“Naxçıvan” Universitetinin müəllim kollektivi universitetin tərəfdaş olduğu və Avropa Komissiyası tərəfindən maliyyələşən ERASMUS+EQAC (Azərbaycan universitetlərində keyfiyyətin təminatı mərkəzlərinin qurulması və inkişaf etdirilməsi) layihəsi çərçivəsində Bakı Biznes Universitetində baş tutan təlimdə iştirak edib. Beşgünlük təlim keyfiyyət təminatı üzrə avropalı ekspert İnga Juknyte-Petreikiene tərəfindən keçirilib. Təlimdə müəllim kollektivi ilə avropalı təhsil eksperti arasında təhsilin keyfiyyəti barədə müzakirələr aparılıb. Təlimin məqsədi tədris prosesinin tələbəyönümlü təhsil əsasında qurulmasını praktik olaraq nümayiş etdirmək olub.
Müəllim heyəti qruplar şəklində yeni tədris metodlarına uyğun olaraq təqdimatlar hazırlayaraq nümayiş etdirib. Təlim iştirakçılarına sertifikatlar verilib.

Seyfur Hacımuradov

"Naxçıvan" Universitetinin müəllim kollektivi, universitetin tərəfdaş olduğu və Avropa Komissiyası tərəfindən maliyyələşən ERASMUS+EQAC (Azərbaycan Universitetlərində Keyfiyyətin Təminatı Mərkəzlərinin Qurulması və İnkişaf etdirilməsi) layihəsi çərçivəsində Bakı Biznes Universitetində baş tutan təlimdə iştirak ediblər.

Muxtar respublika fənn olimpiadasının qaliblərinin mükafatlandırılması mərasimi keçirilib.
Tədbirdə Naxçıvan Muxtar Respublikasının Təhsil naziri Rəhman Məmmədov çıxış edərək bildirib ki, məktəblilərin muxtar respublika fənn olimpiadalarının keçirilməsi onların ölkə səviyyəli fənn olimpiadalarına hazırlığında və yüksək nəticələr qazanmalarında mühüm əhəmiyyətə malikdir. Bu zaman şagirdlərin əldə etdikləri nəticələr müvafiq fənn müəllimlərinin, eləcə də məktəbin fəaliyyətinin qiymətləndirilməsində əsas meyarlardan biri kimi ­nəzərə alınır.

“Naxçıvan” Universitetində təhsil alan doktorant və dissertantların attestasiyası keçirilib.
Tədbiri giriş sözü ilə universitetin rektoru, filologiya üzrə fəlsəfə doktoru, dosent Nurlana Əliyeva açaraq dissertasiya mövzularına dair tədqiqatların aparılmasının və dünyanın nüfuzlu elmi bazaları ilə əməkdaşlıq əlaqələrinin yaradılmasının zəruriliyindən danışıb.

Nazirlər Kabineti “Doktoranturalar yaradılan Azərbaycan Respublikasının ali təhsil müəssisələrinin, elmi müəssisə və təşkilatların Siyahısı”nda dəyişiklik edib.

Naxçıvan Muxtar Respublikası Təhsil və Mədəniyyət nazirliklərinin birgə təşkilatçılığı ilə ümumtəhsil məktəblərinin şagirdləri ­arasında keçirilən məktəblilərin dram müsabiqəsinin növbəti mərhələsi Təhsil Nazirliyinə birbaşa tabe müəssisələrin şagirdləri və məktəbdənkənar tərbiyə müəssisələrinin dərnək üzvləri arasında ­keçirilib.

Naxçıvan Dövlət Universiteti Elektroenergetika ixtisasının tələbələrinin Almaniyada təlimi başa çatıb. Bu məqsədlə universitetdə təşkil edilən görüşdə ali təhsil ocağının rektoru Elbrus İsayev çıxış edib. Rektor bu cür təlimlərin tələbələrin gələcəkdə əsl peşəkar kadr kimi formalaşmasında rolundan danışıb.

Naxçıvan Dövlət Universitetinin Tibb fakültəsində keçirilən müşavirədə rektor, dosent Elbrus İsayev çıxış edərək bildirib ki, Naxçıvan Muxtar Respublikası Ali Məclisi Sədrinin təşəbbüsü ilə 1999-cu ildən tibb təhsili sahəsində yeni mərhələnin əsası qoyulub. Vurğulanıb ki, 2019-cu ilin iyun ayında fakültənin müasir tibbi avadanlıqlarla təchiz edilmiş yeni tədris kompleksinin istifadəyə verilməsi bu sahədə aparılan inkişaf strategiyasına ən bariz nümunədir. Rektor bildirib ki, artıq 20 illiyi qeyd edilən fakültədə ali tibb təhsilinin keyfiyyətinin yüksəldilməsi, tədris və istehsalat bazalarının daha da işlək vəziyyətə gətirilməsi, yeni layihələrin, tibbi kadrların hazırlanması sahəsində fəaliyyət istiqamətlərinin müəyyənləşdirilməsi əsas prioritetlərdən biri olmalıdır.

