Naxçıvan Muxtar Respublikası Ədliyyə Nazirliyində 2017-ci ilin yekunları və qarşıda duran vəzifələrə həsr olunmuş kollegiya iclası keçirilib.
İclası Naxçıvan Muxtar Respublikasının ədliyyə naziri, II dərəcəli dövlət ədliyyə müşaviri Suliddin Əliyev açaraq məruzə ilə çıxış edib. Bildirilib ki, müasir cəmiyyətdə elektron vasitələrdən istifadə günbə­gün genişlənir. İnsanlar internet resurslarından istifadə yolu ilə geniş məlumat əldə edirlər. Bunun nəticəsidir ki, Naxçıvan Muxtar Respublikası Ədliyyə Nazirliyinin apardığı Hüquqi Aktların Dövlət Reyestrindən istifadə edənlərin sayı artır. Ötən il reyestrə 154 hüquqi akt daxil edilib. Daxil edilən hüquqi aktların 78-i normativ-hüquqi, 75-i qeyri-normativ-hüquqi, 1-i isə normativ xarakterli aktlardır.
Qeyd olunub ki, Naxçıvan Muxtar Respublikası Ali Məclisi Sədrinin 2015-ci il 27 iyul tarixli “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsi haqqında” Sərəncamından irəli gələn vəzifələrə uyğun olaraq 2017-ci ilin may və noyabr aylarında Naxçıvan Dövlət Universiteti Dövlət və bələdiyyə idarəetməsi ixtisasının tələbələri nazirliyin aparatında, Penitensiar Xidmətdə, Məhkəmə Ekspertizası Mərkəzində, Naxçıvan bələdiyyəsində olublar.

Naxçıvan Muxtar Respublikası Standartlaşdırma, Metrologiya və Patent üzrə Dövlət Komitəsində keçirilən kollegiya iclasında komitənin sədri Bəxtiyar İsmayılov məruzə ilə çıxış edib. Bildirilib ki, 2017-ci il komitə üçün, xüsusilə əlamətdar il olub. Belə ki, ötən ilin avqust ayında komitə üçün müasir memarlıq üslubunda inşa olunmuş yeni inzibati bina istifadəyə verilib, əməkdaşlar üçün lazımi iş şəraiti yaradılıb.
Diqqətə çatdırılıb ki, əkinəyararlı torpaqlardan istifadənin və əhaliyə göstərilən xidmətlərin vəziyyəti barədə 2015-ci il mayın 4-də Naxçıvan Muxtar Respublikası Ali Məclisində keçirilmiş müşavirədə reklam daşıyıcılarının, elan və digər informasiya xarakterli lövhələrin qanunvericiliyə uyğun yerləşdirilməsinə nəzarət edilməsi, bu sahədə mövcud problemlərin aradan qaldırılması, aidiyyəti qurumlar tərəfindən xidmət mərkəzlərinin qorunub saxlanılmasına, eyni zamanda vaxtı keçmiş məhsulların satışının qarşısının alınmasına nəzarətin gücləndirilməsi barədə verilmiş tapşırıqların icrasını təmin etmək məqsədilə 95 xidmət mərkəzinə 165 halda baxış keçirilib. Qanunvericiliyin tələblərinə uyğun olmadığından 25 informasiya xarakterli lövhənin istifadəsi qadağan edilib.

Ötən əsrin 80-ci illərinin sonunda dünyanın siyasi həyatında baş verən ən mühüm dəyişikliklərdən biri SSRİ kimi böyük imperiyanın dağılması idi. 70 illik sovet idarəçiliyinin iflasa uğramasının səbəblərindən biri imperiya çətiri altında yaşayan çoxsaylı xalqların müstəqillik arzusu olsa da, bu mübarizədə ən böyük rolu Azərbaycan xalqı oynamışdır. Ötən əsrin sonlarında öz müstəqillik ideyalarını ikinci dəfə tarixin səhifəsinə inamla daşıyan Azərbaycanda bu ideyaların ilk işığı qədim Naxçıvanda yandırılmışdır. 1989-cu ilin dekabr ayında muxtar respublikada SSRİ sərhədlərinin dirəklərinin sökülməsi Moskvanı bərk hiddətləndirmişdir.

1990-cı il yanvarın 20-də Bakıda törədilmiş qanlı faciə xalqımızın gözünü qorxutmaq, onu müstəqillik ideyalarından əl çəkməyə vadar etmək idi. Faciədən 8 saat əvvəl ermənilərin Sovet qoşunlarının köməyi ilə muxtar respublikaya hücum etməsi də bu hərəkatda ön mövqedə dayanan Naxçıvanı cəzalandırmaq və işğal etmək məqsədi daşıyırdı. Bir müddət əvvəl güclü atəşə məruz qalan Sədərək, Havuş, Günnüt kənd­ləri 1990-cı il yanvarın 19-da səhər, təxminən, saat 11-dən etibarən daha intensiv hücumlara məruz qalmışdı. Həmin vaxt ermənilər əsas qüvvələrini Sədərək istiqamətinə yönəldərək Kərki kəndini işğal etdilər. Muxtar respublikaya müxtəlif istiqamətlərdən hücumların təşkili onu göstərirdi ki, SSRİ rəhbərliyi məhz yanvarın 19-da Bakıya qoşun yeridiləcəyi və bununla da Naxçıvanın köməksiz qalacağını əvvəlcədən planlaşdırmışdı. Sonrakı proseslərdə isə Naxçıvan qısa müddətdə işğal olunmalı, bura erməniləri yerləşdirməklə Azərbaycanın Türkiyə ilə quru sərhədi kəsilməli idi.

Yeni Azərbaycan Partiyası Kəngərli Rayon Təşkilatı Yeni Kərki Kənd Mərkəzində 1990-cı il 20 Yanvar faciəsinin 28-ci ildönümünə həsr olunmuş anım mərasimi keçirib. Mərasim iştirakçıları əvvəlcə Azərbaycanın istiqlaliyyəti və müstəqilliyi uğrunda qurban getmiş şəhidlərin xatirəsini bir dəqiqəlik sükutla yad ediblər.
Tədbirdə çıxış edən Yeni Azərbaycan Partiyası rayon təşkilatının sədri, Naxçıvan Muxtar Respublikası Ali Məclisinin deputatı Sevda Quliyeva bildirib ki, ən ağır sınaqlara sinə gərmək əzmini bütün dünyaya nümayiş etdirən Azərbaycan övladları 1990-cı il yanvarın 20-də xalqımızın qəhrəmanlıq salnaməsinə parlaq səhifə yazdılar. 1990-cı il yanvarın 19-dan 20-nə keçən gecə törədilən qanlı faciə istiqlaliyyət, suverenlik, müstəqillik uğrunda mübarizəyə qalxmış Azərbaycan xalqının apardığı mücadilənin unudulmaz səhifəsidir. Sovet imperiyası rəhbərliyinin 20 Yanvar faciəsini törətməkdə məqsədi Azərbaycan xalqının müstəqillik uğrunda apardığı mübarizənin qarşısını almaq, milli azadlıq hərəkatına zərbə vurmaq idi. Həmin gecə 147 nəfər Azərbaycan vətəndaşı şəhid olub, 744 nəfər yaralanıb və xəsarət alıb, 841 nəfər qanunsuz həbs edilib.

“Azərbaycan Respublikası vətəndaşlarının 2018-ci il yanvarın 1-dən 30-dək müddətli həqiqi hərbi xidmətə çağırılması və müddətli həqiqi hərbi xidmət hərbi qulluqçularının ehtiyata buraxılması haqqında” Azərbaycan Respublikası Prezidentinin 2017-ci il 1 dekabr tarixli Sərəncamına əsasən Naxçıvan Muxtar Respublikası Səfərbərlik və Hərbi Xidmətə Çağırış üzrə Dövlət Xidmətinin Naxçıvan Şəhər İdarəsində gənclərin müddətli həqiqi hərbi xidmətə yola salınması mərasimi keçirilib.
Tədbirdə əvvəlcə Azərbaycan Respublikasının Dövlət Himni səsləndirilib.
Sonra Azərbaycan Respublikası Müharibə Veteranları və Şəhid Ailələri Naxçıvan Muxtar Respublika Təşkilatı Naxçıvan Şəhər Şöbəsinin sədri Sultan İsmayılov və Azərbaycan Vətən Müharibəsi Veteranları və Şəhid Ailələri Naxçıvan Muxtar Respublika Təşkilatının Naxçıvan Şəhər Şöbəsinin sədri Zahid Cəfərov çıxış edərək hərbi xidmətə yola salınanlara uğurlar arzulayıblar.
Valideyn Dünyamalı Babayev çağırışçı gənclərə xoş arzularını çatdırıb. Çağırışçılar adından çıxış edən Amal Abasquliyev Vətənə xidmət etməyin onlar üçün ən ali borc olduğunu bildirib, bu borcu şərəflə yerinə yetirəcəklərinə söz verib.
Naxçıvan Şəhər İcra Hakimiyyətinin əməkdaşı İsmayıl Gülməmmədov çıxışında qeyd edib ki, orduda xidmət etmək Vətənə xidmətdir. Xalq-ordu birliyi imkan verir ki, biz müstəqilliyimizi daha inamla qoruyaq.

Cənubi Qafqazın, Azərbaycanın xəritəsinə baxanda Sədərək kiçik bir nöqtə kimi görünür. Lakin Türk dünyasını bir-birinə bağlayan bu bölgənin əhəmiyyətini dərk etmək üçün, sadəcə, bir məqama diqqət yetirmək kifayətdir. 1990-cı ilin yanvarında sovet imperiyasının işğalçı qoşunları Bakıya hücum etdikləri vaxtda onun əlaltısı olan Ermənistanın quldur dəstələri də Sədərəyi ələ keçirməyə çalışırdılar. 

1990-cı ilin yanvarında soyuq qış gecəsində Bakıda gülləbaran edilmiş günahsız insanların qulaqbatıran fəryadları təkcə yerin deyil, göyün də bağrını yarırdı. Lakin, nədənsə, bu haraylar bəzi yatmış vicdanları oyatmırdı. Müasir silahlarla silahlanmış ordu əliyalın, günahsız insanların üzərinə hücuma keçir, dinc əhaliyə ağır divan tuturdu. Düşmən Sədərəkdə də eyni vəhşilikləri törətməyə çalışırdı. Amma xalqın azadlıq və istiqlaliyyətini boğmaq istəyən imperiya dairələrinə igid oğullarımız öz qanı bahasına cavab verirdi.
Həmin illərdə Naxçıvan olduqca gərgin günlər yaşayırdı. Sərhədyanı kəndləri ermənilər tərəfindən işğal və qarət olunan, dincliyi əlindən alınan Naxçıvan ulu öndər Heydər Əliyevin dediyi kimi, “Taleyin ümidinə buraxılmış tənha ada”nı xatırladırdı. Azadlıqdan məhrum olunmağa məcbur edilən xalq ov tüfənginə sarılaraq mərdliklə, rəşadətlə döyüşüb, torpaqlarımızın bütövlüyü uğrunda canını sipər edib əsl qəhrəmanlıq nümunəsi göstərirdi.

20 Yanvar faciəsi ərəfəsində Naxçıvan Muxtar Respublikası Mədəniyyət və Turizm Nazirliyinin təşkilatçılığı ilə bir qrup fəal gəncin Xatirə Muzeyinə ekskursiyası təşkil edilib. Ekskursiyanın məqsədi gəncləri xalqımızın qəhrəmanlıq tarixi ilə tanış etmək olub.

