Şahbuz Rayon Gənclər və İdman İdarəsi, Təhsil Şöbəsi və Naxçıvan Muxtar Respublikası Yüngül Atletika Federasiyasının Şahbuz rayon şöbəsinin təşkilatçılığı ilə ümummilli lider Heydər Əliyevin 90 illiyinə həsr olunmuş kross qaçışı üzrə rayon birinciliyi keçirilib. Birincilikdə iştirak edən 30 idmançı fəxri yerlərə sahib olmaq üçün 1500 metr məsafəni qət edib. Yarışda finişə birinci, ikinci və üçüncü çatan idmançılar təşkilatçılar tərəfindən diplomlar və qiymətli hədiyyələrlə təltif olunublar.

Naxçıvan Muxtar Respublikası
Gənclər və İdman Nazirliyinin mətbuat xidməti