Sərginin açılışında rayon İcra Hakimiyyətinin başçısı Rəfael Babayev çıxış edərək bildirib ki, muxtar respublikamızda qadınların əməyinin qiymətləndirilməsi daim diqqət mərkəzindədir. Həyata keçirilən quruculuq tədbirləri sayəsində ən ucqar sərhəd kəndlərində də qadınların iş və məişət şəraiti yaxşılaşdırılıb. Bu gün nəinki rayon mərkəzində, kəndlərdə də istifadəyə verilən sosial obyektlərdə qadınların fəaliyyəti üçün lazımi şərait yaradılır. Göstərilən qayğının nəticəsidir ki, rayon üzrə təhsil sahəsində çаlışаnlаrın 63,4, səhiyyə sаhəsində 85,2, mədəniyyət sаhəsində isə 70 faizini qаdınlаr təşkil еdir.
Qeyd olunub ki, Naxçıvan Muxtar Respublikası Ali Məclisi Sədrinin tapşırığı ilə artıq bir neçə ildir, istedadlı qadınların əl işlərinin satış-sərgisi təşkil edilir. Şahbuz rayonunda keçirilən satış-sərgidə bütün yaşayış məntəqələrindən istedadlı qadınlar iştirak edirlər. Şahbuz şəhərindən, Badamlı qəsəbəsindən, eləcə də rayonun Keçili, Kolanı, Ayrınc və Badamlı kəndlərindən olan istedadlı qadınların əl işləri satış-sərgidə üstünlük təşkil edir. Tədbirin təşkilində məqsəd rayon üzrə qadınların istedad və bacarıqlarını üzə çıxarmaq, milli dəyərlərimizi qorumaq, adət-ənənələrimizi gənclərə aşılamaq, mənəvi irsimizi yaşatmaqdır.

Naxçıvan Muxtar Respublikası Ali Məclisinin Sədri yanında Bilik Fondunun təşkilatçılığı ilə Naxçıvan Muxtar Respublikasının Gənclər və İdman Nazirliyi, Naxçıvan Muxtar Respublikası Ali Məclisinin Sədri yanında Gənclər Fondu, Naxçıvan Dövlət Universiteti, Naxçıvan Muxtar Respublikası Həmkarlar İttifaqları Şurası və Yeni Azərbaycan Partiyası Naxçıvan Muxtar Respublikası İcra Katibliyinin iştirakı ilə Ağbulaq İstirahət Mərkəzində reallaşan “Yay məktəbi” davam edir.
İyunun 28-də “Yay məktəbi”nin hazırlanmış proqramına uyğun olaraq gənclər Naxçıvan şəhərindən Ağbulaq İstirahət Mərkəzinə yola düşüblər. İstirahət mərkəzi ilə tanışlıqdan sonra onlar üçün əvvəlcədən ayrılmış hər cür şəraitə malik otaqlarda yerləşdiriliblər. Üç gün müddətində təşkil olunan növbəti “Yay məktəbi”ndə Naxçıvan Dövlət Universitetində təhsil alan 60 tələbə iştirak edib.
Məktəbin ilk günü “Gəzinti və ekskursiyaların insan psixologiyasına təsiri” mövzusunda seminar təşkil olunub və “Nuh yurdu” intellektual oyunu keçirilib. Günün sonunda isə vətənpərvərlik mövzusunda film nümayiş olunub.

İsti yay günlərində insanlar sərinləmək üçün çimərliklərə, su hövzələrinə üz tuturlar. Belə məkanlardan biri də Uzunoba Su Anbarında yaradılmış yeni istirahət mərkəzi – Naxçıvan şəhər çimərliyidir. İnsanların asudə vaxtlarını səmərəli keçirmələri, onların sağlamlıqlarının qorunması üçün burada hərtərəfli şərait yaradılmış, təhlükəsizlik tədbirləri diqqət mərkəzində saxlanılaraq müşahidə qülləsi qurulmuş, Naxçıvan Muxtar Respublikası Fövqəladə Hallar Nazirliyinin xilasedici qrupunun fəaliyyəti təşkil olunmuşdur. Bundan əlavə, çimərlik ərazisində xəbərdaredici və məlumatlandırıcı lövhələr də yerləşdirilmişdir.
Vətəndaşlarımız tərəfindən müəyyən olunmuş təhlükəsizlik tədbirlərinə əməl olunmaması bədbəxt hadisələrin baş verməsi ilə nəticələnə bilər. Buna görə də Naxçıvan Muxtar Respublikası Fövqəladə Hallar Nazirliyi çimərlikdə istirahət edən vətəndaşlarımıza aşağıdakı təhlükəsizlik qaydalarına əməl etmələrini tövsiyə edir:
– çimərlik üçün ayrılmış və xüsusi avadanlıqlarla təchiz edilmiş yerlərdən başqa, tanımadığınız və qadağan edilmiş yerlərdə suya girməyin;

Naxçıvan Muxtar Respublikası Ali Məclisinin Sədri yanında Bilik Fondunun Himayəçilik Şurası tərəfindən Ağbulaq İstirahət Mərkəzində təşkil edilən “Yay məktəbi” hər il olduğu kimi, bu il də şagirdləri qarşılayır. İstirahət Mərkəzinin budəfəki qonaqları Şərur rayonunun ümumtəhsil məktəblərinin əlaçı şagirdləri olublar.
Belə ki, iyunun 23-də Ağbulaq İstirahət Mərkəzi 60 şagirdi qəbul edib. İlk gün məktəblilər mərkəzlə tanış olub, onlar üçün əvvəlcədən ayrılmış hər cür şəraitə malik otaqlarda yerləşdiriliblər.
Nahardan sonra uşaqlar rəsm məşğələsində iştirak edib, müxtəlif idman oyunlarına qatılıblar. Axşam saatlarında isə məktəblilər şahmat, dama oynayıb, bədii ədəbiyyat mütaliəsi ilə məşğul olublar. Bundan sonra isə vətənpərvərlik mövzusunda film nümayiş etdirilib.
Qeyd edək ki, budəfəki “Yay məktəbi”nin müddəti 3 gündür. Bu günlər ərzində məktəblilər idman məşğələlərində iştirak edəcək, bilik yarışlarına, ustad dərslərinə, müxtəlif komanda oyunlarına, idman yarışlarına qatılacaqlar. “Yay məktəbi”nin üçüncü günü Şahbuz Rayon Uşaq Musiqi Məktəbinin kollektivi tərəfindən məktəblilərə konsert proqramı təqdim ediləcək.
Xatırladaq ki, “Yay məktəbi” Naxçıvan Muxtar Respublikası Ali Məclisinin Sədri yanında Gənclər Fondu, Təhsil, Gənclər və İdman, Əhalinin Sosial Müdafiəsi nazirlikləri, Yeni Azərbaycan Partiyası Naxçıvan Muxtar Respublika Təşkilatı, Ailə, Qadın və Uşaq Problemləri üzrə Dövlət Komitəsi və Həmkarlar İttifaqları Şurasının iştirakı ilə reallaşıb.

 Nail ƏSGƏROV

Sədərək Kənd Mərkəzində “Ailələrdə sağlam həyat tərzinin aşılanması, reproduktiv sağlamlıq, erkən və qanqohumluğu nikahlarının fəsadları” mövzusunda tədbir keçirilib.
Tədbiri Naxçıvan Muxtar Respublikası Ali Məclisinin deputatı Vüsalə Əliyeva açaraq ­Sədərək rayonunda ailələrin, eləcə də qadınların sağlamlıqlarının qorunması üçün həyata keçirilən tədbirlərdən, ailə dəyərlərinin yaşadılmasından danışıb.
Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsinin sədri Ramilə Seyidova “Ailədə sağlam həyat tərzinin aşılanmasında qadının rolu” mövzusunda çıxış edərək bildirib ki, bu gün dünyaya gələn uşağı milli ruhda böyütmək, cəmiyyətə layiqli vətəndaş hazırlamaq baxımından qadınların üzərinə böyük məsuliyyət düşür. Ana yeni nəsli mövcud ictimai şəraitdə həyata hazırlamalı, ailə şəraitində şəxsiyyətin normal şəkildə formalaşması üçün övladlarına zəruri olan bilik, bacarıq və vərdişləri mənimsətməlidir. Qadınlarımız nəsil­lərarası münasibətin qorunub saxlanmasına, ailələrdə böyüyən övladlarının bütün əxlaqi keyfiyyətlərə yiyələnməsinə, torpağına, elinə bağlı ruhda tərbiyəsinə çalışmalı, qanqohumluğu, erkən nikahlara qarşı çıxmalı, buna şərait yaratma­malıdır. Faktdır ki, ailə quran tərəflər lazımi tibbi müayinədən keçmədikdə bu nikahlardan çox zaman sağlamlıq imkanları məhdud uşaqlar dünyaya gəlir.

Tut ağacım, tut ağacım
Aman yerim, güman yerim
Xatirələr qanadında
Yaşatdığım pənah yerim.

Hər dəfə bu mahnını dinləyərkən gözümün önündə uşaqlıq xatirələrim canlanır. Elə məhəlləmizdə olan tənha, qocaman tut ağacının iri budaqlarının altından keçərkən də... Hər il tut mövsümündə həmin giləmeyvənin zərif, xoş ətrini duyduqda bu ağacla bağlı xatirələrim yadıma düşür və istər-istəməz bu mahnını dodaqaltı zümzümə edirəm:

De köksünə neçə çarpaz dağ çəkmişəm,
Neçə körpə budağını mən əzmişəm.
Bir gün şirin xatirələr sorağıyla,
Səni gözləyəcəyimi bilməmişəm.

Yaşanan o xoş xatirələrin üzərindən illər ötsə də, bugünkü kimi yadımdadır... Kəndimizdə tut ağaclarından ibarət bağımız vardı. Babam burada ağac əkərkən onlara övladlarının, sonralar isə nəvələrinin adını verərmiş. Hələ babamdan əvvəl onun atası da elə bu adətlə ağac əkərmiş. Bağdakı tut ağaclarının sayını artıq özünüz təsəvvür edin. Elə ki yaz gələr tut yetişərdi, hər ağacda ad daşıyanlar, elə həmin ağacın da məsuliyyətini daşıyardılar.

