“Muzey günləri”nin tərtib olunması müxtəlif təşkilatların kollektivlərinin muxtar respublikada, eləcə də Naxçıvan şəhərindəki muzeyləri ziyarət etməsinə, görkəmli şəxsiyyətlərin həyat və fəaliyyətini, tariximizi və milli dəyərlərimizi özündə yaşadan eksponatlarla əyani tanış olmasına şərait yaradıb. 

Bu tədbirlərin davamı kimi iyulun 16-da Naxçıvan Muxtar Respublikası Ali Məclisi Aparatının, Naxçıvan Muxtar Respublikası Ali Məclisinin Sədri yanında Gənclər Fondunun və Naxçıvan Muxtar Respublikası Ali Məclisinin Naxçıvanşünaslıq Mərkəzinin kollektivləri Naxçıvan Dövlət Xalça Muzeyində olublar.
Burada ziyarətçilərə məlumat verilib ki, Azərbaycanın ayrılmaz tərkib hissəsi olan Naxçıvan milli mədəniyyətimizin inkişafına təkcə tarixi-memarlıq abidələri ilə deyil, həm də zəngin xalçaçılıq ənənələri ilə töhfə verib. Naxçıvanın iqlimi, füsunkar təbiəti burada palaz, kilim, sumax, vərni, şəddə, zili və cecim kimi xalça növlərinin toxunmasına, ümumilikdə isə xalçatoxuma sənətinin inkişaf etdirilməsinə imkan verib. Son illər muxtar respublikada xalçaçılıq sənətinin inkişafı istiqamətində məqsədyönlü tədbirlər həyata keçirilir, bu mədəni irsimizin qorunması və təbliği işinə diqqət artırılır. Görülən işlər milli xalçaçılıq sənətinin yaşadılmasına və bu sahə üzrə yeni elmi araşdırmaların aparılmasına stimul olub. 1998-ci ildə fəaliyyətə başlayan Naxçıvan Dövlət Xalça Muzeyi 2010-cu ildə yeni bina ilə təmin edilib, 2013-cü ildə isə muzeyin ekspozisiyası yenidən qurulub. Hazır­da muzeydə 3000-dən çox eksponat vardır ki, bunlardan 300-ə yaxını ekspozisiyada nümayiş etdirilir.

Naxçıvan Muxtar Respublikası Ali Məclisinin Sədri yanında Dövlət Qulluğu Məsələləri üzrə Komissiya peşəkarlığın və keyfiyyətin artırılması, şəffaflıq və obyektivliyin təmin edilməsi, dövlət qulluğuna dair qanunvericiliyin tətbiqinə nəzarətin gücləndirilməsi istiqamətində tədbirləri 2016-cı ilin 6 ayı ərzində də davam etdirib.
Bu dövrdə dövlət qulluğuna dair qanunvericiliyin dövlət orqanlarında tətbiqinə nəzarət edilib, dövlət orqanlarının qanunvericiliyə uyğun olmayan 4 qərarı ləğv etdirilib.
Komissiyadan aldığımız məlumatda bildirilir ki, Naxçıvan Muxtar Respublikasında mərkəzləşdirilmiş qaydada vətəndaşların dövlət qulluğuna qəbulunun müsabiqə və şəffaflıq əsasında həyata keçirilməsi təşkil edilib. Dövlət qulluğuna yüksək şəxsi keyfiyyətlərə və ixtisas biliklərinə malik, vətənpərvər, geniş dünyagörüşlü, yaradıcı kadrların seçilməsi 2016-cı ilin 6 ayı ərzində də komissiyanın əsas fəaliyyət istiqamətlərindən biri olub.
Dövlət orqanlarında inzibati vəzifələrin altıncı-yeddinci təsnifatına uyğun vakant dövlət qulluğu vəzifələrinin tutulması üçün komissiya tərəfindən 20 fevral 2016-cı ildə elan edilmiş müsabiqəyə 36 dövlət orqanından 294 vakant vəzifə çıxarılıb, həmin vəzifələrin tutulması üçün 634 nəfər sənəd təqdim edib. Müsabiqədə müvəffəqiyyət qazanmış 84 namizəddən 68-nin sənədləri iddia etdikləri vəzifəyə təyin olunmaq üçün dövlət orqanlarına göndərilib. Həmin şəxslərdən 67-si vəzifəyə təyin olunub, 1 namizəd isə təklif olunan vəzifədən imtina edib. 16 namizəd ehtiyat kadr siyahısına salınıb.

Kəngərli yurdunun bu günü də dünəni kimi daim xatırlanacaq

Azərbaycan Respublikasının Prezidenti cənab İlham Əliyev 2011-ci il sentyabrın 2-də  “Naxçıvan Muxtar Respublikasının Culfa və Kəngərli rayonlarının sosial-iqtisadi inkişafının sürətləndirilməsinə dair əlavə tədbirlər haqqında” Sərəncam imzalamışdı. Beş il bundan əvvəl imzalanmış sərəncamda Culfa rayonunda 20 kənd yaşayış məntəqəsini birləşdirən, uzunluğu 57,6 kilometr, Kəngərli rayonunda 5 kəndi əhatə edən, uzunluğu 39,2 kilometr olan avtomobil yollarının yenidən qurulması nəzərdə tutulmuşdu. Ötən dövrdə adıçəkilən avtomobil yolları yenidən qurularaq istifadəyə verilib. Ötən yazılarımızın birində Çeşməbasar-Boyəhməd yolu boyunca səfər edərək həmin yaşayış məntəqələrində gördüklərimizi yazıya köçürmüş, kəndlərimizin müasir simasını, əhalinin məşğuliyyətini yolboyu qarşılaşdığımız insanların söhbətləri və müşahidələrimiz əsasında qələmə alaraq oxucularımızla bölüşmüşdük. Budəfəki yazımızı isə Kəngərli rayonunun yaşayış məntəqələrini əhatə edən avtomobil yolu üzərində səyahətimiz zamanı gördüklərimizə həsr etmişik. Beləliklə, yolumuz qədim Kəngərli yurdunadır.

İyulun 14-də Sosialist Əməyi Qəhrəmanı Raziyyə Rüstəmovanın anadan olmasının 80 illik yubileyi münasibətilə Şərur rayonunun Qarahəsənli kəndində tədbir keçirilib.
Çay süfrəsi arxasında keçirilən tədbirdə Şərur Rayon İcra Hakimiyyətinin başçısı İbrahim Məmmədov, Naxçıvan Muxtar Respublikası əmək və əhalinin sosial müdafiəsi naziri Cavid Səfərov, Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsinin sədri Ramilə Seyidova yubilyarı təbrik edərək bildiriblər ki, əmək qabaqcılı, Sosialist Əməyi Qəhrəmanı Raziyyə Rüstəmova 1936-cı il iyulun 14-də Şərur rayonunun Qarahəsənli kəndində anadan olub, yeniyetməlik yaşlarından başlayaraq zəhmətə qatlaşıb, əməksevər bir insan həyatı yaşayıb. 1955-72-ci illərdə Şərur rayonundakı keçmiş SSRİ-nin 50 illiyi adına kolxozda kolxozçu, manqabaşçısı olub, 1972-ci ildən həmin kolxozda üzümçü işləyib. 1965-ci ildə pambıqçılıq sahəsində yüksək əmək göstəricilərinə nail olub. Təsadüfi deyil ki, gənc yaşlarında dövrün ən yüksək fəxri adına – “Sosialist Əməyi Qəhrəmanı” adına layiq görülüb.

Naxçıvan Muxtar Respublikası Ədliyyə Nazirliyi Kəngərli rayonunda inzibati ərazi dairəsi üzrə nümayəndəliklər tərəfindən doğum, nikah və ölüm qeydiyyatı zamanı qanunvericiliyin tələblərinə riayət olunması ilə bağlı seminar-müşavirə keçirib.
Tədbiri giriş sözü ilə Kəngərli Rayon İcra Hakimiyyətinin başçısı Kamal Ələkbərov açıb.
Seminar-müşavirədə Naxçıvan Muxtar Respublikasının ədliyyə naziri, II dərəcəli dövlət ədliyyə müşaviri Suliddin Əliyev məruzə edərək bildirib ki, ümummilli liderimiz Heydər Əliyevin 2002-ci il 31 iyul tarixli Fərmanına əsasən, rayon mərkəzindən kənarda yerləşən qəsəbə və kənd sakinləri üçün daha münasib şəraitin yaradılması, onların rahatlığının təmin edilməsi, doğum, nikah və ölüm qeydiyyatının daha operativ həyata keçirilməsi məqsədilə nikahın, doğumun və ölümün dövlət qeydiyyatını rayon (şəhər) qeydiyyat şöbələri ilə yanaşı, icra hakimiyyətlərinin nümayəndəlikləri aparır.
Muxtar respublikamızın bütün rayonlarında yerli icra nümayəndəlikləri üçün yeni inzibati binalar tikilib və müasir standartlara uyğun iş şəraiti yaradılıb. Məhz bu diqqət və qayğı nəticəsində Kəngərli rayonunun icra nümayəndəlikləri də müasir inzibati bina və iş şəraiti ilə təmin olunublar.

