Onu siz də tanıyın
(Oçerk)

Yaşadığı kənddə hamı onu ağaclara böyük sevgisi ilə seçilən birisi kimi tanıyır. 67 yaşı var. Bu yaşınadək müxtəlif sahələrdə çalışsa da, ağac əkməyi, ona qulluq etməyi ən çox sevdiyi məşğuliyyət hesab edib, bununla nəfəs alıb. Həyatda çətinlikləri az olmayıb, təbiətə məhəbbəti hətta sağlamlıq imkanını da məhdudlaşdırıb – bir qolunu itirib. Ancaq ağac əkəndə sevinib, o boy atdıqca fərəhlənib, bar verdikcə arzusunun həyata keçdiyinə inanıb. Ağaclara öz övladı kimi yanaşıb, onların hər nazını çəkib, təkcə gündüzlər deyil, gecələr də onları yoluxub. Beləliklə, heç zaman əkilməyən şoranlaşmış torpaqlarda 5 hektarlıq bağ salmağa müvəffəq olub. Necə deyərlər, inadkarlığı və zəhməti bir araya gətirərək yararsız, boş çöllük ərazini gülüstana çevirməyi bacarıb. Bununla da, tək əllə necə səs çıxarmağı hər kəsə sübut edib.

Kəngərli rayonunun Böyükdüz kəndində yaşayan Hümbət Həsən­ovla əvvəl kənddə, sonra isə əsl “iş yeri”ndə – Naxçıvan-Sədərək magistral yolunun kənarındakı bağda görüşdük. Söhbətə körpü salmaq üçün özünün həyat yolundan, bu işə necə könül verməsindən danışmağı xahiş etdik. Onun dediklərindən:

“2016-2020-ci illərdə Naxçıvan Muxtar Respublikasında sağlamlıq imkanları məhdud uşaqların təhsili və reabilitasiyası üzrə Dövlət Pro­qramı” bu kateqoriyadan olan uşaqların sosial reabilitasiyası sahəsində həyata keçirilən tədbirlərin davamlı­lığının təmin edilməsi baxımından mühüm əhəmiyyət kəsb edir. Bu istiqamətdə həyata keçirilən tədbirlərin davamı olaraq avqustun 25-də Naxçıvan Muxtar Respublikası Əmək və Əhalinin Sosial Müdafiəsi Nazirliyinin təşkilatçılığı ilə sağlamlıq imkanları məhdud uşaqların tullantılardan hazırlanmış əl işlərindən ibarət sərgi-müsabiqəsi keçirilib. Heydər Əliyev Uşaq-Gənclər Yaradıcı­lıq Mərkəzində təşkil olunan tədbirdə 20 müəllifin 150-dən çox əl işi nümayiş etdirilib.
Qaliblərə diplom və hədiyyələr, digər iştirakçılara isə fəxri fərmanlar təqdim olunub.

Naxçıvan Muxtar Respublikası
Əmək və Əhalinin Sosial Müdafiəsi Nazirliyinin mətbuat xidməti

Uşaqlar həyatı bu filmlərdən öyrənirlər 

Diqqət etsək, görərik ki, azyaşlı uşaqların çoxu özünü hər hansısa bir cizgi film qəhrəmanına oxşatmağa çalışır, onun kimi danışır, hərəkətlərini təqlid edir. Məsələn, tanıdığım bir uşaq özünü “Maşa və ayı” cizgi filminin qəhrəmanı Maşaya oxşadır, onun etdiyi dəcəllikləri etməklə ərköyünlük sərgiləyirdi. Valideyninin dediyinə görə, hətta cizgi filminin hər seriyasından sonra orda gördüyü hərəkətləri eynilə təkrarlamağa cəhd edirdi.
Belə çıxır ki, cizgi filminin verdiyi tərbiyə valideynin tərbiyəsini üstələyib ki, uşaq özünü cizgi film qəhrəmanına oxşatmaqla bərabər, eyni zamanda valideynlərini, onların rəftarını da həmin personajlarla müqayisə edir. Müşahidələrimə əsaslanaraq deyə bilərəm ki, bu kimi hallar heç bir valideynin xoşuna gəlmir, əksinə, uşaq olmaqlarına baxmayaraq, təkrarladıqları hərəkətlər onların bəzilərini hövsələdən belə, çıxarır. Bəs bu halları yaradan kimdir? Cizgi filminin ssenarisini yazanmı, yoxsa onu izləyənmi? Bəlkə, elə izləməyə şərait yaradan?
Deyirlər ki, uşaqlar həyatı cizgi filmlərindən öyrənir. Bəs, görəsən, həmin filmlər onlara həyatı necə öyrədir? Övladlarımıza bizim öyrətmək istədiyimizi, yoxsa tam əksini? Mövzu ilə bağlı psixoloq Şahnaz Məmmədova ilə həmsöhbət oluruq. Onun dediklərindən:

Ekoloji tərbiyə ahəngdar şəxsiyyət tərbiyəsinin mühüm tərkib hissəsidir. O, gənc nəsli ekoloji biliklərə yiyələnməyə, onlarda ekoloji mədəniyyəti formalaşdırmağa yönələn tədbirlər sistemidir. Ekoloji tərbiyənin əsasını təbiətə sevgi, onun mühafizəsi işi təşkil edir. İnsan təbiətin bir üzvüdür. Təbiət öz sərvətləri ilə insanı yaşadır, fiziki və mənəvi cəhətdən inkişaf etdirir, ona həyat verir. Lakin bəzən insan öz yaşamaq mənbəyinə – təbiətə, ekoloji mühitə ziyan vurur, udduğu havanı, içdiyi suyu, məhsulunu yediyi torpağı zəhərləyir. Bu yolla insanlıq özünüməhvə aparır, özü üçün dəhşətli fəlakətlər, xəstəliklər yaradır. Bunun qarşısını almaq üçün kiçik yaşlardan uşaqları təbiətə qayğı ruhunda tərbiyə etmək, ekoloji şüuru və mədəniyyəti formalaşdırmaq lazımdır. 

Naxçıvan şəhərində fəaliyyət göstərən Naxçıvan Muxtar Respublikası Ekoloji Tərbiyə Mərkəzi də öz işini bu istiqamətdə qurub. Buranın fəaliyyəti haqda məlumat əldə etmək məqsədilə həmin ünvanda olduq. Mərkəzin direktor əvəzi Həcər Heydərova bizimlə söhbətində bildirdi ki, 1971-ci ildə Gənc Təbiətçilər Stansiyası kimi yaradılan müəssisə 1991-ci ildən Ekoloji Tərbiyə Mərkəzi kimi fəaliyyət göstərir.

İnsan resursları istənilən ölkənin inkişafı üçün mühüm amildir və bu resurslar əmək bazarında tutduğu vəzifədən və həmin vəzifənin funksiyalarından asılı olmayaraq, bütün işçiləri əhatə edir. Bu amildən səmərəli istifadə olunması cəmiyyətin ümumi inkişafına töhfə verir.
Ölkəmizdə də indiyədək həyata keçirilmiş sosial-iqtisadi tədbirlərin mahiyyətində insan amili diqqət mərkəzində saxlanıldığından qazanılmış müsbət nəticələrdə əmək potensialından düzgün istifadə olunması bir daha özünü göstərir. Belə ki, indiyədək bu sahədə qəbul edilmiş dövlət proqramlarının mahiyyətində məqsəd bir tərəfdən müxtəlif sahələrin inkişaf etdirilməsi ilə bağlıdırsa, digər tərəfdən də potensial insan resursları ilə əlaqəlidir.
Azərbaycanda həyata keçirilən dövlət siyasətinin daha çox sosialyönümlü olması və bu sahədə dəqiq hədəflərin müəyyənləşdirilməsi ölkəmizin gələcək inkişafının davamlı xarakter daşımasını şərtləndirir. Azərbaycan Respublikası Prezidentinin 2012-ci il 29 dekabr tarixli Fərmanı ilə təsdiq edilmiş “Azərbaycan 2020: gələcəyə baxış” İnkişaf Konsepsiyasında əks olunmuş mühüm istiqamətlərdən biri də insan kapitalının inkişafı və səmərəli sosial müdafiə sisteminin qurulmasıdır.

Yazın əvvəllərindən sinoptiklər Naxçıvanda kəskin istilərin olacağını proqnozlaşdırmışdılar. İyun ayından başlayaraq bu proqnozlar özünü doğrultdu. Yay fəsli bir-birindən dadlı-tamlı meyvələri ilə bərabər, yüksək temperaturu da gətirdi. Ancaq muxtar respublikada insanların mənzil-məişət, iş və istirahəti üçün yaradılan şərait indi isti yay fəslini də normal keçirməyə imkan verir.
Təbii ki, isti yay günlərində Naxçıvan şəhərində Günəşin yandırıcı istisindən qorunmaq üçün əsas məkanlar yaşıllıq zolaqları, park və xiyabanlardır. Çünki yaşıllıqlar iqlimi əhəmiyyətli dərəcədə yüngülləşdirir, rütubət və istilik rejimini yaxşılaşdırır, soyuq, isti və quru küləklərin təsirini öz üzərinə götürür. Yaşıllıqlar gecə vaxtı istiliyi nəzərəçarpacaq dərəcədə aşağı salır, gündüzlər tutduğu sahədə havanın temperaturunu azaldır. Məhz buna görə də yayın bərk isti vaxtlarında parklarda, bağlarda havanın temperaturu digər yerlərə nisbətən 2-3 dərəcə aşağı olur. Şəhərin seyrinə çıxdıqda yolların kənarlarında nizamla salınmış yaşıllıqlar, əkilən güllər, dekorativ ağaclar insana zövq verməklə bərabər, həm də yaşadığımız bu diyarın gözəlliyinə xüsusi çalarlar gətirir.

