Tariximizin hansı səhifəsini vərəqləsək, orada igid babalarımızın keçdiyi qəhrəmanlıq yollarının izinə rast gələrik. Çünki yaşadığımız torpağı qorumaq üçün Vətən uğrunda mübarizə əsas şərtdir. Məhz bu amil vətənpərvərliyi şərtləndirir. Əsl vətənpərvər isə Vətənə məhəbbətini sözdə deyil, gördüyü işdə, çəkdiyi zəhmətdə, fəaliyyətində nümayiş etdirir. Məhz buna görə də vətənpərvərliyin meyarı söz ilə əməlin üst-üstə düşməsidir. 

Ümummilli liderimiz Heydər Əliyevin milli dövlətçilik, vətənpərvərlik ideyaları bugünkü inkişafımızın təməlini təşkil edir. Ulu öndərin milli şüur – vətənpərvərlik şüuru elmi yanaşması xalqımızın vətənpərvərlik tərbiyəsində əvəzsiz nümunəyə çevrilib, vətəndaşlarımıza Vətən sevgisi aşılayıb. Dahi şəxsiyyətin fikrincə, Vətən yalnız coğrafi ərazi deyil, harada yaşamasından asılı olmayaraq, hər bir azərbaycanlının şan-şöhrəti, qeyrəti, əyilməz vüqarı, qürur mənbəyi, bütün varlığı, taleyi, gücü, qüdrəti, əbədi səcdəgahıdır. Bugünkü müasir, müstəqil, çiçəklənən Azərbaycan bütün varlığını, ömrünü, zəkasını öz xalqına, millətinə həsr etmiş ulu öndərimiz Heydər Əliyevin bizə ən müqəddəs, ən ülvi əmanəti, yadigarıdır.
Özünü ölkəsinin əsl vətəndaşı hesab edən hər bir ləyaqətli, iradəli, əqidəli, vətənpərvər gənc millətin adı və varlığı ilə fəxr edir, onda milli xarakter və milli mənəviyyat formalaşır. Çünki milli mənlikdə milli ideal, milli ləyaqət, milli şərəf, milli birlik hissi, azadlıq, müstəqillik arzuları, milli qürur hissi təcəssüm olunur. Milli mənlik hər bir şəxsin özünün milli mənsubiyyətini ətraflı dərk etməsinə imkan yaradır. Milli mənliyi olan şəxs Vətənlə bağlı heç bir hadisəyə laqeyd qala bilməz. Ona görə ki Vətən, torpaq məhəbbəti, millətin və xalqın qayğıları onun şəxsi istək və arzularını üstələyir, onu xalq üçün çalışmağa sövq edir.

Avqustun 26-da Naxçıvan Muxtar Respublikası Ali Məclisində 2017-2018-ci illərin payız-qış mövsümünə hazırlıq və qarşıda duran vəzifələrlə əlaqədar keçirilən müşavirədə Naxçıvan Muxtar Respublikası Əmək və Əhalinin Sosial Müdafiəsi Nazirliyinə hərbi hissələr üçün yun corabların toxunması işinin davam etdirilməsi də tapşırılıb. Bu istiqamətdə muxtar respublikada ənənəyə uyğun olaraq hazırlanmış yun corablar hərbi hissələrə təhvil verilib.
Bu münasibətlə keçirilən tədbiri giriş sözü ilə Naxçıvan Muxtar Respublikası əmək və əhalinin sosial müdafiəsi naziri Cavid Səfərov açaraq bildirib ki, məhdud fiziki imkanlı 19 nəfər tərəfindən toxunan yun corablardan 1400 cütü Əlahiddə Ümumqoşun Orduya, 300 cütü isə “Naxçıvan” Əlahiddə Sərhəd Diviziyasına təhvil verilir. Bu tədbir həmin kateqoriyadan olan şəxslərin məşğulluğunu təmin etməklə onların maddi təminatlarının yaxşılaşmasına da öz töhfəsini verir.

Ötən ayın mənzərəsini məhz belə ifadə etmək olar

Azərbaycanın tarixi dövlətçilik ənənələrinin qorunduğu, yaşadıldığı Naxçıvan Muxtar Respublikasında müstəqil respublikamızın memarı və qurucusu, ümummilli liderimiz Heydər Əliyevlə bağlı bütün tarixi günlər daim diqqət mərkəzində saxlanılır. Bu baxımdan 3 oktyabr 1993-cü il müasir Azərbaycan Respublikasının uğurlarının başlandığı gün kimi hər zaman yaddaşlarda yaşayır, daim xatırlanır. Çünki həmin gün yeni tariximizin ən uğurlu seçkisi keçirilib, xalqımız öz gələcəyini ulu öndər Heydər Əliyevə etibar edib, dahi şəxsiyyət Azərbaycan Respublikasının Prezidenti seçilib. Xalqımızı nicata aparan yol 1993-cü ilin yayında – Azərbaycanda siyasi böhranın ən ağır mərhələsində Naxçıvan Muxtar Respublikası Ali Məclisinin Sədri olan ulu öndərimizin Bakıya getməsi ilə başlanıbdırsa, 3 oktyabrdan etibarən isə müstəqil, demokratik, dünyəvi dövlət quruculuğu proseslərinə start verilib, bütün sahələrdə islahatlar aparılıb, ordu quruculuğu diqqət mərkəzində saxlanılıb, ictimai-siyasi sabitliyin möhkəmləndirilməsi istiqamətində məqsədyönlü tədbirlər həyata keçirilib. Nəticədə, bugünkü müstəqil, qüdrətli Azərbaycan yaranıb.

Oktyabrın 3-də – ümummilli liderimizin Azərbaycan Respublikasının Prezidenti seçilməsinin 24-cü ildönümündə Naxçıvan şəhərinin Atatürk küçəsində qardaş Türkiyə Respublikasının “Koton” Moda və Satış firmasının yeni mağazası istifadəyə verilib.

Dövlət orqanlarında inzibati vəzifələrin dördüncü-yeddinci təsnifatına uyğun vakant dövlət qulluğu vəzifələrinin tutulması üçün 12 iyul 2017-ci il tarixdə elan edilmiş müsabiqənin müsahibə mərhələsinə bu ilin noyabr ayının 6-dan start verilmişdir. Müsahibələrdə ilk olaraq Naxçıvan Muxtar Respublikasının Rabitə və Yeni Texnologiyalar Nazirliyində, Mərkəzi Seçki Komissiyasında və Səhiyyə Nazirliyində işləmək istəyən namizədlər iştirak ediblər.
Müsahibə zamanı namizədə ixtisasına, iddia etdiyi vəzifənin qulluq funksiyasına, xarici dil biliklərinə, informasiya texnologiyalarından istifadə bacarığına və dünyagörüşünə uyğun suallar verilir. Müsahibə mərhələsində obyektivliyin və şəffaflığın təmin edilməsi məqsədilə müsahibə qrupunun tərkibində müstəqil ekspertlər, komissiyanın və dövlət orqanlarının nümayəndələri iştirak edirlər. Həmçinin müsahibə prosesinin videoçəkilişi aparılır.

2016-cı ilin sentyabr ayına qədər Nuh Peyğəmbərin həqiqi vətəni haqqında məlumatımız yox idi. Mən həyat yoldaşım ilə Türkiyənin şərq hissəsinə – İqdır şəhəri istiqamətində hərəkət edərkən yolda Naxçıvan yazılmış lövhə gördük və Naxçıvan barədə bələdçidən məlumat aldıq. O bildirdi ki, Naxçıvan Türkiyə ilə sərhəddə yerləşir. Həmin andan mənim diqqətim bu əraziyə yönəldi. Çox təəssüf ki, həmin vaxt bizim xüsusi bir tur proqramımız var idi və həmin proqrama Türkiyə sərhədlərindən kənarda olan bir ərazini daxil edə bilməzdik.

1926-cı il noyabrın 6-da Azərbaycan Radiosu, 1956-cı il fevralın 14-də isə Azərbaycan Televiziyası fəaliyyətə başlamış, 70-ci illərdən etibarən Azərbaycan televiziyasının və radiosunun inkişafında yeni mərhələnin əsası qoyulmuşdur. Ümummilli lider Heydər Əliyevin respublikaya rəhbərliyinin birinci dövrünü əhatə edən bu illərdə milli özünüdərkin oyanmasında radio və televiziyanın imkanlarından da geniş istifadə olunmuş, teleradionun maddi-texniki bazası və kadr potensialı təkmilləşdirilmişdir.

Ulu öndər müstəqillik illərində də Azərbaycanda televiziya və radionun inkişafına xüsusi diqqət göstərmiş, bu sahənin qanunvericilik bazası təkmilləşdirilmiş, “Kütləvi informasiya vasitələri haqqında”, “Televiziya və radio yayımı haqqında” Azərbaycan Respublikasının qanunları qəbul olunmuşdur. Dahi şəxsiyyət teleradionun əhəmiyyətini yüksək qiymətləndirərək demişdir: “Televiziya və radio xalqın tribunasıdır. Müstəqilliyimizin əbədiliyinin və milli dövlət quruculuğu prosesinin dönməzliyinin təbliğində, müstəqil Azərbaycan dövlətinin dirçəliş mərhələsində televiziya və radionun fəaliyyəti əvəzolunmazdır”.
Bu gün ölkə Prezidenti cənab İlham Əliyev də teleradioların inkişafına hərtərəfli qayğı göstərir. 2003-cü ildən başlayaraq ölkəmizdə mətbuat orqanlarının maddi-texniki bazasının gücləndirilməsi və jurnalist əməyinin qiymətləndirilməsi sahəsində bir sıra fərman və sərəncamlar imzalanmışdır. Son illər ölkəmizdə 2 kosmik peykin orbitə buraxılması Azərbaycan teleradio yayımçılarının imkanlarını əhəmiyyətli dərəcədə genişləndirmişdir.

Naxçıvan Muxtar Respublikası Dövlət Miqrasiya Xidmətindən aldığımız məlumata görə, cari ilin oktyabr ayı ərzində xidmət miqrasiya proseslərinə dövlət nəzarətinin gücləndirilməsi, idarə edilməsi və tənzimlənməsi, o cümlədən qanunsuz miqrasiyanın qarşısının alınması istiqamətində müvafiq tədbirləri davam etdirilib. Ötən ay xidmət tərəfindən muxtar respublikada olma və yaşama qaydalarına əməl etmədən mövcud qanunvericiliyin tələblərini pozmuş 30 əcnəbi aşkarlanıb. Onlardan 26-sı barəsində Azərbaycan Respublikası ərazisini 48 saat ərzində tərketmə, 4-ü barəsində inzibati qaydada ölkə hüdudlarından kənara çıxarılma qərarı qəbul edilib.
Ümumilikdə, ay ərzində Dövlət Miqrasiya Xidmətinə əcnəbilər və vətəndaşlığı olmayan şəxslər, habelə Azərbaycan Respublikası vətəndaşları tərəfindən 778 müraciət daxil olub. Bu müraciətlərdən 151-i əcnəbilərə və vətəndaşlığı olmayan şəxslərə müvəqqəti və daimi yaşamaq üçün icazənin, əmək fəaliyyətinin həyata keçirilməsi üçün iş icazəsinin verilməsi, eləcə də vətəndaşlıq mənsubiyyətinin müəyyənləşdirilməsi ilə bağlıdır. Müraciətlərin hər biri ayrı-ayrılıqda Azərbaycan Respublikası qanunvericiliyinin tələblərinə uyğun olaraq araşdırılıb və müvafiq qərarlar qəbul edilib. Ötən ay ərzində olduğu yer üzrə qeydiyyatla bağlı xidmət tərəfindən 627 müraciət qeydə alınaraq icrası təmin olunub. Həmin müraciətlərdən 252-si elektron xidmətlər portalı və elektron poçt üzərindən qəbul edilib.
Hazırda Dövlət Miqrasiya Xidməti tərəfindən fəaliyyət istiqamətlərinə uyğun olaraq ardıcıl maarifləndirmə tədbirləri həyata keçirilir.

