Məlum olduğu kimi, Naxçıvan 2018-ci il üçün İslam Mədəniyyətinin Paytaxtı olmaqla yanaşı, eyni zamanda ölkəmizin Gənclər Paytaxtı da seçilib. Bununla əlaqədar Naxçıvanda həm ölkə, həm də beynəlxalq səviyyəli tədbirlər keçirilir. Bu istiqamətdə reallaşdırılan layihələrdən biri də hər bölgədə yeni “Gənclər bağı”nın salınmasıdır. Müntəzəm olaraq həmin ünvanlarda iməciliklər keçirilir, əkilmiş ağaclara qulluq göstərilir.
Ötən şənbə günü də Naxçıvan Muxtar Respublikası Gənclər və İdman Nazirliyi, Naxçıvan Muxtar Respublikasının Gənclər Fondunun əməkdaşlarının və bir qrup gəncin iştirakı ilə keçirilən növbəti iməcilikdə Naxçıvan şəhəri yaxınlığında salınmış “Gənclər bağı”nda əkilmiş müxtəlif meyvə növlərinə məxsus tinglər suvarılıb, ağaclara aqrotexniki qulluq göstərilib. Ərazi alaq otlarından təmizlənib.
Qeyd edək ki, muxtar respublikanın bütün şəhər və rayonlarında belə iməci­liklər ­keçirilib.
Ekoloji tarazlığın qorunması, bu məqsədlə təbiətin zənginləşdirilməsi, yaşıllıqlara qulluq göstərilməsi muxtar respublikamızın bütün bölgələrində ardıcıl olaraq davam etdirilir. Əsasən, iməciliklər yolu ilə həyata keçirilən bu tədbirlərdə muxtar respublika gəncləri həvəslə iştirak edirlər.

Naxçıvan Muxtar Respublikası Gənclər və İdman Nazirliyinin
mətbuat xidməti

Şərur qədim tarixə malikdir. Bu yaşayış məskəninin adına “Kitabi-Dədə Qorqud” dastanında “Şəruk” kimi rast gəlinir. Tədqiqatlar göstərir ki, hələ eramızdan əvvəl Şərur ərazisində ulu əcdadlarımız yaşayıb-­yaradıblar. Onların özlərindən sonra qoyub getdikləri tarixi və mədəniyyət abidələri isə bu qədim yurdun Azərbaycançılıq möhürüdür.

Ulu Tanrı nadir nemətləri Şərur torpağından əsirgəməyib, bu bölgəyə buludlar yaran dağlar, coşqun çaylar, gözyaşı kimi safsulu bulaqlar, bərəkətli torpaqlar bəxş edib. Mənbəyini bulaq sularından alan əfsanəvi Arpaçay bu qədim yurdun torpaqlarına saflıq, bərəkət gətirir.
Şərur həm ərazisinə, həm də əhalisinin sayına görə təkcə muxtar respublikamızın deyil, ümumilikdə, ölkə­mizin sayılıb-seçilən rayonlarındandır. Əhalisi 116 min nəfərdir. Rayondakı ümumi ərazinin 17 min hektarı suvarılandır. Əzmkarlıqları, dövlətə və dövlətçiliyə sədaqət prinsiplərini əsas amala çevirmələri ilə fərqlənən şərurlular həmişə zəhmətsevərlikləri ilə çətin işlərin öhdəsindən layiqincə gələ biliblər.

Naxçıvan Qarnizonunda tabor, divizion komandirləri və onların müavinləri ilə zabitlərin komandir hazırlığı sistemindən növbəti məşğələlər keçirilib.
Əlahiddə Ümumqoşun Ordunun Təlim-Tədris Mərkəzindəki trenajorlarda zabitlərin atəş və sürücülük bacarıqları yoxlanılıb. Toplantının sonunda zabitlərdən fiziki və taktiki hazırlıq, topoqrafiya və rəhbər sənədlərin tələblərini bilmələri üzrə məqbullar götürülərək bilik, bacarıq və peşəkarlıqları qiymətləndirilib.
Bundan başqa, Əlahiddə Ümumqoşun Orduda müxtəlif ixtisaslar üzrə taqım komandirləri ilə keçirilən növbəti təlim-metodik toplantı başa çatıb. Taqım tərkibində məşğələlərin vahid metod üzrə keçirilməsinə nail olmaq məqsədilə hər bir ixtisasdan nümayiş, metodik və taktiki-sıra məşğələləri keçirilib.
Sonda taqım komandirlərindən məqbullar götürülərək toplantıya yekun vurulub.

Nəriman NƏCƏFOV

Yay ilə qış arasında körpü olan qızılı payızın sərin nəfəsinin duyulduğu günlərin birində yolumuz abad kəndlərimiz sırasına qoşulan Şərur rayonunun Yengicə kəndinədir. Rayon mərkəzindən 2-3 kilometr aralıda yerləşən kəndə doğru irəlilədikcə təzəcə səngimiş yağışın Günəşin qızılı şüaları altında min bir rəngə çalan damcıları ağacların yarpaqları üzərində daha əsrarəngiz görünür. Təbiətin bu mənzərəsini seyr edə-edə kənd mərkəzinə çatdıq. 

Yengicə Şərur rayonunun orta əsrlərə aid edilən yaşayış məskənlərindən biridir. Kənddəki köhnə hamam, üstüörtülü çarşı, buzxana və karvansaray o dövrdə tikilib. Vaxtilə burada sənətkarlara məxsus xüsusi məhəllə də olub. Onlardan biri xalq arasında “Çölməkçilər küçəsi” adı ilə hələ də qalmaqdadır. Uzun illər boyu burada binaların tikintisində tağbənd və günbəzlərdən geniş istifadə olunub.
XIX əsrin sonu, XX əsrin əvvəllərində Yengicə Şərur-Dərələyəz qəzasında mühüm mərkəzlərdən biri və qəza inzibati-ərazi bölgüsünün mərkəzi kimi tanınıb. Mənbələrdə “Yenicə” (Yengicə) adına bir neçə nahiyədə rast gəlinir, o cümlədən Naxçıvan nahiyəsində “Yenicə” adlı kəndin mövcud olması ilə bağlı məlumatlar vardır. Şərur rayonundakı kənd adı isə 1728-ci ilə aid mənbədə qeydə alınıb və kəndin başqa adının “Qazançılı” olduğu göstərilib. Həmin dövrdə Qışlağat nahiyəsində də eyni­adlı kənd olub.

Xəbər verdiyimiz kimi, sentyabrın 7-də “Naxçıvan” Universitetində “Naxçıvan: İslam Mədəniyyətinin Paytaxtı” mövzusunda beynəlxalq konfransın plenar iclası keçirilib, tədbir bölmə iclasları ilə davam edib. Sentyabrın 8-də konfrans AMEA Naxçıvan Bölməsində yekun iclası ilə öz işini başa vurub. Naxçıvan Muxtar Respublikası Ali Məclisinin Sədri yanında Bilik Fondunun Tədbirlər Planına uyğun olaraq keçirilən konfransın bölmə iclaslarının fəaliyyəti ilə bağlı məlumat diqqətə çatdırılıb, konfransın əhəmiyyətindən bəhs edilib. Sonra bölmə rəhbərlərinin hesabatları dinlənilib.
Konfrans iştirakçıları muxtar respublika ərazisindəki türk-islam mədəniyyəti abidələri ilə də yaxından tanış olublar. Əvvəlcə qonaqlar “Xan Sarayı” Dövlət Tarix-Memarlıq, Möminə Xatın və Açıq Səma Altında Muzey Kompleksinə gəliblər. Xan sarayında onlara məlumat verilib ki, bu iqamətgah Ehsan xanın atası Kalbalı xan Kəngərli tərəfindən 1760-cı illərdə tikdirilib. Şərq memarlığı üslubunda inşa edilmiş bu saray üç mərtəbədən ibarətdir və hazırda muzey kimi fəaliyyət göstərir.
Möminə xatın türbəsi ilə tanışlıqdan sonra qonaqlar Əcəmi seyrəngahında açıq səma altında nümayiş etdirilən daş abidələrə maraqla baxıblar. Onlar muxtar respublika ərazisindən tapılan müxtəlif dövrlərə aid 450 maddi-mədəniyyət nümunəsi barədə ətraflı məlumat əldə ediblər.

Əlahiddə Üm­um­qoşun Ordunun aviasiya bölmələrinin tərkibində olan hava hücumu vasitələrinin sayı günü-gündən artır, maddi-texniki bazası müasir tələblərə uyğun inkişaf etdirilir. Bölmələrin təlim-məşq uçuşlarında hədəflərin məhv edilməsi, hücum edən qoşunların havadan himayəsi, dərinliyə taktiki və hava desantının atılması tapşırıqları uğurla yerinə yetirilir.
Uçuşlar zamanı SU-25 hücum təyyarələri və Mİ-35 atəş-dəstək helikopterləri ilə yer hədəflərinə müxtəlif hücumlar həyata keçirilir, hava hücumundan müdafiə vasitələrinin təsirinin dəf edilməsi üçün ən aşağı hündürlükdə mürəkkəb pilotaj manevrlər yerinə yetirilir. Gənc pilotların Mİ-17 nəqliyyat-döyüş helikopterləri ilə yüksək dağlıq ərazidə məhdud ölçülü meydançaya enmə vərdişləri təkmilləşdirilir.
Əsasən, şəxsi heyətin peşəkarlıq səviyyəsinin, bilik və bacarığının daha da təkmilləşdirilməsi, manevr qabiliyyətinin artırılması məqsədilə aparılan uçuşlarda böyük təcrübə qazanmış hərbi qulluqçulardan Afiyəddin Məmmədov, Nəcəf Nəcəfzadə, Elçin Məmmədov, Cavad Abdullayev, Kazım Fərzəliyev, Orman Musayev, Rəşad Fərzəliyev, Etibar Qəşimov, Ayyəm Zeynalov və digərləri aviasiya texnikalarının saz vəziyyətdə saxlanılması, uğurlu uçuşlar üçün əllərindən gələni əsirgəmirlər.

Sentyabrın 8-də “Naxçıvanqala” Tarix-Memarlıq Muzey Kompleksində “Milli geyimlər” festivalı ­keçirilmişdir.
Tədbirin aparıcıları qeyd etmişlər ki, geyimlər hər bir xalqın maddi-mədəniyyətini və özünəməxsusluğunu əks etdirir. Dekorativ-tətbiqi sənətin mühüm bir qolunu təşkil edən milli geyimlərin tikilməsi, toxunması ənənəsi ilə əcdadlarımız hələ Tunc Dövründə məşğul olmağa başlamış, əyirmə, hörmə və arxaik şəkildə tikmə işləri, nadir sənət nümunələri yaratmışlar. Onuncu əsr ərəb müəlliflərinin məlumatlarına görə, Azərbaycan sənətkarları satış üçün yun, pambıq, ipək parça və paltarlar hazırlayırdılar. Bu parça və geyim növləri içərisində Naxçıvanda ­hazırlanmış çuxalar Azərbaycanın hüdudlarından çox-çox uzaqlarda şöhrət qazanmışdır. Məşhur türk səyyahı Övliya Çələbi Naxçıvanda yüksəkkeyfiyyətli basma parçaların istehsal olunduğunu, satış üçün uzaq və yaxın xarici ölkələrə ­göndərildiyini qeyd etmişdi.

