Oktyabr 30-31-də İtaliyanın paytaxtı Roma şəhərində Mədəni Mülkiyyətin Qorunması və Bərpası üzrə Beynəlxalq Tədqiqat Mərkəzinin (İKKROM) Baş Assambleyasının 31-ci sessiyası keçirilib. Sessiyada Mədəniyyət Nazirliyinin Beynəlxalq əməkdaşlıq və innovativ inkişaf şöbəsinin Beynəlxalq təşkilatlarla əməkdaşlıq sektorunun müdiri Nuriyyə Məmmədovanın rəhbərliyi ilə nümayəndə heyəti iştirak edib.
Cəmiyyətin radikal millətçi təbəqələri və diaspor tərəfindən dəstəklənən Ermənistan hakimiyyətinin destruktiv siyasəti Dağlıq Qarabağ münaqişəsinin ədalətli həllinə əngəl olur. Bu fikri “İnterfax-Ukrayna” agentliyinə geniş müsahibəsində Azərbaycanın Ukraynadakı səfiri Azər Xudiyev söyləyib (https://interfax.com.ua/news/interview/621870.html).
Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan və snayper tüfənglərindən də istifadə etməklə sutka ərzində atəşkəs rejimini 23 dəfə pozub.
Oktyabr ayında Azərbaycan Respublikası Ərazilərinin Minalardan Təmizlənməsi üzrə Milli Agentlik (ANAMA) tərəfindən Abşeron, Ağcabədi, Ağdam, Ağstafa, Cəbrayıl, Cəlilabad, Füzuli, Göygöl, Xocavənd, Kürdəmir, Qazax, Oğuz, Tərtər, Tovuz, Ucar, Yevlax rayonları, Bakı, Gəncə, Sumqayıt və Mingəçevir şəhərləri ərazisində 1 milyon 527 min 171 kvadratmetr ərazi yoxlanılıb, 809 ədəd partlamamış hərbi sursat (PHS), 1 ədəd piyada əleyhinə mina, 4 ədəd tank əleyhinə mina və 208 ədəd müxtəlif çaplı patronlar aşkar edilərək zərərsizləşdirilib.
Naxçıvan Muxtar Respublikası Nazirlər Kabinetinin 2019-cu il 16 oktyabr tarixli Qərarı ilə “Naxçıvan Şəhər İcra Hakimiyyətinin tabeliyində “Sahil Parkı” İdarəsinin yaradılması və fəaliyyətinin təşkil olunması haqqında” Qərar təsdiq olunmuşdur. Bundan başqa, həmin tarixdə “Naxçıvan Muxtar Respublikasında artıq ödənilmiş vergilərin, məcburi dövlət sosial sığorta və işsizlikdən sığorta haqlarının, faizlərin və maliyyə sanksiyalarının qaytarılması Qaydaları” təsdiq edilmişdir. Bu qaydalara əsasən Naxçıvan Muxtar Respublikasında vergiödəyicisindən və ya sığortaedəndən düzgün tutulmamış və ya onun tərəfindən artıq ödənilmiş vergilərin, məcburi dövlət sosial sığorta və işsizlikdən sığorta haqlarının, hesablanmış faizlərin, habelə vergi və məcburi dövlət sosial sığorta qanunvericiliyinin pozulmasına görə tətbiq edilmiş maliyyə sanksiyalarının məbləğlərinin qaytarılması müəyyən edilir.
Noyabr ayında havanın orta aylıq temperaturunun iqlim normasına yaxın olacağı gözlənilir. Aylıq yağıntının miqdarının əsasən iqlim normasına yaxın, bəzi yerlərdə isə bir qədər çox olacağı ehtimalı var.
Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, noyabrın birinci ongünlüyünün ilk günlərində ölkə ərazisində hava şəraitinin qeyri-sabit, küləkli, yağıntılı keçəcəyi ehtimalı var. Birinci ongünlüyün ikinci yarısında və ikinci ongünlüyün bəzi günlərində hava temperaturunun iqlim normasından bir qədər yüksək olacağı, hava şəraitinin nisbətən mülayim keçəcəyi proqnozlaşdırılır. Qeyri-sabit, güclü küləkli hava şəraiti isə üçüncü ongünlükdə gözlənilir. Ayın son günlərində havanın temperaturu iqlim normasından bir qədər aşağı olacaq.
Bakıda və Abşeron yarımadasında havanın orta aylıq temperaturunun 10-12° isti olacağı gözlənilir ki, bu da iqlim normasına yaxındır. Havanın temperaturu gecələr 9-14°, bəzi günlərdə 6°-dək isti, gündüzlər 14-19°, bəzi günlərdə 10-12° isti olacaq. Aylıq yağıntının miqdarının iqlim normasına yaxın, bəzi yerlərdə isə bir qədər çox olacağı (norma 28-38 millimetr) ehtimalı var.