Xəbərlər şöbəsi

Azərbaycanda arxiv quruculuğu çox çətin bir yol keçib. Uzun illər vətənimizin müxtəlif işğalçı dövlətlərin mübarizə meydanına çevrilməsi nəticəsində ölkəmizə aid olan qiymətli sənədlər ya məhv edilib, yaxud da talanıb aparılıb. Yalnız müstəqilliyimiz yenidən bərpa edildikdən sonra ölkəmizdə bu işlə ciddi şəkildə məşğul olunmağa başlanılıb. Bu məsul və şərəfli vəzifəni yerinə yetirən arxiv orqanlarından biri də Naxçıvan Dövlət Arxiv İdarəsinin tərkibində fəaliyyət göstərən Naxçıvan Muxtar Respublikası Dövlət Arxividir. Naxçıvan Muxtar Respublikası Dövlət Arxivinin direktoru Zülfiyyə İsmayılova başçılıq etdiyi qurumun tarixi haqqında qısa məlumat verir:

– Ölkəmizdə arxiv işinin əsası 1920-ci il dekabr ayının 6-da Azərbaycan İnqilab Komitəsinin sədri Nəriman Nərimanov tərəfindən imzalanmış “Vahid dövlət arxiv fondunun yaradılması və Xalq Maarif Komissarlığı yanında mərkəzi dövlət arxivinin təşkili haqqında” dekretlə qoyulub. Həmin dekretə müvafiq olaraq Azərbaycan ərazisində keçmişdə mövcud olmuş və dekret verilərkən fəaliyyətdə olan idarə, təşkilat və müəssisələrin arxivləri Vahid dövlət arxiv fondunun tərkibinə daxil edilməli, kargüzarlıqdan qurtarmış işlər isə mərkəzi dövlət arxivinə verilməli idi. 1921-ci ilin yanvarından Bakıda fəaliyyətə başlayan Azərbaycan SSR Mərkəzi Dövlət Arxivi Qafqazda ilk dövlət arxivi idi. Ötən əsrin otuzuncu illərində yerlərdə arxiv sənədlərinin mühafizəsi və istifadəsi məqsədilə respublikanın bir sıra şəhər və rayonlarında arxiv büroları yaradıldı ki, onlar da sonralar şəhər və rayon dövlət arxivlərinə çevrildilər.

Bu il avqust ayının 26-da “Naxçıvan Muxtar Respublikasında 2017-2018-ci illərin payız-qış mövsümünə hazırlıq və qarşıda duran vəzifələr”ə dair keçirilmiş müşavirədə Naxçıvan Muxtar Respublikası Əmək və Əhalinin Sosial Müdafiəsi Nazirliyinə mövsümi qazanxana işçilərinin qabaqcadan təlimatlandırılması ilə bağlı hazırlıq tədbirlərinə başlanılması, ocaqçıların müvafiq kurslara cəlb olunması, bərpa müəssisələrinin, eləcə də Ahıllar Evinin təminatı üçün tədbirlərin görülməsi, hərbi hissələr üçün yun corabların toxunması işinin davam etdirilməsi ilə bağlı tapşırıqlar verilmişdir. 

Həmin tapşırıqların icrası ilə əlaqədar nazirlik tərəfindən tədbirlər planı hazırlanmış və tabeli qurumların bu sahədə fəaliyyətləri müəyyənləşdirilmişdir.
Nazirlikdən aldığımız məlumata görə, tabelikdə olan qurumların inzibati binalarına, habelə kənd xidmət mərkəzlərindəki bərbərxana, gözəllik salonu və dərzi sexlərinə baxış keçirilmiş və çatışmazlıqlar müəyyənləşdirilmişdir. Bunların aradan qaldırılması məqsədilə Naxçıvan Muxtar Respublikası Dövlət Şəhərsalma və Arxitektura Komitəsinə məlumat təqdim edilmişdir.

Şərur rayonunun Qarahəsənli kəndində Yeni Azərbaycan Partiyası Şərur Rayon Təşkilatının xətti ilə keçirilən elmi-praktik konfransı giriş sözü ilə ərazi ilk partiya təşkilatının sədri Baxşəli Zeynalov açıb. Sonra rayon təşkilatının sədri, Naxçıvan Muxtar Respublikası Ali Məclisinin deputatı Əmir Baba­yevin “Ulu öndər Heydər Əliyev ideyalarının təntənəsi” mövzusunda məruzəsi dinlənilib.
Konfransda rayon təşkilatının idarə heyətinin üzvü Ünbülbanu Musayeva “Demokratik cəmiyyətin formalaşmasında ulu öndər ideyalarının rolu”, rayon Təhsil Şöbəsinin müdiri Zaur Həsənov “Müasir Azərbaycan təhsili ümummilli lider Heydər Əliyev siyasətinin uğurudur”, təşkilatın Gənclər Birliyinin sədri Mirkərim Seyidov “Müstəqil Azərbaycanda gənclər siyasəti prioritet vəzifədir” mövzularında məruzə ilə çıxış ediblər.
Qeyd olunub ki, respublikamızın həyatında hərtərəfli inkişafa və tərəqqiyə doğru dönüş mərhələsinin başlanğıcını qoyan 1969-cu il tarixi həm də soykökümüzə, tarixi yaddaşımıza, milli və mənəvi tərəqqiyə doğru dönüş mərhələsi oldu. Təhlillər də sübut edir ki, Azərbaycanın müstəqil dövlət quruculuğu yolu məhz həmin dövrdən başlanıb. 1969-1982-ci illərdə ümummilli liderimiz Azərbaycanın hərtərəfli yüksəlişi üçün böyük uzaqgörənliklə məqsədyönlü tədbirlər həyata keçirib.

Naxçıvan Muxtar Respublikasının Nazirlər Kabineti 2017-ci ilin oktyabr ayında bir sıra qərarlar qəbul etmişdir.
Belə ki, Nazirlər Kabinetinin 2017-ci il 6 oktyabr tarixli 94 və 95 nömrəli qərarları ilə “Stomatoloji Mərkəz” publik hüquqi şəxsinin Nizamnaməsi” təsdiq edilmiş və bu qurum publik hüquqi şəxsi “Naxçıvan Muxtar Respublikası Səhiyyə Nazirliyinin strukturuna daxil olmayan tabeliyindəki qurumların siyahısı”na daxil edilmişdir.
Nazirlər Kabinetinin 2017-ci il 16 oktyabr tarixli 96 nömrəli qərarı ilə “Elektron xidmət növlərinin Siyahısı”nda, 97 nömrəli qərarı ilə “Avtomobil nəqliyyatı ilə yüklərin daşınması Qaydaları”nda, 98 nömrəli qərarı ilə “Naxçıvan Muxtar Respublikasının gömrük sərhədindən keçirilən malların və nəqliyyat vasitələrinin bəyan edilməsi Qaydaları”nda və 100 nömrəli qərarı ilə “Naxçıvan Muxtar Respublikası Məhkəmə Tibbi Ekspertiza və Patoloji Anatomiya Birliyinin Nizamnaməsi”ndə dəyişikliklər edilmişdir.

Naxçıvan Muxtar Respublikası Rabitə və Yeni Texnologiyalar Nazirliyi idarə və təşkilatların, əhalinin diqqətinə çatdırır ki, 25 oktyabr 2017-ci il tarixdən etibarən dünya ölkələrinin informasiya sistemlərinə və şəbəkələrinə növbəti virus hücumu zərbə vurmağa başlayıb. 200-dən çox dövlət qurumunun və özəl təşkilatların informasiya sistemlərinə zərbə vuran “Bad rabbit” adlandırılan “ransomware” virusu muxtar respublikamızda da kompüter şəbəkələrini təhlükə qarşısında qoya bilər. Qeyd edək ki, virus “Win32/Diskcoder.D”, “Trojan-Ransom.Win32.Gen.f”, “Win32/Tibbar”, “Troj/Ransom-ERK” adları altında sistemlərə nüfuz edir.
Rusiya, Türkiyə, Ukrayna, Almaniya kimi ölkələrdə sürətlə yayılan virus “Petya” virusunun bir başqa formasıdır. Hücumçu kompüter sistemlərini kilidləyir və açılması üçün qurbandan 0.05 bitcoin (təxminən, 285 dollar) tələb edir. Belə ki, virus bəzi rus xəbər media saytlarına daxil olan istifadəçilərə saxta “Adobe Flash Player”də yenilik barəsində pop-up reklam mesajı kimi təqdim olunaraq yayılıb. Bununla yanaşı, istifadəçilər bu və ya digər təhlükəli veb-saytlara daxil olduğu zaman zərərli fayllardan ibarət olan saytlara yönləndirilir.
Kompüter sistemlərini təhlükədən qorumağınız üçün Naxçıvan Muxtar Respublikasının Rabitə və Yeni Texnologiyalar Nazirliyi yanında Elektron Təhlükəsizlik Mərkəzi yerli istifadəçilər üçün aşağıdakıları tövsiyə edir:

Naxçıvan Dövlət Universitetində Beynəlxalq Miqrasiya Təşkilatının (BMqT) Azərbaycandakı fəaliyyətinin 25 illiyinə həsr edilmiş elmi-praktik konfrans keçirilib.
Konfransı giriş sözü ilə açan universitetin rektoru, AMEA-nın müxbir üzvü Saleh Məhərrəmov ölkəmizdə, o cümlədən muxtar respublikada aparılan miqrasiya siyasətindən danışıb. Qeyd olunub ki, Prezident cənab İlham ­Əliyevin rəhbərliyi ilə respublikamızın iqtisadi, siyasi və hərbi qüdrəti, beynəlxalq nüfuzu gündən-günə yüksəlməkdədir. Bu istiqamətdə qazanılan uğurlar həyatımızın bütün sahələrinin dinamik inkişafına əlverişli zəmin yaradır, Azərbaycana gələn əcnəbilərin sayı ölkənin hərtərəfli inkişafının təzahürü kimi ilbəil əhəmiyyətli dərəcədə artır.
BMqT-nin Azərbaycandakı nümayəndəliyinin rəhbəri Serhan Aktoprak çıxış edərək diqqətə çatdırıb ki, tədbirin əsas məqsədlərindən biri tələbələrin dünyada miqrasiya ilə bağlı tədqiqat aparan beynəlxalq təşkilat haqqında və eyni zamanda qurumun Azərbaycandakı fəaliyyəti barədə məlumatlandırılmasından ibarətdir. Təşkilatın rəhbəri miqrasiya probleminin mühüm cəhətlərindən söz açıb, dünyada bir milyard nəfərin iqtisadi və siyasi səbəblər üzündən miqrasiya etdiyini, mövcud miqrant axınının ən çox baş verdiyi ölkənin ABŞ olduğunu bildirib.

