Azərbaycan Respublikasının Əməkdar incəsənət xadimi, sənətşünaslıq üzrə fəlsəfə doktoru, professor Ziyadxan Əliyev Naxçıvan Dövlət Universitetinin İncəsənət fakültəsi müəllim və tələbələri üçün “Azərbaycan təsviri sənəti qədimlərdən bugünə” mövzusunda onlayn seminar keçirib.
AMEA-nın Naxçıvan Bölməsinin İncəsənət, Dil və Ədəbiyyat İnstitutunun aparıcı elmi işçisi, filologiya üzrə fəlsəfə doktoru, dosent Zülfiyyə İsmayıl Rusiya Federasiyası Elmi ictimai təşkilatının “İnterclover” beynəlxalq layihəsinin diplomuna layiq görülüb.
Ölkəmiz müstəqillik əldə etdikdən sonra qəbul etdiyi Təhsil Qanununa və sonrakı illərdə ölkə Prezidentinin sərəncamlarına əsasən həyata keçirilməsi zəruri sayılan təhsil islahatlarının direktiv və proqram sənədlərinin tələblərinə uyğun olaraq Azərbaycan Respublikası öz təhsil sistemini yaratdı.
Naxçıvan Dövlət Universiteti onlayn təlim və tədris üsullarına dair beynəlxalq əhəmiyyətli onlayn konfransda təmsil olunub. Ali təhsil ocağını Naxçıvan Muxtar Respublikası Ali Məclisinin deputatı, universitetin Beynəlxalq münasibətlər və xarici dillər fakültəsinin İngilis dili və tərcümə kafedrasının müəllimi Aidə Cəlilzadə təmsil edib. Xəzər Universitetinin təşkil etdiyi konfransda Azərbaycan İngiltərə, Finlandiya, İspaniya, Macarıstan, Qazaxıstan və Özbəkistanın bir sıra universitetlərindən olan professorlar, müəllim heyəti də iştirak edib. Konfransda pandemiya ilə əlaqədar dünyanın əksər ölkələrində yaranmış təlim-tədris problemləri, onlayn təhsilə keçid, mövcud durumla bağlı hər bir ölkənin qəbul etdiyi təhsil platformaları müzakirə edilib.
Naxçıvan Muxtar Respublikası Dövlət Vergi Xidməti tərəfindən hamiliyə götürülmüş Naxçıvan Dövlət Universitetinin İqtisad fakultəsinin İqtisadiyyat ixtisası tələbələri ilə onlayn görüş keçirilib.
“Naxçıvan” Universitetinin Elmi kitabxanasında müasir Azərbaycan Respublikasının memarı və qurucusu ümummilli lider Hеydər Əliyеvin anadan olmasının 97 illiyi münasibətilə sərgi açılıb.
“Azərbaycanın özü qədər əbədi olan şəxsiyyət” adlı sərgidə ulu öndər Heydər Əliyevin şərəfli həyat yolunun və siyasi fəaliyyətinin müxtəlif məqamlarını əks etdirən kitablar nümayiş olunur. Burada “Heydər Əliyev və milli-tarixi yaddaşın bərpası”, “Heydər Əliyev siyasəti: tariximizdə və günümüzdə”, “Heydər Əliyev dövlətçilik təlimi və müasir dövr”, “Siyasətdə Naxçıvan dərsləri”, “Zamanı qabaqlayan dahi”, "Heydər Əliyev və Naxçıvan tarixi məsələləri”, “Heydər Əliyev: müstəqilliyimiz əbədidir”, “Qayıdış”, “Heydər Əliyev ideyaları işığında”, “İnkişaf və tərəqqinin Heydər Əliyev modeli” və digər kitablar sərgilənir.
Seyfur Hacımuradov
“Naxçıvan” Universitetində Naxçıvan Muxtar Respublikası İqtisadiyyat Nazirliyinin hamiliyinə verilmiş ixtisaslarda təhsil alan tələbələrlə onlayn görüş keçirilib.
