“Naxçıvan” Universitetində keçirilən tədbiri giriş sözü ilə açan universitetin rektoru, dosent Nurlana Əliyeva bildirib ki, ali təhsil müəssisəsi Avropa Komissiyasının Erasmus + proqramı çərçivəsində ali təhsildə potensialın gücləndirilməsi profili üzrə qrant müsabiqənin qalibi, “Azərbaycanda rektorlar konfransı”nın layihəsi olan ECAR layihəsinin Naxçıvanda yeganə tərəfdaşıdır.
2020-2021-ci tədris ilindən etibarən muxtar respublikanın ümumtəhsil məktəblərində STEAM təhsil metodunun tətbiqinə başlanılıb. Bu məqsədlə Naxçıvan Muxtar Respublikası Təhsil Nazirliyi tərəfindən müəllimlərin STEAM təhsili üzrə təlimlərə cəlbi diqqətdə saxlanılır. May-iyun aylarında təşkil olunan növbəti təlimlər başa çatıb. Bununla bağlı keçirilən yekun tədbirdə Naxçıvan Muxtar Respublikasının Təhsil naziri Rəhman Məmmədov çıxış edərək bildirib ki, Naxçıvan Muxtar Respublikası Ali Məclisi Sədrinin tapşırığı ilə 2020-2021-ci tədris ilindən pilot olaraq muxtar respublikanın 15 təhsil müəssisəsində STEAM təhsil metodunun tətbiqinə başlanılıb.
Bildirilib ki, STEAM təhsil metodunun tətbiq edildiyi məktəblərdə artıq şagirdlərə robotexnika, 3D modelləşdirmə və çap, proqramlaşdırma, nano və neyro texnologiyalar, mühəndislik və dizaynerlik bacarıqları öyrədilir. Qısa müddətdə tətbiqinə baxmayaraq, şagirdlər tərəfindən 100-dən çox STEAM və robotexnika layihələri hazırlanıb və Təhsil Nazirliyi tərəfindən təşkil olunan Texnosərgidə nümayiş etdirilib.
Naxçıvan Dövlət Universitetində “Təhsildə rəqəmsallaşdırma: Elektron təhsil və informasiya cəmiyyəti” mövzusunda onlayn respublika elmi konfransı keçirilib.
Universitetin rektoru, dosent Elbrus İsayev Azərbaycanda təhsilin modernləşdirilməsi, təhsildə informasiya texnologiyalarının tətbiqi istiqamətində mühüm addımlar atılmasından, muxtar respublikada bu sahədə görülən işlərdən danışıb. Vurğulanıb ki, universitetdə 2012-ci ildən hazırlıqlarına başlanılan “Naxçıvan Dövlət Universiteti üçün elekron təhsil şəbəkəsi və rəqəmsal multimedia infrastruktrunun yaradılması” layihəsi çərçivəsində 2015-ci ildən etibarən də İnformasiya-Kommunikasiya Texnologiyaları Mərkəzi istifadəyə verilib. Tədris prosesində elektron vasitələrdən, informasiya texnologiyalarından istifadə edilməsinə tam nail omaq, distant təhsili həyata keçirmək, elektron test imtahanlarında edilən dəyişikliklər bu sahənin ciddi inkişafından xəbər verir. Vurğulanıb ki, ali təhsil ocağında “Elektron təhsil şəbəkəsi və rəqəmsal multimedia infrastrukturunun yaradılması” layihəsinin icrası və elektron universitetin fəaliyyətə başlaması Azərbaycan ali təhsil məkanında büdcəsinə və layihəsinin genişliyinə görə ən irihəcmli və əhəmiyyətli layihələrdən biri kimi tarixə düşüb. Rektor universitetdə LMS sistemindən istifadə, “Elektron qeydiyyat jurnalı”nın tətbiqi, Media Mərkəzində hazırlanan teledərslərin tələbələrə çatdırılması kimi görülən işlərdən də danışıb.
Təhsilin qayğıyla əhatə olunduğu muxtar respublikada qızların təhsilalmalarına xüsusi diqqət yetirilir. Bu gün Azərbaycanda oğlanlarla bərabər qızlara da fəaliyyətin istənilən növlərində bərabər imkanlar verilir. Bu özünü təhsildə də açıq şəkildə biruzə verməkdədir. Əvvəllər ali məktəblərə qəbul səviyyəsində ən yuxarı nəticə göstərənlər arasında oğlanlar üstünlük təşkil edirdisə, son illərdə artıq imtahanlarda yüksək nəticə göstərənlər arasında qızların sayı artıb. Bu baxımdan Naxçıvan Qızlar Liseyi nümunəvi təlim-tədris prosesi ilə seçilir. Müasir tədris şəraiti ilə təmin olunmuş Naxçıvan Qızlar Liseyinə muxtar respublikanın müxtəlif rayon və kəndlərindən şagirdlər oxumaq üçün müraciət edirlər. Yaradılan əlverişli tədris şəraitinin nəticəsidir ki, qəbulu müsabiqə yolu ilə aparılan liseydə təhsil almaq üçün müraciət edən şagirdlərin sayı hər il artmaqdadır.
Naxçıvan Muxtar Respublikası Ali Məclisi Sədrinin “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” 2019-cu il 3 aprel tarixli Sərəncamının icrası ilə əlaqədar “Şərq qapısı” qəzetinin Naxçıvan Dövlət Universiteti ilə birgə hazırlanmış, 2020-2021-ci tədris ili üçün nəzərdə tutulan Tədbirlər Planına əsasən silsilə tədbirlər həyata keçirilir. Həmin tədbirlərin davamı olaraq ali təhsil ocağında “Müasir dövrdə ənənəvi qəzetlərin və elektron nəşrlərin tərtibat prinsipləri” mövzusunda seminar keçirilib.
Naxçıvan Dövlət Texniki Kollecində kadr hazırlığı işinin müasir dövrün çağırışlarına uyğun hazırlanması istiqamətində mühüm tədbirlər reallaşdırılır. Bu istiqamətdə həyata keçirilən tədbirlərin davamı olaraq iyunun 18-də kollecin məzunları ilə görüş keçirilib.
Tədbirdə Naxçıvan Muxtar Respublikasının Təhsil naziri Rəhman Məmmədov çıxış edərək bildirib ki, muxtar respublikada təhsilin davamlı inkişafını təmin edən sərəncamların qəbul edilməsi, güclü təhsil infrastrukturunun və maddi-texniki bazanın yaradılması təhsilin yüksək səviyyədə təşkilinə geniş imkanlar açıb. Muxtar respublikada təhsilin inkişafına dövlət qayğısı sayəsində fərqli yanaşma mexanizminin formalaşmasına, ixtisaslı kadr hazırlığının inkişafına nail olunub.