Türkiyə Cümhuriyyəti 94 il bundan əvvəl – 1923-cü ildə yaranmışdır.
1920-ci ilin avqustunda imzalanmış ədalətsiz Sevr sazişi Türkiyənin dövlətçiliyini və gələcəyini təhlükə altında qoymuşdu. Türk xalqı ədalətsizliklə barışmayaraq 1919-cu ildə ölkədə milli azadlıq mübarizəsinə başladı. Mübarizəyə general Mustafa Kamal Atatürk rəhbərlik edirdi. Onun rəhbərliyi ilə qurtuluş savaşı aparan türk ordusu işğalçılara sarsıdıcı zərbə vuraraq 1922-ci ilin avqustunda böyük zəfər qazandı. Qələbənin qazanılmasında türk xalqı ilə yanaşı, Azərbaycan xalqı da iştirak etmiş, şəhidlər vermiş, türk xalqına qardaşlıq köməyini əsirgəməmişdir.

Naxçıvan şəhərindəki Heydər Əliyev Muzeyində Heydər Əliyev adına Hərbi Liseyin kursantları üçün “Ulu öndər Heydər Əliyev və Azərbaycan Ordusu” mövzusunda açıq dərs keçilib.
Tədbirdə muzeyin direktoru Ramil Orucəliyev bildirib ki, Azərbaycan Ordusunun yaradılması ümummilli lider Heydər Əliyevin adı ilə bağlıdır.
Vurğulanıb ki, ulu öndərin 1990-1993-cü illərdə – Naxçıvanda yaşayıb fəaliyyət göstərdiyi dövrdə xalqımız qarşısında ən böyük xidmətlərindən biri muxtar respublikanın təhlükəsizliyini təmin etməklə yanaşı, burada Azərbaycanın ilk milli nizami ordu hissələrini yaratmasıdır. Həmin illərdə ordu quruculuğu istiqamətində mühüm qərarlar qəbul edilib.1992-ci il sentyabrın 15-də Naxçıvan Muxtar Respublikası ərazisində ilk milli ordu qurumlarından biri olan 705 saylı əlahiddə gücləndirilmiş motoatıcı briqada təşkil edilib. 1992-ci il sentyabrın 19-da Naxçıvan Muxtar Respublikası Ali Məclisində “Naxçıvan Muxtar Respublikasının müdafiəsinin və sərhədlərinin qorunmasının təşkili haqqında” Qərar qəbul olunub.
Qeyd olunub ki, bu gün ölkəmizdə ordu quruculuğu sahəsində böyük nailiyyətlər əldə edilib, Azərbaycan Silahlı Qüvvələri Cənubi Qafqazın ən qüdrətli ordusuna çevrilib. Oktyabrın 18-də – Dövlət Müstəqilliyi Günündə muxtar respublikada ilk milli hərbi hissənin yaradılmasının 25-ci ildönümü münasibətilə keçirilən hərbi parad qədim diyarın təhlükəsizliyini təmin edən Əlahiddə Ümumqoşun Ordunun gücünü bir daha nümayiş etdirdi.
Açıq dərsdə kursantlar “Hərb tarixində Heydər Əliyev fenomeni” filminə baxıblar.

 Nail ƏSGƏROV

Naxçıvan Muxtar Respublikası Dövlət Miqrasiya Xidmətində əcnəbilərin və vətəndaşlığı olmayan şəxslərin iştirakı ilə “Gülüstan türbəsi” mövzusunda maarifləndirici tədbir keçirilib.
Naxçıvan Muxtar Respublikası Mədəniyyət və Turizm Nazirliyi və muxtar respublika Dövlət Miqrasiya Xidməti tərəfindən təşkil olunan tədbiri giriş sözü ilə xidmətin əməkdaşı Elvin Cavadov açaraq belə tədbirlərin əhəmiyyətindən danışıb.
Tədbirdə Naxçıvan Turizm İnformasiya Mərkəzinin direktoru Gülnarə Sadiqova Gülüstan türbəsi tarixi abidəsi haqda tədbir iştirakçılarına ətraflı məlumat verib.
Videoslaydın nümayiş olunduğu tədbirdə bildirilib ki, Culfa rayonu ərazisində yerləşən Gülüstan türbəsi Azərbaycanın memarlıq abidələri içərisində özünə­məxsus yer tutur. Dünya əhəmiyyətli Gülüstan türbəsi Naxçıvan Muxtar Respublikası Ali Məclisi Sədrinin 2015-ci il 7 oktyabr tarixli Sərəncamına əsasən elmi və tarixi əsaslarla bərpa olunub. Türbənin bərpa edilməsi xalqımızın çoxəsrlik tarixi-mədəni irsinin gələcək nəsillərə çatdırılması və tanıdılması baxımından mühüm əhəmiyyətə malikdir. Gülüstan türbəsi ölkəmizin tarixi abidələri içərisində memarlıq həllinə və həndəsi ornamentlərinə görə seçilir. Buna görə də restavrasiya zamanı hər bir detala xüsusi diqqət yetirilib, abidənin orijinallığı qorunub saxlanıb.
Sonra tədbir iştirakçıları Gülüstan türbəsi tarixi abidəsini ziyarət ediblər.

Xəbərlər şöbəsi

Azərbaycan Respublikası ordu quruculuğu istiqamətində ardıcıl tədbirlər həyata keçirir. Bu tədbirlər dövlət müstəqilliyinin və ərazi bütövlüyünün qorunması baxımından zamanın tələbindən, obyektiv zərurətdən irəli gəlir. Bu il 18 oktyabr – Dövlət Müstəqilliyi Günündə Naxçıvanda ilk milli hərbi hissənin yaradılmasının 25-ci ildönümü münasibətilə keçirilən möhtəşəm hərbi parad da ordumuzun qüdrətini bir daha nümayiş etdirdi.
Naxçıvanda keçirilən bu hərbi parad hələ yaddaşlarda uzun müddət yaşayacaq bir hadisə oldu. Bu parad ölkəmizdə böyük coşqu ilə qarşılandı və bütün regionda rezonans doğurdu. Bir daha aydın oldu ki, Naxçıvan Muxtar Respublikasının təhlükəsizliyi çox qüdrətli bir hərbi gücə çevrilən Əlahiddə Ümumqoşun Ordu tərəfindən etibarlı şəkildə qorunur. Eyni zamanda müasir silahlara sahib Azərbaycan Ordusunun Cənubi Qafqazın ən güclü silahlı qüvvələrinə çevrildiyi bir daha öz təsdiqini tapmış oldu. Bu ordu ölkəmizə qarşı istənilən təcavüz hərəkətlərini bir andaca yox etmək və vaxtilə itirilmiş torpaqlarımızı çox qısa bir zamanda geri qaytarmaq gücünə malikdir.

Bu gün geniş coğrafiyanı əhatə edən, çoxsaylı xalqları özündə birləşdirən İslam mədəniyyətinin daşıyıcısı olan ölkələr arasında zamanın tələbinə çevrilmiş həmrəyliyin, birliyin təmin olunması üçün önəmli layihələr reallaşdırılır. Bu məsələlərdə təşəbbüskarlığı ilə seçilən Azərbaycan Respublikasında bu ilin “İslam həmrəyliyi ili” elan edilməsi mühüm tarixi əhəmiyyətə malik olmaqla bərabər, bu həmrəyliyin formalaşdırılmasına yönələn bir təşəbbüs kimi alqışlanıb. Bir neçə aydan sonra ölkəmiz qədim Naxçıvanın timsalında bu məsələdə özünün liderliyini daha irəli mərhələdə davam etdirəcəkdir. Tarixən İslam sivilizasiyasının əsas mərkəzlərindən biri sayılan, İslam dininin yayılmasında və eyni zamanda müsəlman intibahının yaranmasında önəmli rol oynayan qədim diyarımız həmin il daha bir mühüm tarixi missiyanı yerinə yetirəcək – Naxçıvan şəhəri İslam mədəniyyətinin paytaxtı olacaq, güclü potensiala malik İslam dünyasının bir il ərzində qlobal arenada mədəniyyət bayraqdarı kimi çıxış edəcəkdir.

Onu da qeyd edək ki, Naxçıvan şəhərinin İslam mədəniyyətinin paytaxtı seçilməsində bir sıra mühüm məqamlar əsaslı rol oynayıb. Həmin məqamların hər biri həm ayrılıqda, həm də ümumilikdə, əhəmiyyətli amillər kimi diqqəti cəlb edir və əslində, bir-birini tamamlayır. Naxçıvan möcüzəsi də məhz budur: səbəblər zənciri möcüzəvi sinerji yaradır və dahilər yurdunu İslam mədəniyyətinin mərkəzinə çevirir. Onları sıralamaq o qədər asan olmasa da, tarixi proseslərə məhz xronoloji ardıcıllıqla diqqət yetirməklə bəzi məsələlərə aydınlıq gətirmək mümkündür. Naxçıvanı İslam mədəniyyətinin paytaxtına aparan yolda önəmli məqamlar isə, zənnimizcə, aşağıdakılardan ibarətdir:

Azərbaycan Respublikasının Prezidenti İlhаm Əliyеv: Ordu quruculuğu sahəsində aparılan islahatlar, Naxçıvanda Əlahiddə Ordunun yaradılması, bu ordunun ən müasir silah-sursat, texnika ilə təchiz edilməsi bizim dövlət siyasətimizdir. Naxçıvanın hərbi potensialı böyük dərəcədə möhkəmlənmişdir. Naxçıvan ordusu bu gün güclü ordudur. Naxçıvan ordusunun hərbi texnika ilə təminatı ən yüksək səviyyədə təşkil edilir. Bu da təbiidir, çünki Naxçıvan strateji yerdə yerləşir. Naxçıvan blokada şəraitində yaşayır və belə olan halda Naxçıvanın döyüş potensialı ən yüksək səviyyədə olmalıdır.

Tarixən ən sülhsevər, humanist xalq belə, öz Vətənini, öz müstəqilliyini qorumaq naminə müharibələrə təhrik edilib. Tarix səhnəsində, dünya xəritəsində yaşamaq üçün bu bir labüdlükdür. Azərbaycan xalqının taleyinə də məhz əlverişli geosiyasi mövqeyinə, əsrarəngiz təbiətinə və təbii sərvətlərinə rəğmən daim işğalçılara qarşı mübarizə aparmaq düşüb.

