Muxtar respublikada dəqiq elmlər sahəsi üzrə geniş bilik verilməsi məqsədilə Naxçıvan Muxtar Respublikası Ali Məclisi Sədrinin 2015-ci il 14 aprel tarixli Sərəncamı ilə Şərur şəhərində Fizika-Riyaziyyat Təmayüllü Lisey yaradılıb. Liseyə qəbul imtahan vasitəsilə həyata keçirilir, burada tədris VII-XI siniflər üzrə aparılır.
“Naxçıvan” Universitetində Azərbaycan dili və ədəbiyyat kafedrasının təşkilatçılığı ilə “Görkəmli pedaqoq, musiqişünas və rəssam Ərtoğrol Cavid – 100” adlı elmi konfrans keçirilib.
Tədbiri giriş sözü ilə açan ali təhsil ocağının rektoru, professor İsmayıl Əliyev bildirib ki, Ərtoğrol Cavid musiqişünas, rəssam və tədqiqatçı kimi Azərbaycan mədəniyyətində zəngin irs yaradıb. Naxçıvan Muxtar Respublikası Ali Məclisi Sədrinin 2019-cu il 18 aprel tarixli Sərəncamı ilə Ərtoğrol Cavidin 100 illik yubileyinin qeyd olunması ədəbi-mədəni irsimizə verilən yüksək qiymətdir.
Qeyd olunub ki, Ərtoğrol Cavid qısa ömür sürsə də, çoxşaxəli və zəngin fəaliyyəti ilə tanınıb. O, Azərbaycan Pedaqoji İnstitutunu bitirdikdən sonra musiqi təhsilini Azərbaycan Dövlət Konservatoriyasında Üzeyir Hacıbəyovun sinfində davam etdirib, eyni zamanda konservatoriyanın nəzdindəki musiqi məktəbində dərs deyib, gənc tədqiqatçı kimi musiqi folkloru nümunələrinin toplanması və tədqiqində iştirak edib. Musiqi Elmi-Tədqiqat Kabinetində çalışdığı vaxtlarda Azərbaycanın ayrı-ayrı regionlarından toplanmış müxtəlif janrlı folklor nümunələri, eləcə də şifahi xalq ədəbiyyatına dair bəzi tədqiqat əsərləri barədə dəyərli elmi rəylər də yazıb.
Konfransda Azərbaycan dili və ədəbiyyat kafedrasının dosenti Aypara Behbudovanın “Ədəbi-bədii irsi zəngin və bənzərsiz şəxsiyyət”, Pedaqoji fakültənin dekanı, dosent Nurlana Əliyevanın “Ərtoğrol Cavid – yarımçıq qalmış ömrün notları” mövzularında çıxışları dinlənilib.
Sonda görkəmli pedaqoq, musiqişünas, rəssam Ərtoğrol Cavidin həyat və yaradıcılığı haqqında slayd nümayiş olunub.
Seyfur HACIMURADOV
AMEA Naxçıvan Bölməsində təşkil olunan “Həyatını elmə həsr edən görkəmli alim: Məmməd Cəfər Cəfərov” mövzusunda interaktiv dərsi muxtar respublikanın 218 ümumtəhsil məktəbinin şagirdləri izləyib.
Naxçıvan Dövlət Universitetində məzun gününə həsr olunmuş təntənəli mərasim keçirilib.
Tədbirdə çıxış edən universitetin rektoru, AMEA-nın müxbir üzvü Saleh Məhərrəmov məzun adı qazanan magistr və tələbələri, onların üzərində böyük əməyi olan müəllim və valideynləri təbrik edib, məzunlara gələcək fəaliyyətlərində ali təhsil aldıqları universitetin adını daim uca tutmağı və müstəqil ölkəmizin tərəqqisinə layiqli töhfələr verməyi arzulayıb. Rektor Azərbaycanda elm və təhsilin inkişafından, muxtar respublikada kadr potensialının gücləndirilməsinə göstərilən dövlət qayğısından danışıb. Qeyd olunub ki, bir çox beynəlxalq layihələrdə uğurla iştirak edən, əməkdaşlıq əlaqələri ildən-ilə güclənən universitetin timsalında müasir ali təhsil müəssisəsi modeli yaradılıb. Rektor universitetin 2018-2019-cu tədris ilindəki nailiyyətlərindən bəhs edərək bildirib ki, bu il bakalavr üzrə 1435, magistratura üzrə isə 149 gənc öz ali təhsilini başa vurur.
Naxçıvan Muxtar Respublikası Ali Məclisi Sədrinin “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” 2019-cu il 3 aprel tarixli Sərəncamına uyğun olaraq Naxçıvan Muxtar Respublikası Meliorasiya və Su Təsərrüfatı Komitəsi əməkdaşlarının Naxçıvan Dövlət Universitetinin tələbələri ilə görüşü keçirilib.
Tədbiri giriş sözü ilə açan universitetin rektoru, AMEA-nın müxbir üzvü Saleh Məhərrəmov qeyd edib ki, bu sərəncam bilikli və təcrübəli gənc kadrların hazırlanmasında böyük imkanlar yaradacaq. Vurğulanıb ki, layihələrin dəyərləndirilməsi üçün ekspert qrupu və ictimai əsaslarla fəaliyyət göstərən mərkəzlər yaradılır və tələbələr tərəfindən təqdim olunan layihələrin qəbulu və təqdimatları bu mərkəzlər tərəfindən həyata keçirilir.
Naxçıvan Muxtar Respublikası Meliorasiya və Su Təsərrüfatı Komitəsinin sədri Əsgər Əsgərov tələbələrin hamiliyə götürülməsi və startap layihəsinin əhəmiyyətindən danışıb. Bildirilib ki, bu cür yeniliklər yetişən gənc nəslin gələcək iş həyatları üçün önəmli bir körpü yaradır.
14-15 may tarixlərdə Fransanın Lion şəhərində Araz vadisinin qədim mədəniyyətlərinə həsr olunmuş “Araz çayı son preistoriya dövründə (körpü, yoxsa sərhəd)” başlıqlı beynəlxalq konfrans keçirilib.
Fransa Milli Araşdırmalar Mərkəzi və Təbriz İslam İncəsənət Universitetinin təşkilatçılığı ilə keçirilən konfransda AMEA-nın müxbir üzvü Vəli Baxşəliyev, dosent Katerine Maro, arxeoloq Savaş Sarıaltun, Nikolas Gailhard və Marie Orange tərəfindən Naxçıvanın qədim mədəniyyətləri ilə bağlı altı məruzə edilib.
Məruzələrdə Naxçıvantəpədəki arxeoloji qazıntılar, Sirabçay vadisinin abidələri, Duzdağ, obsidianların tədqiqi ilə bağlı məlumat verilib.
Konfransdakı məruzələrin tezisləri kitab şəklində nəşr olunub.
Xəbərlər şöbəsi
AMEA Naxçıvan Bölməsinin Əlyazmalar Fondu bölmənin Mərkəzi Elmi Kitabxanası ilə birgə oxunması zəruri olan kitablar siyahısına daxil olan Məhəmmədhüseyn Şəhriyarın “Heydərbabaya salam” poemasının müzakirəsini keçirib.
Tədbirdə Əlyazmalar Fondunun direktoru, filologiya üzrə elmlər doktoru Fərman Xəlilov XX əsr Azərbaycan poeziyasının görkəmli nümayəndəsi Məhəmmədhüseyn Şəhriyarın yaradıcılıq irsindən, ustad şairin ölməz əsərlərinin Azərbaycan və Yaxın Şərq ədəbiyyatındakı yeri və mövqeyindən bəhs edib. Bildirib ki, əsərlərini klassik üslubda qələmə alan Şəhriyar hələ sağlığında klassiklər səviyyəsinə ucalıb. Şairin müxtəlif mövzulu əsərlərinin bir çoxunda Vətənin şanlı tarixi, millilik, milli dəyərlər üstünlük təşkil edir.
Vurğulanıb ki, ustad şairin diqqətçəkən əsərlərindən Azərbaycan ədəbiyyatının ən poetik nümunəsi olan “Heydərbabaya salam” poemasıdır. Əsərdə xalqın tarixi taleyi, milli-mənəvi dəyərlər, adət-ənənələr, ayin və mərasimlər, təbiət hadisələri böyük ustalıqla, poetik dillə tərənnüm edilib.
Mayın 15-də norveçli məşhur xor şefi və müəllimi Per Oddvar Hildre və Azərbaycanın incəsənət xadimlərindən ibarət nümayəndə heyəti Naxçıvan Muxtar Respublikasına səfər ediblər.
Qonaqlar əvvəlcə Azərbaycan xalqının ümummilli lideri Heydər Əliyevin Naxçıvan şəhərində ucalan abidəsini ziyarət edib, Heydər Əliyev Muzeyindəki eksponatlarla tanış olublar.
Sonra qonaqlar Naxçıvan Dövlət Universitetinin Konservatoriya binasında universitetin İncəsənət fakültəsinin xor kollektivinin ifasında musiqi nömrələrini dinləyiblər. Azərbaycan Milli Konservatoriyasının rektoru, Xalq artisti Siyavuş Kərimi Naxçıvana səfərə gələn nümayəndə heyətinin üzvlərini tələbələrə təqdim edib. Bildirib ki, nümayəndə heyətində Azərbaycanın Xalq artisti, əfsanəvi “Qaya” ansamblının üzvü Rauf Babayev, Azərbaycanın Əməkdar artisti İlqar Muradov, yazıçı-publisist Əlibala Məhərrəmzadə, Azərbaycan Milli Konservatoriyasının nəzdində fəaliyyət göstərən Musiqi Kollecinin direktoru, Əməkdar incəsənət xadimi, professor Nazim Kazımov və dünyada tanınmış norveçli musiqiçi, əfsanəvi “Skruk” xorunun dirijoru Per Oddvar Hildre vardır. Qeyd edilib ki, səfərin məqsədi 
Naxçıvandakı xor kollektivlərinin fəaliyyəti ilə yaxından tanış olmaqdır.
