Naxçıvan Şəhər Təsərrüfathesablı Nəqliyyat İdarəsində əhaliyə sərnişindaşıma xidməti göstərən sürücülərin iştirakı ilə keçirilən növbəti seminar-müşavirədə Naxçıvan Muxtar Respublikası Dövlət Nəqliyyat Xidmətinin əməkdaşları Elxan Novruzov və Natiq Həsənov çıxış ediblər.
Çıxışlarda bildirilib ki, muxtar respublikamızda avtomobil nəqliyyatı ilə sərnişindaşımalarını yerinə yetirən sürücülərin intizam qaydalarına əməl etmələri diqqətdə saxlanılır. Şəhərdaxili nəqliyyatda sürücülərin ayıq-sayıq fəaliyyət göstərmələri və avtomobilləri təmiz saxlamaları üçün müntəzəm olaraq yoxlamalar həyata keçirilir, problemlər dərhal aradan qaldırılır. Sərnişin­daşıma xidmətinin təhlükəsiz şəkildə göstərilməsi, vətəndaşların mənzilbaşına rahat şəkildə çatdırılması üçün avtobuslar xəttə çıxmazdan əvvəl sürücülər həkim müayinəsindən keçirilir.

Dağ Təlim Mərkəzində Naxçıvan Qarnizonu qoşunlarının xüsusi təyinatlı, kəşfiyyat və xilasetmə bölmələrinin cəlb edildiyi Kəşfiyyat və Dağçılıq təkmilləşdirmə kursları başa çatıb.

Türkiyə Respublikası Silahlı Qüvvələrinin bir qrup hərbi qulluqçusunun təlimatçı qismində iştirak etdikləri kursların uğurla başa çatması münasibətilə buraxılış mərasimi keçirilib.

Əvvəlcə buraxılış mərasiminə hazırlıqla bağlı məruzə edilib, Türkiyə və Azərbaycan respublikalarının dövlət himnləri səsləndirilib.

Mərasimdə Əlahiddə Ümumqoşun Ordunun zabiti, polkovnik Tehran Mənsimov və Türkiyə Respublikası Silahlı Qüvvələrinin zabiti, polkovnik Haluk Arpacıoğlu çıxış edərək bildiriblər ki, çətin dağlıq şəraitdə döyüş aparmaq vərdişlərinin, yaralıların və əmlakın təxliyəsi üsullarının, müxtəlif dağ ləvazimatlarının istifadə qaydalarının mənimsənilməsi məqsədilə keçirilən kurslarda iki qardaş ölkənin hərbi qulluqçularının yüksək peşəkarlıq nümayiş etdirməsi hər birimizi daha da qürurlandırır.

Ömrünün çoxunu  qədim diyarımızın tarix-memarlıq abidələrnin bərpasına həsr edən  Prezident təqaüdçüsü Arıf Əzizov onları  bu cür dəyərləndirir

Yaxın Şərqin ən qədim mədəniyyət mərkəzlərindən, ilkin şəhər mədəniyyətinin yarandığı ərazilərdən biri olmuş, əsası bir yaşayış məskəni kimi 8000 il əvvəl qoyulmuş və  5000 il bundan əvvəl şəhər kimi formalaşmağa başlamış Naxçıvan  tarixi-mədəniyyət abidələri ilə zəngin bir diyardır. Tarixçi alimlərimiz deyirlər ki,  əgər kitablar tarixin yazılı yaddaşıdırsa, abidələr tariximizin daş yaddaşıdır. Naxçıvan Muxtar Respublikası Ali Məclisinin Sədri cənab Vasif Talıbovun 2005-ci il 6 dekabr tarixdə imzaladığı “Naxçıvan Muxtar Respublikası ərazisindəki tarix və mədəniyyət abidələrinin qorunması və pasportlaşdırılması işinin təşkili haqqında” Sərəncam tariximizin daş yaddaşına verilən böyük dəyər olmaqla yanaşı, həm də abidələrimizin bərpasına, onların həyata yenidən vəsiqə almalarına səbəb olub.

Bu yaxınlarda ömrünün 50 ildən artıq dövrünü muxtar respublikamızda tikinti sahəsində çalışan, ötən  illər ərzində tarixi-memarlıq abidələrimizin bərpasına rəhbərlik edən Arif Əzizova Azərbaycan Respublikasının Prezidenti cənab İlham Əliyevin 2018-ci il 12 oktyabr tarixli Sərəncamı ilə Azərbaycan Respublikası Prezidentinin fərdi  təqaüdünün verilməsi  naxçıvanlılar tərəfindən  mədəni irsimizin yaşadılmasında əməyi olan insanlara verilən yüksək qiymət kimi dəyərləndirildi. Bu münasibətlə Arif müəllimlə görüşüb söhbətləşdik.

Türkiyə Cümhuriyyətinin yaranmasının 95-ci ildönümü tamam olur.

Yaşıl rəngdən sarıya incə keçidin nümunəsi olan payız fəsli özü ilə həm də çiskin, yağış və qismən soyuq hava gətirib. Artıq ikinci ayını yaşadığımız bu fəsildə insanların qarşıdan gələn qışa hazırlıq, tədarük işləri də sürətlənib. Şəhərimizin sakinləri illər öncə qış fəsli yaxınlaşan zaman narahatlıq keçirir, soyuqdan necə qorunmağın yollarını axtarırdılarsa, artıq həmin xoşagəlməz hallara son qoyulub. Daha qışın boranı-çovğunu, şaxtası-qarı sakinləri qətiyyən qorxutmur, həyatın ecazkar ritmi bu fəsildə də özünəməxsus ahəngi ilə davam edir. Çünki dövlətimizin insan amilinə verdiyi böyük önəm nəticəsində payız-qış mövsümünə hazırlıq tədbirləri yüksək səviyyədə həyata keçirilir, sakinlərin qış aylarında rahat yaşayışı təmin olunur.

Min illərdir, türk yurdu olan bölgəmizdə Naxçıvanın yeri hər zaman üçün başqa olmuşdur. İstər siyasi, istərsə də mədəni baxımdan Naxçıvanın bölgəmizdəki əhəmiyyəti xüsusi qeyd edilməlidir. Beşminillik şəhər mədəniyyətinə malik olan Naxçıvan tarixboyu bir çox mədəniyyətə ev sahibliyi etsə də, öz adət-ənənələrindən, dəyərlərindən və mədəniyyətindən heç nə itirmədən bu günə gəlib çatmışdır. Nuh Peyğəmbərdən son peyğəmbərə qədər bir çox mədəniyyətin izlərini sanki dünən olmuş kimi yaşadan Naxçıvan sosial və mədəni dəyərlərin beşiyidir. Bu fakt elm adamları tərəfindən Naxçıvanda aparılan tədqiqatların nəticəsi olaraq da təsdiq edilmişdir.
Naxçıvan strateji əhəmiyyətinə görə də tarixboyu bir çox dövlətlərin sahib olmaq istədikləri torpaq olmuşdur. Lakin bu torpağın qədimə dayanan dövlətçilik tarixi vardır. Məsələn, bu torpaqda X əsrdə Naxçıvan şahlığı, XII əsrdə Azərbaycan Atabəylər dövləti yaranmış, XVIII-XIX əsrlərdə Naxçıvan xanlığının mərkəzi olmuş, XX əsrin əvvəllərində Araz-Türk Respublikası burada yaranmışdır. Sovet işğalından sonra 1924-cü ildə Azərbaycanın tərkibində Naxçıvan Muxtar Respublikası yaradılmışdır. Naxçıvanın muxtariyyət statusu qazanmasında Qars müqaviləsinin əhəmiyyətini də xatırlatmaq yerinə düşər. Lakin Sovetlər Birliyi Türkiyə ilə türk dövlətlərinin əlaqəsini kəsmək üçün 70 il müddətində Naxçıvanı tərkibində saxlamışdır. 1990-cı illərin əvvəllərində isə ulu öndər Heydər Əliyev Naxçıvanı işğaldan qorumuş, Azərbaycanın müstəqillik mübarizəsinə buradan başlamış, Azərbaycan dövlətçilik tarixində önəmli yerə sahib olan qərarlar qəbul etmişdir. O illərdə ulu öndər Heydər Əliyevin rəhbərliyi ilə Naxçıvan Muxtar Respublikası ilə Türkiyə arasında dövlət səviyyəsində əlaqələr qurulmuşdur.

Oktyabrın 26-da Naxçıvan Muxtar Respublikası Ali Məclisinin Sədri yanında Dövlət Qulluğu Məsələləri üzrə Komissiyada “Dövlət orqanlarının mətbuat xidmətlərinin fəaliyyətlərinin təşkili” mövzusunda seminar keçirilmişdir. Seminarda muxtar respublikanın dövlət orqan­larının mətbuat və ictimaiyyətlə əlaqələr üzrə 22 əməkdaşı iştirak etmişdir.
Naxçıvan Muxtar Respublikası Ali Məclisinin Sədri yanında Dövlət Qulluğu Məsələləri üzrə Komissiyanın sədri İsmayıl Qəribli seminarı giriş sözü ilə açaraq bildirmişdir ki, bu il mayın 19-da Naxçıvan Muxtar Respublikasının mərkəzi icra hakimiyyəti orqanlarının mətbuat xidmətlərinin fəaliyyətlərinin təşkili və qarşıda duran vəzifələrlə bağlı keçirilmiş müşavirədə komissiyaya bir sıra tapşırıqlar verilmişdir. Verilən tapşırıqlara uyğun olaraq komissiya dövlət orqanlarında vakant mətbuat və ictimaiyyətlə əlaqələr üzrə baş məsləhətçi vəzifələrinə qəbulla bağlı növbədənkənar müsabiqə elan etmiş, müsabiqənin test mərhələsindən sonra mətbuat və ictimaiyyətlə əlaqələr üzrə müvafiq vəzifələrin iddiasında olan namizədlərin yaradıcılıq qabiliyyətlərinin yoxlanması üçün esse imtahanı keçirmişdir. Həmçinin hazır­da fəaliyyət göstərən mətbuat xidmətləri əməkdaşlarının attestasiyası aparılmışdır.