Muxtar respublikanın bütün bölgələrində olduğu kimi, Şərur rayonunda da payız-qış mövsümünə hazırlıq tədbirləri sürətlə həyata keçirilir. Bu tədbirlər çərçivəsində Şərur şəhərində kommunal binalara xidmət edən 13 qazanxanada nəzarət tədbirləri aparılaraq nasazlıqlar aradan qaldırılıb. Gələn aydan etibarən 13 qazanxana vasitəsilə 574 mənzildən ibarət 17 çoxmərtəbəli yaşayış binası istiliklə təmin olunacaq.

Kommunal Müəssisələr Kombinatı tərəfindən şəhərin küçə və yollarının qardan təmizlənməsi üçün avadanlıq ehtiyatı yaradılıb, kanalizasiya xətlərində təmir işləri aparılıb. Bundan başqa, nasoslar da təmir edilib, mərkəzi kanalizasiya xətləri və köməkçi xətlər təmizlənib.
Mənzil İstismar Sahəsinin əməkdaşları tərəfindən Şərur şəhərində olan yaşayış binalarının dam örtüklərində, blokların qapı və pəncərələrində, zirzəmilərdə, su-kanalizasiya və istilik sistemi borularında təmir işləri aparılıb. Qış mövsümündə baş verə biləcək qəza hallarının aradan qaldırılması məqsədilə idarə tərəfindən ehtiyat üçün 100 diametrlik kanalizasiya borusu, 20 ədəd 25 diametrlik ventil, 10 ədəd 20 diametrlik ventil, 25 diametrlik su borusu, 50 metr polietilen örtük alınıb.

Tbilisi Dövlət Universitetində Bakı Dövlət Universitetinin Beynəlxalq münasibətlər kafedrasının dosenti, siyasi elmlər üzrə fəlsəfə doktoru Rza Talıbovun gürcü dilində çapdan çıxan “Asiya ölkələri beynəlxalq münasibətlər sistemində” kitabının təqdimatı keçirilib.
Azərbaycanın bu ölkədəki səfirliyinin təşkilatçılığı ilə keçirilən tədbir Azərbaycanla Gürcüstan arasında diplomatik münasibətlərin 25 illiyinə həsr olunub.
Universitetin prorektoru Mixeil Çxenkeli ölkələrimiz arasında əlaqələrin sürətlə inkişaf etdiyini, bu cür kitabların elm və təhsil sahəsində münasibətlərimizin inkişafında mühüm rol oynadığını diqqətə çatdırıb, “Asiya ölkələri beynəlxalq münasibətlər sistemində” kitabının sanballı tədqiqat əsəri və tədris vəsaiti olduğunu bildirib.
Azərbaycanın Gürcüstandakı səfiri Dursun Həsənov çıxışında iki ölkə arasındakı qədim dostluq əlaqələrindən danışıb, ümummilli lider Heydər Əliyevin səyi nəticəsində münasibətlərin yeni müstəvidə daha da inkişaf etdiyini vurğulayıb. ­O bildirib ki, Prezident İlham Əliyevin uğurlu xarici siyasəti nəticəsində münasibətlərimiz strateji tərəfdaşlıq səviyyəsinə yüksəlib. Səfir iki ölkə arasında diplomatik münasibətlərin 25-ci ildönümü ərəfəsində bu cür tədbirlərin keçirilməsinin, Azərbaycan və Gürcüstan alimlərinin əsərlərinin hər iki dilə tərcümə olunmasının vacibliyini qeyd edib.

Xəbər verdiyimiz kimi, oktyabrın 18-19-da Fransa Respublikasının ölkə­mizdəki fövqəladə və səlahiyyətli səfiri xanım Orelia Buşez geniş tərkibdə muxtar respublikaya səfər edib.

Naxçıvan Muxtar Respublikası Ali Məclisinin Sədri Vasif ­TALIBOV: Müdriklər dövlətlərin qüdrətini onun ordusunun qüdrəti ilə ölçürdülər. İtalyan filosofu və mütəfəkkiri Nikolo Makiavelli özünün məşhur “Hökmdar” əsərində göstərirdi ki, “bütün dövlətlərdə hakimiyyətin əsasını yaxşı qanunlar və yaxşı ordu təşkil edir”. Ümummilli liderimiz Azərbaycana hər iki rəhbərliyi dövründə dövlət və ordu quruculuğu məsələlərini diqqətdə saxlamış, ordu quruculuğu sahəsində təxirəsalınmaz tədbirlər həyata ­keçirmişdir. 

Yazıçı Aqil Abbasın ssenarisi əsasında çəkilən “Dolu” filmində bir epizod var:
Əsgərlərimiz düşmənlə meşəlik ərazidə qeyri-bərabər döyüşə girirlər. Erməni səngərlərində gizlənən tank və digər zirehli texnikalar biz tərəfə atəş aça-aça tez-tez mövqelərini dəyişirlər. Həmin an filmin əsas qəhrəmanları “Drakon” və “Pələng” arasındakı dialoq diqqətdən yayınmır: “Bu BTR-lərdən 4-5-i bizdə olsaydı, Əsgəranı çoxdan şumlamışdıq”. 

Bu gün gərək
Hər anımız Vətən! – desin 

Bəli, ötən əsrin 90-cı illərində vətənpərvərliyimiz, milli ruhumuz, düşmənə nifrətimiz aşıb-daşsa da, vahid komandanlıqda birləşən ordumuz, silah-sursat və texnikamız yox idi. Həmin vaxt Naxçıvanda yaşananlar heç də Dağlıq Qarabağ cəbhəsində yaşananlardan geri qalmırdı. İşğalçı Ermənistan sərhədboyu hücuma keçərək qədim diyarı işğal və məhv etmək üçün bütün qüvvələrini səfərbər etmişdi. Lakin yenicə Moskvadan Naxçıvana qayıdan ulu öndər Heydər Əliyev bütün naxçıvanlıları öz ətrafında birləşdirdi. Əhalinin ümummilli ­liderə böyük etimad və inamı hər şeyi kökündən dəyişdi. İnsanlar süngü-bıçaqla, ov tüfəngi ilə doğma torpağın müdafiəsinə qalxdılar. Ulu öndər Heydər Əliyev Naxçıvanı, Naxçıvan da Onu qorudu.

Oktyabrın 19-da muxtar respublikanın istilik sistemi olmayan təhsil, səhiyyə və mədəniyyət müəssisələrinə 2017-2018-ci illərin payız-qış mövsümü üçün tələb olunan mal-materialın paylanılması təmin edilib.
Xəbər verdiyimiz kimi, 2017-ci il avqustun 26-da Naxçıvan Muxtar Respublikası Ali Məclisində muxtar respublikada 2017-2018-ci illərin payız-qış mövsümünə hazırlıq və qarşıda duran vəzifələrlə əlaqədar müşavirə keçirilib. Müşavirədə Naxçıvan Muxtar Respublikası Maliyyə Nazirliyinin qarşısına bir sıra tapşırıqlar qoyulub. Verilən tapşırığa görə Maliyyə Nazirliyi istilik sistemi olmayan müəssisələrdə payız-qış mövsümündə tələb olunan mal-materialın alınması üçün lazımi maliyyə vəsaitinin ayrılmasını, həmçinin dövlət müəssisələrində enerji daşıyıcılarından istifadə zamanı borc qalığının yaranmamasını diqqətdə saxlamalıdır.
Müşavirədə verilmiş tapşırıqların icrasının təmin edilməsi məqsədilə Naxçıvan Muxtar Respublikası ­Nazirlər Kabinetinin 2017-ci il ­ 11 sentyabr tarixli Sərəncamına əsasən Naxçıvan Muxtar Respublikası Təhsil, Səhiyyə, Mədəniyyət və Turizm nazirliklərinin Maliyyə Nazirliyi ilə razılaşdırılmış təklifləri nəzərə alınaraq “Naxçıvan Muxtar Respublikasının istilik sistemi olmayan müəssisələrində 2017-2018-ci illərin payız-qış mövsümü üçün tələb olunan yanacağın, mal-materialların bölgüsü” təsdiq edilib. Naxçıvan Muxtar Respublikası Maliyyə Nazirliyi tərəfindən müəyyənləşdirilmiş bölgüyə uyğun olaraq mal-materialların alınması üçün lazımi vəsaitin ayrılması təmin olunub. Dünən adıçəkilən sahələrə aid müəssisələr onlar üçün ayrılmış mal-materialları təhvil alıblar.

 Səbuhi HƏSƏNOV

Naxçıvan Dövlət Universitetində 18 ok­tyabr – Dövlət Müstəqilliyi Gününə həsr olunmuş “Müstəqilliyimiz əbədidir” adlı konfrans keçirilib.
Konfansı giriş sözü ilə açan universitetin rektoru, AMEA-nın müxbir üzvü Saleh Məhərrəmov müstəqilliyin ilk illərində Azərbaycan xalqının üzləşdiyi çətinliklərdən danışıb. Bildirib ki, dövlət müstəqilliyimiz 1991-1993-cü illərdə süquta uğramaq təhlükəsi ilə üz-üzə idi. Məhz ümummilli lider Heydər Əliyevin yenidən siyasi hakimiyyətə qayıdışı ilə ölkəmiz parçalanmaq, məhv olmaq təhlükəsindən xilas oldu, ictimai-siyasi, sosial-iqtisadi, elmi-mədəni həyatda köklü islahatlara, dövlət quruculuğu prosesinə başlandı. Ulu öndərin müstəqil dövlətçilik siyasəti bu gün Prezident cənab İlham Əliyev tərəfindən layiqincə davam etdirilir.
Yeni Azərbaycan Partiyası Universitet şəhərciyi ərazi ilk təşkilatının sədr müavini, tarix üzrə fəlsəfə doktoru, dosent Xəzər Hüseynov “Müstəqilliyimizi əbədiləşdirən lider”, Tarix müəllimliyi ixtisasının III kurs tələbəsi Gülnar Bağırova “Müstəqillik illərində Azərbaycan gənclərinin rolu” mövzusunda çıxış ediblər.

Azərbaycan xalqı tarixboyu özünün dövlətçilik ənənələrinə malik olmuş, işğalçılara qarşı mübarizə aparmış, XX əsrdə iki dəfə öz müstəqilliyini elan etmişdir. XX əsrin əvvəllərində yaradılmış Azərbaycan Xalq Cümhuriyyəti cəmi 23 ay yaşamış, Azərbaycanın adı Şərqin və Türk dünyasının tarixinə ilk respublikanın qurulduğu ölkə kimi düşmüşdür. 

XX əsrin sonlarında Azərbaycan ikinci dəfə müstəqilliyini əldə etmişdir. Bu müstəqillik ötən əsrin 80-90-cı illərində dünyada baş verən ictimai-siyasi proseslərin və Azərbaycan xalqının müstəqillik uğrunda əzmkar mübarizəsinin nəticəsi olmuşdur. Məlumdur ki, XX əsrin 80-ci illərinin sonunda keçmiş SSRİ-də siyasi, ictimai, iqtisadi böhran başlamış, bu isə ittifaq respublikalarında milli azadlıq hərəkatlarının güclənməsinə şərait yaratmışdır. Azərbaycanın müstəqilliyə hazırlanması isə daha əvvəl, ümummilli lider Heydər Əliyevin ölkəmizə ilk rəhbərlik etdiyi illərdən başlanmışdır. O zaman ulu öndər böyük uzaqgörənliklə hərbi, iqtisadi, sosial, ideoloji tədbirlərin həyata keçirilməsinə nail olmuş, beləliklə də, Azərbaycanın gələcək müstəqilliyinin təməlləri hazırlanmışdır. Hələ sovet dövlətinin kifayət qədər güclü olduğu və milli əqidəli insanlara qarşı barışmaz mövqe nümayiş etdirdiyi bir dövrdə dahi öndər Azərbaycan ziyalılarını qorumuş, onları sovet zindanlarında çürüməkdən xilas etmişdir. Bununla yanaşı, ümummilli lider Azərbaycan gənclərinin Sovetlər Birliyinin nüfuzlu ali məktəblərində təhsil almalarına nail olmaqla, gələcək müstəqil Azərbaycan üçün milli kadr potensialını hazırlamışdır.