Daha sonra qonaqlar Naxçıvan şəhərindəki Heydər Əliyev Sarayında Naxçıvan Muxtar Respublikası Mədəniyyət Nazirliyinin xor kollektivlərinin ifasında musiqi nömrələrini dinləyib, öz fikirlərini, tövsiyə və məsləhətlərini veriblər.
Per Oddvar Hildre bildirib ki, kollektiv musiqi nömrələrini peşəkarlıqla ifa etdilər. O vurğulayıb ki, kollektivin üzvləri çox həvəsli və bacarıqlıdırlar. Onlar səhnədə tamaşaçılara fərqli üslubda, yeni bir ifa tərzində geniş repertuar təqdim etmək imkanlarına malikdirlər.
Sonra norveçli dirijor xor kollektivləri üçün ustad dərsi keçib.
Qeyd edək ki, həmin gün Naxçıvan Dövlət Universiteti ilə Azərbaycan Milli Konservatoriyası arasında əməkdaşlıq müqaviləsi də imzalanıb.
Nümayəndə heyətinin Naxçıvan Muxtar Respublikasına səfəri davam edir.
Tural AĞAYEV
Naxçıvan Dövlət Universitetində Naxçıvan Muxtar Respublikası Vergilər Nazirliyinə hamiliyə verilmiş ixtisaslarda təhsil alan tələbələrlə görüş keçirilib.
Tədbiri giriş sözü ilə açan universitetin rektoru, AMEA-nın müxbir üzvü Saleh Məhərrəmov müvafiq sərəncamın icrası istiqamətində universitetdə keçirilən tədbirlərin artıq ənənə halı aldığını vurğulayıb. Diqqətə çatdırılıb ki,“İdeyadan başlanğıca” devizi altında innovasiyaya və dayanıqlı inkişafa əsaslanan yaradıcı düşüncəni və elmi-texniki tərəqqini əks etdirən yeni layihələrin həyata keçirilməsi hamiliyə verilən təhsil müəssisələri və hami təşkilatlar qarşısında əsas vəzifə kimi müəyyənləşdirilib.
Naxçıvan Muxtar Respublikası Vergilər naziri, 3-cü dərəcəli dövlət vergi xidməti müşaviri Azər Nağıyev bildirib ki, bugünkü tədbirin məqsədi qarşılıqlı fikir mübadiləsi aparmaqla yeni innovativ fikirlərin, layihələrin üzə çıxarılması və bu layihələrin gerçəkləşdirilməsində tələbələrə dəstək göstərməkdən ibarətdir. Nazir rəqəmsal texnologiyalara, elektron biznesə, proqram təminatı kimi innovativ sahələrə əsaslanan startap layihələrinə tətbiq edilən vergi güzəştləri haqqında məlumat verib. Bildirib ki, 2019-cu ildən tətbiq edilən ən mühüm vergi güzəştlərindən biri də məhz mikro və ya kiçik sahibkarlıq subyektlərinə təqdim olunmuş startap layihələrinin 3 il müddətinə mənfəət və gəlir vergilərindən azad edilməsidir.
Dünən Naxçıvan Müəllimlər İnstitutunda Naxçıvan Şəhər İcra Hakimiyyəti ilə birlikdə “Məktəbəqədər tərbiyə müəssisələrində kurikulumların tətbiqinin məqsəd və vəzifələri” mövzusunda seminar keçirilib.
Seminarı giriş sözü ilə institutun prorektoru Azad Novruzov açaraq qeyd edib ki, Naxçıvan Müəllimlər İnstitutu muxtar respublikada məktəbəqədər təlim və tərbiyə ixtisası üzrə kadr hazırlığı aparan yeganə ali təhsil müəssisəsi kimi yaradılmış şəraitdən istifadə edərək öz işini günün tələbləri səviyyəsində qurmağa çalışır. Bildirilib ki, məktəbəqədər təhsil pilləsində uşaqların təhsil alması təlim-tərbiyə işinin daha səmərəli qurulmasını tələb edir. Bu zaman psixologiya, pedaqogika, sosiologiya, biologiya və digər elmlərin nailiyyətlərinə, milli mədəniyyətə, adət-ənənələrə, eləcə də müasir dünya təcrübəsinə istinad olunması zəruri hesab edilir. Yeni məzmuna görə, məktəbəqədər müəssisələrdə köhnə təlim modelindən imtina zəruridir. Standartlar pedaqoji prosesdə tərbiyəçi-müəllimlərdən yeni iş formalarına müraciət etməyi tələb edir.
Naxçıvan Şəhər İcra Hakimiyyəti başçısının müavini Təhminə Mustafayeva çıxış edərək muxtar respublika paytaxtında məktəbəqədər tərbiyə müəssisələrində yaradılmış şəraitdən və dövlətimizin bu sahəyə olan diqqət və qayğısından danışıb.
Seminarda Naxçıvan Müəllimlər İnstitutunun müəllimi, pedaqogika üzrə fəlsəfə doktoru Qızıllı Əliyeva, Naxçıvan Müəllimlər İnstitutunun baş müəllimləri Tamara Baxşəliyeva, Solmaz Cabbarova çıxış ediblər.
Naxçıvan Müəllimlər İnstitutunun
mətbuat xidməti
Ukraynanın Taras Şevçenko adına Kiyev Milli Universitetinin (KMU) Beynəlxalq Münasibətlər İnstitutu ilə Naxçıvan Dövlət Universiteti arasında əməkdaşlığa dair anlaşma memorandumu imzalanıb. Tədbirdə çıxış edən institutun direktoru Valeri Kopeyka bildirib ki, memorandum iki ölkə arasında təhsil sahəsində əməkdaşlığın inkişafına töhfə verəcək. Azərbaycan universitetləri ilə əməkdaşlığa hazır olduqlarını deyən Valeri Kopeyka qeyd edib ki, rəhbərlik etdiyi ali təhsil ocağının təcrübəsini azərbaycanlı həmkarları ilə bölüşməkdə maraqlıdır.
Azərbaycan Prezidenti cənab İlham Əliyevin yürütdüyü siyasətin prioritet istiqamətlərindən birinin gənclərin təhsilinin yüksəldilməsi olduğunu vurğulayan ölkəmizin Ukraynadakı səfiri Azər Xudiyev bildirib ki, Azərbaycan ilə Ukrayna arasında təhsil sahəsində əməkdaşlıq daha da inkişaf etdirilməli və təcrübə mübadiləsi aparılmalıdır. Azər Xudiyev Azərbaycanla Ukrayna arasında səmərəli əlaqələrin mövcudluğunu və təhsil sahəsinin bu əlaqələrdə xüsusi yeri olduğunu diqqətə çatdırıb. İkitərəfli əməkdaşlığın daha da inkişaf etdirilməsinin məqsədəuyğunluğundan söz açan səfir istər universitetlərarası, istərsə də orta təhsil sahəsində əlaqələrin genişləndirilməsinin əhəmiyyətini vurğulayıb.
Anlaşma memorandumunda təcrübə, eyni zamanda müəllim və tələbə mübadiləsi də nəzərdə tutulub.
Görüşün sonunda səfir institutun direktoruna “Naxçıvan: Şərqin əfsanəsi” kitabını hədiyyə edib.
“Nuhçıxan” İnformasiya Agentliyi
May ayının 14-də Naxçıvan Dövlət Universitetinin Sosial idarəetmə və hüquq fakültəsinin Hüquqşünaslıq ixtisasının II kurs tələbələri “Ədliyyə könüllüləri” layihəsi üzrə Naxçıvan Muxtar Respublikası Ədliyyə Nazirliyinin Məhkəmə Ekspertizası Mərkəzində və Naxçıvan Şəhər İcra və Probasiya şöbəsində istehsalat təcrübəsi keçiblər.
Təcrübə Naxçıvan Muxtar Respublikası Ali Məclisi Sədrinin “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” 2019-cu il 3 aprel tarixli Sərəncamından irəli gələn vəzifələrin yerinə yetirilməsi məqsədilə təşkil edilib. Yaradılmış ekspert qrupunun üzvlərinin rəhbərliyi ilə gün ərzində tələbələr bu qurumların iş fəaliyyəti ilə tanış olub, gündəlik iş prosesində iştirak edib və maraqdoğuran sahələr barədə ətraflı məlumat alıblar.
Bildirilib ki, həyata keçirilən bu tədbirlərin əsas məqsədi tələbələrin nazirliyin fəaliyyət prosesinə cəlb etməklə yeni layihələr üzə çıxarmaqdır. Bütün bunlar isə tələbələrin ədliyyə sahəsi üzrə nəzəri biliklərinin praktik şəkildə mənimsəmələrinə müsbət təsirini göstərəcəkdir.
Tələbələr Məhkəmə Ekspertizası Mərkəzində Əlyazmaların, səslərin və sənədlərin texniki ekspertizası laboratoriyasında da ekspertin iş təcrübəsi ilə tanış olublar. Burada onlara pul nişanlarının və sənədlərin tədqiqatını aparmaq üçün video spektral komporatr avadanlığı vasitəsilə saxta pulların və saxta sənədlərin müəyyən olunma metodikası əyani şəkildə göstərilib. Tələbələr bu biliklərini möhkəmlətmək üçün gördüklərini təcrübi şəkildə tədqiqat apararaq müvafiq biliklərə yiyələniblər.
Naxçıvan Şəhər İcra və Probasiya Şöbəsində, Məhkəmə-ballistik ekspertizasında tələbələr təcrübi bilik əldə ediblər.
Pərviz HACILI
Dövlət İmtahan Mərkəzi 2019-2020-ci tədris ili üçün Azərbaycan Respublikasının ali təhsil müəssisələrinə qəbul olmaq istəyən abituriyentlərə I və IV ixtisas qrupları üzrə qəbul imtahanı keçirib.
İmtahanda, ümumilikdə, 32 min 173 abituriyent iştirak edib. Onlardan 27 min 225 abituriyent I, 4948 abituriyent isə IVqrup üzrə imtahan verib.