Avqustun 23-də Culfa Rayon İcra Hakimiyyətində Naxçıvan Muxtar Respublikası Dövlət Baş Sığorta Agent­liyi tərəfindən rayonda sığorta işinin təşkili və qarşıda duran vəzifələr barədə tədbir keçirilib.
Rayon İcra Hakimiyyətinin başçısı Şükür Babayev tədbiri açaraq son dövrdə Culfada sığorta fəaliyyəti sahəsində görülmüş işlər haqqında danışıb.
Tədbirdə Naxçıvan Muxtar Respublikası Dövlət Baş Sığorta Agent­liyinin baş direktoru Hikmət Əsgərov çıxış edərək müasir dövrdə muxtar respublikada sosial-iqtisadi inkişafın dinamikasına uyğun olaraq sığorta işinin də geniş miqyas aldığını bildirib. Qeyd olunub ki, sığorta baş verən gözlənilməz hadisələrin vura biləcəyi zərərlərə qarşı hazırlıqlı olmağa şərait yaradır. Hazırda sığortanın bir çox növlərinin tətbiq olunması günün tələblərindəndir. Muxtar respublikamızda sığorta işinin təkmilləşdirilməsi və müasir tələblərə uyğun şəkildə genişləndirilməsi işində 30 noyabr 2011-ci il tarixdə Naxçıvan Muxtar Respublikası Ali Məclisində “Muxtar respublikada sığorta fəaliyyəti və qarşıda duran vəzifələr barədə” keçirilən müşavirənin xüsusi əhəmiyyəti vardır.

Naxçıvan Muxtar Respublikası Ali Məclisinin Sədri yanında Bilik Fondunun təşkilatçılığı ilə muxtar respublikanın Gənc­lər və İdman Nazirliyi, Həmkarlar İttifaqı Şurası, muxtar respublikada fəaliyyət göstərən idman federasiyaları tərəfindən Ağbulaq İstirahət Mərkəzində idmançıların “Yay məktəbi” təşkil edilib.
Mərkəzin ilk qonaqları Güləş və Boks federasiyalarının 60 idmançısı olub. Naxçıvan şəhərindən avtobusla yola düşən idmançılar Ağbulaq İstirahət Mərkəzi ilə tanışlıqdan sonra proqrama uyğun olaraq müxtəlif stolüstü oyunlarda mübarizə aparıblar. Şahmat, dama kimi zehni oyunlarda idmançıların nümayiş etdirdikləri peşəkarlıq diqqətdən yayınmayıb. Müxtəlif əyləncəli oyunlarda iştirak edən idmançılar sonra vətənpərvərlik mövzusunda filmə baxıblar.
Növbəti günə səhər gimnastikası ilə başlayan federasiyaların yetirmələri proqrama uyğun olaraq müxtəlif idman yarışlarında qüvvələrini sınayıblar. Mərkəzin stadionunda keçirilən mini-futbol yarışı daha çox marağa səbəb olub. Bununla yanaşı, idmançılar voleybol, dama kimi idman növlərində də öz güclərini sınayıblar.
Növbəti – üçüncü gün idmançıların Şahbuz Dövlət Təbiət Qoruğunda gəzintisi təşkil edilib. İdmançıların Ağbulaq İstirahət Mərkəzinə səfəri maraqlı və yaddaqalan olub.

 Ceyhun MƏMMƏDOV

Muxtar respublikada “Naxçıvan təbiəti” albom-kataloqu işıq üzü görüb. “Əcəmi” Nəşriyyat-Poliqrafiya Birliyində çapdan çıxan albom-kataloqda muxtar respublikanın zəngin təbiətini, flora və fauna ehtiyatlarını əks etdirən bir-birindən maraqlı fotoşəkillər oxuculara təqdim olunur.

Fotoşəkillərdə əks olunan ərazilər barədə Azərbaycan, rus və ingilis dillərində məlumat verilir. Yeni nəşrin giriş hissəsində  Naxçıvan Muxtar Respublikasının ərazisi, coğrafi mövqeyi, qədim tarixi və müasir inkişafı barədə üç dildə məlumat yer alır. Qeyd olunub ki, muxtar respublika ərazisində olan 1200-dən çox qədim tarixi abidə xalqımızın zəngin mədəni irsindən xəbər verir. 5 min illik şəhər mədəniyyətinə malik olan Naxçıvan şəhəri 2018-ci ildə İslam mədəniyyətinin paytaxtı seçilib. Qədim tarixi, müasir inkişafı, zəngin mədəniyyəti və təhlükəsiz həyat şəraiti Naxçıvanda turizmin inkişafına səbəb olub.

Naxçıvan Muxtar Respublikası Ali Məclisi Sədrinin tapşırığına əsasən avqustun 18-də Şərur, Babək, Ordubad, Culfa və Şahbuz rayonlarından olan və uzun müddət ünvanlı dövlət sosial yardımı alan 8 aztəminatlı ailəyə fərdi təsərrüfatlarını qurmaq üçün hər birinə yanında bir ədəd balası olan inək verilmişdir.
Bu münasibətlə keçirilən tədbirdə Naxçıvan Muxtar Respublikasının əmək və əhalinin sosial müdafiəsi naziri Cavid Səfər­ov çıxış edərək bildirmişdir ki, Naxçıvan Muxtar Respublikası Ali Məclisi Sədrinin 2016-cı il 11 yanvar tarixli Sərəncamı ilə təsdiq edilmiş “2016-2020-ci illərdə Naxçıvan Muxtar Respublikasında əhalinin məşğulluğunun artırılması üzrə Dövlət Proqramı”nın icrasına uyğun olaraq aztəminatlı ailələrin özünüməşğulluqlarının təmin edilməsi üçün müxtəlif sosial layihələr həyata keçirilir. Belə ailələrdə ailə əməyinə əsaslanan fərdi təsərrüfatların yaradılması barədə maarifləndirici tədbirlər aparılır. Bu istiqamətdə həyata keçirilən tədbirlərin davamı olaraq Naxçıvan Muxtar Respublikası Ali Məclisi Sədrinin tapşırığı ilə uzun müddət ünvanlı dövlət sosial yardımı alan və fərdi təsərrüfatlarını qurmaq üçün müraciət edən ailələrə köməklik göstərilməsi nəzərdə tutulmuşdur. Verilmiş tapşırığın icrası ilə əlaqədar özünüməşğulluq proqramında iştirak etmək üçün müraciət edənlər içərisindən Şərur, Babək, Ordubad, Culfa və Şahbuz rayonları üzrə, ümumilikdə, 8 aztəminatlı ailə müəyyənləşdirilmişdir. Sonra həmin ailələrin təmsilçiləri təlim kurslarına cəlb edilmişdir. Bu gün isə həmin ailə­lərin hər birinə yanında bir ədəd balası olan inək veriləcəkdir.

Naxçıvan Muxtar Respublikası Dövlət Sosial Müdafiə Fondunun və Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Komitəsinin təşkilatçılığı ilə Ordubad rayonunun Sabirkənd yaşayış məntəqəsində “Mülkiyyətində olan kənd təsərrüfatına yararlı torpaqları istifadə edən torpaq mülkiyyətçiləri tərəfindən ödənilən məcburi dövlət sosial sığorta haqlarının mahiyyəti və bu sahədə tətbiq olunan elektron xidmətlər” mövzusunda maarifləndirici tədbir keçirilmişdir. 

Tədbiri Ordubad Rayon İcra Hakimiyyətinin Ərazi idarəetmə və yerli özünü­idarəetmə orqanları ilə iş şöbəsinin baş məsləhətçisi Reyhun Babayev açaraq tədbirin əhəmiyyətindən danışıb.
Tədbirdə çıxış edən Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Komitəsinin baş məsləhətçisi Tural Cəfərov torpaq üzərində mülkiyyətin növlərindən danışaraq torpaqların keyfiyyətinə görə 4 qrupa ayrıldığını bildirib. Həmçinin torpaq üzərində hüquqi və fiziki şəxslərin xüsusi mülkiyyət hüququ dövlət və bələdiyyə torpaqlarının özəlləşdirilməsi, alqı-satqısı, vərəsəliyə keçməsi, bağışlanması, dəyişdirilməsi və torpaqla bağlı digər əqdlərin bağlanma şərtləri tədbir iştirakçılarının nəzərinə çatdırılıb. Məruzəçi torpaq sahələri üzərinə yaranan hüquqların dövlət qeydiyyatına alınmasının önəmindən də danışıb.

Avqustun 17-də Kəngərli Rayon İcra Hakimiyyətində Naxçıvan Muxtar Respublikası Dövlət Baş Sığorta Agentliyi ilə birgə rayonda sığorta işinin təşkili və qarşıda duran vəzifələrin müzakirəsi ilə bağlı tədbir keçirilib.
Kəngərli Rayon İcra Hakimiyyətinin başçısı Kamal Ələkbərov tədbiri açaraq son illərdə rayonda sığorta fəaliyyəti sahəsində görülmüş işlər haqqında danışıb. Tədbirdə Naxçıvan Muxtar Respublikası Dövlət Baş Sığorta Agent­liyinin baş direktoru Hikmət Əsgərov çıxış edərək bildirib ki, cəmiyyətimizdə sığortanın inkişaf etdirilməsi və onun bir çox növlərinin tətbiq olunması günün tələblərindəndir. Bu baxımdan müasir dövrdə muxtar respublikamızın sosial-iqtisadi həyatında sığortanın əhəmiyyəti gündən-günə artmaqdadır.
Baş direktor vurğulayıb ki, muxtar respublikamızda sığorta işinin təkmilləşdirilməsi və müasir tələblərə uyğun şəkildə genişləndirilməsi işində 30 noyabr 2011-ci il tarixdə Naxçıvan Muxtar Respublikası Ali Məclisində “Muxtar respublikada sığorta fəaliyyəti və qarşıda duran vəzifələr barədə” keçirilən müşavirənin xüsusi əhəmiyyəti vardır.

Naxçıvan Muxtar Respublikasında əhalinin, xüsusilə də pensiyaçıların sosial müdafiəsi həmişə diqqət mərkəzində saxlanılıb. Həyata keçirilən məqsədyönlü tədbirlər nəticəsində muxtar respublikada əməkhaqları, pensiya və müavinətlər hər ay vaxtında ödənilir.
Bu tədbirlərin davamı olaraq 2017-ci ilin avqust ayı üçün əmək pensiyalarının ödənişi vaxtından əvvəl başa çatdırılıb. Pensiyaların ödənişi üçün tələb olunan vəsait əmək pensiyaçılarının plastik bankomat kartlarına köçürülüb. Eyni zamanda məcburi dövlət sosial sığorta ödəmələri almaq hüququ olan sığortaolunanların da plastik bankomat kart hesablarına və ya poçt ünvanlarına müavinətlərin ödənilməsi üçün vəsait köçürülüb.

