Təbii ki, hər bir cəmiyyətin sağlam və fiziki cəhətdən güclü gənclərə ehtiyacı var. Belə bir vacib məsələnin xüsusi diqqət mərkəzində saxlanıldığı muxtar respublikada idmanın inkişafı istiqamətində qarşıya qoyulan vəzifələr uğurla həyata keçirilir. Naxçıvan Muxtar Respublikası Ali Məclisi Sədrinin diqqət və qayğısı sayəsində ötən müddət ərzində diyarımızın ümumtəhsil məktəblərində müasir standartlara cavab verən idman klubları, hər cür şəraiti olan olimpiya idman kompleksləri, üzgüçülük mərkəzləri, Atıcılıq Mərkəzi, uşaq-gənclər şahmat və idman məktəbləri tikilərək istifadəyə verilib. Bu sahəyə olan qayğının nəticəsidir ki, muxtar respublikada idmanın müxtəlif növləri üzrə peşəkar idmançılar yetişdirilir, qazanılan nailiyyətlər ildən-ilə artır, ölkə və beynəlxalq səviyyəli yarışlarda yüksək nəticələr əldə olunur. 

Naxçıvan şəhərində təşkil edilən qadınlar arasında şahmat üzrə Azərbaycan çempionatının qalibi qadınlar arasında beynəlxalq usta Gülnar Məmmədova “Şərq qapısı” qəzetinə müsahibə verib: – 10 ilə yaxındır ki, Naxçıvanda keçirilən beynəlxalq şahmat festivallarında iştirak edirəm. İllərdir, qadınlar arasında təşkil edilən Azərbaycan çempionatında oynayıram. İlk dəfə Naxçıvanda qadınlar arasında Azərbaycan çempionatı keçirildi. Əvvəlcə deyim ki, Naxçıvan bütün yarışlarımda mənə uğur gətirib. Bu dəfə də belə oldu. Bunun da əsas səbəbi Naxçıvanda iştirakçılara yaradılan rahatlıq və yüksək səviyyəli şəraitdir. Burada oyuna daha çox adaptasiya oluram.

Naxçıvan Muxtar Respublikasında ilk dəfə təşkil olunan şahmat üzrə qadınlar arasında Azərbaycan çempionatına yekun vurulub.
Son turda naxçıvanlı şahmatçı Nəsrin Babayeva (1704) beynəlxalq usta Gövhər Beydullayeva (2263) ilə üz-üzə gəlib və məğlub olub. Digər zəka sahibimiz Nazlı Hümbətova (1381) da eyni aqibətlə üzləşib. O, sonuncu turda beynəlxalq usta Səbinə İbrahimovanın (2213) müqavimətini qıra bilməyib. Yarışın lideri beynəlxalq usta Gülnar Məmmədova (2382) bu turda ən yaxın izləyicisi qrossmeyster Zeynəb Məmmədyarova (2274) ilə görüşdə “sülh”ə imza atıb. Qrossmeyster Ülviyyə Fətəliyeva (2301) və qrossmeyster Xəyalə Abdulla (2263) arasında keçirilən oyunun qalibi isə ikinci olub. FIDE ustası Ləman Hacıyeva (1982) ilə Mələk İsmayılın (1997), FIDE ustası Ayan Allahverdiyeva (2088) ilə Səbinə Rzalının (1925) görüşləri heç-heçə başa çatıb.

Xüsusi çubuqların vasitəsilə qolların və ayaqların tam hərəkətinə imkan verən skandinav yürüşü idman növü bütün dünyada sürətlə yayılır. Hərəkət zamanı bədən əzələlərinin 90 faizinin işlək vəziyyətdə olması, onu digər idman növlərindən (qaçış, velosiped, üzgüçülük və sair) əhəmiyyətli dərəcədə fərqləndirir və orqanizmin daha çox kalori yandırmasına səbəb olur. Heç bir yaş məhdudiyyəti qoyulmadan hər kəsin açıq hava şəraitində məşğul ola biləcəyi skandinav yürüşü, həm də pandemiya dövründə dünya ölkələrində ən çox təşkil edilən onlayn yarışları ilə diqqət çəkir. Artıq iki ilə yaxındır, bu idman növü üzrə davamlı məşğul olan naxçıvanlı yeniyetmələr – 16 nömrəli tam orta məktəbin 8-ci sinif şagirdi Elşad Həsənli və həmin məktəbin 7-ci sinif şagirdi Vəli Həsənov növbəti dəfə skandinav yürüşü üzrə beynəlxalq yarışda iştirak edərək III yerə layiq görülüblər.

Fasilədən sonra “Mançester Siti” hesabı bərabərləşdirmək üçün irəli atılıb. Matçın 60-cı dəqiqəsində Mançester təmsilçisinin əsas qol silahı sayılan Kevin De Bruyne zədə üzündən meydanı tərk edib. Onun yerinə oyuna Qabriel Jesus daxil olub.

Qarşılaşmanın 70-ci dəqiqəsində “Çelsi" rəqibini yenidən əks-hüçumda yaxalayıb. Lakin qapıçı ilə təkbətək qalan Kristian Pulişiçin zərbəsindən sonra top qapıdan yan keçib.

Qalan dəqiqələrdə hər iki komandanın qol vurmaq şansı olsa da, hesab dəyişməyib.

Qələbə uğrunda rəqabətin hər keçən gün artdığı qadınlar arasında şahmat üzrə Azərbaycan çempionatı fasiləsiz olaraq davam edir. Dünən artıq yeddinci turun oyunlarına yekun vuruldu. Maraqlı görüşlərdən sonra zəka sahibləri ilə həmsöhbət olduq.
Ülviyyə Fətəliyeva –qadınlar arasında beynəlxalq qrossmeyster:

– 7 yaşımdan şahmatla məşğul oluram. Mən ilk dəfə 2011-ci ildə Naxçıvanda keçirilən beynəlxalq şahmat festivalında oynamışam. Daha sonrakı illərdə buraya həmin festivallarda iştirak etmək üçün gəlmişəm. Neçə illərdir ki, qadınlar arasında keçirilən şahmat üzrə Azərbaycan çempionatında oynayıram. Naxçıvanda təşkilatçılıq, iştirakçılara diqqət çox yüksək səviyyədədir, burada idmana, şahmatçılara dəyər verildiyini görmək gözəldir. Əlbəttə ki, bu qədər gözəl şəraitin müqabilində gərək pis oynamayasan.