Naxçıvan şəhərində imtahan 14 nömrəli tam orta məktəbdə keçirilib. Bunun üçün 32 imtahan zalı ayrılıb, 65 nəzarətçi və 6 imtahan rəhbəri cəlb edilib. 720 abituriyentin iştirak etdiyi imtahan saat 1100-da başlayıb və 3 saat davam edib.
İmtahandan dərhal sonra – saat 1600-da Dövlət İmtahan Mərkəzinin “Facebook” səhifəsi və “Youtube” kanalı vasitəsilə canlı yayım yaradılıb, imtahanda istifadə olunmuş sualların düzgün cavabları və test tapşırıqları ilə bağlı geniş izahat verilib.
Nəticələrin 2 həftə ərzində elan olunması nəzərdə tutulur.
Güntac ŞAHMƏMMƏDLİ
AMEA Naxçıvan Bölməsində Azərbaycan Dövlət Mükafatı laureatı, Əməkdar elm xadimi, akademik Məmməd Cəfər Cəfərovun 110 illik yubileyinə həsr olunan elmi konfrans keçirilib.
Tədbiri bölmənin sədri, akademik İsmayıl Hacıyev açaraq konfransın Prezident cənab İlham Əliyevin “Akademik Məmməd Cəfər Cəfərovun 110 illiyinin qeyd edilməsi haqqında” 2019-cu il 15 aprel tarixli Sərəncamının əhəmiyyətindən danışıb. Vurğulayıb ki, alim Azərbaycan Dövlət Pedaqoji və Bakı Dövlət universitetlərində müxtəlif vəzifələrdə çalışıb, daha sonra fəaliyyətini Azərbaycan Elmlər Akademiyasının Dil və Ədəbiyyat İnstitutunun şöbə müdiri, direktoru, eləcə də Azərbaycan Elmlər Akademiyasının Ədəbiyyat, Dil və İncəsənət Bölməsinin akademik-katibi kimi davam etdirib.
Naxçıvan şəhərindəki Heydər Əliyev Muzeyi ilə muxtar respublikanın ümumtəhsil məktəbləri arasında “Heydər Əliyev və müstəqil Azərbaycan” mövzusunda interaktiv dərs keçilib.
Dərsdə muzeyin direktoru, Əməkdar mədəniyyət işçisi Ramil Orucəliyev bildirib ki, dahi şəxsiyyətin Azərbaycan naminə fəaliyyətinin 1990-cı ildən sonrakı mərhələsi şərəfli xilaskarlıq və quruculuq missiyası ilə zəngindir. Bu missiyanın öz başlanğıcını götürdüyü yer isə Azərbaycanın Naxçıvan Muxtar Respublikasıdır. Xalqımızın böyük oğlunun 1990-cı il iyul ayının 22-də Naxçıvana qayıdışı Azərbaycanın qurtuluş tarixinin parlaq səhifəsidir. Bu böyük şəxsiyyətin Azərbaycan və Naxçıvan parlamentlərinin deputatı, sonralar isə Naxçıvan Muxtar Respublikasının rəhbəri kimi fəaliyyət göstərməsi Naxçıvandan başlanan müstəqillik yolunun bütün Azərbaycan siyasi mühitində aparıcı qüvvəyə çevrilməsi və milli dövlətçiliyin bərpası istiqamətində qəti addımların atılması ilə nəticələnmişdir.
Bildirilib ki, 1993-cü ildə xalqın təkidli tələbi ilə yenidən hakimiyyətə qayıdan ulu öndər Heydər Əliyev Azərbaycanı dağılmaq və məhv olmaq təhlükəsindən qurtarıb, onun itirilməkdə olan müstəqilliyini qoruyub saxlayıb.
“Naxçıvan” Universitetində 100-dən çox gəncin qatıldığı “I2B-İdeyadan biznesə” layihəsi çərçivəsində ikinci startap turu təşkil olunub.
Tədbirin informativ hissəsində məlumat verilib ki, ötən müddət ərzində Naxçıvan Muxtar Respublikası Rabitə və Yeni Texnologiyalar Nazirliyi, Azərbaycan Respublikası Nəqliyyat, Rabitə və Yüksək Texnologiyalar Nazirliyi, Heydər Əliyev Fondunun “Regional İnkişaf” İctimai Birliyi, Azərbaycan Respublikasının Gənclər Fondu, Birləşmiş Millətlər Təşkilatının İnkişaf Proqramı, “Azercell” və “Microsoft” şirkətləri ilə birgə həyata keçirilən “I2B-İdeyadan biznesə” layihəsinin təcrübəsindən yararlanaraq muxtar respublikada startap hərəkatının genişləndirilməsi istiqamətində bir sıra tədbirlər reallaşdırıb. Bu istiqamətdə görülən işlər investisiya mühitinin yaxşılaşdırılmasına, yaradıcı düşüncəni və inkişafa xidmət edən ən yaxşı layihələri üzə çıxarmağa, innovativ ideyaların uğurlu biznes subyektinə çevrilməsinə hesablanıb.
Bu məqsədlə ekspert qrupu tərəfindən “I2B-İdeyadan biznesə” startap turunun Naxçıvan mərhələsində iştirak etmək üçün 31 layihədən 15-i seçilib.
Naxçıvan Dövlət Universitetində Naxçıvan Muxtar Respublikası Dövlət Nəqliyyat Xidmətinin hamiliyinə verilmiş müvafiq ixtisaslarda təhsil alan tələbələrlə görüş keçirilib. Tədbiri giriş sözü ilə universitetin rektoru Saleh Məhərrəmov açıb.
Rektor qeyd edib ki, Naxçıvan Muxtar Respublikası Ali Məclisi Sədrinin “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” Sərəncamı ilə “İdeyadan başlanğıca” devizi altında innovasiyaya və dayanıqlı inkişafa əsaslanan, yaradıcı düşüncəni və elmi-texniki tərəqqini əks etdirən yeni layihələrin həyata keçirilməsi hamiliyə verilən təhsil müəssisələri və hami təşkilatlar qarşısında əsas vəzifə kimi müəyyənləşdirilib.
Naxçıvan Dövlət Universiteti və “Naxçıvan” Universitetinin Turizm və otelçilik ixtisasları üzrə III kurs tələbələrinin 15 aprel 2019-cu il tarixdən 31 may 2019-cu il tarixədək Naxçıvan Muxtar Respublikasının Turizm Departamenti tərəfindən mehmanxanalarda, muzeylərdə və turoperatorlarda istehsalat təcrübəsi keçmələri təmin edilir. Tələbələr müəyyən edilmiş qrafikə uyğun olaraq mayın 3-dən Gəmiqaya Turizm Agentliyində turoperatorun iş prosesi ilə yaxından tanış olublar. Burada tələbələrə turizm məhsulunun formalaşdırılması, işlənib hazırlanması, hərəkətə gətirilməsi və satışının təşkili haqqında ətraflı məlumat verilib. Həmçinin turoperatorların iş funksiyası, müştərilərin turlara olan tələbatlarının öyrənilməsi, xidmət proqramlarının hazırlanması, turoperatorların xidmət təminatçıları olan yerləşdirmə, qidalanma obyektləri, ayrı-ayrı nəqliyyat sahibləri ilə etdiyi əməkdaşlıq və bu sahədə bağlanmış müqavilələr haqqında da danışılıb. Turoperatorlar tərəfindən vətəndaşların xarici ölkələrə göndərilməsi və həmin ölkələrdə onların turizm xidmətləri ilə təmin edilməsi, həmçinin xarici turistlərin ölkəmizdə qəbulu və onlara turizm xidmətlərinin göstərilməsi, eləcə də muxtar respublika ərazisində daxili turizm xidmətlərinin təşkili haqqında tələbələrə ətraflı məlumat verilib.
Təcrübənin sonunda tələbələri maraqlandıran suallar cavablandırılıb.
Xəbərlər şöbəsi
Muxtar respublika ümumtəhsil məktəblərinin IX-XI sinif şagirdləri arasında ümummilli lider Heydər Əliyevin anadan olmasının 96-cı ildönümünə həsr edilmiş “Gənclər Azərbaycanın gələcəyidir” mövzusunda inşa yazı müsabiqəsi keçirilib.
Müsabiqə iki mərhələdə təşkil olunub. Belə ki, birinci – şəhər (rayon) mərhələsi 1-19 aprel 2019-cu il tarixlərdə ümumtəhsil məktəblərinin şagirdləri arasında keçirilib və 63 şagird qalib olaraq muxtar respublika mərhələsində iştirak etmək hüququ qazanıb. Muxtar respublika mərhələsi isə 1 may 2019-cu il tarixdə keçirilib və biri I, ikisi II, üçü III, üçü isə həvəsləndirici yer olmaqla, cəmi 9 qalib müəyyən edilib.
Naxçıvan Muxtar Respublikası
Təhsil Nazirliyinin mətbuat xidməti
Naxçıvan Dövlət Universitetində Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Komitəsinə hamiliyə verilmiş müvafiq ixtisaslarda təhsil alan tələbələrə “İnnovasiyalar və onların idarə edilməsi” mövzusunda təlim keçirilib. Tədbiri giriş sözü ilə universitetin rektoru Saleh Məhərrəmov açıb.
Daşınmaz Əmlak və Torpaq Məsələləri üzrə Dövlət Komitəsinin sədri Müslüm Cabbarzadə Naxçıvan Muxtar Respublikası Ali Məclisi Sədrinin müvafiq sərəncamlarında əksini tapan vəzifələrin icrası istiqamətində görülmüş işlərdən və qarşıda duran vəzifələrdən danışıb.
