Muxtar respublikamızda bütün sahələrdə, xüsusilə də təhsil sahəsində mütəxəssislərin informasiya-kommunikasiya texnologiyaları ilə işləmək və onlardan düzgün istifadə etmək bacarıqlarının yaxşılaşdırılmasına böyük önəm verilir.
Bu istiqamətdə həyata keçirilən tədbirlər çərçivəsində Naxçıvan Muxtar Respublikası Təhsil Nazirliyi yay tətili günlərində ümumtəhsil məktəblərində çalışan müəllimlər üçün peşə məktəblərində elektron lövhə istifadəçisi və kompüter istifadəçisi ixtisasartırma kursları təşkil edib. Şərur və Ordubad Texniki Peşə və Sürücülük məktəblərində və Naxçıvan Şəhər Peşə Liseyində təşkil olunan kurslara muxtar respublika ümumtəhsil məktəblərində çalışan müəllimlərdən 73-ü elektron lövhə, 63-ü isə kompüter istifadəçisi olmaqla, ümumilikdə, 6 qrup üzrə 136 müəllim cəlb edilib.
Naxçıvan Muxtar Respublikası Nazirlər Kabinetinin 25 avqust 2016-cı il tarixli Qərarı ilə təsdiq olunmuş Tədris Planına əsasən elektron lövhə istifadəçisi kursu bir ay, kompüter istifadəçisi kursu isə iki ay müddətinə tədris olunur. Kurs müddətində müəllimlərə kompüter texnologiyasının əsasları, İKT proqramları, tətbiqi proqramlar, eləcə də “Smart Notebook” proqramı öyrədiləcəkdir.

Böyük Azərbaycan maarifçisi, pedaqoq, şair-publisist Məhəmməd Tağı Sidqi Ordubadda “Əxtər”, Naxçıvanda isə “Tərbiyə” məktəbini təsis etmiş, xalq müəllimi kimi şöhrət qazanmış, ədəbi-­mədəni tədbirlərin əsas təşkilatçılarından olmuşdur. Xalqın maariflənməsi üçün elmin, məktəbin əhəmiyyətini dərk edən böyük mütəfəkkirimiz uşaqların məktəbə cəlbi üçün çox çalışmışdır. Onun “Oxunması zəruri olan kitabların Siyahısı”na daxil olan “Məktəb hekayələri” kitabında məktəbin, elmin əhəmiyyətindən, ədəbli olmağın, yalançılıq və qorxaqlıqdan uzaq olmağın yollarından geniş bəhs edilmişdir. Sidqi öz hekayələrində insanın əvvəlinci vəzifəsinin elm təhsil etmək olduğunu göstərmiş, elmsiz insanı ruhsuz cisim kimi qiymətləndirmişdir. Elmə talib olanı isə alim hesab etmiş, amma özünü elmə malik biləni cahil kimi qələmə vermişdir. Hekayələrini oxuduqca məndə maarifçi, şair və pedaqoqun orijinal bir uşaq yazıçısı olması barədə əyani təsəvvür yarandı.
“Məktəb hekayələri”ndə “Məktəb nədir?” – sualına cavab axtarılır. “Məktəb bizim elm və maarifimizin vasitəsi, dünya və axirətimizin səadətinin səbəbidir. Elm və ədəb bir xəzinəyə bənzər ki, onun açarı məktəbdir. Məktəb cəhalət dərdinin dərmanı və mərifət bağının xiyabanıdır ki, həmişə cahilləri alim və divanələri aqil eylər. Məktəb bir cismə bənzər ki, onun ruhu müəllimdir”.
“Məktəbə gec gələn uşaq” hekayəsində məktəbə vaxtında gəlməyin vacibliyindən söhbət açılır və məktəbə gecikmək tənqid olunur. Böyük mütəfəkkirin bu qəbildən olan hekayələri elmə, bilikli və savadlı olmağa, məktəbin görmədiyimiz, bilmədiyimiz tərəflərini dərindən dərk etməyə biz şagirdlərdə maraq oyadır.

İyulun 11-də respublika fənn olimpiadalarının muxtar respublikadan olan 25 qalibinə medal və sertifikatlar təqdim edilib.
Tədbirdə Təhsil naziri Rəhman Məmmədov bildirib ki, təhsilin keyfiyyətinin yüksəldilməsinin diqqətdə saxlanıldığı muxtar respublikada istedadlı şagirdlərlə aparılan iş sahəsində mühüm tədbirlər həyata keçirilir. Naxçıvan Muxtar Respublikası Ali Məclisi Sədrinin bu il iyunun 24-də imzaladığı Sərəncamla 3 şagirdin adının Naxçıvan Muxtar Respublikası Gənc İstedadlarının “Qızıl kitabı”na yazılması və onların xüsusi aylıq təqaüdə layiq görülməsi istedadlı uşaqlara dövlət qayğısının bariz göstəricisidir.
Qeyd olunub ki, ötən tədris ilində istedadlı şagirdlərin aşkar olunması, onların potensiallarının inkişaf etdirilməsi məqsədilə müxtəlif bilik yarışları, müsabiqələr, muxtar respublika və respublika səviyyəli olimpiadalar təşkil olunub. Respublika fənn olimpiadası, ümumilikdə, 8 fənn üzrə IX-XI sinif şagirdlərinin iştirakı ilə keçirilib. Olimpiadanın nəticələri uğurlu olub, muxtar respublika məktəbliləri 2-si qızıl, 6-sı gümüş, 17-si isə bürünc olmaqla, 25 medal qazanıblar. Olimpiada qaliblərindən 17-si, yaxud 68 faizi dəqiq fənlər üzrə yer tutub. Olimpiadanın nəticələrinə əsasən Naxçıvan Qarnizonu tam orta məktəbinin şagirdləri 4 medal qazanmaqla muxtar respublika birincisi, Heydər Əliyev adına Hərbi Liseyin kursantları isə 3 medal qazanmaqla muxtar respublika ikincisi olublar.

Dövlət İmtahan Mərkəzi iyulun 7-də 2019-2020-ci tədris ili üçün Azərbaycan Respublikasının ali təhsil müəssisələrinə qəbul olmaq istəyən abituriyentlərə II və III ixtisas qrupları üzrə qəbul imtahanı keçirib.
İmtahan respublikanın 11 şəhərində, ümumilikdə, 57 binada aparılıb. Abituriyentlərə bilik və bacarıqlarını yoxlamaq məqsədilə II qrupda riyaziyyat, coğrafiya və tarix fənləri, III qrupda isə Azərbaycan dili, tarix və ədəbiyyat fənləri üzrə, ümumilikdə, 90 tapşırıq təqdim edilib. Bu imtahanda abituriyentlərin toplaya biləcəyi maksimal ümumi bal 400-dür.
Məlumat üçün bildirək ki, imtahanda 28 min 699 abituriyent iştirak edib. Onlardan 11 min 134 abituriyent II qrup, 17 min 565 abituriyent isə III qrup üzrə imtahan verib.
Həmin gün saat 1600-da Dövlət İmtahan Mərkəzinin “Facebook” səhifəsi və “Youtube” kanalı vasitəsilə canlı yayım edilib və mərkəzin məsul əməkdaşları, ekspertlər tərəfindən imtahanda istifadə olunmuş sualların düzgün cavabları və test tapşırıqları ilə bağlı geniş izahat verilib.
Naxçıvan Muxtar Respublikasında imtahanlar 7, 14 nömrəli və Heydər Əliyev adına tam orta məktəblərdə keçirilib. 1532 abituriyentin iştirak etdiyi imtahana 143 nəzarətçi, 12 imtahan rəhbəri cəlb edilib.
Nəticələrin iyulun 22-də elan olunması nəzərdə tutulur.

 Güntac ŞAHMƏMMƏDLİ

Göstərilən dövlət qayğısı muxtar respublika gənclərinin istedad və intellekt
potensiallarının inkişafına xidmət edir

Xalqımızın böyük oğlu Heydər Əliyev harada olmasından və yaşamasından asılı olmayaraq, gənclərimizin layiqli, bilikli, təhsilli vətəndaş kimi yetişmələrinin, daim əsl azərbaycanlı mövqeyində dayanmalarının vacibliyini dönə-dönə vurğulayaraq deyirdi: “Hər bir millətin, hər bir ölkənin gələcəyi gənclərdir. Biz gənclərimizi nə qədər yüksək təhsilli etsək, onların müəyyən ixtisaslara mükəmməl yiyələnməsinə şərait yarada bilsək, müstəqil Azərbaycanın gələcəyi və demək, müstəqil Azərbaycanın iqtisadiyyatının inkişafı, elminin inkişafı, təhsilinin inkişafı, insanların rifah halı o qədər də yaxşı olacaqdır…”

Muxtar respublikamızda da gənclərin yaradıcılıq axtarışlarının stimullaşdırılması, milli ruhda tərbiyəsi, onların sosial müdafiəsinin və məşğulluğunun təmin edilməsi daim diqqət mərkəzində saxlanılır. Naxçıvan Muxtar Respublikası Ali Məclisi Sədrinin “Naxçıvan Muxtar Respublikasında gənc istedadlara dövlət qayğısının artırılması haqqında” 2012-ci il 31 yanvar tarixli Fərmanına əsasən Naxçıvan Muxtar Respublikası Gənc İstedadlarının “Qızıl kitabı”nın təsis edilməsi gənclərə göstərilən diqqət və qayğının məntiqi davamıdır. Müxtəlif sahələrdə fərqlənən istedadlı gənclərin qabiliyyətlərinin qiymətləndirilməsi, onların fəxri adlarla, qiymətli hədiyyələrlə mükafatlandırılması muxtar respublika gənclərinin öz üzərlərində daha səylə çalışmalarına güclü təkan verir.
Belə gənclərimizdən biri də Naxçıvan Muxtar Respublikası Ali Məclisi Sədrinin 2019-cu il 24 iyun tarixli Sərəncamına əsasən adı Naxçıvan Muxtar Respublikası Gənc İstedadlarının “Qızıl kitabı”na təhsil sahəsi üzrə salınan Naxçıvan şəhər 8 nömrəli tam orta məktəbin onuncu sinif şagirdi Siyavuş ­Bağırovdur. Bu xəbər onun müəllim və valideynlərinin böyük sevincinə səbəb olub.
Tarix müəllimi Xülya Seyidzadənin şagirdi haqqında dedikləri:
– Muxtar respublikamızda istedadlı yeniyetmə və gənc­lərin aşkara çıxarılmasına diqqət yetirilir və bu istiqamətdə dövlət səviyyəsində tədbirlər həyata keçirilir. Məktəbimizdə də öz elmi, təhsili, təlim-tərbiyəsi ilə seçilən belə şagirdlərimiz çoxdur. Onlardan biri də Siyavuşdur. O, kiçik yaşlarından öz bilik və bacarığı ilə yaşıdlarından fərqlənirdi. IX sinfi fərqlənmə attestatı ilə bitirib. İndiyədək müxtəlif nailiyyətlər əldə edib. Belə ki, “İstedad – XXI əsr” hazırlıq kursları tərəfindən keçirilən sınaq imtahanlarında dəfələrlə 700 bal toplayıb. 2016-cı ildə həmin kurs tərəfindən keçirilən “10 qazanan” intellektual yarışın qalibi olub, Naxçıvan Muxtar Respublikası Təhsil Nazirliyinin təşkil etdiyi “Kitab bilik mənbəyidir” müsabiqəsində II yerə, 2017-ci ildə muxtar respublika fənn olimpiadalarında Riyaziyyat fənni üzrə I yerə layiq görülüb. Həmin il Naxçıvan Muxtar Respublikasının Gənclər Fondu tərəfindən keçirilən “Nuh yurdu” intellektual oyununda fərqlənmə diplomu ilə mükafatlandırılıb. 2018-ci ildə Naxçıvan şəhərinin ölkəmizin Gənclər Paytaxtı seçilməsi ilə əlaqədar “Nə? Harada? Nə zaman?” oyununda I yer tutub. 2018-2019-cu illərdə keçirilən “Xəmsə” intellektual oyunlarının hər ikisinin qalibi olub.

