Xalqımızın ümummilli lideri Heydər Əliyevin 90 illik yubileyi münasibətilə keçirilən “Naxçıvan Open-2013” Beynəlxalq Şahmat Festivalı davam edir. Festivalda iştirak edən hakimlər, beynəlxalq qrossmeysterlər, məşqçilərlə görüşüb təəssüratlarını öyrənirik:
İlqar BACARANİ – beynəlxalq dərəcəli hakim, beynəlxalq usta, şahmat üzrə əməkdar məşqçi:
– Artıq üçüncü dəfədir ki, Naxçıvanda ümummilli lider Heydər Əliyevin anadan olmasının ildönümü münasibətilə keçirilən Beynəlxalq Şahmat Festivalında iştirak edirik. Əvvəlki illərdə olduğu kimi, bu il də festival çox təntənəli şəkildə keçir. Burada şahmatçılar 3 qrupda – “A”, “B”, “C” qruplarında mübarizə aparırlar. “C” qrupunda 12 yaşadək uşaqlar, “B” qrupunda reytinq əmsalı 1250-dən aşağı olan şahmatçılar, “A” qrupunda isə reytinq əmsalı 2250-dən yuxarı olan zəka sahibləri yarışırlar. Əvvəlcə “A” qrupunda yarışan şahmatçılar haqqında onu demək istərdim ki, bu qrupda yarışan şahmatçılar, əsasən, dünyanın aparıcı şahmat ölkələrini təmsil edirlər. Onlar arasında Azərbaycan yığma komandasının üzvləri də var. Mükafat fondu, şahmatçılar üçün yaradılan şərait kifayət qədər cəlbedicidir və buna görə də bu festivalda yüksək reytinqə sahib şahmatçıların oyununu izləyə bilirik. Onu da qeyd edim ki, şahmat festivalında “A” qrupunun oyunlarını internet üzərindən bütün dünya izləyir.
Ümummilli liderimiz Heydər Əliyevin 90 illik yubileyi münasibətilə keçirilən “Naxçıvan Open-2013” Beynəlxalq Şahmat Festivalında VII turun oyunları yekunlaşıb. 
Naxçıvan şəhər 3 nömrəli tam orta məktəbin V-VI sinif şagirdləri arasında “Şən startlar” əyləncəli idman yarışı keçirilib. Yarışda 2 komanda – “ Forsaj” və “ İdmançılar” iştirak edib. 
Ümummilli liderimiz Heydər Əliyevin 90 illik yubileyi münasibətilə keçirilən “Naxçıvan Open-2013” Beynəlxalq Şahmat Festivalında V turun oyunları yekunlaşıb. Bu turda “C” qrupunda Şərur şahmatçısı Rəvan Rəhimov Bakı şahmatçısı Kənan Qarayevlə qarşılaşıb. Bu oyundan hər iki şahmatçı yarım xal əldə edib. V turdan sonra Rəvan Rəhimov 4,5 xalla turnir cədvəlinə liderlik edir. İkinci və üçüncü yerləri isə Sumqayıt şahmatçıları Murad İbrahimli və Kamal Əzizov bölüşdürürlər.
Azərbaycan xalqının ümummilli lideri Heydər Əliyevin 90 illik yubileyi münasibətilə keçirilən “Naxçıvan Open-2013” Beynəlxalq Şahmat Festivalında dördüncü turun oyunları yekunlaşıb. Bu turdan sonra “C” qrupunda Naxçıvan şahmatçısı Rəvan Rəhimov 4 xalla turnir cədvəlində birinciliyi əldə edib. Bu mövqeyi ona Bakı şahmatçısı Gülçin Qədimbəyli ilə görüşdə qazandığı qələbə təmin edib. Digər bir Bakı şahmat məktəbinin yetirməsi Elman Atakişiyev turnir cədvəlində ikinci sırada, Qubadlı şahmatçısı İmran Babayev isə üçüncü sırada qərarlaşıb. 
Qədir Hüseynov – beynəlxalq qrossmeyster (Azərbaycan): Beynəlxalq festivalın mənim üçün ən böyük əhəmiyyəti bu festivalın müstəqil Azərbaycanın qurucusu, ulu öndərimiz Heydər Əliyevin 90 illik yubileyinə həsr edilməsidir. Naxçıvana gəlişim xoş xatirələrlə yadda qalacaq. Ona görə ki, burada biz şahmatçılar üçün yaxşı şərait yaradılıb və asudə vaxtımız da səmərəli təşkil edilib. Hər gün yarışlardan əvvəl Naxçıvanın görməli yerlərində olur, bu diyarın tarixi, mədəniyyəti, incəsənəti haqqında məlumatlar alırıq. Naxçıvan bir şahmatçı üçün ideal məkandır. Hər yer sakit və təmizdir. İnsan özünü çox rahat hiss edir. Bizə yaradılan şəraitə görə şahmatçı yoldaşlarım adından minnətdarlığımı bildirirəm.