Naxçıvan Muxtar Respublikası Ali Məclisinin Sədri yanında Bilik Fondunun Himayəçilik Şurası tərəfindən Ağbulaq İstirahət Mərkəzində gənclərin və aztəminatlı ailə­lərin uşaqlarının “Yay məktəbi” təşkil olunub.

Culfa şəhər 3 nömrəli tam orta məktəbdə rayonda yaşayan istedadlı qadınların rəsm və əl işlərindən ibarət sərgi-satış təşkil edilib.
Sərginin açılışında çıxış edən Culfa Rayon İcra Hakimiyyətinin başçısı Şükür Babayev bildirib ki, göstərilən dövlət qayğısı nəticəsində muxtar respublikanın digər rayonlarında olduğu kimi, Culfa rayonunda da qadınların sosial-ictimai həyatda fəal iştirakının təmin edilməsi üçün əlverişli şərait yaradılıb. Bu gün qadınlar rayonun sosial-iqtisadi, intellektual-mədəni potensialının artırılmasına dəyərli töhfələr verir, elm, təhsil, səhiyyə və mədəniyyət, eləcə də digər sahələrdə uğurlar əldə edirlər. Rayonda yaşayan qadınlar yerli özünüidarəetmə orqanlarında təmsil olunur, təhsil, səhiyyə, mədəniyyət müəssisələrində rəhbər vəzifələrdə fəaliyyət göstərirlər.
Şükür Babayev qeyd edib ki, xüsusi istedadları ilə seçilən, rəssamlıq, toxuculuq, el sənəti nümunələrini yaşadan qadınların əl işlərindən ibarət sərgilərin təşkil olunması onlara göstərilən dövlət qayğısının daha bir nümunəsidir. Belə sərgilərin təşkil edilməsində məqsəd qadınların istedad və bacarıqlarını üzə çıxarmaq, milli dəyərlərimizi, adət-ənənələrimizi gənclərə aşılamaqdır. Bu sərgidə rayon üzrə 40 istedadlı ­qadının sulu və yağlı boya ilə işlənən tablolarından, toxuculuq və bir-birindən maraqlı dekorativ-tətbiqi sənət nümunələrindən ibarət 450 rəsm və əl işlərinin sərgi-satışı təşkil edilib.

İyunun 16-da “Naxçıvanı tanıyaq” devizi altında gənclərin Şahbuz Dövlət Təbiət Qoruğu və Batabat Astrofizika Rəsədxanasına ekskursiyası təşkil olunub.
Tədbir Naxçıvan Muxtar Respublikası Gənc­lər və İdman, Təhsil nazirlikləri, Naxçıvan Muxtar Respublikası Ali Məclisinin Sədri yanında Gənclər Fondu, Yeni Azərbaycan Partiyası Naxçıvan Muxtar Respublika Təşkilatının İcra Katibliyi və Yeni Azərbaycan Partiyası Naxçıvan Muxtar Respublika Təşkilatının Heydər Əliyev adına Gənclər Birliyinin birgə təşkilatçılığı ilə keçirilib.
Əvvəlcə Gənclər və İdman Nazirliyi Aparatının Gənclərlə iş şöbəsinin əməkdaşı Tahir Məmmədli çıxış edərək ekskursiyanın keçirilməsində məqsədin muxtar respublikanın tarixi yerlərinin və turizm məkanlarının gənclərə tanıdılması və bu ekskursiyalar zamanı çəkilmiş fotoşəkillərin gənclər tərəfindən müxtəlif sosial şəbəkələrdə paylaşılaraq muxtar respublikanın tanıdılmasında onların fəallığının artırılması olduğunu bildirib. Sonra Şahbuz Dövlət Təbiət Qoruğunun direktor müavini Mürsəl Seyidov gənclərə qoruq haqqında ətraflı məlumat verib.
Gənclər qoruğun ərazisində yerləşən informasiya mərkəzinin flora, fauna və etnoqrafiya muzeyləri, Batabat Astrofizika Rəsədxanası ilə tanış olublar.

Xəbərlər şöbəsi

Naxçıvan Muxtar Respublikasında şəhər infrastrukturunun inkişafı ilə yanaşı, insanların sağlamlığının qorunması və istirahətinin səmərəli təşkili də diqqət mərkəzində saxlanılır. 2014-cü ilin iyul ayında Uzunoba Su Anbarında yeni çimərliyin istifadəyə verilməsi bu sahədə həyata keçirilən tədbirlərin davamı olmaqla bərabər, həm də insan amilinə verilən qiymətin daha bir ifadəsidir. Ötən il olduğu kimi, bu il də şəhər sakinləri Uzunoba İstirahət Kompleksində fəaliyyət göstərən Naxçıvan şəhər çimərliyində öz vaxtlarını səmərəli keçirəcəklər. 

İyunun 15-də Naxçıvan şəhər çimərliyində çimərlik mövsümünün başlanması münasibətilə tədbir keçirilib.
Naxçıvan Şəhər İcra Hakimiyyətinin başçısı Vüqar Səfərov tədbirdə çıxış edərək deyib ki, bu gün Naxçıvan şəhərində insanların sağlamlıqlarının qorunması və istirahətinin səmərəli təşkili diqqət mərkəzində saxlanılır. Naxçıvan şəhər çimərliyi də bu sahədə həyata keçirilən tədbirlərin davamı kimi mühüm əhəmiyyət daşıyır. Yeni mövsümə başlayan çimərlikdə yüksək səviyyəli istirahət və xidmət şəraiti yaradılıb. Burada restoran və digər xidmət sahələri fəaliyyət göstərir. Bu da isti yay günlərində sakinlərin və şəhərə gələn qonaqların istirahətinin səmərəli təşkilinə imkan verəcək.

Naxçıvan Muxtar Respublikası Ali Məclisi Sədrinin tapşırığına əsasən iyunun 14-də Şərur, Babək, Ordubad və Culfa rayonlarından olan və uzun müddət ünvanlı dövlət sosial yardımı alan 15 aztəminatlı ailəyə fərdi təsərrüfatlarını qurmaq üçün “Simmental” cins inəklər verilmişdir.
Bu münasibətlə keçirilən tədbirdə Naxçıvan Muxtar Respublikası Ali Məclisi Sədrinin birinci müavini Azər Zeynalov çıxış edərək demişdir ki, Azərbaycan Respublikasında sosial sahədə aparılan dövlət siyasətinin əsas istiqamətlərindən birini məhz ailə siyasəti təşkil edir. Naxçıvan Muxtar Respublikasında ailə­lərin maddi və mənəvi tələbatlarının ödənilməsi, həyat səviyyəsinin yüksəldilməsi istiqamətində mühüm tədbirlər həyata keçirilir. Aztəminatlı ailələrin, o cümlədən Azərbaycan Respublikasının ərazi bütövlüyü uğrunda döyüşlərdə sağlamlığını itirmiş və ya şəhid olmuş vətəndaşların ailələrinin mənzillə, avtomobillərlə təminatı diqqətdə saxlanılır, onların sosial müdafiəsi gücləndirilir. Ailələrin rifahının təmin olunmasında məşğulluğun rolu danılmazdır. Naxçıvan Muxtar Respublikası Ali Məclisi Sədrinin 2016-cı il 11 yanvar tarixli Sərəncamı ilə təsdiq edilmiş “2016-2020-ci illərdə Naxçıvan Muxtar Respublikasında əhalinin məşğulluğunun artırılması üzrə Dövlət Proqramı” işaxtaranların səmərəli məşğulluğuna, əmək bazarının tələbinə uyğun peşə hazırlığının təşkilinə, işaxtaran və işsiz şəxslərin sosial müdafiəsinin güclənməsinə geniş imkanlar açmışdır.

Bizi yaylağa aparan maşın sövdələşdiyimiz vaxtda gəldi. Sürücümüz Füzuli dağ yollarına bələd olduğu üçün o qədər də tələsmir, axşam toran çalana qədər gedib-gələcəyimizin vədini verirdi. Maşın üzüyuxarı hərəkət etdikcə dağların ağuşunda lövbər salan Kükü kəndi yavaş-yavaş gözdən itirdi. Maşının pəncərəsindən içəri dolan sərin meh bizi həm təbiətin xoş ətrinə, həm də qarlı zirvələrin soyuğuna alışdırırdı.

Son illərdə muxtar respublikada yeni istehsal və emal müəssisələrinin həyata vəsiqə alması yeni iş yerlərinin də yaradılmasını zəruri edib. Bu da muxtar respublikada əmək bazarının tənzimlənməsinə töhfəsini verir.

Naxçıvan Muxtar Respublikası Ali Məclisi Sədrinin 2016-cı il 11 yanvar tarixli Sərəncamı ilə təsdiq edilmiş “2016-2020-ci illərdə Naxçıvan Muxtar Respublikasında əhalinin məşğulluğunun artırılması üzrə Dövlət Proqramı” bu istiqamətdə həyata keçirilən tədbirlərin daimi xarakter almasını daha da gücləndirib. Proqramda işaxtaran vətəndaşların məşğulluğunun təmin edilməsi və sosial müdafiəsinin gücləndirilməsi günün zəruri tələbi kimi qarşıya qoyulub. Muxtar respublikanın məşğulluq orqanları da öz işlərini adıçəkilən proqramdan irəli gələn vəzifələrin yerinə yetirilməsi istiqamətində qurur.
Bunu Ordubad Rayon Məşğulluq Mərkəzinin fəaliyyətində də görmək olar. Mərkəzin direktoru Telman Həsənovla söhbət zamanı bildirdi ki, rayonun əmək bazarında tələb və təklifin müəyyənləşdirilməsi məqsədilə real vəziyyət təhlil olunur, işçi qüvvəsi ilə mövcud iş yerlərinin sayı arasında fərq dəqiqləşdirilir. Mərkəz işaxtaran kimi müraciət edən vətəndaşların məşğulluğunu təmin etmək üçün çevik formalardan istifadəni diqqət mərkəzində saxlayır, öz işini rayon ərazisində fəaliyyət göstərən müəssisə və təşkilatlarla sıx əməkdaşlıq şəraitində qurur, boş iş yerləri haqqında məlumatlar toplayır. Rübdə bir dəfə keçirilən əmək yarmarkalarında həmin iş yerləri işaxtaran vətəndaşlara təqdim olunur. 2016-cı il ərzində Məşğulluq Mərkəzi tərəfindən 367 nəfər işaxtaran qeydiyyata alınıb, onlardan 350 nəfər müxtəlif sahələrdə işlə təmin olunub.

