İbrahimxəlil Axundlu adına Naxçıvan Muxtar Respublika Stadionunun idman zalında muxtar respublika Karate-do Federasiyasının təşkilatçılığı ilə karate-do üzrə yoldaşlıq görüşü keçirilib. Federasiyanın komandası ilə Şərq Döyüşü Sənəti Federasiyasının karate-do bölməsinin idmançıları arasında keçirilən yarışda, ümumilikdə, 42 idmançı qüvvəsini sınayıb. Görüşdə Karate-do Federasiyasının idmançıları kumite döyüşləri üzrə 25:5, kata görüşlərində isə 6:0 hesabı ilə qalib gəliblər.
* * *
Şərur rayon ümumtəhsil məktəblərinin şagirdləri arasında isə stolüstü tennis üzrə birincilik keçirilib. 34 idmançının iştirak etdiyi yarışda Kamil Məhərrəmov, Kəmalə Əliyeva birinci, Xəlil Xəlilov, Nuray Əliyeva ikinci, Vəli Qasımov ilə Ellada Babayeva isə üçüncü yerləri tutublar. Fəxri yerləri tutan idmançılara diplomlar verilib.
Naxçıvan Muxtar Respublikası Gənclər və İdman Nazirliyinin
mətbuat xidməti
