Naxçıvan Muxtar Respublikası Dövlət Sosial Müdafiə Fondu əmək pensiyalarının maliyyələşdirilməsini vaxtından əvvəl başa çatdırmış, pensiyaçıların şəxsi hesablarına 11 milyon 650 min 108 manat köçürülmüşdür. Hesabat ayında fondun gəlirləri 4 milyon 898 min manat proqnoza qarşı 6 milyon 904 min 170 manat həcmində yerinə yetirilmiş və proqnoz tapşırıqlara 141 faiz əməl olunmuşdur. Həmçinin “Əmək pensiyaları haqqında” Azərbaycan Respublikası Qanununa əsasən pensiya hüququ yaranmış 100 vətəndaşa əmək pensiyası təyin olunmuşdur.
Azərbaycan Respublikası Prezidentinin “2017-ci il iyulun 1-dək təyin edilmiş əmək pensiyalarına qulluq stajına görə əlavələrin yenidən hesablanması Qaydası”nın təsdiq edilməsi haqqında” 2018-ci il 25 iyun tarixli Fərmanına uyğun olaraq müvafiq kateqoriyadan olan əmək pensiyaçılarının pensiyalarına qulluq stajına görə əlavələr yenidən hesablanaraq artırılmışdır.

Naxçıvan Muxtar Respublikası
Dövlət Sosial Müdafiə Fondunun
mətbuat xidməti

Naxçıvan Muxtar Respublikası Ali Məclisinin Sədri yanında Bilik Fondunun təşkilatçılığı ilə Gənclər və İdman Nazirliyi, Gənclər Fondu, Naxçıvan Dövlət Texniki Kolleci, Həmkarlar İttifaqları Şurası, Yeni Azərbaycan Partiyası Naxçıvan Muxtar Respublika Təşkilatı tərəfindən Ağbulaq İstirahət Mərkəzində gənclərin növbəti “Yay məktəbi” təşkil olunub.
Əvvəlcə iştirakçılar intellektual oyunlar ilə öz biliklərini sınayıb, voleybol, futbol və stolüstü idman oyunları oynayıblar. Onlar “Girdab” bədii, “Dahi şəxsiyyət” və aprel döyüşlərindən bəhs edən sənədli filmlərə baxıblar. İstirahət müddəti gənc­lərin “Şəfa” bulağına və Ağbulaq kəndi ərazisinə gəzintisi təşkil edilib. Onlar Şahbuz Rayon Mədəniyyət Şöbəsinin musiqiçiləri tərəfindən verilən konsert proqramına baxıblar. Gənclər hazırlanmış səhnəcikləri nümayiş etdirib, sonuncu gün məktəb iştirakçıları arasında fotomüsabiqə keçirilib.“Yay məktəbi”ndə fəal iştirak edən, fotomüsabiqədə və keçirilən yarışlarda qalib olan iştirakçılara sertifikatlar təqdim edilib. İştirakçıların istirahət müddəti ərzində sağlamlıqlarının qorunması və onlara ilkin tibbi yardım göstərilməsi də diqqət mərkəzində saxlanılıb.

Muxtar respublikada məhdud fiziki imkanlı şəxslərin reabilitasiyası və cəmiyyətə inteqrasiyası diqqət mərkəzində saxlanılır. Bu kateqoriyadan olan məktəbli uşaqların yay tətili dövründə asudə vaxtlarının səmərəli təşkili məqsədilə hazırlanmış qrafik əsasında ardıcıl tədbirlər davam etdirilir.
Avqustun 8-də Naxçıvan Muxtar Respublikası Əmək və Əhalinin Sosial Müdafiəsi və Mədəniyyət nazirliklərinin birgə təşkilatçılığı ilə Naxçıvan Dövlət Film Fondunda sağlamlıq imkanları məhdud uşaqlar üçün “Şərikli çörək” filmi nümayiş etdirilib.
Filmə 50-dək sağlamlıq imkanı məhdud uşaq baxıb.

Naxçıvan Muxtar Respublikası Əmək və Əhalinin Sosial
Müdafiəsi Nazirliyinin mətbuat xidməti

Naxçıvan Muxtar Respublikası Ali Məclisi Sədrinin 2016-cı il 11 yanvar ­tarixli Sərəncamı ilə təsdiq edilmiş “2016-2020-ci illərdə Naxçıvan Muxtar Respublikasında əhalinin məşğulluğunun ­artırılması üzrə Dövlət Proqramı”nın icrası istiqamətində işlər cari ilin iyul ayında da davam etdirilmişdir.
Görülən işlərin nəticəsidir ki, ötən ay ərzində məşğulluq mərkəzləri tərəfindən 315 işaxtaran müxtəlif sahələrdə işlə təmin olunmuşdur. Onların 109-u gənc, 67-si qadın, 9-u sağlamlıq imkanları məhdud şəxs, 4-ü isə ünvanlı sosial yardım təyini üçün müraciət edənlərdir.
Ötən ay 77 nəfər müvəqqəti xarakterli işlərə göndərilib, əhalinin məşğulluğunun təmin edilməsi tədbirləri çərçivəsində uzun müddət ünvanlı dövlət sosial yardımı alan 21 aztəminatlı ailəyə fərdi təsərrüfatlarını qurmaq üçün iribuynuzlu və xırda­buynuzlu mal-qara verilmişdir. Həmçinin kənd xidmət mərkəzlərində fəaliyyət göstərən bərbərxana, gözəllik salonu və dərzi sexlərində 3 bərbər və 10 bərbər-manikürçü işlə təmin edilmişdir. Naxçıvan Regional Peşə Tədris Mərkəzində xalçaçı­lıq üzrə tədris-hazırlıq, kinooperator hazır­lığı üzrə təlim, eləcə də qazanxana maşinisti peşə kursları təşkil olunmuşdur.

Muxtar respublikamızda sağlamlıq imkanları məhdud şəxslərin hüquqlarının təmin olunması, onların sosial müdafiəsi və cəmiyyətə inteqrasiyası diqqət mərkəzində saxlanılır. Bu qəbildən olan uşaqlara qayğının nəticəsidir ki, Naxçıvan Muxtar Respublikası Ali Məclisi Sədrinin 2016-cı il 11 yanvar tarixli Sərəncamı ilə “2016-2020-ci illərdə Naxçıvan Muxtar Respublikasında sağlamlıq imkanları məhdud uşaqların təhsili və reabilitasiyası üzrə Dövlət Proqramı” təsdiq olunub.

Dövlət proqramının icrası həmin kateqoriyadan olan uşaqların təhsil almasına, onların reabilitasiyasına, cəmiyyətə daha fəal inteqrasiyasına hərtərəfli şərait yaradıb. Bu vəzifələrin yerinə yetirilməsində Məhdud Fiziki İmkanlılar üçün Naxçıvan Regional İnformasiya Mərkəzinin xüsusi rolu var. Qeyd edək ki, 2010-cu ildən fəaliyyət göstərən mərkəzdə məhdud fiziki imkanlı şəxslər üçün informasiya texnologiyaları tədris olunur. Bu görmə qabiliyyəti məhdud olan uşaqlara informasiya texnologiyaları sahəsində bilik və bacarıqların aşılanması ilə yanaşı, həm də bu qəbildən olan uşaqların təhsil səviyyəsinin yüksəldilməsi, mütaliə bacarıqlarının artırılması, eləcə də dönya­görüşünün formalaşdırılması istiqamətində mühüm rol oynayan brayl əlifbasının tətbiqinə də şərait yaradır. Hazırda bu əlifba ilə bir sıra kitab və jurnallar çap edilir. “Könül işığı” adlı brayl jurnalının nəşri də bu istiqamətdə görülən işlərin davamıdır.

Gözlərimiz bizə dünyanı, günəşi, ətrafımızda baş verənləri görmək üçün bəxş edilən ən gözəl hədiyyədir. Bu gözəllikləri yaradan əsas faktor rəng kateqoriyasıdır. Əgər hər bir şey yalnız ağ-qaradan, rəngsizlikdən ibarət olsaydı, o zaman yaşama sevinci, dünyaya baxışımız, mənfi mənada, tamam başqa cür olardı. Rənglər insanı ruhlandırır, sanki başqa aləmlərə alıb aparır. Bunu əsrarəngiz təbiətdə daha çox müşahidə edirik. Gəlin onlardan bir neçəsini göz önünə gətirək. Başımızı qaldırıb göy üzünə baxsaq, səmada mavinin, lalələrdə qırmızının, meşələrdə yaşılın gözəlliyini görmüş olarıq.

Təbiət, əslində, bizə rəng­ləri, gözəllikləri ilə sanki nəsə anlatmaq istəyir. Bütün fəsillərdə bu gözəlliklər özünü bir başqa cür büruzə verir. Baharda ağacların çiçəkləməsi, yayda hər bir tərəfin yamyaşıl don geyinməsi, payızda bu örtüyün xəzana çevrilməsi, qışda isə ağ örtüklə bəzənməsi sanki bir möcüzədir. Görüntü etibarilə möhtəşəmliyə imza atan təbiət yalnız bununla kifayətlənmir, öz növbəsində, oksigen bolluğunu da təmin edir. Yayda bu, daha qabarıq şəkildə üzə çıxır. Çünki hər tərəfin yamyaşıl olması havaya da öz təsirini göstərməkdən yan keçmir. Təmiz hava su qədər gərəklidir. Belə ki, qəbul etdiyimiz hava əgər çirkli, oksigeni az olsa, sağlamlığımızda ciddi şəkildə problemlər yaranar. Ancaq bu problemlərin yaranmasına yol verməmək biz insanların öhdəsinə düşür. Öz həyətimizdə bir neçə ağac əkir, yaşıllıq yaradır, onlara qulluq göstərir, vaxtlı-vaxtında suvarırıq. Adi, balaca bir dibçəkdə də bu yaşıl­lığı yarada bilərik. Bununla həm özümüzə, həm də başqalarına həyat, can vermiş olarıq.

