“Vətənin müdafiəsinə hazıram” poliatlon çoxnövçülüyü üzrə Azərbaycan çempionatının final mərhələsi keçirilib.
Xaçmaz rayonunda keçirilən çempionatda muxtar respublikanı Naxçıvan Muxtar Respublikasının zona birinciliyinin qalibi olan Naxçıvan şəhər 16 nömrəli tam orta məktəbin komandası təmsil edib. Ümumilikdə, ölkənin 10 rayon və 6 şəhər komandasının mübarizə apardığı birincilik 5 gün davam edib.
Yarışda uğurla çıxış edən komandamız Azərbaycan çempionu adını qazanıb. Eyni zamanda 5 növ üzrə yarışların üçündə idmançılarımız daha böyük uğura imza atıblar. Belə ki, qumbara atmada (fərdi, 46 metr) Ayxan Seyidov, güllə atmada (fərdi, 42 bal) Əlirza Mayıllı və 2000 metr məsafəyə qaçışda Sərdar Tağıyev (5 dəqiqə 53 saniyə) xüsusi olaraq “ən yaxşılar” üçün verilən diplom və kuboka layiq görülüblər.
Sonda 1128 xal toplayan komandamız qalib adını qazanıb və təşkilatçılar tərəfindən diplom və kubokla təltif olunub.

Ceyhun MƏMMƏDOV

Rusiya Federasiyasının Soçi şəhərində keçirilən Tələbə və Gənc­lərin XIX Ümumdünya Festivalına yekun vurulub.
Oktyabrın 14-dən 22-dək davam edən festival BMT-nin XVII davamlı inkişaf proqramı çərçivəsində keçirilib və altı dili – ərəb, çin, ingilis, fransız, rus və ispan dillərini əhatə edib. Festivala Azərbaycandan 180 nəfərlik heyət yollanıb. Onlardan 10 nəfəri Naxçıvan Muxtar Respublikasını təmsil edib. 5 min könüllünün də iştirak etdiyi festivala, ümumilikdə, 20 mindən çox gənc qatılıb.
Festival çərçivəsində Azərbaycan günləri də təşkil edilib. Bununla əlaqədar xüsusi olaraq stendlər hazırlanıb. Naxçıvandan gedən heyət tərəfindən isə digər iştirakçı ölkələrin nümayəndələrinə muxtar respublika haqqında xarici dildə hazırlanmış kitablar, bukletlər, broşürlər, turist xəritələri paylanılıb. Eyni zamanda stendlərdə milli mətbəximizi özündə əks etdirən yeməklər, milli geyimlər, Azərbaycanda keçirilən beynəlxalq yarışlarda təqdim olunan medallar nümayiş etdirilib. Ok­tyabrın 18-də isə fleş-mob təşkil edilib. Fleş-mob zamanı balabanda səsləndirilən musiqilər, tarda ifa edilən “Sarı gəlin” mahnısı böyük maraqla qarşılanıb.

Ceyhun MƏMMƏDOV

Naxçıvan Muxtar Respublikasında idmana böyük qayğı göstərilir. Bu qayğı keçirilən beynəlxalq yarış və turnirlərin nəticələrində  də özünü əks etdirir. Bu yaxınlarda Kosovonun paytaxtı Priştina şəhərində ağır atletika üzrə yeniyetmələr arasında Avropa çempionatında da biz bunun bir daha şahidi olduq. Qitə birinciliyində ağır atletlərimiz vətənə uğurlu nəticələrlə döndülər. Ancaq Avropanın ən güclü atletlərinin mübarizəsində diqqəti bir məqam daha çox çəkdi: Naxçıvan Muxtar Respublikası Gənclər və İdman Nazirliyinin nəzdində Şərur rayonunda fəaliyyət göstərən ağır atletika bölməsinin yetirməsi Tərmenxan Babayev Priştinada nəinki qitə birinciliyinin qızıl medalını qazandı, həm də bu nəticəyə 6 rekorda birdən imza ataraq nail oldu.

Tərmenxan Babayev 2002-ci ildə Şərur rayonunda dünyaya gəlib. Atası və əmisi güləşçi olan Tərmenxanın bu sahəyə marağı 6 yaşından başlayıb. Atasının istəyi ilə bu növü seçən yeniyetmə idmançının güləşçi kimi karyerası alınmayıb. Ağır atletika məşqçisi Şəfi Hüseynov güclü idmançı perspektivinə malik olan Tərmenxanı öz məşqinə dəvət edib. Fiziki göstəricilərinə görə həmyaşıdlarından xeyli fərqlənən Tərmenxan ağır atletika ilə 10 yaşında məşğul olmağa başlayıb.

Nabran şəhərində kross üzrə Azərbaycan çempionatı keçirilib. Çempionatda Naxçıvan Muxtar Respublikası Yüngül Atletika Federasiyasının iki idmançısı mübarizə aparıb.
Hər iki idmançımız uğurlu çıxışı ilə yadda qalıb. Belə ki, 3 kilometr məsafədə mübarizə aparan Cəbrayıl Yunisov ölkə çempionatında bürünc medal qazanıb. 6 kilometr məsafə üzrə keçirilən yarışda isə idmançımız Əmrah Nağıyev bütün rəqiblərini geridə qoyaraq finiş xəttinə birinci çatıb.
Sonda qalib idmançılarımız təşkilatçılar tərəfindən diplom və medallarla təltif olunublar.

 Ceyhun MƏMMƏDOV

Naxçıvan Muxtar Respublikası Gənclər və İdman Nazirliyi, Azərbaycan Cüdo Federasiyası və Naxçıvan Muxtar Respublikası Güləş Federasiyasının birgə təşkilatçılığı ilə məşqçilər və idmançılar üçün seminar keçirilib. 

Naxçıvan şəhərindəki İlham Əliyev adına Olimpiya-İdman Kompleksində keçirilən seminara muxtar respublikanın perspektivli cüdoçuları və məşqçi-müəllimlər qatılıblar. Seminarda Azərbaycan Respublikasının ilk olimpiya çempionu Nazim Hüseynov, Azərbaycan Cüdo Federasiyasının baş katibi Elmar Babanlı, Azərbaycan Cüdo Federasiyasının baş katibinin müavini Sahib İsmayıl­ov, yarışların təşkili və keçirilməsi sektorunun müdiri Ağayar Axundzadə, hakimlər komitəsinin rəhbəri Fariz Hüseynov, federasiyanın regionlarda cüdonun inkişafı sektorunun müdiri Tərlan Poladov və federasiyanın Naxçıvan Muxtar Respublikası üzrə kuratoru Vüsal Cəfərov iştirak ediblər. Seminarda idmançıların yarışa hazırlıq prosesi, çəki və qidalanmalarına nəzarət barədə təlimatlar verilib, məşqçilərin yarışlarda tələbələrini idarəetmə bacarığı, özünüaparma qaydaları geniş müzakirə olunub. Tədbirdə cüdo idman növündə qəbul edilən yeni qaydalar iştirakçılara nəzəri və praktik olaraq izah edilib.

Xəbər verdiyimiz kimi, 18-21 oktyabr tarixləri arasında Bakı şəhərində qrapplinq idman növü üzrə dünya çempionatı keçirilib. Bakı Əl Oyunları Sarayında 33 ölkənin ən güclü idmançılarının mübarizə apardığı mundialda Naxçıvan Muxtar Respublikası Şərq Döyüş Sənəti Federasiyasının idmançısı da iştirak edib. Uşaq, yeniyetmə, gənclər və veteranlar arasında keçirilən dünya çempionatında Azərbaycan millisinin heyətində naxçıvanlı idmançı Fərid Məhərrəmov 42 kiloqram çəki dərəcəsində tatami üzərinə çıxıb. 12-13 yaşlı idmançıların kateqoriyasında mübarizə aparan idmançımız dünya çempionatının bürünc medalını qazanıb.
Sonda idmançımız təşkilatçılar tərəfindən diplom və medalla təltif olunub.

Ceyhun MƏMMƏDOV

Culfa şəhər 3 nömrəli tam orta məktəbin idman zalında oğlan və qızlardan ibarət “Culfa”, “Naxçıvan” və “Ordubad” komandaları arasında karate-do üzrə yoldaşlıq görüşü keçirilib.
Naxçıvan Şəhər Gənclər və İdman İdarəsinin rəisi Xəyal Qurban­ov, Naxçıvan Muxtar Respublikası Karate-do Federasiyasının sədr müavini Nəriman Quliyev və Culfa Rayon Gənclər və İdman İdarəsinin rəisi Ümid Həsənli çıxış edərək yarışın qaydaları haqqında idmançılara geniş məlumat verərək onlara uğurlar arzulayıblar.
Yoldaşlıq görüşünü keçirməkdə məqsəd bu idman növünü yeniyetmə və gənclər arasında təbliğ etməkdən ibarət olub. Görüşdə 100-ə yaxın oğlan və qız idmançı iştirak edib. 8 yaş qrupu üzrə təşkil edilən görüş beynəlxalq qaydalar əsasında keçirilib.
Yarışın nəticələrinə əsasən oğlanlar arasında 8-9 yaş qrupunda Həbib Əhmədov (Culfa), 10-11 yaş qrupunda Məhəmməd Bağırov (Culfa), 12-13 yaş qrupunda Vüsal Seyidov (Naxçıvan), 14-15 yaş qrupunda İmran Həsənov (Naxçıvan), 16-17 yaş qrupunda Aslan İsmayılov (Naxçıvan), qızlar arasında isə 8-9 yaş qrupunda Özləm Hacıyeva (Naxçıvan), 10-11 yaş qrupunda Aminə Novruzzadə (Naxçıvan) və 12-13 yaş qrupunda Səmra Məmmədli (Naxçıvan) bütün görüşləri qalib kimi başa vuraraq birinci yerlərə layiq görülüblər.
Komanda hesabında isə “Naxçıvan” qalib adını qazanıb. “Culfa” ikinci, “Ordubad” komandası isə üçüncü olub.
Sonda yer tutan idmançılara diplomlar təqdim edilib.