Naxçıvan Muxtar Respublikası Təhsil Nazirliyinin Ümumtəhsil məktəbləri və liseylərlə iş üzrə şöbə müdiri Abdulla Əsgərov və Kəngərli rayonunun ­Akademik Zərifə Əliyeva adına Şahtaxtı kənd tam orta məktəbinin direktoru Sarvan Məmmədov 3-5 sentyabrda Ukraynanın İrpen şəhərinə səfər edərək burada fəaliyyət göstərən Akademik Zərifə Əliyeva adına 12 nömrəli xarici dillər üzrə ixtisaslaşmış ümumtəhsil məktəbində olublar.
Naxçıvan Muxtar Respublikası Təhsil Nazirliyinin nümayəndə heyəti əvvəlcə İrpen şəhərindəki Akademik Zərifə xanım Əliyeva adına parka gələrək görkəmli alimin buradakı abidəsi önünə tər çiçəklər düzüblər. Akademik Zərifə Əliyeva adına 12 nömrəli məktəbin direktoru Valentina Antonenko görkəmli alimin həyat və fəaliyyəti haqqında tədbir iştrakçılarına geniş məlumat verib.
Nümayəndə heyətinin rəhbəri Abdulla Əsgərov Akademik Zərifə xanım Əliyevanın adını daşıyan məktəbdə keçirilən Bilik Günü tədbirindəki çıxışında şagird və müəllimləri yeni dərs ilinin başlanması münasibətilə təbrik edib.
Ümumtəhsil məktəbində təhsil prosesi ilə tanış olan nümayəndə heyəti Akademik Zərifə Əliyeva adına Muzeydə də olub, onlara burada nümayiş etdirilən eksponatlar barədə məlumat verilib. Naxçıvan Muxtar Respublikası Təhsil Nazirliyinin nümayəndə heyəti muzeyə kitablar hədiyyə edib.

Naxçıvan Muxtar Respublikası Əmək və Əhalinin Sosial Müdafiəsi Nazirliyi tərəfindən əmək münasibətlərinin rəsmiləşdirilməsi və əməyin mühafizəsi qaydalarına riayət olunmasına dair maarifləndirici seminarlar davam etdirilir. Növbəti seminar Naxçıvan Muxtar Respublikası Avtomobil Yolları Dövlət Agent­liyində keçirilib.
Agentliyin tabeliyində olan müəssisələrin kadr işləri, eyni zamanda əməyin mühafizəsi üzrə mütəxəssislərinin iştirakı ilə keçirilən tədbiri giriş sözü ilə müəssisənin aparıcı mühəndisi Həmid Fərhadov açıb.
Naxçıvan Muxtar Respublikası Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin rəis müavini Azər Qasımov və xidmətin baş məsləhətçisi Hüseyn Hacıyev “İş sahələrində əməyin mühafizəsinin təşkili” və “Əmək müqaviləsi bildirişi üzrə elektron informasiya sistemi”nin tətbiqi mövzularında çıxış ediblər. Bəhs olunan mövzular haqqında slaydlar vasitəsilə məlumat verilib.
Sonra seminar iştirakçılarının mövzu ətrafında, həmçinin əmək qanunvericiliyinə dair sualları ­cavablandırılıb.

Xəbərlər şöbəsi

Sentyabrın 8-də Naxçıvan Şahmat Mərkəzində Naxçıvan Muxtar Respublikası Şahmat Federasiyasının yığıncağı keçirilmişdir.

Naxçıvan şəhərində “Naxçıvan: İslam Mədəniyyətinin Paytaxtı” mövzusunda keçirilən  beynəlxalq konfransda iştirak edən nümayəndələrdən bir neçəsi ilə görüşüb müsahibələr aldıq. Həmin müsahibələri oxucularımıza təqdim edirik. 

İsa Həbibbəyli – AMEA-nın vitse-prezidenti, akademik: – Naxçıvan şəhərinin 2018-ci il üçün İslam Mədəniyyətinin Paytaxtı elan olunması ilə əlaqədar keçirilən tədbirlər qədim diyarın bütün sahələrdəki inkişafını dünyaya göstərib. Bu günədək Avropanın bir çox tanınmış şəhərlərində olduğumdan deyə bilərəm ki, Naxçıvan Muxtar Respublikası Ali Məclisinin Sədri cənab Vasif Talıbovun ­rəhbərliyi ilə illərdən bəri aparılan uğurlu siyasət nəticəsində qədim diyar əsl Avropa məkanına çevrilib. Fərəhlə demək olar ki, bu gün qədim torpaqda yeni nəsil şair və yazıçılar, elm adamları yetişib, hətta bir sıra sahələrdə elmi məktəblər də yaranmağa başlayıb. Bu mənada, konfransın keçirilməsi Nuhun məskəni sayılan Naxçıvanın binə olmasından indiyədək keçdiyi möhtəşəm yolu dünyaya bəyan etmək, çatdırmaq işində həmin ziyalılar üçün böyük fürsətdir. Tədbirdə iştirak edən xarici ölkələrin elm adamları da buranın qədimliyi, müasir inkişafı ilə yaxından tanış olur, heyranlıqlarını bildirirlər. Bu da hər birimizə böyük qürur və sevinc bəxş edir. Aparılan son tədqiqatların nəticələri bu konfransda elan olundu. Elə müddəalar var idi ki, onlar ilk dəfə məhz Naxçıvanda səsləndirilirdi, birgə müzakirələr, fikir mübadilələri aparıldı. Təbii ki, bu da qədim diyarda elmin bütün sahələrinin gələcəkdə daha da inkişafına böyük təkan verəcək.
Onu da deyim ki, Naxçıvanın İslam Mədəniyyətinin Paytaxtı seçilməsi aparılan uzaqgörən siyasətin bəhrəsidir. Bu əlamətdar hadisə diyarın sürətli inkişafına təkan verməklə yanaşı, həm də Naxçıvanı dünyaya tanıtmaq, blokadanı bir daha qırmaq, böyük yüksəliş üçün yeni qapılar açmaq məqsədləri daşıyır. Əminliklə demək olar ki, Naxçıvanda İslam Mədəniyyətinin Paytaxtı tədbirlərinin yüksək səviyyədə keçirilməsi artıq həmin istiqamətlərin hər biri üzrə yeni inkişafa böyük stimul olub.

Görkəmli dövlət xadimi, Azərbaycan xalqının ümummilli lideri Heydər Əliyevin əsasını qoyduğu sosial-iqtisadi inkişaf strategiyasının uğurla davam etdirilməsi nəticəsində bu gün Naxçıvan Muxtar Respublikası sürətlə inkişaf edir, günü-gündən çiçəklənir. Qarşıya qoyulan bütün vəzifələrin icra olunması, çoxşaxəli iqtisadiyyatın formalaşdırılması istiqamətində ardıcıl tədbirlərin həyata keçirilməsi, lazımi islahatların vaxtında aparılması, mühüm əhəmiyyətə malik dövlət proqramlarının reallaşdırılması nəticəsində muxtar respublika ölkə­mizdə liderliyini qorumaqdadır.
Naxçıvanda mövcud olan yüksək potensialdan daha səmərəli istifadə etməklə sənaye və kənd təsərrüfatının inkişafını sürətləndirmək, bu işdə sahibkarlara hərtərəfli dəstək vermək, əhalinin həyat səviyyəsini yüksəltmək, sosial rifah halını daha da yaxşılaşdırmaq bu gün də dövlətimizin diqqət mərkəzində olan əsas məsələlərdəndir. Bu isə uğurların davamlı olmasını şərtləndirən amil kimi inkişafa stimul verir, yeni-yeni nailiyyətlərin əldə edilməsinə yol açır. İslam Mədəniyyətinin Paytaxtı və ölkəmizin Gənclər Paytaxtı kimi çox böyük bir tarixi missiyanı yerinə yetirən Naxçıvanda 2018-ci ilin yanvar-iyul aylarında da əldə edilən uğurlu nəticələr inkişafın davamlı xarakter aldığını göstərir.

Sentyabrın 7-də "Naxçıvan" Universitetində "Naxçıvan: İslam Mədəniyyətinin Paytaxtı" mövzusunda beynəlxalq konfrans keçirilmişdir.   

Beynəlxalq konfransın iştirakçıları ümummili liderimiz Heydər Əliyevin abidəsini ziyarət edərək gül dəstələri qoymuş, ulu öndərin xatirəsinə ehtiramlarını bildirmişlər. Daha sonra onlar Heydər Əliyev muzeyinə gələrək dahi şəxsiyyətin həyatı, siyasi və dövlətçilik fəaliyyəti ilə bağlı eksponatlara baxmışlar. 

Naxçıvan Muxtar Respublikası Ali Məclisi Aparatının rəhbəri Əli Həsənov beynəlxalq konfransda çıxış edərək qeyd edib ki, beş min illik şəhər mədəniyyətinə malik olan Naxçıvanın zəngin tarixi-mədəni irsi islam mədəniyyətinin paytaxtı kimi onun əhəmiyyətini daha da artırır. Naxçıvan Muxtar Respublikası Ali Məclisinin Sədri, Naxçıvan şəhərinin 2018-ci il üçün İslam Mədəniyyətinin Paytaxtı elan olunması ilə əlaqədar yaradılmış Təşkilat Komitəsinin Sədri cənab Vasif Talıbovun dediyi kimi “Naxçıvan Muxtar Respublikasında İslam dəyərlərinə yeni yanaşmanın - elmi baxışın əsası qoyulmuş, türk-islam mədəniyyəti abidələri tədqiq olunmuş, Naxçıvan İslam mədəniyyətinin əsas inkişaf mərkəzi kimi bir daha öz təsdiqini tapmışdır”. 