Xəbər verdiyimiz kimi, mart ayında Naxçıvan Muxtar Respublikasının yaranmasının 95 illik yubileyi münasibətilə Naxçıvan xanlığının tarixindən bəhs olunan “Ehsan xan Kəngərli” tamaşasının premyerasında iştirak etmək üçün tarixi əsərin müəllifi Xaqani Əliyev, sənətşünaslıq üzrə fəlsəfə doktoru, teatrşünas Zülfiyyə Eldarqızı və Əməkdar artist Sərvər Əliyev Naxçıvanda olublar.
Qonaqlar səfər çərçivəsində Naxçıvan Dövlət Universitetinin İncəsənət fakültəsində təhsil alan tələbələrlə görüşüb onlar üçün zəruri olan əlavə dərs vəsaitləri göndərməyi qərara alıblar.
Bu günlərdə Naxçıvan Muxtar Respublikası Mədəniyyət Nazirliyinin məsul işçisi, universitetin müəllimi, Xalq artisti Kamran Quliyevdən həmin kitabları tələbələrə çatdırmağı xahiş edən ziyalılar, gənclərə məktub da ünvanlayıblar. Məktubda deyilir:
“Əziz tələbələr! Kitab tədris materialı olaraq maarifçilik yükünü daşımaqla, keçmiş və müasir mədəniyyət düşüncəsini birləşdirməklə, yeni nəslin vətənpərvərlik tərbiyəsini, milli-mənəvi özünüdərki zənginləşdirir və daha da möhkəmləndirir. Kitab oxuyarkən axtardığımız suallara cavablar tapırıq, təfəkkürümüz qidalanıb genişlənir. Elm mənbəyi olan kitab fərd kimi yox, məhz şəxs kimi yetişməyimizə kömək edir.
Gəncliyimizin savadlı böyüməsi üçün valideynlər, müəllimlər, ziyalılar, ədiblər və dövlət xadimlərimiz öz məsləhət və qayğılarını heç vaxt əsirgəmirlər. Bunun bariz nümunəsi olaraq Naxçıvan Muxtar Respublikası Ali Məclisi Sədrinin “Oxunması zəruri olan kitablar haqqında” 2017-ci il 28 avqust tarixli Sərəncamını göstərə bilərik. Gənc nəslin şəxsiyyət kimi yetişməsinə kömək edəcək bu sərəncam kitab oxumağa valideyn çağırışıdır. Azərbaycan gəncində vətənpərvərliyin, tarixə, milli kökə bağlılığın və dünyagörüşün formalaşmasına yardım edəcək mükəmməl və müdrik Ağsaqqal məsləhətidir. Yalnız insana məxsus olan, heç vaxt köhnəlməyən daxili və zahiri hissləri öz vərəqlərində yaşadan kitablara verilən yüksək ziyalı qiyməti və dəyəridir.

Dövlət İmtahan Mərkəzi tərəfindən iyunun 30-da ümumi (9 illik) orta təhsil bazasında orta ixtisas təhsili müəssisələrinə (kolleclərə) qəbul olmaq istəyən əvvəlki illərin məzunları, əvvəlki illərdə təhsil sənədi ala bilməyən və eksternat qaydasında imtahan verən məzunları, üzrlü səbəbdən bu ay keçirilən buraxılış imtahanlarının (IX sinif) ikinci mərhələsində iştirak edə bilməyən cari ilin məzunları, orta ixtisas təhsili müəssisələrinin müsabiqəsində orta məktəbdə təhsil aldıqları bölmədən fərqli bölmə üzrə iştirak etmək istəyən Azərbaycan və ya rus dili fənləri üzrə imtahan verən cari ilin məzunları, orta ixtisas təhsili müəssisələrinin müsabiqəsində buraxılış imtahanı çərçivəsində verilən xarici dil fənnindən fərqli xarici dil fənni üzrə iştirak etmək istəyən cari ilin məzunları üçün imtahanlar keçirilib.

İyunun 29-da Heydər Əliyev Muzeyində Naxçıvan Muxtar Respublikası Ali Məclisinin keçmiş deputatı, 1989-1992-ci illərdə Naxçıvan Qarnizonunun rəisi olmuş general-mayor Rostislav Slaboşeviçin “Heydər Əliyevin vətəni haqqında hərbçi deputatın xatirələri” kitabının təqdimat mərasimi keçirilmişdir.

Təqdimat mərasimində Naxçıvan Muxtar Respublikası Ali Məclisi Aparatı rəhbərinin müavini, Qanunçuluq və hüquq-mühafizə orqanları ilə iş şöbəsinin müdiri Cəlil Rüstəmov çıxış edərək demişdir ki, bu gün təqdimat mərasimi keçirilən yeni nəşrin müəllifi Rostislav Slaboşeviç 1949-cu il iyunun 25-də Minsk şəhərində anadan olmuşdur. 1966-cı ildə Xarkov Ali Tank Komandirləri Məktəbinə daxil olmuş, oranı bitirdikdən sonra 1975-ci ilə qədər Belarusda müxtəlif hərbi vəzifələrdə xidmət etmişdir. 1979-cu ildə Frunze adına Hərbi Akademiyanı bitirdikdən sonra Zaqafqaziya Hərbi Dairəsinə alay komandirinin müavini təyin olunmuş və Gürcüstanın Duşeti şəhərində xidmət etmişdir. 1983-cü ilin avqustunda Naxçıvan Muxtar Sovet Sosialist Respublikasının Qıvraq kəndində yerləşən hərbi hissədə alaya komandirin birinci müavini təyin edilmiş, 1984-cü ildə isə Gəncə şəhərinə alay komandiri vəzifəsinə keçirilmiş, orada diviziya komandirinin müavini vəzifəsinədək yüksəlmişdir. 1989-cu ildə yenidən Naxçıvana qayıtmış, buradakı 75-ci Motoatıcı Diviziyaya komandir təyin edilmiş və 1992-ci ilə qədər bu vəzifədə çalışmışdır.

Naxçıvan Müəllimlər İnstitutunda Naxçıvan Muxtar Respublikasının 95 illik yubileyinə həsr olunan “Muxtariyyətin bəhrələri: Naxçıvanda elm və təhsil” mövzusunda keçirilən elmi konfransın plenar iclasını institutun rektoru, dosent Elbrus İsayev açıb. Rektor bildirib ki, 2019-cu il yanvarın 21-də Naxçıvan Muxtar Respublikası Ali Məclisi Sədrinin Sərəncamı ilə Naxçıvan Muxtar Respublikasının 95 illik yubileyinin qeyd edilməsi ilə bağlı Tədbirlər Planı təsdiq olunub. Tədbirlər Planının icrası istiqamətində ötən dövr ərzində müxtəlif səpkili tədbirlər keçirilib, aparılan işlər Naxçıvanın muxtariyyət tarixinin daha dərindən araşdırılaraq öyrənilməsi və gənc nəslə aşılanmasına böyük imkanlar açıb.
AMEA Naxçıvan Bölməsinin sədri, akademik İsmayıl Hacıyev “Muxtariyyət illərində Naxçıvanda elmin inkişafına dövlət qayğısı” mövzusundakı çıxışında bildirib ki, ulu öndər Heydər Əliyevin ölkə­mizdə ikinci dəfə siyasi hakimiyyətə qayıdışından sonra xalqımızın ictimai-siyasi, milli-mənəvi və mədəni həyatında keyfiyyətcə yeni bir mərhələ başlanıb, həyatın bütün sahələrində, o cümlədən elmin, təhsilin inkişafı istiqamətində məqsədyönlü addımlar atılıb. Naxçıvan Muxtar Respublikasının geosiyasi vəziyyətini nəzərə alaraq elmi-tədqiqat qurumlarının fəaliyyətini gücləndirmək, mövcud elmi potensialdan səmərəli istifadə etmək, diyarın tarixi, arxeologiyası, etnoqrafiyası və təbii sərvətlərinin öyrənilməsi üçün daha əlverişli şərait yaratmaq məqsədilə ulu öndər Heydər Əliyevin 2002-ci il 7 avqust tarixli Sərəncamına əsasən AMEA Naxçıvan Bölməsinin yaradılması muxtar respublikada elmin daha da inkişaf etməsinə əlverişli şərait yaradıb.