Diyarımızda ilk dəfə təşkil olunan şahmat üzrə qadınlar arasındakı Azərbaycan çempionatı davam edir.
7-ci turda naxçıvanlı şahmatçı Nəsrin Babayeva (1704) qrossmeyster Xəyalə Abdulla (2263) ilə üz-üzə gəlib. Görüşdə şahmatçımız məğlub olub. FİDE ustası Ləman Hacıyeva (1982) ilə beynəlxalq usta Gövhər Beydullayevanın (2263) oyununda qalib tərəf Gövhər olub.

Naxçıvanda keçirilən şahmat üzrə qadınlar arasında Azərbaycan çempionatında 6-cı turun oyunları keçirilib.
Naxçıvanlı şahmatçı Nəsrin Babayeva (1704) bu turda FIDE ustası Ləman Hacıyeva (1982) ilə qarşılaşıb və turu məğlubiyyətlə başa vurub.
Digər zəka sahibimiz Nazlı Hümbətova (1381) qrossmeyster Zeynəb Məmmədyarova (2274) ilə qarşılaşıb və “sülh”ə imza atıb. Eyni nəticə beynəlxalq usta Səbinə İbrahimova (2213) ilə beynəlxalq usta Gövhər Beydullayevanın (2263) oyununda da qeydə alınıb.

Xəbər verdiyimiz kimi, Naxçıvan şəhərində qadınlar arasında şahmat üzrə Azərbaycan çempionatı keçirilir. Altıncı turun görüşlərindən sonra şahmatçıların ­fikirlərini öyrəndik.
Ləman Hacıyeva – FIDE ustası:

– Naxçıvana üçüncü dəfədir, gəlirəm. İlk səfərimdə, 2015-ci ildə Naxçıvan şəhərində keçirilən beynəlxalq şahmat festivalında qızlar arasında birinci yeri tutmuşdum. Sonuncu dəfə buraya 2019-cu ildə şahmat yarışında iştirak etmək üçün gəlmişdim.

Şahmat üzrə qadınlar arasında Azərbaycan çempionatında növbəti turun oyunları keçirilib.
Təmsilçimiz Nəsrin Babayeva (1704) bu turda beynəlxalq usta Səbinə İbrahimovanı (2213) sınağa çəkib və qalib gəlib. Digər zəka sahibimiz Nazlı Hümbətova (1381) beynəlxalq usta Gülnar Məmmədovaya (2382) məğlub olub.

Naxçıvanda təşkil olunan qadınlar arasında şahmat üzrə Azərbaycan çempionatı gərgin mübarizələrlə davam edir. Artıq beşinci tur geridə qaldı. Maraqlı oyundan sonra şahmatçılarla həmsöhbət olduq.

Zeynəb Məmmədyarova – qadınlar arasında beynəlxalq qrossmeyster:

– Mən 10 yaşımdan şahmatla məşğul olmağa başlamışam. İlk dəfə Naxçıvanda 2003-cü ildə keçirilən dünya çempionatında oynamışam. Azərbaycanın ən gözəl guşələrindən birində, mənim ən çox sevdiyim şəhərdə təşkil edilən oyunda qardaşım, tanınmış şahmatçı Şəhriyar Məmmədyarov oğlanlar arasında I, mən isə qızlar arasında III yerə çıxmışdım. Naxçıvan o vaxtdan uğur gətirib mənə. O gündən bu günə bizim ailənin bu diyara çox böyük bağlılığı, sevgisi vardır. Eyni zamanda muxtar respublikada şahmata həddindən çox böyük sevgi vardır.

Naxçıvanda təşkil olunan şahmat üzrə qadınlar arasındakı Azərbaycan çempionatında 4-cü tur başa çatıb. Bu turda qrossmeyster Ülviyyə Fətəliyeva (2301) beynəlxalq usta Gövhər Beydullayevanı (2263) sınağa çəkib. Görüş Gövhərin qələbəsi ilə başa çatıb.
Beynəlxalq usta Gülnar Məmmədova (2382) isə Səbinə Rzalı (1925) ilə xalları yarı bölüb. Qrossmeyster Zeynəb Məmmədyarova (2274) FIDE ustası Ləman Hacıyevanı (1982) məğlub edib.

İlk dəfə olaraq Naxçıvanda təşkil edilən qadınlar arasında şahmat üzrə Azərbaycan çempionatı maraqlı qarşılaşmalarla davam edir. 12 zəka sahibinin mübarizə apardığı yarışda artıq dörd tur geridə qalıb. Keçirilən görüşlərdən sonra mübarizə aparan zəka sahibləri ilə həmsöhbət olduq.

Xəyalə Abdulla – qadınlar arasında beynəlxalq qrossmeyster:

– Uzun zamandır, Naxçıvanda təşkil edilən şahmat festivallarında iştirak edirəm. Pandemiya şəraitində ancaq evdə məşqlər edirdim, canlı oyun üçün çox darıxmışdım. Eşidəndə ki, Naxçıvanda şahmat üzrə Azərbaycan çempionatında iştirak edəcəyəm, çox sevindim. Mənim üçün Naxçıvanda oyunlarda iştirak uğurlu olur. Çünki hər bir şərait yaradılıb, təşkilatçılıq yüksək səviyyədədir. Bu gün IV tur keçirildi. Hələ qarşıda yeddi tur var. Ən yaxşılar oynadığı üçün rəqabət də güclü gedir. Düşünürəm ki, gərgin mübarizəyə görə qalib son tura qədər bəlli olmayacaq. Oyunlar gərgin keçməsinə baxmayaraq, xoşdur. Çox ruh, səy, enerji ilə oyuna davam edirəm. İndiyədək bir turda məğlub, bir turda heç-heçə, iki turda isə qalib olmuşam. Bu gün gənc, perspektivli şahmatçı Nazlı Hümbətova ilə oynadıq. Çətin oyun keçdi, amma sonda qələbə qazandım. Məqsədim, əlbəttə ki, qalib olmaqdır.