Məlum olduğu kimi, dünyada yayılmış koronavirus pandemiyası ilə əlaqədar ölkəmizdə, o cümlədən də muxtar respublikada tədris müvəqqəti olaraq dayandırılıb. Buna baxmayaraq, muxtar respublikanın bütün ümumtəhsil məktəblərinin sinif rəhbərləri tərəfindən mövzular dərs cədvəlinə uyğun olaraq şagirdlərə ev şəraitində çatdırılır. Həmçinin müəllimlər müxtəlif proqramlar vasitəsilə şagirdlərə gündəlik dərsləri onlayn qaydada izah edirlər. Bundan əlavə, Naxçıvan Muxtar Respublikası Təhsil Nazirliyinin rəsmi internet saytında şagirdlərin ev şəraitində öz biliklərini daha da dərinləşdirmələri üçün zəruri şərait təşkil olunub. Belə ki, tehsil.nmr.az saytında videodərslər, vizuallaşdırılmış dərslər, elektron dərslik bölmələri üzrə keçidlər yaradılıb. Bu bölmələrdə dərslər gündəlik olaraq yenilənir.
AMEA Naxçıvan Bölməsinin institutlarında alim və ziyalılar pandemiya dövründə də müntəzəm olaraq hamiliyə götürülən tələbələrə onlayn açıq dərslər keçirlər.
Bölmənin İnformasiya şöbəsindən bildirilib ki, Tarix, Etnoqrafiya və Arxeologiya İnstitutunda Naxçıvan Dövlət Universitetinin hamiliyə götürülmüş Tarix-filologiya fakültəsinin tarix ixtisası üzrə təhsil alan II kurs tələbələri üçün “Zoom” proqramı vasitəsilə növbəti açıq dərs təşkil edilib.
Martın 1-də keçirilən ümumi (9 illik) orta təhsil səviyyəsi üzrə təhsilalanların biliyinin yekun qiymətləndirilməsi (attestasiyası) imtahanının nəticələri ilə bağlı yaradılmış Apelyasiya komissiyası məlumat yayıb.
Dövlət İmtahan Mərkəzindən verilən məlumata görə, imtahanda 40 minə yaxın şagird iştirak etmiş və onların ümumilikdə 1 000 000-dan (bir milyondan) çox tapşırıq üzrə yazı işi olub.
Naxçıvan Dövlət Universiteti Memarlıq və mühəndislik fakültəsinin təşkilatçılığı ilə Azərbaycan Milli Elmlər Akademiyası İdarəetmə Sistemləri İnstitunun baş elmi işçisi, texnika elmləri doktoru Fərhad Paşayev onlayn elmi-nəzəri seminar keçib. “Siqnal analizi texnologiyalarının inkişafı və bəzi tətbiqləri” mövzusunda olan seminarda Memarlıq və mühəndislik fakültəsinin, Fizika- riyaziyyat fakültəsinin isə Riyaziyyat və informatika müəllimliyi ixtisası üzrə müəllim və tələbələri olmaqla, ümumilikdə, 120 nəfər iştirak edib.
Naxçıvan Muxtar Respublikası Gənclər və İdman Nazirliyinin, Yeni Azərbaycan Partiyası Naxçıvan Muxtar Respublika Təşkilatının Heydər Əliyev adına Gənclər Birliyinin və “Gənclərin İntellektual İnkişaf Mərkəzi” İctimai Birliyinin birgə təşkilatçılığı ilə “Zoom” proqramı vasitəsilə onlayn şəkildə gənclər arasında “Kim? Nə? Hara?” intelektual oyunu keçirilmişdir.
Gənclərin asudə vaxtlarının səmərəli təşkil edilməsi, onların zehni inkişafının, dünyagörüşünün formalaşdırılması, intellektual səviyyələrinin yüksəldilməsi məqsədilə təşkil edilən oyun 8 raunddan ibarət olmuş, hər raundda müxtəlif mövzularda 3 sual səsləndirilmişdir. Sonda suallardan daha çoxuna düzgün cavab verən gənclər qalib hesab edilmişlər. Oyunun nəticələrinə əsasən Güllü İbrahimova daha çox xal toplayaraq oyunun qalibi adını qazanmışdır. Əli Əliyev və Zeynəb İsmayılova isə müvafiq olaraq II və III yerin sahibi olmuşlar.
Naxçıvan Muxtar Respublikası Gənclər və İdman Nazirliyinin
mətbuat xidməti
Naxçıvan Dövlət Universitetində yüksək maddi-texniki baza ilə zəngin laboratoriyaların bugünlərdə belə işlək hala gətirilməsi tələbələrə yaradılan şəraitdən maksimum istifadə etmək imkanı yaradır.
