncdən 30 nəfərin seçildiyini, onlardan 19 nəfərin isə məhz Naxçıvan Dövlət Universitetinin tələbəsi olduğunu diqqətə çatdırıb, bunu muxtar respublikada gənc­lərə göstərilən hərtərəfli qayğının təzahürü kimi qiymətləndirib.
Azərbaycan Tələbə Gənc­lər Təşkilatları İttifaqının müavini, Naxçıvan Dövlət Universiteti Tələbə Gənclər Təşkilatının sədri Arzu Abdullayev çıxış edərək bildirib ki, 7 gün davam edəcək təlimlərdə 110 nəfər tələbə iştirak edəcək. İştirakçılar 25 nəfərdən ibarət 4 komandaya bölünəcək. Layihə çərçivəsində iştirakçılara “Liderlik bacarıqlarının inkişafı”, “Layihələrin yazılması və idarə olunması”, “Ünsiyyət bacarıqları” və “Komanda işi” mövzularında təlimlər keçiləcək. Məqsəd komanda şəklində işləməklə istedadlı gənc­lərin liderlik bacarıqlarını inkişaf etdirmək, onları gələcək ictimai-sosial mühitə hazırlamaqdır.
Liderlik məktəbinin sonunda fərqlənən tələbələr mükafatlandırılacaqlar.

Mehriban SULTAN

Naxçıvan Dövlət Texniki Kollecində keçirilən tədbiri giriş sözü ilə kollecin direktoru Məmməd Qəribov açaraq məruzə ilə çıxış etmişdir. Bildirilmişdir ki, 2012-2013-ci tədris ilində kollecdə yol hərəkətinin təşkili, nəqliyyat vasitələrinin texniki istismarı, mühasibat uçotu, baytarlıq, bank işi olmaqla, 5 ixtisas üzrə kadr hazırlığı aparılmış, 32 nəfər müəllim tələbələrin təlim-tərbiyəsi ilə məşğul olmuşdur. Kollecdə əyani şöbədə 5 ixtisas üzrə 13 qrupda 164 tələbə, qiyabi şöbədə isə 1 ixtisas üzrə 2 qrupda 33, ümumilikdə isə 197 tələbə təhsil almışdır. Kolleci bu il 99 tələbə bitirmişdir.
Qeyd olunmuşdur ki, kollecin kompüter sinfində açıq dərslər təşkil edilmiş, tələbələrin internetdən düzgün istifadəsinə nail olunmuş, bütün informatika dərslərinin kompüter sinfində keçilməsinə nəzarət gücləndirilmişdir. Bu ilin birinci yarısında Naxçıvan Muxtar Respublikası Təhsil Nazirliyi tərəfindən verilmiş məktəb dərslikləri ilə kollecin kitabxana fondu zənginləşdirilmişdir. Ümumi olaraq kitabxanada bədii ədəbiyyatlar, məktəb dərslikləri və ensiklopediyalar üçün ayrı-ayrılıqda bölmələr yaradılmışdır.
Vurğulanmışdır ki, 2013-cü ilin ilk 6 ayı ərzində uğurlarla yanaşı, bəzi nöqsanlar da müşahidə edilmişdir. Bu, əsasən, müəllimlərin açıq dərslərdə iştirakının və elektron lövhələrdə kompüterdən istifadənin aşağı səviyyədə olması, müəllimlərin elektron dərs vəsaitlərindən istifadə etməmələri ilə bağlı olmuşdur. Bu halların aradan qaldırılması üçün ciddi tədbirlər görülmüşdür.
Sonra məruzə ətrafında çıxışlar olmuşdur.

Tədbirdə Naxçıvan Muxtar Respublikası Ali Məclisi Aparatının Humanitar siyasət məsələləri və ictimai təşkilatlarla iş şöbəsinin müdiri Rəhman Məmmədov çıxış etmişdir.

Xəbərlər şöbəsi

Avqustun 2-də AMEA Naxçıvan Bölməsində dördüncü çağırış Naxçıvan Muxtar Respublikası Ali Məclisinin yeddinci sessiyasından irəli gələn vəzifələrin icrasına və bölmənin yarımillik yekunlarına həsr olunmuş iclas keçirilmişdir. İclası bölmənin sədri, akademik İsmayıl Hacıyev açaraq əvvəlcə muxtar respublikanın 2013-cü ilin birinci yarısındakı sosial-iqtisadi inkişafı barədə məlumat vermiş, bəhs olunan dövrün muxtar respublika üçün uğurlu olduğunu bildirmişdir. Sonra bölmə sədrinin AMEA Naxçıvan Bölməsinin 2013-cü ilin birinci yarısındakı fəaliyyətinin yekunları barədə məruzəsi dinlənilmişdir.
Qeyd olunmuşdur ki, cari ilin birinci yarısında bölmə əməkdaşlarının 6 kitab, 12 monoqrafiya, 1 metodik vəsait, 308 məqalə olmaqla, 327 elmi əsəri nəşr edilmişdir. Əsərlərdən 2 kitab, 1 monoqrafiya, 53 məqalə və konfrans materialı olmaqla, 56 əsər xaricdə çapdan çıxmışdır. Həmçinin 2 nəfər əməkdaş patent almışdır. Bəhs olunan dövrdə bölmədə humanitar və ictimai, təbiət və texniki elmlər seriyalarından ibarət “Xəbərlər” jurnalının 3 nömrəsi çapdan çıxmışdır ki, bu nömrələrdə bölmə əməkdaşlarının 100 məqaləsi işıq üzü görmüşdür.

AMEA Naxçıvan Bölməsində Şərur rayonunda aşkar edilmiş yeni yaşayış yerində aparılan kəşfiyyat xarakterli arxeoloji qazıntıların yekunlarına həsr olunmuş konfrans keçirilib. Konfransı giriş sözü ilə bölmənin sədri, akademik İsmayıl Hacıyev açıb. Bildirib ki, son illər muxtar respublika ərazisində aparılan belə tədqiqatlar özünün həcmi etibarilə bu qədim yurd yerinin tarixi ilə bağlı çoxlu həqiqətləri üzə çıxarıb. Gəmiqayada, I və II Kültəpədə, Qazma mağarasında, Oğlanqalada, Ovçular təpəsində, Xaraba Gilanda arxeoloqların tədqiqatları nəticəsində meydana çıxan maddi sübutlar ona görə qiymətlidir ki, bu dəlillər Naxçıvana qarşı əsassız iddialara tutarlı cavabdır. İkinci bir tərəfdən, muxtar respublika ərazisində aparılan arxeoloji tədqiqatlarda bir sıra xarici ölkələrin – Amerika Birləşmiş Ştatlarının, Fransanın, Suriyanın, Türkiyə Respublikasının arxeoloqlarının da iştirakı və onların bu qədim yurd yerinin tarixi ilə bağlı gəldikləri elmi nəticələrin xarici mətbuat səhifələrində dərc olunması indiyə qədər təhrif olunmuş həqiqətlərin dünya ictimaiyyətinə çatdırılması baxımından xüsusi əhəmiyyət daşıyır.
Konfransda arxeoloji ekspedisiyanın rəhbərləri – AMEA Naxçıvan Bölməsi Tarix, Etnoqrafiya və Arxeologiya İnstitutunun şöbə müdiri, AMEA-nın müxbir üzvü Vəli Baxşəliyevin və Amerika Birləşmiş Ştatları Pensilvaniya Universitetinin dosenti Lauren Ristvetin apardıqları tədqiqatlar barədə məlumatları dinlənilmişdir.
Bildirilmişdir ki, kəşfiyyat xarakterli tədqiqatlar nəticəsində Şərur rayonunun Oğlanqala və Qızqala abidələri arasında yerləşən bu şəhər-dövlətin 487 hektar əraziyə malik olduğu müəyyən edilmişdir. İlkin nəticələrə görə, buradakı yaşayış sahəsi 13 hektardır. Şəhər-dövlətin mövcudluğu Eneolit dövründən başlayaraq orta əsrlərə qədərki bir dövrü əhatə edir. Ərazidəki mədəni təbəqənin qalınlığı 13-15 metrə çatır.
Konfransda Amerika Birləşmiş Ştatlarının Emori Universitetinin professoru Hillari Qopnik, Azərbaycan Milli Elmlər Akademiyası Arxeologiya və Etnoqrafiya İnstitutunun əməkdaşı, dosent Səfər Aşurov, AMEA Naxçıvan Bölməsi Tarix, Etnoqrafiya və Arxeologiya İnstitutunun direktoru, professor Hacıfəxrəddin Səfərli çıxış etmişlər.
Qeyd olunmuşdur ki, muxtar respublikada belə ərazilərdə tədqiqatlar aparılması təkcə muxtar respublika və Azərbaycan üçün deyil, ümumilikdə, dünya arxeologiyası üçün xüsusi əhəmiyyət daşıyır.

Muxtar MƏMMƏDOV

Naxçıvan Dövlət Universitetində cari ilin birinci yarısının yekunları və qarşıda duran vəzifələrə həsr olunmuş yığıncaq keçirilmişdir. Yığıncaqda universitetin rektoru, biologiya elmləri doktoru, professor Saleh Məhərrəmov məruzə ilə çıxış etmişdir.
Bildirilmişdir ki, muxtar respublikada həyata keçirilən tədbirlər nəticəsində dinamik sosial-iqtisadi inkişafa nail olunmuşdur. Bu sosial-iqtisadi inkişafdan universitetə də pay düşmüş, ali təhsil müəssisəsinin maddi-texniki bazasının gücləndirilməsi, müasir tədris avadanlıqları, informasiya-kommunikasiya texnologiyaları vasitələri ilə təchiz olunması, təhsilin və tədrisin dünya standartları səviyyəsində qurulması, universitetin beynəlxalq əlaqələrinin inkişafı istiqamətində əhəmiyyətli addımlar atılmışdır. Dördüncü çağırış Naxçıvan Muxtar Respublikası Ali Məclisinin yeddinci sessiyasında elm və təhsilin inkişafı, savadlı, hərtərəfli dünyagörüşə malik mütəxəssislərin yetişdirilməsi məqsədilə təhsil ocaqlarında İKT-nin imkanlarından və inter­aktiv metodlardan istifadəyə üstünlük verilməsi, kompyuter biliklərinin və xarici dillərin tədrisinin diqqət mərkəzində saxlanılması kimi ali təhsil müəssisələri qarşısına qoyulan mühüm vəzifələrə toxunan rektor təhsilin və tədrisin məzmun və keyfiyyətcə daha yüksək səviyyədə qurulmasına nail olmaq məqsədilə görüləcək işlərdən də danışmışdır.