Tədbirdə əvvəlcə nazirliyin yaradıcı gənclərlə iş üzrə baş məsləhətçisi Kənan Tağızadə, Mədəniyyət üzrə Elmi-Metodik Mərkəzinin direktoru Səyyar Məmmədov çıxış edərək bildiriblər ki, Azərbaycan xalqı öz qəhrəman övladlarının əziz xatirəsini həmişə uca tutur və dərin ehtiramla yad edir. Xalqımızın tarixində elə hadisələr vardır ki, qəlblərimizdə əbədi yaşayır və azadlığın rəmzinə çevrilir. Bu mənada, 20 Yanvar xalqımızın tarixində qürur və iftixar rəmzidir. Gələcək nəsillər də onların qəhrəmanlığını ehtiramla xatırlayacaqdır.
Gənclərin muzeylə tanışlığı zamanı onlara bildirilib ki, muzey Naxçıvan Muxtar Respublikası Ali Məclisi Sədrinin Sərəncamı ilə 1997-ci ildə yaradılıb, 2000-ci ilədək Şəhidlər Muzeyi adı ilə fəaliyyət göstərib. 8 avqust 2000-ci ildən etibarən muzey Xatirə Muzeyi adlanır. Hazırda muzeydə 2000-dən çox eksponat vardır. Onlardan 350-yə qədəri ekspozisiyada nümayiş etdirilir.
Qeyd edilib ki, Azərbaycanda baş verən soyqırımlara ilk siyasi-hüquqi qiyməti ümummilli lider Heydər Əliyev verib.
Muzeydə torpaqlarımızın azadlığı və müstəqilliyi uğrunda xalqımızın apardığı mübarizəni əks etdirən sənədlər, tarixi eksponatlarla tanışlıq gənclərdə böyük təəssürat yaradıb.

Əli RZAYEV

1924-cü il yanvarın 18-də Naxçıvan Mərkəzi İcraiyyə Komitəsinin birinci plenumunun qərarı ilə Naxçıvan Daxili İşlər Şöbəsinin nəzdində Naxçıvan Daxili İşlər Komissarlığı yaradılmış və bununla da muxtar respublikada polis orqanlarının formalaşmasının əsası qoyulmuşdur.
Naxçıvan polisi 1920-1940-cı illərdə xaricdən göndərilən və daxildəki qaçaq-quldur dəstələrinə qarşı fəal mübarizə aparmış, sabitliyin və asayişin qorunmasında mətinlik göstərmişdir. 1941-1945-ci illərdə ön cəbhədə faşistlərə qarşı mərdliklə vuruşan polislərimiz 1988-1993-cü illərdə erməni silahlı birləşmələrinin torpaqlarımıza hücumu zamanı ərazi bütövlüyümüz uğrunda döyüşlərdə fəal iştirak etmişdir.
Azərbaycan Rеspublikasının daxili işlər orqanlarının, eləcə də Naxçıvan Muxtar Respublikası daxili işlər orqanlarının hərtərəfli inkişafı ulu öndər Hеydər Əliyеvin adı ilə bağlıdır. Məhz ümummilli lidеr Hеydər Əliyеvin 1969-cu ildə rеspublikaya rəhbər sеçilməsindən sonra daxili işlər orqanlarına dövlət qayğısı güclənmiş, əməkdaşların pеşəkarlıq səviyyəsinin yüksəldilməsinə şərait yaranmışdır. Ümummilli lider Hеydər Əliyеv 1993-cü ildə Azərbaycan Rеspublikasının Prеzidеnti sеçildikdən sonra ölkədə aparılan böyük quruculuq dövrünün başlanması daxili işlər orqanlarının fəaliyyətinə də öz müsbət təsirini göstərmişdir. İlk növbədə, ölkədə tüğyan еdən cinayətkarlığa qarşı ixtisaslı mübarizənin aparılması üçün zəruri olan kadr potеnsialı, işgüzar ab-hava yaradılmışdır. Bütün bunlar yalnız ulu öndər Hеydər Əliyеvin qətiyyəti və yüksək idarəçilik bacarığı sayəsində mümkün olmuşdur.

Naxçıvan Muxtar Respublikasında ilk ədliyyə orqanı 1924-cü il yanvarın 18-də yaradılmışdır. Fəaliyyət göstərdiyi müddətdə nazirliyin səlahiyyətləri bir neçə dəfə məhdudlaşdırılaraq başqa orqanlara verilmiş, sabit fəaliyyət istiqaməti olmamışdır. 1956-cı ildə onun səlahiyyətləri Ali Məhkəmə, prokurorluq və digər orqanlara verilmişdir. Ulu öndər Heydər Əliyev ölkəmizdə ilk dəfə rəhbərliyə gəlişindən sonra respublikanın qanunvericilik sisteminə, hüquq-mühafizə orqanlarının statusuna, ədliyyə sisteminə diqqət göstərmiş, nazirlik yenidən təsis edilərək onun vahid strukturu formalaşdırılmış, ədliyyə işinin gələcək inkişafı üçün hərtərəfli zəmin yaradılmışdır. 1971-ci il mayın 5-də Naxçıvan MSSR Ədliyyə Nazirliyi yenidən təsis edilmişdir. 1990-cı il noyabrın 17-dən etibarən isə qurum Naxçıvan Muxtar Respublikası Ədliyyə Nazirliyi adlanmışdır.

Azərbaycan Respublikası müstəqillik əldə etdikdən sonra xalqımızın xilaskarı, ümummilli lider Heydər Əliyevin rəhbərliyi ilə digər sahələrdə olduğu kimi, hüquq sahəsində də islahatların aparılmasına başlanmışdır. Ümummilli liderin bilavasitə sədrliyi ilə Hüquqi İslahat Komissiyası yaradıldı və qısa müddət ərzində keçmiş sovetlər birliyindən miras qalmış ölkənin hüquq sistemi demokratik prinsiplər əsasında tamamilə yenidən quruldu, hüquq sisteminin fəaliyyətini tənzimləyən bütün əsas qanunlar və məcəllələr beynəlxalq hüquq normalarının tələbləri nəzərə alınmaqla yenidən qəbul edildi.

Naxçıvan Muxtar Respublikası Daxili İşlər Nazirliyində keçirilən kollegiya iclasında “2017-ci ildə Naxçıvan Muxtar Respublikası Daxili İşlər Nazirliyinin cinayətkarlığa qarşı mübarizə və ictimai təhlükəsizliyin təmin edilməsi üzrə fəaliyyətinin nəticələri və beşinci çağırış Naxçıvan Muxtar Respublikası Ali Məclisinin yeddinci sessiyasında qarşıya qoyulan vəzifələr” mövzusunda daxili işlər naziri, general-mayor Fazil Ələkbərov məruzə edib. Bildirilib ki, ümummilli lider Heydər Əliyevin müəyyənləşdirdiyi, ölkə Prezidenti cənab İlham Əliyev tərəfindən həyata keçirilən uğurlu siyasət nəticəsində ölkəmizdə, onun ayrılmaz tərkib hissəsi olan muxtar respublikamızda sabitlik tam təmin olunub, ictimai-siyasi asayiş və təhlükəsizlik nəzarətdə saxlanılıb.
Vurğulanıb ki, hesabat dövründə muxtar respublikada 24 cinayət faktı qeydə alınıb. Bu da 2016-cı illə müqayisədə 5 fakt azalmaqla 17,3 faiz olub, cinayətlərin açılması isə 100 faiz təşkil edib. Regionda təqsirləndirilən şəxslərin axtarışı istiqamətində aparılmış əməliyyat-axtarış tədbirləri nəticəsində istintaq və məhkəmədən yayınan səkkiz nəfərdən altısının yeri müəyyənləşdirilərək tutulub, axtarış işinin göstəriciləri 75 faiz təşkil edib. Haliyədə 2 nəfər təqsirləndirilən, 1 nəfər isə xəbərsiz itkin düşmüş şəxs kimi axtarılır.

Naxçıvan Muxtar Respublikası Nəqliyyat Nazirliyində 2017-ci ilin yekunları və qarşıda duran vəzifələrə həsr olunmuş kollegiya iclası keçirilib. Kollegiya iclasını Naxçıvan Muxtar Respublikasının nəqliyyat naziri Mirsənani Seyidov açaraq məruzə edib.
Nazir bildirib ki, avtonəqliyyat vasitələri ilə təhlükəsiz sərnişin daşınması, marşrut qrafikinə nəzarət olunması məqsədilə yeni nəsil texnologiyalardan istifadə edilməsi işi ötən il də uğurla aparılıb. Belə ki, Naxçıvan-Bakı marşrutunda işləyən bütün avtobuslara Naxtel-4G GPS monitorinq izləmə sistemi quraşdırılıb. Ümumilikdə, bu günə qədər 50 avtonəqliyyat vasitəsinə GPS-in quraşdırılması başa çatdırılıb, Naxçıvan şəhərdaxili marşrutunda işləyən avtobus və taksilərə isə bu sistemin quraşdırılması işləri davam etdirilir.
Bildirilib ki, beynəlxalq əməkdaşlıq sahəsində fəaliyyət artırılıb, Türkiyə Respublikasının “Metro” və “İğdırlı” turizm şirkətləri ilə bağlanmış müqaviləyə əsasən Türkiyə Respublikasının İqdır şəhərinə avtobus marşrutu açılıb ki, həmin marşrut üzrə Naxçıvan Şəhər Təsərrüfathesablı Nəqliyyat İdarəsinə məxsus avtobuslar fəaliyyət göstərir. Habelə “Metro” turizm və “İğdırlı” turizm şirkətləri ilə Naxçıvandan Türkiyənin müxtəlif şəhərlərinə, İran İslam Respublikasının “Rah Pey Saba” şirkəti ilə Naxçıvan-Urmiya istiqamətində, “Didari Seyri Giti” şirkəti ilə Naxçıvan-Təbriz istiqamətində sərnişindaşıma xidməti göstərmək üçün bağlanmış müqavilələr yenilənib.

Naxçıvan Muxtar Respublikası Səfərbərlik və Hərbi Xidmətə Çağırış üzrə Dövlət Xidmətində gənclərin müddətli həqiqi hərbi xidmətə yola salınması mərasimi keçirilib.
Əvvəlcə Azərbaycan Respublikasının Dövlət Himni səsləndirilib.
Mərasimdə Naxçıvan Muxtar Respublikası Müharibə, Əmək, Silahlı Qüvvələr və Hüquq-Mühafizə Orqanları Veteranları Şurasının sədri Firudin Süleymanov, ədliyyə nazirinin müavini Emin Səfərov, gənclər və idman nazirinin müavini Mirməcid Seyidov, təhsil nazirinin müavini Əli Vəliyev çıxış edərək əlamətdar hadisə münasibətilə çağırışçıları və onların valideynlərini təbrik ediblər.