Naxçıvan Muxtar Respublikası Ali Məclisinin Sədri 2018-ci il fevralın 6-da “Naxçıvan Dövlət Teleradiosunun maddi-texniki bazasının möhkəmləndirilməsi və yaradıcılıq işinin təkmilləşdirilməsi ilə bağlı tədbirlər haqqında” Sərəncam ­imzalamış, Tədbirlər Planı təsdiq olunmuşdur. Bu Sərəncam kütləvi informasiya vasitələrinin fəaliyyətinin gücləndirilməsi və yaradıcılıq imkanlarının artırılması sahəsində görülən işlərin davamı kimi mühüm əhəmiyyətə malikdir.
Tədbirlər Planında teleradioda yaradıcılıq məsələləri, kadr hazırlığı və maddi-texniki bazanın gücləndirilməsi sahəsində vəzifələr müəyyənləşdirilmiş və icrasına başlanılmışdır.
Yaradıcılıq məsələləri sahəsində qarşıya qoyulan vəzifələrin icrası teleradionun fəaliyyət imkanlarını xeyli genişləndirmişdir. Belə ki, Naxçıvan Muxtar Respublikası Nazirlər Kabinetinin 2018-ci il 7 fevral tarixli Qərarı ilə Naxçıvan Dövlət Televiziya və Radio Verilişləri Komitəsinin ştat cədvəlində müvafiq dəyişiklik edilmiş, televiziyada “İnformasiya təminatı və saytlarla iş üzrə redaksiya” və 6 nəfərdən ibarət “Xalq çalğı alətləri ansamblı” yaradılmışdır. Ansambl 2018-ci ilin avqust ayından fəaliyyətə başlamışdır. Bundan başqa, iyunun 15-də teleradionun efir vaxtı daha bir saat artırılaraq 18 saatdan 19 saata ­çatdırılmışdır.
Naxçıvan Muxtar Respublikası Dövlət Televiziya və Radio Verilişləri Komitəsinin 2018-ci il 1 aprel tarixli kollegiya qərarı ilə “Nuhçıxan” İnformasiya Agentliyi yaradılmış, agentliyin nizamnaməsi təsdiq edilmiş və 2018-ci il aprelin 5-də Ədliyyə Nazirliyində qeydiyyata alınmışdır. Mayın 15-də Naxçıvan Muxtar Respublikası Dövlət Televiziya və Radio Verilişləri Komitəsində “Nuhçıxan” İnformasiya Agentliyinin təqdimatı olmuşdur. Agentliyin nuhcixan.az internet saytı hazırlanmışdır. Saytda Azərbaycan, ingilis və rus dillərində informasiyalar yerləşdirmək mümkündür.

Naxçıvan hər birində tarixin bir səhifəsi həkk olunan qədim tarix və mədəniyyət abidələri şəhəridir. İslam Əməkdaşlıq Təşkilatına üzv dövlətlərin mədəniyyət nazirlərinin 2009-cu ilin oktyabr ayında Bakı şəhərində keçirilmiş VI konfransında qəbul edilmiş qərarla Naxçıvan şəhərinin 2018-ci il üçün İslam Mədəniyyətinin Paytaxtı elan edilməsi qədim diyarımızın bütün məziyyətləri ilə buna haqqı olduğunun təsdiqidir.
Naxçıvan şəhərinin 2018-ci il üçün İslam mədəniyyətinin paytaxtı elan edilməsi ilə əlaqədar yaradılmış Təşkilat Komitəsinin 25 noyabr 2016-cı ildə keçirilən ilk iclasında Naxçıvan Muxtar Respublikası Ali Məclisinin Sədri, Təşkilat Komitəsinin sədri cənab Vasif Talıbov ­demişdir: “Bu qərar əsaslıdır. Ona görə ki, Azərbaycanın 5 min illik tarixə malik qədim şəhəri olan Naxçıvan İslam mədəniyyəti nümunələri ilə zəngindir və bəşər sivilizasiyasına dəyərli töhfələr vermişdir”.
Elə qəzetimizin redaksiyasında təşkil etdiyimiz dəyirmi masanın da əsas məqsədi əsrlərlə islami dəyərləri qoruyub saxlayaraq İslam Mədəniy­yətinin Paytaxtı olmağa layiq görülən Naxçıvanın tarixində açılacaq yeni səhifələr haqqında fikir mübadiləsi aparmaqdır.
Dəyirmi masada AMEA-nın müxbir üzvü Fəxrəddin Səfərli, professor, filologiya üzrə elmlər doktoru, Əməkdar elm xadimi Hüseyn Həşimli, Naxçıvan Muxtar Respublikasının Dini Qurumlarla İş üzrə Dövlət Agentliyinin əməkdaşları Bəhruz Gülmalıyev, Sabir Xəlilov və Mərziyyə Hacıyeva iştirak edirlər.

Naxçıvan Muxtar Respublikası Ali Məclisinin Sədri yanında Dövlət Qulluğu Məsələləri üzrə Komissiya fəaliyyətində peşəkarlığın və keyfiyyətin artırılması, şəffaflıq və obyektivliyin təmin edilməsi, dövlət qulluğuna dair qanunvericiliyin tətbiqinə nəzarətin gücləndirilməsi istiqamətində tədbirləri avqust ayı ərzində də davam etdirib. Ay ərzində Naxçıvan Muxtar Respublikası Daxili İşlər Nazirliyində orta və böyük rəis heyəti vəzifələrinin tutulması üçün test imtahanları keçirilib. 21-22 avqust 2018-ci il tarixlərdə keçirilən test imtahanında iştirak edən 47 namizəddən 9-u müvafiq keçid balını toplayaraq müsahibə mərhələsində iştirak etmək hüququ qazanıb. Komissiyanın Əsasnaməsinə uyğun olaraq dövlət qulluğuna qəbul olmaq istəyən 32 namizədin iştirakı ilə hazır­lıq kursları təşkil edilib. Həmçinin komissiya tərəfindən dövlət qulluğuna və dövlət ümumi təhsil və ilk peşə-ixtisas təhsili müəssisələrinə qəbul olmaq istəyən şəxslər üçün keçirilmiş sınaq imtahanlarında 47 nəfər iştirak edib.

Muxtar respublikamızda bütün sahələr kimi, təhsil də dövlət qayğısı ilə əhatə olunub. Təhsil müəssisələri üçün yeni binaların tikilərək müəllim və şagirdlərin istifadəsinə verilməsi, məktəblərin ən müasir maddi-texniki baza ilə təchiz olunması, bacarıqlı pedaqoqların tədrisə cəlbi bu istiqamətdə həyata keçirilən əsas tədbirlərdəndir. Bütün bunlarla yanaşı, şagirdlərin məktəbli geyimləri və dərs ləvazimatları ilə təminatı da diqqət mərkəzində saxlanılır, hər il ənənəvi məktəbli yarmarkaları təşkil olunur. Nəticədə, valideynlərin də qayğıları xeyli azalıb. 

Artıq bir neçə gündür ki, Naxçıvan Muxtar Respublikası Təhsil və İqtisadiyyat nazirliklərinin təşkilatçılığı ilə Naxçıvan şəhərindəki Mərkəzi bazarda növbəti məktəbli yarmarkası təşkil olunur. Bundan başqa, muxtar respublikanın bölgələrində də analoji tədbir keçirilir ki, bu da valideynlərə uzaq məsafə qət etmədən övladlarına lazım olan ləvazimatları rahat şəkildə almalarına imkan verir. Yarmarkada qiymətlərin ucuz olması və çeşid zənginliyi hər kəsin ürəyincədir.
Səhərin erkən saatlarında valideynləri övladları ilə birgə yarmarkada məktəbli geyimi, dərs ləvazimatı seçərkən görmək olar. Buradakı qiymətlər və təklif olunan ləvazimatlarla maraqlanmaq məqsədilə Mərkəzi bazara yollandıq, yarmarkaya üz tutan valideyn və şagirdlərin fikirlərini öyrənməyə çalışdıq. Görünən o idi ki, satış yerlərinin hər birində məhsulların çeşid zənginliyi, keyfiyyəti, qiymətlərin əlverişli olması, xidmətin təşkili alıcılar tərəfindən razılıqla qarşılanır. Yarmarkada olarkən söhbətləşdiyimiz satıcılar, valideyn və şagirdlər yaradılmış şəraitdən, göstərilən xidmətdən ağızdolusu danışdılar.
Yarmarkada məktəbli ləvazimatları ilə yanaşı, dərs vəsaitlərinin, test kitablarının, bədii ədəbiyyat nümunələrinin də satışa çıxarılması alıcıların marağına səbəb olub. Burada olarkən qələbəlik müşahidə etdik və ilk olaraq alıcı sıxlığı olan piştaxtaya yaxınlaşdıq. Müştərilərə təmkin və nəzakətlə xidmət göstərən satıcı Elvin Əliyev suallarımızı cavablandırdı. O qeyd etdi ki, yarmarka təşkil olunan gündən böyük alıcı kütləsi ilə qarşılaşır. Demək olar ki, məktəbli formalarına olan tələbat gündən-günə artır.

Naxçıvan Muxtar Respublikasının dövlət orqanlarında mətbuat xidmətlərinin fəaliyyətlərinin təşkili və qarşıda duran vəzifələrlə bağlı 19 may 2018-ci il tarixdə keçirilən tədbirdə verilmiş tapşırıq­ların icrasının təmin edilməsi diqqət mərkəzində saxlanılır.
Bu məqsədlə sen­tyabrın 5-də Naxçıvan Muxtar Respublikası Ali Məclisinin Sədri yanında Dövlət Qulluğu Məsələləri üzrə Komissiya tərəfindən dövlət orqanlarında vakant mətbuat və ictimaiyyətlə əlaqələr üzrə baş məsləhətçi vəzifələrinin tutulması üçün bu il iyun ayının 1-də elan edilmiş müsabiqənin esse imtahanı mərhələsi keçirilib.
Müsabiqəyə çıxarılmış vakant vəzifələrin tutulması üçün 20 namizəd test imtahanı verib, onlardan keçid balını toplamış 5 nəfəri esse mərhələsində iştirak emək hüququ qazanıb. İmtahan başlanmazdan əvvəl iştirakçılar imtahan qaydaları haqqında məlumatlandırılıb, esse yazmaq üçün onlara 60 dəqiqə vaxt verilib. İmtahanda obyektivliyin və şəffaflığın tam təmin edilməsi məqsədilə videoçəkiliş aparılıb.
İmtahanda iştirakçılara müstəqil mühakimə yürütmək və əsaslandırmaq bacarığını nümayiş etdirməyə imkan verən “Ümummilli lider Heydər Əliyev və müstəqil Azərbaycan” mövzusu təqdim edilib.
İştirakçılar esse yazarkən fikirlərini məntiqi ardıcıllıqla ifadə etməli və abzaslarla fərqləndirməli, təhliletmə, tətbiqetmə, ümumiləşdirmə və məntiqi nəticəçıxarma qabiliyyətlərini nümayiş etdirməli, fikir və düşüncələrini anlaşıqlı, məntiqli və aydın, ədəbi dilin normalarına uyğun şəkildə ifadə etməlidirlər.
Yazı işləri yoxlanılarkən yuxarıdakı meyarlar nəzərə alınıb və iştirakçıların yaradıcılıq qabiliyyətləri qiymətləndirilib.
İmtahanın nəticələri Naxçıvan Muxtar Respublikası Ali Məclisinin Sədri yanında Dövlət Qulluğu Məsələləri üzrə Komissiyanın rəsmi internet səhifəsində (www.dqmk.nmr.az) yerləşdirilib.

Naxçıvan Muxtar Respublikası Ali Məclisinin Sədri yanında
Dövlət Qulluğu Məsələləri üzrə Komissiyanın mətbuat xidməti

Əlahiddə Ümumqoşun Orduda üçpilləli, ikitərəfli olmaqla keçirilən növbəti komanda-qərargah təlimi başa çatıb.
Təlimin birinci mərhələsində ərazidə müdafiə və hücum əməliyyatlarının qərargahlar tərəfindən planlaşdırılması, ikinci mərhələsində isə qəbul edilmiş qərarların Simulyasiya Mərkəzində kompüterlər üzərində oynanılması həyata keçirilib.