Ölkəmizin dilbər guşələrindən biri olan Zəngilan rayonunun Ermənistan silahlı qüvvələri tərəfindən işğalından artıq 25 il ötür. 1988-ci ildən 1993-cü il oktyabrın 29-dək düşmənə baş əyməyən, yağı hücumlarına sinə gərən, yüzlərlə şəhid verən Zəngilan işğala məruz qalan ən sonuncu rayonumuz oldu.

Bu yurd yeri Bakı-Culfa-Naxçıvan dəmir yolunun üzərində yerləşdiyi üçün mühüm strateji əhəmiyyətə malik idi. Rayonu işğal edən ermənilər qədim diyarımız Naxçıvanla ana torpağımız arasında məsafəni daha da artırmış oldular. Yəni Zəngilanın işğalı da Naxçıvan Muxtar Respublikasının blokadaya salınması, onun ana torpaqla əlaqələrinin kəsil­məsi istiqamətində aparılan məkrli siyasətin tərkib hissəsi idi.
Düşmən hiyləsinin baş tutmasında AXC-Müsavat iqtidarının yarıtmaz əməlləri və onlara məxsus pərakəndə silahlı dəstələrin xəyanətkar hərəkətləri də az rol oynamadı. Belə ki, təxribatlar nəticəsində ermənilər 1992-ci ilin dekabrında Zəngilan rayonunun əhatəsində olan əsas strateji məntəqələrimizi ələ keçirdilər. Kiçik qruplarla mübarizə aparan və rayonun könüllülərindən təşkil olunmuş özünümüdafiə dəstələri düşmənin ağır texnika və çoxsaylı canlı qüvvəsinə qarşı mərdliklə vuruşsalar da, qüvvələr qeyri-bərabər olduğu üçün geri çəkilmək məcburiyyətində qalırdılar. Naxçıvanı tam blokada vəziyyətinə salmaqla təkləmək, onu işğal etmək arzusu ilə alışıb-yanan Ermənistanın hərbi-siyasi rəhbərliyi, demək olar ki, bütün hərbi gücünü bu rayonun işğalına yönəltmişdi. Hərbi təyyarələr belə, hücumda iştirak edir və rayonun mərkəzini bombalayırdılar. Ciddi müqavimətə baxmayaraq, vəziyyət daha da çətinləşirdi. Çünki düşmən döyüşə əlavə qüvvələr cəlb edir, təzyiqi artırırdı. Dörd gün ərzində, əsasən, Mehri, Qafan, Gorus ərazilərindən aramsız hücuma keçməklə qüvvələrimizi bu istiqamətə cəlb edən ermənilər beşinci gün – ok­tyabrın 27-də səhər Cəbrayıl-Qubadlı istiqamətindən cəbhəni yararaq rayonu mühasirəyə aldılar. Mehri istiqamətində hərəkət edən düşmən yüksəklikləri ələ keçirib Vejnəli və Ağbənd kəndlərini işğal etdi. Qafan istiqamətində hərəkət edən ermənilər Bürünlü, Şayıflı, Göyəli kəndlərini tutub rayon mərkəzinə gedən yola çıxdılar. Qubadlının işğal olunmuş ərazilərindən hərəkət edib Saldaş, Çərəli, Mollalı, Qiyaslı, Ulaşlı, Əbilcə­,­ Qarakişi, Tinli, Xocahan, Ağbis kəndləri və Ağbis yüksəkliklərini ələ keçirdilər. Sığırt və Bartaz yüksəklikləri tutulduqdan sonra Zəngilan faktiki olaraq işğal edildi.

Naxçıvan Muxtar Respublikasında miqrasiya proseslərinə dövlət nəzarətinin gücləndirilməsi, o cümlədən qanunsuz miqrasiyanın qarşısının alınması məqsədilə Dövlət Miqrasiya Xidməti tərəfindən həyata keçirilən tədbirlər ötən dövrdə də davam etdirilmişdir.
Yanvar-sentyabr ayları ərzində xidmət ­tərəfindən muxtar respublika ərazisində qanunsuz yaşayan və qeydiyyatsız olan, habelə qanunsuz əmək fəaliyyəti ilə məşğul olan 231 əcnəbi aşkarlanaraq Azərbaycan Respublikasının qanunvericiliyinə uyğun olaraq barələrində müvafiq tədbirlər görülmüşdür. Ümumilikdə, ötən müddətdə Dövlət Miqrasiya Xidmətinə 8282 müraciət daxil olmuşdur. Müraciətlərin hər biri ayrı-ayrılıqda Azərbaycan Respublikası qanunvericiliyinin tələblərinə əsasən araşdırılmış və müvafiq qərarlar qəbul edilmişdir. Ötən 9 ayda olduğu yer üzrə qeydiyyatla bağlı 7447 müraciət qeydə alınaraq icrası təmin olunmuş, həmin müraciətlərdən 3008-i elektron xidmətlər portalı və elektron poçt üzərindən qəbul edilmişdir.
Dövlət Miqrasiya Xidməti tərəfindən fəaliyyət istiqamətlərinə uyğun olaraq maarifləndirmə tədbirləri də həyata keçirilmişdir.

Naxçıvan Muxtar Respublikası
Dövlət Miqrasiya Xidmətinin mətbuat xidməti

Ötən həftəsonu bir daha Naxçıvana getdim. Şərqi Anadolu Jurnalistlər Cəmiyyətinin sədri Firudin Fazıl Özsoy və digər həmkarlarımla birlikdə İqdırda keçirilən bölgə konfransından sonra Naxçıvan Muxtar Respublikası Ali Məclisinin Sədri, Türk dünyasının müdrik liderlərindən olan cənab Vasif Talıbovun dəvətlisi qismində Naxçıvanda səfərdə olduq, bu qədim yurdu gəzdik, çox məhsuldar görüş keçirdik.

Oktyabrın 20-də Türkiyənin Şərqi Anadolu Jurnalistlər Cəmiyyətinin xətti ilə qardaş ölkənin bir qrup media nümayəndəsi Naxçıvanda səfərdə olmuşdur. Naxçıvan səfərinə qardaş ölkənin mətbuat orqanlarında və internet saytlarında geniş yer verilir, muxtar respublikada bütün sahələrdə müşahidə olunan inkişaf və tərəqqi, sabitlik nümunə kimi təqdim edilir. Şərqi Anadolu Jurnalistlər Cəmiyyətinin sədri Firudin Fazıl Özsoyun Ərzurumda nəşr olunan “Pusula” qəzetində “Qardaş köməyi və Naxçıvan” sərlövhəli məqaləsi dərc olunmuş, eyni zamanda həmin məqalə qəzetin gazetepusula.net internet saytında yerləşdirilmişdir. Həmçinin Ağrı Jurnalistlər Cəmiyyətinin sədri Ələddin Aslanın “Narınqala” qəzetində və qəzetin narınkalegazetesi.net  saytında “Heyranedici Naxçıvan” adlı məqaləsi dərc olunub. Hər iki məqaləni təqdim edirik.

Həftəsonu Şərqi Anadolu Jurnalistlər Cəmiyyətinin bölgə konfransını keçirtmək üçün İqdırda idik. Konfransda üzrlü səbəblərə görə Tunceli, Elazığ, Van və Bingölü çıxmaq şərtilə digər bölgələrin – Ərzurum, Malatya, Bitlis, Muş, Ərzincan, Ağrı, Ərdahan, Qars və İqdırın jurnalistlər cəmiyyətləri iştirak edirdi. Müzakirələr zamanı bütün problemlər gündəmə gətirildi və aid qurumlara çatdırılması qərara alındı.

Naxçıvan Muxtar Respublikasında səfərdə olan Asiya İnkişaf Bankının nümayəndələri oktyabrın 23-də muxtar respublikanın tarixi abidələri, müxtəlif profilli müəssisələri ilə tanış olublar.

“Şərq qapısı” qəzetinə müsahibə verən Azərbaycan Respublikası gənclər və idman naziri Azad Rəhimov vurğulayıb ki, Naxçıvan gəncləri daim çox fəal olublar. Tədbirlər, o cümlədən müxtəlif layihələrlə bağlı həm Gənclər və İdman Nazirliyinə, həm də gənclər təşkilatlarına onlardan çox sayda təkliflər daxil olub, ideyalar irəli sürülüb.
“Məlum olduğu kimi, 3 ildən bir keçirilən ümumrespublika gənclər forumuna hazırlıq işləri görülür. Bununla əlaqədar oktyabrın 24-də Cəlil Məmmədquluzadə adına Naxçıvan Dövlət Musiqili Dram Teatrında muxtar respublikanın 7 rayonunun, həmçinin Naxçıvan şəhərinin fəal gənclərinin iştirakı ilə tədbir keçirildi, Azərbaycan Gənclərinin VIII Forumuna nümayəndələr seçildi”, – deyən Azad Rəhimov qeyd edib ki, forum Bakıda, “Kristal-holl”da keçiriləcəkdir. O vurğulayıb ki, Azərbaycan gənclərinin ən böyük, ən ali tədbirini fərqli bir formatda, fərqli bir şəkildə keçirmək niyyətindəyik.
Nazir diqqətə çatdırıb ki, Bakıda keçiriləcək gənclərin növbəti forumu həm də gənclər siyasəti, gənclərlə iş sahəsində görülən işlərin hesabatıdır. Belə ki, ölkəmizdə gənclərlə bağlı sosial, iqtisadi və digər məsələlərin həllinə yönəlmiş, onların öz qabiliyyətlərini inkişaf etdirmələrinə kömək edən fərman və sərəncamlar, qanunlar, dövlət proqramları qəbul edilib. Həmin sənədlər gənc nəslin mütəşəkkil qüvvə kimi formalaşmasına, onların mənəvi-ideoloji cəhətdən tam yetkinləşməsinə, sosial problemlərinin həllinə, faydalı məşğulluğunun təmin olunmasına son dərəcə müsbət təsir göstərib. Bakıda keçiriləcək forumda da Azərbaycan gəncliyinin inkişafına yönəlmiş dövlət proqramının icrası ilə bağlı hesabatlar dinləniləcəkdir.

