Naxçıvan Muxtar Respublikası Şahmat Federasiyasının yetirmələri Türkiyədə keçirilən beynəlxalq şahmat festivallarında iştirak ediblər.
İlk olaraq zəka sahiblərimiz 19-24 avqust tarixlərdə Ankaranın Çubuk rayonunda keçirilən üçüncü beynəlxalq şahmat festivalında qüvvələrini sınayıblar. Turnirdə şahmatçılarımız uğurla çıxış ediblər. Belə ki, B kateqoriyasında mübarizə aparan Tural Zeynalov turniri ikinci pillədə başa vurub. Bu kateqoriyanın qalibi isə idmançımız Orxan Həsənov olub. 10 yaş kateqoriyasında şahmatçımız Nazlı Hümbətova uğurlu çıxışı ilə yadda qalıb. O, qızların mübarizəsində birinci, ümumilikdə isə bu yaş kateqoriyası üzrə ikinci olub. Digər medalı isə komandamıza Nəsrin Babayeva qazandırıb. O, 14 yaş kateqoriyası üzrə turniri ikinci pillədə başa vurub.
25-30 avqust tarixlərdə isə qonşu ölkənin Malatya şəhərində beşinci beynəlxalq şahmat festivalı təşkil olunub. Bu turnirdə də idmançılarımız 4 müxtəlif əyarlı medal əldə ediblər. 8 yaşlı oğlanlar arasında Oğuz Cabbarlı, 10 yaşlı qızlar arasında Nazlı Hümbətova və 14 yaşlı oğlanlar arasında Əli Əliyev ikinci olublar. 14 yaşlı qızların mübarizəsində isə qalib adını zəka sahibimiz Nəsrin Babayeva qazanıb.
İdmançılarımız təşkilatçılar tərəfindən diplom və hədiyyələrlə mükafatlandırılıblar.

Ceyhun MƏMMƏDOV

Muxtar respublikamızda idmanın bütün sahələri özünün inkişaf dövrünü yaşayır. Bunun nəticəsidir ki, son illər idmançılarımız dünya və Avropa birinciliklərində, beynəlxalq arenalarda Azərbaycanı layiqincə təmsil edirlər. Bu gün muxtar respublikanın Gənclər və İdman Nazirliyinin, eyni zamanda Naxçıvanda fəaliyyət göstərən federasiyaların qarşısında duran əsas məqsəd bu tendensiyanı davam etdirmək, ildən-ilə uğurların sayını artırmaqdır.
İdman elə bir sahədir ki, yaşından, həyat tərzindən, işindən asılı olmayaraq, hər kəs bu sahəyə maraq göstərir. Fiziki imkanları məhdud insanlar üçün isə bu, xüsusi əhəmiyyət kəsb edir. Bəs onlar ev mühitində idmanla necə məşğul ola bilərlər?
İlk olaraq, ev şəraitində məşq edərkən əzələləri möhkəmləndirmək üçün onları daim hərəkət etdirmək lazımdır. Bu, daha çox səbir tələb edir. Eyni zamanda düzgün qidalanmaq da burada mühüm rol oynayır. Həkimlər qeyd edirlər ki, əzələ kütləsinin artımında qidalanmanın payı 80 faizdən çoxdur. Bunun üçün zülal qəbulu artırılmalı, karbohidratlar minimuma endirilməlidir. Belə insanlarda karbohidratlar enerjiyə sərf olunur. Adətən, ev şəraitində məşq edən fiziki imkanları məhdud insanlar karbohidratlardan – çörək və şəkərdən imtina etməlidirlər.

Bu il yanvar ayının 14-də Naxçıvan Muxtar Respublikası Ali Məclisində “Naxçıvan Muxtar Respublikasında bədən tərbiyəsi və idmanın hazırkı vəziyyəti və qarşıda duran vəzifələr”lə bağlı keçirilən müşavirədə verilmiş tapşırıqların icrası ilə əlaqədar Naxçıvanda bir neçə yeni idman bölməsi fəaliyyətə başlayıb. 

Bu bölmələrdən biri də Şərur rayonunda fəaliyyət göstərən qızlar üçün bədii gimnastika bölməsidir. Bölmə Şərur Olimpiya-İdman Kompleksinin zalında yerləşir və qızların məşq etməsi üçün zal bədii gimnastika avadanlıqları ilə təmin edilib. Cari ilin əvvəlindən fəaliyyətə başlayan bölməyə müvəqqəti olaraq həftədə iki dəfə məşqçi-müəllim, idman ustası Humay Qafarova rəhbərlik edirdi. Bölmənin müəllimi Sevinc Nəcəfova isə Bakıda 6 aylıq məşqçi kursuna göndərilmişdi.
Paytaxtda kursu başa vuran məşqçi-müəllim artıq muxtar respublikaya qayıdıb. Sevinc Nəcəfova ilə söhbətimizdə o qeyd etdi ki, Naxçıvan Muxtar Respublikasının Gənclər və İdman Nazirliyinin dəstəyi ilə mart ayından etibarən Bakı şəhərindəki gimnastika arenasında bədii gimnastika idman növü üzrə ixtisas­artırma kurslarına cəlb olunmuşam. 6 aylıq kursda müəllimlərimiz bizə uşaqlarla düzgün rəftar, bədii gimnastika üzrə məşqlərin aparılma qaydaları barədə həm nəzəri, həm də praktik seminarlar keçiblər.

Bu gün Naxçıvan Muxtar Respublikasında idmanın kütləviliyi şəhər və rayonlarla yanaşı, muxtar respublikanın kəndlərində də diqqətdə saxlanılır. Naxçıvan Muxtar Respublikası Gənclər və İdman Nazirliyi, muxtar respublikada fəaliyyət göstərən idman federasiyaları kənd­lərimizdə bölmələr açmaqla, gənc­lərin asudə vaxtlarını səmərəli keçirmələrini təmin etməklə yanaşı, həm də onların cəmiyyətə sağlam fərd kimi qazanılmasında müstəsna roy oynayırlar.
Belə bölmələrdən biri də Kəngərli rayonunun Qarabağlar kəndində yeni fəaliyyətə başlayan kikboksinq bölməsidir. Gənclər və İdman Nazirliyi, Kəngərli Rayon İcra Hakimiyyəti və Naxçıvan Muxtar Respublikası Şərq Döyüş Sənəti Federasiyasının dəstəyi ilə idmançıların istifadəsinə verilən bölmə rayon Mərkəzləşdirilmiş Kitabxana Sisteminin inzibati binasında yerləşir. Kikboksinqçilər üçün nəzərdə tutulmuş zal yenidən təmir edilib. Gənclər və İdman Nazirliyi tərəfindən zalda rinq, tatami və digər idman qurğuları quraşdırılıb. Bölmənin məşqçi-müəllimi Kaməddin Rzayev bizimlə söhbətində bildirdi ki, bu idman növü ilə artıq 40-a yaxın uşaq və yeniyetmə məşğul olur. Məşqlərimiz həftənin I, III və V günləri iki saat olmaqla keçirilir. Tabe olduğumuz federasiya ilə yanaşı, nazirlik və icra hakimiyyəti də bizimlə mütəmadi olaraq maraqlanır. Həmçinin yerli idman idarəsinin məsul şəxsləri də məşqlərimizi izləyirlər. Məqsədimiz təkcə Qarabağlar kəndindən olanlar deyil, eyni zamanda rayonun digər kəndlərindəki istedadlı uşaqları da bura cəlb etməkdir.

Ceyhun MƏMMƏDOV

Türkiyənin Ərzurum şəhərində Qaradəniz və Xəzər dənizi ölkələri arasında karate-do üzrə beynəlxalq turnir keçirilib. 27 ölkənin 2500 idmançısının mübarizə apardığı turnirdə Naxçıvan Muxtar Respublikası Karate-do Federasiyasının 5 yetirməsi də mübarizə aparıb.
Qonşu ölkəyə 1 qız və 4 oğlan idmançı ilə yollanan Karate-do Federasiyasının qazancı 4 medal olub. Belə ki, 12-13 yaşlılar arasında Vüsal Seyidov, 14-15 yaşlılar arasında Aslan İsmayılov və İmran Həsənov, 16-17 yaşlılar arasında isə Sərcan Məmmədov bürünc medal qazanıblar.
İdmançılarımız təşkilatçılar tərəfindən diplom, medal və kubokla təltif olunublar.

Ceyhun MƏMMƏDOV

Culfa Rayon Uşaq-gənclər şahmat məktəbində rayon Gənclər və İdman İdarəsi ilə Naxçıvan Muxtar Respublikası Şahmat Federasiyasının Culfa rayon bölməsinin birgə təşkil etdiyi yeniyetmə şahmatçılar arasında şahmatın tempo növü üzrə şəhər birinciliyinə yekun vurulub.
Yarış əsasnaməyə uyğun olaraq İsveçrə sistemi üzrə (7 tur) təşkil edilib. Rayon Gənc­lər və İdman İdarəsinin əməkdaşı Elçin Cəfər­ov, Təhsil Şöbəsinin məsləhətçisi Səbuhi İbrahimov və Uşaq-gənclər şahmat məktəbinin direktor əvəzi Vüsalə Ələkbərova çıxış edərək rayonda idmana göstərilən diqqət və qayğıdan danışıblar. Çıxışlardan sonra yarışın baş hakimi Nigar Dünyamalıyeva oyunun qaydaları haqqında idmançıları məlumatlandırıb.
Gərgin mübarizə şəraitində keçən görüşdə Elcan Qulamzadə 6 xalla birinci yerə layiq görülüb. Sunay Kərimli 5,5 xalla ikinci, Əli Qulamzadə isə 5 xalla üçüncü olublar.
Qaliblərə diplom və hədiyyələr təqdim edilib.