Naxçıvan şəhərində keçirilən şahmat üzrə qadınlar arasındakı Azərbaycan çempionatının ilk turuna yekun vurulub. 12 zəka sahibinin mübarizə apardığı yarışın ilk günündə maraqlı qarşılaşmalar keçirilib.
Dairəvi sistem üzrə keçirilən çempionatın ilk turunda beynəlxalq usta Gövhər Beydullayeva (2263) naxçıvanlı şahmatçı Nazlı Hümbətova ilə üz-üzə gəlib və qalib olub. Digər təmsilçimiz Nəsrin Babayeva (1704) Səbinə Rzalı (1925) ilə qarşılaşıb və inamlı qələbə qazanıb.

Naxçıvan Muxtar Respublikasında ilk dəfə təşkil olunan şahmat üzrə kişilər arasındakı Azərbaycan çempionatına yekun vurulub.
Naxçıvan şəhərindəki, “Gənclik” Mərkəzində keçirilən 12 şahmatçı dairəvi sistem üzrə mübarizə aparıb. Reqlamentə əsasən, 2 mərhələdən ibarət olan çempionatda ilkin mərhələni 1-4-cü yerlərdə başa vuran zəka sahibləri 2-ci mərhələdə play-off sistemi üzrə yarımfinalda mübarizə aparıblar.
Çempionatın bağlanış mərasimində çıxış edən yarışın baş hakimi Lütfiyar Rüstəmov keçirilən çempionatın təşkilatçılıq və yüksək peəkarlıq səviyyəsində keçirilən yarış baxımından ölkənin şahmat tarixində yaddaqalan hadisə olduğunu bildirib.

Naxçıvan Muxtar Respublikasında ilk dəfə təşkil olunan şahmat üzrə kişilər arasındakı Azərbaycan çempionatı başa çatmaq üzrədir. Artıq çempionatda 3-cü yer uğrunda, eyni zamanda finalın ilk oyunu keçirilib.
Azərbaycan çempionatında iştirak edən şahmatçılarımız dairəvi sistem ilə keçən mərhələni artıq arxada qoyublar. Son tura qədər final mərhələsinə vəsiqə uğrunda gərgin mübarizə gedib. Belə ki, finala çıxan dördüncü yer əlavə göstərici – qələbə sayı əsasında müəyyən olunub. Final mərhələsinə yüksələn şahmatçıları Vasif Durarbəyli, Nicat Abasov, Eltac Səfərli və Nicat Məmmədov olub. Ümumiyyətlə, reqlamentə əsasən 11 turdan sonra ilk 4 pillədə qərarlaşan zəka sahibləri bu mərhələyə yüksəliblər.

Naxçıvanda təşkil olunan şahmat üzrə kişilər arasında Azərbaycan çempionatında növbəti turun oyunları keçirilib. Tamaşaçıların izlədiyi bir-birindən maraqlı oyunlardan sonra çempionatda mübarizə aparan şahmatçıların fikirlərini öyrəndik.
Misrətdin İSGƏNDƏROV (qrossmeyster): “Keçirdiyim son oyuna ciddi hazırlaşmışdım. Açığı, rəqibin e4 oynamasını gözləyirdim, lakin o, d4-lə oyuna başladı, belə deyək, qədim hind müdafiəsi. Debütdə problemim olmadı, rəqib də səhv oynadı debütü. Bundan istifadə edib üstünlüyü ələ aldım və 6-cı turda ilk qələbəmi qazandım. Yarışın təşkilatçılığına gəlincə, hər şey mükəmməl hazırlanıb. Deyərdim ki, karyeramda oynadığım ən yaxşı yarışların birincisidir. Məqsədim ilk dördlüyə düşmək və final mərhələsinə vəsiqə qazanmaqdır. Rəqiblərimə və özümə qarşıdakı oyunlarda uğurlar arzulayıram”.

Naxçıvan Muxtar Respublikasında ilk dəfə təşkil olunan şahmat üzrə kişilər arasında keçirilən Azərbaycan çempionatında 11-ci turun oyunları keçirilib.

Naxçıvan Muxtar Respublikasında ilk dəfə təşkil olunan şahmat üzrə kişilər arasında keçirilən Azərbaycan çempionatında 10-cu turun oyunları keçirilib.

Naxçıvan Muxtar Respublikasında ilk dəfə təşkil olunan şahmat üzrə kişilər arasında keçirilən Azərbaycan çempionatında 6-cı turun oyunları keçirilib.
Bu turda qrossmeyster Vüqar Əsədli (2572) qrossmeyster Fərid Abbasovu (2528) məğlub etməklə ardıcıl 3-cü qələbəsini qazanıb. Qrossmeyster Eltac Səfərli (2598) də eyni uğuru təkrarlayıb. O, beynəlxalq usta Məhəmməd Muradlıdan (2449) üstün olub. Maraqla gözlənilən qarşılaşmada qrossmeyster Nicat Abasov (2665) qros­smeyster Misrətdin İsgəndərovun (2535) müqavimətini qıra bilməyib və məğlub olub. Ardıcıl 3 heç-heçədən sonra qrossmeyster Vasif Durarbəyli (2606) qələbə sevinci yaşayıb. O, buna beynəlxalq usta Aydın Süleymanlını (2520) məğlub etməklə müvəffəq olub. Qrossmeyster Nicat Məmmədov (2609) isə beynəlxalq usta Abdulla Qədimbəyli (2470) ilə xalları yarı bölüb.

Naxçıvan Muxtar Respublikasında ilk dəfə təşkil olunan şahmat üzrə kişilər arasında keçirilən Azərbaycan çempionatında 5-ci turun oyunları keçirilib.
Ötən turu qələbə ilə başa vuran qrossmeyster Vüqar Əsədli (2572) eyni uğuru bu turda da təkrarlayıb. O, 5-ci turda beynəlxalq usta Kənan Qarayevdən (2331) üstün olub. Qrossmeyster Nicat Məmmədov (2609) çətin keçən görüşdə məğlubiyyətsiz irəliləyən qrossmeyster Misrətdin İsgəndərova (2535) ilk məğlubiyyətini yaşadıb. Naxçıvanlı qrossmeyster Urfan Sevdimalıyev (2369) isə beynəlxalq usta Aydın Süleymanlı (2520) qarşısında növbəti məğlubiyyətini alıb. Turnir cədvəlinin liderlərindən biri qrossmeyster Nicat Abasovla (2665) qrossmeyster Fərid Abbasovla (2528) oyunda ağ-qara taxtanı “sülh”lə tərk etməyə razı olub. Tamaşaçılar beynəlxalq usta Abdulla Qədimbəyli (2470) ilə qrossmeyster Eltac Səfərlinin (2598) görüşündə də eyni nəticənin şahidi olublar. Beynəlxalq usta Məhəmməd Muradlı (2449) isə qrossmeyster Vasif Durarbəylinin (2606) müqavimətini qıra bilməyib. Görüş heç-heçə başa çatıb.