Naxçıvan Dövlət Universitetinin Tibb fakültəsində məzun günü keçirilib. Tədbiri giriş sözü ilə universitetin rektoru, AMEA-nın müxbir üzvü Saleh Məhərrəmov açaraq Azərbaycanda elm və təhsilin inkişafından, muxtar respublikada kadr potensialının gücləndirilməsinə göstərilən yüksək dövlət qayğısından danışıb, məzunlara uğurlar arzu edib.
Tibb fakültəsinin dekanı, dosent Elsevər Əsədov çıxışında vurğulayıb ki, fakültənin yaranmasının 20-ci ildönümü ərəfəsində keçirilən məzun günü həm də ona görə əlamətdardır ki, bu il Naxçıvan Muxtar Respublikası Ali Məclisinin Sədri cənab Vasif Talıbovun iştirakı ilə Tibb fakültəsi üçün müasir standartlara cavab verən və son texnologiyalarla təmin olunan yeni bina istifadəyə verilib.
Bildirilib ki, 474 tələbənin təhsil aldığı fakültədən bu il 74 nəfər məzun olur. Bunlardan 21 nəfəri əcnəbi tələbədir. Ümumilikdə, fakültədə 122 xarici ölkə vətəndaşı təhsil alır. Bu, universitetin beynəlxalq əlaqələrinin yüksək səviyyədə qurulduğunu bir daha təsdiq edir.
Naxçıvan Muxtar Respublikası Səhiyyə nazirinin müavini Samrat Gəncəyeva gələcəyin həkim kadrlarının yetişməsində universitetin rolunu yüksək qiymətləndirib, muxtar respublikada səhiyyəyə göstərilən dövlət qayğısından danışıb, məzunları təbrik edib.

Muxtar respublikamızda həyata keçirilən uğurlu siyasət nəticəsində bütün sahələrdə əldə edilən müsbət dinamika təhsil sektorunda da özünü göstərir. Təhsil müəssisələrinin maddi-texniki bazasının müasir standartlara uyğun şəkildə yenidən qurulması muxtar respublikamızın hər bir bölgəsində olduğu kimi, Kəngərli rayonunda da bu sahədə keyfiyyət və kəmiyyət göstəricilərinin hər ötən il yaxşılaşması ilə nəticələnir.
Məlum olduğu kimi, artıq Dövlət İmtahan Mərkəzi tərəfindən keçirilən qəbul imtahanlarının birinci mərhələsi başa çatıb. 2018-2019-cu tədris ilində Kəngərli rayon ümumtəhsil məktəblərini bitirən 158 şagirddən 112 nəfəri tələbə adını qazanmaq üçün həmin imtahanlarda iştirak edib. Sevindirici haldır ki, qəbul imtahanlarının birinci mərhələsində ümumtəhsil məktəblərinin şagirdləri yüksək nəticələr göstərib. Belə ki, ali məktəblərə sənəd verən 112 abituriyentdən 73-ü qəbul imtahanlarının birinci mərhələsində lazımi göstəriciləri əldə edə bilib. Bu uğurları ilə valideyn və müəllimlərinə böyük sevinc bəxş edən həmin şagirdlərdən bəzilərini oxucularımızla tanış etmək istərdik.
Qarabağlar kənd 1 nömrəli tam orta məktəbin məzunu Pakizə Quliyeva qəbul imtahanlarının birinci mərhələsində yüksək nəticə göstərən abituriyentlər sırasındadır. O, 571 bal toplayaraq qəbul imtahanlarının birinci mərhələsində Kəngərli rayonunda ən yüksək göstəricini əldə edib. Müəllimlərindən öyrəndik ki, Pakizə Quliyeva məktəbdə təhsil aldığı müddətdə olduqca çalışqan bir şagird kimi özünü göstərib, istər yaxşı oxumağına, istərsə də nümunəvi davranışına görə digər şagirdlərə örnək olub.
Pakizə Quliyevanın qəbul imtahanlarının birinci mərhələsində əldə etdiyi uğurlu nəticə barədəki fikirlərini də öyrəndik. O, bu uğurun təməlində çalışqanlığın, dövlətimiz tərəfindən təhsilə göstərilən qayğının, eyni zamanda müəllimlərinin zəhmətinin dayandığını qeyd etdi. Pakizə söhbət zamanı dövlətin gənclərə göstərdiyi diqqət və qayğının onu gələcəkdə də səylə çalışmağa və ölkəmizə layiqli xidmət etməyə ruhlandırdığını söylədi.

Muxtar respublikada təhsil davamlı və müasir tələblər səviyyəsində inkişaf etdirilir. Yeni məktəb binalarının istifadəyə verilməsi, müasir tədris şəraitinin yaradılması tədrisin keyfiyyətini yüksəltmişdir.
“Naxçıvan Muxtar Respublikasında ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinin vəziyyəti və innovasiyaların dəstəklənməsi barədə” keçirilmiş müşavirədə verilmiş tapşırıqlara uyğun olaraq may ayında ali təhsil müəssisələrinin professor və müəllim heyətləri, həmçinin pedaqoji profilli ixtisaslarda təhsil alan sonuncu kurs tələbələrinin iştirakı ilə dərsliklərin müzakirəsi həyata keçirilmiş, dərsliklərdəki çatışmazlıqlarla bağlı təkliflər hazırlanmışdır.

Dünən Naxçıvan Dövlət Universitetində “Dövlət idarəçiliyində innovativ texnologiyalar: Azərbaycan Respublikasının təcrübəsi” mövzusunda distant təlim keçirilib.
Təlimin əsas məqsədi ölkənin innovativ və inklüziv inkişafı üçün hədəflərin yeni istiqamətləri ilə bağlı biliklərin dinləyicilərə çatdırılması və onlarla fikir mübadiləsinin aparılması olub.
Muxtar respublikanın şəhər və rayon İcra ha­kimiyyətlərində Sosial-­iqtisadi inkişafın təhlili və proqnozlaşdırılması şöbəsinin aparıcı, baş və böyük məsləhətçisi vəzifələrində çalışan əməkdaşların iştirak etdiyi təlimdə Azərbaycan Respublikasının Prezidenti yanında Dövlət İdarəçilik Akademiyasının rektoru, akademik Urxan Ələkbərov məruzə ilə çıxış edib.
Azərbaycan Respublikasının Prezidenti cənab İlham Əliyevin 2017-ci il 22 sentyabr tarixli Fərmanının icrası ilə əlaqədar təşkil edilən təlimdə akademik ümummilli lider Heydər Əliyev siyasətinin uğurlu nəticələrindən danışıb, ulu öndərin ideyalarının Prezident cənab İlham Əliyev tərəfindən qətiyyətlə həyata keçirildiyini bildirib və bu gün Azərbaycanın iqtisadiyyatının sürətlə inkişaf etdiyini konkret faktlarla diqqətə çatdırıb.

Dövlət İmtahan Mərkəzi iyunun 23-də 2019-2020-ci tədris ili üçün Azərbaycan Respublikasının ali təhsil müəssisələrinə qəbul olmaq istəyən abituriyentlər üçün I və IV ixtisas qrupları üzrə qəbul imtahanı keçirib.
İmtahan keçirildiyi bütün bölgələrdə eyni vaxtda – saat 1100-da başlayıb və 3 saat davam edib. Abituriyentlərə bilik və bacarıqlarını yoxlamaq məqsədilə I qrupda riyaziyyat, fizika və kimya, IV qrupda isə biologiya, kimya və fizika fənləri üzrə, hər fənn üzrə 30 test tapşırığı, ümumilikdə, 90 tapşırıq təqdim olunub. Bu imtahanda abituriyentlərin toplaya biləcəyi maksimal ümumi bal 400-dür.

İyunun 21-də Naxçıvan Dövlət Texniki Kollecində Təhsil Nazirliyi tərəfindən ali təhsil müəssisələrinin bakalavriat səviyyəsinə müvafiq ixtisaslar üzrə subbakalavrların qəbulu ilə bağlı maarifləndirici tədbir keçirilib.
Tədbirdə çıxış edən Naxçıvan Muxtar Respublikası Təhsil Nazirliyinin Aparat rəhbəri Rəşad Əlizadə qeyd edib ki, Azərbaycan Respublikası Nazirlər Kabinetinin 2019-cu il 20 may tarixli Qərarı ilə təsdiq edilmiş qaydalara əsasən subbakalavrlar ali təhsil müəssisələrinin bakalavriat səviyyəsinə müvafiq ixtisaslar üzrə qəbul imtahanlarında iştirak etmədən müsabiqə yolu ilə qəbul oluna bilərlər.

“Sabahın müəllimi” layihəsi çərçivəsində Naxçıvan Dövlət Universitetində pedaqoji profilli ixtisasların buraxılış kurs tələbələri ilə görüş keçirilib. Məzunlar ümumtəhsil məktəblərində vakant müəllim yerləri ilə tanış ediliblər.
Universitetin prorektoru, dosent Rafiq Rəhimov çıxış edərək bildirib ki, müəllim təcrübəsinin paylaşılması və məzunların işlə təmin edilməsindən ibarət olan yeni layihə muxtar respublikada innovativ təcrübəli müəllim kadrların hazırlanmasına müsbət təsir göstərəcək.
Tədbirdə iştirak edən Naxçıvan Muxtar Respublikası Təhsil nazirinin müavini Ovni Muradov qeyd edib ki, “Sabahın müəllimi” layihəsinə uyğun olaraq muxtar respublikada gənc kadrların işlə təminatı diqqətdə saxlanılır. “Naxçıvan Muxtar Respublikasında müəllimlərin ümumtəhsil müəssisələrinə işə qəbul qaydaları”na əsasən bu proses müsabiqə yolu ilə həyata keçirilir.
Sonra Naxçıvan Muxtar Respublikası Təhsil Nazirliyinin şöbə müdiri Abdulla Əsgərov pedaqoji profilli ixtisasların buraxılış kurs tələbələrinə slaydlar vasitəsilə muxtar respublikanın ümumtəhsil məktəblərində olan vakant müəllim vəzifələri, müəllimlərin ümumtəhsil müəssisələrinə işə qəbul qaydaları, gənc mütəxəssislər üçün əlavə güzəştlər və stimullaşdırıcı tədbirlər haqqında geniş məlumat verib.

İyunun 19-da Naxçıvan Müəllimlər İnstitutunda pedaqoji profilli ixtisasların buraxılış kurs tələbələri ilə görüş keçirilib, məzunlar ümumtəhsil məktəblərində vakant müəllim yerləri ilə tanış ediliblər.
İnstitutun prorektoru Azad Novruzov çıxış edərək bildirib ki, bu gün muxtar respublikamızda təhsilin bütün pillələrinin inkişafına böyük diqqət və qayğı göstərilir. Bunu ali təhsil müəssisələrinin timsalında da görmək olar. Naxçıvan Müəllimlər İnstitutu da belə qayğı ilə əhatə olunub. Bu isə imkan verib ki, gələcəyin müəllimləri savadlı mütəxəssis kimi yetişdirilsin.
Tədbirdə iştirak edən Naxçıvan Muxtar Respublikası Təhsil nazirinin müavini Ovni Muradov qeyd edib ki, “Sabahın müəllimi” layihəsinin əsas məqsədi pedaqoji profilli ixtisaslarda oxuyan tələbələrə təhsildəki yeniliklər haqqında məlumat vermək, onların ümumtəhsil məktəblərində pedaqoji təcrübələrini təmin etmək, tələbələrin dərslik və metodik vəsaitlərin müzakirəsində iştirakının təşkilinə nail olmaq, müəllim təcrübəsini paylaşmaq və məzunların işlə təmin edilməsinə köməklik ­göstərməkdir.