Əvvəlki illərdə olduğu kimi, 2017-ci ildə də həyatımızın bütün sahələrini əhatə edən yeniləşmə prosesi davam etdirildi, kompleks quruculuq tədbirlərinin coğrafiyası genişləndirildi, emal və istehsal sahələrinin inkişafına dəstək göstərildi, yeni iş yerlərinin yaradılması diqqət mərkəzində saxlanıldı. Həyata keçirilən məqsədyönlü tədbirlər uğurlu nəticələr qazanılmasını təmin etdi. Yenə də görülən işlərin təməlində insana qayğı amilinin dayandığını gördük.
Haşiyə. Bir neçə il əvvəl Culfa rayonunun Yaycı kəndindən yazı hazırlamağa getmişdim. Burada kənd ziyalıları, ağsaqqalları ilə həmsöhbət oldum. Onlardan birinin sözlərini indi də yaxşı xatırlayıram. Uzun illər kənd məktəbində müəllim işləyən, hazırda təqaüddə olan Məhərrəm Məmmədov deyirdi:
– İnsanın həmişə qayğıya ehtiyacı var. Bəziləri bunu dilinə gətirmir, susmağa üstünlük verir, bəziləri məcburiyyət qarşısında müəyyən ehtiyacının ödənilməsi üçün kimlərəsə üz tutur. Bu gün Naxçıvanda buna ehtiyac qalmayıb. Muxtar respublikamızın ən ucqar dağ kəndləri də bu gün abadlaşdırılıb, sakinlərin rahat yaşayışı təmin olunub. Bizim Yaycı da qədim diyarımızın abadlaşan kəndlərindəndir. Onu da qeyd edim ki, Yaycıda həm ötən əsrin əvvəllərində daşnakların qədim diyarımıza hücumları zamanı, həm 1941-1945-ci illər müharibəsində, həm də 1988-ci ildən başlanan münaqişə nəticəsində yüzlərlə insan həlak olub. Sevindirici haldır ki, bizim kənddə onların xatirəsinə abidə ucaldılıb. Həmin abidə həm tarixi keçmişimizə ehtiramın əlaməti, həm də həyatını öz el-obası yolunda qurban verən insanların xatirəsinə hörmətin ifadəsidir. Abidə gənclərə sabaha cavabdehlik hissini, dövlətçiliyin qorunmasının, müstəqilliyin möhkəmləndirilməsinin əhəmiyyətini aşılayır.

İslam Əməkdaşlıq Təşkilatına üzv dövlətlərin mədəniyyət nazirlərinin 2009-cu ilin oktyabrında Bakı şəhərində keçirilmiş altıncı konfransında qəbul edilmiş qərarla Naxçıvan şəhəri 2018-ci il üçün İslam mədəniyyətinin paytaxtı elan olunmuşdur. Azərbaycan Respublikası Prezidentinin 2016-cı il 2 iyun tarixli Sərəncamı ilə Naxçıvan şəhərinin 2018-ci il üçün İslam mədəniyyətinin paytaxtı elan edilməsi ilə əlaqədar Təşkilat Komitəsi yaradılmışdır. Təşkilat Komitəsinin 2016-cı il noyabrın 25-də Naxçıvan şəhərində keçirilən iclasında Tədbirlər Planı təsdiq olunmuş və icrasına başlanılmışdır. Tədbirlər Planına əsasən Naxçıvan Muxtar Respublikası Mədəniyyət və Turizm Nazirliyi və Naxçıvan Muxtar Respublikası Rabitə və Yeni Texnologiyalar Nazirliyi tərəfindən “Naxçıvan İslam Mədəniyyətinin Paytaxtı-2018” rəsmi internet səhifəsi yaradılmışdır.
Azərbaycan və ingilis dillərində hazırlanan “Naxçıvan İslam Mədəniyyətinin Paytaxtı-2018” rəsmi internet səhifəsi (www.imp.nakhchivan.az) 2018-ci il yanvarın 13-dən istifadəyə verilmişdir.

İnternet səhifəsi 8 əsas və 27 alt bölmədən ibarətdir. “Ana səhifə” bölməsi “Rəsmi sənədlər” və “Tədbirlər” alt bölmələrindən ibarətdir. “Naxçıvan şəhərinin 2018-ci il üçün İslam mədəniyyətinin paytaxtı elan edilməsi ilə əlaqədar Təşkilat Komitəsinin yaradılması haqqında” Azərbaycan Respublikası Prezidentinin Sərəncamı və “İslam Mədəniyyətinin Paytaxtı Naxçıvan-2018” loqotipinin hazırlanması haqqında Naxçıvan Muxtar Respublikası Ali Məclisi Sədrinin Sərəncamı “Rəsmi sənədlər” bölməsində yerləşdirilmişdir. “Tədbirlər” bölməsində isə Tədbirlər Planında nəzərdə tutulmuş məsələlərin həllinə dair məlumatlar əksini tapmışdır.

Klassik alman filosofu Hegel tarixi şəxsiyyətlər haqqında deyirdi: “Onlar məhz ona görə böyük simalar sayılırlar ki, böyük, ədalətli və zəruri işlər görmüşlər”. Naxçıvan Muxtar Respublikasında böyük, ədalətli və zəruri tədbirləri əhalinin rifah halının yaxşılaşdırılmasına yönəldən Ali Məclisin Sədri cənab Vasif Talıbov 1960-cı il yanvarın 14-də sadə bir zəhmətkeş ailəsində dünyaya göz açmışdır. Heydər Əliyev məktəbində mükəmməl dövlətçilik yolu keçən muxtar respublika rəhbəri Naxçıvanda ümummilli liderin siyasi kursuna münasibətdə sözlə əməlin, dərin sədaqətlə konkret işin vəhdətini yaratmışdır. 

Dünən Naxçıvan Muxtar Respublikası Prokurorluğunda 2017-ci ildə görülmüş işlərə və 2018-ci ildə qarşıda duran vəzifələrə həsr olunmuş kollegiya iclası keçirilib.
Kollegiya iclasını Naxçıvan Muxtar Respublikasının Prokuroru vəzifəsini icra edən II dərəcəli dövlət ədliyyə müşaviri Səbuhi Şahverdiyev açaraq bildirib ki, Naxçıvan Muxtar Rеspublikası Prоkurоrluğu 2017-ci ildə digər hüquq-mühafizə оrqanları ilə əlaqəli şəkildə ictimai-siyasi sabitliyin, dövlət müstəqilliyimizin, cinayətkarlığa və hüquq pоzuntularına qarşı mübarizə, qanunçuluq və hüquq qaydasının möhkəmləndirilməsi, vətəndaşların hüquq və azadlıqlarının müdafiəsi istiqamətində zəruri tədbirlərin görülməsinin təmin еdilməsində fəallıq göstərib. Ötən il pеşə fəaliyyəti ilə əlaqədar jurnalistlərin təqib еdilməsi və оnlara təzyiqlər göstərilməsi ilə bağlı cinayət hadisəsi qеydə alınmayıb, yеtkinlik yaşına çatmayanlar və narkоmanlar tərəfindən cinayət hadisələri törədilməyib. Bu katеqоriyadan оlan şəxslər tərəfindən bundan sоnra da cinayət hadisələri törədilməsinin qarşısının alınması üçün bütün qabaqlayıcı-prоfilaktik tədbirlərin keçirilməsinə ciddi nəzarət edilib.

İnsanları elm öyrənməyə təşviq edən və elmi, təhsili ibadət sayan yeganə din məhz İslam dinidir. Təsadüfi deyildir ki, dünyanın müsəlman əhalisinin sayı 1975-ci ildə cəmi 500 milyon nəfər idisə, heç yarım əsr keçmədən bu rəqəm bu gün 1,5 milyardı ötmüşdür. İnsanlığa hər sahədə çox önəmli nailiyyətlər qazandırmış İslam mədəniyyəti əsrlər sürən və bu gün də çox geniş bir coğrafiyanı əhatə edən böyük bir mədəniyyətdir.

İslam mədəniyyətinin formalaşmağa başladığı ilk dövrlərdəki elm müsəlmanlara özünəməxsus dünyagörüşü qazandırmışdır. Sonrakı dövrlərdə müsəlmanlar əldə etdikləri elmi təcrübələrlə bu dünyagörüşü əsasında böyük bir mədəniyyət yaratmışlar. İslam mədəniyyətinin inkişafında Azərbaycan xalqının da xidmətləri böyükdür. Belə ki, qədim Azərbaycan mədəniyyəti İslam mədəniyyətinin formalaşması və yaşadılmasında əhəmiyyətli rol oynamışdır. Azərbaycan xalqının İslamın ali dəyərlərinə qəlbən bağlılığı tarixin hər bir çətin sınağında xalqımızı öz inancından yayındıra bilməmişdir. Zəngin tarixi-mədəni irsi və özünün artan nüfuzu ilə ölkəmiz müasir dövrdə İslam dünyasının layiqli bir üzvüdür.
Əhalisinin əksəriyyətinin müsəlman olduğu Azərbaycanda insanların özünəməxsus multikultural dəyərlərə sahib olması, azad dini etiqad seçimi, ziyarətgahlara və digər müqəddəs məkanlara son dərəcə həssas münasibət göstərməsi respublikamızda beynəlxalq nüfuz qazandıran başlıca amillərdəndir. Bu baxımdan 2009-cu ildə ölkəmizin paytaxtı Bakı və 2018-ci ildə Naxçıvan şəhərinin İslam mədəniyyətinin paytaxtı seçilməsi Azərbaycanın İslam dünyasında önəmli bir məkan olduğunu sübut edir.

Naxçıvan Muxtar Respublikası Dövlət Şəhərsalma və Arxitektura Komitəsində 2017-ci ildə görülən işlər, 2018-ci ildə qarşıda duran vəzifələrlə bağlı keçirilən kollegiya iclasında komitənin sədri Hicran Rüstəmov hesabat məruzəsi ilə çıxış edib. Bildirilib ki, muxtar respublikamız əvvəlki illərdə olduğu kimi, ötən ildə də regional inkişafda öz lider mövqeyini qoruyub saxlamaqdadır. Azərbaycanın ümumi inkişaf mənzərəsində özünəməxsus yer tutan Naxçıvan Muxtar Respublikasında iqtisadi və sosial sahələrdə qazanılmış uğurlar 2017-ci ildə də qorunub saxlanılıb, çoxşaxəli iqtisadiyyatın formalaşdırılması və sosial sahənin inkişafı üzrə mühüm tədbirlər görülüb. Bütün bunlar əsası ümummilli liderimiz tərəfindən müəyyən olunmuş inkişaf strategiyasının uğurla həyata keçirilməsi nəticəsində qazanılıb. Bunu tikinti təşkilatlarının fəaliyyətində də görmək olar. Muxtar respublika inşaatçıları hesabat ilində əzmkarlıq göstərib, üzərlərinə götürdükləri vəzifələrin öhdəsindən gəlmək üçün səy və bacarıqlarını əsirgəməyiblər.
Məruzə ətrafında müzakirələrdə Naxçıvan Muxtar Respublikası Dövlət Şəhərsalma və Arxitektura Komitəsi Naxçıvan Şəhər və Kəngərli Rayon idarələrinin rəisləri Novruz Qalayevin və Vəzir Əliyevin çıxışları dinlənilib.
Kollegiya iclasında Naxçıvan Muxtar Respublikası Baş nazirinin birinci müavini Asəf Məmmədov çıxış edib.

Yeni Azərbaycan Partiyası Şərur Rayon Təşkilatının yanvarın 11-də keçirilən şura iclasında 2017-ci ildə görülmüş işlərə yekun vurulub, qarşıya qoyulmuş vəzifələrin icrası müzakirə olunub.
Təşkilatın sədri, Naxçıvan Muxtar Respublikası Ali Məclisinin deputatı Əmir Babayev məruzə edərək bildirib ki, Yeni Azərbaycan Partiyası Şərur Rayon Təşkilatının iş planına uyğun olaraq 2017-ci ildə 4 şura, 12 İdarə Heyəti iclasları keçirilib. İclaslarda əsasən müəyyən zəruri məsələlər, partiya sıralarına yeni üzvlərin qəbulu müzakirə edilib, təşkilat sədrlərinin hesabatları dinlənilib, qərarlar qəbul olunub və onların icrası diqqətdə saxlanılıb.
Qeyd olunub ki, hazırda rayon təşkilatının 87 ilk partiya təşkilatı 10 min 424 nəfər partiya üzvünü öz ətrafında birləşdirir. Partiya üzvlərinin 3 min 81 nəfərini, yəni 29,5 faizini qadınlar, 3 min 238 nəfərini, yaxud 31 faizini gənclər təşkil edir. Ötən il Yeni Azərbaycan Partiyası sıralarına 121 nəfər qəbul olunub ki, bunların da 63 nəfəri qadın, 112 nəfəri gənclərdir. Ümumiyyətlə, partiya sıralarına üzv qəbul edərkən gənclərə və qadınlara daha çox üstünlük verilir.