Ceyhun MƏMMƏDOV

Oktyabrın 14-dən 22-dək Rusiya Federasiyasının Soçi şəhərində ­keçirilən Tələbə və Gənclərin XIX Ümumdünya Festivalında Naxçıvan Muxtar Respublikası da təmsil olunur. Ümumilikdə, Azərbaycandan 150 nəfərlik heyət festivala yollanıb ki, onlar arasında naxçıvanlı gənclər də var.
150 ölkədən 18-35 yaşlı 20 mindən çox gənc mütəxəssisin qatıldığı festivalın əsas məqsədi gənclər arasında əlaqələrin möhkəmləndiril­məsidir.
Festival BMT-nin XVII davamlı inkişaf proqramı çərçivəsində həyata keçirilir və əsas altı dili – ərəb, çin, ingilis, fransız, rus və ispan dillərini əhatə edir. Festivalda aktual məsələlər, idmanın inkişafı ilə bağlı açıq müzakirələr, habelə mədəniyyət və qloballaşma, qlobal iqtisadiyyat, elmi iqtisadiyyat, ictimai qurumların inkişafı, siyasət və beynəlxalq təhlükəsizlik mövzularını əhatə edən diskussiyalar aparılır.
Festivalın proqramı çox zəngindir və Soçidən başqa Rusiyanın digər regionlarını da əhatə edir. Gənclər “Mədəniyyət və qloballaşma”, “Qlobal iqtisadiyyat”, “Biliklərin iqtisadiyyatı”, “İctimai qurumların inkişafı”, “Siyasət və beynəlxalq təhlükəsizlik” mövzularına həsr olunmuş tədbirlərdə iştirak edir, klassik və milli musiqidən ibarət konsert proqramlarında çıxış edirlər. İştirakçılara yeni idman növlərini və bacarıqlarını nümayiş etdirməyə imkan yaradılıb. Pro­qrama 2017 metrlik festival qaçışı yarışı, akrobatik rok-n-rol üzrə Rusiya Federasiyasının interaktiv zonası – “Rəqs Planeti”nin açılış tədbiri, futbol üzrə fan festivalı və qitələrarası kubok və başqa tədbirlər daxil edilib.

Ceyhun MƏMMƏDOV

Rusiya Federasiyasının Soçi şəhərində keçirilən Tələbə və Gənc­lərin XIX Ümumdünya Festivalı davam edir. Ötən gün festivalda gözübağlı sinxron şahmat oyunu keçirilib. 24 ölkənin zəka sahiblərinin mübarizə apardığı oyunda Naxçıvan şahmat məktəbinin yetirməsi, FİDE ustası Toğrul Həsənzadə də iştirak edib.
Təmsilçimiz gözübağlı 24 şahmatçı ilə mübarizə aparan və gərgin keçən görüşlərdə 22:2 hesabı ilə qalib gələn dünya rekordçusu, amerikalı qrossmeyster Timur Qarayevlə heç-heçə edib.

Ceyhun MƏMMƏDOV

Azərbaycan Respublikasının dövlət müstəqilliyinin bərpasının 26-cı ildönümünə həsr olunmuş Naxçıvan Muxtar Respublikası orta ümumtəhsil məktəblərinin şagirdləri arasında keçirilən spartakiadaya yekun vurulub.
Reqlamentə əsasən spartakiada “Vətənin müdafiəsinə hazıram” poliatlon beşnövçülüyü, şahmat və basketbol idman növləri üzrə keçirilib. Naxçıvan Muxtar Respublikası Gənclər və İdman, Təhsil nazirlikləri, Səfərbərlik və Hərbi Xidmətə Çağırış üzrə Dövlət Xidməti, Basketbol, Şahmat və Atıcılıq federasiyaları tərəfindən təşkil olunan spartakiadada 200-ə yaxın məktəbli iştirak edib.
Basketbol üzrə keçirilən yarışların yekun nəticəsinə əsasən qalib adını final görüşündə “Naxçıvan” komandasını məğlub edən “Culfa” komandası qazanıb. “Babək” komandası isə spartakiadanın üçüncüsü olub. Qeyd edək ki, olimpiya sistemi üzrə keçirilən yarışda 8 komanda mübarizə aparıb.

Naxçıvan Muxtar Respublikası Futbol Federasiyasının Naxçıvan Muxtar Respublikası Gənclər və İdman, Təhsil nazirlikləri ilə razılaşdırılmış təqvim planına uyğun olaraq futbol üzrə XVI muxtar respublika çempionatında 4-cü tura yekun vurulub.
Üç mövsümdür, çempionluq titulunu əlində saxlayan “Araz-Naxçıvan” cari ildə də iddialı olduğunu nümayiş etdirməkdədir. Maraqlısı odur ki, Naxçıvan şəhər təmsilçisi 4 görüşün hər birində rəqib qapılarından 5 top keçirib. Üçüncü turda “Kəngərli” komandasının qonağı olan “qırmızı-ağlar” 5:2, “Babək” komandasını isə 5:0 hesablı məğlubiyyətə uğradıb.
Yeni mövsümdə baxımlı oyun nümayiş etdirən “Babək” komandası isə turnir cədvəlində ilk üç pillədə qərarlaşan komandalardan biridir. Belə ki, babəklilər “Batabat” komandasını məğlub etməklə xal ehtiyatını 7-yə yüksəldiblər. Bu xala sahib Naxçıvan Dövlət Universiteti komandası isə bir oyun az keçirib. Onlar 3-cü turda “Sədərək” komandasının qapısından 5 (5:0), səfərdə isə “Batabat” komandasının qapısından 6 top (1:6) keçiriblər.
Ötən mövsümün autsayderi “Dübəndi” komandası isə əldə etdiyi uğurlarla hamını təəccübləndirməkdə davam edir. Doğma meydanda “Arpaçay” komandasını quru hesabla məğlub edən (3:0) ordubadlılar turnir cədvəlinin üst pillələrinə yüksəlməkdədir. Cari mövsümdə “Araz-Naxçıvan” komandası ilə yanaşı, məğlubiyyət acısı dadmayan digər komanda “Əlincə”dir. Culfa təmsilçiləri son turda oyuna ev sahibliyi edən sədərəkli həmkarlarını səfərdə büdrədib – 2:4.

Azərbaycan Respublikasının dövlət müstəqilliyinin bərpasının 26-cı ildönümünə həsr olunmuş Naxçıvan Muxtar Respublikası orta ümumtəhsil məktəblərinin şagirdləri arasında spartakiadaya start verilib. Spartakiada atıcılıq, “Vətənin müdafiəsinə hazıram” poliatlon beşnövçülüyü, şahmat və basketbol növlərini əhatə edir.
Naxçıvan Muxtar Respublikası Gənclər və İdman, Təhsil nazirlikləri, Səfərbərlik və Hərbi Xidmətə Çağırış üzrə Dövlət Xidməti, Basketbol, Şahmat və Atıcılıq federasiyaları tərəfindən təşkil olunan spartakiadanın açılış mərasimi Naxçıvan şəhərindəki İlham Əliyev adına Olimpiya-İdman Kompleksində keçirilib.
Tədbirdə çıxış edən Naxçıvan Muxtar Respublikasının gənclər və idman nazirinin müavini Məcid Seyid­ov, təhsil nazirinin müavini Əli Vəliyev, Səfərbərlik və Hərbi Xidmətə Çağırış üzrə Dövlət Xidməti rəisinin müavini, mayor Cavid Məmmədov çıxış edərək bildiriblər ki, muxtar respublikada güclü idman infrastrukturu yaradılıb. Bu gün gənc­lərin idmana cəlbi istiqamətində ardıcıl işlər görülür, yeni idman bölmələri yaradılır, müxtəlif idman növləri üzrə bu bölmələrə yeniyetmə və gənclər dəvət olunurlar. Bunun nəticəsidir ki, naxçıvanlı idmançılar ölkə və dünya əhəmiyyətli yarışlarda böyük uğurlara imza atırlar.

Naxçıvan şəhərindəki İlham Əliyev adına Olimpiya-İdman Kompleksində Azərbaycan Respublikasının dövlət müstəqilliyinin bərpasının 26-cı il­dönümü münasibətilə yeniyetmələr arasında keçirilən boks üzrə Naxçıvan şəhər açıq birinciliyinə yekun vurulub. Yarış Naxçıvan Şəhər Gənclər və İdman İdarəsinin və Naxçıvan Muxtar Respublikası Boks Federasiyasının təşkilatçılığı ilə keçirilib.
Naxçıvan Şəhər Gənclər və İdman İdarəsinin rəisi Xəyal Qurbanov tədbirdə çıxış edərək Dövlət Müstəqilliyi Günü haqqında idmançılara geniş məlumat verib və onlara uğurlar arzulayıb. Naxçıvan Muxtar Respublikası Boks Federasiyasının sədr müavini Məmmədcəfər Əliyev isə çıxışında yarışın keçirilmə məqsədi və qaydaları haqqında danışıb.
Açıq birincilikdə Naxçıvan şəhərinin idmançıları ilə yanaşı, Babək, Ordubad və Şərur rayonlarının idmançıları da öz qüvvələrini sınayıblar.