“Naxçıvan” Universitetində “Naxçıvan Muxtar Respublikasının sosial-iqtisadi inkişafı” mövzusunda elmi-praktik konfrans keçirilib.
Tədbiri giriş sözü ilə “Naxçıvan” Universitetinin prorektoru Hüseyn Bağırsoylu açaraq konfransın keçirilməsinin əhəmiyyətindən danışıb. Bildirib ki, ölkə iqtisadiyyatında özünəməxsus yeri olan muxtar respublikamız bütün sahələrdə sistemli şəkildə həyata keçirilən islahatlarla dinamik inkişaf dövrünü yaşayır. Qazanılan uğurların təməlində dayanan əsas amillərdən biri qəbul olunan dövlət proqramlarının uğurla həyata keçirilməsidir. Naxçıvan Muxtar Respublikası Ali Məclisi Sədrinin 2014-cü il 1 sentyabr tarixli Fərmanı ilə təsdiq olunmuş və icrası uğurla başa çatmış “Naxçıvan Muxtar Respublikasının 2014-2018-ci illərdə sosial-iqtisadi inkişafı Dövlət Pro­qramı”nın icrası bu baxımdan mühüm əhəmiyyət kəsb edib.
Naxçıvan Muxtar Respublikası İqtisadiyyat Nazirliyinin Sənaye şöbəsinin müdiri Elnur Mahmudovun “Naxçıvan Muxtar Respublikasının 2014-2018-ci illərdə sosial­­-iqtisadi inkişafı Dövlət Pro­qramı”nın icrasının yekunları və gələcək perspektivləri”, “Naxçıvan” Universitetinin İqtisadiyyat kafedrasının müdiri Dilsuz Qasımovun “Naxçıvan Muxtar Respublikasında qəbul edilmiş sosial­-iqtisadi inkişaf proqramlarının iqtisadi inkişafa təsiri”, İqtisadiyyat ixtisasının I kurs tələbəsi Coşqun Hüseynovun isə “Naxçıvan Muxtar Respublikasının sosial-iqtisadi inkişaf proqramlarının icrasının əhalinin həyat səviyyəsinin yüksəldilməsində rolu” mövzularında çıxışları dinlənilib.

Seyfur HACIMURADOV

18 iyun – Azərbaycan Respublikasında İnsan Hüquqları Günü münasibətilə Naxçıvan şəhərindəki Gənclər Mərkəzində muxtar respublikanın ali və orta ixtisas təhsili müəssisələrinin tələbələri arasında bilik yarışı keçirilib.
Tədbiri Naxçıvan Muxtar Respublikası Ali Məclisi Aparatı rəhbərinin müavini, Qanunçuluq və hüquq-mühafizə orqanları ilə iş şöbəsinin müdiri Cəlil Rüstəmov açaraq bildirib ki, Azərbaycanın dünyada müstəqil, hüquqi, demok­ratik dövlət kimi tanınması, ölkədə insan hüquq və azadlıqlarının təmin edilməsi və müdafiəsi ümummilli lider Heydər Əliyevin adı ilə bağlıdır.
Qeyd olunub ki, ümummilli lider Heydər Əliyevin rəhbərliyi ilə hazırlanaraq 1995-ci il noyabrın 12-də ümumxalq səsverməsi ilə qəbul edilmiş Azərbaycan Respublikasının Konstitusiyası ölkəmizdə əsas insan hüquq və azadlıqlarının həyata keçirilməsinə əsaslanan yeni dövlət quruculuğunun təməlini qoymuşdur.
Ulu öndərimiz tərəfindən həyata keçirilmiş hüquq islahatları Azərbaycanda demokratik, hüquqi dövlət və vətəndaş cəmiyyətinin möhkəmləndirilməsinə, insan hüquq və azadlıqlarının səmərəli müdafiəsinə yönəlmiş yeni hüquq sisteminin formalaşmasına zəmin yaratmışdır. ­Görkəmli dövlət xadiminin 1998-ci il 18 iyun tarixli Sərəncamı ilə təsdiq edilmiş “İnsan hüquqlarının müdafiəsinə dair Dövlət Proqramı” ölkəmizdə bu sahədə görülən işlərin səmərəliliyini daha da artırmışdır.

İyunun 14-də ölkəmizin hər yerində olduğu kimi, muxtar respublikanın ümumtəhsil müəssisələrində də “Son zəng” tədbirləri keçirilib.
Muxtar respublikamızda “Son zəng” günü yüksək əhval-ruhiyyə ilə qeyd olunur, təhsil ocaqları ölkəmizin daha da qüdrətlənməsi naminə çalışmaq arzusunda olan, bu arzunu gerçəkləşdirmək üçün ali təhsil almağa tələsən şagirdlərini uğurlayır. Hər ötən təhsil ilini yeni-yeni uğurlarla başa vuran məktəblərimiz daha böyük nailiyyətlər qazanmağa səy göstərir, yaradılan təhsil mühitindən daha səmərəli istifadə etməyə çalışır. Bu gün bilik məbədlərində yaradılan şərait, təhsil işçilərinə göstərilən hərtərəfli dövlət qayğısı, bir sözlə, muxtar respublikamızda insan kapitalına böyük önəm verilməsi hər bir valideyndə övladının yaxşı təhsil alacağına, onun gələcəyinin etibarlı əllərdə olduğuna əminlik yaradır.
Çıxış edənlər məzunları təbrik edib, onlara gələcək təhsillərində və həyatda uğurlar arzulayıblar.
Daha sonra məktəb məzunları müəllimlərə təşəkkürlərini bildirib, hər zaman öz uğurları ilə müəllimlərini sevindirəcəklərinə söz ­veriblər.
Bütün məktəblərdə “Son zəng” tədbirlərində şagirdlərin hazırladığı bir-birindən maraqlı ədəbi-bədii kompozisiyalar nümayiş olunub.

Naxçıvan Muxtar Respublikası
Təhsil Nazirliyinin mətbuat xidməti

İyunun 12-də Heydər Əliyev Muzeyi ilə muxtar respublikanın ümumtəhsil məktəbləri arasında “Qurtuluşdan başlanan yol” mövzusunda interaktiv dərs keçilib.

Naxçıvan Müəllimlər İnstitutunda keçirilən “Gələcəyin alimləri” layihəsinin təqdimat mərasimini giriş sözü ilə institutun rektoru, dosent Elbrus İsayev açaraq bildirib ki, Naxçıvan Muxtar Respublikasında təhsilin inkişafına göstərilən dövlət qayğısı elmi potensialı gücləndirib, elm, ali və orta ixtisas təhsili müəssisələrində yüksəkixtisaslı professor-müəllim heyəti formalaşdırılıb.
Rektor qeyd edib ki, Naxçıvan Muxtar Respublikası Ali Məclisi Sədrinin 2015-ci il 14 mart tarixli Sərəncamına əsasən Naxçıvan Muxtar Respublikasının Təhsil Nazirliyi, AMEA Naxçıvan Bölməsi və muxtar respublikanın ali və orta ixtisas təhsili müəssisələri qarşısında müvafiq vəzifələr qoyulub. Bu vəzifələrin icrası məqsədilə Naxçıvan Müəllimlər İnstitutunun elmi dərəcəsi olan əməkdaşlarının muxtar respublikanın ümumtəhsil məktəblərindəki nümunəvi dərslərdə iştirakı təmin edilib.
Elbrus İsayev bildirib ki, ötən müddət ərzində ümumtəhsil məktəbləri ilə əlaqələrin gücləndirilməsi məqsədilə institutun nəzdində “Gələcəyin alimləri” layihəsinin əsasnaməsi hazırlanıb.
Tədbirdə Naxçıvan Muxtar Respublikasının Təhsil naziri Rəhman Məmmədov çıxış edərək bildirib ki, bu gün muxtar respublika təhsili özünün uğurlu inkişaf dövrünü yaşayır, burada müasir təhsil şəraiti yaradılıb. Bu isə muxtar respublikada innovativ təhsil üsullarının tətbiqinə geniş imkanlar açıb.

Bu fikirlər İspaniyanın Alicante şəhərində, eyniadlı universitetdə təşkil olunmuş “Azərbaycan universitetlərində Keyfiyyətə nəzarət mərkəzlərinin yaradılması və inkişaf etdirilməsi” adlı Erasmus+ layihəsinin növbəti iclasında “Naxçıvan” Universitetinin Beynəlxalq əlaqələr şöbəsinin müdiri, layihə meneceri Rəcəb Cəfərli tərəfindən səsləndirilib.
Qeyd edək ki, 2- 8 iyun tarixləri arasında keçirilən təlimlərdə İngiltərənin Middlesex, İsveçin Kral Texnologiya, İspaniyanın Alicante, Litvanın SMİC Tətbiqi Elmlər universitetlərinin ekspertləri və Azərbaycanın 11 ali təhsil müəssisəsindən nümayəndələrlə yanaşı, “Naxçıvan” Universitetinin Beynəlxalq əlaqələr şöbəsinin müdiri, layihə meneceri Rəcəb Cəfərli, Tədris şöbəsinin müdiri Anar Abuzərli, Mühasibatlıq şöbəsinin müdiri Xəyal Heydərov, Xarici dillər kafedrasının müdiri Anara Nəsirli və həmin kafedranın baş müəllimi Könül Babayeva da iştirak edirlər.