Xəbərlər şöbəsi

Naxçıvan Qarnizonunda şəxsi heyətlə iş üzrə komandir müavinləri və hərbi psixoloqlarla təlim-metodik toplantı keçirilib.
Tədbirdə Azərbaycan Respublikası Müdafiə Nazirliyinin Mənəvi-Psixoloji Hazırlıq və İctimaiyyətlə Əlaqələr İdarəsinin rəisi, general-mayor Rasim Əliyev və Əlahiddə Ümumqoşun Ordu komandanının müavini, general-mayor Niyaməddin Tağıyev çıxış edərək bildiriblər ki, toplantının keçirilməsində əsas məqsəd qoşunların döyüş tapşırıqlarını yerinə yetirməyə hər an hazır vəziyyətdə olmasını təmin edəcək mənəvi-psixoloji hazırlıq işinin daim diqqət mərkəzində saxlanılmasıdır.
Toplantıda çıxış edən müxtəlif kateqoriyalı zabit və mütəxəssislər tərbiyə işinin təşkilindən, fərdi xüsusiyyətlərin aşkarlanmasında və sistemləşdirilməsində psixoloji testlərin əhəmiyyəti, keçirilmə mexanizm və metodlarından danışıblar.
Bildirilib ki, bu işlərin təşkilində hərbi qulluqçuların kateqoriyalarına görə fərdi tərbiyə işinin xüsusiyyətlərinə ciddi diqqət yetirilməlidir. Buna görə də toplantıda əsas diqqət hərbi qulluqçuların milli-mənəvi dəyərlər və vətənpərvərlik ruhunda tərbiyə olunmasına, hərbi kollektivlərdə sağlam rəqabət atmosferinin inkişaf etdirilməsinə, əsgər və zabitlərin şəxsi xüsusiyyətləri nəzərə alınmaqla fərdi tərbiyə işinin planlı şəkildə həyata keçirilməsinə yönəldilib.

Nəriman NƏCƏFOV

Oktyabrın 24-də Naxçıvan Muxtar Respublikası Gənclərinin VIII Forumu keçirilib. Tədbir iştirakçıları əvvəlcə ümummilli lider Heydər Əliyevin Naxçıvan şəhərinin baş meydanında ucalan əzəmətli abidəsi önünə gül dəstələri qoyaraq xatirə fotosu çəkdirib və Heydər Əliyev Muzeyini ziyarət ediblər.
Naxçıvan Dövlət Musiqili Dram Teatrında keçirilən konfransı Naxçıvan Muxtar Respublikasının gənclər və idman naziri Azad Cabbarov açaraq bildirib ki, ümummilli lider Heydər Əliyev sağlam düşüncəli yeni nəslin yetişdirilməsini dövlət və cəmiyyətin mühüm vəzifəsi kimi daim diqqət mərkəzində saxlayıb, gənclərin dövlətin və cəmiyyətin sosial-iqtisadi, ictimai-siyasi və mədəni həyatında iştirakının təmin edilməsini vacib məsələ elan edib. 1996-cı il fevralın 2-də Azərbaycan gənclərinin I forumu keçirilib. Bu forumda gənclər təşkilatlarının və gənclərimizin qarşısında mühüm vəzifələr qoyulub, gənc nəslin hərtərəfli inkişafı, problemlərinin həlli sahəsində ciddi tədbirlərin görülməsi aid dövlət orqanlarının əsas vəzifəsi kimi müəyyənləşdirilib.

Oktyabrın 23-də Naxçıvan Şəhər İcra Hakimiyyətində Naxçıvan şəhərinin “Su Təchizatı və Kanalizasiya İnvestisiya Proqramı” layihəsinin yekununa həsr olunmuş təqdimat mərasimi keçirilib.
Tədbirdə Naxçıvan Muxtar Respublikasının Baş naziri Əlövsət ­Baxşıyev çıxış edərək bildirib ki, təqdimatı olan bu çoxtranşlı kredit sazişi 2008-ci ildə bağlanılıb. Layihə Azərbaycan Respublikası Hökuməti və Asiya İnkişaf Bankı arasında bağlanmış kredit sazişinə əsasən Naxçıvan şəhərində uğurla həyata keçirilib, şəhərdə müasir içməli su və kanalizasiya şəbəkəsi qurulub. Bu gün Naxçıvan şəhərində əhali 24 saat davamlı, keyfiyyətli və təmiz içməli su ilə təmin olunur.
Ayrılmış vəsaitin səmərəli istifadəsi nəticəsində qənaət edilən vəsait hesabına Şıxmahmud, Xəlilli və Şəkərabad kəndlərində ən müasir texnologiyalardan ibarət su təchizatı və kanalizasiya sistemləri yaradılıb. Nəticədə, həmin kəndlərdə 53,7 kilometr su, 49,6 kilometr kanalizasiya xətti çəkilib, 1679 ev birləşməsi aparılıb, 10 min sakin içməli su ilə təmin edilib, evlər kanalizasiya şəbəkəsinə qoşulub.

Öz dadı, görünüşü və digər üstün keyfiyyətlərinə görə Azərbaycanda, eyni zamanda qonşu ölkələrdə də yüksək qiymətləndirilən Naxçıvan balının və arıçılıq məhsullarının tanıdılmasına muxtar respublikada böyük diqqət göstərilir. Artıq ənənə halını alan festivalların keçirilməsi bu qiymətli ərzaq məhsulunun təqdimi və təbliği baxımından mühüm əhəmiyyət daşıyır. 

Türkiyənin Şərqi Anadolu Jurnalistlər Cəmiyyətinin xətti ilə qardaş ölkənin bir qrup media nümayəndəsi oktyabrın 20-də Naxçıvan Muxtar Respublikasında səfərdə olmuşdur. Onlar ölkələrinə qayıtdıqdan sonra dogugazetesi.com, guvengazetesi.com.tr, gazetekars.com.tr, haberler.com, sanalbasın.com, yesiligdir.com.tr və Türkiyənin ən böyük informasiya portalı olan milliyet.com.tr saytlarında Naxçıvan səfərləri barədə məqalə və xəbərlər yerləşdirmiş, fotoşəkillər paylaşmışlar. Ərzincan Jurnalistlər Cəmiyyətinin sədri Mücahid Özdəmirin dogugazetesi.com saytında yerləşdirdiyi “Naxçıvan qeydləri” məqaləsini təqdim edirik.

“Naxçıvanqala” Tarix-Memarlıq Muzey Kompleksində keçirilən və iki gün davam edən üçüncü “Arıçılıq məhsulları-bal festivalı” oktyabrın 21-də başa çatıb.

Həmin gün arıçılar arasında “Ən yaxşı arıçılıq məhsulları-bal” nominasiyası üzrə keçirilən müsabiqənin nəticələri elan edilib.  Müsabiqədə I yerə Ordubad rayonunun Ələhli kəndindən olan arıçı Yaşar Həbibov, Şahbuz rayonun Şahbuz şəhərindən Allahverdi Allahverdiyev, Babək rayonunun Babək qəsəbəsindən Hüseyn Orucov, II yerə Naxçıvan şəhərinin 54-cü məhəlləsindən İmran Məmmədov, Culfa rayonunun Kırna kəndindən Həsən Məmmədov, Şərur rayonunun Günnüt kəndindən Fikrət Məmmədov,  III yerə Culfa rayonunun Kırna kəndindən Fəxrəddin Vəliyev, Kəngərli rayonunun Təzəkəndindən Habil Abbasov, Sədərək rayonunun Sədərək kəndindən Mahir Əliyev layiq görülüblər. 

Oktyabrın 20-də Naxçıvan Şəhər İcra Hakimiyyətinin iclas zalında “Azərbaycan Respublikasının Prezidenti İlham ­Əliyev multikulturalizmin Azər­baycan modeli haqqında” kitabın təqdimatı keçirilib.
Tədbiri Naxçıvan Muxtar Respublikası Dini Qurumlarla İş üzrə Dövlət Agentliyinin direktoru Vüqar Babayev açıb. Bildirib ki, Azərbaycan, rus və ingilis dillərində nəşr edilən kitabda Prezident cənab İlham Əliyevin 2003-cü ildən bəri müsahibə və çıxışlarında multikulturalizmin Azərbaycan modeli haqqında dəyərli fikirləri toplanıb. Bu qiymətli nəşrdə dövlətimizin başçısının təşəbbüsü və rəhbərliyi ilə ölkəmizin multikulturalizmin, o cümlədən mədəniyyətlərarası və dinlərarası dialoqun inkişafı sahəsində həyata keçirdiyi layihələrdən həm ölkə daxilində, həm də beynəlxalq miqyasda bu sahədə əldə edilən nailiyyətlərdən danışılır.
Tədbirdə çıxış edən Bakı Beynəlxalq Multikulturalizm Mərkəzinin Himayəçilik Şurasının sədri, kitabın tərtibçisi, akademik Kamal Abdulla bildirib ki, Azərbaycanda multikulturalizmin çox ciddi tarixi, coğrafi, ideoloji, siyasi əsasları var. Ulu öndər Heydər Əliyevin xalqımız qarşısındakı xidmətlərindən biri də ölkə­mizdə multikulturalizmin inkişafına böyük qayğı göstərməsi idi. Bu siyasəti bu gün Prezident cənab İlham Əliyev əzmlə davam etdirir və multikulturalizmi dövlət siyasəti səviyyəsinə çatdırıb. Dövlət başçısı­nın rəhbərliyi ilə aparılan multi­kulturalizm siyasəti ölkə daxilində inteqrasiya proseslərini sürətləndirir. Beynəlxalq müstəvidə isə bu siyasət mədəniyyətlərarası və dinlərarası dialoqun inkişafına güclü təsir göstərir.