Təbiət qoynunda böyüyən hər bir bitki, torpaqdan ucalan hər bir yaşıl fidan insana zövq verir. Yaşadığımız mühiti çiçəklər, güllər və onların ətri, rəngarəngliyi daha çox bəzəyir. Cürbəcür çiçəklər və güllər bizə sevinc, fərəh, inam gətirir. Güllər bizi öz xoş ətri və gözəlliyi ilə məftun edir, çünki onlar təbiətin yaratdıqlarından ən mükəmməlidir.

Şahbuz rayonunun Keçili Kənd Mərkəzində “Ailələrdə sağlam həyat tərzinin aşılanması, reproduktiv sağlamlıq, erkən və qanqohumluğu nikahlarının fəsadları” mövzusunda növbəti tədbir keçirilib. Şahbuz Rayon İcra Hakimiyyəti başçısının müavini Mətanət Məmmədova belə tədbirlərin əhəmiyyətindən danışıb.
Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsinin sədri Ramilə Seyidova “Ailədə qadının sağlam həyat tərzi aşılamasında əsas rolu” mövzusunda çıxış edərək bildirib ki, ailədə sağlam həyat tərzinin formalaşmasında qadının rolu böyükdür. Bu gün dünyaya gələn uşağı milli ruhda böyütmək, cəmiyyətə layiqli vətəndaş hazırlamaq baxımından qadınların üzərinə böyük məsuliyyət düşür. Ana övladını mövcud ictimai şəraitdə həyata hazır­lamalı, ailə şəraitində şəxsiyyətin normal şəkildə formalaşması üçün ona zəruri olan bilik, bacarıq və vərdişləri mənimsətməlidir. Qadınlarımız nəsillərarası münasibətin qorunub saxlanmasına, ailələrdə böyüyən övladlarının bütün əxlaqi keyfiyyətlərə yiyələnməsinə, torpağına, elinə bağlı ruhda tərbiyəsinə çalışmalı, qanqohumluğu, erkən nikahlara qarşı çıxmalı, buna şərait yaratmamalıdırlar. Faktdır ki, tərəflər lazımi tibbi müayinədən keçmədikdə bu nikahlardan çox zaman sağlamlıq imkanları məhdud uşaqlar dünyaya gəlir.

İyunun 8-də Sədərək Rayon İcra Hakimiyyəti Naxçıvan Muxtar Respublikası Dövlət Baş Sığorta Agentliyi ilə birgə rayonda sığorta işinin mövcud vəziyyəti və qarşıda duran vəzifələr barədə tədbir keçirib. Tədbiri giriş sözü ilə açan Sədərək Rayon İcra Hakimiyyətinin başçısı Həbib İbrahimov son illərdə rayonda sığorta sahəsində görülmüş işlərdən danışıb. 

Naxçıvan Muxtar Respublikası Dövlət Baş Sığorta Agentliyinin baş direktoru Hikmət Əsgərov çıxışında müasir dövrdə muxtar respublikamızın hərtərəfli inkişafında sığorta fəaliyyətinin rolundan danışıb. Bildirib ki, sığorta işinin müasir tələblərə uyğun şəkildə təkmilləşdirilməsi daima dövlətin diqqət mərkəzindədir. İqtisadi inkişafı şərtləndirən əsas amillərdən biri olan sığorta muxtar respublikamızda iqtisadi fəallığın yüksəldilməsinə xidmət edir. Bu da, öz növbəsində, sığorta münasibətlərinin inkişafına geniş zəmin yaradır. Belə ki, insanlara maddi zərərlər vuran müxtəlif gözlənilməz hadisələr baş verdikdə verilən sığorta ödənişləri dəymiş maddi zərərlərin əvəzini ödəməyə imkan verir.

Zəhmətkeş təsərrüfat sahibi ilə söhbət

“Hava yağmurlu olanda ətrafına hündür yulğun kollarından hasar çəkilmiş məktəb binasının novdanlarından daman su sinif otaqlarında özünə əməlli-başlı yer edirdi. Kəndin çal-çəpərsiz həyətlərinə baxan inzibati binaların eyvanında dayanmaq olduqca təhlükəli idi.
70 illik sovet hökumətinin sütunları kimi bu eyvan da silkələnirdi. Kim idi həmin vaxt ucqar dağ kəndini yada salıb onun yollarını çəkən, körpüsünü salan? Kərəntisi, orağı çiynində yellənən kəndlinin məhsuluna da yiyə duran yox idi. Tədarük etdiyi nemət çox vaxt sahədə qalıb məhv olurdu. Kənddə yaşadığım vaxt ağır günlərin fikri, sabaha olan ümidsizlik məni Nəhəcirdən köçməyə vadar etdi. Lakin illər keçdi, dövr dəyişdi, elə bu dövrlə bərabər Nəhəcirin də siması dəyişdi, miskin donunu üzərindən atdı, müasir, abad yurd yerinə çevrildi və mən yenə öz kəndimə qayıtdım”.
Bu fikirlərin sahibi, Nəhəcir kənd sakini Seyran Məmmədovdur. Seyran kişi telefonda başladığımız söhbətə burada nöqtə qoydu və israrla dedi ki, “ay oğul, iyirmi ildən çoxdur ki, bu kənddən çıxmışam. Bunların hamısını telefonda sənə necə danışım? Qismət olar, bir gün qeyd dəftərçəni götürüb gələrsən bu tərəflərə. Bir çayımı içərsən, həm halımızdan agah olarsan, həm də ətraflı söhbətləşərik. Ürəyimdəkiləri açıb tökərəm...”

Cari ilin may ayında Naxçıvan Muxtar Respublikasında işaxtaran vətəndaşların münasib işlə təmin olunması məqsədilə aktiv məşğulluq tədbirləri davam etdirilmiş, 198 nəfər məşğulluq xidməti orqanlarında qeydiyyatda olan vakant iş yerlərinə, 13 nəfər müvafiq peşə kurslarına cəlb edilmiş, 17 nəfər isə kənd xidmət mərkəzlərində müvafiq işlə təmin olunmuşdur. Onlardan 13-ü məhdud fiziki imkanlı, 4-ü isə aztəminatlı ailələrin əmək qabiliyyətli üzvləridir.
Naxçıvan Regional Peşə Tədris Mərkəzində əmək bazarının tələbləri nəzərə alınaraq müxtəlif peşə sahələri üzrə kurslar təşkil olunur. May ayında “bərbər” kursunu 14 nəfər bitirmişdir. Hazırda “bərbər-manikürçü”, “dayə” və “xalçaçı” peşələri üzrə kurslar davam etdirilir. Qeyri-formal məşğulluğun qarşısının alınması, işə götürülən şəxslərlə əmək müqaviləsinin bağlanması, onlara verilən əməkhaqlarının reallığı əks etdirməsi ilə bağlı 43 obyektdə, o cümlədən işçilər üçün müvafiq əmək şəraitinin yaradılması, istehsal müəssisələrində işçilərin əməyin mühafizəsi qaydalarına riayət edilməsi ilə əlaqədar 30 obyektdə nəzarət tədbirləri görülmüşdür.

Naxçıvan Muxtar Respublikası Fövqəladə Hallar Nazirliyi Dövlət Yanğın Təhlükəsizliyi İdarəsi və onun yerli qurumları tərəfindən muxtar respublika ərazisində aparılacaq ot-taxıl biçini kampaniyası dövründə yanğın təhlükəsizliyinin etibarlı təmin edilməsi və qabaqlayıcı tədbirlərin həyata keçirilməsi məqsədilə bir sıra zəruri tədbirlər görülmüşdür.

Biçin kampaniyasına hazırlıqla bağlı Naxçıvan Muxtar Respublikası Daxili İşlər və Kənd Təsərrüfatı nazirlikləri ilə birgə tədbirlər planı hazırlanmış və hazırda plana uyğun olaraq yerlərdə maarifləndirici tədbirlər həyata keçirilməkdədir. Həmçinin biçin dövrü ərzində taxıl sahələrində işləyəcək kənd təsərrüfatı texnikalarına, fiziki şəxslərə və “Naxçıvan Aqrolizinq” Açıq Səhmdar Cəmiyyətinin və onun rayon bazalarına məxsus kombaynlara yanğına qarşı baxışlar keçirilmiş, onların sürücüləri və mexanizatorları ilə yanğın təhlükəsizliyi qaydaları haqqında maarifləndirici izahat işləri aparılmışdır.
Yerlərdə icra nümayəndələrinin, bələdiyyələrin, torpaq mülkiyyətçilərinin, sahibkarların, kombayn sürücülərinin və mexanizatorların iştirakı ilə maarifləndirici tədbirlər keçirilmişdir. Taxıl tədarük olunan un dəyirmanlarında, yem anbarlarında və saxlanclarda yanğın-texniki müayinələr keçirilərək bu sahə­­də çalışan işçilər yanğına qarşı ­maarifləndirilmişdir.
Naxçıvan Muxtar Respublikası Fövqəladə Hallar Nazirliyi bir daha sahibkarlara, torpaq mülkiyyətçilərinə, fermerlərə və kəndlilərə biçin dövrü ərzində aşağıda qeyd olunan yanğın təhlükəsizliyi qaydalarına ciddi riayət etmələrini tövsiyə edir.

Naxçıvan Muxtar Respublikası Ali Məclisinin Sədri yanında Bilik Fondunun təşkilatçılığı ilə “Gənc­lər ətraf mühitin çirklənməsinə yox deyir” devizi altında silsilə tədbirlər keçirilib.