Naxçıvan Muxtar Respublikası Ali Məclisi Sədrinin 2016-cı il 11 yanvar tarixli Sərəncamı ilə təsdiq edilmiş “2016-2020-ci illərdə Naxçıvan Muxtar Respublikasında əhalinin məşğulluğunun artırılması üzrə Dövlət Proqramı”nın həyata keçirilməsinə dair tədbirlər planının icrası çərçivəsində monitorinqlər davam etdirilir. Monitorinqlər Naxçıvan Muxtar Respublikası Vergilər Nazirliyinin, Dövlət Sosial Müdafiə Fondunun, Dövlət Statistika Komitəsinin və Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin nümayəndələrindən ibarət komissiya tərəfindən aparılır. Qeyri-formal məşğulluğun qarşısının alınması, işə götürülən şəxslərlə əmək müqavilələrinin bağlanılması, həmçinin əmək müqavilələrində əməkhaqlarının real göstərilməsini müəyyən etmək məqsədi daşıyan növbəti monitorinqlər zamanı Ordubad və Şahbuz rayonları üzrə, ümumilikdə, 57 obyektdə 35 işçi ilə yeni əmək müqavilələrinin bağlanılması təmin edilib, 100 işçinin isə əmək müqaviləsində əməkhaqqının real göstərilməsinə nail olunub.

Naxçıvan Muxtar Respublikası Əmək və Əhalinin Sosial Müdafiəsi Nazirliyinin mətbuat xidməti

Azərbaycan xalq təqvimində mühüm mərhələlərdən biri də “quyruq doğdu”dur. “Quyruq doğdu” avqust ayının 5-nə təsadüf edir və yayın yarı olduğu dövr hesab olunur. Həm elmi mənbələrdə, həm də xalq arasında “quyruq doğdu” tez-tez müzakirə mövzusuna çevrilir.
Bəziləri deyir ki, quyruq doğmaz, donar. İlin bu dövrünün maldarlıq təsərrüfatında “quyruq dondu” adlandırılmasının səbəbi isə aşağıdakı kimi izah edilir: deyirlər ki, hava sərin olduğu üçün yaylaqda kəsilən heyvanın əridilmiş quyruğu donar. İstər elmi qaynaqlarda, istərsə də el arasında bu ifadə ilə bağlı çox təzadlı, bəzən isə yanlış fikirlər söylənilir. “Azərbaycan dilinin izahlı lüğəti”ndə belə yazılıb: “Quyruq doğmaq” (əsli quyruq donmaq) yay fəslinin yarıdan keçdiyini bildirən ifadədir. Lüğətdə əsli “quyruq donmaq” yazılsa da, Firudun bəy Köçərli, Süleyman Rəhimov və Mir Cəlala istinadən çəkilən misalların hamısında “quyruq doğdu” yazılıbdır. Üçcildlik “Azərbaycan etnoqrafiyası” kitabında isə belə bir məlumata rast gəlirik: “Yayın ikinci dövrünün adına “quyruq doğdu” da deyirlər. Ata-babalarımız yay yarı olan gecə səhərə yaxın şərq tərəfdən işığı arxaya tərəf uzanan quyruqlu ulduzların görünməsini müəyyən edir və təsərrüfat işlərini məhz bu dövrdə görürdülər”. Abbasqulu ağa Bakıxanov bu ulduzların görünmə təqvimini işləyib hazırlamışdır ki, bunun da “quyruq doğdu”ya heç bir aidiyyəti yoxdur.

Naxçıvan Muxtar Respublikası Ali Məclisi Sədrinin 2016-cı il 11 yanvar tarixli Sərəncamı ilə təsdiq edilmiş “2016-2020-ci illərdə Naxçıvan Muxtar Respublikasında əhalinin məşğulluğunun artırılması üzrə Dövlət Proqramı”nın icrasından irəli gələn vəzifələrin yerinə yetirilməsi məqsədilə Naxçıvan Muxtar Respublikası Əmək və Əhalinin Sosial Müdafiəsi Nazirliyi tərəfindən iyul ayı ərzində əmək yarmarkalarının keçirilməsi başa çatdırılıb.

Muxtar respublikamızda yeni salınmış meşə zolaqları öz ahəngi ilə hər tərəfi bəzəyir. Təbiətə xüsusi gözəllik bəxş edən bu meşələri hamılıqla qoruyub saxlamalı, insanların həyat fəaliyyətində, onların sağlamlığında mühüm rol oynayan yaşıllıqlara daim qayğı göstərməliyik. 

İsti yay günlərində meşələrin məhv olmasının əsas səbəblərindən biri də onların yanğınlara məruz qalmasıdır. Məhz buna görə də Naxçıvan Muxtar Respublikası Fövqəladə Hallar Nazirliyi, Ekologiya və Təbii Sərvətlər Nazirliyi ilə birgə tərtib edilmiş tədbirlər planına uyğun olaraq muxtar respublika ərazisindəki meşələrdə, yeni salınmış yaşıllıq zolaqlarında və xüsusi mühafizə olunan təbiət ərazilərində vətəndaşlar tərəfindən yanğın təhlükəsizliyi qaydalarına əməl olunması məqsədilə maarifləndirmə və profilaktik tədbirlər həyata keçirir. Həmçinin qızmar yay fəslində vətəndaşların istirahət üçün üz tutduğu məkanlardan biri olan Biçənək meşəsində yanğın təhlükəsizliyi qaydalarına əməl olunması məqsədilə Dövlət Yanğın Təhlükəsizliyi İdarəsinin Şahbuz Rayon Dövlət Yanğın Təhlükəsizliyi Şöbəsinin əməkdaşları tərəfindən gündəlik olaraq patrul xidmətləri təşkil olunub.

Türk xalqlarının, o cümlədən azərbaycanlıların həyat və məişətində çörəyə, taxıla hörmət, halallığa çağırış üstünlük təşkil edir. Ulularımız çörəyi hər nemətdən üstün tutublar. Çörək əldən düşərsə, qaldırıb uca bir yerə qoyarlar ki, xeyir, bərəkət qaçmasın. Xalqımızın ən qədim adət-ənənələri də çörəklə bağlıdır. Azərbaycanda çörək and yeri sayılıb. Ən əziz qonaq duz-çörəklə qarşılanıb. Elə buna görə də ən həlledici anlarda, etibar andı içəndə, “and olsun kəsdiyimiz çörəyə”, səadət arzulayanda isə “ağgünlü, ağurvalı olasan”, – deyirlər. Yaşam uğrunda mübarizə “Bir parça çörək qazanmaq” ifadəsinə gəlib çıxıb. Çörək bol olanda torpaq şərəfli, Vətən şöhrətli olar, – deyiblər. Qonaqpərvərliyi ilə seçilən diyarımızda hansı qapını döysək, süfrəsindəki çörəyi Allah qonağından əsirgəməzlər. 

Naxçıvan Muxtar Respublikası Ali Məclisi Sədrinin 2016-cı il 11 yanvar tarixli Sərəncamı ilə təsdiq edilmiş “2016-2020-ci illərdə Naxçıvan Muxtar Respublikasında əhalinin məşğulluğunun artırılması üzrə Dövlət Proqramı”nın icrasına uyğun olaraq ailə əməyinə əsaslanan fərdi təsərrüfatların yaradılmasına köməklik göstərilməsi, aztəminatlı ailə­lərin məşğulluğunun təmin edilməsi məqsədilə Naxçıvan Əlillərin Bərpa Mərkəzində tədbir keçirilib.
Tədbirdə çıxış edən Naxçıvan Muxtar Respublikası əmək və əhalinin sosial müdafiəsi naziri Cavid Səfərov muxtar respublikada az­təminatlı ailələrə göstərilən dövlət qayğısı, onların məşğulluğunun təmin olunması istiqamətində həyata keçirilən tədbirlər barədə danışıb.
Bildirilib ki, Şərur, Babək, Ordubad və Culfa rayonları üzrə, ümumilikdə, 10 aztəminatlı ailə müəyyənləşdirilib. Həmin ailələrin hər birinə yanında balası olan iri­buynuzlu mal-qara verilib.
Vurğulanıb ki, cari ilin ilk 7 ayı ərzində Naxçıvan Muxtar Respublikası Ali Məclisi Sədrinin tapşırığına əsasən 66 aztəminatlı ailənin özünü­məşğulluğunun təmin edilməsi üçün müvafiq köməklik göstərilib.
Daha sonra Babək rayon Cəhri kənd sakini Məleykə Məmmədova çıxış edərək göstərilən qayğıya görə minnətdarlığını bildirib, ailə təsərrüfatından səmərəli yararlanacaqlarını diqqətə çatdırıb.
Tədbirin sonunda aztəminatlı ailə təmsilçilərinə verilən mal-qara ilə bağlı sənədlər təqdim olunub.