Yeni Azərbaycan Partiyası Naxçıvan Şəhər Təşkilatı 18 oktyabr – Dövlət Müstəqilliyi Günü münasibətilə “Naxçıvandan başlayan istiqlaliyyət salnaməsi” mövzusunda elmi-praktik konfrans keçirib.
Konfransı giriş sözü ilə açan Yeni Azərbaycan Partiyası Naxçıvan Şəhər Təşkilatının sədri, Naxçıvan Muxtar Respublikası Ali Məclisinin deputatı Elman Cəfərli “Naxçıvan müasir Azərbaycan istiqlalının beşiyidir” mövzusunda çıxış edib. Qeyd olunub ki, ümummilli lider Heydər Əliyevin 1990-cı il iyulun 22-də Moskvadan doğma Naxçıvana qayıdışı müasir tariximizin son dərəcə ağır və mürəkkəb dövründə dövlətçiliyimizin xilasının başlandığı gün və mühüm tarixi hadisədir. Bu qayıdış Vətənin məşəqqətli və böhranlı günlərində obyektiv tarixi zərurətin və istiqlalımız naminə ali missiyanın təntənəsinə çevrildi. Bu tarixi missiya, ilk növbədə, 1990-cı il noyabrın ­17-də ulu öndər Heydər Əliyevin sədrliyi ilə keçirilən Naxçıvan MSSR Ali Sovetinin ilk sessiyasının qəbul etdiyi mühüm qərarlarda özünü göstərdi.

Xəbər verdiyimiz kimi, Norveç Krallığının ölkəmizdəki fövqəladə və səlahiyyətli səfiri Bard İvar Svendsen oktyabrın 16-17-də Naxçıvan Muxtar Respublikasında səfərdə olub. Səfər çərçivəsində qonaq muxtar respublikanın tarixi abidələri, təhsil, mədəniyyət və istehsal müəssisələri ilə tanış olub.
Diplomat əvvəlcə müstəqil Azərbaycan dövlətinin qurucusu və memarı, görkəmli dövlət xadimi Heydər Əliyevin Naxçıvan şəhərinin baş meydanında əzəmətlə ucalan abidəsi önünə gül qoyub, ulu öndərin xatirəsini dərin ehtiramla yad edib.
Bard İvar Svendsen Heydər ­Əliyev Muzeyini ziyarət edərək ümummilli lider Heydər Əliyevin həyatını və çoxşaxəli dövlətçilik fəaliyyətini əks etdirən eksponatlara baxıb.
Norveç Krallığının Azərbaycan Respublikasındakı fövqəladə və səlahiyyətli səfiri Naxçıvan Dövlət Universitetində də olub.
Universitetlə tanışlıqdan sonra Beynəlxalq münasibətlər və xarici dillər fakültəsində səfir Bard İvar Svendsen tələbələrlə görüşüb, Azərbaycan-Norveç əlaqələrinə dair mühazirə oxuyub.
Səfir mühazirəsində iki ölkə arasında əməkdaşlığın əsasının Azərbaycan xalqının ümummilli lideri Heydər Əliyev tərəfindən qoyulduğunu diqqətə çatdırıb, ötən dövrdə ikitərəfli əlaqələrin inkişafı sahəsində görülən işlərdən danışıb, norveçli alim Tur Heyerdalın Qobustan qayaüstü təsvirləri ilə bağlı araşdırmaları haqqında ətraflı məlumat verib, alimin Azərbaycanın bəşər sivilizasiyasının mərkəzi olması haqqında fikirlərini tələbələrin diqqətinə çatdırıb.

Naxçıvan Beynəlxalq Hava Limanında 2017-2018-ci illərin payız-qış mövsümünə hazırlıq işləri başa çatdırılıb.
Hava limanının aerodrom təminatı sahəsinin rəisi İlkin Nəsirov bildirib ki, mövsümlə əlaqədar ayrı-ayrı xidmət sahələrində qrafik üzrə nəzərdə tutulmuş bütün işlər yerinə yetirilib. O qeyd edib ki, hava limanının soyuq və qarlı günlərdə də daim işlək vəziyyətdə saxlanılması, habelə hava gəmilərinin enib-qalxması zamanı təhlükəsizliyin təmin olunması üçün profilaktik tədbirlər həyata keçirilib. Fırçalı qartəmizləyən, qarkürəyən, istilik verən, rotorlu xüsusi avtomaşınlar saz vəziyyətə gətirilib, hava limanında uçuşların təhlükəsizliyi üçün davamlı olaraq bütün elektrik, işıq sisteminin, rabitə qurğularının, maşın-mexanizmlərin texniki baxışı həyata keçirilib. Həmçinin tələbata görə yanacaq və mal-material ehtiyatının yaradılması diqqət mərkəzində ­saxlanılır.
İlkin Nəsirov onu da qeyd etdi ki, görülən işlər soyuq qış aylarında da həm yerli, həm də beynəlxalq səviyyəli uçuşların hava limanında fasiləsiz həyata keçirilməsinə imkan verəcəkdir.

Xəbərlər şöbəsi

Salam Vətən, Anam Vətən

Vətən müqəddəsdir, Vətən ülvidir. Vətən ana südü qədər şirin, ana nəfəsi kimi doğmadır. Vətəni yaşadan, qoruyan da elə onun qəhrəman, igid övladlarıdır. Vətənin uca zirvələrində məskən salıb keşiyimizi çəkən oğullar hər birimizin sevgisinə layiqdirlər.
“Yerləşdikləri coğrafi mövqe şəhər mərkəzindən xeyli uzaqdadır. Amma həyata keçirdikləri böyük missiya ilə doğma Vətənimizin hər yerində sülhü, təhlükəsizliyi, əmin-amanlığı, tərəqqini təmin edən Azərbaycan Ordusu ilə xalqımız arasında bu gün qırılmaz vəhdət vardır. Möhkəm tellərlə bağlanan bu birlik Silahlı Qüvvələrin hər bir üzvünü inamlı xidmətə səsləyən başlıca amildir”, – deyən məsul zabit Nəriman Nəcəfov lap uzaqdan seçilən boz təpələri, dağları nişan verərək qeyd edir ki, həmin zirvələrdə Azərbaycan əsgəri dayanıb. Özü də məğrur, qorxmaz, mübariz şəkildə.
Əlavə olaraq deyir ki, Babək rayonunun Gərməçataq kəndində yerləşən ön xətdəki bölmələrə sərt qayaların, zirvələrin sinəsi yarılaraq rahat yol çəkilib. Yol-nəqliyyat infrastrukturu həm kənd sakinlərinə, həm də hərbçilərimizə əvəzsiz töhfədir. Məsul zabit onu da qeyd edir ki, ön xətdə yerləşən bölmələrdə xidmət etmək hər bir əsgər, çavuş, gizir və zabit üçün böyük fəxrdir. Bu, olduqca çətin, amma şərəfli bir vəzifədir. Şəxsi heyət keşiyində dayandığı Vətən torpağını göz bəbəyi kimi qoruyur. Birazdan görüşüb xidməti fəaliyyətləri ilə tanış olacağımız əsgərlər də onlardandırlar. 

Yeni Azərbaycan Partiyası Babək Rayon Təşkilatının növbəti şura iclasında 2017-ci ilin doqquz ayında görülmüş işlər müzakirə edilib, qarşıda duran vəzifələr müəyyənləşdirilib. Gündəlikdə duran məsələ ilə əlaqədar partiyanın rayon təşkilatının sədri, Naxçıvan Muxtar Respublikası Ali Məclisinin deputatı İsa Məmmədovun məruzəsi dinlənilib.
Bildirilib ki, 25 il bundan əvvəl ümummilli liderimiz, görkəmli dövlət xadimi Heydər Əliyevin ətrafında sıx birləşən mütərəqqi insanların arzu və istəyi ilə yaradılan Yeni Azərbaycan Partiyası dahi şəxsiyyətin ideyalarının işığında əsl ümumxalq partiyası kimi özünü təsdiqləyib. Ölkəmizin bugünkü inkişafında partiyanın böyük xidmətləri olub. Əsası ulu öndər tərəfindən qoyulan siyasi xətt bu gün ölkə Prezidenti cənab İlham Əliyev tərəfindən uğurla davam etdirilir və müstəqil Azərbaycan inkişaf yolunda inamla irəliləyir. Gündən-günə gözəlləşən, yeniləşən Naxçıvan Muxtar Respublikası da məhz Heydər Əliyev ideyalarından güc alaraq özünün yeni inkişaf mərhələsini yaşayır. Babək rayonu da muxtar respublikamızda həyata keçirilən uğurlu siyasətin nəticəsində tərəqqiyə qovuşub.

Naxçıvanda poçt-rabitə sistemi özünəməxsus inkişaf yolu keçib. Belə ki, ilk dəfə 1864-cü ildə Tiflis-Naxçıvan teleqraf xətti çəkilib. 1918-ci ildə Naxçıvan şəhərində ilk poçt kontoru açılıb, 1927-ci ildə isə muxtar respublikanın Ordubad, Culfa, Şərur şəhərlərində poçt-teleqraf şəbəkələri və Naxçıvan şəhərində Poçt-Teleqraf Agentliyi yaradılıb. 1996-cı ildən başlayaraq Naxçıvanda poçt xidmətlərinin keyfiyyəti mərhələ-mərhələ yüksəldilib, bu sahənin texniki imkanları genişləndirilərək böyük uğurlara imza atılıb.
Bəs bu gün muxtar respublikamızda poçt-rabitə sistemi hansı inkişaf mərhələsini yaşayır və bu sahədə nə kimi işlər görülür? Elə bu sualla “Naxçıvanpoçt” Məhdud Məsuliyyətli Cəmiyyətinin direktoru İlqar Sadiqova müraciət etdik. O bildirdi ki, poçt rabitə sisteminin ən geniş yayılmış sahələrindən biri olaraq, gündəlik istifadə edilən kütləvi əlaqə vasitəsidir. Poçt rabitəsi dövlətçiliyin möhkəmlənməsində, iqtisadiyyatın inkişafında, ictimai-siyasi proseslərin tənzimlənməsində, xalq təsərrüfatının, biznes əlaqələrinin genişlənməsində, əhalinin maariflənməsində mühüm və əvəzedilməz rola malikdir. Yaşadığımız müasir dövrdə texnikanın, xüsusilə elektronikanın, radionun, televiziyanın, internet xidmətlərinin yüksək inkişaf tempi poçta olan marağı azaltmayıb, əksinə poçt xidmətinin inkişafına müəyyən qədər müsbət təsir göstərib. İnkişaf etmiş dünya ölkələrinin təcrübəsi göstərir ki, əhali arasında poçt xidmətlərinin növləri, o cümlədən bağlamaların, məktubların, pul baratlarının mübadiləsi gündən-günə artmaqda davam edir. İnsanlar poçt vasitəsilə əlaqələrin inkişafına daha çox üstünlük verirlər, çünki rabitənin bu klassik xidmət növü keçmiş zamanlardan bəri istifadə olunan ən inanılmış rabitə vasitəsi olaraq qalmaqdadır.