Dünən Naxçıvan Şəhər Prokurorluğunun təşkilatçılığı ilə Naxçıvan şəhərinin Əliabad qəsəbəsində “Torpaq üzərində mülkiyyət hüququ”, “Valideynlərin hüquq və vəzifələri” mövzularını əhatə edən maarifləndirici tədbir keçirilib.
Tədbiri Naxçıvan Şəhər İcra Hakimiyyətinin şöbə müdiri İsmayıl Gülməmmədov açıb.
Sonra Naxçıvan Şəhər Prokurorluğunun böyük müstəntiqi, kiçik ədliyyə müşaviri İlqar Rzayevin “Valideynlərin hüquq və vəzifələri” mövzusunda məruzəsi dinlənilib. Məruzəçi iştirakçılara Azərbaycan Respublikasının ailə qanunvericiliyi, ölkəmizdə nikah və ailə münasibətlərinin hüquqi baxımdan tənzimlənməsi, valideynlərin hüquqları və vəzifələri, valideynlik hüquqlarının məhdudlaşdırılmasına əsas ola biləcək səbəblər, mövcud qanunvericiliyin müvafiq icra hakimiyyəti orqanları qarşısında qoyduğu tələblər bərədə ətraflı məlumat verib.

Təxminən, üç il bundan əvvəl Naxçıvanın brend şəhər kimi tanınması üçün geniş imkanlara malik olduğu haqda bir yazı hazırlamışdım. Yazıda Naxçıvan şəhərinin, ümumilikdə isə muxtar respublikanın ölkəmizdən kənarda tanıdılması üçün brendinq siyasətinin vacibliyindən bəhs etmiş, bu istiqamətdə mövcud imkanlardan düzgün istifadə olunmasının zəruriliyini qeyd etmişdim. Dünya təcrübəsi göstərir ki, turizm mövcud imkanlardan düzgün istifadə edildikdə öz bəhrəsini verir. Əks təqdirdə, nə qədər əmək sərf etsən də, istənilən uğuru qazanmaq mümkünsüzdür.

Müasir Azərbaycan tarixinin dönüş mərhələsini təşkil edən 14 iyul 1969-cu il respublikamızda yeni dövrün, sosial-iqtisadi, mədəni həyatda əsaslı dönüşün başlanğıc günü oldu. Həmin vaxtdan başlayaraq Azərbaycanın gələcək inkişafının fundamental strateji istiqamətləri müəyyənləşdirilib.
Bu fikirlər iyulun 14-də Naxçıvan şəhərində yerləşən Heydər Əliyev Muzeyində Yeni Azərbaycan Partiyası Naxçıvan Şəhər Təşkilatı Gənclər Birliyinin təşəbbüsü ilə keçirilən “Ulu öndər Heydər Əliyev və Azərbaycan” adlı elmi-praktik konfransda səsləndirilib.
Konfransı Yeni Azərbaycan Partiyası Naxçıvan Şəhər Təşkilatı Gənclər Birliyinin sədri Cəbi Quliyev açaraq “Ulu öndər Heydər Əliyev və Azərbaycanın intibahı” mövzusunda məruzə ilə çıxış edib. Bildirib ki, dahi şəxsiyyət 1969-cu il iyulun 14-də ilk dəfə respublikaya rəhbər seçiləndən sonra ölkəmizdə müasir sənaye komplekslərinin yaradılması, kənd təsərrüfatının, elmin, mədəniyyətin, incəsənətin inkişafı istiqamətində qətiyyətli addımlar atılıb. O vaxtdan başlayaraq Azərbaycan ümummilli liderin rəhbərliyi ilə sürətlə inkişaf edərək 13 il ərzində Sovet İttifaqında ən qabaqcıl yerlərdə qərar tutub. Həmin dövrdə Sovet İttifaqında cəmi iki respublika özünü iqtisadi cəhətdən tam təmin edirdi və ümumittifaq büdcəsinə öz töhfəsini verirdi. Onlardan biri də Azərbaycan idi.

Naxçıvan Muxtar Respublikası Ədliyyə Nazirliyi Ordubad rayonunda inzibati ərazi dairəsi üzrə nümayəndə­liklər tərəfindən doğum, nikah və ölüm qeydiyyatı zamanı qanunvericiliyin tələblərinə riayət olunması ilə bağlı seminar-müşavirə keçirib.
Tədbiri giriş sözü ilə Ordubad Rayon İcra Hakimiyyətinin başçısı Elşad Məmmədov açıb.
Seminar-müşavirədə Naxçıvan Muxtar Respublikasının ədliyyə naziri, II dərəcəli dövlət ədliyyə müşaviri Suliddin Əliyev məruzə edərək bildirib ki, ümummilli liderimiz Heydər Əliyevin 2002-ci il 31 iyul tarixli Fərmanına əsasən, rayon mərkəzindən kənarda yerləşən qəsəbə və kənd sakinləri üçün daha münasib şəraitin yaradılması, onların rahatlığının təmin edilməsi, doğum, nikah və ölüm qeydiyyatının daha operativ həyata keçirilməsi məqsədilə nikahın, doğumun və ölümün dövlət qeydiyyatını rayon (şəhər) qeydiyyat şöbələri ilə yanaşı, icra hakimiyyətlərinin nümayəndəlikləri aparır.
Ötən dövr ərzində Naxçıvan Muxtar Respublikasının bütün rayonlarında icra nümayəndəlikləri üçün seminarlar təşkil edilib və onlar müvafiq normativ-hüquqi aktlarla təmin olunublar.

Naxçıvan Muxtar Respublikası Dövlət Baş Sığorta Agentliyi Şahbuz Rayon İcra Hakimiyyəti ilə birgə rayonda sığorta işinin təşkili və qarşıda duran vəzifələrlə bağlı tədbir keçirib.
Rayon İcra Hakimiyyətinin başçısı Nurəddin Quliyev tədbiri açaraq son illərdə Şahbuzda sığorta fəaliyyəti sahəsində görülmüş işlər barədə məlumat verib.
Naxçıvan Muxtar Respublikası Dövlət Baş Sığorta Agentliyinin baş direktoru Hikmət Əsgərov çıxış edərək sığorta fəaliyyətinin muxtar respublikamızın sosial-iqtisadi həyatındakı rolundan danışıb. Qeyd olunub ki, sığortalı yaşayıb, işləmək müasir insan həyatının mühüm tələbatlarından biridir. Belə ki, cəmiyyətdə sosial həyatın fəallaşması, iqtisadiyyatın dinamik inkişafı müxtəlif sahələrdə sığorta münasibətlərinin genişlənməsinə zəmin yaradır. Vurğulanıb ki, müxtəlif risklər doğuran gözlənilməz hadisələr zamanı insanların sağlamlığına, daşınmaz əmlaka, avtomobillərə, kənd təsərrüfatına dəymiş maddi zərərlərə sığorta təminatı verilməsi, son nəticədə, cəmiyyətin ümumi rifahına xidmət edir. Bu baxımdan ölkəmizdə qüvvədə olan mövcud qanunlara əsasən, vətəndaşlara və sahibkarlara məxsus daşınmaz əmlakın, avtonəqliyyat vasitələrinin və mülki məsuliyyətin icbari qaydada sığortalanması gözlənilməz hadisələrdən dəyən maddi zərərlərin ödənilməsinə etibarlı təminat verir.

1969-cu ilin 14 iyulu tarixə Azərbaycanın özünə qayıdışının, dirçəliş və inkişaf yolunun başlanğıcı kimi düşmüşdür. Məhz həmin tarixdən etibarən Azərbaycana rəhbərlik edən ulu öndər Heydər Əliyev qüdrətli dövlət xadimi, mahir siyasətçi kimi Azərbaycanı nəinki keçmiş SSRİ-də və dünyada tanıtmış, həm də milli varlığımızı qoruyub saxlamışdır. O illərin rəşadəti və şöhrəti XX əsr tariximizə qızıl hərflərlə yazılmışdır. Buna görə də 14 iyul tarixi xalqımızın qəlbində həm də milliliyin, Azərbaycançılığın, tarix səhifəsində milli dövlətçiliyimizin əbədi mövcudiyyət günü kimi qəbul edilir. 

Ümummilli lider Heydər Əliyev Azərbaycana rəhbərliyinin hər iki dövründə öz xalqına ləyaqətlə xidmət etmək nümunəsi göstərmişdir. Ulu öndərin Azərbaycana rəhbərliyinin birinci dövrünə qədər, xüsusilə ötən əsrin 60-cı illərində ölkəmiz iqtisadi vəziyyətinə görə keçmiş SSRİ-də ən geridə qalmış respublikalardan biri idi. Sənaye və kənd təsərrüfatı strukturlarının günün tələblərinə cavab verməməsi əhalinin güzəranının getdikcə pisləşməsi ilə nəticələnmişdi. 1969-cu ildə Sovetlər Birliyində ümumi məhsulun həcmi 1965-ci ilə nisbətən 43 faiz çoxaldığı halda, Azərbaycanda bu artım cəmi 29 faiz olmuşdu. Baxmayaraq ki, ölkə­mizin imkanları yetərincə idi, ancaq təbii sərvətlərimiz digər müttəfiq respublikaların inkişafına yönəldilir, Azərbaycan isə məhvə sürüklənirdi. Bir çox mühüm infrastruktur layihələri bilərəkdən Azərbaycanda yaradılmır, ölkəmiz bunun üçün, necə deyərlər, “məqbul” sayılmırdı. Nəticədə, İkinci Dünya müharibəsindən sonra SSRİ-də başlanan sənayeləşmə Azərbaycandan yan keçir, ölkədə işsizlərin sayı artır, buna görə də əli iş tutanların bir qismi çörəkpulu dalınca ittifaqın müxtəlif şəhərlərinə üz tuturdu. Bundan başqa, Azərbaycanın keçdiyi tarixi yol da saxtalaşdırılır, xalqın milli-mənəvi dəyərlərinin, adət-ənənələrinin təbliğinə və yaşadılmasına qadağalar qoyulur, yetişən gənc nəsil yad ideologiya altında tərbiyə edilirdi. Ümummilli lider Heydər Əliyevin ölkəmizə rəhbərliyinin birinci dövründəki bütün fəaliyyəti xalqın milli dirçəlişi, milli qürur hisslərinin oyanması ideyasına əsaslanırdı. Böyük şəxsiyyət yaradılmış süni maneələrə sinə gərərək Azərbaycan xalqının milli əsaslar üzərində inkişaf konsepsiyasını irəli sürmüş, cəmiyyəti bütün sahələr üzrə gələcək mənəvi və iqtisadi yüksəlişlərə ruhlandırmağı bacarmışdır. Fəaliyyəti ilə ulu öndər sübut etmişdir ki, xalqımız yalnız müstəqilliyini qazanaraq öz azadlığına qovuşa bilər. Müstəqilliyi əldə etmək üçünsə möhkəm təməl, iqtisadi inkişaf lazımdır. Görkəmli dövlət xadimi ölkəmizə rəhbərliyinin birinci dövründə – 1969-1982-ci illərdə Azərbaycanı Sovetlər Birliyinin ən geridə qalmış aqrar respublikasından ən inkişaf etmiş sənaye-aqrar respublikasına çevirərək bugünkü müstəqilliyimizin təməlini qoymuşdur. Dahi şəxsiyyət Azərbaycanı xammal istehsalçısından müasir texnika və texnologiya ilə təchiz olunmuş sənaye bazasına çevrilməsi üçün mühüm tədbirlər həyata keçirmişdir. Onun səyləri nəticəsində 1969-1982-ci illərdə ölkəmizin müxtəlif regionlarında yaradılmış yeni müəssisələr bu gün də iqtisadiyyatın güclü sənaye kompleksinin formalaşmasına əsaslı zəmin yaradır.