Heydər Əliyev Uşaq-Gənclər Yaradıcılıq Mərkəzində 18 ok­tyabr – Dövlət Müstəqilliyi Günü münasibətilə Naxçıvan şəhər tam orta məktəblərinin qızlardan ibarət komandalar arasında dama birinciliyi keçirilib.
Naxçıvan Şəhər Gənclər və İdman İdarəsinin rəisi Xəyal Qurbanov, Heydər Əliyev Uşaq-Gənclər Yaradıcılıq Mərkəzinin direktoru Namiq Novruzov və şəhər Təhsil Şöbəsinin əməkdaşı Şahmar Hüseynov çıxış edərək müstəqillik dövründə muxtar respublikada idmanın inkişafı istiqamətində görülən işlərdən danışıblar.
Keçirilən yarışda 16 tam orta məktəbdən 48 şagird (hər komandanın tərkibində 3 qız olmaqla) iştirak edib. Olimpiya sistemi üzrə keçirilən yarışın yekun nəticəsinə əsasən 17 nömrəli tam orta məktəbin komandası qalib adını qazanıb. 7 nömrəli tam orta məktəbin komandası ikinci, 9 və 5 nömrəli tam orta məktəblərin komandaları isə üçüncü yerə layiq görülüblər.
Qalib komandalar təşkilatçıların diplomları ilə mükafatlandırılıblar.

Ceyhun MƏMMƏDOV

Ali və orta ixtisas təhsili müəssisələrinin tələbələri arasında Duzdağ Fizioterapiya Mərkəzi yolunda keçirilən ekstremal idman yürüşü üzrə Naxçıvan Muxtar Respublika birinciliyinə yekun vurulub.
Azərbaycan Respublikasının dövlət müstəqilliyinin bərpasının 26-cı ildönümünə həsr olunmuş yarış Naxçıvan Muxtar Respublikası Gənclər və İdman, Təhsil nazirlikləri, Hava və Ekstremal İdman Növləri Federasiyasının təşkilatçılığı ilə keçirilib. Birincilikdə 6 komandanın heyətində 60-a yaxın idmançı mübarizə aparıb.
Yarışın yekun nəticəsinə əsasən qızların mübarizəsində qalib adını Naxçıvan Dövlət Texniki Kollecinin tələbəsi Cansu Abbasova qazanıb. Həmin kollecin digər tələbəsi Telli Abbasova ikinci, Naxçıvan Tibb Kollecinin tələbəsi Dünya Əmrahlı isə üçüncü olub.
Oğlanların mübarizəsində finiş xəttinə ilk olaraq Naxçıvan Musiqi Kollecinin tələbəsi Kazım Quliyev çatıb. Digər iki pillədə isə Naxçıvan Dövlət Texniki Kollecinin tələbəsi Cavid Qasımov və Naxçıvan Musiqi Kollecinin tələbəsi Səfər Tağıyev qərarlaşıblar.
Sonda qaliblərə təşkilatçılar tərəfindən diplom və hədiyyələr təqdim olunub.
Birincilikdən sonra idmançılar Duzdağ Fizioterapiya Mərkəzi ilə tanış olublar.

Ceyhun MƏMMƏDOV

Yeni Azərbaycan Partiyası Şərur Rayon Təşkilatının Gənclər Birliyinin, rayon Gənclər və İdman İdarəsi, Təhsil Şöbəsi və Atıcılıq Federasiyasının Şərur rayon bölməsinin təşkilatçılığı ilə 18 oktyabr – Müstəqillik Gününə həsr olunmuş atıcılıq üzrə məktəbli qızlar arasında rayon birinciliyi keçirilib.
Birincilikdə 10 məktəbdən 30 şagird mübarizə aparıb. Yekun nəticəyə əsasən Şərur şəhər 2 nömrəli tam orta məktəbin şagirdi Nərmin Nadirova birinci olub. Aralıq kənd tam orta məktəbinin şagirdi Gülçin Oruclu ikinci, Arbatan kənd tam orta məktəbinin şagirdi Nurcan Məmmədova isə üçüncü yerə layiq görülüblər.
Qaliblərə təşkilatçılar tərəfindən diplomlar təqdim olunub.

Ceyhun MƏMMƏDOV

Kəngərli Rayon Gənc­lər və İdman İdarəsi, Təhsil Şöbəsi, Səfərbərlik və Hərbi Xidmətə Çağırış üzrə Dövlət Xidmətinin Kəngərli Rayon Şöbəsinin təşkilatçılığı ilə ümumtəhsil məktəblərinin şagirdləri arasında payız çağırışına həsr olunmuş “Vətənin müdafiəsinə hazıram” poliatlon çoxnövçülüyü üzrə rayon birinciliyi keçirilib.
Tədbirdə rayon Gənclər və İdman İdarəsinin rəisi Vüsal Hüseynov, Təhsil Şöbəsinin əməkdaşı Səməd Səmədov, Səfərbərlik və Hərbi Xidmətə Çağırış üzrə Dövlət Xidmətinin Rayon Şöbəsinin əməkdaşı Abbas Abbaslı çıxış edərək muxtar respublikada gənclərə göstərilən diqqət və qayğıdan, idmanın inkişafı istiqamətində görülən məqsədyönlü tədbirlərdən danışıblar.
Yarışda 8 ümumtəhsil məktəbin komandaları iştirak ediblər. İştirakçılar 100 metr məsafəyə qaçış, turnikdə dartınma, qumbaraatma və 2000 metr məsafəyə qaçış növlərində güclərini sınayıblar.
Komanda hesabında 795 xal toplayan Qıvraq qəsəbə tam orta məktəbinin komandası qalib adını qazanıb. 650 xalla Qarabağlar kənd 2 nömrəli tam orta məktəbin komandası ikinci, 558 xalla Xok kənd tam orta məktəbinin komandası üçüncü olub.
Qaliblər yarışın təşkilatçılarının kubok və diplomları ilə təltif ediliblər.

Ceyhun MƏMMƏDOV

İdman cəmiyyətin ayrılmaz qoludur. İdman bir fərdin cəmiyyət üçün yararlı yetişməsi, ictimai-siyasi həyatda mühüm rol oynaması üçün onu zərərli vərdişlərdən çəkindirən vasitədir. Bəzən bu sahəni insanlar öz peşələrinə görə də dəyərləndirib seçirlər. 

Aparılan araşdırmalardan sonra ortaya maraqlı faktlar çıxıb. Belə ki, insanların 80 faizi gələcəkdə sahib olacaqları peşədən, sənətdən öncə idmanın hər hansı növü ilə məşğul olublar. Bəs buna necə nail olunub?
Cəmiyyətimizdə valideynlərin övladlarının sənət, peşə seçiminə, karyera qurmasına təsiri nə dərəcədədirsə, onların idmana olan marağı da məhz bunun göstəricisidir. Əslində, bu, uşağa dəstək deyil. Bəzən valideynlər övladlarını özləri kimi görmək istəyirlər: ata həkimdirsə, övladı da mütləq həkim olmalıdır. Halbuki uşağın idmana marağı daha çoxdur. Maraqlı olan odur ki, valideyn də məhz uşağına müdaxilə etdiyi həmin yaşda özü də idmana meyilli biri olub. Belə müdaxilələr uşağın inkişafına maneçilik yaradır, onun potensialının itib-batmasına səbəb olur.
Uşaqların idmana cəlb olunması və sonrakı dövrlərdə onların öz istedadlarına güvənməsi də valideynlərindən asılıdır. Yəni onun seçəcəyi peşə, sənət yolunda mütləq şəkildə dəstəyə ehtiyacı olmalıdır. Valideyn hər bir anda övladını sağlam ruhda tərbiyə etmək üçün idman sahəsinə nisbətən bələd olmalıdır. Bu zaman uşaq və ya gənc özünü daha yaxından tanıyır, özünə­inamı artır, fiziki xüsusiyyətləri, sağlamlıq vəziyyəti, güclü və zəif tərəfləri, zəka səviyyəsi, xüsusi qabiliyyətləri, çatmaq istədiyi ideallar və arzu etdiyi müvəffəqiyyət növü haqqında məlumat sahibi olur. Bu zaman o həm də öz xarakteri ilə seçdiyi peşənin xüsusiyyətləri arasındakı uyğunluğu tapır.

Naxçıvan Muxtar Respublikası Gənclər və İdman Nazirliyi, muxtar respublikada fəaliyyət göstərən idman federasiyaları bu sahənin inkişafı, ictimaiyyət arasında geniş vüsət alması üçün mütəmadi işlər görürlər. Son günlər isə federasiyaların kəndlərdə yeni yaradılan bölmələrinin fəaliyyəti, gənclərin idmana cəlbi ənənə halını alıb. Belə bölmələrdən biri də Culfa rayonunun Milax və Ərəfsə kəndlərində fəaliyyətə başlayan kikboksinq bölməsidir.
Naxçıvan Muxtar Respublikası Şərq Döyüş Sənəti Federasiyası tərəfindən yaradılan yeni bölmə artıq idmançıların ixtiyarına verilib. Uşaq və yeniyetmə idmançılar məşqləri məşqçi-müəllim Etibar Qəribovun rəhbərliyi altında keçəcəklər. Milax kənd tam orta məktəbinin idman zalında keçirilən məşqlərdə 35-ə yaxın idmançı iştirak edir. Ərəfsə kənd tam orta məktəbinin idman zalında isə 20-dən çox uşaq və yeniyetmə kikboksinqin sirlərini öyrənir. Hər iki kənddə həftədə 6 dəfə olmaqla, idmançılar üçün məşqlər keçiriləcək.
Məşqçi-müəllim bildirdi ki, bölmələrin yeni fəaliyyətə başlamasına baxmayaraq, müraciət edənlərin sayı gündən-günə artmaqdadır. Bu, elə bir idman növüdür ki, cəldlik və çevikliklə yanaşı, insanda dözüm də tələb edir. Uşaqların bu növə maraq göstərməsi ilk olaraq yaradılan şəraitlə bağlıdır. Çünki federasiya uşaqların mütəmadi məşq etmələri üçün geniş idman zalı və rahat şərait yaradıb. Qarşıda duran əsas məqsədimiz Culfa rayonunda kikboksinq idman növünün kütləviliyini təmin etməkdir. Daha sonra idmançılarımızı yaxşı hazır­layıb muxtar respublika birinciliklərində uğur qazanmaq istəyirik. Belə potensiallı idmançılarımız var.