Muxtar respublikada sağlamlıq imkanları ­məhdud uşaqlar dövlətimizin hərtərəfli diqqət və qayğısı ilə əhatə olunublar. Onların sosial müdafiəsi, təhsili, cəmiyyətə inteqrasiyası, habelə asudə vaxtlarının səmərəli təşkili daim diqqət mərkəzində saxlanılır və bu istiqamətdə məqsədyönlü tədbirlər həyata keçirilir. Naxçıvan Muxtar Respublikası Ali Məclisi Sədrinin 2016-cı il 11 yanvar tarixli Sərəncamı ilə təsdiq edilən “2016-2020-ci illərdə Naxçıvan Muxtar Respublikasında sağlamlıq imkanları məhdud uşaqların təhsili və reabilitasiyası üzrə Dövlət Proqramı” mühüm əhəmiyyətə malikdir. Dövlət proqramının tətil günlərində sağlamlıq imkanları məhdud uşaqların asudə vaxtlarının səmərəli təşkili bəndinin icrasına uyğun olaraq Naxçıvan Muxtar Respublikası Əmək və Əhalinin Sosial Müdafiəsi Nazirliyinin təşkilatçılığı ilə avqustun 17-də uşaqların Naxçıvan şəhərində ekskursiyası təşkil olunub.
Həmin gün sağlamlıq imkanları məhdud 20 uşaq Naxçıvan şəhərində fəaliyyət göstərən Məhdud Fiziki İmkanlılar üçün Regional İnformasiya Mərkəzində, Naxçıvan Biznes Mərkəzində, “Ləzzət Biskvit və Şokolad Fabriki” və “Gəmiqaya Mineral Sular” Məhdud Məsuliyyətli cəmiyyətlərində istehsal prosesi ilə tanış olub.
Sonra uşaqların Əyləncə və İstirahət Mərkəzində istirahətləri təşkil olunub. Nahar yeməyindən sonra onlar müxtəlif əyləncə guşələrindən və attraksionlardan istifadə ediblər. Uşaqlar ekskursiyadan xoş ovqatla ayrılıblar.

Naxçıvan Muxtar Respublikası Əmək və
Əhalinin Sosial Müdafiəsi Nazirliyinin mətbuat xidməti

Muxtar respublika ərazisində yanğın təhlükəsizliyinin etibarlı təmin olunması istiqamətində məqsədyönlü fəaliyyət göstərən Fövqəladə Hallar Nazirliyi yanacaqdoldurma məntəqələrində texniki və yanğın təhlükəsizliyi qaydalarının tələblərinə əməl edilməsi məqsədilə maarifləndirmə və profilaktik tədbirlər həyata keçirir. Bütün bunları nəzərə alaraq nazirlik yanacaqdoldurma məntəqələrində müəssisə rəhbərləri və orada çalışan insanlar tərəfindən aşağıda qeyd olunan texniki və yanğın təhlükəsizlik qaydalarının tələblərinə ciddi əməl olunmasını tövsiyə edir.
Belə ki, yanacaqdoldurma məntəqələrinin istismarı zamanı təhlükəsizliyi qaydalarının pozulması, mövcud istismar qaydalarının tələblərinə əməl olunmaması və sair kimi hadisələr yanğın və partlayış təhlükəsi yarada bilər. Bundan əlavə, yeraltı maye yanacaq saxlama çənləri olan yanacaqdoldurma məntəqələrinin yaşayış, ictimai bina və qurğuların divarlarından ən azı 50 metr məsafədə tikilib-quraşdırılması tövsiyə olunur. Bu məsafə yanacaqpaylama kolonkalarından və yeraltı maye yanacaq saxlama çənlərindən başlayaraq hesablanmalıdır. Yalnız sutka ərzində yanacaq təchizatı 500 minik avtomobilindən çox olmayan yanacaqdoldurma məntəqələrinin yuxarıda qeyd etdiyimiz obyektlərədək olan məsafələri 25 metrə qədər azaldıla bilər.

 Əhalinin maddi rifah halının yüksəlişi muxtar respublikamızın davamlı iqtisadi inkişafı ilə birbaşa bağlıdır. Bu inkişafı xarakterizə edən əsas xüsusiyyətlərdən biri əhalinin məşğulluq səviyyəsinin yüksəldilməsidir. Bu baxımdan muxtar respublikada təşkil olunan əmək yarmarkaları mühüm məşğulluq tədbiri kimi əhəmiyyətli rol oynayır. 

Naxçıvan Muxtar Respublikası Ali Məclisi Sədrinin 2016-cı il 11 yanvar tarixli Sərəncamı ilə təsdiq edilmiş “2016-2020-ci illərdə Naxçıvan Muxtar Respublikasında əhalinin məşğulluğunun artırılması üzrə Dövlət Proqramı”nın icrası ilə bağlı Dövlət Məşğulluq Xidməti orqanları tərəfindən 2017-ci ilin iyul-avqust aylarında əmək yarmarkaları keçirilib. Muxtar respublika ərazisində fəaliyyət göstərən idarə, müəssisə və təşkilatlarda olan boş iş yerləri məşğulluq mərkəzləri tərəfindən yarmarkaya çıxarılıb, kütləvi informasiya vasitələrində əmək yarmarkalarının keçirilməsi barədə məlumatlar verilib.

Sədərək rayonunda Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsinin və Sədərək Rayon İcra Hakimiyyətinin birgə təşkilatçılığı ilə rayonun istedadlı qadınlarının əl işlərindən ibarət sərgi-satış keçirilib.
Sərginin açılışında Sədərək Rayon İcra Hakimiyyətinin başçısı Həbib İbrahimov çıxış edərək bildirib ki, Naxçıvan Muxtar Respublikasında qadınların əməyinin qiymətləndirilməsi daim diqqət mərkəzindədir. Göstərilən qayğının nəticəsidir ki, rayon üzrə təhsil, səhiyyə və mədəniyyət müəssisələrində çalışan qadınlar çoxluq təşkil edir. Rayondakı qadınlardan 10-u Azərbaycan Respublikasının və Naxçıvan Muxtar Respublikasının müxtəlif dövlət mükafatlarına layiq görülüb. Artıq bir neçə ildir ki, istedadlı qadınların əl işlərinin sərgi-satışı təşkil edilir. Sədərək rayonunda keçirilən sərgidə də bütün yaşayış məntəqələrindən istedadlı qadınlar iştirak edirlər. Tədbirin təşkilində məqsəd rayon üzrə qadınların istedad və bacarıqlarını üzə çıxarmaq, milli dəyərlərimizi qorumaq, adət-ənənələrimizi gənclərə aşılamaq, mənəvi irsimizi yaşatmaqdır. İcra başçısı milli dəyərlərimizin yaşadılmasında qadınlarımıza uğurlar arzulayıb.
Tədbirdə Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsinin sədri Ramilə Seyidova çıxış edib. O bildirib ki, bu gün ölkəmizin hərtərəfli inkişafı, mövcud sabitlik, dövlət qadın siyasətinin uğurla həyata keçirilməsi, ailə dəyərlərinə yüksək qiymət verilməsi qadınların ictimai həyatda fəal iştirakına və istedadlarının üzə çıxarılmasına imkan verir. Naxçıvan Muxtar Respublikasında da qadınların bütün sahələrdə fəaliyyəti təmin olunur, min illər ərzində formalaşan milli dəyərlərimiz yaşadılır. Yaradılan şəraitin nəticəsində muxtar respublikada istedadlı qadınların sayı ildən-ilə artır.

İyul ayında muxtar respublikada işaxtaran və işsiz vətəndaşların münasib işlə təmin olunması məqsədilə keçirilən aktiv məşğulluq tədbirləri davam etdirilmiş, 285 nəfər məşğulluq xidməti orqanlarında qeydiyyatda olan vakant iş yerlərinə, 13 nəfər müvafiq peşə kurslarına göndərilmiş, 1 nəfər isə kəndlərdə xidmət mərkəzlərində müvafiq işlə təmin olunmuşdur. İşlə təmin olunanlardan 11-i ünvanlı sosial yardımla bağlı müraciət edən, 5-i isə məhdud fiziki imkanlı şəxslər olmuşdur. Naxçıvan Regional Peşə Tədris Mərkəzində xalçaçı peşəsi üzrə təşkil olunan kursu 13 nəfər bitirmişdir. Əməyin mühafizəsi tədbirlərinə də diqqət artırılmış, 49 obyektdə nəzarət tədbirləri görülmüşdür.

 Uşaqlıq illərindən sehrbazlara böyük marağım olub. Yaxşı yadımdadır, hər dəfə yeni il tətilində televizorda sehrbazların bir-birindən maraqlı gözbağlıcalarını göstərirdilər. Onlardan biri şapkasından dovşan çıxarır, digəri şarı iynə ilə deşərək o biri tərəfindən çıxarır, bir başqası isə əlcəyindən göyərçin uçururdu. O illərdə mən sehrbazların bunları necə etdiklərini bilməsəm də, dovşanın o şapkada yaşadığına özümü inandırmağa çalışırdım. Yoxsa başqa cür necə ola bilərdi ki? 

O illərin üstündən çox sular axıb, indi onlardan da əcaib-qəraib işlər görən sehrbazlar var. Arabir yenə onları televiziya ekranlarında görürəm. Ancaq indi, açığını deyim ki, bütün bunlara o qədər də inanmıram. Elə televizora baxıb “Ay səni kələkbaz!” – deyə bu sehrbazların ünvanına deyinəndə də düşünmüşəm ki, kaş yenə uşaq olaydım və bütün bunlara inanaydım. Neyləmək olar, illəri geri qaytarmaq mümkün deyil, indi bizə bu sehrbazlara baxıb, yalnız xəfifcə gülümsəmək qalır.
Ancaq ötən günlərdə qarşılaşdığım bir hadisə məni yenidən bu sehrbazlara inanmağa məcbur etdi. Özü də bu sehrbazlığı televizorda yox, elə gözümün önündəcə etmişdilər və bu o qədər cəldliklə olmuşdu ki, bu işin necə başıma gəldiyini ayırd edə bilməmişdim.

Naxçıvan Muxtar Respublikası Dövlət Sosial Müdafiə Fondu 2017-ci ilin iyul ayı ərzində əmək pensiyalarının maliyyələşdirilməsini vaxtından əvvəl başa çatdırmışdır.
“Əmək pensiyaları haqqında” Azərbaycan Respublikası Qanununa əsasən pensiya hüququ yaranmış 87 vətəndaşa əmək pensiyası təyin olunmuşdur. Yeni təyin edilən pensiyaçılardan 27-si yaşa, 28-i əlilliyə, 32-si isə ailə başçısını itirməyə görə əmək pensiyasına çıxmışlar. Fond və onun yerli orqanları tərəfindən sığorta-pensiya qanunvericiliyi sahəsində təbliğat və maarifləndirmə işləri davam etdirilmişdir.