Ümummilli liderimiz Heydər Əliyev özündən sonra təkcə müstəqil, müasir və inkişaf edən bir Azərbaycan yadigar qoymayıb. Həm də Azərbaycanımızın hüsnünü bəzəyən binaların tikintisinə aid sərəncamlar, fərmanlar imzalamaqla gələcəyimiz üçün onlarla tarixi-memarlıq abidələri yaradıb. Ulu öndərimizin Azərbaycana rəhbərlik etdiyi dövrdə paytaxt Bakı ilə yanaşı, Naxçıvanda da belə abidələr tikilib.

47 il əvvəl, 1969-cu il iyulun 14-də Azərbaycan tarixində intibah dövrünün əsasını və hərəkətverici qüvvəsini təşkil edən hadisə baş vermiş, görkəmli dövlət xadimi Heydər Əliyev Azərbaycanın rəhbəri seçilmişdir. Məhz bu dövrdən başlayaraq bütün Azərbaycan, o cümlədən də onun ayrılmaz tərkib hissəsi olan Naxçıvan XX-XXI əsrlərdə sürətli inkişaf dövrü yaşamışdır. Ulu öndər həm respublikamıza 1969-1982-ci illərdəki ilk rəhbərliyi, 1990-1993-cü illərdə Naxçıvanda yaşayıb muxtar respublikaya rəhbərlik etdiyi, 1993-2003-cü illərdə müstəqil Azərbaycan dövlətinin başçısı olduğu dövrdəki fəaliyyəti zamanı Naxçıvana xüsusi diqqət və qayğı göstərmişdir.
Azərbaycana ilk rəhbərliyi dövründə ulu öndər Heydər Əliyev Naxçıvana 5 dəfə – 1974-cü ilin fevral və oktyabr, 1978-ci ilin oktyabr, 1980-ci ilin may və 1982-ci ilin oktyabr aylarında səfər etmişdir. Bu səfərlər zamanı ümummilli lider doğma Naxçıvanın ictimai-siyasi, sosial-iqtisadi və elmi-mədəni problemləri ilə yaxından maraqlanmış, muxtar respublikanın hərtərəfli inkişafı üçün bütün zəruri addımları atmışdır.

Yeni Azərbaycan Partiyası Babək Rayon Təşkilatında keçirilən tədbiri təşkilatın sədri, Naxçıvan Muxtar Respublikası Ali Məclisinin deputatı İsa Məmmədov açaraq ümummilli lider Heydər Əliyevin Sovet hakimiyyəti illərindəki fəaliyyəti dövründə Azərbaycanı müstəqil gələcəyə aparan məqsədyönlü siyasətindən danışıb.
Bildirilib ki, xalqımızın böyük oğlu Heydər Əliyevin Azərbaycana birinci rəhbərliyi dövründə kənd təsərrüfatının və sənayenin müxtəlif sahələri inkişaf etdirilib, ölkədə 250 yeni müəssisə yaradılıb. Yeni-yeni ali və orta ixtisas təhsili müəssisələri açılıb, gənclərimizin digər respublikalarda ali təhsil almaları təmin olunub. Görkəmli dövlət xadiminin həyata keçirdiyi tədbirlər nəticəsində Azərbaycan SSRİ-nin ən qabaqcıl respublikasına çevrilib və öz güclü iqtisadi potensialını, intellektual bazasını yaradıb.

Bu gün Azərbaycanda gənclərin hərbi-vətənpərvərlik tərbiyəsinin yüksəldilməsi, Silahlı Qüvvələrimizin dünya standartlarına uyğunlaşdırılması istiqamətində uğurlu addımlar atılmaqdadır. Bütün bunlarla yanaşı, ölkə başçısının sərəncamları ilə gənclərin ordu sıralarına çağırışı prosesi təkmilləşdirilib, bu sahədə mühüm nəticələr əldə edilib. Həyata keçirilən tədbirlər gənclərin ordu sıralarında nümunəvi  xidmət etmələrinə hərtərəfli şərait yaradıb.

...Məktəb yaşına çatanda valideynləri onu Naxçıvandakı 1 nömrəli beynəlmiləl məktəbə qoyurlar. Həmin məktəb şəhərin mərkəzində, qədim birmərtəbəli, kürsülü binada yerləşirdi. Bu bina bolşeviklərin əlindən ölkəni tərk etmiş keçmiş xanların evi idi (bu bina indi mövcud deyil). Beynəlmiləl məktəbin üç bölməsi var idi. O, Azərbaycan bölməsində oxuyurdu. Lakin rusdilli yaşıdları ilə daimi ünsiyyət və rus dilində çoxlu mütaliə nəticəsində artıq bir neçə ildən sonra fikrini rus dilində sərbəst izah edə bilirdi. Artıq pedaqoji texnikuma gələndə rus dilində səlist danışırdı... Kiçik yaşlarından istedad və qabiliyyəti, mütaliəli və hazırlıqlı olması, ən əsası isə müəllimliyə olan böyük həvəsi təhsilini pedaqoji texnikumda davam etdirməsinə səbəb oldu. 

Ulu öndərimiz Heydər Əliyev milli dəyərlərimizə daim qayğı göstərmişdir. Bu dəyərlər içərisində ən böyüyü, ən ülvisi Ana dilimiz – Azərbaycan dilidir. Ana dili milli varlığımızı şərtləndirən ən mühüm və başlıca amildir; dil varsa, millət də mövcuddur, dil yoxsa, millətin varlığından söhbət gedə bilməz.
50 milyonluq insanın doğma dili olan Azərbaycan dili hazırda dünyanın ən inkişaf etmiş dillərindən biridir. Çünki bu dilin dövlət dili statusu, mükəmməl yazılı və şifahi ədəbi nitq formaları vardır. Məlumat üçün deyək ki, dünyada mövcud olan altı min dildən yalnız 225 dilin yazılı forması mövcuddur və həmin dillərdən ancaq 109 dilin dövlət dili statusu vardır. Bu, bir daha onu göstərir ki, Azərbaycan dili, belə demək mümkünsə, dünyanın ən xoşbəxt dillərindən biridir. Əlbəttə, Azərbaycan dili indiki səviyyəyə çatmaq üçün çox çətinliklərlə qarşılaşmışdır. Xüsusilə onun dövlət dili statusu məsələsi uzun mübarizələrin nəticəsində, yalnız xalqımızın tarixə bəxş etdiyi dahi şəxsiyyət, ümummilli lider Heydər Əliyevin qətiyyəti sayəsində mümkün olmuşdur. 1978-ci ildə Azərbaycan SSR-in Konstitusiyası qəbul edilərkən dahi rəhbər Heydər Əliyevin ciddi səyləri və qətiyyəti sayəsində həmin Konstitusiyanın 73-cü maddəsində ilk dəfə Azərbaycan dilinin statusu müəyyən edilmişdir. Bu, dövlətçilik tariximizdə dilimizin dövlət dili statusu sahəsində aparılan mübarizələrdə ulu öndər Heydər Əliyevin adı ilə bağlı ən möhtəşəm, ən nadir qələbələrin birincisi və ən vacibi idi. Çünki bu tarixə qədər dilimizin statusunun müəyyənləşməsinə bir neçə dəfə təşəbbüs göstərilsə də, onların hamısı uğursuzluqla nəticələnmişdi.