Seyfur HACIMURADOV

Azərbaycan-ABŞ beynəlxalq arxeoloji ekspedisiyası 2008-ci ildən başlayaraq Naxçıvan Muxtar Respublikasının Şərur və Sədərək rayonları ərazisində arxeoloji tədqiqatlar aparır. Arxeoloji tədqiqatlar başlıca olaraq Oğlanqala və Qızqala yaşayış yerlərində və onun ətrafında aparılmışdır.
Ekspedisiyanın rəhbərləri Azərbaycan Milli Elmlər Akademiyasının müxbir üzvü, professor Vəli Baxşəliyev və Amerika Birləşmiş Ştatlarının Pensilvaniya Universitetinin professoru, arxeoloq Lauren Ristvetdir. Avstraliyanın Monash Universitetinin professoru Hilary Gopnik, Oksford Universitetinin doktoru Selin Nugent, Pensilvaniya Universitetinin arxeoloqu Robert Bryant və tələbəsi Jennifer Sverida, Pensilvaniya Muzeyinin bərpaçısı Tessa de Alarcon Martin, AMEA Naxçıvan Bölməsinin gənc əməkdaşları Elmar Baxşəliyev və Kamran Mehbalıyev isə ekspedisiyanın üzvləridir. Arxeoloji qazıntılara Pensilvaniya və Monash universitetlərinin 5 tələbəsi də cəlb olunmuşdur.

Naxçıvan Muxtar Respublikası Ali Məclisi Sədrinin “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” 2019-cu il 3 aprel tarixli Sərəncamına uyğun olaraq Naxçıvan Dövlət Universitetinin Sosial idarəetmə və hüquq fakültəsinin Hüquqşünaslıq ixtisasında təhsil alan tələbələr iyunun 3-də Naxçıvan Muxtar Respublikası Prokurorluğunda olublar.
Onlar əvvəlcə buradakı kitabxana ilə tanış olub, prokurorluq orqanlarında müraciətlərin baxılması qaydaları haqqında məlumatlar alıblar. Sonra tələbələrə prokurorluğun kriminalistik avtomaşınının iş prinsipi izah olunub, cinayət işinin istintaqı zamanı aparılan istintaq hərəkətləri, o cümlədən cinayət işinin başlanması, təqsirləndirilən şəxs qismində cəlb­etmə, ittihamı elanetmə qaydaları, dindirmə və üzləşdirmə məsələləri, ittihamın müdafiəsi, istintaq hərəkətlərinin sənədləşdirilməsi haqqında danışılıb, mövzu ilə bağlı slaydlar nümayiş etdirilib.
Naxçıvan Muxtar Respublika prokuroru, II dərəcəli dövlət ədliyyə müşaviri Səbuhi Şahverdiyev tələbələrlə görüşdə ölkəmizdə aparılan məhkəmə-hüquq islahatlarının əhəmiyyəti, prokurorluq orqanlarında çalışmaq istəyən əməkdaşların peşəkar mütəxəssis, öz işinin öhdəsindən vicdanla gələ bilən yüksəkixtisaslı kadrlar kimi yetişdirilməsinin vacib­liyini vurğulayıb.

Dövlət İmtahan Mərkəzi iyunun 2-də Bakı, Şirvan şəhərləri və Naxçıvan Muxtar Respublikasının ümumtəhsil müəssisələrinin 9-cu sinif şagirdləri üçün buraxılış imtahanının ikinci mərhələsini keçirib.
Həmin gün, ümumilikdə, 37 min 670 şagird imtahan verib. İmtahan bütün binalarda saat 1100-da başlanıb və 3 saat davam edib. İmtahanda şagirdlərin bilik və bacarıqlarını yoxlamaq məqsədilə tədris dili, riyaziyyat və xarici dil fənləri üzrə, ümumilikdə, 90 qapalı­tipli tapşırıq təqdim edilib.
İmtahanların idarə olunmasına 81 ümumi imtahan rəhbəri, 248 imtahan rəhbəri, 2978 nəzarətçi-müəllim, 265 buraxılışı təşkil edən əməkdaş, 81 bina nümayəndəsi ayrılıb.
Naxçıvan Muxtar Respublikasında imtahanların şəffaf və obyektiv keçirilməsi üçün, ümumilikdə, 12 imtahan mərkəzi yaradılıb. Bu mərkəzlərdə 3460 şagird imtahan verib.
Muxtar respublikada keçirilən imtahanların idarə olunmasına, ümumilikdə, 335 nəzarətçi-müəllim, 27 imtahan rəhbəri cəlb edilib. Bütün binalarda imtahan təlimata uyğun şəkildə keçirilib, şagirdlərin öz bilik səviyyələrini nümayiş etdirmələri üçün zəruri şərait yaradılıb.
Nəticələr yaxın günlərdə elan ediləcək.

 Güntac ŞAHMƏMMƏDLİ

Naxçıvan Muxtar Respublikası Təhsil Nazirliyinin təşkilatçılığı ilə Naxçıvan Dövlət Universitetində X sinif “Kimya” dərsliyinin müzakirəsi keçirilib.
Müzakirədə iştirak edən Naxçıvan Muxtar Respublikası Təhsil nazirinin müavini Ovni Muradov çıxış edərək vurğulayıb ki, aprelin 15-də keçirilmiş müşavirədə Ali Məclisin Sədri tərəfindən verilmiş tapşırıqlar tədrisin keyfiyyətinin yüksəldilməsi məqsədi daşıyır. Həmin tapşırıqların icrasının təmin olunması məqsədilə Təhsil Nazirliyi ali məktəblərin professor və müəllim heyətləri ilə birlikdə yeni dərslik və dərs vəsaitlərinin müzakirəsini həyata keçirir. Bugünkü tədbir X sinfin “Kimya” dərsliyinə həsr olunmuşdur. Müzakirələrin sonunda rəy və təkliflər hazırlanacaq ki, bu da həmin dərsliyin təkmilləşdirilməsinə öz töhfəsini verəcəkdir.

“Naxçıvan” Universitetinin İqtisadiyyat fakültəsinin III kurs tələbələrinin aprel ayının 8-də Dövlət Statistika Komitəsində başlanan təcrübəsi yekunlaşıb.
Təcrübədə iştirak edən tələbələrə universitetdə öyrəndikləri nəzəri bilikləri real iş şəraitində tətbiq etmək üçün Dövlət Statistika Komitəsində hərtərəfli şərait yaradılıb.
Dərslər komitənin təcrübəli mütəxəssisləri tərəfindən təsdiq olunmuş proqram əsasında keçilib.

Naxçıvan Dövlət Universitetində Naxçıvan Muxtar Respublikası Dövlət Energetika Xidmətinin hamiliyinə verilmiş Memarlıq və mühəndislik fakültəsinin Elektroenergetika mühəndisliyi ixtisasında təhsil alan tələ­bələrlə görüş keçirilib.
Tədbiri giriş sözü ilə açan universitetin rektoru, AMEA-nın müxbir üzvü Saleh Məhərrəmov qeyd edib ki, müvafiq sərəncamın icrası nəticəsində hami təşkilat və universitet arasında əlaqələr genişlənib, qarşılıqlı əməkdaşlıq insan kapitalının inkişafına, dayanıqlı əmək bazarının yaradılmasına xidmət edib. Naxçıvan Muxtar Respublikası Dövlət Energetika Xidmətinin rəisi Namiq Paşayev vurğulayıb ki, yeni layihələrin (startapların) hazırlanması, hami təşkilatlar tərəfindən dəyərləndirilməsi, təqdimatların keçirilməsi günün tələbidir. Bununla bağlı sərəncamın icrasını təmin etmək məqsədilə xidmətdə ekspert qrupu yaradılıb.
Diqqətə çatdırılıb ki, əhaliyə göstərilən elektron xidmətlərin keyfiyyətinin artırılması məqsədilə ötən dövrdə xidmətin rəsmi saytı yenilənib və saytda “Startap layihələri” bölməsi yaradılıb.
Xidmətin aparıcı məsləhətçisi Yunis Seyidov vurğulayıb ki, müasir dövrdə bütün elm sahələrində olduğu kimi, elektroenergetika sahəsində də innovasiyalar, yeni təşəbbüslər və ideyalar irəli sürülür. Elektroenergetika sahəsində, əsasən, enerjinin istehsalı, nəqli və məişətdə istifadəsində startaplar mühüm əhəmiyyət kəsb edir.
Sonda tələbələrin sualları cavablandırılıb, təklifləri dinlənilib.

Səadət ƏLİYEVA

Naxçıvan Muxtar Respublikası Ali Məclisi Sədrinin “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” 2019-cu il 3 aprel tarixli Sərəncamının icrası ilə əlaqədar Naxçıvan Dövlət Universitetində Naxçıvan Muxtar Respublikası Dövlət Baytarlıq Xidməti ilə birgə tədbir keçirilib.
Tədbiri giriş sözü ilə açan universitetin rektoru, AMEA-nın müxbir üzvü Saleh Məhərrəmov sərəncamın əhəmiyyətindən ətraflı bəhs edərək bildirib ki, göstərilən dövlət qayğısının nəticəsində Baytarlıq təbabəti ixtisası tələbələri universitetdə dövlət sifarişi əsasında təhsil alırlar.
Naxçıvan Muxtar Respublikası Dövlət Baytarlıq Xidmətinin rəisi Vəli Novruzov bildirib ki, müvafiq sərəncamın icrası istiqamətində muxtar respublikanın təhsil müəssisələrini bitirən 10 nəfər ixtisaslı baytar həkim xidməti üzrə işlərlə təmin olunub.

Naxçıvan Muxtar Respublikası Ali Məclisi Sədrinin“Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” 2019-cu il 3 aprel tarixli Sərəncamında qarşıya qoyulan vəzifələrin icrası ilə əlaqədar Dövlət Nəqliyyat Xidməti tərəfindən “İdeyadan başlanğıca” layihəsi çərçivəsində “Nəqliyyat könüllüləri” layihəsi həyata keçirilib.

Layihə bir ay müddətində iki mərhələdə təşkil edilib. İlk mərhələ şəhərdaxili nəqliyyatda sürücülər və ictimai nəqliyyatdan istifadə edən sərnişinlər, ikinci mərhələdə isə şəhərlərarası ictimai nəqliyyat vasitələrindən istifadə edən sərnişinlər arasında reallaşdırılıb. Dövlət Nəqliyyat Xidməti əməkdaşlarının müşayiəti ilə qruplar şəklində təbliğat xarakterli məlumatları ictimai nəqliyyat vasitələrindən istifadə edən sürücü və sərnişinlərə çatdıran könüllülər sürücüləri daha məsuliyyətli və cəmiyyətə qarşı daha qayğıkeş olmağa, sərnişinləri isə yol hərəkətinin təhlükəsizliyi qaydalarına məsuliyyətlə yanaşmağa, avtobuslardan istifadə edərkən ­avtobusdaxili qaydalara və səliqə-sahmana riayət etməyə çağırıb, sürücü və sərnişinlərə bukletlər paylayıblar.