Ali təhsil ocağında ilk laborator məşğələ Memarlıq və mühəndislik fakültəsinin “Dəmiryol stansiya və qovşaqlarının avtomatik idarə edilməsi” laboratoriyasında keçirilib. Nəqliyyat və informasiya texnologiyaları kafedrasının müəllimi Yadulla Həziyevin “Dəmiryol nəqliyyatı və tikintisi mühəndisliyi” ixtisası tələbələrinə keçdiyi onlayn məşğələdə yol, rabitə və işarevermə sahələrinin tikili və qurğuları, stansiya yolları,150 tonluq vaqon tərəzilərində boş və dolu vaqonların çəkilməsi, svetoforlarin təyinatı və təsnifatı, çeşidləmə qurğuları, qatarların tərtibat məsələləri, dəmiryol keçidlərinin iş prinsipi, qatarların qəbulu və göndərmə qaydalarına nəzər salınıb.
Dərsə Naxçıvan Dəmir yolları Məhdud Məsuliyyətli Cəmiyyətinin əməkdaşları da qoşulub. Qarşılıqlı fikir mübadiləsi şəklində aparılan dərsdə tələbələrin sualları cavablandırılıb. Suallar cavablandırılarkən qatarların təsnifatı və avtobloklama mövzularına aydınlıq gətirilib.
Qeyd edək ki, dərslərin laboratoriyada onlayn təşkili tələbələrin mövcud durumda belə təcrübi dərslərdən geri qalmamaları üçün təşkil edilir. Məlumat üçün onu da bildirək ki, laboratoriyada yük stansiyaları, material anbarları, texniki xidmət sahələri, çeşidləmə stansiyaları, dartı lokomativi, sərnişin vağzalı binası, dalan yolları və svetoforlar da yerləşir.
Səadət Əliyeva
NDU-nun Televiziya, mətbuat və ictimaiyyətlə əlaqələr bölməsinin müdiri
Naxçıvan Dövlət Universitetinin təşkilatçılığı ilə keçirilən konfransı giriş sözü ilə açan universitetin rektoru, dosent Elbrus İsayev tərcümə sənətinin tarixindən, xalqların tərcümə tarixinin öyrənilməsinin əhəmiyyətindən danışıb. Bildirilib ki, tərcümə sənətinin tarixinin tədqiqi müvafiq ölkənin digər dövlətlərlə və millətlərlə mədəni, iqtisadi, siyasi əlaqələrinin səviyyəsini müəyyənləşdirməyə imkan yaradır. Muxtar respublikada bu sahəyə xüsusi diqqət və qayğı göstərildiyini qeyd edən rektor universitetdə də yaradılan tərcümə mərkəzinin fəaliyyətinə toxunub, gələcək perspektivləri dəyərləndirib.
Yay tətilinin ləğv olunması üçün heç bir əsas yoxdur. Biz yəqin ki, uşaqların istirahət hüquqlarını əllərindən almayacağıq.
Bunu Təhsil nazirinin müavini Məhəbbət Vəliyeva deyib.
Onun özlərinə görə, ötən illərdən fərqli olaraq, bu il vəziyyətlə əlaqədar şagirdlər yay tətillərini düzgün qiymətləndirməlidirlər:
Son zamanlar dünyada yayılmış koronavirus pandemiyası ilə əlaqədar olaraq tədris prosesinin məsafədən təşkil edilməsi zərurəti yaranmışdır. Buna görə də Maliyyə Nazirliyində hamiliyə verilən ixtisasların tələbələri ilə görüşlərin xüsusi platforma üzərindən onlayn qaydada, slaydlarla keçirilməsi prosesinə başlanılıb.
Məlum olduğu kimi, dünyada yayılmış koronavirus pandemiyası ilə əlaqədar ölkəmizdə, o cümlədən də muxtar respublikada tədris müvəqqəti olaraq dayandırılıb. Karantin rejimi elan olunan bu müddətdə muxtar respublika ərazisində yerləşən bütün ümumtəhsil müəssisələrində müvafiq profilaktik tədbirlərin effektivliyinin yüksəldilməsi məqsədilə dezinfeksiya işləri aparılıb.