Naxçıvan Muxtar Respublikası Gənclər və İdman Nazirliyi 2017-ci ildə öz işini təsdiq edilmiş tədbirlər planına uyğun qurub, gənclər arasında bədən tərbiyəsi və idmanın kütləviliyinə nail olunması üçün məqsədyönlü tədbirlər həyata keçirib. Ümumilikdə, il ərzində nazirlik tərəfindən dövlət gənclər siyasəti və idman sahəsində 394 tədbir keçirilib ki, bunlardan 140-ı gənclərlə iş, 254-ü isə kütləvi bədən tərbiyəsi və idman sahələrini əhatə edib.
Bu fikirləri Naxçıvan Muxtar Respublikası Gənclər və İdman Nazirliyinin kollegiya iclasında nazir Azad Cabbarov səsləndirib. Bildirilib ki, nazirlik tərəfindən 2 fevral – Gənclər Günü və 31 dekabr – Dünya Azərbaycanlılarının Həmrəylik Günü ilə əlaqədar Naxçıvan Muxtar Respublikasının ictimai həyatında və yaradıcılıq sahəsində fərqlənən istedadlı gənc­lərin mükafatlandırılması məqsədilə tədbirlər keçirilib. Bundan başqa, 5 iyun – Ümumdünya Ətraf Mühitin Mühafizəsi Günü, 15 İyun – Milli Qurtuluş Günü, 10-17 noyabr – Beynəlxalq Tələbə-Gənc­lər Həftəsi, həmçinin Naxçıvan Muxtar Respublikasında turizmin inkişaf etdirilməsi ilə əlaqədar tədbirlər planı hazırlanıb və icra olunub. Bu il ilk dəfə olaraq “Azərbaycan İntellektual Birincisi” layihəsinin muxtar respublika mərhələsi keçirilib, layihənin final mərhələsində muxtar respublikanı təmsil edən komandalar “Nə? Harda? Nə zaman?” və “Vətəni tanı” intellektual oyunlarında III yerin sahibi olublar.

Şura iclasında 2017-ci ildə görülmüş işlər və qarşıda duran vəzifələr müzakirə edilib. Tədbiri təşkilatın sədri, Naxçıvan Muxtar Respublikası Ali Məclisinin deputatı Qadir İbrahimov açaraq məruzə edib.
Bildirilib ki, Yeni Azərbaycan Partiyası Culfa Rayon Təşkilatı 2017-ci ildə gənclərlə işi daim diqqət mərkəzində saxlayıb, təşkilatın Gənclər Birliyi Rayon Gənclər və İdman İdarəsi, Təhsil Şöbəsi ilə birlikdə müxtəlif tədbirlər keçirib. Çağırışçıların həqiqi hərbi xidmətə yola salınmasında təşkilatın Gənclər Birliyinin, Qadınlar Şurasının üzvləri fəallıq göstərib, idmanın inkişafına, yeniyetmə və gənc­lərin vətənpərvərlik tərbiyəsinə xüsusi diqqət yetirilib.
Qeyd olunub ki, ötən il də rayon təşkilatı üzvlərinin sayı artıb, keyfiyyət dəyişiklikləri baş verib, partiya intizamı gücləndirilib. Təşkilat tərəfindən İdarə Heyətinin və şuranın iclasları, toplantı və elmi-praktik konfranslar keçirilib.
Hazırda rayon təşkilatının 55 ərazi ilk təşkilatı 5 min 515 partiya üzvünü öz ətrafında birləşdirir. Onlardan 2 min 609 nəfərini qadınlar, 1658-ni isə gənclər təşkil edir. Ötən il partiya sıralarına 91 nəfər qəbul olunub.

Ötən günlərdə Şahbuz rayonunun Şada kəndindəki “N” hərbi hissədə xidməti borcunu yerinə yetirən igid oğullarımızdan yazı hazırlamaq üçün bu ünvana gedərkən illər əvvəl yaxın qohumumun burada xidmət etməsini xatırladım. Bu, o dövr idi ki, ölkəmiz xaos, anarxiya girdabında idi. Orduda çətinliklər baş alıb gedirdi. Ancaq qəvi düşmənlə, sözün həqiqi mənasında, bir addımlıqda üzbəüz dayanan igid oğullarımızın vətənpərvərlik hisslərini o vaxt yaxından duymuşdum. Üzləşdikləri çətinliklərə baxmayaraq, Vətən torpaqlarının keşiyində ayıq-sayıq dayanaraq xidməti borclarını layiqincə yerinə yetirmələri bizim də qəlbimizi fərəh hissi ilə doldurmuşdu.

Budur, illər ötəndən sonra yolum yenə həmin ünvanadır. Onu deyim ki, hələ 2008-ci və 2009-cu illərdə də bu kənddə həyata keçirilən kompleks quruculuq tədbirlərindən yazı hazırlamaq üçün Şadada olmuş, kənd sakinlərinin qorxmazlığını, düşmən qabağında mərdi-mərdanə dayandıqlarını görmüşdüm. Kənddəki hərbi hissənin timsalında Azərbaycan Silahlı Qüvvələrinin döyüş hazırlığını yüksəltmək üçün son illər həyata keçirilən məqsədyönlü tədbirlərin canlı şahidi olmuşdum.
...Bir neçə il bundan əvvəl gördüyüm məqamları təkrar xatırladım. Elə ondan sonrakı dövrlərdə bu ünvanda həyata keçirilən tədbirləri də yada salmaq yerinə düşər. 2009-cu ildə istifadəyə verilmiş əsgəri-məişət-yaşayış kompleksi və bir qədər aralıda ailəli zabitlər üçün tikilmiş ikimərtəbəli 8 mənzilli binalar orduya göstərilən qayğının ifadəsidir.

2017-ci ilin yekunları və qarşıda duran vəzifələrlə bağlı “Naxçıvan Dəmir Yolları” Məhdud Məsuliyyətli Cəmiyyətində keçirilən yığıncağı cəmiyyətin direktoru Mahir Əliyev açaraq məruzə ilə çıxış edib.
Bildirilib ki, “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın icrası ilə əlaqədar “Naxçıvan Dəmir Yolları” MMC üzrə 2017-ci ildə dəmir yolunun ayrı-ayrı sahələrində təmir işləri aparılıb, qatarların hərəkətinin təhlükəsizliyi təmin edilib və bir sıra tədbirlər həyata keçirilib.
Ötən il cəmiyyətin Yük və Sərnişin Daşımaları İdarəsi tərəfindən muxtar respublika ərazisindəki ayrı-ayrı tikinti təşkilatlarının ünvanına 71 min 70 ton müxtəlif təyinatlı yüklər daşınıb. Türkmənistan Respublikasından muxtar respublikaya 69 vaqon, 4400,6 ton gübrə gətirilib. Naxçıvan-Məşhəd-Naxçıvan beynəlxalq sərnişin qatarı vasitəsilə 1936 nəfər sərnişinin gediş-gəlişi təmin olunub.
Qeyd edilib ki, qatarların hərəkətinin təhlükəsizliyinin təmin edilməsi və hərəkət sürətinin yüksəldilməsi məqsədilə mədaxil olunmuş təzə ağac şpallardan 1052 ədədi dəyişdirilib. Yol təsərrüfatında sağlamlaşdırma işlərinin aparılması məqsədilə 89 yararsız ağac şpal dəmir-beton şpalla əvəz olunub. Daşımaların səmərəli təşkili məqsədilə Ordubad stansiyasının 2-ci və Şərur stansiyasının 3-cü qəbul-göndərmə, eləcə də yükləmə-boşaltma yollarında aparılan əsaslı təmir işləri başa çatdırılıb. Naxçıvan Yanacaq Anbarına məxsus dalan yolda və Naxçıvan stansiyasının 11-ci yolunda aparılan təmir işləri də yekunlaşıb.

Naxçıvan Muxtar Respublikasında miqrasiya proseslərinə dövlət nəzarətinin gücləndirilməsi, o cümlədən qanunsuz miqrasiyanın qarşısının alınması məqsədilə Dövlət Miqrasiya Xidməti tərəfindən həyata keçirilən tədbirlər ötən ay ərzində də davam etdirilib.
Dekabr ayı ərzində xidmət tərəfindən muxtar respublikada olma və yaşama qaydalarına əməl etmədən mövcud qanunvericiliyin tələblərini pozmuş 17 əcnəbi aşkarlanıb. Onlardan 14-ü barəsində Azərbaycan Respublikası ərazisini 48 saat ərzində tərketmə, 3-ü barəsində inzibati qaydada ölkə hüdudlarından kənara çıxarılma qərarı qəbul edilib.

Məlum olduğu kimi, İslam Əməkdaşlıq Təşkilatına üzv dövlətlərin mədəniyyət nazirlərinin 2009-cu ilin oktyabrında Bakı şəhərində keçirilmiş altıncı konfransında qəbul edilmiş qərarla Naxçıvan şəhəri 2018-ci il üçün İslam mədəniyyətinin paytaxtı elan olunub.
Azərbaycan Respublikasının Prezidenti cənab İlham Əliyevin 2016-cı il iyunun 2-də imzaladığı Sərəncama əsasən Naxçıvan şəhərinin 2018-ci il üçün İslam mədəniyyətinin paytaxtı elan edilməsi ilə əlaqədar yaradılan Təşkilat Komitəsinin həmin il noyabrın 25-də keçirilən ilk iclasında hazırlıqla bağlı görüləcək işlərin istiqaməti müəyyənləşdirilib, Tədbirlər Planının layihəsi müzakirə olunub.
Tədbirlər Planında poçt markası və zərfin buraxılması da nəzərdə tutulub. Artıq Naxçıvan Muxtar Respublikası Rabitə və Yeni Texnologiyalar Nazirliyinin sifarişi ilə “Azərmarka” Məhdud Məsuliyyətli Cəmiyyəti tərəfindən hazırlanmış 100 min marka və 100 min zərf muxtar respublikaya gətirilib və yanvar ayının 8-dən etibarən tədavülə buraxılıb. Ölkədaxili və beynəlxalq poçt göndərişlərində istifadə olunması nəzərdə tutulan standartölçülü poçt markasının üzərində “Naxçıvan İslam Mədəniyyətinin Paytaxtı – 2018” loqosunun rəsmi həkk olunmuşdur. Markanın dəyəri 50 qəpikdir. Üzərində “Naxçıvan İslam Mədəniyyətinin Paytaxtı – 2018” logosunun təsviri olan poçt zərfinin isə ölçüləri 220 x 112 millimetrdir.
Bundan əlavə, içərisində 12 ədəd marka və 1 ədəd birinci gün zərfi olan və üzərində Haçadağın “Naxçıvan İslam Mədəniyyətinin Paytaxtı – 2018” loqotipinin və “Gülüstan” türbəsinin əks olunduğu 100 ədəd hədiyyə bukleti hazırlanıb.