Naxçıvan Muxtar Respublikası Ədliyyə Nazirliyi Naxçıvan şəhərində bələdiyyə nümayəndələrinin iştirakı ilə seminar-müşavirə keçirib. Tədbiri giriş sözü ilə Naxçıvan Şəhər İcra Hakimiyyətinin başçısı Vüqar Səfərov açıb.
Seminar-müşavirədə Naxçıvan Muxtar Respublikasının ədliyyə naziri, II dərəcəli dövlət ədliyyə müşaviri Suliddin Əliyev məruzə edərək bildirib ki, yerli əhəmiyyətli məsələlərin həllində artıq bələdiyyələrin konkret iş görmək təcrübələri və özlərinə inamları güclənib. Ədliyyə Nazirliyi tərəfindən mütəmadi olaraq bələdiyyə sədrlərinin və bələdiyyə qulluqçularının iştirakı ilə şəhər və rayonlarımızda maarifləndirici tədbirlər – seminar-müşavirələr keçirilir. Bələdiyyə orqanlarına qanunvericiliyin tələblərindən irəli gələn vəzifələrin düzgün və dürüst yerinə yetirilməsi üçün “Yerli vergi və ödənişlərin yığılması, əmlak vergisinin hesablanması, subvensiyaların alınması və digər məsələlərlə bağlı qəbul edilmiş yeni qanunlara dair”, “Torpaq sahələrinin zəbt edilməsi halları ilə mübarizə aparılması üçün tədbirlər görülməsi barədə”, “Bələdiyyə mülkiyyətində olan torpaq sahələrinin təyinatına uyğun idarə edilməsi barədə” və sair mövzularda son 3 ildə 17-yə yaxın metodik vəsait hazırlanaraq göndərilib. Eləcə də onlar bələdiyyə fəaliyyəti ilə bağlı ədəbiyyatlarla təmin ediliblər. Lakin keçirilən maarifləndirici tədbirlərə, göstərilən metodik köməkliklərə baxmayaraq, hələ də bəzi bələdiyyələrin fəaliyyətində nöqsanlar və çatışmazlıqlar qalmaqdadır. Bunun üçün də hər bir bələdiyyənin vəzifəli şəxsi işlərində daha məsuliyyətli olmalı, bələdiyyənin kargüzarlıq işlərini düzgün qurmalı, bələdiyyə torpaqlarından səmərəli istifadə edilməsinə diqqəti artırmalı, habelə bələdiyyə torpaqlarının zəbt olunmasının qarşısını almaqla əhali arasında maariflənmə işləri aparmalıdır.

Naxçıvan Muxtar Respublikası Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti tərəfindən 2016-cı ilin ilk 6 ayı ərzində tikinti və istehsal müəssisələri üçün təhlükəsiz əmək şəraitinin yaradılması, işəgötürənlər tərəfindən işçilərin fərdi mühafizə vasitələri və xüsusi geyimlə təmin olunması və həmin vasitələrdən istifadə edilməsi, həmçinin işçilərin hüquqlarının qorunması məqsədilə qanunvericiliyə uyğun olaraq əmək münasibətlərinin rəsmiləşdirilməsi istiqamətində bir sıra işlər görülüb.
Xidmətdən verilən məlumata görə, qeyd olunan dövrdə işçilər üçün müvafiq əmək şəraitinin yaradılmasına, istehsal müəssisələrində işçilərin əməyin mühafizəsi qaydalarına riayət edilməsi ilə əlaqədar 32 müəssisə və tikinti sahəsində nəzarət həyata keçirilib, fərdi və kollektiv mühafizə vasitələrindən istifadə etməyən 41 işçi müvəqqəti olaraq tikinti sahəsindən uzaqlaşdırılıb, 84 işçi isə həmin vasitələrlə yerində təmin olunub.

“Naxçıvan qalaları: tarixdə və günümüzdə” beynəlxalq konfransının iştirakçıları bu fikirdədir

Xəbər verdiyimiz kimi, iyulun 9-10-da Naxçıvan Muxtar Respublikası Ali Məclisinin Sədri yanında Bilik Fondunun Tədbirlər Planına uyğun olaraq “Naxçıvan qalaları: tarixdə və günümüzdə” mövzusunda beynəlxalq konfrans keçirilib. Konfrans iştirakçıları ilə görüşərək tədbirin əhəmiyyəti barədə söhbət etdik.
Azərbaycan Milli Elmlər Akademiyasının prezidenti, akademik Akif Əlizadə “Naxçıvan qalaları: tarixdə və günümüzdə” beynəlxalq konfransının əhəmiyyətini vurğulayaraq dedi:
– Beynəlxalq konfransın Naxçıvan qalalarına həsr olunması heç də təsadüfi deyil. Tarixboyu Azərbaycanın ayrılmaz tərkib hissəsi olan qədim Naxçıvan diyarı, ilk növbədə, əsas dövlətçilik mərkəzlərindən biri olub. Orta əsrlərdə paytaxtı Naxçıvan şəhəri olan Atabəylər dövləti Azərbaycan xalqına intibah mədəniyyəti bəxş edib, daha sonralar Naxçıvanşahlıq dövləti, Naxçıvan xanlığı yalnız bu diyarın deyil, bütövlükdə, Azərbaycanın siyasi və sosial-mədəni inkişafında əhəmiyyətli rol oynayıb.
Naxçıvan diyarındakı zəngin memarlıq abidələri, onun ayrılmaz tərkib hissəsi olan qalalar məhz Azərbaycan dövlətçilik tarixinin, xalqımızın azadlıq uğrunda mübarizə əzminin simvolları kimi xüsusi əhəmiyyətə malikdir. Bu mənada, “Naxçıvan qalaları: tarixdə və günümüzdə” beynəlxalq konfransı Azərbaycanın ictimai və humanitar elmlərinin inkişafı baxımından əhəmiyyətli olmaqla yanaşı, həm də milli vətənpərvərlik hisslərinin aşılanması, xalqımızın qəhrəmanlıq tarixinin təbliği baxımından da xüsusi məna kəsb edir.

Naxçıvan Muxtar Respublikası Ədliyyə Nazirliyi Şərur rayonunda bələdiyyə nümayəndələrinin iştirakı ilə seminar-müşavirə keçirib.
Tədbiri giriş sözü ilə Şərur Rayon İcra Hakimiyyətinin başçısı İbrahim Məmmədov açıb.

“Azərbaycan Respublikası vətəndaşlarının 2016-cı il iyulun 1-dən 30-dək müddətli həqiqi hərbi xidmətə çağırılması və müddətli həqiqi hərbi xidmət hərbi qulluqçularının ehtiyata buraxılması haqqında” Azərbaycan Respublikası Prezidentinin 2 iyun 2016-cı il tarixli Sərəncamına əsasən, Ordubad rayonunda gənclərin növbəti hərbi xidmətə yola salınmasına həsr olunmuş mərasim keçirilib.
Naxçıvan Muxtar Respublikası Səfərbərlik və Hərbi Xidmətə Çağırış üzrə Dövlət Xidmətinin Ordubad Rayon Şöbəsində keçirilən mərasimdə rayon İcra Hakimiyyətinin, hüquq-mühafizə orqanlarının, ictimaiyyətin nümayəndələri, habelə hərbi qulluqçular, müharibə veteranları, çağırışçıların valideynləri iştirak ediblər.

Son dövrlər daşınan və daşınmaz əmlak sahibləri tərəfindən icarə­haqlarından verginin hesablanması və ödənilməsi qaydaları ilə bağlı olaraq oxucularımız müxtəlif suallarla müraciət edirlər. Naxçıvan Muxtar Respublikası Vergilər Nazirliyinin Qanunsuz sahibkarlığın aşkar edilməsi şöbəsinin rəisi Rəşad Əliyevlə müsahibəmizin mövzusu da əmlak icarəsi və onun vergiyə cəlb olunması məsələləri barədədir:

– Rəşad müəllim, əmlak icarəsi ilə bağlı vergilər necə hesablanır və ödəniş necə həyata keçirilir?
– Əvvəlcə, onu bildirim ki, Azərbaycan Respublikası Mülki Məcəlləsinin 700.1-ci maddəsinə əsasən, icarə müqaviləsi əmlak kirayəsi müqaviləsidir. Bu müqaviləyə əsasən kirayə verən (icarəyəverən) kirayəçiyə (icarəçiyə) icarəyə götürdüyü obyektdən və ya hüquqdan istifadə ilə yanaşı, bəhərdən istifadə etmək və gəlir götürmək hüququ da verilib. Məhz buna görə də icarəçi əmlak sahibinə müəyyənləşdirilmiş icarəhaqqı ödəməyə borcludur.
Azərbaycan Respublikasının Vergi Məcəlləsinin 124.1-ci maddəsinə əsasən, daşınan və daşınmaz əmlak üçün icarəhaqqından ödəmə mənbəyində 14 faiz dərəcə ilə vergi tutulur.
İcarəhaqqı vergi ödəyicisi kimi uçotda olmayan fiziki şəxs tərəfindən ödənildikdə icarəyəverən bu maddəyə uyğun olaraq 14 faiz dərəcə ilə vergini özü ödəyir və Vergi Məcəlləsinin 33-cü və 149-cu maddələrinə uyğun olaraq vergi uçotuna alınıb bəyannamə verir.

Azərbaycan Respublikasının Prezidenti cənab İlham Əliyevin 2007-ci il 24 avqust tarixli Sərəncamına əsasən 9 iyul Azərbaycan Diplomatlarının Peşə Bayramı Günü elan edilmişdir.
Qədim tarixə və zəngin dövlətçilik ənənələrinə malik olan Azərbaycan öz coğrafi mövqeyinə və strateji əhəmiyyətinə görə hələ qədimdən dünyanın diqqət mərkəzində olmuşdur. Tarixin müxtəlif dövrlərində mövcud olan Azərbaycan dövlətləri hərbi qüdrətlərini artırmaqla yanaşı, həm də xarici əlaqələrin inkişafına mühüm əhəmiyyət vermiş, dünyanın bir çox dövlətləri və imperiyaları ilə siyasi və iqtisadi əlaqələr qurulmuşdur. Azərbaycan Xalq Cümhuriyyəti dövründə isə milli diplomatiyamız özünəməxsus inkişaf yolu keçmiş, 1920-ci ildə Versal Ali Şurası tərəfindən Azərbaycan Xalq Cümhuriyyətinin müstəqilliyinin tanınması milli diplomatiyamızın mühüm uğuru kimi tarixdə qalmışdır.