Dünən Türkiyənin Şərqi Anadolu Jurnalistləri Federasiyasının üzvü olan media qurumlarının nümayəndələri Naxçıvan Muxtar Respublikasına gəliblər. Qonaqlar əvvəlcə Xan Sarayı Dövlət Tarix-Memarlıq, Möminə Xatın və Açıq Səma Altında Muzey Kompleksi ilə tanış olublar.
Açıq səma altında nümayiş etdirilən daş abidələr türkiyəli media nümayəndələrinin böyük marağına səbəb olub. Burada məlumat verilib ki, Açıq Səma Altında Muzey Naxçıvan Muxtar Respublikası Ali Məclisi Sədrinin 2002-ci il 11 iyun tarixli Sərəncamına əsasən Naxçıvan şəhərindəki Əcəmi seyrəngahında yaradılıb.
Möminə xatın türbəsi ilə tanışlıq zamanı bildirilib ki, bu abidə tanınmış memar Əcəmi Əbubəkr oğlu Naxçıvani tərəfindən 1186-cı ildə tikilib. O, Naxçıvanda yaranan Əcəmi memarlıq məktəbinin şah əsəridir.
Xan sarayında olarkən qonaqların diqqətinə çatdırılıb ki, bu muzey Ehsan xanın atası Kalbalı xan Kəngərli tərəfindən 1760-cı illərdə tikdirilib.
Qonaqlar Naxçıvan şəhərindəki “Naxçıvanqala” Tarix-Memarlıq Muzey Kompleksi ilə tanışlıq zamanı burada keçirilən üçüncü “Arıçılıq məhsulları – bal festivalı”nda da iştirak ediblər. Dad-tamı, yüksək keyfiyyəti ilə seçilən Naxçıvan balı, muxtar respublikanın müxtəlif arıçılıq təsərrüfatlarının istehsal etdiyi, insan orqanizmi üçün əvəzsiz faydası olan digər arıçılıq məhsulları media nümayəndələrinin diqqətini cəlb edib.
Nuh Peyğəmbərin türbəsində qeyd olunub ki, bu abidənin qədim dövrlərdən mövcud olduğu elmi araşdırmalarla öz təsdiqini tapıb. Türbə Naxçıvan Muxtar Respublikası Ali Məclisi Sədrinin 2006-cı ildə imzaladığı “Nuh Peyğəmbərin Naxçıvan şəhərindəki məzarüstü abidəsinin bərpa edilməsi haqqında” Sərəncama əsasən mükəmməl şəkildə bərpa edilib.

Müstəqil Azərbaycan dövlətinin xilaskarı, memarı və qurucusu ulu öndər Heydər Əliyevin təşəbbüsü ilə 1978-ci il oktyabr ayının 23-də yeni bir inzibati ərazi vahidi – Babək rayonu təşkil olundu. Bu rayonun Xalq qəhrəmanı Babəkin adını əbədiləşdirməklə  təşkil edilməsi məhz dahi şəxsiyyət Heydər Əliyevin ideyası idi. Hələ Sovetlər Birliyi dönəmində bu addımın atılması Onun iradəsinin, qətiyyətinin, Naxçıvanın sosial-iqtisadi problemlərinin həllinə göstərdiyi diqqətin nümayişi idi. Həmin tarixi gündən artıq 40 il ötür. “Babək rayonunun təşkil olunmasının 40 illiyi haqqında” Naxçıvan Muxtar Respublikası Ali Məclisi Sədrinin imzaladığı ­Sərəncam isə müstəqillik illərində rayonun inkişaf salnaməsinin yazılmasına şərait yaradan mühüm dövlət sənədidir. 

Bu il 40 illik yubileyini qeyd etdiyimiz Babək rayonu muxtar respublikanın əhalisi və ərazisinə görə böyük, neçə-neçə emal və sənaye müəssisəsinin mövcud olduğu, müasir görünüşü ilə diqqətçəkən bir yaşayış məntəqəsidir. Hər il Babək qəsəbəsi və ətraf kəndlərdə kompleks qurucu­luq işlərinin aparılması, yeni yaşayış və inzibati binaların inşa olunması, yol-nəqliyyat, rabitə infra­strukturu ilə bağlı layihələrin reallaşdırılması demoqrafik vəziyyətin artımına müsbət təsir göstərib. Statistik rəqəmlərə diqqət yetirsək, görərik ki, rayonun təşkil olunduğu 1978-ci ildə əhalinin sayı 43 min nəfər olmuşdursa, hazırda bu rəqəm 75 min 291 nəfərə çatıb.

Məğlubedilməzliyi, qəhrəmanlığı, vətənsevərliyi ilə əsrlərboyu tarixdə iz qoyan Oğuz yurdu Naxçıvan ötən ay daha bir beynəlxalq tədbirə ev sahibliyi etdi. Bu dəfə Avropanın diplomatları, səfirləri və digər qonaqlar Avropanı Naxçıvanda kəşf etdilər. Üç gün ərzində burada sübut olundu ki, “Avropa günləri”nə ev sahibliyi edən Naxçıvan Şərqin günəşi olduğu kimi, Qərbin də bir çox şəhərlərinə nümunə olacaq şəkildə inkişaf edir, gözəlləşir. Nuh yurdu öz milli dəyərlərinə, tarixi köklərinə söykənərək minilliklər boyu qazandıqlarını bir daha nümayiş etdirdi.

Naxçıvan Dövlət Universitetində fəaliyyət göstərən Heydər Əliyev Universitetinin “Ulu öndər Heydər Əliyev Azərbaycanın dövlət müstəqilliyinin banisidir” mövzusunda növbəti məşğələsi keçirilib.
Lektoriyanı giriş sözü ilə açan universitetin rektoru, AMEA-nın müxbir üzvü Saleh Məhərrəmov qeyd edib ki, 1991-ci ildə müstəqilliyini bərpa edən Azərbaycan dövlət müstəqilliyini ümummilli lider Heydər Əliyevin ­xilaskarlıq missiyası, uzaqgörən siyasəti nəticəsində qoruyub saxlaya bilmişdir. Milli dövlətçilik quruculuğu prosesi isə ulu öndərin Ali Məclisin Sədri vəzifəsində işlədiyi dövrdə məhz Onun tərəfindən həyata keçirilməyə başlanıb.
Vurğulanıb ki, ulu öndərin layiqli siyasi varisi Prezident cənab İlham Əliyevin rəhbərliyi ilə əldə edilən çoxsaylı nailiyyətlər ulu öndərimizin müstəqil Azərbaycanın gələcəyi üçün nəzərdə tutduğu bütün işlərin böyük uğurla həyata keçirildiyini sübut edir.

Oktyabrın 17-18 -də Naxçıvan Muxtar Respublikasında səfərdə olan İsrail Dövlətinin Azərbaycandakı fövqəladə və səlahiyyətli səfiri Dan Stav muxtar respublikanın tarixi abidələri, mədəniyyət və istehsal müəssisələri ilə yaxından tanış olub.
Qonaq əvvəlcə ulu öndər Heydər Əliyevin Naxçıvan şəhərinin baş meydanında əzəmətlə ucalan abidəsinin önünə gül dəstəsi qoyub.
“Naxçıvan bağları” tərəvəz məhsulları istilik kompleksinin Naxçıvan şəhərində fəaliyyət göstərən istixanasında olan səfirə kompleksdəki mövcud şərait barədə geniş məlumat verilib. Diqqətə çatdırılıb ki, istixanada mövsüm boyu əhalinin tərəvəz məhsullarına olan tələbatını ödəmək üçün şitillər müəyyən zaman intervalında əkilir. Bu il kompleksdə bir hektara yaxın sahədə altı sortda pomidor şitili əkilib. Hazırda isə avqust ayında əkilən bitkilər ­becərilir, noyabr ayının sonlarına isə məhsul yığımı planlaşdırılır.
Duz Muzeyinə gələn səfirə məlumat verilib ki, muzey bu il aprelin 25-də istifadəyə verilib. Burada 81 eksponat, o cümlədən duzdan hazırlanmış müxtəlif fiqurlar, Naxçıvan Duzdağı haqqında nəşr olunmuş kitablar, Naxçıvan şəhəri, Nuh Peyğəmbər və Naxçıvan, Duzdağ mədəniyyəti və duz yataqları haqqında dərc olunmuş qəzet materialları, “Duzdağ” sənədlər toplusu nümayiş olunur.

Məmməd Araz Vətən sevgisi ilə nəfəs alan, bu yurdun sevincini, qəm-kədərini, poetik fəlsəfəsini hər kəsin anlaya biləcəyi sadə dillə qələmə alan şair-publisistlərimizdəndir.

Azərbaycan xalqı XX əsrdə iki dəfə öz müstəqilliyini elan etmişdir. Azərbaycan Xalq Cümhuriyyətinin yaradılması ilə Azərbaycanın adı Şərqin və Türk dünyasının tarixinə ilk respublikanın qurulduğu ölkə kimi düşmüşdür. Lakin təəssüf ki, bu respublika cəmi 23 ay fəaliyyət göstərmiş, Azərbaycan XX əsrin sonlarında ikinci dəfə müstəqillik əldə etmişdir. 

İbrahim Qafar oğlu Səfiyev 1898-ci ildə Şərurda doğulmuşdur. Atasını üç yaşında itirən İbrahim Səfiyev ilk təhsilini Cəlilkənd məktəbində almış, sonralar İrəvan Müəllimlər Seminariyasında oxumuşdur.
İbrahim Səfiyev kiçik yaşlarından rəsmə həvəs göstərmiş, 12 yaşında “Araz balıqçıları” adlı ilk rəsm əsərini çəkmişdir. İki il Moskvadakı Rəssamlıq Akademiyasında oxuyan İbrahim Səfiyev Rusiyadakı 1917-ci il hadisələrinə görə təhsilini yarımçıq buraxıb Naxçıvana qayıdır. Şərurda rəsm çəkib çörəkpulu qazanan İbrahim Səfiyev Birinci Dünya müharibəsi illərində Türkiyənin Qafqaz islam ordusunun tərkibində Türkiyəyə gedir və ömrünün sonuna qədər orada yaşayır.
İstanbulda İncəsənət Akademiyasına daxil olan İbrahim Səfiyev 1923-cü ildə buradan məzun olur və Türkiyənin məşhur rəssamı Namiq İsmayılın emalatxanasında işləyir. 1920-ci ildə Türkiyədə keçirilən Avropa rəssamlarının müsabiqəsində qalib olur və mükafat alır.
İbrahim Səfiyev 1924-cü ildən etibarən sərgilərdə iştirak etməyə başlayır. İkinci Dünya müharibəsinin başlanması ilə hərbi xidmətə çağırılan rəssam orduda qulluğunu tamamladıqdan sonra həmişəlik İstanbulda məskunlaşaraq həyatını sənətə bağlayır.