Naxçıvan Muxtar Respublikası
Rabitə və Yeni Texnologiyalar Nazirliyinin mətbuat xidməti

Ötən ilin son ayının nəticələri bunu bir daha təsdiq edir

Naxçıvan şəhərinin İslam mədəniyyəti paytaxtı statusu daşıdığı bu il ölkəmiz və muxtar respublikamız üçün əlamətdar hadisələrlə yadda qalacaqdır. Respublikamızda “İslam Həmrəyliyi ili” elan edilən 2017-ci ilin geridə qalması ilə birlikdə müstəqil dövlətimiz Naxçıvanın timsalında bu missiyanı uğurla davam etdirərək həmrəyliyin formalaşmasında mühüm rol oynayan İslam mədəniyyətinin qlobal arenada təmsilçisi və təbliğatçısı kimi çıxış edəcəkdir. Sürətlə inkişaf edən, qədimliyi və müasirliyi ilə diqqətləri cəlb edən, bir sıra məsələlərdə nümunəviliyi ilə seçilən Naxçıvan mədəniyyətlər və dinlərarası dialoqun inkişafında ümumbəşəri dəyərlərin təbliği və gələcək nəsillərə ötürülməsində İslam mədəniyyətinin önəmini diqqətə çatdıracaq. Ötən il dekabrın 6-da “İslam Həmrəyliyi ili” çərçivəsində Naxçıvanda “Ümummilli lider Heydər Əliyev dini həmrəyliyin yaradıcısıdır” mövzusunda keçirilən konfransda dahi şəxsiyyətin bu sahədə göstərdiyi misilsiz xidmətlər barədə ətraflı söhbət açılmaqla bərabər, həm də yuxarıda qeyd etdiyimiz məqamlar vurğulanıb.

Naxçıvan şəhərindəki Heydər Əliyev Muzeyini ötən il ərzində ziyarət edənlərin sayı 13 min 165 nəfərə çatıb. Onlardan 2928-i xarici ölkə vətəndaşlarıdır.
2017-ci ildə muxtar respublikada fəaliyyət göstərən mərkəzi və yerli icra hakimiyyəti orqanlarının, eləcə də digər təşkilat və qurumların əməkdaşlarının muzeylərə ekskursiyaları davam etdirilib. Ötən il Heydər Əliyev Muzeyinə 1733 ekskursiya təşkil olunub.
Bəhs olunan dövrdə muxtar respublikada fəaliyyət göstərən ali və orta ixtisas təhsili məktəbləri tələbələrinin, həmçinin orta məktəb şagirdlərinin iştirakı ilə muzeydə 85 açıq, 4 interaktiv dərs təşkil olunub, 5 tədbir keçirilib.
Heydər Əliyev Muzeyi naxçıvanlılarla yanaşı, muxtar respublikaya ölkəmizin digər regionlarından və xarici dövlətlərdən gələn qonaqların ən çox üz tutduqları ünvandır. Muzey görkəmli dövlət xadiminin həyat və siyasi fəaliyyətini əks etdirən eksponatlarla zəngindir. Hazırda eksponatların sayı 4678-ə çatıb. Onlardan 49-u 2017-ci ildə muzeyə verilib.
Azərbaycanın müasir dövlətçilik tarixi və ümummilli liderin siyasi irsi ilə maraqlananlar dəyərli məlumatlar əldə etmək üçün bu mədəniyyət müəssisəsinin kitabxana fondundan da səmərəli istifadə edə bilirlər. Muzeyin kitabxanasında 615 adda 1255 kitab var.

Xəbərlər şöbəsi

Bu günlərdə rusiyalı tarixçi, tanınmış qafqazşünas alim Oleq Kuznetsov Naxçıvanda olub. Maraqlı elmi araşdırmaları olan alim, həm də Azərbaycan həqiqətlərini dünyaya olduğu kimi çatdıran tarixçilərdəndir. Onunla müsahibəni “Şərq qapısı” qəzetinin oxucularına təqdim edirik:

– Oleq Yuryeviç, sizi yenidən Naxçıvanda görmək xoşdur. Budəfəki gəlişinizin məqsədini bilmək maraqlı olardı.
– Çox sağ olun. Budəfəki səfərimin məqsədi fərdi xarakter daşıyır. Gördüyünüz kimi, Duzdağa müalicə üçün gəlmişəm. Bu mərkəzi seçməyimi mənə yaxın dostlarım məsləhət bilmişdi. Buradakı şəraitdən, göstərilən xidmətdən çox razıyam və gündən-günə müalicənin müsbət təsirini də hiss edirəm. Digər tərəfdən Azərbaycanda, Naxçıvanda məni yaxından tanıyanlar çoxdur. Elə bunun nəticəsidir ki, bu günlərdə AMEA Naxçıvan Bölməsində, Naxçıvan Dövlət Televiziyasında olduq. Biz sözlə, Naxçıvanda olmaq hər zaman mənim üçün xoşdur.
– Sizin Naxçıvanın tarixinə maraq göstərdiyiniz haqqında məlumatım var. Hətta elmi fəaliyyətinizdən də bunu görmək mümkündür. Bu qədim diyara marağınız haradan başlayır?

Bu günlərdə rusiyalı tarixçi, tanınmış qafqazşünas alim Oleq Kuznetsov Naxçıvanda olub. Maraqlı elmi araşdırmaları olan alim, həm də Azərbaycan həqiqətlərini dünyaya olduğu kimi çatdıran tarixçilərdəndir. Onunla müsahibəni “Şərq qapısı” qəzetinin oxucularına təqdim edirik:

– Oleq Yuryeviç, sizi yenidən Naxçıvanda görmək xoşdur. Budəfəki gəlişinizin məqsədini bilmək maraqlı olardı.
– Çox sağ olun. Budəfəki səfərimin məqsədi fərdi xarakter daşıyır. Gördüyünüz kimi, Duzdağa müalicə üçün gəlmişəm. Bu mərkəzi seçməyimi mənə yaxın dostlarım məsləhət bilmişdi. Buradakı şəraitdən, göstərilən xidmətdən çox razıyam və gündən-günə müalicənin müsbət təsirini də hiss edirəm. Digər tərəfdən Azərbaycanda, Naxçıvanda məni yaxından tanıyanlar çoxdur. Elə bunun nəticəsidir ki, bu günlərdə AMEA Naxçıvan Bölməsində, Naxçıvan Dövlət Televiziyasında olduq. Biz sözlə, Naxçıvanda olmaq hər zaman mənim üçün xoşdur.
– Sizin Naxçıvanın tarixinə maraq göstərdiyiniz haqqında məlumatım var. Hətta elmi fəaliyyətinizdən də bunu görmək mümkündür. Bu qədim diyara marağınız haradan başlayır?

Şərur rayonu

Naxçıvan Muxtar Respublikası Ali Məclisi Sədrinin qətiyyətlə və ardıcıllıqla apardığı böyük quruculuq siyasəti Şərur rayonunun da simasını günü-gündən dəyişir, hər il onlarla yeni obyektlər tikilir, yaxud əsaslı şəkildə yenidən qurulur, yollar çəkilir, körpülər salınır, yaşayış məntəqələri abadlaşdırılır, meliorativ tədbirlər həyata keçirilir.
Təkcə bir faktı qeyd edək ki, 2017-ci ilin on bir ayında rayonda iqtisadiyyatın və sosial sahələrin inkişafı üçün bütün maliyyə mənbələrindən əsas kapitala 73 milyon 658,9 min manat investisiya yönəldilib. Bunun da əsas hissəsi – 69 milyon 727,4 min manatı tikinti-quraşdırma işlərində istifadə olunub. Arpaçay, Çəmənli, Qarahəsənli, Ələkli və Arbatan kəndlərində yeni sosial obyektlər, Şərur şəhərində üçmərtəbəli tam orta məktəb binası istifadəyə verilib, adıçəkilən yaşayış məntəqələrində bütün infrastrukturlar təzələnib, rayon mərkəzində bir beşmərtəbəli ictimai yaşayış binası əsaslı şəkildə yenidən qurulub, içməli su və kanalizasiya xətlərinin çəkilişi başa çatıb. Ərəbyengicə kəndində aparılan quruculuq tədbirləri isə yekunlaşmaq üzrədir.
Aqrar sahənin inkişafı da diqqət mərkəzində saxlanılıb, on bir ayda kənd və balıqçılıq təsərrüfatlarında istehsal olunmuş məhsulun həcmi 124 milyon 170,2 min manat təşkil edib. Bu da ötən ilin eyni dövrü ilə müqayisədə 4,8 faiz çoxdur.
Sakinlər yaşıllaşdırma tədbirlərində fəal iştirak edib, yaz və payız iməcilikləri zamanı müxtəlif ərazilərdə on minlərlə meyvə tingi, meşə ağacı və gül kolu əkilib, əvvəlki illərdə salınmış bağlarda və yaşıllıq zolaqlarında becərmə və bərpa işləri aparılıb.

Naxçıvan Muxtar Respublikasının İnsan Hüquqları üzrə Müvəkkili (Ombudsman) muxtar respublikada vətəndaşların hüquq və azadlıqlarının müdafiəsinə yönəlmiş tədbirləri 2017-ci ildə də davam etdirmişdir.
2017-ci ildə Müvəkkilin ünvanına yazılı, şifahi və elektron formada 85 müraciət daxil olmuşdur. Daxil olan müraciətlərin 25-ni şikayətlər, 60-nı isə ərizələr təşkil etmişdir.
Qanunun tələblərinə müvafiq olaraq şikayətlərin Müvəkkilin səlahiyyətlərinə aid olmaması, ərizəçinin hüquqlarının pozulduğu gündən 1 il müddətin ötməsi, şikayətlə bağlı məhkəmə icraatının aparılması, təkrar təqdim edilmiş şikayətdə yeni məlumat, fakt və sübutların olmaması səbəbindən 4 şikayətə baxılmasından imtina edilmişdir. 21 müraciət baxılmaq üçün icraata qəbul edilmiş, onlardan 5-i təmin edilmişdir. 16 şikayətə baxılması zamanı isə hüquq pozuntusu aşkar edilməmişdir. Daxil olan müraciətlərin araşdırılması ilə əlaqədar muxtar respublikanın dövlət və yerli özünüidarəetmə orqanlarına müvafiq sorğular ünvanlanmış, ərizəçilərə hüquqları izah edilmişdir.
Müraciətlərə qanunla müəyyən edilmiş müddətlərdə baxılmış və daxil olan müraciətlər cavablandırılmışdır.

Ümummilli lider Heydər Əliyevin ordu quruculuğu sahəsində həyata keçirdiyi tədbirlər bu gün Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyev tərəfindən uğurla davam etdirilir. Ordu quruculuğu sahəsində görülən işlər Naxçıvan Muxtar Respublikasında da hərbi hissələrin maddi-texniki təminatının möhkəmləndirilməsinə və şəxsi heyətin döyüş hazırlığının artırılmasına səbəb olmuşdur.
Dövlət başçısının “Azərbaycan Respublikası Müdafiə Nazirliyi haqqında Əsasnamənin təsdiq edilməsi barədə” 2013-cü il 18 dekabr tarixli Fərmanına əsasən 5-ci Ordu Korpusunun əsasında Əlahiddə Ümumqoşun Ordunun yaradılması Naxçıvanın müdafiə potensialının, hərbi hissələrin döyüş hazırlığının daha da yüksəlməsinə əsaslı zəmin yaratmışdır. Ölkə Prezidenti bu barədə demişdir: “Ordu quruculuğu sahəsində aparılan islahatlar, Naxçıvanda Əlahiddə Ordunun yaradılması, bu ordunun ən müasir silah-sursat, texnika ilə təchiz edilməsi bizim dövlət siyasətimizdir. Naxçıvanın hərbi potensialı böyük dərəcədə möhkəmlənmişdir. Naxçıvan ordusu bu gün güclü ordudur. Naxçıvan ordusunun hərbi texnika ilə təminatı ən yüksək səviyyədə təşkil edilir. Bu da təbiidir, çünki Naxçıvan strateji yerdə yerləşir. Naxçıvan blokada şəraitində yaşayır və belə olan halda Naxçıvanın döyüş potensialı ən yüksək səviyyədə olmalıdır”.