Qeyd olunub ki, komitədə hamiliklə əlaqədar iş planları təsdiq edilib. Tələbələrlə görüşlər keçirilib, tədrisə köməklik məqsədilə onlara dərsliklər, dərs vəsaitləri, elektron dərsliklər, müxtəlifməzmunlu xəritə materialları hədiyyə olunub. Tələbələrin komitənin bazasında praktik məşğələlər keçmələri təmin edilib, geodeziya-ölçü avadanlıqlarından ilkin istifadə vərdişləri öyrədilib. Çöl şəraitində tələbələrin sınaq-geodeziya ölçmələrində iştirakı təmin olunub. Yay tətili müddətində 3 tələbə 3 aylıq əmək müqaviləsi bağlanılmaqla ödənişli işlərə cəlb edilib.
Naxçıvan Muxtar Respublikası Ali Məclisi Sədrinin 2019-cu il 3 aprel tarixli “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” Sərəncamında qarşıya qoyulan vəzifələrin icrası ilə əlaqədar Dövlət Nəqliyyat Xidməti tərəfindən “İdeyadan başlanğıca” layihəsi çərçivəsində “Nəqliyyat könüllüləri” adlı tədbir keçirilib.
Naxçıvan Dövlət Universitetinin və Naxçıvan Dövlət Texniki Kollecinin müvafiq ixtisasları üzrə təhsil alan tələbələrin iştirakı ilə təşkil olunan tədbiri xidmətin rəisi Əli Hüseynəliyev açaraq hamiliklə bağlı imzalanan sərəncamların əhəmiyyətindən və görüləcək işlərdən bəhs edib.
Bildirilib ki, 2019-cu il aprel ayının 15-də keçirilən müşavirədə innovasiyaya və dayanıqlı inkişafa əsaslanan, yaradıcı düşüncəni və elmi-texniki tərəqqini əks etdirən yeni layihələrin (startapların) həyata keçirilməsi ilə bağlı qarşıya mühüm vəzifələr qoyulub. Bu vəzifələrin icrasını təmin etmək məqsədilə Dövlət Nəqliyyat Xidməti tərəfindən müxtəlif səpkili tədbirlərin təşkili nəzərdə tutulub.
Naxçıvan Muxtar Respublikası Ali Məclisi Sədrinin 2019-cu il 3 aprel tarixli “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” Sərəncamının icrası ilə bağlı “Naxçıvan” Universitetində növbəti seminar-treninq keçirilib. “Huawei” şirkətinin peşəkar mütəxəssisləri tərəfindən universitetdə yaradılan İKT mərkəzində “Telekommunikasiya sahəsinə dair təlim” mövzusunda keçirilən seminarda Rabitə və Yeni Texnologiyalar Nazirliyinin əməkdaşları, Naxçıvan Dövlət Universitetinin, “Naxçıvan” Universitetinin və Naxçıvan Dövlət Texniki Kollecinin bir qrup müəllim və tələbələri iştirak ediblər.
“Huawei” şirkətinin əməkdaşı Ülvi Əkbərov mobil rabitə sisteminin yaranması və 2G, 3G və 4G LTE texnologiyalarının strukturu və iş prinsipi haqqında iştirakçılara mühazirə oxuyub.
Sonda tələbələrin sualları ətraflı cavablandırılıb.
Seyfur HACIMURADOV
Muxtar respublikamızda təhsilə böyük qayğı göstərilir. Müasir tələblər səviyyəsində inşa olunan təhsil müəssisələri bu sahənin inkişafına yeni üfüqlər açır. Məktəb tikintisi təkcə Naxçıvan şəhəri və ya rayon mərkəzləri ilə məhdudlaşmır, həmçinin ucqar dağ və sərhəd kəndlərində də ən müasir tələblərə cavab verən yeni məktəb binaları tikilir. İstifadəyə verilən məktəblərin hər birində müasir texniki avadanlıqlar quraşdırılır, kitabxanalar, idman zalları, fənn kabinələri, laboratoriyalar yaradılır, müasir kompüter dəstləri müəllim və şagirdlərin ixtiyarına verilir. Naxçıvan Qızlar Liseyi də bu qayğıdan bəhrələnən təhsil ocaqlarından biridir.
“Naxçıvan” Universitetində Pedaqoji və Xarici dillər fakültələrinin əyani şöbə üzrə III kurs tələbələrinin 2018-2019-cu tədris ilinin ikinci yarısında keçdikləri pedaqoji təcrübənin yekununa həsr edilmiş konfrans olub.
Konfransı giriş sözü ilə universitetin prorektoru, iqtisad üzrə fəlsəfə doktoru Hüseyn Bağırsoylu açıb. Prorektor 108 tələbənin Heydər Əliyev adına tam orta məktəbdə, həmçinin 11 və 15 nömrəli tam orta məktəblərdə təcrübəni uğurla başa vurduğunu diqqətə çatdırıb.
Konfransda Pedaqoji fakültənin dekanı Nurlana Əliyevanın “Pedaqoji fakültə üzrə təcrübənin yekunları haqqında”, Xarici dillər fakültəsinin dekanı Yasin Babazadənin “Xarici dillər fakültəsi üzrə təcrübənin yekunları haqqında” çıxışları dinlənilib. Sonda pedaqoji təcrübədə fərqlənən tələbələrə fəxri fərmanlar təqdim edilib.
Seyfur Hacımuradov
Naxçıvan Muxtar Respublikası Ali Məclisi Sədrinin “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” 2019-cu il 3 aprel tarixli Sərəncamının və 2019-cu il 15 aprel tarixdə keçirilən müşavirədə verilmiş tapşırıqların icrası ilə əlaqədar tədbir olub.
Naxçıvan Dövlət Universitetində keçirilən tədbirdə Mədəniyyət Nazirliyinin əməkdaşları, Naxçıvan Müəllimlər İnstitutunun bir qrup müəllim və tələbəsi iştirak ediblər.
Ali təhsil ocağının rektoru, AMEA-nın müxbir üzvü Saleh Məhərrəmov çıxış edərək bildirib ki, ixtisasların müvafiq təşkilatlara hamiliyə verilməsi, gənclərin innovativ ideyalarının dəstəklənməsi kadr hazırlığına müasir yanaşma və vətəndaşın cəmiyyətə hərtərəfli inteqrasiyasını təmin edir. Rektor universitetdə startap layihələrin hazırlanması və qiymətləndirilməsi məqsədilə görülən işlərdən danışıb.
Mədəniyyət naziri Natəvan Qədimova çıxışında qeyd edib ki, Ali Məclis Sədrinin “Ali və orta ixtisas müəssisələrində ixtisasların müvafiq təşkilatlara hamiliyə verilməsi haqqında” 2015-ci il 27 iyul tarixli Sərəncamının icrası məqsədilə həmin ildən etibarən Naxçıvan Dövlət Universitetinin Muzeyşünaslıq, arxiv işi və abidələrin qorunması, Kitabxanaçılıq və informasiya ixtisaslarının, həmçinin Naxçıvan Müəllimlər İnstitutunun, “Naxçıvan” Universitetinin müvafiq ixtisaslarının tələbələri üçün kollektiv görüşlər, açıq dərslər, dəyirmi masalar, kitab müzakirələri, mühazirələr, ustad dərsləri, konfranslar, tarixi abidələrə ekskursiyalar təşkil olunub, filmlər nümayiş etdirilib. Adıçəkilən müşavirədə verilmiş tapşırıqların icrası ilə əlaqədar olaraq nazirliyin tərkibində ekspert qrupu yaradılıb, müxtəlif fənlər üzrə mütəxəssislər dəvət edilib. Yeni sərəncama əsasən 21 ixtisas nazirliyin hamiliyinə verilib.
Naxçıvan Muxtar Respublikası Ali Məclisi Sədrinin 2019-cu il 3 aprel tarixli “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” Sərəncamının icrası ilə əlaqədar Naxçıvan Muxtar Respublikası Prokurorluğunda Naxçıvan Dövlət Universitetinin Hüquqşünaslıq ixtisasının I və III kurs tələbələrinin iştirakı ilə tədbir keçirilib.
Tədbiri giriş sözü ilə Naxçıvan Muxtar Respublikasının prokuroru, II dərəcəli dövlət ədliyyə müşaviri Səbuhi Şahverdiyev açaraq Ali Məclis Sədrinin hamiliklə bağlı imzaladığı sərəncamların əhəmiyyətindən, eləcə də 2019-cu il 3 aprel tarixli Sərəncamından irəli gələn vəzifələrin yerinə yetirilməsi istiqamətində görüləcək işlərdən bəhs edib.
Naxçıvan Muxtar Respublikası Prokurorluğunun Təşkilat-analitik şöbəsinin rəisi, ədliyyə müşaviri Pərviz Zülfüqarov çıxış edərək bildirib ki, gənclərin dövrümüzlə uzlaşan yeni biliklərinin, onlara məxsus innovativ ideyaların istehsalatda geniş tətbiqi qabaqcıl ölkələrin həm iqtisadi, həm də siyasi maraqları ilə üst-üstə düşür.
Azərbaycan xalqının ümummilli lideri Heydər Əliyev ölkənin hərtərəfli tərəqqisində, uğurlar qazanılmasında təhsilin xüsusi rolunu həmişə vurğulamış, onu yüksək dəyərləndirmişdir. Ulu öndərimizin yolunu uğurla davam etdirən ölkə Prezidenti cənab İlham Əliyev də təhsilin inkişafına böyük qayğı ilə yanaşmış, ölkəmizdə təhsilin prioritet sahə olduğunu dəfələrlə bəyan etmişdir. Yeni məktəb binalarının tikilməsi, müasir universitet şəhərciklərinin, peşə və orta ixtisas məktəbləri üçün tədris korpuslarının istifadəyə verilməsi gənclərin keyfiyyətli təhsili üçün hərtərəfli şərait yaratmışdır.
Bu gün muxtar respublika gəncləri ən qabaqcıl informasiya texnologiyalarından, distant təhsil imkanlarından istifadə edirlər. İstər Naxçıvan şəhərində, istərsə də ən ucqar dağ və sərhəd kəndlərində şagirdlərin istifadəsinə müasir tədris avadanlıqları, sürətli internetə çıxışı olan kompüterlər, elektron lövhələr, zəngin fonda malik olan kitabxanalar və idman zalları verilib.