 Ceyhun MƏMMƏDOV

Naxçıvan Muxtar Respublikası Şərq Döyüş Sənəti Federasiyasının nəzdindəki idman növləri üzrə qazanılan uğurlar bu sahəyə marağı artırıb. Təsadüfi deyil ki, istər muxtar respublika, istər ölkədaxili, istərsə də beynəlxalq yarış və turnirlərdə qazanılan medalların müəyyən hissəsi bu federasiyanın payına düşür.
18-21 oktyabr tarixləri arasında Bakı şəhərində qrapplinq idman növü üzrə dünya çempionatı keçiriləcək. Qürurverici haldır ki, dünyanın ən güclü idmançılarının mübarizə aparacağı bu mundialda Şərq Döyüş Sənəti Federasiyasının idmançısı da mübarizə aparacaq. Belə ki, uşaq, yeniyetmə, gənclər və veteranlar arasında keçiriləcək dünya çempionatında Azərbaycan millisinin heyətində naxçıvanlı idmançı Fərid Məhərrəmov tatami üzərinə çıxacaq. 12-13 yaşlı idmançıların kateqoriyasında mübarizə aparacaq idmançımızı dünya çempionatına Azərbaycan Respublikası idman ustası Xəyal Abdullayev hazırlayır.
Artıq bir ildən çoxdur ki, bu idman növü ilə məşğul olan Fərid Məhərrəmov kifayət qədər uğura imza atıb. Belə ki, MMA Qarışıq İdman növləri üzrə muxtar respublika çempionu olan Fərid qrapplinq üzrə Azərbaycan çempionu və Açıq Bakı Kubokunun da qalibidir. ­­­­­­­­­­­O həmçinin Braziliya jiu-jitsu idman növü üzrə beynəlxalq turnirdə də fəxri kürsünün ən yüksək zirvəsinə qalxıb.
Yarışa hazırlığı ilə bağlı Fərid Məhərrəmovun fikirlərini öyrəndik. O dedi: “Məşqçim Xəyal Abdullayevin rəhbərliyi ilə dünya çempionatına hazırlığımız intensiv olaraq davam edir. Məşq etməyim üçün federasiya tərəfindən hər bir şərait yaradılıb. Məqsədim Bakıda keçiriləcək dünya çempionatının qalibi olmaq və mənə göstərilən etimadı doğrultmaqdır. İlk dəfədir ki, belə böyük yarışda iştirak edəcəyəm. Digər yarışlarla müqayisədə dünya çempionatında uğur qazanmaq hər bir idmançının arzusudur. Mən də çalışacağam ki, özümün və məşqçimin çəkdiyi əziyyət hədər getməsin və federasiyamızın uğurlarında mənim də payım olsun”.
Biz də, öz növbəmizdə, idmançımıza uğurlar arzulayırıq.

Ceyhun MƏMMƏDOV

Naxçıvan Muxtar Respublikası Yüngül Atletika Federasiyası, Naxçıvan Muxtar Respublikası Gənclər və İdman, Təhsil nazirliklərinin təşkilatçılığı ilə məktəblilər arasında “Şən startlar” əyləncəli idman oyunlarına start verilib.

Naxçıvan şəhərindəki İlham Əliyev adına Olimpiya-İdman Kompleksində keçirilən yarışın açılış mərasimində çıxış edən Yüngül Atletika Federasiyasının sədri Rövşən Məmmədov bildirib ki, muxtar respublikada idmanın inkişafına xüsusi diqqət göstərilir. Bunun nəticəsidir ki, idmançılarımız çıxış etdikləri turnirlərdə, yarışlarda böyük uğurlar əldə edirlər. İdmançıların düzgün istiqamətləndirilməsində federasiyaların üzərinə böyük məsuliyyət düşür. Yüngül Atletika Federasiyası da aidiyyatı idman növünün təbliği üçün mütəmadi olaraq yarışlar təşkil edir.
Naxçıvan Muxtar Respublikasında idmanın inkişafı sahəsində mühüm işlərin görüldüyünü vurğulayan gənclər və idman naziri Azad Cabbarov qeyd edib ki, uşaqların fiziki və mənəvi hazırlığı, asudə vaxtlarının səmərəli təşkili daim diqqət mərkəzində saxlanılır. Muxtar respublikada müasir idman infra­strukturunun, olimpiya komplekslərinin, digər obyektlərin istifadəyə verilməsi, idmanın müxtəlif növləri üzrə federasiyaların yaradılması çoxsaylı gənclərin idmana cəlb olunmasına imkan verib. Naxçıvanda idman ənənələrinin köklü olması, bu gün uşaqların da bu sahəyə kütləvi şəkildə axınına səbəb olub. Hazırda muxtar respublikamızın hər bir bölgəsində idmanla məşğul olmaq istəyən uşaq və yeniyetmələr üçün hər cür şərait yaradılıb. Uşaqların idmana marağı sağlam gələcəyin formalaşmasından xəbər verir.

Mütəhərrik oyunlar hər xalqın milli mədəniyyətinin tərkib hissəsidir. Çünki bu oyunlar həmin xalqa məxsus hərəkət fəaliyyəti aşılayır, onların fiziki-psixoloji cəhətdən düzgün inkişaf etməsində, şəxsi keyfiyyətlərinin tərbiyə olunmasında böyük rol oynayır. Bu baxımdan milli oyunlar yalnız orqanizmin inkişafını təmin edən amil deyil, həm də fiziki tərbiyə və idmanın əsas vasitələrindəndir.

Oyunlar uşaqların əqli və fiziki cəhətdən inkişafına, əxlaq və əmək tərbiyəsinə müsbət təsir göstərir. Hətta belə bir söz də var ki, uşaq oyunda necədirsə, böyüyəndə də elə olacaqdır. Onlar bu yolla hərəki fəaliyyətə və müəyyən hərəkətlərin icrasına məqsədli şəkildə yiyələnə bilirlər. Mütəhərrik oyunlar cəldliyi, çevikliyi, sürəti inkişaf etdirir, fiziki cəhətdən təkmilləşməyə zəmin yaradır (xüsusən də yarış formasında keçiriləndə). Oyun uşaqlara kollektivdə özünü necə aparmaq qaydasını öyrədir, öz şəxsi mənafeyini ümumi mənafeyə tabe etdirmək vərdişi aşılayır. O həm də iradəli, hünərli olmağı tərbiyə edir, düzgün və müstəqil hərəkət etməyi öyrədir. Oyunlar uşaqlarda dərketmə qabiliyyətini yüksəldir. Oyun həm də tərbiyə vasitəsi olub nitqin, zehnin inkişafına kömək edir, təşəbbüskarlığı yüksəldir, gümrah və çevik olmağa təsir göstərir.
Mütəhərrik oyunlar bütün dövrlərdə xalqların öz yaşam tərzlərinə uyğun olaraq tətbiq edilirdi. XVII əsrdə pedaqoqlar bu oyunların uşaqların tərbiyəsində, fiziki-zehni inkişafında böyük rolu olduğunu dərk edir və belə hesab edirdilər ki, həmin oyunlardan təlim-tərbiyə işində geniş istifadə olunmalıdır.

Şahbuz Rayon Gənclər və İdman İdarəsi Təhsil Şöbəsi, Səfərbərlik və Hərbi Xidmətə Çağırış üzrə Dövlət Xidmətinin Şahbuz Rayon Şöbəsi ilə birlikdə ümumtəhsil məktəblərinin şagirdləri arasında payız çağırışına həsr olunmuş “Vətənin müdafiəsinə hazıram” poliatlon çoxnövçülüyü üzrə rayon birinciliyi keçirib.
Tədbirdə rayon Gənclər və İdman İdarəsinin rəis əvəzi İdris Qəhrəmanov, Təhsil Şöbəsinin əməkdaşı Fikrət Cəfərov, Səfərbərlik və Hərbi Xidmətə Çağırış üzrə Dövlət Xidmətinin Rayon Şöbəsinin əməkdaşı Məmməd Hüseyn­ov çıxış edərək muxtar respublikada idmanın inkişafına göstərilən diqqət və qayğıdan danışıblar.
Yarışda 11 ümumtəhsil məktəbin komandası iştirak edib. Komandalar 100 metr məsafəyə qaçış, turnikdə dartınma, qumbaraatma və 2000 metr məsafəyə qaçış növlərində güclərini sınayıblar.
Komanda hesabında 394 xal toplayan Şahbuz şəhər 1 nömrəli tam orta məktəbin komandası qalib adını qazanıb. 321 xalla Kükü kənd tam orta məktəbinin komandası ikinci, 280 xalla Sələsüz kənd tam orta məktəbinin komandası üçüncü olub.
Qaliblər yarışın təşkilatçıları tərəfindən kubok və diplomlarla təltif olunublar.

 Ceyhun MƏMMƏDOV

Şərur Rayon Gənclər və İdman İdarəsi, Təhsil Şöbəsi və Yeni Azərbaycan Partiyası Şərur Rayon Təşkilatının Gənclər Birliyinin təşkilatçılığı ilə məktəblilər arasında mini-futbol birinci­liyinə start verilib.
Yarışda 16 məktəb komandası mübarizə aparır. Yarışın ilk günündə azarkeşlər beş oyuna şahidlik ediblər. Rayonun Aşağı Daşarx kənd tam orta məktəbinin komandası Siyaqut kənd tam orta məktəbinin komandasına, Çərçiboğan kənd tam orta məktəbinin komandası Şərur şəhər 1 nömrəli tam orta məktəbin komandasına, İbadulla kənd tam orta məktəbinin komandası Zeyvə kənd tam orta məktəbinin komandasına, Yengicə kənd tam orta məktəbinin komandası isə Yuxarı Daşarx kənd tam orta məktəbinin komandasına qalib gələrək növbəti mərhələyə yüksəliblər.
Birinciliyə oktyabrın 6-da yekun vurulacaq.