Muxtar respublikamızda digər sahələr kimi, təhsil və elm sahəsinin də inkişafı daim diqqət mərkəzində saxlanılır və bu sahələrdə nailiyyətlər, uğurlar qazanılır. Naxçıvan Muxtar Respublikası Təhsil Nazirliyi və AMEA Naxçıvan Bölməsi tərəfindən həyata keçirilən “Sabahın tədqiqatçıları” layihəsi də uğurlu layihələrdən biri kimi yadda qaldı. 2019-cu ilin noyabr ayından start verilən, əsas məqsədi ümumtəhsil məktəblərinin IX-XI siniflərində təhsil alan şagirdlərin elmi axtarışlara sövq edilməsi, onların intellektual potensiallarının və yaradıcılıq fəaliyyətinin stimullaşdırılması, elmi-tədqiqat işinə meyili istedadlı şagirdlərin aşkar edilməsi olan layihənin ötən həftə yekun tədbiri keçirildi. Beləliklə, AMEA Naxçıvan Bölməsinin alimləri tərəfindən elmi himayəyə götürülmüş xüsusi istedad və qabiliyyəti ilə fərqlənən şagirdlər laboratoriyalarda tədqiqatlar aparmaq, məruzə, tezis, referat və hesabatlar hazırlamaq imkanı əldə etdilər. Ümumilikdə, 50 elmi rəhbərin və 95 şagirdin iştirakı ilə 53 layihə üzrə tədqiqatlar aparıldı və beynəlxalq müsabiqələrdə 4 layihə I, 3 layihə II, 3 layihə isə III yerə layiq görüldü. Elmə marağın formalaşdırılmasında, praktik biliklərin artırılmasında mühüm rol oynayan layihənin uğurları barədə onun iştirakçıları danışdı:
Zahidə Allahverdiyeva:
– Kəngərli rayon Qıvraq qəsəbə tam orta məktəbinin IX sinif şagirdiyəm. İki il idi ki, iştirakçısı olduğum “Sabahın tədqiqatçıları” layihəsi çərçivəsində iki layihə işi hazırladıq. Elmi rəhbərim kimya üzrə fəlsəfə doktoru, dosent Fizzə Məmmədova ilə Naxçıvan şəhərindəki bəzi yeraltı və mineral suların fiziki və kimyəvi xassələrinin və bəzi mineral suların Kurlov formulunun təyini üzərində işlədik. İkisi də müxtəlif dərəcəli diplom və medallarla təltif olundu. İkinci layihənin icrası üçün muxtar respublikanın müxtəlif yerlərindəki artezian və bulaqlardan su nümunəsi götürərək onların ph-nı, şorluğunu, minerallığını və digər xassələrini təyin etdik. Birinci layihəmiz Moskva şəhərində nəşr olunan “Məktəb xəbərləri” jurnalında dərc olunub. Həmçinin beynəlxalq kimya yarışmasında qızıl medalla, “Yaradıcılıq və intellekt” müsabiqəsində isə birinci dərəcəli diplomla təltif olunmuşam. Layihədə iştirak etməklə biliklərimi kəşf etdim və gələcək istiqamətlərimi daha aydın müəyyənləşdirə bildim.
Naxçıvan Muxtar Respublikası Ədliyyə Nazirliyi ilə “Naxçıvan” Universitetinin birgə təsdiq olunmuş Tədbirlər planına uyğun olaraq təşkil edilən “Ailə cəmiyyətin özəyidir” proqramı çərçivəsində növbəti maarifləndirici konfrans keçirilib. “Ailə üzvlərinin aliment öhdəlikləri” mövzusunda təşkil edilən tədbirdə universitetin müəllim və tələbə kollektivi iştirak edib.
Konfransı giriş sözü ilə universitetin rektoru, dosent Nurlana Əliyeva açaraq tədbirin əhəmiyyəti barədə məlumat verib.
Naxçıvan Muxtar Respublikası Ali Məclisi Sədrinin 2015-ci il 14 aprel tarixli Sərəncamı ilə Şərur şəhərində yaradılmış Fizika-Riyaziyyat Təmayüllü Liseydə əlverişli tədris şəraitinin nəticəsidir ki, qəbulu müsabiqə yolu ilə aparılan təhsil ocağında oxumaq üçün müraciət edən şagirdlərin sayı hər il artmaqdadır. 2021-2022-ci tədris ili üzrə Fizika-Riyaziyyat Təmayüllü Liseyə qəbul imtahanı iyunun 11-də Naxçıvan Muxtar Respublikası Təhsil Nazirliyinin təşkilatçılığı ilə Naxçıvan şəhər 11 nömrəli tam orta məktəbdə keçirilib. İmtahanda iştirak etmək üçün Aprelin 1-dən mayın 25-dək aparılmış sənəd qəbulunda ümumtəhsil məktəblərinin VI sinfini bitirən 407 oğlan şagird qeydiyyatdan keçib.
Müsabiqədə şagirdlərə Azərbaycan dili fənni üzrə 20, riyaziyyat və fizika fənlərinin hər biri üzrə 25, ingilis dili fənni üzrə 15, coğrafiya tarix, biologiya fənlərinin hər biri üzrə 5 sual olmaqla, ümumilikdə, 100 sual təqdim edilib. Sualları cavablandırmaq üçün 150 dəqiqə vaxt verilib. Test formatında keçirilən imtahanda ən yüksək nəticə göstərən 60 şagird liseyə qəbul ediləcək. Şagirdlər liseydə VII sinifdə təhsil alacaqlar.
Naxçıvan Muxtar Respublikası
Təhsil Nazirliyinin mətbuat xidməti
İyun ayının 11-də Heydər Əliyev Muzeyi ilə muxtar respublikanın ümumtəhsil və şahmat məktəbləri arasında 15 İyun – Milli Qurtuluş Günü ilə əlaqədar “Ulu öndər Heydər Əliyev Azərbaycan xalqının xilaskarıdır” mövzusunda növbəti interaktiv dərslər keçilmişdir.
İnteraktiv dərsi aparan muzeyin direktoru Ramil Orucəliyev qeyd etmişdir ki, dövlət müstəqilliyimizi qazanmaq nə qədər çətin olsa da, onu qoruyub saxlamaq, möhkəmləndirmək bundan dəfələrlə çətin olmuşdur. Sirr deyil ki, Azərbaycan xalqı müstəqilliyin ilk illərində tarixin ağır sınaqları qarşısında qalmışdı. Azərbaycanda hakimiyyətsizlik, xaos son həddə çatmışdı. Respublika, demək olar ki, bütün dünya dövlətlərindən təcrid olunmuşdu.
Naxçıvan Dövlət Universiteti Tibb fakültəsinin tələbələrinin istehsalat təcrübəsinin başlanğıc konfransı keçirilib.