“Azərbaycan Respublikası vətəndaşlarının 2016-cı il iyulun 1-dən 30-dək müddətli həqiqi hərbi xidmətə çağırılması və müddətli həqiqi hərbi xidmət hərbi qulluqçularının ehtiyata buraxılması haqqında” Azərbaycan Respublikası Prezidentinin 2 iyun 2016-cı il tarixli Sərəncamına əsasən, Naxçıvan Muxtar Respublikası Səfərbərlik və Hərbi Xidmətə Çağırış üzrə Dövlət Xidmətinin Naxçıvan Şəhər İdarəsində gənclərin müddətli həqiqi hərbi xidmətə yola salınması mərasimi keçirilib.

İyulun 8-də keçirilən mərasimi idarənin Çağırış bölməsinin rəisi, mayor Mirzə Rəhimov açıb.
Azərbaycan Respublikasının Dövlət Himni səsləndirildikdən sonra Naxçıvan Muxtar Respublikası Müharibə, Əmək, Silahlı Qüvvələr və Hüquq-Mühafizə Orqanları Veteranları Şurasının Naxçıvan şəhər təşkilatının sədri Firudin Süleymanov və Azərbaycan Vətən Müharibəsi Veteranları və Şəhid Ailələri Naxçıvan Muxtar Respublika Təşkilatının Naxçıvan şəhər şöbəsinin sədri Zahid Cəfərov çıxış edərək bildiriblər ki, Milli Ordumuzda xidmət etmək Vətənə xidmətdir. Milli Ordumuz Azərbaycanın müstəqilliyinin, onun təhlükəsizliyinin qoruyucusudur. Buna görə də bugünkü gənclərimiz xidmət dövrü hərbi texnikanın sirlərinə daha yaxşı yiyələnməli və Ali Baş Komandanın əmri olarsa, istənilən anda düşmənə layiqli cavab verməlidirlər.

Naxçıvan Dövlət Universitetinin professor-müəllim heyətinin bir qrupu “Əlincəqala” tarixi abidəsinə ekskursiya edib. Əvvəlcə “Əlincəqala” Tarix-Mədəniyyət Muzeyi ilə tanışlıq olub. Muzeyin direktoru Kamal Gülmalıyev Naxçıvan Muxtar Respublikası Ali Məclisi Sədrinin 2014-cü il 11 fevral tarixli Sərəncamına əsasən, I-VI əsrlərə aid “Əlincəqala” dünya əhəmiyyətli tarixi abidəsinin bərpa edilməsi, Əlincəqalada məskunlaşmış insanların tarixi qəhrəmanlıqlarını, məişətini və döyüş mübarizliyini əks etdirmək üçün burada yaradılan muzey haqqında ətraflı məlumat verib. Ekspozisiya zalında ümummilli lider Heydər Əliyevin “Əlincəqala” və bütövlükdə, tarixi abidələrlə bağlı qiymətli fikri, Əlincə­qalada məskunlaşan insanların həyat tərzini əks etdirən maddi-mədəniyyət nümunələri, xüsusilə qədim məişət əşyaları, qalada aparılan arxeoloji qazıntılar zamanı tapılan XIV-XV əsrlərə aid memarlıq fraqmentləri, Atabəylər dövrünə aid (XII-XIII əsrlər) mis pullar, XI-XII əsrlərə, XIX əsrə aid müxtəlif silahlar, XIX-XX əsrlərə aid bəzək əşyaları, Naxçıvan və Əlincəqala ilə bağlı nəşrlər nümayiş etdirilir. Bütün bunlar orta əsr Azərbaycan mədəniyyətinin dəyərli nümunələridir. Qalanın bərpadan əvvəl, bərpa zamanı və bərpadan sonrakı fotoşəkillərindən ibarət stend xalqımızın çoxəsrlik tarixi-mədəni irsinə dövlət qayğısının bariz təzahürü kimi diqqəti çəkir.
Bu gün Naxçıvanın qədim memarlıq məktəbinin qiymətli yadigarı olan Əlincəqalada tarixiliyi qorunub saxlanılmaqla bərpa edilən qala divarları, bürc və giriş qapıları, qədim yaşayış evləri, qalanın zirvəsində ucaldılan Azərbaycan Respublikasının bayrağı yenilməzlik, milli müstəqillik və məğrurluq, qələbə rəmzi kimi bura gələn ziyarətçilərə qürur hissi yaşadır.

Mehriban SULTAN

Naxçıvan Muxtar Respublikası Səfərbərlik və Hərbi Xidmətə Çağırış üzrə Dövlət Xidmətində gənclərin müddətli həqiqi hərbi xidmətə yola salınması mərasimi keçirilib.
Əvvəlcə Azərbaycan Respublikasının Dövlət Himni səsləndirilib.
Tədbiri Naxçıvan Muxtar Respublikası Səfərbərlik və Hərbi Xidmətə Çağırış üzrə Dövlət Xidməti rəisinin müavini, mayor Cavid Məmmədov açıb.
Mərasimdə Naxçıvan Muxtar Respublikası ədliyyə nazirinin müavini Emin Səfərov, gənclər və idman nazirinin müavini Mirməcid Seyidov çıxış edərək əlamətdar hadisə münasibətilə çağırışçıları və onların valideynlərini təbrik ediblər.
Valideyn Gültəkin Qələndərova övladının hərbi xidmətə yola salınmasından böyük qürur hissi keçirdiyini bildirib, çağırışçı gənclərə xoş arzularını çatdırıb.
Çağırışçılar adından çıxış edən Əli Babayev Vətənə şərəflə xidmət edəcəklərinə, komandirlərinin tapşı­rıqlarını vaxtında və dəqiq yerinə yetirəcəklərinə söz verib.

Şahbuz Şəhər Mərkəzində keçirilən bələdiyyə orqanlarında  qanunvericiliyin tətbiqi ilə bağlı görülən işlərə həsr olunmuş tədbiri giriş sözü ilə rayon İcra Hakimiyyətinin başçısı Nurəddin Quliyev açıb. 

Tədbirdə Naxçıvan Muxtar Respublikasının ədliyyə naziri, II dərəcəli dövlət ədliyyə müşaviri Suliddin Əliyev mövzu ilə bağlı çıxış edib. Bildirib ki, bələdiyyələrə metodik köməkliyin göstərilməsi istiqamətində işlər mütəmadi olaraq davam etdirilir. Məqsəd qarşıya qoyulmuş vəzifələrin qanunvericiliyin tələblərinə uyğun icrasına nail olmaqdır. Bu tədbirlər vasitəsilə bələdiyyələrin fəaliyyətinin əlaqələndirilməsi, yerli özünüidarəetmə orqanları arasında əməkdaşlığın gücləndirilməsi, bələdiyyə qanunvericiliyinin öyrənilməsi və tətbiq edilməsi, bələdiyyələrdə kargüzarlıq işlərinin qanunvericiliyin tələblərinə uyğun qurulması ilə bağlı onlara ətraflı məlumatlar verilir.

İyun ayının ümumi mənzərəsini məhz belə ifadə etmək olar

Tarixdə elə xüsusi dövrlər, şaxələnmə nöqtələri vardır ki, onlar sonradan ölkənin, millətin siyasi, mədəni inkişaf istiqamətlərini müəyyən edir. Həmin məsələlərə diqqətlə yanaşmadıqda və eyni zamanda tarix elmimiz bu və ya digər arxiv sənədlərindən, mənbələrdən məhrum edildikdə başqa ölkələrin tarixçilərinin şərhlərindən istifadəyə üstünlük verilir. Bu isə zəifliyi daim fürsət kimi dəyərləndirən tarixi düşmənlərimizin yetişməkdə olan gənc nəslə təsir imkanlarını artırır, son nəticədə, milli dövlətçiliyimizin ideoloji dayaqları təhlükə qarşısında qalır. Muxtar respublikamızda bu məsələlərə xüsusi diqqət yetirilməsinin əsasında da məhz qeyd etdiyimiz amillər dayanır. İyun ayı bu baxımdan xüsusilə əlamətdar hadisələrlə yadda qalıb.

İyunun 1-də Naxçıvan tarixi ilə bağlı ölkə arxivlərində aşkar olunan yeni sənədlər Naxçıvan Muxtar Respublikası Arxiv İdarəsinə təqdim olunub. Naxçıvan Muxtar Respublikası Ali Məclisinin Sədri Vasif Talıbov bu münasibətlə keçirilən tədbirdə iştirak edib.

Culfa rayonunda “Bələdiyyə orqanlarında qanunvericiliyin tətbiqi ilə bağlı görülən işlər” mövzusunda keçirilən tədbiri rayon İcra Hakimiyyətinin başçısı Şükür Babayev açıb.
Naxçıvan Muxtar Respublikasının ədliyyə naziri, II dərəcəli dövlət ədliyyə müşaviri Suliddin Əliyev məruzə ilə çıxış edib. Bildirilib ki, muxtar respublikada aparılan hərtərəfli abadlıq və quruculuq işləri çərçivəsində bələdiyyələrin də müasir iş şəraiti ilə təmin edilməsi diqqət mərkəzində saxlanılır. Belə ki, muxtar respublikada fəaliyyət göstərən bələdiyyələrin böyük əksəriyyəti müasir standartlara uyğun tikilən şəhər, qəsəbə və kənd mərkəzlərində müvafiq iş otaqları ilə təmin olunublar.
Qeyd edilib ki, 15 ildən çox müddət keçməsinə baxmayaraq, bu gün hələ də bələdiyyələrin istər kadrlarla iş, istərsə də kargüzarlıq sahəsində işləri günün tələbləri səviyyəsində deyil. Naxçıvan Muxtar Respublikası Ədliyyə Nazirliyi tərəfindən müntəzəm olaraq bələdiyyələrə metodik köməkliyin göstərilməsi və bələdiyyələrin fəaliyyətinə inzibati nəzarətin səmərəli təşkili istiqamətində işlər mütəmadi davam etdirilir.