Naxçıvan Muxtar Respublikası Ali Məclisi Sədrinin 2005-ci il 30 dekabr tarixli Fərmanına əsasən Naxçıvan Muxtar Respublikasının Fövqəladə Hallar Nazirliyi yaradılmışdır.

Nazirliyin maddi-texniki bazası ötən dövrdə əhəmiyyətli dərəcədə möhkəmləndirilmiş, qarşıya qoyulmuş vəzifələri peşəkarlıqla yerinə yetirən şəxsi heyət formalaşmışdır. Bu gün muxtar respublikada mülki müdafiə, əhalinin və ərazilərin fövqəladə hallardan qorunması, yanğın təhlükəsizliyinin, su hövzələrində və tikintidə insanların təhlükəsizliyinin, eləcə də sənayedə texniki təhlükəsizliyin təmin olunması sahələrində məqsədyönlü tədbirlər həyata keçirilir. Nazirliyin əməkdaş­ları fövqəladə halların qarşısının alınması və nəticələrinin aradan qaldırılmasında fədakarlıq nümayiş etdirirlər.
Muxtar respublikada aparılan quruculuq işləri Fövqəladə Hallar Nazirliyini də əhatə etmiş, nazirliyin müvafiq qurumları üçün müasir iş və xidmət şəraiti yaradılmışdır. 2012-ci ildə Azərbaycan Respublikasının Prezidenti cənab İlham Əliyevin iştirakı ilə nazirliyin inzibati binasının açılışı olmuşdur. Bundan başqa, 2007-ci ildə Dövlət Yanğın Təhlükəsizliyi İdarəsi və Naxçıvan Şəhər Dövlət Yanğın Təhlükəsizliyi Şöbəsinin inzibati binası və texniki qarajları yenidən qurularaq istifadəyə verilmiş, 2009-cu ildə Kəngərli, Şahbuz, Ordubad rayon şöbələrinin, 2013-cü ildə Şərur və Babək rayon şöbələrinin, 2014-cü ildə isə Sədərək rayon şöbəsinin inzibati binaları və texniki qarajları tikilərək istifadəyə verilmişdir. Ötən dövrdə mülki müdafiə alayının maddi-tədris bazasının təkmilləşdirilməsi də diqqət mərkəzində saxlanılmış, bu məqsədlə təlim mərkəzi istifadəyə verilmişdir. Həyata keçirilən quruculuq tədbirləri çərçivəsində şəxsi heyətin yaşayış və mənzil şəraitinin yaxşılaşdırılması da diqqət mərkəzində saxlanılmış, ölkə Prezidentinin iştirakı ilə Naxçıvan şəhərində zabit-gizir ailələri üçün 48 mənzilli yaşayış binası istifadəyə verilmişdir. Həmçinin bu günə kimi mülki müdafiə alayına, Dövlət Yanğın Təhlükəsizliyi İdarəsi və onun yerli qurumlarına müxtəlif təyinatlı yanğınsöndürmə avtomobilləri və nəqliyyat vasitələri alınmışdır. 2010-cu ildə isə xidmətə vertolyot verilmiş, mülki müdafiə alayında və Batabat qoruğu ərazisində uçuş-enmə meydançaları hazırlanmışdır.

Hər il dekabr ayının 31-nin Dünya Azərbaycanlılarının Həmrəylik Günü kimi qeyd olunması ümummilli liderimiz Heydər Əliyevin xalqımızın tarixi taleyi ilə bağlı qəbul etdiyi mühüm qərarlardan biridir.
1990-1993-cü illərdə Naxçıvandan başlanan Heydər Əliyev xilaskar­lıq missiyasının əsas qayəsini məhz xalqımızın vahid ideologiya ətrafında birləşməsi təşkil edirdi. 1991-ci il dekabrın 16-da ümummilli liderimizin rəhbərliyi ilə keçirilən Naxçıvan Muxtar Respublikası Ali Məclisinin sessiyasında “31 Dekabr Dünya Azərbaycan Türklərinin Həmrəylik və Birlik Günü haqqında” Qərar qəbul olunmuşdur. Həmin sessiyadakı çıxışında ümummilli liderimiz qərarın tarixi-siyasi əhəmiyyətini vurğulayaraq demişdir: “Dünya Azərbaycan Türklərinin Milli Həmrəylik və Birlik Günü haqqında məsələnin Naxçıvan Muxtar Respublikası Ali Məclisi sessiyasında müzakirə olunması, böyük siyasi əhəmiyyətli qərar qəbul edilməsi Azərbaycan türklərinin uzun illər ayrılıqdan sonra birləşməsi yolunda ilk addımdır. Biz böyük qürur hissi ilə qeyd edə bilərik ki, bu, məhz Naxçıvanda, qədim türk diyarında irəli sürülmüşdür”.
Qərara əsasən 1991-ci ilin son günü – 31 dekabrda həmrəylik bayramı ilk dəfə muxtar respublikada qeyd edilmişdir. Dünya azərbaycanlılarının birlik və həmrəyliyi istiqamətində atılmış ilk addım olan bu bayram xalqımızın vahid ideologiya ətrafında birləşməsində mühüm rol oynamışdır.

İclasda 2017-ci ilin ötən dövrü ərzində görülən işlər və qarşıda duran vəzifələr barədə Yeni Azərbaycan Partiyası Babək Rayon Təşkilatının sədri, Naxçıvan Muxtar Respublikası Ali Məclisinin deputatı İsa Məmmədov hesabat məruzəsi ilə çıxış edib.
Bildirilib ki, Babək Rayon Təşkilatı öz fəaliyyətini Yeni Azərbaycan Partiyasının 2013-cü ilin iyununda keçirilən V Qurultayı, partiyanın Naxçıvan Muxtar Respublika Təşkilatının 2014-cü ilin noyabrında keçirilən V Konfransı və Muxtar Respublika Təşkilatı Siyasi Şurasının 2017-ci il martın 16-da keçirilən iclasında qarşıya qoyulan vəzifələrin ardıcıl icrası istiqamətində qurub, ölkəmizin, doğma diyarımızın və Yeni Azərbaycan Partiyasının ümumi inkişaf tempinə uyğun fəaliyyət göstərib. 2017-ci il üçün iş planında nəzərdə tutulan tədbirlərin vaxtlı-vaxtında və yüksək səviyyədə həyata keçirilməsi, ilk təşkilatlarla işin gücləndirilməsi, siyasi-ideoloji işdə və partiyaya yeni üzvlərin cəlb edilməsi məsələsində keyfiyyət amili təşkilat üçün prioritet təşkil edib.
Qeyd olunub ki, bütövlükdə, il ərzində bütün tarixi və mədəni hadisələr qeyd edilib, iş planına uyğun olaraq 11 İdarə Heyəti, 3 şura, 6 dəfə isə partiya fəallarının ümumi yığıncağı keçirilib. Partiya sıralarına qəbul zamanı keyfiyyətə ciddi nəzarət olunub, qadınların və gənclərin qəbuluna üstünlük verilib. 2017-ci ildə partiya sıralarına 111 nəfər üzvlüyə qəbul olunub. Onlardan 85-i gənc, 53-ü isə qadındır.
Sonra məruzə ətrafında çıxışlar olub. Yeni Azərbaycan Partiyası Babək Rayon Təşkilatı Qadınlar Şurasının sədri Turan Məmmədlinin, təşkilatın Gənclər Birliyinin sədri, şura üzvü Elnur Abbasovun və başqalarının çıxışları dinlənilib.

Muxtar RZAZADƏ

Naxçıvan Muxtar Respublikasının Nazirlər Kabineti 2017-ci ilin dekabr ayında bir sıra qərarlar qəbul etmişdir.
Belə ki, Nazirlər Kabinetinin ­2017-ci il 1 dekabr tarixli qərarı ilə “Elektron xidmət növlərinin Siyahısı”nda, 7 dekabr tarixli qərarları ilə “Dövlət mülkiyyətinə keçirilmiş malların və nəqliyyat vasitələrinin gömrük hərraclarında satılması Qaydaları”nda və “Gömrük ödənişlərinin qaytarılması Qaydaları”nda, 11 dekabr tarixli qərarı ilə “Mədəni sərvətlərin idxalı, ixracı və Naxçıvan Muxtar Respublikasından tranzitlə keçirilməsi Qaydası”nda və 15 dekabr tarixli qərarı ilə “Naxçıvan Muxtar Respublikasında elmi ekspedisiyaların təşkili və aparılması Qaydaları”nda və 21 dekabr tarixli qərarı ilə “Elektron xidmət növlərinin Siyahısı”nda dəyişikliklər edilmişdir.

Naxçıvan şəhərindəki “Duzdağ” otelində 31 dekabr – Dünya Azərbaycanlılarının Həmrəylik Günü və Yeni il bayramı münasibətilə muxtar respublikanın ictimai həyatında və yaradıcılıq sahəsində fərqlənən istedadlı yeniyetmə və gənclərin mükafatlandırılma ­mərasimi olub.

Naxçıvan Muxtar Respublikası Ali Məclisinin Sədri yanında Gənc­lər Fondunun, Gənclər və İdman Nazirliyinin və Yeni Azərbaycan Partiyası Naxçıvan Muxtar Respublika Təşkilatının Heydər Əliyev adına Gənclər Birliyinin təşkilatçılığı ilə keçirilən tədbirdə aparıcılar muxtar respublika əhalisinin 30 faizdən çox hissəsinin gənclər olduğunu vurğulayıblar. Qeyd edilib ki, bu gün qədim diyarda aparılan siyasət nəticəsində gənclərin dövlət idarəetmə orqanlarına, o cümlədən cəmiyyətin bütün aparıcı sahələrinə inteqrasiyası diqqət ­mərkəzindədir.
Naxçıvan Muxtar Respublikasının gənclər və idman naziri, Yeni Azərbaycan Partiyası Naxçıvan Muxtar Respublika Təşkilatının Heydər Əliyev adına Gənclər Birliyinin sədri Azad Cabbarov çıxışında bu il muxtar respublikamızda idman və gənclərlə iş sahələrində həyata keçirilən tədbirlərdən danışıb, əldə olunan nailiyyətlərdən bəhs edib.
“Təsadüfi deyil ki, ilin son günü biz, eyni zamanda dünya azərbaycanlılarının həmrəylik bayramını da qeyd edirik. Ümummilli liderimiz Heydər Əliyevin şəxsi təşəbbüsü ilə qeyd olunan bu tarix dünya azərbaycanlılarını vahid Vətəninin –Azərbaycan Respublikasının ictimai-siyasi həyatında, qazanılan uğur və nailiyyətlərdə, haqq mübarizəsində bir olmasına, həmrəyliyinə yönəlmiş çağırış bayramıdır. Bu səbəbdən bu tarixi bayram ildən-ilə sərhədlərini daha da genişləndirərək, bütün dünya azərbaycanlıları tərəfindən dərin rəğbətlə qeyd olunur”, – deyən gənclər və idman naziri tədbir iştirakçılarını 31 dekabr – Dünya Azərbaycanlılarının Həmrəylik Günü və Yeni il bayramı münasibətilə təbrik edib, gələcək fəaliyyətlərində onlara uğurlar arzulayıb.