Ceyhun MƏMMƏDOV

Gənclərin idmana cəlbi istiqamətində görülən tədbirlərin davamı olaraq Naxçıvan Muxtar Respublikası Gənclər və İdman Nazirliyi, Naxçıvan Muxtar Respublikası Ali Məclisinin Sədri yanında Gənc­lər Fondu, şəhər və rayon Gənclər və İdman idarələrinin təşkilatçılığı ilə gənclərdən ibarət kənd komandaları arasında futbol üzrə şəhər və rayon birinciliyində növbəti oyunlar keçirilib.
Sədərək rayonunda qalib komandanın adı artıq məlumdur. Belə ki, həlledici qarşılaşmada Sədərək kənd komandası və “Sədərək-2” komandası üz-üzə gəlib. Daha baxımlı oyun nümayiş etdirən birincilər meydanı 4:0 hesablı qələbə ilə tərk ediblər və birinciliyin baş mükafatını qazanıblar. Digər final görüşü Kəngərli rayonunun mərkəzi stadionunda keçirilib. Final görüşündə Qıvraq kənd komandası Xok kənd komandasının qapısından 5 top keçirib (5:1) və birinciliyi ilk pillədə başa vurub. Sonda hər iki rayonda qalib olan komandalara Naxçıvan Muxtar Respublikası Gənclər və İdman Nazirliyinin, Naxçıvan Muxtar Respublikası Ali Məclisinin Sədri yanında Gənclər Fondu tərəfindən kubok və hədiyyələr təqdim olunub.
Digər bolqollu oyun Şahbuz rayon mərkəzi stadionunda qeydə alınıb. İlk olaraq meydana Kolanı və Nursu kənd komandaları çıxıb. Görüş Kolanı futbolçularının 4:1 hesablı qələbəsi ilə yekunlaşıb. Şahbuzkənd və Kükü kənd komandalarının qarşılaşmasında isə azarkeşlər 10 qola şahidlik ediblər. Bu matçda Kükü futbolçuları meydanı 6:4 hesablı qələbə ilə tərk ediblər.

Naxçıvan Muxtar Respublikası Şərq Döyüş Sənəti Federasiyasının yetirmələri Kempo Qarışıq Döyüş növü üzrə keçirilən Bakı şəhəri açıq çempionatında iştirak ediblər.
Çempionat gənclər və kişilər arasında olmaqla, iki – döyüş və grappling (güləş – ağrıdıcı fənd tətbiq etmək) versiyaları üzrə keçirilib. Bu yarışda 3 idmançımız mübarizə aparıb və onlar, ümumilikdə, 6 müxtəlif əyarlı medal qazanıblar. Belə ki, döyüş növündə ən uğurlu nəticəni Kamal Həsənov əldə edib. O, bütün rəqiblərinə qalib gələrək çempionatın baş mükafatını qazanıb. Digər idmançılarımız Nurlan Qafarov və Fərəc Quliyev isə müvafiq olaraq çempionatda ikinci və üçüncü olublar.
Grappling növündə (gənclər) ­50 kiloqram çəki dərəcəsində Kamal Həsənov yenə fəxri kürsünün ən yüksək zirvəsinə qalxıb. Kişilərin mübarizəsində Fərəc Quliyev (50 kiloqram) də eyni uğuru təkrarlayıb. 65 kiloqram çəki dərəcəsində mübarizə aparan Nurlan Qafarov isə bu növdə üçüncü olub.
Sonda idmançılarımız təşkilatçılar tərəfindən diplom və medalla təltif olunublar.

Ceyhun MƏMMƏDOV

Musiqi bəzən insanda cəsarət, bəzən hərəkətlilik, bəzən də sevinc və kədər yarada bilir. Musiqinin hiss və duyğularımızla uyğunlaşmasını söyləmək mümkündür. İdmanda da bu, belədir. Aparılan araşdırmalar göstərir ki, musiqi tərzlərinin fərqliliyini hiss edən, onu zövqlə dinləyən idmançılar özlərini rahat şəkildə motivasiya etməyi bacarırlar. 

Musiqi idmançıya nə qazandırır?

Musiqi öz xarakterinə görə insanı sakitləşdirir, düşündürür, mübarizəyə çağırır və onda müxtəlif əhval-ruhiyyə təlqin edir. Bu təsir qüvvəsi xalqımızın qədim məhəbbət və qəhrəmanlıq dastanlarında da öz əksini tapıb.
Musiqinin insana verdiyi gözəl təəssürat və hissiyyatlar onun ruhuna təsir edir. Musiqi insan ruhunun emosional oyanışına səbəb olur. Buna görə də musiqi sədaları altında keçirilən məşqdən idmançı sanki yorulmur. Daha dəqiq desək, musiqinin cazibədar sədaları insanın ruhunu qidalandırır, psixoloji gərginliyi aradan qaldırır və onu yüksək nailiyyətlərə ruhlandırır. Bu səbəbdən bütün məşqlərin hazırlıq hissəsinin xüsusi seçilmiş musiqi sədaları altında keçirilməsi məsləhətdir.
Bu zaman maraqlı sual ortaya çıxır: Musiqi idmançıya nə verir?

Naxçıvan Muxtar Respublikası Güləş Federasiyasının yetirmələri beynəlxalq turnirdə uğura imza atıblar.
Belə ki, 8-20 avqust tarixlərində Türkiyənin Sakarya şəhərində valilik kuboku uğrunda cüdo üzrə “Zəfər həftəsi” beynəlxalq turniri keçirilib.
Naxçıvan cüdo məktəbinin yetirmələri uğurlu çıxışları ilə hamının diqqətini cəlb edib. 42 kiloqram çəki dərəcəsində tatami üzərinə çıxan Abbas Məmmədov finala kimi bütün rəqiblərini məğlub edib. Həll­edici görüşdə üstünlüyü əldən verən idmançımız beynəlxalq turniri gümüş medalla başa vurub. Komandamıza gümüş medal qazandıran digər cüdoçu Aqil Musayev olub. O, 90 kiloqram çəki dərəcəsində bu uğura imza atıb.
Sonda idmançılarımız təşkilatçılar tərəfindən diplom və medalla təltif olunublar.

 Ceyhun MƏMMƏDOV

Gənclərin idmana cəlbi istiqamətində görülən tədbirlərin davamı olaraq Naxçıvan Muxtar Respublikası Gənclər və İdman Nazirliyi, Naxçıvan Muxtar Respublikası Ali Məclisinin Sədri yanında Gənclər Fondu, şəhər və rayon Gənclər və İdman idarələrinin təşkilatçılığı ilə gənclərdən ibarət kənd futbol komandaları arasında şəhər və rayon birinciliyinin növbəti oyunları keçirilib.

Şərur rayonunda növbəti mərhələyə Dizə və Yaycı kənd komandaları yüksəlib. Dizəlilər Kosacan, yaycılılar isə Siyaqut kənd komandalarını penalti zərbələrindən sonra 5:2 hesabı ilə məğlub ediblər. Babək rayonunda da azarkeşlər iki görüşə şahidlik ediblər. Dairəvi sistem üzrə keçirilən görüşlərdə Qahab kənd komandası Çeşməbasar kənd komandasını məğlub etsə də (3:0), Vayxır və Cəhri komandalarının görüşündə qalib müəyyənləşməyib – 2:2.
Şahbuz rayonunda Kükü kənd komandası da adını növbəti mərhələyə yazdırıb. Onlar Aşağı Qışlaq kənd komandasının qapısından 5 cavabsız top keçiriblər – 5:0. Ərəzin kənd komandası isə Culfa rayonunda ilk yarımfinala yüksələn komanda adını qazanıb. Göydərə kənd komandasını 4:1 hesabı ilə məğlub etməklə, Ərəzin futbolçuları buna müvəffəq olublar. Ordubad rayonunda isə azarkeşlər gərgin oyuna tamaşa ediblər. Aza və Kələntər Dizə kənd komandalarının görüşü 1:1 hesabı ilə yekunlaşıb. Penalti zərbəsini daha dəqiq yerinə yetirən ikincilər növbəti mərhələyə yüksəliblər – 3:4.
Sədərək rayonunda Heydərabad və Qaraağac kənd komandaları üz-üzə gəlib. Görüş birincilərin 4:2 hesablı qələbəsi ilə yekunlaşıb. Bu turun ən bolqollu oyunu Kəngərli rayonunda olub. Şahtaxtı və Qarabağlar kənd komandalarının görüşündə 8 qol qeydə alınıb. Belə ki, oyun 7:1 hesabı ilə Şahtaxtı kənd komandasının xeyrinə başa çatıb.

 Ceyhun MƏMMƏDOV

Şahbuz Rayon Gənclər və İdman İdarəsi, Uşaq-gənclər şahmat məktəbi və Yeni Azərbaycan Partiyası Şahbuz Rayon Təşkilatı Gənclər Birliyinin birgə təşkil etdiyi şahmat üzrə rayon birinciliyinə yekun vurulub.
Birinciliyin açılış mərasimində çıxış edən rayon Gənclər və İdman İdarəsinin rəis əvəzi İdris Qəhrəmanov, Uşaq-gənclər şahmat məktəbinin direktoru Əli Gülmalıyev yarış iştirakçılarına tədbir barədə geniş məlumat verib, onlara uğurlar arzulayıblar.
Yeddi turdan ibarət olan və İsveçrə sistemi üzrə keçirilən birinciliyin yekun nəticəsinə əsasən Nuray Quluzadə qalib olub. O, 7 maksimum xalın 6,5-ni toplayıb. 6 xalla Hüseyn Hüseynli ikinci, 5,5 xalla Fərid Kərimli isə üçüncü olublar.
Sonda qaliblərə yarışın təşkilatçılarının diplom və hədiyyələri təqdim edilib.

Ceyhun MƏMMƏDOV

İran İslam Respublikasının Urmiya şəhərində keçirilən karate-do üzrə XIII Beynəlxalq Dostluq və Həmrəylik turnirinə yekun vurulub.
10 ölkənin 320 idmançısının mübarizə apardığı beynəlxalq turnirdə Azərbaycan yığma komandası da 50 karateçi ilə təmsil olunub. Naxçıvan Muxtar Respublikası Karate-do Federasiyasının 3 yetirməsi isə millimizin heyətində qonşu ölkəyə yollanıb.
Beynəlxalq turnirdə Azərbaycan yığma komandası, ümumilikdə, 14 medal qazanıb ki, bunun da biri Naxçıvan karateçilərinin payına düşür. Belə ki, 14-15 yaşlı idmançıların mübarizəsində 52 kiloqram çəki dərəcəsində tatami üzərinə idmançımız İmran Həsənov çıxıb. O, yarımfinal mərhələsinə kimi məğlubiyyətsiz irəliləyib. Bu mərhələdə məğlub olan İmran Həsənov beynəlxalq turniri üçüncü pillədə başa vurub.
Sonda idmançımız təşkilatçılar tərəfindən diplom və medalla təltif olunub.
Qeyd edək ki, Karate-do Federasiyasının yetirmələrini qarşıda daha bir beynəlxalq turnir gözləyir. Belə ki, 22-26 avqust tarixlərində Türkiyənin Ərzurum şəhərində ənənəvi turnir keçiriləcək. Federasiya bu yarışda bir qız olmaqla, 5 idmançı ilə iştirak edəcək.