Naxçıvan Muxtar Respublikası
Əmək və Əhalinin Sosial Müdafiəsi Nazirliyinin mətbuat xidməti

Son illərdə muxtar respublikada insanlara göstərilən ən böyük xidmətlərdən biri də suvarma və içməli suya olan tələbatın tam ödənilməsi istiqamətində atılan mütərəqqi addımlardır. Görülən irimiqyaslı işlərin nəticəsidir ki, blokada şəraitində olan muxtar respublikanın hər bir bölgəsi içməli su və suvarma suyu ilə tam təmin olunub. Ancaq gəlin görək, yaradılan bu imkanlardan qədərincə istifadə edirikmi? “Su haqqı”, – deyib paklığına and içdiyimiz təbii sərvətə necə qənaət edirik? Axı su yer üzünün tükənən sərvətlərindəndir, əgər biz qənaət etməsək, gələcək nəsillər bu israfçılığın acı fəsadlarını yaşayacaqlar. Və çox güman ki, buna görə bizə, “sağ olun”, deyən tapılmayacaq.
Ötən günlərdə şahidi olduğum bir mənzərə məni bu mövzuya müraciət etməyə vadar etdi. Naxçıvan şəhərinin Atabəylər məhəlləsindəki binanın həyətində qurulmuş su kranının açıq buraxılması, üstəlik, bu yerdə kanalizasiya xəttinin yarpaqlarla tutulması ətrafda su gölməçələrinin yaranmasına səbəb olmuşdu. Yaxınlıqdakı yaşlı bir adamın, nəhayət, bu hadisəyə reaksiya verib kranı bağlaması, təbii ki, gölməçələrin daha da böyüməsinin qarşısını aldı. Yaxınlaşıb onunla həmsöhbət oldum. Öyrəndim ki, o, məhəllə sakini, yaşı yetmişi ­ötmüş Əli Tarverdiyevdir. Onunla söhbət əsnasında dedi ki, Atabəylər məhəlləsinin vaxtilə suya böyük ehtiyacı olub. Sovetlər dövründə, elə müstəqilliyimizin ilk illərində də su sarıdan çox əziyyət çəkmişik. Bidonlarla çeşmələrdən su daşıdığımız da az olmayıb. Belə olan şəraitdə təmizlikdən də söhbət gedə bilməzdi. Təbii ki, bundan ən çox qadınlar əziyyət çəkirdilər. Mənə qəribə gələn odur ki, həmin şəraitdə böyüyən orta və yaşlı nəsil də suya qənaət məsələsində bu gün bəzən biganəliyə yol verir, çəkilən əziyyətləri yaddan çıxarır. İndi həmyerlilərimizin çoxu xarici ölkələrə gedib-gəlir, danışırlar ki, bu ölkələrin şəhərlərində küçədə axan bir çeşməyə rast gələ bilməzsən, suyun hər litri müəyyən məbləğə satılır. Bizdə isə hər bir məhəllədə yoldan keçənlərin, sakinlərin istifadəsi üçün su kranları qoyulub. Bu, biz insanlara göstərilən qayğının nümunəsidir. Ancaq, təəssüflər olsun ki, biz suyun qədrini lazımınca bilmirik. Düşünürəm ki, bu məsələyə hər bir sakin həssas yanaşmalı, xoşagəlməz hallara son qoyulmalıdır.

  Qızmar yay günlərində insanların günəş eynəklərinə olan tələbatı daha da artır. Bəziləri bu eynəkləri göz sağlamlığının qeydinə qalmaq üçün alsa da, çoxları ondan dəb xatirinə, aksesuar kimi istifadə edir. Elə buna görədir ki, insanlar optika mağazalarında satılanları deyil, aksesuar mağazalarında sertifikatı olmayan eynəkləri əldə etməyə üstünlük verirlər. Bunun digər səbəbi isə aksesuar mağazalarında optika mağazalarına nisbətən qiymətin daha münasib olmasıdır. Bəs alarkən keyfiyyətinə deyil, qiymətinə diqqət etdiyimiz eynəklər gözümüzdə hansı fəsadlara yol aça bilər? Ümumiyyətlə, keyfiyyətli günəş eynəyini əldə etmək üçün nələrə diqqət etməliyik? Suallarımızı Naxçıvan Diaqnostika-Müalicə Mərkəzinin həkim-oftalmoloqu Məhəmməd Vəliyev cavablandırdı. 

O bildirdi ki, yaz-yay aylarında gözlərimizi ultrabənövşəyi şüalardan qoruya bilmək üçün günəş eynəklərindən istifadə etmək çox vacibdir. Lakin bəzən insanlar buna laqeyd olurlar. Həkim günəş eynəklərinə olan ehtiyacın artdığı dövrdə bu məsələyə həssas yanaşmanın vacib olduğunu bildirərək dedi ki, gözlərin sağlam qalması üçün eynək seçərkən çox diqqətli olmaq lazımdır. Əks halda gözlərdə katarakt, sarı nöqtə, göz ətrafındakı dəridə xərçəng kimi müxtəlif xəstəliklərlə qarşılaşa bilərik. Unutmaq olmaz ki, günəş eynəkləri aksesuar deyil, gözün sağlamlığını qorumaq üçün bir vasitədir.

Naxçıvan torpağı həmişə öz yüksəkkeyfiyyətli yerli tərəvəz məhsulları ilə tanınıb. Təzə meyvə-tərəvəzə üstünlük verən naxçıvanlıların zəngin yerli mətbəxə məxsus yeməklərin hazırlanmasında istifadə etdikləri müxtəlif ­tərəvəzlər sonda dadı və ləzzəti ilə seçilən xörəklərin ərsəyə gəlməsini təmin edir. 

Muxtar respublikanın müxtəlif bölgələrində yetişdirilən meyvə-tərəvəzlər yerli tələbatı ödəməklə, orqanizm üçün hədsiz faydalılığı ilə yanaşı, həm də ərzaq məhsulları idxalının qarşısını alır.
İlin bu vaxtı Naxçıvan bazarlarında batrınc bitkisinə tez-tez rast gəlirik. Bu bitkini, bəlkə də, muxtar respublikadan kənarda tanıyan az adam tapılar. Süfrələrin bəzəyi olan, öz görünüşü və dadı ilə digər tərəvəzlərdən fərqlənən batrıncın faydalı xüsusiyyətlərini saymaqla bitməz. Bu bitki haqqında geniş məlumat almaq üçün Naxçıvan Muxtar Respublikası Kənd Təsərrüfatı Nazirliyinin şöbə müdiri Əsgər Həsənovla həmsöhbət olduq.
Əsgər müəllim qeyd etdi ki, muxtar respublika ərazisində əkilib-becərilən səbzə-tərəvəz bitkiləri içərisində batrıncın özünəməxsus yeri və əhəmiyyəti var. Nuh yurdu Naxçıvanda bu bitki çox qədim zamanlardan əkilib-becərilib və mədəni əkinçilik sistemində özünün xüsusi çəkisi olub. Eyni zamanda digər səbzə-tərəvəz bitkiləri, o cümlədən nanə, cəfəri, şüyüd, razyana, reyhan, tərxun, kəvər yerli bazarın təminatında yer tutub, faydasına görə bu bitkilərin əkininə üstünlük verilib.

Ölkəmizdə bütün sahələrdə olduğu kimi, ekologiyanın mühafizə olunaraq gələcək nəsillərə ötürülməsi də məhz ulu öndər Heydər Əliyevin adı ilə bağlıdır. Ümummilli liderin hələ ölkəmizə birinci rəhbərliyi dövründə ətraf mühitin mühafizəsi məsələlərinə dövlət səviyyəsində düzgün münasibət göstərilib, ekoloji strategiyanın formalaşdırılması sahəsində mühüm addımlar atılıb, bu sahədə  qanun, fərman və qərarlar qəbul edilərək uğurla icra edilib. 

Görkəmli dövlət xadiminin apardığı məqsədyönlü siyasətin bəhrələri Naxçıvanda da özünü qabarıq şəkildə göstərib. Belə ki, 1969-cu ildə ulu öndərin təşəbbüsü ilə ümumi ərazisi 40 min hektar olan Ordubad Dövlət Təbiət Yasaqlığı həyata vəsiqə alıb. Ölkə ərazisində ilk Milli Park qədim diyarda yaradılıb. Azərbaycan Prezidentinin 2003-cü il 16 iyun tarixli Sərəncamı ilə respublikamızda ilk milli park – ərazisi 12 min 131 hektar olan Akademik Həsən Əliyev adına Ordubad Milli Parkı və ərazisi 3 min 139 hektar olan Şahbuz Dövlət Təbiət Qoruğu yaradılıb. Naxçıvan Muxtar Respublikası Ali Məclisi Sədrinin 2005-ci il 23 sentyabr və 2009-cu il 22 iyun tarixli sərəncamları ilə “Arazboyu” və “Arpaçay” Dövlət Təbiət yasaqlıqları fəaliyyətə başlayıb. Xüsusi mühafizə olunan təbiət ərazilərinin yaradılmasında əsas məqsədlərdən biri də mövcud təbii potensialdan istifadə etməklə ekoturizmin inkişaf etdirilməsinə nail olmaqdır. Hazırda milli park statuslu təbiət obyektlərinin yaradılması müasir dövrümüzün tələblərinə cavab verir. Bu amil əsas götürülərək ölkə Prezidentinin 2009-cu il 25 noyabr tarixli Sərəncamı ilə ümumi ərazisi 42 min 787 hektar olan Akademik Həsən Əliyev adına Zəngəzur Milli Parkı yaradılıb.

Uşaqların mənəvi tərbiyəsi baxımından tətil, istirahət valideynlər üçün yaxşı fürsətdir. Balacaların hərtərəfli, ahəngdar inkişafı onların daxili hisslərindən, əhval-ruhiyyələrindən çox asılıdır. Uşaq ruhən özünü xoşbəxt hiss edəndə onda həyat eşqi, yaşamaq həvəsi, nikbinlik daha da çoxalır. Tətil günləri mənalı keçirilərsə, növbəti dərs ilində şagirdlərin uğurları, təhsilə maraqları da artmış olacaq. Çünki onlar yaxşı istirahət sayəsində daxili rahatlıq hissi əldə ediblər.

