Mart ayının 4-dən 6-dək sərbəst güləş üzrə yeniyetmələr arasında “Olimpiyaçılar aramızda” devizi altında açıq respublika turniri keçirilmişdir. Turnirdə qələbə uğrunda səylə mübarizə aparan bir idmançımız muxtar respublikamıza medalla qayıtmışdır. Belə ki, yarışda 58 kiloqram çəkidə mübarizə aparan Əmrah Məmmədov ilk görüşlərini öz üstünlüyü ilə başa çatdırmışdır. Buna baxmayaraq, gərgin və maraqlı keçən növbəti döyüşdə təmsilçimiz məğlub olaraq üçüncü yerlə kifayətlənməli olmuşdur. İdmançımız diplom və medalla təltif olunmuşdur.

Naxçıvan Muxtar Respublikası
Gənclər və İdman Nazirliyinin mətbuat xidməti