Konfransı giriş sözü ilə açan universitetin rektoru Elbrus İsayev bildirib ki, ali təhsil ocağında bütün ixtisaslar kimi Tibb fakültəsinin tələbələri də mütəmadi olaraq təcrübə dərslərində iştirak edir, muxtar respublikanın ən son tibbi avadanlıqlarla təchiz edilən xəstəxanalarında praktiki dərslər keçir, peşəkar həkim kollketivi ilə işləmək imkanı qazanırlar. Bu da tələbələrin gələcəkdə ixtisaslı həkim kimi formalaşmasına xidmət edir. İstehsalat təcrübələrinin əhəmiyyətindən danışan rektor qeyd edib ki, təcrübələrin sonunda tələbələrin davamiyyəti və bacarıqlarının qiymətləndirilməsi həyata keçiriləcək. Bununla yanaşı təcrübələrin gedişatına nəzarət etmək məqsədilə universitetin və Naxçıvan Muxtar Respublikası Səhiyyə Nazirliyinin təhkim etdiyi nümayəndələr heyəti yaradılıb
Naxçıvan Muxtar Respublikası Təhsil Nazirliyinin təşkilatçılığı ilə Heydər Əliyev Uşaq-Gənclər Yaradıcılıq Mərkəzində muxtar respublikadakı məktəbdənkənar təhsil müəssisələrinin dərnək üzvlərinin əl işlərindən ibarət sərgi-satışa yekun vurulub.
Qeyd edək ki, dərnək üzvlərinin əl işlərindən ibarət sərgi-satışa 1 iyundan start verilmişdir. İyunun 1-dən 5-dək davam edən sərgi-satışda 10-dək sənət növü – rəssamlıq, ebru sənəti, bədii tikmə, xalçaçılıq, toxuculuq, dulusçuluq, ağac üzərində oyma, ağac üzərində yandırma, metal üzərində bədii döymə və dekorativ işlər üzrə 1109 yaradıcılıq işi nümayiş edilib. Sərgi-satışda məktəbdənkənar təhsil müəssisələrinin dərnək üzvləri hazırladıqları müxtəlif əl işlərini nümayiş etdirməklə yanaşı, onları satmaq imkanı da əldə ediblər. Ümumilikdə, sərgi-satışda 348 şagirdin 647 əl işi satılıb ki, bunlardan da 530-u dekorativ, 117-si isə təsviri sənət işləri olmuşdur. Bununla yanaşı, satılan işlər içərisində sağlamlıq imkanları məhdud 8 uşağın 70-ə yaxın əl işi yer almışdır.
Naxçıvan Dövlət Universitetində “Beşinci beynəlxalq Asiya müasir elmlər konfransı” keçirilib.
Əvvəlcə Azərbaycan və Türkiyə Respublikasının Dövlət himnləri səsləndirilib, sonra Naxçıvan Dövlət Universitetinin tanıtım videoçarxı nümayiş olunub. Naxçıvan Dövlət Universitetinin və İqtisadi İnkişaf və Sosial Araşdırmalar İnstitutunun (İKSAD-ın) təşkilatçılığı ilə keçirilən onlayn konfransı giriş sözü ilə universitetin rektoru, dosent Elbrus İsayev açıb. Ali təhsil ocağının strukturu, fakültələri, tədris olunan ixtisaslar, beynəlxalq əlaqələrin sürətlə genişləndirilməsi haqqında ətraflı məlumat verən rektor müxtəlif ölkələrin ali təhsil ocaqları ilə tələbə və müəllim mübadiləsinin həyata keçirildiyini bildirib. Qeyd edib ki, ali təhsil ocağı əcnəbi tələbələrin sayına görə ölkə universitetləri arasında öncüllüyünü qoruyur. Vurğulanıb ki, ali təhsil ocağında 10 ölkədən 1000-dən artıq əcnəbi tələbə təhsil alır. Türkiyə universitetləri ilə ikili diplom layihəsi mövcuddur.
İyunun 3-də Dövlət İmtahan Mərkəzi tərəfindən ümumi (9 illik) orta təhsil səviyyəsi üzrə buraxılış imtahanları keçirilib. Respublikanın 16 şəhər və rayonunda təşkil olunan imtahanlarda 20 mindən çox şagird iştirak edib. İmtahan keçirilən şəhər və rayonlarda, ümumilikdə, 98 imtahan binası, 1605 imtahan zalı ayrılıb. İmtahanların idarə olunmasına 98 ümumi imtahan rəhbəri, 267 imtahan rəhbəri, 1945 nəzarətçi-müəllim, 196 buraxılış rejimi əməkdaşı (mühafizə), 98 bina nümayəndəsi ayrılıb.
Naxçıvan Muxtar Respublikasında keçirilən imtahanlarda, ümumilikdə, 3888 abituriyent iştirak edib. İmtahanın idarə olunması üçün 329 zal, 52 rəhbər, 395 nəzarətçi ayrılıb. Abituriyentlərin rahat şəkildə imtahan verməsi üçün zəruri şərait yaradılıb.
İmtahan nəticələri yaxın günlərdə elan ediləcək.
Güntac ŞAHMƏMMƏDLİ
AMEA Naxçıvan Bölməsi Təbii Ehtiyatlar İnstitutunun təşkilatçılığı ilə “Badamlı” mineral sular zavodunda “Naxçıvan Muxtar Respublikasının mineral suyu – Badamlı” mövzusunda elmi konfrans keçirilib. Tədbiri giriş sözü ilə Təbii Ehtiyatlar İnstitutunun direktoru, AMEA-nın müxbir üzvü, professor Tofiq Əliyev açaraq bildirib ki, istehsal prosesində qarşıya çıxan müxtəlif məzmunlu problemlərin həlli elmin inkişafına təkan verir, elm adamlarını yeni-yeni axtarışlara sövq edir. AMEA Naxçıvan Bölməsi Təbii Ehtiyatlar İnstitutu da gərgin elmi tədqiqatlar nəticəsində yeni nailiyyətlər qazanmaqda, muxtar respublikanın müxtəlif sənaye müəssisələri ilə sıx əməkdaşlıqlarını davam etdirməkdədir.
Naxçıvan Dövlət Universitetində "Sosial şəbəkələr, informasiya təhlükəsizliyi və müasir durum " mövzusunda dəyirmi masa keçirilib. Dəyirmi masada Universitetin "Jurnalistika" ixtisasında təhsil alan tələbələrlə Naxçıvan Televiziyasının baş redaktorları iştirak ediblər.
Tədbirdə "Jurnalistika və xarici ölkələr ədəbiyyatı" kafedrasının müdiri, filologiya üzrə fəlsəfə doktoru Şəhla Şirəliyeva qeyd edib ki, Naxçıvan Muxtar Respublikası Ali Məclisi sədrinin "Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyalarin dəstəklənməsin haqqında" verilən Sərəncamlara əsasən ixtisasların hamiliyə verilməsi bilikli və təcrübəli gənc kadrların hazırlanmasına böyük imkanlar yaradır. Bu cür görüşlərin keçirilməsi həm də gənc jurnalistlər üçün stimul xarakteri daşıyır.
Son illərdə dünya təhsil sistemində ən mühüm trendlərdən biri kimi aktuallıq qazanan STEAM təlim metodu bu gün muxtar respublikanın təhsil müəssisələrində uğurla tətbiq edilir.