Gənclərimizin biliyinin sınaq günündə məktəblərdə olduq, abituriyentlər və onların valideynlərindən təəssüratlarını öyrəndik. Heydər Əliyev adına Hərbi Liseyə imtahanın keçirildiyi Naxçıvan şəhər 1 nömrəli tam orta məktəbin önündəyik. Müşahidələrimizə əsasən deyə bilərik ki, hər il liseyə qəbul olmaq istəyən gənclərin sayı artır. Gələcəkdə həyatını zabit kimi davam etdirmək istəyən gənclərlə söhbətimiz də maraqlı olur. Yusif Hacıyev deyir:
– Ən böyük arzum hərbçi olmaqdır. Bir azdan imtahan başlayacaq. İmtahana yaxşı hazırlaşmışam. Sualların əksəriyyətinə düzgün cavab verəcəyimə əminəm.
Bir az kənarda dayanan valideyn Əziz Məmmədova yaxınlaşırıq. Onun dediklərindən:
– Şərur rayonunun Danyeri kəndindən gəlmişik. Bir valideyn kimi çox həyəcanlı günlər yaşayıram. Bu yaxınlarda qızım Gülsadə III ixtisas qrupu üzrə imtahan verib. 400-dən yuxarı bal toplayıb. Çox sevincliyik. Bu gün isə oğlum Elşən liseyə imtahan verir. Bir valideyn kimi qürur duyaram ki, oğlum liseyə qəbul olunsun. Ona çox inanıram. Sınaqlarda 300-dən yuxarı bal toplayırdı. Şübhəm yoxdur ki, bu uğuru imtahanda da təkrarlayacaq.

Günlərin birində məşhur sufi şeyxi Cüneyd Bağdadinin yanına gələn bir nəfər “Sufizm, təsəvvüf nədir?” soruşur. O isə “Allahdan qeyrisi ilə əlaqəni kəsmək və yalnız onu düşünməkdir” cavabını verir. Sufizm haqqında oxuduğum çoxsaylı kitablardan indiyə qədər çıxardığım əsas nəticələrdən biri bu idi ki, bu insanlar əksər hallarda, sadəcə, özləri ilə Allah arasındakı rabitənin qurulmasına çalışırlar. Bu yaxınlarda tarix elmləri doktoru, professor Hacıfəxrəddin Səfərlinin “Elm və təhsil” nəşriyyatında çapdan çıxan “Naxçıvanda sufiliklə bağlı mərkəzlər” kitabı ilə tanışlıqdan sonra indiyə qədər formalaşan fikirləri ciddi şəkildə redaktə etməli oldum. 

Sufizm təkcə dünya həyatından əl çəkərək hər şeyi axirət üçün etmək deyil, sufizm, əslində, dünyada etdiklərini belə, axirət üçün etməkdir, Allah üçün etməkdir. Elə məhz bu səbəbdəndir ki, sufizm heç də tarixin bütün dövrlərində dini cərəyan deyil, həm də dövlətçilik cərəyanı və yaxud ənənələri qoruyacaq gizli dövlətçilik institutu kimi fəaliyyət göstərmişdir. AMEA Naxçıvan Bölməsinin Rəyasət Heyətinin qərarı ilə çap olunan, elmi redaktoru AMEA-nın müxbir üzvü Məşədixanım Nemət, elmi məsləhətçiləri akademik İsmayıl Hacıyev və akademik İsa Həbibbəyli, rəyçiləri AMEA-nın müxbir üzvləri Vəli Əliyev və Hacı Qadir Qədirzadə olan monoqrafiyada orta əsr qaynaqları, ərazidə indiyədək gəlib çatan maddi-mədəniyyət nümunələri, epi­qrafik, toponimik və digər faktlar əsasında orta əsrlər zamanı Naxçıvan bölgəsində, həmçinin tarixi Naxçıvan ərazisində fəaliyyət göstərmiş sufiliklə bağlı mərkəzlərdən bəhs edilir. O mərkəzlər ki, tarixin bütün dövrlərində bu torpaqda qorunub saxlanılmış, bütün dünyaya türk-müsəlman varlığını nümayiş etdirmiş, əcdadlarımızın zəngin tarixindən xəbər vermişdir.

AMEA Naxçıvan Bölməsində Azərbaycanın beynəlxalq səviyyədə tanınan mətbu orqanlarından biri olan “İrs” jurnalının Baş redaktoru Musa Mərcanlı ilə görüş keçirilib. Görüşdə çıxış edən AMEA Naxçıvan Bölməsinin sədri, akademik İsmayıl Hacıyev jurnalın beynəlxalq əhəmiyyətindən danışıb, bölmə əməkdaşlarının, eləcə də hər bir elm adamının jurnalla əməkdaşlığının vacibliyini vurğulayıb. Akademik qeyd edib ki, bu gün Azərbaycan həqiqətlərinin dünyaya çatdırılmasında, Azərbaycan xalqının tarixinin, milli-mənəvi irsinin təbliğində “İrs” jurnalı özünəməxsus rol oynayır. Jurnalın elmi-kütləvi səviyyəsinin qorunmasında, nəfis tərtibatında Baş redaktor Musa Mərcanlının əməyi olduğunu vurğulayan bölmə sədri hazırda “İrs”in türk, rus, ingilis, yapon dilləri də daxil olmaqla, 12 dildə çap edilərək çoxsaylı oxucu kütləsinə təqdim olunduğunu deyib.
“İrs” jurnalının Baş redaktoru Musa Mərcanlı çıxış edərək Naxçıvanda, regionun əsas elm mərkəzi sayılan AMEA Naxçıvan Bölməsində olmaqdan məmnunluğunu ifadə edib. Naxçıvan tarixinin, mədəniyyətinin, folklorunun, təbii ehtiyatlarının öyrənilməsi istiqamətində bölmə əməkdaşları tərəfindən aparılan fundamental tədqiqatların maraq doğurduğunu qeyd edən Musa Mərcanlı tədqiqatla yanaşı, təbliğatın da mühüm şərt olduğunu diqqətə çatdırıb. Bu mənada “İrs”in Naxçıvanda fəaliyyət göstərən alimlərin və tədqiqatçıların apardıqları çoxillik tədqiqatların dünyaya çatdırılmasında maraqlı olduğunu deyib.
Sonra bölmə əməkdaşlarını maraqlandıran suallar cavablandırılıb.

Xəbərlər şöbəsi

İyulun 21-də 2013/2014-cü tədris ili üçün Azərbaycan Respublikasının ali təhsil müəssisələrinə və tam orta təhsil bazasından orta ixtisas təhsili müəssisələrinə I ixtisas qrupu üzrə qəbul imtahanı keçirilib. Muxtar respublikada Naxçıvan şəhər 1, 7 və 14 nömrəli tam orta məktəblərdə keçirilən imtahanlarda 1713 abituriyent iştirak edib. İmtahana 167 nəzarətçi-müəllim, 14 imtahan rəhbəri cəlb olunub.

Gənclərimizin biliyinin sınaq günündə məktəblərdə olduq, abituriyentlər və onların valideynlərindən təəssüratlarını öyrəndik.
Naxçıvan şəhərindən olan Hacıağa Bağırov qızına dəstək üçün imtahana gəlib. Deyir ki, qızım Ceyran imtahana yaxşı hazırlaşıb. İnanıram ki, qəbul imtahanında uğur qazanacaq. Valideyn ərazidə insanların rahatlığı üçün iaşə xidmətinin təşkil olunmasından da razılıqla danışdı.
Abituriyentlərdən Tellər Quluzadə ilə söhbətləşirik. Culfa rayonunun Saltaq kənd tam orta məktəbinin məzunudur. O, sınaq imtahanlarında 650 bal toplayıb. Həyəcanını gizlətməyərək deyir:

Bu münasibətlə keçirilən tədbirdə Naxçıvan Dövlət Universitetinin rektoru, biologiya elmləri doktoru, professor Saleh Məhərrəmov çıxış edərək Cənubi Koreya ilə ölkələrarası siyasi, iqtisadi, mədəni əlaqələrin inkişafında elmin və təhsilin rolundan danışıb, universitetin Cənubi Koreyanın ali təhsil ocaqları ilə əməkdaşlığının əhəmiyyətindən bəhs edib. Qeyd olunub ki, Cənubi Koreyanın Kimçonq və Busan Kyumqsunq universitetləri ilə hərtərəfli əməkdaşlığa malik Naxçıvan Dövlət Universiteti ilə Kimçonq Universiteti arasında Boloniya sisteminin prinsiplərinə uyğun olaraq tələbə mübadiləsi aparılıb.
“Ali təhsil ocağının Beynəlxalq münasibətlər və xarici dillər fakültəsində “Koreyaşünaslıq” seçmə fənni tədris olunur. Buradakı Cənubi Koreya Mərkəzi uğurla fəaliyyət göstərir. Mərkəzdə Koreya dili üzrə hazırlıq kurslarının fəaliyyət göstərməsi isə Koreya dilinin, ədəbiyyatının, tarixinin, mədəniyyətinin öyrənilməsi baxımından böyük əhəmiyyət daşıyır”, – deyən rektor bildirib ki, Cənubi Koreyada 5 ay müddətində təhsillərini yekunlaşdıran 3 nəfər tələbə də məhz bu kurslarda fəal iştirak edən bir neçə tələbənin arasından seçilərək Kimçonq Universitetinə göndərilib.
Həmin tələbələrdən hüquqşünaslıq ixtisasının birinci kurs tələbəsi Əkbər Həsənli və stomatologiya ixtisasının birinci kurs tələbəsi Şahin Tağıyev çıxışlarında Cənubi Koreyada yaxşı qarşılandıqlarını, ölkəmizi Cənubi Koreyada layiqli təmsil etdiklərini və 5 ay müddətində təhsillərini müvəffəqiyyətlə başa vurduqlarını bildiriblər.
Sonda universitetin rektoru, professor Saleh Məhərrəmov Kimçonq Universitetində təhsillərini müvəffəqiyyətlə başa vurmuş tələbələrə qiymət cədvəllərini təqdim edib.