Nəriman NƏCƏFOV

Sentyabrın 4-də Naxçıvan Şəhər İcra Hakimiyyətində Naxçıvan Muxtar Respublikası Dövlət Baş Sığorta Agentliyi ilə birgə şəhərdə sığorta işinin mövcud vəziyyəti və qarşıda duran vəzifələrin müzakirəsi ilə bağlı tədbir keçirilib.
Naxçıvan Şəhər İcra Hakimiyyətinin başçısı Mirsənani Seyidov tədbirdə giriş sözü ilə çıxış edərək son dövrlərdə şəhərdə sığorta sahəsində görülmüş işlərdən danışıb. Sonra Naxçıvan Muxtar Respublikası Dövlət Baş Sığorta Agentliyinin baş direktoru Hikmət Əsgərov muxtar respublikamızda sığorta işinin təkmilləşdirilməsi və müasir tələblərə uyğun şəkildə genişləndirilməsi işində 30 noyabr 2011-ci il tarixdə Naxçıvan Muxtar Respublikası Ali Məclisində “Muxtar respublikada sığorta fəaliyyəti və qarşıda duran vəzifələr barədə” keçirilən müşavirənin xüsusi əhəmiyyət daşıdığını vurğulayıb.
Bildirilib ki, Naxçıvan Muxtar Respublikasında sosial-iqtisadi və mədəni sahədə yüksələn inkişaf dinamikası sığortaya olan tələbi daha da artırıb. İnkişaf edən cəmiyyətin bir tələbi kimi sığortaya olan marağın artmasında vətəndaşların qarşılaşdığı gözlənilməz hadisələrdən dəymiş maddi zərərlərə görə aldığı sığorta ödənişlərinin əhəmiyyəti böyükdür.
Qeyd olunub ki, muxtar respublikamızda əhali gəlirlərinin artması, iqtisadi fəallığın yüksəlməsi, öz növbəsində, sığorta münasibətlərinin də inkişafını şərtləndirir. Belə ki, müasir dövrdə insanlar evdə, işdə, yolda qarşılaşa biləcəyi hər cür gözlənilməz hadisələrdən sığorta olunmağa xüsusi əhəmiyyət verirlər. Belə gözlənilməz hadisələrlə isə insanlar hər yerdə rastlaşa bilərlər.

Naxçıvan Qarnizonu üzrə hərbi qulluqçular arasında “Səmti müəyyənetmə” birinciliyi keçirilib. Əlahiddə Ümumqoşun Ordunun zabiti, mayor Vahid Məmmədov qeyd edib ki, birinciliyin keçirilməsində məqsəd hərbi qulluqçuların dözümlülüyünü yoxlamaq, kompas və xəritədən istifadə bacarığını təkmilləşdirmək, güclü idmançı və komandaların müəyyən edilməsidir. Sonra yarışın şərtləri iştirakçılara çatdırılıb.
15 komandadan 60 hərbi qulluqçunun gücünü sınadığı yarış gərgin mübarizə şəraitində keçib. Birinciliyin bütün tələblərinə ən qısa zamanda əməl edərək səmti müəyyən edənlər qalib gəliblər.
Komanda hesabında 1-ci yerdə xüsusi təyinatlılar, 2-ci yerdə moto­atıcılar, 3-cü yerdə isə tankçılar qərarlaşıblar. Fərdi və komanda hesabında ilk üçlüyə düşməyi bacaranlar Əlahiddə Ümumqoşun Ordu komandanlığı tərəfindən mükafatlandırılıblar.

Nəriman NƏCƏFOV

Əlahiddə Ümumqoşun Orduda qadın hərbi qulluqçuların da cəlb edildiyi növbəti kursların başa çatması münasibətilə buraxılış mərasimi keçirilib. Azərbaycan Respublikasının Dövlət Himni səsləndirildikdən sonra tədbirdə çıxış edən zabit, məzun və valideynlər gizir, müddətdən artıq həqiqi hərbi xidmət hərbi qulluqçusu və qadın hərbi qulluqçusu kurslarını bitirən gənclərə xidmətlərində uğurlar arzulayıblar.
Mərasimdə Əlahiddə Ümumqoşun Ordu komandanı­, general-leytenant Kərəm Mustafayevin təbriki şəxsi heyətə çatdırılıb. Təbrik oxunduqdan sonra məzunlara sertifikatlar təqdim edilib. Kurs birinciləri xatirə lövhələrinə buraxılış emblemlərini vurublar.
Sonda məzunların tribuna önündən təntənəli keçidi olub.

Nəriman NƏCƏFOV

Azərbaycan Ordusu üzrə keçirilən “Ən yaxşı haubitsalı özüyeriyən artilleriya divizionu” adı uğrunda yarışda Əlahiddə Ümumqoşun Ordunun artilleriyaçıları da iştirak ediblər.
Plana uyğun olaraq keçirilən yarışda döyüş və döyüşə hazırlıq mərhələləri üzrə qarşıya qoyulmuş tapşırıqlar yerinə yetirilərək məqsədlərə nail olunub.

Nəriman NƏCƏFOV

Əlahiddə Ümumqoşun Ordunun aviasiya bölmələrində növbəti təlim-məşq uçuşları keçirilib. Uçuşlar zamanı SU-25 hücum təyyarələri və Mİ-35 atəş-dəstək helikopterləri ilə hava hücumundan müdafiə vasitələrinin təsirinin dəf edilməsi üçün ən aşağı hündürlükdə mürəkkəb pilotoji manevrlər yerinə yetirilib.
Mİ-17 nəqliyyat-döyüş helikopterləri ilə gənc pilotların yüksək dağlıq ərazidə məhdud ölçülü meydançaya enmə vərdişləri təkmilləşdirilib.

Nəriman NƏCƏFOV

Yeni Azərbaycan Partiyası Şərur Rayon Təşkilatı bir qrup gəncin Naxçıvan şəhərindəki Heydər Əliyev Muzeyinə ekskursiyasını təşkil edib. Muzeyin direktoru Ramil Orucəliyev mədəniyyət müəssisəsi barədə danışaraq bildirib ki, Heydər Əliyev Muzeyi Naxçıvan Muxtar Respublikası Ali Məclisi Sədrinin 1999-cu il fevralın 18-də imzaladığı Sərəncamla yaradılıb və həmin ilin may ayının 10-da fəaliyyətə başlayıb.
Qeyd olunub ki, ümummilli lider Heydər Əliyev 1999-cu il oktyabr ayının 13-də muxtar respublikaya səfəri zamanı muzeyə gələrək buradakı ekspozisiya ilə tanış olub. Ulu öndərin muzeyi ziyarəti zamanı çəkilmiş tarixi fotolar bu gün burada nümayiş etdirilir. Muzeydəki eksponatlar görkəmli dövlət xadim­inin ictimai-siyasi fəaliyyətini, keçdiyi şərəfli həyat yolunu özündə əks etdirən kitab, qəzet və jurnallardan, 1990-1993-cü illərdə Naxçıvan Muxtar Respublikası Ali Məclisinin deputatı və Ali Məclisin Sədri kimi işləyib hazırladığı, qəbul etdiyi tarixi qərar və sərəncamlardan, imzalanmış protokol və müqavilələrdən, məktub və teleqramlardan, istifadə etdiyi xatirə əşyalarından, ulu öndərin şərəfinə toxunmuş xalçalardan, çəkilmiş portretlərdən, tarixi fotolardan və sənədli filmlərdən ibarətdir. Muzeydə zəngin fond materialları, orijinal sənədlər və eksponatlarla dahi rəhbərin mənalı həyatı, xalqımızın rifahı, xoş gələcəyi naminə siyasi fəaliyyətinin ayrı-ayrı dövrləri, mərhələləri işıqlandırılıb. Dahi şəxsiyyətin muzeylərə sığmayan zəngin ömür yolunu əks etdirən dəyərli ekspozisiyada ulu öndərimizin uşaqlıq və gənclik dövrü, təhsil illəri, ilk əmək fəaliyyəti, 1969-1982-ci illərdə Azərbaycana rəhbərliyinin birinci dövrü, Moskvada çalışdığı və yaşadığı dövr, Naxçıvana qayıdışı, muxtar respublikaya rəhbərlik etdiyi illər, müstəqil Azərbaycanın memarı kimi fəaliyyəti dövrü zəngin materiallarla nümayiş etdirilir.

40 yaşlı Babək rayonu sosial-iqtisadi inkişaf tempinə görə muxtar respublikanın digər bölgələrindən heç də geridə qalmır. İldən-ilə genişlənən tikinti-quruculuq tədbirləri nəticəsində daha da müasirləşir, gözəlləşir və rayonun bütün kəndləri ümumi inkişafdan öz payını alır. Bu gün, demək olar ki, bölgənin bütün kəndlərində tikinti-quruculuq tədbirləri aparılıb və ən ucqar dağ yaşayış məntəqələri belə, müasir görkəmə gətirilib.

Rayonun inkişaf edən və müasirləşən kənd­lərindən biri də Güznütdür. Kənd Araz çayının sol sahilində, Naxçıvan-Əbrəqunus-Əlincə-Qazançı-Boyəhməd yolu üzərində, Babək qəsəbəsindən 10 kilometr aralıda yerləşir. AMEA-nın müxbir üzvü, filologiya elmləri doktoru, mərhum Adil Bağırov öz araşdırmalarında qeyd edir ki, “Güznüt” adına müxtəlif dövrlərə aid arxiv sənədlərində rast gəlirik. 1827-1828-ci illərdə baş vermiş rus-İran müharibəsi zamanı Güznüt kəndindən 52 ailə Naxçıvanın ayrı-ayrı kəndlərinə köçüb, burada yaşayış olmayıb. Bunu görən Abbas Mirzə hər güznütlüyə, bütünlüklə, səkkiz min manat gümüş pul təyin edib, ətraf ərazilərdən buraya ailələr köçürülüb. Həmin dövrdə yaşayış olmayan qonşu ­Çeşməbasar kəndinin ərazisindən güznütlülər əkin sahələri kimi istifadə edib, ancaq az sonra vaxtilə kənddən köçmüş ailələr geri qayıdıb, yaşayış təmin edilib.