Naxçıvan Muxtar Respublikasının Təhsil Nazirliyi STEAM təlim metodunun tətbiqi ilə əlaqədar görülən silsilə tədbirlər çərçivəsində müəllim-mütəxəssislərin hazırlanmasında yerli mütəxəssislərlə yanaşı, beynəlxalq təcrübəyə malik peşəkar heyət tərəfindən də təlimlərin keçirilməsini diqqətdə saxlayır. Bu məqsədlə dünən Heydər Əliyev adına tam orta məktəbdə yaradılmış STEAM Tədris Mərkəzində beynəlxalq təlimlərdə iştirak etmiş “Hədəf” Şirkətlər Qrupunun direktoru, dosent Şəmil Sadıq və “Hədəf” Şirkətlər Qrupunun icraçı direktoru İbrahim Qasımov tərəfindən müəllimlərə “STEAM və müasir təlim yanaşmaları” mövzusunda təlim keçirilib.
“Naxçıvan” Universitetində keçirilən konfransı giriş sözü ilə açan universitetin rektoru, dosent Nurlana Əliyeva qeyd edib ki, Aşıq Ələsgər Azərbaycanın mədəni sərvətlər xəzinəsinə misilsiz töhfələr bəxş etmişdir. Sənətkarın doğma təbiətə məhəbbət və vətənpərvərlik hisslərini vəhdətdə aşılayan, ana dilimizin saflığını və hüdudsuz ifadə imkanlarını özündə cəmləşdirən dərin koloritli yaradıcılığı Azərbaycan ədəbiyyatının parlaq səhifələrindəndir. Azərbaycan aşıq sənətinin ümumbəşəri dəyərlər sırasında qorunan dünya qeyri-maddi mədəni irs nümunələri siyahısına salınması həm də Aşıq Ələsgər sənətinə ehtiramın təzahürüdür.
Naxçıvan Dövlət Universitetində Naxçıvan Müəllimlər İnstitutu, “Naxçıvan” Universiteti ilə birgə magistrantlarının XII regional elmi konfransı keçirilib.
Tədbiri giriş sözü ilə universitetin rektoru, dosent Elbrus İsayev açıb. Elmə, təhsilə göstərilən diqqət və qayğıdan bəhrələnərək ali təhsil ocağında magistr hazırlığı sahəsində görülən işlərdən bəhs edən rektor diqqətə çatdırıb ki, universitetdə növbəti tədris ilindən magistr dissertasiyalarının xüsusi proqram vasitəsilə yoxlanılması həyata keçiriləcək. Bildirilib ki, hazırda universitetin magistratura təhsil səviyyəsində I kurslarda 64 ixtisaslaşma üzrə 204 nəfər, II kurslarda isə 47 ixtisaslaşma üzrə 144 magistrant təhsil alır. Qeyd olunub ki, bu il keçirilən magistraturaya qəbulun nəticələrinə görə, bakalavr mərhələsini bitirən məzunların 187 nəfəri imtahanda iştirak edib, bunlardan 158 nəfəri müsabiqə şərtlərini ödəyib. Rektor Ali Məclis Sədrinin sərəncamı ilə universitetdə yaradılacaq Texnologiyalar Parkının da magistraturada təhsil alan tələbələrin öz bacarıqlarını nümayiş etdirmələri baxımından mühüm əhəmiyyətə malik olduğunu vurğulayıb.
Dünən istehsalat təcrübəsini uğurla başa vuran tələbələrlə Naxçıvan Muxtar Respublikası İqtisadiyyat Nazirliyində görüş keçirilib.
Tədbiri giriş sözü ilə Naxçıvan Muxtar Respublikası İqtisadiyyat naziri Tapdıq Əliyev açaraq qeyd edib ki, Naxçıvan Muxtar Respublikası Ali Məclisi Sədrinin 2019-cu il 3 aprel tarixli Sərəncamının icrası ilə bağlı tədris müddəti ərzində təhsil alan tələbələrin təcrübə keçmələri üçün zəruri işlər həyata keçirilib. Nazir vurğulayıb ki, iqtisadiyyatın müxtəlif sahələri üzrə praktik bilik və bacarıqlara yiyələnmiş kadrlara artan tələbatı ödəmək məqsədilə kadr hazırlığına diqqət artırılacaq, qarşılıqlı əməkdaşlıq imkanlarından daha səmərəli istifadə ediləcəkdir.
Dünən “Naxçıvan” Universitetində “Naxçıvan Muxtar Respublikasında ərzaq təhlükəsizliyi: yerli istehsal və uğurlu nəticələr” mövzusunda konfrans keçirilib.
Konfransı giriş sözü ilə açan “Naxçıvan” Universitetinin rektoru, dosent Nurlana Əliyeva bildirib ki, etibarlı ərzaq təminatı iqtisadi sabitliyin və sosial dayanıqlılığın əsas şərtidir. Məhz buna görə də, ümummilli liderimiz Heydər Əliyev Azərbaycana rəhbərlik etdiyi bütün dövrlərdə ölkənin ərzaq təhlükəsizliyi məsələsini daim diqqət mərkəzində saxlayıb və bu məsələnin gələcək nəsillər üçün olduqca vacib və aktual olduğunu nəzərə alaraq ərzaq təhlükəsizliyi məsələsini dövlətçilik strategiyasının əsas elementləri sırasına daxil edib.
Dünən Dövlət İmtahan Mərkəzi tərəfindən ali təhsil müəssisələrinin və Azərbaycan Milli Elmlər Akademiyasının magistraturalarına qəbul imtahanı (II cəhd) keçirilib. İmtahan respublikanın 7 şəhər və rayonunda – Bakı, Sumqayıt, Abşeron, Naxçıvan, Gəncə, Mingəçevir və Lənkəranda, ümumilikdə, 63 binada aparılıb. İmtahanda 14 min 693 bakalavr iştirak edib. Onlardan 13 min 529 nəfəri Azərbaycan bölməsi, 1164 nəfəri rus bölməsi üzrə imtahan verib. İmtahan bütün binalarda eyni vaxtda saat 1100-da başlanıb və 3 saat davam edib.
İstedadlı şagirdlərin aşkar olunması, onlar arasında sağlam rəqabət mühitinin yaradılması, aşağı sinif şagirdlərinin müxtəlif fənlərə olan marağının artırılması, onlarla məqsədyönlü işlərin aparılması məqsədilə məktəblilərin fənn müsabiqələrinin final mərhələsi keçirilib. Müsabiqənin final mərhələsində ümumtəhsil məktəblərinin VI və VII siniflərdən olmaqla, 147 şagird iştirak edib.
Naxçıvan Muxtar Respublikasının tarixinin, mədəniyyətinin, milli irsinin araşdırılıb öyrənilməsi, gənclərdə vətənpərvərlik, mənəvi dəyərlərə hörmət, tarixi və milli köklərə bağlılıq hisslərinin gücləndirilməsi, tələbələr arasında sərbəst fikir, düşüncə tərzinin formalaşdırılması, ədəbi yaradıcılıq sahəsində istedadlarının müəyyənləşdirilməsi məqsədilə Naxçıvan Dövlət Texniki Kolleci və “Şərq qapısı” qəzetinin yaradıcı kollektivinin təşkilatçılığı ilə muxtar respublikada fəaliyyət göstərən orta ixtisas təhsili müəssisələrinin tələbələri arasında esse müsabiqəsi keçiriləcək.