Birləşmiş Millətlər Təşkilatının Qaçqınlar üzrə Ali Komissarlığının Azərbaycan Respublikasındakı nümayəndəsi Furio de Angelis Naxçıvan Muxtar Respublikasına gəlib, Naxçıvan Biznes Mərkəzində keçirilən “Sığınacaqla bağlı müraciətlərin yönləndirilməsi mexanizminin təkmilləşdirilməsi” mövzusunda regional təlimdə iştirak edib. Qonaq səfər çərçivəsində Naxçıvan şəhərinin qədim tarixi abidələri və mədəniyyət müəssisələri ilə tanış olub.

Naxçıvan Muxtar Respublikası Ali Məclisi Sədrinin 2014-cü il 19 dekabr tarixli “Muzeylərlə əlaqələrin daha da gücləndirilməsi haqqında” Sərəncamı muxtar respublikada fəaliyyət göstərən muzeylərə kollektiv gedişlərin təmin olunmasında böyük rol oynayır. Belə muzey ziyarətləri tamaşaçılar qarşısında qədim oğuz yurdunun tarixi keçmişinin, mədəniyyətinin, bu yurdun görkəmli şəxsiyyətlərinin həyat və fəaliyyətlərinin hərtərəfli öyrənilməsinə geniş imkanlar açıb. Naxçıvan şəhərindəki Heydər Əliyev Muzeyi isə muxtar respublikada ən çox ziyarət edilən mədəniyyət müəssisəsidir.
Cari ilin ötən 9 ayında Heydər Əliyev Muzeyini 9596 nəfər ziyarət edib. Onlardan 7089-u yerli, 2507-si isə xarici ölkələrdən gələn qonaqlar olub. Bununla yanaşı, bu mədəniyyət müəssisəsi ilə tanışlıqda muxtar respublikanın təhsil müəssisələri ilə yaradılmış məktəb-muzey şəbəkəsi də böyük rol oynayır. Belə ki, Naxçıvan Muxtar Respublikası Ali Məclisi Sədrinin “Naxçıvan Muxtar Respublikasının təhsil müəssisələrində elektron təhsilin təşkili ilə bağlı əlavə ­tədbirlər haqqında” 2014-cü il ­ 20 iyun tarixli Sərəncamına uyğun olaraq cari ilin fevral ayının ­ 1-dən sentyabrın ­30-dək Heydər Əliyev Muzeyində müxtəlif mövzularda orta ümumtəhsil məktəbləri şagirdlərinə 31, orta ixtisas məktəbləri tələbələrinə isə 38 saat olmaqla açıq dərslər keçilib. Bu dərslərdə Azərbaycan xalqının ümummilli lideri Heydər Əliyevin Azərbaycanın dövlət müstəqilliyinin qorunub saxlanılması, gələcək inkişafının təmin olunması, dövlətimizin dünyada tanıdılması istiqamətində gördüyü mühüm işlər barədə dinləyicilərə geniş məlumatlar verilib.

XX əsrin 18-20-ci illərində Azərbaycanda və onun Naxçıvan bölgəsində çox mürəkkəb və ziddiyyətli hadisələr baş verirdi. Siyasi və iqtisadi vəziyyət çətin olduğundan Azərbaycandan lazımi köməyi ala bilməyən Naxçıvanın təkləndiyini görən azğın erməni daşnakları hərbi və siyasi yolla qədim diyarı işğal etmək istəyirdilər.
Böyük dövlətlərə arxalanan ermənilər Naxçıvan bölgəsinə basqınlar edir, şəhər və kəndləri dağıdırdılar. Ağlasığmaz vəhşiliklər və qırğınlar törədən erməni daşnakları Naxçıvan bölgəsində azərbaycanlıların inadlı müqavimətinə rast gəldilər.
Naxçıvanın qorunub saxlanılması, ərazi taleyinin və muxtariyyət statusunun müəyyənləşdirilməsində Qars müqaviləsinin əvəzsiz rolu vardır. Lakin bunu da xüsusilə qeyd etmək lazımdır ki, Qars müqaviləsinə gedən yol 1921-ci ilin əvvəlində Naxçıvanda keçirilən referendumdan başlanır. Həmin referendum Azərbaycanın görkəmli dövlət xadimi, mahir diplomat Behbud ağa Şahtaxtinskinin apardığı qətiyyətli fəaliyyət nəticəsində baş tutmuş, Naxçıvan əhalisinin yekdil rəyi əsasında bu qədim diyar həmişəlik olaraq Azərbaycanın tərkibində qalmaq hüququ qazanmışdır. Bu referendum özünün hərbi-siyasi əhəmiyyətinə görə Qars müqaviləsinin müddəalarına bərabər əhəmiyyətə malik siyasi hadisədir. Əgər Naxçıvanın ərazi taleyinə dair 1921-ci ilin yanvar referendumu keçirilməsəydi, bəlkə də, Moskva və Qars müqavilələrinə heç ehtiyac da qalmayacaqdı. Bu, Azərbaycan tarixində Behbud ağa Şahtaxtinskinin adı ilə bağlı olan nadir və uğurlu diplomatik gedişdir.

Dünən Naxçıvan Muxtar Respublikası Ali ­Məclisinin Sədri yanında Dövlət Qulluğu Məsələləri üzrə Komissiyanın inzibati binasında 52 dövlət orqanı nümayəndəsinin iştirakı ilə “Dövlət ­orqanlarında əmək münasibətlərinin tənzimlənməsi” mövzusunda seminar keçirilib.
Komissiyanın sədri İsmayıl Qəribli həmin mövzuya həsr olunmuş çıxışında bildirib ki, “Dövlət qulluğu haqqında” Azərbaycan Respublikasının Qanunu inzibati vəzifə tutan dövlət qulluqçularının hüquqi vəziyyəti ilə bağlı məsələləri nizama salır. Yardımçı vəzifə tutan dövlət qulluqçularının əmək münasibətləri həmin qanunun müddəaları nəzərə alınmaqla Azərbaycan Respublikasının Əmək Məcəlləsi ilə tənzimlənir. Mövcud qanunvericiliyin düzgün tətbiq olunması üçün mütəmadi olaraq seminarlar təşkil edilir. Lakin bəzi hallarda qanunvericiliyin, xüsusən də əmək münasibətlərini tənzimləyən normaların pozulması halları müşahidə olunur ki, bu da dövlət orqanlarının qərarlarının ləğv olunması, bəzi hallarda isə məhkəmə çəkişmələri ilə nəticələnir. Bugünkü seminarın məqsədi dövlət orqanlarında əmək münasibətlərinin tənzimlənməsi qaydaları ilə bağlı qanunvericiliyin tələblərinin bu sahə üzrə məsul olan dövlət qulluqçularının diqqətinə çatdırılması və tətbiqinin təmin edilməsidir.

Yeni Azərbaycan Partiyası Culfa Rayon Təşkilatının növbəti şura iclasında cari ilin 9 ayında görülən işlərdən və qarşıda duran vəzifələrdən danışılıb.
Tədbiri təşkilatın sədri, Naxçıvan Muxtar Respublikası Ali Məclisinin deputatı Qadir İbrahimov giriş sözü ilə açaraq məruzə ilə çıxış edib. Bildirib ki, bu il noyabrın 21-də yaranmasının 25 ili tamam olan Yeni Azərbaycan Partiyası ölkəmizin ictimai-siyasi həyatında mühüm yer tutub, xalqımızın inam və etimadını doğruldub, ümummilli lider Heydər Əliyev ideyalarını layiqincə həyata keçirən ümumxalq partiyasına çevrilib. Partiyanın ulu öndər tərəfindən müəyyənləşdirilən və ötən dövrdə uğurla həyata keçirilən əsas məramı Azərbaycanda dövlət müstəqilliyinin qorunub möhkəmləndirilməsi, ölkənin ərazi bütövlüyünün təmin edilməsi, demokratik, hüquqi, dünyəvi cəmiyyət qurulması, ictimai-siyasi sabitlik, milli həmrəylik, güclü sosialyönümlü iqtisadiyyat yaratmaq olub. Bütün bunlar uğurla reallaşdırılıb.
Vurğulanıb ki, ümummilli liderimizin siyasi kursu bu gün Prezident cənab İlham Əliyev tərəfindən uğurla davam etdirilir. Bu siyasətin nəticəsidir ki, muxtar respublikamızda da bütün sahələrdə inkişaf təmin edilib, əhalinin sosial vəziyyəti yaxşılaşdırılıb, Naxçıvan çiçəklənən bir diyara çevrilib. Muxtar respublikanın quruculuq xəritəsində Culfa rayonu da xüsusi yerə sahibdir. Yeni Azərbaycan Partiyası Culfa Rayon Təşkilatının üzvləri də bu proseslərdə yaxından iştirak edir, bütün tədbirlərdə fəallıq göstərirlər.

Yeni Azərbaycan Partiyası Şərur Rayon Təşkilatının növbəti şura iclasında 2017-ci ilin doqquz ayında görülmüş işlər müzakirə edilib, qarşıda duran vəzifələr müəyyənləşdirilib. Gündəlikdə duran məsələ ilə əlaqədar partiyanın rayon təşkilatının sədri, Naxçıvan Muxtar Respublikası Ali Məclisinin deputatı Əmir Babayevin məruzəsi dinlənilib.
Qeyd edilib ki, 25 il bundan əvvəl ulu öndər Heydər Əliyevin ətrafında sıx birləşən, mütərəqqi insanların arzu və istəyi ilə yaradılan Yeni Azərbaycan Partiyası dahi şəxsiyyətin ideyalarının işığında əsl ümumxalq partiyası kimi özünü təsdiqləyib. Ötən illər müstəqil Azərbaycanın taleyində bir sıra mühüm hadisələrlə yaddaqalan olub. Azərbaycan dövlətini və onun vətəndaşlarını azad, firavan günlərə qovuşduran güclü iqtisadiyyat yaradılıb, qüdrətli ordu formalaşıb, dövlətçilik möhkəmləndirilib, təhsildə, elmdə, mədəniyyətdə islahatlar aparılıb, qeyri-neft sektoru, xüsusilə kənd təsərrüfatı yüksək inkişaf mərhələsinə qədəm qoyub, idman sahəsində uğurlu nəticələr əldə olunub.
Məruzəçi bildirib ki, 2017-ci ildə də muxtar respublika həyatının bütün sahələrində inkişaf təmin edilib, əvvəlki illərdə olduğu kimi tikinti-quruculuq, abadlaşdırma, yaşıllaşdırma işləri geniş vüsət alıb, iqtisadi inkişafa nail olunub, əhalinin sosial vəziyyətinin yaxşılaşdırılması istiqamətində əhəmiyyətli addımlar atılıb. Bütün bu uğurlar Azərbaycanda, eyni zamanda muxtar respublikamızda Heydər Əliyev quruculuq xəttinin ardıcıllıqla davam etdirilməsi nəticəsində əldə edilib.