Mina QASIMOVA

            Kim bilir, neçədir dünyanın yaşı,
            Tarixin nə qədər yazısı vardır?
            Hər saxsı parçası, hər məzar daşı
            Nəsildən nəsilə bir yadigardır.
                                                               (Səməd Vurğun)

“Bu tarixi saxsıları toplayaraq öyrənənlər “körpü adamlar” – arxeoloqlardır”.
Avtomobilimiz Arpaçay üzərindəki bəndin üzərindən keçərkən fikirləşirəm. Onlar bu günü yaşamaqla, keçmişi öyrənməklə onların arasındakı əlaqəni tapırlar və əslində, özləri də keçmişlə bu gün arasında bağa çevrilirlər. Səhər olmasına baxmayaraq, artıq Günəş şüalarının yandırıcı hərarəti hiss olunmaqdadır. Onların başı isə yeni tapdıqları köhnə şəhərin tarixini öyrənməyə qarışıb.
“Bəşər sivilizasiyasının ən qədim mərkəzlərindən olan Azərbaycanda və onun ayrılmaz tərkib hissəsi Naxçıvanda hər daş, hər qaya bir tarixdir”. AMEA-nın müxbir üzvü, hazırda Şərur rayonunun Dizə və Aşağı Yaycı kəndləri arasındakı ərazidə – Qızqalada tədqiqatlar aparan Azərbaycan-ABŞ arxeoloji ekspedisiyasının Azərbaycan tərəfdən rəhbəri Vəli Baxşəliyevin bu sözünü bu tarixə şahidlik etmiş, yaxınlıqdan axan Arpaçay da təsdiqləyir sanki. Çünki ilk insan məskənləri, sivilizasiyalar məhz çay vadilərində formalaşıb, meydana çıxıb. Arpaçay vadisi də qədim sivilizasiyanın əsas yaranma mərkəzlərindən biridir.

Ötən illərdə olduğu kimi, bu il də muxtar respublika ərazisində bir çox tarixi məkanlarda arxeoloji ekspedisiyalar tərəfindən tədqiqat işlərinə başlanılıb. Tədqiqatlar AMEA Arxeologiya və Etnoqrafiya İnstitutu və beynəlxalq ekspedisiyalar tərəfindən aparılır.
AMEA Naxçıvan Bölməsinin Tarix, Etnoqrafiya və Arxeologiya İnstitutunun Qədim dövr arxe­ologiyası şöbəsinin müdiri, AMEA-nın müxbir üzvü Vəli Baxşəliyevin verdiyi məlumata görə, Şərur rayonunda arxeoloji tədqiqatlar aparan Azərbaycan-ABŞ ekspedisiyası yeni yaşayış məskənini aşkara çıxarıb. Şərur rayonunda “Qızqala” adlanan ərazi yaxınlığında aparılan ilkin araşdırmalar nəticəsində Ene­olit, Erkən Tunc, Orta Tunc, Dəmir dövrlərini və Orta əsrləri əhatə edən yeni bir yaşayış yeri aşkar olunmuşdur. Bu yaşayış yeri I və II Kültəpələrdən sonra Orta Tunc dövrünə aid təbəqənin qalınlığına görə ən böyük yaşayış yeridir. Tədqiqatçının fikrincə, bu yaşayış yerində təbəqənin qalınlığı hazırda 11-15 metr arasındadır. Arxeoloqlar təbəqənin daha qalın olacağını istisna etmirlər. Yaşayış yeri ərazisinə görə muxtar respublika ərazisində yerləşən digər arxeoloji abidələrdən – I Kültəpə və II Kültəpədən daha böyükdür. İlk ölçmələr yaşayış yerinin 8 hektar sahəni əhatə etdiyini göstərir.

Xəbərlər şöbəsi

III ixtisas qrupunun imtahanları Naxçıvanda şəffaflıqla başa çatıb 

İyulun 14-də 2013/2014-cü tədris ili üçün Azərbaycan Respublikası ali təhsil müəssisələrinə və tam orta təhsil bazasından orta ixtisas təhsili müəssisələrinə III ixtisas qrupu üzrə qəbul imtahanı keçirilib. Muxtar respublikada Naxçıvan şəhər 1, 7 və 14 nömrəli, Heydər Əliyev adına tam orta məktəblərdə keçirilən imtahanlarda 2 min 14 abituriyent iştirak edib. İmtahana 194 nəzarətçi-müəllim, 16 imtahan rəhbəri cəlb olunub.
İmtahan başlanmazdan əvvəl imtahan keçiriləcək məktəblərin önündə həyəcanlı görünən abituriyentlər, onların valideynləri ilə görüşüb həmsöhbət olduq. 14 nömərli tam orta məktəbin önündə 12 nömrəli tam orta məktəbin məzunu olan Pəri İbrahimova dedi:
– Mütəmadi təşkil olunan sınaq imtahanlarının bizə çox köməkliyi olub. İndi də elə bilirəm ki, adi sınaqlardan biridir. Bir azdan imtahan zalına daxil olub bütün sualları cavab­lan­dıracağam. Sınaq imtahanlarında 600-dən yuxarı bal toplayırdım. Hədəfim 650-ni keçməkdir.

Naxçıvan Regional Peşə Tədris Mərkəzində 5 peşə üzrə kurslar keçilir. Bu mərkəzin yolunu tutanlar hazırda dərzi, elektrik montyoru, traktorçu-maşınçı, ofisiant və bərbər peşələri üzrə kurslarda iştirak edirlər.
Mərkəzdən aldığımız məlumata görə, peşə hazırlığının səmərəliliyini yüksəltmək üçün müəssisələrin hansı peşələrə daha çox ehtiyaclarının olduğunu müəyyənləşdirmək məqsədilə 83 müəssisədə sorğular keçirilib. Sorğuların nəticəsi olaraq, istehsal və xidmət sahələri üzrə, o cümlədən elektrik montyoru, mexanik, aşpaz, ofisiant, mebel ustası kimi ixtisaslı kadrlara daha çox tələbatın olduğu müəyyənləşdirilib. Fəaliyyətə başladığı gündən mərkəzdə 79 peşə hazırlığı üzrə 1210 vətəndaşa müvafiq peşə təhsili verilib. Bu peşə təhsili ocağında bərbər, ofisiant, aşpaz köməkçisi, dərzi sənətinin, kənd təsərrüfatı, energetika və rabitə sahələrinin ixtisaslı kadrlara olan tələbatını ödəmək üçün traktorçu-maşınçı, kabel lehimləyicisi və elektrik montyoru, elektrik avadanlıqlarının təmiri və elektromexanik, həmçinin müasir avadanlıqlarla təmin olunan inzibati və yaşayış binalarının qazanxanalarını ixtisaslı peşə sahibləri ilə təmin etmək üçün qazanxana maşinisti, eləcə də muxtar respublikanın kütləvi informasiya vasitələrində çalışan kadrların təcrübə və peşəkarlıqlarının artırılması məqsədilə fotoqraf və videooperator peşələri üzrə kurslar təşkil edilib.

Xəbərlər şöbəsi

AMEA Naxçıvan Bölməsinin Tarix, Etnoqrafiya və Arxeologiya İnstitutunun böyük elmi işçisi, tarix üzrə fəlsəfə doktoru Sara Hacıyevanın çapdan çıxmış “Naxçıvan bölgəsinin xatirə abidələri üzərindəki təsvirlər tarix-mədəniyyət abidəsi kimi” adlı yeni kitabı Naxçıvan tarixinin orta əsrlər dövrünə aid son dövrlər nəşr olunmuş ən maraqlı əsərlərdən biridir.
Monoqrafiyada Naxçıvan Muxtar Respublikası və tarixi Naxçıvan ərazisindəki orta əsrlərə aid qəbiristanlıqlarda zəmanəmizədək gəlib çıxan, bir qismi muzeylərdə mühafizə edilən qəbirüstü xatirə abidələri və onların üzərindəki təsvirlər təhlil edilib, bu abidələrin hazırlandığı bədii daşyonma mərkəzləri, sənətkar sexləri haqqında məlumat verilib. Yazılmasında istinad olunan abidələrin fotoşəkilləri və qrafik təsvirlərinin də əlavə olunduğu kitab elmi işçilər, magistrantlar və doktorantlar, eyni zamanda bölgə tarixi ilə maraqlanan geniş oxucu kütləsi üçün nəzərdə tutulub. Elmi redaktoru və “Ön söz” müəllifi tarix elmləri doktoru, professor Hacıfəxrəddin Səfərli, rəyçiləri AMEA-nın müxbir üzvü Vəli Əliyev və tarix üzrə fəlsəfə doktoru Elbrus İsayev olan mono­qrafiya üç fəsildən ibarətdir.
Monoqrafiyanın birinci fəsli İslam dinində təsvir-rəsm və heykəl məsələlərinə həsr olunub. Tədqiqatçı bu mövzunu ətraflı araşdırmaqla İslam dininin təsviri sənətə münasibətinə və onun səbəbləri ilə bağlı bir çox ciddi məqamlara aydınlıq gətirib. “Naxçıvan ərazisi bədii daşyonma sənəti üzrə mərkəzlərdən biri kimi” adlanan ikinci fəsildə Naxçıvan ərazisindəki bədii daşyonma sənəti nümunələri haqqında ümumi məlumat verilir, qəbirüstü xatirə abidələri – başdaşılar, sənduqələr, qoç, qoyun və at heykəllərinin mahiyyəti açılır. Monoqrafiyanın III fəslində xatirə abidələri üzərindəki təsvirlərin təsnifatı aparılıb, canlı təsvirlər, sənətkarlıqla bağlı, səma cismləri ilə əlaqədar, hərb sənəti və ovçuluqla bağlı təsvirlərin, həmçinin nəbati və həndəsi ornamentlərin mahiyyəti açılır. Tədqiqat əsəri “Elm və təhsil” nəşriyyatında işıq üzü görüb.