Ölkəmizin aparıcı ali təhsil müəssisələrindən olan Naxçıvan Dövlət Universiteti əməkdaşlıq etdiyi beynəlxalq layihələrdə də layiqincə təmsil edilməkdədir. Cari ilin fevral ayından Avropa Birliyinin həyata keçirdiyi “ERASMUS” proqramı çərçivəsində Hollandiyanın Vittenborq Tətbiqi Elmlər Universitetinin koordinatorluğu ilə başlanılmış “IQAinAR” layihəsi də universitetlərdə mütərrəqi təhsil metodlarının tətbiqi və təhsildə keyfiyyətə nəzarət mexanizmlərinin təkmilləşdirilməsində qabaqcıl təcrübənin əldə olunmasına yönəlib.
Naxçıvan Dövlət Universitetində keçirilən konqresin plenar iclasını giriş sözü ilə açan universitetin rektoru, dosent Elbrus İsayev qeyd edib ki, Naxçıvanın simvollarından biri hesab olunan, təbii ehtiyatları 90 milyon ton təşkil edən Duzdağ qədim diyarımızda ilkin şəhər mədəniyyətinin formalaşmasında böyük rol oynayıb. Buradan hələ min illər əvvəl, Nuh Peyğəmbərin dövründən duz çıxarılması ilə bağlı məlumatlar vardır, bu nemət Naxçıvan ərazisindən Yaxın Şərq ölkələrinə duz yolu vasitəsilə daşınıb.
Vurğulanıb ki, Naxçıvanın tarixində Duzdağın və duzun oynadığı mühüm rol nəzərə alınaraq aparılan elmi tədqiqatların nəticələrinin sistemləşdirilməsini, arxeoloji tədqiqatlar zamanı əldə olunmuş maddi mədəniyyət nümunələrinin qorunub saxlanılmasını təmin etmək məqsədilə Naxçıvan Muxtar Respublikası Ali Məclisi Sədrinin 2017-ci il 12 sentyabr tarixli Sərəncamına əsasən Naxçıvan Duz Muzeyi yaradılıb.
Mayın 25-də Heydər Əliyev Uşaq-Gənclər Yaradıcılıq Mərkəzində muxtar respublikada ilk dəfə olaraq şagirdlərin Robotexnika dərnəklərində və STEAM təlim metodu əsasında hazırladıqları layihələrin texnosərgisi keçirilib.
Tədbirdə Naxçıvan Muxtar Respublikasının Təhsil naziri Rəhman Məmmədov çıxış edərək bildirib ki, Ali Məclis Sədrinin tapşırığı ilə 2019-cu ildən məktəbdənkənar təhsil müəssisələrində Robotexnika dərnəklərinin fəaliyyətinə, 2020-2021-ci tədris ilindən isə muxtar respublikanın ümumtəhsil məktəblərində STEAM təlim metodunun tətbiqinə başlanılıb. Bu məqsədlə ötən müddət ərzində STEAM Tədris Mərkəzi, məktəbdənkənar təhsil müəssisələrində Robotexnika və STEAM otaqları, Robotexnika dərnəyi, STEAM kabinələri yaradılıb. Ötən dövrdə təlimə aid metodik vəsaitlər və tədris proqramları çap edilərək istifadəyə verilib. Hazırda 2021-2022-ci tədris ilindən STEAM təlim metodu tətbiq ediləcək 38 məktəbdə kabinələrin yaradılması istiqamətində işlər görülür. Bu istiqamətdə həyata keçirilən tədbirlərin nəticəsində növbəti tədris ilində layihə muxtar respublika üzrə 50 ümumtəhsil məktəbində 6 və 7-ci sinif şagirdləri olmaqla, 273 sinif və 5035 şagirdi əhatə edəcəkdir.
Naxçıvan Dövlət Universitetində 2020-2021-ci tədris ilində Tələbə Elmi Cəmiyyətin xətti ilə aparılmış elmi-tədqiqat işlərinin yekunlarına həsr olunan konfrans keçirilib.
Konfransı giriş sözü ilə açan universitetin rektoru Elbrus İsayev ali təhsil ocağında tələbələr üçün yaradılan şəraitdən danışıb. Bildirib ki, 7 mindən çox tələbənin təhsil aldığı universitetdə Tələbə Elmi Cəmiyyətinin üzvləri fəallıq göstərir. Qeyd edilib ki, elmi-tədqiqat işləri bu gün ölkə iqtisadiyyatında mühüm rola malikdir.
İyunun 2-də Şəki və Lənkəran şəhərlərində, Gəncə şəhərinin Kəpəz rayonunda, Abşeron, Ağsu, Ağdaş, Bərdə, Qazax, Qusar, Saatlı, Siyəzən və Xızı rayonlarında, iyunun 3-də isə Naxçıvan Muxtar Respublikasında, Şirvan və Sumqayıt şəhərlərində, Gəncə şəhərinin Nizami rayonunda, Ağstafa, Astara, Daşkəsən, Hacıqabul, Lerik, Qəbələ, Qobustan, Şabran, Ucar, Yardımlı, Yevlax və Zərdab rayonlarında Dövlət İmtahan Mərkəzi (DİM) tərəfindən ümumi (9 illik) orta təhsil səviyyəsi üzrə buraxılış imtahanları keçiriləcək.
DİM-dən bildirilib ki, imtahan verəcək şagirdlər https://www.e-gov.az/az/services/read/2516/0?tqdk_xdm=46 linkindən istifadə etməklə imtahana buraxılış vərəqəsini, təhsil müəssisələri isə bütün şagirdlərin imtahana buraxılış vərəqələrini çap edə bilərlər. Şagirdlər iş nömrəsini təhsil aldıqları məktəbdən öyrənə bilərlər.
Muxtar respublikada təhsil quruculuğuna göstərilən diqqət və qayğı nəticəsində ötən ay da bu sahə üçün uğurlu olmuşdur. Belə ki, aprelin 9-da Ordubad şəhər 1 nömrəli tam orta məktəbin yeni binasının açılışı olmuş, Ordubad Texniki Peşə və Sürücülük Məktəbinin 3-cü mərtəbəsində yerləşən Uşaq-Gənclər Yaradıcılıq və Texniki Yaradıcılıq mərkəzlərində yaradılan innovativ dərnəklərin təqdimatı keçirilmişdir.