Naxçıvan Muxtar Respublikası Gənclər Fondunun maliyyə dəstəyi ilə AMEA Naxçıvan Bölməsinin Gənc Alim və Mütəxəssislər Şurasının “Naxçıvandan Konyaya bir körpü: Nemətullah Naxçıvani” layihəsi çərçivəsində mayın 23-də Türkiyənin Konya vilayətində beynəlxalq konfrans keçirilib.

Konfransda Azərbaycanın Türkiyədəki təhsil müşaviri Nəcibə Nəsibova, Ağşəhər bələdiyyə sədri Salih Akkaya, Səlcuq Universitetinin idarə heyətinin üzvləri və universitetin tələbələri iştirak ediblər. Azərbaycan və Türkiyənin Dövlət himnləri səsləndirildikdən sonra “Nemətullahın vətəni Naxçıvan” adlı tanıtım videoçarxına baxış olub.

Daha sonra AMEANaxçıvan Bölməsinin əməkdaşı, filologiya üzrə fəlsəfə doktoru Nərgiz İsmayılova “Nemətullah Naxçıvani: Naxçıvandan Konyaya bir elm körpüsü”, ilahiyyatçı Ali İhsan Türcan “Baba Nemətullah Naxçıvani və təsəvvüf”, filologiya üzrə fəlsəfə doktoru Elxan Məmmədov “Hidayətül-İhvan əsərində elm və alim”, dosent İbrahim Işıtan “Osmanlıda XV-XVI əsrlərdə təsəvvüf anlayışı”, Əskişəhər Universitetinin müəllimi, doktor Rza Məmmədov “Baba Nemətullah Naxçıvani: insanca var olmaq”, filologiya üzrə fəlsəfə doktoru Rəşad Zülfüqarov “Nemətullah Naxçıvani irsi: tərcümə problemləri”, professor doktor DoğanYörük “Nemətullah Naxçıvaninin yaşadığı illərdə Ağşəhərdə əhali və iqtisadi həyat” mövzularında çıxış ediblər.

Naxçıvan Muxtar Respublikası Ali Məclisi Sədrinin 2019-cu il 3 aprel tarixli Sərəncamının icrası ilə əlaqədar Naxçıvan Muxtar Respublikası Ədliyyə Nazirliyində Naxçıvan Dövlət Universitetinin Sosial idarəetmə və hüquq fakültəsinin hamiliyə verilmiş Hüquqşünaslıq ixtisasının II kurs tələbələri ilə “Ədliyyə könüllüləri” istiqamətverici layihəsi üzrə növbəti görüş olub.

Mayın 26-da Dövlət İmtahan Mərkəzi 2019-2020-ci tədris ili üçün Azərbaycan Respublikasının ali təhsil müəssisələrinə və AMEA-nın magistraturalarına qəbul imtahanının ikinci mərhələsini keçirib.

İmtahan Bakı, Naxçıvan və Gəncə şəhərlərində, ümumilikdə, 27 binada aparılıb. Qəbul imtahanının birinci mərhələsinin nəticələrinə görə, müsabiqə şərtlərini ödəyən 8758 bakalavr qəbul proqramını seçərək təsdiqləyib. Onlardan 8012-si Azərbaycan, 746-sı isə rus bölməsi üzrə imtahan verib. Bakalavrların 3803-nü oğlanlar, 4955-ni qızlar təşkil edib.

İkinci mərhələdə bakalavrlara seçdikləri proqram üzrə 5-i açıqtipli olmaqla, 50 test tapşırığı təqdim olunub. Bakalavrlar bəzi proqramlar üzrə yazılı, bəziləri üzrə qabiliyyət imtahanı veriblər.

Naxçıvan Muxtar Respublikası Ali Məclisi Sədrinin “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” 2019-cu il 3 aprel tarixli Sərəncamına əsasən muxtar respublikada fəaliyyət göstərən ali və orta ixtisas təhsili müəssisələrində müvafiq ixtisaslar üzrə təhsil alan tələbələr Naxçıvan Muxtar Respublikası Rabitə və Yeni Texnologiyalar Nazirliyi, eləcə də onun tabe qurumlarında praktik işlərə cəlb olunur, istehsalat təcrübələri keçirlər. Tələbələrin müxtəlif layihələr vasitəsilə təqaüd proqramlarında iştirakı və xaricə göndərilmələrinin təşkil edilməsi bu istiqamətdə həyata keçirilən tədbirlərin davamıdır.
Nazirlik ilə Çin Xalq Respublikasının “Huawei” şirkəti arasındakı əməkdaşlıq çərçivəsində muxtar respublikada “Gələcəyin İKT sahəsindəki toxumları” adlı dördüncü proqram-layihənin seçim turu keçirilib. Proqram-layihə çərçivəsində komissiya üzvləri müsabiqədə iştirak etmiş 12 nəfər tələbədən informasiya-kommunikasiya texnologiyaları sahəsində biliyə malik olan və ingilis dilində kifayət qədər özünü təqdimetmə bacarığı olan ən yaxşı 6 tələbəni seçib. Həmin tələbələr bu ilin iyul ayında Çin Xalq Respublikasının “Huawei” şirkətinə 2 həftəlik istehsalat təcrübəsinə göndəriləcəklər.
Çin Xalq Respublikasına istehsalat təcrübəsinə göndərilən tələbələr proqram çərçivəsində “Huawei” şirkətinin Şenjen şəhərində yerləşən baş ofisinin treninq mərkəzində müasir texnologiyaların öyrənilməsi və istehsalı üzrə təlimlər keçəcəklər. Tələbələrin ən qabaqcıl texnologiyalar haqqında ətraflı məlumat əldə etməsi məqsədini daşıyan təcrübə kursu şirkətin ayrı-ayrı peşəkar mütəxəssisləri tərəfindən aparılır.

Naxçıvan Muxtar Respublikası
Rabitə və Yeni Texnologiyalar Nazirliyinin mətbuat xidməti

Naxçıvan Muxtar Respublikası Ali Məclisi Sədrinin “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” 2019-cu il 3 aprel tarixli ­Sərəncamına uyğun olaraq Naxçıvan Dövlət Universitetinin Sosial idarəetmə və hüquq fakültəsinin Hüquq­şünaslıq ixtisasında təhsil alan tələbələr Naxçıvan Muxtar Respublikası Ali Məhkəməsində olublar. Onlar Ali Məhkəmədə keçirilən məhkəmə proseslərində iştirak edib və iş prosesini əyani şəkildə öyrəniblər.
Ali Məhkəmənin sədri Qasım Əliyev tələbələrlə görüş zamanı Azərbaycan Respublikasının Prezidenti cənab İlham Əliyevin rəhbərliyi altında aparılan hüquqi islahatların tərkib hissəsi kimi hüquq-mühafizə orqanlarında çalışacaq yüksək peşəkarlığa malik, layiqli və humanist kadrların formalaşdırılmasının vacibliyini vurğulayıb. Qasım Əliyev Naxçıvan Muxtar Respublikası Ali Məclisi Sədrinin 2019-cu il 3 aprel tarixli Sərəncamının gələcəyin peşəkar, yüksək səriştəli kadrlarının yetişdirilməsi istiqamətində atılmış əhəmiyyətli addımlardan biri olduğunu bildirib.
Qeyd edilib ki, Ali Məhkəmədə “İdeyadan başlanğıca” devizi altında innovasiyaya və dayanıqlı inkişafa əsaslanan, yaradıcı düşüncəni və elmi-texniki tərəqqini əks etdirən yeni layihələrin – startapların həyata keçirilməsi və dəyərləndirilməsi məqsədilə ekspert qrupu yaradılıb.
Ali Məhkəmənin sədri belə tədbirlərin gələcəkdə də davam etdiriləcəyini diqqətə çatdırıb.
Sonra tələbələri maraqlandıran suallar cavablandırılıb.

Naxçıvan Muxtar Respublikası
Ali Məhkəməsinin mətbuat xidməti

Naxçıvan Müəllimlər İnstitutunda keçirilən konfransı giriş sözü ilə ali təhsil ocağının rektoru, dosent Elbrus İsayev açaraq müasir dünyagörüşünə, yüksək intellektual səviyyəyə və praktik iş qabiliyyətinə malik, yeni texnologiyalardan istifadə etməyi bacaran gənc kadrların cəmiyyətin inkişafındakı rolu haqqında danışıb.
İnstitutun pedaqoji təcrübə rəhbəri Təranə Əliyeva çıxışında pedaqoji təcrübənin səmərəliliyi haqqında görülən məqsədyönlü işlərdən ətraflı bəhs olunub.
Sonra Pedaqoji fakültənin dekanı dosent Arif Ağalarovun, Təbiət və incəsənət fakültəsinin dekanı, dosent Rövşən Vəliyevin hesabatları dinlənilib.
Konfransda iştirak edən məktəb direktorları və bağça müdirləri rəhbərlik etdikləri təhsil ocaqlarında təcrübənin təşkili və təcrübəçi tələbələrin fəallığından danışıblar. Fəal tələbələrə diplom və ­təşəkkürnamələr təqdim edilib.
Sonda pedaqoji təcrübənin yekunlarına dair metodik sərgiyə baxış olub.

Naxçıvan Müəllimlər İnstitutunun
Mətbuat və ictimaiyyətlə əlaqələr şöbəsi

Naxçıvan Muxtar Respublikası Daxili İşlər Nazirliyində hamiliyə verilmiş Naxçıvan Dövlət Universitetinin Sosial idarəetmə və hüquq fakültəsinin Hüquqşünaslıq ixtisasında oxuyan tələbələrlə görüş keçirilib. Görüşdə nazirliyin Təşkilat-İnspeksiya İdarəsinin rəisi, polis polkovniki Rəşad Seyidov çıxış edərək bildirib ki, Naxçıvan Muxtar Respublikası Ali Məclisi Sədrinin 2015-ci il 27 iyul tarixli “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsi haqqında”, eləcə də “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” 2019-cu il 3 aprel tarixli sərəncamları elmin nəzəriyyə və təcrübə ilə inteqrasiyasına, təhsilə fərqli yanaşma mexanizminin formalaşmasına və ən əsası dövlət kadr siyasətinin inkişafına stimul yaradıb. Aprel ayının 15-də Naxçıvan Muxtar Respublikası Ali Məclisində keçirilmiş müşavirədə Ali Məclisin Sədri tərəfindən hami təşkilatlar və hamiliyə verilmiş qurumlar arasında intensiv olaraq görüşlər keçirməklə qarşılıqlı əməkdaşlıq imkanlarından daha səmərəli istifadə edilməsi, kadrların ixtisas üzrə təcrübi bilik və bacarıqlarının artırılmasına nail olunması vəzifələri qarşıya qoyulub. Hami təşkilatlarla ali təhsil müəssisələri arasındakı bu əlaqələr yeni ideya mübadiləsinə və innovasiyaların yaranmasına əlavə təkan verəcəkdir.