Naxçıvan Muxtar Respublikası
Dövlət Sosial Müdafiə Fondunun mətbuat xidməti

Naxçıvan Muxtar Respublikası Ali Məclisinin Sədri yanında Bilik Fondunun təşkilatçılığı ilə Naxçıvan Muxtar Respublikası Gənclər və İdman Nazirliyi, Naxçıvan Muxtar Respublikası Ali Məclisinin Sədri yanında Gənclər Fondu və Naxçıvan Muxtar Respublikasında fəaliyyət göstərən idman federasiyaları tərəfindən 11-13 avqust tarixlərində Ağbulaq İstirahət Mərkəzində idmançıların “Yay məktəbi” təşkil edilib.
Federasiyaların 60 idmançısını Ağbulaq İstirahət Mərkəzində təşkilatçı qurumların əməkdaşları qarşılayıblar. İkigünlük istirahət pro­qrama uyğun olaraq təşkil edilib. Tanışlıqdan sonra idmançılar nahar yeməyinə yollanıblar. Onlar əvvəlcə Ağbulaq kəndi ərazisindəki təbiət abidələri ilə tanış olub, “Ağbulaq” bulağına yürüş ediblər. Daha sonra vətənpərvərlik mövzusunda film nümayiş etdirilib. İstirahətin ilk günü şahmat və stolüstü tennis idman növləri üzrə yarışlar da təşkil olunub.
İkinci gün idmançılar mərkəzin stadionunda mini-futbol qarşılaşmasında qüvvələrini sınayıblar. Sonra isə onlar üçün tamaşa göstərilib.
Növbəti günə səhər gimnastikası ilə başlayan idmançılar əyləncəli oyunlarda iştirak edib, vətənpərvərlik mövzusunda mahnılar dinləyiblər. Futbol yarışı da yaddaqalan olub. İdmançılar Şahbuz Dövlət Təbiət Qoruğunu da ziyarət ediblər. Nahar yeməyindən sonra gənclər Naxçıvan şəhərinə qayıdıblar.

Ceyhun MƏMMƏDOV

Cəmiyyət inkişaf etdikcə sığortanın faydalarından istifadə imkanları da artır. Bu sahədə aparılan işlərin təcrübəsi göstərir ki, burada müəyyən riskli hadisələr zamanı ödənilən sığorta məbləği məsələləri mühüm yer tutur. Ona görə də sığorta fəaliyyətlərinin tənzimlənməsi üzrə mövcud qanun və qaydalara görə hansı riskli halların sığorta hadisəsi hesab olunduğunun bilinməsi vacibdir.
Qeyd edək ki, sığorta gözlənilməz hadisələrdən zərərçəkmiş insanların maddi itkilərini aradan qaldırmaq məqsədi daşıyır. Başqa sözlə, sığortanın hansı hadisələrə təminat verməsi icbari sığortalarda qanunla və bağlanılmış müqavilə ilə, könüllü sığortalarda isə müəyyənləşdirilmiş qaydalar və tərəflər əsasında bağlanılmış müqavilə əsasında təyin olunur. Sığortadan gözlənilən nəticələr isə həm iqtisadi, həm də sosial səmərə baxımından çox əhəmiyyətlidir. Belə ki, sığorta olunmaqla insanlar öz həyatı, sağlamlığı və əmlakına qarşı ola biləcək müəyyən gözlənilməz və bədbəxt hadisələr nəticəsində dəymiş maddi zərərləri aradan qaldıra bilərlər.

Şahbuz şəhərində, ümummilli liderimiz Heydər Əliyevin adını daşıyan Mədəniyyət və İstirahət Parkında “Yay tətili uşaqların gözü ilə” devizi altında festival təşkil edilib.

Naxçıvan Muxtar Respublikası Təhsil Nazirliyi, Şahbuz Rayon İcra Hakimiyyəti və rayon Təhsil Şöbəsinin təşkilatçılığı ilə keçirilən festivalda Şahbuz rayonunda fəaliyyət göstərən məktəbdənkənar müəssisələrin kollektivləri iştirak ediblər.

Əvvəlcə 2016-2017-ci tədris ilində keçirilən müsabiqələrdə uğur qazanan Şahbuz rayonunun məktəbdənkənar müəssisələrinin 6 ən fəal dərnək üzvü və 6 ən yaxşı dərnək rəhbərinə Şahbuz Rayon İcra Hakimiyyətinin başçısı Rəfael Babayev və Naxçıvan Muxtar Respublikasının təhsil naziri Məmməd Qəribov tərəfindən diplomlar təqdim olunub.

 İnsan cəmiyyətində sosial həyatın bəzi aspektləri var ki, onlar zamanla dəyişmək, daim inkişafda olmaq məcburiyyətindədir. Bunlardan biri də əmək fəaliyyətidir. Bu prosesdə fiziki və əqli qabiliyyəti imkan verən hər kəs iştirak edir. Hələ qədim dövrdə insanlar özünüməşğulluqla həyatlarını davam etdirirdilər. Min illər ötüb keçdi, müasir dünyanın sosial-iqtisadi həyatında yenə özünüməşğulluq fəaliyyətinə ehtiyac yarandı. Burada söhbət fiziki və ya hüquqi şəxsdən əməkhaqqı almayaraq özünü sosial baxımdan təmin edən insanlardan gedir. Özünüməşğulluqda bir şəxs əmək prosesini təşkil edir. Gəlir əldə edilməsi isə yalnız özündən asılıdır. Burada işəgötürən yoxdur, özü öz məşğulluğunu yaradır və məsuliyyət daşıyır. Özünüməşğulluq insanların ikinci iş yeri də ola bilər. Ölkəmizin qanunvericiliyinə görə özünüməşğulluq əmək qabiliyyətli şəxslərin müstəqil surətdə özünü işlə təmin etməsidir.

İyulun 25-də beşinci çağırış Naxçıvan Muxtar Respublikası Ali Məclisinin altıncı sessiyasında Naxçıvan Muxtar Respublikası Ali Məclisinin Sədri cənab Vasif Talıbov demişdir: “Muxtar respublikada məşğulluq problemi daim diqqət mərkəzində saxlanılır. İstər dövlət, istərsə də özəl sektorda yeni iş yerləri yaradılır. Lakin əhali sayında müşahidə olunan müsbət dinamika öz növbəsində gələcəkdə yeni iş yerlərinə tələbatı artıracaqdır. Ona görə də vətəndaşlar üçün daha əlverişli olan özünüməşğulluq sisteminə keçməkdir”.

Adil Babayev adına Naxçıvan Muxtar Respublika Uşaq Kitabxanası, Naxçıvan Şəhər Polis İdarəsinin Dövlət Yol Polisi Bölməsi və 10 nömrəli uşaq bağçasının təşkilatçılığı ilə “Yaşıl işıq ver, yolu aç...” adlı tədbir keçirilib. Naxçıvan şəhərindəki 10 nömrəli uşaq bağçasının yaxınlığında keçirilən tədbirdə bağça uşaqları, müəllimlər və valideynlər iştirak ediblər.
A.Babayev adına Naxçıvan Muxtar Respublika Uşaq Kitabxanasının direktoru Kəmaləddin Axundov çıxış edərək belə tədbirlərin keçirilməsinin əhəmiyyətindən danışıb. Bildirilib ki, məqsəd uşaqların diqqətini yolda təhlükəsizlik qaydalarına yönəltmək, yol keçidi qaydaları haqqında onları məlumatlandırmaqdır.
Naxçıvan Şəhər Polis İdarəsinin Dövlət Yol Polisi Bölməsinin əməkdaşı Hüseyn Məmmədli çıxış edərək tətbiq olunan yol nişanları, onların müxtəlif qruplara bölünməsi haqqında tədbir iştirakçılarına ətraflı məlumat verib.
Valideynlər adından Aybəniz Bayramova çıxış edərək tədbirin təşkilatçılarına minnətdarlığını bildirib.
Sonra kitabxana əməkdaşları, yol polisləri yol nişanlarının köməyilə valideyn və müəllimlərlə birlikdə uşaqlara yol hərəkəti qaydalarını, piyadaların düzgün hərəkəti üçün tələb olunan normaları əyani şəkildə göstəriblər.
Sonda uşaqlar bu mövzuda şeirlər söyləyib və onlara verilən sualları cavablandırıblar. Fərqlənən uşaqlara hədiyyələr təqdim edilib.

Əli RZAYEV

Avqustun 8-də Şahbuz Rayon İcra Hakimiyyətində Naxçıvan Muxtar Respublikası Dövlət Baş Sığorta Agentliyi ilə birgə rayonda sığorta işinin təşkili və qarşıda duran vəzifələr barədə tədbir keçirilib. 

Şahbuz Rayon İcra Hakimiyyətinin ­başçısı Rəfael Babayev tədbiri açaraq sığorta fəaliyyətinin əhəmiyyətindən danışıb. Naxçıvan Muxtar Respublikası Dövlət Baş ­Sığorta Agentliyinin baş direktoru Hikmət Əsgərov çıxış edərək sığorta fəaliyyətinin muxtar respublikamızın sosial-iqtisadi inkişafındakı rolundan bəhs edib. Baş direktor vurğulayıb ki, muxtar respublikamızda sığorta işinin təkmilləşdirilməsi və müasir tələblərə uyğun şəkildə genişləndirilməsi işində 2011-ci il 30 noyabr tarixdə Naxçıvan Muxtar Respublikası Ali Məclisində “Muxtar respublikada sığorta fəaliyyəti və qarşıda duran vəzifələr barədə” keçirilən müşavirənin xüsusi əhəmiyyəti vardır.
Bildirilib ki, sığorta münasibətlərinin tənzimlənməsi və müasir tələblərə uyğun şəkildə təkmilləşdirilməsi daim dövlətin diqqət mərkəzindədir. Sığorta müxtəlif gözlənilməz hadisələr nəticəsində dəymiş maddi zərərlərin əvəzinin ödənilməsinə xidmət edir. Vətəndaşlar vaxtında öz daşınmaz əmlakını, avtonəqliyyat vasitələrini, mülki məsuliyyətini icbari qaydada sığortalamaqla baş verən gözlənilməz hadisələrdən dəymiş maddi zərərlərin ödənilməsinə təminat alırlar. Ötən müddətdə Şahbuz rayonunda da bu istiqamətdə müəyyən işlər görülüb. Belə ki, Şahbuz rayonu üzrə cari ilin ilk 6 ayı ərzində, ümumilikdə, 1111 ədəd sığorta müqaviləsi bağlanılıb. Onlardan 350-si avtonəqliyyat vasitəsi sahiblərinin mülki məsuliyyətinin icbari sığortası üzrə, 467-si isə daşınmaz əmlakın icbari sığortası üzrə bağlanılıb.