Naxçıvan Muxtar Respublikası Dövlət Baytarlıq Xidmətində Dünya Azərbaycanlılarının Həmrəylik Günü münasibətilə “Ulu öndər Heydər Əliyev milli həmrəyliyimizin banisidir” mövzusunda tədbir keçirilib. Tədbiri giriş sözü ilə Dövlət Baytarlıq Xidmətinin rəisi Əbil Əbilov açıb.
Mövzu ilə bağlı AMEA Naxçıvan Bölməsi Tarix, Etnoqrafiya və Arxeologiya İnstitutunun Etno­qrafiya şöbəsinin müdiri, tarix üzrə fəlsəfə doktoru, dosent Asəf Orucovun, Heydər Əliyev Muzeyinin direktoru Ramil Orucəliyevin məruzələri dinlənilib.
Məruzələrdə bildirilib ki, xaricdə yaşayan soydaşlarımızın təşkilatlanması, dünyanın müxtəlif ölkələrində Azərbaycan diasporlarının fəaliyyətə başlaması ulu öndər ­Heydər Əliyevin müəyyənləşdirdiyi siyasətin bəhrəsidir. Belə ki, 1991-ci il dekabrın 16-da ümummilli liderin təşəbbüsü ilə Naxçıvan Muxtar Respublikasının Ali Məclisi dekabrın 31-ni Dünya Azərbaycanlılarının Həmrəylik Günü elan edib.
Vurğulanıb ki, 1993-cü ildən başlayaraq dünyanın ayrı-ayrı ölkə­lərində Azərbaycan diasporunun formalaşdırılmasına nail olunub. Ulu öndərimizin xaricdə yaşayan soydaşlarımızla görüşləri zamanı verdiyi dəyərli məsləhətlər Azərbaycan diasporunun fəaliyyətinin canlanmasına və vahid məqsəd naminə birləşməsinə stimul verib.

Culfa Rayon İcra Hakimiyyəti, rayon Gənclər və İdman İdarəsi, Yeni Azərbaycan Partiyası Culfa Rayon Təşkilatı ­Gənclər Birliyinin təşkilatçılığı ilə 31 dekabr – Dünya Azərbaycanlılarının Həmrəylik Günü və Yeni il bayramı münasibətilə rayonun ictimai həyatında, yaradıcılıq sahəsində fərqlənən istedadlı yeniyetmə və gənclərin mükafatlandırılması mərasimi keçirilib.
Tədbirdə çıxış edən rayon İcra Hakimiyyəti başçısının müavini Kəmalə Səfərova, rayon Gənclər və İdman İdarəsinin rəisi Ümüd Həsənli və Yeni Azərbaycan Partiyası Culfa Rayon Təşkilatı Gənclər Birliyinin sədri Təbriz Hüseynzadə çıxış edərək yeniyetmə və gənc­lərə göstərilən dövlət qayğısından, rayonun ictimai həyatında və yaradıcılıq sahəsində, aparılan məqsədyönlü tədbirlərdə gənclərimizin fəaliyyətlərindən danışıblar.

İclasda 2017-ci ilin ötən dövrü ərzində görülmüş işlər və qarşıda duran vəzifələr barədə təşkilatın sədri, Naxçıvan Muxtar Respublikası Ali Məclisinin deputatı Elman Cəfərli məruzə edib.
Bildirilib ki, bu il 25-ci yubiley ildönümü yüksək səviyyədə qeyd edilən Yeni Azərbaycan Partiyası bütün fəaliyyəti boyu özünün qurucusu, ­ümummilli lider Heydər Əliyevin müstəqil dövlətçilik ideyalarına sadiq qalıb, bu ideyaların həyata keçirilməsini başlıca amalı hesab edib. 1992­-ci­ il noyabrın 21-də Naxçıvan şəhərində ulu öndər Heydər Əliyev tərəfindən yaradılan partiya Azərbaycan dövlətini, o cümlədən onun ayrılmaz tərkib hissəsi olan Naxçıvan Muxtar Respublikasını müasir dövrün tələblərinə uyğun şəkildə sürətlə inkişaf etdirərək öz fəaliyyəti ilə xalq arasında nüfuzunu daha da artırıb, ümumxalq, ümumdövlət partiyası kimi müstəqillik tarixinə öz adını yazdırıb. Ötən illər ərzində yenidən qurulan Naxçıvan şəhərinin malik olduğu qədim milli və mənəvi dəyərlərlə səciyyələnən, həm də müasir inkişaf nümunəsi olan simasının yürüdülən quruculuq prosesinin ən gözəl nümunələrindən biri kimi hamılıqla qəbul olunması hər birimizdə qürur hissi doğurur. Muxtar respublika paytaxtının 2018-ci il üçün İslam mədəniyyətinin paytaxtı elan edilməsi şəhərimizin beynəlxalq tədbirlərin keçirildiyi məkan kimi nüfuzunu daha da artırır.

Dekabrın 26-da Naxçıvan Muxtar Respublikası Ağsaqqallar Şurasının konfransı keçirilib. Konfransa Naxçıvan Muxtar Respublikası Ağsaqqallar Şurasının Nəzarət-Təftiş Komissiyasının sədri Sultan İsmayılov sədrlik edib. Konfransın gündəliyi təsdiq edildikdən sonra Əbülfəz Əsgərovun hesabat məruzəsi dinlənilib.
Qeyd olunub ki, Naxçıvan Muхtаr Rеspublikаsı Аli ­Məclisi Sədrinin diqqət və qayğısı sаyəsində bütün sаhələrdə yüksək nаiliyyətlər qаzаnılıb. Qаzаnılan nаiliyyətlər muхtаr rеspublikаdа аğsаqqаllаrın, аhıl vətəndаşlаrın sоsiаl vəziyyətinin əhəmiyyətli dərəcədə yахşılаşmаsınа səbəb оlub. Muхtаr rеspublikаdа аğsаqqаllаr, аhıl vətəndаşlаr hər cür dövlət qаyğısı ilə əhаtə оlunublar.
Vurğulanıb ki, Naxçıvan Muxtar Respublikası Ağsaqqallar Şurası muxtar respublikada sosial-iqtisadi sahələrdə həyata keçirilən dövlət siyasətini təbliğ edən, ahıl vətəndaşların muxtar respublikanın ictimai-siyasi həyatında fəal iştirakına çalışan ictimai təşkilatdır. Şura hesabat dövründə fəaliyyətini bu istiqamətdə qurmuş, muxtar respublikada aparılan quruculuq işlərinin, əldə olunan inkişafın əsas təbliğatçısı olmuş, milli və mənəvi dəyərlərimizin qorunması, gənc nəslin vətənpərvərlik ruhunda tərbiyə olunması istiqamətində tədbirlər keçirmişdir.

Naxçıvan Şəhər Təsərrüfathesablı Nəqliyyat İdarəsində keçirilən seminar-müşavirədə ­2017-ci ilin yekunları və qarşıda duran vəzifələr müzakirə olunub.
Tədbirdə çıxış edən Naxçıvan Muxtar Respublikası Nəqliyyat Nazirliyinin Nəqliyyatda əlaqələndirmə və lisenziyalaşdırma şöbəsinin müdiri Yasin Əliyev bildirib ki, bu gün nəqliyyat sahəsinin inkişafı diqqətdə saxlanılır. Sərnişindaşıma fəaliyyəti göstərən avtonəqliyyat vasitələrinin saz vəziyyətdə saxlanılması üçün sahibkarlarla maarifləndirmə işi aparılır, ucqar dağ və sərhəd kəndlərində işləyən marşrut avtobuslarının fəaliyyətinə ciddi nəzarət olunur.
“Şəhərdaxili nəqliyyatda qış mövsümünün qüsursuz başa vurulması yolları” mövzusunda çıxış edən Naxçıvan Şəhər Təsərrüfathesablı Nəqliyyat İdarəsinin rəis əvəzi İlkin Məmmədov vurğulayıb ki, 2017-ci ilin iyul ayında idarəyə 5 ədəd minik avtomobili alınıb, avqust ayından etibarən isə sərnişindaşıma nəqliyyat xidmətinə cəlb edilib. Qış mövsümü ərzində soyuq hava şəraiti nəzərə alınaraq avtobusların daxili qızdırıcı sistemləri təmir olunub. Sərnişindaşıma xidmətinin keyfiyyətinin yüksəldilməsi üçün nəqliyyat vasitələrinin texniki cəhətdən saz vəziyyətdə olması bu gün də diqqətdə saxlanılır.

Yeni Azərbaycan Partiyası Şərur Rayon Təşkilatının Sərxanlı kəndində keçirdiyi tədbirdə məruzə ilə çıxış edən təşkilatın sədri, Naxçıvan Muxtar Respublikası Ali ­Məclisinin deputatı Əmir Babayev bildirib ki, xaricdə yaşayan soydaşlarımızın təşkilatlanması, dünyanın müxtəlif ölkələrində Azərbaycan dias­porlarının fəaliyyətə başlaması ulu öndər Heydər Əliyevin müəyyənləşdirdiyi siyasətin bəhrəsidir. Belə ki, 1991-ci il dekabrın 16-da ümummilli liderin təşəbbüsü ilə Naxçıvan Muxtar Respublikasının Ali Məclisi dekabrın 31-ni Dünya Azərbaycanlılarının Həmrəylik Günü elan edib.
Vurğulanıb ki, 1993-cü ildən başlayaraq dünyanın ayrı-ayrı ­ölkələrində Azərbaycan diasporunun formalaşdırılmasına nail olunub. Ulu ­öndərimizin xaricdə yaşayan soydaşlarımızla görüşləri zamanı verdiyi dəyərli məsləhətlər Azərbaycan diasporunun fəaliyyətinin canlanmasına və vahid məqsəd naminə birləşməsinə stimul verib.
Bildirilib ki, bu səylərin nəticəsi olaraq 9-10 noyabr 2001-ci il tarixdə Bakıda Dünya Azərbaycanlılarının I Qurultayı keçirilib. Qurultayda dahi şəxsiyyət Heydər Əliyev çox böyük tarixi əhəmiyyət kəsb edən geniş nitq söyləyib. Ulu öndər xaricdə yaşayan azərbaycanlılara tövsiyə edərək deyirdi ki, dünyada yaşayan bütün azərbaycanlılar Azərbaycançılıq ideologiyası, müstəqil Azərbaycan dövlətinin üçrəngli bayrağı ətrafında sıx birləşməli, bu ideologiyaya öz əməli fəaliyyətləri ilə töhfə verməlidirlər.

Bu gün Babək rayonunun Gərməçataq kəndində yaradılan infrastruktur təkcə həmin yaşayış məntəqəsinin  deyil, hər bir muxtar respublika sakininin  qəlbini fərəh hissi ilə doldurur. Çünki illər öncə ov tüfəngi ilə bu yurdun müdafiəsinə qalxan gərməçataqlılarla yanaşı, regionun da yaxın-uzaq bölgələrindən gələn eloğlularımız Gərməçatağın erməni işğalına imkan vermədilər. Bəlkə də, o zaman heç kim xəyalına belə, gətirməzdi ki, top-tüfəng səsindən lərzəyə gələn bu Vətən torpağında güllər, çiçəklər açacaq. Müstəqil  Azərbaycan dövlətinin gücü, qüdrəti hesabına kənd etibarlı müdafiə olunacaq,  müasirləşəcək.  Zaman bir daha sübut etdi ki, ötən əsrin 90-cı illərində muxtar respublikanı erməni təcavüzündən qoruyan dahi şəxsiyyət Heydər Əliyev siyasətinin alternativi yoxdur. Bu yol Gərməçatağa qədər uzandı, sakinlərə şad-xürrəm həyat bəxş etdi. Bir sözlə, ucqar dağ və sərhəd kəndinin bugünkü növrağını mətbuat səhifələrindən, televiziya və radiodan izləyən, dinləyən hər kəs sonsuz qürur hissi keçirir.  Beləcə, o illərdə kənd qorunub, bu gün isə yenidən qurulub.  