Qədim Naxçıvan özünün torpaq və təbii iqlim şəraiti ilə yanaşı, əkinçilik və bağçılıq mədəniyyəti ilə də dünyada tanınır. Ötən ildən başlayaraq şəhərin qədim tarixi hissəsi olan “Naxçıvanqala” Tarix-Memarlıq Muzey Kompleksində keçirilən “Göycə” festivalı da muxtar respublikada yetişdirilən, dadı-tamı ilə çox məşhur olan bu meyvənin tanıdılması baxımından mühüm əhəmiyyət kəsb edir.
İyunun 3-də başlayan ikinci göycə festivalına maraq böyük idi. Səhər saat 900-da artıq Naxçıvanqalanın geniş ərazisində qələbəlik idi. Yüzlərlə Naxçıvan sakini və şəhərdəki turistlər göycə sərgiləri ilə tanış olmaq üçün bura axın edirdilər.
Əvvəlcə Naxçıvanqalanın mərkəzində festivalın açılış tədbiri keçirildi. Tədbirin aparıcıları xalqımıza məxsus ənənələrin yaşadılmasında, naxçıvanlı bağbanların, xalq seleksiyaçılarının hələ VII əsrdən bəri yetişdirməyə başladığı göycənin şöhrətinin yayılmasında “Göycə” festivalının əhəmiyyətindən danışaraq bildirdilər ki, Naxçıvanda yetişən göycə ilə yanaşı, ləziz dadı ilə seçilən alma, armud, cəviz, badam, üzüm sortları da yaxşı tanınır. Elə bu səbəbdən də hələ orta əsrlərdən Naxçıvan “meyvə cənnəti” adlandırılıb.

Qədim Naxçıvan özünün torpaq və təbii iqlim şəraiti ilə yanaşı əkinçilik və bağçılıq mədəniyyəti ilə də dünyada tanınır. Ötən ildən başlayaraq şəhərin qədim tarixi hissəsi olan “Naxçıvanqala” Tarix-Memarlıq Muzey Kompleksində keçirilən “Göycə” festivalı da muxtar respublikada yetişdirilən, dadı-tamı ilə çox məşhur olan meyvələrin tanıdılması baxımından mühüm əhəmiyyət kəsb edir.

Naxçıvan Muxtar Respublikası Ali Məclisinin Sədri yanında Bilik Fondunun təşkilatçılığı ilə “Gənclər ətraf mühitin çirklənməsinə yox deyir” devizi altında keçirilən aksiyalar muxtar respublikanın bütün bölgələrini əhatə etməklə davam etdirilir.
Gənclərin iştirakı ilə Uzunoba Su Anbarı ətrafında “Hərəmiz bir ağac əkək” aksiyası keçirilib. Aksiyanı Naxçıvan Muxtar Respublikası Ali Məclisinin Sədri yanında Gənclər Fondu, Gənclər və İdman, Təhsil nazirlikləri və Yeni Azərbaycan Partiyasının aid rayon təşkilatlarının Heydər Əliyev adına gənclər birlikləri təşkil edib.
Tədbirdə çıxış edənlər bildiriblər ki, ekoloji problemlərin həlli, ətraf mühitin qorunması, təbiətin zənginləşdirilməsi muxtar respublikada diqqət mərkəzində saxlanılır. Ətraf mühit və təbii sərvətlərin qorunmasında ekoloji maarifləndirmənin mühüm rolu vardır. Ona görə də muxtar respublikada əhalinin, xüsusən də böyüməkdə olan nəslin ətraf mühitin mühafizəsi və ekoloji təhlükəsizlik sahəsində bilik və bacarıqlarının artırılması, gənc nəsildə ekoloji mədəniyyətin formalaşdırılması və onların ətraf mühitin birgə mühafizəsinə cəlb olunması diqqət mərkəzində saxlanılır, bu məqsədlə ardıcıl tədbirlər görülür.

Məlumdur ki, insan resursları iqtisadi inkişafda əhəmiyyətli rol oynayır. Bu resurslardan səmərəli istifadə olunması cəmiyyətin ümumi inkişafına və yoxsulluğun aradan qaldırılmasına imkan verən ən mühüm amillərdən biridir. Muxtar respublikamızda indiyədək həyata keçirilmiş sosial-iqtisadi tədbirlərin mahiyyətində bu amil diqqət mərkəzində saxlanıldığından qazanılmış müsbət nəticələrdə regionun əmək potensialından düzgün istifadə olunması da bir daha özünü göstərir.
Muxtar respublikada əmək baza­rının tənzimlənməsində və əhalinin səmərəli məşğulluğunun təmin edilməsində 2007-2010-cu illərdə məşğulluq strategiyasının həyata keçirilməsi və 2014-2015-ci illərdə əhalinin məşğulluğunun artırılması üzrə dövlət proqramlarının uğurlu icrası mühüm rol oynayıb. Belə ki, 1996-cı ildən bu günə kimi muxtar respublikada 85 min 861 yeni iş yeri açılıb ki, bunun da 59 min 90-ı və ya 68,8 faizi daimi iş yerləridir. Əgər 1995-ci ilin sonuna məşğulluq xidmətlərində rəsmi işsiz statusu alanların sayı 5 min 211 nəfər təşkil edirdisə, hazırda bu göstərici sıfır səviyyəsinə endirilib, əmək bazarında sabitlik təmin olunub.

Bu əmanətə sahib çıxmaq, onları qorumaq isə hər bir insanın mənəvi borcudur

Xoşagəlməz hadisələr, münaqişələr, yoxsulluq, xəstəlik, ölüm...  Cəmiyyətin ən həssas üzvləri olan məsum körpələr, bəzən taleyin bu kimi ağır sınaqlarının cəzasını çəkməyə məhkum olurlar. Bu cür sınaqlar körpə fidanların valideyn sevgisinə, ailə qayğısına möhtac olduqları bir zamanda onları ata-ana nəvazişindən məhrum edir, sevinclərini əlindən alır, yalnız, kimsəsiz qoyur. Bəzən günahsız mələklərin həyat yolunu Körpələr evindən salan da taleyin amansız hökmüdür.

Uzun illərdir ki, Körpələr Evi və Ailələrə Dəstək Mərkəzinə getmək istəyi könlümdən keçsə də, sözün düzü, gözləri qapıya dikilmiş, həsrətlə yol gözləyən bu məsum balalara baş çəkməyə cəsarətim çatmırdı. Düşünürdüm ki, gözlərindəki kədəri gördükdə istəmədən onlara qəlbimdəki kövrəkliyi, həssaslığı hiss etdirə bilərəm. Bu isə onların fikrində fərqli düşüncələr yarada bilər. Məsələn, acımaq kimi... Lakin, əslində, hiss etdiyim tam olaraq bu deyildi. Sadəcə, valideyn qayğısından, sevgisindən məhrum olan uşaqların sığındığı bu ünvanın – Körpələr evinin adını eşitdikdə, həmin körpələrin qəlbində olan nisgilin baxışlarında əks olunan xiffətə çevrilməsi qeyri-iradi bir üzüntü hissi yaradır, ruhuma bir kədər hopurdu.

Valideynlərin hər ikisi, həm ana, həm də ata öz xoşbəxtliyini, ilk növbədə, dünyaya gələcək övladında görür. Uşağın dünyaya gəlməsi ailə üçün ən böyük sevincdir. Təbii ki, hər bir valideyn öz uşağını sağlam və fiziki cəhətdən möhkəm görmək istəyir. Təəssüflə qeyd etməliyik ki, bu gün dünyaya göz açan uşaqların bəzilərində müəyyən xəstəliklər olur. Son illər muxtar respublikamızda uşaqların fiziki, mənəvi, psixoloji cəhətdən sağlam böyüməsi, cəmiyyətə faydalı şəxsiyyət kimi formalaşması istiqamətində çox mühüm tədbirlər reallaşdırılır. 2007-ci ildə fəaliyyətə başlayan Uşaq Bərpa Mərkəzi də məhz bu xeyirxah və şərəfli missiyanı həyata keçirir. Mərkəzdə sağlamlıq imkanları məhdud uşaqların müayinə və müalicə almaları üçün hər cür şərait var.

Ötən günlərdə həmin mərkəzdə olduq və burada müalicə alan uşaqlar üçün yaradılmış şəraitlə yaxından maraqlandıq. Mərkəzin baş həkimi Şəhla Əhmədova bizimlə söhbətində bildirdi ki, Naxçıvan Muxtar Respublikası Ali Məclisi Sədrinin 2016-cı il 11 yanvar tarixli Sərəncamı ilə “2016-2020-ci illərdə Naxçıvan Muxtar Respublikasında sağlamlıq imkanları məhdud uşaqların təhsili və reabilitasiyası üzrə Dövlət Proqramı” təsdiq olunub. Naxçıvan Uşaq Bərpa Mərkəzi də öz fəaliyyət istiqamətini məhz adıçəkilən dövlət proqramının əsasında qurub. Hazırda mərkəzdə, əsasən, nevroloji xəstəliklərdən əziyyət çəkən 12 uşaq müalicə kursu keçir. Mərkəzə müraciət edən hər bir uşaq əvvəlcə ətraflı müayinə olunur, daha sonra həkim-fizioterapevt tərəfindən onun üçün tərtib edilmiş fərdi tibbi reabilitasiya kitabçasında qeydiyyatı aparılır və gündəlik olaraq təyin olunmuş prosedurların yerinə yetirilməsinə həkim tərəfindən ciddi nəzarət edilir. Mərkəzdə müasir tibbi avadanlıqlarla təchiz edilmiş müxtəlif tezlikli cərəyanlar, infraqırmızı lampa, ultrabənövşəyi, mikrodalğa ilə müalicə, manual masaj, parafin aplikasiyası otaqları, su müalicəsi, müalicəvi bədən tərbiyəsi zalı fəaliyyət göstərir. Bunlardan əlavə, müalicə alan uşaqların asudə vaxtlarını səmərəli keçirmələri üçün erqoterapiya otağı da yaradılıb, autizm sindromundan əziyyət çəkən, eyni zamanda diqqət dağınıqlığı olan hiperaktiv uşaqların müalicəsində əvəzsiz rola malik multisensor terapiya müalicə otağı istifadəyə verilib. Mərkəzin müalicəvi bədən tərbiyəsi zalına yeni avadanlıqlar – yeriş imitatoru, unikreslo, artromot, aşil tendon gərici verilib ki, bu da uşaqlara göstərilən xidmətin keyfiyyətini xeyli yüksəldib. Mərkəzdə həftə ərzində müəyyən idman növlərində məşqlər keçirilir. Hər həftənin 1-ci və 4-cü günləri bədii gimnastika, 2-ci və 5-ci günlər stolüstü tennis, 3-cü gün isə boccia idman növü üzrə məşqlər aparılır.