Ceyhun MƏMMƏDOV

Naxçıvan Muxtar Respublikası Futbol Federasiyasının Naxçıvan Muxtar Respublikası Gənclər və İdman, Təhsil nazirlikləri ilə razılaşdırılmış təqvim planına uyğun olaraq futbol üzrə XVI muxtar respublika çempionatına start verilib.
Doqquz komandanın mübarizə apardığı çempionat iki dövrədən ibarət olmaqla keçirilir. İlk dövrəyə noyabr ayının sonlarında yekun vurulacaq. İkinci dövrənin oyunları isə gələn il fevral ayının 27-də başlayacaq və may ayının sonlarında başa çatacaq. Hər turda bir komanda istirahət edəcək.
Artıq çempionatda ilk iki tura yekun vurulub. Son 3 mövsümün çempionu “Araz-Naxçıvan” futbol komandası cari mövsümdə də iddialı olduğunu ilk iki turda qazandığı maksimum xalla sübut edib. Naxçıvan şəhər təmsilçisi “Arpaçay” və “Dübəndi” komandalarının qapısından, ümumilikdə, 10 cavabsız top keçirib. Yeni mövsümə “Babək” komandası da iddialı başlayıb. “Əlincə” (Culfa) komandası ilə ilk turu heç-heçə (1:1) başa vuran babəklilər ikinci turda “Sədərək” komandasını səfərdə büdrədib – 1:2.
Ötən mövsüm çempionatın ikincisi olan Şahbuzun “Batabat” komandası yeni futbol mövsümünə uğursuz başlayıb. Hər iki görüşdə məğlub olan şahbuzlular turnir cədvəlində xal qazanmayan iki komandadan biridir. Eynilə bu sözləri “Arpaçay” və Naxçıvan Dövlət Universitetinin komandaları haqqında da demək olar.
Cari mövsümdən əvvəl isə Futbol Federasiyası tərəfindən Naxçıvan Muxtar Respublika Stadionunda yeni hakimlər üçün ikihəftəlik seminar təşkil olunub. Seminarın keçirildiyi müddətdə hakimlərə yeni oyun qaydaları və müasir futbolda hakimlərin hansı qaydalara riayət edilməsi məsələləri şifahi və praktik şəkildə izah olunub. Cari mövsümdə keçirilən bütün oyunları yeni təyinat alan hakimlər briqadası idarə edib.

Naxçıvan Muxtar Respublika Çempionatı, II turun nəticələri

“Batabat” (Şahbuz) - “Kəngərli” (Kəngərli) 2:5
“Sədərək” (Sədərək) - “Babək” (Babək) 1:2
“Araz-Naxçıvan” (Naxçıvan) - “Dübəndi” (Ordubad) 5:0
“Əlincə” (Culfa) - Naxçıvan Dövlət Universiteti 1:1

Şahbuz Rayon Gənclər və İdman İdarəsi, Təhsil Şöbəsi, Yeni Azərbaycan Partiyası Şahbuz Rayon Təşkilatının Gənclər Birliyi və Naxçıvan Muxtar Respublikası Yüngül Atletika Federasiyasının Şahbuz rayon bölməsinin təşkilatçılığı ilə ümumtəhsil məktəblərinin qız şagirdləri arasında yüngül atletika üzrə rayon birinciliyi keçirilib.
Tədbirdə rayon Gənclər və İdman İdarəsinin əməkdaşı İdris Qəhrəmanov, Təhsil Şöbəsinin əməkdaşı Fikrət Cəfərov çıxış edib, iştirakçılara uğurlar arzulayıblar.
Birincilikdə 10 tam orta məktəbin qızlardan ibarət komandası mübarizə aparıb. Atletlər 100, 200, 400 və 800 metr məsafələrdə güclərini sınayıblar.
Yekuna əsasən komanda hesabında Biçənək məktəbliləri qalib adını qazanıblar. Şahbuz şəhər 1 nömrəli və Aşağı Qışlaq kənd tam orta məktəblərinin komandaları isə ikinci və üçüncü olublar. Şəxsi birincilikdə 100 metr məsafədə Şahbuzkənd tam orta məktəbinin şagirdi Gülçin Nağıyeva, 200 metr məsafədə Aşağı Qışlaq kənd tam orta məktəbinin şagirdi Nərmin Rüstəmli, 400 metr məsafədə Şahbuz şəhər 1 nömrəli tam orta məktəbin şagirdi Nurşən Musayeva, 800 metr məsafədə Biçənək kənd tam orta məktəbinin şagirdi Mədinə İbrahimova rəqiblərini qabaqlayıblar.
Qaliblərə yarışın təşkilatçılarının diplomları təqdim edilib.

- Ceyhun Məmmədov

Kosovanın paytaxtı Priştina şəhərində 22-30 sentyabr tarixlərində 15 və 17 yaşlı yeniyetmə ağır atletlər arasında Avropa birinciliyi keçirilir. Yarışda 40-a yaxın ölkədən 305 atlet (175 oğlan və 130 qız) medallar uğrunda mübarizə aparır. Azərbaycan yığmasının 9 üzvü də birincilikdə iştirak edir.
Millimizin heyətində Kosovaya yollanan idmançılar arasında Naxçıvan Muxtar Respublikası Gənclər və İdman Nazirliyinin nəzdində Şərur rayonunda fəaliyyət göstərən ağır atletika bölməsinin yetirməsi Tərmenxan Babayev də var.
Artıq idmançımız mübarizəyə qoşulub və böyük uğur qazanıb. Belə ki, Tərmenxan Babayev ardıcıl olaraq 6 dəfə Avropa rekordunu yeniləyib. Yaşı 15-ə qədər olan atletlərin mübarizəsində (A qrupunda) 85 kiloqram çəki dərəcəsində körpücük üzərinə çıxan Naxçıvan idmançısı bu uğura 291 kiloqramı qaldırmaqla nail olub.
İdmançımıza təşkilatçılar tərəfindən diplom və medal təqdim edilib.

Ceyhun Məmmədov

Azərbaycan Daxili İşlər Nazirliyinin (DİN) xidməti idman tədbirlərinin təqvim planına əsasən sentyabrın 18-dən 23-dək voleybol üzrə daxili işlər orqanlarının birinciliyi keçirilib.
Yarışın açılış mərasimində DİN İdman Cəmiyyətinin sədri, Olimpiya, dünya və Avropa çempionu, polis polkovniki Zemfira Meftahatdinova Azərbaycan təmsilçilərinin ən mötəbər yarışlarda əldə etdiyi qələbələr, keçirilən idman tədbirlərinin miqyası və yaradılan infrastruktura görə respublikamızın dünyada idman ölkəsi kimi tanındığını qeyd edib. Bildirilib ki, bütün bu uğurların əsasında ulu öndərin müəyyənləşdirdiyi, dövlət başçımızın uğurla davam və inkişaf etdirdiyi düzgün siyasət, sosial rifah, vətəndaşlara göstərilən diqqət və qayğı durur.
Sonra yarışlara start verilib.
DİN İdman Cəmiyyətində ke­çirilən bu yarışda ərazi polis orqanları, nizami hissə və tədris müəssisələrini təmsil edən, ümumilikdə, 7 komanda gücünü sınayıb.
Naxçıvan Muxtar Respublikası Daxili İşlər Nazirliyinin komandası yarışı üçüncü pillədə başa vurub.
Qaliblərə kubok, medallar, diplomlar və hədiyyələr təqdim olunub.

Ceyhun Məmmədov

Culfa rayon Bənəniyar kənd tam orta məktəbinin idman zalında rayon Gənclər və İdman İdarəsi, Yeni Azərbaycan Partiyası Culfa Rayon Təşkilatı Gənclər Birliyinin və Təhsil Şöbəsinin birgə təşkilatçılığı ilə yeniyetmələr arasında “Zərərli vərdişlərə yox deyək, həmişə sağlam olaq” devizi altında stolüstü tennis üzrə rayon turniri keçirilib.
Rayon Gənclər və İdman İdarəsinin əməkdaşı Elçin Cəfərov, Yeni Azərbaycan Partiyası Culfa Rayon Təşkilatı Gənclər Birliyinin sədri Təbriz Hüseynzadə və Təhsil Şöbəsinin əməkdaşı Səbuhi İbrahimov çıxış edərək keçirilən tədbirlərin mahiyyətindən, idmana göstərilən dövlət qayğısından və idmanın bu növünün inkişafı istiqamətində görülən işlərdən danışıblar.
Gərgin mübarizə şəraitində keçirilən görüşlərdə qalib adını Mətin İbrahimli (Bənəniyar) qazanıb. Digər iki pillədə Mətin Ələkbərli (Bənəniyar) və Əli Qulamzadə (Culfa) qərarlaşıblar.
Yekunda qalib və fərqlənən idmançılara təşkilatçılar tərəfindən diplomlar təqdim edilib.

Ceyhun Məmmədov

Naxçıvan Muxtar Respublikası Gənclər və İdman, Təhsil nazirlikləri və Atıcılıq Federasiyasının təşkilatçılığı ilə orta ümumtəhsil müəssisələrinin şagirdləri arasında atıcılığın tir növü üzrə keçirilən Naxçıvan Muxtar Respublika birinciliyinə yekun vurulub.
Yarışda muxtar respublika rayonlarının hər birindən 1 komanda, şəhərdən isə 3 komanda iştirak edib. Hər komandanın tərkibində 3 oğlan və 3 qız olmaqla, ümumilikdə, 60 şagird birincilikdə mübarizə aparıb.
Yekun nəticəyə əsasən qızlardan qalib adını Firəngiz İsmayılova qazanıb (Naxçıvan şəhər 16 nömrəli tam orta məktəbin şagirdi). İkinci yerə Aytac Cəfərli (Culfa şəhər 1 nömrəli tam orta məktəb), üçüncü yerə isə Nuray Gözəlova (Şərur şəhər 2 nömrəli tam orta məktəb) layiq görülüblər.
Oğlanların mübarizəsində isə ilk üç pillədə Tağı Tağıyev (Şərur şəhər 2 nömrəli tam orta məktəb), Sadiq Rəfiyev (Naxçıvan şəhər 10 nömrəli tam orta məktəb) və Ramin Hüseynli (Babək qəsəbə 1 nömrəli tam orta məktəb) qərarlaşıblar.
Qaliblərə Gənclər və İdman, Təhsil nazirliklərinin diplomları təqdim olunub.

