Naxçıvan Muxtar Respublikasında miqrasiya proseslərinə dövlət nəzarətinin gücləndirilməsi, qanunsuz miqrasiyanın qarşısının alınması məqsədilə Dövlət Miqrasiya Xidməti tərəfindən həyata keçirilən tədbirlər iyul ayında da davam etdirilmişdir. Xidmət tərəfindən muxtar respublika ərazisində qanunsuz yaşayan və qeydiyyatsız olan, habelə qanunsuz əmək fəaliyyəti ilə məşğul olan 14 əcnəbi aşkarlanaraq Azərbaycan Respublikasının qanunvericiliyinə uyğun olaraq barələrində müvafiq tədbirlər görülmüşdür.
Ötən ay Dövlət Miqrasiya Xidmətinə, ümumilikdə, 1681 müraciət daxil olmuşdur ki, onlardan 596-sı elektron xidmətlər portalı və elektron poçt üzərindən qəbul edilmişdir. Müraciətlərin 175-i əcnəbilərə Azərbaycan Respublikasında müvəqqəti və daimi yaşamaq, əmək fəaliyyəti ilə məşğul olmaq üçün iş icazələrinin verilməsi, eləcə də Azərbaycan Respublikasının vətəndaşlığına mənsubiyyətin müəyyənləşdirilməsi ilə bağlı olmuşdur. Müraciətlərin hər biri ayrı-ayrılıqda Azərbaycan Respublikası qanunvericiliyinin tələblərinə əsasən araşdırılmış, müvafiq qərarlar qəbul edilmişdir.

Baytarlıq xidməti müasir dövrdə ən vacib sahələrdən biridir. Bu zərurilik həm də onunla izah olunur ki, səhiyyə insanları, baytarlıq isə bütün bəşəriyyəti müalicə edir. Məhz buna görə də muxtar respublikamızda baytarlıq xidmətinin yüksək səviyyədə təşkili üçün mühüm tədbirlər həyata keçirilir, əhalinin sağlam və etibarlı ərzaq təhlükəsizliyində böyük rol oynayan bu xidmətin imkanlarından geniş istifadə edilir.
Beşinci çağırış Naxçıvan Muxtar Respublikası Ali Məclisinin onuncu sessiyasında Naxçıvan Muxtar Respublikası Ali Məclisinin Sədri bu istiqamətdə həyata keçirilən tədbirlərə toxunaraq mühüm tapşırıqlar vermişdir: “Dövlət Baytarlıq Xidməti heyvandarlıqda epizootik vəziyyəti nəzarətdə saxlamalı, peyvəndləmə tədbirləri vaxtında aparılmalı, mal-qaranın cins tərkibinin yaxşılaşdırılmasını və süni mayalandırma tədbirlərini diqqətdə saxlamalı, kənd təsərrüfatı aptekləri tələbata uyğun dərman preparatları ilə təmin edilməlidir”.
Bəs hazırda bu tapşırıqların icrası istiqamətində hansı işlər görülür? Naxçıvan Muxtar Respublikası Dövlət Baytarlıq Xidmətinin əməkdaşı Şəmsəddin Nağıyev bizimlə söhbətində bildirdi ki, dövlətimiz tərəfindən həyata keçirilən tədbirlər, eyni zamanda bu sahənin daim diqqət mərkəzində saxlanılması nəticəsində bu gün muxtar respublikamızda epizootik sabitlik təmin olunub. 2019-cu il üçün təsdiq olunmuş epizootik tədbirlər planının icrası tərəfimizdən diqqətdə saxlanılıb, kənd təsərrüfatı heyvanlarının sağlamlığının təmin olunması məqsədilə bir sıra işlər görülüb. Belə ki, cari ilin ilk yeddi ayı ərzində xroniki xəstəlik olan bruselyoza qarşı həm iribuynuzlu, həm də xırdabuynuzlu heyvanlardan diaqnostik məqsədlə 100 min 98 ədəddən yuxarı qan nümunələri götürülərək yoxlanılıb və xəstəlik aşkarlanmayıb. Eyni zamanda 254 min 256 baş xırdabuynuzlu heyvanda bruselyoz xəstəliyinə qarşı peyvəndləmə tədbirləri aparılıb, vərəm xəstəliyinə görə isə 15 min 790 baş iribuynuzlu heyvanda diaqnostik sınaq tədbirləri aparılıb və xəstə heyvan aşkarlanmayıb. Bununla yanaşı, epizootik tədirlər planına əsasən xüsusi təhlükəli xəstəliklərdən olan dabaq, qara­yara, nyukasl, quduzluq və sair kimi xəstəliklərə qarşı peyvəndləmə işləri görülüb və hazırda da bu tədbirlər plan əsasında davam etdirilir. Baytarlıq – sanitariya işlərinin əsasını təşkil edən profilaktik dezinfeksiya tədbirləri də mütəmadi olaraq davam etdirilir. İti yoluxucu xəstəliklərə qarşı cari ilin ilk yeddi ayı ərzində sərhədboyu ərazilərdə, yaylaqlarda və heyvan saxlanılan binalar da daxil olmaqla, 1906 obyektdə 338 min 253 kvadratmetr sahədə dezinfeksiya işləri keyfiyyətlə yerinə yetirilib.

Əlahiddə Ümumqoşun Orduda Heydər Əliyev adına Azərbaycan Ali Hərbi Məktəbini və Azərbaycan Tibb Universitetinin Hərbi Tibb Fakültəsini bu il bitirmiş, hərbi hissələrdə müvafiq vəzifələrə təyin edilərək xidmətlərini davam etdirən zabitlərlə təlim-metodiki toplantı ­keçirilib.
Toplantıda əsas diqqət zabitlərin taktiki biliklərinin, qərar qəbuletmə bacarıqlarının artırılmasına, xidmətə düzgün istiqamətləndirilmələrinə yönəldilib.
Zabitlərin Naxçıvan Muxtar Respublikasının gəzməli-görməli, tarixi­-mədəni yerlərinə və muzeylərinə ekskursiyaları da təşkil olunub. Həmçinin zabitlər Əlahiddə Ümumqoşun Ordunun birləşmə və hissələrində, ön xətdəki mövqelərində şəxsi heyətin sosial-məişət və xidmət şəraiti ilə tanış olublar.

Nəriman NƏCƏFOV

Naxçıvan Muxtar Respublikası Ali Məclisinin Sədri yanında Dövlət Qulluğu Məsələləri üzrə Komissiya tərəfindən 302 vakant vəzifə üzrə müəllimlərin dövlət ümumi təhsil müəssisələrinə işə qəbulu üçün 21 iyun 2019-cu il tarixdə elan olunmuş müsabiqənin test imtahanlarına 14 avqust tarixindən start verilib. Artıq ikinci ildir ki, müəllimlərin işə qəbulu müsabiqə əsasında həyata keçirilir. Burada əsas məqsəd müəllimlərin dövlət ümumi təhsil müəssisələrinə işə qəbulunun mərkəzləşdirilmiş qaydada müsabiqə və şəffaflıq əsasında, elektron proqram təminatı tətbiq olunmaqla test imtahanları vasitəsilə keçirilməsi və eləcə də yüksək şəxsi keyfiyyətlərə və ixtisas biliklərinə malik kadrların seçilərək həmin təhsil müəssisələrinə yerləşdirilməsidir.
Müsabiqəyə ən çox Şərur (75), Ordubad (74), Babək (37) və Şahbuz rayonları (37) üzrə vakant vəzifələr çıxarılıb. Həmin vəzifələrin tutulması üçün 599 namizəd sənəd təqdim edib. Vakant vəzifələr sırasında ən çox müraciət İbtidai sinif müəllimliyi (163), İngilis dili (83), Riyaziyyat (60), və İnformatika (58) ixtisasları üzrə qeydiyyata alınıb.
Müsabiqədə hər bir namizədə, ümumilikdə, 80 olmaqla, ixtisas üzrə 40, tədris metodikası və təlim strategiyalarına aid 25, informasiya və kommunikasiya texnologiyalarına aid 15 test tapşırığı təqdim edilir. Bu tapşırıqların yerinə yetirilməsi üçün namizədlərə 120 dəqiqə vaxt verilir və hər bir düzgün cavab bir balla qiymətləndirilir. Vakant vəzifənin tutulması üçün müraciət etmiş namizədlər arasında keçid balını yığmaqla ən yüksək bal toplamış şəxs müvafiq vəzifəyə təyin olunur. Musiqi, təsviri incəsənət, fiziki tərbiyə və texnologiya müəllimləri üçün test tapşırıqlarının 50 faizini (40 bal), stimullaşdırıcı tədbirlər tətbiq olunan müəssisələrə işə qəbul üçün test tapşırıqlarının 60 faizini (48 bal), digər müəssisələrə işə qəbul üçün test tapşırıqlarının 80 faizini (64 bal) düzgün cavablandırmış namizədlər keçid balını toplamış hesab edilirlər.

Muxtar respublikamızda ən çox ziyarət edilən məkanlardan olan açıq səma altında Naxçıvan Döyüş Şöhrəti Muzeyindəki eksponatların sırasına zenit­­-raket kompleksləri və döyüş təyyarələri daxil edilib.
Qeyd edək ki, ötən il 26 adda eksponatla fəaliyyətə başlayan muzeydə bu gün 36 adda silah, texnika və qurğu mövcuddur. Hazırda burada müxtəlif illərdə döyüş növbətçiliyinə qəbul edilmiş və döyüş yolu keçmiş haubitsa, top və minaatanlar, zenit-raket kompleksləri, döyüş-nəqliyyat vertolyotu, döyüş təyyarələri, zirehli transportyorlar, dartıcılar, eləcə də müxtəlif hərbi təyinatlı avtomobillər nümayiş olunur.
Muzeydə hər bir döyüş texnikası audioməlumatlandırma sistemi ilə təmin edilib.

Nəriman NƏCƏFOV

“Naxçıvan Hərbi Qarnizonu Qoşunlarının 2019-cu tədris ilinə uzlaşdırma planı”na əsasən birinci eşelonda yerləşən artilleriya və minaatan bölmələri qəfil yoxlanılıb.
Yoxlama zamanı həyəcan siqnalı ilə qaldırılan bölmələr atəş mövqeyi rayonlarına və komanda müşahidə məntəqələrinə çıxarılaraq döyüş tətbiqinə hazırlanıb. Atəş mövqeyi rayonlarından planlı və plandankənar hədəflərə döyüş atışları icra edilib.
Sonra artilleriya və minaatan bölmələri ehtiyat atəş mövqeyi rayonlarına və komanda müşahidə məntəqələrinə yerdəyişmə edərək yeni aşkar olunmuş hədəfləri məhv ediblər.
Qəfil yoxlama zamanı əsas diqqət bölmələrin döyüş tapşırıqlarını yerinə yetirməsinə, şəxsi heyətin funksional vəzifələrinin icrasına və ixtisas hazırlığı üzrə praktik vərdişlərinin təkmilləşdirilməsinə yönəldilib.