Naxçıvan Muxtar Respublikasında havanın orta aylıq temperaturunun 5-10° isti olacağı gözlənilir ki, bu da iqlim normasına yaxındır. Havanın temperaturunun gecələr 4-9° isti, bəzi günlərdə dağlarda 3-8° şaxta, gündüzlər 13-18°, bəzi günlərdə 8-10° isti olacağı ehtimal edilir. Aylıq yağıntının miqdarı iqlim normasına yaxın, bəzi yerlərdə isə bir qədər çox olacaq (norma 18-28 millimetr).
Özünü Azərbaycanın işğal olunmuş ərazilərində yaradılmış qondarma rejimin “xarici işlər naziri” kimi təqdim edən Masis Mailiyanın Vaşinqtona səfəri ilə əlaqədar oktyabrın 30-da ABŞ-ın “The Columbus Dispatch” qəzetində Azərbaycan icmasının üzvü Xəyyam Fərəcovun etiraz müraciəti dərc olunub.
Məqalədə Azərbaycanın Qarabağ bölgəsinin və ətraf 7 rayonun Ermənistan tərəfindən işğal edildiyi vurğulanıb. Ermənistanın vassal dövlət olduğunun diqqətə çatdırıldığı müraciətdə qeyd edilib ki, Qarabağ müharibəsi vaxtı Ermənistan silahlı qüvvələri mülki əhaliyə qarşı dəhşətli hərbi cinayətlər törədiblər.
Polşada fəaliyyət göstərən “Bemowskie Centrum Kultury” Mərkəzində noyabrın 4-də Azərbaycana həsr olunmuş görüş keçiriləcək.
Görüşdə Azərbaycanda səfərdə olmuş polşalı səyyahın ölkəmiz barədə xatirələri dinləniləcək. “Azərbaycan-Qafqazın incisi, sönməz Odlar Diyarı” adlı görüşdə həvəskar fotoqraf Barbara Juxovskaya ölkəmizə səfəri zamanı gördüklərindən danışacaq, təəssüratlarını bölüşəcək. Tədbirdə onun ölkəmizə səfəri zamanı çəkdiyi fotolardan ibarət sərgi də açılacaq.
Aygün Əliyeva
Ermənistan silahlı qüvvələrinin bölmələri sutka ərzində cəbhənin müxtəlif istiqamətlərində snayper tüfənglərindən də istifadə etməklə atəşkəs rejimini 20 dəfə pozub.
Müdafiə Nazirliyinin mətbuat xidmətindən bildiriblər ki, Ermənistan Respublikasının Noyemberyan rayonunun Şavarşavan kəndində və adsız yüksəkliklərdə, Krasnoselsk rayonu ərazisindəki adsız yüksəkliklərdə yerləşən mövqelərdən Azərbaycan Respublikasının Qazax rayonunun Qaymaqlı kəndində və adsız yüksəkliklərdə, Gədəbəy rayonunun Göyəli, Zamanlı kəndlərində və adsız yüksəkliklərdə yerləşən mövqelərimiz atəşə tutulub.
Ağdam rayonunun işğal altında olan Baş Qərvənd, Yusifcanlı, Cəbrayıl rayonunun Nüzgar kəndləri yaxınlığında, həmçinin Goranboy və Tərtər rayonları ərazisindəki adsız yüksəkliklərdə yerləşən mövqelərdən də ordumuzun mövqelərinə atəş açılıb.
AZƏRTAC
Oktyabrın 30-da Heydər Əliyev Fondunun dəstəyi ilə Moskvadakı M.İ.Rudomino adına Ümumrusiya Dövlət Xarici Ədəbiyyat Kitabxanasının Atriumunda dahi Azərbaycan şairi və mütəfəkkiri İmadəddin Nəsiminin heykəli açılıb.
Naxçıvan Muxtar Respublikası Ali Məclisi Sədrinin “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” 2019-cu il 3 aprel tarixli Sərəncamının icrası istiqamətində həyata keçirilən tədbirlər çərçivəsində hazırlanan “startup.nakhchivan.az” internet portalının təqdimatı olub.
23 dekabr 2019-cu il Azərbaycan Respublikasında bələdiyyə seçkiləri günüdür.
Hörmətli seçicilər
Azərbaycan Respublikasının Seçki Məcəl ləsinə müvafiq olaraq Azərbaycan Respublikası Mərkəzi Seçki Komissiyası tərəfindən növbəti bələdiyyə seçkiləri 23 dekabr 2019-cu il tarixə təyin olunmuş və Seçki Məcəlləsinin 213.2-ci maddəsinə uyğun olaraq 19 oktyabr 2019-cu il tarixdə “Azərbaycan” qəzetində dərc olunmuşdur.