Naxçıvan Muxtar Respublikasında ilk dəfə təşkil olunan şahmat üzrə kişilər arasındakı Azərbaycan çempionatı davam edir. Ötən gün çempionatda 4-cü turun oyunları keçirilib.
Bu turda çempionatın bir nömrəli reytinqli şahmatçısı qrossmeyster Nicat Abasovla (2665) beynəlxalq usta Kənan Qarayev (2331) üz-üzə gəliblər. Daha üstün oyun sərgiləyən Nicat növbəti bir xalı aktivinə yazıb. Qrossmeyster Vüqar Əsədli (2572) isə qrossmeyster Urfan Sevdimalıyevdən (2369) güclü olub. Maraqla gözlənilən digər görüşdə qrossmeyster Eltac Səfərli (2598) qrossmeyster Misrətdin İsgəndərovla (2535) xalları yarı bölüb. Bu, Misrətdinin ardıcıl 4-cü heç-heçəsidir. Beynəlxalq usta Məhəmməd Muradlı (2449) ilə beynəlxalq usta Aydın Süleymanlının (2520) da görüşündə eyni nəticə qeydə alınıb. Qrossmeyster Fərid Abbasovla (2528) qrossmeyster Nicat Məmmədovun (2609) görüşü gərgin keçib və sonda qalib gələn tərəf Nicat olub. Qrossmeyster Vasif Durarbəyli (2606) isə beynəlxalq usta Abdulla Qədimbəyli (2470) ilə qarşılaşmada ağ-qara taxtanı “sülh”lə tərk edib.

Naxçıvanda təşkil olunan şahmat üzrə kişilər arasında Azərbaycan çempionatında dördüncü tura yekun vurulub. Keçirilən görüşlərdən sonra muxtar respublikamıza gələn şahmatçıların fikirlərini öyrəndik:

Nicat ABASOV (qrossmeyster): “Pandemiya dövründə Azərbaycan çempionatının belə yüksək səviyyədə təşkili üçün Naxçıvan Muxtar Respublikası Şahmat Federasiyasına minnətdarlığımı bildirirəm. İlk dəfə Bakıdan kənarda keçirilən çempionat təqdirəlayiqdir, təşkilatçılıq yüksək səviyyədədir, şahmatçıların rahatlığı, oyunlara tam hazırlanması üçün hər bir imkan yaradılıb. Sonuncu dəfə Naxçıvan Beynəlxalq Şahmat Festivalında ikinci olmuşam. Bu gün isə burada keçirilən Azərbaycanın tarixindəki ən güclü çempionatda bütün oyunlar gərgin və çətin keçir. 8, hətta deyərdim 9 qrossmeysterin mübarizəsində kimin qalib gələcəyini öncədən demək mümkün deyil. Niyə məhz 9 dedim, çünki Aydın Süleymanlı artıq qrossmeyster normasını yerinə yetirib. İlk turlardan gərgin mübarizə gedir. Birinci turda bir görüşdən başqa, digər oyunların hamısı heç-heçə başa çatmışdı. Bu da rəqiblərin reytinq xallarına baxmayaraq, nə qədər güclü olduğundan xəbər verir. İlk iki turda mən də heç-heçə oynadım. Lakin keçirdiyim son iki görüşdə qalib gəldim. Hələ qarşıda bir neçə çətin tur bizi gözləyir. Həm rəqiblərimə, həm də özümə bu görüşlərdə uğurlar arzulayıram”.

Naxçıvan Şəhər Təhsil Şöbəsi, Gənclər və İdman İdarəsi və Naxçıvan Muxtar Respublikası Hava və Ekstremal İdman Növləri Federasiyasının birgə təşkilatçılığı ilə ümummilli lider Heydər Əliyevin anadan olmasının 98-ci ildönümü münasibətilə 16 yaşdan yuxarı oğlan idmançılar arasında süni divara dırmanma idman yarışı keçirilib. Yarışda çıxış edənlər yarışın keçirilmə məqsədi haqqında idmançılara geniş məlumat verərək uğurlar arzulayıblar. Süni Divar İdman Mərkəzində keçirilən birinciliyin yekununa əsasən Nihad Əhmədov I yerə, Canpolad Məmmədov II yerə, Samiq Həşimov isə III yerə layiq görülüb. Sonda yer tutan və fərqlənən idmançılara təşkilatçıların diplom və fəxri fərmanları təqdim edilib. Qeyd edək ki, I, II və III yerləri tutan idmançılar 7 may 2021-ci il tarixdə keçiriləcək muxtar respublika mərhələsində Naxçıvan şəhərini təmsil edəcəklər.

Həmçinin Naxçıvan şəhər 9 nömrəli tam orta məktəbin süni örtüklü mini-futbol meydançasında dostluq və idman əlaqələrinin gücləndirilməsi məqsədilə Naxçıvan şəhər və Babək rayon ümumtəhsil məktəblərində Fiziki tərbiyə dərslərini tədris edən müəllimlər arasında voleybol üzrə yoldaşlıq görüşü keçirilib. Çıxış edənlər görüşün keçirilmə məqsədi haqqında danışıb və komandalara uğurlar arzulayıblar. Naxçıvan Şəhər və Babək Rayon Təhsil Şöbələrinin və Gənclər və İdman İdarələrinin birgə təşkil etdiyi görüşdə 3:0 hesabı ilə Naxçıvan komandası qalib gəlib. Sonda hər iki komandaya və komanda üzvlərinə təşkilatçıların diplom, fəxri fərman və hədiyyələri təqdim edilib.