Elnur KƏLBİZADƏ

“2013-cü ilin birinci yarısında AMEA Naxçıvan Bölməsi tərkibində fəaliyyət göstərən elmi-tədqiqat müəssisələrində Naxçıvan Muxtar Respublikasının tarixi, mədəniyyəti, təbii sərvətlərinin əhatəli şəkildə öyrənilməsi məqsədilə təsdiq edilmiş plana uyğun olaraq, 6 elmi istiqamətdə 6 prоblemi əhatə edən 7 mövzuya aid 34 işin 95 mərhələdə yerinə yetirilməsi nəzərdə tutulmuşdu. Hazırda tədqiqatlar 21 şöbə və 8 labоratоriyada 1 nəfər akademik, 4 nəfər müxbir üzv, 6 nəfər elmlər dоktоru, 52 nəfər fəlsəfə dоktоru, 5 nəfər doktorant, 3 nəfər dissertant, 19 nəfər elmi işçi оlmaqla, 90 nəfər elmi və köməkçi heyət tərəfindən yerinə yetirilir”. AMEA Naxçıvan Bölməsinin 2013-cü ilin birinci yarısına aid elmi və elmi-təşkilati fəaliyyətinə həsr olunmuş hesabat yığıncağında bu barədə bölmənin sədri, akademik İsmayıl Hacıyev məlumat verib.

Qeyd edilib ki, birinci yarımildə AMEA Naxçıvan Bölməsində xalqımızın ümummilli lideri Heydər Əliyevin 90, görkəmli alim, akademik Zərifə xanım Əliyevanın 90, akademik Cəlal Əliyevin 85 illik yubileyləri, Azərbaycan teatrının yaranmasının 140 illiyi, digər tarixi günlər və şəxsiyyətlərlə əlaqədar elmi kоnfrans və tədbirlər keçirilib, eyni zamanda Naxçıvan Muxtar Respublikası Ali Məclisi Sədrinin “Naxçıvan tarixi” çoxcildliyinin hazır­lanması və nəşr olunması barədə” Sərəncamından irəli gələn elmi və elmi-təşkilati işlərin uğurlu həllinə çalışılıb.

Naxçıvan Dövlət Universitetində Azərbaycan Hökuməti və Beynəlxalq İnkişaf Assosiasiyasının birgə həyata keçirdiyi “Dövlət investisiyaları üzrə kadr potensialının gücləndirilməsi” layihəsi çərçivəsində keçilən təlim kursu başa çatıb. “Reform-Centre” Məhdud Məsuliyyətli Cəmiyyəti və Azərbaycan Respublikası Prezidenti yanında Dövlət İdarəçilik Akademiyası tərəfindən “Dövlət və özəl sektor arasında tərəfdaşlıq” mövzusunda keçilən təlim kursunun yekununda çıxış edən universitetin beynəlxalq əlaqələr üzrə prorektoru, riyaziyyat üzrə fəlsəfə doktoru Anar Kazımov universitetdə müxtəlif mövzulara həsr olunmuş 11 təlim kursunun uğurla reallaşdırılmasından bəhs edib. Qeyd olunub ki, regionun bütün dövlət strukturlarının əməkdaşlarını, habelə universitetin müxtəlif ixtisaslar üzrə müəllim və tələbələrini əhatə edən bu təlim kursları kadr hazırlığı baxımından mühüm əhəmiyyət kəsb edir.
Universitetin rektoru, biologiya elmləri doktoru, professor Saleh Məhərrəmov çıxış edərək təlim kurslarının təşkilini Naxçıvan Muxtar Respublikası Ali Məclisinin Sədri cənab Vasif Talıbovun dövlət idarəçiliyi sahəsində milli kadr potensialının artırılmasına, mütəxəssis hazırlığına növbəti qayğısı kimi qiymətləndirib.
Təlim kursunun koordinatoru, “Reform-Centre” Məhdud Məsuliyyətli Cəmiyyəti və Azərbaycan Respublikası Prezidenti yanında Dövlət İdarəçilik Akademiyasının əməkdaşı Asif Nəsibov təlim kursunun uğurla keçdiyini, xüsusilə universitet tələbələrinin bu kurslarda fəal iştirak etdiyini bildirib.
Sonda müxtəlif dövlət strukturlarında çalışan mütəxəssislərə sertifikatlar təqdim olunub.

Mina QASIMOVA

Bir müddət əvvəl “Naxçıvanlı diplomatlar” rubrikasındakı yazılarımızın birində XX əsrdə ən böyük diplomatlarımızdan biri, Azərbaycan SSR-in Türkiyədə ilk səfiri olmuş İbrahim Əbilov haqqında yazarkən bu diplomatın qardaş ölkədə istiqlaliyyət savaşının qazanılmasındakı misilsiz xidmətləri haqqında oxumuş, onun siyasi irsinin öyrənilməsi və geniş şəkildə təbliğinin nə qədər əhəmiyyətli olması haqqında düşünmüşdüm.
Bu günlərdə isə ziyalılarımızdan birinin hədiyyə etdiyi yeni kitab bu mənada məni çox sevindirdi. Çünki artıq görkəmli diplomat İbrahim Əbilovun Türkiyə Cümhuriyyətinin qurtuluş savaşındakı rolu haqqında Türkiyə oxucusu da geniş və müfəssəl məlumat almaq imkanına malikdir. Belə ki, AMEA Naxçıvan Bölməsinin İncəsənət, Dil və Ədəbiyyat İnstitutunun direktoru, AMEA-nın müxbir üzvü Əbülfəz Quliyevin və Akif Axundovun müəllifi olduqları “Mustafa Kamalın dostu İbrahim Əbilov” adlı kitab Türkiyə türkcəsində Ankarada 1000 tirajla çapdan çıxıb. Ankaranın Atalay mətbəəsində çap olunan kitabı türk dilinə doktor Yusif Gədikli çevirib. Redaktorları professor-doktor Nail Tan və professor-doktor Hayrəttin İvgin olan kitab Türkiyə Mədəniyyət Nazirliyinin sertifikatı ilə işıq üzü görüb.

Naxçıvan Dövlət Universitetində Azərbaycan Hökuməti və Beynəlxalq İnkişaf Assosiasiyasının birgə həyata keçirdiyi “Dövlət İnvestisiyaları üzrə Kadr Potensialının Gücləndirilməsi” layihəsi çərçivəsində növbəti təlim kursuna başlanılmışdır. “Reform-Centre” Məhdud Məsuliyyətli Cəmiyyəti və Azərbaycan Respublikası Prezidenti yanında Dövlət İdarəçilik Akademiyası tərəfindən “Dövlət və özəl sektor arasında tərəfdaşlıq” mövzusunda keçirilən təlim kursunun açılış mərasimində universitetin beynəlxalq əlaqələr üzrə prorektoru, riyaziyyat üzrə fəlsəfə doktoru Anar Kazımov çıxış edərək ali məktəbdə müxtəlif mövzulara həsr olunmuş təlim kurslarının keçirildiyini bildirmişdir. Qeyd olunmuşdur ki, muxtar respublikanın bütün dövlət strukturlarının və nazirliklərinin əməkdaşlarının, habelə universitetin müxtəlif ixtisaslar üzrə müəllim və tələbələrinin iştirak etdiyi bu təlim kursları kadr hazır­lığı baxımından mühüm əhəmiyyət daşıyır.
Universitetin rektoru, biologiya elmləri doktoru, professor Saleh Məhərrəmov çıxışında təlim kurslarının təşkilini muxtar respublikada dövlət idarəçiliyi sahəsində milli kadr potensialının artırılmasına, mütəxəssis hazırlığına qayğı kimi qiymətləndirmişdir.
Rektor beynəlxalq ekspertlərin təcrübələrinin öyrənilməsi və tətbiqinin zəruriliyindən də danışmışdır.
Təlim kursunun koordinatoru, “Reform-Centre” Məhdud Məsuliyyətli Cəmiyyətinin və Azərbaycan Respublikası Prezidenti yanında Dövlət İdarəçilik Akademiyasının əməkdaşı Asif Nəsibov bildirmişdir ki, təlim kursunun məqsədi iştirakçıları dövlət və özəl sektor arasında tərəfdaşlığa dair konsepsiyalar, qaydalar və strategiyalar haqqında əsas məlumatlarla, müvafiq təlimatlarla tanış etməkdir.
Ekspert-təlimçi Bartoz Misiorski təlim kursunda bəhs olunacaq mövzular barədə məlumat vermişdir.
6 günlük təlim kursunda müxtəlif dövlət strukturlarında çalışan mütəxəssislər, eləcə də universitetin Sosial idarəetmə və hüquq, İqtisadiyyat fakültələrinin tələbələri iştirak edirlər.

Mehriban SULTAN

AMEA Naxçıvan Bölməsinin Tarix, Etnoqrafiya və Arxeologiya İnstitutunun Qədim dövr arxeologiyası şöbəsinin böyük elmi işçisi, tarix üzrə fəlsəfə doktoru Toğrul Xəlil­ovun “Son Tunc-Erkən Dəmir dövründə Naxçıvanın əkinçi-maldar tayfalarının mədəniyyəti” adlı yeni kitabı “Elm və təhsil” nəşriyyatında çapdan çıxıb. AMEA Naxçıvan Bölməsi Rəyasət Heyətinin qərarı ilə çap olunan kitabın elmi redaktoru AMEA-nın müxbir üzvü Vəli Baxşəliyev, rəyçiləri AMEA-nın müxbir üzvü Vəli Əliyev və tarix üzrə fəlsəfə doktoru Bəhlul İbrahimlidir. Naxçıvanın Son Tunc-Erkən Dəmir dövrü mədəniyyətinin öyrənilməsinə həsr olunmuş kitabda bəhs olunan dövrə aid abidələrin geniş təhlili verilib. Bu dövrdə Naxçıvan ərazisində yaşayan insanların həyat tərzi, məşğuliyyəti, dini-ideoloji görüşləri haqqında maraqlı məlumatlarla zəngin olan kitab iki fəsildən ibarətdir. “Arxeoloji abidələr” adlanan birinci fəsildə oturaq və mövsümi yaşayış yerləri, qalatipli yaşayış məskənləri, qəbir abidələri və qayaüstü təsvirlərdən bəhs olunur. Bu fəsildə Gəmiqaya qayaüstü təsvirləri, Yuxarı Gilançay vadisindəki qaya təsvirləri, Kolanı və Sarıdərə nekropollarındakı təsvirlər haqqında verilən məlumatlar xüsusilə maraq doğurur.
“Arxeoloji materialların təhlili” adlanan ikinci fəsildə isə o dövr əhalisinin əmək alətləri, keramika məmulatları, silahlar, bəzək əşyaları haqqında ətraflı məlumat verilib. Kitabın illüstrasiyalar hissəsində yaşayış yerlərinin sxemləri ilə yanaşı, aşkarlanan maddi-mədəniyyət nümunələrinin şəkilləri də yer alıb.