Yaşadığımız dövr cəmiyyətin sürətli inkişafı və buna müvafiq olaraq yeni tələbatların yaranması ilə xarakterizə olunur. Elmi nailiyyətlərin və texnoloji yeniliklərin sürətlə insan həyatına tətbiq olunması sosial həyatın ən aparıcı sahəsi olan təhsilin qarşısında da mühüm tələblər qoyur. Bu baxımdan qabaqcıl təhsil üsulları ilə hazırlanan bacarıqlı kadrların həyatımıza yeni keyfiyyət dəyişiklikləri gətirməsi bir aksiom kimi artıq hər kəsin qəbul etdiyi reallıqdır. Ona görə də ali və orta ixtisas təhsili qarşısında qoyulmuş prioritetlər cəmiyyətimizdə öz aktuallığını qorumaqda, həmişə diqqət mərkəzində qalmaqdadır. Muxtar respublikamızda da ali və orta ixtisas təhsili ocaqlarının günün tələbləri səviyyəsində yenidən qurulması, ən müasir tədris avadanlıqlarının alınıb gətirilməsi kadr hazır­lığının səviyyəsinə öz təsirini göstərmiş, ali təhsil almaq üçün Naxçıvana üz tutan əcnəbi tələbələrin sayında ciddi artım olmuşdur.

“Naxçıvan” Universitetində Dünya Azərbaycanlılarının Həmrəyliyi Günü və Yeni il bayramı münasibətilə keçirilən tədbirdə rektor, dosent Nurlana Əliyeva giriş sözü ilə çıxış edərək kollektivə bayram təbriklərini çatdırıb.

Azərbaycanda beş və altı günlük iş həftəsi olan məktəblərdə dərs qrafiki müəyyənləşib.Təqvimdə edilən dəyişikliklərə əsasən, dekabrın 28-i və 29-nun dərs qrafiki aşağıdakı qaydada təyin edilib.

Naxçıvan Dövlət Universitetində 2019-2020-ci tədris ilinin birinci yarısında müxtəlif səviyyəli yarışlarda fərqlənən tələbələr ­mükafatlandırılıb.
Tədbirdə ali təhsil ocağının rektoru, dosent Elbrus İsayev çıxış edərək tələbələrin idman birinciliklərində, əlamətdar tarixi günlər münasibətilə keçirilən yaradıcılıq müsabiqələrində, bilik yarışlarında, ümumiyyətlə, universitetin ictimai işlərində fəallıq göstərmələrini təqdirəlayiq hal kimi qiymətləndirib.

Naxçıvan Muxtar Respublikası Ekologiya və Təbii Sərvətlər Nazirliyində Naxçıvan Dövlət Universitetinin nazirliyin hamiliyinə verilmiş Memarlıq və mühəndislik fakültəsinin Ekologiya mühəndisliyi ixtisası üzrə IV kurs tələbələri ilə görüş olub.

Naxçıvan Muxtar Respublikası Rabitə və Yeni Texnologiyalar ­Nazirliyində  Naxçıvan Dövlət Universitetinin Memarlıq və mühəndislik fakültəsinin İnformasiya texnologiyaları ixtisasının IV kurs tələbələri ilə görüş keçirilib.

Naxçıvan Muxtar Respublikasının Gənclər Fondunun təşkilatçılığı ilə muxtar respublikanın 9-11-ci sinif şagirdləri arasında keçirilən “İnte­qrasiya” inteqrativ-intellektual oyunu üzrə “Muxtariyyət kuboku” yarışının final mərhələsi Naxçıvan şəhərindəki Gənclər Mərkəzində baş tutub.

Naxçıvan Dövlət Universitetində “XX əsr Naxçıvan ədəbi mühiti” mövzusunda elmi konfrans keçirilib. Konfransı giriş sözü ilə açan universitetin rektoru, dosent Elbrus İsayev XX əsrin siyasi, tarixi, ədəbi mənzərəsinə nəzər salıb. Çox mürəkkəb və ziddiyyətli proseslərin fonunda ədəbiyyatın inkişafından söhbət açılıb, çağdaş ədəbiyyatşünaslığımızda Naxçıvan ədəbi mühitinin öyrənilməsi istiqamətində də xeyli uğurlar əldə edildiyi vurğulanıb. Rektor belə konfransların keçirilməsinin əhəmiyyətini diqqətə çatdırıb.