İşaxtaran vətəndaşların müvafiq iş yerləri ilə təmin olunması məqsədilə muxtar respublikanın şəhər və rayonlarında vaxtaşırı təşkil olunan əmək yarmarkaları aktiv məşğulluq tədbirlərindən sayılmaqla vətəndaşların böyük əksəriyyətinin daimi işlə təmin edilməsi baxımından mühüm əhəmiyyət daşıyır. Növbəti belə əmək yarmarkası Naxçıvan Regional Peşə Tədris Mərkəzində keçirilib.
Tədbiri giriş sözü ilə Naxçıvan Şəhər Məşğulluq Mərkəzinin direktoru Əli Məmmədov açaraq qeyd edib ki, Naxçıvan Muxtar Respublikası Ali Məclisi Sədrinin 2016-cı il yanvarın 11-də imzaladığı Sərəncam ilə təsdiq edilmiş “2016-2020-ci illərdə Naxçıvan Muxtar Respublikasında əhalinin məşğulluğunun artırılması üzrə Dövlət Pro­qramı” muxtar respublikamızda yeni iş yerlərinin açılmasına, regiondakı əmək ehtiyatlarının iqtisadi fəallığının yüksəldilməsinə öz töhfəsini verir.
Son illərdə Naxçıvan şəhərində aparılan tikinti-quruculuq işlərinin genişləndirilməsi, müxtəlif istehsal və xidmət sahələrinin yaradılması nəticəsində xeyli iş yerləri açılıb. Bu da işaxtaran vətəndaşların qarşısında geniş imkanlar açır. Keçirilən əmək yarmarkaları isə əhalinin məşğulluğunun təmin olunmasında və sosial müdafiəsinin yaxşılaşdırılmasında mühüm rol oynayır.
Naxçıvan Şəhər İcra Hakimiyyətinin əməkdaşı İsmayıl Gülməmmədov bildirib ki, aparılan məqsədyönlü siyasət nəticəsində muxtar respublika sakinlərinin rifah halı yaxşılaşıb. Mütəmadi olaraq təşkil edilən əmək yarmarkaları isə əhalinin məşğulluğunun təmin edilməsi istiqamətində qarşıya qoyulan vəzifələrin icrası yönündə həyata keçirilən tədbirlərdəndir.
Qeyd edək ki, əmək yarmarkasına 62 müəssisədən 575 boş iş yeri təqdim olunub. Yarmarkada 42 nəfərə işə göndəriş verilib.

 Nail ƏSGƏROV

İşıq və qaranlıq! Hər ikisi ana təbiətin möcüzəsi, canlı aləmin yaranışı, hər ikisi həyatın bir fəlsəfəsidir. Onlar olmasa, həyat da olmaz. Ancaq insan oğlu yaranışından işığı, onu yaradan alovu seçib, ona tapınıb. Qaranlıqdan, zülmətdən işığa can atıb. Ulularımızın “İşıq qarşısında qaranlıq durmaz”, “Hər qaranlıq gecənin bir işıqlı sabahı var”, “Gecənin xeyrindənsə, gündüzün şəri yaxşıdır” kimi deyimləri ilə yanaşı, nağıl qəhrəmanlarımızdan Məlikməmmədin Ağ qoçun üstündə, Simurq quşunun qanadında qaranlıq dünyadan işıqlı dünyaya çıxması, Cırtdanın işıq gələn tərəfə üz tutması və sair folklor nümunələrimiz insan oğlunun aydın sabahlara inamını göstərir.

Bəli, işıq yaşamaq, qurmaq, yaratmaq, ümid, həyat deməkdir. Qaranlıqdan aydınlığa gedən yolun yolçusu isə mübariz insanlardır. Çünki insanlar qaranlıqları yox etmək, yaşamaq üçün daim mübarizə aparıblar. Həmişə kədəri, çətinliyi qaranlıq gecəyə bənzədən bəşər övladı qurub-yaratmağı, xoşbəxtliyi, firavanlığı işıqlı sabaha bənzədib.
İnsanlar işdən sonra istirahət etməyə, dincəlməyə, axşam gəzintisinə çıxmağa həyat eşqi, həyat amalı kimi baxıb, sevincini bölüşmək, xəyallara dalmaq, arzuların qanadında uçmaq üçün istirahət ocaqları – parklar, xiyabanlar salıb, ətrafına güllər, çiçəklər əkiblər. Uşaqların mənalı istirahətlərini təmin etmək, onların zövqünü oxşamaq üçün əyləncə mərkəzləri yaradan, yurdumuzu, yuvamızı ilham mənbəyinə çevirən insanlar bu yerlərə sanki nur paylayıblar. Könlümüzü oxşayan belə axşamlarda yorğun insanlar, əyləncə yarışına çıxan uşaqlar, bir-birinə xatirələrini danışan qocalar, ahıllar daha xoşbəxt görünürlər.

Sədərək rayonunun mərkəzi Heydərabad qəsəbə tam orta məktəbində şagirdlərin yay tətilinin səmərəli təşkili məqsədilə sərgi təşkil olunub.
Məktəblilərin əl işlərindən ibarət “İstedadlar sorağında” adlı sərgi rayon Gənclər və İdman İdarəsi, Təhsil Şöbəsi və Uşaq Yaradıcılıq Mərkəzinin birgə təşkilatçılığı ilə həyata keçirilib. Sərgini keçirməkdə məqsəd istedadlı uşaqların aşkara çıxarılması, onların öz bacarıqlarını inkişaf etdirmələri və mövcud şəraitdən maksimum yararlanmalarına köməklik göstərməkdən ibarət olub.
Sərgilənən əl işlərində məktəblilər öz istedad və bacarıqlarını nümayiş etdiriblər.

Ceyhun MƏMMƏDOV

Yay mövsümünün əvəzedilməz giləmeyvələri içərisində qarpız xüsusi yer tutur. Giləmeyvə deyəndə gilas, gilənar, quşüzümü, moruq, çiyələk yada düşür. Amma qarpızın da ən böyük və dadlı giləmeyvə olduğunu unutmayaq. Qarpızın vətəni Cənubi Afrikadır. Elə indi də Kalaxari səhrasında balaca, yumru meyvələri olan yabanı qarpıza rast gəlmək olur. Bağçaçılıq işlərinə aid kitablarda qarpızla bağlı məlumatlar 1500-cü illərə təsadüf edir. O vaxtdan qarpız hər kəsin sevimli qidasına çevrilmişdir. Qeyd edək ki, qarpız araba ilə daşındığından uzaq ölkələrdən gətirilənə qədər yolda xarab olur, itirilirdi. Bu səbəbdən çar Alekseyin gizli əmrinə görə, Orta Asiya, Azərbaycan və Həştərxandan toxum və qarpız əkib-becərən ustalar Moskvaya gətirildi, Moskva ətrafında parnik üsulu ilə qarpız yetişdirilməyə başlandı. Hazırda Ukrayna, Moldova, Qazaxıstan, Özbəkistan, Cənubi Qafqazda minlərlə hektar ərazidə qarpız əkilir. Orta Asiya və Azərbaycan qarpızının şöhrəti dünyaya yayılmışdır. Naxçıvan Muxtar Respublikasında da qarpızın yetişdirilməsi üçün ideal şərait mövcuddur.

“Bağça meyvələrini bu çeşiddə, bu dadda heç yerdə görmədim. Bunlar: alma, heyva, əncir, qovun və qarpızdır”, – bu sözlər 300 il bundan əvvəl Cənubi Qafqaza səyahət edən alman alimi Adam Oleariyə aiddir.

İyulun 28-də Ordubad Rayon İcra Hakimiyyətində Naxçıvan Muxtar Respublikası Dövlət Baş Sığorta Agentliyi tərəfindən rayonda sığorta işinin təşkili və qarşıda duran vəzifələr barədə tədbir keçirilib. 

Tədbiri Ordubad Rayon İcra Hakimiyyətinin başçısı Elşad Məmməd­ov açaraq rayonda sığorta sahəsində görülmüş işlərdən danışıb. Sonra Naxçıvan Muxtar Respublikası Dövlət Baş Sığorta Agentliyinin baş direktoru Hikmət Əsgər­ov çıxış edərək muxtar respublikanın iqtisadi və sosial həyatında sığorta işinin rolundan bəhs edib. Qeyd olunub ki, ölkəmizdə qüvvədə olan mövcud qanunlara əsasən sığorta xidmətlərindən istifadə edən vətəndaşlar müxtəlif yerlərdə baş verə biləcək gözlənilməz hadisələrdən dəyən maddi zərərlərin ödənilməsinə etibarlı təminat alırlar.
Bildirilib ki, Ordubad rayonu üzrə cari ildə 5016 sığorta müqaviləsi bağlanıb, onlardan 1176-sı avtonəqliyyat vasitəsi sahiblərinin mülki məsuliyyətinin, 1748-i daşınmaz əmlakın icbari sığortası olub.
Hikmət Əsgərov rayonda daşınmaz əmlakın, avtonəqliyyat vasitəsi sahiblərinin mülki məsuliyyətinin icbari sığortaları, ev əmlakı və fərdi qəza sığortaları və digər sığorta növləri üzrə görülmüş işlərdən və qarşıda duran vəzifələrdən danışaraq vurğulayıb ki, qanuna əsasən icbari qaydada sığortanın şamil olunduğu bütün obyektlərin sığortası təmin edilməlidir. Son dövrlərdə Ordubad rayonunda sığorta sahəsində görülmüş işlərlə bərabər, vətəndaşlara və sahibkarlara məxsus daşınmaz əmlakın icbari sığortası, avtonəqliyyat vasitəsi sahiblərinin mülki məsuliyyətinin icbari sığortası üzrə hələ də sığorta olunmayan hüquqi və fiziki şəxslər qalmaqdadır. Bu məqsədlə Ordubad rayonunda fəaliyyət daha da genişləndirilməli və maarifləndirmə işlərinə diqqət artırılmalıdır.