Ümummilli liderimiz Heydər Əliyevin 1998-ci il 24 may tarixli Fərmanı ilə Azərbaycan Xalq Cümhuriyyəti Daxili İşlər Nazirliyinin tərkibində ilk polis orqanlarının təsis edildiyi gün – 2 iyul “Azərbaycan Polisi Günü” elan olunmuşdur.
Azərbaycanda daxili işlər orqanlarının inkişafı ulu öndər Heydər Əliyevin xidmətləri nəticəsində mümkün olmuşdur. Ümummilli liderimiz 1969-cu ildə Azərbaycana rəhbər seçiləndən sonra daxili işlər orqanlarına da dövlət qayğısı güclənmiş, vətəninə və xalqına sədaqətli kadrların irəli çəkilməsinə, əməkdaşların vətənpərvərlik, milli dəyərlər əsasında təlim-tərbiyəsinə, peşəkarlığının yüksəldilməsinə xüsusi diqqət yetirilmişdir. Bu dövrdən etibarən şəxsi heyətin milli dövlətçilik ideologiyası əsasında formalaşdırılmasına başlanılmışdır. Ölkəmiz müstəqillik qazandıqdan və 1993-cü ildə xalqın təkidli tələbi ilə ulu öndər Heydər Əliyevin ali hakimiyyətə qayıdışından sonra isə hüquq-mühafizə orqanlarının yeni inkişaf mərhələsinin əsası qoyuldu. Cəmiyyət həyatında sabitliyin qorunması, asayişin bərpası dövlətçiliyin təməl prinsiplərindən biri kimi diqqət mərkəzində saxlanıldı, hüquq-mühafizə orqanlarında, xüsusən daxili işlər orqanlarında müşahidə olunan neqativ hallar aradan qaldırıldı.

Babək rayonunda “Bələdiyyə orqanlarında qanunvericiliyin tətbiqi ilə bağlı görülən işlər” mövzusunda keçirilən tədbiri rayon İcra Hakimiyyətinin başçısı Rasim Hüseynov açıb.
Naxçıvan Muxtar Respublikasının ədliyyə naziri, II dərəcəli dövlət ədliyyə müşaviri Suliddin Əliyev məruzə ilə çıxış edib. Bildirilib ki, muxtar respublikada aparılan hərtərəfli abadlıq və quruculuq işləri çərçivəsində bələdiyyələrin də müasir iş şəraiti ilə təmin edilməsi daim diqqət mərkəzində saxlanılır. Muxtar respublikada fəaliyyət göstərən bələdiyyələrin əksəriyyəti müasir standartlara uyğun tikilən şəhər, qəsəbə və kənd mərkəzlərində müvafiq iş otaqları ilə təmin olunublar.
Qeyd olunub ki, 15 ildən çox müddət keçməsinə baxmayaraq, bu gün hələ də bələdiyyələrin istər kadrlarla iş, istərsə də kargüzarlıq sahəsində işləri günün tələbləri səviyyəsində deyil. Naxçıvan Muxtar Respublikası Ədliyyə Nazirliyi tərəfindən bələdiyyələrə metodik köməkliyin göstərilməsi və bələdiyyələrin fəaliyyətinə inzibati nəzarətin səmərəli təşkili istiqamətində işlər mütəmadi davam etdirilir.

Naxçıvan Muxtar Respublikasının Nazirlər Kabinetində 2016-cı ilin iyun ayında bir sıra normativ-hüquqi aktlar qəbul edilmişdir.
“Mərkəzi icra hakimiyyəti orqanları tərəfindən konkret sahələr üzrə elektron xidmətlər göstərilməsi Qaydaları”nın və “Elektron xidmət növlərinin Siyahısı”nın təsdiq edilməsi haqqında” Naxçıvan Muxtar Respublikası Nazirlər Kabinetinin 2011-ci il 8 dekabr tarixli 103 nömrəli qərarında dəyişikliklər edilməsi barədə” Naxçıvan Muxtar Respublikası Nazirlər Kabinetinin 2016-cı il 2 iyun tarixli qərarı təsdiq edilmişdir.
Naxçıvan Muxtar Respublikası Nazirlər Kabinetinin 2016-cı il 14 iyun tarixli qərarı ilə “Uşaq musiqi, incəsənət və rəssamlıq məktəblərində təhsil haqqında dövlət sənədlərinin nümunələri və onların verilməsi Qaydaları” təsdiq edilmişdir.
Qaydalara əsasən təhsil müəssisələrini bitirən məzunlara təhsil haqqında dövlət sənədləri verilir. Təhsil haqqında dövlət sənədləri növbəti pillədə və ya səviyyədə təhsili davam etdirmək, yaxud əmək fəaliyyətinə başlamaq üçün əsas sayılır və təhsil müəssisələrini xüsusi nailiyyətlərlə başa vuran məzunlara xüsusi nümunəli şəhadətnamə, digər hallarda isə adi şəhadətnamə verilir.
Qəbul edilmiş normativ-hüquqi aktların tam mətni ilə Naxçıvan Muxtar Respublikası Hüquqi Aktların Dövlət Reyestrində (www.huquqiaktlar.nakhchivan.az) tanış olmaq mümkündür.

Müsadirə edilmiş narkotik vasitələri, psixotrop maddələri və onların prekursorlarının məhvetmə komissiyası tərəfindən Naxçıvan Şəhər Məhkəməsinin 2 may 2016-cı il tarixli qərarı, Kəngərli Rayon Məhkəməsinin 11 fevral 2016-cı il tarixli hökmü, Culfa Rayon Məhkəməsinin 3 may 2016-cı il tarixli hökmü əsasında məhv edilməsi nəzərdə tutulmuş, Naxçıvan Muxtar Respublikası Ədliyyə Nazirliyinin Məhkəmə Ekspertizası Mərkəzində ayrıca bağlamalarda saxlanılan narkotik vasitələrə, psixotrop maddələrə və onların prekursorlarına baxış keçirilib. Baxış zamanı çəkisi 0,08 qram və 1,90 qram olan heroin, 33,11 qram olan tiryək, 85,833 qram marixuana naturada üzləşdirilib. Bağlamaların açılmadığı və möhürün yerində olduğu müəyyən edildikdən sonra Naxçıvan Muxtar Respublikası Yoluxucu Xəstəliklər Mərkəzinin tibbi tullantıların ləğvi sistemində yandırılaraq məhv edilib.
Bundan başqa, qanunsuz əldə edilmiş müxtəlif dərman preparatları, psixotrop maddələr də yandırılıb.

Xəbərlər şöbəsi

Naxçıvan şəhərindəki “N” hərbi hissədə Azərbaycan Silahlı Qüvvələrinin yaradılmasının 98-ci ildönümü münasibətilə bayram tədbiri olub.

Bu dəfə yolumuz Naxçıvan Muxtar Respublikası Ədliyyə Nazirliyi Penitensiar Xidmətinin Qarışıq Rejimli Cəzaçəkmə Müəssisəsinədir. Getdiyim bu yol arzuolunan yol deyil. Heç kim istəməz bu ünvana yolu düşsün. Amma həyatda elə hadisələr baş verir ki, özün, qohumun, ailəndəki ən yaxının həyatının bir hissəsini dəmir barmaqlıqlar arasında keçirir. Bəs niyə? Bu sualın cavabı saysız-hesabsızdır. Ən son nəticədə cinayət törənibsə, bunun cəzası da olmalıdır. Yüngül və ya ağır. Dəmir barmaqlıqlar səni gözləyir. Və bundan sonrakı həyat. 

Kütləvi informasiya vasitələrindən dünyanın müxtəlif ölkələrində həbsxanalarda məhkumların xoşagəlməz şəraitdə saxlandığının şahidi olmuşuq. Bəs muxtar respublikamızda necə? Məhkumlar hansı şəraitdə saxlanılır? Onların islah olunması üçün hansı tədbirlər həyata keçirilir? Bu barədə bir az sonra. Amma əvvəlcə onu qeyd edim ki, bu müəssisə 2008-ci ildə fəaliyyətə başlayıb. Buranın yaradılması ilə bir sıra problemlər də öz həllini tapıb. Muxtar respublikada cinayət törətmiş Azərbaycan vətəndaşlarının cəzaçəkmə müəssisələrinə aparılması, eyni zamanda cəza dövründə onların valideynlərinin, yaxınlarının görüşə getmələri blokada şəraitində olan Naxçıvan Muxtar Respublikasında bir sıra çətinliklər yaradırdı. Penitensiar Xidmətin Qarışıq Rejimli Cəzaçəkmə Müəssisəsinin yaradılması bu çətinliklərə son qoyub. Müəssisənin açılış mərasimində Naxçıvan Muxtar Respublikası Ali Məclisinin Sədri çıxış edərək bildirib ki, Azərbaycan vətəndaşları ölkə­mizin milli sərvətidir. Biz bu sərvəti qorumalı, vətəndaşlarımızı Azərbaycanın inkişafına, ölkəmizin gələcəyinin, müstəqilliyinin möhkəmləndirilməsinə istiqamətləndirməliyik. Təsadüf, yaxud özünü idarə edə bilməməsi nəticəsində cinayət və ya qanun pozuntusu törətmiş şəxslər isə burada tərbiyə olunmalıdırlar.