Naxçıvan Muxtar Respublikası Ali Məclisi Sədrinin 2020-ci il 14 fevral tarixli Sərəncamı ilə təsdiq edilmiş “2020-2025-ci illər üçün Naxçıvan Muxtar Respublikasında idmanın inkişafına dair Dövlət Proqramı”na uyğun olaraq Ordubad şəhər 1 nömrəli tam orta məktəbdə yeni Ağır Atletika İdman Klubu yaradılmışdır. Ay ərzində muxtar respublikanın müəyyən edilmiş 38 təhsil müəssisəsində STEAM kabinələrinin yaradılması istiqamətində təşkilati işlərə başlanılmışdır.
Naxçıvan Dövlət Universitetinin sonuncu kurs tələbələrinin iştirakı ilə keçirilən “Karyera günü”nü giriş sözü ilə universitetin rektoru Elbrus İsayev açaraq dövlət qurumları ilə əməkdaşlığın möhkəmləndirilməsinin tələbələrin ixtisasları üzrə dövlət müəssisələrində təcrübə keçmələri və işlə təmin olunmaları baxımından əhəmiyyətindən danışıb.
Konfransı giriş sözü ilə açan universitetin rektoru Elbrus İsayev ali təhsil ocağında tələbələr üçün yaradılan şəraitdən danışıb. Bildirib ki, 7 mindən çox tələbənin təhsil aldığı universitetdə Tələbə Elmi Cəmiyyətinin üzvləri fəallıq göstərir. Qeyd edilib ki, elmi-tədqiqat işləri bu gün ölkə iqtisadiyyatında mühüm rola malikdir. Belə ki, ixtisaslı kadrların yetişməsində nəzəri biliklərin vacibliyi ilə yanaşı aparılan təcrübələr, həyata keçirilən elmi-tədqiqat işləri əsas diqqət mərkəzində olan məsələlərdəndir. Bunun bariz nümunəsi olaraq ali təhsil ocağında 2 hektar ərazini əhatə edən, müxtəlif elm sahələri üzrə təcrübə-konstruktor, elmi-tədqiqat və startap layihələrinin mühüm elmi nəticələrinin tətbiqini həyata keçirən Texnoparkı göstərmək olar. Rektor qeyd edib ki, Texnoparkın yaradılması eyni zamanda muxtar respublikada təhsil sahəsində həyata keçirilən tənzimləmələrin və bu sahədəki islahatların sosial və məntiqi davamıdır. Elbrus İsayev həmçinin texnoparkda yaradılan şəraitdən və Tələbə Elmi Cəmiyyətinin üzvü olan tələbələrə yeni layihələrin həyata keçirilməsi və tətbiqində texnoparkın əhəmiyyətindən danışıb.
AMEA Naxçıvan Bölməsinin təşkilatçılığı, Naxçıvan Muxtar Respublikası Yazıçılar Birliyi və muxtar respublikadakı ali təhsil müəssisələrinin iştirakı ilə “Aşıq Ələsgər– 200” mövzusunda elmi konfrans olub.
Konfransı giriş sözü ilə açan AMEA Naxçıvan Bölməsinin sədri, akademik İsmayıl Hacıyev bildirib ki, Azərbaycan aşıq ədəbiyyatının görkəmli nümayəndəsi Aşıq Ələsgərin əsərləri vətənpərvərlik, insansevərlik, el-obaya bağlılıq kimi yüksək insani keyfiyyətləri təcəssüm etdirən mükəmməl xəzinədir. Unikal aşıq sənətinin kamil bilicisi olmuş Dədə Ələsgər yaradıcılığı ilə bağlı çoxsaylı tədqiqatlar aparılmış və müxtəlif səpkili araşdırmalar bu gün də davam etməkdədir.
Mayın 19-da Naxçıvan Dövlət Texniki Kollecində “Sabahın müəllimi” layihəsi çərçivəsində pedaqoji profilli ixtisasların sonuncu kursunda təhsil alan tələbələrlə görüş olub.
Naxçıvan Muxtar Respublikasının Təhsil naziri Rəhman Məmmədov müəllim kadrlarının hazırlanması üçün muxtar respublikada görülən işlərdən danışıb. Vurğulanıb ki, bu çoxsaylı tədbirlərin davamı olaraq artıq 3 ildir ki, nazirlik tərəfindən “Sabahın müəllimi” layihəsi çərçivəsində mühüm işlər görülür, tələbələrin ümumtəhsil məktəblərində yaxşı təcrübə keçmələri təmin edilir.
Azərbaycan Respublikasının ali təhsil müəssisələrinin və AMEA-nın magistraturalarına qəbul imtahanının II cəhdi mayın 26-da keçiriləcək.
Dövlət İmtahan Mərkəzindən bildirilib ki, imtahana buraxılış vərəqəsi və “İmtahan iştirakçısının sağlamlığı haqqında bəyannamə”ni çap etmək üçün https://www.e-gov.az/az/services/read/2516/0?tqdk_xdm=8 linkinə daxil olmaq lazımdır.
Bakalavrlar imtahana gələrkən özləri ilə şəxsiyyəti təsdiq edən sənədin əslini, imtahana buraxılış vərəqəsini və “İmtahan iştirakçısının sağlamlığı haqqında bəyannamə”ni mütləq gətirməlidirlər. Bu sənədlərdən hər hansı biri olmazsa və ya sənədlər arasında uyğunsuzluq olarsa, bakalavr imtahana buraxılmır.
Dövlət İmtahan Mərkəzi (DİM) tərəfindən mayın 20-də tədris Azərbaycan dilindən fərqli dillərdə aparılan ümumi təhsil müəssisələrinin IX və XI sinif şagirdləri üçün buraxılış imtahanı çərçivəsində Azərbaycan dili (dövlət dili kimi) fənnindən test imtahanı keçiriləcək.
Mərkəzdən bildirilib ki, imtahan ümumilikdə 21 şəhər və rayonda, 88 binada aparılacaq. İmtahan bütün binalarda saat 11:00-da başlanır. Saat 10:45-də buraxılış rejimi başa çatır. Bundan sonra gələn iştirakçılar imtahan binasına buraxılmır.
“Naxçıvan” Universitetində “Əsas vəsaitlər, onlara çəkilən məsrəflərin kapitallaşdırılması problemləri və həlli yolları” mövzusunda elmi-praktik konfrans keçirilib.
Naxçıvan Muxtar Respublikası Ali Məclisinin Sədri cənab Vasif Talıbovun 2015-ci il 27 iyul tarixli “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsi haqqında”, eləcə də 2019-cu il 3 aprel tarixli “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” sərəncamları və onların icrası gənclərin sağlam mühitdə böyüməsinə, layiqli vətəndaş kimi formalaşmasına xidmət edir.