Nəriman NƏCƏFOV

Əlahiddə Ümumqoşun Orduda tabor, divizion komandirləri və müavinləri ilə komandir hazırlığı məşğələləri keçirilib.
Məşğələlərdə zabitlərin döyüş hazırlığı üzrə nəzəri bilikləri və praktik vərdişləri yoxlanılıb. Əsas məqsəd zabitlərin əməliyyatı planlama vərdiş və səriştələrinin real tapşırıqlara uyğun təkmilləşdirilməsi, fərdi bacarıq və peşəkarlıq səviyyələrinin artırılması, yeni normativlər üzrə imtahanların qəbulu metodikasının işlənilməsi olub.

Nəriman NƏCƏFOV

Son illər ətraf mühitin mühafizəsi sahəsində görülən işlər muxtar respublika ərazisində əlverişli ekoloji şəraitin qorunub saxlanılmasına zəmin yaradıb. Xüsusilə yaşıllıqların artırılması, flora və faunanın mühafizəsi sahəsində görülən işlər öz nəticəsini verir. Muxtar respublikada əhalinin sağlam ekoloji mühitdə yaşamasına xüsusi diqqət yetirilir. Bu tədbirlərin davamı olaraq Naxçıvan Muxtar Respublikası Ekologiya və Təbii Sərvətlər Nazirliyinin tabeliyində Sədərək Rayon Su Monitorinq Laboratoriyası yaradılıb. Laboratoriya üçün müasir avadanlıqlarla təchiz edilmiş yeni inzibati bina tikilib, iyul ayının 2-də istifadəyə verilib.
Naxçıvan Muxtar Respublikası ərazisində yerləşən bütün yeraltı və yerüstü suların analiz prosesini həyata keçirən bu laboratoriyanın qurulmasında əsas məqsəd suyun ekoloji vəziyyətinə nəzarət, su mənbələrinin çirklənməsinin qarşısının alınması və suda yaşayan canlıların qorunmasıdır. Yeni laboratoriyanın digərlərindən fərqi həm də qonşu ölkələrdəki çaylarda suyun ekoloji vəziyyətinə nəzarət etməkdir.
Bu günlərdə həmin laboratoriyada olduq. Baş laborant – müdir əvəzi Yalçın Əliyev bildirdi ki, ölkə əhəmiyyətli Su Monitorinq Laboratoriyası dünyada yerləşən su monitorinqi laboratoriyalarının xəritəsinə daxil edilib. Onun Ermənistanla sərhəd yaşayış məntəqəsi olan Sədərək rayonunda yerləşməsi həm də müşahidə olunacaq problemlərə vaxtında müdaxilə etməyə imkan verir. Ona görə də işə məsuliyyətlə yanaşılır, analizlərin dəqiq aparılması diqqətdə saxlanılır.

“Naxçıvan” Əlahiddə Sərhəd Diviziyasında keçirilən andiçmə mərasimində isə Azərbaycan Respublikası Dövlət Sərhəd Xidmətinin rəis müavini, “Naxçıvan” Əlahiddə Sərhəd Diviziyasının komandiri, general-mayor Niyaməddin Tağıyev Sərhəd Diviziyasının maddi­-texniki bazasının xeyli möhkəmləndirilməsindən, sərhəd zastavalarının müasir texnika, avadanlıq və ləvazimatlarla təmin olunmasından, yeni sərhəd infrastrukturu yaradılmasından danışıb, hərbi andı qəbul edən gənc əsgərləri təbrik edib.
Azərbaycan Respublikasının Dövlət Himni səsləndirildikdən sonra gənc əsgərlər Vətəni ləyaqətlə qoruyacaqlarına, əsgəri borclarını şərəflə yerinə yetirəcəklərinə and içiblər.

Sonra valideynlər adından Hüseynov Şəmil çıxış edərək, hərbi xidmətin Vətən qarşısında müqəddəs borc olduğunu qeyd edib və əsgərlərə nümunəvi xidmət arzulayıb. Əsgərlər adından çıxış edən Təhməzov Sabit isə onlara göstərilən diqqət və qayğını layiqincə doğruldacaqlarına, Vətənimizə şərəflə xidmət edəcəklərinə söz verib.

Avqustun 9-da Naxçıvan Muxtar Respublikası Ali Məclisi Sədrinin tapşırığına əsasən Naxçıvan Muxtar Respublikası Ali Məclisi adından 10 tona yaxın bostan-tərəvəz məhsulları Əlahiddə Ümumqoşun Orduya, “Naxçıvan” Əlahiddə Sərhəd Diviziyasına, Naxçıvan Muxtar Respublikası Fövqəladə Hallar Nazirliyinin Mülki Müdafiə Alayına və “Naxçıvan” Əlahiddə Əməliyyat Briqadasına təqdim olunub.

Və ya generallar nəslinin görkəmli nümayəndəsi

Yurdumuzun şanlı tarixinə adını qızıl hərflərlə yazmış elə nəsillər, elə sərkərdələr olub ki, onlar öz mərdliyi, igidliyi ilə Vətənimizin azadlığına, müstəqilliyinə mühüm töhfələr veriblər. Azərbaycanın hərb tarixində görkəmli rol oynamış belə sərkərdələrdən biri də milli hərb tariximizə 6 general bəxş etmiş Kəngərlilər nəslinin sonuncu generalı Cəmşid xan Naxçıvanskidir.

O, 10 avqust 1895-ci ildə Naxçıvan şəhərində ehtiyatda olan zabit Cəfərqulu xan Naxçıvanskinin ailəsində dünyaya göz açıb. 12 yaşı olarkən hərbi təhsil alması üçün atası Cəmşidi Tiflis Kadet Məktəbinə gətirir. Cəmşid burada 7 il ilkin hərbi təhsil aldıqdan sonra 1914-cü ildə Qərbi Ukraynanın Yelizavetqrad şəhərindəki Qvardiya Məktəbinə daxil olur. Amma I Dünya müharibəsinin başlaması ilə ölkədə vəziyyət dəyişir. Cəmşidə bu məktəbdə oxumaq cəmi 4 ay qismət olur. 1914-cü ilin dekabrında Cəmşid Naxçıvanskiyə proporşik hərbi rütbəsi verilərək çar Rusiyasının müsəlmanlardan təşkil etdiyi Qafqaz Süvari Diviziyasına xidmətə göndərilir. 1915-ci ilin qışında Cəmşid xan süvari alayı ilə birlikdə I Dünya müharibəsinin cənub-qərb cəbhəsində gedən qızğın döyüşlərə qatılır. Bu müharibə zamanı Brusilov cəbhəsinin yarılması, Kosovo, Novoselka kənd­ləri və Lutks şəhəri uğrunda, İnquş Süvari Alayının mühasirədən azad edilməsi əməliyyatında və onlarla digər döyüşlərdə Cəmşid Naxçıvanski qəhrəmanlıqla vuruşur. O, 4 il davam edən bu amansız döyüşlərdə 3 dəfə ağır yaralanır, hərbi hospitallarda müalicə alaraq təkrar döyüşlərə qatılır. Cəmşid Naxçıvanskinin döyüş meydanlarında göstərdiyi cəsarət və igidlik imperiya rəhbərliyi tərəfindən yüksək qiymətləndirilir, rütbəsi ştabs-rotmistrə qədər yüksəldilir, qiymətli hədiyyələrlə mükafatlandırılır.

“Xan Sarayı” Dövlət-Tarix Memarlıq, Möminə Xatın və Açıq Səma Altında Muzey Kompleksində general-mayor Cəmşid Naxçıvanskinin anadan olmasının 124-cü ildönümünə həsr edilmiş tədbir keçirilib.

Tədbiri giriş sözü ilə muzey kompleksinin direktoru, Azərbaycan Respublikasının Əməkdar mədəniyyət işçisi Nəzakət Əsədova milli hərb tariximizin görkəmli nümayəndələrinin həyat və fəaliyyətinin tədqiqi və təbliğinin əhəmiyyətindən danışıb.

İqtisadiyyat Nazirliyinin, struktur bölmələrinin və tabeliyindəki qurumların fəaliyyətləri, müxtəlifsahələr üzrə elanları, həmçinin maarifləndirici məlumatlar mətbuatda dərc olunub, eynizamanda internet səhifəsində yerləşdirilib.

Nazirliyin əvvəlki internet saytı müasir tələblərə cavab vermədiyindən yeni sayt (www.in.nakhchivan.az) hazırlanıb. Yeni dizayn, quruluş və məzmun baxımından zəruri tələblərə cavab verən internet saytı nazirliyin fəaliyyətinin ayrıayrı istiqamətlərinin, bu sahədə olan yeniliklərin, həyata keçirilən tədbirlərin daha dolğun və operativ şəkildə ictimaiyyətə çatdırılmasını təmin edəcəkdir. Sayt istifadəçiləri iqtisadiyyat sahəsinin müxtəlif istiqamətləri üzrə tətbiq edilən yenilikləri və normativ-hüquqi bazanı vahid mənbədən əldə edəcəklər. Saytın strukturu təkmilləşdirilib, yeni funksional bölmələr əlavə edilib və yeni dizayn verilib.

Dünən Şahbuz Rayon İcra Hakimiyyətində Naxçıvan Muxtar Respublikası Dövlət Baş Sığorta Agentliyi ilə birgə rayonda sığorta işinin təşkili və qarşıda duran vəzifələr barədə tədbir keçirilib.

Tədbiri rayon İcra Hakimiyyətinin başçısı Rəfael Babayev açaraq sığorta fəaliyyətinin əhəmiyyətindən danışıb.

Dövlət Baş Sığorta Agentliyinin baş direktoru Hikmət Əsgərov çıxış edərək qeyd edib ki, sığorta müxtəlif gözlənilməz hadisələr nəticəsində dəymiş maddi zərərlərin əvəzinin ödənilməsinə xidmət edir. O bildirib ki, vətəndaşlar vaxtında öz daşınmaz əmlakını, avtonəqliyyat vasitələrini, mülki məsuliyyətini icbari qaydada sığortalamaqla baş verən gözlənilməz hadisələrdən dəymiş maddi zərərlərin ödənilməsinə təminat alırlar.

Muxtar respublikamızda daşınmaz əmlakın qeydiyyatı sahəsində yeniliklərin tətbiqi daim diqqətdə saxlanılır. Həyata keçirilən tədbirlərin davamı olaraq qeydiyyatla bağlı daha keyfiyyətli xidmətlərin göstərilməsi və vətəndaşların rahatlığının təmin edilməsi məqsədilə Daşınmaz Əmlak və Torpaq Məsələləri üzrə Dövlət Komitəsi tərəfindən “əmlak kalkulyatoru” istifadəyə verilib. Vətəndaşlara və hüquqi şəxslərə daşınmaz əmlakla bağlı əməliyyatların aparılması zamanı tələb olunan dövlət rüsumu və xidmət haqqını əvvəlcədən onlayn qaydada hesablamaq imkanı yaradılıb.

“Əmlak kalkulyatoru” komitənin internet saytı (www.emlak.nakhchivan.az) vasitəsilə istifadəçilərə təqdim olunur. Müvafiq məlumatların daxil edilməsi ilə daşınmaz əmlak obyektlərinin qeydiyyatı və çıxarışın alınması, texniki sənədlərin hazırlanması, dövlət reyestrindən arayışların verilməsi, əmlakın qabaqcadan qeydiyyatı, yüklülükdən azadetmə, məhv olmuş daşınmaz əmlakın və onun üzərində hüquqların dövlət qeydiyyatının ləğvi, daşınmaz əmlakın sxematik bölgüsünün aparılması və digər xidmətlərə görə tələb olunan ödənişlər elektron qaydada hesablanır və yekun rəqəm təqdim olunur.