 Elnur KƏLBİZADƏ

Azərbaycan Respublikasının Prezidenti yanında Elmin İnkişafı Fondu və Azərbaycan Milli Elmlər Akademiyası Naxçıvan Bölməsinin birgə təşkilatçılığı ilə keçirilən Elmin İnkişafı Fondunun I Naxçıvan Regional Məsləhət Seminarında AMEA Naxçıvan Bölməsinin elmi-tədqiqat institutlarının, Naxçıvan Dövlət Universitetinin, Naxçıvan Müəllimlər İnstitutunun, Naxçıvan Özəl Universitetinin elmi işçiləri iştirak ediblər.
AMEA Naxçıvan Bölməsində keçirilən seminarı giriş sözü ilə açan bölmənin sədri, akademik İsmayıl Hacıyev dünyanın ən qədim elm və mədəniyyət mərkəzlərindən biri olan Azərbaycanda son illərdə müxtəlif elm sahələrinin inkişafına göstərilən diqqət və qayğıdan danışıb. Akademik qeyd edib ki, ölkəmizdə elmin inkişafı və iqtisadiyyatın elmtutumlu sahələri üçün mütəxəssislərin yetişdirilməsinə hələ ümummilli lider Heydər Əliyevin ölkəmizə rəhbərlik etdiyi sovetlər dönəmində başlanılıb. XX əsrin 90-cı illərində ölkəmiz böhran vəziyyəti yaşadığı bir məqamda elmin inkişafına da böyük zərbə dəyib. Lakin ulu öndər Heydər Əliyevin 1993-cü ildə siyasi hakimiyyətə yenidən qayıdışından sonra ölkə həyatının müxtəlif sahələrinə olduğu kimi, elmin inkişafına göstərilən diqqət və qayğı da artırılıb. Ümummilli lider Heydər Əliyevin siyasi kursunu və dövlətçilik yolunu uğurla davam etdirən ölkə Prezidenti cənab İlham Əliyev bu sahənin davamlı inkişafını daim diqqətdə saxlayır. Artıq bir neçə ildir, ölkəmizdə fəaliyyət göstərən Azərbaycan Respublikasının Prezidenti yanında Elmin İnkişafı Fondu bu sahədə uğurlu fəaliyyət göstərir, elmin müxtəlif sahələrinin inkişafı üçün qrant layihələri elan edir.

Naxçıvan Dövlət Universitetində ümummilli lider Heydər Əliyevin 90 illik yubileyinə həsr olunmuş Tələbə Elmi Cəmiyyəti (TEC) xətti ilə yerinə yetirilən tələbə elmi-tədqiqat işlərinin yekunlarına aid elmi konfrans keçirilmişdir. Konfransı giriş sözü ilə açan rektor, biologiya elmləri doktoru Saleh Məhərrəmov universitetin 1968-ci ildən fəaliyyətə başlayan Tələbə Elmi Cəmiyyətinin ali təhsil tarixində, eləcə də bugünkü tanınmış elm xadimləri və pedaqoqların alim-ziyalı kimi yetişməsində özünəməxsus rola malik olduğunu vurğulamışdır. Qeyd olunmuşdur ki, TEC xətti ilə elmi iş götürmüş tələbələr bilik və dünyagörüşü, natiqlik qabiliyyəti, elmi auditoriyalara alışqanlıq qazanır, magistratura təhsil pilləsində təhsil ala biləcək real namizədlərə çevrilirlər. Rektor TEC xətti ilə yerinə yetirilən builki elmi-tədqiqat işlərinin Azərbaycan xalqının ümummilli lideri Heydər Əliyevin həyat və siyasi fəaliyyətinin müasir elmi kontekstdən araşdırılması baxımından da əhəmiyyət kəsb etdiyini bildirmişdir.
Universitetin elmi işlər üzrə prorektoru, fizika üzrə fəlsəfə doktoru, dosent Mübariz Nuriyev, beynəlxalq əlaqələr üzrə prorektoru, riyaziyyat üzrə fəlsəfə doktoru Anar Kazımov çıxış edərək Tələbə Elmi Cəmiyyətinin son nailiyyətlərindən danışmışlar. Universitet Tələbə Elmi Cəmiyyətinin sədri, hüquqşünaslıq ixtisasının II kurs tələbəsi Ramazan Abdullayevin “2012-2013-cü tədris ilində TEC xətti ilə yerinə yetirilmiş elmi-tədqiqat işlərinə dair hesabat”ı dinlənilmişdir. Ramazan Abdullayev TEC-in bugünkü inkişafını müxtəlif illərə məxsus göstəricilərin statistik müqayisəsi yolu ilə konfrans iştirakçılarının nəzərinə çatdırmışdır.
TEC xətti ilə yerinə yetirilən, elmi yeniliyi ilə fərqlənən tədqiqat işlərindən bəziləri konfrans iştirakçılarına təqdim olunmuşdur.
Sonda yer tutan tələbələrə diplomlar təqdim edilmişdir.

Mina QASIMOVA

Bu barədə qəzetimizə AMEA Arxeologiya və Etnoqrafiya İnstitutunun aparıcı elmi işçisi, “Xarabagilan” arxeoloji ekspedisiyasının rəhbəri, tarix üzrə fəlsəfə doktoru Bəhlul İbrahimli məlumat verib. Arxeoloji ekspedisiya üzvləri Ordubad rayonu ərazisində yerləşən arxeoloji abidələrdə – Plovdağ yaşayış yerində, Plovdağ nekropolunda, Dəlmə qalasında və Rəsul dərəsində qazıntı işləri həyata keçirəcəklər.
Qeyd edək ki, Ordubad rayonu ərazisində, Sabirkənddən 2 kilometr şərqdə, Gilançayın sol sahilində yerləşən Plovdağ ərazisində 1975-1976-cı illərdə aparılan ilkin tədqiqatlar zamanı bu yaşayış yerinin tarixi Son Tunc və İlk Dəmir dövrlərinə aid edilirdisə, sonrakı tədqiqatlar zamanı aşkarlanan maddi-mədəniyyət nümunələri əsasında ərazidə məskunlaşmanın hələ İlk Tunc və daha qədim dövrlərdən başlandığını söyləmək mümkündür. Ərazidə uzun illər tədqiqat aparmış “Xarabagilan” arxeoloji ekspedisiyası 2004-cü ildən başlayaraq fəaliyyətini daha da genişləndirib.
Rəsul dərəsində aparılacaq arxeoloji qazıntı işlərinə isə ekspedisiyanın dəstə rəhbəri, Bakı Dövlət Universitetinin professoru Qüdrət İsmayılzadə rəhbərlik edəcək. B.İbrahimlinin sözlərinə görə, bu il ilk dəfə olaraq ekspedisiya üzvləri orta əsrlərə aid olan Aza yaşayış məntəqəsində də qazıntı işlərinə başlayacaqlar.
Arxeoloji ekspedisiyaya AMEA Arxeologiya və Etnoqrafiya İnstitutunun Antik dövr arxeologiyası şöbəsinin əməkdaşları ilə yanaşı, AMEA Naxçıvan Bölməsinin Tarix, Etnoqrafiya və Arxeologiya İnstitutunun, Bakı Dövlət və Naxçıvan Dövlət universitetlərinin, eləcə də Türkiyənin İqdır Universitetinin əməkdaşları da cəlb olunacaqlar. Ümumilikdə isə “Xarabagilan” arxeoloji ekspedisiyasında iştirak edəcək elmi-texniki heyət üzvlərinin sayı 18 nəfər olacaq.
AMEA Naxçıvan Bölməsinin Tarix, Etnoqrafiya və Arxeologiya İnstitutundan verilən məlumata görə isə institut əməkdaşları bu il Naxçıvan Muxtar Respublikası ərazisində aparılan iki beynəlxalq və AMEA Arxeologiya və Etnoqrafiya İnstitutu tərəfindən təşkil edilən bir neçə yerli ekspedisiyanın tərkibində də tədqiqat işlərinə qoşulacaqlar.

Xəbərlər şöbəsi

Türkiyə Cümhuriyyəti universitetlərinin təmsilçilərindən ibarət heyət Naxçıvan Muxtar Respublikasına səfər çərçivəsində Naxçıvan Dövlət Universitetində də olmuşdur.
Universitetin rektoru, biologiya elmləri doktoru Saleh Məhərrəmov qonaqları salamlayaraq Azərbaycan-Türkiyə əlaqələrinin inkişafından danışmışdır. Rektor ölkəmizdə, o cümlədən muxtar respublikada elmin, təhsilin inkişafına göstərilən diqqət və qayğıdan, bu sahədə qazanılan müvəffəqiyyətlərdən bəhs etmiş, Naxçıvan Dövlət Universitetinin inkişaf yolu, genişlənməkdə olan beynəlxalq əlaqələri haqqında məlumat vermişdir. Qeyd olunmuşdur ki, dünyanın 76 universiteti ilə tərəfdaşlıq edən bu ali məktəbin Türkiyənin 40-a yaxın ali təhsil ocağı ilə, o cümlədən Ankara, Ərdahan, Van Yüzüncü İl, Kocaeli, Qars Qafqaz, Elazığ, Ərzincan universitetləri ilə elmi əməkdaşlığı bu gün də uğurla davam etdirilir. Bu ali məktəbdə 12 ölkədən 300 nəfər vətəndaş təhsil alır ki, bunlardan da 230 nəfəri Türkiyə vətəndaşıdır.
Türkiyəli qonaqlar adından Qaratay Universitetinin rektoru, professor Ömer Torlak, Hacəttəpə Universitetinin əməkdaşı, professor Bahtişen Kavak çıxış edərək səmimi qarşılanma üçün minnətdarlıqlarını bildirmişlər. Çıxışlarda iki qardaş ölkə arasında əlaqələrin inkişafında universitetlərarası tərəfdaşlığın əhəmiyyətindən, bu istiqamətdə qarşıda duran vəzifələrdən danışılmışdır. Türkiyəli qonaqlar Naxçıvan Dövlət Universitetinə yeni elmi və elmi-publisistik nəşrlər hədiyyə etmiş, qonaqlara Naxçıvanın əsas rəmzi olan Haçadağı əks etdirən rəsm əsərləri təqdim edilmişdir.
Qonaqlar universitet ərazisini gəzmiş, ali məktəbin kampusu, maddi-texniki bazası ilə tanış olmuşlar.