Azərbaycan Respublikasında yerli özünüidarəni həyata keçirən bələdiyyələrin üzvləri nisbi çoxluq sistemi əsasında çoxmandatlı seçki dairələri üzrə seçilirlər.
Əlahiddə Ümumqoşun Orduda mühəndis təminatı bölmələrinin texniki imkanları qardaş Türkiyə Respublikasının milli istehsalı olan texnikalarla gücləndirilir.
Argentinanın Buenos-Ayres şəhərindəki Beynəlxalq Münasibətlər Mərkəzində (BBMM) Azərbaycan multikulturalizmi modelinə həsr edilən dəyirmi masa təşkil olunub.
Bakı Beynəlxalq Multikulturalizm Mərkəzindən bildiriblər ki, dəyirmi masada alimlər və dövlət rəsmiləri iştirak ediblər.
ABŞ-ın Nümayəndələr Palatası 1915-ci il hadisələrini erməni “soyqırımı” kimi tanıyan 296 saylı qətnamə qəbul edib. Konqresdə bu məsələ işə bağlı müzakirələr ərəfəsində Türkiyənin Vaşinqtondakı səfiri Sərdar Kılıc qətnamənin Türkiyə ilə Birləşmiş Ştatlar arasında siyasi münasibətlərə xələl gətirəcəyi barədə xəbərdarlıq edib. Qətnamənin müəllifləri Kaliforniya və Floridadan olan konqresmenlər Adam Şiff və Qus Bilirakisdir.
Serbiyanın aparıcı elm və təhsil ocaqlarından biri olan Belqrad Universitetində fəaliyyət göstərən Azərbaycan Dili və Mədəniyyət Mərkəzində Azərbaycan dilinin tədrisinə başlanılıb. Seçmə fənn kimi tədris olunan Azərbaycan dili dərsində 25-dən çox iştirakçı arasında yalnız universitet tələbələri deyil, həmçinin Azərbaycan dilinə maraq göstərən digər millətdən olan (Çin, Yaponiya və s.) tələbələr də iştirak edirlər.
Oktyabr 29-da Türkiyənin Çorum şəhərində 16 yaşa qədər şahmatçıların Dünya Şahmat Olimpiadasına start verilib.
Şahmatçılarımız Azərbaycan Şahmat Federasiyasının vitse-prezidenti, Naxçıvan Şahmat Federasiyasının sədri Seymur Talıbovun rəhbərliyi ilə həmin olimpiadada iştirak edirlər. Ölkəmiz bu nüfuzlu yarışda iki komanda – “Azərbaycan” və “Azərbaycan-Naxçıvan” ilə təmsil olunur. “Azərbaycan” komandası Monqolustan, “Azərbaycan-Naxçıvan” isə Qazaxıstan şahmatçıları ilə mübarizə aparırlar.
Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 22 dəfə pozub.
Oktyabrın 29-da Naxçıvan Muxtar Respublikası Ali Məclisinin Sədri yanında Kütləvi İnformasiya Vasitələrinin İnkişafına Dövlət Dəstəyi Fondu tərəfindən “Muxtar respublikanın kütləvi informasiya vasitələri ilə dövlət qurumları arasında əlaqələrin gücləndirilməsi” mövzusunda tədbir keçirilmişdir.
Naxçıvan Beynəlxalq Hava Limanında 2019-2020-ci illərin payız-qış mövsümünə hazırlıq işləri başa çatdırılıb.
Hava limanının yerüstü qurğular və əsaslı tikinti üzrə direktor müavini İlham Hüseynov bununla bağlı keçirilən tədbirdə çıxış edərək bildirib ki, mövsümlə əlaqədar ayrı-ayrı xidmət sahələrində qrafik üzrə nəzərdə tutulmuş bütün işlər yerinə yetirilib. O qeyd edib ki, hava limanının soyuq və qarlı günlərdə də daim işlək vəziyyətdə saxlanılması, habelə hava gəmilərinin enib-qalxması zamanı təhlükəsizliyin təmin olunması üçün profilaktik tədbirlər həyata keçirilib.
27 sentyabr 2019-cu ildə ölkə Prezidenti cənab İlham Əliyevin Azərbaycan Respublikasının vətəndaşlığına qəbul və bərpaedilmə haqqında imzaladığı Sərəncamın icrası ilə əlaqədar olaraq dünən Naxçıvan Muxtar Respublikası Dövlət Miqrasiya Xidmətində də andiçmə mərasimi keçirilib.