1 iyun – Uşaqları Beynəlxalq Müdafiə Günü ilə əlaqədar Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsinin, Əmək və Əhalinin Sosial Müdafiəsi, Təhsil və Səhiyyə nazirliklərinin birgə təşkilatçılığı ilə Naxçıvan şəhərindəki Körpələr Evi və Ailələrə Dəstək Mərkəzində tədbir keçirilib.
Mərkəzin və Gözdən Əlil Uşaqlar üçün Xüsusi İbtidai Məktəbin sağlamlıq imkanları məhdud uşaqlarının iştirakı ilə keçirilən tədbirdə Naxçıvan Muxtar Respublikası əmək və əhalinin sosial müdafiəsi naziri Cavid Səfərov, təhsil naziri Məmməd Qəribov, Ailə, Qadın və Uşaq Problemləri üzrə Dövlət Komitəsinin sədri Ramilə Seyidova, Naxçıvan Muxtar Respublikası səhiyyə nazirinin müavini Samrat Gəncəyeva və mərkəzin baş həkimi Rəsmiyyə Xasayeva uşaqları əlamətdar gün münasibətilə təbrik edib, muxtar respublikada sağlamlıq imkanları məhdud uşaqların cəmiyyətə inte­qrasiya olunması istiqamətində görülən işlərdən, həyata keçirilən tədbirlərdən danışıblar.
Bildirilib ki, muxtar respublikamızda uşaqların yüksək qayğı ilə əhatə olunması, onların əlverişli mənəvi və sosial mühitdə böyüməsi üçün zəruri şəraitin yaradılması, layiqli vətəndaş kimi formalaşması dövlət uşaq siyasətinin prioritet istiqamətlərindən biridir. Sosial qayğıya ehtiyacı olan sağlamlıq imkanları məhdud uşaqların təhsilinin, reabilitasiyasının səmərəli təşkili təmin edilir. Bu qəbildən olan uşaqların cəmiyyətə fəal inteqrasiyası, reabilitasiyası üçün yaradılan şərait dövlətimizin uşaqlara göstərdiyi diqqət və qayğının bariz nümunəsidir.

Naxçıvan Muxtar Respublikası Ali Məclisinin Sədri yanında Bilik Fondunun təşkilatçılığı ilə 5 iyun – Ümumdünya Ətraf Mühitin Mühafizəsi Günü münasibətilə “Gənc­lər ətraf mühitin çirklənməsinə yox deyir” devizi altında aksiyalara start verilib.
Ali Məclisin Sədri yanında Gənc­lər Fondu, Naxçıvan Muxtar Respublikası Gənclər və İdman, Ekologiya və Təbii Sərvətlər, Təhsil nazirlikləri və Yeni Azərbaycan Partiyası aid rayon təşkilatlarının Heydər Əliyev adına Gənclər birlikləri tərəfindən keçirilən aksiyalarda gənclərin ekoloji biliklərinin zənginləşdirilməsi, onlarda təbiətə məhəbbət hisslərinin aşılanması məqsədilə ekoturizm marşrutları üzrə gəzintilər təşkil olunur, təmizlik tədbirləri görülür.
Mayın 30-da keçirilən ilk belə tədbirə Şahbuz və Babək rayonlarının yeniyetmə və gəncləri qatılıblar. Gənclər ilk olaraq Batabat yaylağının fauna və flora aləmi, təbiət abidələri ilə tanış olublar. Tədbir iştirakçıları ərazinin təbiət gözəllikləri olan Zorbulaq, Üzən ada kimi təbiət əraziləri haqqında məlumatlandırılıblar. Aksiya iştirakçıları ərazidə yaşıllıqlara qulluq edib, təmizlik tədbirləri görüblər.

Dünyanın əksər ölkələrində hər il iyun ayının 1-i Uşaqları Beynəlxalq Müdafiə Günü kimi qeyd olunur.
Hər bir xalqın ən böyük sərvəti uşaqlardır. Ailə sahibi olmaq, layiqli övlad yetişdirmək, gələcəklə bağlı bütün arzu-niyyətləri uşağa həsr etmək, uşaqları sevmək və qorumaq hər bir azərbaycanlının daxilindən qaynaqlanan təbii, nəcib arzudur.
Ölkəmizdə uşaqlara diqqət və qayğının əsas istiqamət kimi müəyyənləşməsi ulu öndərimiz Heydər Əliyevin adı ilə bağlıdır. Ümummilli lider ölkəmizə rəhbərlik etdiyi dövrlərdə uşaqlara xüsusi qayğı göstərərək onların gələcək həyat yollarının düzgün istiqamətləndirilməsi naminə mühüm qərarlar qəbul etmişdir. Ötən əsrin 70-80-ci illərində gənc nəslin nümayəndələrinin yaxşı təhsil alması və dünyagörüşlərinin formalaşması məqsədilə ölkəmizin bütün bölgələrində məktəb binaları, məktəbdənkənar müəssisələr, istirahət guşələri, mədəniyyət evləri, musiqi məktəbləri tikilərək istifadəyə verilmişdir.

Bizim qəribə işlərimiz çoxdur. Məsələn, çay görməmiş çırmanmaq, özümüzə umac ova bilməyə-bilməyə başqasına əriştə kəsmək, yorğanımıza görə ayağımızı uzatmamaq, boyumuzdan ucaya tullanmaq, arının yuvasına çöp uzatmaq və sair və ilaxır.
Bunlar, belə deyək ki, bizim klassik vərdişlərimizdəndir. Bu klassika müasir “kəşf” və oyunbazlıqlarla qovuşanda isə ortaya əcaib-qəraib mənzərələr və işlər çıxmağa başlayır.
Görkəmli bəstəkarımız Üzeyir Hacıbəyovun ötən əsrin əvvəllərində qələmə aldığı “Nərdivan” felyetonu da bizim klassik siçan-pişik işlərimizdəndir. Bu felyetonu dəfələrlə oxumuşam. Amma buna baxmayaraq, bu gün də oxumaqdan doymuram. Və də yəqin ki, min illər sonra da belə publisistik mayaklar zirvədən enməyəcək. Görək ustad sənətkar nə yazır:
“Biz nə tövr iş görürük?
Biz iş görmək istədikdə bir şeyi yadımızdan çıxardırıq.
O şey nədir?
O şey nərdivandır!
Necə yəni nərdivan? Nərdivan nədir?
Nərdivan bir alətdir ki, onun vasitəsilə adam tədriclə yuxarı çıxa bilər. Hər kəs nərdivansız yuxarı çıxmaq istəsə, elə yıxılar ki, təpəsi dağılar.
Bu belə. Bundan başqa, bir də biz həmişə başımızdan yekə iş görürük.

Naxçıvan Muxtar Respublikası Dövlət Sosial Müdafiə Fondunun və Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Komitəsinin təşkilatçılığı ilə mayın 24-də Naxçıvan şəhərinin Tumbul kəndində “Mülkiyyətində olan kənd təsərrüfatına yararlı torpaqları istifadə edən torpaq mülkiyyətçiləri tərəfindən ödənilən məcburi dövlət sosial sığorta haqlarının mahiyyəti və bu sahədə tətbiq olunan elektron xidmətlər” mövzusunda maarifləndirici tədbir keçirilib.
Naxçıvan Şəhər İcra Hakimiyyətinin Ərazi idarəetmə və yerli özünüidarəetmə orqanı ilə iş şöbəsinin müdiri İsmayıl Gülməmmədov tədbirin əhəmiyyətindən danışıb.
Tədbirdə çıxış edən Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Komitəsinin baş məsləhətçisi Tural Cəfərov torpaq üzərində mülkiyyətin növlərindən danışaraq torpaqların keyfiyyətinə görə 4 qrupa ayrıldığını bildirib. O, torpaq üzərində hüquqi və fiziki şəxslərin xüsusi mülkiyyət hüququndan, dövlət və bələdiyyə torpaqlarının özəlləşdirilməsindən, torpaqların alqı-satqısından, vərəsəliyə keçməsindən, bağışlanmasından, dəyişdirilməsindən və digər əqdlərin bağlanma şərtlərindən danışıb. Məruzəçi torpaq sahələri üzərinə yaranan hüquqların dövlət qeydiyyatına alınmasının önəmini vurğulayıb.

Sevilən qidaların hamısı zərərlidir deyə, bir qanun yoxdur. Faydalı olduğu halda insanlar tərəfindən sevilərək yeyilən qidalar sırasında ilk yerdə meyvələr durur. Xüsusilə də mövsüm etibarilə ilk yetişən meyvə olan göycə. Naxçıvanın brendinə  çevrilmiş bu meyvəni sevməyən, zənnimcə, yoxdur. Həyətində göycə ağacı olanlar onu bu­dağından qoparıb yeyəcək, olmayanlara dost-tanışdan pay gələcək, o da olmasa, bir neçə manatından keçib gedib bazardan alacaq. Hər nə cür olursa-olsun, insanlar onu dadacaq. 

Çox uzağa getmədən bir misal çəkəcəyəm. Ali məktəbin I kursunda oxuyurdum. Qrup yoldaşlarımın çoxu şəhərdən olduğundan göycə yetişən vaxtı sinifdə söhbət düşdü ki, bəs kimin həyətində göycə ağacı varsa, bir gün gedək onlara göycə yeməyə. Sağ olsun Babək rayonundan olan Vüsalə adlı bir qız, ürəkli çıxaraq bizi evlərinə dəvət etdi. Etmədik tənbəllik, 42 nəfər tələbə yol aldıq Babək rayonuna. Çox da razı qayıtdıq. Artıq üçüncü ildir ki, göycə mövsümündə ünvanımız bəllidir: Babək qəsəbəsində Əsgərovların həyəti.
İndi isə keçək naxçıvanlıların sevimli meyvəsi olan göycə barədə məlumatlanmağa. Görək onun adından, rəngindən, dadından başqa haqqında nə bilirik? Göycə Naxçıvanın ən sevilən, nübar meyvələrindən biridir. Ona görə ki, ta qədimdən göycə yalnız bu regionda becərilib. Naxçıvan göycəsinin tarixi VII əsrə gedib çıxır. “Göycə” sözü göyümtül-yaşıl mənasında olmaqla bərabər, “yeni”, “təzə” mənasını da ifadə edir. Mövzu ilə əlaqədar Nehrəm kənd sakini, bağban Tofiq Abutalıbov ilə həmsöhbət oluruq:

Son illər muxtar respublikamızda insanların asudə vaxtlarını səmərəli keçirməsi, istirahət günlərini mənalı yaşaması məqsədilə gözəl ünvanlar yaradılır. Xüsusən əvvəllər yay günlərində bu məqsəd üçün başqa yerlərə üz tutan vətəndaşlar indi buna ehtiyac duymurlar. Belə istirahət ünvanları arasında “Əyləncə adası” adı ilə tanınan Əyləncə və İstirahət Mərkəzi xüsusi imic qazanıb. Naxçıvançay vadisində yerləşən bu yer bütün naxçıvanlıların sevimli məkanına çevrilib.