Muxtar respublikanın sürətli sosial-iqtisadi inkişafı, yeni sənaye və xidmət sahələrinin yaradılması, həmin sahələrdə müasir informasiya texnologiyalarının tətbiqi, xüsusən dəqiq elmlər sahəsində tədrisin səviyyəsinin yüksəldilməsini tələb edir. Bununla əlaqədar muxtar respublikamızda dəqiq elmlər sahəsi üzrə kadrların hazırlanması diqqətdə saxlanılır. Naxçıvan Muxtar Respublikası Ali Məclisi Sədrinin 2015-ci il 14 aprel tarixli Sərəncamı ilə Şərur şəhərində Fizika-Riyaziyyat Təmayüllü Liseyin yaradılması bunun daha bir nümunəsidir. Lisey 2016-cı il sentyabrın 15-də – Bilik Günündə istifadəyə verilmişdir. Məktəbin kollektivi ilə görüşündə Ali Məclisin Sədri demişdir: “Vətənə, xalqa xidmətin ən yaxşı yolu mükəmməl təhsil almaqdır. Hər bir gənc bilməlidir ki, o yaxşı təhsil almaqla, ilk növbədə, ölkəmizin inkişafına öz töhfəsini vermiş olur”.
Naxçıvan Muxtar Respublikası Ali Məclisinin Sədri cənab Vasif Talıbovun “Oxunması zəruri olan kitablar haqqında” 2017-ci il 28 avqust tarixli Sərəncamının ölkə miqyasında çox böyük rəğbətlə qarşılanması və geniş ictimaiyyət tərəfindən ruh yüksəkliyi ilə həyata keçirilməsi bu dövlət sənədinin milli özünüdərk sahəsində oynadığı möhtəşəm rolun təzahürüdür. Gənc nəsildə vətənpərvərliyin, tarixə, milli kökə bağlılığın və dünyagörüşünün formalaşdırılması kimi müqəddəs vəzifələrin həyata keçirilməsinin milli dövlətçilik siyasətinin prioritet istiqamətlərindən olduğunu sübut edən bu sərəncam nəsillərin sağlam ruhlu, Vətən, millət, xalq yolunda hər cür xidmətlərə hazır olan şəxsiyyətlər kimi yetişdirilməsi baxımından da çox əhəmiyyətlidir. Sərəncamda, həmçinin oxunması zəruri olan kitabların siyahısının zənginləşdirilməsinin diqqətdə saxlanılması da nəzərdə tutulub.
Naxçıvan Muxtar Respublikası Ali Məclisinin Sədri yanında Bilik Fondunun Ali Məclisin Sədri tərəfindən təsdiq edilmiş Tədbirlər Planına əsasən hazırlanaraq nəşr olunmuş “Pedaqoji fikir tarixindən” adlı kitabın “Oxunması zəruri olan kitabların Siyahısı”na daxil edilməsi sərəncamın icrasının daim diqqət mərkəzində olduğunun sübutudur.
Dünən Naxçıvan Müəllimlər İnstitutunda Naxçıvan Muxtar Respublikası Ali Məclisi Sədrinin rəhbərliyi ilə 2019-cu il 15 aprel tarixdə keçirilmiş “Naxçıvan Muxtar Respublikasında ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinin vəziyyəti və innovasiyaların dəstəklənməsi barədə” müşavirədən irəli gələn vəzifələrə həsr olunmuş tədbir keçirilib.
Tədbiri giriş sözü ilə rektor Elbrus İsayev açaraq “Startap Naxçıvan” hərəkatına institutun uğurla qoşulması üçün kollektivin qarşısında duran məsul vəzifələrdən danışıb. Qeyd edib ki, müvafiq sərəncamın icrası ilə əlaqədar Naxçıvan Müəllimlər İnstitutunda İnnovasiya laboratoriyası (İnnoLab) yaradılıb. Bu laboratoriya institutda tələbələrin startapla bağlı biliklərinin formalaşması, biznes layihə və planlarının qurulması, bu layihələrin təqdimatı ilə bağlı maarifləndirici treninqlərin keçirilməsini təmin edəcək, tələbə və müəllimlərin innovativ təkliflərinin dəyərləndirilməsinə, bu layihələrin həyata keçirilməsi üçün informasiya texnoloji təminat mühitinin yaradılmasına, internetdə bu layihələrin müzakirə olunmasına köməklik göstərəcək. İnstitutun internet saytında startap layihələrinin qəbulu ilə bağlı “İdeya bankı” yaradılıb. Buraya təqdim olunan layihələr institutumuzun innovativ layihələrlə bağlı ekspert şurasında müzakirə və təhlil edilərək dəyərləndiriləcəkdir.
Çıxışlardan sonra tədbir iştirakçıları İnnovasiya laboratoriyası ilə tanış olub, “İdeya bankı”nın təqdimatı keçirilib.
Naxçıvan Müəllimlər İnstitutunun
mətbuat xidməti
AMEA Naxçıvan Bölməsinin Təbii Ehtiyatlar İnstitutunda Naxçıvan Dövlət Universitetinin Fizika-kimya, Ərəb-fars dili ixtisaslarında təhsil alan tələbələrlə görüş keçirilib.
Bölmənin sədri, akademik İsmayıl Hacıyev çıxış edərək Naxçıvan Muxtar Respublikasında elmə, təhsilə göstərilən diqqət və qayğıdan danışıb.
Vurğulanıb ki, muxtar respublikada son illərdə təhsilin davamlı inkişafını təmin edən sərəncamların imzalanması, güclü təhsil infrastrukturunun, maddi-texniki bazanın yaradılması yüksəkixtisaslı kadr hazırlığı işinin yeni müstəvidə aparılmasına şərait yaradır.
Akademik tələbələrə bölmə haqqında ətraflı məlumat verib, onlarla müntəzəm görüşlərin keçiriləcəyini qeyd edib. İsmayıl Hacıyev tələbələrin gələcəkdə bir mütəxəssis kimi formalaşmalarına bölmə əməkdaşlarının dəstək verəcəyini bildirib, onlara elmi jurnallar hədiyyə edib.
Tədbirdə AMEA Naxçıvan Bölməsi Bioresurslar İnstitutunun direktoru, akademik Tariyel Talıbov, AMEA-nın müxbir üzvü Əliəddin Abbasov, Batabat Astrofizika Rəsədxanasının direktoru, dosent Qulu Həziyev, Əlyazmalar Fondunun direktoru, filologiya elmləri doktoru Fərman Xəlilov çıxış edərək tələbələri birgə əməkdaşlığa dəvət ediblər.
Görüş çərçivəsində tələbələr bölmənin Əlyazmalar Fondu və Təbii Ehtiyatlar İnstitutunun Fiziki tədqiqatlar laboratoriyasının fəaliyyəti ilə tanış olublar.
Güntac ŞAHMƏMMƏDLİ
* * *
Dünən Naxçıvan Muxtar Respublikası Vergilər Nazirliyində hamiliyə verilən “Naxçıvan” Universitetinin İqtisadiyyat ixtisasının tələbələri ilə görüş keçirilib.
Vergilər Nazirliyinin Aparat rəhbəri, baş vergi xidməti müşaviri Əli Şabanov tədbirdə çıxış edərək bildirib ki, Ali Məclis Sədrinin “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” 2019-cu il 3 aprel tarixli Sərəncamı kadr potensialının formalaşması, yüksək intellektli mütəxəssislərin hazırlanması baxımından böyük əhəmiyyət kəsb edir. Sərəncam yeni dövrün tələbi olan startap anlayışının əhatə etdiyi bütün sahələrdə innovasiyanı və dayanıqlı inkişafı əsas götürür.
Sonra Naxçıvan Muxtar Respublikası Vergilər Nazirliyinin Mətbuat və ictimaiyyətlə əlaqələr üzrə baş məsləhətçisi, nazirlik üzrə ekspert qrupunun rəhbəri Qəzənfər Bayramovun, “Naxçıvan” Universitetinin İqtisadiyyat fakültəsinin dekanı, iqtisad üzrə fəlsəfə doktoru Mehriban İmanovanın çıxışları olub.
“İdeyadan başlanğıca” devizi ilə müasir düşüncəni və yeni biznes fikirlərini özündə əks etdirən layihələrin – startapların hazırlanması istiqamətində tələbələrlə fikir mübadiləsi aparılıb. Sonra tələbələr nazirliyin müvafiq şöbələrinin və bölmələrinin fəaliyyət istiqamətləri ilə tanış olublar.
Pərviz HACILI
Naxçıvan Dövlət Universitetində “Naxçıvan Muxtar Respublikasında ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinin vəziyyəti və innovasiyaların dəstəklənməsi barədə” aprelin 15-də Naxçıvan Muxtar Respublikası Ali Məclisində keçirilmiş müşavirədən irəli gələn məsələlərə dair tədbir olub.
Tədbiri giriş sözü ilə açan universitetin rektoru, AMEA-nın müxbir üzvü Saleh Məhərrəmov qeyd edib ki, Ali Məclis Sədrinin “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” 2019-cu il 3 aprel tarixli Sərəncamı kadr hazırlığına müasir yanaşmanı və vətəndaşın cəmiyyətə hərtərəfli inteqrasiyasını təmin etmək məqsədi daşıyır.
Rektor bildirib ki, qarşıya qoyulan vəzifə muxtar respublikada investisiya mühitini yaxşılaşdırmaq, yaradıcı düşüncəni və inkişafa xidmət edən ən yaxşı layihələri üzə çıxarmaq, innovativ ideyaların uğurlu biznes sahəsinə çevrilməsinə dəstək olmaqdır. Belə layihələrin həyata keçirilməsi nəticəsində tələbə komandaları azad sahibkarlığın prinsiplərini öyrənir, öz ideyalarını təcrübədə tətbiq edir və əldə etdikləri bilikləri digərləri ilə bölüşürlər.
AMEA Naxçıvan Bölməsində “Pedaqoji fikir tarixindən” kitabının təqdimatı keçirilib.
