Dünən Şərur Olimpiya İdman Kompleksində paralimpiyaçılar arasında stolüstü tennis üzrə muxtar respublika birinciliyi keçirilib. Naxçıvan Muxtar Respublikası Gənclər və İdman Nazirliyi ilə Paralimpiya Federasiyasının təşkil etdikləri yarışın açılış mərasimində Gənclər və İdman Nazirliyinin Kütləvi bədən tərbiyəsi və idman şöbəsinin məsləhətçisi Aydın Mirzəyev və Par­alimpiya Federasiyasının sədr müavini Elçin Nəzərəliyev çıxış edərək yarışın əhəmiyyətindən danışıblar.
Birincilikdə 20 idmançı iştirak edib. Yarışda Kəngərli rayon par­alimpiyaçısı Məhərrəm Zeynalov birinciliyin qalibi olub. Şərur və Kəngərli rayonlarının idmançıları Abbasəli Məhərrəmovla İsgəndər Hüseynov isə ikinci və üçüncü yerləri tutublar.
Sonda qalib idmançılara Naxçıvan Muxtar Respublikası Paralimpiya Federasiyasının hədiyyələri verilib. Həmçinin yer tutmayan idmançılara həvəsləndirici mükafatlar təqdim olunub.

Naxçıvan Muxtar Respublikası
Gənclər və İdman Nazirliyinin mətbuat xidməti