Ötən günlərdə adıçəkilən ünvanda böyük coşqunun şahidi olduq. Əyləncə və İstirahət Mərkəzinin direktor müavini Vüqar Məmmədov bizimlə söhbətində bildirdi ki, ümumi sahəsi 38 min kvadratmetr olan bu istirahət obyekti 2014-cü ildə istifadəyə verilib. Ərazidə inşa edilmiş ikimərtəbəli binanın birinci mərtəbəsində “Lavazza” və “Mado” kafeləri, uşaq və böyüklərin asudə vaxtlarının səmərəli təşkili üçün müasir oyun avadanlıqlarının quraşdırıldığı oyun salonu və fotoxidmət fəaliyyət göstərir. Burada həmçinin dünyanın tanınmış geyim firmaları məhsullarının satışı mağazası da yerləşir. Binanın ikinci mərtəbəsində isə yerli və xarici mebel dəstləri, çilçıraq və pərdə satışı bölmələri fəaliyyət göstərir. Geyim və yaxud məişət əşyalarının satıldığı ticarət obyektlərinə gedə bilməyən insanlar istirahətlə birlikdə bu imkanlardan rahat istifadə edə bilərlər. Əyləncə və İstirahət Mərkəzinin həyətində 33 metr hündürlüyündə 24 kabinəli 144 yerlik karusel, 8 yerlik 120 dərəcəli disko, qüllə və ətrafında qatar, uşaqlar üçün nəzərdə tutulmuş 5 idman qurğusu və genişekranlı monitor vardır. Ərazidə 1 fəvvarə və 4 hovuz yaradılıb. Böyüklər üçün kafe və peyntbol meydançasının olması istirahəti daha maraqlı edir.

Naxçıvan Muxtar Respublikasında sığorta fəaliyyəti istiqamətində aparılan işlər gözlənilməz hadisələr nəticəsində vətəndaşlara dəymiş zərərlərin əvəzinin ödənilməsində mühüm əhəmiyyət daşıyır. Belə ki, muxtar respublikamızda həyata keçirilən daşınmaz əmlakın icbari sığortası təbii fəlakətlər və gözlənilməz hadisələr nəticəsində vətəndaşların evlərinə və fərdi mənzillərinə dəymiş zərərlərin əvəzinin ödənilməsinə zəmanət verən mühüm vasitədir. 

“İcbari sığortalar haqqında” Azərbaycan Respublikasının Qanununa əsasən, sığorta hadisələri baş verdikdə sığortalanmış daşınmaz əmlak sahiblərinə dəymiş zərərlər sığorta orqanları tərəfindən qiymətləndirilərək əmlak sahibinə ödənilir. Sığorta işinin günün tələbləri səviyyəsində qurulması da vətəndaşların bu vacib tələbatının ödənilməsinə xidmət edir.

Hörmətli Sahil müəllim!

“Şərq qapısı” qəzetində çıxan silsilə yazılarınızı oxuduqca məndə sizinlə üz-üzə əyləşib, necə deyərlər, dərdləşmək istəyi yarandı. Sözsüz ki, sözü tutan eyni fikirli adamlar dərdləşə bilərlər! Və belə qərara gəldim ki, üst-üstə düşən fikirlərimizi çoxları ilə paylaşmaq üçün sizə açıq məktubla müraciət edim!
Siz “Naz-Lifan”ı bağlayanlar, dükanlara ağlayanlar, qəbiristanlıqlara “yas saxlayanlar” yazınızla qələmin müqəddəs vəzifəsinə sadiq qalan jurnalist olaraq Naxçıvanın yaxın keçmişdəki reallıqlarını o qədər təbii ustalıqla təsvir etmisiniz ki, mən bir anlığa o illərin soyuğunu, qaranlığını, səksəkəsini yaşadım... O illəri ki camaat xilaskarının ətrafında birləşdi, ermənini Naxçıvana qoymadı, torpağını qorudu, bu torpağı bir addım belə, tərk etmədi, övladlar böyüdüb tərbiyə etdi, oxutdu, gələcəyini hazırladı... Həyatımız blokadada olsa da, mənəviyyatımız, iradəmiz sınmadı, sarsılmadı! Bir çaydan isti çay tapanda bir çaynikini dəsmala, paltara büküb qonşuya çatdırdıq. İki litr neftimiz vardısa, qonşumuzun da çırağını doldurduq! Xəstələrimizə, əsgərlərimizə, qoca və kimsəsizlərimizə baş çəkdik; əlbəttə, söhbət saf naxçıvanlı xislətindən gedir! O naxçıvanlıdan ki doğulub boya-başa çatdığı vətəninin dar günündə ilğım dalınca düşüb yurdunu tərk etmədi, çalışdı, vuruşdu, sinəsini sipər edərək sərhədlərimizi mənfur düşməndən qorudu, siz dediyiniz kimi, az danışıb, çox iş görərək ömrünü şam kimi yandırıb millətinin yolunu işıqlandırdı, hər ocağı ürəyinin hərarəti ilə isitdi. Necə deyərlər, Naxçıvanı gözəlləşdirərək naxçıvanlılara sevdirən oğullara bu torpağın suyu, havası, bütün naz-nemətləri halal olsun!

Naxçıvan şəhərində fəaliyyət göstərən Naxçıvan Muxtar Respublikası Estetik Tərbiyə Mərkəzinin əsas fəaliyyət istiqaməti uşaq və gənclərin mənəvi-estetik tərbiyəsinin yaxşılaşdırılması, bədii yaradıcılıq qabiliyyətlərinin inkişaf etdirilməsi və asudə vaxtlarının səmərəli təşkili üçün şərait yaradılmasından ibarətdir.
Bu günlərdə həmin ünvanda olduq. Mərkəzin direktoru Toğrul Həsənov söhbət zamanı bildirdi ki, bu məktəbdənkənar təhsil müəssisəsi 1990-cı ildən fəaliyyətə başlayıb. Dövlətimizin təhsilə göstərdiyi yüksək diqqət və qayğıdan Estetik Tərbiyə Mərkəzinə də pay düşüb, mərkəzin fəaliyyət göstərdiyi bina əsaslı təmir olunaraq 2004-cü ildə müəllim və şagirdlərin istifadəsinə verilib. Mərkəzin kollektivi Naxçıvan şəhərində fəaliyyət göstərən ümumtəhsil məktəbləri şagirdlərinin dərnəklərə cəlbini yaxşılaşdırmaq, onların yaradıcılıq qabiliyyətlərini daha da inkişaf etdirmək və asudə vaxtlarının səmərəli təşkili məqsədilə ardıcıl tədbirlər həyata keçirir. Mərkəzdə 116 qrup yaradılıb, bu qruplara 1116 məktəbli cəlb edilib. Onlarla 53 müəllim məşğul olur.

Mayın 15-də Beynəlxalq Ailə Günü münasibətilə Naxçıvan şəhərindəki “Təbriz” mehmanxanasında tədbir keçirilib.
Tədbirdə Naxçıvan Muxtar Respublikası əmək və əhalinin sosial müdafiəsi naziri Cavid Səfərov, Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsinin sədri Ramilə Seyidova çıxış edərək muxtar respublikamızda ailələrə göstərilən dövlət qayğısından danışıblar.
Naxçıvan Muxtar Respublikası Ali Məclisi Aparatının Humanitar siyasət məsələləri və ictimai təşkilatlarla iş şöbəsinin müdiri Rəhman Məmmədov tədbirdə çıxış edərək deyib ki, ölkəmizdə sosial sahədə dövlət siyasətinin prioritet istiqamətlərindən birini məhz ailə siyasəti təşkil edir. Azərbaycanda dövlət ailə siyasətinin formalaşması ümummilli liderimiz Heydər Əliyevin adı ilə bağlıdır. Ailə dəyərlərini xalqımızın ən böyük sərvəti hesab edən ulu öndərimiz bu dəyərlərin yaşadılmasını daim diqqətdə saxlayırdı. Bunun da nəticəsində Azərbaycan Respublikasında ailə institutunun qorunması istiqamətində zəruri qanunvericilik bazası yaradılıb.
Rəhman Məmmədov bildirib ki, Azərbaycan Respublikasının Prezidenti cənab İlham Əliyev tərəfindən bu siyasət uğurla davam etdirilir. Ölkəmizdə ailələrə xüsusi diqqət göstərilir, ailə üzvlərinin sağlamlığı, təhsil alması üçün lazımi şərait yaradılır. Ailələrin maddi təminatını yaxşılaşdırmaq məqsədilə əməkhaqları, pensiya və müavinətlər artırılır, yeni iş yerləri yaradılır, müxtəlif sosial tədbirlər həyata keçirilir.

Muxtar respublikamızda yaşayan tənha ahıllar bunu daha yaxından hiss edirlər

İnsan yaşa dolduqca qayğıya, sevgiyə, hörmətə ehtiyacı daha da artır. Ömürlərini övladlarına həsr etmiş, saçlarını yuxusuz gecələrdə, qayğılı günlərdə ağartmış valideynlərin bəziləri qayğıya, diqqətə möhtac olduqları vaxt, təəssüf ki, diqqətdənkənar, köməksiz, tənha, kimsəsiz qalmağa məcbur olurlar. Hətta bəzən cəmiyyətimizdə valideynlərini Ahıllar evinə qoyan vicdanı kasad övladlara da rast gələ bilirik. Bəzən də onları taleyin amansız, acımasız hökmü tənha yaşamağa məcbur edir.