Ceyhun MƏMMƏDOV

İdmanın inkişafında, təbliğində, geniş yayılmasında idman məktəblərinin rolu danılmazdır. Uşaqların bu sahəyə cəlbində, onlara sağlam həyat tərzi aşılamaqda uşaq-gənclər idman məktəblərinin üzərinə mühüm vəzifələr düşür. Ümumiyyətlə, belə idman məktəbləri məktəbdənkənar, sosialyönümlü müəssisədir. Onlar öz fəaliyyətlərini uşaq, yeniyetmə və gənclərin ahəngdar inkişafına, bədən tərbiyəsi və idman vasitəsilə sağlamlığının və fiziki hazırlığının möhkəmləndirilməsinə yönəldirlər. 

Gənclərin idmana cəlbi istiqamətində görülən tədbirlərin davamı olaraq Naxçıvan Muxtar Respublikası Gənclər və İdman Nazirliyi, Naxçıvan Muxtar Respublikası Ali Məclisinin Sədri yanında Gənclər Fondu, şəhər və rayon Gənclər və İdman idarələrinin təşkilatçılığı ilə gənclərdən ibarət kənd komandaları arasında futbol üzrə şəhər və rayon birinciliyinin növbəti oyunları keçirilib.
Culfa rayonunun Ərəzin kənd stadionunda baş tutan görüşdə Kərki və Camaldın kənd komandaları üz-üzə gəlib. Görüş Kərki kənd futbolçularının 4:2 hesablı qələbəsi ilə yekunlaşıb. Kəngərli rayon mərkəzi stadionunda təşkil edilən görüşdə isə Xok və Şahtaxtı kənd komandaları qarşılaşıb. Azarkeşlərin 13 qola şahidlik etdiyi matçda Xok kənd komandası 7:6 hesabı ilə qələbə qazanıb.
Şahbuz rayon mərkəzi stadionunda Şahbuzkənd və Külüs kənd komandaları qarşılaşıb. Görüşü 5:1 hesablı qələbə ilə başa vuran birincilər növbəti mərhələyə yüksəlib. Ordubad rayonunda isə Vənənd kənd komandası rayonun “Gənclər birliyi” komandasını 3:0 hesabı ilə məğlub ediblər. Babək rayonunda iki görüş keçirilib. Babək qəsəbə stadionunda meydan sahibləri Çeşməbasar kənd komandasını (3:1), Vayxır kənd stadionunda isə meydan sahibləri Sirab kənd komandasını (3:0) məğlubiyyətə uğradaraq növbəti mərhələyə adlayıblar.

Naxçıvan şəhərindəki İlham Əliyev adına Olimpiya-İdman Kompleksinin Üzgüçülük Mərkəzində 12 avqust – Beynəlxalq Gənclər Günü münasibətilə qızlar arasında üzgüçülük üzrə şəhər açıq birinciliyi keçirilib.
Naxçıvan Şəhər Gənclər və İdman İdarəsinin və İlham Əliyev adına Olimpiya-İdman Kompleksinin birgə təşkilatçılığı ilə keçirilən birincilikdə 4 yaş qrupunda 30-dan çox idmançı mübarizə aparıb. Üzgüçülüyün sərbəst üsulu üzrə 25 metr məsafə üzrə yarışın yekununa əsasən, 2000-2001-ci illər təvəllüdlü idmançılar arasında Nuranə Səfərova, 2002-ci il təvəllüdlü idmançılar arasında Tutu Nəsirli, 2003-2004-cü illər təvəllüdlü idmançılar arasında Nigar İsmayıllı və 2005-2008-ci illər təvəllüdlü idmançılar arasında isə Gülan Əhmədova finiş xəttinə hamıdan əvvəl çataraq qalib adını qazanıblar.
Sonda hər yaş qrupunda yer tutan və fərqlənən idmançılara Naxçıvan Şəhər Gənclər və İdman İdarəsinin diplom və fəxri fərmanları təqdim edilib.

Ceyhun Məmmədov

Naxçıvan Şəhər Şahmat Mərkəzində məktəblilərin yay tətilinin səmərəli təşkili məqsədilə yeniyetmələr arasında şahmat üzrə şəhər birinciliyi keçirilib.
Naxçıvan Şəhər Gənclər və İdman İdarəsinin rəisi Xəyal Qurbanov tədbiri açaraq bildirib ki, birinciliyi keçirməkdə məqsədimiz məktəblilərin yay tətilinin və asudə vaxtlarının səmərəli təşkilindən ibarətdir. Naxçıvan Şəhər Gənclər və İdman İdarəsinin və Naxçıvan Şəhər Uşaq-gənclər şahmat məktəbinin birgə təşkilatçılığı ilə keçirilən yarışda 8-12 yaş qrupunda 50-yə yaxın oğlan və qız şahmatçı mübarizə aparıb.
Yarış İsveçrə sistemi ilə 7 turdan ibarət olmaqla keçirilib. Belə ki, qızlar arasında Fatimə Həsənova, Fidan Vəliyeva və Aysu Şıxəlili, oğlanlar arasında isə Hüseyn Qənbərli, Aslan Bağırov və Murad Abbaslı müvafiq olaraq 8, 10 və 12 yaş qrupunda birinci yerlərə layiq görülüblər.
Sonda hər yaş qrupunda yer tutan şahmatçılara Naxçıvan Şəhər Gənc­lər və İdman İdarəsinin diplomları təqdim edilib.

- Ceyhun Məmmədov

Uşaqların son dövrlər ən çox maraq göstərdiyi sahə idmandır. Bəs bu sahənin uşaqlar üzərindəki təsiri necədir? Qeyd edək ki, idman fəaliyyətləri fiziki inkişafa kömək edən bir vasitə kimi qiymətləndirilsə də, uşağın həm təhsilində, həm də gələcək həyatında böyük rol oynayır. Hər idman növünün özünün qaydaları, tənzimləmələr və tətbiqlər, əslində, intizam dediyimiz sistemi həyatımıza tətbiq etməkdədir. Məşq etmək, vaxtında oyuna başlamaq, qaydalara uyğun hərəkət etmək uşağın bütün iradi keyfiyyətlərinə təsir göstərən amillərdir.
Məğlub olmamağa çalışmaq, təkrar sınamaq, sağlam rəqabətə girmək, hakimlə, məşqçi ilə, komanda yoldaşları ilə ünsiyyət qurmaq, bu ünsiyyəti qoruyub saxlamaq, məqsədi naminə çalışmaq, hədəflərə doğru inamla irəliləmək uşağın həm də mənəvi-psixoloji baxımdan güclənməsinə səbəb olur, əhəmiyyətli və lazımlı bacarıqların formalaşmasına yol açır. İdman fəaliyyətinin qazandırdığı mənəvi və fiziki bacarıqlar uşağın gələcəkdə cəmiyyətdə layiqli yer tutmasına rəvac verir, sağlam bir fərd kimi pis vərdişlərdən uzaq olmasına kömək edir, məsuliyyət duyğusunu artırır.
Uşaqlar hər hansı idman növü ilə məşğul olmadan əvvəl mütləq tibbi müayinədən keçirilməlidirlər. Uşağın sağlamlıq problemi varsa, həkim tərəfindən müəyyən olunub, özünə uyğun olan idman növünün seçilməsi təmin edilə bilər.

Gənclərin idmana cəlbi istiqamətində görülən tədbirlərin davamı olaraq Naxçıvan Muxtar Respublikası Gənclər və İdman Nazirliyi, Naxçıvan Muxtar Respublikası Ali Məclisinin Sədri yanında Gənclər Fondu, şəhər və rayon Gənclər və İdman idarələrinin təşkilatçılığı ilə gənclərdən ibarət kənd komandaları arasında futbol üzrə şəhər və rayon birinciliyinin növbəti oyunları keçirilib.

Şərur rayonunda keçirilən iki görüşdə növbəti mərhələyə yüksələn komandaların adları məlum olub. Mahmudkənd stadionunda təşkil olunan oyunda yerli komanda Oğlanqala kənd komandasını 4:2, Dəmirçi kənd stadionunda isə Çərçiboğan kənd komandası Aşağı Daşarx kənd komandasını 1:0 hesabı ilə məğlub edərək növbəti mərhələyə yüksəliblər.
Kəngərli rayon Qıvraq qəsəbə stadionunda Qıvraq qəsəbə və Qarabağlar kənd komandaları üz-üzə gəlib. Görüş meydan sahiblərinin 5:1 hesablı qələbəsi ilə başa çatıb. Culfa rayonunda isə növbəti tura yüksələn komanda Əbrəqunus kənd komandası olub. Onlar Xanəgah kənd komandasının qapısından 4 top keçiriblər – 4:1. Babək rayonunda isə Nehrəm və Qahab kənd komandaları qarşılaşıb və görüş birincilərin 2:1 hesablı qələbəsi ilə başa çatıb.