Ümumilli lider Heydər Əliyevin anadan olmasının 98-ci ildönümü ilə əlaqədar Naxçıvan MR Gənclər və İdman Nazirliyi və YAP Naxçıvan MR Təşkilatı Heydər Əliyev adına Gənclər Birliyi tərəfindən gənclərin Heydər Əliyev Muzeyinə təşkil olunan ekskursiyasında 30 gənc iştirak edib.

Muzeyin zəngin ekspozisiyası ilə tanışlıq zamanı tələbələrə məlumat verilib ki, muzey Naxçıvan Muxtar Respublikası Ali Məclisi Sədrinin 1999-cu il 18 fevral tarixli Sərəncamı ilə yaradılıb. Buradakı eksponatlar görkəmli dövlət xadiminin ictimai-siyasi fəaliyyətini, keçdiyi şərəfli həyat yolunu özündə əks etdirən kitab, qəzet və jurnallardan, 1990-1993-cü illərdə Naxçıvan Muxtar Respublikası Ali Məclisinin deputatı və Ali Məclisin Sədri kimi işləyib hazırladığı, qəbul etdiyi tarixi qərar və sərəncamlardan, imzalanmış protokol və müqavilələrdən, məktub və teleqramlardan, istifadə etdiyi xatirə əşyalarından, ulu öndərin şərəfinə toxunmuş xalçalardan, çəkilmiş portretlərdən, tarixi fotolardan və sənədli filmlərdən ibarətdir.

Dahi şəxsiyyətin muzeylərə sığmayan zəngin ömür yolunu əks etdirən dəyərli ekspozisiyada ulu öndərimizin uşaqlıq və gənclik dövrləri, təhsil illəri, ilk əmək fəaliyyəti, 1969-1982-ci illərdə Azərbaycana rəhbərliyinin birinci dövrü, Moskvada çalışdığı və yaşadığı dövr, Naxçıvana qayıdışı, muxtar respublikaya rəhbərlik etdiyi illər, müstəqil Azərbaycanın memarı kimi fəaliyyəti dövrü zəngin materiallarla nümayiş etdirilir.

Naxçıvan Muxtar Respublikası Gənclər

və İdman Nazirliyinin mətbuat xidməti

Muxtar respublikada ilk dəfə təşkil olunan şahmat üzrə kişilər arasındakı Azərbaycan çempionatında ikinci tura yekun vurulub.
İlk turla müqayisədə bu tur zəka sahibləri arasındakı görüşlər tərəflərin qələbəsi ilə başa çatıb. Qrossmeyster Eltac Səfərli (2598) bu turu da heç-heçə başa vurub. O, qrossmeyster Fərid Abbasovla (2528) xalları yarı bölüb. Beynəlxalq usta Kənan Qarayev (2331) də ötən turda olduğu kimi yenə də “sülh”ə razılaşıb. Bu dəfə o, təcrübəli Nicat Məmmədovla (2609) görüşdə buna müvəffəq olub. Eyni nəticə qrossmeyster Misrətdin İsgəndərovla (2535) qrossmeyster Vasif Durarbəylinin (2606) də oyununda qeydə alınıb.

Naxçıvan Futbol Federasiyasının dəvəti ilə AFFA-nın baş katibinin müavini Sərxan Hacıyev, texniki direktor Cahangir Həsənzadə və Kütləvi Futbol Departamentinin müdiri Fərrux İsmayılov Naxçıvan şəhərinə səfərə gəlib.
Səfər çərçivəsində AFFA-nın nümayəndə heyəti Naxçıvan Muxtar Respublikasının Gənclər və İdman naziri, Naxçıvan Futbol Federasiyasının prezidenti Azad Cabbarovla görüşüb, müxtəlif futbol tədbirlərinin təşkili, kütləviliyin artırılması ilə bağlı fikir mübadiləsi aparıb.
Sonra AFFA rəsmiləri bir müddət öncə istifadəyə verilmiş Uzunoba Təlim-Məşq İdman Kompleksinə gedərək burada yaradılmış şəraitlə yaxından tanış olublar.

 Ceyhun MƏMMƏDOV

Muxtar respublikada ilk dəfə təşkil olunan şahmat üzrə kişilər arasındakı Azərbaycan çempionatında ikinci tura yekun vurulub.

İlk dəfə olaraq Naçıvanda təşkil edilən şahmat üzrə kişilər arasında Azərbaycan çempionatında artıq iki tur geridə qalıb. Keçirilən görüşlərdən sonra Azərbaycan Şahmat Federasiyasının vitse-prezidenti Faiq Həsənov və muxtar diyarımızda mübarizə aparan zəka sahiblərinin fikirlərini öyrəndik.
Faiq HƏSƏNOV – Azərbaycan Şahmat Federasiyasının vitse-prezidenti: – Bakıdan kənarda keçirilən ilk Azərbaycan çempionatının belə yüksək səviyyədə təşkilinə görə muxtar respublika rəhbərinə, Naxçıvan Muxtar Respublikası Şahmat Federasiyasının sədrinə öz minnətdarlığımızı bildiririk. Burada qonaqlar və şahmatçılar üçün hər bir şərait yaradılıb. Xüsusilə oyunların səhnədə keçirilməsi şahmatımız üçün yenilikdir. Uzun illərdir ki, biz Naxçıvanda təşkil olunan beynəlxalq turnirdə iştirak edirik və buraya dünyanın 20-dən çox ölkəsindən qonaqlar, şahmatçılar gəlir, dəvət olunurlar. Həmin turnirlərin yüksək səviyyədə təşkil edilməsi Naxçıvanda şahmata olan diqqətin nə dərəcədə olduğunun göstəricisidir. Bunu mən hər zaman digər yarışlarda da deyirəm və muxtar respublikanı nümunə göstərirəm. Şadam ki, növbəti Azərbaycan çempionatına Naxçıvan ev sahibliyi edir və bunun öhdəsindən layiqincə gəlir. Bir daha yarışın yüksək səviyyədə təşkilinə, qonaqpərvərliyə və yaradılan şəraitə görə muxtar respublika rəhbərinə minnətdarlığımı bildirirəm”.