Naxçıvan Muxtar Respublikası Ali Məclisinin deputatı, Naxçıvan Muxtar Respublikasının Əməkdar müəllimi Rzayev Qürbət İsmayıl oğlu 2019-cu il avqustun 9-da vəfat etmişdir.
Qürbət Rzayev 1941-ci ildə Qazaxıstan Respublikasının Taldı­-Kurqan vilayətinin Kirovski rayonunun Kirov kəndində anadan olmuşdur. 1949-1960-cı illərdə Qazaxıstanın Kirov rayonunda orta məktəbdə təhsil almış, 1960-1961-ci illərdə Aza kənd məktəbində orta təhsilini başa vurmuşdur. 1962-ci ildə Mirzə Fətəli Axundov adına Azərbaycan Pedaqoji Dillər İnstitutunun qiyabi şöbəsinə qəbul olunmuş, həmin ildən Ordubad rayonunun Sabirkənd orta məktəbində müəllimlik fəaliyyətinə başlamışdır. O, 1967-ci ildə Sabirkənd orta məktəbinin tədris işləri üzrə direktor müavini, 1968-1972-ci illərdə həmin məktəbin direktoru, 1972-1996-cı illərdə Sabirkənd orta məktəbində rus dili müəllimi, 1996-1999-cu illərdə Ordubad Rayon Təhsil Şöbəsinin müdiri vəzifələrində işləmişdir.

Onlar yenə də xidmətdədirlər...

Məlum olduğu kimi, ötən ilin oktyabr ayında Naxçıvan Muxtar Respublikası Daxili İşlər Nazirliyində Veteranlar Şurasının yenidən təşkilatlanması ilə əlaqədar ümumi yığıncaq keçirilib. Şuraya 1985-ci ildən 2019-cu ilin yanvar ayınadək daxili işlər orqanlarında qüsursuz xidmət etmiş istefada olan polis polkovniki Yusif Həsənov sədr seçilib. Ötən müddət ərzində adıçəkilən şura öz işini necə qurub? Bu və ya bu kimi suallara cavab tapmaq üçün onunla həmsöbhət olduq.

– Yusif müəllim, şuranın yaradılmasında başlıca amillər barədə məlumat verməyinizi xahiş edirik.
– Ulu öndər Heydər Əliyev ­deyirdi: “Veteranlar bizim qızıl fondumuzdur”. Görkəmli dövlət xadiminin bu qənaətində böyük həqiqət var. Ona görə də Naxçıvan Muxtar Respublikası Daxili İşlər Nazirliyi sistemində Veteranlar Şurası yaradılması qərarına gəlindi. Əvvəlcə muxtar respublika daxili işlər orqanlarında xidmət edib təqaüdə buraxılan sabiq polis əməkdaşları haqqında məlumatlar əldə olundu. Həmin məlumatlar əsasında nazirlikdə Veteranlar Şurasının elektron bazası yaradıldı. Rayonların hamısında təqaüddə olan polis əməkdaşları ilə də görüşlər keçirildi, onların qarşılıqlı birgə fəaliyyətə cəlb olunması istiqamətində söhbətlər aparıldı.
2018-ci ilin oktyabr ayında keçirilən veteranların ilk ümumi yığıncağından və nazirliyin Veteranlar Şurasının yaradılmasından sonra ərazi polis orqanlarında yığıncaqlar keçirilərək bu qurumlarda da Veteranlar şuraları yaradılıb. Şuralar ulu öndər Heydər Əliyev tərəfindən müəyyən olunmuş və “Veteranlar haqqında” Qanunla təsbit edilmiş prinsipləri rəhbər tutaraq öz işini Naxçıvan Muxtar Respublikası Ali Məclisinin Sədri cənab Vasif Talıbovun veteranların qarşılıqlı birgə fəaliyyəti ilə bağlı verdiyi tapşırıq və tövsiyələri əsasında qurub.
Birgə fəaliyyətdə işin təşkili zamanı kəmiyyət və keyfiyyət göstəricilərinə xüsusi diqqət verilməsi Veteranlar Şurasının və ərazi polis orqanlarının qarşısına bir vəzifə kimi qoyulub.

Muxtar respublikada həyata keçirilən məşğulluq tədbirləri əhalinin sosial müdafiəsinin gücləndirilməsində, insanların daimi işlə təmin olunmasında mühüm rol oynayır.
Bu sahədə həyata keçirilən tədbirlər sakinlər tərəfindən onlara göstərilən yüksək qayğı kimi dəyərləndirilir. Bu məqsədlə Naxçıvan Muxtar Respublikası Ali Məclisi Sədrinin 2016-cı il 11 yanvar tarixli Sərəncamı ilə təsdiq edilmiş “2016-2020-ci illərdə Naxçıvan Muxtar Respublikasında əhalinin məşğulluğunun artırılması üzrə Dövlət Proqramı”nın icrasına uyğun olaraq iyul ayı ərzində Naxçıvan Muxtar Respublikası Əmək və Əhalinin Sosial Müdafiəsi Nazirliyi tərəfindən Naxçıvan şəhərində və muxtar respublikanın digər rayonlarında növbəti əmək yarmarkaları keçirilib.
Nəzərdə tutulmuş qrafik əsasında muxtar respublikanın şəhər və rayonlarında keçirilən əmək yarmarkalarında işaxtaranlara, ümumilikdə, 237 idarə, müəssisə və təşkilatdan 1785 boş iş yeri təqdim edilib. Həmin boş iş yerlərindən 1362-si dövlət, 423-ü isə qeyri-dövlət müəssisələrində olub.

Muxtar respublikada dəmir yolu nəqliyyatının inkişafı diqqətdə saxlanılır. İyul ayında bu nəqliyyat vasitəsilə ayrı-ayrı tikinti təşkilatlarının ünvanına 42 min tondan artıq müxtəlif təyinatlı yük, Ordubad-Şərur və Şərur-Culfa istiqamətlərində hərəkət edən yük-sərnişin qatarları vasitəsilə 12 mindən artıq sərnişin daşınmışdır.
Ötən ay vaqonlarda və lokomotivlərdə cari təmir işləri görülmüş, Culfa Lokomotiv Deposunda loko­motivlər texniki baxışdan keçirilmiş, Culfa İstismar Vaqon Deposunda müxtəliftipli yük və sərnişin vaqonlarında cari təmir işləri aparılmışdır. Həmçinin baş və stansiya yollarında, eləcə də yağış və leysan sularının maneəsiz ötürülməsi üçün dağüstü kanallarda, körpü yataqlarında, küvetlərdə və beton borularda, alçaq və yüksəkgərginlikli elektrik­ötürücü hava və təmas şəbəkəsi xətlərində təmir işləri aparılmış, dəmiryol obyektlərinin və elektrovozların fasiləsiz elektrik enerjisi ilə təmin olunması məqsədilə işlər davam etdirilmişdir.

“Naxçıvan Dəmir Yolları”
Məhdud Məsuliyyətli Cəmiyyəti

Naxçıvan Muxtar Respublikası Kənd Təsərrüfatı Nazirliyi tərəfindən iyul ayında muxtar respublikanın şəhər və rayonlarında ailə təsərrüfatı üzvləri, torpaq mülkiyyətçiləri və sahibkarlarla tarla-seminar müşavirələri keçirilmiş, yeni ailə təsərrüfatlarının yaradılması diqqətdə saxlanılmışdır.
Taxıl biçininin vaxtında və itkisiz başa çatdırılması üçün torpaq mülkiyyətçilərinə müvafiq köməklik göstərilmiş, biçindən sonra sahələrin küləşdən təmizlənməsi və yandırılmasının zərərləri ilə bağlı maarifləndirmə işləri aparılmışdır. Həmçinin muxtar respublikada məhsul bolluğunun yaradılması istiqamətində biçindən sonra təkrar yay əkinlərinin aparılmasının əhəmiyyəti və sahələrin hazırlanması ilə bağlı tədbirlər keçirilmiş, kartofçuluq, meyvə-tərəvəz, bostançılıqla məşğul olan torpaq mülkiyyətçilərinə tövsiyələr verilmiş, üzüm sahələrinin becərilməsinə dair qaydalar izah olunmuşdur.
“2017-2022-ci illərdə Naxçıvan Muxtar Respublikasında arıçılığın inkişafı üzrə Dövlət Proqramı”nın icrası ilə əlaqədar tədbirlər görülmüş, iri arıçılıq təsərrüfatları sahibkarlarının iştirakı ilə görüşlər, yaylaqlardan səmərəli istifadə edilməsi ilə bağlı müşavirələr keçirilmiş, mal-qaranın cins tərkibinin yaxşılaşdırılması istiqamətində süni mayalandırma tədbirləri davam etdirilmişdir. “Araz” Elm-İstehsalat Birliyinin laboratoriyasında torpaq nümunələri analiz edilərək nəticələrə dair yekun aktları verilmişdir.

Naxçıvan Muxtar Respublikası Kənd Təsərrüfatı Nazirliyinin
mətbuat xidməti

Şahbuz rayonunun Aşağı Qışlaq kəndində yaşayan Südabə Məhərrəmovadan söhbət açmaq istəyirəm. Həm illərdən bəri yaratdığı ailə təsərrüfatının başçısı, həm gözəl xalçaçı, həm də bu il şəhərimizdə keçirilən “Kətə” festivalında birinci yerə layiq görülən Südabə xanımdan. Sadaladığım hər üç işi böyük məharətlə bacaran bu xanım haqqında kənddə “Əlləri qızıldır”, – deyirlər. Söhbətə keçməzdən əvvəl onu da deyim ki, üç nədir, beş-altı, hətta on işin öhdəsindən eyni məharətlə gələn qadınlarımız yaşayır muxtar respublikamızın kəndlərində. Onlar, sanki anadan xalçaçı, ailə təsərrüfatçısı, festival qalibləri, 5-8 övladının gözəl tərbiyəçisi, hələ üstəlik, kəndlərimizdəki təşkilatların fəal işçisi, ictimaiyyətçi qadın olaraq doğulublar. Elə sadaladığım keyfiyyətlərin əksəriyyəti Südabə xanımda olduğu üçün yazımın qəhrəmanı kimi onu seçdim.

Muxtar respublika ərazisində ekoloji tarazlığın qorunması, təbii sərvətlərdən səmərəli istifadənin tənzimlənməsi, flora və fauna ehtiyatlarının qorunması məqsədilə tədbirlər iyul ayında da davam etdirilmişdir. Ötən ay ətraf mühitin mühafizəsi, meşə fondu torpaqlarından qanunsuz istifadə, ətraf mühitə atılan tullantıların normadan artıq olması hallarına qarşı 5 yoxlama-reyd keçirilmiş, 3 inzibati xəta qeydə alınmış və qanuna­müvafiq tədbirlər görülmüşdür. Ay ərzində ekoloji monitorinqlər davam etdirilmiş, Naxçıvan şəhəri, Culfa, Ordubad, Babək, Şahbuz rayonlarının, ümumilikdə, 30-dan çox yaşayış məntəqəsi ərazisində monitorinqlər aparılmışdır.
İyul ayında havaların isti keçməsi ilə əlaqədar yeni əkilmiş və mövcud meşə ərazilərində suvarma işləri davam etdirilmiş, meşələrin yanğından mühafizəsi üçün profilaktik tədbirlər görülmüş, 1000 kiloqramdan çox ərik, alma, alça, gilənar və tut toxumu tədarük olunmuşdur. Muxtar respublika ərazisində mövcud faydalı qazıntılardan səmərəli istifadə və bu sahədə kəşfiyyat işlərinin aparılması davam etdirilmiş, Qarabağlar travertin yatağında təftiş xarakterli 220 metr axtarış quyuları qazılmışdır.