Naxçıvan Muxtar Respublikası Gənc­lər və İdman, Mədəniyyət nazirlikləri və Yeni Azərbaycan Partiyası Naxçıvan Muxtar Respublika Təşkilatının Heydər Əliyev adına Gənclər Birliyinin birgə təşkilatçılığı ilə Daxili Qoşunların “Naxçıvan” Əlahiddə Əməliyyat Briqadasında gənclərin əsgərlərlə görüşü təşkil edilib.
18 oktyabr – Dövlət Müstəqilliyi Günü münasibətilə keçirilən görüşün məqsədi gənclərə vətənpərvərlik hissinin aşılanması, çağırışyaşlı gənclərin hərbi xidmətə hazırlanması, onların Vətənə məhəbbət, dövlətə sədaqət ruhunda tərbiyə olunması və əsgərlərdə ruh yüksəkliyinin artırılmasından ibarət olub.
Görüşdə Gənclər və İdman Nazirliyinin Gənclərlə iş şöbəsinin müdiri Tahir Məmmədli, Daxili Qoşunların “Naxçıvan” Əlahiddə Əməliyyat Briqadasının zabiti, kapitan Orxan Seyidov çıxış edərək tədbirin əhəmiyyətindən danışıblar.

Naxçıvan Dövlət Universitetində 18 oktyabr – Dövlət Müstəqilliyi Gününə həsr olunmuş “Müstəqilliyimiz əbədidir” adlı konfrans keçirilib.

Azərbaycan Respublikasının Dövlət Himninin səsləndirilməsindən sonra konfransı giriş sözü ilə universitetin rektoru, AMEA-nın müxbir üzvü Saleh Məhərrəmov açaraq müstəqilliyin ilk illərində Azərbaycan xalqının üzləşdiyi çətinliklərdən danışıb.
Bildirilib ki, dövlət müstəqilliyimiz 1991-1993-cü illərdə süquta uğramaq təhlükəsi ilə üz-üzə qalanda məhz ümummilli lider ­Heydər Əliyevin Azərbaycan rəhbərliyinə qayıdışı ilə ölkəmiz parçalanmaq, məhv olmaq təhlükəsindən xilas olub, ictimai-siyasi, sosial-iqtjisadi, elmi-mədəni həyatda köklü islahatlara, dövlət ­quruculuğu prosesinə başlanılıb. Ulu öndərin siyasətinin bu gün Prezident İlham Əliyev tərəfindən layiqincə davam etdirilməsindən bəhs edən rektor Dövlət Müstəqilliyi Günü münasibətilə müəllim və tələbələri təbrik edib.

Yeni Azərbaycan Partiyası Naxçıvan Şəhər Təşkilatı Azərbaycan Respublikasının dövlət müstəqilliyinin bərpasının 27-ci ildönümünə həsr olunmuş “Ümummilli lider Heydər Əliyev və müstəqil Azərbaycan” mövzusunda elmi-praktik konfrans keçirib. Tədbiri giriş sözü ilə Yeni Azərbaycan Partiyası Naxçıvan Şəhər Təşkilatının sədri, Naxçıvan Muxtar Respublikası Ali Məclisinin deputatı Elman Cəfərli açıb.
Təşkilatın sədr müavini, Heydər Əliyev Muzeyinin direktoru, Azərbaycan Respublikasının Əməkdar mədəniyyət işçisi Ramil Orucəliyev “Naxçıvandan başlanan müstəqil dövlət quruculuğu” mövzusunda çıxış edərək bildirib ki, ümummilli lider Heydər Əliyevin 1990-cı il iyulun 22-də Moskvadan doğma Naxçıvana qayıdışı müasir tariximizin son dərəcə ağır və mürəkkəb dövründə dövlətçiliyimizin xilasının başlandığı gün və mühüm tarixi hadisədir. Bu qayıdış Vətənin məşəqqətli və böhranlı günlərində obyektiv tarixi zərurətin və istiqlalımız naminə ali missiyanın təntənəsinə çevrildi. Bu tarixi missiya, ilk növbədə, 1990-cı il noyabrın 17-də ulu öndər Heydər Əliyevin sədrliyi ilə keçirilən Naxçıvan MSSR Ali Sovetinin ilk sessiyasının qəbul etdiyi mühüm qərarlarda özünü göstərdi.

Naxçıvan şəhərinin 2018-ci il üçün İslam Mədəniyyətinin Paytaxtı seçilməsi ilə əlaqədar dünyanın müxtəlif xəbər agentliklərində, qəzet və jurnallarında maraqlı yazılar dərc olunur. Bu günlərdə Tacikistanın nüfuzlu avesta.tj informasiya saytında da Naxçıvan şəhərinin İslam Mədəniyyətinin Paytaxtı seçilməsi ilə bağlı məqalə yerləşdirilib. Həmin məqaləni təqdim edirik.

2009-cu ilin oktyabrında İslam Əməkdaşlıq Təşkilatına üzv ölkələrin mədəniyyət nazirlərinin VI konfransında qəbul edilən qərara əsasən Naxçıvan şəhəri 2018-ci ildə İslam Mədəniyyətinin Paytaxtı elan edilmişdir. Naxçıvanın İslam Mədəniyyətinin Paytaxtı seçilməsi tarixi bir hadisədir.
Bu il Naxçıvan Dövlət Musiqili Dram Teatrında “Naxçıvan İslam Mədəniyyətinin Paytaxtı – 2018”in açılış mərasimi keçirilmişdir. Yaxın və Orta Şərqin görkəmli şəhərlərindən biri olan Naxçıvan öz böyük keçmişi dövründə İslam mədəniyyətinin əsrlərboyu əldə etdiyi nailiyyətlərin layiqli mühafizəsi və inkişafında xüsusi rol oynamışdır. Tədbirdə İslam Təhsil, Elm və Mədəniyyət Təşkilatının (İSESCO) baş direktoru Əbdüləziz Osman əl-Tuveycri, mədəniyyət nazirləri və yeddi xarici ölkənin, o cümlədən Tacikistanın nümayəndələri iştirak etmişlər.

Naxçıvan Muxtar Respublikası Ali Məclisinin Sədri yanında Dövlət Qulluğu Məsələləri üzrə Komissiya 2018-ci ilin 9 ayında fəaliyyətini qanunvericiliyin tələblərinə uyğun qurmuş, dövlət qulluğuna qəbul mərkəzləşdirilmiş qaydada müsabiqə və şəffaflıq əsasında keçirilmişdir. 2018-ci il 5 mart tarixdə elan edilmiş müsabiqəyə 35 dövlət orqanından 294 vakant vəzifə çıxarılmış, həmin vəzifələrin tutulması üçün 395 sənəd təqdim edilmişdir. 

Müsahibələrdə iştirak edən 123 namizəddən 64-ü keçid balını toplayaraq müvəffəqiyyət qazanmışdır. Qanunvericiliyə uyğun olaraq keçid balını toplamış 56 namizədin sənədləri dövlət orqanlarına göndərilmiş və onlar müvafiq vəzifələrə təyin edilmişlər. Komissiyada 45 namizəd tərəfindən vakant aparat rəhbəri, şöbə müdiri və sektor müdiri vəzifələrinin tutulması üçün test imtahanları keçirilmiş, onlardan 18-i müvəffəqiyyət qazanmışdır.
Dövlət orqanları tərəfindən dövlət qulluğuna dair qanunvericiliyin düzgün tətbiqinə nəzarət edilmiş, qanunvericiliyə uyğun olmayan 1 qərar ləğv etdirilmişdir.

Naxçıvan Muxtar Respublikası Səfərbərlik və Hərbi Xidmətə Çağırış üzrə Dövlət Xidmətində gənc­lərin müddətli həqiqi hərbi xidmətə yola salınması mərasimi keçirilib.
Əvvəlcə Azərbaycan Respublikasının Dövlət Himni səsləndirilib.
Tədbiri Naxçıvan Muxtar Respublikası Səfərbərlik və Hərbi Xidmətə Çağırış üzrə Dövlət Xidməti rəisinin müavini, mayor Cavid Məmmədov açıb.
Mərasimdə Naxçıvan Muxtar Respublikası Müharibə, Əmək, Silahlı Qüvvələr və Hüquq-Mühafizə Orqanları Veteranları Şurasının sədr müavini Sultan İsmayılov, ədliyyə nazirinin müavini Emin Səfərov, gənclər və idman nazirinin müavini Mirməcid Seyidov, təhsil nazirinin müavini Ovni Muradov çıxış edərək əlamətdar hadisə münasibətilə çağırışçıları və onların valideynlərini təbrik ediblər.