Naxçıvanda məktəbyaşlı uşaqların yay tətilinin maraqlı, yaddaqalan olması üçün lazımi tədbirlər həyata keçirilir. Onların istirahət günlərində muxtar respublikamızın gəzməli-görməli yerlərinə ekskursiyalar, uşaqların iştirakı ilə müxtəlif əyləncəli yarış və viktorinalar təşkil olunur. Uşaqların dünyagörüşlərinin artırılmasında, intellektual səviyyələrinin genişləndirilməsində məktəb­dənkənar müəssisələrin də əvəzsiz rolu vardır. Hazırda muxtar respublikamızda 36 məktəbdən­kənar müəssisə fəaliyyət göstərir ki, onlardan da 6-sı paytaxt Naxçıvan şəhərindədir.
Naxçıvan Muxtar Respublikası Turizm Diyarşünaslıq Mərkəzi bu gün məktəblilərin ən çox üz tutduğu ünvanlardandır. 1973-cü ildə Naxçıvan şəhərində Gənc Turistlər Stansiyası adı ilə yaradılan müəssisə 2005-ci ildən Turizm Diyarşünaslıq Mərkəzi adı ilə fəaliyyətini davam etdirir. Mərkəzin direktoru Murad Babayev dedi ki, məktəbdənkənar müəssisə hərtərəfli dövlət qayğısı ilə əhatə olunub. 2013-cü ildə bina yenidən qurularaq kollektivin ixtiyarına verilib. Hazırda burada 2 adda şöbə, 10 dərnək fəaliyyət göstərir. Mərkəzin əsas işi uşaqların asudə vaxtlarını maraqlı, əyləncəli keçirmələrini təmin etmək, gənc nəslə doğma diyarı sevdirmək və vətənpərvərlik hissləri aşılamaq, onları tarixi keçmişimizlə tanış etməkdən ibarətdir.

Mütaliə həvəsi insana kiçik yaşlardan aşılanmalı, ona ailə tərəfindən sevdirilməlidir. Sonra bu, məktəbdə davam etdirilməlidir. Müəllimlərimiz sayəsində bu sehrli dünya ilə tanış olmağa başlayırıq. Kitab düzgün dost seçimində, yaxşını, pisi ayırd etməyimizdə, insanlarla asan ünsiyyət qurmağımızda bir növ vasitəçi olur. Kitab oxumaq həmçinin dünya­görüşümüzdə, həyata baxışımızda, düşüncəmizin inkişafında, xəyal gücümüzün genişlənməsində mühüm rol oynayır. Çox vaxt dostlarımızdan, yaxınlarımızdan ala bilməyəcəyimiz məsləhətləri, tövsiyələri məhz bizə kitab verir. Ancaq təəssüflər olsun ki, bəzi insanlar bu həqiqətə bir qədər biganə yanaşırlar. Bu yerdə “Kitabları yandırmaqdan daha böyük cinayətlər var, məsələn onları oxumamaq” (Rey Bredberi) sözləri yada düşür. Həqiqətlərlə dolu bir kəlamdır. Çünki kitablardan uzaq qalmaq, onlara biganə olmaq günahdır.
Statistik göstəricilərə görə, dünyada 130 milyon adda kitab mövcuddur. Hər kitabda çox sayda obrazlar var. Onları oxuyan hər bir adam özünə bir ideal tapa bilər. Və həyatda həmin ideal obraza bənzəməklə özünü kamil şəxsiyyət kimi formalaşdıra bilər. Axı insan məlumatlandıqca bilikləri üst-üstə yığılır və elmi dünyagörüşünün çoxalmasına, formalaşmasına gətirib çıxarır.

Dünən Ordubad Rayon İcra Hakimiyyətində Naxçıvan Muxtar Respublikası Dövlət Baş Sığorta Agentliyi ilə birgə rayonda sığorta işinin təşkili və qarşıda duran vəzifələr barədə tədbir keçirilib.
Tədbiri Ordubad Rayon İcra Hakimiyyətinin başçısı Elşad Məmmədov açaraq rayonda sığorta sahəsində görülmüş işlərdən danışıb. Sonra Naxçıvan Muxtar Respublikası Dövlət Baş Sığorta Agentliyinin baş direktoru Hikmət Əsgərov çıxış edərək muxtar respublikanın iqtisadi və sosial həyatında sığorta işinin əhəmiyyətindən bəhs edib.
Vurğulanıb ki, ölkəmizdə qüvvədə olan mövcud qanunlara əsasən sığorta xidmətlərindən istifadə edən vətəndaşlar müxtəlif yerlərdə rast gələ bilən gözlənilməz hadisələrdən dəyən maddi zərərlərin ödənilməsinə etibarlı təminat alırlar. Bu baxımdan sığorta fəaliyyətinin daha da genişləndirilməsi vacibdir.
Baş direktor bildirib ki, ötən müddətdə Ordubad rayonunda da bu istiqamətdə işlər görülüb. Belə ki, Ordubad rayonu üzrə cari ilin ilk yarısında 4838 sığorta müqaviləsi bağlanılıb, onlardan 1168-i avtonəqliyyat vasitəsi sahiblərinin mülki məsuliyyətinin, 1752-si daşınmaz əmlakın icbari sığortası olub. O, Ordubad rayonunda daşınmaz əmlakın, avtonəqliyyat vasitəsi sahiblərinin mülki məsuliyyətinin icbari sığortası, ev əmlakı, fərdi qəza və digər sığorta növləri üzrə görülmüş işlərdən və qarşıda duran vəzifələrdən danışıb. Qeyd edib ki, ölkə­mizdə qüvvədə olan qanuna əsasən icbari qaydada sığortanın şamil olunduğu bütün obyektlərin sığortası təmin olunmalıdır. Son dövrlərdə Ordubad rayonunda sığorta sahəsində görülmüş işlərlə bərabər, icbari qaydada sığorta etdirilməli vətəndaşlara və sahibkar­lara məxsus daşınmaz əmlakın, avtonəqliyyat vasitəsi sahiblərinin mülki məsuliyyətinin icbari sığortası üzrə hələ də sığorta olunmayan hüquqi və fiziki şəxslər vardır. Buna görə də Ordubad rayonunda sığorta fəaliyyətinin daha da genişləndirilməsi və bu sahədə maarifləndirmə işlərinə diqqətin artırılması vacib vəzifə kimi qarşıda durur.

Gənclərin Ağbulaq İstirahət Mərkəzində mənalı istirahətləri təşkil olunub

Naxçıvan Muxtar Respublikası Ali Məclisinin Sədri yanında Bilik Fondunun təşkilatçılığı, Naxçıvan Muxtar Respublikası Gənclər və İdman Nazirliyinin, Gənclər Fondunun, Həmkarlar İttifaqları Şurasının, Yeni Azərbaycan Partiyasının Naxçıvan Muxtar Respublika Təşkilatının iştirakı ilə Naxçıvan Müəllimlər İnstitutunun 50-dək fəal tələbəsi iyulun 19-dan 22-dək füsunkar təbiətin qoynunda yerləşən Ağbulaq İstirahət Mərkəzində olublar.

Şahbuz rayonunda mədəni və yabanı dərman bitkilərinin toplanması, qurudulması və tədarükü qaydaları ilə bağlı keçirilən maarifləndirici tədbiri rayon İcra Hakimiyyəti başçısının müavini Tural Quluyev açıb.
AMEA Naxçıvan Bölməsinin Bioresurslar İnstitutunun əməkdaşı Əliyar İbrahimov muxtar respublikanın müalicəvi dərman bitkiləri haqqında məlumat verib.

Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsi tərəfindən “İnformasiya cəmiyyətində ailə, qadın və uşaq məsələləri: reallıqlar və perspektivlər” mövzusunda tədbir keçirilib.
Tədbirdə Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsi sədrinin müavini Aytən Məmmədova, Dövlət Televiziya və Radio Verilişləri Komitəsi sədrinin müavini Xaliq Babayev, Naxçıvan Mətbuat Şurasının sədri Rövşən Hüseynov, AMEA Naxçıvan Bölməsinin Tarix, Etnoqrafiya və Arxeologiya İnstitutunun şöbə müdiri Asəf Orucov çıxış edərək muxtar respublikada ailə dəyərlərinə göstərilən diqqət və qayğıdan bəhs ediblər.

Naxçıvan Muxtar Respublikası Gənclər və İdman Nazirliyinin, muxtar respublikanın Turizm Departamentinin və Gənclər Fondunun təşkilatçılığı ilə Ağbulaq İstirahət Mərkəzində “Naxçıvan Muxtar Respublikasının turizm potensialının tanıdılmasında gənclərin rolu” mövzusunda tədbir keçirilib.
“Yay məktəbi”nin iştirakçılarının da fəallıq göstərdiyi tədbirdə çıxış edən Gənclər Fondunun icraçı direktoru Anar Babayev bildirib ki, gənclərin asudə vaxtlarının səmərəli təşkili istiqamətində aid dövlət orqanları, gənclər təşkilatları, ictimai birliklər tərəfindən hər il mühüm layihələr reallaşdırılır. Qeyd olunan tədbirlər sırasında “Yay məktəbi”, yay düşərgələri, gənclərlə birgə turizm layihələrinin həyata keçirilməsi xüsusi yer tutur.
Bildirilib ki, muxtar respublikanın turizm potensialının tanıdılması ilə bağlı Gənclər Fondu aid təşkilatlarla birlikdə ötən dövr ərzində keçirdiyi müxtəlif layihələr muxtar respublikanın turizm imkanlarını təbliğ etmək baxımından böyük əhəmiyyətə malikdir.
Naxçıvan Muxtar Respublikası Turizm Departamentinin direktoru Əkbər Novruzov çıxışında qeyd edib ki, turizmin inkişafı üçün yaradılan şərait muxtar respublikaya üz tutan turistlərin sayının ilbəil artmasına səbəb olub. Turizm İnformasiya Mərkəzinin sosial şəbəkələrdəki qrup və səhifələrinə İslam mədəniyyəti abidələri haqqında məlumatlar və fotoşəkillər daxil edilir. “Naxçıvan İslam Mədəniyyətinin Paytaxtı – 2018”in rəsmi internet səhifəsi və muxtar respublikanın turizm potensialı haqqında məlumatlar Azərbaycanın digər bölgələrində fəaliyyət göstərən Turizm İnformasiya mərkəzlərinə, respublikamızda, o cümlədən 20-dən çox xarici ölkədə yerləşən tur operatorlara, eləcə də mehmanxanaların elektron poçt ünvanlarına göndərilir.
Tədbir Naxçıvan Muxtar Respublikasının turizm potensialını əks etdirən videoçarx və mövzu ilə bağlı fotolardan ibarət sərgi ilə başa çatıb.