“Naxçıvan” Universitetində Azərbaycan Respublikası Xarici İşlər Nazirliyinin Naxçıvan Muxtar Respublikasındakı İdarəsinin təşkilatçılığı ilə “Azərbaycan Respublikasının enerji diplomatiyası” mövzusunda elmi-praktik konfrans keçirilib.

Günəşin buludlarla gizlənqaç oynadığı, ağacların “göz yaşları”nın selə döndüyü, küləyin “qələbəsini” bayram etdiyi bir payız günündə şəhərimizin qoynunda, yaraşıqlı tikililərin qənşərində boy göstərən, əzəmətli görünüşü ilə gözoxşayan bir ünvana üz tuturam. Ecazkar quruluşları ilə abad küçələri daha da cəlbedici göstərən xiyabanları, fəslin ab-havasına bürünən, qocaman çinar ağaclarının köksünə sığındığı göyqurşağını xatırladan parkları seyr edə-edə yolu nə zaman qət etdiyimin fərqinə belə, varmıram. 

Naxçıvan Muxtar Respublikası Ali Məclisi Sədrinin 2019-cu il 3 aprel tarixli “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” Sərəncamının icrası ilə bağlı “Naxçıvan” Universitetində növbəti seminar-­treninq keçirilib.

Naxçıvan Muxtar Respublikası Mədəniyyət Nazirliyi tərəfindən AMEA Naxçıvan Bölməsinin Əlyazmalar Fonduna hədiyyə olunan 12 əlyazma və çap kitabının təqdimatı keçirilib.
Tədbiri bölmənin sədri, akademik İsmayıl Hacıyev açaraq muxtar respublika ərazisindən toplanılan əlyazma və qədim çap kitablarının tariximizin və mədəniyyətimizin öyrənilməsi baxımından böyük əhəmiyyət daşıdığını söyləyib və bu istiqamətdə həyata keçirilən tədbirlərdən danışıb. Bildirilib ki, müxtəlif tarixi qaynaqları əhatə edən nadir sənət əsərləri bir çox sahələrin öyrənilməsində yeni mənbə rolunu oynayır.

Bu gün ölkəmizdə ulu öndərimiz Heydər Əliyevin adını daşıyan ünvanlar hər bir azərbaycanlı üçün ən müqəddəs yerlərdir. Bütün mənalı həyatı və fəaliyyəti boyu canından artıq sevdiyi Azərbaycanın çiçəklənməsi, güclü dövlətə çevrilməsi üçün çalışan və ideyalarını gerçəkləşdirən görkəmli dövlət xadiminin parlaq obrazı hər birimiz üçün daimi və əbədidir. Doğulub boya-başa çatdığı, ölkəmiz üçün taleyüklü qərarlar qəbul etdiyi Naxçıvanda da dahi şəxsiyyətin xatirəsinin əbədiləşdirildiyi ünvanlar az deyil. Onlardan biri də Naxçıvan şəhərindəki Heydər Əliyev adına tam orta məktəbdir. 

11 dekabr 2019-cu il tarixdə Naxçıvan şəhər məktəblilərinin Heydər Əliyev Muzeyinə ekskursiyası təşkil olunmuşdur.
Naxçıvan Şəhər Gənclər və İdman İdarəsi və Təhsil Şöbəsinin birgə təşkilatçılığı ilə keçirilən ekskursiyada 30 şagird iştirak etmişdir. Heydər Əliyev Muzeyinin bələdçisi Gülnar Quluzadə şagirdlərə Azərbaycan Respublikasının müstəqillik mübarizəsində misilsiz rolu olan ümummilli lider Heydər Əliyevin həyat və siyasi fəaliyyəti haqqında geniş məlumat vermiş və onları muzeydə olan eksponatlarla yaxından tanış etmişdir. Sonda şagirdləri maraqlandıran suallar muzeyin bələdçisi tərəfindən cavablandırılmışdır.

Naxçıvan Muxtar Respublikası Dövlət Gömrük Komitəsində iqtisadi sahədə startap layihələrinin təqdimatı və dəyərləndirilməsi ilə bağlı tədbir keçirilib. Tədbiri giriş sözü ilə açan komitə sədri, gömrük xidməti general-mayoru Səhət Həbibbəyli qeyd edib ki, Naxçıvan Muxtar Respublikası Ali Məclisi Sədrinin 2019-cu il 3 aprel tarixli Sərəncamının icrası ilə əlaqədar Dövlət Gömrük Komitəsi ilə Naxçıvan Dövlət Universiteti arasında birgə tədbirlər planı təsdiqlənib və qarşılıqlı faydalı əməkdaşlıq təmin edilib. Komitədə İnnovasiya mərkəzi və ekspert şurası yaradılıb. Naxçıvan Dövlət Universitetinin Dünya iqtisadiyyatı ixtisası üzrə təhsil alan tələbələri ilə müxtəlif seminar və görüşlər keçirilib. Görülən işlərin nəticəsidir ki, artıq tələbələr yaradıcı düşüncəni və elmi-texniki tərəqqini əks etdirən layihələri – startapları təqdim etməyə başlayıblar.