Ceyhun Məmmədov

Naxçıvan şəhərindəki İlham Əliyev adına Olimpiya-İdman Kompleksində “Zərərli vərdişlərə yox deyək, həmişə sağlam olaq” devizi altında “Naxçıvan” və “Culfa” komandaları arasında voleybol üzrə yoldaşlıq görüşü keçirilib.
Naxçıvan Şəhər Gənclər və İdman İdarəsinin rəisi Xəyal Qurbanov və Naxçıvan Muxtar Respublikası Voleybol Federasiyasının sədr müavini Aydın Mirzəyev çıxış edərək komandalara uğurlar arzulayıblar. Hər iki qurumun birgə təşkil etdiyi görüş 3:0 hesabı ilə “Naxçıvan” komandasının qələbəsi ilə yekunlaşıb.
Sonda hər iki komandaya Voleybol Federasiyasının hədiyyələri, şəhər Gənclər və İdman İdarəsinin diplom və fəxri fərmanları təqdim edilib.

Ceyhun MƏMMƏDOV

Naxçıvan şəhərindəki İlham ­Əliyev adına Olimpiya-İdman Kompleksində “Zərərli vərdişlərə yox deyək, həmişə sağlam olaq” devizi altında yeniyetmələr arasında boks üzrə keçirilən Naxçıvan şəhər birinciliyinə yekun vurulub.
İki gün davam edən birincilik Beynəlxalq Boks Federasiyasının qaydalarına uyğun olaraq Naxçıvan Muxtar Respublikası Boks Federasiyası və Naxçıvan Şəhər Gənclər və İdman İdarəsinin birgə təşkilatçılığı ilə keçirilib. 11 çəki dərəcəsində 50-yə yaxın dəri əlcək sahibinin öz qüvvəsini sınadığı birinciliyin yekununa əsasən Ayxan Heydər­ov, Azad Həsənov, Hüseyn Məmmədov, Fəxrəddin Əliyev, Hüseyn Hüseynov, Nizami Novruzov, Orxan Süleymanov, Ayxan Süleymanov, Hidayət Məmmədov, Yusif Əliyev və Hüseyn Əhmədli müvafiq olaraq 33, 34, 38, 40, 42, 50, 52, 54, 57, 60 və 64 kiloqram çəki dərəcələrində I yerə layiq görülüblər.
Sonda hər çəki dərəcəsində yer tutan idmançılara Naxçıvan Şəhər Gənclər və İdman İdarəsinin diplomları təqdim olunub.

Ceyhun MƏMMƏDOV

Naxçıvan şəhər İslam Hümbətov adına Uşaq-gənc­lər idman məktəbində “Zərərli vərdişlərə yox deyək, həmişə sağlam olaq” devizi altında kiçikyaşlı idmançılar (2007-2009-cu illər) arasında sərbəst güləş üzrə Naxçıvan şəhər birinci­liyi keçirilib.
Naxçıvan Şəhər Gənclər və İdman İdarəsinin rəisi Xəyal Qurbanov tədbiri açıq elan edərək bildirib ki, bu yarışı keçirməkdə məqsədimiz idmançıları zərərli vərdişlərdən uzaq tutmaq və onları idmana cəlb etməkdən ibarətdir. Naxçıvan Muxtar Respublikası Güləş Federasiyasının sədr müavini Faiq İsgəndərov yarışın keçirilmə qaydaları haqqında idmançılara geniş məlumat verib və onlara uğurlar ­arzulayıb.
Naxçıvan Muxtar Respublikası Güləş Federasiyası və Naxçıvan Şəhər Gənclər və İdman İdarəsinin birgə təşkil etdiyi birincilikdə 10 çəki dərəcəsi üzrə 50-yə yaxın idmançı öz qüvvəsini sınayıb. Beynəlxalq Güləş Federasiyasının mövcud qaydalarına əsasən keçirilən yarışın yekununa görə Samir Əliyev, Turqay Məmmədli, Məhəmməd İsmayılov, Namiq Əlizadə, Polad Məmmədzadə, Xəzər Abdullayev, Sadiq Məmmədov, Süleyman Məmmədov, Elxan Əhmədli və İlkin Həziyev müvafiq olaraq 20, 23, 26, 29, 32, 35, 38, 47, 53 və 59 kiloqram çəki dərəcələrində bütün rəqiblərini üstələyərək birinciliyin qalibi olublar.
Qalib idmançılara Naxçıvan Şəhər Gənclər və İdman İdarəsinin diplomları təqdim olunub.

Ceyhun MƏMMƏDOV

Culfa rayon Əbrəqunus kənd tam orta məktəbinin idman zalında rayon Gənclər və İdman İdarəsi ilə Naxçıvan Muxtar Respublikası Voleybol Federasiyasının Culfa rayon bölməsinin birgə təşkil etdiyi kişilər arasında voleybol üzrə rayon birinciliyinin növbəti oyunu keçirilib.
Rayonun şəhər və kənd komandaları arasında “Zərərli vərdişlərə yox deyək, həmişə sağlam olaq” devizi altında keçirilən görüşdə bu dəfə Saltaq və Kırna kənd komandaları qarşılaşıblar. Qarşılaşmadan əvvəl rayon Gənclər və İdman İdarəsinin əməkdaşı Elçin Cəfərov, Voleybol Federasiyasının rayon bölməsinin nümayəndəsi Sahib Qeybullayev çıxış edərək keçirilən tədbirin mahiyyətindən, idmana göstərilən dövlət qayğısından və voleybol federasiyasının qarşısına qoyulan vəzifələrdən danışıblar. Çıxışlardan sonra oyunun baş hakimi Afrəddin Cəfərov oyunun qaydaları haqqında idmançıları məlumatlandırıb. Gərgin mübarizə şəraitində keçən görüşdə Saltaq kənd komandası 3:0 hesabı ilə qalib gələrək növbəti mərhələyə yüksəlib.

Ceyhun MƏMMƏDOV

 Son illərdə sağlam həyat tərzini seçən insanların sayı getdikcə artır. Bunun bir çox səbəbi olsa da, əsas səbəblərdən biri kimi insanların daha çox oturaq həyat tərzinə məruz qalması göstərilir. Xüsusilə müasir dövrdə texnoloji imkanların genişlənməsi bir çox sahələrdə fiziki hərəkətlərin məhdudiyyətini artırıb. Bu baxımdan indi əksər insanlar daha çox hərəkət manevrlərini özündə birləşdirən məşğuliyyət növlərinə üstünlük verirlər. Onlardan biri də velosiped sürməkdir. İndi dünyanın istənilən ölkə­sində velosipeddən idman və yaxud nəqliyyat vasitəsi kimi xeyli istifadə edənlər var. Velosipedin istər sərfəli nəqliyyat vasitəsi, istərsə də sağlam həyat tərzi baxımından faydaları çoxdur. Bəs, ümumiyyətlə, bu məşğuliyyət növü haqqında nə bilirik?

Əvvəlcə qeyd edək ki, “velosiped” sözü fransız dilindən tərcümədə “tez ayaq” deməkdir. Velosiped tikiş maşınından sonra dünyada kütləvi şəkildə istehsal edilib yayılan ikinci texniki məhsul hesab olunur. Bəzi mülahizələrə görə, hazırda dünyada yarım milyarda qədər velosiped mövcuddur. Kiçik ölçüsü, sərfəli qiyməti və yanacağa ehtiyacının olmaması onun belə geniş yayılmasının əsas səbəblərindəndir.

Şahbuz Rayon Gənclər və İdman İdarəsi, Uşaq-gənclər idman məktəbi, Yeni Azərbaycan Partiyası Şahbuz Rayon Təşkilatı Gənclər Birliyinin təşkilatçılığı ilə güləş üzrə yarış keçirilib. Uşaq-gənclər idman məktəbinin sərbəst güləş qruplarının idmançıları arasında “Zərərli vərdişlərə yox deyək, həmişə sağlam olaq” devizi altında keçirilən güləş yarışında 4 çəki dərəcəsi üzrə 30-a yaxın idmançı mübarizə aparıb.
Gərgin keçən görüşlərdən sonra Orxan Rüstəmli, Özcan Musayev, Murad Bağırov və Coşqun Əhmədli müvafiq olaraq 32, 36, 42 və 48 kiloqram çəki dərəcələrində qalib adını qazanıblar.
Qaliblərə Gənclər və İdman İdarəsinin diplomları təqdim olunub.