Kompleksin direktoru Ramin Talıbov, Naxçıvan Şəhər Gənclər və İdman İdarəsinin rəisi Xəyal Qurbanov çıxış edərək bildiriblər ki, bu yarışı keçirməkdə məqsəd yay tətilində məktəblilərin asudə vaxtlarını səmərəli keçirmələrini təşkil etmək və onlara sağlam həyat tərzi aşılamaqdan ibarətdir.
Naxçıvan Şəhər Gənclər və İdman İdarəsi ilə İlham Əliyev adına Olimpiya-İdman Kompleksinin birgə təşkil etdiyi birincilikdə 2 yaş qrupunda 30-a yaxın idmançı mübarizə aparıb.
Üzgüçülüyün sərbəst üsulu üzrə keçirilən yarışın yekununa əsasən 2001-2003-cü illər təvəllüdlü idmançılar arasında 50 metr məsafədə Həsən Abbasov, 2004-2005-ci illər təvəllüdlü idmançılar arasında 25 metr məsafədə isə Əkbər Məmmədov bütün rəqiblərini qabaqlayaraq birinci yerlərə layiq görülüblər.
Sonda hər iki yaş qrupunda yer tutan və fərqlənən idmançılara Naxçıvan Şəhər Gənclər və İdman İdarəsinin diplom və fəxri fərmanları təqdim edilib.

 Ceyhun MƏMMƏDOV

Bakı şəhərində Azərbaycanın məşhur şahmatçısı, qrossmeyster Vüqar Həşimovun xatirəsinə həsr edilmiş beynəlxalq şahmat turniri keçirilib.
Turnirdə ölkəmizin şahmatçıları ilə yanaşı, Rusiya və Birləşmiş Ərəb Əmirliklərindən gəlmiş zəka sahibləri də iştirak ediblər. Ümumilikdə, 9 gün davam edən beynəlxalq turnirdə 72 şahmatçı qələbə uğrunda mübarizə aparıb. Yarış İsveçrə sistemi üzrə 9 turdan ibarət olub. Bu yarışda Ordubad şəhər 1 nömrəli tam orta məktəbin V sinif şagirdi Hüseyn Seyid də uğurla çıxış edib. Zəka sahibimiz 9 mümkün xaldan 7 xal toplayaraq üçüncü olub.
Qaliblər turnirin təşkilatçıları tərəfindən diplom, medal və müxtəlif hədiyyələrlə ­mükafatlandırılıblar.

Xəbərlər şöbəsi

Maddi və mənəvi potensialını qoruyub saxlamaq, inkişaf etdirmək üçün insan, ilk növbədə, fiziki cəhətdən sağlam olmalıdır. Yəni sağlamlıq təkcə idmanla məşğul olan insanlara deyil, hər kəsə lazımdır. Bu həm də birbaşa psixoloji durumla da bağlıdır. Sağlam düşüncəyə, psixologiyaya sahib fərd özünün hərtərəfli inkişafına diqqət yetirir, həyat mübarizəsində hər zaman qalib olur. 

Psixologiyası güclü olan insanlar, xüsusilə idmançılar digərləri üçün də əlavə motivasiya mənbəyi hesab edilirlər. Təsadüfi deyil ki, məşqçilər də yarışqabağı idmançının əhval-ruhiyyəsini öz emosional çıxışları ilə yüksəltməyə üstünlük verirlər. Komanda şəklində yarışda hətta bir idmançının belə, qətiyyətsiz, müsbət mənada, həyəcansız olması bütün komandanın mübarizə ruhuna təsir göstərir. Məşqçilərin fikrincə, idmançı sakit və həyəcansızdırsa, diqqətini intensiv şəkildə bir yerə yığmağa qadir olmayacaq.
Bu mənada, hiss, həyəcan fiziki hazırlığın ən ali ünsürlərindən hesab edilir. Bu amillər insan psixologiyasının yüksək dərəcədə hazır olması ilə yanaşı, həm də onun sosial­yönlü inkişafına təsir göstərir. Necə? Çox vaxt idmanı həyat üçün vacib olan institutlar sırasına daxil etmirlər. Lakin sosial institutların tərəfdarları iddia edirlər ki, hər bir sosial təzahürə müvafiq bir sosial institut var. O zaman belə bir sual formalaşır: bəs idmanda sosial institut nədir? Harlod Zborovskinin sosiologiya üzrə dərsliyində mülkiyyət, bazar, din, ideologiya, bölgü və istehlak, ticarət, demokratiya, səhiyyə, mədəniyyət, incəsənət, ənənə və kütləvi informasiya vasitələri ilə yanaşı, idmana da geniş yer verilib. Qeyd edilib ki, sosial idman institutunun əsas şərtlərindən biri insanların davranışını nizamlayan spesifik sosial normaların və təlimatların olmasıdır. Bura isə müxtəlif məşq qaydaları, müəllim-tələbə münasibətlərinin tənzimlənməsi, idmanı necə etməyin yolları daxil edilib. Sosial institutun ən vacib şərti isə həmin institutun dəyərlərinin yerləşdiyi dövlətin dəyərlərinə zidd olmamasıdır.

Naxçıvan Muxtar Respublikası Ali ­Məclisi Sədrinin 2016-cı il 11 yanvar tarixli Sərəncamı ilə təsdiq edilmiş “2016-2020-ci­ illərdə Naxçıvan Muxtar Respublikasında sağlamlıq imkanları məhdud uşaqların təhsili və reabilitasiyası üzrə Dövlət ­Proqramı”nda bu kateqoriyadan olan uşaqların istedadlarının aşkara çıxarılması və onların asudə vaxtlarının səmərəli təşkili üçün bir sıra tədbirlərin həyata keçirilməsi nəzərdə tutulub.
Uşaqların asudə vaxtlarının səmərəli təşkili istiqamətində tədbirlər davam etdirilir. Naxçıvan Muxtar Respublikası Paralimpiya Federasiyasının dəvəti ilə Azərbaycan Milli Par­alimpiya Komitəsinin masaüstü tennis idman növü üzrə baş məşqçisi Ruhiyyə Qubuş­ova və II Respublika Uşaq Paralimpiya Oyunlarının qalibi olan sağlamlıq imkanları məhdud 2 uşaq muxtar respublikamıza gəliblər. Bununla əlaqədar olaraq Paralimpiya Federasiyası proqram hazırlayıb. Proqrama əsasən dəvət olunanların 7 gün ərzində təlim-məşq toplanışı keçirilib. Təlim-məşq toplanışı ərzində masa­üstü tennis idman növünə sağlamlıq imkanları məhdud uşaqların cəlbi məqsədilə uşaqlar və onların valideynləri ilə görüş də təşkil edilib.

Naxçıvan şəhərindəki İlham Əliyev adına Olimpiya-İdman Kompleksində yeniyetmələr arasında kikboksinq üzrə muxtar respublika birinciliyi keçirilib.
“Zərərli vərdişlərə yox deyək, həmişə sağlam olaq” devizi altında keçirilən birincilikdə 60-dan çox idmançı 10 çəki dərəcəsində rinqə çıxıb. Naxçıvan Muxtar Respublikası Gənclər və İdman Nazirliyi ilə Şərq Döyüş Sənəti Federasiyasının birgə təşkil etdiyi birincilikdə Akif İsmayılov, Şəmsəddin Əliyev, Məhəmməd İsmayılzadə, Heydəralı Əliyev, İsmayıl Yaqubov, Oruc Əmirzadə, Ayhan İmranlı, Fərman Rzayev, Yaqub Əkbərov və Cəbrayıl İsmayılov müvafiq olaraq 27, 30, 33, 36, 39, 42, 45, 48, 57 və 71 kiloqram çəki dərəcələrində bütün rəqiblərini məğlub edərək birinciliyin qalibi olublar.
Sonda qalib idmançılara Naxçıvan Muxtar Respublikası Gənclər və İdman Nazirliyinin diplomları təqdim edilib.

 Ceyhun MƏMMƏDOV

 Müstəqil Azərbaycanda idman cəmiyyət həyatının ayrılmaz tərkib hissələrindən biridir. Bu gün respublikamız idman ölkəsi kimi tanınıb, burada keçirilən çoxsaylı beynəlxalq yarışlar onu dünyanın idman mərkəzlərindən birinə çevirib. Sözsüz ki, bütün bunlar ümummilli lider Heydər Əliyevin əsasını qoyduğu idman siyasətinin Azərbaycan Respublikasının Prezidenti cənab İlham Əliyev tərəfindən layiqincə davam etdirilməsinin nəticəsidir. 

Naxçıvan Muxtar Respublikasında da idmana göstərilən diqqət və qayğı bu sahənin inkişafına böyük təkan verir, minlərlə yeniyetmə və gəncin sağlam ruhda tərbiyə olunmasına şərait yaradır. Bu gün muxtar respublikamızın şəhər və rayonlarında müasir standartlara cavab verən, hər cür şəraiti olan idman kompleksləri, stadionlar, zallar tikilərək idmançıların istifadəsinə verilib. Yüksək səviyyəli idman infrastrukturunun yaradılması, idmanda kütləviliyin təmin olunması, nüfuzlu idman yarışlarına ev sahibliyi etməsi, idmançılarımızın mötəbər yarışlarda medallar qazanması muxtar respublikamızı idman məkanı kimi tanıdıb.

Uğurun başlanğıcı: yerli turnirlər

Gələcəyimiz olan gənclərin fiziki cəhətdən sağlam böyüməsində bədən tərbiyəsi və idmanın mühüm rolu vardır. Ona görə də muxtar respublikada bu sahənin inkişafı qabaqcıl istiqamət kimi müəyyənləşdirilib. Gənclərlə iş, bədən tərbiyəsi və idman sahəsində qarşıda duran vəzifələrlə əlaqədar keçirilən müşavirələrdə bu məqamlar xüsusilə vurğulanıb. Bu il yanvarın 14-də Naxçıvan Muxtar Respublikası Ali Məclisində “Naxçıvan Muxtar Respublikasında bədən tərbiyəsi və idmanın hazırkı vəziyyəti və qarşıda duran vəzifələr” barədə keçirilən müşavirədə də konkret tapşırıqlar verilib.

Bakı şəhərində Qarışıq Döyüş Növləri üzrə beynəlxalq turnir keçirilib. Turnirdə Naxçıvan Muxtar Respublikası Şərq Döyüşü Sənəti Federasiyasının yetirmələri də mübarizə aparıblar.
Beynəlxalq turnir iki versiya – Braziliya jiu-jitsu və jiu-jitsu növləri üzrə təşkil olunub. Yarışda idmançılarımız 4 medal qazanıblar ki, bunların da üçü qızıldır. Belə ki, jiu-jitsu versiyası üzrə 45 kiloqram çəki dərəcəsində mübarizə aparan Fərid Məhərrəmov turnirin qalibi olub. Bu versiyada 73 kiloqram çəki dərəcəsində Tağı Məmmədov bürünc medal qazanıb. İdmançımız həmçinin Braziliya jiu-jitsu versiyasında da mübarizə aparıb və beynəlxalq turnirin qalibi olub. Komandamıza digər qızıl medalı 69 kiloqram çəki dərəcəsində Rəzzaq Əliyev qazandırıb.
Sonda qalib idmançılarımıza təşkilatçılar tərəfindən diplom və medallar təqdim olunub.