Tarixi şəxsiyyətlər mənsub olduğu xalqın yaddaşında hər zaman yaşayır. Ancaq elə şəxsiyyətlər də var ki, onların xidmətləri daha fenomenal xarakter daşıyır. Bu mənada, xalqımızın ümummilli lideri Heydər Əliyevin siyasi fəaliyyəti, sadəcə, bir ölkə üçün yox, həm də bəşəri dəyərləri ilə seçilir. Görkəmli dövlət xadiminin 1990-cı il iyulun 22-də Moskvadan Bakıya, oradan isə doğma yurdu Naxçıvana gəlişi sonralar özünün də söylədiyi kimi tarixin və zamanın hökmü idi. Azərbaycanın ən yeni tarixində mürəkkəb proseslərin getdiyi həmin vaxtda qədim Naxçıvan diyarında ümummilli liderin Naxçıvan Muxtar Respublikası Ali Məclisinin Sədri seçildiyi gün bu hökmün yəqinliyini ötən dövrdə hər kəsə sübut etdi. Müstəqilliyini yenicə qazanmış bir ölkənin tarixin təlatümlü burulğanından qurtarmaq missiyasının başlanğıcı olan 1991-ci ilin 3 sentyabrı, eyni zamanda milli dövlətçiliyimizin əsaslarının qoyulduğu, xalqımızın varolma, özünü dünyada təsdiq etmək kimi arzu və amallarının başlanğıc tarixi idi.

Müstəqil, qüdrətli Azərbaycan Respublikasının memarı və qurucusu, ulu öndər Heydər Əliyevin müəyyənləşdirdiyi milli sərhəd siyasəti Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyev tərəfindən uğurla həyata keçirilməkdədir. Bu uğurlu siyasət nəticəsində ölkəmizin sərhəd mühafizəsinin müasir tələblər səviyyəsinə qaldırılmasına əlverişli zəmin yaradılıb, dövlət sərhədlərinin toxunulmazlığının təminatı istiqamətində davamlı dinamik inkişafa nail olunub. Dövlət sərhədinin mühafizəsi infra­strukturunun təkmilləşdirilməsi, yeni hərbi hissələrin yaradılması, ən müasir texnika və avadanlığın sərhəd xidmətində tətbiqi, şəxsi heyətin döyüş vərdişlərinin və peşəkarlığının daha da yüksəldilməsi istiqamətində ardıcıl tədbirlər həyata keçirilir. Bu istiqamətdə işlər muxtar respublikamızda da uğurla davam ­etdirilir.
Son illər Naxçıvan Muxtar Respublikası Ali Məclisinin Sədri cənab Vasif Talıbovun diqqət və qayğısı nəticəsində muxtar respublikamızda müasir sərhəd zastava kompleksləri tikilərək istifadəyə verilib, onların maddi-texniki bazası gücləndirilib, sərhədçilərin xidmət və məişət şəraiti əsaslı şəkildə yaxşılaşdırılıb, şəxsi heyətin peşəkarlığı daha da artırılıb. Bu gün muxtar respublikamızda sərhəd xidmətinin təkmilləşdirilməsi istiqamətində kompleks tədbirlərin həyata keçirilməsi və sərhəd dəstələrinin fəaliyyətlərinin ən müasir tələblər səviyyəsində qurulması diqqət mərkəzində saxlanılır. Ölkə rəhbəri cənab İlham Əliyevin bu il mayın 16-da Naxçıvan Muxtar Respublikasına səfəri çərçivəsində Naxçıvan şəhər Qaraçuq ərazi dairəsində Əmiraslan Əliyev adına Sərhəd Dəstəsində yaradılan şəraitlə tanış olması bu sahəyə göstərilən dövlət qayğısının növbəti ifadəsidir.

Naxçıvan Muxtar Respublikasının Nazirlər Kabineti 2018-ci ilin avqust ayında bir sıra qərarlar qəbul etmişdir. Nazirlər Kabinetinin 2018-ci il 8 avqust tarixli qərarları ilə “Elektron xidmət növlərinin Siyahısı”nda, “Taxıl məhsullarının keyfiyyətinə və təhlükəsizliyinə dövlət nəzarətinin həyata keçirilməsi qaydaları haqqında Əsasnamə”də və “Naxçıvan Muxtar Respublikasının birinci-beşinci kateqoriya dövlət orqanlarında inzibati vəzifələrin ikinci-yeddinci təsnifatlarına uyğun olan vakant vəzifələrin tutulmasının Ümumi Şərtləri”ndə dəyişikliklər edilmiş, Naxçıvan Muxtar Respublikasının Nazirlər Kabineti yanında Yetkinlik yaşına çatmayanların işləri və hüquqlarının müdafiəsi üzrə komissiyanın yeni tərkibi təsdiq edilmişdir.
Bununla yanaşı, Nazirlər Kabinetinin 2018-ci il 21 avqust tarixli qərarı ilə “Ticarət və ictimai iaşə sahəsində ərzaq məhsullarının təbii itki Normaları” təsdiq edilmiş, 28 avqust tarixli qərarı ilə “Özəlləşdirilən və idarəetməyə verilən dövlət müəssisələrinin istehsalat qəzası və yaxud peşə xəstəliyi nəticəsində sağlamlığı pozulmuş işçisinə və ya bu səbəbdən həlak olmuş işçisinin ailə üzvlərinə və himayəsində olan digər şəxslərə aylıq ödənc əvəzinə aylıq müavinətin təyin edilməsi və ödənilməsi Qaydası”nda dəyişikliklər edilmişdir.
Qeyd olunan normativ-hüquqi aktların tam mətni ilə Naxçıvan Muxtar Respublikasının Hüquqi Aktların Dövlət Reyestrində (www.huquqiaktlar. nakhchivan.az) tanış olmaq mümkündür.

Bu gün bütün dünyaya blokadada inkişaf modelini təqdim edən, dinamik və hərtərəfli tərəqqi yolunda sabaha inamla irəliləyən, beynəlxalq əməkdaşlığı, dünyaya inteqrasiyası ilə ideal məkana çevrilən Naxçıvan uzun illər çətin, məşəqqətli günlər yaşayıb. 1990-cı il yanvar ayının 19-dan 20-nə keçən gecə sovet-erməni qoşunları Bakıya girib faciə törətmə­mişdən səkkiz saat əvvəl Naxçıvan Muxtar Respublikası ərazisinə hücuma keçdi və Sədərək rayonuna məxsus Kərki kəndini işğal etdi. Bundan sonra Naxçıvanı Azərbaycan, paytaxt Bakı ilə birləşdirən yeganə dəmir yolu xətti ermənilər tərəfindən kəsildi.
Qədim diyarımız blokadaya düşdü və Naxçıvan, naxçıvanlılar üçün çox çətin dövr başladı. Anasından zorla ayrılan bala kimi, doğma Naxçıvanımız da Azərbaycandan uzaq salındı. Muxtar respublikanın blokadada qalmasından istifadə edən ermənilər buraya aramsız hücumlara başladılar. Həmin günləri çox yaxşı xatırlayıram. Anadan olduğum Şərur rayonunun Dizə kəndi də top atəşinə tutulurdu. Məktəbdə dərslərimiz yarımçıq qalır, şagirdləri təhlükəsizlik üçün məktəbin zirzəmisinə aparırdılar.

Yeni Azərbaycan Partiyası Şərur Rayon Təşkilatında keçirilən “3 sentyabr 1991-ci il: Azərbaycanın Naxçıvandan başlanan qurtuluş tarixi” adlı konfransı giriş sözü ilə təşkilatın sədri, Naxçıvan Muxtar Respublikası Ali Məclisinin deputatı Əmir Babayev açıb.
Tədbirdə Zeyvə kənd ərazi ilk partiya təşkilatının sədri Məhərrəm Rəhimov “Naxçıvanda Heydər ­Əliyev­ ideyalarının təntənəsi”, rayon Təhsil Şöbəsi ərazi ilk partiya təşkilatının sədri Ədalət Əhmədov “Naxçıvan təhsili sürətli inkişaf yolundadır”, Statistika İdarəsinin rəisi Ramiz Rəsulov “Şərurun bugünkü inkişafı Heydər Əliyev ideyalarına söykənir”, Kürçülü kənd tam orta məktəbinin direktoru Zülfiyyə Məmmədova “Naxçıvanın xarici-iqtisadi əlaqələrinin əsası ulu öndər Heydər Əliyev tərəfindən qoyulmuşdur” mövzularında məruzələri dinlənilib.
Qeyd olunub ki, görkəmli dövlət xadimi xalqının ən ağır günlərində onunla bir olmaq istəyi ilə 1990-cı il iyul ayının 22-də doğma yurdu Naxçıvana gəldi. Həmin vaxt muxtar respublika son dərəcə ağır şəraitdə yaşayırdı. Bir tərəfdən, iqtisadiyyat iflic olmuş, əhalinin maddi durumu dözülməz həddə çatmışdı. Digər tərəfdən, bədnam ermənilərin aramsız hücumları və ozamankı Azərbaycan rəhbərliyinin hər tərəfdən yolu bağlanmış Naxçıvana ögey münasibəti vəziyyəti daha da mürəkkəbləşdirmişdi. Belə bir vaxtda ulu öndərin Naxçıvana qayıdışı xalqın əsl nicatına çevrildi, xalq onun timsalında böyük xilaskarını tapdı. Təkcə Naxçıvanın yox, bütövlükdə, Azərbaycanın bu günü və gələcəyi üçün taleyüklü məsələlərin həllini prioritet vəzifəyə çevirən dahi şəxsiyyət 3 sentyabr 1991-ci il tarixdə Naxçıvan Muxtar Respublikası Ali Məclisinin Sədri seçildi. Naxçıvanda siyasi fəaliyyət göstərdiyi üç il ərzində həm də Azərbaycanın müstəqil, demokratik, dünyəvi dövlət kimi güclənməsi, inkişaf etməsi üçün mühüm siyasi və ideoloji amilə çevrilən qərarlar qəbul etdi. Beləliklə, 1990-1993-cü illər tarixə Heydər Əliyev siyasi fəaliyyətinin Naxçıvan dövrü kimi daxil oldu.

Ölkəmizdə bədən tərbiyəsi və idman siyasəti ümummilli lider Heydər Əliyevin adı ilə bağlıdır. Ulu öndərin 1994-cü il 26 iyul tarixli Fərmanına əsasən Azərbaycan Respublikası Gənclər və İdman Nazirliyinin yaradılması, 1999-cu ildə “Dövlət gənclər siyasəti haqqında” Fərmanın imzalanması, 2002-ci ildə “Gənclər siyasəti haqqında” Azərbaycan Respublikası Qanununun qəbul edilməsi, müxtəlif illərdə imzalanmış “Azərbaycanda gənc istedadlara dövlət qayğısı haqqında” fərmanlar, “Gənc istedadlar üçün xüsusi təqaüdlərin təsis edilməsi haqqında” Sərəncam ölkəmizin işıqlı gələcəyi naminə gənclərə böyük ümidlər bəsləndiyini bir daha sübuta yetirib.

Yaşadığımız əsrin ilk illərində respublikamızda aparılan genişmiqyaslı islahatların daha da dərinləşdirilməsi cəmiyyətimizin yüksək sosial-iqtisadi inkişaf pilləsinə yüksəlməsinə şərait yaratdı. Bu prosesdə gənclərin də inkişafı təmin edildi. Sirr deyil ki, Azərbaycanda həyata keçirilən uğurlu sosial­-iqtisadi inkişaf strategiyasının əsas fundamental istiqamətlərindən biri ölkə rəhbərinin gənc­lərə göstərdiyi diqqət, onların cəmiyyətdə özlərinə yer tutması üçün yaradılan şəraitdir. Azərbaycan gəncləri də beynəlxaq arenalarda istər siyasi baxımdan, istərsə də idman sahəsində qazandıqları uğurlarla onlara göstərilən qayğıya əməli işləri ilə cavab verdiklərini dəfələrlə sübut ediblər.