 Rauf KƏNGƏRLİ

Bu məqam çimərliklərdə daha çox nəzərə alınmalıdır

Naxçıvan Muxtar Respublikası Fövqəladə Hallar Nazirliyi yarandığı gündən əhalinin və ərazilərin fövqəladə hallardan qorunması istiqamətində apardığı işlərlə yanaşı, su hövzələrində və çimərliklərdə vətəndaşların təhlükəsizliyinin təmin olunması ilə bağlı zəruri tədbirlər həyata keçirir. Əsas məqsəd çimərliklərdən istifadə edən vətəndaşların istirahətlərinə və sağlamlıqlarına səbəb ola biləcək halların aradan qaldırılmasıdır.

Hələ ən qədim dövrlərdən ibtidai insanlar daş alətlər vasitəsilə özlərinə müxtəlif əşyalar düzəldərək ov ediblər. Daş insanların estetik zövqünün inkişaf etdirilməsində böyük rol oynayıb. Əbəs deyildir ki, ilk rəsm nümunələri də daş və qayalar üzərində cızılıb. 

Dünən muxtar respublikaya gətiril­miş 340 ədəd kommunal təyinatlı konteynerin təqdimatı olub.

Qədim diyarımız zəngin mədəniyyəti, çoxəsrlik tarixi ilə yanaşı, həm də təbiətin bu torpağa bəxş etdiyi əvəzolunmaz nemətləri ilə məşhurdur. Muxtar respublikamızın özünəməxsus dadlı meyvələri, bostan bitkiləri Azərbaycanda, eləcə də xarici ölkələrdə şöhrət qazanıb. Bu gün ölkə bazarlarında Naxçıvan duzu, göycəsi, Ordubad limonu, əriyi, Üstüpü kələmi, Bənəniyar üzümü, Şahtaxtı tutma qovunu, Nehrəm qarpızı və saymaqla bitməyən onlarla belə kənd ­təsərrüfatı məhsulu alıcıların tələbatının yüksək olduğu nemətlər sırasındadır.

Naxçıvan Muxtar Respublikası Ali Məclisi Sədrinin 2016-cı il 11 yanvar tarixli Sərəncamı ilə təsdiq edilmiş “2016-2020-ci illərdə Naxçıvan Muxtar Respublikasında sağlamlıq imkanları məhdud uşaqların təhsili və reabilitasiyası üzrə Dövlət Pro­qramı”na uyğun olaraq muxtar respublikada bu qəbildən olan uşaqların reabilitasiyası və cəmiyyətə inteqrasiyası ilə bağlı ardıcıl tədbirlər həyata keçirilir.
Bu məqsədlə mövcud infra­struktur yenilənir və müasir avadanlıqlarla təchiz edilir.
Naxçıvan Muxtar Respublikası Əmək və Əhalinin Sosial Müdafiəsi Nazirliyinin təşkilatçılığı ilə sağlamlıq imkanları məhdud uşaqlar üçün uyğunlaşdırılmış əyləncəli oyun sahəsində 20 uşağın istirahəti və əyləncəsi təşkil olunub, onlar üçün Naxçıvan Uşaq Bərpa Mərkəzində çay süfrəsi açılıb. Tədbirdə valideynlər də iştirak edib, göstərilən diqqət və qayğıya görə minnətdarlıqlarını bildiriblər.

Naxçıvan Muxtar Respublikası Əmək və Əhalinin Sosial Müdafiəsi Nazirliyinin mətbuat xidməti

Naxçıvan şəhərində yaşı yüz illərdən çox olan məhəllələr vardır. Şəhər binə olandan sonra müxtəlif tayfalar ayrı-ayrı məhəllələrdə toplanmış,  məhəllə adları da buradan ortaya çıxmışdır. Əlixan, Şahab, Sarvanlar, Ağamalı, Çuxur kimi məhəllələr öz adlarını ya tarixi şəxslərin, ya da o məhəllədə yaşayanların əsas məşğuliyyətindən götürüblər. Budəfəki yazımızda şəhərimizin qədim məhəlləsi olan Şahab haqqında söhbət açacağıq. 

Məhəllənin döngə və tinləri, ərazidəki qədim abidələr buranın tarixi keçmişindən xəbər verir. Şahabın tarixi haqda mərhum dilçi-alim Adil Bağırov “Naxçıvanın urbanonimləri” kitabında ətraflı məlumat verir: “V.Qriqoryev və İ.Şopen XIX əsrdə Naxçıvan şəhərinin əsas kvartallarından birinin Şahab məhəlləsi olduğu haqda məlumat verirlər. Tədqiqatçı Ə.Əliyev yazır ki, “Şahab məhəlləsi çox güman ki, ərazisində vaxtilə gur su, yaxşı su olmasına görə belə adlandırılmışdır. Şahab fars dilində “gur su, keyfiyyətli su” mənasında işlənir”. Ə.Əliyevdən fərqli olaraq R.Salayeva Yusif Küseyir oğlu türbəsi ətrafında əhalinin uçan ulduzu müşahidə etdiyi üçün Şahab adını “uçan ulduz”, “meteorit” mənalarında açıqlayır. Fikrimizcə, Şahab sözünün mənşəyini “uçan ulduz” və ya “gur su” ilə bağlamaq özünü doğrultmur, çünki məhəllə adı Kəngərlilərin Şahbanlular tayfasının adı əsasında yaranmışdır. Şahbanlular Kəngərlilərin böyük tayfalarından biri olmuş və Naxçıvan şəhərində yaşamışlar. Buna görə məhəlləyə Şahbanlular adı verilmiş və toponim canlı danışıq dilində tədricən Şahab şəklinə düşmüşdür”.

Ağbulaq İstirahət Mərkəzində bir gün

Dünya əhəmiyyətli tarixi abidələrə, füsunkar təbiətə, müasir infrastruktura malik olan muxtar respublikamızda turizm potensialının daha da gücləndirilməsi istiqamətində ardıcıl tədbirlər həyata keçirilir. Bu çərçivədə kənd turizminin inkişafına da xüsusi önəm verilir. Ağbulaq İstirahət Mərkəzi bu baxımdan daha çox diqqəti cəlb edir.
2016-cı il aprel ayının 2-dən muxtar respublika məktəblilərinin, ali təhsil müəssisələrinin təhsildə və ictimai işlərdə fərqlənən tələbələrinin, sağlamlıq imkanları məhdud uşaqların, idmançı gənclərin Ağbulaq İstirahət Mərkəzinə səyahətləri, həmçinin burada “Yay məktəbi”nin təşkili uşaq, yeniyetmə və gənclərin asudə vaxtlarını səmərəli keçirmələri, onların istirahətləri muxtar respublikamızın dilbər guşəsi ilə tanışlıqları baxımından əhəmiyyətlidir.
İyulun 14-də Naxçıvan Muxtar Respublikası Ali Məclisinin Sədri yanında Bilik Fondunun təşkilatçılığı, Naxçıvan Muxtar Respublikası Gənclər və İdman Nazirliyi, Gənclər Fondu, Naxçıvan Dövlət Universitetinin, Həmkarlar İttifaqları Şurası, Yeni Azərbaycan Partiyasının Naxçıvan Muxtar Respublika Təşkilatının iştirakı ilə Naxçıvan Dövlət Universitetinin 50-dək fəal tələbəsi bu imkandan yararlanıb. Həmin gün tələbələr səhər saat 9-da Naxçıvan şəhərindən Ağbulaq İstirahət Mərkəzinə yola düşüblər.

Naxçıvan Muxtar Respublikası Ali Məclisi Sədrinin 2016-cı il 11 yanvar tarixli Sərəncamı ilə təsdiq edilmiş “2016-2020-ci illərdə Naxçıvan Muxtar Respublikasında əhalinin məşğulluğunun artırılması üzrə Dövlət Proqramı”ndan irəli gələn vəzifələrin yerinə yetirilməsi üçün Şərur Rayon Məşğulluq Mərkəzi tərəfindən əmək bazarı təhlil edilir, müəssisələrdə peşə tələbatı müəyyənləşdirilir, işçi qüvvəsi ilə mövcud vakant yerlər arasında fərq dəqiqləşdirilir. Qeyd olunan məsələlərlə əlaqədar 2018-ci ilin I yarısında mərkəzdə 289 nəfər işaxtaran qeydiyyata alınıb, onlardan 266 nəfəri daimi işlə təmin olunub.
Bu barədə Şərur Olimpiya-İdman Kompleksində təşkil olunan növbəti əmək yarmarkasında çıxış edən rayon Məşğulluq Mərkəzinin direktoru Məmməd Məmmədov, rayon İcra Hakimiyyəti başçısının birinci müavini İmran Əliyev geniş məlumat veriblər.

Bir çinar yarpağı düşdü yanıma,
Oyandı uşaqlıq xatirələrim.

Çinar kölgəsində, çinar mehində
Ömür kitabımı səhifələdim...