Mustafa Yılmaz – beynəlxalq qrossmeyster (Türkiyə): Artıq ikinci dəfədir, Naxçıvanda oluram. Buraya gələndə Naxçıvanın nə qədər dəyişildiyini gördüm. Mən elə hiss edirdim ki, bu diyara birinci dəfədir gəlirəm. Şahmat Mərkəzini görəndə çox təəccübləndim. Çünki bu idman müəssisəsi dünyanın inkişaf etmiş ölkələrində inşa olunan şahmat mərkəzlərindən heç də geri qalmır. Şahmat Mərkəzində mötəbər beynəlxalq turnirlərin keçirilməsi üçün ən yüksək şərait yaradılıb. Onu da deyim ki, bu qədim diyarda şahmata böyük maraq var. Festivalın keçirilməsi üçün hərtərəfli hazırlıq işləri də yüksək səviyyədə olub. Bu səbəbdən də dünyanın müxtəlif ölkələrindən buraya öz gücünü sınamağa gəlmiş şahmatçılar razılıq edirlər. Bizə görüşlərdə qələbə əzmi yaradan şəraitə və naxçıvanlıların yüksək qonaqpərvərliyinə görə minnətdarlığımızı bildiririk.
Aleksandr Xalifman – beynəlxalq qrossmeyster (Rusiya): İkinci dəfədir ki, Naxçıvan Muxtar Respublikasında keçirilən beynəlxalq festivalda iştirak edirəm. Keçən il xoş təəssüratlarla ayrılmışdım. Bu dəfə festivala dəvət alanda çox sevindim. Ona görə sevindim ki, köhnə dostlarımı görmək, onlarla ünsiyyətdə olmaq imkanı əldə edirəm. Muxtar respublika bu festivalla dünyanın müxtəlif ölkələrindən gələn insanları bir araya toplayıb. Bu, məncə, böyük nailiyyətdir. Bir də ona görə məmnunam ki, Naxçıvan bizi yenə böyük qonaqpərvərliklə qarşıladı. Görürəm ki, şahmatçılara xüsusi diqqət yetirilir. Sözsüz ki, ürəkaçan mühit, yarışlarda müşahidə olunan yaxşı təşkilatçılıq oyunuma da təsir edir, qələbələrimin sayı artır. Çalışacağam, görkəmli dövlət xadimi Heydər Əliyevin 90 illik yubileyinə həsr olunmuş festivalın qalibi olum.
Naxçıvan mötəbər bir şahmat bayramına, Azərbaycan xalqının ümummilli lideri Heydər Əliyevin 90 illik yubileyi münasibətilə keçirilən “Naxçıvan Open-2013” Beynəlxalq Şahmat Festivalına ev sahibliyi edir. Festivalın baş hakimi, beynəlxalq dərəcəli hakim Faiq Həsənovla həmsöhbət olduq:
Dünən Daxili Qoşunların Naxçıvan Alayında Naxçıvan Muxtar Respublikası Gənclər və İdman, Təhsil və Fövqəladə Hallar nazirlikləri, Naxçıvan Qarnizonu və Naxçıvan Muxtar Respublikası Səfərbərlik və Hərbi Xidmətə Çağırış üzrə Dövlət Xidmətinin birgə təşkilatçılığı ilə “Şahin” hərbi-idman oyununun muxtar respublika zona birinciliyi keçirilib.
Aprel ayının 20-də Hava və Ekstremal İdman Növləri Federasiyasının yaranmasına həsr olunmuş 10 km məsafəyə yürüş üzrə Naxçıvan Muxtar Respublikası birinciliyi keçirilib. “Əshabi-Kəhf” Ziyarətgahı Dini-Mədəni Abidə Kompleksinə gedən yolda keçirilən yarış başlanmazdan əvvəl Naxçıvan Muxtar Respublikasının gənclər və idman naziri Azad Cabbarov və Hava və Ekstremal İdman Növləri Federasiyasının sədri Hafiz Yaqubov çıxış edərək komandalara uğurlar arzulayıblar.