“Azərbaycan Respublikası vətəndaşlarının 2017-ci il oktyabrın 1-dən 30-dək müddətli həqiqi hərbi xidmətə çağırılması və müddətli həqiqi hərbi xidmət hərbi qulluqçularının ehtiyata buraxılması haqqında” Azərbaycan Respublikası Prezidentinin 2017-ci il ­ 5 sentyabr tarixli Sərəncamına əsasən Naxçıvan Muxtar Respublikası Səfərbərlik və Hərbi Xidmətə Çağırış üzrə Dövlət Xidmətində gənclərin müddətli həqiqi hərbi xidmətə yola salınması mərasimi keçirilib.

Əvvəlcə Azərbaycan Respublikasının Dövlət Himni səsləndirilib.
Mərasimdə Naxçıvan Muxtar Respublikası Müharibə, Əmək, Silahlı Qüvvələr və Hüquq-Mühafizə Orqanları Veteranları Şurasının sədr müavini Sultan İsmayılov, Naxçıvan Muxtar Respublikası ədliyyə nazirinin müavini Emin Səfərov, gənclər və idman nazirinin müavini Mirməcid Seyidov, təhsil nazirinin müavini Əli Vəliyev əlamətdar gün münasibətilə çağırışçıları və onların valideynlərini təbrik edərək bildiriblər ki, ölkəmizdə ordu quruculuğuna göstərilən dövlət qayğısı Silahlı Qüvvələrimizin hərtərəfli inkişafına və güclənməsinə səbəb olub. Bu sahədə həyata keçirilən tədbirlər əsgərlərimizin mənəvi-psixoloji hazırlığına, onların döyüş ruhunun yüksəldilməsinə imkan verib. Eyni zamanda ordumuzun hərtərəfli hazırlığı tezliklə torpaqlarımızın işğaldan azad olunmasına böyük inam yaradır.

Qış insanları həmişə ciddi sınaqlara çəkir. Bu sınaqlardan uğurla çıxmaq üçün tədbirli adamlar hər il əvvəlcədən payız-qış mövsümünə ciddi hazırlaşırlar. Artıq indidən qarşıdakı qışın da soyuq keçəcəyi ilə bağlı proqnozlar verilir. 

Sədərək Rayon İcra Hakimiyyətinin əməkdaşı Samil Kazımov bildirdi ki, Naxçıvan Muxtar Respublikası Ali Məclisində 2017-2018-ci illərin payız-qış mövsümünə hazırlıq və qarşıda duran vəzifələrlə əlaqədar keçirilən növbəti müşavirədə yeni mövsümə hazırlıqla bağlı aidiyyəti qurumlara müvafiq tapşırıqlar verilib. Rayon İcra Hakimiyyətində keçirilən yığıncaqda bu məsələ geniş müzakirə olunub və tədbirlər planı təsdiqlənərək bütün ­aidiyyəti qurumlara göndərilib. Tədbirlər planının icra vəziyyəti ciddi nəzarətdə saxlanılır. İdarə və müəssisələrin, əhalinin qış mövsümündəki problemlərinin operativ həlli üçün xüsusi komissiya fəaliyyət göstərir. Komissiya meydana çıxan çətinlikləri dərhal həll etməyə çalışır. İndi haqlı olaraq əhalidə belə bir ümumi fikir formalaşıb ki, yay-payız aylarında rayonun əksər idarə və müəssisələri qışa daha yaxşı ­hazırlaşdıqları üçün, necə deyərlər, “qışın oğlan çağında” belə, ciddi çətinliklər meydana çıxmır.

Naxçıvan Muxtar Respublikası Dövlət Miqrasiya Xidmətindən aldığımız məlumata görə, cari ilin sentyabr ayı ərzində xidmət miqrasiya proseslərinə dövlət nəzarətinin gücləndirilməsi, idarə edilməsi və tənzimlənməsi, o cümlədən qanunsuz miqrasiyanın qarşısının alınması istiqamətində müvafiq tədbirləri davam etdirib.
Ötən ay xidmət tərəfindən muxtar respublikada olma və yaşama qaydalarına əməl etmədən mövcud qanunvericiliyin tələblərini pozmuş 40 nəfər əcnəbi aşkarlanıb. Onlardan 35-i barəsində Azərbaycan Respublikası ərazisini 48 saat ərzində tərketmə, 5 nəfər barəsində inzibati qaydada ölkə hüdudlarından kənara çıxarılma qərarı qəbul edilib.
Ümumilikdə, ay ərzində Dövlət Miqrasiya Xidmətinə əcnəbilər və vətəndaşlığı olmayan şəxslər, habelə Azərbaycan Respublikası vətəndaşları tərəfindən 838 müraciət daxil olub. Bu müraciətlərdən 96-sı əcnəbilərə və vətəndaşlığı olmayan şəxslərə müvəqqəti və daimi yaşamaq üçün icazənin, əmək fəaliyyətinin həyata keçirilməsi üçün iş icazəsinin verilməsi, eləcə də vətəndaşlıq mənsubiyyətinin müəyyənləşdirilməsi ilə bağlıdır. Müraciətlərin hər biri ayrı-ayrılıqda ölkə qanunvericiliyinin tələblərinə uyğun olaraq araşdırılıb və müvafiq qərarlar qəbul edilib.
Sentyabr ayı ərzində olduğu yer üzrə qeydiyyatla bağlı xidmət tərəfindən 742 müraciət qeydə alınaraq icrası təmin olunub. Həmin müraciətlərin 198-i xidmətin sərhəd-buraxılış məntəqələrində fəaliyyət göstərən bölmələri tərəfindən qəbul və icra edilib.
Hazırda Dövlət Miqrasiya Xidməti tərəfindən fəaliyyət istiqamətlərinə uyğun olaraq ardıcıl maarifləndirmə tədbirləri həyata keçirilir.

Xəbərlər şöbəsi

Qədim Naxçıvan əhalisi əsrlərlə dünyada sülh və inkişafı təmin etmək gücünə malik olan bir dinə – İslam dininə inanıb. Onun bütün dəyərləri xalqımız üçün müqəddəs olub, bu dəyərlər Naxçıvanda yaşadılıb, inkişaf etdirilib. Məlumdur ki, Naxçıvan şəhəri 2018-ci il üçün İslam mədəniyyətinin paytaxtı elan olunub. Bununla bağlı hazırlıq işləri uğurla davam etdirilir. Eyni zamanda Naxçıvanın İslam mədəniyyətinin inkişafında oynadığı tarixi rola da bir daha nəzər salınır. Azərbaycan Milli Elmlər Akademiyası Naxçıvan Bölməsinin Tarix, ­Etnoqrafiya və Arxeologiya İnstitutunun direktoru, AMEA-nın müxbir üzvü, professor Fəxrəddin Səfərli ilə söhbətimiz də elə bu mövzuda oldu.

– Fəxrəddin müəllim, Naxçıvanda İslam dininin təşəkkül tapması barədə nə deyə bilərsiniz?
– Bir yaşayış məskəni kimi əsası çox qədimlərdə qoyulan, təxminən, 5 min il bundan əvvəl şəhər kimi formalaşan Naxçıvan çox böyük inkişaf yolu keçmişdir. Bu inkişafın nəticəsi olaraq Naxçıvan şəhəri hələ eramızın əvvəllərindən mühüm inzibati mərkəz kimi tanınmışdır. Həmin dövrdə şəhər Sasanilər dövlətinin mühüm dayaq məntəqələrindən biri olmuş, hətta bəzi vaxtlar mərzbanlar öz iqamətgahlarını buraya köçürmüşdülər. Qədim yaşayış məntəqəsinin bu inkişafı əhalinin islamlaşmasından sonra da davam etmişdir.

Şura iclasını giriş sözü ilə təşkilatın sədri, Naxçıvan Muxtar Respublikası Ali Məclisinin deputatı Sevda Quliyeva açaraq məruzə ilə çıxış edib. Bildirilib ki, bu il müstəqil Azərbaycan Respublikasının ictimai-siyasi həyatında mühüm yer tutan Yeni Azərbaycan Partiyasının yaradılmasının 25-ci ildönümü tamam olur. Yeni Azərbaycan Partiyası 25 illik fəaliyyəti dövründə ümummilli liderimiz Heydər Əliyevin ideyalarına əsaslanaraq çox böyük və şərəfli yol keçib. 1993-cü ildə ulu öndər Heydər Əliyevin hakimiyyətə qayıdışı ilə Yeni Azərbaycan Partiyası Azərbaycanın sosial-iqtisadi cəhətdən inkişaf etmiş ölkəyə çevrilməsində fəal rol oynayıb. Ölkəmizin bugünkü inkişafında böyük xidmətləri olan partiya ötən illər ərzində xalqın ümidlərini doğruldaraq ümumxalq partiyasına çevrilib.
Qeyd olunub ki, ulu öndərimiz Heydər Əliyevin müəyyənləşdirdiyi siyasi kurs ölkə Prezidenti cənab İlham Əliyev tərəfindən uğurla davam etdirilir, bu siyasətin nəticəsində hazırda ölkəmiz güclü dövlətə çevrilib. Bu gün hərtərəfli inkişaf edən respublikamız və onun ayrılmaz tərkib hissəsi olan Naxçıvan Muxtar Respublikası Heydər Əliyev ideyalarının işığında özünün hərtərəfli yüksəliş mərhələsini yaşayır.

Culfa rayonu, ümumilikdə, 22 kənd və 1 rayon mərkəzindən ibarətdir. Bu kəndlərin, demək olar ki, əksəriyyətində tikinti-quruculuq işləri aparılıb, onlar müasir yaşayış məntəqələrinə çevriliblər. Bu günlərdə rayonun Bənəniyar kəndində olduq.
Bu yaşayış məntəqəsi Zəngəzur silsiləsinin ətəyində, Əlincə çayının sağ sahilində 58,33 kvadratkilometr ərazidə yerləşir. Bəzi ədəbiyyatlarda Bənəniyar ilə yanaşı, “Bənənigar” adı da qeydə alınıb. Bu toponim bənən (bələn) və yar (yarğan, dərə) komponentlərindən ibarət olub, dağ boynunda yarğan, dağ aşırımında çuxur, yer mənalarını bildirir. Kəndin coğrafi mövqeyi də ifadə olunan mənaya uyğun gəlir.
Muxtar respublikamızda həyata keçirilən quruculuq strategiyası Culfa rayonunun digər kəndləri kimi, Bənəniyar kəndinə də yeni görkəm gətirib. Burada 2014-cü ildə başlanılan kompleks quruculuq işləri 2015-ci ildə başa çatdırılıb, həmin ilin fevral ayının 5-də kənd tam orta məktəbinin və uşaq musiqi məktəbinin, kənd və xidmət mərkəzlərinin, həkim ambulatoriyasının yeni binaları istifadəyə verilib.