Mehriban SULTAN

Naxçıvan Muxtar Respublikasında təhsil sahəsindəki səmərəli fəaliyyətlərinə görə Heydər Əliyev adına Hərbi Liseyin iki müəllimi Naxçıvan Muxtar Respublikası Ali Məclisi Sədrinin 2013-cü il 18 iyun tarixli Sərəncamı ilə “Əməkdar müəllim” fəxri adına layiq görülmüşdür. Həmin müəllimlərimizi oxucularımızla daha yaxından tanış etmək üçün onlarla redaksiyamızda həmsöhbət olduq:

Məryəm VƏLİBƏYOVA: – Hər bir qüdrətli dövlətin müstəqilliyinin, ərazi bütövlüyünün təminatçısı onun güclü ordusudur. Liseyimizin müəllimləri Azərbaycan Ordusunda fəaliyyət göstərəcək gələcəyin zabitləri gənc kursantların təlim, tərbiyə və təhsili ilə məşğul olurlar. Təhsilin keyfiyyətini və səviyyəsini yüksəltmək üçün var-qüvvəmizi əsirgəmirik. Liseyimizdə gələcək zabitlərin texniki və təbiət fənlərini daha dərindən mənimsəmələrinə çalışırıq ki, onlar müasir silahlardan istifadə etməyi bacarsınlar. Hərbi Liseyin maddi-texniki, təlim, tədris bazası bu gün imkan verir ki, gələcəyin yüksək ixtisaslı zabit kadrları yetişdirilsin. Hər birimizdən ulu öndərimiz Heydər Əliyevin və liseyin adına layiq çalışmaq tələb olunur. Çalışmalıyıq ki, liseydə təhsil alan kursantlar yüksək mənəvi-əxlaqi keyfiyyətlərə malik olsunlar.

Naxçıvan Dövlət Universitetində Magistrantların Beşinci Regional Elmi Konfransının plenar iclası keçirilmişdir. Konfransı giriş sözü ilə universitetin rektoru, biologiya elmləri doktoru Saleh Məhərrəmov açmışdır. Rektor bildirmişdir ki, bu ali təhsil ocağına göstərilən hərtərəfli dövlət qayğısı nəticəsində hazırda burada xalq təsərrüfatı, elm, təhsil və mədəniyyətin müxtəlif sahələri üçün kadrların hazır­lanması, yüksək ixtisaslı mütəxəssislərin yetişməsi istiqamətində mühüm tədbirlər həyata keçirilir. Belə tədbirlərdən biri də müxtəlif ixtisaslar üzrə elmi-tədqiqat fəaliyyəti ilə məşğul ola bilən kadrların hazırlanmasıdır. Magistratura şöbəsinin fəaliyyətindən də danışan Saleh Məhərrəmov qeyd etmişdir ki, magistrantlar ölkəmizdə və xaricdə keçirilmiş elmi konfranslarda iştirak edir, diplom və mükafatlara layiq görülürlər.
Universitetin magistratura üzrə dekanı, dosent Etibar Məmmədov çıxışında bildirmişdir ki, hazırda Magistratura şöbəsində 27 istiqamət, 39 ixtisaslaşma üzrə əyani və qiyabi olmaqla, 160 magistrant təhsil alır. Bunlardan 76 nəfər 12 ixtisaslaşma üzrə Türkiyə, Cənubi Koreya, İran, İraq, Banqladeş, Rusiya və Qazaxıstandan olan magistrantlardır.
Sonda Universitet Televiziyasının hazırladığı “Elmin işığı” adlı film nümayiş etdirilmişdir.
Plenar iclas başa çatdıqdan sonra elmi konfrans öz işini 20 bölmə üzrə keçirilən iclaslarda davam etdirmişdir. İclaslarda müvafiq ixtisaslar üzrə məruzələr dinlənilmiş, bölmələr üzrə birinci yerə layiq görülmüş magistrantlar diplomlarla təltif olunmuşlar.

Mina QASIMOVA

Müstəqil fəaliyyətinin 10 illik yubileyini qeyd etməyə hazırlaşan Naxçıvan Müəllimlər İnstitutu bir sıra uğurlara imza atmışdır. İstər tədrisin keyfiyyətinin yüksəldilməsi, istərsə də dünya təhsil sisteminə inteqrasiya sahəsində institutun müəllim və tələbələrinin uğurları gün keçdikcə daha da artmaqdadır.
Yeni təlim texnologiyalarına yiyələnməyə çalışan tələbələr həm də internet vasitəsi ilə dünya gənc­lərinin forum və simpozium çağırışlarına qatılır, beynəlxalq tədbirlərə dəvətlər alır, Azərbaycanımızı, o cümlədən doğma Naxçıvanımızı uğurla təmsil edirlər. Xarici ölkələrin universitet tələbələri arasında öz sözlərini deyən, instituta başucalığı gətirən belə tələbələrdən təhsildə sosial-psixoloji xidmət ixtisasının IV kurs tələbələri Murad Məmməd­ov və Yaqut Rəhimovanın adlarını fəxrlə çəkmək olar.
Murad Məmmədov “XI Beynəlxalq Türk Dili Olimpiadası”nda “Hacı Zeynalabdin Tağıyev – sevdamın adı millət” mövzusunda təqdim etdiyi yazı ilə iştirak etmişdir. Azərbaycan, Albaniya, Əfqanıstan, Belarus, Bosniya və Herseqovina, Xorvatiya, Misir, Monqolustan, Rumıniya, Tacikistan, Türkmənistan, Ukrayna, Yunanıstan və Krım Muxtar Vilayəti ali təhsil müəssisələrinin tələbələri son tura vəsiqə almışlar. Naxçıvan Müəllimlər İnstitutunun tələbəsi Murad Məmməd­ov son turda iştirakçı olmaq haqqı qazanmışdır.
Bu yarışa universitet kateqoriyası üzrə qatılan 142 ölkədən son tura 15 ölkənin yer tutmuş universitetləri qalmışdır. Son turda Türk Dili Olimpiadası şifahi və yazılı (inşa) olmaqla, iki istiqamətdə keçirilmişdir.
Azərbaycanı Naxçıvan Müəllimlər İnstitutunun tələbəsi təmsil etmişdir.
Olimpiadanın son – final turunda Murad Məmmədov iki nominasiya üzrə iştirak edərək türkcə şifahi nitq müsabiqəsinin qızıl, inşa yazı müsabiqəsinin gümüş medalına layiq görülmüşdür.
Murad Məmmədovun hər iki yüksək medala layiq görülməsi Naxçıvan Muxtar Respublikasında təhsilə göstərilən qayğının bariz nümunəsidir.
Belə tədbirlərin keçirilməsində məqsəd ölkələrin mədəniyyətini, iqtisadi inkişafını, milli-mənəvi dəyərlərini təbliğ etmək və öyrənməklə yanaşı, dünya gənclərini bir araya gətirmək, onlar arasında dostluq əlaqələri və münasibətləri yaratmaqdan ibarətdir.

Həsənəli EYVAZLI
Naxçıvan Müəllimlər İnstitunun əməkdaşı

Təlim-tərbiyəsi ilə məşğul olduğumuz şagirdlərin düzgün formalaşmasında müəllim əməyinin rolu əvəzsizdir. Məktəbə gedən hər bir şagirdin həyat yolunu müəllim ziyası məşəl kimi işıqlandırır. İllər keçir, bu məşəl sönmür, şagird sadə, təvazökar, ağıllı, vicdanlı bir şəxs kimi boya-başa çatır. O, həyatda müstəqil, xoşbəxt yaşadıqca, onu tərbiyə edən, bu yolda minbir əziyyət çəkən, gözlərinin nurunu, ürəyinin hərarətini onun səadəti üçün əsirgəməyən müəllimini heç vaxt unutmur, uzaqda yaşasa da, imkan tapıb ona baş çəkir, minnətdarlıq məktubları göndərir. Müəllim isə bu və ya digər sahələrdə ad-san qazanan keçmiş şagirdləri ilə fəxr edir, qəlbində hədsiz sevinc hissi keçirir. Saçlarının ağarmasına, gözlərinin işıqdan düşməsinə təəssüflənmir, parta arxasında oturan şagirdlərinin təlim-tərbiyəsi üçün var qüvvəsini sərf edir, öz işinin öhdəsindən ləyaqətlə, vicdanla gəlməyə çalışır. Belə müəllimlərin şagirdləri həyatda onlara oxşamaq istəyir, onların etimadını, etibarını doğrultmaq üçün hər cür zəhmətə qatlaşır, yaxşı oxuyur, müəllimlərinin tapşırıqlarını layiqincə yerinə yetirir, məktəbdə, ailədə və ictimai yerlərdə özlərini intizamlı şagird kimi təqdim etməyi bacarır, böyüklərin hörmətini saxlayır, kiçiklərə isə qayğı göstərirlər. Bütün bunlar qabaqcıl müəllim əməyinin dəyəriölçülməz bəhrəsidir.

Bu müvəffəqiyyət, bilavasitə, müəllim-şagird münasibətilə bağlıdır. Əgər müəllimlə şagird arasında mehriban, səmimi, xeyirxah münasibət yoxdursa, onda onların müvəffəqiyyət qazanması da çətindir.