Bölmənin sədri, akademik İsmayıl Hacıyev tədbiri giriş sözü ilə açaraq bildirib ki, “Pedaqoji fikir tarixindən” kitabı muxtar respublikanın təhsil ictimaiyyəti üçün ən dəyərli nəşrlərdən biridir. Naxçıvan Muxtar Respublikası Ali Məclisinin Sədri yanında Bilik Fondunun Ali Məclisin Sədri tərəfindən təsdiq olunmuş 2019-cu il üzrə Tədbirlər Planına əsasən “Əcəmi” Nəşriyyat-Poliqrafiya Birliyində 10 min tirajla nəşr olunan bu kitabın 8 mindən çoxu muxtar respublikanın təhsil müəssisələrinin kitabxanalarına və müəllimlərə verilib.
Vurğulanıb ki, kitabda Azərbaycan və dünya pedaqoji fikrinin ən zəruri və dəyərli nümunələri seçilərək toplu halında oxuculara çatdırılıb. “Pedaqoji fikir tarixindən” kitabının elmi-pedaqoji əhəmiyyəti, təlim-tərbiyə prosesində, eləcə də gənc nəsildə vətənpərvərliyin formalaşmasında mühüm rolu nəzərə alınaraq Naxçıvan Muxtar Respublikası Ali Məclisi Sədrinin 2017-ci il 28 avqust tarixli Sərəncamı ilə təsdiq olunmuş “Oxunması zəruri olan kitabların Siyahısı”na əlavə edilib.
Akademik belə dəyərli nəşrin ərsəyə gəlməsində göstərdiyi diqqət və qayğıya görə Ali Məclisin Sədrinə dərin minnətdarlığını bildirib.
Avropa İttifaqının Azərbaycan Respublikasındakı nümayəndəliyinin rəhbəri Kestutis Yankauskas, nümayəndəliyin əməkdaşlıq bölməsinin rəhbəri Simona Qatti, proqram rəhbəri Ramilə Aslanova, Birləşmiş Millətlər Təşkilatının İnkişaf Proqramının Azərbaycandakı rezident nümayəndəsi vəzifəsini icra edən Alessandro Frakassetti Naxçıvan Muxtar Respublikasına rəsmi səfəri çərçivəsində Naxçıvan Dövlət Universitetində də olublar. Qonaqlar universitetin ərazisində ağacəkmə mərasimində iştirak ediblər.
AMEA Naxçıvan Bölməsinin İncəsənət, Dil və Ədəbiyyat İnstitutunun təşkilatçılığı ilə “Molla Nəsrəddin” satirik jurnalının ilk nömrəsinin çapdan çıxmasının 113 illiyinə həsr olunan elmi konfrans keçirilib.
Tədbiri bölmənin sədri, akademik İsmayıl Hacıyev açaraq Azərbaycanın ədəbiyyat tarixində əvəzsiz xidmətləri olan görkəmli yazıçı və ictimai xadim Cəlil Məmmədquluzadənin yaradıcılığından, onun təşəbbüsü, naşirliyi ilə dərc edilən “Molla Nəsrəddin” jurnalının milli mətbuatımızın inkişafında yeri və rolundan danışıb. Qeyd edib ki, əsərləri, publisistikası və böyük mətbuatçılıq fəaliyyəti ilə Cəlil Məmmədquluzadə Azərbaycan xalqının maariflənməsində əvəzsiz işlər görüb.
Akademik jurnalın 1906-cı ilin aprel ayından nəşrə başlandığını, 1906-1918-ci illərdə Tiflisdə, 1920-1921-ci illərdə Təbrizdə, 1922-1931-ci illərdə isə Bakıda nəşr olunduğunu söyləyib. Qeyd edib ki, nəşr öz ətrafında Mirzə Ələkbər Sabir, Məmməd Səid Ordubadi, Üzeyir bəy Hacıbəyov, Əbdürrəhim bəy Haqverdiyev, Yusif Vəzir Çəmənzəminli, Ömər Faiq Nemanzadə, Əliqulu Qəmküsar, Əli Nəzmi, Mirzə Əli Möcüz kimi görkəmli simaları birləşdirməyi bacarıb və böyük bir məktəb yaradıb. Zülmə, əsarətə, avamlığa qarşı kəskin mübarizə aparan Cəlil Məmmədquluzadə jurnalda karikaturalara geniş yer verməklə xalqı bir çox mətləblərdən agah edib.
Naxçıvan Azərbaycanın ən qədim yurd yerlərindən, ulu əcdadlarımızın müqəddəs ruhunu qoruyub saxlayan, Azərbaycançılıq üçün bütün atributların, maddi və mənəvi keyfiyyətlərin daşıyıcısı kimi şöhrət tapan məskənlərimizdən biridir. Çox qədim və zəngin maarifçilik ənənələrinə malik bu diyarda müasir dövrün tələblərinə cavab verə biləcək müəyyən ixtisaslar üzrə mütəxəssis hazırlığı Naxçıvan Muxtar Respublikasının yaranması və inkişafının müxtəlif mərhələləri ilə bağlıdır. 1921-ci ildə Naxçıvanın muxtar diyar kimi Azərbaycanın tərkibində qalmasını təsdiqləyən beynəlxalq Moskva və Qars müqavilələri imzalandıqdan sonra burada mədəni həyatın dirçəlməsinə və təhsil sahəsində irəliləyişin, yenilik meyillərinin güclənməsinə zəmin yarandı. Muxtariyyətin ilk dövrlərində təsərrüfat, mədəniyyət və təhsil sahəsində işləyə biləcək kadrlar hazırlamaq məqsədilə orta ixtisas məktəbləri (texnikumlar) yaradıldı ki, bu təhsil müəssisələrinin məzunları bölgənin təsərrüfat, təhsil, sosial-mədəni həyatının fəal iştirakçısı oldular. XX əsrin 20-ci illərində Naxçıvan Pedaqoji Texnikumunun, Naxçıvan Pedaqoji Qız Məktəbinin və Naxçıvan Kənd Təsərrüfatı Texnikumunun yaradılmasını ali təhsilə gedən yolun başlanğıc mərhələsi kimi qiymətləndirmək olar. 1939-1956-cı illərdə Naxçıvan ikiillik Müəllimlər İnstitutunun fəaliyyət göstərməsini də muxtar respublikamızda ali təhsil strukturunun formalaşdırılmasının bünövrəsi hesab etmək olar. Bu təhsil müəssisəsi Naxçıvanın ümumtəhsil məktəblərinin müəllim kadrları ilə təmin edilməsində mühüm rol oynamışdır. Məktəbin məzunlarından bir çoxu sonralar müxtəlif elm sahələri üzrə tədqiqatçı-alim, şair və yazıçı, dövlət işçisi kimi tanınmışdır.
Naxçıvan şəhərindəki “Gənclik” Mərkəzində gənclər arasında “Xəmsə” milli intellektual oyunu üzrə XI Azərbaycan çempionatının Naxçıvan Muxtar Respublika birinciliyi keçirilib.
Yarışlar başlanmazdan əvvəl gənclər və idman naziri Azad Cabbarov çıxış edərək muxtar respublikada həyata keçirilən dövlət gənclər siyasəti, nazirlik tərəfindən gənclərin intellektual səviyyələrinin yüksəldilməsi istiqamətində reallaşdırılan tədbirlər, bu məsələdə intellektual oyunların əhəmiyyəti barədə danışıb. Nazir qeyd edib ki, belə tədbirlərin keçirilməsinin nəticəsində artıq muxtar respublikada intellektual gənclər ordusu yetişib. Bugünkü oyunda iştirak edən komandaların sayı bunu bir daha sübut edir.
Qeyd edək ki, “Bəlli”, “Şərtli”, “Sirli”, “Fərdi” və “Xəmsə” raundlarından ibarət olan oyun 10 mərhələ, 3 yarımfinal və final mərhələsindən ibarət olub. Yarımfinal mərhələlərində ən yüksək xal yığaraq birinci və ikinci yerə çıxan komandalar finala vəsiqə qazanıblar. Belə ki, “Aran”, “Turan”, “Diplomat” və “Qisas” komandaları finalda mübarizə aparıblar.
Naxçıvan Muxtar Respublikası Ali Məclisi Sədrinin “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” Sərəncamı əsasında Maliyyə Nazirliyinin təşkilatçılığı ilə “İdeyadan başlanğıca” layihəsi çərçivəsində təlimlərə start verilib. Təlimlər yalnız Maliyyə Nazirliyinin hami olduğu maliyyə və mühasibat uçotu ixtisası üzrə deyil, bütün ixtisaslarda təhsil alan tələbələri əhatə edərək onlara öz layihələrini işləyib hazırlamaq, əsaslandırmaq və təqdim etmək sahəsində istiqamətlər verməyə xidmət edir.
Layihə ilə bağlı ilk təlim Naxçıvan Dövlət Texniki Kollecində keçirilib. Təlimdə Maliyyə Nazirliyi ilə yanaşı, digər hami təşkilatların nümayəndələri və 100-dən artıq tələbə iştirak edib. Tədbiri kollecin direktoru Asəf Ruşanov açaraq Ali Məclis Sədrinin sərəncamının əhəmiyyətindən danışıb, keçiriləcək təlimlərin tələbələr üçün faydasından bəhs edib.
Naxçıvan Muxtar Respublikası Maliyyə Nazirliyinin Aparat rəhbəri və nazirlik üzrə ekspert qrupunun rəhbəri Tural Şirəlizadə çıxış edərək hamiliklə bağlı görülmüş işlərdən və qarşıda duran vəzifələrdən danışıb. Ali Məclis Sədrinin 2019-cu il 3 aprel tarixli Sərəncamının gənclərin mütərəqqi ideyalarına dəstək verdiyini vurğulayıb.
“Naxçıvan” Universitetində keçirilən “Nəsimi həftəsi” çərçivəsində ali təhsil müəssisəsində “İmadəddin Nəsimi – 650” mövzusunda elmi konfrans keçirilib.