Naxçıvan şəhərində keçirilən şahmat üzrə kişilər arasındakı Azərbaycan çempionatının ilk turuna yekun vurulub. 12 zəka sahibinin mübarizə apardığı yarışın ilk günü maraqlı qarşılaşmalarla yadda qalıb.
Dairəvi sistem üzrə keçirilən çempionatın ilk turunda qrossmeyster Nicat Abasov (2665) beynəlxalq usta Aydın Süleymanlı (2520) ilə, qrossmeyster Vasif Durarbəyli (2606) beynəlxalq usta Kənan Qarayevlə (2331), qrossmeyster Nicat Məmmədov (2609) qrossmeyster Vüqar Əsədli (2572) ilə, Fərid Abbasov (2528) beynəlxalq usta Məhəmməd Muradlı (2449) ilə, qrossmeyster Misrətdin İsgəndərov (2535) isə beynəlxalq usta Abdulla Qədimbəyli (2470) ilə xalları yarı bölüblər. Naxçıvan təmsilçisi qrossmeyster Urfan Sevdimalıyev (2369) ilk turda güclü rəqibi – qrossmeyster Eltac Səfərli (2598) ilə görüşdən məğlub ayrılıb.

Dünən Naxçıvan şəhərində ki, “Gənclik” Mərkəzində şahmat üzrə Azərbaycan çempionatına start verilib. Mayın 18-dək davam edəcək çempionatda 12 şahmatçı dairəvi sistem üzrə mübarizə aparacaq. Qalib gələcək zəka sahibi Azərbaycanı Dünya Kubokunda təmsil edəcək.
Reqlamentə gəlincə, çempionat 2 mərhələdə keçiriləcək. 1-ci mərhələdə 12 iştirakçı dairəvi sistem üzrə (11 turdan ibarət) mübarizə aparacaq. Hər bir şahmatçıya ilk 40 gedişə 1 saat 30 dəqiqə, sonra oyunun sonunadək 30 dəqiqə əlavə vaxt veriləcək. 1-ci gedişdən başlayaraq, hər gedişdən sonra 30 saniyə əlavə olunur. Heç-heçəyə razılaşmağa yalnız qaraların 40-cı gedişindən sonra icazə veriləcək. Çempionatda yerlər toplanmış xalların cəminə görə müəyyən ediləcək. İki və ya daha çox şahmatçı eyni xal toplayarsa, yerlər əlavə göstəricilərə əsasən müəyyən olunacaq.

Ümummilli liderimiz Heydər Əliyevin hakimiyyətə qayıdışından sonra ölkəmizdə bədən tərbiyəsi və idmanın inkişafı dövlət siyasətinin əsas istiqamətlərindən birinə çevrilmiş və bununla da, idman sahəsində yüksəlişin bünövrəsi qoyulmuşdur. Sonrakı dövrdə isə cənab İlham Əliyevin rəhbərliyi ilə Azərbaycanda idmanın bütün sahələrinin inkişafı, idmançıların yüksək səviyyədə qayğı ilə əhatə olunması, idman komplekslərinin müasir tələblərə cavab verəcək səviyyədə qurulması, ən əsası isə Olimpiya oyunlarında idmançılarımızın iştirakı üçün xeyli işlər görülmüşdür. Gərgin zəhmətin nəticəsidir ki, bu gün Azərbaycan dünyada idman ölkəsi kimi tanınaraq böyük nüfuz qazanıb. Prezident cənab İlham Əliyevin dediyi kimi: “Hər bir idman qələbəsi, xüsusilə mötəbər beynəlxalq yarışlarda qazanılmış qələbə ölkəmizdə milli qüruru, milli ruhu yüksəldir. Ona görə idmanın hər bir ölkənin həyatında çox önəmli rolu var”.

Naxçıvan Muxtar Respublikası Atletika Federasiyası tərəfindən növbəti ustad dərsləri təşkil edilib.
Ordubad şəhərindəki 1 nömrəli tam orta məktəbdə yaradılan ağır atletika bölməsində məşqçilər və idmançılar üçün keçirilən ustad dərsləri Şərur rayon ağır atletika bölməsinin məşqçi-müəllimi Şəfi Hüseynov tərəfindən aparılıb. Dərsləri təşkil etməkdə məqsəd uşaqların bu idman növünə cəlbi, kütləviliyin təmin edilməsi, məşqçi və idmançılara ağır atletika idman növünün yeni qaydaları haqqında məlumat vermək, onların bilik və bacarıqlarını təkmilləşdirmək, eyni zamanda Ordubad şəhərində bu növün inkişafını təmin etməkdən ibarət olub.
İdmançılara bütün qaydalar haqqında nəzəri və praktik olaraq məlumat verən Şəfi Hüseynov onların suallarını cavablandırıb.
Qeyd edək ki, Atletika Federasiyası bu növün inkişafı üçün ustad dərslərini növbəti aylarda muxtar respublikanın bütün şəhər və rayonlarında da təşkil edəcək.

 Ceyhun MƏMMƏDOV

Naxçıvan Muxtar Respublika Stadionunda Naxçıvan Muxtar Respublikası Atletika Federasiyası və Naxçıvan Dövlət Tibb Kollecinin birgə təşkilatçılığı ilə “Zərərli vərdişlərə yox deyək!” devizi altında Naxçıvan Dövlət Tibb Kolecinin tələbələri arasında atletika idman növləri üzrə birincilik keçirilib.

Naxçıvan Muxtar Respublikası Şahmat Federasiyasının təşkilatçılığı ilə keçirilən daha bir tempo turnirinə yekun vurulub.
Naxçıvan Şahmat Mərkəzində təşkil edilən turnirdə muxtar respublikanın 100 dərəcəli şahmatçısı və müəllimləri mübarizə aparıblar. 9 turdan ibarət olan və dairəvi sistem üzrə keçirilən turnirin qalibi bütün görüşlərini qələbə ilə başa vuran FİDE ustası Pərviz Qasımov (2337) olub. 7,5 xal toplayan beynəxalq usta Toğrul Həsənzadə (2322) turniri ikinci pillədə başa vurub. 3 zəka sahibi – Sadiq Qarayev (1781), Əli Əliyev (1613) və Hüseyn Seyid (1660) isə 7 xalla 3-cü 5-ci yerləri bölüşüblər.