Təbiətin bizə bəxş etdiyi sərvətlərdən biri də ağaclardır. İnsan ömrünün sonunadək ağacdan faydalanır. Uşaq ikən taxta beşikdə uyuyur, böyüyəndən sonra ağacın meyvəsindən dadır, ağacdan özünə ev qurur, qayıq düzəldib suda üzür, istisində qızınır, qocalanda isə ona söykənib yeriyir. Ağaclar da insanlar kimi dünyada baş verən hadisələrin şahidi olur, əksər hallarda elə insanlardan aldığı zərbələr ucbatından faciələrlə üzləşir, həyatla vidalaşıb, torpağa qarışır. Bu təbiət ərməğanları arasında dözümlüləri, çox yaşayanları da az deyil.
Çinar kölgəsi ana nəvazişi qədər ürəyəyatan, xəfif küləkdə isə yarpaqlarının xışıltısı ana laylası qədər şirindir. Təsadüfi deyildir ki, Azərbaycan poeziyasında çinar haqda çox deyilib, çox sözlər yazılıb. Daxili bir narahatlıq keçirən, təkliyə qapılmaq, düşünmək istəyənlərin də elə çinar kölgəsinə üz tutması, bəlkə də, əbəs yerə deyil.
Təbiət biz insanlardan sirrinin-sehrinin əksərini gizlətsə də, hələ qədim zamanlardan onlar ağacların əsrarəngiz enerjisinə inanıblar. Elə xalqımız arasında da ağacların bəziləri rəmzlərə, totemlərə çevrilib. Dağdağan koluna niyyət edib rəngli parçalar, baş örtükləri bağlanması, salxım söyüd altından axan suya sirlərin, yuxuların danışılması xalqımızın ağaclara olan sonsuz inancından xəbər verir. Tarixən dəmirağac möhkəmliyin, dözümlülüyün simvolu olubsa, çinar uzunömürlülüyü təcəssüm etdirib. Təsadüfi deyil ki, bu gün 100 yaşı adlayan insanlar barədə söhbət düşəndə “filankəs çinar ömürlü insandır” deyimini işlədirlər.

“2016-2020-ci illərdə Naxçıvan Muxtar Respublikasında əhalinin məşğulluğunun artırılması üzrə Dövlət Proqramı”nın icrası istiqamətində cari ilin birinci yarısında aktiv məşğulluq tədbirləri davam etdirilib. Bu dövrdə 1315 işaxtaran işlə təmin olunub, 268 nəfər müvəqqəti və mövsümi işlərə göndərilib, 134 vətəndaş müxtəlif peşələr üzrə kurslara cəlb edilib.

Bu münasibətlə təşkil olunan tədbiri Ordubad Rayon Məşğulluq Mərkəzinin direktoru Telman Həsənov açaraq bildirib ki, işaxtaran vətəndaşların, xüsusilə gənclərin işlə təmin olunması sahəsində mühüm əhəmiyyət kəsb edən tədbirlərdən biri də muxtar respublikada müntəzəm olaraq keçirilən əmək yarmarkalarıdır. İndiyədək keçirilən əmək yarmarkalarında yüzlərlə rayon sakini işlə təmin olunub. Cari ildə də bu ənənə davam etdirilir.
Ordubad Rayon İcra Hakimiyyətinin əməkdaşı Reyhun Babayev ­çıxışında qeyd edib ki, rayonda aparılan tikinti-quruculuq tədbirləri mühüm infrastruktur obyektlərinin yaradılması ilə yanaşı, işaxtaran vətəndaşların da məşğulluq problemlərinin həllinə töhfə verir.
Sonra yarmarkaya gələnlər onlara təqdim edilən vakant iş yerləri ilə tanış olublar. 16 təşkilatdan 187 boş iş yerinin çıxarıldığı yarmarkada 20 nəfərə işə göndəriş verilib.

Xəbərlər şöbəsi

Meşələrin və digər təbiət ərazilərinin yanğın təhlükəsindən qorunması üçün Naxçıvan Muxtar Respublikası Ekologiya və Təbii Sərvətlər Nazirliyi aidiyyəti dövlət qurumları ilə birlikdə tədbirlər həyata keçirir. Bu sahədə fəaliyyətin operativliyini təmin etmək məqsədilə nazirliyin Meşə təsərrüfatı idarəsində lazımi avadanlıq və nəqliyyatla təmin edilmiş xüsusi qərargah yaradılıb. 

Bu tədbirlər çərçivəsində yanğın təhlükəsizliyinin təmin olunması məqsədilə dövlət meşə fondu ərazilərində, insanların istirahət etdiyi və təsərrüfat fəaliyyəti göstərilən digər təbiət ərazilərində seminar-müşavirə, praktik təlim işlərinin aparılması davam etdirilir. Belə ki, adıçəkilən nazirliklər meşələrin və digər təbiət ərazilərinin təbiət hadisələri və antropogen təsirlərdən baş verə biləcək yanğınların qarşısının alınması, qabaqlayıcı tədbirlərin görülməsi məqsədilə hazırlanmış tədbirlər planı çərçivəsində Şahbuz Dövlət Təbiət Qoruğu və qoruğa sərhəd ərazilərdə fəaliyyət göstərən arıçı təsərrüfat sahibləri və fermerlərlə görüş keçirilib, söhbətlər aparılıb, yanğın təhlükəsizliyi qaydaları ilə təlimatlandırılıblar. Onlara bildirilib ki, qoruğun mühafizə işçiləri əraziləri daim nəzarətdə saxlamalı, bu ərazilərdə istirahət edən insanları yanğın hadisəsinin baş verməməsi üçün məlumatlandırmalı və gücləndirilmiş iş rejimi tətbiq edilməli, xüsusilə qoruq ərazisindən keçən yolun ətraf ərazilərində quru otlar təmizlənməli, ərazidə mütəmadi suvarma işləri aparılmalıdır.

Məşğulluq tədbirlərinin çevik formalarından biri də muxtar respublikanın bütün bölgələrində ildə bir neçə dəfə keçirilən əmək yarmarkalarıdır.
Dünən Culfa rayonunda növbəti əmək yarmarkası keçirilib. Tədbiri giriş sözü ilə açan rayon Məşğulluq Mərkəzinin direktoru Yalçın Hüseynov bildirib ki, yarmarkanın keçirilməsində əsas məqsəd işəgötürənlərlə işaxtaran vətəndaşların bilava­sitə qarşılıqlı ünsiyyətinin təşkil edilməsi və bununla da, işəgötürənlərin qısa vaxt ərzində müasir tələblərə cavab verə bilən ixtisaslı, peşəkar, təcrübəli kadr seçiminə geniş imkanlar yaratmaq, eyni zamanda işaxtaran vətəndaşların mövcud vakant iş yerləri haqqında məlumat almalarına və layiqli işlə təmin olunmalarına köməklik göstərilməsini təşkil etməkdir. Yarmarkalara hazırlıq dövründə həyata keçirilən təşkilati işlər, xüsusilə işəgötürənlərlə yaradılan qarşılıqlı əməkdaşlıq münasibətləri bu mühüm aktiv məşğulluq tədbirində işəgötürənlərin və iş­axtaran vətəndaşların fəal iştirakını təmin edir.
Culfa Rayon İcra Hakimiyyətinin əməkdaşı Orxan Ələkbərli rayonda son illərdə həyata keçirilən infra­struktur quruculuğundan, sahibkarlığa göstərilən dövlət dəstəyindən və aqrar sahənin inkişafı istiqamətində görülən işlərdən bəhs edib.
Sonra yarmarkaya gələnlər onlara təqdim edilən boş iş yerləri ilə tanış olublar. 25 təşkilatdan 87-si dövlət, 25-i özəl sektor olmaqla, 112 boş iş yerinin çıxarıldığı yarmarkada 24 nəfərə işə göndəriş verilib.

Xəbərlər şöbəsi

Ta qədimdən maldar və əkinçi ata-babalarımız il ərzində görülən işlərin vaxtını müəyyənləşdiriblər. Bu xalq təqvimində yay aylarının da xüsusi yeri olub. Məhz bu dövrdə biçin və döyüm işləri yerinə yetirilər, min bir zəhmətlə hasilə gələn taxılın tədarükünə başlanılardı. Etnoqraf Teymur Bünyadov qeyd edir ki, yayın orta ayı “qorabişirən” ay adlanır. Belə ki, iyun ayının ortalarından taxıl biçini başlayır. 

Ta qədimdən biçilən taxıl dərz bağlanar və bu dərzlər döyülmək üçün ayrılmış xüsusi əraziyə – xırmana aparılardı. Teymur Bünyadov qeyd edir ki, biçinçinin dörd əl tutumu biçdiyi sünbülə “bafa” deyirlər. Dörd bafa sünbül isə “bir dərz” adlanır. Etnoqraf Asəf Orucovun qənaətinə görə isə, beş bafa “bir dərz” adlanır. Başqa bir etnoqrafik mənbəyə görə, biçinçi hər dəfə orağı hərlədikcə biçilən taxıla “dəstə”, üç dəstəyə isə “çəmən” deyirlər. Üç çəməni bir yerə bağlayırlar ki, bu da “bağ” adlanır. Səkkiz bağ bir qoşqu heyvanının yüküdür. Ona “xalvar” deyirlər. Bir bayatıda deyilir:

Şahbuz şəhərindəki “Araz” kinoteatrının binasında keçirilən tədbiri rayon Məşğulluq Mərkəzinin direktoru Fəxrəddin Bağırov açaraq muxtar respublikada həyata keçirilən məşğulluq tədbirlərindən danışıb.
Bildirilib ki, əhalinin məşğulluğunun təmin edilməsində əmək yarmarkalarının xüsusi rolu var. Belə ki, məşğulluq orqanları tərəfindən işəgötürənlərdən boş iş yerləri haqqında məlumatlar toplanılır və bu məlumatlar əmək yarmarkalarında işaxtaranlara təqdim edilir.
Şahbuz Rayon İcra Hakimiyyətinin əməkdaşı Cəlal Paşayev çıxışında qeyd edib ki, son illərdə rayonun sosial-iqtisadi inkişafı istiqamətində həyata keçirilən tədbirlər əhalinin məşğulluğuna müsbət təsir göstərib, bunun da nəticəsində yüzlərlə insan müvafiq işlə təmin olunub. Keçirilən əmək yarmarkalarına işaxtaranların marağının böyük olması onu göstərir ki, onlarda bu yarmarkalarda ixtisaslarına müvafiq iş tapmalarına böyük inam vardır.
Sonra yarmarkaya gələnlər onlara təqdim olunan vakant iş yerləri ilə tanış olublar. 21 təşkilatdan 128 boş iş yerinin çıxarıldığı yarmarkada 13 nəfərə işə göndəriş verilib.
Qeyd edək ki, növbəti əmək yarmarkası bu gün Culfa rayonunda keçiriləcək.