İyulun 27-də Kəngərli rayonunda növbəti əmək yarmarkası keçirilib.
Tədbiri Kəngərli Rayon Məşğulluq Mərkəzinin direktoru Səxavət Həsənov açıb. Bildirib ki, muxtar respublikamızda həyata keçirilən məşğulluq tədbirləri əhalinin sosial müdafiəsinin gücləndirilməsində, insanların daimi işlə təmin olunmasında mühüm rol oynayır. Bu sahədə həyata keçirilən tədbirlər sakinlər tərəfindən onlara göstərilən böyük qayğı kimi dəyərləndirilir.
Kəngərli Rayon İcra Hakimiyyəti başçısının müavini Hacırəddin Mehbalıyev çıxış edərək deyib ki, iş­axtaran vətəndaşların, xüsusilə də gənc­lərin sosial müdafiəsinin gücləndirilməsi, onların münasib işlə təmin olunmaları məqsədilə Naxçıvan Muxtar Respublikası Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti tərəfindən bir sıra aktiv məşğulluq tədbirləri həyata keçirilir. Bu tədbirlər içərisində əmək yarmarkaları öz əhəmiyyəti ilə seçilir.

Təbiətə gözəllik bəxş edən, oksigen mənbəyi olan meşələrin məhv ­olmasının əsas səbəblərindən biri də onun yanğınlara məruz qalmasıdır. Məhz buna görə insanların həyat fəaliyyətində mühüm rol oynayan meşələrin yanğından qorunması istiqamətində qabaqlayıcı tədbirlər görülür.

Bu məqsədlə Naxçıvan Muxtar Respublikası Fövqəladə Hallar, Ekologiya və Təbii Sərvətlər nazirlikləri ilə birgə tərtib edilmiş tədbirlər planına uyğun olaraq muxtar respublika ərazisində yerləşən meşələrdə və yeni salınmış yaşıllıq zolaqlarında vətəndaşlar tərəfindən yanğın təhlükəsizliyi qaydalarına əməl olunması məqsədilə maarifləndirmə və profilaktik tədbirlər həyata keçirilir. Həmçinin isti yay günlərində vətəndaşların istirahət üçün üz tutduqları məkanlardan biri olan Batabat meşəsində yanğın təhlükəsizliyi qaydalarına əməl olunması məqsədilə Dövlət Yanğın Təhlükəsizliyi İdarəsinin Şahbuz Rayon Dövlət Yanğın Təhlükəsizliyi Şöbəsinin əməkdaşları tərəfindən gündəlik olaraq patrul xidmətləri təşkil olunmuşdur.
Naxçıvan Muxtar Respublikası Fövqəladə Hallar Nazirliyi təbiətin əvəzsiz sərvəti olan meşələrin yanğınlardan qorunması üçün isti yay günlərində vətəndaşlara yanğın təhlükəsizliyi qaydalarına ciddi riayət etmələrini tövsiyə edir. Cavabdeh şəxslər, o cümlədən meşə mühafizə mühəndisləri meşələrin yanğın təhlükəsizliyi qaydalarını bilməklə meşə sahələrində və zolaqlarında yanğına qarşı ciddi rejim təyin etməli və ona riayət olunmasını daim nəzarətdə saxlamalıdırlar. Meşə təsərrüfatının rəhbər işçiləri yanğınsöndürmə texnikaları və vasitələrinin, təbii və süni su mənbələrinin, keçidlərin, yolların vəziyyətini daim yoxlamalı, mütəmadi olaraq işçilərlə yanğınsöndürmə xidmətinin çağırılması, yanğınsöndürmə avadanlıqlarından düzgün istifadə edilməsi ilə əlaqədar təlimlər keçirməlidirlər.

Əmək yarmarkalarının keçirilməsi muxtar respublikamızda əhalinin məşğulluğunun təmin olunmasında mühüm rol oynayır. Bu tədbirlərin davamı kimi iyulun 26-da Sədərək rayonunda növbəti əmək yarmarkası keçirilib.
Tədbirdə çıxış edən rayon Məşğulluq Mərkəzinin direktoru Həsən Nəsirov qeyd edib ki, əhalinin məşğulluğunun artırılması istiqamətində həyata keçirilən tədbirlərin davamlılığının təmin edilməsi məqsədilə qəbul edilmiş “2016-2020-ci illərdə Naxçıvan Muxtar Respublikasında əhalinin məşğulluğunun artırılması üzrə Dövlət Proqramı” muxtar respublikamızda sahibkarlığın inkişaf etdirilməsinə, yeni iş yerlərinin yaradılmasına, regiondakı əmək ehtiyatlarının iqtisadi fəallığının yüksəldilməsinə öz töhfəsini verir. Bu proqram əmək ehtiyatlarının əmək bazarına uyğunlaşdırılması və işaxtaranların sosial müdafiəsi üçün yeni imkanlar yaradır.

Naxçıvan Muxtar Respublikası Ali Məclisinin Sədri yanında Bilik Fondunun Ağbulaq İstirahət Mərkəzində təşkil etdiyi gənc­lərin “Yay məktəbi” davam edir.
Naxçıvan Muxtar Respublikasının Gənclər və İdman, Mədəniyyət və Turizm nazirlikləri, Naxçıvan Muxtar Respublikası Ali Məclisinin Sədri yanında Gənclər Fondu, Naxçıvan Musiqi Kolleci, Naxçıvan Muxtar Respublikası Həmkar­lar İttifaqları Şurası və Yeni Azərbaycan Partiyası Naxçıvan Muxtar Respublika Təşkilatının iştirakı ilə reallaşdırılan “Yay məktəbi”ndə əvvəlcə gənclər İstirahət Mərkəzi ilə tanış olmuşlar. Məktəbin ilk günü onlar stolüstü idman oyunları oynamış, onlar arasında “Nuh yurdu” intellektual oyunu keçirilmiş, günün sonunda isə aprel döyüşlərindən bəhs edən “Qarabağa doğru” sənədli filmə baxmışlar.
İkinci gün “Yay məktəbi”nin iştirakçıları arasında müxtəlif idman və əyləncəli oyunlar keçirilmiş, Naxçıvan Musiqi Kolleci tələbələrinin ifasında müxtəlif şeirlər və musiqi nömrələri səsləndirilmiş, Şahbuz Rayon Mədəniyyət və Turizm Şöbəsinin kollektivinin konsert proqramı təşkil olunmuşdur. Günün sonunda isə şəhid Toğrul Məmmədova həsr olunmuş “Vətən uğrunda” sənədli filmi nümayiş etdirilmişdir.
Üçüncü gün isə gənclərin Şahbuz Dövlət Təbiət Qoruğuna gəzintisi təşkil olunmuş, gəzinti zamanı çəkilmiş fotoşəkillərin müsabiqəsi keçirilmişdir. Fərqlənən fotoşəkillərin müəllifləri, həmçinin “Nuh yurdu” intellektual oyununda və “Yay məktəbi”ndə fəal iştirak edənlər Naxçıvan Muxtar Respublikası Gənclər və İdman Nazirliyinin fəxri fərmanları ilə təltif olunmuşlar. Günün sonunda isə gənclər Naxçıvan şəhərinə yola düşmüşlər.
“Yay məktəbi”ndə Naxçıvan Musiqi Kollecində təhsil alan 60 nəfər tələbə iştirak etmişdir.

 Ceyhun MƏMMƏDOV

Naxçıvan Muxtar Respublikası Ali Məclisi Sədrinin 2016-cı il 11 yanvar tarixli Sərəncamı ilə təsdiq edilmiş “2016-2020-ci illərdə Naxçıvan Muxtar Respublikasında sağlamlıq imkanları məhdud uşaqların təhsili və reabilitasiyası üzrə Dövlət Proqramı”nda bu kateqoriyadan olan uşaqların asudə vaxtının səmərəli təşkili üçün bir sıra tədbirlərin keçirilməsi nəzərdə tutulub.
Belə tədbirlərdən biri iyulun 22-də olub. M.T.Sidqi adına Naxçıvan Dövlət Kukla ­Teatrında sağlamlıq imkanları məhdud uşaqlar üçün göstərilən tamaşa onlar tərəfindən maraqla qarşılanıb.
Dövlət proqramından irəli gələn vəzifələrin yerinə yetirilməsi və bu qəbildən olan tədbirlərin uşaqların tərbiyəsində, onların dünyagörüşünün formalaşmasında mühüm rol oynadığını nəzərə alaraq həmin tədbirlər müntəzəm şəkildə davam ­etdiriləcəkdir.

Naxçıvan Muxtar Respublikası Əmək və Əhalinin
Sosial Müdafiəsi Nazirliyinin mətbuat xidməti

İyulun 21-də Babək Rayon İcra Hakimiyyətində Naxçıvan Muxtar Respublikası Dövlət Baş Sığorta Agentliyi ilə birgə rayonda sığorta işinin mövcud vəziyyəti və qarşıda duran vəzifələr barədə tədbir keçirilib.
Tədbiri giriş sözü ilə Babək Rayon İcra Hakimiyyətinin başçısı Rasim Hüseynov açaraq, rayonda sığorta sahəsində görülmüş işlərdən danışıb. Daha sonra çıxış edən Naxçıvan Muxtar Respublikası Dövlət Baş Sığorta Agentliyinin baş direktoru Hikmət Əsgərov müasir dövrdə muxtar respublikamızın sosial-iqtisadi inkişafında sığortanın əhəmiyyətindən bəhs edib.
Baş direktor qeyd edib ki, müxtəlif gözlənilməz hadisələr nəticəsində yaranan maddi zərərlərin əvəzinin ödənilməsində sığorta mühüm əhəmiyyət daşıyır. Belə ki, vətəndaşlar vaxtında öz daşınmaz əmlakını, avtonəqliyyat vasitələrini, mülki məsuliyyətini icbari qaydada sığortalamaqla gözlənilməz hadisələrdən dəymiş maddi zərərlərin ödənilməsinə təminat alırlar.
Bildirilib ki, Babək rayonu üzrə cari ilin ilk 6 ayında, ümumilikdə, 6724 sığorta müqaviləsi bağlanılıb. Onlardan avtonəqliyyat vasitəsi sahiblərinin mülki məsuliyyətinin icbari sığortası üzrə 835, daşınmaz əmlakın icbari sığortası üzrə 2148 sığorta müqaviləsi bağlanılıb.