Dövlət Miqrasiya Xidmətinin rəisi, III dərəcəli dövlət miqrasiya xidməti müşaviri Şahin Nəbiyev Azərbaycan vətəndaşı kimi şərəfli və məsuliyyətli adı daşıyacaq tədbir iştirakçılarını bu münasibətlə təbrik edib. Xidmət rəisi Azərbaycan Respublikasının Konstitusiyasında geniş surətdə öz əksini tapan vətəndaşlıq hüququnun əhəmiyyətini vurğulayıb. Həmçinin bildirib ki, ölkəmizdə həyata keçirilən uğurlu siyasət nəticəsində Azərbaycanda yaşamaq, işləmək, təhsil almaq, ölkəmizin vətəndaşı olmaq istəyənlərin sayı ildən-ilə artır.
“Azərbaycan Respublikası vətəndaşlarının 2019-cu il oktyabrın 1-dən 30-dək müddətli həqiqi hərbi xidmətə çağırılması və müddətli həqiqi hərbi xidmət hərbi qulluqçularının ehtiyata buraxılması haqqında” Azərbaycan Respublikası Prezidentinin 2019-cu il 28 avqust tarixli Sərəncamına əsasən, Naxçıvan Muxtar Respublikası Səfərbərlik və Hərbi Xidmətə Çağırış üzrə Dövlət Xidmətinin Naxçıvan Şəhər İdarəsində gənclərin müddətli həqiqi hərbi xidmətə yola salınması mərasimi keçirilib.
Əvvəlcə Azərbaycan Respublikasının Dövlət Himni səsləndirilib.
Azərbaycan uzun illərdir ki, Ermənistan və onun tərəfdarları ilə informasiya müharibəsi aparır. Belə təəssürat yaranır ki, bu illər ərzində erməni təbliğatı nəinki “qədim qonşularımıza rəğbət bəsləyənləri”, həm də Azərbaycanın Dağlıq Qarabağ regionunun Ermənistana məxsus olması, qondarma “erməni soyqırımı”nın mövcud olması barədə yalanların və digər dezinformasiyanın təsiri altına düşmüş bitərəf şərhçiləri də özünün haqlı olduğuna inandıra bilib. Lakin Azərbaycan rəhbərliyinin fəaliyyəti, müxtəlif hökumət layihələrinin həyata keçirilməsi, Azərbaycan diplomatlarının səyləri, habelə Azərbaycan diasporunun bütün dünyada apardığı fəal iş sayəsində son illərdə vəziyyət əsaslı surətdə dəyişməyə başlayıb. Əgər bir vaxtlar hər hansı ermənipərəst ictimai xadim tribunaya çıxıb Azərbaycan, o cümlədən Dağlıq Qarabağ münaqişəsi haqqında yalan məlumatı rahat şəkildə yaya bilirdisə, indi daha belə imkan yoxdur və yalançıların çoxu bu və ya digər tədbirdə azərbaycanlıların sərt reaksiyası ilə üzləşir.
Əslən Azərbaycanın Dağlıq Qarabağ regionundan olan Arzu Məmmədova da xalqımızın məhz belə erməni təbliğatını ifşa edən gənc elçilərindən biridir.
Arzu Kaliforniya ştatında tanınmış rusiyalı jurnalist Vladimir Poznerin iştirakı ilə keçirilən tədbirdə şərh və sualla çıxış edərək ermənipərəst Pozneri sözün həqiqi mənasında çıxılmaz vəziyyətə salıb. Arzu bildirib ki, əslən Qarabağdandır. O, Azərbaycanı auditoriyaya tanıtmaq üçün deyib ki, ölkəmizdə bir çox xalqların və dini icmaların nümayəndələri sülh və həmrəylik şəraitində yaşayır və burada heç vaxt ayrı-seçkilik, o cümlədən yəhudilərə münasibətdə ayrı-seçkilik olmayıb. Dağlıq Qarabağ beynəlxalq miqyasda Azərbaycanın Ermənistan tərəfindən işğal edilmiş ərazisi kimi tanınıb. O deyib ki, 1993-cü ildə BMT-nin Təhlükəsizlik Şurası tərəfindən qəbul edilmiş 4 qətnamədə Azərbaycanın işğal edilmiş ərazilərinin dərhal, tam və qeyd-şərtsiz azad edilməsinə dair tələblər var. Dünyanın heç bir ölkəsi, o cümlədən Ermənistanın özü Dağlıq Qarabağın müstəqilliyini tanımır. Azərbaycanlılar və ermənilər uzun illər Dağlıq Qarabağda yanaşı yaşayıblar. Bakının mərkəzindəki erməni kilsəsi indiyədək toxunulmamış qalır. Azərbaycan ərazilərini işğal etmiş Ermənistan etnik təmizləmə və Suriyadan erməni mənşəli qaçqınların işğal edilmiş ərazilərə köçürülməsi yolu ilə demoqrafiyanın dəyişdirilməsi prosesini davam etdirir. Qarabağ haqqında ətraflı və dürüst məlumat verilməsinin nə ilə nəticələnəcəyini başa düşən Pozner bir neçə dəfə Arzunun sözünü kəsməyə cəhd göstərərək, ondan öz sualını verməyi tələb edib.