Xəbərlər şöbəsi

Naxçıvan Muxtar Respublikası Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti tərəfindən Kəngərli rayonunda təşkil olunan növbəti əmək yarmarkasını giriş sözü ilə rayon Məşğulluq Mərkəzinin direktoru Səxavət Həsənov açaraq əhalinin məşğulluğu istiqamətində görülən işlərdən danışıb.
Rayon İcra Hakimiyyəti başçısının müavini Hacırəddin Mehbalıyev belə tədbirlərin rayonda fəaliyyət göstərən qurumların ixtisaslı kadrlarla təminatında mühüm rolu olduğunu deyib.
Vurğulanıb ki, muxtar respublikada, eləcə də Kəngərli rayonunda yeni iş yerlərinin açılması, infrastrukturun ən müasir tələblər səviyyəsində ­qurulması sosial rifahın təmin olunmasına müsbət təsir göstərib. Əmək potensialının keyfiyyətcə yüksəldilməsi, layiqli əməyin təminatı, iş yerlərində sağlam və təhlükəsiz əmək şəraitinin yaradılması qarşıda duran əsas ­vəzifələrdəndir.
Sonra yarmarkaya gələnlər boş iş yerləri ilə tanış olublar. Yarmarkaya ­ 7-si özəl müəssisə, 9-u isə dövlət orqanı olmaqla, ümumilikdə, 16 qurumdan 156 boş iş çıxarılıb. Boş iş yerlərindən 144-ü dövlət, 12-si isə özəl sektora aid olub. Əmək yarmarkasında 26 nəfərə işə göndəriş verilib.

Xəbərlər şöbəsi

Naxçıvan Muxtar Respublikası Ali Məclisi Sədrinin 2016-cı il 11 yanvar tarixli Sərəncamı ilə “2016-2020-ci illərdə Naxçıvan Muxtar Respublikasında sağlamlıq imkanları məhdud uşaqların təhsili və reabilitasiyası üzrə Dövlət Proqramı”nın təsdiq olunması və aid təşkilatlar tərəfindən bu proqramın icrası sağlamlıq imkanları məhdud uşaqların layiqli vətəndaş kimi formalaşması, cəmiyyətə inteqrasiya olunması üçün əlverişli şərait yaradır.
Proqramın əsas məqsədi muxtar respublikamızda yaşayan sağlamlıq imkanları məhdud uşaqların təhsil hüquqlarının təmin olunması, inklüziv təhsilə keçid imkanlarının artırılması, distant təhsilin inkişaf etdirilməsi, sağlamlıq imkanları məhdud uşaqların sosial reabilitasiyasında müasir üsulların tətbiq edilməsi, onların informasiya texnologiyalarından istifadə imkanlarının artırılması, eləcə də təlim-tərbiyəsilə bağlı müvafiq pedaqoji kadrların hazırlanmasıdır. Proqramın icrası ilə bağlı Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsi 2018-ci ilin ilk 6 ayında müvafiq tədbirlər həyata keçirib. Belə ki, muxtar respublika üzrə 18 yaşadək sağlamlıq imkanları məhdud olan 1925 uşaqdan 305 nəfərinin məktəbəqədəryaşlı olduğu müəyyənləşdirilib və onlar haqqında məlumat bazası yaradılıb.

Kəhrizlər hələ qədim zamanlarda insanların məişət və təsərrüfatda istifadə etdiyi əhəmiyyətli su mənbələri olub. Onlardan dəyirmanları işlətmək, əkinləri, bağları və bostanları suvarmaqla yanaşı, soyuducu kimi də istifadə edilib.
XX əsrin 30-cu illərinə qədər Naxçıvan diyarında 400-ə yaxın kəhriz fəaliyyət göstərib. Təkcə Naxçıvan şəhərində 30-dan çox kəhriz olub ki, onlar şəhər və ətrafındakı ərazilərin su tələbatını ödəyib. Lakin ötən əsrin ortalarında – sovet dönəmində həmin kəhrizlər baxımsız vəziyyətə düşüb, onların bir hissəsi unudulub, sıradan çıxıb. Bu isə, öz növbəsində, kənd təsərrüfatı sahəsində çətinliklərin yaranması və su çatışmazlığı ilə nəticələnib.
Sevindirici haldır ki, son illərdə muxtar respublikamızda bir çox sahələrə göstərilən qayğı kəhrizlərdən də yan keçməyib. Elə bunun nəticəsidir ki, 2004-cü ildə Naxçıvanda Kəhrizlər İdarəsi yaradılıb və ötən müddətdə onlarla kəhriz bərpa olunaraq əhalinin istifadəsinə verilib.

Əhalinin məşğulluğunun təmin olunmasında ­keçirilən əmək yarmarkaları mühüm rol oynayır. Bu tədbirlərin davamı kimi iyulun 6-da Sədərək ­rayonunda növbəti əmək yarmarkası keçirilib.
Tədbirdə çıxış edən rayon Məşğulluq Mərkəzinin direktoru Həsən Nəsirov qeyd edib ki, Naxçıvan Muxtar Respublikası Ali Məclisi Sədrinin 2016-cı il 11 yanvar tarixli Sərəncamı ilə təsdiq edilmiş “2016-2020-ci illərdə Naxçıvan Muxtar Respublikasında əhalinin məşğulluğunun artırılması üzrə Dövlət Pro­qramı”ndan irəli gələn vəzifələrin yerinə yetirilməsi üçün mərkəzin əməkdaşları rayondakı idarə, müəssisə və təşkilatlarda, sahibkarlıq subyektlərində boş iş yerləri haqqında məlumatlar toplayaraq həmin yerləri əmək yarmarkalarında işaxtaran vətəndaşlara təqdim edirlər.
Sədərək Rayon İcra Hakimiyyəti başçısının müavini Yusif Seyidov çıxışında qeyd edib ki, muxtar respublikamızda həyata keçirilən tədbirlərin nəticəsidir ki, sərhəd bölgəsi olan Sədərək rayonunda da əhalinin məşğulluğu prioritet vəzifəyə çevrilib, ötən dövrdə bu sahədə uğurlu nəticələr əldə edilib.
Sonra tədbir iştirakçıları idarə, müəssisə və təşkilatlar tərəfindən əmək yarmarkasına çıxarılmış boş iş yerləri ilə tanış olublar. 7 təşkilatdan 98 boş iş yerinin çıxarıldığı tədbirdə 12 nəfərə işə göndəriş verilib.

Sərxan İsmayılov

“2016-2020-ci illərdə Naxçıvan Muxtar Respublikasında əhalinin məşğulluğunun artırılması üzrə Dövlət Proqramı”nın icrasına uyğun olaraq ailə əməyinə əsaslanan fərdi təsərrüfatların yaradılmasına köməklik göstərilməsi məqsədilə Şərur, Babək, Ordubad, Culfa və Sədərək rayonları üzrə, ümumilikdə, 11 aztəminatlı ailə müəyyənləşdirilib. Həmin ailələrdən 10-na yanında balası olan iribuynuzlu, 1-nə isə 10 baş xırdabuynuzlu heyvan verilib.
Tədbirdə çıxış edən Naxçıvan Muxtar Respublikası əmək və əhalinin sosial müdafiəsi naziri Cavid Səfərov muxtar respublikada aztəminatlı ailələrə göstərilən dövlət qayğısı, onların məşğulluğunun təmin olunması istiqamətində həyata keçirilən tədbirlər barədə danışıb. Sonra aztəminatlı ailə təmsilçilərinə verilən mal-qara ilə bağlı sənədlər təqdim olunub.
Babək rayonunun Naxışnərgiz kənd sakini Qənbər Zamanov göstərilən qayğıya görə minnətdarlığını bildirib.
Qeyd edək ki, ötən dövr ərzində Naxçıvan Muxtar Respublikası Ali Məclisi Sədrinin tapşırığına əsasən 120 aztəminatlı ailənin özünüməşğulluğunun təmin edilməsi üçün müvafiq köməklik göstərilib.

Naxçıvan Muxtar Respublikası
Əmək və Əhalinin Sosial Müdafiəsi Nazirliyinin mətbuat xidməti

Bir çoxlarımızın uşaqlıq xatirələrində tut meyvəsinin özünəməxsus yeri var. Hər yay barmaqlarımızda və üz-gözümüzdəki tut ləkələrini, ağacdan düşəndə cızılmış dizlərimizi necə unuda bilərik? Yediyimiz ən dadlı tut da məhz hansısa budaqdan öz əllərimizlə dərib yediklərimizdir. Tut ağacı ta qədimlərdən insanları bir araya gətirən müqəddəs ağaclardan olub. 

Tutun çırpılma vaxtı bütün ailə məfrəş (“yelan”, “çərşov”, “dəstərxan” da adlandırılan, tut çırpılmaq üçün açılan, xüsusən kisədən tikilən süfrə) bir ucundan yapışır, böyüklərdən biri isə üstü tutla dolu ağacı silkələyir. Onun zərbəsindən göydən sanki bərəkət yağır, hamının üzündə bir sevinc və təbəssüm olur. Tut çırpılıb qurtardıqdan sonra hamı məfrəş ətrafında toplaşır, şipşirin, ağız sulandıran tutdan dadırlar. Ata-babalarımızdan qalma bu adətləri qoruyub-yaşadan insanlarımız tut ağaclarını müqəddəs, onun meyvəsini isə yoldan ötənlər üçün ehsan hesab ediblər. Qədim zamanlardan Şərqdə hörmətlə yanaşılan, böyük qol-budağa malik tut ağacları insanları həm də qızmar gün şüalarından qoruyub.
Muxtar respublikamızın bütün bölgələrində, demək olar ki, tut ağacları əkilib-becərilir. Yayın cırhacırında isti bölgələrimizdə artıq sovuşsa da, bu bal kimi şirin meyvəni ağız ləzzətilə çoxdan nübar etmiş olsaq da, məqsədimiz qurudulmuşu, doşabı və mürəbbəsilə şöhrət qazanan Ordubad tutundan yazmaq olduğu üçün üz tutduq həmin bölgəyə. Həmsöhbət olduğumuz ordubadlı bağban Əbdül Haşımov bağında 15-ə yaxın tut ağacı olduğunu dedi. O, tut budaqlarını müxtəlif meyvə ağaclarına: armud, heyva, limon, üzüm, gilas və digər ağaclara calaq etməklə dadlı, ləzzətli meyvələr yetişdirir.