Ali təhsil ocağının “İncəsənət” fakültəsində fakültə müəllim və tələbələrinin iştirakı ilə “Muğam axşamı” konserti keçirilib. Konserti “Xalq çalğı alətləri” kafedrasının müəllim və tələbələri müşayiət edib. Belə ki, tarda həmin kafedranın müəllimi Sərxan Abdullayev, elektro pianoda “Orkestr alətləri və dirijorluq” kafedrasının müəllimi Ziya Fətullayev, “Xalq çalğı alətləri” ixtisasının I kurs tələbələri- Zakir Məmmədov kamançada, Əfsun Məmmədov bas tarda, Zəkiyyə Abbasova qanunda, həmin ixtisasın II kurs tələbəsi Munis Əlisoy isə nağarada müsayiət edib. Konsert “Rahab” rəngi musiqisi il açılıb. Bundan əlavə konsertdə “Bayatı- şiraz”, “Şur”, “Segah”, “Mahur”, “Vilayəti”, “Dilkeş”, “Cahargah” təsnifləri ifa edilib. Konsert tədbir iştirakçıları tərəfindən maraqla dinlənilib.
Universitetin rektoru Elbrus İsayev bu kimi tədbirlərin “İncəsənət” fakültəsinin inkişaf yolunun bir nümunəsi kimi qiymətləndirib. Qeyd edilib ki, muğama göstərilən dövlət qayğısı gənclərin bu sahəyə maraq göstərməsinə, sonradan isə kütləvi olaraq muğam ifaçılığı ilə məşğul olmasına səbəb olub. Artıq neçə ildir ki, Azərbaycanda muğam sənəti daha ciddi qayğı ilə əhatələnib, muğam ifaçıları, ustad xanəndələr dövlətdən ciddi dəstək alır. Universitetdə də muğam ifaçılığı sarıdan qazanılan təcrübəni yüksək qiymətləndirən rektor konsertdə əməyi keçən hər kəsə öz təşəkkürünü bildirib, tələbə və müəllimləri təbrik edib, gələcək fəaliyyətlərində uğurlar arzulayıb.
Musiqili tədbirin sonunda muğam axşamına dəvət edilən qonaqlar konsertlə bağlı öz təəssüratlarını bildirib, tədbirinin gedişini yüksək qiymətləndiriblər.
Etibar Dərbəndəliyev “Jurnalistika” ixtisası üzrə III kurs tələbəsi
Naxçıvan Dövlət Universitetinin “İncəsənət” fakültəsində “Fortepiano” kafedrasının hesabat konserti keçirilib. Kafedranın müəllimlərinin tələbələri ilə birgə çıxış etdiyi konsertdə Fikrət Əmirov və Elmira Nəzirovanın Ərəb mövzuları əsasında “Konsert” əsəri təqdim edilib. Səid Rüstəmovun “Oxu tar”, Arif Məlikovun İki qəlbin dastanı baletindən, Tofiq Quliyevin “Sənə də qalmaz”, “Güldür məni”, Ludviq Van Bethoven, Frederik Şopen, Serqey Raxmaninov və s. kimi xarici bəstəkarların bəstələri tamaşaçılar tərəfindən maraqla dinlənilib. Konserti kafedranın müəllimləri Azərbaycan Respublikasının əməkdar mədəniyyət işçisi dosent Vidadi Heydərov, Azərbaycan Respublikasının əməkdar müəllimi Solmaz Axundova, Naxçıvan Muxtar Respublikasının əməkdar müəllimi Nərminə Qədimova, Naxçıvan Muxtar Respublikasının əməkdar mədəniyyət işçisi Rəna Cəfərova və digərləri müşayiət ediblər.
“2020-2021-ci tədris ilində hərbi vətənpərvərlik tərbiyəsinin təşkili və hərbi idman oyunlarının keçirilməsi üçün hərbi hissələrlə qarşılıqlı əlaqələr” planına uyğun olaraq keçirilən məşğələlər davam edir.
Naxçıvan Muxtar Respublikasının Təhsil Nazirliyinin təşkilatçılığı ilə keçirilən seminarda çıxış edən naziri Rəhman Məmmədov muxtar respublikada təhsilin bütün pillələrinə, eləcə də peşə təhsilinin inkişafına göstərilən dövlət qayğısından və yaradılan şəraitdən danışıb. Bildirib ki, muxtar respublikada peşə təhsilinin inkişafı sahəsində ardıcıl tədbirlər həyata keçirilir, ixtisaslı kadr hazırlığının təmin olunması diqqət mərkəzində saxlanılır.
Təhsil naziri bildirib ki, hazırda muxtar respublikada 5 peşə təhsili müəssisəsi fəaliyyət göstərir ki, onlardan 4-ü – Naxçıvan, Şərur və Ordubad Texniki Peşə və Sürücülük məktəbləri və Naxçıvan Şəhər Peşə Liseyi Təhsil Nazirliyinin tabeliyindədir. Peşə təhsilinin inkişafına göstərilən dövlət qayğısının nəticəsidir ki, hazırda peşə təhsili müəssisələri əmək bazarının, o cümlədən işəgötürənlərin tələblərinə uyğun ixtisaslar üzrə kadr hazırlığını tam şəkildə həyata keçirə bilir.
Birincilikdə Sədərək rayon ümumtəhsil məktəblərinin və atletika klubunun 22 qız idmançısı iştirak edib.
Yarış başlamamışdan əvvəl çıxış edənlər diqqətə çatırıblar ki, bu gün bütün sahələrdə tərəqqi və yüksəliş dövrü yaşayan muxtar respublikada idmanın inkişafına və gənc nəslin sağlam ruhda tərbiyə olunmasına xüsusi qayğı göstərilir. Göstərilən diqqətin və yaradılan şəraitin nəticəsidir ki, muxtar respublika idmanında, eləcə də atletika idman növü üzrə əldə edilən uğurların sayı artır. Bu qayğı məktəbli atletləri daha böyük səylə çalışmağa və qələbələr qazanmağa sövq edir. Bildirilib ki, muxtar respublikanın şəhər və rayon təhsil müəssisələrində yaradılan idman klubları, idmanla məşğul olmaq üçün yaradılmış şərait bu sahənin daha da kütləviləşməsinə və inkişafına imkan yaradır. Bunu idmanda qazanılmış parlaq nəticələr bir daha təsdiq edir.
Mayın 6-da Naxçıvan şəhər 4 nömrəli tam orta məktəbdə muxtar respublika ümumtəhsil məktəblərinin IX-XI sinif şagirdləri arasında ümummilli lider Heydər Əliyevin anadan olmasının 98-ci ildönümünə həsr olunmuş inşa yazı müsabiqəsi keçirilib. Müsabiqənin keçirilməsində məqsəd ulu öndər Heydər Əliyev irsinin gənc nəslə öyrədilməsi, məktəblilərə Vətənə sevgi və məhəbbət hislərinin aşılanması, onların asudə vaxtlarının səmərəli təşkil olunması, gənc nəslin tarixi köklərimizə bağlı olaraq vətənpərvərlik ruhunda tərbiyələndirilməsinin təmin edilməsi olub.