Doğma torpaq, yaşı minilliklərlə ölçülən qədim tarix, gözəl mənzərələr məkanı Naxçıvan... Tanrı bu diyarın hər qarışına sığal çəkib, insan əli onu başdan-başa abadlaşdırıb, müasirləşdirib. Məhz buna görədir ki, muxtar respublika özünün yüksəlişi ilə müstəqil ölkə­mizin inkişaf tarixində ən parlaq yeri tutur. Ötən illərlə müqayisədə bölgələrimizin inkişafı fonunda bu fərqi Babək rayonunun timsalında da görə bilərik. Naxçıvan Muxtar Respublikası Ali Məclisi Sədrinin “Babək rayonunun təşkil olunmasının 40 illiyi haqqında” 2018-ci il 16 fevral tarixli Sərəncamında ­deyildiyi kimi: “Rayonda həyata keçirilən infrastruktur tədbirləri, ətraf mühitin qorunması, əhali məşğulluğunun təmin olunması demo­qrafik vəziyyətə də öz təsirini göstərmiş, rayon əhalisinin sayı 1978-ci illə müqayisədə 2018-ci ildə iki dəfəyə yaxın artaraq 75 min nəfər olmuşdur”. 

Babək rayonunun inkişafdan pay alan, müasirləşən kəndlərindən biri də Nehrəmdir. Muxtar respublikanın ən böyük yaşayış məntəqələrindən olan Nehrəm özünün müasirliyi ilə ilk baxışdan insanın diqqətini cəlb edir. Aydın görünür ki, dünəni və bu günü arasında ölçüyəgəlməz fərq yaranan Nehrəm dövlətimizin hərtərəfli qayğısı ilə əhatə olunub. Burada yeni iş yerləri açılıb, tarixi-mədəni abidələr bərpa edilib, yeni fərdi evlər tikilib.

Əzəmətli dağlara, sərin bulaqlara, gözəl meşələrə, gur çaylara, münbit torpağa malik olan Zəngəzur mahalının qədim yaşayış məskəni Qubadlı rayonu 25 il bundan əvvəl, 1993-cü il avqustun 31-də Ermənistan silahlı qüvvələri tərəfindən işğal olunub. Azərbaycanın bu dilbər guşəsinin işğala məruz qalması Dağlıq Qarabağın Ermənistana birləşdirilməsi, “dənizdən-dənizə böyük Ermənistan” yaradılması barədə xəyalpərəst daşnak ideoloqlarının çoxillik sərsəm ideyalarının tərkib hissəsi idi. Tarixən həm çar Rusiyasının, həm də sovet rejiminin çökməsi zamanı Dağlıq Qarabağ məsələsi dəfələrlə qaldırılıb, erməni işğalçıları Azərbaycan torpaqlarına, o cümlədən Qubadlıya hücum edib, kəndlər yandırılıb, talan edilib, dinc əhaliyə divan tutulub.

Strateji əhəmiyyət daşıyan, daim düşmən hədəfində olan Qubadlı və sonadək aparılan mübarizə

Proseslərin xronoloji ardıcıllığına nəzər salsaq, görərik ki, Qubadlı, əslində, erməni təcavüzü ilə Qarabağ münaqişəsindən bir qədər əvvəl üzləşmişdi. Sərhədlərin dəqiqləşdirilməsi adı ilə tarixən qubadlılıların dədə-baba torpaqları olan Vəli düzü, Güllü zəmi kimi gözəl təbiətli yerləri Ermənistana vermək cəhdi, əslində, münaqişənin örtülü olsa da, bünövrəsini qoymuşdu.

“Naxçıvan” Universitetində payız-qış mövsümünə hazırlıq və qarşıda duran vəzifələrlə bağlı tədbir keçirilib.
Tədbiri universitetin rektoru, professor İsmayıl Əliyev açaraq Naxçıvan Muxtar Respublikası Ali Məclisində 2018-2019-cu illərin payız-qış mövsümünə hazırlıq və qarşıda duran vəzifələrlə əlaqədar keçirilən müşavirədə ali və orta ixtisas təhsili müəssisələrinin tədris korpuslarının, idman zallarının, sosial xidmət mərkəzləri və yataqxanalarının mövsümə hazırlığı barədə verilən tapşırıqları diqqətə çatdırıb.
Bildirilib ki, həmin tapşırıqların vaxtında və yüksək keyfiyyətlə icrasına “Naxçıvan” Universitetində də xüsusi diqqət yetirilir. Bu məqsədlə universitet şəhərciyində su, qaz, işıq sistemləri yoxlanılıb, mövcud problemlərin vaxtında aradan qaldırılması üçün lazımi tədbirlər görülür.
Yığıncaqda çıxış edən universitet yataqxanasının müdiri Müseyib Babayev ali təhsil ocağında payız-qış mövsümünə hazırlıqla bağlı görülən işlərdən danışıb, soyuq aylarda tədrisin keyfiyyətinə təsir edə biləcək halların vaxtında aşkarlanıb aradan qaldırılmasının əhəmiyyətini vurğulayıb.
Naxçıvan Muxtar Respublikası Ali Məclisində keçirilmiş müşavirədən sonra artıq “Naxçıvan” Universitetində mövsümə hazırlıq işlərinə start verildiyini önə çəkən Təsərrüfat şöbəsinin müdiri Şahin Babayev istilik və elektrik sistemlərinin, su borularının sazlığının təmin olunması istiqamətində görülən işlərdən danışıb.

Nuray ƏSGƏROVA

Hər il avqust ayının 30-u Türkiyə Respublikasının Zəfər Bayramı və Türkiyə Silahlı Qüvvələri Günü kimi qeyd olunur.

Naxçıvan Muxtar Respublikası Ali Məclisinin Sədri yanında Dövlət Qulluğu Məsələləri üzrə Komissiyanın və Naxçıvan Muxtar Respublikasının Dövlət Təhlükəsizliyi Xidmətinin birgə təşkilatçılığı ilə “Ümummilli lider Heydər Əliyevin milliləşmə siyasəti, Azərbaycançılıq ideologiyası və dövlət qulluqçularının qarşısında duran vəzifələr” mövzusunda seminar olub. Seminarda komissiya tərəfindən keçirilmiş sonuncu müsabiqədə uğur qazanaraq mərkəzi icra hakimiyyəti orqanlarında və məhkəmələrdə inzibati vəzifələrə təyin olunmuş 44 dövlət qulluqçusu iştirak edib.
Tədbiri Naxçıvan Muxtar Respublikası Ali Məclisinin Sədri yanında Dövlət Qulluğu Məsələləri üzrə Komissiya sədrinin müavini Ümid Qurbanov giriş sözü ilə açaraq bildirib ki, ölkəmizdə müasir dövlət qulluğu sisteminin formalaşması və inkişafı ümummilli liderimiz Heydər Əliyevin adı ilə bağlıdır. Ulu öndərin xalqın təkidli tələbi ilə ikinci dəfə ali hakimiyyətə qayıdışı nəticəsində ölkəmizdə ictimai-siyasi sabitlik bərqərar edilib, dövlət idarəçiliyinin yeni əsasları formalaşdırılıb və Azərbaycan davamlı inkişaf yoluna qədəm qoyub. Dövlət idarəetmə sisteminin təkmilləşdirilməsi və demokratikləşdirilməsi prosesinə başlanılıb, dövlət qulluğu sahəsində daha geniş islahatlar həyata keçirilib. Ölkəmizdə olduğu kimi, Naxçıvan Muxtar Respublikasında da davamlı tərəqqiyə və yüksəlişə doğru aparan uğurlu iqtisadi siyasət bütün sahələrdə olduğu kimi, dövlət qulluğu sahəsinin inkişafı üçün də əlverişli imkanlar yaradıb. Hazırda muxtar respublikamızda vətəndaşların dövlət qulluğuna müsabiqə yolu ilə və şəffaflıq şəraitində qəbulu təşkil olunur.

Azərbaycan Respublikasının məhkəmə sisteminə daxil olan Naxçıvan Muxtar Respublikasının məhkəmə orqanları uzun və şərəfli bir tarixi inkişaf yolu keçmişdir. Bu yol Naxçıvan Muxtar Respublikasının, bütövlükdə isə Azərbaycanın hüquq tarixi ilə bağlı olub ölkəmizin və muxtar respublikamızın keçdiyi çox mürəkkəb və əlamətdar tarixi hadisələrlə zəngin bir dövrü özündə təcəssüm etdirir. Naxçıvanın məhkəmə tarixinin müxtəlif şərait və dövrlərə aid konkret fakt və materialların təhlil olunaraq ümumiləşdirilməsi əsasında öyrənilməsi bu baxımdan mühüm əhəmiyyət daşıyır. 

Naxçıvan Muxtar Respublikası Ali Məclisi Sədrinin tövsiyəsi əsasında hazırlanan Naxçıvanın məhkəmə tarixinə həsr olunmuş “Naxçıvanın məhkəmə tarixi” adlı kitab bu mərama xidmət edən dəyərli tədqiqat əsəridir. Giriş, beş fəsil və əlavələrdən ibarət olan kitab 280 səhifədir və “Əcəmi” Nəşriyyat-Poliqrafiya Birliyində çap olunub.
Müəlliflər müxtəlif dövrlərdə məhkəmələr haqqında qüvvədə olmuş qanunvericilik aktlarını və məhkəmə təcrübəsini təhlil edərək, VII əsrdən bu günədək bəşər sivilizasiyasının qədim məskənlərindən olan Naxçıvanda məhkəmə orqanlarının yaranması və onların fəaliyyət dairəsinin əsas prinsiplərini tədqiq ediblər.
Kitab müxtəlif arxiv sənədləri, dövri mətbu materiallar, mövcud elmi ədəbiyyatlar əsasında hazırlanıb. Onun yazılmasında, həmçinin görkəmli Azərbaycan tarixçilərinin, ərəb və farsdilli müəlliflərin əsərləri, avropalı alimlərin və səyyahların gündəlikləri, qeydləri və məlumatları, habelə rəsmi internet resurslarından mənbə kimi istifadə olunub.