Naxçıvan Özəl Universitetinin üç əməkdaşı Macarıstan Respublikasının paytaxtı Budapeşt şəhərinə səfər etmişdir. Budapeşt şəhərinin Korvinus Universiteti ilə Naxçıvan Özəl Universiteti arasında qarşılıqlı əlaqələrin yaradılması və inkişaf etdirilməsi, digər universitetlərdə tətbiq edilən yenilikləri öyrənmək məqsədilə protokol imzalanmışdır. Səfər zamanı həmin universitetin rektoru Zolt Rostovanyi, Beynəlxalq əlaqələr şöbəsinin müdiri Erzebet Veres və Xarici dil tədrisi və araşdırma mərkəzinin rəhbəri Aqota Dobos, Sosial elmlər fakültəsinin dekanı Krismann Laszlo, Biznes idarəçiliyi fakültəsi daxilində fəaliyyət göstərən Beynəlxalq araşdırmalar mərkəzinin direktoru Zita Zoltay Paprika, Beynəlxalq araşdırmalar proqramının rəhbəri Doris Kesteli və Test mərkəzinin direktoru Josef Pine ilə görüş keçirilmişdir. Səfər zamanı müəllim mübadiləsi, iqtisadiyyat və ingilis dili ixtisasları üzrə tələbə mübadiləsi, Beynəlxalq əlaqələr şöbəsi ilə ortaq layihələrin həyata keçirilməsi, beynəlxalq pro­qramlarda birgə fəaliyyət kimi məsələlər, ortaq və ikili diplom layihələri, eləcə də Korvinus dil tədrisi və araşdırma mərkəzinin rəhbəri Aqota Dobos ilə ESP (xüsusi məqsədlər üçün ingilis dili) layihəsi müzakirə edilmişdir. Qərara alınmışdır ki, həm ixtisas biliklərinin möhkəmlənməsi, həm də ixtisaslarına uyğun mükəmməl xarici dil biliklərinə yiyələnmək məqsədilə 2014-cü ildən etibarən Naxçıvan Özəl Universiteti əməkdaşlarından ibarət qrup Korvinus Universitetinə göndəriləcəkdir. Hər iki universitetin rektorları arasında “Qarşılıqlı əməkdaşlıq” haqqında protokol imzalanmışdır.

Nuray ƏSGƏROVA

(Oçerk)

10-cu sinifdə oxuyanda müəllimimiz bizimlə kimin hansı ixtisası seçəcəyi barədə tez-tez söhbətlər aparırdı. Sinif yoldaşlarımdan biri fizika ixtisasını seçmək arzusunda olduğunu söyləyəndə digər sinif yoldaşlarımdan biri: heç indiyə qədər görmüsən ki, qadından fizik ola,– deyə dilləndi. İlk olaraq mən də bu qənaətlə razılaşdım. Ancaq sonralar başa düşdüm ki, qənaətimdə yanılmışam. Bir neçə gün sonra müəllimimiz “Şərq qapısı” qəzetinin 2000-ci ildə çıxmış saylarından birini sinfə gətirdi. Qəzetdə dərc olunmuş bir yazını bizə oxudu. Həmin yazıda naxçıvanlı fizika-riyaziyyat elmləri doktoru Zərifə Əliyarovadan söhbət gedirdi. Orta məktəbi başa vurduq. Sinif yoldaşlarımın hərəsi bir peşəni seçdi. Mənə isə qəzetdə işləmək nəsib oldu. Bu günlərdə redaksiyamızın arxivində orta məktəbdə oxuyarkən müəllimimizin sinfə gətirdiyi qəzetin həmin nömrəsinə rast gəldim. Maraq məni bir daha üstələdi. Yazını yenidən oxudum. Müəllif Zərifə Əliyarova haqqında çox qısa məlumat verdiyindən jurnalist marağı ilə naxçıvanlı alim haqqında araşdırma aparmağı qarşıma məqsəd qoydum.

Kimdir Zərifə Əliyarova? Azərbaycan elmi üçün nələr edib? İnternet saytlarında Zərifə xanım haqqında heç bir məlumata rast gəlmədim. Düzünü deyim ki, belə biganəlik bir qədər də qəlbimi sıxdı. Necə ola bilər ki, naxçıvanlı ilk fizik-alim qadın haqqında saytlarda heç bir məlumat olmasın. Ertəsi gün, necə deyərlər, üzüm gülürdü. Öyrənmişdim ki, M.S.Ordubadi adına Naxçıvan Muxtar Respublika Kitabxanasında Zərifə xanım haqqında kifayət qədər material var. Azərbaycan və rus mətbuatında onun haqqında yazılan məqalələri oxuduqca bir daha əmin oldum ki, Zərifə Əliyarovanın Azərbaycanda fizika elminin inkişafında xidmətləri böyükdür.

SİFE (Students İn Free Enter­prise – Tələbələr Azad Sahibkarlıq Fəaliyyətində) beynəlxalq tələbə proqramı üzrə Bakı şəhərində keçirilən VIII respublika çempionatında Naxçıvan Dövlət Universiteti də uğurla təmsil olunmuşdur.
Naxçıvan Dövlət Universitetində bu münasibətlə keçirilən tədbiri universitetin rektoru, biologiya elmləri doktoru Saleh Məhərrəmov açaraq universitetin SİFE komandasını yüksək peşəkarlıq nümayiş etdirərək VIII respublika çempionatında 12 komanda arasında III yerə layiq görülməsi münasibətilə təbrik etmiş, bu uğuru muxtar respublikada elm və təhsilin inkişafına, istedadlı gənc­lərə göstərilən dövlət qayğısının nəticəsi kimi dəyərləndirmişdir.
Universitetin SİFE komandasının rəhbəri, İqtisad fakültəsinin dekan müavini, dosent Müslüm Cabbarzadə çıxış edərək 2008-ci ildə yaradılan komandanın elə həmin ildən Azərbaycan ali məktəblərinin birinciliklərində iştirak etməsi, 2010-cu ildə ölkə çempionu adını qazanaraq ABŞ-ın Los-Angeles şəhərində keçirilən dünya çempionatında Azərbaycanı layiqincə təmsil etməsi, 2011-ci ildə yenidən ölkə çempionu kimi Malayziyanın Kuala-Lumpur şəhərində keçirilən dünya çempionatında uğurlu nəticə qazanması barədə məlumat vermişdir. Qeyd olunmuşdur ki, Naxçıvan Dövlət Universitetinin adıçəkilən komandasının builki çempionatdakı çıxışları, təqdim etdikləri layihələr böyük tamaşaçı rəğbəti qazanmışdır. 12 komandanın qatıldığı çempionatda komanda 3 layihə ilə – “Enac tut”, “Örtülü bazar”, “Unudulmuş dəyər” layihələri ilə çıxış etmişdir. “Enac tut” layihəsi çempionatda ən yaxşı biznes layihəsi nominasiyasının qalibi olmuş, komandanın rəhbəri, iqtisad üzrə fəlsəfə doktoru, dosent Müslüm Cabbarzadə “İl ərzində ən fəal komanda məsləhətçisi” diplomu ilə təltif olunmuşdur.
Naxçıvan Dövlət Universitetinin rektoru, biologiya elmləri doktoru Saleh Məhərrəmov “SİFE”-ın rəhbəri, İqtisad fakültəsinin dekan müavini Müslüm Cabbarzadəyə, komandanın kapitanı Nərmin İsmayılovaya və komanda üzvlərinə kubok, diplom və sertifikatları təqdim edərək onlara gələcək fəaliyyətlərində uğurlar arzulamışdır. Komandanın kapitanı və komanda üzvləri qazandıqları uğurlara görə onlara hər zaman dəstək olanlara minnətdarlıqlarını bildirmişlər.

Mehriban SULTAN

“Dünyanın ən sanballı universitetlərindən biri olan M.Lomonos­ov adına Moskva Dövlət Universitetini bitirdikdən sonra taleyini doğma diyarda elmin inkişafına həsr etmək, həqiqi mənada, vətənpərvərliyin və Naxçıvana böyük sevginin göstəricisidir. AMEA-nın müxbir üzvü, fizika-riyaziyyat elmləri doktoru, professor Zöhrab Əhməd oğlu Vəliyev məhz belə bir insan idi. O həm yaxşı elm adamı, həm yaxşı pedaqoq, həm də yaxşı insan kimi yaddaşlarda qalıb”. AMEA-nın müxbir üzvü Zöhrab Vəliyevin 60 illik yubileyinə həsr olunmuş konfransı giriş sözü ilə açan AMEA Naxçıvan Bölməsinin sədri, akademik İsmayıl Hacıyev bu fikirləri səsləndirib. Qeyd edilib ki, Zöhrab Vəliyev 1977-ci ildə universiteti bitirdikdən sonra təyinatla AMEA-nın Fizika İnstitutuna göndərilib. 1986-cı ilə qədər burada elmi tədqiqatlar aparan Zöhrab Vəliyev yarımkeçiricilər fizikası üzrə namizədlik dissertasiyası müdafiə edib. 1986-cı ildən isə fəaliyyətini Naxçıvan Dövlət Universitetində davam etdirən Zöhrab Vəliyev doktorluq dissertasiyasını bu təhsil ocağının əməkdaşı olduğu dövrdə müdafiə edib. Zöhrab Vəliyev bacarıqlı bir elm adamı olmaqla yanaşı, həm də bacarıqlı təşkilatçı idi. O, Naxçıvan Dövlət Universitetində dekan müavini, elmi katib, dekan, prorektor vəzifələrində çalışıb. 10-dan çox kitabın, 70-dən artıq elmi məqalənin müəllifi olan alim 2001-ci ildə Nyu-York Elmlər Akademiyasının həqiqi üzvü, 2003-cü ildə isə AMEA-nın müxbir üzvü seçilib.
Sonra konfrans məruzələrlə davam etdirilib. AMEA Naxçıvan Bölməsinin Təbii Ehtiyatlar İnstitutunun direktor müavini, kimya elmləri doktoru Bayram Rzayevin “Zöhrab Vəliyevin həyat yolu”, həmin institutun böyük elmi işçisi, fizika üzrə fəlsəfə doktoru Məftun Əliyevin “Zöhrab Vəliyevin elmi, pedaqoji və təşkilati fəaliyyəti”, Bioresurslar İnstitutunun direktoru, AMEA-nın müxbir üzvü Tariyel Talıbovun “Görkəmli alim, xeyirxah insan”, Təbii Ehtiyatlar İnstitutunun laboratoriya rəhbəri, fizika üzrə fəlsəfə doktoru Məmməd Hüseynəliyevin “Şərəfli yaşanmış alim ömrü” mövzularında məruzələri dinlənilib.
Konfransa AMEA Naxçıvan Bölməsinin sədri, akademik İsmayıl Hacıyev yekun vurub.

Elnur KƏLBİZADƏ

Sədərək kənd uşaq bağçası nümunəvi fəaliyyəti ilə seçilir

Həyatımıza bəzək, ömrümüzə sevinc olan körpələr gələcəyimiz, xoş sabahımızdır. Onların təbəssümündəki qeyri-adi fərəh, şirinlik insan qəlbini riqqətə gətirir. Çünki uşaq qədər məsum, təmiz, sevimli varlıq yoxdur. Onlar daim böyüklərin qayğısına ehtiyac duyurlar. Ona görə də uşaqlara, körpələrə diqqət hər birimizin borcudur. Bu, humanist və ədalətli cəmiyyətin yaranması üçün zəruri şərtlərdən biridir. Uşaqların böyük himayədarı olan ümummilli liderimiz Heydər Əliyev deyirdi: “Uşaqlar bizim gələcəyimizdir. Gələcəyimizi nə cür tərbiyə edəcəyiksə, böyüdəcəyiksə, millətimizin, dövlətimizin gələcəyi bundan asılı olacaqdır. Mən həyatımın, bu günümün, gələcəyimin də xoşbəxtliyini, səadətini məhz uşaqlara diqqətdə, qayğıda görürəm”.