Ceyhun MƏMMƏDOV

“Zərərli vərdişlərə yox deyək, həmişə sağlam olaq” devizi altında basketbol üzrə yoldaşlıq görüşü keçirilib.
Naxçıvan Muxtar Respublikası Basketbol Federasiyası, Culfa və Ordubad Rayon Gənclər və İdman idarələrinin birgə təşkil etdiyi görüşdə “Ordubad” və “Culfa” komandaları üz-üzə gəlib. Görüşdən öncə çıxış edən Basketbol Federasiyasının sədr müavini Ənvər Məmmədov bildirib ki, hər il olduğu kimi cari ildə də muxtar respublikanın şəhər və rayonlarında mütəmadi olaraq basketbol yarışları, yoldaşlıq görüşləri keçirilir. Təşkilatçıların məqsədi gənclərimizi zərərli vərdişlərdən uzaq tutmaq və onların asudə vaxtlarını səmərəli keçirmələrini təşkil etməkdir.
Görüşə gəlincə, daha üstün oyun sərgiləyən Culfa basketbolçuları ordubadlı həmkarlarını 45:40 hesabı ilə məğlub ediblər.
Sonda idmançılara təşkilatçılar tərəfindən diplomlar təqdim edilib.

Ceyhun MƏMMƏDOV

Naxçıvan Muxtar Respublikası hüquq-mühafizə orqanlarının komandaları arasında peyntbol üzrə muxtar respublika birinciliyi keçirilib.
Naxçıvan Atıcılıq Mərkəzində təşkil edilən birincilikdə Naxçıvan Muxtar Respublikası Prokurorluğunun, Dövlət Gömrük Komitəsinin, Miqrasiya Xidmətinin, Ədliyyə və Fövqəladə Hallar nazirliklərinin və Penitensiar Xidmətin komandaları mübarizə aparıblar.
Naxçıvan Muxtar Respublikası Gənclər və İdman Nazirliyi ilə Atıcılıq Federasiyasının birgə təşkil etdiyi birinciliyin qalibi adını Dövlət Gömrük Komitəsinin komandası qazanıb. Digər iki pillədə isə Naxçıvan Muxtar Respublikası Miqrasiya Xidməti və Prokurorluğunun komandaları qərarlaşıblar.
Sonda qalib komandalar təşkilatçılar tərəfindən diplomla təltif olunublar.

 Ceyhun MƏMMƏDOV

Naxçıvan şəhərindəki İlham Əliyev adına Olimpiya-İdman Kompleksində “Zərərli vərdişlərə yox deyək, həmişə sağlam olaq” devizi altında voleybol üzrə yoldaşlıq görüşü keçirilib.
Naxçıvan Muxtar Respublikası Gənclər və İdman Nazirliyi ilə Voleybol Federasiyasının birgə təşkil etdiyi görüşdə “Sədərək” və “Naxçıvan” komandaları üz-üzə gəlib.
Görüşdən öncə çıxış edən Voleybol Federasiyasının sədr müavini Aydın Mirzəyev bildirib ki, bu gün muxtar respublikada idmanın digər növləri kimi, voleybolun da inkişafına xüsusi diqqət göstərilir. Cari ildə keçirilən tədbirlər, həmçinin kişilərdən ibarət voleybol üzrə Azərbaycan çempionatının final mərhələsinin Naxçıvanda keçirilməsi muxtar respublikada bu növə marağın çox olduğunun göstəricisidir. Məqsədimiz voleybol idman növünü uşaq və yeniyetmələr arasında təbliğ etmək, gəncləri zərərli vərdişlərdən uzaq tutmaqdır.
Maraqlı mübarizə şəraitində keçən qarşılaşmanı Sədərək voleybolçuları 3:1 hesablı qələbə ilə başa vurublar.
Sonda idmançılara təşkilatçılar tərəfindən diplomlar təqdim edilib.

 Ceyhun MƏMMƏDOV

Muxtar respublikada idmanın bütün sahələrinin inkişafı, təbliği artıq ənənə halını alıb. Regionda yeni idman bölmələrinin fəaliyyətə başlaması, uşaq və yeniyetmələrin bu sahələrə cəlbi isə bu prosesi daha da sürətləndirib. Sevindirici haldır ki, bu gün Naxçıvanda idmana maraq göstərənlərin sayı getdikcə artmaqdadır. Bu isə onların zərərli vərdişlərdən uzaq durması üçün vacib amillərdəndir.

Muxtar respublikanın şəhər və rayonlarında fəaliyyət göstərən idman bazaları bu sahənin kütləvi hal almasının göstəricisidir. İdman federasiyaları ilə yanaşı, Naxçıvan Muxtar Respublikası Gənclər və İdman Nazirliyinin nəzdində fəaliyyət göstərən idman bölmələri bu gün regionda bu sahənin geniş vüsət almasına öz töhfəsini verməkdədir. Belə bölmələrdən biri də “Əlincə” stolüstü tennis idman klubudur. Artıq 3 ilə yaxındır ki, muxtar respublikada uşaq, yeniyetmə və gənclərə bu idmanın sirlərini öyrədən klubun ­ 50-dən çox üzvü var. Məşq prosesləri Naxçıvan Üzgüçülük Mərkəzinin zalında aparılır və idmançılar yaşlarına, eyni zamanda oyun təcrübəsinə görə məşqlərdə qrup halında iştirak edirlər.
Ümumiyyətlə, stolüstü tennisin tarixinə nəzər yetirsək, maraqlı nüanslarla qarşılaşa bilərik. Bu idmanın salon tennisi adıyla bilinən ilkin variantı 1880-ci illərdə Hindistan və Cənubi Afrikadakı ingilis ordu zabitləri tərəfindən oynanılıb. Siqar qutularının qapaqlarından raketka, yuvarlaşdırılmış şərab şüşəsi tıxaclarından top, kitablardan isə tor kimi istifadə edirdilər. Daha sonra ingilislər tərəfindən digər versiyaları tətbiq edilən oyun püxtələşdirilməyə başlandı.

İslam Hümbətov adına Uşaq-gənclər idman məktəbində “Zərərli vərdişlərə yox deyək, həmişə sağlam olaq” devizi altında kiçikyaşlı yeniyetmələr (2006-2008-ci illər) arasında sambo üzrə Naxçıvan şəhər birinciliyi keçirilib.
Naxçıvan Şəhər Gənclər və İdman İdarəsinin rəisi Xəyal Qurbanov və Naxçıvan Muxtar Respublikası Güləş Federasiyasının sədr müavini Faiq İsgəndərov çıxış edərək yarışın məqsədi barədə idmançılara geniş məlumat veriblər.
Birincilikdə 9 çəki dərəcəsi üzrə 40-a yaxın idmançı mübarizə aparıb. Beynəlxalq Sambo Federasiyasının mövcud qaydalarına əsasən keçirilən yarışda Məhəmməd Seyidov, Səid Seyidov, Sami Səfərov, Xanpolad Tutayuk, Məhəmməd İsayev, Bulud Əliyev, Faiq Məmmədli, Rauf Cabbarlı və Məhəmməd Əlizadə müvafiq olaraq 23, 26, 29, 32, 35, 38, 42, 46 və 53 kiloqram çəki dərəcələrində birinci yerə layiq görülüblər.
Hər çəki dərəcəsində yer tutan idmançılara Naxçıvan Şəhər Gənclər və İdman İdarəsinin diplomları təqdim edilib.

 Ceyhun MƏMMƏDOV

Naxçıvan şəhərindəki İlham Əliyev adına Olimpiya-İdman Kompleksinin Üzgüçülük Mərkəzində məktəbli qızlar arasında keçirilən üzgüçülük üzrə Naxçıvan şəhər birinciliyinə yekun vurulub.
Yarışın keçirilməsində məqsəd məktəblilərin yay tətilində asudə vaxtlarının daha da səmərəli təşkili və onlara sağlam həyat tərzi aşılamaqdır.
Üzgüçülüyün sərbəst üsulu üzrə 25 və 50 metr məsafədə təşkil edilən yarışda 3 yaş qrupunda 25 idmançı mübarizə aparıb.
Yekun nəticəyə əsasən 2001-2003-cü illər təvəllüdlü idmançılar arasında 50 metr məsafədə Nərmin Həsənova, 2004-2005-ci illər təvəllüdlü idmançılar arasında 25 metr məsafədə Zöhrə Kəngərli və 2006-2008-ci illər təvəllüdlü idmançılar arasında 25 metr məsafədə Gülan Əhməd­ova bütün rəqiblərini geridə qoyaraq qalib adını qazanıblar.
Sonda hər yaş qrupunda yer tutan və fərqlənən idmançılara Naxçıvan Şəhər Gənclər və İdman İdarəsinin diplom və fəxri fərmanları təqdim edilib.
Birincilik Naxçıvan Şəhər Gənclər və İdman İdarəsinin və İlham Əliyev adına Olimpiya-İdman Kompleksinin birgə təşkilatçılığı ilə keçirilib.