Naxçıvan Dövlət Universiteti Elmi Kitabxanasının “Kitablardan pıçıltılar” adlı növbəti onlayn müzakirəsi keçirilib. Universitetin rektoru, dosent Elbrus İsayevin də iştirak etdiyi müzakirədə görkəmli şair, qəzəlxan Əliağa Vahidin həyat və yaradıcılığına nəzər salınıb. Rektor belə müzakirələrin keçirilməsinin tələbələrin mütaliə vərdişində əhəmiyyətli rol oynadığını qeyd edib. Vurğulanıb ki, hər bir müəllim və tələbə vaxtından maksimum istifadə etməli və mütaliəni gündəlik peşə fəaliyyətinə çevirməlidir. Rektor günün 24 saatını onlayn şəkildə oxuculara xidmət göstərən kitabxananın fəaliyyətini yüksək qiymətləndirərək hər kəsi müzakirələrdə fəal olmağa səsləyib.
“Naxçıvan” Universitetində Tədris və tərbiyə işləri üzrə prorektor Hüseyn Bağırsoylu və fakültə dekanlarının iştirakı ilə iclas keçirilib.
Son zamanlar bəşəriyyətin qarşılaşdığı yeni virus pandemiyasının sürətlə yayılmasının statistik təhlili göstərir ki, xəstəlik daha çox immun sistemi zəif olan insanlarda kəskin fəsadlarla müşayət olunur. Yəni, orqanizm azaçıq müqavimət göstərə bilərsə, bir çox xəstəliklər kimi virus infeksiyaları ilə yoluxmanın da qarşısını almaq iqtidarındadır. Ona görə də orqanizmin immun sistemi, onun formalaşma xüsusiyyətləri, eləcə də immunitetin möhkəmləndirilmə üsulları haqqında məlumatların əldə edilməsi günümüzün daha çox düşündurülən məsələlərindəndir.
Azərbaycan Respublikasının Təhsil naziri Ceyhun Bayramov tərəfindən təşkil olunmuş, ali təhsil müəssisələrinin rəhbərləri ilə keçirilən videomüzakirədə “Naxçıvan” Universitetinin rektoru, filologiya üzrə fəlsəfə doktoru, dosent Nurlana Əliyeva da iştirak edib.
Azərbaycan ədəbi dilinin inkişaf və zənginləşməsində ayrı-ayrı sənətkarların böyük rolu vardır. Onlar həm dilimizin saflaşmasında, həm də leksik-qrammatik və semantik baxımdan yeni-yeni uğurlar əldə etməsində özlərinəxas xidmət göstərmişlər.
AMEA Naxçıvan Bölməsi Bioresurslar İnstitutunun Dənli, taxıl, paxlalı və texniki bitkilər laboratoriyasında cari il üçün təsdiq edilmiş plana uyğun olaraq tədqiqat işləri uğurla davam etdirilir.
Laboratoriya rəhbəri, aqrar elmləri üzrə fəlsəfə doktoru, dosent Pərviz Fətullayev bizimlə müsahibəsində burada görülən işlərlə bağlı ətraflı məlumat verdi. Alim bildirdi ki, dünyada baş verən iqlim dəyişkənlikləri stres amillərinin artmasına və bir çox qiymətli bitki növlərinin məhv olmasına səbəb olur. O, biomüxtəlifliyin qorunması, toplanması, bərpası, öyrənilməsi, o cümlədən yaranan stress amillərə qarşı davamlı genotiplərin aşkarlanması günün aktual məsələlərindən biri olduğunu vurğuladı.
Cəmiyyətin gələcək tərəqqisi, bir çox cəhətdən bu gün, gənclərimizə nəyi və necə öyrətməyimizdən asılı olacaqdır.
İlham ƏLİYEV
Azərbaycan Respublikasının Prezidenti
Müəllimlik peşəsi hər zaman hörmətli olmuş və ulu öndər Heydər Əliyev də onların əməyini yüksək qiymətləndirərək müəllimlik peşəsinin bu gün də, gələcəkdə də hər zaman şərəfli peşə olacağını qürurla demişdir. Naxçıvanda isə bu siyasət Ali Məclisin sədri cənab Vasif Talıbov tərəfindən layiqincə davam etdirilir, belə ki, əməyində fərqlənən insanları təltif və ordenlərlə mükafatlandıraraq, müəllimlərə hər zaman diqqət və qayğı göstərir.
Naxçıvan Müəllimlər İnstitutunun Elmi Şurasının növbəti iclası Şura üzvləri, struktur rəhbərləri və dəvətlilərin iştirakı ilə onlayn qaydada keçirilib.