Naxçıvan Muxtar Respublikası Ekologiya və Təbii Sərvətlər
Nazirliyinin mətbuat xidməti

12 avqust – Beynəlxalq Gənclər Günü ilə əlaqədar Naxçıvan şəhərində yerləşən “Saat Meydanı” turistik istirahət mərkəzində fəaliyyət göstərən “Batumi” restoranında gənclərlə görüş keçirilib.

Əvvəlcə gənclərə “Cinema­plus”da Naxçıvan televiziyasının hazırladığı qısametrajlı film nümayiş etdirilib. Daha sonra isə Naxçıvan Muxtar Respublikası Gənclər və İdman Nazirliyinin şöbə müdiri Tahir Məmmədli və Əmək və Əhalinin Sosial Müdafiəsi Nazirliyi yanında Dövlət Tibbi-Sosial Ekspertiza və Reabilitasiya Xidmətinin rəisi Canməmməd Canməmmədov çıxış edərək gənclərə muxtar respublikada aparılan gənclər siyasəti və fiziki imkanları məhdud yeniyetmə və gənclər üçün yaradılan şərait haqqında məlumat veriblər.
Bildirilib ki, 1998-ci il avqustun 8-dən 12-dək Lissabonda gənclərlə iş üzrə nazirlərin iştirakı ilə keçirilən beynəlxalq konfransda 12 avqustun Beynəlxalq Gənclər Günü kimi qeyd olunması qərara alınıb. Həmin gündən etibarən Azərbaycanda da bu gün hər il qeyd olunur.

Dadlı yay nemətlərindən biri olan qarpız muxtar respublikamızda daha çox Babək rayonunun Nehrəm kəndində əkilib-becərilir. Ən böyük kənd yaşayış məntəqələrindən biri olan Nehrəmin zəhmətkeş insanlarının ərsəyə gətirdikləri bu bostan bitkisi hər yerdə adla tanınır. Qarpız nehrəmlilər üçün əsas qazanc mənbəyi sayılır. Bazarlarda ən çox üstünlük verilən qarpızın alıcısı isə həmişə başının üstündə olur.
Neçə illərdir ki, bu sahə ilə məşğul olan torpaq mülkiyyətçisi, Nehrəm kənd sakini Cəmşid Həsənovla həmsöhbət olduq. Öyrəndik ki, təcrübəli əkinçi 20 hektar sahədə qarpız yetişdirib və indiyə qədər 250 ton məhsul əldə edib. O deyir ki, yaxşı becərildikdə 1 hektar sahədən 35-40 ton məhsul götürmək mümkündür. Torpaq sahələrini suvarmaqda heç bir çətinliyimiz yoxdur. Bənəniyar gölü və Heydər Əliyev Su Anbarından verilən su əkin sahələrini suvarmağa kifayət edir.
Qarpızın becərilmə üsullarından danışan müsahibim deyir ki, bostan bitkiləri, o cümlədən qarpız günəş şüası düşən yerlərdə əkilib-becərilməlidir. Müsahibim Türkiyənin Adana şəhərindən gətirdiyi “Holland” sortu qarpız tumlarını martın sonu, aprelin əvvəllərində torpağa basdırıb. Qarpızı istixana üsulu ilə becərdiklərini deyən Cəmşid Həsənov xüsusilə vurğulayır ki, tumları əvvəllər istifadə edilmiş, ya da dincə qoyulmuş torpaq sahələrində əkməklə daha çox məhsul əldə etmək mümkündür. Qarpız suyu sevən bitki olduğu üçün kollar çiçəkləyənə qədər bir neçə dəfə su veririk. Aprel-iyul ayları ərzində üç dəfə əkin aparır, şaxta düşüncəyə qədər də məhsul əldə edə bilirik. Bundan əlavə, qabığı nazik olan “ərəzən qarpızı”nı istixanada yox, açıq torpaq sahələrində yetişdiririk və vaxtında qulluq olunduqda iyulun sonları yaxşı məhsul əldə edirik. Çəkilən zəhmətin hədər getməməsi üçün yetişdirilən məhsulun qayğısına qalmağı bacarmaq lazımdır. Qarpızı temperaturu 2-30 dərəcə olan yerdə, sortlardan asılı olaraq 3-6 aya kimi saxlamaq mümkündür. Naxçıvan şəhərində və muxtar respublikanın bütün bölgələrində satış həyata keçiririk.
Cəmşid dayı qarpızın becərilməsindən həvəslə danışdıqca xatırlayıram ki, qarpız almaq üçün hansı satıcıya yaxınlaşsaq, ilk sualı belə olur: “Kəsim verim, yoxsa özünüz seçirsiniz?” Qarpızın yetişib-yetişmədiyini yoxlamaq üçün kəsib sonra alırıq. Ancaq düşünəndə ki, qarşındakı bu işin bilicisidir, çox vaxt seçimi onun ixtiyarına buraxırıq.

Və ya fəal yaradıcı gücə malik olan inkişafın Heydər Əliyev modeli Naxçıvan nümunəsində

Bu gün ölkəmizin, o cümlədən muxtar respublikamızın sosial-iqtisadi, elmi və mədəni həyatında əldə edilən böyük nailiyyətlərin əsasında fəal yaradıcı gücə malik olan Heydər Əliyev milli dövlətçilik konsepsiyası, inkişafın Heydər Əliyev modeli dayanır. Ulu öndərimizin müəyyənləşdirdiyi inkişaf strategiyasının reallaşdırılması sayəsində 20 ildən artıqdır ki, Naxçıvan Muxtar Respublikasının tərəqqisi ilə fəxr edir, qürurlanırıq. Bütün bunlar həm də nümunəvi vətənpərvərliyin, dövlətçiliyə dərin sədaqətin, sabitliyin, sosial-iqtisadi yüksəlişin təmin edilməsinin, ən əsası isə rəhbər qayğısının nəticəsidir.

Muxtar respublikada bütün sahələr üzrə innovativ yeniliklərin tətbiq olunması, məqsədyönlü islahatların, mühüm infrastruktur layihələrinin, daha parlaq gələcəyə hesablanmış dövlət proqramlarının reallaşdırılması qədimliyi, mədəni zənginliyi, strateji əhəmiyyəti ilə seçilən diyarımızı cazibə mərkəzinə çevirib. Buna görə də Azərbaycanın tərəfdaşı olan ölkələr muxtar respublikamızla iqtisadi-ticarət, mədəni və humanitar əlaqələrini daha da genişləndirməyə böyük maraq göstərirlər.

İyulun 1-də Naxçıvan Muxtar Respublikası Ali Məclisinin Sədri cənab Vasif Talıbovun Ukraynanın ölkəmizdəki fövqəladə və səlahiyyətli səfiri Vladislav Kanevski ilə görüşü zamanı bu məsələlər xüsusilə qeyd olunub.
Ali Məclisin Sədri blokada şəraitində yaşamasına baxmayaraq, Azərbaycanın Naxçıvan Muxtar Respublikasında tələbatın yerli istehsal hesabına ödənildiyini və ərzaq təhlükəsizliyinin təmin olunduğunu diqqətə çatdırıb. Naxçıvan Muxtar Respublikası ilə Ukrayna arasında iqtisadi-ticarət əlaqələrinin həcminin artan dinamika ilə davam etdiyini bildirən Ali Məclisin Sədri ali və ümumtəhsil məktəbləri arasındakı qarşılıqlı əməkdaşlıqdan danışıb, əlaqələrin genişləndirilməsinin əhəmiyyətini vurğulayıb.

Bu münasibətlə keçirilən tədbiri AMEA Naxçıvan Bölməsinin sədri, akademik İsmayıl Hacıyev açaraq bölmənin keçdiyi tarixi inkişaf yolu və yaradılan şərait barədə məlumat verib. O bildirib ki, Azərbaycanda elmin inkişaf etdirilməsinə daim diqqət və qayğı göstərən ümummilli lider Heydər Əliyev Naxçıvan Muxtar Respublikasının geosiyasi vəziyyətini nəzərə alaraq 2002-ci il avqustun 7-də Azərbaycan Milli Elmlər Akademiyası Naxçıvan Bölməsinin yaradılması haqqında sərəncam imzalayıb. Sərəncama əsasən olaraq qısa müddətdə bölmədə 6 elmi-tədqiqat institutu – Tarix, Etnoqrafiya və Arxeologiya, eləcə də İncəsənət, Dil və Ədəbiyyat, Təbii Ehtiyatlar, Bioresurslar institutları, Batabat Astrofizika Rəsədxanası və Əlyazmalar Fondu yaradılıb.
Qeyd olunub ki, Naxçıvan Muxtar Respublikası Ali Məclisinin Sədri cənab Vasif Talıbovun diqqət və qayğısı nəticəsində Naxçıvan Bölməsi üçün iki üçmərtəbəli bina ayrılıb. 2005-ci ildə bölmənin Bioresurslar İnstitutunun müasir tələblərə cavab verən binası, 2010-cu ildə isə institutun Biokimyəvi tədqiqatlar laboratoriyasının binası istifadəyə verilib. Həmçinin Nəbatat bağı yenidən qurulub, müasir texnologiyaya malik istilikxana təşkil olunub, Astrofizika Rəsədxanası üçün yeni bina tikilib, elektron kitabxana, Arxeologiya və Etnoqrafiya Muzeyi, Distant Təhsil Mərkəzi, İnformasiya-Kommunikasiya Texnologiyaları otağı, Seysmoloji Xidmət Mərkəzi yaradılıb. Bölmənin 5 elektron portalı istifadəyə verilib. Bölmənin 2005-ci ildən yaradılan “Tusi” nəşriyyatında çap olunan “Xəbərlər” jurnalı 2010-cu ildə beynəlxalq indeks alıb.
Elmi-təşkilat şöbəsinin rəisi, aqrar elmlər üzrə fəlsəfə doktoru, dosent Orxan Bağırov çıxışında bildirib ki, kadr potensialının artırılması istiqamətində də ardıcıl tədbirlər həyata keçirilib. Hazırda bölmədə 259 nəfər fəaliyyət göstərir, onlardan 98-i elmi işçidir. Bölmə əməkdaşlarının 2-si AMEA-nın həqiqi, 4-ü isə müxbir üzvləri, 6-sı elmlər doktoru, 55-i isə fəlsəfə doktorudur. Əməkdaşlardan 6 nəfəri professor, 40-ı isə dosentdir. Bölmənin 2006-cı ildən fəaliyyətə başlayan müxtəlif Dissertasiya şuralarında həm Naxçıvan Bölməsinin, həm də müxtəlif elm və təhsil müəssisələrinin əməkdaşları 86 fəlsəfə doktoru və 17 elmlər doktoru dissertasiyaları müdafiə ediblər.