Müsabiqəni giriş sözü ilə Təhsil nazirinin müavini Heyran Əhmədova açaraq ümummilli lider Heydər Əliyevin zəngin həyat yolu, çoxşaxəli fəaliyyəti barədə məlumat verib. Ulu öndərin Azərbaycan tarixində misilsiz rol oynadığını vurğulayan Heyran Əhmədova bildirib ki, müstəqilliyimizin möhkəmləndirilməsi, ictimai-siyasi sabitliyin bərpası, müxtəlif sahələrin, o cümlədən təhsilimizin inkişaf tarixi məhz Heydər Əliyevin adı ilə bağlıdır. Biz bu gün Ulu öndərin 98 illiyini qeyd edirik və biz müstəqilliyimizin ən parlaq səhifələrində Heydər Əliyevin imzasını görürük. Bildirib ki, Ümummilli liderin Naxçıvan Muxtar Respublikasına rəhbərliyi dövründə tarixi qərarlar qəbul edilmiş, muxtar respublikanın erməni təcavüzündən xilas olunması, böhranlı vəziyyətdən çıxarılması üçün ardıcıl tədbirlər görülmüşdür. Üçrəngli bayrağımızın ilk dəfə 1990-cı il noyabrın 17-də keçirilən Naxçıvan parlamentinin iclasında qaldırılması, Naxçıvan Muxtar Respublikasının adından “sovet sosialist” sözlərinin çıxarılması, Dünya azərbaycanlılarının həmrəyliyinin əsasının qoyulması, blokada şəraitində yaşayan Naxçıvanın gələcək inkişafını təmin edəcək işlərin bünövrəsinin qoyulması, ölkəmizdə milli qurtuluş hərəkatının əsasının qoyulması və 15 iyunun müstəqil Azərbaycan dövlətinin tarixinə “Milli Qurtuluş Günü” kimi daxil olması dahi rəhbərin qətiyyəti və təşəbbüsü nəticəsində mümkün olmuşdu.
“Naxçıvan” Universitetində keçirilən təqdimat mərasimində çıxış edən rektor, dosent Nurlana Əliyeva bildirib ki, ali təhsil ocağının Elmi Kitabxanası 1999-cu ildən fəaliyyətə başlayıb. Bu kitabxana oxuculara çap əsərlərindən və digər informasiya daşıyıcılarından səmərəli istifadə etmək məqsədilə xidmət göstərir. Hər cür texniki avadanlıqlarla təchiz edilmiş kitabxanada müxtəlif elm sahələri üzrə qruplaşdırılmış 9 fond və 9 oxu zalı, şöbələrin hər birində yerləşdirilmiş kompüter və surətçıxarma aparatları və 1 idarəedici serverlə təmin olunmuş 18 yerlik elektron resurslar və konfrans zalları var.
AMEA Naxçıvan Bölməsində Tarix, Etnoqrafiya və Arxeologiya İnstitutunun şöbə müdiri, AMEA-nın müxbir üzvü Vəli Baxşəliyev və tarix elmləri doktoru Abbas Seyidovun həmmüəllifliyi ilə nəşr olunan “Qədim Culfa” kitabının təqdimatı keçirilib.
Tədbiri giriş sözü ilə AMEA Naxçıvan Bölməsinin sədri, akademik İsmayıl Hacıyev açaraq muxtar respublikada elm adamlarına göstərilən dövlət qayğısından bəhs edib. Bildirib ki, Naxçıvan Muxtar Respublikası Ali Məclisinin Sədri yanında Bilik Fondunun dəstəyi ilə “Əcəmi” Nəşriyyat-Poliqrafiya Birliyində işıq üzü görən kitab məhz bu qayğının nəticəsidir.
Hacı Zeynalabdin Tağıyev deyirdi: “Bir kişiyə təhsil verməklə savadlı bir insan qazanarsınız. Bir qadına təhsil verməklə isə savadlı bir ailə və cəmiyyət”. Bu nöqteyi-nəzərdən yanaşsaq, qadının təhsil alması savadlı və sağlam gələcəyin qurulması üçün daha vacibdir. Gələcəyin xanımları – böyüməkdə olan gənc qızların hər biri gələcəyin anası, gələcəyin övlad tərbiyəedicisi və ailə başçılarıdır. Bugünkü gənc qızlar savadlı və vətənpərvər olsalar, gələcəkdə övladlarını da o ruhda tərbiyə edəcəklər.
Ümumtəhsil məktəblərinin VI və VII sinif şagirdləri arasında keçirilən məktəblilərarası fənn müsabiqələrinin I mərhələsinin nəticələri elan olunub. Naxçıvan Muxtar Respublikasında ilk dəfə olaraq keçirilən müsabiqədə 147 muxtar respublika məktəblisi final mərhələsində iştirak etmək hüququ qazanıb. Müsabiqənin final mərhələsinin may ayının sonunda keçirilməsi nəzərdə tutulmuşdur.
“İnsanların bir-birindən zahirdə heç bir təvafütü yoxdur. Amma qüdrət və qüvvətdə, hörmət və izzətdə fərqi çoxdur. Pəs insanın qədr və qiyməti, izzət və şərafəti, əlbəttə, elmlə bilinir”. Görkəmli pedaqoq Məhəmməd Tağı Sidqinin Ali Məclis Sədrinin Sərəncamı ilə təsdiq edilmiş “Oxunması zəruri olan kitabların Siyahısı”na daxil edilən “Məktəb hekayələri”ndə yer alan bu qısa fəlsəfi fikirlər həyatımızın ayrılmaz parçası olan elmin dəyərini, önəmini aşılamaqla onun insanoğlunu kamilliyə, müdrikliyə aparan, hörmət-izzətə yüksəldən yeganə silahdaş olduğunu təlqin edir.
Naxçıvan Dövlət Universitetində Yeni Azərbaycan Partiyası Universitet Şəhərciyi ərazi ilk təşkilatı və Beynəlxalq münasibətlər kafedrasının birgə təşkilatçılığı ilə “Heydər Əliyev siyasi kursuna varislik: Qələbəyə aparan uğurlu diplomatiya” adlı elmi konfrans keçirilib.
Universitetin rektoru, dosent Elbrus İsayev konfransda çıxış edərək bildirib ki, İkinci Qarabağ müharibəsində qazandığımız tarixi zəfər ümummilli lider Heydər Əliyevin düşünülmüş və məqsədyönlü siyasətinin uğurlu davamının nəticəsidir. Vətən müharibəsində xalqımızın Ali Baş Komandan cənab İlham Əliyevin ətrafında bir yumruq kimi birləşməsi, şanlı, rəşadətli Azərbaycan Ordusunun şücaəti erməni faşizmi üzərində qələbə qazanılmasında həlledici rol oynadı. Ölkə başçısı, Ali Baş Komandanın prinsipial mövqeyi, səsləndirdiyi tutarlı dəlillər və əsaslı fikirlər, xarici kütləvi informasiya vasitələrinə verdiyi çoxsaylı müsahibələri, döyüş meydanında Azərbaycan Ordusunun əldə etdiyi qələbələr diplomatiya meydanında da uğurlara çevrildi və ölkəmizin İkinci Qarabağ müharibəsindəki hərbi-diplomatik Qələbəsini şərtləndirdi.
Dekabr 2021 |