Bu gün isə onlar özlərini tənha, kimsəsiz hesab etmirlər. Çünki onlara sahib çıxılır, sosial vəziyyətlərinin yaxşılaşdırılması istiqamətində dövlət tərəfindən uğurlu addımlar atılır, davamlı tədbirlər, islahatlar həyata keçirilir. Ölkəmizdə olan bütün ahıl vətəndaşların sosial müdafiəsinin gücləndirilməsi daim dövlətimizin diqqət mərkəzində saxlanılır. “Ahıl vətəndaşların sosial müdafiəsinin gücləndirilməsi üzrə Dövlət Proqramı”na əsasən, onların sosial vəziyyətlərinin yaxşılaşdırılması istiqamətində davamlı tədbirlər həyata keçirilir. Həmin tədbirlər ölkəmizdə sosial müdafiə sisteminin beynəlxalq standartlar səviyyəsində yenidən qurulmasına imkan verir.
Muxtar respublikamızda da yaşlı, ahıl insanların problemlərinə həssaslıqla yanaşılır. Ahıl vətəndaşlara daim qayğı göstərilir, sağlamlıqlarının qorunması, sosial şəraitlərinin yaxşılaşdırılması və müalicələrinin təşkilinin təmin olunması diqqət mərkəzində saxlanılır. Ahılların asudə vaxtlarının səmərəli təşkili, mədəni və ictimai həyatda fəal iştiraklarının təmin edilməsi istiqamətində tədbirlər görülür.

Naxçıvan Muxtar Respublikası Dövlət Sosial Müdafiə Fondu 2017-ci ilin aprel ayı ərzində əmək pensiyalarının maliyyələşdirilməsini vaxtından əvvəl başa çatdırmış, pensiyaçıların şəxsi hesablarına 10 milyon 563 min 538 manat köçürülmüşdür. Bu dövrdə fondun gəlirləri 4 milyon 356 min manat proqnoza qarşı 5 milyon 497 min 520 manat icra olunmuş, 1 milyon 141 min 520 manat çox vəsait yığılmışdır.
2017-ci ilin aprel ayında “Əmək pensiyaları haqqında” Azərbaycan Respublikası Qanununa əsasən pensiya hüququ yaranmış 250 vətəndaşa əmək pensiyası təyin olunmuşdur. Yeni təyin olunan pensiyaçılardan 163-ü yaşa görə, 26-sı əlilliyə görə, 61-i isə ailə başçısını itirməyə görə əmək pensiyasına çıxmış vətəndaşlar olmuşdur. Hesabat ayında yeni təyin olunan əmək pensiyaçılarına və istifadə müddəti başa çatan plastik kartların yeniləri ilə əvəzlənməsi üçün müvafiq müvəkkil banklara 1859 plastik kart sifariş verilmişdir.

Naxçıvan Muxtar Respublikası
Dövlət Sosial Müdafiə Fondunun mətbuat xidməti

Muxtar respublikada işaxtaran və işsiz vətəndaşların münasib işlə təmin olunması məqsədilə aktiv məşğulluq tədbirləri davam etdirilir. Cari ilin aprel ayında 288 işaxtaran vətəndaş məşğulluq xidməti orqanlarında qeydiyyatda olan vakant iş yerlərinə, sosial müdafiəyə xüsusi ehtiyacı olan və işə düzəlməkdə çətinlik çəkən 2 nəfər kvota yerlərinə göndərilmiş, 35 nəfər müvafiq peşə kurslarına cəlb edilmişdir. Keçirilən əmək yarmarkalarında 206 işaxtaran peşə və ixtisasına uyğun işlə təmin olunmuşdur.
Naxçıvan Regional Peşə Tədris Mərkəzində əmək bazarının tələbləri nəzərə alınaraq müxtəlif peşə sahələri üzrə kurslar təşkil olunur. Aprel ayında bərbər-manikürçü kursunu 18 nəfər bitirmişdir. Hazırda bərbər, dayə və xalçaçı peşələri üzrə kurslar davam etdirilir. Penitensiar Xidmətin Cəzaçəkmə Müəssisəsində 12 məhkum aşpaz köməkçisi kursuna, 12 məhkum isə bərbər kursuna cəlb edilmişdir.
Qeyri-formal məşğulluğun qarşısının alınması, işə götürülən şəxslərlə əmək müqaviləsinin bağlanması, onlara verilən əməkhaqlarının reallığı əks etdirməsi ilə bağlı 67 obyektdə nəzarət aparılmış, işəgötürənlər tərəfindən işçilər üçün müvafiq əmək şəraitinin yaradılması, istehsal müəssisələrində işçilərin əməyin mühafizəsi qaydalarına riayət edilməsi ilə əlaqədar 27 obyektdə nəzarət tədbirləri ­görülmüşdür.

Dəsgahdı vallah...

Bu sosial şəbəkələr çoxlarını “analitik”, “politoloq”, “təhlilçi”, “falabaxan”, “qəzəlxan”, “mərsiyəxan”, “masabəyi” və sair və ilaxır edib. Əlinə telefon alan nə gəldi çəkir, yazır, şərh edir, moizə oxuyur, bir sözlə, min oyundan çıxır.
Düzdür, dövrümüzdə sosial şəbəkələrdən bacarıqla istifadə edən, lazımi informasiya alan, ağıllı təbliğat işi aparanlar da yetəri qədər çoxdur. Amma burada vaxt keçirənlərin, insanların hiss və duyğuları ilə oynayanların, cəmiyyətə fayda gətirən mütərəqqi işlərlə bağlı anti-təbliğat aparanların, ağzının qaytanı qaçanların, yalan informasiya yayaraq “sensasiya”, “şok”…dalına düşən “alayarımçıq müxbirlər”in də sayı az deyil. Qarğa özünü quş, xəşil özünü aş bilən kimi, “alayarımçıq müxbirlər” də özlərini “mütəxəssis”, “ekspert” hesab edib başlayırlar moizə oxumağa. Hətta bəzən irəli gedib insanların ailəsini, şəxsini belə, bütün qanunları pozaraq müzakirəyə çıxarır, onlara qara yaxır, işgüzar nüfuzuna zərbə vururlar. Yenə qanmayana birtəhər əlac tapılır... Havar bu yarımçıqların əlindən.

“2016-2020-ci illərdə Naxçıvan Muxtar Respublikasında sağlamlıq imkanları məhdud uşaqların təhsili və reabilitasiyası üzrə Dövlət Pro­qramı”nın icrasına uyğun olaraq Naxçıvan Muxtar Respublikası Əmək və Əhalinin Sosial Müdafiəsi Nazirliyi tərəfindən növbəti gəzinti təşkil olunub.
Mayın 12-də nazirliyin təşkilatçılığı ilə distant dərslərə cəlb edilmiş eşitmə qabiliyyəti məhdud 10 uşaq Bakı şəhərindən dəvət olunmuş eşitmə qabiliyyəti məhdud şəxslərin tədrisi ilə məşğul olan Zərqələm İsmayılovanın müşayiətilə Bəhruz Kəngərli Muzeyini və Bəhruz Kəngərli adına Rəssamlar Parkını ziyarət ediblər.
Burada məlumat verilib ki, muzey Azərbaycan rəssamlıq sənətinin görkəmli nümayəndəsi Bəhruz Kəngərlinin xatirəsinə yaradılıb. Muzeydə rəssamın həyat və fəaliyyəti ilə bağlı sənədlər, onun rəsm əsərləri nümayiş etdirilir. Eksponatlar rəssamın həyat və yaradıcılığı barədə uşaqlarda dolğun təəssürat yaradıb, onlar muzeydən xoş ovqatla ayrılıblar.
Muzeylə tanışlıqdan sonra uşaqlar Bəhruz Kəngərli adına Rəssamlar Parkında da olublar.

Naxçıvan Muxtar Respublikası
Əmək və Əhalinin Sosial Müdafiəsi Nazirliyinin mətbuat xidməti

Baldırğan, çiriş, əvəlik, kəklikotu, uşqun, bolu, cacıq, çaşır, dağ göbələyi, yarpız, nanə… Sayı yüzlərlə olan Naxçıvanın bu əvəzsiz nemətlərinin adı çəkiləndə o adam olmaz ki, ağzı sulanmasın.
Bu diyarın dağlarına yaraşıq, insanlarına şəfa verən bitkilər tarixən süfrələri bəzəyib, dar gündə, çətin anda köməyə çatıb. Naxçıvan mətbəxinə min rəng, min çalar qatıb, milli kulinariyamıza mövsümi və sağlam qidalanma mədəniyyəti gətirib. Nənə-babalarımız bu bitkilərdən təkcə qida yox, həm də cansağlığı aldıqlarına görə onları qoruyub, əzizləyib, hər kolunun, hər qanadının qədrini biliblər.
İndinin özündə də bu nübar məhsullar Naxçıvanın dükan-bazarlarında dolub daşır, ucuz qiyməti, keyfiyyəti ilə alıcı rəğbəti qazanır, dadı-tamı ilə süfrələri bəzəyir. Diqqət etsəniz, Naxçıvana gələn qonaqlar buradan gedəndə mütləq əllərindəki çantanın birinə Naxçıvan məhsullarını yığırlar. Elə Bakıya, Şəkiyə pay göndərənlər də onlar kimi…

Azərbaycan Respublikasının Prezidenti cənab İlham Əliyev 2017-ci il aprelin 24-də “1941-1945-ci illər İkinci Dünya müharibəsi iştirakçılarına, həlak olmuş və ya sonralar vəfat etmiş döyüşçülərin dul arvadlarına, arxa cəbhədə fədakar əməyinə görə orden və medallarla təltif edilmiş şəxslərə birdəfəlik maddi yardım verilməsi haqqında” Sərəncam imzalamışdır.
Naxçıvan Muxtar Respublikası Dövlət Sosial Müdafiə Fondunun yerli orqanları tərəfindən 2017-ci ilin may ayının əvvəlində birdəfəlik maddi yardım şamil olunduğu şəxslərə çatdırılmış, sərəncama uyğun olaraq ayrılan məbləğlər həmin şəxslərin plastik bankomat kartlarına köçürülmüşdür.
Sərəncama əsasən, muxtar respublika üzrə 1105 nəfərə birdəfəlik maddi yardım ödənilmişdir. 31 nəfər 1941-1945-ci illərdə İkinci Dünya müharibəsi iştirakçısının hər birinə 1000 (min) manat, 1074 nəfər İkinci Dünya müharibəsində həlak olmuş və ya sonralar vəfat etmiş döyüşçülərin dul arvadlarına, həmin illərdə arxa cəbhədə fədakar əməyinə görə orden və medallarla təltif edilmiş şəxslərə, İkinci Dünya müharibəsi illərində döyüşən cəbhələrin arxa hüdudları, yaxud döyüşən donanmaların əməliyyat zonaları daxilində ordunun və donanmanın mənafeyi üçün tapşırıqları yerinə yetirmiş xüsusi birləşmələrin işçilərinə, İkinci Dünya müharibəsi dövründə Leninqrad şəhərinin müdafiəsinə görə müvafiq medal və döş nişanı ilə təltif edilmiş şəxslərə, habelə Leninqrad şəhərinin mühasirəsi iştirakçılarının hər birinə 500 (beş yüz) manat məbləğində birdəfəlik müavinət ödənilmişdir.