Muxtar respublikada həyata keçirilən genişmiqyaslı tikinti-abadlıq işləri, yeni istehsal və emal müəssisələrinin, xidmət sahələrinin fəaliyyətə başlaması işçilərin əmək hüquqlarının qorunması və əməyin mühafizəsi üzrə ­tədbirlərin həyata keçirilməsini şərtləndirir.
2011-ci ildə Naxçıvan Muxtar Respublikasının Ali ­Məclisində istehsalatda baş verən bədbəxt hadisələr və onların aradan qaldırılması sahəsində görülən tədbirlər, 2012-ci ildə tikinti sektorunda əməyin təşkili, təhlükəsizlik qaydalarına riayət olunması və 2014-cü ildə tikintidə işlərin keyfiyyətlə aparılması və təhlükəsizlik tədbirləri ilə bağlı keçirilən müşavirələrdə verilən tapşırıqların icrası əməyin mühafizəsi sahəsində müsbət nəticələrin əldə edilməsinə səbəb olub.

Naxçıvan Muxtar Respublikası Ali Məclisi Sədrinin 2016-cı il 11 yanvar tarixli Sərəncamı ilə təsdiq edilmiş “2016-2020-ci illərdə Naxçıvan Muxtar Respublikasında sağlamlıq imkanları məhdud uşaqların təhsili və reabilitasiyası üzrə Dövlət Proqramı” ilə müəyyənləşdirilən vəzifələrin icrası uğurla davam etdirilir. Naxçıvan Muxtar Respublikası Ali Məclisinin Sədri yanında Bilik Fondunun təşkilatçılığı ilə hazırlanmış Ağbulaq İstirahət Mərkəzində gənclərin “Yay məktəbi”nin qrafikinə uyğun olaraq həmin mərkəzdə sağlamlıq imkanları məhdud uşaqların da “Yay məktəbi”nə start verilib.
Proqrama əsasən həmin qəbildən olan uşaqlar iyulun 3-də Naxçıvan şəhərindən Ağbulaq İstirahət Mərkəzinə yola düşüb və həmin gün mərkəzlə yaxından tanış olublar. İlk gün uşaqlar arasında dama yarışı keçirilib, qaliblər mükafatlandırılıb. Həmçinin gün ərzində oxunması zəruri olan bəzi kitabların mütaliə və müzakirəsi təşkil edilib, günün sonunda isə vətənpərvərlik mövzusunda film nümayiş olunub.
“Yay məktəbi”ndə valideynlərin müşayiətilə sağlamlıq imkanları məhdud 39 uşaq iştirak edir. Onlar üçün istirahət mərkəzinə 1 həkim və 4 nəzarətçi təhkim olunub.
Qeyd edək ki, sağlamlıq imkanları məhdud uşaqlar üçün təşkil edilən “Yay məktəbi” iyulun 6-dək davam edəcək.

Naxçıvan Muxtar Respublikası
Əmək və Əhalinin Sosial Müdafiəsi Nazirliyinin mətbuat xidməti

Muxtar respublikamızda insanların yaşayış şəraitinin yaxşılaşdırılması və asudə vaxtlarının səmərəli təşkili daim diqqət mərkəzindədir. Məhz bunun nəticəsidir ki, hər il yeni turizm və istirahət obyektləri sakinlərin istifadəsinə verilir. Təbii ki, isti yay günlərində hər birimiz ailəvi şəkildə istirahət etmək, bu məqsədlə xidmət çeşidliyi və münasib qiymətləri ilə seçilən məkanlara üz tutmaq istəyirik. Görülən işlərin nəticəsidir ki, doğma diyarımızda belə üstünlükləri ilə seçilən bir çox istirahət guşələri yaradılıb. Onlardan biri də Babək rayonunun Badaşqan kəndində yerləşən Naxçıvan Atçılıq və İstirahət Mərkəzidir. 

Naxçıvan Muxtar Respublikasında insanların sağlamlığının qorunması və istirahətinin səmərəli təşkili diqqət mərkəzində saxlanılır. Naxçıvan şəhər çimərliyinin yaradılması bu sahədə həyata keçirilən tədbirlərin davamı kimi dəyərləndirilir. 2014-cü ilin iyul ayında Naxçıvan şəhərində çimərliyin fəaliyyətə başlaması insan amilinə verilən qiymətin parlaq ifadəsidir.

İyulun 1-də Naxçıvan şəhər çimərliyində növbəti mövsümün başlanması münasibətilə tədbir ­keçirilib.
Naxçıvan Muxtar Respublikasının gənclər və idman naziri Azad Cabbarov tədbirdə çıxış edərək bildirib ki, muxtar respublikamızda bütün sahələrdə insanların rahatlığının təmin edilməsi üçün müxtəlif tədbirlər həyata keçirilir. Çimərlik istirahət zonasında da su və digər idman növləri üzrə yarışların, eləcə də gənclərin iştirakı ilə müxtəlif tədbirlərin keçirilməsi üçün hər cür şərait yaradılıb. Həmçinin çimərlikdə istirahət edənlərin istifadəsinə skuter, pedallı qayıq verilib, burada futbol və voleybol meydançaları fəaliyyət göstərir. Bu da isti yay günlərində sakinlərin və şəhərə gələn qonaqların istirahətinin səmərəli təşkilinə imkan verəcəkdir.
Sonra Naxçıvan Muxtar Respublikasının fövqəladə hallar nazirinin müavini, general-mayor Hikmət Kərimov yeni mövsümdə Naxçıvan şəhər çimərliyində həyata keçirilən tədbirlər barədə məlumat verib, burada göstəriləcək təhlükəsizlik xidmətlərindən danışıb.

Azərbaycan Respublikasında pensiyaçıların sosial müdafiəsini gücləndirmək məqsədilə “2017-ci il iyulun 1-dək təyin edilmiş əmək pensiyalarına qulluq stajına görə əlavələrin yenidən hesablanması Qaydası”nın təsdiq edilməsi haqqında” Azərbaycan Respublikasının Prezidenti cənab İlham Əliyev 2018-ci il 25 iyun tarixdə Fərman imzalamışdır. Bu fərman pensiya təminatında artım dinamikasının, ümumən, əhalinin rifah halının yaxşılaşdırılmasına yönələn tədbirlərin uğurla davam etdirildiyini təsdiq edir.
Bu qayda 1 iyul 2017-ci il tarixədək əmək pensiyası təyin edilmiş hərbi qulluqçuların və xüsusi rütbəli şəxslərin, dövlət qulluqçularının, Mərkəzi Seçki Komissiyası və Hesablama Palatası üzvlərinin, deputat və digər bu kateqoriyalardan olan şəxslərin qulluq stajına görə əmək pensiyasına əlavənin məbləğinin yenidən hesablanmasını müəyyən edir. Həmin əlavələrin hesablanmasının yeni mexanizmə uyğunlaşdırılması və əməkhaqqında, təminat xərcliyində və dövlət məvacibində artımlar olduqda onların da pensiyalarının bu müvafiq qaydaya uyğun olaraq artırılması təmin edilir.

Naxçıvan Muxtar Respublikası Ali Məclisinin Sədri yanında Bilik Fondunun təşkilatçılığı, Naxçıvan Muxtar Respublikasının Gənclər Fondu, Təhsil, Gənclər və İdman, Əhalinin Sosial Müdafiəsi nazirlikləri, Yeni Azərbaycan Partiyası Naxçıvan Muxtar Respublika Təşkilatı, Ailə, Qadın və Uşaq Problemləri üzrə Dövlət Komitəsi və Həmkarlar İttifaqları Şurasının iştirakı ilə Ağbulaq İstirahət Mərkəzində gənclərin “Yay məktəbi” təşkil olunub.
“Yay məktəbi”nin iyunun 23-dən sentyabrın 12-dək hər qrup üzrə 3 günlük olmaqla keçirilməsi nəzərdə tutulur. Hər qrup tələbə, şagird, sağlamlıq imkanları məhdud uşaq, aztəminatlı ailələrin uşaqları və ya idmançı olmaqla, 45 gənc, 1 həkim və 4 nəzarətçi-müəllimdən ibarət olacaq.
Artıq Naxçıvan şəhər ümumtəhsil məktəblərinin şagirdləri “Yay məktəbi”ndə iştirak ediblər. Belə ki, 23-26 iyun tarixlərdə şagirdlərdən ibarət bir qrup, 28 iyun-1 iyul tarixlərdə isə digər qrup Ağbulaq İstirahət Mərkəzində olublar.
Əvvəlcə onlar istirahət mərkəzi ilə tanış olub, uşaqlar üçün ayrılmış otaqlarda yerləşdiriliblər. Üç gün ərzində müxtəlif idman oyunları keçirilib, vətənpərvərlik mövzusunda filmlər nümayiş etdirilib. Həmçinin onların Ağbulaq kəndi ərazisinə gəzintisi də təşkil edilib.
Növbəti “Yay məktəbi”ndə iştirak etmək üçün bu gün sağlamlıq imkanları məhdud uşaqlar Ağbulaq İstirahət Mərkəzinə yollanacaqlar.

Ceyhun MƏMMƏDOV