Naxçıvan Muxtar Respublikası ilə İran İslam Respublikasının gömrük xidməti nümayəndələri arasında görüş keçirilib. Şahtaxtı Gömrük İdarəsində təşkil olunan görüşdə İranın Yol təşkilatının nümayəndələri də iştirak ediblər.
Naxçıvan Muxtar Respublikası Dövlət Gömrük Komitəsinin sədri, gömrük xidməti general-mayoru Səhət Həbibbəyli ölkələrimiz arasında tarixi-mədəni əlaqələrin, eləcə də qarşılıqlı əməkdaşlığa əsaslanan iqtisadi-ticari münasibətlərin önəmini qeyd ediblər.
Bildirilib ki, Naxçıvan Muxtar Respublikası Ali Məclisinin Sədri cənab Vasif Talıbovun 2017-ci ilin dekabr ayında Tehrana rəsmi səfərindən sonra ikitərəfli münasibətlər, o cümlədən Naxçıvan Muxtar Respublikası ilə İran İslam Respublikasının yaxın vilayətləri arasında əlaqələr yeni inkişaf mərhələsinə qədəm qoyub. Muxtar respublikamızda gömrük və yol infrastrukturunun müasir şəkildə qurulduğunu, bütün sahələrdə inkişafın təmin olunduğunu qeyd edən komitə sədri Naxçıvanın tranzit potensialını önə çəkib. Vurğulanıb ki, gömrük xidməti nümayəndələri arasında vaxtaşırı görüşlərin keçirilməsi qarşılıqlı əməkdaşlığın genişləndirilməsinə, eləcə də iki ölkə arasında mal və nəqliyyat vasitələrinin keçidinin sürətləndirilməsi və təhlükəsizliyinin təmin edilməsi işinə töhfə verir.
İran gömrük xidməti nümayəndə heyətinin rəhbəri, Gömrük Administrasiyasının Beynəlxalq Əməkdaşlıq Ofisinin baş direktoru Hüseyn Kaxki və Yol Təşkilatının Tranzit və Beynəlxalq Daşımalar Ofisinin baş direktoru Mənüçöhür Salmanzadə ölkələrimiz arasında mövcud olan dostluq və qardaşlıq münasibətlərinin gömrük işi sahəsini də əhatə etdiyini, qarşılıqlı əlaqələrin gediş-gəlişin və ticarət həcminin artmasına, prosedurların sadələşdirilməsinə və sürətləndirilməsinə imkan yaratdığını önə çəkiblər.

Müasir Azərbaycan dövlətinin banisi ulu öndər Heydər Əliyev ölkəmizə rəhbərliyinin hər iki dövründə dövlət-vətəndaş münasibətlərinin hüquq müstəvisində tənzimləndiyi, insan hüquq və azadlıqlarının yüksək səviyyədə qorunduğu, humanizm ideyalarının möhkəm təmələ çevrildiyi ədalətli cəmiyyətin formalaşdırılması, idarəçilikdə demokratik ənənələrin bərqərar olması üçün misilsiz xidmətlər göstərib. Cəmiyyət həyatının müxtəlif sahələrində haqq-ədalət prinsipinin qorunmasına çalışan ulu öndər bu yolla dövlətlə xalq arasında möhkəm mənəvi, siyasi və hüquqi bağlantıya, qarşılıqlı etimada nail olmağı mümkün hesab edərək bunu böyük əzmlə reallaşdırıb.

Bu gün Azərbaycan Prezidenti cənab İlham Əliyev əsası ümummilli lider tərəfindən qoyulmuş məhkəmə­-hüquq islahatlarını yeni dövrün tələblərinə uyğun davam etdirir. Məhkəmələrin insan və vətəndaş hüquq və azadlıqlarının yüksək səviyyədə qorunduğu, ədalət mühakiməsinin tam qanunamüvafiq şəkildə həyata keçirildiyi ali instansiyaya çevrilməsinə və cəmiyyətdə yüksək etimad qazanmasına çalışan dövlət başçısı bu sahədə beynəlxalq təcrübənin mənimsənilməsi təşəbbüskarı kimi çıxış edir. Ötən müddətdə respublikada uğurla həyata keçirilən məhkəmə-hüquq islahatları insanpərvərlik, humanizm, şəxsiyyətə hörmət, vətəndaşa həssas münasibət kimi ali dəyərlərə söykənib.
Dövlət başçısının ardıcıl və sistemli olaraq həyata keçirdiyi islahatların uğurlu nəticələri göz önündədir. Bu islahatlar həm də ölkədə qanunçuluğun, insan hüquq və azadlıqlarının etibarlı təminatına xidmət edir. Ölkə Prezidentinin 2019-cu il 3 aprel tarixli “Məhkəmə-hüquq sistemində islahatların dərinləşdirilməsi haqqında” Fərmanı da bunu təsdiqləyən faktdır. Adıçəkilən fərman, ilk növbədə, ölkədə həyata keçirilən iqtisadi, sosial islahatların, köklü transformasiya proseslərinin daha uğurlu nəticələr verməsi üçün hüquqi təminat yaradılması və ölkənin hüquq, ədalət mühakiməsi sisteminin meydana çıxa biləcək çağırışlara adekvat olması baxımından mühüm əhəmiyyətə malikdir. Bu fərman indiyə qədər məhkəmə-hüquq sistemində aparılan islahatları dərinləşdirən, eyni zamanda mütərəqqi dəyişikliklər, islahatların yeni mərhələsini şərtləndirən bütöv islahat konsepsiyası, “yol xəritəsidir”.

Naxçıvan Muxtar Respublikası Təhsil Nazirliyində 2018-2019-cu tədris ilində məktəbi xüsusi nailiyyətlərlə başa vuran məzunlara qızıl və gümüş medalların təqdimatı keçirilib.
Tədbirdə çıxış edən Naxçıvan Muxtar Respublikasının Təhsil naziri Rəhman Məmmədov qızıl və gümüş medallarla təltif olunan məzunları təbrik edərək muxtar respublikamızda təhsilin inkişafı istiqamətində görülən işlərdən, yaradılan şəraitdən danışıb. Bildirib ki, muxtar respublikamızda bütün sahələr kimi, təhsil də Naxçıvan Muxtar Respublikası Ali Məclisi Sədrinin diqqət və qayğısı ilə əhatə olunub. Bunun nəticəsidir ki, ötən dövr ərzində 200-dən çox təhsil müəssisəsi istifadəyə verilib, onların maddi-texniki bazası möhkəmləndirilib, məktəblər ən müasir informasiya texnologiyaları, o cümlədən kompüter və elektron lövhələr ilə təchiz olunub.
Muxtar respublikada elektron təhsilin tətbiqi, təhsil müəssisələrində virtual tədris mühitinin formalaşdırılması, tədrisin əyaniliyi və səmərəliliyinin artırılması da diqqətdə saxlanılıb. Bunun nəticəsidir ki, 2018-2019-cu tədris ili üzrə məzunların 281-i imtahanlarda daha yüksək nəticə göstərərək 500-700 arası bal toplayıb.

Dünən Kəngərli rayonunda “İcbari tibbi sığortanın tətbiqi ilə bağlı tibb işçiləri üçün hesabatların təqdimedilmə forması, kliniki protokollara uyğun tibbi xidmətlərin təşkili, icbari tibbi sığortanın maliyyələşmə formaları” mövzusunda növbəti maarifləndirici tədbir keçirilib.
Naxçıvan Muxtar Respublikası Ali Məclisi Sədrinin “Kəngərli rayonunda icbari tibbi sığortanın tətbiqi ilə bağlı tədbirlər haqqında” 2019-cu il 5 iyul tarixli Sərəncamından irəli gələn vəzifələrin icrası çərçivəsində keçirilən tədbiri giriş sözü ilə Naxçıvan Muxtar Respublikasının Nazirlər Kabineti yanında İcbari Tibbi Sığorta üzrə Dövlət Agentliyinin İcbari tibbi sığorta işinin təşkili şöbəsinin müdiri Vüsal Məmmədov açıb. O, muxtar respublikada əhaliyə keyfiyyətli tibbi xidmətlərin həyata keçirilməsinin stimullaşdırılması, səhiyyə sahəsində dayanıqlı maliyyə mənbələrinin formalaşdırılması və icbari tibbi sığortanın tətbiqinin təmin edilməsi istiqamətində görülən işlərdən danışıb. Diqqətə çatdırıb ki, agentlik sığorta­olunanlara baza zərfinə əsasən xidmət göstərir. Baza zərfinə 18 ilkin səhiyyə, 5 təcili və təxirəsalınmaz, 471 ambulator, 285 laborator müayinə, 23 fizioterapevtik, 600 stasionar və 123 həyativacib olmaqla, ümumilikdə, 1525 tibbi xidmət daxil edilib.
Qeyd olunub ki, müvafiq sərəncama uyğun olaraq avqust ayının 1-dən Kəngərli rayonunda icbari tibbi sığortanın tətbiqinə başlanılıb.
Bildirilib ki, bu məqsədlə agentlik tərəfindən ilkin tədbirlərin icrası həyata keçirilib, rayon əhalisi üzrə məlumatlar toplanılıb. Həmin məlumatlar əsasında icbari tibbi sığor­taya cəlb olunacaq əhali, tibb müəssisələri və tibb işçilərinə dair mərkəzləşdirilmiş məlumat bazaları və digər zəruri proqram təminatları, eləcə də reyestrlər yaradılıb.
Sonra agentliyin İcbari tibbi sığorta işinin təşkili şöbəsinin aparıcı məsləhətçisi Təranə Babayeva sığortaolunanın tibb müəssisəsi tərəfindən necə qəbul edilməsi və qeydiyyatının aparılması, icbari tibbi sığortanın prinsip və məqsədləri haqqında məlumat verib.

Yaşadığım bu torpaq Vətənin bir parçasıdır. Vətən qibləgahımızdır, Vətən qoynunda böyüyüb boya-başa çatdığımız anamızın isti qucağıdır. İnsan anasız da, atasız da yaşaya bilər, lakin Vətənsiz yaşaya bilməz. Vətəninə sonsuz sevgi, bağlılıq vətənpərvərlikdir. Vətən sevgisi sevgilərin alisi, ən müqəddəsidir.
Mən bu gün ən xoşbəxt bir insanam. Çünki mənim doğulduğum torpaq dahilər yetirən, Naxçıvanın dilbər guşəsi, düşmənə sipər olan neçə-neçə oğulların doğulduğu bir torpaq, tarixi bir yer – Şərur şəhəridir. Orada doğulmuşam, orada boya-başa çatmışam. Kürçülü kənd tam orta məktəbini bitirib Naxçıvan Dövlət Universitetinə qəbul olunmuşam. Həftəsonları Şərura gedirəm. Deyə bilərəm ki, rayonun getmədiyim, görmədiyim kəndi yoxdur. Hər birinin özünəməxsus gözəllikləri var. Rəssam istəyir ki, kətana köçürə, bəstəkar istəyir ki, nəğmə qoşa. Şəninə şairlər yüzlərlə şeir yazıblar. Şair İbrahim Yusifoğlunun misraları yadıma düşür:

Dədə Qorqud gəzən oğuz elimdir,
Uludur torpağı, daşı Şərurun.
Dili türkün dili – ana dilimdir,
Qədimdən qədimdir yaşı Şərurun.