Naxçıvan Muxtar Respublikası Ali Məclisi Sədrinin 2019-cu il 3 aprel tarixli “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” Sərəncamının icrası ilə bağlı “Naxçıvan” Universitetində növbəti seminar-treninq keçirilib. “Huawei” şirkətinin peşəkar mütəxəssisləri tərəfindən bu təhsil müəssisəsində yaradılan İKT mərkəzində “Telekommunikasiya sahəsinə dair təlim“ mövzusunda keçirilən seminarda Rabitə və Yeni Texnologiyalar Nazirliyinin mütəxəssisləri, Naxçıvan Dövlət və “Naxçıvan” universitetlərinin bir qrup müəllimi və hamiliyə verilmiş ixtisaslarda təhsil alan tələbələr iştirak ediblər.
“Huawei-Azərbaycan” Məhdud Məsuliyyətli Cəmiyyətinin “Simsiz texnologiyalar” sektorunun rəhbəri İmran Bayramov 5G LTE texnologiyalarının strukturu və iş prinsipi haqqında iştirakçılara geniş mühazirə oxuyub.
Sonda tələbələrin sualları ətraflı cavablandırılıb.

Naxçıvan Muxtar Respublikası Rabitə və Yeni Texnologiyalar
Nazirliyinin mətbuat xidməti

Naxçıvan Dövlət Universitetində magistrantların XI regional elmi konfransı keçirilib.
Tədbirdə çıxış edən universitetin Tədris və tərbiyə işləri üzrə prorektoru, dosent Rafiq Rəhimov vurğulayıb ki, son illərdə universitetdə magistratura təhsilinin inkişafı üçün münbit şərait yaradılıb, möhkəm maddi-texniki baza formalaşdırılıb.
Universitetin elmi katibi, riyaziyyat üzrə fəlsəfə doktoru, dosent Məftun İsmayılov dissertasiyaların yazılması üçün ilk olaraq məsələnin qoyuluşu, işin aktuallığı və məqsədinin əhəmiyyəti haqqında danışıb. Elmi katib dissertasiyalarda informasiya-kommunikasiya texnologiyalarının tətbiqinə geniş yer verilməsinin önəmini qeyd edib.

Naxçıvan Tibb Kollecinin tələbələri Türkiyə Respublikasının Ankara şəhərində yerləşən Halide Edip Mesleki və Teknik Anadolu Liseyində biraylıq təcrübə kursu keçiblər.
2 müəllim və 10 tələbədən ibarət heyət liseyin Yenimahalle Yıldırım Beyazit Eyitim və Araşdırma Xəstəxanasının rəhbərliyi ilə görüşüb, tələbələrə bu səhiyyə müəssisəsi barədə məlumat verilib, onların müxtəlif müalicə-profilaktika proseslərini onlayn izləmələrinə şərait yaradılıb.
Tibb bacısı ixtisası üzrə təhsil alan tələbələr daxili və yoluxucu xəstəliklər, təcili təxirəsalınmaz yardım və endoskopiya bölmələrində təcrübə keçiblər. Onlar xəstələrin qeydiyyata alınması, yataq xəstələrinə qulluq, xəstələrin əməliyyata hazırlanması, gündəlik təyinatların yerinə yetirilməsi, endoskopiya bölməsində xəstələrin müayinəyə hazırlanması qaydalarını öyrəniblər.
Laborator diaqnostika ixtisası qrupunun tələbələri isə mikrobiologiya, patologiya, hematologiya və biokimya laboratoriyalarında nümunələrin əkilməsi, boyanması, antibiotiklərə həssaslıq testlərinin qoyulması qaydaları və digər tibbi prosedurları öyrəniblər. Biokimya və hematologiya bölmələrində tələbələr laborator təcrübələrə cəlb olunublar.
Səfər çərçivəsində tələbələrin Ankara şəhərinin tarixi-mədəni yerlərinə ekskursiyaları da təşkil olunub.

­
Naxçıvan Muxtar Respublikası Səhiyyə Nazirliyinin mətbuat xidməti

Bu gün Azərbaycanda və onun Naxçıvan Muxtar Respublikasında təhsilin davamlı inkişaf mərhələsi başlamış, əhalinin sosial-iqtisadi həyatında baş verən müsbət dəyişikliklər insan kapitalının inkişafını, şəxslərin bilik və bacarıqlara yiyələnməsini başlıca vəzifəyə çevirmişdir. Bu sahədə qabaqcıl beynəlxalq təcrübəyə uyğunlaşmaq, iqtisadiyyatı inkişaf etdirmək, əhalinin həyat səviyyəsini yüksəltmək üçün elmi nailiyyətlər əsasında yaranan innovasiyalardan istifadə etmək vacib şərtdir. 

Aparılan təhsil siyasətinin başlıca vəzifələrindən biri də insan kapitalının inkişafına nail olmaqdır. Bunun sayəsində insanlar həyatlarını daha yüksək səviyyədə qura bilir, əmək bazarında öz mövqelərini tutmaqla bərabər, cəmiyyətdə də sonrakı fəaliyyətləri üçün stimul qazanırlar. Ölkədə, o cümlədən Naxçıvan Muxtar Respublikasında aparılan uğurlu təhsil siyasəti və bunu əhatə edən proseslər hər bir fərdin cəmiyyətin layiqli üzvü olmasına şərait yaradır, onu nümunəvi vətəndaşa çevirir. Son illərdə bu istiqamətdə Naxçıvan Muxtar Respublikasında əhəmiyyətli islahatlar həyata keçirilir, təhsil müəssisələrinin maddi-texniki bazası gücləndirilir, yeni məktəb binaları, tədris korpusları tikilir. Eyni zamanda informasiya-kommunikasiya texnologiyalarından istifadəyə tələbat artır. Həyata keçirilən kompleks tədbirlərin məqsədi təhsilin keyfiyyətini dünya standartlarına uyğunlaşdıra bilməkdir. Yeni təhsil modeli ilə dünyaya inteqrasiya olunmaq üçün bütün təhsil müəssisələrində güclü maddi-texniki baza qurulur, eyni zamanda təhsildə yeni idarəetmə sistemi və insan resurslarından istifadəyə geniş yer verilir, müəllim nüfuzuna diqqət artırılır. Bütün bunlar Naxçıvanda aparılan təhsil strategiyasının vacib hədəfləridir.

Mayın 22-də “Gənclik” Mərkəzində Naxçıvan Muxtar Respublikası Təhsil Nazirliyinin “Sabahın müəllimi” layihəsinin təqdimatı keçirilib.
Təqdimatda Təhsil naziri Rəhman Məmmədov bildirib ki, “Sabahın müəllimi” layihəsi muxtar respublikada innovativ təcrübəli müəllim kadrların hazır­lanmasına müsbət təsir göstərəcək yeni layihədir. Layihənin əsas məqsədi pedaqoji profilli ixtisaslarda oxuyan tələbələrə təhsildəki yeniliklər haqqında məlumat verilməsi, onların ümumtəhsil məktəblərində pedaqoji təcrübələrinin təşkili, ali təhsil müəssisələrinin dərslik və metodik vəsaitlərlə təmin olunması, onların dərslik və metodik vəsaitlərin müzakirəsində iştirakının təşkili, tələbələrin innovasiyaya əsaslanan, yaradıcı düşüncəni əks etdirən yeni layihələrinin (startapların) dəstəklənməsi, müəllim təcrübəsinin paylaşılması və məzunların işlə təmin edilməsindən ibarətdir.

Naxçıvan Muxtar Respublikası Rabitə və Yeni Texnologiyalar Nazirliyində Naxçıvan Dövlət Universitetinin Memarlıq və mühəndislik fakültəsinin İnformasiya texnologiyaları ixtisasının III kurs tələbələri ilə görüş keçirilib.
Görüşdə Naxçıvan Muxtar Respublikasının Rabitə və Yeni Texnologiyalar naziri Rövşən Məmmədov müvafiq ixtisasların nazirliyin hamiliyinə verildiyini bildirib. Son illərdə muxtar respublikada yeni texnologiyaların tətbiqi haqqında tələbələrə məlumat verən nazir qeyd edib ki, ötən il Naxçıvan Dövlət Universitetini bitirmiş 8 məzun nazirliyin müvafiq qurumlarına işə qəbul olunub. Bundan əlavə, nazirliyin dəstəyi ilə mobil operatorlar tərəfindən yaxşı nəticələri olan 8 tələbəyə 2018-2019-cu tədris ilində aylıq 200 manat təqaüd verilməsi təmin edilib. Rabitə və Yeni Texnologiyalar Nazirliyinin hamiliyi ilə Çin Xalq Respublikasının “Huawei” şirkəti tərəfindən “Gələcəyin İKT sahəsindəki toxumları” adlı növbəti müsabiqə 24 may tarixində keçiriləcək və seçilən 6 tələbə “Huawei” şirkətinin Şenjen şəhərindəki təlim mərkəzində istehsalat təcrübəsinə göndəriləcək. Həmçinin “Huawei” şirkətinin peşəkar mütəxəssisləri tərəfindən “Naxçıvan” Universitetində yaradılan İKT mərkəzində tələbələr üçün mütəmadi olaraq seminar-treninqlər keçirilir.
Vurğulanıb ki, Naxçıvan Muxtar Respublikası Ali Məclisi Sədrinin “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” 2019-cu il 3 aprel tarixli Sərəncamından irəli gələn vəzifələrin icrası istiqamətində ardıcıl işlər görülür.
Sonra mövzu ilə bağlı çıxışlar olub.