Naxçıvan şəhərindəki Heydər Əliyev Muzeyində Naxçıvan şəhər 2 nömrəli tam orta məktəbin şagirdlərinin iştirakı ilə “Ulu öndər Heydər Əliyev müstəqil Azərbaycanın xilaskarı və qurucusudur” mövzusunda açıq dərs keçilib. Tədbirdə muzeyin bələdçisi Hafizə Seyidzadə məruzə edib.
Bildirilib ki, ölkəmizə rəhbərliyinin hər iki dövründə dahi şəxsiyyətin Vətənimiz qarşısındakı misilsiz xidmətləri Azərbaycanın müstəqilliyini təmin etməklə bərabər, həm də onun müasir inkişafını şərtləndirib.
Qeyd olunub ki, görkəmli dövlət xadimi Heydər Əliyevin 1990-1993-cü illərdə Naxçıvanda yaşayıb fəaliyyət göstərməsi Azərbaycanın müstəqilliyinin əldə edilməsi, möhkəmləndirilməsi və inkişaf etdirilməsi baxımından çox mühüm bir mərhələ təşkil edir. Məhz həmin dövrdə Naxçıvan Muxtar Respublikası Ali Məclisində dövlət rəmz­lərimiz haqqında qərar qəbul edilib, Naxçıvan Muxtar Respublikasının adından “sovet sosialist” sözləri çıxarılıb, muxtar respublikanın təhlükəsizliyinin təmin olunması üçün mühüm addımlar atılıb. Eyni zamanda qonşu Türkiyə və İranla ikitərəfli əlaqələrin təməli qoyulub.

Ümummilli liderimiz Heydər Əliyev hər il oktyabr ayının 10-nun “Yanğınsöndürənlərin peşə bayramı günü” kimi qeyd olunması haqqında Sərəncam imzalamışdır. 2002-ci ildən etibarən yanğınsöndürənlər hər il oktyabrın 10-da peşə bayramlarını qeyd edirlər.
1969-1982-ci illərdə Azərbaycan xalqının böyük oğlu Heydər Əliyevin rəhbərliyi ilə bütün sahələrdə olduğu kimi, yanğın təhlükəsizliyi orqanlarında da problemlər öz həllini tapmışdır. “Bir hadisənin qarşısını almaq, o hadisə baş verəndən sonra onun nəticələrini aradan götürməkdən daha asandır”, – deyən ümummilli liderimizin ikinci dəfə ali hakimiyyətə qayıdışından sonra isə yanğın təhlükəsizliyi sisteminin davamlı inkişafını təmin edən ardıcıl tədbirlər görülmüşdür. Yanğından mühafizə xidmətinin maddi­-texniki və normativ-hüquqi bazasının təkmilləşdirilməsi, kadr ehtiyatının yaradılması, şəxsi heyətin döyüş və peşə hazırlığının artırılması kimi vacib məsələlər öz həllini tapmışdır. 1997-ci ildə “Yanğın təhlükəsizliyi haqqında” Azərbaycan Respublikası Qanununun qəbul olunması yanğın təhlükəsizliyi və dövlət yanğın nəzarəti sisteminin təşkilinin hüquqi əsaslarını və prinsiplərini müəyyən etmişdir. Sonrakı illərdə həyata keçirilən ardıcıl və məqsədyönlü tədbirlər nəticəsində yanğından mühafizə sistemi daha da təkmilləşdirilmiş, şəxsi heyətin sosial-məişət şəraiti yüksəlmiş, təminat və təchizat məsələləri öz uğurlu həllini tapmışdır.

Ümummilli liderimiz Heydər Əliyevin qurucusu və memarı olduğu müstəqil Azərbaycan Respublikası bu gün dünyada sosial-iqtisadi baxımdan sürətlə inkişaf edən, beynəlxalq mövqeləri gündən-günə güclənən, regional informasiya mərkəzinə çevrilən bir dövlət kimi tanınmaqdadır. Əldə edilən bu nailiyyətlər həm də ölkə Prezidenti cənab İlham Əliyevin son 14 ildə ulu öndərin yolunu uğurla davam etdirməsinin nəticəsidir. Hələ 2003-cü ilin prezident seçkiləri ərəfəsində ulu öndərimiz Heydər Əliyev Azərbaycan xalqına müraciətində deyirdi: “...İnanıram ki, mənim axıra çatdıra bilmədiyim taleyüklü məsələləri, planları, işləri sizin köməyiniz və dəstəyinizlə İlham Əliyev başa çatdıra biləcək. Mən ona özüm qədər inanıram və gələcəyinə böyük ümidlər bəsləyirəm”.

Dövlət başçısının iqtisadi islahatları vaxtında həyata keçirməsi, apardığı çevik, qətiyyətli və cəsarətli siyasət Azərbaycanın gücünü daha da artırır. 2013-cü il oktyabrın 9-da keçirilən növbəti prezident seçkilərində Azərbaycan xalqının cənab İlham Əliyevi yenidən Azərbaycan Respublikasının Prezidenti seçməsi məhz qeyd etdiyimiz məqamlarla əlaqədardır.

Oktyabrın 7-də Naxçıvan Mətbuat Şurasının V konfransı keçirilib.

Konfransda Mətbuat Şurasının üzvləri, “Şərq qapısı”, şəhər və rayon qəzetlərinin, “Əcəmi” Nəşriyyat-Poliqrafiya Birliyinin əməkdaşları, kütləvi informasiya vasitələrinin nümayəndələri, ziyalılar və qocaman jurnalistlər iştirak ediblər.

Konfransa Naxçıvan Mətbuat Şurasının üzvü Elxan Məmmədov sədrlik edib. Naxçıvan Mətbuat Şurasının sədri Rövşən Hüseynov hesabat məruzəsi ilə çıxış edərək  son beş ildə görülən işlər haqqında danışıb. Qeyd olunub ki, şura Naxçıvan Muxtar Respublikası Ali Məclisi Sədrinin muxtar respublika mətbuatının qarşısına qoyduğu vəzifələrin yerinə yetirilməsinə nəzarəti gücləndirib. Mətbuatın problemləri araşdırılıb, “Şərq qapısı”, şəhər və rayon qəzetlərində aylıq monitorinqlər davam etdirilib, lazımi tövsiyələr verilib.  Bildirilib ki, Mətbuat Şurasının üzvləri müxtəlif mövzularda keçirilən yaradıcılıq müsabiqələrində fəal iştirak ediblər. Keçirilən müsabiqələrə 200-dən artıq yazı təqdim olunub, 25-dən çox əməkdaş I, II, III yerlərə layiq görülüb, 30 əməkdaş isə həvəsləndirici mükafat alıb. Bununla yanaşı, qəzet redaksiyalarında da seminar-treninqlər keçirilb.

Məlum olduğu kimi, İslam mədəniyyəti nümunələri ilə zəngin olan, bəşər sivilizasiyasına dəyərli töhfələr vermiş Naxçıvan şəhəri 2009-cu ilin oktyabr ayında İslam Əməkdaşlıq Təşkilatına üzv dövlətlərin mədəniyyət nazirlərinin Bakı şəhərində keçirilən altıncı konfransında 2018-ci il üçün İslam mədəniyyətinin paytaxtı elan olunub. 

Naxçıvan Muxtar Respublikası Ali Məclisi Sədrinin 2017-ci il 23 yanvar tarixli Sərəncamı ilə elan olunmuş müsabiqədə seçilmiş “Naxçıvan İslam Mədəniyyətinin Paytaxtı 2018” loqotipinin təqdimatı keçirilib. Təsdiq edilmiş Tədbirlər Planına uyğun olaraq Naxçıvan Muxtar Respublikası İqtisadiyyat Nazirliyinə üzərində loqotip əks olunmuş suvenirlərin hazırlanması üçün təkliflər verməsi və 2017-ci ilin noyabrınadək bu işlərin başa çatdırılması tapşırılıb.
Milli dəyərlərimizin təbliği, onun daha da zənginləşdirilərək gələcək nəsillərə çatdırılması istiqamətində görülən tədbirlərdən biri də sənətkarlıq məhsullarının istehsalıdır. Belə ki, muxtar respublikaya gələn xarici qonaqlar, eləcə də kənd və rayonlarımıza səfər edən yerli və əcnəbi turistlər mənalı istirahətdən yaddaqalan bir xatirə kimi müxtəlif suvenirlər, xalq tətbiqi sənəti nümunələri alır, onları öz ölkələrinə aparırlar. Bu, sə­nətkarlığın inkişafına, milli hədiyyə və suvenirlərin istehsalına diqqəti artırmağı zəruri edir.
Bu məqsədlə muxtar respublikada xalq yaradıcılığının müxtəlif sahələri üzrə fəaliyyət göstərən sənətkarlarla görüş keçirilib, onlara müxtəlif növ əl işləri, Naxçıvanın İslam mədəniyyətinin paytaxtı olduğunu əks etdirən suvenirlər hazırlanması tövsiyə edilib.

Naxçıvan Muxtar Respublikası Ali Məclisinin Sədri yanında Dövlət Qulluğu Məsələləri üzrə Komissiya tərəfindən dövlət orqanlarında inzibati vəzifələrin dördüncü-yeddinci təsnifatı üzrə vakant dövlət qulluğu vəzifələrinin tutulması üçün 12 iyul 2017-ci il tarixdə müsabiqə elan edilib.
Müsabiqəyə 642 vakant vəzifə çıxarılıb, həmin vəzifələrin tutulması üçün 744 nəfər sənəd təqdim edib ki, bu da keçirilən müsabiqələrin tarixində ən yüksək göstəricidir.
Vakant vəzifələrlə bağlı ən yüksək müsabiqə vəziyyəti Maliyyə Nazirliyi (62 müraciət), Təhsil Nazirliyi (55 müraciət) və Mərkəzi Seçki Komissiyası (52 müraciət) üzrə qeydə alınıb.
11-29 sentyabr 2017-ci il tarixlərdə müsabiqənin test mərhələləri keçirilib və 388 nəfər müvafiq keçid balını toplayıb.
Hazırda müsahibə mərhələsində namizədlərin iştirakı üçün sənəd qəbulu davam etməkdədir. Sənəd qəbulu başa çatdıqdan sonra qanunvericiliyə uyğun olaraq 30 gün ərzində müsabiqənin müsahibə mərhələsi keçiriləcəkdir.
Müsahibə zamanı namizədin bilik səviyyəsi, peşə hazırlığı, ümumi dünyagörüşü, vakant vəzifə üçün zəruri keyfiyyətləri yoxlanılaraq qiymətləndiriləcək. 16 və daha çox bal toplamış namizədlər müsahibədən müvəffəqiyyətlə keçmiş hesab olunacaqlar.

Naxçıvan Muxtar Respublikası Ali Məclisinin Sədri yanında
Dövlət Qulluğu Məsələləri üzrə Komissiyanın mətbuat xidməti