Arzu Məmmədova deyib ki, beynəlxalq miqyasda qəbul edilmiş belə bir fakt var: jurnalistlər, xüsusən də Vladimir Pozner səviyyəli jurnalistlər öz sözlərində və mövqeyində qərəzsiz olmalıdırlar. “Ermənistanı dəstəkləməklə, qadınların və uşaqların qatillərini alqışlamaqla, siz, məcburi köçkün vəziyyətinə düşmüş minlərlə azərbaycanlının, o cümlədən mənim və ailəmin hüquqlarını tapdalayırsınız”, - deyən Arzu söz azadlığı ilə qərəzli fikirlər arasındakı sərhədi izah etməyi Poznerdən xahiş edib.
Oktyabrın 28-də Fransa Respublikasının Azərbaycan Respublikasındakı fövqəladə və səlahiyyətli səfiri Zakari Qross Xarici İşlər Nazirliyinə çağırılıb və onunla Xarici İşlər nazirinin müavini Xələf Xələfov görüş keçirib.
Xarici İşlər Nazirliyinin Mətbuat xidməti idarəsindən bildirilib ki, görüşdə Fransa səfirinə bu ölkənin Overn-Ron-Alplar Regional Şurasının sədri Loran Vokyenin ötən həftə Yerevana etdiyi səfər zamanı Ermənistan Respublikası tərəfindən Azərbaycan Respublikasının işğal edilmiş ərazilərində yaradılan qondarma qurumun “xarici işlər naziri” Masis Mayılyan ilə görüşərək onunla “birgə bəyannamə” imzalaması ilə bağlı etiraz notası təqdim edilib.
Bəyanatda əksini tapmış çağırışlar Ermənistan-Azərbaycan Dağlıq Qarabağ münaqişəsinin həlli üzrə danışıqlar prosesinə zərbə vurur və onun formatının dəyişdirilməsinə dair işğalçı Ermənistanın mövqeyinə dəstək ifadə edir.
Mirzə Uluğbəy adına Özbəkistan Milli Universiteti Daşkənddəki Heydər Əliyev adına Azərbaycan Mədəniyyət Mərkəzi (AMM) ilə birgə böyük Azərbaycan yazıçısı, “Molla Nəsrəddin” ədəbi məktəbinin banisi Cəlil Məmmədquluzadənin 150 illiyi ilə əlaqədar elmi-praktik konfrans keçirib.
Konfrans çərçivəsində Cəlil Məmmədquluzadənin Daşkənddə özbək dilində çap olunan “Poçta qutusu” kitabının təqdimatı da olub.
Konfransda Özbəkistanın elm və mədəniyyət xadimləri, yazıçılar, universitetin professor-müəllim heyəti, tələbələr iştirak edib.
Əvvəl iştirakçılar AMM-nin təşkil etdiyi sərgiyə baxıblar. Sərgidə ulu öndər Heydər Əliyevin həyat və fəaliyyəti, Prezident İlham Əliyevin rəhbərliyi ilə ölkəmizin iqtisadi inkişafından bəhs edən kitablar, “Qarabağ həqiqətləri” seriyasından Heydər Əliyev Fondu tərəfindən rus və ingilis dillərində çap edilən nəşrlər, AMM-nin Daşkənddə Azərbaycanın tarixi və mədəniyyəti ilə bağlı özbək dilində çap etdirdiyi kitablar nümayiş etdirilib. Sonda kitablar universitetə hədiyyə olunub.
Professor Həmidulla Baltabayev Cəlil Məmmədquluzadənin həyatı və yaradıcılığı haqqında məlumat verib.
Zəngin təbii sərvətlərə, füsunkar təbiətə malik olan Zəngilan rayonu 26 il bundan əvvəl təcavüzkar Ermənistanın silahlı qüvvələri tərəfindən işğal edilib. 1993-cü il oktyabrın 29-da rayonu bütün istiqamətlərdən mühasirəyə alan düşmən ikinci Xocalı soyqırımı törətməyə cəhd göstərsə də, ulu öndərimiz Heydər Əliyevin tapşırığına əsasən Araz üzərində qurulmuş su bəndinin bağlanması və beləliklə, çayın suyu azaldığına görə əhalinin maneəsiz bir şəkildə İran İslam Respublikasının ərazisinə keçməsi düşmənin bu xain planının qarşısını alıb.