Şərur qədim yaşayış məntəqələrindən biridir. Azərbaycan folklor mədəniyyətinin beşiyi olan bu bölgədə xeyli abidə və görməli yerlər var. Yallıları dünyanı gəzib, insanları özünə məftun edib. Bunların hamısı mənim üçün çox əzizdir, bir tarixdir. Bu tarixi özündə yaşadan kəndlərdən biri Gümüşlü kəndidir. Dağlar qoynunda olan bu kənddə Gümüşgölü görmədən və onun gözəlliyinə heyran olmadan getmək mümkün deyil. Havasına, suyuna söz ola bilməz. İnsanları mehriban, qonaqpərvərdir. Vətənimin bu dilbər guşəsi haqqında 1984-cü ildə “Gümüşgöl əfsanəsi” adlı bədii film də çəkilib.

Muxtar respublikada meliorasiya və irriqasiya sistemlərinin yenidən qurulması sahəsində tədbirlər davam etdirilir.
İyul ayında əkin sahələrinin suvarma suyu ilə təmin olunması, torpaqların meliorativ vəziyyətinin yaxşılaşdırılması məqsədilə muxtar respublikanın rayonlarında 8 kilometr beton və torpaq kanal, 22 kilometr ara arxlar, 4 kilometr kollektor lildən təmizlənmiş, 7 kilometr yeni suvarma boru xətti çəkilmiş, 48 hektar torpaq sahəsində qrunt sularının səviyyəsi aşağı salınaraq şoranlaşmanın qarşısı alınmışdır.
Muxtar respublika üzrə ötən ay su istifadəçilərinə 33 milyon kubmetr su verilmiş, bunun müqabilində 28 min 233 hektar torpaq sahəsi suvarılmış, torpaq sahələrini sel sularının zərərli təsirindən qorumaq üçün çay və selovlarda selə qarşı 760 metr istiqamətləndirici bənd salınmışdır. Kəngərli rayonunun Yurdçu kəndində 76, Şahbuz rayonunun Türkeş kəndində 300 hektar ərazidə qapalı suvarma şəbəkəsinin tikintisi davam etdirilmiş, 6,6 kilometr suvarma xətti çəkilmişdir.

Məlumdur ki, bu vaxta qədər Bakı-Naxçıvan-Bakı avtobus mar­şrutundan istifadə edənlər müəyyən çətinliklərlə üzləşirdilər. Sərhədi keçən avtobuslar hər iki ölkənin gömrük postlarında, ümumilikdə, 4 dəfə gömrük nəzarətindən keçirilir, əl yükləri dəfələrlə yoxlanılırdı. Sərnişinlər gömrükləri keçərkən baqajlarını özləriylə bərabər daşımalı olurdular. Bu da vaxt itkisi ilə yanaşı, sərnişinlər üçün yorucu və narahat vəziyyət yaradırdı.
Dövlətimiz tərəfindən həyata keçirilən məqsədyönlü tədbirlər nəticəsində Bakı-Naxçıvan-Bakı marşrut xətti üzrə hərəkət edən sərnişin avtobuslarına tətbiq olunan gömrük nəzarəti tam sadələşdirilib. Sərnişinlərin rahatlığının və mənzilbaşına daha tez çatmalarının təmin edilməsi məqsədilə Naxçıvan şəhərindəki Avtovağzal Kompleksində gömrük nəzarəti zonası yaradılıb. Naxçıvan Muxtar Respublikası Dövlət Gömrük Komitəsi tərəfindən Avtovağzal Kompleksində müasir rentgen-­nəzarət qurğusu quraşdırılıb və gömrük əməkdaşlarının fəaliyyəti təmin olunub. Bundan sonra Naxçıvandan Bakıya gedən avtobuslara gömrük nəzarəti Avtovağzal Kompleksində həyata keçiriləcək.
Sadələşdirilmiş gömrük nəzarəti qaydaları əsasında Naxçıvandan Bakıya hərəkət edən sərnişin avtobusu dünən səhər saatlarında ilk dəfə olaraq Naxçıvan şəhərindəki Avtovağzal Kompleksində gömrük yoxlamasından keçirilib. Sərnişinlərə məxsus əl yükləri müvafiq birkalarla təmin edildikdən sonra avtobusun yük yerinə yığılıb və nəqliyyat vasitəsi gömrük təminatı altında yola salınıb.

Muxtar respublikada torpaq istifadəçiliyi sahəsində aşkar olunmuş qanun pozuntularının aradan qaldırılması, mülkiyyət hüquqlarının dövlət qeydiyyatına alınması və elektron kadastr məlumat bazasının təkmilləşdirilməsi iyul ayında da diqqətdə saxlanılmışdır.
Ötən ay 22 ailə təsərrüfatına məxsus qeyri-yaşayış obyekti, həyətyanı təsərrüfat binaları və təsərrüfat fəaliyyəti ilə əlaqədar icarəyə götürülmüş torpaq sahələri üzərində hüquqlar dövlət qeydiyyatına alınmışdır.
Kəngərli rayonunda daşınmaz əmlak obyektlərinin plana alınması başa çatdırılmış, Şahbuz rayonunda planaalma işlərinə başlanılmışdır. Ay ərzində 1519 daşınmaz əmlak obyekti plana alınmışdır. Şahbuz rayonunda torpaqların elektron kadastr uçotu informasiya sisteminin yaradılması və rəqəmsal kadastr xəritəsinin tərtib olunması istiqamətində görülmüş işlər və qarşıda duran vəzifələrə həsr olunmuş müşavirə keçirilmişdir. Şahbuz rayonunun Ağbulaq, Gömür və Biçənək bələdiyyələrinin sərhəd xəritələrinə dair müvafiq yerquruluşu sənədləri elektron variantda hazırlanmış və torpaqların növləri üzrə uçotu aparılmışdır. Babək rayonunun Məzrə və Zeynəddin kəndlərində keçirilmiş monitorinqlər nəticəsində aşkar olunmuş torpaqlardan qanunsuz istifadə faktlarının aradan qaldırılması istiqamətində işlər davam etdirilmişdir.
İyul ayında 525 daşınmaz əmlak obyekti dövlət qeydiyyatına alınmış, 408 texniki sənəd hazırlanmış, yeni yaranmış 75 daşınmaz əmlak obyektinə ünvan verilmişdir. Komitənin səyyar xidmət qrupu tərəfindən muxtar respublika üzrə 8 yaşayış məntəqəsində 58 vətəndaşın müraciətinə baxılmış, 61 vətəndaşa elektron xidmətlər göstərilmişdir.

Naxçıvan Muxtar Respublikası Daşınmaz Əmlak
və Torpaq Məsələləri üzrə Dövlət
Komitəsinin mətbuat xidməti

Naxçıvan Muxtar Respublikası Əmək və Əhalinin Sosial Müdafiəsi Nazirliyi tərəfindən Əmək müqavilələrinin bildirişi üzrə elektron informasiya sisteminin tətbiqinə dair Babək Rayon Təhsil Şöbəsində seminar keçirilib.
Seminarda Dövlət Əmək Müfəttişliyi Xidmətinin nümayəndələri tərəfindən elektron informasiya sisteminin tətbiqinə dair maarifləndirici söhbətlər aparılıb, həmçinin mövzu ətrafında slaydlar nümayiş etdirilib.
Sonda suallar cavablandırılıb.

Xəbərlər şöbəsi

Naxçıvan Muxtar Respublikasında ailə, qadın və uşaq hüquqlarının qorunması, qəbul edilmiş dövlət proqramlarından irəli gələn vəzifələrin icrası iyul ayında da diqqətdə saxlanılmış, müxtəlif tədbir və müsabiqələr təşkil olunmuşdur.
Ötən ay aztəminatlı ailədən olan 5 qadının peşə kurslarına cəlb olunması, məşğulluq probleminin aradan qaldırılması ilə bağlı müraciət etmiş 5 qadının isə işlə təmin olunması üçün məlumatları aidiyyəti orqanlara göndərilmişdir.
Culfa rayonunun Yaycı kəndində “Reproduktiv sağlamlıq və ailə dəyərləri mövzusunda tədbir keçirilmiş, maarifləndirici broşürlər paylanılmışdır. Şərur rayonunun Diyadin kəndində yaşayan aztəminatlı Hüseynovlar ailəsinə, Culfa rayonunda yaşayan, valideyn himayəsindən məhrum 5 uşağa baş çəkilmiş, onların məişət şəraitləri, sağlamlıqları, təhsili ilə maraqlanılmış, ehtiyaclarına uyğun köməklik göstərilmişdir. Sağlamlıq imkanları məhdud uşaqların təhsili və reabilitasiyası ilə bağlı işlər görülmüş, 3 uşaq məktəbəqədər təlim-tərbiyə və müalicə-reabilitasiya müəssisələrinə cəlb olunmuşdur.

Naxçıvan şəhərindəki “Saat Meydanı” turistik istirahət mərkəzi, demək olar ki, hər gün naxçıvanlılara və şəhərimizə gələn qonaqlara yüksək zövq verən bir ünvana çevrilib.
Onu da qeyd edək ki, isti yay günlərində əhalinin istirahətinin daha səmərəli təşkili məqsədilə hər həftənin şənbə və bazar günləri şəhərimizin belə ünvanlarında musiqi kollektivlərinin və tanınmış sənətçilərin konsertləri təşkil edilir. Naxçıvanda Bakı şəhərindən dəvət olunan incəsənət nümayəndələrinin iştirakı ilə keçirilən konsertlər artıq ənənə halını alıb. Növbəti konsert isə “Saat Meydanı” turistik istirahət mərkəzində ötən bazar günü təşkil olunub.
Konsert Azərbaycan Respublikasının Xalq artisti, tanınmış müğənni Aygün Kazımovanın iştirakı ilə baş tutub. Xalq artistinin ifasında lirik və şən mahnılar səslənib. Solistin ifaları alqışlarla qarşılanıb. İki saatdan artıq davam edən konsert Naxçıvan şəhər sakinlərinə və qonaqlara xoş ovqat bəxş edib.

Yolumuzu Azərbaycanın dilbər guşələrindən biri olan Ordubaddan salırıq. Lakin səfərimiz digərlərindən tamamilə fərqlənir. Çünki bu dəfə Ordubadın limonu, əriyi və tarixi abidələri haqqında yazı hazırlamaq üçün yox, dağların döşündə qurulan kiçik obalara yaylaq həyatı ilə tanış olmağa gedirik. Həmişə eşidərdim, kəndimizdə də heyvandarlıqla məşğul olan şəxslər yayda öz sürülərini yaylaqlara aparardılar. Yaylaq haqqında çox da məlumatlı olmadığım üçün bu səfər mənə daha maraqlı gəlirdi.