Xəbərlər şöbəsi

Naxçıvan şəhərindəki “Təbriz” mehmanxanasında Naxçıvan Dövlət və “Naxçıvan” universitetlərinin Turizm və otel­çilik ixtisasları üzrə III kurs tələbələri ilə mehmanxanaların sertifikatlaşdırılması mövzusunda seminar keçirilib.
Naxçıvan Muxtar Respublikası Turizm Departamentinin statistika və sertifikatlaşdırma sektorunun baş məsləhətçisi Ülviyyə Cəfərova seminarı giriş sözü ilə açaraq qeyd edib ki, turizmin inkişaf etdirilməsi üçün əsas məsələlərdən biri də yüksək səviyyəli kadr hazırlığıdır. Bu məqsədlə Naxçıvan Dövlət və “Naxçıvan” universitetlərində Turizm və otel­çilik ixtisası üzrə kadrlar hazır­lanır. Naxçıvan Muxtar Respublikası Ali Məclisi Sədrinin “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” 2019-cu il 3 aprel tarixli Sərəncamının icrası ilə əlaqədar olaraq departament tərəfindən bir sıra tədbirlər keçirilib. 15 aprel 2019-cu il tarixdən müvafiq ixtisasların tələbələri mehmanxanalarda istehsalat təcrübəsi keçirlər. Həmçinin sərəncamın icrası ilə əlaqədar olaraq “İdeyadan başlanğıca” devizi altında startapların və layihələrin qəbul olunması məqsədilə Naxçıvan Muxtar Respublikası Turizm Departamentində ekspert qrupu yaradılıb. Bu tədbirlərin davamı olaraq bu gün mehmanxanaların sertifikatlaşdırılması haqqında seminar keçirilir.
Sonra “Nəqşicahan Holdinq Şirkətlər Qrupu” Məhdud Məsuliyyətli Cəmiyyətinin iqtisadi məsələlər üzrə direktor müavini Rifat Mahmudov çıxış edərək otelçilik işinin təşkilindən və turizmin əhəmiyyətindən danışıb.
Sonda tələbələr “Təbriz” mehmanxanasının fəaliyyəti ilə tanış olublar.

 Pərviz HACILI

Naxçıvan Müəllimlər İnstitutunda İnnovasiya laboratoriyasının təşkilatçılığı ilə doktorant və magistrantların I Regional elmi konfransı keçirilib.
Tədbiri institutun rektoru, dosent Elbrus İsayev açaraq bildirib ki, bütün dünyada elm və təhsilin sürətlə inkişaf etdiyi ­hazırkı dövrdə ölkəmizdə bu sahələrdə geniş islahatlar həyata keçirilməkdədir. Respublikamızda ali təhsil sisteminin beynəlxalq standartlar səviyyəsinə yüksəldilməsi, yeni inkişaf mərhələsində ali təhsil müəssisələrinin təhsil-tədqiqat-innovasiya mərkəzlərinə çevrilməsi, onlarda rəqabətqabiliyyətli mütəxəssis hazırlığının təmin olunması və digər prioritet vəzifələrin uğurla reallaşdırılması üçün görülən işlər sırasında müxtəlif elmi tədbirlərin keçirilməsi mühüm yer tutmaqdadır. Bu gün reallaşdırılan hər bir tədbirin nəticəyönümlü olması, onun məzmun və forma yeniliyi xüsusi əhəmiyyət kəsb edir.
Vurğulanıb ki, Naxçıvan Muxtar Respublikası Ali Məclisi Sədrinin “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” 2019-cu il 3 aprel tarixli Sərəncamından irəli gələn vəzifələrin icrası istiqamətində görülən işlər çərçivəsində Naxçıvan Müəllimlər İnstitutunda İnnovasiya laboratoriyası yaradılıb. Burada əsas məqsəd təkcə startapla bağlı deyil, bütövlükdə, tələbə və müəllimlərin innovativ təklif, işləmə, layihə və elmi-tədqiqat nəticələrinin dəyərləndirilməsi, qeydə alınması və operativ tətbiqə yönəldilməsi istiqamətindəki fəaliyyətlərini koordinasiya etməkdən ibarətdir. İnnovasiya laboratoriyası Naxçıvan Müəllimlər İnstitutunda təhsil-tədqiqat-innovasiya formatında fəaliyyətin koordinasiyası, bütövlükdə, muxtar respublikamızda fəaliyyət göstərən ali təhsil və elm müəssisələrində gənc tədqiqatçıların, doktorant və magistrantların elmi-tədqiqat fəaliyyəti nəticələrinin müzakirələrinin təşkili və onların təqdim edilməsi sahəsində əməli işlərin görülməsini hədəfləyir. Müasir ali təhsil sistemində aparıcı istiqamət sayılan təhsil-tədqiqat-innovasiya formatı üzrə muxtar respublikada hər il elmi konfrans və digər elmi-təşkilati tədbirlərin keçirilməsi ənənəsini qoyur.

Naxçıvan Dövlət Universiteti Təbiətşünaslıq və kənd təsərrüfatı fakültəsinin Baytarlıq təbabəti ixtisası üzrə təhsil alan tələbələri Türkiyənin Qars Qafqaz Universitetində birhəftəlik təcrübə keçiblər.
Türkiyənin Qars Qafqaz Universitetinin rektoru, professor Hüsnü Kapu, Baytarlıq təbabəti fakültəsinin dekanı, professor Mete Cihan 3 müəllim və 11 tələbədən ibarət 14 nəfərlik heyəti qəbul ediblər. Təcrübəçi tələbələr klinik təcrübənin keçirilmə planına uyğun olaraq qaramal və qoyun saxlanılan binalar, sağım sexi, yem tədarükü məntəqəsi, laboratoriya heyvanları şöbəsi ilə tanış olublar.
Əvvəlcə klinik müayinə və laboratoriya dərslərində iştirak edən tələbələrə Cərrahiyyə kafedrasının professoru İsa Özaydın xəstə heyvanların qəbulu, qeydiyyatı, onların müayinə üsulları, qan və digər analizlərin götürülməsi qaydaları haqqında məlumat verdikdən sonra cərrahiyyə praktikasında istifadə olunan müxtəlif növ tikiş üsulları haqqında danışıb. Tələbələr cərrahlarla birgə müxtəlif mürəkkəb əməliyyatlarda iştirak ediblər.
Yoluxmayan daxili xəstəliklər kafedrasında tələbələrə laboratoriya avadanlıqları və heyvanları ilə tanışlıq, vakuum şprislər vasitəsilə heyvanlardan qan alınması və sonradan onun sentrifuqada fırladılaraq fraksiyalara bölünməsi, heyvanlara müxtəlif üsullarla dərman maddələrinin yeridilməsi texnikası öyrədilib.
Parazitologiya fənninə dair yaxmalar, anatomiyaya dair kitablar, tədris vəsaiti, elektron kitabların bir qismi təcrübi proseslərdə yaxından iştirak edən tələbələrə verilib.
Səfər çərçivəsində Qars şəhərinin tarixi-mədəni yerlərinə ekskursiyalar da təşkil olunub.

Səadət ƏLİYEVA

Naxçıvan Dövlət Universitetində Naxçıvan Muxtar Respublikası İqtisadiyyat Nazirliyinin əməkdaşları ilə hamiliyə verilmiş ixtisaslarda təhsil alan tələbələrlə görüş keçirilib.
Tədbiri giriş sözü ilə açan universitetin rektoru, AMEA-nın müxbir üzvü Saleh Məhərrəmov müvafiq sərəncamların icrası istiqamətində universitetdə keçirilən tədbirlərin artıq ənənə hal aldığını vurğulayıb. Rektor bu cür tədbirlərin tələbələrin gələcək perspektivlərinin formalaşmasındakı rolundan danışıb.
Naxçıvan Muxtar Respublikasının İqtisadiyyat naziri Tapdıq Əliyev müvafiq sərəncamın icrası istiqamətində qarşıya qoyulan vəzifələrin yerinə yetirilməsi ilə bağlı işlərin davam etdirildiyini bildirib. Vurğulanıb ki, ötən müddət ərzində universitetin hamiliyə verilmiş ixtisaslarında təhsil alan tələbələrlə görüşlər keçirilib, onlara muxtar respublikanın sosial-iqtisadi inkişafını əks etdirən broşür, kitab, kataloq kimi əyani vəsaitlər verilib.

Muxtar respublikada təhsilin inkişafı, innovativ təhsil üsullarının tətbiqi istiqamətində mühüm tədbirlər həyata keçirilir. Təhsil müəssisələrinin maddi-tədris bazası möhkəmləndirilir, təhsilin keyfiyyət göstəriciləri yaxşılaşdırılır. Bu istiqamətdə işlər aprel ayında da davam etdirilmişdir. 

Naxçıvan Muxtar Respublikası Ali Məclisi Sədrinin “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” 2019-cu il 3 aprel tarixli Sərəncamının icrası ilə bağlı “Startap Naxçıvan” hərəkatı çərçivəsində pedaqoji profilli ixtisaslarda təhsil alan tələbələrin startap layihələrinin qiymətləndirilməsi məqsədilə ekspert qrupu yaradılmışdır. “Startap Naxçıvan” çərçivəsində “İdeyadan başlanğıca” devizi altında Naxçıvan Müəllimlər İnstitutunun pedaqoji profilli ixtisaslarında təhsil alan tələbələrə maarifləndirici təlim keçirilmişdir.

Mayın 19-da Dövlət İmtahan Mərkəzi 2019-2020-ci tədris ili üçün Azərbaycan Respublikasının ali təhsil müəssisələrinə qəbul olmaq istəyən abituriyent­lərə II və III ixtisas qrupları üzrə qəbul imtahanı keçirib.
İmtahan respublikanın 11 şəhərində – Bakı, Naxçıvan, Gəncə, Sumqayıt, Mingəçevir, Şəki, Bərdə, Göyçay, Şirvan, Lənkəran və Xaçmaz şəhərlərində, ümumilikdə, 66 binada aparılıb. İmtahanların idarə olunmasına 257 imtahan rəhbəri və orta ümumtəhsil müəssisələrindən 2845 nəzarətçi-müəllim cəlb olunub. İmtahanda iştirak edən 35 min 422 abituriyentin 14 min 31-i II qrup üzrə, 21 min 391-i isə III qrup üzrə imtahan verib.
Naxçıvan şəhərində imtahan 7, 14 nömrəli və Heydər Əliyev adına tam orta məktəblərdə keçirilib. Bunun üçün 78 imtahan zalı ayrılıb, 161 nəzarətçi, 13 imtahan rəhbəri cəlb edilib. 1799 abituriyentin iştirak etdiyi imtahan saat 1100-da başlayıb və 3 saat davam edib.
İmtahandan dərhal sonra – saat 1600-da Dövlət İmtahan Mərkəzinin “Facebook” səhifəsi və “Youtube” kanalı vasitəsilə canlı yayım yaradılıb, imtahan suallarının düzgün cavabları və test tapşırıqları ilə bağlı izahat verilib.
Nəticələrin yaxın 2 həftə ərzində elan olunması nəzərdə tutulur.

 Güntac ŞAHMƏMMƏDLİ