Dekabrın 11-də muxtar respublikanın 200-dən artıq ümumtəhsil məktəbi ilə Heydər Əliyev Muzeyi arasında “Ürəklərdə yaşayan dahi” mövzusunda interaktiv dərs keçilib.
İnteraktiv dərsdə muzeyin direktoru, Azərbaycan Respublikasının Əməkdar mədəniyyət işçisi Ramil Orucəliyev əvvəlcə mədəniyyət müəssisəsi barədə şagirdlərə ətraflı məlumat verib. Bildirilib ki, Heydər Əliyev Muzeyi Naxçıvan Muxtar Respublikası Ali Məclisi Sədrinin 1999-cu il fevralın 18-də imzaladığı Sərəncam əsasında yaradılıb və həmin il may ayının 10-dan fəaliyyətə başlayıb. Hələ ümummilli liderin sağlığında yaradılan muzeydə ulu öndərin həyatının müxtəlif dövrlərinə həsr olunmuş eksponatlar, eləcə də dahi ­şəxsiyyətin Naxçıvan Muxtar Respublikası Ali Məclisinin Sədri vəzifəsində işlədiyi dövrdə qəbul etdiyi müxtəlif tarixi sənədlər toplanıb.

AMEA-nın Naxçıvan Bölməsində ümummilli lider Heydər Əliyevin xatirəsinə həsr edilən anım tədbiri keçirilib.

1948-ci il dekabrın 10-da Birləşmiş Millətlər Təşkilatı Baş Məclisinin qəbul etdiyi Ümumi Bəyannaməyə əsasən hər il dekabrın 10-u dünyada “İnsan Hüquqları Günü” kimi qeyd olunur. Bu münasibətlə dünən Naxçıvan şəhərindəki Gənclər Mərkəzində muxtar respublikanın ali və orta ixtisas təhsili müəssisələrinin tələbələri arasında bilik yarışı keçirilib. 

Naxçıvan Dövlət Universitetinin Elektroenergetika ixtisasının tələbələrindən 7 nəfəri Almaniyaya birhəftəlik təlimə göndərilib. Günəş panellərinin istehsalı prosesi və digər alternativ enerji texnologiyalarının tətbiqi sahəsinə həsr olunan təlim “Pure Energy Development” SARL şirkətinin Almaniyanın Vismar şəhərindəki fabrikində keçiriləcək.

AMEA Naxçıvan Bölməsinin 2019-cu ildəki elmi və elmi-təşkilati fəaliyyətinin yekunlarına dair hesabat yığıncağı keçirilib.
Hesabatı giriş sözü ilə bölmənin sədri, akademik İsmayıl Hacıyev açaraq 2019-cu ildə AMEA Naxçıvan Bölməsində həyata keçirilən işlər haqqında məlumat verib.

Naxçıvan Muxtar Respublikası Ali Məclisinin Sədri yanında Dövlət Qulluğu Məsələləri üzrə Komissiya və Gənclər Fondunun birgə təşkilatçılığı ilə gənc dövlət qulluqçuları arasında Naxçıvan Muxtar Respublikasının 95 illik yubileyinə həsr olunmuş intellektual oyunlar üzrə çoxnövçülük turniri başa çatıb.

Çoxəsrlik tarixə və zəngin ənənələrə malik, ən əsası Azərbaycançılıq ideologiyasının ədəbi manifesti olan, həm ümummilli idealları əks etdirən, həm də bəşəri əhəmiyyət kəsb edən Azərbaycan ədəbiyyatı müxtəlif alimlər tərəfindən fərqli baxışlar əsasında dövrləşdirilib. Lakin ədəbiyyatşünaslıqda bütün bu fərqli prinsipləri ümumiləşdirəcək, bir sıra mühüm əlavələrlə də zənginləşdirə biləcək mükəmməl bir dövrləşdirmə konsepsiyasının işlənib hazırlanmasına ciddi ehtiyac vardı. AMEA-nın vitse-prezidenti, Nizami Gəncəvi adına Ədəbiyyat İnstitutunun direktoru, akademik İsa Həbibbəylinin “Elm” nəşriyyatında çap olunmuş“Azərbaycan ədəbiyyatı: dövrləşdirmə konsepsiyası və inkişaf mərhələləri” adlı monoqrafiyası belə bir zərurətdən yaranmışdır.