Sevindirici haldır ki, bu gün muxtar respublikamızda dövlət siyasətinin tərkib hissəsi kimi uşaqların inkişafı, onların sağlam böyüməsi üçün müxtəlif tədbirlər həyata keçirilir. Belə tədbirlərdən biri də bağçalar üçün yeni binaların tikilməsi, onların maddi-texniki bazasının möhkəmləndirilməsidir. Məqsəd ondan ibarətdir ki, uşaqlarımız yüksək səviyyədə tərbiyə olunsun, Azərbaycanın layiqli vətəndaşı kimi böyüsünlər. Ötən il noyabrın 30-da sərhəd bölgəsi Sədərək rayonunda yeni tikilib istifadəyə verilən uşaq bağçasının açılış mərasimində Naxçıvan Muxtar Respublikası Ali Məclisinin Sədri cənab Vasif Talıbov demişdir: “Ölkənin gələcəyini etibarlı etmək üçün sağlam və vətənpərvər gənclik yetişdirmək lazımdır. Bu mənada istifadəyə verilən yeni məktəb binaları, məktəbdənkənar tərbiyə müəssisələri və uşaq bağçalarının üzərinə mühüm vəzifələr düşür. Sədərək kənd uşaq bağçasında da uşaqların hərtərəfli inkişafına diqqət göstərilməli, onların məktəbə hazırlıq dövrü səmərəli keçirilməli, əsl vətəndaş kimi böyüdülməlidirlər. Uşaq bağçasında bu vəzifələrin yerinə yetirilməsi üçün hər cür şərait yaradılmışdır”.

Muxtar respublikamızın təbii bitki örtüyünün qorunması, səmərəli və davamlı istifadə olunması aktual mövzulardan biri kimi AMEA Naxçıvan Bölməsinin Bioresurslar İnstitutunda aparılan tədqiqatlarda elmi əsaslarla öyrənilməkdədir.

Bu tədqiqatlarda əsas məqsəd Naxçıvan Muxtar Respublikasının yüksək dağ florasının genefondunun toplanmasından, növ tərkibinin müəyyən edilməsindən, bitki növlərinin təsvirinin, onların təsnifat sxeminin işlənməsindən, habelə təbii yem sahələrinin müasir vəziyyətinin xarakterizə edilməsindən, regionun yüksək dağ faydalı bitkilərinin müəyyənləşdirilməsi və onlardan istifadə imkanlarının araşdırılmasından ibarətdir. Son illər elmi-tədqiqat institutu əməkdaşlarının uzun müddət apardıqları elmi-tədqiqat işlərinin nəticəsi kimi sanballı monoqrafiya, kitab və dərs vəsaitləri çap edilir.

Naxçıvan Dövlət Universitetində Azərbaycan xalqının ümummilli lideri Heydər Əliyevin 90 illik yubileyi münasibətilə respublika ali təhsil müəssisələrinin tələbələri arasında keçirilən musiqi ifaçılarının müsabiqəsində qazanılan “Qran-pri” mükafatının təqdimetmə mərasimi keçirilib. Mərasimi giriş sözü ilə açan universitetin rektoru, biologiya elmləri doktoru Saleh Məhərrəmov Azərbaycan xalqının ümummilli lideri Heydər Əliyevin 90 illik yubileyi, 2013-cü ilin Naxçıvan Muxtar Respublikasında “Heydər Əliyev ili” elan olunması ilə əlaqədar universitetdə keçirilən tədbirlərdən danışıb. Rektor muxtar respublika rəhbərinin diqqət və qayğısı sayəsində Naxçıvan Dövlət Universitetində müxtəlif sahələrin, eləcə də incəsənətin inkişafı istiqamətində mühüm uğurlar qazanıldığını vurğulayıb. Qeyd olunub ki, Azərbaycan Respublikası Təhsil Nazirliyi və Azərbaycan Dövlət Mədəniyyət və İncəsənət Universitetinin təşkilatçılığı ilə keçirilən müsabiqədə Naxçıvan Dövlət Universiteti “Qran-pri” mükafatı qazanıb. Rektor müsabiqə qaliblərini təbrik edərək muxtar respublika mədəniyyətinin, incəsənətinin təbliğində onlara müvəffəqiyyətlər arzulayıb.

Naxçıvan Muxtar Respublikası Təhsil Nazirliyi və Naxçıvan Müəllimlər İnstitutunun təşkilatçılığı ilə muxtar respublikanın ümumtəhsil məktəblərində çalışan müxtəlif ixtisaslı müəllimlər üçün “Ağıllı lövhə” proqramı üzrə kurs təşkil edilmişdir.
İlk məşğələsinə 11 may 2013-cü il tarixdə başlanılan və Naxçıvan Müəllimlər İnstitutunun auditoriyasında hər həftənin şənbə günü keçilən kurs məşğələlərini institutun ali təhsilli kompyuter mühəndisləri Səminə Rüstəmova və Kəmalə İbrahimova tədris edirlər. 60 saatdan ibarət məşğələlərin iyun ayının 1-dən sonra, ardıcıl olaraq, həftənin üç günü ərzində keçilməsi nəzərdə tutulmuşdur.
Kursun təşkilində əsas məqsəd elektron lövhənin geniş imkanlarından istifadənin öyrədilməsindən və ümumtəhsil məktəblərində təcrübi şəkildə tətbiqindən ibarətdir.
Bu kursda verilən mühüm biliklərdən biri də siniflərarası və məktəblərarası onlayn və ya şəbəkə bağlantılarının uğurla aparılmasıdır. Kursdan sonra ixtisas müəllimləri internet-şəbəkə imkanları daxilində respublikanın və dünyanın müxtəlif təhsil müəssisələri ilə canlı bağlantı yaratmaq imkanı əldə edə biləcəklər. Eyni zamanda “Ağıllı lövhə” pro­qramının köməyi ilə müəllim dərsləri nəzəriyyədən praktikaya yönəldə və keçilən mövzunun videogörüntülərini nümayiş etdirə bilir.
Qeyd edək ki, sözügedən pro­qram üzrə kurs məşğələlərinə gələcəkdə muxtar respublikanın bütün ümumtəhsil məktəbləri müəllim­lərinin cəlb olunması nəzərdə tutulmuşdur.

Xəbərlər şöbəsi

Naxçıvan Dövlət Universitetində Azərbaycan Milli Elmlər Akademiyasının (AMEA) İnformasiya Texnologiyaları İnstitutunun alim və mütəxəssislərinin distant təhsil sistemi vasitəsilə Naxçıvanda təhsil alan doktorant və dissertantlar üçün “İnformatika” fənninin yaz semestri üzrə növbəti onlayn mühazirəsi olmuşdur.
Mühazirə başlanmazdan əvvəl Naxçıvan Dövlət Universitetinin elmi işlər üzrə prorektoru, riyaziyyat üzrə fəlsəfə doktoru, dosent Anar Kazımov çıxış edərək yüksək ixtisaslı kadrların yetişdirilməsində, dünyanın nüfuzlu universitetləri ilə genişmiqyaslı əlaqələrin qurulmasında, bilik və təcrübə mübadiləsinin aparılmasında distant təhsil sisteminin mühüm rolundan bəhs etmişdir. Prorektor ulu öndər Heydər Əliyevin təhsil siyasətinin uğurlu davamçısı, ölkə Prezidenti cənab İlham Əliyev tərəfin­dən qəbul edilən Dövlət pro­qramlarının təhsilin qabaqcıl texnologiyalar əsasında inkişaf etdirilməsinə, keyfiyyətinin yüksəldilməsinə, dünya təhsil sisteminə inteqrasiyaya xidmət etdiyini vurğulayaraq qeyd etmişdir ki, bu gün Azərbaycanda müasir informasiya texnologiyalarının tətbiqinə böyük önəm verilir.
Sonra AMEA-nın İnformasiya Texnologiyaları İnstitutunun elmi işçisi, texnika elmləri doktoru Ramiz Alıquliyevin “Elmmetriya: mövcud vəziyyəti, imkanları və inkişaf perspektivləri” mövzusunda mühazirəsi dinlənilmişdir. Mühazirəçi elmmetriya anlayışına aydınlıq gətirmiş, Azərbaycanda bu sahədə mövcud reallıqlardan bəhs etmişdir.
Mühazirə başa çatdıqdan sonra doktorant və dissertantları maraqlandıran suallar ətraflı cavablandırılmışdır.
Qeyd edək ki, onlayn bağlantıda doktorant və dissertantlarla yanaşı, informasiya-kommunikasiya texnologiyaları ilə maraqlanan magistrant və tələbələr də iştirak etmişlər.

Elnur KƏLBİZADƏ

“Naxçıvan” ictimai-siyasi, ədəbi-bədii, еlmi-publisistik jurnalının bu günlərdə işıq üzü görən növbəti, 26-cı nömrəsi tanınmış şair, dramaturq və publisist İslam Səfərlinin 90 illik yubileyinə həsr еdilib.
İslam Səfərlinin həm həyatını, həm də çoxşaxəli yaradıcılığını əhatə edən yeni nəşrin ilk səhifələrində Naxçıvan Muxtar Rеspublikası Ali Məclisi Sədrinin “İslam Səfərlinin 90 illik yubileyinin keçirilməsi haqqında” 18 yanvar 2013-cü il tarixli Sərəncamı və həmin sərəncamla təsdiq olunmuş Tədbirlər Planı dərc edilmişdir.
“Əcəmi” Nəşriyyat-Poliqrafiya Birliyində 400 tirajla çap olunan jurnladakı məqalələrdə 51 il ömür yaşamış şair-dramaturq İslam Səfərli yaradıcılığının özünəməxsusluğu önə çəkilir, əsərləri ilə ədəbiyyatımızın inkişafına layiqli töhfələr verən şairin poetik nümunələrinə ümumi nəzər salınır.