Ümummilli liderimiz Heydər Əliyevin müəyyənləşdirdiyi məşğulluq strategiyası bu gün Azərbaycan Respublikasının Prezidenti cənab İlham Əliyev tərəfindən uğurla davam etdirilir. Muxtar respublikamızda da həyata keçirilən məşğulluq tədbirləri əhalinin sosial müdafiəsinin gücləndirilməsində, insanların daimi işlə təmin olunmasında mühüm rol oynayır.
Naxçıvan Muxtar Respublikası Ali Məclisi Sədrinin 2016-cı il 11 yanvar tarixli Sərəncamı ilə təsdiq edilmiş “2016-2020-ci illərdə Naxçıvan Muxtar Respublikasında əhalinin məşğulluğunun artırılması üzrə Dövlət Proqramı” da bu məqsədə xidmət edən mühüm dövlət sənədidir. Proqramda nəzərdə tutulan tədbirlərin yerinə yetirilməsi istiqamətində görülən işlər muxtar respublika sakinləri tərəfindən insan amilinə, onun layiq olduğu səviyyədə yaşamasına qayğı kimi dəyərləndirilir.

Yay mövsümündə havaların istiləşməsi ilə əlaqədar dondurmalara tələbat və müvafiq olaraq ticarət obyektlərində bu cür məhsulların çeşidləri artır. Heç şübhəsiz ki, bol çeşid istehlakçılar üçün geniş seçim imkanı yaradır. Belə olan halda kənar təsirlərə həssas olan bu məhsulların saxlanılması və realizəsi zamanı zəruri tələblərə diqqət edilməlidir. Belə ki, dondurmalar normativ-texniki sənədlərlə müəyyən edilmiş rejimdə saxlanılmalı, istehlakçıya satış zamanı ixtisaslaşdırılmış vitrinlərdən istifadə olunmaqla təqdim edilməlidir. Bu baxımdan istehlakçılara dondurma alarkən diqqət etməli olduqları zəruri məsələlər haqqında məlumat verəcəyik.
Dondurma yüksək qidalılıq dəyərinə malik, orqanizm tərəfindən asan həzm olunan qida məhsuludur. Onun istehsalında, əsasən, süd, şəkər, yumurta, kərə yağı, dad və ətirverici, stabilləşdirici və sair maddələrdən istifadə olunur. Süd əsasında hazırlandığından tərkibində süd yağı, zülallar, mineral maddələr, vitaminlər və sair vardır. Dondurma hər gün istehlak edilməsi vacib olan süd və süd məhsulları arasında xüsusi yerlərdən birini tutur. Yəni sərinləmək üçün yediyimiz dondurmanın insan sağlamlığında əhəmiyyətli rolu vardır.

Yoxsulluq, işsizlik bütün dövrlərdə cəmiyyəti narahat edən əsas sosial problemlərdən biri olub. Dünya ölkələri bu ciddi problemlərlə tarixboyu mübarizə aparıb, onun aradan qaldırılmasına çalışıblar. Azərbaycanda da işsizlik problemləri hər zaman aktual sayılıb, yalnız ötən əsrin 70-ci illərindən başlayaraq ümummilli liderimiz Heydər Əliyevin ölkəmizə rəhbərliyi dövründə respublikamızda əhalinin məşğulluq məsələləri diqqət mərkəzində saxlanılıb, müxtəlif sahələrin inkişafı ilə əlaqədar yeni iş yerləri yaradılıb. Bu da ölkə əhalisinin sosial rifahının ilbəil yüksəlməsinə imkan verib. Ancaq müstəqilliyimizin ilk illərində ölkəni bürüyən siyasi böhran və iqtisadi tənəzzül əhalinin həyat şəraitinin aşağı düşməsinə səbəb olub, nəticədə, yoxsulluq səviyyəsi yüksəlib.

1993-cü ildə ulu öndər Heydər Əliyevin ölkə rəhbərliyinə qayıdışından sonra Azərbaycan yeni inkişaf mərhələsinə qədəm qoyub. Bu dövrdən başlayaraq əhalinin sosial müdafiəsinin gücləndirilməsi və yoxsulluğun aradan qaldırılması istiqamətində ardıcıl tədbirlər görülüb, bu sahədə dövlət proqramları qəbul olunaraq icra edilib. Xüsusilə ötən dövrdə ölkəmizdə regionların sosial-iqtisadi inkişafı, eləcə də yoxsulluğun azaldılması və davamlı inkişaf haqqında qəbul edilmiş dövlət proqramları əhalinin sosial müdafiəsinin gücləndirilməsinə, yoxsulluğun azaldılmasına şərait yaradıb.

İyulun 11-13-də Naxçıvan Muxtar Respublikası Ali Məclisinin Sədri yanında Bilik Fondunun təşkilatçılığı ilə Ağbulaq İstirahət Mərkəzində gənclərin “Yay məktəbi” təşkil olunub.
“Yay məktəbi”nin proqramına uyğun olaraq gənclər Naxçıvan şəhərindən Ağbulaq İstirahət Mərkəzinə yola düşüb və İstirahət Mərkəzi ilə tanış olublar. Məktəbin ilk günü gənclər stolüstü idman oyunları oynayıb, onlar arasında “Nuh yurdu” intellektual oyunu keçirilib, günün sonunda isə gənclərə aprel döyüşlərindən bəhs edən “Qarabağa doğru” sənədli filmi nümayiş olunub.
İkinci gün iştirakçılar arasında müxtəlif idman oyunları, “Nə? Harada? Nə zaman?” intellektual oyunu keçirilib, Naxçıvan Dövlət Texniki Kollecinin “Şən və hazırcavablar” klubunun üzvlərinin hazır­ladığı səhnəciklər göstərilib, konsert proqramı təşkil olunub, şəhid Toğrul Məmməd­ova həsr olunmuş “Vətən uğrunda” sənədli filmi nümayiş etdirilib.
“Yay məktəbi”nin sonuncu günü isə gənclərin Şahbuz Dövlət Təbiət Qoruğuna gəzintisi təşkil olunub.
“Yay məktəbi”ndə Naxçıvan Dövlət Texniki Kollecində təhsil alan 60 nəfər tələbə iştirak edib.

Ceyhun MƏMMƏDOV

Böyük satirik, ədib Cəlil Məmmədquluzadənin yaşadığı dövrdən uzun müddət keçsə də, əsərlərində əks olunan məsələlərin bəziləri günümüzdə də aktualdır. Görkəmli dramaturq öz əsərlərində cəmiyyət həyatında baş verən eybəcərlikləri üzə çıxarır, avamlığı, geriliyi, cahilliyi, savadsızlığı tənqid edir. Onun bu mövzuda qələmə aldığı əsərlərindən biri də “Saqqallı uşaq” hekayəsidir.
Hekayənin qəhrəmanı Kəblə Əzim nisyə verdiyi südün və yumurtanın hesabını itirməmək üçün divara inək, onun yanında yumurta şəkli çəkir. Kəblə Əzim savadsız adam olduğu üçün bu şəkilləri divara çəkirdi ki, nisyə verdiyi südün, yumurtanın pulu yadından çıxmasın. Neyləsin, yazıq kişi yazı bilmirdi, pozu bilmirdi. O dövrdən çox vaxt keçsə də, bu gün də Kəblə Əzimlər vardır. Nəzərə alsaq ki, o dövrün yaşayış şəraiti indiki qədər yaxşı deyildi, üstəlik, elm, təhsil yüksək dərəcədə inkişaf etməmişdi, onda Kəblə Əzimə haqq qazandırmaq olar. Bəs, görəsən, necə olur ki, bu gün də Kəblə Əzim kimiləri peyda olur?..
Bu gün muxtar respublikamızda əhalinin mənzil-məişət şəraitinin yaxşılaşdırılması istiqamətində bir sıra tədbirlər həyata keçirilir. Yeni-yeni yaşayış binaları inşa olunur, köhnə binalar yenidən təmir edilir. Ötən dövr ərzində Naxçıvan şəhəri də daxil olmaqla, digər rayon mərkəzlərində də yüzlərlə yaşayış binası əsaslı təmir olunub, mənzillərin sahəsi genişləndirilib, binaların əksəriyyətinin təməli möhkəmləndirilərək əlavə mərtəbələr artırılıb, binalar müasir kommunikasiya xətləri ilə təmin edilib.

Ordubad Rayon Mədəniyyət Evinin foyesində rayonun istedadlı qadınlarının əl işlərindən ibarət sərgi-satış keçirilib.
Tədbirdə Ordubad Rayon İcra Hakimiyyətinin başçısı Elşad Məmmədov çıxış edərək bildirib ki, Naxçıvan Muxtar Respublikasında qadınların əməyinin qiymətləndirilməsi daim diqqət mərkəzindədir. Göstərilən qayğının nəticəsidir ki, rayon üzrə təhsil, səhiyyə və mədəniyyət müəssisələrində çalışanların 76 faizi­ni qadınlar təşkil edir. Rayondakı qadınlardan 23 nəfəri Azərbaycan Respublikasının və Naxçıvan Muxtar Respublikasının müxtəlif dövlət mükafatlarına layiq görülüb. Artıq bir neçə ildir ki, istedadlı qadınların əl işlərinin sərgi-satışı təşkil edilir. Ordubad rayonunda keçirilən sərgidə də bütün yaşayış məntəqələrindən istedadlı qadınlar iştirak edirlər. Tədbirin təşkilində məqsəd rayon üzrə qadınların istedad və bacarıqlarını üzə çıxarmaq, milli dəyərlərimizi qorumaq, adət-ənənələrimizi gənclərə aşılamaq, mənəvi irsimizi yaşatmaqdır.