Naxçıvan Şəhər Təsərrüfathesablı Nəqliyyat İdarəsində sərnişindaşıma xidməti ilə məşğul olan sürücülər üçün növbəti ­seminar-müşavirə keçirilib.
Tədbirdə Naxçıvan Muxtar Respublikası Dövlət Nəqliyyat Xidmətinin əməkdaşları Elxan Novruzov, Natiq Həsənov və idarənin baş mexaniki Budaq Əmirov çıxış ediblər. Çıxışlarda 2018-2019-cu illərin payız-qış mövsümünə hazır­lıqla əlaqədar qarşıda duran vəzifələr, nəqliyyatın təşkili və idarə edilməsi xidmətinin yüksəldilməsi, şəhərdaxili nəqliyyatda intizamın gücləndirilməsi barədə müzakirələr aparılıb.
Bildirilib ki, qış aylarında heç bir nöqsana yol verməmək üçün sərnişindaşıma ilə məşğul olan nəqliyyat vasitələrinin sürücüləri işə məsuliyyətlə yanaşmalı, heç bir yayınma hallarına yol verilməməlidir. Xidmətin əməkdaşları nəqliyyat vasitələrinin qış aylarında texniki cəhətdən saz vəziyyətdə olmasını təmin etmək məqsədilə mütəmadi reydlər keçirəcək, sakinlərin istər şəhərdaxili, istərsə də rayon və kənd­lərə işləyən avtobuslardan rahat istifadəsi təmin ediləcək.
Vurğulanıb ki, hazırda şəhərlərarası və rayonlararası marşrut avtobuslarının qrafiki bir daha nəzərdən keçirilir, qrafiklər daha da təkmilləşdirilir. Xətlərə çıxan avtobus və taksilərə texniki baxışlar təşkil olunur.
Qeyd edilib ki, mövsüm ərzində yüksəkkeyfiyyətli nəqliyyat xidmətinin təşkili üçün bütün lazımi tədbirlər həyata keçiriləcək.
Sonra tədbir iştirakçılarını maraqlandıran suallar cavablandırılıb.

 Nail ƏSGƏROV

Naxçıvan Dövlət Universitetində payız-qış mövsümünə hazırlıq və qarşıda duran vəzifələrlə bağlı keçirilən iclası giriş sözü ilə universitetin rektoru, AMEA-nın müxbir üzvü Saleh Məhərrəmov açıb. O, avqust ayının 4-də Naxçıvan Muxtar Respublikası Ali Məclisində 2018-2019-cu illərin payız-qış mövsümünə hazırlıq və qarşıda duran vəzifələrlə əlaqədar keçirilən müşavirədə ali və orta ixtisas təhsili müəssisələrinin tədris korpuslarının, idman zallarının, sosial xidmət mərkəzləri və yataqxanalarının qış mövsümünə hazırlığı barədə verilən tapşırığı diqqətə çatdırıb. Qeyd edib ki, bir neçə ildir, muxtar respublikaya verilən fasiləsiz enerji, təbii qaz, içməli suya olan tələbatın ödənilməsi, istilik sistemlərinin qurulması universitetdə bu sahədə olan çətinlikləri aradan qaldırıb.
“Ali təhsil ocağında müasir infra­strukturun yaradılması və tədrisin keyfiyyətinin artırılması istiqamətində görülən işlər muxtar respublikamızda təhsilin inkişafına göstərilən hərtərəfli dövlət qayğısının əyani ifadəsidir”, – deyən rektor onu da əlavə edib ki, həyata keçiriləcək tədbirlər sayəsində ali təhsil ocağı payız-qış mövsümündə heç bir problemlə üzləşməyəcək.
Təsərrüfat və xidmət şöbəsinin müdiri Araz Zalov deyib ki, müşavirədə verilmiş tapşırıqların icrasının təmin olunması ilə əlaqədar hər il payız-qış mövsümünə hazırlıq işlərinin əvvəlcədən görülməsi öz bəhrəsini verir. Bu, soyuq aylarda yarana biləcək çatışmazlıqların qabaqcadan aşkarlanaraq aradan qaldırılmasını təmin edir.
Şöbə müdiri onu da qeyd edib ki, qazan­xanaların fəaliyyəti, elektrik enerjisi ilə təchizatı, su və kanalizasiya xətlərinin vəziyyəti reyd briqadası tərəfindən araşdırılır. Vurğulanıb ki, mövsümə qədər görülməsi nəzərdə tutulan işlərin vaxtında başa çatdırılması təmin olunacaq.
Sonra məruzə ətrafında çıxışlar dinlənilib.

Səadət Əliyeva

Naxçıvan Muxtar Respublikasında yerləşən birləşmə, hissə və bölmələrdə döyüş hazırlığı planına uyğun olaraq praktik məşğələlər və növbəti komanda-qərargah təlimi keçirilir.
Əlahiddə Ümumqoşun Orduda üçpilləli, ikitərəfli olmaqla, keçirilən növbəti komanda-qərargah təlimində praktik fəaliyyətlərə cəlb edilmiş bölmələr həyəcan siqnalı ilə qaldırılaraq cəmləşmə rayonlarına çıxarılıb. Komanda-qərargah təliminin birinci mərhələsində ərazidə müdafiə və hücum əməliyyatlarının qərargahlar tərəfindən planlaşdırılması, ikinci mərhələsində isə qəbul edilmiş qərarların Simulyasiya mərkəzində kompüterlər üzərində icrası həyata keçiriləcək.
Aviasiya bölmələrində keçirilən təlim-məşq uçuşları zamanı SU-25 hücum təyyarələri və Mİ-35 döyüş helikopterləri ilə yer hədəflərinə müxtəlif döyüş manevrlərindən hücum məşq etdirilib.
Tank bölmələri ilə kompleks məşğələlərdə tankçılarımızın sürücülük və atəş bacarıqları yoxlanılaraq qiymətləndirilib. Tankçıların Əlahiddə Ümumqoşun Ordunun Təlim-Tədris Mərkəzindəki trenajorlarda virtual olaraq mənimsədikləri vərdişlər səhra şəraitində təşkil olunan praktik məşğələlərdə daha da təkmilləşdirilib.

Nəriman NƏCƏFOV

Naxçıvan Muxtar Respublikası Dövlət Nəqliyyat Xidmətində ­payız-qış mövsümünə hazırlıq və qarşıda duran vəzifələrlə əlaqədar keçirilən ümumi yığıncağı xidmətin rəisi Əli Hüseynəliyev açaraq məruzə edib. Bildirib ki, avqustun 4-də Naxçıvan Muxtar Respublikası Ali Məclisində 2018-2019-cu illərin payız-qış mövsümünə hazırlıq və qarşıda duran vəzifələrlə bağlı keçirilən müşavirədə Dövlət Nəqliyyat Xidməti qarşısında da mühüm vəzifələr qoyulub. Verilmiş tapşırıqların icrası ilə əlaqədar ilkin olaraq ucqar dağ və sərhəd kəndlərinə işləyən marşrut avtobuslarının texniki müayinədən keçirilməsinə start verilib. Bu məqsədlə xidmətin payız-qış mövsümünə hazırlıq komissiyası bölgələrdə olub, ucqar dağ kəndlərinə işləyən nəqliyyat vasitələrinin sahibləri ilə əlaqə saxlayıb, mövcud çatışmazlıqların aradan qaldırılması üçün onlara köməklik göstərilib.
Qeyd olunub ki, avqust ayı ərzində muxtar respublikada sərnişindaşıma fəaliyyəti göstərən avtobus və mikro­avtobusların texniki müayinəsi keçirilib, 301 avtobus qeydiyyata alınıb. Onlardan 234-ü saz vəziyyətdə olub, 54-nə nasazlıqları aradan qaldırmaq üçün vaxt verilib, 13-ü isə əsaslı təmir üçün dayandırılıb.

Culfa rayonunda kənd təsərrüfatında işlərin gedişi və payızlıq taxıl əkininə hazırlığın vəziyyəti mövzusunda müşavirə keçirilib.
Tədbirdə rayon İcra Hakimiyyətinin başçısı Şükür Babayev çıxış edərək bildirib ki, bu gün muxtar respublikada həyata keçirilən irimiqyaslı islahatlar, imzalanan fərman və sərəncamlar, qəbul edilən qərarlar, reallaşan dövlət proqramları nəticəsində kənd təsərrüfatı sahəsində əldə olunan nailiyyətlər Culfa rayonunda da özünü bariz şəkildə göstərir.
Bildirilib ki, Azərbaycan Respublikası Prezidentinin “Kənd təsərrüfatı məhsulları istehsalçılarına dövlət dəstəyi haqqında” 2007-ci il 13 yanvar tarixli Sərəncamına uyğun olaraq hər il kənd təsərrüfatı məhsulları istehsalçılarına sərf etdikləri yanacaq və motor yağlarına görə əkin üçün hər hektara 50 manat, biçin üçün isə 40 manat həcmində yardımların verilməsi kənd təsərrüfatı məhsullarının maya dəyərini aşağı salmaqla əldə olunmuş gəlirin çoxalmasına zəmin yaradıb.
İstehsalçılara güzəştli kreditlərin verilməsi, onların zəruri texnika və avadanlıqlarla, həmçinin gübrələrlə, keyfiyyətli və məhsuldar toxum materialı ilə təmin edilməsi, bundan başqa, kənd təsərrüfatı məhsullarının birbaşa satışına kömək məqsədilə satış yarmarkalarının təşkili torpaq mülkiyyətçilərinin əkinçiliyə marağının daha da artmasına səbəb olub.

Günü-gündən abadlaşan, gözəlləşən muxtar respublikamızda gənc nəslin vətənpərvər böyüməsi, hərtərəfli inkişafı, ətraf mühiti dərk edərək mühafizə etməsi üçün ekoloji tərbiyənin mühüm əhəmiyyəti vardır. Hazırda böyüməkdə olan gənc nəslin ekoloji təhsil və tərbiyəsində, asudə vaxtlarının maraqlı keçməsində Naxçıvan Muxtar Respublikası Ekoloji Tərbiyə Mərkəzinin rolu böyükdür. Bu məktəbdənkənar müəssisə 1970-ci ildə Gənc Təbiətçilər Stansiyası kimi fəaliyyətə başlayıb, 1991-ci ildə həmin baza əsasında Ekoloji Tərbiyə Mərkəzi yaradılıb. 

Mərkəzin fəaliyyəti ilə yaxından tanış olmaq üçün buraya üz tutduq, direktor Aynur Mustafayeva ilə həmsöhbət olduq. O bildirdi ki, təbiət haqqında bilikləri öyrənmək, ekoloji təhsil və tərbiyəni möhkəmləndirmək, ekoloji vəziyyəti yaxşılaşdırmaq, istedadlı uşaqları üzə çıxarmaq işində bizim mərkəzin də üzərinə mühüm vəzifələr düşür. Burada 33 adda dərnək fəaliyyət göstərir və bu dərnəklərin işinə 7 adda kabinə nəzarət edir. Hər bir ekoloji dərnəyə şəhərimizin müxtəlif məktəblərindən şagirdlər cəlb edilib. 2017-2018-ci tədris ilində şəhər məktəblərinin 816 şagirdi ekoloji dərnəklərə üzv yazılıb.