Muxtar respublikamızda hər bir sahə kimi, idman sahəsinə də böyük dövlət qayğısı göstərilir. Bunun ifadəsidir ki, Naxçıvan şəhəri və muxtar respublikanın bütün rayonlarında idman avadanlıqları ilə təchiz olunmuş müasir idman obyektləri tikilib, idmançıların və əhalinin istifadəsinə verilmişdir. 

Naxçıvan Muxtar Respublikası Ali Məclisi Sədrinin 2020-ci il 14 fevral tarixli Sərəncamı ilə təsdiq edilmiş “2020-2025-ci illər üçün Naxçıvan Muxtar Respublikasında idmanın inkişafına dair Dövlət Proqramı” və 2021-ci il 15 mart tarixli Sərəncamı ilə təsdiq edilmiş “2021-2025-ci illərdə Naxçıvan Muxtar Respublikasında sağlamlıq imkanları məhdud uşaqların təhsili və reabilitasiyası üzrə Dövlət Proqramı” diyarımızda idmanın inkişafına, kütləviliyinə nail olmaq, muxtar respublikanın idman potensialını və karyerasını daha da zənginləşdirmək baxımından mühüm əhəmiyyətə malik dövlət sənədləridir.

Naxçıvan Muxtar Respublikasında basketbol üzrə ictimai hakimləri  hazırlamaq məqsədilə seminar təşkil edilib. Universitetin rektoru Elbrus İsayev qeyd edib ki, ölkəmizdə digər sahələrin uğurlu inkişafı ilə yanaşı, basketbol idman növünə də xüsusi önəm verilir. Universitetin idman sahəsindəki uğurlarından bəhs edən rektor qazanılan nailiyyətlərin ölkədə və muxtar respublikada idmanın inkişafına, gənclərin mənəvi fiziki cəhətdən sağlam yetişməsinə göstərilən diqqət və qayğının nəticəsi kimi qiymətləndirib. Rektorbasketbol idman növünə olan marağı artırmaq, bu idman növünün kütləviliyinə nail olmaq məqsədi daşıyan seminarların mühüm əhəmiyyətə malik olduğunu diqqətə çatdırıb.

Azərbaycanda fiziki imkanları məhdud şəxslərin həyata inteqrasiyası, tibbi-sosial ekspertiza xidmətinin keyfiyyətinin yüksəldilməsi istiqamətində kompleks məqsədyönlü və ardıcıl tədbirlər həyata keçirilməkdədir. Ümumiyyətlə, ölkədə bu şəxslərin maddi və mənəvi tələbatlarının ödənilməsi sahəsində dövlət siyasətinin formalaşdırılması və inkişaf etdirilməsi işlərinə hələ ötən əsrin 90-cı illərinin ortalarında ümummilli lider Heydər Əliyev tərəfindən başlanılıb. Ulu öndər əhalinin sosial müdafiəyə xüsusi ehtiyac duyan təbəqələrindən olan fiziki imkanları məhdud şəxslərin sosial rifahının təmin olunmasını dövlət qarşısında mühüm vəzifələrdən biri kimi müəyyən etmişdir.

Bu gün Naxçıvan Muxtar Respublikasında sağlamlıq imkanları məhdud şəxslərin sosial müdafiə sisteminin sosial ədalət prinsipləri üzərində daha da gücləndirilməsində muxtar respublika rəhbərinin layihə və təşəbbüsləri mühüm rola malikdir. Bu şəxslər cəmiyyətin ən çox qayğıya ehtiyacı olan təbəqələrindən biri kimi onlara qarşı diqqət mühüm əhəmiyyət kəsb edir. Məhz Naxçıvan Muxtar Respublikası Ali Məclisi Sədrinin 2020-ci il 14 fevral tarixli Sərəncamı ilə təsdiq edilmiş “2020-2025-ci illər üçün Naxçıvan Muxtar Respublikasında idmanın inkişafına dair Dövlət Proqramı”nda və 2021-ci il 15 mart tarixli Sərəncamı ilə təsdiq edilmiş “2021-2025-ci illərdə Naxçıvan Muxtar Respublikasında sağlamlıq imkanları məhdud uşaqların təhsili və reabilitasiyası üzrə Dövlət Proqramı”nda bu məsələlər özünü qabarıq şəkildə büruzə verir. Eyni zamanda onların məşğulluq imkanları dəstəklənir, əmək bazarına çıxışı üçün imkanlar yaradılır. Bu gün söhbət açacağımız sağlamlıq imkanları məhdud şəxslər isə idman sahəsində qazandıqları uğurlarla heç də digərlərindən geri qalmırlar.
17 yaşlı Nihal İmanov stolüstü tennislə məşğuldur. Qısa vaxt kəsiyində bu idman növünün sirlərini öyrənən Nihal Paralimpiya Federasiyasının dəstəyi ilə bir çox turnirlərdə mübarizə aparıb: “2017-ci ildə Sumqayıt şəhərində keçirilən stolüstü tennis üzrə Uşaq paralimpiya idman oyunlarında gümüş, 2019-cu ildə Xırdalan şəhərində keçirilən stolüstü tennis üzrə V Respublika Uşaq paralimpiya idman oyunlarında isə bürünc medal qazanmışam. Eyni zamanda Naxçıvan Muxtar Respublika birinciliklərində də yoldaşlıq görüşlərində fərqlənmişəm. Hazırda məlum pandemiyaya görə məşqlərimi evdə və onlayn təlimlər vasitəsilə də davam etdirirəm. Bəzən isə yarışlara Naxçıvan Uşaq Bərpa Mərkəzinin idman zalında hazırlaşıram. Yaradılan şəraitə görə muxtar respublika rəhbərinə paralimpiyaçılar adından minnətdarlığımı bildirirəm”.

Naxçıvan Futbol Federasiyasının qapıçılar üzrə koordinatoru, “Araz Naxçıvan” Peşəkar Futbol Klubunun qapıçı məşqçisi Amil Ağacanov UEFA-nın “B” kateqoriyalı məşqçi lisenziyası üçün təhsilini davam etdirir.