Şərur Şəhər Olimpiya İdman Kompleksində Naxçıvan Muxtar Respublikası Karate-do Federasiyası “Zərərli vərdişlərə yox deyək, həmişə sağlam olaq” devizi altında yeniyetmələr arasında karate-do üzrə rayon birinciliyi keçirmişdir. Turnirdə 8-9, 10-11, 12-13, 14-15 və 16-17 yaş qrupları arasında 4 məktəbin komandası iştirak etmişdir. Yarışdan əvvəl Azərbaycan Respublikasının Dövlət himni səsləndirilmişdir. Tədbiri giriş sözü ilə muxtar respublika Karate-do Federasiyasının sədr müavini Nəriman Quliyev açaraq demişdir ki, yarışın keçirilməsində məqsəd uşaqların sağlam, vətənpərvər ruhda tərbiyə edilməsinə, idmançı, məşqçi və hakimlərin ustalığının artırılmasına, uşaqların mənəvi və fiziki hazırlığının inkişafına və karate-do idman növünün inkişafına və kütləviliyinə nail olmaqdan ibarətdir. 
Ümummilli liderimiz Heydər Əliyevin 90 illik yubileyi münasibətilə Culfa Rayon Şahmat Məktəbində 14 yaşadək məktəblilər arasında şahmat üzrə muxtar respublika birinciliyi keçirilir. 9 aprel tarixdə start verilən, Naxçıvan Muxtar Respublikası Gənclər və İdman, Təhsil nazirliklərinin, muxtar respublika Şahmat Federasiyasının birgə təşkil etdiyi birincilikdə hələlik Naxçıvan şəhərinin məktəbli şahmatçıları 12 xalla irəlidədirlər. Ordubad şahmatçılarının 10, Culfa şahmatçılarının isə 9 xalı var. Birinciliyin yekun nəticəsi bu gün bəlli olacaq.
Naxçıvan şəhərindəki Şahmat Mərkəzində şəhər ümumtəhsil məktəbləri şagirdlərinin iştirakı ilə şahmat yarışı keçirilib. Yarışı Naxçıvan Şəhər Təhsil Şöbəsi, Gənclər və İdman İdarəsi təşkil edib.
İlham Əliyev adına Olimpiya İdman Kompleksində Naxçıvan Muxtar Respublikası Gənclər və İdman Nazirliyi və muxtar respublika Paralimpiya Federasiyasının təşkilatçılığı ilə xalq-uşaq oyunlarından ibarət əyləncəli idman yarışı keçirilib.
Ulu öndər Heydər Əliyevin 90 illik yubileyi ilə əlaqədar olaraq, Babək Rayon İcra Hakimiyyəti tərəfindən tərtib olunmuş tədbirlər planına əsasən, ümumtəhsil məktəblərinin şagirdləri arasında şahmat üzrə rayon birinciliyi keçirilir. Şahmat Məktəbində keçirilən yarışın birinci zona turnirinə start verilmişdir. Yarış başlanmazdan əvvəl rayon İcra Hakimiyyəti başçısının müavini Səlvər Hacıyev və Naxçıvan Muxtar Respublikası Şahmat Federasiyası sədrinin müavini Emin Hacıyev çıxış edərək ölkəmizdə, eləcə də muxtar respublikamızda gənclərin asudə vaxtlarının səmərəli keçirilməsi üçün həyata keçirilən tədbirlərdən, idmana, o cümlədən şahmatın inkişafına göstərilən qayğıdan bəhs etmişlər. 
Fevral ayının 16-17-də Bakı şəhərindəki Hövsan Olimpiya İdman Kompleksində Dünya Karate Konfederasiyasının növləri üzrə Azərbaycan Karate-do Federasiyasının təşkilatçılığı ilə uşaqlar, yeniyetmələr, gənclər və böyüklər arasında Azərbaycan çempionatı keçirilmişdir. 350 idmançının qatıldığı çempionatda muxtar respublikamızın 10 nəfərdən ibarət komandası da iştirak etmişdir. Naxçıvan Muxtar Respublikası Karate-do Federasiyasının yetirmələrindən kontakt karate üzrə 16 yaş qrupunda yarışan Mircavid Seyidov ən yüksək nəticəni göstərərək qızıl medala sahib olmuşdur. Digər idmançılarımızdan 18 yaşdan yuxarı, 14-15, 11 yaş qruplarında tatamiyə çıxan İlkin Şirinov, Xəzər Əliyev və Həşim Nuriyev finalaqədərki görüşlərini uğurla başa çatdırmışlar. Lakin həlledici döyüşlərdə təmsilçilərimiz üstünlüyü əldən verərək ikinci yerlərə layiq görülmüşlər. Çempionatda karatenin iki növündə mübarizə apararaq kontakt karate üzrə qalib olan Mircavid Seyidov karatenin şotokan növü üzrə yarışlarda ikinci yerə layiq görülmüşdür. Yarışda 12 və 18 yaşdan yuxarı yaş qruplarında qüvvələrini sınayan Əkrəm Nəcəfov ilə Samir Sarıyev isə üçüncü yerləri tutmuşlar.