İyunun 25-də Naxçıvan Muxtar Respublikası Ali Məclisi Aparatının kollektivi, Naxçıvan Muxtar Respublikası Ali Məclisinin Sədri yanında Gənclər Fondunun və Naxçıvan Muxtar Respublikası Ali Məclisinin Naxçıvanşünaslıq Mərkəzinin əməkdaşları “Əlincəqala” Tarix-Mədəniyyət Muzey Kompleksində olmuşlar.
Məlumat verilmişdir ki, Naxçıvan Muxtar Respublikası Ali Məclisi Sədrinin 2014-cü il 11 fevral tarixli Sərəncamına əsasən, “Əlincəqala” tarixi abidəsi bərpa olunmuş və muzeyi yaradılmış, iyunun 17-də “Əlincəqala” tarixi abidəsi və muzeyinin açılışı olmuşdur. Bildirilmişdir ki, Azərbaycan xalqının mübarizlik və vətənpərvərlik əzmini nümayiş etdirən tarixi qalalarımızdan biri də Əlincəqaladır. Qala birinci-altıncı əsrlərdən başlayaraq müdafiə istehkamı və yaşayış yeri kimi istifadə olunmuş, 14 il Əmir Teymurun qoşunlarının hücumlarına müqavimət göstərmişdir.

Vətən tarixinin çox çətin, mürəkkəb və məğrur dövrləri var ki, onları yazmamaq olmur. Çünki o dövrlərdə zamanın tələbi ilə cəsur insanların döyüş hünərləri var. Bəzən zaman onları unutdurur, amma insan yaddaşı ötüb keçənləri unutmur. Vətən təəssübünü çəkənlərin, onun uğrunda döyüşənlərin adları və şücaətləri isə nəsilbənəsil yaddaşlarda yaşayır. Yaddaşlarda yaşananlar isə tarixdir. Doğrudur, keçmişi və yaşananları dəyişmək qeyri-mümkündür. Amma keçmişdə yaşananları hər kəs istədiyi kimi yaza bilər. Təəssübkeş və əsl tədqiqatçı isə ancaq həqiqətləri yazar ki, gələcək nəsillər üçün həmişəyaşar ideyalar olsun. Onlar da bu ideyaları daha da inkişaf  etdirib özlərindən sonrakı nəsillərə əmanət edə bilsinlər. İnsan yaddaşında olanlar çox vaxt  kağızlara köçürülərək arxivlərdə qorunur, saxlanılır. Zaman gələndə həmin sənədlər sanki dil açaraq ötüb-keçən tarixi hadisələri danışır... Çünki zaman və tarix bir-birindən ayrılmazdır.

Xəbər verdiyimiz kimi, iyunun 21-dən 23-dək İsrail Dövlətinin Azərbaycandakı fövqəl­adə və səlahiyyətli səfiri Dan Stav Naxçıvan Muxtar Respublikasına səfər edib. Səfər çərçivəsində diplomat muxtar respublikamızın istehsal, təhsil, mədəniyyət və səhiyyə müəssisələri, tarixi abidələri, gəzməli-görməli yerləri ilə tanış olub. İsrail səfiri ilə söhbətimiz də məhz səfərinin məqsədi və səfər təəssüratları barədə oldu. Dan Stav əvvəlcə Naxçıvan Muxtar Respublikasına səfərinin məqsədi barədə danışaraq dedi:

– Bu, mənim Naxçıvan Muxtar Respublikasına ilk səfərimdir. Səfərimin məqsədi Azərbaycan ilə İsrail arasında münasibətlərin inkişafı fonunda Azərbaycanın Naxçıvan Muxtar Respublikası ilə də əlaqələrin genişləndirilməsidir. Burada bir sıra görüşlər keçirdim və əməkdaşlığın inkişaf etdirilməsinin yollarını müzakirə etdik. Bunu vurğulamaq istərdim ki, Naxçıvan Muxtar Respublikası ilə İsrail Dövləti arasında əlaqələrin inkişafı üçün geniş imkanlar mövcuddur. Xüsusən turizm, kənd təsərrüfatı, səhiyyə sahələrində əlaqələr yaradıla bilər. Biz əməkdaşlığın yaradılmasını və inkişaf etdirilməsini səbirsizliklə gözləyirik. Ümid edirəm ki, muxtar respublikaya səfərim qarşılıqlı, faydalı əlaqələrin inkişafına töhfə verəcəkdir.

Naxçıvan Dövlət Universitetində “Gənc­lərin vətənpərvərlik ruhunda tərbiyə olunması” mövzusunda tədbir keçirilib.
Ali məktəbin elmi işlər üzrə prorektoru, dosent Mübariz Nuriyev 26 İyun – Azərbaycan Respublikası Silahlı Qüvvələri Günü münasibətilə keçirilən tədbirin mühüm və aktual mövzuya həsr olunduğunu vurğulayıb. Prorektor bildirib ki, hər bir vətəndaş, xüsusilə dövlətin və xalqın gələcəyi olan gənclər Vətəni sevmək, qorumaq, dünyada təbliğ etmək kimi müqəddəs bir amala xidmət etməlidirlər.
Tərbiyə işləri üzrə prorektor, tarix üzrə fəlsəfə doktoru Şamxal Məmmədov çıxışında müstəqil Azərbaycanın hərbi qüdrətinin artması, Azərbaycan Ordusunun dünyanın ən güclü ordularından birinə çevrilməsi, işğal olunmuş ərazilərin azad edilməsi istiqamətində aparılan uğurlu siyasətin xalqımızda vətənpərvərlik ruhunu, döyüş əzmini yüksəltdiyini bildirib. O, tələbə-gəncləri öz milli mənsubiyyətləri, doğma vətənləri ilə qürur duymağa, istedad və qabiliyyətləri, intellektləri ilə Vətənə xidmət etməyə səsləyib.

Azərbaycan Xalq Cümhuriyyəti Nazirlər Şurasının 1918-ci il 26 iyun tarixli qərarı ilə general Əliağa Şıxlinskinin rəhbərlik etdiyi müsəlman korpusunun əsasında ilk ordu hissəsi – 5000 nəfər şəxsi heyəti olan Əlahiddə Azərbaycan korpusu yaradılmışdır. 1920-ci ildə ölkəmiz Sovet Rusiyası tərəfindən işğal edildikdən sonra Azərbaycanın hərbi nazirliyi rəsmən ləğv edilərək, həmin funksiya Xalq Hərbi Komissarlığına verilmiş, Azərbaycan Ordusunun 21 generalından 15-i bolşeviklər tərəfindən güllələnmişdir.

Ümummilli liderimiz Heydər Əliyevin 22 may 1998-ci il tarixli Fərmanı ilə Əlahiddə Azərbaycan korpusunun yarandığı tarix – iyunun 26-sı Azərbaycan Respublikası Silahlı Qüvvələri Günü elan olunmuşdur. Bu gün iqtisadi yüksəlişi ilə diqqətləri özünə cəlb edən ölkə­miz qüdrətli ordusu ilə də hər bir azərbaycanlının qürur mənbəyinə çevrilmişdir. 

Xəbər verdiyimiz kimi, iyunun 21-də İsrail Dövlətinin Azərbaycandakı fövqəladə və səlahiyyətli səfiri Dan Stav Naxçıvan Muxtar Respublikasına səfərə gəlib.
Əvvəlcə qonaq ulu öndər Heydər Əliyevin Naxçıvan şəhərinin baş meydanında əzəmətlə ucalan abidəsini və Heydər Əliyev Muzeyini ziyarət edib.

Kəngərli rayonunda “Bələdiyyə orqanlarında qanunvericiliyin tətbiqi ilə bağlı görülən işlər” mövzusunda tədbir keçirilib. Tədbiri Kəngərli Rayon İcra Hakimiyyətinin başçısı Kamal Ələkbərov açıb.
Naxçıvan Muxtar Respublikasının ədliyyə naziri, II dərəcəli ədliyyə müşaviri Suliddin Əliyev məruzə ilə çıxış edib. Bildirilib ki, yer­li əhəmiyyətli məsələlərin həllində artıq bələdiyyələrin konkret iş görmək təcrübələri və özlərinə inamları artıb. Ölkəmiz üçün demokratik, hüquqi və dünyəvi dövlət quruculuğu yolunu seçmiş ümummilli lider Heydər Əliyevin rəhbərliyi ilə ictimai həyatın bütün sahələrində köklü islahatlar həyata keçirilib. Yerli demokratiyanın inkişaf problemləri də dövlətimizin qayğısı ilə əhatə olunub və bu istiqamətdəki tədbirlər çərçivəsində mövcud normativ-hüquqi baza təkmilləşdirilib, bir sıra digər mühüm işlər həyata keçirilib.

Azərbaycan Respublikasının Prezidenti cənab İlham Əliyevin 2006-cı il 25 may tarixli Sərəncamına əsasən, hər il iyunun 23-ü ölkəmizdə dövlət qulluqçularının peşə bayramı günü kimi qeyd olunur.
Ölkəmizdə müasir dövlət qulluğu sisteminin formalaşması və inkişafı ümummilli liderimiz Heydər Əliyevin adı ilə bağlıdır. Ulu öndərin xalqın təkidli tələbi ilə ikinci dəfə ali hakimiyyətə gəlişindən sonra ölkəmizdə ictimai-siyasi sabitlik bərqərar edilmiş, dövlət idarəçiliyinin yeni əsasları formalaşdırılmış və Azərbaycan davamlı inkişaf yoluna qədəm qoymuşdur. Dahi şəxsiyyətin rəhbərliyi ilə dövlət idarəetmə sisteminin təkmilləşdirilməsi və demokratikləşdirilməsi prosesinə başlanmış və bu istiqamətdə kompleks tədbirlər həyata keçirilmişdir. Dövlət qulluğunun səmərəliliyinin artırılması, dövlət aparatının təkmilləşdirilməsi, dövlət qulluqçularının hüquqi statusunun müəyyən edilməsi, onların sosial müdafiəsinin, maddi müstəqilliyinin təmin edilməsi və eyni zamanda məsuliyyətlərinin artırılması məqsədilə 2000-ci il 21 iyul tarixdə “Dövlət qulluğu haqqında” Azərbaycan Respublikasının Qanunu qəbul edilmişdir.