Ceyhun MƏMMƏDOV

Gənclərin idmana cəlbi istiqamətində görülən tədbirlərin davamı olaraq Naxçıvan Muxtar Respublikası Ali Məclisinin Sədri yanında Gənclər Fondu, Naxçıvan Muxtar Respublikası Gənclər və İdman Nazirliyi, şəhər və rayon Gənclər və İdman idarələrinin təşkilatçılığı ilə gənc­lərdən ibarət kənd komandaları arasında futbol üzrə şəhər və rayon birinciliyinə start verilib.
Culfa rayonunun Bənəniyar kənd futbol meydançasında Yaycı və Göydərə kənd komandaları üz-üzə gəlib. Görüşü 4:3 hesablı qələbə ilə başa vuran Göydərə komandası növbəti mərhələyə yüksəlib.
Şahbuz rayonunda 9 komandanın mübarizə apardığı birinciliyin ilk oyununda Kükü və Badamlı kənd komandaları qarşılaşıb. Görüş birinci­lərin 3:0 hesablı qələbəsi ilə başa çatıb. Sədərək kənd stadionunda keçirilən görüşün qalibi isə müəyyənləşməyib. Sədərək və Qaraağac kənd komandalarının qarşılaşmasında hesab bərabər olub – 4:4.
Şərur rayonunun Aralıq kənd stadionunda Dizə və Qarxun kənd komandaları üz-üzə gəlib. Görüş dizəlilərin 6:1 hesablı qələbəsi ilə yekunlaşıb. Digər böyükhesablı qələbə Naxçıvan şəhərində qeydə alınıb. Belə ki, Qaraçuq komandası Tumbul komandasını 16 dəfə meydanın mərkəzinə dəvət edib – 16:4.
Kəngərli rayon birinciliyində ilk oyun gərgin mübarizə ilə yadda qalıb. Böyükdüz kənd komandası Qarabağlar kənd komandasına 4:5 hesabı ilə məğlub olub. Ordubad rayonunda isə Kələntər Dizə kənd komandası Düylün kənd komandasından üstün olub – 5:2.
Qeyd edək ki, növbəti oyunlar iyul ayının 29-da keçiriləcək.

Ceyhun MƏMMƏDOV

İntellektual idman növü olan şahmatın inkişafı muxtar respublikamızda daim diqqət mərkəzindədir. Naxçıvan Muxtar Respublikasında şahmatın kütləviliyinin təmin olunması,şahmat məktəblərinin şəbəkəsinin genişləndirilməsi, onların maddi-texniki bazasının gücləndirilməsi və peşəkar mütəxəssislərin formalaşdırılması istiqamətində ardıcıl tədbirlər həyata keçirilir. Hər il Naxçıvanda təşkil edilən beynəlxalq şahmat festivalı və digər şahmat yarışları şahmatın inkişafında, bu sahədə gənc istedadların yetişməsində böyük rola malikdir. Muxtarrespublikada keçirilən yarışlarda iştirak edənlərin sayının daha da artması bu sahəyə göstərilən diqqətin nəticəsidir.

Bu gün Naxçıvan Muxtar Respublikasında idmanın kütləvi hal alması üçün yeni idman obyektləri, zalları, futbol meydançaları tikilib gənclərin ixtiyarına verilir. Şəhər və rayonlarla yanaşı, kəndlərdə də əhalinin sağlamlığı üçün idman bazalarının quraşdırılması diqqətdə saxlanılır. Muxtar respublikanın kəndlərində idmanın, xüsusilə futbolun inkişafı üçün əlverişli şəraitin olması, eyni zamanda yeni stadionların yaradılması gənclərin idmana marağını artırır.
Gənclərin idmana cəlbi istiqamətində görülən tədbirlərin davamı olaraq Naxçıvan Muxtar Respublikası Gənclər və İdman Nazirliyi, Naxçıvan Muxtar Respublikası Ali Məclisinin Sədri yanında Gənclər Fondu, şəhər və rayon Gənclər və İdman idarələrinin təşkilatçılığı ilə gənclərdən ibarət kənd komandaları arasında futbol üzrə şəhər və rayon birinciliyi keçirilməsi nəzərdə tutulub. Futbol yarışları iyulun 22-dən sentyabrın 9-dək hər həftənin şənbə günü, saat 1900-dan 2100-dək keçiriləcəkdir. Oyunlar dövrə sistemi olmaqla, Naxçıvan şəhəri üzrə Tumbul kənd stadionunda, Şərur rayonu üzrə Aralıq, Dəmirçi, Mahmudkənd və Yaycı kənd stadionlarında, Babək rayonu üzrə Babək qəsəbə, Nehrəm, Vayxır, Çeşməbasar kənd stadionlarında, Ordubad rayonu üzrə Kələntər Dizə kənd stadionunda, Culfa rayonu üzrə Culfa rayon Mərkəzi Stadionu, Bənəniyar və Ərəzin kənd stadionlarında, Şahbuz rayonu üzrə Şahbuz şəhər, Şahbuzkənd və Kolanı kənd stadionlarında, Kəngərli rayonu üzrə Kəngərli rayon Mərkəzi Stadionunda, Sədərək rayonu üzrə isə Sədərək kənd stadionunda olmaqla, muxtar respublika üzrə 18 stadionda təşkil ediləcəkdir.

Bəşər övladı sağlam yaşamaq üçün daim yollar axtarır, nəyin faydalı və ya ziyanlı olduğunu araşdırır. Müasir dövrümüzdə elmin sürətlə inkişaf etməsi və aparılan araşdırmalar da sağlam yaşamağın formulunu müəyyənləşdirir.
Bu günədək hər kəs tərəfindən qəbul edilən bir reallıqdır ki, orqanizmin möhkəmlənməsi, xəstəliklərə qarşı müqavimətinin artması üçün ən səmərəli vasitə idman təmrinləridir. Ancaq idmanla məşğul olarkən hər kəs üçün fərdi xüsusiyyətləri də nəzərə almaq, verilən məşq yükünü artırıb-azaltmaqla həyata keçirmək və bəzi məqamlarda aktiv istirahətə diqqət yetirmək lazımdır. Məşğələlərin ardıcıl, davamlı olması, metodik prinsiplərlə və fiziki keyfiyyətlərlə əlaqələndirilməsi sinir sisteminin təkmilləşməsinə, orqanizmin inkişafına, yüksək bacarıq və vərdişlərin yaranmasına səbəb olur.
İdmançının fiziki hərəkətlərlə yanaşı, gigiyena, anatomiya, fiziologiya və psixologiya elmlərindən də anlayışı olmalıdır. Əslində, bu həm də idmançı üçün dəyərli informasiya bazasıdır. Belə ki, alimlərin səyi nəticəsində orqanizmin bütün xüsusiyyətləri, quruluşu, maddələr mübadiləsi, fermentlərin və vitaminlərin əhəmiyyəti elmi sübutlarla göstərilmişdir. Bunlardan düzgün istifadə də böyük əhəmiyyət kəsb edir.

İdman insanların fiziki inkişaf səviyyəsini qiymətləndirmək vasitəsi kimi meydana çıxan ümumbəşəri mədəniyyətin tərkib hissəsi hesab edilir, mədəni ünsiyyət qurmaq bacarığını aşılayır, insanı mənən ucaldır. Bu baxımdan uşaq və gənclərin fiziki, həm də mənəvi cəhətdən inkişafında idmanın rolu danılmazdır. Bu gün onların idmana cəlb edilməsində təhsil müəssisələri, idman məktəbləri böyük rol oynayır. Haqqında danışacağımız İslam Hümbətov adına Uşaq-gənclər idman məktəbi belə idman ocaqlarından biridir.

Uşaq və gənclərin zərərli vərdiş­lərdən uzaqlaşaraq sağlam həyat tərzi keçirmələri, fiziki və mənəvi cəhətdən kamilləşmələri istiqamətində işini günün tələbləri səviyyəsində quran Uşaq-gənclər idman məktəbi muxtar respublikada fəaliyyət göstərən nümunəvi idman müəssisələrindən biridir.
Məktəbdə 4 idman növü üzrə 500-dən çox idmançı 19 məşqçi-müəllimin rəhbərliyi ilə idmanla məşğul olur. Məktəbin direktoru Faiq İsgəndərov bizimlə söhbətinə əvvəlcə ölkəmizdə gənclərə qayğı ilə yanaşıldığından söz açdı. O dedi: “Muxtar respublikada istər elm və təhsil, istər idman, istərsə də mədəniyyət, incəsənət və digər sahələrdə bacarıqlı, istedadlı gənclər kifayət qədərdir. Onların üzə çıxarılması, həvəsləndirilməsi, vətənpərvər, sağlam ruhda böyüdülməsi mühüm əhəmiyyət daşıyır. Bu gün gənclərə böyük diqqət və qayğı göstərilir, bu istiqamətdə həyata keçirilən tədbirlər ictimaiyyət tərəfindən rəğbətlə qarşılanır. Bunun nəticəsidir ki, muxtar respublikada idmanla məşğul olmaq istəyənlərin sayı gündən-günə artır. Çünki uşaq və gənclərə diqqət və qayğının göstərildiyi, güclü idman infrastrukturunun yaradıldığı bir regionda idmanla məşğul olmamaq qeyri-mümkündür. Dünya və Avropa çempionatlarında, beynəlxalq turnirlərdə əldə edilən uğurlar deməyə əsas verir ki, idmançılarımız onlara göstərilən qayğıya öz əməli işləri ilə cavab verir, öz üzərlərində daim işləyir, yeni-yeni nailiyyətlər əldə edirlər”.

Türkiyənin İqdır şəhərində keçirilən “15 iyul – şəhidlər gecəsi” beynəlxalq boks turniri başa çatıb. Turnirdə Naxçıvan Muxtar Respublikası Boks Federasiyasının 4 idmançısı da mübarizə aparıb.
Beynəlxalq turnirdə ev sahibi Türkiyə ilə yanaşı, Ukrayna, Özbəkistan, Qazaxıstan və Gürcüstan boksçuları da mübarizə aparıblar. İdmançılarımızdan ən uğurlu nəticəni İbrahim Cəfərzadə və Məhəmməd Məmiyev əldə ediblər. Belə ki, hər iki dəri əlcək sahibimiz bütün rəqiblərini məğlub edərək fəxri kürsünün ən yüksək pilləsinə yüksəliblər. Digər boksçumuz Rasim Rzayev isə yalnız finalda məğlub olaraq ikinciliklə kifayətlənib. Turnirdə 2 qızıl və 1 gümüş medal əldə edən boksçularımızın çıxışı yerli idman ictimaiyyəti tərəfindən alqışlarla qarşılanıb.
Sonda qalib idmançılarımıza təşkilatçılar tərəfindən diplom və medallar təqdim olunub.
Qeyd edək ki, boksçumuz İbrahim Cəfərzadə iyulun 26-da Türkiyənin Samsun şəhərində keçiriləcək boks üzrə peşəkarlararası Avropa çempionatında mübarizə aparacaq.