Muxtar respublikamızda sağlamlıq imkanları məhdud uşaqların asudə vaxtlarını səmərəli təşkil etmək, eyni zamanda istedadlarını aşkara çıxarmaq, həmçinin onların yaradıcılıq imkanlarını genişləndirmək, intellektual səviyyələrini artırmaq üçün təşkil edilən məqsədyönlü tədbirlər diqqət mərkəzində saxlanılır.
Naxçıvan Muxtar Respublikası Əmək və Əhalinin Sosial Müdafiəsi Nazirliyinin 11 iyul tarixdə Məhdud Fiziki İmkanlılar üçün Naxçıvan Regional İnformasiya Mərkəzində sağlamlıq imkanları məhdud uşaqların intellektual dünyagörüşlərini nümayiş etdirmələri üçün “Yurdumuzu tanıyaq” bilik müsabiqəsi təşkil etməsi həmin tədbirlərin davamıdır. Müsabiqədə sağlamlıq imkanları məhdud 10 uşaq iştirak edib. Onlara 24 sual təqdim edilib.
Müsabiqənin qaliblərinə diplomlar, digər iştirakçılara isə həvəsləndirici diplomlar verilib.
Məlumat üçün bildirək ki, Naxçıvan Uşaq Bərpa Mərkəzində müalicə alan hərəkət qabiliyyəti məhdud bir uşaq mərkəzə yenicə istifadəyə verilmiş əlillər üçün xüsusi nəqliyyat vasitəsi ilə müsabiqəyə gətirilib.
Naxçıvan Regional İnformasiya Mərkəzində isə görmə qabiliyyəti məhdud məktəbli uşaqlar üçün “Könül işığı” jurnalının “Şəfəq” adlı xüsusi buraxılışı hazırlanıb.
Qeyd edək ki, tədbir “2016-2020-ci illərdə Naxçıvan Muxtar Respublikasında sağlamlıq imkanları məhdud uşaqların təhsili və reabilitasiyası üzrə Dövlət Proqramı”ndan irəli gələn vəzifələrin yerinə yetirilməsi məqsədilə keçirilib.

Naxçıvan Muxtar Respublikası Əmək və Əhalinin
Sosial Müdafiəsi Nazirliyinin mətbuat xidməti

Naxçıvan Muxtar Respublikası Əmək və Əhalinin Sosial Müdafiəsi Nazirliyi tərəfindən 2017-ci ilin birinci yarısında aktiv məşğulluq tədbirləri davam etdirilmişdir.
Bu dövrdə 1299 nəfər məşğulluq xidməti orqanlarında qeydiyyatda olan vakant iş yerlərinə, sosial müdafiəyə xüsusi ehtiyacı olan və işə düzəlməkdə çətinlik çəkən 6 şəxs kvota yerlərinə göndərilmiş, 136 nəfər haqqıödənilən ictimai işə cəlb olunmuşdur. İşlə təmin edilənlərdən 56-sı məhdud fiziki imkanlı şəxs, 1-i cəzaçəkmə müəssisəsindən azad edilən, 4-ü isə hərbi xidmətdən yeni tərxis olunanlardır. Qeyd olunan dövrdə 44 nəfər kəndlərdəki xidmət mərkəzlərində, keçirilən əmək yarmarkalarında isə 206 işaxtaran peşə və ixtisasına uyğun işlə təmin olunmuşdur.
Naxçıvan Regional Peşə Tədris Mərkəzində əmək bazarının tələbləri nəzərə alınaraq müxtəlif peşə sahələri üzrə kurslar təşkil olunmuş, kurslara 207 nəfər cəlb edilmişdir. Naxçıvan Muxtar Respublikası Ali Məclisi Sədrinin tapşırığına əsasən iyunun 14-də Şərur, Babək, Ordubad və Culfa rayonlarından olan və uzun müddət ünvanlı dövlət sosial yardımı alan 15 aztəminatlı ailəyə fərdi təsərrüfatlarını qurmaq üçün cins inəklər verilmişdir.

Naxçıvan Muxtar Respublikası Ali Məclisi Sədrinin 2016-cı il 11 yanvar tarixli Sərəncamı ilə “2016-2020-ci illərdə Naxçıvan Muxtar Respublikasında sağlamlıq imkanları məhdud uşaqların təhsili və reabilitasiyası üzrə Dövlət Proqramı” təsdiq edilmişdir. Bu proqram Naxçıvan Muxtar Respublikasında sosial-iqtisadi islahatların uğurla həyata keçirilməsi, kadr potensialının təkmilləşməsi və hər bir sağlamlıq imkanları məhdud uşağın layiqli vətəndaş kimi cəmiyyətə inteqrasiya olunması üçün əlverişli şərait yaradır. 

Proqramın əsas məqsədi muxtar respublikamızda yaşayan sağlamlıq imkanları məhdud uşaqların təhsil hüquqlarının təmin olunması, ink­lüziv təhsilə keçid imkanlarının artırılması, distant təhsilin inkişaf etdirilməsi, sağlamlıq imkanları məhdud uşaqların sosial reabilitasiyasında müasir üsulların tətbiq edilməsi, onların müasir informasiya texnologiyalarından istifadə imkanlarının artırılması, eləcə də təlim-tərbiyəsi ilə əlaqədar müvafiq pedaqoji kadrların hazırlanmasıdır. Proqramın icrası ilə bağlı aid dövlət orqanları, o cümlədən Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsi sağlamlıq imkanları məhdud uşaqların cəmiyyətə inteqrasiyası və təlim-tərbiyəsi ilə əlaqədar müvafiq tədbirlər həyata keçirmişdir. Belə ki, muxtar respublika üzrə 18 yaşadək sağlamlıq imkanları məhdud olan 2024 nəfər uşaqdan 251 nəfərinin məktəbəqədəryaşlı olduğu müəyyənləşdirilmiş və onlar haqqında məlumat bazası yaradılmışdır.

İyul ayının 7-9-da Naxçıvan Muxtar Respublikası Ali Məclisinin Sədri yanında Bilik Fondunun təşkilatçılığı ilə Naxçıvan Muxtar Respublikasının Gənclər və İdman Nazirliyi, Naxçıvan Muxtar Respublikası Ali Məclisinin Sədri yanında Gənclər Fondu, “Naxçıvan” Universiteti, Naxçıvan Muxtar Respublikası Həmkarlar İttifaqları Şurası və Yeni Azərbaycan Partiyası Naxçıvan Muxtar Respublika Təşkilatının İcra Katibliyinin iştirakı ilə Ağbulaq İstirahət Mərkəzində gənclərin “Yay məktəbi” təşkil olunub.
Naxçıvan şəhərindən Ağbulaq İstirahət Mərkəzinə yola düşən gənclər əvvəlcə mərkəz ilə tanış olublar. Burada ilk gün ərzində gənclər stolüstü idman oyunları oynayıb, onlar arasında “Nuh yurdu” intellektual oyunu keçirilib.

Naxçıvan Muxtar Respublikası Əmək və Əhalinin Sosial Müdafiəsi Nazirliyi tərəfindən yay tətili günlərində sağlamlıq imkanları məhdud uşaqların asudə vaxtlarının səmərəli təşkili məqsədilə tədbirlər planı tərtib edilib. Tədbirlər planına uyğun olaraq uşaqların milli və mədəni irsin qorunub saxlandığı, təbliğ və nümayiş olunduğu mədəniyyət ocaqlarına, tarixi-memarlıq abidələrinə ekskursiyalarının təşkili nəzərdə tutulub.
İyulun 7-də sağlamlıq imkanları məhdud 30 uşaq Heydər Əliyev Muzeyini, Naxçıvan Dövlət Tarix Muzeyini, “Xan Sarayı” Dövlət Tarix-Memarlıq, Möminə Xatın və Açıq Səma Altında Muzey Kompleksini ziyarət edib. Muzeylərdə uşaqlara milli dövlətçiliyimiz, tarixi-memarlıq abidələrimiz və tarixi şəxsiyyətlərimiz haqqında ətraflı məlumat verilib.
Tədbir uşaqlarda xoş ovqat yaradıb. Uşaqların muzey və tarixi-memarlıq abidələrinə ekskursiyaları davam edir.

Naxçıvan Muxtar Respublikası
Əmək və Əhalinin Sosial Müdafiəsi Nazirliyinin mətbuat xidməti

Naxçıvan Muxtar Respublikası Dövlət Sosial Müdafiə Fondunda fondun yerli orqanlarının pensiyaların təyinatı və fərdi uçotun təşkili sektorlarının işçilərinin iştirakı ilə “Əmək pensiyaları haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının 2017-ci il 10 mart tarixli Qanununun tətbiqi ilə əlaqədar seminar keçirilib.
Seminarı fondun sədri Əli Quliyev açaraq qeyd edib ki, “Əmək pensiyaları haqqında” Azərbaycan Respublikasının Qanununa edilmiş yeni dəyişikliklər ölkədə pensiya təminatı sisteminin qabaqcıl dünya təcrübəsi əsasında daha da təkmilləşdirilməsinə xidmət edir.

Naxçıvan Muxtar Respublikası Ali Məclisinin Sədri yanında Bilik Fondunun təşkilatçılığı ilə Ağbulaq İstirahət Mərkəzində təşkil edilən “Yay məktəbi” davam edir. Məktəbin budəfəki qonaqları Naxçıvan Müəllimlər İnstitutunun tələbələri olub.

İyulun 3-də institutun tələbələri Ağbulaq İstirahət Mərkəzinə yola düşüblər. Əvvəlcə İstirahət Mərkəzi ilə tanış olan gənclər onlar üçün ayrılmış otaqlarda yerləşdiriliblər. İlk gün tələbələr arasında stolüstü idman oyunları, “Nuh yurdu” intellektual oyunu keçirilib.
İkinci gün gənclər arasında müxtəlif idman oyunları olub, onların Ağbulaq kəndi ərazisinə gəzintisi təşkil edilib. Daha sonra tələbələr vətənpərvərlik mövzusunda filmə baxıblar. Şahbuz Rayon Mədəniyyət və Turizm Şöbəsi tərəfindən konsert proqramı təşkil edilib. Axşam vaxtı isə iştirakçılar müxtəlif idman oyunlarına qatılıblar.
“Yay məktəbi”nin üçüncü günü tələbələrin Şahbuz Dövlət Təbiət Qoruğuna gəzintisi təşkil olunub. “Yay məktəbi”ndə fəal iştirak edən gənclər Naxçıvan Muxtar Respublikası Gənclər və İdman Nazirliyinin fəxri fərmanları ilə təltif ediliblər.
Məlumat üçün bildirək ki, “Yay məktəbi” Naxçıvan Muxtar Respublikası Ali Məclisinin Sədri yanında Gənclər Fondu, muxtar respublika Gənclər və İdman Nazirliyi, Naxçıvan Müəllimlər İnstitutu, muxtar respublikanın Həmkarlar İttifaqları Şurası və Yeni Azərbaycan Partiyası Naxçıvan Muxtar Respublika Təşkilatının iştirakı ilə reallaşıb. “Yay məktəbi”ndə Naxçıvan Müəllimlər İnstitutunda təhsil alan 60 tələbə iştirak edib.

 Nail ƏSGƏROV