Mənzilimiz uzaq olduğu üçün Ordubad Rayon Baytarlıq İdarəsinin əməkdaşları ilə səhər saat 7-də yola düşürük. Söhbət zamanı onlardan biri deyir: “Muxtar respublikamızın digər bölgələri kimi, Ordubad rayonunda da kənd təsərrüfatının ayrılmaz hissələrindən birini heyvandarlıq təşkil edir. Yayda iri və xırdabuynuzlu heyvandarlıqla məşğul olan sahibkarlar üz tuturlar yaylaqlara. Ordubad təmiz havası, rəngarəng mənzərələri ilə fərqlənən yaylaqlarla əhatələnib. Rayonun Kotam, Babək rayonunun Naxışnərgiz, Kəngərli rayonunun Çalxanqala və Xok, Culfa rayonunun Bənəniyar kəndlərindən insanlar uca və əzəmətli dağların əhatəsində yerləşən füsunkar təbiətli “Gen yurdu”, “Xan çeşməsi”, “Tüklü çəmən”, “Əyriçay”, “Çadırdaş” və digər yaylaqlarda illərdir ki, obalar qururlar. Burada məskən salan ailələr heyvandarlıqla yanaşı, əkinçiliklə də məşğul olurlar. Təsərrüfatlarda saxlanılan iribuynuzlu və xırdabuynuzlu heyvanlardan ekoloji cəhətdən təmiz süd məhsulları istehsal edilir və satışa çıxarılır. Burada hər şey təbiidir. Yaylağın da gözəlliyi elə bundadır”.

Naxçıvan Muxtar Respublikasında mənzil-tikinti sektoru üzrə uzunmüddətli vahid dövlət siyasətinin formalaşdırılması nəticəsində bu sektor günbəgün genişlənir. Əvvəlki illərdə olduğu kimi, cari ildə də muxtar respublikada həyata keçirilən quruculuq tədbirləri çərçivəsində əhalinin mənzil-məişət şəraitinin yaxşılaşdırılması işləri əhəmiyyətli yer tutur.
Belə ki, Naxçıvan şəhərinin Əliqulu Qəmküsar küçəsində 11 nömrəli yaşayış binasında yenidənqurma işlərinə başlanılıb. “Cahan İnşaat” Məhdud Məsuliyyətli Cəmiyyətinin inşaatçıları tərəfindən yenidən qurulan 1 nömrəli yaşayış binasında hazırda söküntü işləri aparılır. Bloklarda suvaq işləri davam etdirilir. Binada rabitə və elektrik xətləri yenilənir.

Naxçıvan Muxtar Respublikası Ali Məclisinin Sədri cənab Vasif Talıbov avqustun 2-də Naxçıvan Dövlət Tarix Muzeyinin 95 illik yubileyinin keçirilməsi haqqında Sərəncam imzalayıb. Həmin sərəncamla xalqımızın tarixi-mədəni irsinin toplanması, qorunması, tədqiqi və təbliğindəki əhəmiyyəti nəzərə alınaraq Naxçıvan Dövlət Tarix Muzeyinin 95 illik yubileyinin geniş qeyd edilməsi məqsədilə Tədbirlər Planı təsdiq edilib. Muxtariyyət tariximizin tərkib hissəsini təşkil edən Naxçıvan Dövlət Tarix Muzeyinin 95 illik tarixinə qısa ekskursiyanın oxucularımız üçün maraqlı olacağına inanırıq. Bu mövzuda həmsöhbətimiz muzeyin direktoru, Naxçıvan Muxtar Respublikasının Əməkdar mədəniyyət işçisi Nizami Rəhimovdur.

– Nizami müəllim, əvvəlcə sizi və muzeyin bütün əməkdaşlarını bu münasibətlə təbrik edirik.
– Çox sağ olun. 2019-cu il bizim üçün çox əlamətdardır. Həm Naxçıvan Muxtar Respublikasının, həm də Naxçıvan Dövlət Tarix Muzeyinin yaradılmasının 95 illik yubileyini qeyd edirik. Muzeyimiz digər tarixi mərhələlərlə yanaşı, muxtariyyət tariximizi də özündə qoruyub yaşadır. Bu mənada, muzeyin yubileyinin dövlət səviyyəsində qeyd edilməsi tariximizə və muxtariyyətimizə göstərilən yüksək qayğıdır. Bu sərəncama görə Naxçıvan Muxtar Respublikası Ali Məclisinin Sədri cənab Vasif Talıbova minnətdarlığımızı bildiririk. Göstərilən diqqət və qayğıdan ruhlanan muzeyin kollektivi mədəni irsin qorunması və təbliği sahəsində fəaliyyətini daha da artıracaqdır.
– Qədim diyarımızda yaradılmış ilk Tarix-Etnoqrafiya Muzeyi sərəncamda da qeyd olunduğu kimi muxtar respublikada muzeyşünaslığın əsasını qoyub...

Naxçıvan Muxtar Respublikası Ali Məclisi Sədrinin “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” 2019-cu il 3 aprel tarixli ­Sərəncamının, aprelin 15-də bununla bağlı keçirilmiş müşavirədə verilmiş tapşırıqların icrası ilə əlaqədar Mədəniyyət Nazirliyində də xeyli iş görülüb və ekspert qrupu ­yaradılıb.
Hamiliyə götürülmüş ixtisasların tələbələri ilə görüşlər keçirilib, sərəncamın və müşavirədə verilmiş tapşırıqların icrası ilə bağlı qarşıda duran vəzifələr və təkliflər müzakirə edilib. Həmçinin ali və orta ixtisas təhsili müəssisələri ilə razılaşdırılmış qrafik hazırlanıb, may ayında tələbələrin Naxçıvan Dövlət Filarmoniyasının, Naxçıvan Musiqi Kollecinin yaradıcı kollektivlərinin, teatrların məşqlərində, kitabxana və muzeylərdə iş prosesində birbaşa iştirakına şərait yaradılıb, dərslərin əyani şəkildə keçilməsi təmin edilib. Hamiliyə verilmiş ixtisaslar üzrə təhsil alan tələbələrin nazirliyin tabeliyində olan mədəniyyət müəssisələrində təcrübə keçmələri təmin olunub.
Nazirliyin müvafiq tədbirlər planına əsasən cari ilin ilk 6 ayı ərzində muzey və kitabxana işləri üzrə 8 açıq dərs, Naxçıvan Musiqi Kollecinin müvafiq ixtisaslar üzrə təhsil alan tələbələrinə vokal, xoreoqrafiya, bədii yaradıcılıq, xanəndəlik üzrə, Naxçıvan Dövlət Universitetinin Aktyor sənəti ixtisası üzrə tələbələrinə 11 ustad dərsi keçilib. Azərbaycan mədəniyyətinin və incəsənətinin təbliği ilə bağlı tələbələrə 2 mühazirə oxunub, film nümayiş etdirilib. Naxçıvan Dövlət Universitetinin Aktyor sənəti ixtisası üzrə tələbələri üçün yazıçı-dramaturq Xaqani Əliyevin və Xalq artisti Sərvər Əliyevin ustad dərsləri təşkil olunub.

Gülcamal TAHİROVA

Azərbaycana ilk dəfə gələn Duri Roner və Lie Roner gözəl Vətənimizin bir çox rayon və kəndlərini gəziblər. Onlar iki gündür ki, yollarını Azərbaycanın ən qədim diyarı olan Naxçıvana salıblar. “Qafqaz Turizm” Məhdud Məsuliyyətli Cəmiyyətinin təşkilatçılığı ilə yurdumuza gələn qonaqların üzlərindəki ifadədən burada olmaqlarından məmnunluq duyduqları görünürdü. Bu da bizə qürur hissi yaşadır. Dünyada  gözəlliklər və brendlər ölkəsi kimi tanınan İsveçrə vətəndaşlarının qədim yurdumuzu, Qafqazın bu kiçik məmləkətini öz yaşadıqları yerə bənzətmələri isə daha da qürurvericidir. Duri Roner özəl şirkət sahibidir və o, həyat yoldaşı ilə bərabər bir çox ölkələrdə olub. Onunla söhbətimizin maraqlı məqamlarını oxucularımıza təqdim edirik.

– Bəzən xəritədə dünya dövlətlərinə baxır, onlar haqqında məlumatlar toplayır, sonra həmin ölkələrə səfər edirəm. Burada olduğum üçün çox məmnunam. Dünya tufanında Naxçıvan dağlarının Nuhun gəmisini tutub saxladığı haqqında əfsanəni, Əlincə qalasında dünyanı fəth edən bir sərkərdənin saysız-hesabsız ordusuna 14 il döyüşüb təslim olmayan bir xalq haqqında tarixi həqiqətləri dinlədikcə insan özünü sehirli bir dünyaya səyahətdə kimi hiss edir. Ecazkar təbiəti, əzəmətli dağları, yamyaşıl zəmiləri, bağçalı-bağlı həyətləri, bumbuz çeşmələri, möhtəşəm abidələri olan Naxçıvan kəşf edilməmiş cənnətdir, – deyərdim.

Müsahibimiz AMEA Naxçıvan Bölməsinin Təbii Ehtiyatlar İnstitutunun elmi katibi, kimya üzrə fəlsəfə doktoru, dosent Əhməd Qarayevdir

Ümummilli lider Heydər Əliyevin 2002-ci il 7 avqust tarixli Sərəncamı ilə yaradılan AMEA Naxçıvan Bölməsində elmin müxtəlif sahələri üzrə hərtərəfli elmi-tədqiqat işlərinin aparılması alim və tədqiqatçılar qarşısında duran mühüm vəzifələrdən biridir. Naxçıvanın qədim tarixi, arxeоlоgiyası, etnоqrafiyası, fоlklоru, ədəbi və mədəni mühiti, əlyazmaları, оnоmastikası, biоmüxtəlifliyi, Günəş sistemi cisimləri və təbii ehtiyatlarının son illər sistemli şəkildə öyrənilməsi istiqamətində də bir çox işlər görülüb. Muxtar respublikada yaradılan normal mühit, Naxçıvanda elmə göstərilən diqqət və qayğı buna stimul verib. Bəs bölmənin 6 elmi-tədqiqat müəssisəsindən biri olan, muxtar respublikanın təbii ehtiyatlarını, onun yeraltı və yerüstü sahələrini elmi şəkildə öyrənmək məqsədilə yaradılan Təbii Ehtiyatlar İnstitutunda bu istiqamətdə hansı işlər görülür? İnstitutun elmi katibi, kimya üzrə fəlsəfə doktoru, dosent Əhməd Qarayevlə söhbətimiz də elə bu mövzu ilə bağlı oldu: 

– Naxçıvan Muxtar Respublikasında elmin inkişafı istiqamətində həyata keçirilən tədbirlər, təbii ki, kollektivimizi daha yaxşı işləməyə, qarşıya qoyulan vəzifələri yüksək səviyyədə yerinə yetirməyə ruhlandırır. Qeyd edim ki, institutumuzda Mineral xammalın kimyası və texnologiyası, Sorbsiya prosesləri, Fiziki tədqiqatlar, Filiz və qeyri-filiz yataqları, Hidrogeologiya və mineral sular və Seysmologiya laboratoriyaları, Coğrafiya, İqtisadiyyat və Seysmoloji xidmət şöbələri fəaliyyət göstərir. Qarşımızda duran əsas vəzifə isə Naxçıvanın təbii sərvətlərinin geoloji, kimyəvi, fiziki tədqiqi, hidroloji və landşaft şəraitinin öyrənilməsi, mineral xammal istehsalının elmi əsaslarının işlənilib hazırlanması, sosial-iqtisadi infrastrukturların yerləşmə qanunauyğunluqlarının, regionun seysmik rejiminin, coğrafi şəraitinin və potensial enerji mənbələrinin öyrənilməsi istiqamətində elmi tədqiqatların aparılmasıdır ki, bunun üçün institutumuzda hərtərəfli şərait var. Şöbə və laboratoriyalarımız da müasir tələblərə cavab verən cihaz və avadanlıqlarla təmin edilib. Son illər elmi-tədqiqat işlərinin genişləndirilməsi nəticəsində Naxçıvanda mineral xammalın kompleks emalının elmi əsaslarla işlənilib hazırlanması, çoxkomponentli sistemlərdən qiymətli elementlərin sorbsiya metodu vasitəsilə ayrılmasının nəzəri və praktik əsaslarla öyrənilməsi üzərində iş aparılır. Həmçinin yerli materiallar əsasında günəş enerji çeviricilərində istifadə edilən birləşmələrin sintezi və onların paramentlərinin müəyyən edilməsi, regionda filiz və qeyri-filiz yataqlarının, hidroloji şəraitin öyrənilməsi, mineral suların formalaşması qanunauyğunluqları və yeni hidrotermal mənbələrin axtarışı tədqiqatlara cəlb edilib.