Türkiyə Cümhuriyyətinin yaranmasının 96-cı ildönümü tamam olur.
1919-cu ildən başlayaraq Mustafa Kamal Atatürkün rəhbərliyi ilə qurtuluş savaşı aparan türk ordusu ölkəni işğal etmiş düşmənə sarsıdıcı zərbə vuraraq 1922-ci ilin avqustunda böyük zəfər qazandı. Bu zəfərin qazanılmasında türk xalqı ilə yanaşı, Azərbaycan xalqı da iştirak etmiş, şəhidlər vermişdir. 1923-cü il oktyabrın 29-da isə müstəqil Türkiyə Respublikasının yaradılması bütün dünyaya bəyan edildi.
Yeni Azərbaycan Partiyası Sədərək Rayon Təşkilatının geniş tərkibli növbəti şura iclası keçirilib. İclasda 2019-cu ilin doqquz ayı ərzində görülmüş işlər müzakirə olunub, qarşıda duran vəzifələr müəyyənləşdirilib.
İclası giriş sözü ilə açan təşkilatın sədri, Naxçıvan Muxtar Respublikası Ali Məclisinin deputatı Arif Qasımov bildirib ki, son illərdə ölkəmiz partiyanın sədri, Prezident cənab İlham Əliyevin rəhbərliyi ilə möhtəşəm uğurlara imza atıb, dövlətimizin beynəlxalq aləmdə nüfuzu daha da güclənib. Sosial-iqtisadi sahədə yeni-yeni nailiyyətlər əldə edilib. Bütün bunların sayəsində yeni iş yerləri yaradılıb, sosial qayğıya daha çox ehtiyacı olan fiziki imkanları məhdud insanların, şəhid ailələrinin qaçqın və məcburi köçkünlərin problemlərinin həlli istiqamətində kompleks addımlar atılıb, əməkhaqların, təqaüdlərin artırılması təmin edilib.
Bu ilin avqustunda Azərbaycana 139 avtobus idxal olunub.
Dövlət Statistika Komitəsindən qeyd edilən dövrdə ölkəyə 3 min 288 minik avtomobili və 319 yük avtomobili gətirilib.
Xəbərlər şöbəsi
“Azərbaycan Hava Yolları” QSC-nin qış uçuş cədvəli qüvvəyə minib.
Qırğızıstanın paytaxtı Bişkek şəhərində ABŞ-ın Brigham Young Universitetinin Hüquq və Din üzrə Beynəlxalq Mərkəzi, Qırğızıstan-Rusiya Slavyan Universiteti nəzdində fəaliyyət göstərən UNESKO-nun Dünya Dinləri və Mədəniyyətləri Kafedrası və Dini Araşdırmalar üzrə Tədqiqat Mərkəzinin birgə təşkilatçılığı ilə “Postsovet məkanında dünyəvilik, sekulyarlıq və din: tarixi, hüquqi və fəlsəfi dünyagörüşünün aspektləri” mövzusunda beynəlxalq elmi-praktik konfrans keçirilib.
Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini 21 dəfə pozub.
İordaniya Haşimilər Krallığının paytaxtı Əmmanda Kral II Abdullah İbn Əl-Hüseynin himayəsi ilə Beynəlxalq Sağlıq Turizmi Forumu ("İnternationaı Healthcare Travel Forum") işə başlayıb.
NATO-nun Əfqanıstanda həyata keçirdiyi “Qətiyyətli Dəstək” missiyasına töhfə verən dövlətlərin müdafiə nazirləri səviyyəsində Brüssel şəhərində keçirilmiş toplantısı çərçivəsində ABŞ tərəfinin təşəbbüsü ilə ABŞ Müdafiə naziri Mark Esper ilə Azərbaycanın Müdafiə naziri general-polkovnik Zakir Həsənov arasında görüş keçirilib.
Qazaxıstanın maraqlı hadisələr və insanlardan bəhs edən “Akyl-Kenes” jurnalında Azərbaycan haqda geniş məqalələr dərc edilib.
Nəşrin sentyabr-oktyabr nömrəsində Azərbaycanda keçirilən Formula 1 Azərbaycan Qran-Prisi yarışların şahidi olmuş jurnal əməkdaşının təəssüratları yer alıb.
“Muzey günləri” çərçivəsində Naxçıvan Dövlət Universitetinin kollektivi Naxçıvan şəhərindəki Cəmşid Naxçıvanski Muzeyində olublar.