Şərur Rayon Gənc­lər və İdman İdarəsi, rayon Təhsil Şöbəsi və Uşaq-Gənclər İdman Məktəbinin (UGİM) təşkilatçılığı ilə “Zərərli vərdişlərə yox deyək, həmişə sağlam olaq!” devizi altında mini-futbol üzrə rayon birinciliyi keçirilib.
Gənclər və İdman İdarəsinin mini-futbol meydançasında təşkil olunan yarışa məktəblilərdən ibarət 9 komanda qatılıb. Final oyununda Yengicə kənd tam orta məktəbinin komandasını 6:1 hesabı ilə məğlub edən UGİM-in şagirdləri birinciliyin qalibi olublar. Çərçiboğan kənd tam orta məktəbinin komandası isə üçüncü olub.
Sonda qaliblər mükafatlandırılıblar.

Naxçıvan Muxtar Respublikası
Gənclər və İdman Nazirliyinin mətbuat xidməti

Azərbaycan Futbol Federasiyaları Assosiasiyası tərəfindən icra olunan “Elit məşq” layihəsi çərçivəsində “Dalğa Arena”da növbəti təlim-məşq toplanışı keçirilib.

Bakı şəhərində “Nizami Gəncəvi ili”nə həsr edilmiş gənclər arasında “Xəmsə” milli intellektual oyunu üzrə XIII Azərbaycan çempionatı keçirilib. Gənclərin İntellektual İnkişaf Mərkəzi tərəfindən keçirilən növbəti çempionat 5-8 aprel tarixlərini əhatə edib. Naxçıvan Muxtar Respublikasını yarışda “Diplomat” komandası təmsil edib. Televiziya formatında keçirilən çempionatda qrup oyunları və yarımfinal mərhələsini uğurla tamamlayan təmsilçilərimiz finala vəsiqə qazanıblar. Komandamız həlledici mərhələdə də uğurla çıxış edərək mükafatçılar sırasına düşməyi bacarıb.

“Araz-Naxçıvan” Peşəkar Futbol Klubu hazırlıqlarını davam etdirir. Komanda dünən yeni istifadəyə verilən Uzunoba Təlim-Məşq İdman Kompleksinin süni örtüklü futbol meydançasında məşq keçib.

Türkiyənin İstanbul şəhərində təşkil edilən boks üzrə beynəlxalq Boğaziçi turniri başa çatıb. Azərbaycan milli komandası 30-a yaxın ölkədən 250 idmançının qatıldığı yarışı 7 medalla başa vurub.

Ölkəmizin sürətli inkişafı, cəmiyyət həyatının bütün sahələrində əldə edilən nailiyyətlər idman sahəsində də özünü bariz şəkildə göstərir. İndi bütün regionlarda idmanın inkişafı mühüm prioritetlərdən biri kimi müəyyənləşdirilib. Naxçıvan Muxtar Respublikasında da idmanın kütləviliyinin təmin olunması üçün məqsədyönlü və kompleks xarakterli tədbirlər həyata keçirilir. Məlumdur ki, diyarımızda təkmil idman infrastrukturu yaradılıb və bu proses davamlı xarakter daşıyır. Sağlamlığın təmin olunmasının çox mühüm vasitələrindən biri kimi idmanın həyat tərzinə, fərdi və kollektiv xarakterli sosial vərdişə çevrilməsi üçün sistemli təbliğatın aparılması çox mühüm əhəmiyyətə malikdir. Bu gün toxunacağımız idman sahəsi dünyada, təxminən, 250 milyon nəfərin oynadığı, 1,6 milyondan çox komandanın olduğu futboldur. Bu qədər geniş auditoriya kütləsinə malik olmasının səbəbi isə bu idman növünün əyləncə, emosiya və qələbə prinsiplərini özündə birləşdirməsidir.

Naxçıvan Muxtar Respublikası Şahmat Federasiyasının təşkilatçılığı ilə keçirilən “Naxçıvan Premium Turniri”nə yekun vurulub. Ən yaxşıların yarışında 12 zəka sahibi mübarizə aparıb. Yarış dairəvi sistem üzrə 11 turdan ibarət olub.

Neyrocərrah Lüdviq Quttman tərəfindən irəli sürülən və 1960-cı ildən bəri ali səviyyədə əksini tapan paralimpiya maraqları ötən dövr ərzində böyük hərəkata səbəb olub. Məlumdur ki, fiziki imkanları məhdud şəxslərin başqaları kimi cəmiyyətin tamhüquqlu üzvləri olmaq haqları var – təhsil almalı, işləməli, hər hansı bir sahə üzrə peşəkar mütəxəssisə çevrilərək dövlət və cəmiyyət üçün yararlı insanlar olmalıdırlar.

Futbol üzrə Azərbaycan millisi bu gün DÇ-2022-nin seçmə mərhələsində növbəti oyununu keçirəcək.

Canni De Byazinin başçılıq etdiyi kollektiv A qrupundakı ikinci rəsmi matçında Serbiya yığmasını qonaq edəcək. Bakı Olimpiya Stadionunda oynanılacaq qarşılaşma saat 20:00-da start götürəcək.

İndiyədək Azərbaycan və Serbiya yığmaları 5 dəfə qarşılaşıb. Bunlardan 4-ü rəsmi, 1-i isə yoldaşlıq oyununa təsadüf edib. Oyunlardan 1-də Azərbaycan, 3-də Serbiya qalib gəlibsə, daha 1 oyunda heç-heçə qeydə alınıb. Topların nisbətində də rəqib komanda öndədir - 14:6.

Martın 22-də Naxçıvan şəhərindəki Gənclik Mərkəzində start verilən şahmat üzrə “Naxçıvan Premium Turniri” davam edir. Naxçıvan Muxtar Respublikası Şahmat Federasiyasının təşkilatçılığı ilə keçirilən ən yaxşıların yarışında 12 zəka sahibi mübarizə aparır. Aprelin 1-də başa çatacaq yarışma dairəvi sistem üzrə 11 turdan ibarət olacaq.

Naxçıvan Muxtar Respublikası Şahmat Federasiyasının təşkilatçılığı ilə keçirilən ən yaxşıların yarışında 12 zəka sahibi mübarizə aparır. Aprelin 1-də başa çatacaq turnir dairəvi sistem üzrə 11 turdan ibarət olacaq.