“Əcnəbilərin və vətəndaşlığı olmayan şəxslərin hüquqi vəziyyəti” mövzusunda keçirilən tədbirdə inzibati ərazi dairələri üzrə nümayəndələr, polis sahə müvəkkilləri, rayon sakinləri iştirak ediblər.
Tədbiri giriş sözü ilə Ordubad Rayon İcra Hakimiyyəti başçısının müavini Fərqanə Hüseynli açıb.
Naxçıvan Muxtar Respublikası Dövlət Miqrasiya Xidməti rəisinin müavini Elnur Məmmədov əcnəbilərin və vətəndaşlığı olmayan şəxslərin hüquqi vəziyyəti haqda maarifləndirici tədbirlərin əhəmiyyətindən, son illərdə muxtar respublikada infrastruktur quruculuğu, əhalinin məşğulluğu, sahibkarlığa, turizm potensialının artırılmasına göstərilən dövlət dəstəyi istiqamətində görülən işlərdən, Naxçıvanın turizm potensialından, miqrantların bu bölgəyə böyük maraq göstərməsindən danışıb.

Azərbaycanın dünyada müstəqil, hüquqi, demokratik dövlət kimi tanınması, ölkədə insan hüquq və azadlıqlarının təmin edilməsi və müdafiəsi ümummilli lider Heydər Əliyevin adı ilə bağlıdır.

Görkəmli dövlət xadiminin 1998-ci il 18 iyun tarixli Sərəncamı ilə təsdiq edilmiş “İnsan hüquqlarının müdafiəsinə dair Dövlət Pro­qramı” ölkəmizdə insan hüquqlarının müdafiəsi sahəsində görülən işlərin səmərəliliyini daha da artırıb və insan hüquqlarının davamlı inkişafına geniş imkanlar yaradıb. Bu sahəyə qayğının ifadəsi kimi ölkə başçısı cənab İlham Əliyevin 2007-ci il 18 iyun tarixli “Azərbaycan Respublikasında İnsan Hüquqları Gününün təsis edilməsi haqqında” Sərəncamına uyğun olaraq, hər il iyunun 18-i ölkəmizdə İnsan Hüquqları Günü kimi qeyd olunur. İnsan Hüquqları Günü münasibətilə ölkəmizdə, o cümlədən Naxçıvan Muxtar Respublikasında müxtəlif tədbirlər həyata keçirilir. Belə tədbirlərin davamı olaraq iyunun 18-də Naxçıvan şəhərindəki Gənclər Mərkəzində muxtar respublikanın ali və orta ixtisas təhsili müəssisələrinin tələbələri arasında bilik yarışı keçirilib.

Naxçıvan Muxtar Respublikası Dövlət Miqrasiya Xidmətində əcnəbilərin və vətəndaşlığı olmayan şəxslərin iştirakı ilə “Azərbaycan Respublikasının Dövlət Bayrağı” mövzusunda maarifləndirici görüş keçirilib. 

Tədbiri xidmətin əməkdaşı Nurlan Tağıyev açaraq belə tədbirlərin əhəmiyyətindən danışıb.
Görüşdə Naxçıvan şəhərindəki Dövlət Bayrağı Muzeyinin bələdçisi Sevinc Rəsulova çıxış edərək bildirib ki, Azərbaycan Respublikasının dövlət atributlarından, dövlətçilik rəmzlərindən biri onun milli bayrağı – Dövlət bayrağıdır. Azərbaycan Respublikasının Dövlət Bayrağı Azərbaycan dövlətinin suverenliyinin rəmzidir.
Azərbaycan Respublikasının Dövlət Bayrağı bərabər enli üç üfüqi zolaqdan ibarətdir. Yuxarı zolaq göy, orta zolaq qırmızı, aşağı zolaq isə yaşıl rəngdədir. Qırmızı zolağın ortasında bayrağın hər iki üzündə ağ rəngli aypara ilə səkkizguşəli ulduz təsvir edilib.

Azərbaycan Respublikasının Prezidenti cənab İlham Əliyevin 2007-ci il 18 iyun tarixli “Azərbaycan Respublikasında İnsan Hüquqları Gününün təsis edilməsi haqqında” Sərəncamına uyğun olaraq, hər il 18 iyun ölkəmizdə İnsan Hüquqları Günü kimi qeyd olunur.
Azərbaycanın dünyada müstəqil, hüquqi, demokratik dövlət kimi tanınması, ölkədə insan hüquq və azadlıqlarının təmin edilməsi və müdafiəsi ümummilli liderimiz Heydər Əliyevin adı ilə bağlıdır. Ulu öndəri­miz tərəfindən həyata keçirilən hüquq islahatları dövlətçiliyimizin möhkəmləndirilməsinə, insan hüquq və azadlıqlarının müdafiəsinə yönəlmiş yeni hüquq sisteminin formalaşmasına zəmin yaratmışdır. Dahi liderin 1993-cü ildə moratorium qoyduğu ölüm hökmü 1998-ci ildə tamamilə ləğv edilmiş, bununla da, Azərbaycan bütövlükdə Şərqdə bu qətiyyətli və tarixi qərarı verən ilk ölkə kimi tarixə düşmüşdür. Azərbaycan BMT-nin İnsan Hüquqları Ümumi Bəyannaməsinə və digər beynəlxalq konvensiyalara da qoşulmaqla insan hüquqları sahəsində beynəlxalq miqyasda təsbit olunmuş prinsipləri əsas götürdüyünü nümayiş etdirmişdir.

Naxçıvan Muxtar Respublikası Ali Məclisi Sədrinin 2014-cü il 19 dekabr tarixli “Muzeylərlə əlaqələrin daha da gücləndirilməsi haqqında” Sərəncamına əsasən, muxtar respublikada fəaliyyət göstərən idman federasiyalarının məşqçi-müəllimləri, idmançıları da muzeylərimizi ziyarət edirlər.
Dünən Karate-do, Şərq Döyüşü Sənəti və Voleybol federasiyaları üzvlərinin müvafiq olaraq Naxçıvan Dövlət Tarix Muzeyinə, Xatirə Muzeyinə və Dövlət Bayrağı Muzeyinə ziyarətləri təşkil olunub.
Naxçıvan Dövlət Tarix Muzeyində Naxçıvan Muxtar Respublikası Karate-do Federasiyasının məşqçilərinə və idmançılarına bildirilib ki, 1924-cü ildə fəaliyyətə başlayan muzeydə qədim, orta əsrlər və müasir dövrü əhatə edən 49 minə yaxın eksponat qorunub saxlanılır. 10 şöbədən ibarət olan ekspozisiyada müxtəlif tarixi dövrlərə aid məişət əşyaları və əmək alətləri, muxtar respublika ərazisində aşkar olunan mis və gümüş pullar nümayiş etdirilir. Həmçinin muzeydə xalçaçılıq, zərgərlik, misgərlik, dulusçuluq və nəqqaşlıq sənəti nümunələri, xalq ustalarının müxtəlif əl işləri, eləcə də Naxçıvanın müasir inkişafını əks etdirən zəngin materiallar özünə yer alıb. Bildirilib ki, Naxçıvan Dövlət Tarix Muzeyi böyük dövlət qayğısı ilə əhatə olunan mədəniyyət müəssisələrindən biridir. Naxçıvan Muxtar Respublikası Ali Məclisi Sədrinin qayğısı ilə 2000 və 2007-ci illərdə muzeyin binasında əsaslı təmir-tikinti işləri aparılıb.

28 May – Respublika Günü münasibətilə amnistiya elan edilməsi haqqında Azərbaycan Respublikası Milli Məclisinin qərarı 15 iyun 2016-cı il tarixdə qüvvəyə minib və həmin gün də icrası təmin olunub. 

Bu münasibətlə Naxçıvan Muxtar Respublikası Ədliyyə Nazirliyi Penitensiar Xidmətinin Qarışıq Rejimli Cəzaçəkmə Müəssisəsində tədbir keçirilib. Tədbirdə Penitensiar Xidmətin şöbə rəisi Əli Səfərov çıxış edərək bildirib ki, Azərbaycan Respublikasında insan hüquq və azadlıqlarının təmin olunması istiqamətində görülən tədbirlər nəticəsində humanizm prinsiplərinə dayanan qanunlar qəbul olunub, cəzaçəkən şəxslərin yaşayış şəraitləri yaxşılaşdırılıb. Naxçıvan Muxtar Respublikasında da insan hüquq və azadlıqları, o cümlədən məhkumların hüquqları hərtərəfli şəkildə qorunur.
Vurğulanıb ki, dövlətimizin humanist addımları nəticəsində minlərlə məhkum əfv və amnistiya qərarlarına əsasən cəzadan azad olunub və ailələrinə qovuşub.
Qeyd olunub ki, 28 May – Respublika Günü münasibətilə amnistiya elan edilməsi haqqında Azərbaycan Respublikası Milli Məclisi­nin 20 may 2016-cı il tarixli qərarına əsasən, muxtar respublikamızda 9 məhkum cəzadan vaxtından əvvəl azad olunub, 1 məhkumun isə cəzası yüngülləşdirilib.
Tədbirdə azad olunanlara sənədləri təqdim edilərək uğurlar arzu edilib.
Bu humanist addıma görə məhkumlar və onların ailə üzvləri dövlətimizə minnətdarlıqlarını bildiriblər.

 Kərəm Həsənov