Naxçıvan Muxtar Respublikası Nazirlər Kabinetinin 2019-cu il 29 iyul tarixli 95 nömrəli Qərarı ilə Naxçıvan Muxtar Respublikası Nazirlər Kabinetinin 2018-ci il 6 yanvar tarixli 1 nömrəli Qərarı ilə təsdiq edilmiş “Naxçıvan Muxtar Respublikasında xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ndə dəyişikliklər edilmişdir.
Eyni zamanda Naxçıvan Muxtar Respublikası Nazirlər Kabinetinin “Naxçıvan Muxtar Respublikasında sığortaolunanların və sığortaedənlərin işsizlikdən sığorta üzrə sığortaçıda qeydiyyatı Qaydası”nın təsdiq edilməsi haqqında” 2018-ci il 25 yanvar tarixli 17 nömrəli və “İşsizlikdən sığorta vəsaitlərinin uçotunun aparılması və hesabatın təqdim olunması Qaydası”nın təsdiq edilməsi haqqında” 2018-ci il 25 yanvar tarixli 20 nömrəli ­qərarlarında da dəyişikliklər olunmuşdur. Sonuncu Qərara əsasən sığortaedənlərin işsizlikdən sığorta üzrə sığortaçıda qeydiyyatı Naxçıvan Muxtar Respublikası Vergilər Nazirliyindən daxil olan məlumat əsasında aparılır. Qanuna uyğun olaraq qeydiyyata alınmış sığortaedənlər işsizlikdən sığorta haqlarının hesablanmasını və uçotunu aparmalıdırlar. Sığorta­edənlər hər rüb üzrə rüb başa çatdıqdan sonra növbəti ayın 20-dən gec olmayaraq bu barədə hesabatı Naxçıvan Muxtar Respublikası Vergilər Nazirliyi tərəfindən müəyyən edilmiş formada həmin nazirliyə təqdim etməlidirlər.
Qəbul olunan normativ-hüquqi aktların tam mətni ilə Naxçıvan Muxtar Respublikasının Hüquqi Aktların Dövlət Reyestrində (www.huquqiaktlar. nakhchivan.az) tanış olmaq mümkündür.

Naxçıvan Muxtar Respublikası
Nazirlər Kabinetinin mətbuat xidməti

Avqustun 1-də Qışlaqabbas kəndində kənd və xidmət mərkəzlərinin açılışı olub.
Bununla əlaqədar keçirilən tədbirdə Şərur Rayon İcra Hakimiyyətinin başçısı Kamal Cəfərov çıxış edərək bildirib ki, əsası ümummilli lider Heydər Əliyev tərəfindən müəyyənləşdirilmiş ­sosial­-iqtisadi inkişaf strategiyası bu gün ölkə Prezidenti və Naxçıvan Muxtar Respublikası Ali Məclisinin Sədri tərəfindən uğurla davam ­etdirilir. Bunun nəticəsidir ki, istər ölkəmizdə, istərsə də muxtar respublikamızda sosial-iqtisadi həyatın bütün sahələrində dinamik inkişaf qorunub saxlanılıb. Uğurla icra olunan dövlət proqramları muxtar respublikamızın bütün bölgələri kimi, Şərur rayonunun da hərtərəfli inkişafında əhəmiyyətli rol oynayıb.

Bu qədim yurd yerindən Ulu Tanrı öz səxavətini əsirgəməyib. Torpaqlarının bərəkətinə söz ola bilməz. Qədim tarixi abidələri min illərdən bu günə boylanan körpüdür. İnsanları yurd, torpaq təəssüblüdürlər. Elm, mədəniyyət xadimlərinin səsi-sorağı dünyanın müxtəlif ölkələrindən gəlir. Şərur muxtar respublikamızın böyük rayonlarından biridir. Bu yaxınlarda yolumuzu həmin rayondan saldıq: 2019-cu ilin ilk yarım ilində bölgədə həyata keçirilən genişmiqyaslı quruculuq tədbirlərinin, real­laşdırılan iqtisadi layihələrin rayona gətirdiyi yenilikləri görmək, zəhmətkeş şərurluların günbəgün yaxşılaşan həyat səviyyəsi ilə yaxından tanış olmaq üçün. Naxçıvan-Sədərək magistralı boyu bu yolların, muxtar respublikamızın bir neçə il əvvəlki görkəmini xatırlayırdım. Düşünürdüm ki, qısa zaman kəsiyində gör necə böyük işlər görülüb.

Dünən Ordubad Rayon İcra Hakimiyyətində Naxçıvan Muxtar Respublikası Dövlət Baş Sığorta Agentliyi ilə birgə rayonda sığorta işinin təşkili və qarşıda duran vəzifələr barədə tədbir keçirilib. 

Tədbiri Ordubad Rayon İcra Hakimiyyətinin başçısı Elşad Məmmədov açaraq rayonda sığorta sahəsində görülmüş işlərdən danışıb. Sonra Naxçıvan Muxtar Respublikası Dövlət Baş Sığorta Agent­liyinin baş direktoru Hikmət Əsgərov çıxış edərək sığorta fəaliyyətinin muxtar respublikamızın müasir iqtisadi və sosial inkişafının tərkib hissəsi olduğunu bildirib.
Baş direktor vurğulayıb ki, muxtar respublikada həyata keçirilmiş tədbirlər nəticəsində sığorta işinin həcmi əhəmiyyətli dərəcədə artıb, baş vermiş sığorta hadisələri zamanı insanlara dəymiş maddi zərərlərin bərpası təmin edilib.
Sığorta fəaliyyətinin daha da genişləndirilməsinin vacib olduğunu qeyd edən baş direktor bildirib ki, ötən müddətdə Ordubad rayonunda da bu istiqamətdə işlər görülüb. Belə ki, cari ilin ilk yarısında Ordubad rayonu üzrə 4828 sığorta müqaviləsi bağlanılıb, onlardan 1149-u avtonəqliyyat vasitəsi sahiblərinin mülki məsuliyyətinin icbari sığortası, 1793-ü daşınmaz əmlakın icbari sığortası, 1886-sı isə könüllü sığorta müqavilələri olub. O, Ordubad rayonunda müxtəlif sığorta növləri üzrə görülmüş işlərdən və qarşıda duran vəzifələrdən danışaraq vurğulayıb ki, ölkəmizdə qüvvədə olan qanuna əsasən icbari qaydada sığortanın şamil olunduğu bütün obyektlərin sığortasının təmin edilməsi üçün maarifləndirmə işi genişləndirilməlidir.

İyul ayının 30-da Naxçıvan Muxtar Respublikası Təhsil Nazirliyinin yeni www.tehsil.nmr.az saytının təqdimatı keçirilib.
Təqdimat mərasimində Təhsil naziri Rəhman Məmmədov çıxış edərək bildirib ki, Ali Məclis Sədrinin diqqət və qayğısı sayəsində təhsil müəssisələrinin maddi-texniki bazaları gücləndirilib, məktəblər ən müasir informasiya və kommunikasiya avadanlıqları ilə təchiz olunub.
Qeyd edilib ki, nazirliyin əvvəlki internet saytı müasir tələblərə cavab vermədiyindən onun yenilənməsi qərara alınmışdı. Dizayn, quruluş və məzmun baxımından zəruri tələblərə cavab verən yeni internet saytı nazirliyin fəaliyyətinin ayrı-ayrı istiqamətlərinin, bu sahədə olan yeniliklərin, həyata keçirilən tədbirlərin daha dolğun və operativ şəkildə ictimaiyyətə çatdırılmasını təmin edəcəkdir. Sayt istifadəçiləri təhsil sahəsinin müxtəlif istiqamətləri üzrə tətbiq edilən yenilikləri və normativ-hüquqi bazanı vahid mənbədən əldə edəcəklər. Saytın strukturu təkmilləşdirilib, yeni funksional bölmələr əlavə edilib və ən son internet texnologiyaları əsasında yeni dizayn verilib.
Təhsil naziri vurğulayıb ki, yeni internet saytında elektron xidmətlər də istifadəyə verilib. Artıq növbəti ildən Naxçıvan Qızlar Liseyinə və Şərur Şəhər Fizika-Riyaziyyat Təmayüllü Liseyə sənəd qəbulu elektron qaydada aparılacaqdır. Bununla yanaşı, sentyabr ayından etibarən Texniki-Peşə və Sürücülük məktəblərinə, eləcə də peşə liseyinə sənəd qəbulu da elektron qaydada həyata keçiriləcək.

Gömrük qanunvericiliyinin tələblərinin pozulması ilə gətirilməsinə cəhd göstərilən malların aidiyyəti qurumlara təhvil verilməsi və gömrük anbarlarında qalan yararsız malların məhv edilməsi həyata keçirilib.
Naxçıvan Muxtar Respublikası Dövlət Gömrük Komitəsinin, Naxçıvan Muxtar Respublikası Daxili İşlər Nazirliyinin, Əlahiddə Ümumqoşun Ordunun və “Naxçıvan” Əlahiddə Sərhəd Diviziyasının nümayəndələrindən ibarət birgə komissiya gömrük orqanları tərəfindən saxlanılmış mallara baxış keçirib. Gömrük qanunvericiliyinin tələblərinin pozulması hallarına qarşı mübarizə tədbirləri çərçivəsində saxlanılmış ümumi çəkisi 588 kiloqram olan yuyucu və təmizləyici vasitələr, 162 cüt corab, 65 litr zeytun yağı, 44 ədəd avtomobil şini, 28 kiloqram bint, 5 ədəd alışqan qazı aktlaşdırılaraq Əlahiddə Ümumqoşun Orduya təhvil verilib.

Bu münasibətlə keçirilən tədbirdə Naxçıvan Muxtar Respublikası Baş nazirinin müavini – Maliyyə naziri Səbuhi Məmmədov çıxış edərək bildirib ki, son illər muxtar respublikada həyata keçirilən tikinti-quruculuq tədbirlərinin həcmi xeyli genişləndirilib, yaşayış məntəqələri müasirliyə, gözəlliyə qovuşub. Bu abadlığın və səliqə­-sahmanın qorunması qarşıda duran başlıca vəzifələrdəndir. Ona görə də muxtar respublikada kommunal xidmətlərin səviyyəsinin yaxşılaşdırılması istiqamətində ardıcıl tədbirlər görülür, yeni texnika və avtomobillər alınıb təqdim olunur.