Naxçıvan Muxtar Respublikası
Dövlət Sosial Müdafiə Fondunun mətbuat xidməti

Naxçıvan Muxtar Respublikası Həmkarlar İttifaqları Şurasında 28 aprel – Ümumdünya Əməyin Mühafizəsi Günü ilə əlaqədar tədbir keçirilib.
Tədbiri giriş sözü ilə şuranın sədri Sucaxan Novruzov açaraq bildirib ki, bu gün ölkəmizdə insanların hüquqlarının qorunması, onların əməyinin mühafizəsi, sağlam və təhlükəsiz iş şəraitinin təşkili dövlət siyasətinin əsas istiqamətlərindən birini təşkil edir. Muxtar respublikamızda da işçilərin hüquqlarının qorunması və əməyinin mühafizəsi daim diqqət mərkəzində saxlanılan məsələlərdəndir. 2011-ci il iyunun 8-də Naxçıvan Muxtar Respublikası Ali Məclisində istehsalatda baş verən bədbəxt hadisələr və onların aradan qaldırılması sahəsində görülən tədbirlər, 2012-ci il fevralın 27-də tikinti sektorunda əməyin təşkili və təhlükəsizlik qaydalarına riayət olunması, 2014-cü il fevralın 21-də tikintidə işlərin keyfiyyətlə aparılması və təhlükəsizlik tədbirləri ilə bağlı keçirilən müşavirələrdə verilən tapşırıqların uğurlu icrası işçi hüquqlarının təminatı, o cümlədən əməyin mühafizəsi standartlarının tətbiqi sahəsində müsbət göstəricilərin artmasına səbəb olub. Əməyin mühafizəsi və yerlərdə təhlükəsizlik qaydalarına əməl olunması Naxçıvan Muxtar Respublikası Həmkarlar İttifaqları Şurasının əsas vəzifələrindən biri olduğundan şura tərəfindən 2016-cı ildə 50-yə yaxın obyektə baxış keçirilib, maarifləndirmə tədbirləri aparılıb.
Tədbirdə şuranın əməkdaşlarından Ceyhun Məmmədov, Hüseyn Quliyev, Ümbülbanu Musayeva, Əfsanə Hüseynova, Coşqun Zahirov, Sənan Hüseynov və başqaları çıxış edərək bildiriblər ki, muxtar respublikamızda əməyin mühafizəsi sahəsində həyata keçirilən tədbirlər insan amilinə göstərilən diqqət və qayğını özündə ehtiva edir. Muxtar respublikamızda təhlükəsiz əmək şəraitinin təmin olunması prosesində dövlət qurumlarının, işçilərin və işəgötürənlərin iştirak etməsi təqdirolunası amillərdir.

Xəbərlər şöbəsi

Qədim yunan müdriki Sinoplu Diogen günün-günortaçağı əlində lampa ilə dolaşan zaman ondan nə axtardığını soruşanlara “İnsan axtarıram”, – deyə cavab verir.
Dostlar, bu, həmin Diogen idi ki, o, bir gün şəhərin mərkəzində moizə deməyə başlayır. Ancaq kimsə ona qulaq asmır. Bunu görən filosof quş kimi cikkildəyir. Bundan sonra ətrafına xeyli avara toplanır və maraqla onu dinləyirlər.
– Baxın, afinalılar, budur sizin ağlınızın qiyməti, – deyə Diogen onlara irad tutur. O deyir: – Sizin üçün ağıllı söhbət edəndə, qızıl xırdalayanda məni dinləmədiniz, ağılsız quş kimi cikkildəyəndə isə ağzınızı ayırıb dinləməyə başladınız...
Əslində, bizim Diogen müəllim hələ əsrlər əvvəl insan problemini qabardırdı ki, həmin problem elə əsrlər əvvəl olduğu kimi, əsrlər sonra da mövcuddur. Və həmin dövrlərdə olduğu kimi, elə indi də bir insanın psixologiyasını, düşüncəsini dəyişmək bəzən bir ictimai quruluşu dəyişməkdən çətin olur. Bu çətinliyi yaradan əsas faktorlardan biri də vicdan faktorudur ki, hələ əsrlər əvvəl Aristotel deyib: “İradənə hakim ol, lakin vicdanına əsir”...

Muxtar respublikada təşkil olunan əmək yarmarkaları əhalinin məşğulluğunun təmin edilməsi baxımından əhəmiyyətli rol oynayır.

Naxçıvan Muxtar Respublikası Ali Məclisi Sədrinin 2016-cı il 11 yanvar tarixli Sərəncamı ilə təsdiq edilmiş “2016-2020-ci illərdə Naxçıvan Muxtar Respublikasında əhalinin məşğulluğunun artırılması üzrə Dövlət Proqramı”nın icrası ilə bağlı Dövlət Məşğulluq Xidməti orqanları tərəfindən 2017-ci ilin aprel ayında əmək yarmarkaları keçirilib.
Bu məqsədlə muxtar respublika ərazisində fəaliyyət göstərən idarə, müəssisə və təşkilatlarda olan boş iş yerləri haqqında məlumat əldə edilib, vakant iş yerləri məşğulluq mərkəzləri tərəfindən yarmarkaya çıxarılıb. Muxtar respublikanın kütləvi informasiya vasitələrində əmək yarmarkalarının keçirilməsi barədə məlumatlar verilib.

Bu mövzuda Naxçıvan Muxtar Respublikası Ədliyyə Nazirliyinin və “Naxçıvan” Universitetinin birgə təşkilatçılığı ilə ali təhsil ocağında konfrans keçirilib. Konfransı  giriş sözü ilə universitetin tərbiyə işləri üzrə prorektoru Əli Yusifov açaraq tədbirin əhəmiyyətindən bəhs edib.

Konfransda Naxçıvan Muxtar Respublikası Ədliyyə Nazirliyinin Təşkilat-nəzarət şöbəsinin aparıcı məsləhətçisi Həbibə Talıbovanın “Gender bərabərliyi demokratiyanın inkişafı üçün vacib amillərdəndir”, “Naxçıvan” Universitetinin Turizm informasiya mərkəzinin müdiri, psixoloq Şahnaz Məmmədovanın “Ailə­daxili ünsiyyətin uşaqların psixologiyasına təsiri”, Pedaqogika və psixologiya kafedrasının müəllimi Aygün Rüstəm­ovanın “Autizmli uşaqların təlim-tərbiyəsində ailənin rolu”, Azərbaycan dili və ədəbiyyat müəllimliyi ixtisasının III kurs tələbələri Fatimə Yusiflinin “Gənc nəslin davranış mədəniyyəti” və İsa İsmayılovun “Ailədə uşaqların tərbiyəsi” mövzularında çıxışları dinlənilib.

2003-cü ildən etibarən Beynəlxalq Əmək Təşkilatı tərəfindən 28 aprel Ümumdünya Əməyin Mühafizəsi Günü elan edilmişdir.
Ölkəmizdə əməyin mühafizəsi, işçilərin hüquqlarının qorunması, təhlükəsiz və sağlam iş yerlərinin yaradılması dövlətimizin sosial siyasətinin əsas istiqamətidir. Ümummilli liderimiz Heydər Əliyevin rəhbərliyi ilə ölkəmizdə əmək qanunvericiliyi sahəsində həyata keçirilən islahatlar, əmək münasibətləri və əməyin mühafizəsi sahəsində beynəlxalq prinsiplərə uyğun normativ-hüquqi aktların qəbul edilməsi, Azərbaycan Respublikasının Konstitusiyasında hər kəsin sağlam və təhlükəsiz şəraitdə işləmək, əmək və istirahət hüquqlarının təsbit olunması bu sahədə geniş fəaliyyət imkanları yaratmışdır. Bu gün Azərbaycan Respublikasının Prezidenti cənab İlham Əliyev də ölkəmizdə əmək hüquqlarının təmin olunmasını diqqətdə saxlayır, əməyin mühafizəsi sahəsində qanunvericilik təkmilləşdirilir, əmək şəraitinin yaxşılaşdırılması istiqamətində mühüm işlər görülür.

Bu qış bizi yamanca qısnadı. Yaz gəlib, havalar isinəndən elə bil adamın buzu əriyir. Şəhərə də baxırsan ki, hər yer qaynayır. Adamlar gəzintiyə çıxır, təmiz hava alır, ruhlarını dincə qoyurlar. Arada bir imkan düşəndə elə mən özüm də şeytanın “qıçını” qırıram...
Dünən səhər Kitab evinin önündə uşaqlıqdan tanıdığım Təmkinlə qarşılaşdıq. Qarşılaşdıq deyəndə ki, elə bil qəfildən göydən paraşütlə düşdü önümə. Elə uşaqlıqdan bir yerdə durmağı yox idi. İndi də kənddə 40-50 qoyun-quzusu, əkin sahəsi var. Təhsili olmasa da, təsərrüfatdan başı çıxır. İş budur ki, onu harda görsəm, həmişə möhkəmcə gülmək istəyirəm. Çünki səbri çatmayıb bu dünyaya 2 ay yarım tez gəlib. Nədənsə, adını “sürət”, “dinamika” yox, məhz Təmkin qoyublar. Uşaqlıqda olduğu kimi, indi də başının tükləri biz-bizdi və yeriyəndə deyirsən bəlkə “Ləzginka” oynaya-oynaya hərəkət edir.
Uzun sözün qısası, xoş-beş-onbeşdən sonra dedi ki, bəs məlllımm, (müəllim yox ha, məlllımm) mənə bir “dayılıq” elə, banklar­dan birinə de 2 min manat kredit götürüm.
...Sevindim ki, təsərrüfatını genişləndirir.