Dövlətçilik tarixinə malik elə bir xalq yoxdur ki, o xalqların inkişafında liderlərin rolu olmasın. Çünki liderlər hər zaman öz ölkə­sinin mənafeyini düşünərək, xalqının azadlıq və müstəqillik ideyalarını əsas götürərək onun uğrunda mübarizə aparırlar. Xalqımızın dahi oğlu Heydər Əliyev də həyatının bütün mərhələlərində Azərbaycana xidmət etmiş, onun müstəqilliyi üçün çalışaraq Vətənə xidmətin nümunəsini yaratmışdır. Bu gün isə müstəqil Azərbaycanda ulu öndərin quruculuq yolu, inkişaf strategiyası Prezident İlham Əliyev tərəfindən uğurla inkişaf etdirilir. Cənab İlham Əliyev 15 il bundan əvvəl – 2003-cü il oktyabrın 15-də seçicilərinin böyük səs çoxluğu ilə dövlət başçısı seçildikdən sonra ölkəmizi dünya dövlətləri sırasında layiqli, eyni zamanda nüfuzlu yerə yüksəltməklə ulu öndərimizin Azərbaycan haqqında arzularını reallaşdırmışdır.
Ötən dövr onu göstərdi ki, əgər 1993-cü il oktyabrın 3-də ümummilli lider Heydər Əliyev xalqın böyük dəstəyilə dövlət başçısı seçilərək ölkəmizi ağır təlatümlərdən, müstəqilliyimizi məhv olmaqdan qurtarmışdırsa, cənab İlham Əliyev bu müstəqilliyi daha da inkişaf etdirərək Azərbaycanın beynəlxalq arenada güclənməsini, onun uzunmüddətli inkişafını təmin etmişdir. Bu mənada, 15 oktyabr tarixi ölkəmizin ən yeni tarixində Heydər Əliyev quruculuq xəttinə sədaqətin təzahürü kimi böyük əhəmiyyət daşıyır. Eyni zamanda 2003-cü ilin 15 oktyabr seçkiləri bir daha təsdiqlədi ki, xalqımız ümummilli lider Heydər Əliyevin siyasi kursuna sadiqdir. Çünki bu kurs ölkəyə və onun vətəndaşlarına xidmət yolunu özündə əks etdirir. Azərbaycan Respublikasının Prezidenti ­cənab İlham Əliyevin dediyi kimi: “Azərbaycan xalqı Heydər Əliyev siyasətinə səs veribdir. Sülhə, əmin-amanlığa, tərəqqiyə, inkişafa, quruculuğa, sabitliyə səs veribdir. Bu siyasətə Azərbaycanda alternativ yoxdur. Mən Azərbaycanın xoşbəxt gələcəyinə inanıram. Əminəm ki, ölkəmiz bundan sonra da inkişaf edəcək, daha da güclənəcəkdir. Ölkəmiz müasir dövlətə çevriləcəkdir. Ancaq bütün bunları həyata keçirmək və Azərbaycanı qüdrətli dövlətə çevirmək üçün ən başlıcası ölkədə Heydər Əliyev siyasəti davam etdirilməlidir”.

 “Naxçıvan Dəmir Yolları” Məhdud Məsuliyyətli Cəmiyyətində dəmiryolçuların peşə bayramı günü münasibətilə keçirilən tədbiri cəmiyyətin direktoru  Mahir Əliyev açaraq kollektivin bayramını təbrik edib, onlara işlərində uğurlar arzulayıb. Bildirib ki, ölkəmizdə əsas sahələrdən biri olan dəmir yolu nəqliyyatının yaradılmasının bu il 138 ili tamam olur. Dəmiryol işçilərinə göstərilən yüksək diqqətin nəticəsidir ki, Azərbaycan Respublikasının  Prezidenti cənab İlham Əliyevin 5 oktyabr 2005-ci il tarixli sərəncamı ilə hər il oktyabrın 13-ü ölkəmizdə dəmiryolçuların peşə bayramı günü kimi təntənə ilə qeyd edilir.   

Qeyd olunub ki, muxtar respublikamızda iqtisadiyyatın bütün sahələrinin inkişafı ilə yanaşı görülən işlər sırasında dəmiryol nəqliyyatının fəaliyyəti də mühüm əhəmiyyət kəsb edir. Bu gün dəmir yolunun inkişafı istiqamətində həyata keçirilən tədbirlər, yaradılan nümunəvi iş şəraiti, dəmiryolçulara göstərilən dövlət qayğısı onların əməyinə verilən ən yüksək qiymətdir. Ötən illər ərzində dövlətimiz tərəfindən muxtar respublika dəmiryolçularının əməyi yüksək qiymətləndirilib, onlardan 2-si Azərbaycan Respublikası Prezidentinin fərdi təqaüdünə, 1-i “Şöhrət” ordeninə, 3-ü “Azərbaycan Respublikasının Əməkdar mühəndisi” fəxri adına layiq görül­üb, 24 dəmiryolçu “Tərəqqi” medalı ilə təltif olunub.

Naxçıvan şəhərinin 2018-ci il ölkəmizin Gənclər Paytaxtı seçilməsi ilə əlaqədar ali və orta ixtisas təhsili müəssisələrinin birinci kursunda təhsil alan tələbələrlə “Gələcəyə doğru” layihəsi adı altında görüş keçirilmişdir.
Görüş Naxçıvan Muxtar Respublikası Gənclər və İdman Nazirliyi, Yeni Azərbaycan Partiyası Naxçıvan Muxtar Respublika Təşkilatının İcra Katibliyi və təşkilatın Heydər Əliyev adına Gənclər Birliyi tərəfindən təşkil olunmuşdur.
Tədbirdə Naxçıvan Muxtar Respublikası Ali Məclisi Aparatının Humanitar siyasət məsələləri və ictimai təşkilatlarla iş şöbəsi müdirinin müavini Sahir Rüstəmov çıxış edərək bildirmişdir ki, Naxçıvan Muxtar Respublikası Ali Məclisi Sədrinin diqqət və qayğısı ilə muxtar respublikada gənclik mərkəzləri, elektron kitabxanalar, mədəniyyət evləri, ali və orta ixtisas təhsili müəssisələri üçün yeni tədris korpusları, olimpiya-idman kompleksləri, idman mərkəzləri tikilərək gənclərin istifadəsinə verilib. Gənc istedadlar dövlət qayğısı ilə əhatə olunub. Dövlət idarəçiliyinin bütün sahələrində gənclər irəli çəkilir. Muxtar respublikada gənclərin təşkilatlanması və fəaliyyəti üçün hərtərəfli şərait yaradılıb. Gənclərlə iş sahəsində muxtar respublikada Gənclər və İdman Nazirliyi, Gənclər Fondu, Yeni Azərbaycan Partiyası Naxçıvan Muxtar Respublika Təşkilatının Heydər Əliyev adına Gənclər Birliyi, partiyanın şəhər və rayon təşkilatlarının Gənclər birlikləri, ali və orta ixtisas təhsili müəssisələrində tələbə­-gənclər təşkilatları fəaliyyət göstərir.

Cənubi Qafqaz respublikaları ilə Тürkiyə arasında bağlanmış Qars müqaviləsindən 97 il ötür. Qars müqaviləsi ilə Тürkiyə və Cənubi Qafqaz respublikaları arasında ərazi-sərhəd məsələləri həll оlundu. Bu müqavilənin əsas müddəaları Mоskva müqaviləsinin müvafiq ­maddələri ilə üst-üstə düşürdü. Qars müqaviləsi Moskva müqaviləsi ilə müəyyənləşdirilmiş müddəaların təsdiq edilməsi idi.

“Böyük Ermənistan” yaratmaq üçün bir sıra torpaqlara iddialı olan ermənilər Naxçıvanı Azərbaycandan qoparmaq üçün bütün vasitələrdən istifadə edirdilər. 1918-1920-ci illərdə ermənilər Naxçıvanda soyqırımlar törətmiş, lakin əhalini tabe edə bilməmişdilər. 1920-ci il oktyabrın 28-də Sovet Rusiyası ilə daşnak Ermənistanı arasında bağlanmış müqavilədə isə Azərbaycanın rəyi nəzərə alınmadan Zəngəzur Ermənistana güzəşt edilmişdi.
1920-ci il noyabrın 29-da Ermə­nistanda bolşevik hakimiyyəti yaradılmışdır. Bu münasibətlə Azərbaycan Hərbi İnqilab Komitəsi 1 dekabr 1920-ci ildə bəyanatla çıxış etmişdir. Azərbaycan Hərbi İnqilab Komitəsinin bəyanatı Naxçıvan və Zəngəzurun müsəlman əhalisinin güclü narazılığına səbəb olmuşdur. Naxçıvan əhalisi diyarın Azərbaycandan qoparılmasına ciddi etiraz etmişdir. Bu bəyanat Türkiyə nümayəndələrinin də etirazı ilə qarşılanmışdı. Vəziyyətin kəskinləşdiyini görən Azərbaycan rəhbərliyi Behbud ağa Şahtaxtinskini Naxçıvana göndərmişdir. Naxçıvana gələn Behbud ağa Şahtaxtinski burada yerləşən türk nümayəndələri ilə münasibətləri normallaşdıraraq onlarla birgə Naxçıvanın Ermənistan tərəfindən nəzarətə götürülməsinin qarşısını almaq üçün fəaliyyətə başlamışdır.

Konfransı giriş sözü ilə Babək Rayon İcra Hakimiyyətinin başçısı Rasim Hüseynov açaraq bildirib ki, Naxçıvan Muxtar Respublikası Ali Məclisinin Sədri cənab Vasif Talıbov 2018-ci il fevralın 16-da “Babək rayonunun təşkil olunmasının 40 illiyi haqqında” Sərəncam imzalayıb. Tədbirlər Planı təsdiq edilib. Tədbirlər Planına əsasən bu gün Babək Rayon İcra Hakimiyyəti, İqtisadiyyat Nazirliyi, Dövlət Statistika Komitəsi və AMEA-nın Naxçıvan Bölməsinin təşkilatçılığı ilə “Babək rayonu 40 ildə” mövzusunda konfrans keçirilir.
Qeyd olunub ki, 1978-ci il oktyabrın 23-də ümummilli liderimiz Heydər Əliyev tərəfindən yaradılan Babək rayonu bu gün müasir inkişaf dövrünü yaşayır. Dahi şəxsiyyətin yolunun ölkəmizdə, eləcə də onun Naxçıvan Muxtar Respublikasında uğurla davam etdirilməsinin nəticəsidir ki, rayonda bütün sahələrdə irəliləyişlərə nail olunub, infra­struktur yenilənib.
İcra başçısı rayonun davamlı inkişafına göstərdiyi diqqət və qayğıya, 40 illik yubileyinin dövlət səviyyəsində qeyd olunmasına görə Naxçıvan Muxtar Respublikası Ali ­Məclisinin Sədrinə rayon ictimaiyyəti adından dərin minnətdarlığını bildirib.

Muxtar respublikamızda həyata keçirilən uğurlu sosial-iqtisadi inkişaf strategiyası nəticəsində iqtisadiyyatın şaxələnməsi təmin edilib, makroiqtisadi sabitlik qorunub saxlanılıb, özəl bölmənin inkişafı üçün əlverişli investisiya və rəqabət mühiti formalaşıb, əhalinin maddi rifahı və həyat səviyyəsi xeyli yüksəlib. Aparılan kompleks quruculuq işləri nəticəsində inkişafa, müasirliyə qovuşan yaşayış məntəqələrimizin siması tamamilə dəyişib, yeniləşib.