Öncə onu qeyd edim ki, 452 səhifəni əhatə edən mono­qrafiya bu mövzuya həsr olunmuş ilk irihəcmli və sistemli, uzun illərin ədəbi təcrübələrinə əsaslanan və müxtəlif konsepsiyaların ümumiləşdirilməsi nəticəsində ortaya qoyulan bir tədqiqat əsəri kimi Azərbaycan ədəbiyyatşünaslığına əvəzolunmaz bir töhfədir. Monoqrafiyanın elmi redaktoru, AMEA-nın müxbir üzvü Ertəgin Salamzadədir.
Monoqrafiyanın “Giriş”ində Azərbaycan ədəbiyyatının mütərəqqi xüsusiyyətləri sadalanır və bədii ədəbiyyatın mərhələlər üzrə əsas mövzuları və qəhrəmanları, xalqın taleyinə və qəhrəmanlıq mübarizəsinə baxışın ifadə edilməsi, təkcə bir ölkənin həyatı deyil, çox geniş miqyasda insanlığın taleyi və gələcəyi üçün axtarışlar və söz xəzinəmizi dünya arenasına çıxaran “İsgəndərnamə” kimi tapıntılar diqqət mərkəzinə çəkilir. Müəllif söz mülkünün sultanı, ölməz əsərləri, böyük idealları ilə dünyanı fəth etmiş Nizami Gəncəvini elə “sözün geniş mənasında, dünya ədəbiyyatının Makedoniyalı İsgəndəri” hesab edir. Dünya epos ənənəsində salnaməçilik, səfərnamə və ya cəngavərlik motivləri üstünlük təşkil etməsinə görə, bədiilik meyarlarına əsasən mühüm ictimai məzmun ifadə edən “Kitabi-Dədə Qorqud” dastanı akademikin fikrincə, “dünya epos sənətinin şah əsəri”dir.

Naxçıvan Muxtar Respublikası Vergilər Nazirliyinə hamiliyə verilmiş “Naxçıvan” Universitetinin İqtisadiyyat ixtisasında təhsil alan tələbələrin istehsalat təcrübələri ilə əlaqədar tədbir keçirilib.

Naxçıvan Muxtar Respublikası Təhsil Nazirliyi və AMEA Naxçıvan Bölməsi tərəfindən “Sabahın tədqiqatçıları” layihəsinin təqdimatı keçirilib.
Təqdimat mərasimində bölmənin sədri, akademik İsmayıl Hacıyev çıxış edib, muxtar respublikada səmərəli fəaliyyət üçün yaradılan imkanlar və elmi-tədqiqat institutları barədə məlumat verib, bu layihənin əhəmiyyətini yüksək qiymətləndirib.

Naxçıvan Müəllimlər İnstitutunda Məhəmmədhüseyn Şəhriyarın “Oxunması zəruri olan kitablar Siyahısı”na daxil edilən “Heydərbabaya salam” poemasının müzakirəsi keçirilib.
Tədbiri giriş sözü ilə açan institutun rektoru, dosent Elbrus İsayev mütaliənin insan həyatındakı müstəsna rolunu vurğulayıb. O, ustad şairin sadə üslubda, milli dil normalarına uyğun yazılmış şeirlərinin, xüsusən “Heydərbabaya salam” poemasının oxucuda yaratdığı bədii-estetik zövqdən danışıb.

Müasir informasiya-kommunikasiya texnologiyaları ilə təmin olunmuş şahmat məktəblərində Təhsil Nazirliyi Şahmat Federasiyası ilə birlikdə hər ay interaktiv şahmat məşğələləri təşkil edir. Dünən Naxçıvan Şahmat Mərkəzində “Şotland oyunu” mövzusunda keçilən növbəti interaktiv dərs zamanı beynəlxalq dərəcəli hakim, Naxçıvan Şahmat Mərkəzinin direktoru Emin Hacıyev oyun haqqında şagirdlərə geniş məlumat verib.