İclasda rektor Azad Novruzov bildirib ki, ölkəmizdə insan amili hər şeydən üstün tutularaq vətəndaşlarımızın sağlamlığının qorunması üçün bir sıra mühüm qərarlar qəbul olunub. Dövlətimiz tərəfindən sosial layihələr həyata keçirilir ki, onlardan biri də aztəminatlı ailələrin övladlarının təhsilhaqlarının ödənməsini dövlətin öz üzərinə götürməsidir. Rektor karantin dövründə muxtar respublikamızda, o cümlədən Naxçıvan Müəllimlər İnstitutunda distant təhsilin yüksək səviyyədə təşkil olunduğunu vurğulayıb.
AMEA Naxçıvan Bölməsi və Naxçıvan Muxtar Respublikası Təhsil Nazirliyinin birgə təşkilatçılığı ilə həyata keçirilən “Sabahın tədqiqatçıları” layihəsi çərçivəsində növbəti “Azərbaycan dilinin Naxçıvan dialekt və şivələri” adlı tədqiqat işi yekunlaşıb.
Dilimizin bu günkü inkişafı ona göstərilən dövlət qayğısından birbaşa asılıdır. Bu prosesdə Azərbaycan Respublikasının Prezidenti cənab İlham Əliyevin 2012-ci il
"Mədəniyyət" və "ARB Günəş" kanallarında yayımlanan "Dərs vaxtı" verilişinin aprelin 23-ü üçün nəzərdə tutulan cədvəli müəyyənləşdirilib.
Təhsil Nazirliyindən verilən məlumata görə, nazirlik dərs cədvəlinə diqqət etməyi, dərsi "Dərs vaxtı"nda öyrənməyi tövsiyə edir.
Məşhur Kolumbiya yazıçısı Q.Q.Markes “Yüz ilin tənhalığı” əsərində yazırdı: “...artıq elm məsafəni məhv edib. Bir azdan insan evdən çıxmadan dünyanın istənilən bucağında baş verənləri görə biləcək”. Doğrudan da, elmi - texniki tərəqqi nəticəsində dünyanın siması əsaslı şəkildə dəyişib. Yer kürəsinin ən uzaq regionları arasında bir an içində əlaqə yaradılması, informasiya ötürülməsi, mübadilələr aparılması adi hal alıb. Bir sözlə, qloballaşma baş verib.
"Mədəniyyət" və "ARB Günəş" kanallarında yayımlanan "Dərs vaxtı" verilişinin aprelin 22-i üçün nəzərdə tutulan cədvəli müəyyənləşdirilib.
Təhsil Nazirliyindən verilən məlumata görə, nazirlik dərs cədvəlinə diqqət etməyi, dərsi "Dərs vaxtı"nda öyrənməyi tövsiyə edir.
Mövcud qaydalara görə, il ərzində iki dəfə qəbul imtahanı keçirilir. Şərait imkan versə, iki dəfə imtahan keçirəcəyik. Amma şərait olmasa, imtahan yalnız bir dəfə keçiriləcək.
Bunu Dövlət İmtahan Mərkəzinin Direktorlar Şurasının sədri Məleykə Abbaszadə bu gün keçirdiyi brifinqdə deyib.
“Xüsusi karantin rejimi Azərbaycan Nazirlər Kabineti yanında Operativ Qərargah tərəfindən koronavirus infeksiyasının qarşısının alınması və insanların həyatının qorunması üçün 4 may tarixinə qədər uzadılıb. Bununla əlaqədar Dövlət İmtahan Mərkəzinin işində də yanvar ayından elan olunan qrafikə dəyişiklik etmişik”.
Bunu Dövlət İmtahan Mərkəzinin (DİM) Direktorlar Şurasının sədri Məleykə Abbaszadə jurnalistlər üçün keçirdiyi onlayn mətbuat konfransında bildirib.
Distant təhsil məsafəli təhsil olub öyrədən ilə öyrənənin fərqli məkanlarda olma imkanını təşkil edən informasiya kommunikasiya texnologiyaları vasitəsidir. Günbəgün müasirləşən dünyada insanlar şəxsi işi, biznesi, ailə öhdəlikləri, maddi çətinlikləri və digər səbəblərdən dolayı beynəlxalq təhsil üçün başqa ölkələrə və yaxud təhsil müəssisələrinə getməsi mümkün olmur. Distant təhsil bütün bu çatışmazlıqların üzərindən xətt çəkərək tələbə ilə müəllim arasında faks, e-poçt, video, audio qrafik, multimedia texnologiyas kimi elektron daşıyıcılarından istifadə edərək təhsili reallaşdıran sistemdir.