İnsan amilinə verilən yüksək qiyməti özündə təcəssüm etdirən bu quruculuq prosesində kənd yaşayış məntəqələrimiz özünəməxsus yer tutur. Görülən bu tədbirlər Şərur rayonunun Yengicə kəndini də əhatə edib, bura müasir yaşayış məntəqəsinə çevrilib, şəhər rahatlığı yaradılıb. Əvvəllər kənd sakinləri içməli su təminatından əziyyət çəkirdisə, ­muxtar respublika rəhbərinin diqqət və qayğısı nəticəsində artıq bu məsələ də öz həllini tapıb. Sentyabrın 5-də bu yaşayış məntəqəsində içməli su şəbəkəsinin açılışı olub.
Naxçıvan Muxtar Respublikası Ali Məclisinin Sədri cənab Vasif ­Talıbov bu münasibətlə keçirilən tədbirdə iştirak edib, Yengicə kəndinin içməli su şəbəkəsinin istifadəyə verilməsini bildirən qurğunu işə salıb.

Yeni Azərbaycan Partiyası Şərur Rayon Təşkilatı İbadulla kəndində Azərbaycanın Dövlət müstəqilliyinin 27-ci ildönümünə həsr olunmuş tədbir keçirib.
Tədbirdə təşkilatın sədri, Naxçıvan Muxtar Respublikası Ali ­Məclisinin deputatı Əmir Babayevin məruzəsi dinlənilib. Məruzə ətrafında müzakirələrdə İbadulla kənd ərazi ilk partiya təşkilatının sədri Baxşəli Abdullayev, inzibati ərazi dairəsi üzrə nümayəndə Parlar Əsgərov, gənc partiya üzvü Ülkər Məmmədova və başqaları çıxış ediblər.
Qeyd olunub ki, xalqımızın ən böyük sərvəti kimi müstəqilliyin bərpa edilməsi dövlətçilik tarixində mühüm əhəmiyyətə malikdir. Lakin ermənilərin işğalçılıq siyasəti və daxildəki çəkişmələr müstəqil dövlətimizin varlığını və suverenliyini sual altına qoymuşdu. Məhz bu zaman xalqımız qarşılaşdığı fəlakətlərdən xilas, nicat yolunu ümummilli liderimiz Heydər Əliyevi yenidən siyasi hakimiyyətə gətirməkdə gördü. Xalqın təkidli tələbi ilə 1993-cü ilin iyun ayın­da ikinci dəfə hakimiyyətə qayıdan ümummilli liderimizin rəhbərliyi ilə qısa müddətdə ölkədə siyasi sabitlik yarandı, bütün sahələr üzrə quruculuq işlərinə başlanıldı, respublika müstəqil inkişaf yoluna qədəm qoydu. Bir vaxtlar müstəqil Azərbaycanın başı üzərində cəmi 23 ay dalğalanan üçrəngli bayrağımız bu gün ən yüksək zirvədə, həm də əbədi dalğalanır.
Qeyd edilib ki, bu illər ərzində müstəqilliyimizin möhkəmləndirilməsi, xalqın rifah halının yaxşılaşdırılması, ölkənin sosial-iqtisadi inkişafı üçün ümummilli liderin həyata keçirdiyi məqsədyönlü tədbirlər bu gün ölkə Prezidenti cənab İlham Əliyev tərəfindən uğurla davam etdirilir. Məhz bu strategiya nəticəsində ölkəmiz iqtisadi inkişaf sürətinə görə artıq dünyada yüksək yerlərdə qərar tutur.

Dünən Naxçıvan Muxtar Respublikası Maliyyə Nazirliyində dövlət büdcəsindən maliyyələşən təşkilatlarda sığorta işinin təşkili məsələləri ilə bağlı tədbir keçirilib.
Tədbiri giriş sözü ilə açan maliyyə nazirinin müavini Elçin Əliyev sığortanın müasir cəmiyyət həyatındakı rolundan və dövlət maliyyə siyasətinin həyata keçirilməsindəki əhəmiyyətindən danışıb. Sonra Naxçıvan Muxtar Respublikası Dövlət Baş Sığorta Agentliyinin baş direktoru Hikmət Əsgərov çıxış edərək bildirib ki, muxtar respublikamızda sosial-iqtisadi inkişafın sürətlənməsi ilə sığortaya olan maraq artmaqdadır. Çünki insanların həyatı, sağlamlığı və əmlakının qorunması üçün zəruri tədbirlər görülsə də, qaçınılması mümkün olmayan hadisələr baş verə, insanlara hər hansı bir formada zərərlər dəyə bilər.
Qeyd olunub ki, Naxçıvan Muxtar Respublikasında sığorta işinin müasir tələblər səviyyəsində qurulması istiqamətində ölkəmizdə qüvvədə olan qanunlara əsasən bir sıra icbari və könüllü sığorta növləri üzrə işlər aparılmaqdadır. Bu baxımdan sığortanın müasir tələblərə uyğun şəkildə qurulması işində 2011-ci il 30 noyabr tarixdə Naxçıvan Muxtar Respublikası Ali Məclisində “Muxtar respublikada sığorta fəaliyyəti və qarşıda duran vəzifələr barədə” keçirilən müşavirənin xüsusi əhəmiyyəti vardır.

İnformasiya-kommunikasiya texnologiyalarının sürətli inkişafı ­kibercinayətkarlığın meydana gəlməsinə və gündən-günə artmasına da səbəb olub. Birləşmiş Millətlər Təşkilatının hesabatında hər il 1,5 milyondan çox insanın internet vasitəsilə törədilən cinayətlərin qurbanı olduğu və kibercinayət xarakterli fəaliyyət nəticəsində dəymiş ümumi ziyanın 1 milyard dollardan artıq təşkil etdiyi bildirilir.

Kibercinayətin ən çox yayılmış növü “fişinq” adlanan üsuldur. “Fişinq” kibercinayətin xüsusi növüdür və istifadəçiləri aldatma yolu ilə, adətən, maliyyə xarakterli fərdi məlumatları təqdim etməyə məcbur etməklə həyata keçirilir. Cinayətkarlar bank saytı və ya maliyyə əməliyyatları aparılan istənilən digər sayt kimi görünən saxta veb-saytlar yaradır. Sonra istifadəçiləri bu sayta giriş etməyə sövq edirlər ki, istifadəçilər bu saytda login, parol və ya PIN kod kimi konfidensial məlumatlarını yazsınlar.

“Azerfon” şirkəti korporativ sosial məsuliyyət strategiyası çərçivəsində muxtar respublikanın ali təhsil ocaqlarında təhsil alan tələbələr üçün təqaüd proqramı həyata keçirib.
Naxçıvan Muxtar Respublikası Rabitə və Yeni Texnologiyalar Nazirliyi ilə birgə təşkil olunan layihənin nəticələrinə əsasən dərslərində fəallıq göstərən 5 tələbə müəyyən edilib. Onlar tədris ilinin sonunadək aylıq 200 manat məbləğində təqaüdlə təmin olunacaqlar.
Rabitə və Yeni Texnologiyalar Nazirliyində bu münasibətlə təşkil olunan tədbiri nazir Rövşən Məmmədov açaraq bildirib ki, Naxçıvan Muxtar Respublikası Ali Məclisi ­Sədrinin 2015-ci il iyulun 27-də imzaladığı “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsi haqqında” Sərəncamla müvafiq ixtisaslar Rabitə və Yeni Texnologiyalar Nazirliyinin hamiliyinə verilib. Sərəncamın icrasına uyğun olaraq həmin tələbələrlə mütəmadi görüşlər keçirilir, ixtisaslarına dərindən yiyələnmələri üçün lazımi addımlar atılır. Təşkil olunan tədbir də məhz bu istiqamətdə görülən işlərin davamıdır.
Qeyd olunub ki, müasir dövrdə informasiya texnologiyaları həyatın bütün sahələrini əhatə edir və bu gün muxtar respublikada heç bir sahəni informasiya texnologiyalarından kənarda təsəvvür etmək mümkün deyil. Dünya təcrübəsi göstərir ki, qısa vaxtda çox, həm də keyfiyyətli nəticə əldə etmək üçün bu sahənin inkişafı və daim yenilənməsi vacib məsələdir. Sözügedən inkişaf isə yalnız peşəkar kadrların hesabına mümkündür. Keçirilən bu tədbir də məhz informasiya texnologiyaları sahəsi üzrə təhsilin səviyyəsinin artırılması və yüksəkixtisaslı kadrların hazırlanması işinin stimullaşdırılması məqsədi daşıyır.

Naxçıvan Muxtar Respublikası Ali Məclisində 2018-2019-cu illərin payız-qış mövsümünə hazırlıq və qarşıda duran vəzifələrlə əlaqədar keçirilmiş müşavirədə Dövlət Nəqliyyat Xidmətinə verilmiş tapşırıqların icrası ilə bağlı bir sıra işlər görülmüş, payız-qış mövsümünü uğurla başa vurmaq üçün hazırlıq tədbirləri həyata keçirilmişdir.
Ötən müddətdə payız-qış mövsümü ərzində xəttə çıxacaq nəqliyyat vasitələrinin sazlığının yoxlanılması üçün marşrut avtobusları texniki müayinələrdən keçirilmişdir. Bu məqsədlə sərnişindaşıma ilə məşğul olan 301 avtobus yoxlanılaraq xəttə buraxılmışdır.
Bu işlərin davamı kimi ok­tyabr ayının 3-dən etibarən muxtar respublika üzrə sərnişindaşıma fəaliyyəti göstərən taksilərin də texniki müayinəsi aparılmışdır. Bunun üçün xidmətin mütəxəssislərindən ibarət texniki müayinə komissiyası yaradılmış, Fövqəladə Hallar və Daxili İşlər orqanlarından nümayəndələr dəvət olunmuşdur. Texniki müayinə zamanı avtonəqliyyat vasitələrinin əyləc sistemi, sükan idarə mexanizmi, xarici işıq cihazları, qabaq şüşənin şüşə silgəcləri və şüşəyuyanları, təkərlər və şinlər, mühərrik, yanğınsöndürmə balonu, tibb çantası, qəza üçbucağı və konstruksiyanın digər ünsürləri yoxlanılmış, yanğınsöndürmə balonundan istifadə qaydaları əyani şəkildə nümayiş etdirilmişdir.