Konfransı giriş sözü ilə açan ali təhsil ocağının rektoru, professor İsmayıl Əliyev Azərbaycan Respublikasının Prezidenti cənab İlham Əliyevin Sərəncamı ilə 2019-cu ilin ölkəmizdə “Nəsimi ili” elan edilməsi ilə əlaqədar Naxçıvanda da Nəsiminin həyat və yaradıcılığı ilə bağlı silsilə tədbirlərin keçirildiyini diqqətə çatdırıb. Vurğulayıb ki, universitetdə “Nəsimi həftəsi”nin uğurla keçirilməsi ölməz sənətkarın həyat və yaradıcılığının, ideallarının tələbələrə tanıdılması və təbliğ edilməsi baxımından mühüm əhəmiyyət kəsb etmişdir.
Sonra universitetin Azərbaycan dili və ədəbiyyat kafedrasının dosentləri Arifə Zeynalovanın “Nəsimi ədəbi dilində məcazlar və onun işlənmə məqamları” və Aypara Behbudovanın “Azərbaycan şeirinin Nəsimi zirvəsi” mövzularında çıxışları dinlənilib.
Daha sonra tələbələr Nəsimi qəzəllərini bədii qiraət ediblər.
Sonda “Nəsimi həftəsi” çərçivəsində keçirilən tədbirlərdə fəal olan və “Nə? Harada? Nə zaman?” intellektual oyununda qalib olmuş tələbələr mükafatlandırılıblar.
Qeyd edək ki, “Nəsimi həftəsi” çərçivəsində universitetdə “Nəsimi” tarixi filminin nümayişi, “Nə? Harada? Nə zaman?” intellektual oyunu, Xalq şairi Qabilin “Nəsimi” poemasının müzakirəsi, tələbələrin Culfa rayonundakı Xanəgah Abidə Kompleksinə ekskursiyası da keçirilib.
Seyfur HACIMURADOV
Fransanın Montpelyer Universitetinin NİZAMİ layihəsi üzrə koordinator Veronik Montero, layihənin meneceri Artur Resve, layihənin assistantı Ana Yanyuseviç, Erasmus+ Milli ofisinin rəhbəri Pərviz Bağırov Naxçıvan Dövlət Universitetində olublar.
“Azərbaycanda doktorantura təhsilinin təkmilləşdirilməsi və Vahid Avropa Ali Təhsil Məkanının tələblərinə uyğun strukturlaşdırılması” (NİZAMİ) layihəsinin universitetdə icra vəziyyətinə nəzarət məqsədi daşıyan görüşdə universitetin rektoru, AMEA-nın müxbir üzvü Saleh Məhərrəmov çıxış edərək bildirib ki, elm və təhsilin inteqrasiyası baxımından böyük əhəmiyyətə malik olan bu layihə Avropa Komissiyasının maliyyə dəstəyi ilə həyata keçirilir. Layihə doktorant və dissertantların fəaliyyətlərinin daha şəffaf və obyektiv qiymətləndirilməsinə imkan verəcək.
Naxçıvan Dövlət Universitetinin elmi katibi, riyaziyyat üzrə fəlsəfə doktoru, dosent Məftun İsmayılov universitetdə elmi istiqamət üzrə kadr hazırlığı barədə məlumat verib.
Görüşdə Azərbaycan Milli Elmlər Akademiyasının Naxçıvan Bölməsinin Təhsil və kadrlar şöbəsinin baş mütəxəssisi, filologiya üzrə fəlsəfə doktoru Leyla Səfərova, “Naxçıvan” Universitetinin Tədris və tərbiyə işləri üzrə prorektoru, iqtisad üzrə fəlsəfə doktoru Hüseyn Bağırsoylu, Naxçıvan Müəllimlər İnstitutunun elmi katibi, filologiya üzrə fəlsəfə doktoru, dosent Qurban Qurbanov layihənin uğurlu cəhətlərindən və gələcək perspektivlərindən söhbət açıblar.
Xarici tələbələrlə iş üzrə dekan, filologiya üzrə fəlsəfə doktoru, dosent Ceyran Quliyeva Avropa İttifaqının NİZAMİ layihəsi barədə ətraflı məlumat verib.
Naxçıvan Şahmat Mərkəzində start verilən “Şahmat beyinin gimnastikasıdır” devizi altında Naxçıvan şəhər ümumtəhsil məktəblərinin VII-VIII sinif oğlan şagirdləri arasında şahmat üzrə şəxsi birinciliyə yekun vurulub.
Naxçıvan Şəhər Təhsil Şöbəsi, Gənclər və İdman İdarəsi və Uşaq-Gənclər Şahmat Məktəbinin birgə təşkil etdiyi yarış İsveçrə sistemi üzrə 5 turdan ibarət olub.
Yarışın yekun nəticəsinə əsasən Naxçıvan Qarnizonu tam orta məktəbinin şagirdi Aydın Bəbirli bütün rəqiblərini üstələyərək qalib olub. 17 nömrəli tam orta məktəbin şagirdləri Niyaz Sultanov və Samiq Orucov isə müvafiq olaraq ikinci və üçüncü yerlərlə kifayətləniblər.
Sonda qaliblərə təşkilatçıların diplom və fəxri fərmanları təqdim olunub.
Ceyhun MƏMMƏDOV
Naxçıvan Dövlət Universitetinin pedaqoji profilli ixtisaslarında təhsil alan III və IV kurs tələbələri üçün keçiriləcək pedaqoji təcrübənin başlanğıc konfransı olub.
Naxçıvan Muxtar Respublikası Təhsil Nazirliyi və Naxçıvan Dövlət Universitetinin birgə təşkilatçılığı ilə keçirilən konfransı giriş sözü ilə universitetin rektoru, AMEA-nın müxbir üzvü Saleh Məhərrəmov açaraq son illər ölkəmizdə təhsil sahəsində tətbiq olunan yeniliklərdən danışıb, təşkil edilən pedaqoji təcrübələrin əhəmiyyətindən bəhs edib.
Konfransda Naxçıvan Muxtar Respublikasının təhsil naziri Rəhman Məmmədov çıxış edərək bildirib ki, muxtar respublikanın ali və orta ixtisas təhsili müəssisələrində gənclərin ixtisaslı kadr kimi formalaşması üçün hər cür şərait yaradılıb. Bunun nəticəsidir ki, ötən il məzunlardan 764-ü ixtisas seçimi zamanı Naxçıvan Dövlət Universitetini seçib. Onlardan 297-si pedaqoji profilli ixtisaslarda təhsil alır.
Vurğulanıb ki, ali məktəbləri bitirən kadrların işlə təminatı da diqqətdə saxlanılır. 2018-ci ildən pedaqoji kadrların müsabiqə ilə işə qəbulu isə gənc kadrların işlə təmin olunmasına, eləcə də ümumtəhsil müəssisələrinin bilikli müəllimlərlə təminatına geniş imkanlar açıb. Bu tədris ili ərzində 119 gənc kadr Naxçıvan Muxtar Respublikası Ali Məclisinin Sədri yanında Dövlət Qulluğu Məsələləri üzrə Komissiya tərəfindən keçirilən müsabiqədə yüksək nəticə göstərərək muxtar respublikanın ümumtəhsil məktəblərində ixtisasları üzrə müəllim kimi işlə təmin olunub. Onlardan 45-i Naxçıvan Dövlət Universitetinin məzunudur. Bununla yanaşı, vakant vəzifələrə işə qəbul üçün keçirilən imtahanların nəticələrinə uyğun olaraq universitetin 16 məzunu ümumtəhsil məktəblərində müvafiq vəzifələrə təyin olunub.
AMEA Naxçıvan Bölməsində Naxçıvan Dövlət Universitetinin Tarix ixtisasının I kurs tələbələri ilə görüş keçirilib.
Naxçıvan Muxtar Respublikası Ali Məclisinin Sədri cənab Vasif Talıbovun “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” 2019-cu il 3 aprel tarixli Sərəncamından irəli gələn vəzifələrin icrası ilə əlaqədar keçirilən görüşdə bölmənin sədri, akademik İsmayıl Hacıyev çıxış edərək Naxçıvan Dövlət Universitetinin müvafiq ixtisaslarının hamiliyə götürülməsi ilə əlaqədar ekspert qrupunun yaradıldığını diqqətə çatdırıb.
Azərbaycanda, eləcə də Naxçıvan Muxtar Respublikasında elmə, təhsilə göstərilən diqqət və qayğıdan danışan İsmayıl Hacıyev tələbələrə bölmənin yaranma tarixi, strukturu, aparılan tədqiqat işləri barədə məlumat verib. O, tələbələrlə müntəzəm görüşlərin keçiriləcəyini qeyd edib, onların gələcəkdə bir mütəxəssis kimi formalaşmalarına bölmə əməkdaşlarının dəstək verəcəyini bildirib, tələbələrə elmi jurnallar hədiyyə edib.
Təhsil Nazirliyinin təşkilatçılığı ilə Heydər Əliyev Uşaq-Gənclər Yaradıcılıq Mərkəzində “Pedaqoji fikir tarixindən” kitabının təqdimatı keçirilib.
Tədbirdə giriş sözü ilə çıxış edən Naxçıvan Muxtar Respublikasının təhsil naziri Rəhman Məmmədov son illər Naxçıvan Muxtar Respublikasında təhsil quruculuğu sahəsində həyata keçirilən tədbirlər, imzalanan dövlət sənədlərinin əhəmiyyətindən danışıb. Qeyd edilib ki, bu işlərin davamı olaraq Naxçıvan Muxtar Respublikası Ali Məclisinin Sədri yanında Bilik Fondu tərəfindən 10 min tirajla “Pedaqoji fikir tarixindən” kitabı nəşr etdirilib. Kitabların 8 mindən çoxu muxtar respublika ümumtəhsil məktəblərinin müəllimlərinə və məktəb kitabxanalarına verilib.