Naxçıvan Muxtar Respublikası Dövlət Baytarlıq Xidmətində Naxçıvan Dövlət Texniki Kollecinin xidmətin hamiliyinə verilmiş Baytarlıq ixtisası tələbələri ilə görüş keçirilib. Tədbiri xidmətin rəisi Vəli Novruzov açaraq qeyd edib ki, heyvanların baş sayının artmasında və sağlamlığının qorunmasında baytar həkimlərin böyük əməyi vardır. Onlar idxal və ixrac edilən heyvan mənşəli məhsulların keyfiyyətinə davamlı olaraq nəzarət edir. Eyni zamanda heyvanlarda olan yoluxucu xəstəliklərə qarşı profilaktik peyvəndləmə işləri aparılır. Baytarlıq ixtisasında təhsil alan tələbələrə Dövlət Baytarlıq Xidmətində nəzəri və praktik dərslərin keçilməsi onların gələcəkdə mütəxəssis kimi formalaşmasında böyük rol oynayacaqdır.

Naxçıvan Dövlət Universitetinin Meliorasiya və su təsərrüfatı tikintisi mühəndisliyi ixtisasının 4-cü kurs tələbələri Naxçıvan Muxtar Respublikasının Dövlət Meliorasiya və Su Təsərrüfatı Komitəsində təcrübə keçirlər.

Son 25 ilə yaxın müddətdə Naxçıvan Muxtar Respublikasında tariximizin tədqiqi, təbliği və gənc nəslə öyrədilməsi sahəsində genişmiqyaslı işlər görülür. Bu səbəbdən yeniyetmə və gənclərə tariximizin orta məktəb dövründən öyrədilməsi qarşıda duran əsas vəzifələrdəndir.

Azərbaycan xalqının ümummilli lideri Heydər Əliyev vətənpərvər gənc­lər yetişdirməyin məktəbdən başlanılmasının zəruriliyini qeyd edərək deyirdi: “Müstəqil Azərbaycanın gənc nəslinin hər bir nümayəndəsi məktəbdə milli təhsil alaraq öz xalqının, millətinin tarixini qədim dövrlərdən bu günümüzədək yaxşı öyrənməlidir. Əgər o, bunu öyrənməzsə əsl vətəndaş ola bilməz, əgər o, bunu öyrənməzsə öz millətini dəyərləndirə bilməz, əgər o, bunu öyrənməzsə öz milli mənsubiyyəti ilə lazımi səviyyədə qürur duya bilməz”.
Heç şübhəsiz ki, hər bir xalqın inkişaf sürəti onun yetişdirdiyi gənc nəslin mədəni səviyyəsi ilə bila­vasitə bağlı olub. Gənclərin inkişafı isə onların aldığı tərbiyə və təhsilin səviyyəsi ilə müəyyənləşdirilir. Bu keyfiyyətlərin təməlləri ailədə qoyulursa, daha sonra parta arxasından formalaşdırılmağa başlayır. Onların hansı istiqamətə yönəldilməsi təfəkkürlərindən, düşüncə tərzlərindən və insani keyfiyyətlərindən asılıdır. Bəlkə də, bu səbəbdən idi ki, müstəqilliyimizin qazanılmasından əvvəlki dövrlərdə sovet ideoloqları gənc nəsilə öz tarixini unutdurmağa ­çalışırdılar.
Sovet hakimiyyəti illərində məktəblərdə “SSRİ tarixi” adı altında heç bir xalqın özününkü olmayan müstəmləkəçilik tarixi tədris edilirdi. Azərbaycan xalqının keçdiyi qəhrəmanlıq tarixi sovet ideologiyasına uyğunlaşdırılaraq təhrif olunmuş şəkildə öyrədilir, onun ayrılmaz tərkib hissəsi olan Naxçıvan kimi qədim tarixə malik bir diyardan isə, ümumiyyətlə, bəhs edilmirdi. Bu səssiz assimilyasiya siyasətinə müstəqilliyimizin qazanılmasından sonra son qoyuldu. Azərbaycanın əsl tarixinin üzə çıxarılmağa başladığı bu dövr Naxçıvan diyarının da tarixinin araşdırılması və bununla bağlı ümumiləşdirici nəşrlərin hazırlanması zərurətini yaratmışdı.

Naxçıvan Dövlət Universitetinin Elmi Kitabxanasında ali təhsil ocağının “Azərbaycan tarixi” kafedrasının dosenti, tarix üzrə elmlər doktoru Sevinc Abbasovanın “Azərbaycan Respublikasının ictimai-siyasi, sosial-iqtisadi və mədəni inkişafında qadınların rolu (1970-2015-ci illər)” adlı kitabının təqdimatı keçirilib.

“Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” Naxçıvan Muxtar Respublikası Ali Məclisi Sədrinin 2019-cu il 3 aprel tarixli Sərəncamından irəli gələn vəzifələr icra edilməkdədir. Bu çərçivədə Naxçıvan Dövlət Universitetinin Hüquqşünaslıq ­ixtisası üzrə birinci kurs tələbələri “Ədliyyə könüllüləri” layihəsi çərçivəsində Ədliyyə Nazirliyi İcra və Probasiya, Naxçıvan Şəhər Qeydiyyat şöbələrində, Naxçıvan şəhər 3 saylı notariat ofisində olublar. Tələbələrə həmin qurumların iş prinsipi və fəaliyyət istiqamətləri barədə məlumat verilib.

Xəbərlər şöbəsi

Naxçıvan Muxtar Respublikası Ali Məclisi Sədrinin 2015-ci il iyulun 27-də imzaladığı “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsi haqqında” Sərəncamına uyğun olaraq, noyabr ayının 19-da Naxçıvan Dövlət Universitetinin Sosial iş ixtisası üzrə IV kurs tələbələrinin Naxçıvan Muxtar Respublikası Əmək və Əhalinin Sosial Müdafiəsi Nazirliyinin aparatında və struktur qurumlarında təcrübə keçmələrinə dair görüş keçirilib.

Dünən Naxçıvan Müəllimlər İnstitutunda ibtidai sinif müəllimləri üçün ixtisasartırma kursunun başlanğıc konfransı keçirilib.
Konfransı institutun prorektoru Azad Novruzov açıb. Qeyd olunub ki, hazırkı kurs ibtidai siniflərdə Ana dili fənnindən şagirdlərdə qavrama bacarıqlarının inkişaf etdirilməsi mövzusuna həsr ediləcəkdir. Kursda “Oxu modelləri”, “Oxu təlimində istifadə olunan üsullar”, “Oxuya verilən tələblər”, “Köməkçi oxu metodlarından istifadə və səmərəli oxu strategiyalarının tətbiqi” və digər mövzularda təlimlər keçiriləcəkdir.

Son illərdə muxtar respublika ümumtəhsil məktəblərində oxuyan şagirdlərin bilik və bacarıqlarının üzə çıxarılması istiqamətində müxtəlif tədbirlər keçirilir. Bu tədbirlərdən biri də olimpiadalardır. Muxtar respublika və respublika fənn olimpiadaları istedadlı şagirdlərin üzə çıxarılmasında mühüm rol oynayır.

 Şagirdlərin Beynəlxalq səviyyəli olimpiadalarda özlərini sınamaları da diqqətdə saxlanılır. Bu məqsədlə noyabrın 16-da muxtar respublikada ilk dəfə olaraq Beynəlxalq Riyaziyyat Olimpiadası keçirilib. Olimpiadanın keçirilməsində məqsəd istedadlı şagirdlərin üzə çıxarılması və onların potensialının inkişaf etdirilməsidir.

Naxçıvan Dövlət Universitetində Hüquqşünaslıq ixtisası üzrə təhsil alan tələbələrlə Naxçıvan Muxtar Respublikası Daxili İşlər Nazirliyinin Orta İxtisas Polis Məktəbində görüş keçirilib.
Görüşdə çıxış edən nazirliyin Təşkilat-İnspeksiya İdarəsinin rəisi, polis polkovniki Rəşad Seyidov bildirib ki, Naxçıvan Muxtar Respublikası Ali Məclisi Sədrinin 2015-ci il 27 iyul, eləcə də 2019-cu il 3 aprel tarixli müvafiq sərəncamları elmin nəzəriyyə və təcrübə ilə inteqrasiyasına, təhsilə fərqli yanaşma mexanizminin formalaşmasına və ən əsası dövlət kadr siyasətinin inkişafına stimul yaradıb.

“Naxçıvan” Universitetinin Rabitə və Yeni Texnologiyalar Nazirliyi ilə birgə keçirdiyi tədbirdə ali təhsil ocağının Riyaziyyat və informatika kafedrasının müəllimi Şamil Hümbətov çıxış edərək bildirib ki, tələbələrin innovativ ideyalarının inkişaf etdirilməsi baxımından belə tədbirlər çox əhəmiyyətlidir. Muxtar respublika rəhbərinin diqqət və qayğısı ilə startap ekosisteminin inkişaf etdirildiyini vurğulayan Şamil Hümbətov startapın inkişafı üçün universitetdə gənclərə hər cür şərait yaradıldığını qeyd edib.

AMEA Naxçıvan Bölməsi və Naxçıvan Muxtar Respublikası Təhsil Nazirliyinin birgə təşkilatçılığı ilə “Naxçıvan Tunc dövründə ” mövzusunda interaktiv dərs təşkil olunub.
İnteraktiv dərsi AMEA Naxçıvan Bölməsinin Tarix, Etnoqrafiya və Arxeologiya İnstitutunun Antik və orta əsrlər arxeologiyası şöbəsinin müdiri, dosent Toğrul Xəlilov aparıb.