 Ceyhun MƏMMƏDOV

Naxçıvan şəhərindəki İlham Əliyev adına Olimpiya-İdman Kompleksində yeniyetmə və gənc­lər arasında boks üzrə Naxçıvan şəhər açıq birinciliyi keçirilib.
Naxçıvan Şəhər Gənclər və İdman İdarəsinin rəisi Xəyal Qurbanov və Naxçıvan Muxtar Respublikası Boks Federasiyasının sədr müavini Məmmədcəfər Əliyev çıxış ediblər, iştirakçılara uğurlar arzulayıblar.
Açıq birincilikdə Naxçıvan şəhərinin, Kəngərli və Babək rayonlarının idmançıları öz güclərini sınayıblar. Beynəlxalq Boks Federasiyasının qaydalarına uyğun keçirilən birincilikdə 16 çəki dərəcəsində 60 dəri əlcək sahibi iştirak edib. Gərgin mübarizə şəraitində keçən qarşılaşmalarda müxtəlif çəki dərəcələrində qalib gələn idmançılara Naxçıvan Şəhər Gənclər və İdman İdarəsinin diplomları təqdim olunub.

 Ceyhun MƏMMƏDOV

Ulu öndər Heydər Əliyevin ölkəmizə hələ birinci rəhbərliyi dövründə digər sahələrdə olduğu kimi, idmanın da inkişafına böyük diqqətlə yanaşılıb, gələcək inkişaf perspektivləri müəyyənləşdirilib. O illərdə idmanın maddi-texniki bazasının yaradılması üçün çox iş görülüb, bir çox idman kompleksləri, qurğuları, zalları tikilib, meydançalar salınıb, böyük idman-sağlamlıq mərkəzləri yaradılıb. Ötən əsrin ­69-82-ci illərində ümummilli liderin təşəbbüsü ilə ölkənin 36 rayonunda 59 Uşaq-gənclər idman məktəbi fəaliyyətə başlayıb. Bu illərdən etibarən bütün respublikada, paytaxt Bakı ilə yanaşı, bölgələrdə də idmanın inkişafına diqqət artırılıb, muxtar respublikamızın kəndlərində gənclərin ixtiyarına sadə meydançalar, idman salonları və kompleksləri, şahmat məktəbləri verilib, uşaq, yeniyetmə və gənclərin idmanla məşğul olmaları üçün mühüm addımlar atılıb.

Bu gün Naxçıvan Muxtar Respublikasında idmanın kütləvi hal alması, gənclərin bu sahəyə cəlbi və onların asudə vaxtlarının səmərəli təşkili üçün hər bir şərait yaradılıb. Hazırda regionun şəhər və rayonları ilə yanaşı, kəndlərində də idmanın inkişafı üçün mühüm addımlar atılır. Təbii ki, belə addımlar istedadlı gənclərin üzə çıxmasına, onların bu sahədə yüksək nəticələr əldə etməsinə və üçrəngli bayrağımızı beynəlxalq arenalarda dalğalandırmasına səbəb olur.

Naxçıvan şəhərindəki İlham Əliyev adına Olimpiya-İdman Kompleksinin Üzgüçülük Mərkəzində yeniyetmə və gənclər (2000-2002, 2003-2005 və 2006-2007-ci illər) arasında üzgüçülük üzrə Naxçıvan şəhər birinciliyi keçirilib.
Naxçıvan Şəhər Gənclər və İdman İdarəsinin rəisi Xəyal Qurbanov bildirib ki, bu yarışın təşkilində məqsəd məktəblilərin yay tətilində asudə vaxtlarının daha da səmərəli keçirilməsini təmin etmək və onlara sağlam həyat tərzi aşılamaqdan ibarətdir.
Naxçıvan Şəhər Gənclər və İdman İdarəsi ilə İlham Əliyev adına Olimpiya-İdman Kompleksinin birgə təşkil etdiyi yarışda 3 yaş qrupunda 50-yə yaxın idmançı iştirak edib. Üzgüçülüyün sərbəst üsulu üzrə 25 və 50 metr məsafədə keçirilən yarışın yekununa əsasən 2000-2002-ci illər təvəllüdlü idmançılar arasında Həsən Abbasov, 2003-2005-ci illər təvəllüdlü idmançılar arasında Əkbər Məmmədov və 2006-2007-ci illər təvəllüdlü idmançılar arasında isə Elvin Yusifli bütün rəqiblərini ­qabaqlayaraq finiş xəttinə birinci çatıblar.
Sonda hər yaş qrupunda yer tutan və fərqlənən idmançılara Naxçıvan Şəhər Gənclər və İdman İdarəsinin diplom və fəxri fərmanları verilib.

 Ceyhun MƏMMƏDOV

Muxtar respublikada gənclərin idmana cəlbi və idmanın kütləviliyinin artırılması sahəsində tədbirlər bu ilin ikinci rübündə də davam etdirilmişdir. Rayonlarda idman federasiyalarının yerli bölmələrinin yaradılması istiqamətində işlər aparılmış, fəaliyyət göstərən bölmələrin işinə nəzarət gücləndirilmişdir.

İdman yarışlarının, xüsusilə ölkə və beynəlxalq səviyyəli yarışların keçirilməsi ilə bağlı verilmiş tapşırıqlar icra olunmuşdur. Belə ki, qeyd olunan dövrdə peşəkarlararası reytinq və kəmər müdafiəsi döyüşləri, pauerliftinq və benchpress idman növü üzrə beynəlxalq turnir, futbol üzrə “Qarabağ” və “Qəbələ” komandaları arasında Azərbaycan kubokunun final oyunu, “Naxçıvan-2017” Beynəlxalq Şahmat Festivalı, boks üzrə yeniyetmələr arasında “Heydər Əliyev kuboku-2017” beynəlxalq turniri və futbol üzrə “Heydər Əliyev kuboku” yarışı keçirilmişdir. Həmçinin federasiyadaxili yarışlar təşkil olunmuş və qalib idmançılar mükafatlandırılmışdır. Muxtar respublikadan olan 37 idmançı isə müxtəlif idman növləri üzrə keçirilən ölkə və beynəlxalq səviyyəli yarışlarda iştirak etmişdir.
Naxçıvan Dövlət Universitetinin bədən tərbiyəsi və idman, fiziki tərbiyə və çağırışa­qədərki hazırlıq müəllimliyi ixtisaslarında təhsil alan tələbələr arasında intellektual oyun keçirilmiş, gənclərlə iş və idman sahəsini əhatə edən tədbirlərdə həmin tələbələrin iştirakı təmin olunmuşdur. Qızların idmana cəlb olunması istiqamətində də işlər davam etdirilmiş, hərtərəfli şərait yaradılmışdır.

Bu münasibətlə Naxçıvan Muxtar Respublikası Yüngül Atletika Federasiyasında keçirilən tədbiri federasiyanın sədri Rövşən Məmmədov açaraq bildirib ki, bu gün ölkəmizdə, eləcə də muxtar diyarımızda idmanın inkişafına xüsusi diqqət yetirilir. Gənclərin idmanın istənilən sahəsi ilə məşğul olmaları üçün lazımi şərait yaradılır, muxtar respublikamızda fəaliyyət göstərən idman federasiyaları dövlətin gənc idmançılar üçün yaratdığı əlverişli şəraitdən lazımınca istifadə edir və nəticədə, idman sahəsində uğurlarımız ildən-ilə artır.
Tədbirdə çıxış edən federasiyanın sədr müavini İntiqam Rəhimov bu il iyunun 23-24-də keçirilən Azərbaycan birinciliyi barədə məlumat verib. Bildirib ki, Bakı şəhərində keçirilən yüngül atletika üzrə 1998-1999, 2002-2003-cü illər təvəllüdlü oğlan və qızlar arasında Azərbaycan birinciliyində Naxçıvan Muxtar Respublikası Yüngül Atletika Federasiyasının 12 nəfər yeniyetmədən və 3 məşqçi-müəllimdən ibarət yığma komandasının üzvləri 100-200, 400-800, 1500-3000 və 4x200 metr estafet yarışında öz qüvvələrini sınayıblar. Onlardan 4 nəfər birinci, 6 nəfər ikinci, 2 nəfər üçüncü, 4x200 metr estafet yarışında qızlardan ibarət komandamız isə ikinci yerə layiq görülüb. Qızlardan ibarət komandanın üzvləri istər fərdi, istərsə də komanda yarışında yüksək nəticə göstəriblər.
Sonda Azərbaycan birinciliyində yer tutmuş idmançılara Naxçıvan Muxtar Respublikası Yüngül Atletika Federasiyasının qiymətli hədiyyələri, yarışda iştirak edən digər idmançılara isə həvəsləndirici hədiyyələr təqdim olunub.

Xəbərlər şöbəsi

Bu gün Naxçıvan Muxtar Respublikasında bütün sahələrdə olduğu kimi, idmanın inkişafına da dövlət qayğısı ən yüksək səviyyədədir. Təsadüfi deyil ki, uşaq və yeniyetmələrin bu sahəyə cəlbi, onların idmanla məşğul olmaları üçün yeni idman obyektləri tikilib istifadəyə verilir. Bu da idmanla məşğul olan insanların həm sağlamlığı, həm də asudə vaxtlarını səmərəli keçirmələri üçün mühüm əhəmiyyət kəsb edir.
Hazırda muxtar respublikada şəhər və rayonlarla yanaşı, kəndlərdə də idmanın kütləviliyinə nail olunması üçün mühüm addımlar atılır. Yeni istifadəyə verilən idman zalları, stadionlar kəndlərdə uşaq, yeniyetmə və gənclərin bu sahəyə marağını xeyli artırıb.
Ötən dövr ərzində istifadəyə verilən bu idman obyektlərindən biri də Şərur rayon Aralıq kənd stadionu­dur. Müasir standartlara cavab verən stadionda gənclərin asudə vaxtlarının səmərəli təşkili üçün bir sıra idman tədbirləri keçirilir. Bu tədbirlərdən biri də “Zərərli vərdişlərə yox deyək, həmişə sağlam olaq” devizi altında futbol üzrə Şərur rayon birinciliyidir. İyunun 22-də start verilən rayon birinciliyinə artıq yekun vurulub. Rayon Gənclər və İdman İdarəsinin təşkilatçılığı ilə 14 kənd komandasının mübarizə apardığı birincilik olimpiya sistemi üzrə keçirilib. Gərgin idman mübarizəsi şəraitində keçən birinciliyin final görüşündə Aralıq və Çomaxtur kənd komandaları üz-üzə gəliblər. Oyunun ilk hissəsində iki dəfə önə keçən Aralıq kənd komandası hesabı sonadək qoruya bilməyib. İkinci hissədə daha əzmkar mübarizə aparan Çomaxtur futbolçuları hesabı bərabərləşdirməklə yanaşı, önə keçməyə müvəffəq olublar. Lakin son dəqiqələrdə meydan sahiblərinin qolu (3:3) görüşü penalti zərbələrinə aparıb. Bu seriyada zərbələri daha dəqiq yerinə yetirən Çomaxtur kənd komandası 5:4 hesabı ilə qalib gəlib və birinciliyin baş mükafatını qazanıb. Daşarx kənd komandası isə birinciliyi üçüncü pillədə başa vurub.