Azərbaycanda arı məhsullarının biokimyəvi xüsusiyyətləri və keyfiyyət göstəriciləri sahəsində aparılan elmi araşdırmalarda - bal, vərəmum, çiçək tozcuğu kimi arı məhsullarının tədqiqi sahəsində bir sıra uğurlu nəticələr əldə edən Naxçıvan Dövlət Universiteti müəllimləri arıçılıq məhsullarının tədqiq etməklə yanaşı, müalicə və profilaktika məqsədi ilə istehsal prosesini də həyata keçirirlər.
Ümummilli liderimiz Heydər Əliyevin əsasını qoyduğu dövlət təhsil siyasətinin prioritetlərindən biri də istedadlı şagirdlərin aşkarlanması, inkişafı, bilik və bacarıqlarının praktik olaraq yönləndirilməsidir. Muxtar respublikamızda bu istiqamətdə davamlı olaraq islahatlar aparılır, onların bilik və bacarıqlarının inkişaf etdirilməsi istiqamətində işlər görülür. Yaradıcılıq mərkəzlərinin və məktəbdənkənar təhsil müəsisələrinin fəaliyyəti şağirdlərin istedadlarının üzə çıxarılmasında və milli mənəvi dəyərlərimizə bağlı bir nəsil yetişməsinə öz tövhəsini verir. Heydər Əliyev Uşaq-Gənclər Yaradıcılıq Mərkəzində şagirdlərin asudə vaxtlarını səmərəli təşkili, onların yaradıcılıq qabiliyyətlərinin və istedadlarının üzə çıxarılması üçün 12-si 2019-2020-ci tədris ilində yaradılmaqla müxtəlif profilli 39 adda dərnək fəaliyyət göstərir.
AMEA Naxçıvan Bölməsində koronavirus pandemiyası ilə əlaqədar ölkədə elan olunan karantin rejiminin müəyyənləşdirilmiş tələb və tövsiyələrinə riayət edilir.
AMEA Naxçıvan Bölməsinin İctimaiyyətlə əlaqələr və informasiya şöbəsindən bildirilib ki, bölmənin Tarix, Etnoqrafiya və Arxeologiya İnstitutunun əməkdaşları da fəaliyyətlərini günün tələblərinə uyğun məsafədən davam etdirir, qədim Nахçıvаn tаriхinin müхtəlif prоblеmlərinə, аrхеоlоgiyаsı, еtnоqrаfiyаsı və epiqrafikasına dаir sistemli tədqiqаtlаr aparılır.
Təhsil sahəsində aparılan islahatlar bəzən özünü doğrultmasa da əksərən tədrisin keyfiyyətini yüksəltməyə xidmət etməkdədir. İndi əsas məqsəd müasir dərsə verilən tələblər, elektron tədris vəsaitlərindən səmərəli istifadə, interaktiv rejim, onlayn, video dərslərin, e-təhsil, distant təhsilin daha verimli olması qayğısına qalınmasıdır.İnteraktiv təlim, interaktiv rejim son illər təhsil sahəsinə səmərəlilik gətirmişdir. Bu rejim sayəsində öyrədən-öyrənən münasibətlərində yeni yanaşmalar tədris prosesində elmi biliklərin verilməsinə, mənimsənilməsinə, bilik-bacarıq-vərdişlərin formalaşdırılmasına xüsusi imkan yaratmışdır.
AMEA-nın Naxçıvan Bölməsinin Tarix, Etnoqrafiya və Arxeologiya İnstitutunun Arxeoloji xidmət şöbəsinin müdiri, tarix üzrə fəlsəfə doktoru, dosent Zeynəb Quliyevanın “Naxçıvanın Eneolit dövrü abidələri” adlı monoqrafiyası işıq üzü görüb.
Vəsait Naxçıvan Muxtar Respublikası ərazisində 2010-2019-cu illərdə qeydə alınan və tədqiq edilən 20-dən çox Eneolit dövrü abidəsinin arxeoloji materialları əsasında yazılıb.
Təhsil haqqı xərcləri dövlət büdcəsindən ödənilən tələbələr Təhsil Nazirliyinin “Təhsil Mərkəzləşdirilmiş İnformasiya Sistemi” vasitəsilə müəyyən ediləcək.
Bu, Azərbaycan Respublikası Nazirlər Kabinetinin “Sosial baxımdan həssas əhali qrupuna aid edilən ailələrin üzvü olan tələbələrin təhsil haqqı xərclərinin ödənilməsi barədə” qərarında öz əksini tapıb.