“Naxçıvan” Universitetində İqtisadiyyat və İdarəetmə fakültələrinin əyani şöbəsinin IV kurs tələbələrinin 2019-2020-ci tədris ilinin payız semestrində keçəcəkləri istehsalat təcrübəsinə həsr edilmiş başlanğıc konfransı olub.

Naxçıvan Muxtar Respublikası Dövlət Gömrük Komitəsi tərəfindən iqtisadi sahədə startap layihələrinin dəstəklənməsi ilə bağlı Naxçıvan Dövlət Universitetinin Dünya iqtisadiyyatı ixtisasının tələbələri üçün praktik məşğələ keçirilib.

Nazirlər Kabineti xarici ölkələrdə verilmiş elmi dərəcələr və elmi adlar haqqında sənədlərin nostrifikasiyası (ekvivalentliyinin müəyyən edilməsi və tanınması) və ya təkrar attestasiya əsasında tanınması barədə şəhadətnamələrin formasını təsdiq edib.

Bununla bağlı Baş Nazir Əli Əsədov qərar imzalayıb. Qərarda bildirilir ki, xarici ölkələrdə verilmiş elmi dərəcələr və elmi adlar haqqında sənədlərin nostrifikasiyası (ekvivalentliyinin müəyyən edilməsi və tanınması) və ya təkrar attestasiya əsasında tanınması barədə şəhadətnamələr Azərbaycan Respublikası Prezidentinin 2019-cu il 11 iyun tarixli Fərmanı ilə təsdiq edilmiş “Elmi adlar verilməsi qaydası haqqında Əsasnamə”nin 7.2-ci və 7.3-cü bəndlərinə və “Elmi adlar verilməsi qaydası haqqında Əsasnamə”nin 6.1-ci və 6.2-ci bəndlərinə əsasən Azərbaycan Respublikasının Prezidenti yanında Ali Attestasiya Komissiyası tərəfindən verilir.

Qərara əsasən, xarici ölkələrdə verilmiş elmi dərəcələr haqqında sənədlərin nostrifikasiyası (ekvivalentliyinin müəyyən edilməsi və tanınması) və ya təkrar attestasiya əsasında tanınması barədə şəhadətnamələrin təsviri, ölçüsü və rəngi müəyyənləşib.

Azərbaycan Dövlət İqtisad Universitetinin (UNEC) nəzdində fəaliyyət göstərən Maliyyə-İqtisad Kollecində “Plastik qablaşdırma tullantılarının ətraf mühitə mənfi təsir amilləri” mövzusunda maarifləndirici tədbir keçirilib.

UNEC-dən  bildirilib ki, kollecin direktoru, dosent Oruc Məmmədov tədbirdə çıxış edərək, Azərbaycan Respublikasının Prezidenti İlham Əliyevin 2019-cu il 7 fevral tarixli Sərəncamı ilə təsdiq edilmiş “Azərbaycan Respublikasında plastik qablaşdırma tullantılarının ətraf mühitə mənfi təsirinin azaldılmasına dair 2019-2020-ci illər üçün Tədbirlər Planı”nın icrasından irəli gələn məsələlər, mövcud vəziyyət, problemlər və onların həlli yolları haqqında məlumat verib. O.Məmmədov plastik tullantıların ətraf mühitə mənfi təsiri nəzərə alınaraq bu sahədə dövlət tərəfindən həyata keçirilən məqsədyönlü siyasət aparıldığını bildirib.

UNEC-in Fizika və kimya kafedrasının dosenti Dürdanə İbrahimova isə “Plastik qablaşdırma tullantılarının ətraf mühitə mənfi təsir amilləri” mövzusunda təqdimatla çıxış edib.

Sonda tələbələrin sualları cavablandırılıb.

Xəbərlər şöbəsi 

Beynəlxalq Türk Mədəniyyəti Təşkilatının (TÜRKSOY) nəşri olan “TÜRKSOY” jurnalının növbəti nömrəsində böyük Azərbaycan şairi Nəsimi və Türkiyənin məşhur el sənətkarı Aşıq Veysələ geniş yer verilib.

Hər iki şəxsiyyətin portretləri jurnalın üz qabığında yerləşdirilib. Bundan başqa, nəşrin ilk səhifələrindəki materiallar “Nəsimi-2019” anma ilinin Ankarada keçirilən açılış mərasiminə həsr olunub. Bundan başqa, bu mövzuda İstanbulda keçirilmiş mərasim barədə də geniş məlumat əksini tapıb. Məlumatlar sözügedən mərasimlərdən orijinal fotolarla təqdim olunub.