 Ceyhun MƏMMƏDOV

Naxçıvanda şahmatın inkişafına xüsusi diqqət yetirilir. Məhz bunun nəticəsidir ki, muxtar respublikanın şəhər və rayonlarında şahmat məktəbləri tikilərək istifadəyə verilib, həmin məktəblərin maddi-texniki bazası gücləndirilib. Eyni zamanda müasir informasiya-kommunikasiya texnologiyaları ilə təmin olunmuş şahmat məktəblərində distant və interaktiv təhsilin təşkili üçün hər cür şərait yaradılıb.
Naxçıvan Muxtar Respublikası Ali Məclisi Sədrinin 2014-cü il 20 iyun tarixli “Naxçıvan Muxtar Respublikasının təhsil müəssisələrində elektron təhsilin təşkili ilə bağlı əlavə tədbirlər haqqında” Sərəncamından irəli gələn vəzifələrin həlli istiqamətində həyata keçirilən tədbirlərin davamı kimi Şahmat Federasiyası mütəmadi olaraq şahmat məşğələləri keçirir.
Dünən Naxçıvan Şahmat Mərkəzində növbəti məşğələ təşkil olunub və bu məşğələni beynəlxalq hakim Emin Hacıyev tədris edib. Məşğələ 200-dən artıq təhsil müəssisəsində elektron lövhədən inter­aktiv formada izlənilib. Şəhər və rayon şahmat məktəbləri arasında innovativ məşğələni isə 160-a yaxın şahmatçı elektron lövhə vasitəsilə izləyib. Məşğələ zamanı şahmatçıları maraqlandıran suallar cavablandırılıb.
Naxçıvan Muxtar Respublikası Təhsil Nazirliyi tərəfindən təşkil olunan və qabaqcıl şahmat müəllimlərinin tədris etdiyi bu məşğələlərin keçirilməsində məqsəd şahmatın kütləviliyinə nail olmaq, şagirdlərin bu sahəyə meyil və maraqlarını daha da artırmaq, qarşılıqlı fikir mübadiləsi aparmaqla şahmatçılar arasında rəqabət mühitini formalaşdırmaqdır.

 Ceyhun MƏMMƏDOV

Naxçıvan şəhərindəki İlham Əliyev adına Olimpiya-İdman Kompleksində “Zərərli vərdişlərə yox deyək, həmişə sağlam olaq” devizi altında basketbol üzrə yoldaşlıq görüşü keçirilib. Naxçıvan Şəhər Gənclər və İdman İdarəsi ilə Basketbol Federasiyasının birgə təşkil etdiyi görüşdə “Naxçıvan” və “Lokomotiv” komandaları üz-üzə gəlib.
Gərgin mübarizə şəraitində keçən görüş 53:49 hesabı ilə “Naxçıvan” komandasının xeyrinə başa çatıb.

Ceyhun MƏMMƏDOV

Ordubad Rayon Gənclər və İdman İdarəsi ilə Naxçıvan Muxtar Respublikası Boks Federasiyası Ordubad rayon bölməsinin birgə təşkilatçılığı ilə “Zərərli vərdişlərə yox deyək, həmişə sağlam olaq” devizi altında boks üzrə rayon birinciliyi keçirilib. Birincilik 5 çəki dərəcəsində boksun ümumi qaydaları çərçivəsində təşkil edilib.
Yarışdan öncə rayon Gənclər və İdman İdarəsinin rəisi Əbülfəz Əliyev çıxış edərək gəncləri zərərli vərdişlərdən çəkindirməyin zəruriliyindən, idmana olan dövlət qayğısından, rayonda idmanın bu növünün kütləviliyinə nail olunmasından söz açıb, idmançılara uğurlar arzulayaraq yarışı açıq elan edib.
Maraqlı və gərgin keçən mübarizənin yekun nəticələrinə əsasən Əlihüseyn Həbibli, Aqil Maqsudov, Möhsün Həsənzadə, Elgün Rzalı və Ümid Sadiqov müvafiq olaraq 33, 38, 46, 51 və 56 kiloqram çəki dərəcələrində qalib adını qazanıblar.
Sonda qaliblər təşkilatçılar tərəfindən diplom və medallarla təltif ediliblər.

Ceyhun MƏMMƏDOV

Nehrəm kəndindəki 1 nömrəli tam orta məktəbin idman zalında karate-do üzrə Babək qəsəbəsi və Nehrəm komandaları arasında yoldaşlıq görüşü keçirilib.
Görüşdən öncə çıxış edən rayon Gənclər və İdman İdarəsinin rəisi Elvin Əliyev və Naxçıvan Muxtar Respublikası Karate-do Federasiyasının Babək rayon bölməsinin məşqçisi Vüsal Allahverdiyev bildiriblər ki, son illər muxtar respublikamızda müasir idman kompleksləri tikilib, mövcud idman obyektləri günün tələblərinə uyğun yenidən qurulub, maddi-texniki baza möhkəmləndirilib. Peşəkar idmançıların yetişdirilməsi, bu sahədə qazanılan nailiyyətlərin ildən-ilə artması, beynəlxalq yarışlarda yüksək nəticələrin əldə olunması və ölkəmizin beynəlxalq yarışlara ev sahibliyi etməsi dövlətin bu sahəyə olan qayğısının nəticəsidir. Qeyd olunub ki, bu qayğıdan Naxçıvan Muxtar Respublikası Karate-do Federasiyası da yetərincə bəhrələnib. Federasiyanın Babək rayonundan olan karateçiləri də keçirilən ölkə və beynəlxalq miqyaslı yarışlarda uğurla iştirak edir, diplom və medallara layiq görülürlər.
Yoldaşlıq görüşündə 38 idmançı mübarizə aparıb. Sonda qalib komandanın üzvlərinə təşkilatçılar tərəfindən diplomlar təqdim edilib.

Ceyhun MƏMMƏDOV

Bir ölkənin gələcəyi üçün təhsilin vacibliyindən geniş danışmağa, fikrimcə, ehtiyac yoxdur. Bu, hamıya məlumdur və hər kəs təhsilli bir gəncliyin ölkənin gələcək perspektivində necə mühüm rol oynadığının fərqindədir. Bununla yanaşı, yeniyetmə və gənclərin dünyagörüşünün formalaşması üçün başqa sahələrin də əhəmiyyətini xüsusi vurğulamaq lazımdır. Bunun üçün məktəbdənkənar müəssisələrin üzərinə mühüm vəzifələr düşür. Uşaqların asudə vaxtlarının səmərəli keçməsi baxımından əhəmiyyətli rol oynayan belə müəssisələrə dövlət qayğısı da yüksəkdir.
Şahbuz rayon Uşaq-gənclər idman məktəbinə üz tutmaqla da məqsədimiz bu müəssisənin fəaliyyəti ilə yaxından tanış olmaq idi. Məktəbin direktoru Ramin Qənbərov bildirdi ki, Şahbuz rayon Uşaq-gənclər idman məktəbi 1972-ci ildən fəaliyyət göstərir.
Məktəbdə idmanın futbol, voleybol, yüngül atletika, sərbəst güləş bölmələri var. Hazırda məktəbdə 301 nəfər şagirdlə 15 məşqçi-müəllim məşğul olur. Məktəbdə 22 qrup yaradılıb.
Məktəbdənkənar tərbiyə müəssisəsi 2016-2017-ci tədris ili üçün tədbirlər və iş planı hazırlayaraq həyata keçirib. Dərs ili üçün, həmçinin tarixi və əlamətdar günlərlə əlaqədar ayrıca tədbirlər planı hazırlanıb. Həmin tədbirlər planına uyğun olaraq müntəzəm surətdə qruplar arasında müxtəlif idman tədbirləri, yoldaşlıq görüşləri keçirilib. Bundan əlavə, rayon səviyyəli və muxtar respublika birinciliklərində, çempionat və turnirlərdə məktəbin komandaları uğurla çıxış ediblər. “Zərərli vərdişlərə yox deyək, həmişə sağlam olaq” devizi altında keçirilən yüngül atletika, futbol, voleybol, sərbəst güləş üzrə rayon birinciliklərində məktəbin komandaları yüksək yerlərə sahib olublar.

Avqustun 26-da Naxçıvan Muxtar Respublikası Ali Məclisində 2017-2018-ci illərin payız-qış mövsümünə hazırlıq və qarşıda duran vəzifələrlə əlaqədar keçirilən müşavirədə verilmiş tapşırıqların icrası ilə bağlı muxtar respublikanın Gənclər və İdman Nazirliyində keçirilən kollegiya iclasında tədbirlər planı hazırlanmışdır.
Tədbirlər planına uyğun olaraq idman müəssisələrində yoluxucu xəstəliklərə qarşı dezinfeksiya işləri aparılıb. İdmançıların sağlam mühitdə idmanla məşğul olmaları üçün rayonlarda da mütəmadi işlər görülür. Kəngərli Rayon Gənclər və İdman İdarəsi tərəfindən Qarabağlar kən­d­ində yerləşən 2 nömrəli tam orta məktəbin və Şərq Döyüş Sənəti Federasiyasının yeni istifadəyə verilən idman zallarında, eyni zamanda digər yardımçı otaqlarda dezinfeksiya işləri aparılıb. Kəngərli Rayon Gigiyena və Epidemiologiya Mərkəzinin əməkdaşları tərəfindən aparılan dezinfeksiya işləri digər idman obyektlərini də əhatə edəcəkdir.
Bu gün idmançıların sağlam mühitdə idmanla məşğul olmaları üçün Babək rayonunda da mütəmadi işlər görülür. Rayon Gənclər və İdman İdarəsi tərəfindən Babək qəsəbəsində yerləşən 1 və 2 nömrəli tam orta məktəblərin idman zallarında və digər yardımçı otaqlarda dezinfeksiya işləri aparılıb.

 Ceyhun MƏMMƏDOV

Bu gün Naxçıvan Muxtar Respublikasında idmanın inkişafı istiqamətində ardıcıl və məqsədyönlü tədbirlər həyata keçirilir ki, bu da özünü əldə olunan uğurlu nəticələrdə göstərir. Ötən illər ərzində idman infrastrukturu yenilənib, maddi-texniki baza gücləndirilib. Hazırda muxtar respublikamızın bütün bölgələrində dünya standartlarına cavab verən Olimpiya-İdman kompleksləri, idman zalları tikilib istifadəyə verilib, ölkədə qısa müddətdə güclü idman infrastrukturu yaratmağın Naxçıvan modeli formalaşıb.
Bunun səbəbi isə mütəmadi olaraq idmanın və idmançıların diqqətdə saxlanılmasıdır. Naxçıvanda fəaliyyət göstərən idman obyektləri, demək olar ki, hər il yeni avadanlıqlarla təmin olunur. Bunlardan biri də Naxçıvan şəhər İslam Hümbətov adına Uşaq-gənclər idman məktəbidir. Sərbəst, yunan-Roma güləşi, cüdo və sambo idman növlərini uşaq və gənclərə öyrədən məktəb yenidən təmir olunur. Hazırda məktəbin zalında təmir işləri başa çatıb, burada idman avadanlıqları qurulub. Həmçinin zal yeni cüdo tatamisi ilə təmin edilib.
Qeyd edək ki, bu gün məktəbdə 500-ə yaxın uşaq və yeniyetmə 4 idman növü ilə məşğul olur.