Mədəniyyət" və "ARB Günəş" kanallarında yayımlanan "Dərs vaxtı" verilişinin aprelin 17-si üçün nəzərdə tutulan cədvəli müəyyənləşdirilib.
Təhsil Nazirliyindən verilən məlumata görə, nazirlik dərs cədvəlinə diqqət etməyi, dərsi "Dərs vaxtı"nda öyrənməyi tövsiyə edir.
Qeyd edək ki, martın 11-dən başlayaraq Təhsil Nazirliyinin təşkilatçılığı ilə "Mədəniyyət" və "ARB Günəş" kanallarında "Dərs vaxtı" proqramının yayımına start verilib. Proqram çərçivəsində həftənin 5 günü teledərslər keçirilir. Teledərslər bütün sinifləri əhatə edir, dərs mövzularına dair qısa izah və təlimatlar təqdim olunur.
Kafedralar üzrə boş yerlər aşağıdakı kimidir
“İdarəetmə” kafedrası – 1 yer
“Azərbaycan dili və ədəbiyyat” kafedrası – 1 yer
Naxçıvan Dövlət Universitetinin Elmi Kitabxanası tələbələrin bütün dünyada koronavirus pandemiyası ilə mübarizə aparıldığı günlərdə belə mütaliə vərdişindən geri qalmamaları üçün onlayn fəaliyyətə başlayıb. Bu məqsədlə həftədə iki dəfə olmaqla universitetin bütün fakültələrinin tələbələrinin iştirakı ilə onlayn kitab müzakirələri təşkil edilir. “Kitablardan pıçıltılar” adlı onlayn müzakirədə ilk dəfə Məhəmmədhüseyn Şəhriyarın nisgilli taleyi və ömür yoluna nəzər salınıb və şairin şah əsəri sayılan “Heydərbabaya salam” poeması bədii qiraət edilib. Qeyd olunub ki, poema əslində şairin uşaqlıq yaddaşında yaşayan ucqar bir kəndin xiffəti ilə yazılsa da, bütöv Vətən haqqında dastan dəyərindədir.
Dünya sivilizasiyasının tarixi təcrübəsi göstərir ki, elmə, təhsilə, mədəniyyətə yüksək qiymət verən xalqlar, dövlətlər və onların başçıları bununla öz ölkələrinin iqtisadi və mədəni yüksəlişini təmin etməklə yanaşı həm də dünya elminə, mədəniyyətinə , ümumiyyətlə sivilizasiyaya böyük töhfə vermiş olurlar. Təsadüfi deyil ki, yer kürəsində yaşayan çoxsaylı xalqlar içərisində o xalqların adı daha öndə və hörmətlə çəkilir ki, onların bu sahədə payları daha çoxdur. Böyük qürur hissi ilə söyləmək olar ki, xalqımızın adı da həmin simvolik siyahıda kifayət qədər öndə yerləşdirilə bilər. Bu baxımdan respublikamızın ayrılmaz tərkib hissəsi olan Naxçıvan Muxtar Respublikası da istisna təşkil etmir.
AMEA Naxçıvan Bölməsində koronavirus pandemiyası ilə əlaqədar ölkədə elan olunan karantin rejiminin müəyyənləşdirilmiş tələb və tövsiyələrinə riayət edilir. Bölmənin İncəsənət, Dil və Ədəbiyyat İnstitutunda da 2020-ci ilin elmi-tədqiqat işlərinin planına əsasən əməkdaşlar fəaliyyətlərini məsafədən həyata keçirirlər.
Bölmənin İctimaiyyətlə əlaqələr və informasiya şöbəsindən bildirilib ki, əməkdaşlar “Evdə qal” prinsipini əsas götürərək Naxçıvanın folkloru, onomastikası, dialekt və şivələri, o cümlədən ədəbi-mədəni mühitinin tarixi ilə bağlı tədqiqatları sistemli şəkildə davam etdirirlər.