Bu il sentyabrın 23-də yenidənqurmadan sonra istifadəyə verilən muzey bir-birindən maraqlı eksponatlarla zəngindir
Məlumdur ki, Azərbaycan Xalq Cümhuriyyəti fəaliyyət göstərdiyi illərdə çətin daxili və xarici amillərlə qarşılaşdığından Naxçıvana istənilən səviyyədə diqqət yetirə bilməmişdir. Bundan istifadə edən erməni daşnakları bölgəyə ardı-arası kəsilməyən basqınlar etmiş, əhalini qorxu və vahimə içərisində saxlamış, onları soyqırıma məruz qoymuş, Naxçıvanı azərbaycanlılardan təmizləməyə çalışaraq onu “böyük Ermənistan”a qatmaq istəmişlər. Bölgənin təhlükəsizliyini təmin etmək və ermənilər tərəfindən işğalına yol verməmək üçün Araz-Türk Respublikası yaradılmışdır. Tarixi tədqiqatlarda Araz-Türk Respublikasının yaranma tarixi və yeri mübahisəlidir. Fikrimizcə, bir sıra məntiqi mülahizələri, tarixi hadisələrin təhlilini əsas götürsək, Araz-Türk Respublikasının 1918-ci il noyabrın 3-də yaradıldığını təsdiq edə bilərik. Araz-Türk Respublikası qısa müddət fəaliyyət göstərməsinə baxmayaraq, bölgənin taleyində mühüm rol oynamaqla Azərbaycan Xalq Cümhuriyyətinin ərazi bütövlüyünü təmin etmişdi. O, Naxçıvan əhalisinin qüvvələrinin düşmənlərə qarşı mübarizə üçün birləşdirilməsində mühüm rol oynamaqla yanaşı, bölgənin ermənilər tərəfindən işğal edilməsinə imkan verməmişdir. Araz-Türk Respublikası dövründə əldə edilmiş nailiyyətlər təkcə o dövr üçün yox, Naxçıvan bölgəsinin taleyi, bu günü və gələcəyi üçün də çox böyük əhəmiyyətə malikdir.
Azərbaycan Qoşulmama Hərəkatında sədrliyi zamanı öz prioritetlərini və fəaliyyətini tarixi Bandunq prinsipləri üzərində quracaq. Bütün ölkələrin suverenliyinə, ərazi bütövlüyünə hörmət, dövlətlərin daxili işlərinə qarışmamaq və qarşılıqlı maraqların qorunması və əməkdaşlığın təşviqi kimi prinsipləri ehtiva edən Bandunq prinsipləri Azərbaycanın xarici siyasətinin təməl prinsipləri ilə üst-üstə düşür.
Bu fikirləri Prezident İlham Əliyev oktyabrın 25-də Bakıda Qoşulmama Hərəkatına üzv ölkələrin dövlət və hökumət başçılarının XVIII Zirvə Görüşündə söyləyib.
“Biz beynəlxalq hüququn norma və prinsiplərinə hamılıqla əməl olunması üçün səylərimizi artırmalıyıq. Bu baxımdan BMT-nin fəaliyyətində islahatlara böyük ehtiyac duyulur. Sərhədlərin güc yolu ilə dəyişdirilməsi, gücdən istifadə olunmaqla ölkələrin ərazi bütövlüyünün pozulması, daxili işlərə müdaxilə yolverilməzdir”, - deyə dövlətimizin başçısı qeyd edib.
Prezident bildirib ki, Azərbaycan Qoşulmama Hərəkatında sədrliyi zamanı digər təsisatlarla dialoqun qurulması və inkişaf etdirilməsi, əməkdaşlığın coğrafiyasının genişləndirilməsi üçün səylər göstərəcəkdir. Qoşulmama Hərəkatına üzv ölkələrin əksəriyyəti inkişaf etməkdə olan ölkələr olduğundan Hərəkat çərçivəsində iqtisadi sahədə əməkdaşlığın inkişaf etdirilməsi çox mühümdür. Bu mənada keçən ay Azərbaycanın “77-lər qrupu”na qoşulması sosial-iqtisadi sahədə beynəlxalq miqyasda səylərimizi daha da artırmağa imkan verir. Üzv dövlətlərin maraqlarının BMT çərçivəsində birgə səylərlə müdafiə olunması xüsusi əhəmiyyət kəsb edir.
Xəbərlər şöbəsi
Müstəqilliyimizin ilk illəri Azərbaycan üçün çox keşməkeşli olmuşdur. Xəyanətkar, satqın, qorxaq, səriştəsiz Azərbaycan Xalq Cəbhəsi hakimiyyəti illərində ölkəmiz böyük bəlalara düçar olmuşdur. Azərbaycanda vətəndaş müharibəsi başlamışdır. Yalnız 1993-cü ildə Azərbaycan xalqının tələbi ilə Prezident Heydər Əliyevin hakimiyyətə gəlməsi ölkəmizi daha böyük faciələrdən xilas etdi. Azərbaycan demokratik, dayanıqlı inkişaf yoluna qədəm qoydu, ölkədə sabitlik və əmin-amanlıq bərqərar oldu.