Ceyhun MƏMMƏDOV

Naxçıvan şəhərindəki İlham Əliyev adına Olimpiya-İdman Kompleksinin Üzgüçülük Mərkəzində məktəbli yeniyetmə və gənc qızlar arasında üzgüçülük üzrə Naxçıvan şəhər birinciliyi keçirilib.
Naxçıvan Şəhər Gənclər və İdman İdarəsi ilə İlham Əliyev adına Olimpiya-İdman Kompleksinin birgə təşkil etdiyi yarışda 3 yaş qrupunda 25-ə yaxın idmançı mübarizə aparıb.
Üzgüçülüyün sərbəst üsulu üzrə 25 metr məsafədə keçirilən yarışın yekununa əsasən 2002-2003-cü illər təvəllüdlü idmançılar arasında Günel Fətullayeva, 2004-2005-ci illər təvəllüdlü üzgüçülər arasında Tutu Nəsirli, 2006-2008-ci illər təvəllüdlü idmançılar arasında isə Gülan Əhmədova bütün rəqiblərini qabaqlayaraq finiş xəttinə hamıdan öndə çatıblar.
Sonda hər üç yaş qrupunda yer tutan idmançılar Naxçıvan Şəhər Gənclər və İdman İdarəsinin diplomları ilə təltif olunublar.

Ceyhun MƏMMƏDOV

Muxtar respublikada gənclər siyasəti uğurla həyata keçirilir. Bu siyasətin əsas istiqamətlərindən biri də gənclərin intellektual səviyyələrinin yüksəldilməsi və onların dünyagörüşlərinin formalaşdırılmasıdır. Bu çərçivədə Naxçıvan Muxtar Respublikası Gənclər və İdman Nazirliyi mütəmadi olaraq intellektual oyunlar, bilik yarışları təşkil edir. Keçirilən yarışlarda fəal iştirak edən gənclərimiz muxtar respublikamızı Azərbaycan çempionatlarında, birinciliklərdə və digər intellektual oyunlarda layiqincə təmsil edirlər.
Sentyabrın 10-da QeymTV.az-ın təşkilatçılığı, “Nar Mobile”nin sponsorluğu, Kapital Bankın maliyyə dəstəyilə reallaşdırılan “Breyn Rinq” oyununun X yubiley mövsümü keçirilib. Oyunda Tural Məmmədzadə (kapitan), Təbriz Eyvazlı, Camal Cümşüdlü, Hüseyn Həsənov, Vaqif Məmmədov, Qafar Cəfərzadə, Anar Qurbanov (ehtiyat oyunçu) tərəfindən təşkil olunmuş “Naxçıvan” komandası muxtar respublikanı layiqincə təmsil edib. Belə ki, gənclər sentyabr ayının ikinci seçim oyununda Şəki, Füzuli, Ağdaş, Lənkəran, Bərdə və Ağcabədi komandalarına qalib gələrək ard-arda 6 görüşdə qələbə qazanıb və sentyabr ayının final mərhələsində oynamaq hüququ əldə ediblər.

Ceyhun MƏMMƏDOV

Gənclərin idmana cəlbi istiqamətində görülən tədbirlərin davamı olaraq Naxçıvan Muxtar Respublikası Gənclər və İdman Nazirliyi, Naxçıvan Muxtar Respublikası Ali Məclisinin Sədri yanında Gənclər Fondu, şəhər və rayon gənclər və idman idarələrinin təşkilatçılığı ilə gənclərdən ibarət kənd komandaları arasında futbol üzrə şəhər və rayon birinciliyində final görüşləri keçirilib.
Şərur rayon Aralıq kənd stadionunda keçirilən həlledici qarşılaşmada Mahmudkənd və Çərçiboğan kənd komandaları üz-üzə gəlib. Daha inamlı oyun göstərən çərçiboğanlılar meydanı 6:2 hesablı qələbə ilə tərk edib və yarışın qalibi adını qazanıb. Mahmudkənd komandası ikinci, Dizə kənd komandası isə üçüncü olub.
10 komandanın heyətində 250-yə yaxın futbolçunun mübarizə apardığı Culfa rayon birinciliyinin final görüşündə Ərəzin və Bənəniyar kənd komandaları qarşılaşıblar. Culfa şəhər mərkəzi stadionunda keçirilən görüşdə Ərəzin kənd komandası 3:2 hesabı ilə qalib gəlib və birinciliyin baş mükafatını qazanıb.

Culfa Rayon Gənclər və İdman İdarəsi ilə Naxçıvan Muxtar Respublikası Voleybol Federasiyasının Culfa rayon bölməsinin birgə təşkil etdiyi şəhər və kənd komandaları arasında “Zərərli vərdişlərə yox deyək, həmişə sağlam olaq” devizi altında kişilər arasında voleybol üzrə rayon birinciliyinə start verilib.
Yarış əsasnaməyə uyğun olaraq iki yarımqrupda olimpiya sistemi üzrə müvafiq olaraq Əbrəqunus və Culfa şəhər 3 nömrəli tam orta məktəblərin idman zallarında keçirilir. Birincilikdə 12 komandanın heyətində 144 idmançı mübarizə aparır.

Naxçıvan şəhərindəki İlham Əliyev adına Olimpiya-İdman Kompleksində “Zərərli vərdişlərə yox deyək, həmişə sağlam olaq” devizi altında yeniyetmə və gənclər arasında MMA qarışıq döyüş növü üzrə Naxçıvan şəhər birinciliyi keçirilib.
Naxçıvan Şəhər Gənclər və İdman İdarəsinin rəisi Xəyal Qurbanov çıxış edərək bildirib ki, bu yarışı keçirməkdə məqsədimiz yeniyetmə və gəncləri zərərli vərdişlərdən kənarlaşdırmaq və onları idmana cəlb etməkdən ibarətdir.
Naxçıvan Şərq Döyüş Sənəti Federasiyası ilə şəhər Gənclər və İdman İdarəsinin birgə təşkil etdiyi yarışda 12 çəki dərəcəsində 60-a yaxın oğlan və qız idmançı mübarizə aparıb. Gərgin mübarizə şəraitində keçən döyüşdə qızlar arasında 27 kiloqram çəki dərəcəsində Röya Abdullayeva, oğlanlar arasında isə Ramil Heydərov, Hüseyn Zamanlı, Oğuz Məmmədli, Sahil Heydərov, Fərid Məhərrəmov, Kamal Həsənov, Nizami Hüseynov, Tağı Məmmədov, Seymur Mürsəlov, Xızır İsmayılov, Ayxan Həsənov müvafiq olaraq 30, 34, 38, 42, 46, 52, 58, 61, 66, 70 və 77 kiloqram çəki dərəcələrində qalib adını qazanıblar.
Sonda hər çəki dərəcəsində yer tutan idmançılar Naxçıvan Şəhər Gənclər və İdman İdarəsinin diplomları ilə mükafatlandırılıblar.

 Ceyhun MƏMMƏDOV

Şərur Rayon Gənclər və İdman İdarəsi ilə Təhsil Şöbəsinin birgə təşkil etdiyi “Zərərli vərdişlərə yox deyək, həmişə sağlam olaq” devizi altında sərbəst güləş üzrə yeniyetmələr arasında rayon birinciliyinə yekun vurulub. Birincilikdə 80-dən çox güləşçi 10 çəki dərəcəsində mübarizə aparıb.
Yarışın yekun nəticəsinə əsasən Əmrə Ağayev (32 kiloqram), Elçin İsmayılov (35 kiloqram), Hüseyn Əliyev (38 kiloqram), Etiram Nəzərov (42 kiloqram), Mirəhməd Eminov (46 kiloqram), Əkbər Qasımov (50 kiloqram), Sultan Quluyev (54 kiloqram), Altay İsmayılov (58 kiloqram), Fəxri Ələsgərov (63 kiloqram) və Əli Mehdiyev (69 kiloqram) öz çəki dərəcələrində bütün rəqiblərinə qalib gələrək birinciliyin baş mükafatını qazanıblar.
Sonda qaliblər təşkilatçılar tərəfindən diplomlarla təltif olunublar.

Ceyhun MƏMMƏDOV

Hövsan Olimpiya-İdman Kompleksində MMA Qarışıq İdman növü üzrə uşaqlar, yeniyetmələr, gənclər və böyüklər arasında Bakı şəhər açıq kuboku turniri keçirilib.
Yarışda Naxçıvan Muxtar Respublikası Şərq Döyüş Sənəti Federasiyasının 4 idmançısı da mübarizə aparıb. İki gün davam edən turnirdə ən uğurlu nəticəni 42 kiloqram çəki dərəcəsində (uşaqlar) mübarizə aparan Fərid Məhərrəmov əldə edib. O, noqi versiyası üzrə bütün rəqiblərini üstələyərək qalib adına layiq görülüb və bir ay sonra Bakı şəhərində keçiriləcək dünya çempi­onatına lisenziya qazanıb.
Böyüklər arasında noqi versiyası üzrə 66 kiloqram çəki dərəcəsində rinqə çıxan Cəfər Abbasov ikinci, elə bu versiyada 62 kiloqram çəki dərəcəsində Rəzzaq Əliyev üçüncü olublar.
Sonda idmançılarımıza təşkilatçılar tərəfindən diplom və medallar təqdim edilib.

Ceyhun MƏMMƏDOV