Naxçıvan Muxtar Respublikası Əmək və Əhalinin Sosial Müdafiəsi Nazirliyində 2018-2019-cu illərin payız-qış mövsümünə hazırlıq və qarşıda duran vəzifələrlə əlaqədar keçirilən iclası nazir Cavid Səfərov açıb.
Bildirilib ki, payız-qış mövsümündə mövsümi qazanxana işçilərinin qabaqcadan təlimatlandırılması ilə bağlı hazırlıq tədbirlərinə başlanılıb. Bütün ocaqçıların müvafiq kurslara cəlb olunmasına diqqət artırılıb. Nazirliyin tabeliyində olan müəssisələrinin, eləcə də Ahıllar Evinin mövsümə hazırlığı ilə bağlı müvafiq tədbirlər görülür, hərbi hissələr üçün yun corabların toxunması işinin bu il də davam etdirilməsi diqqətdə saxlanılır.
Vurğulanıb ki, payız-qış mövsümünə hazırlıqla bağlı nazirlik və onun tabeliyində olan qurumların inzibati binalarına baxış təşkil olunub, istilik, su və kanalizasiya xətlərinin istismara yararlı­lığı yoxlanılıb. Həmin inzibati binalarda aşkar edilən nöqsanlar aradan qaldırılıb. Qeyd olunanlarla yanaşı, inzibati binaların mühafizəsinə və mühafizəçilərin fəaliyyətinə nəzarət artırılıb. Mövsümə hazırlıqla bağlı görülən işlər davam etdirilir.
Sonra məruzə ətrafında çıxışlar dinlənilib, payız-qış mövsümünə hazırlıqla əlaqədar tədbirlər planı təsdiq olunub.

Azərbaycan Respublikası Sərhəd Qoşunlarının formalaşmasında ümummilli liderimizin siyasi fəaliyyətinin 1990-1993-cü illəri əhatə edən Naxçıvan dövrü müstəsna əhəmiyyətə malikdir. Bu dövrdə ulu öndər Heydər Əliyevin rəhbərliyi ilə ilk milli sərhəd qurumları yaradılmışdır.
Ümummilli liderimiz Naxçıvan Muxtar Respublikası Ali Məclisinin Sədri seçildikdən cəmi dörd gün sonra, 1991-ci il sentyabr ayının 7-də Dövlət Müdafiə Komitəsinin yaradılması barədə qərar qəbul etmişdir. Bununla da, Azərbaycanda vahid komandanlığa tabe olan ilk milli ordunun əsası qoyulmuşdur. Həmin vaxt Naxçıvandakı sərhəd dəstəsinin əmlakının, silah və sursatının tamamilə Azərbaycan sərhədçilərinə təhvil verilməsi işi də ölkəmizin milli maraqlarına uyğun şəkildə həll olunmuşdur. 1992-ci il avqust ayının 22-də Naxçıvandakı 41-ci Sərhəd Dəstəsi Azərbaycanın tabeliyinə keçmiş və sərhəd dəstəsində ilk dəfə müstəqil Azərbaycanın üçrəngli bayrağı qaldırılmışdı. Rusiya Sərhəd Qoşunları Baş Komandanlığı və Zaqafqaziya Sərhəd Qoşunları Dairəsinin rəhbərliyi ilə aparılan danışıqların nəticəsi olaraq, 1992-ci il sentyabrın 29-da isə 41-ci Sərhəd Dəstəsi ləğv olunmuş, onun bütün hərbi və təsərrüfat əmlakı Naxçıvanda yeni yaradılmış birinci Sərhəd Dəstəsinin sərəncamına verilmiş, 215 kilometrlik sərhəd ərazisi ilk dəfə olaraq milli Sərhəd Qoşunları tərəfindən mühafizəyə qəbul edilmişdir.

Naxçıvan Muxtar Respublikasının daxili işlər orqanlarında orta və böyük rəis heyəti vakant vəzifələrin tutulması üçün 1 iyun 2018-ci il tarixdə elan olunmuş müsabiqənin test imtahanlarına 21 avqustdan start verilib.
Müsabiqəyə 53 vakant vəzifə çıxarılıb, həmin vəzifələrin tutulması üçün 49 nəfər sənəd təqdim edib. Test imtahanlarında keçid balını toplamış şəxslər müsahibə mərhələsində iştirak etmək hüququ qazanacaqdır. İmtahan başlanmazdan əvvəl namizədlərə slayd vasitəsilə imtahan və test proqramından istifadə qaydaları haqqında məlumat verilib. İmtahanda namizədlərə qanunvericilik üzrə 80, məntiqi təfəkkürün yoxlanılması üzrə 20 sual olmaqla, 100 sual təqdim edilib, sualları cavablandırmaq üçün 2 saat 30 dəqiqə vaxt verilib. Obyektivliyin və şəffaflığın tam təmin edilməsi məqsədilə imtahanın videoçəkilişi aparılıb. İmtahan bitdikdən dərhal sonra namizədlərə cavab kartı və nəticəyə dair arayış təqdim edilib. Test imtahanında Naxçıvan Muxtar Respublikası Daxili İşlər Nazirliyinin əməkdaşları müşahidəçi kimi iştirak ediblər.
Test imtahanlarının nəticələri Naxçıvan Muxtar Respublikası Ali Məclisinin Sədri yanında Dövlət Qulluğu Məsələləri üzrə Komissiyanın rəsmi internet ­səhifəsində (www.dqmk.nmr.az) yerləşdirilib.

Naxçıvan Muxtar Respublikası Ali Məclisinin Sədri yanında
Dövlət Qulluğu Məsələləri üzrə Komissiyanın mətbuat xidməti

Uca Tanrıya məhəbbətin, Rəbbimizin öz bəndələrinə lütf və mərhəmətinin ifadəsi olan müqəddəs Qurban bayramı əsrlər boyu insanların həmrəyliyinə, mənəvi saflaşmasına xidmət edib və etməkdədir.
“Qurban” sözü lüğəti mənada “yaxınlaşmaq” dеməkdir. Yəni qurban kəsən hər bir kəs bu əməli ilə Allaha yaxınlaşır. Allah dərgahında kəsilən qurbanlar ruhi dəyərlərin paklanmasında, insanların xeyirxah əməllər ətrafında birləşməsində mühüm rol oynayır. Qurban İslam aləmində ən dəyərli bayramlardan biri, eyni zamanda müsəlmanların Həcc ziyarəti mərasiminin bir hissəsidir. Bütün müsəlman aləmində hər il hicri təqvimi ilə Zilhiccə ayının 10-cu günündən başlayır və adətən, üç gün davam edir. İslam dinində bu ayin xüsusi mahiyyət kəsb edir. Onun əsasında Allaha sonsuz sevgi, Onun qüdrətinə dərin inam və iman işığı durur.
Yüksək insani keyfiyyətlərdən olan dostluğun, qardaşlığın, fədakarlığın cəmiyyətdə inkişafı və gələcək nəsillərə təlqin edilməsi üçün gözəl fürsət kimi dəyərləndirilən Qurban bayramı hicrətin ikinci ilində fərz qılınıb. “Qurani-Kərim”in “Kövsər” surəsində deyilir: “Rəbbin üçün namaz qıl və qurban kəs. De ki: “Mənim namazım da, kəsdiyim qurban da, həyatım və ölümüm də aləmlərin Rəbbi – Allah üçündür”. “Biz hər bir ümmət üçün bir qurbangah müəyyən etdik ki, Allahın onlara ruzi verdiyi dördayaqlı heyvanların üstündə (onları kəsdikləri zaman) Allahın adını çəksinlər”. Bundan əlavə, Peyğəmbərimiz (s.ə.s) buyurub: “Bayram namazından sonra qurban kəsən ibadətini tamamlamış və müsəlmanların sünnəsinə (yoluna) əməl etmişdir”.

Dövlət müstəqilliyimizin bərpasının ilk illərində respublikamızda ordu quruculuğu prosesinin həyata keçirilməməsi, vahid komandanlığın formalaşdırılmaması, hərbi-siyasi rəhbərliyin iradəsizliyi xalqımızı ağır bəlalara düçar edib. Məhz buna görə də xaricdən verilən hərbi kömək hesabına işğalçı Ermənistan öz məkrli planlarını həyata keçirib. 1993-cü il avqustun 23-də Cəbrayılı və Füzulini ələ keçirən ermənilər işğal etdikləri hər bir yaşayış məntəqəsində olduğu kimi, bu rayonlarda da qətl, qarət və dağıntılar törədib, yerli sakinləri doğma torpaqlarından didərgin salıblar. BMT Təhlükəsizlik Şurası işğal edilən Füzuli, Cəbrayıl, Qubadlı və digər rayonlardan erməni silahlı qüvvələrinin qeyd-şərtsiz çıxarılmasını tələb edən 874 saylı qətnamə qəbul etsə də, bu qətnamə də digərləri kimi icra edilməyib, kağız üzərində qalıb.

Naxçıvan memarlıq məktəbinin inciləri ilə zəngin olan yurd yeri: Füzuli

1993-cü il avqustun 23-də Füzulinin 51 kəndi və rayon mərkəzi ermənilər tərəfindən viran qoyuldu, 55 min nəfərə yaxın sakin doğma yurdundan didərgin salındı. Qeyd edək ki, 1386 kvadratkilometr ərazisi olan rayonun əhalisi işğala qədər 105 min nəfərdən çox idi.

Naxçıvan Muxtar Respublikası Avtomobil Yolları Dövlət Agentliyində payız-qış mövsümünə hazırlıq və qarşıda duran vəzifələrlə əlaqədar keçirilən iclası agent­liyin direktoru Bəhruz Əsgərov açaraq məruzə edib. Bildirib ki, avqustun 4-də Naxçıvan Muxtar Respublikası Ali Məclisində 2018-2019-cu illərin payız-qış mövsümünə hazırlıq və qarşıda duran vəzifələrlə bağlı keçirilən müşavirədə Avtomobil Yolları Dövlət Agentliyinin qarşısında mövsüm ərzində yolların qardan təmizlənməsi üçün texnikaların işlək vəziyyətdə olması və qum ehtiyatı yaradılmasının təmin edilməsi kimi vəzifələr qoyulub. Verilmiş tapşırıqların icrası ilə bağlı agentlik və onun tabeliyində olan yol istismar idarələri hazırda bu istiqamətdə kompleks tədbirlər görür.
Qeyd olunub ki, leysan yağışları zamanı və soyuq qış mövsümündə avtomobil yollarında hərəkətin intensivliyinin təmin edilməsi məqsədilə bütün texnikalara baxış keçirilib, fəhlə və mexanizatorların mövsümlə əlaqədar iş paltarları ilə təmin olunması nəzərdə tutulub. Ümumilikdə, qış mövsümündə işləyəcək mexanizatorlar üçün 72 dəst isti paltar, 82 cüt isti ayaqqabı alınması, çətin hava şəraitində işləyəcək avtomaşınlar üçün zəncir tədarük olunması nəzərdə tutulub. Həmçinin 12 avtoqreyder, 29 yükboşaldan avtomaşın, 8 buldozer, 1 qumsəpən avtomaşın, 3 ekskavator, 5 avtoyükləyici və 3 qartəmizləyən maşın qış mövsümündə muxtar respublikamızın şəhər və rayonlarının, ucqar dağ və sərhəd kəndlərinin avtomobil yollarında yarana biləcək hər hansı bir maneənin vaxtında aradan qaldırılması üçün tam hazır vəziyyətə gətirilib.