“Naxçıvan” Universitetində rektor, dosent Nurlana Əliyevanın, Tədris və tərbiyə işləri üzrə prorektor Hüseyn Bağırsoylu, Tədris, Mühasibat şöbələrinin müdirləri və fakültə dekanlarının iştirakı ilə növbəti onlayn iclas keçirilib. İclasda ali təhsil ocağında Baş Nazir Əli Əsədovun “Sosial baxımdan həssas əhali qrupuna aid edilən ailələrin üzvü olan tələbələrin təhsil haqqı xərclərinin ödənilməsi barədə” 13 aprel 2020-ci il taixdə imzalanan Qərar, bu qrupa aid olan tələbələrin müəyyənləşdirilməsi və onlayn qaydada keçirilən dərslərin səviyyəsi müzakirə olunub. İlk öncə rektor qərarı yığıncaq iştirakçılarının nəzərinə çatdırıb.
Aprelin 15-dən “Virtual məktəb” portalında “Virtual əlaçı” bilik yarışmasına start verilir. Məqsəd şagirdlər arasında sağlam rəqabəti artırmaq və öyrənilən bilikləri yoxlamaqdır.
Təhsil Nazirliyindən bildirilib ki, yarışmada iştirak etmək üçün portalda “Teams -> General” bölməsindən “Testlər” altbölməsinə daxil olmaq və orada yerləşdirilən testlərə cavab vermək lazımdır. Hər sinif üçün təqdim edilmiş tapşırıqlara ən tez düzgün cavab vermiş ilk 10 şagird qalib olacaq və adları Təhsil Nazirliyi tərəfindən rəsmi şəkildə elan ediləcək.
Dövlət İmtahan Mərkəzi 2020-ci il martın 1-də Bakı, Şirvan şəhərləri və Naxçıvan Muxtar Respublikasında yerləşən ümumtəhsil müəssisələrinin 9-cu sinif şagirdləri üçün keçirilmiş buraxılış imtahanının birinci mərhələsinin nəticələrini elan edib.
Naxçıvan Muxtar Respublikasının Təhsil Nazirliyinin və AMEA Naxçıvan Bölməsinin birgə təşkilatçılığı ilə həyata keçirilən “Sabahın tədqiqatçıları” layihəsi çərçivəsində “Naxçıvanın mineral xammalından səmərəli istifadə və onun praktiki əhəmiyyəti: qeyri-üzvi birləşmələrin alınması” adlı tədqiqat işi yekunlaşıb.
AMEA Naxçıvan Bölməsinin İctimaiyyətlə əlaqələr və informasiya şöbəsindən bildirilib ki, tədqiqat işini bölmənin Təbii Ehtiyatlar İnstitutunun Sorbsiya prosesləri laboratoriyasının rəhbəri, kimya üzrə fəlsəfə doktoru, dosent Günel Məmmədovanın rəhbərliyi ilə Naxçıvan şəhəri 8, 11, 12 nömrəli tam orta məktəblərin şagirdləri Nurgün Allahverdiyeva, Ləman Rzalı və Fatma Hacıyeva yerinə yetiriblər.
Naxçıvan Dövlət Universitetində onlayn qaydada növbəti iclas keçirib. İclasın məqsədi ali təhsil ocağında universitetin LMS (Learning Management System) Öyrənmənin idarəolunması sisteminə hazırlığın vəziyyəti, sərbəst iş mövzularının müəllimlər tərəfindən təqdim edilməsi, dövlət imtahanları və buraxılış işləri, onlayn və offlayn qaydada keçirilən dərslərin müzakirəsi olub.
Universitetin rektoru, dosent Elbrus İsayev ilk növbədə müxtəlif proqramlar vasitəsilə keçirilən onlayn dərsləri təqdirəlayiq hal kimi dəyərləndirərək qeyd edib ki, ardıcıl və sistemli keçirilən elektron dərslər artıq ölkəmizin bir çox universitetlərində də tətbiq olunan nümunəvi addıma çevrilib.
Mədəniyyət" və "ARB Günəş" kanallarında yayımlanan "Dərs vaxtı" verilişinin aprelin 15-i üçün nəzərdə tutulan cədvəli müəyyənləşdirilib.
Təhsil Nazirliyindən Trend-ə verilən məlumata görə, nazirlik dərs cədvəlinə diqqət etməyi, dərsi "Dərs vaxtı"nda öyrənməyi tövsiyə edir.
Hazırda bütün sahələrdə çalışan mütəxəssislər informasiya və kommunikasiya texnologiyaları (İKT) ilə işləmək, onlardan düzgün istifadə etmək bacarığına malik olmalıdırlar. Tədris prosesində elektron lövhələrdən istifadə edilməsi dərsin əsas prinsiplərindən birini, onun əyaniliyini təmin edir.
May 2021 |