Qeyd olunub ki, elmi-pedaqoji əhəmiyyəti, yeni nəslin təlim-tərbiyəsində, eləcə də gənc nəsildə vətənpərvərliyin formalaşmasında mühüm rolu nəzərə alınaraq “Pedaqoji fikir tarixindən” kitabı “Oxunması zəruri olan kitabların Siyahısı”na əlavə edilib.
Naxçıvan Müəllimlər İnstitutunda “Biz kitabxanamıza kitab hədiyyə edirik” devizi altında ali təhsil müəssisəsi əməkdaşlarının institut kitabxanasına kitab bağışlama kampaniyasına həsr olunmuş tədbir keçirilib. Tədbiri giriş sözü ilə institutun rektoru, dosent Elbrus İsayev açaraq bildirib ki, bu gün kitab və mütaliənin təbliği xüsusi əhəmiyyət kəsb edən məsələlərdən biridir. Çünki mütaliə insanın daxili aləminin zənginləşdirilməsində, dünyagörüşünün düzgün formalaşdırılmasında, nitq qabiliyyətinin inkişaf etdirilməsində mühüm əhəmiyyət daşımaqla yanaşı, həm də müsbət insani və iradi keyfiyyətlərin yaradılmasında böyük rol oynayır. Bu baxımdan Naxçıvan Muxtar Respublikası Ali Məclisinin Sədri cənab Vasif Talıbovun 2017-ci il 28 avqust tarixli “Oxunması zəruri olan kitablar haqqında” Sərəncamı mühüm əhəmiyyət daşıyan dövlət sənədidir. Sərəncamın uşaqların, yeniyetmə və gənclərin, ümumilikdə isə cəmiyyətimizin və dövlətimizin gələcəyi ilə bağlı olması onun əhəmiyyətini daha da artırır.
İndoneziya Respublikasının Azərbaycan Respublikasındakı fövqəladə və səlahiyyətli səfiri, professor Hüsnan Bəy Fanani Naxçıvan Muxtar Respublikasına rəsmi səfəri çərçivəsində Naxçıvan Dövlət Universitetində də olub. Universitetin rektoru, AMEA-nın müxbir üzvü Saleh Məhərrəmov ali təhsil ocağının strukturu, fakültələri, tədris olunan ixtisaslar və beynəlxalq əlaqələri haqqında geniş məlumat verib.
Beynəlxalq münasibətlər və xarici dillər fakültəsində keçirilən tədbiri giriş sözü ilə açan rektor ali təhsil ocağının beynəlxalq əlaqələrinin sürətlə genişləndiyini bildirib. Universitetdə hazırda 500-ə yaxın xarici tələbənin təhsil aldığı vurğulanıb. Qeyd edilib ki, universitet müxtəlif ölkələrin ali təhsil ocaqları ilə tələbə və müəllim mübadiləsini həyata keçirir. Universitetdə hər bir fakültə üçün ayrıca tədris korpusunun olduğunu diqqətə çatdıran rektor bunu Ali Məclis Sədrinin xüsusi diqqət və qayğısı kimi dəyərləndirib.
İndoneziya Respublikasının Azərbaycan Respublikasındakı fövqəladə və səlahiyyətli səfiri, professor Hüsnan Bəy Fanani Naxçıvan Muxtar Respublikasına rəsmi səfəri çərçivəsində Naxçıvan Dövlət Universitetində də olub. Universitetin rektoru, AMEA-nın müxbir üzvü Saleh Məhərrəmov ali təhsil ocağının strukturu, fakültələri, tədris olunan ixtisaslar və beynəlxalq əlaqələri haqqında geniş məlumat verib.
Beynəlxalq münasibətlər və xarici dillər fakültəsində keçirilən tədbiri giriş sözü ilə açan rektor ali təhsil ocağının beynəlxalq əlaqələrinin sürətlə genişləndiyini bildirib. Universitetdə hazırda 500-ə yaxın xarici tələbənin təhsil aldığı vurğulanıb. Qeyd edilib ki, universitet müxtəlif ölkələrin ali təhsil ocaqları ilə tələbə və müəllim mübadiləsini həyata keçirir. Universitetdə hər bir fakültə üçün ayrıca tədris korpusunun olduğunu diqqətə çatdıran rektor bunu Ali Məclis Sədrinin xüsusi diqqət və qayğısı kimi dəyərləndirib.
Aprelin 7-də Bakı, Şirvan şəhərlərində və Naxçıvan Muxtar Respublikasında fəaliyyət göstərən orta ümumtəhsil məktəblərinin XI sinif şagirdləri üçün buraxılış imtahanı və rezidenturaya qəbul imtahanının birinci mərhələsi keçirilib.
Buraxılış imtahanında şagirdlərin bilik və bacarıqlarını yoxlamaq məqsədilə tədris dili, riyaziyyat və xarici dil fənləri üzrə, ümumilikdə, 85 tapşırıq təqdim olunub. İmtahan respublikanın bütün bölgələrində eyni vaxtda – saat 1100-da başlanıb və 3 saat davam edib.
XI sinif şagirdlərinin buraxılış imtahanlarının keçirilməsi üçün qeyd olunan ünvanlarda 63 imtahan mərkəzi təşkil edilib. İmtahanlarda 27 min 659 nəfər XI sinif şagirdi iştirak edib. İmtahanların idarə olunmasına 63 ümumi imtahan rəhbəri, 189 imtahan rəhbəri, 2192 nəzarətçi-müəllim, 207 buraxılışı təşkil edən əməkdaş, 63 bina nümayəndəsi ayrılıb.
Naxçıvan Muxtar Respublikasında imtahanların şəffaf və obyektiv keçirilməsi üçün 10 imtahan mərkəzi yaradılıb. Bu mərkəzlərdə, ümumilikdə, 2915 şagird imtahan verib. Muxtar respublikada keçirilən imtahanların idarə olunmasına 24 imtahan rəhbəri, 278 nəzarətçi-müəllim cəlb edilib.
AMEA Naxçıvan Bölməsinin İncəsənət, Dil və Ədəbiyyat İnstitutunun təşkilatçılığı ilə Azərbaycan elminin görkəmli nümayəndəsi, akademik Həmid Araslının anadan olmasının 110 illik yubileyinə həsr edilən elmi konfrans keçirilib.
Tədbiri institutun direktoru, AMEA-nın müxbir üzvü Əbülfəz Quliyev açaraq Prezident İlham Əliyevin “Akademik Həmid Araslının 110 illiyinin qeyd edilməsi haqqında” 2019-cu il 11 fevral tarixli Sərəncamının əhəmiyyətindən danışıb.
“Akademik Həmid Araslının həyat və fəaliyyəti” mövzusunda məruzə ilə çıxış edən Əbülfəz Quliyev görkəmli alimin Azərbaycan ədəbiyyatşünaslığının müxtəlif istiqamətləri üzrə elmi fəaliyyətinə ətraflı nəzər salıb.
Bildirib ki, ədəbiyyatşünaslıq tariximizdə özünəməxsus yaradıcılığı ilə seçilən akademik qədim və orta əsrlər Azərbaycan ədəbiyyatının tədqiqi, klassik irsin nəşri, şifahi xalq yaradıcılığının öyrənilməsi sahəsində böyük xidmətlər göstərib, onun elmi fəaliyyəti yüksək qiymətləndirilib.
Tədbirdə institutun əməkdaşlarından dosent Ramiz Qasımov, filologiya üzrə fəlsəfə doktorları Nərgiz İsmayılova və Aytən Cəfərovanın görkəmli akademik, folklorşünas Həmid Araslı ilə bağlı məruzələri dinlənilib.
AMEA Naxçıvan Bölməsinin
İnformasiya şöbəsi
Naxçıvan Müəllimlər İnstitutunda “Ümumi təhsildə kurikulum islahatları: nəticələr, reallıqlar və perspektivlər” adlı elmi-praktik konfrans keçirilib.
Tədbiri institutun rektoru, dosent Elbrus İsayev açaraq konfransın əhəmiyyəti və institutda fənn kurikulumlarının tətbiqi ilə bağlı görülmüş işlərdən danışıb.
Bildirilib ki, cari tədris ilində ölkəmizdə müstəqillik illərinin ən mühüm təhsil islahatlarından olan ümumi təhsildə kurikulum islahatlarının tətbiqi ilə tam orta təhsil almış ilk məzunlar müstəqil həyata qədəm qoyacaqlar. Onların əksəriyyəti builki tələbə qəbulu kampaniyasının yeni qaydaları əsasında ali təhsil müəssisələrinin tələbələri olacaqlar. Bu məzunların gələcək ali təhsilini düzgün qurmaq üçün ümumi təhsildə kurikulum islahatlarının ilkin nəticələrinin elmi-əməli cəhətdən təhlili, bu islahatların fərdin, cəmiyyətin və dövlətin dəyişən ehtiyac və tələbatlarına uyğunluq dərəcəsinin və gələcək perspektivlərin müəyyən olunması, kurikulumların tətbiqi sahəsindəki qazanılmış təcrübənin paylaşılması, təhsil strukturunun təkmilləşdirilməsi baxımından əhəmiyyətlidir.
Naxçıvan Muxtar Respublikasının Gənclər Fondunun təşkilatçılığı ilə Naxçıvan Muxtar Respublikasının yaranmasının 95 illik yubileyinə həsr olunmuş “Muxtariyyət – 95” intellektual oyunlar üzrə çoxnövçülük turnirinin açılış mərasimi keçirilib.
Çoxnövçülük turniri Naxçıvana həsr edilmiş 95 suallıq “Nə? Harada? Nə zaman?”, “Xəmsə” və “Breyn rinq” intellektual oyunlarını özündə birləşdirir.
Turnirdə iştirak edən komandalar Gənclər Fondunun sosial şəbəkə hesablarında açılan elektron qeydiyyat formaları vasitəsilə qeydiyyatdan keçib. Qeyd edək ki, turnir 2 gün davam edəcəkdir.
Ceyhun MƏMMƏDOV
Dekabr 2021 |