Azərbaycanda Türk Şurası Dövlətlərinin ilk peşəkarlararası kikboksinq turniri keçirilib. Azərbaycan, Türkiyə, Qazaxıstan, Qırğızıstan kikboksçularının qarşılaşdığı turnirdə 7 çəki dərəcəsi üzrə yarımfinal və final döyüşləri baş tutub. WAKO-PRO versiyası üzrə K-1 üslubunda keçirilən döyüşlərdə Azərbaycan yığması ən yaxşı nəticəni göstərib. Belə ki, Azərbaycan komandası 6 qızıl medal qazanaraq kubokun sahibi olub.
İdman gecəsində gənclər və idman nazirinin müavini İsmayıl İsmayılov, nazirliyin İdman şöbəsinin müdiri Fərid Mansurov, Milli Məclisin deputatları, Türkiyənin, Qazaxıstanın, Qırğızıstanın ölkəmizdəki fövqəladə və səlahiyyətli səfirləri və Azərbaycan Kikboksinq Federasiyasının rəsmiləri iştirak ediblər.
Qeyd edək ki, turnirdə hər ölkə­dən yeddi idmançı olmaqla, 51, 60, 63, 67, 71, 81 kiloqram və 91 kiloqramdan yuxarı çəki dərəcələrində yüksək ustalığa malik peşəkar kikboksçular mübarizə aparıblar.
Azərbaycan yığma komandasının heyətində yarışların finalına yüksələn altı idmançımızdan biri də Naxçıvan Muxtar Respublikası Şərq Döyüşü Sənəti Federasiyasının yetirməsi Ruslan Musayev (67 kiloqram) olub. O, finalda qalib gələrək beynəlxalq turnirin baş mükafatını qazanıb. Onunla yanaşı, Anar Məmmədov (51 kiloqram), Zöhrab Əzimov (60 kiloqram), Turan Qafarov (63,5 kiloqram), Ramal Aslanov (71 kiloqram), Ehtiram Rzayev (81 kiloqram) öz çəki dərəcələrində beynəlxalq turnirin qalibi olublar.
Komanda hesabında millimiz birinci yerdə qərarlaşıb.

Ceyhun MƏMMƏDOV

“Zərərli vərdişlərə yox deyək, həmişə sağlam olaq” devizi altında yeniyetmə və gənclər arasında kikboksinq üzrə muxtar respublika birinciliyi keçirilib.
Naxçıvan şəhərindəki İlham Əliyev adına Olimpiya-İdman Kompleksində keçirilən birinciliyin məqsədi bu idman növünü inkişaf etdirmək, eyni zamanda yeniyetmə və gənclərdən ibarət Naxçıvan komandasının heyətini formalaşdırmaq olub.
Naxçıvan Muxtar Respublikası Gənclər və İdman Nazirliyi ilə Şərq Döyüşü Sənəti Federasiyasının birgə təşkil etdiyi birincilikdə 60-dan çox idmançı 10 çəki dərəcəsində mübarizə aparıb. Yarışın yekun nəticəsinə əsasən Akif İsmayılov, Uğur Əliyev, Məhəmməd İsmayılzadə, Heydərəli Əliyev, İsmayıl Yaqubov, Elgün Baxışov, Anar Tarverdiyev, Sinan Rzazadə, Fərman Rzayev və Əli Qəmbərov müvafiq olaraq 27, 30, 33, 36, 39, 42, 45, 48, 57 və 71 kiloqram çəki dərəcələrində qalib adını qazanıblar.

 Ceyhun MƏMMƏDOV

Bakı şəhərində keçirilən atletika üzrə Azərbaycan birinciliyinə yekun vurulub.
Ölkə birinciliyində Naxçıvan Muxtar Respublikası Yüngül Atletika Federasiyasının yetirmələri də mübarizə aparıblar. 3 gün davam edən birincilikdə atletlərimiz uğurlu çıxış edərək 12 müxtəlif əyarlı (4 qızıl, 6 gümüş, 2 bürünc) medal qazanıblar. Belə ki, oğlanların mübarizəsində 1500 metr məsafədə Cəbrayıl Yunisov birinci, 3000 metr məsafədə ikinci, 200 və 800 metr məsafələrdə Həsən Həsənli ikinci, 1500 metr məsafədə Əmrah Nağıyev ikinci, 3000 metr məsafədə birinci, bu məsafədə digər idmançımız Səfər Tağızadə üçüncü olub.
Qızların mübarizəsində də idmançılarımız finiş xəttini mükafatçılar sırasında başa vura biliblər. Gülayə Cəfərova, Sevgi Məmmədli, Xatun Oruclu, Duyğu Babayeva və Cəmilə Allahverdiyeva müvafiq olaraq 400, 1500, 3000, 100 və 4x100 metr məsafələrdə fəxri kürsüyə yüksəliblər.
4x100 metr estafet yarışında isə Naxçıvan komandası Azərbaycan birinciliyini ikinci sırada başa vurub.
Qaliblərə Azərbaycan Respublikası Gənclər və İdman Nazirliyinin, Azərbaycan Respublikası Atletika Federasiyasının diplom və hədiyyələri təqdim edilib.

Ceyhun MƏMMƏDOV

Şahbuz Rayon Gənclər və İdman İdarəsi və Uşaq-gənclər idman məktəbinin birgə təşkilatçılığı ilə Şahbuzkənd və Uşaq-gənclər idman məktəbinin futbol komandaları arasında yoldaşlıq görüşü keçirilib.
Yay tətili günlərində şagirdlərin asudə vaxtlarının səmərəli təşkili məqsədilə keçirilən görüşdən öncə rayon Gənclər və İdman İdarəsinin rəis əvəzi İdris Qəhrəmanov çıxış edərək yarışın mahiyyətindən, idmana göstərilən dövlət qayğısından danışıb.
Maraqlı keçən görüş 4:1 hesabı ilə Şahbuzkənd komandasının xeyrinə başa çatıb.
Qalib komandaya Şahbuz Rayon Gənclər və İdman İdarəsinin diplomları təqdim olunub.

Ceyhun MƏMMƏDOV

26 İyun – Azərbaycan Respublikasının Silahlı Qüvvələri Gününə həsr olunmuş yeniyetmələr arasında (2004-2006-cı illər təvəllüdlü) sərbəst güləş üzrə açıq birinciliyə yekun vurulub.
İslam Hümbətov adına Uşaq-gənclər idman məktəbinin keçirdiyi birincilikdə Beynəlxalq Güləş Federasiyasının qaydalarına uyğun olaraq idmançılar 26, 29, 32, 35, 38, 42, 47, 53, 59, 66 və 73 kiloqram çəki dərəcələrində mübarizə aparıblar. Yarışın yekun nəticəsinə əsasən Namiq Əlizadə, Nicat Ocaqquliyev, Elvin Zamanov, Tuncay Məmmədov, Rəşad Qəmbərov, Fərid Rzayev, Qəmbər Qasımov, Nuruağa Nəcəfov, Heydər Nəcəfov, Ayxan İsmayılov və Nurəddin Əliyev qalib adını qazanıblar.
Qaliblərə Uşaq-gənclər idman məktəbinin diplomları təqdim olunub.

 Ceyhun MƏMMƏDOV

Muxtar respublikanın şəhər və rayonlarında bu gün hər sahədə olduğu kimi, idman sahəsində də müasir infrastruktur qurulur. Belə tədbirlərin davamı olaraq Şərur rayonunda Dəmirçi kənd stadionu istifadəyə verilib. Uzunluğu 105, eni isə 60 metr olan təbii ot örtüklü stadionun ərazisində 118 nəfərlik oturacaqlar quraşdırılıb. Bununla yanaşı, stadionun ərazisində 50 tamaşaçı tutumlu voleybol meydançası da inşa edilib və idman qurğuları quraşdırılıb. Stadionda muxtar respublika çempionatı üzrə oyunların, həm də rayon birinciliklərinin keçirilməsi nəzərdə tutulur.
Bununla əlaqədar keçirilən tədbirdə çıxış edən Naxçıvan Muxtar Respublikasının gənclər və idman naziri Azad Cabbarov bildirib ki, ümummilli lider Heydər Əliyev ölkə rəhbəri olduğu ilk dövrdən gənclərin himayədarı kimi sağlamdüşüncəli yeni nəslin yetişdirilməsini dövlət və cəmiyyətin mühüm vəzifəsi hesab edib. Dahi şəxsiyyət cəmiyyətin sosial-iqtisadi, ictimai-siyasi və mədəni həyatında gənclərin iştirakının təmin olunmasını vacib məsələlərdən biri kimi hər zaman diqqətdə saxlayıb. Muxtar respublikada da gənclərlə iş və idman sahəsində mühüm işlər görülüb. Belə ki, son 20 il ərzində burada idman infra­strukturunun yenidən qurulması, yeni idman obyektlərinin, olimpiya-idman komplekslərinin inşa edilməsi bu sahənin inkişafı ilə bağlı möhkəm təməl yaradıb.