Yeni Azərbaycan Partiyası Naxçıvan Şəhər Təşkilatı Heydər Əliyev Muzeyində 31 Dekabr – Dünya Azərbaycanlılarının Həmrəylik Gününə həsr olunmuş elmi-praktik konfrans keçirib.
Partiyanın Naxçıvan Şəhər Təşkilatının sədri, Naxçıvan Muxtar Respublikası Ali Məclisinin deputatı Elman Cəfərli tədbiri giriş sözü ilə açaraq bildirib ki, 1990-1993-cü illərdə Naxçıvandan başlanan Heydər Əliyev xilaskarlıq missiyasının əsas qayəsini xalqımızın vahid ideologiya ətrafında birləşməsi təşkil edirdi. Məhz buna görə də 1991-ci il dekabrın 16-da ümummilli liderimizin rəhbərliyi ilə keçirilən Naxçıvan Muxtar Respublikası Ali Məclisinin sessiyasında “31 Dekabr – Dünya Azərbaycan Türklərinin Həmrəylik və Birlik Günü haqqında” Qərar qəbul olunub. Bu il həmin qərarın qəbul olunmasının 26-cı ildönümü tamam olur.
Vurğulanıb ki, ulu öndərimiz ­1993-cü ildə ikinci dəfə siyasi hakimiyyətə gəldikdən sonra Azərbaycançılığı nəinki dövlətçilik konsepsiyası, hətta bütün dünyada yaşayan azərbaycanlıların ümummilli ideologiyası səviyyəsinə yüksəldib.

Xəbər verdiyimiz kimi, dekabrın 15-17-də Yunanıstan Respublikasının Azərbaycandakı fövqəladə və səlahiyyətli səfiri Nikolaos Kanellos Naxçıvan Muxtar Respublikasında səfərdə olub.
Diplomat əvvəlcə müstəqil Azərbaycan dövlətinin qurucusu və memarı, görkəmli dövlət xadimi Heydər Əliyevin Naxçıvan şəhərinin baş meydanında əzəmətlə ucalan abidəsi önünə gül dəstəsi qoyub, Heydər Əliyev Muzeyini ziyarət edib.
Daha sonra səfir Naxçıvan Dövlət Universiteti və “Naxçıvan” Universitetində olub, muxtar respublikada ali təhsil strukturu, tədrisin səviyyəsi ilə maraqlanıb.
Naxçıvan Biznes Mərkəzi ilə tanışlıq zamanı səfirə məlumat verilib ki, hazırda burada muxtar respublikanın 96 istehsal və xidmət müəssisəsi tərəfindən istehsal olunan məhsullar nümayiş olunur.
Yunanıstan Respublikasının Azərbaycan Respublikasındakı fövqəladə və səlahiyyətli səfiri Dövlət Bayrağı Meydanı və Muzeyində, Bəhruz Kəngərli Muzeyində, muxtar respublikanın Rəssamlar Birliyində və digər mədəniyyət və istehsalat müəssisələrində olub.

Dövlət Bayrağı Muzeyində dövlət orqanlarında inzibati vəzifələrin dördüncü-yeddinci təsnifatına uyğun vakant dövlət qulluğu vəzifələrinin tutulması üçün bu il iyulun 12-də elan olunmuş müsabiqədə müvəffəqiyyət qazanan dövlət qulluqçularının təntənəli andiçmə mərasimi keçirilib. 

Tədbirdə Naxçıvan Muxtar Respublikası Ali Məclisinin Sədri yanında Dövlət Qulluğu Məsələləri üzrə Komissiyasının sədri İsmayıl Qəribli çıxış edərək bildirib ki, ölkəmizdə müasir dövlət qulluğu sisteminin formalaşması və inkişafı ümummilli liderimiz Heydər Əliyevin adı ilə bağlıdır. Ulu öndərin ikinci dəfə ali hakimiyyətə gəlişindən sonra ölkəmizdə ictimai-siyasi sabitlik bərqərar edilmiş, dövlət idarəçiliyinin yeni əsasları formalaşdırılmış və Azərbaycan davamlı inkişaf yoluna qədəm qoymuşdur. Dövlət idarəetmə sisteminin təkmilləşdirilməsi və demokratikləşdirilməsi prosesinə başlanılmış, dövlət qulluğu sahəsində daha geniş islahatlar həyata keçirilmiş, zəngin qanunvericilik bazası yaradılmışdır. Görkəmli dövlət xadiminin təşəbbüsü və müəllifliyi ilə hazırlanan ilk müstəqil Azərbaycanın Konstitusiyası müasir dövlət idarəçiliyinin və dövlət qulluğu sisteminin yara­dılmasının hüquqi bazası rolunu oynamışdır.

Yeni Azərbaycan Partiyası Kəngərli Rayon Təşkilatı Yurdçu Kənd Mərkəzində Dünya Azərbaycanlılarının Həmrəylik Günü münasibətilə “Ulu öndər Heydər Əliyev və dünya azərbaycanlılarının həmrəyliyi” mövzusunda elmi-praktik konfrans keçirib. 

Tədbirdə təşkilatın sədri, Naxçıvan Muxtar Respublikası Ali Məclisinin deputatı Sevda Quliyeva mövzu ilə bağlı çıxış edərək bildirib ki, ümummilli liderimiz Heydər Əliyev Naxçıvan Muxtar Respublikası Ali ­Məclisinin Sədri vəzifəsində işləyərkən, 1991-ci il dekabrın 16-da imzaladığı Fərmanla 31 dekabrı Dünya Azərbaycanlılarının Həmrəylik və Milli Birlik Günü elan etmişdi. Həmin il həmrəylik bayramı ilk dəfə muxtar respublikada kütləvi tədbirlərlə qeyd edilib.
Vurğulanıb ki, ümummilli lider Heydər Əliyev 1993-cü ildə xalqın təkidli tələbi ilə ölkəmizdə yenidən siyasi hakimiyyətə qayıtdıqdan sonra bütün sahələrdə olduğu kimi, milli birliyə nail olunması istiqamətində də ardıcıl tədbirlər həyata keçirilib, Azərbaycançılıq anlayışı milli ideologiyaya çevrilib, xaricdə yaşayan həmvətənlərimizin Azərbaycanla əlaqələri genişləndirilib, milli dia­spor təşkilatlarının yaradılmasına başlanılıb. Məhz bu böyük siyasətçinin uzaqgörənliyi və xalqla daha sıx birliyi sayəsində 1993-cü ildən etibarən dünyanın ayrı-ayrı ölkələrində Azərbaycan diasporunun formalaşdırılmasına diqqət artırılıb, Azərbaycan dövləti onlara hərtərəfli köməklik göstərir.

Hər il dekabrın 18-i bütün dünyada “Beynəlxalq Miqrant Günü” kimi qeyd olunur.
Miqrasiya və miqrantlar mövzusu müasir dünyada geniş müzakirələrə səbəb olan aktual məsələlərdəndir. Ölkəmiz müstəqillik əldə etdikdən sonra miqrasiya problemi dövlət siyasətinin və milli inkişafın strateji hədəflərindən birini təşkil edən ən mühüm sahəyə çevrilmişdir. Bu gün ölkəmizdə Beynəlxalq Miqrant Gününün qeyd olunması da dövlətin miqrasiya proseslərini tolerantlıq zəminində, milli və irqi ayrı-seçkilik olmadan tənzimlənməsində maraqlı olduğunu təzahür etdirir.
Son illər baş verən müxtəlif siyasi və iqtisadi proseslər miqrasiyanın, xüsusilə sosial-iqtisadi miqrasiyanın genişlənməsinə təsirsiz ötüşməmişdir. Hazırda mövcud miqrantların böyük əksəriyyətini əməkçi miqrantlar təşkil edir ki, bu da onlarla bağlı problemlərə xüsusi diqqət yetirilməsini və bununla bağlı bir çox məsələlərdə dövlətlər tərəfindən vahid yanaşmanın tətbiq olunmasını zəruri edir.
Azərbaycanın miqrasiya sahəsindəki siyasəti ölkənin sosial-iqtisadi maraqlarının qorunması ilə yanaşı, miqrantların, o cümlədən də əməkçi miqrantların həyat və fəaliyyəti üçün əlverişli şəraitin yaradılmasına, onların hüquqlarının müdafiəsinə yönəldilmişdir. Bu gün ölkəmizdə əcnəbilərin və vətəndaşlığı olmayan şəxslərin hüquq və azadlıqlarının həyata keçirilməsi normativ-hüquqi aktlarla tənzimlənir. Hazırda ölkəmizdə əmək miqrasiyası prosesləri sürətlə genişlənmiş və Azərbaycan təyinat ölkəsinə çevrilmişdir. Ölkəmizə gələn miqrantların sayının artmasının başlıca səbəbi son illər respublikamızda sahibkarlıq fəaliyyəti üçün əlverişli mühitin yaradılması, demokratik institutların genişlənməsi, vətəndaş cəmiyyətinin bərqərar olması, ölkə iqtisadiyyatının sürətli inkişafı və əhalinin yaşayış səviyyəsinin yüksəlməsidir. İnkişaf temp­lərinə görə ölkəmiz bu gün dünya dövlətləri arasında ön sıralardadır.

(Hekayə) 

– Bu da Naxçıvan! Nə tez yetişdik, – deyə yerə enməkdə olan təyyarədə Kazım qeyri-iradi dilləndi. Sevinc və həyəcanı bir-birinə qarışdı. Zarafat deyildi. Bir azdan 1994-cü ildən ayrıldığı doğma yurda ayaq qoyacaqdı. Ovaxtkı Naxçıvanı xəyal süzgəcindən keçirtdi. Doğulduğu, böyüyüb yaşa dolduğu ucqar Eyvazlını da gözləri önünə gətirdi... İndi, görəsən, nə vəziyyətdədir kəndimiz? – dedi.
Qəlbində doğulan bu sual bərk qorxutdu Kazımı. Axı payız, qış fəsillərində yolları qıfıla düşən Eyvazlıya necə gedəcəkdi? Hansı çətinliklərlə üzləşəcəkdi? Bir də axı, görəsən, kənddə heç qalan varmı? O dövrün üst-üstə qalanmış çörək, qaz, işıq problemləri, əmin-amanlığın olmaması adamların bir qismini baş götürüb qaçmağa məcbur etmişdi. Düzdür, 20 ildən artıqdır ki, yaşadığı Uzaq Şərqdə Naxçıvan haqqında azdan-çoxdan eşitməmiş, bilməmiş də deyildi Kazım. Di gəl ki, eşitdikləri ona inandırıcı gəlmirdi.
Kazım orada əldən-ayaqdan uzaq bir kənddə yaşayırdı. Varlı bir ailənin ev, təsərrüfat işlərini aparırdı. Ala-babat dolanışıqları olsun deyə arvad-uşağını da özü ilə bərabər işlədirdi. Onun bu illərdə yadına düşmədiyi doğma vətəninə birdən-birə baş çəkmək fikri də göydəndüşmə olmamışdı. Özü demişkən, xozeyini ona ürək qızdırıb demişdi ki, biznesimi genişləndirirəm. Mal-heyvanım da xeyli artıb. Yaxın şəhərlərin birində dükan-bazar açmaq istəyirəm. Bilirəm ki, siz azərbaycanlılar halal, düz insanlarsız, etibarlısınız.