Oktyabrın 10-da Naxçıvan Muxtar Respublikası Fövqəladə Hallar Nazirliyində Yanğın təhlükəsizliyi orqanlarının yaradılmasının 100 illiyi və yanğınsöndürənlərin peşə bayramı münasibətilə tədbir keçirilib.
Tədbiri giriş sözü ilə Naxçıvan Muxtar Respublikasının fövqəladə hallar naziri, general-leytenant Şamı Abdullayev açıb.
Naxçıvan Muxtar Respublikası Ali Məclisi Aparatı rəhbərinin müavini, Hüquq-mühafizə orqanları ilə iş şöbəsinin müdiri Cəlil Rüstəmov yanğın təhlükəsizliyi orqanlarının yaranmasının 100-cü ildönümü münasibətilə kollektivi Naxçıvan ­Muxtar Respublikası Ali Məclisinin Sədri adından təbrik edib.
Bildirilib ki, ümummilli lider Heydər Əliyevin 2002-ci il 5 oktyabr tarixli Sərəncamı ilə hər il oktyabrın 10-u yanğınsöndürənlərin peşə bayramı kimi qeyd edilir. 100 il bundan əvvəl yaranan yanğın təhlükəsizliyi orqanları mühüm inkişaf yolu keçib. Naxçıvan Muxtar Respublikası Ali Məclisi Sədrinin diqqət və qayğısı ilə digər hüquq-mühafizə orqanları kimi, fövqəladə hallar orqanlarının da inkişafı təmin edilib və fəaliyyətlərinin müasirləşdirilməsi üçün tədbirlər görülüb. Yanğın təhlükəsizliyi orqanları da muxtar respublikada diqqət və qayğı ilə əhatə olunub, görülən məqsədyönlü tədbirlər nəticəsində yanğından mühafizə sistemi təkmilləşdirilib, maddi­-texniki baza, təminat və təchizat gücləndirilib, şəxsi heyətin sosial-məişət şəraiti yaxşılaşdırılıb. Dövlət Yanğın Təhlükəsizliyi Şöbəsi idarə statusu alıb, onun yerli qurumlarının səlahiyyətləri artırılıb, bu orqanın normal fəaliyyət göstərməsi üçün mövcud inzibati binalar əsaslı təmir edilib, yeni inzibati binalar və texniki qarajlar tikilərək istifadəyə verilib. Hazırda müasir yanğınsöndürmə avtomobilləri və radiostansiyalarla təmin olunmuş yanğın təhlükəsizliyi orqanları ixtisaslı kadrlarla da komplektləşdirilib. Yanğın təhlükəsizliyi orqanları yanğınların qarşısının alınması və söndürülməsi ilə yanaşı, yol-nəqliyyat qəzalarının nəticələrinin aradan qaldırılmasında və ­xilasetmə işlərinin aparılmasında da iştirak edirlər.

Muxtar respublikada fövqəladə hallara hazırlıq sahəsində qarşıya qoyulmuş vəzifələr vaxtında icra olunur. Belə ki, bu ilin ötən dövründə yanğın təhlükəsizliyi şöbələri tərəfindən 12 taktiki-xüsusi təlim keçirilmişdir.
Mülki Müdafiə Alayının və Xüsusi Riskli Xilasetmə Xidmətinin xilasediciləri taktiki-xüsusi təlimə cəlb olunmuş, 9 obyektdə şərti baş vermiş fövqəladə hadisələrin nəticələrinin aradan qaldırılması üzrə ­taktiki-xüsusi təlimlər keçirilmişdir.
Fövqəladə hallar zamanı fəaliyyəti zəruri olan 122 müəssisə və təşkilatın fövqəladə hallara hazırlığı yoxlanılmışdır. Bundan başqa, 169 ümumtəhsil məktəbində, 14 uşaq bağçasında və 166 digər obyektdə mülki müdafiə işinin təşkili vəziyyəti, 17 tibb müəssisəsində ixtisaslaşdırılmış həkim yardım briqadalarının hazırlığı yoxlanılaraq müvafiq tədbirlər görülmüşdür. 2 mərkəzi icra hakimiyyəti orqanının, 1 sahibkarlıq subyektinin və 3 xəstəxananın fövqəladə hallarda fəaliyyət planları işlənib hazırlanmışdır. Həmçinin əhalinin fövqəladə hadisələrdən qorunma qaydaları ilə bağlı 160 obyektdə 4276 nəfərin iştirakı ilə maarif­ləndirici tədbir keçirilmişdir.

Gəlirin, mənfəətin, torpağın, əmlakın, təqdim edilmiş malların, ticarət əlavəsinin və xərclərin uçotunun hüquqi və fiziki şəxslər tərəfindən müstəqil aparılması, vergilərin sərbəst hesablanması və vaxtında büdcəyə ödənilməsi, bəyannamələrin təqdim edilməsi vergi qanunvericiliyinə ­könüllü əməletmə kimi mühüm əhəmiyyət kəsb edir. Bu, həm də yüksək vergi mədəniyyətinin formalaşmasından xəbər verir.
Son illər muxtar respublikada bu sahədə ardıcıl tədbirlər görülüb, maarifləndirmə işlərinin əhatə dairəsi genişləndirilib. Vergi­ödəyiciləri ilə görüşlərdə vergi qanunvericiliyinə könüllü əməl­etmənin üstünlükləri barədə söhbətlərin aparılması öz bəhrəsini verir. Belə ki, bu ilin ötən 9 ayında vergiödəyiciləri tərəfindən hesab­lanmış vergilər vaxtında və tam ödənilib, nəticədə, Naxçıvan Muxtar Respublikasının Vergilər Nazirliyi tərəfindən heç bir vergi borcu qeydə alınmayıb.

Naxçıvan Muxtar Respublikası
Vergilər Nazirliyinin mətbuat xidməti

Ümummilli liderimiz Heydər Əliyevin 2002-ci ildə imzaladığı Sərəncamla hər il oktyabrın 10-u Azərbaycan yanğınsöndürənlərinin peşə bayramı kimi qeyd olunur.
Ulu öndər Heydər Əliyev Azərbaycana birinci rəhbərliyi dövründə yanğın təhlükəsizliyi orqanlarının inkişafını diqqətdə saxlamış, bu sahədəki problemlər öz həllini tapmışdır. “Bir hadisənin qarşısını almaq, o hadisə baş verəndən sonra onun nəticələrini aradan götürməkdən daha asandır”, – deyən ümummilli liderimizin ikinci dəfə ali hakimiyyətə qayıdışından sonra isə yanğın təhlükəsizliyi sisteminin davamlı inkişafını təmin edən ardıcıl tədbirlər görülmüşdür. 1997-ci ildə “Yanğın təhlükəsizliyi haqqında” Azərbaycan Respublikası Qanununun qəbul olunması ilə yanğından mühafizə sisteminin təşkilinin hüquqi əsasları müəyyənləşdirilmişdir. Görülən məqsədyönlü tədbirlər nəticəsində yanğından mühafizə sistemi təkmilləşdirilmiş, şəxsi heyətin sosial-məişət şəraiti yaxşılaşmış, təminat və təchizat məsələləri öz həllini tapmışdır.
Yanğın təhlükəsizliyi orqanları muxtar respublikada diqqət və qayğı ilə əhatə olunmuş, bu sahənin maddi-texniki bazasının gücləndirilməsi, şəxsi heyətin sosial-məişət şəraitinin yaxşılaşdırılması istiqamətində müvafiq tədbirlər görülmüşdür. Belə ki, 2002-ci ildə Sədərək rayonunda hərbiləşdirilmiş yanğın hissəsi yaradılmış və onun fəaliyyətinin təmin edilməsi üçün inzibati bina və texniki qaraj tikilmiş, 2003-cü ildə isə Ordubad və Şahbuz rayonlarında yanğın hissələri hərbiləşdirilmiş yanğın hissələrinə çevrilmişdir. 2004-cü ildə Dövlət Yanğın Təhlükəsizliyi Şöbəsinə İdarə statusu verilmiş, onun yerli qurumları xidmətdən şöbəyə çevrilmiş, Kəngərli rayonunda hərbiləşdirilmiş yanğın hissəsi yaradılmışdır.

Əlahiddə Ümumqoşun Ordunun çətin dağlıq şəraitdə xidmət edən əsgərlərinə isti qış geyimlərinin təqdim edilməsi münasibətilə tədbir keçirilib.
Tədbirdə Naxçıvan Muxtar Respublikası əmək və əhalinin sosial müdafiəsi naziri Cavid Səfərov çıxış edərək bildirib ki, avqustun 4-də Naxçıvan Muxtar Respublikası Ali Məclisində 2018-2019-cu illərin payız-qış mövsümünə hazırlıq və qarşıda duran vəzifələrlə əlaqədar keçirilmiş müşavirədə hərbi hissələr üçün yun corabların toxunması işinin davam etdirilməsi tapşırılıb. Qarşıya qoyulan tapşırığın icrası istiqamətində məhdud fiziki imkanlı 20 qadın tərəfindən toxunmuş 1335 cüt yun corab və 114 ədəd yun şərf bu gün əsgərlərimizə hədiyyə edilir. Corablardan 1000 cütü Əlahiddə Ümumqoşun Ordunun çətin dağlıq şəraitdə yerləşən bölmələrinə, 335 cütü isə “Naxçıvan” Əlahiddə Sərhəd Diviziyasına təhvil verilir.
Qeyd olunub ki, bu kimi tədbirlər məhdud fiziki imkanlı şəxslərin məşğulluğunu təmin etməklə bərabər onların maddi təminatlarının yaxşılaşmasına da müsbət təsir göstərir.