Bu fikirləri Prezident İlham Əliyev oktyabrın 25-də Bakıda Qoşulmama Hərəkatına üzv ölkələrin dövlət və hökumət başçılarının XVIII Zirvə Görüşündə bildirib.
Dövlətimizin başçısı vurğulayıb ki, Azərbaycan demokratiya, insan hüquqları və azadlıqları kimi dəyərlərə sadiqdir. Bunun dərin tarixi kökləri vardır: “Biz fəxr edirik ki, bir əsr bundan əvvəl Şərqdə müsəlman dünyasında ilk dəfə olaraq Azərbaycanda demokratik respublika qurulmuş, qadınlara səsvermə hüququ verilmişdir. Bu sahədə biz hətta əksər Qərb ölkələrini də qabaqlamışıq. Demokratik inkişaf Azərbaycanın şüurlu seçimidir. Azərbaycanda bütün fundamental insan hüquq və azadlıqları, qanunun aliliyi, mətbuat azadlığı təmin olunur”.
Xəbərlər şöbəsi
Pakistan İslam Respublikasının Prezidenti Arif Alvi Qoşulmama Hərəkatına üzv ölkələrin dövlət və hökumət başçılarının XVIII Zirvə Görüşündə iştirak etmək üçün oktyabrın 25-də Azərbaycan Respublikasına səfərə gəlib.
Prezident Arif Alvini Heydər Əliyev Beynəlxalq Aeroportunda Azərbaycanın Baş Nazirinin müavini Əli Əhmədov, Xarici İşlər nazirinin müavini Ramiz Həsənov və digər rəsmi şəxslər qarşıladılar.
AZƏRTAC
Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini 23 dəfə pozub.
Müdafiə Nazirliyinin mətbuat xidmətindən bildirilib ki, Ermənistan Respublikasının Noyemberyan rayonu ərazisindəki adsız yüksəkliklərdə yerləşən mövqelərdən Qazax rayonunun Quşçu Ayrım kəndində və adsız yüksəkliklərdə yerləşən mövqelərimiz atəşə tutulub.
Tərtər rayonunun işğal altında olan Göyarx, Ağdam rayonunun Kəngərli, Acarlı, Xocavənd rayonunun Kuropatkino, Füzuli rayonunun Horadiz kəndləri yaxınlığında, həmçinin Goranboy, Tərtər və Xocavənd rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.
AZƏRTAC
Türkmənistan Prezidenti Qurbanqulu Berdiməhəmmədov Qoşulmama Hərəkatına üzv ölkələrin dövlət və hökumət başçılarının XVIII Zirvə Görüşündə iştirak etmək üçün oktyabrın 25-də Azərbaycan Respublikasına səfərə gəlib.
Prezident Qurbanqulu Berdiməhəmmədovu Heydər Əliyev Beynəlxalq Aeroportunda Azərbaycanın Baş Nazirinin müavini Şahin Mustafayev, Xarici İşlər nazirinin müavini Mahmud Məmməd-Quliyev və digər rəsmi şəxslər qarşıladılar.
AZƏRTAC
Türk dünyasının məşhur alimi, elmdə Aristoteldən sonra “İkinci müəllim” fəxri adını qazanmış Əbu Turxanın müdrik bir kəlamı var: “Biz gələcəyə çatanda, məlum olur ki, onun mənzərəsi öncədən çəkilibmiş”. Qürur hissi ilə deyə bilərik ki, görkəmli filosofun bu aforizmi bu gün məhz Azərbaycan gəncliyinin reallığıdır.
“Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” Naxçıvan Muxtar Respublikası Ali Məclisi Sədrinin 2019-cu il 3 aprel tarixli Sərəncamının icrasının təmin edilməsi məqsədilə Naxçıvan Muxtar Respublikası Ali Məclisinin Sədri yanında Dövlət Qulluğu Məsələləri üzrə Komissiyanın əməkdaşları və könüllülərdən ibarət səyyar xidmət qrupu Şərur Rayon Mədəniyyət Şöbəsinin inzibati binasında olublar. Onlar dövlət orqanlarında vakant dövlət qulluğu vəzifələrinin və AMEA Naxçıvan Bölməsində vakant vəzifələrin tutulması, eləcə də müəllimlərin dövlət musiqi təhsili müəssisələrinə işə qəbulu üçün elan edilmiş müsabiqələrdə vətəndaşların iştirakını təmin etmək məqsədilə qeydiyyatdan keçməkdə çətinlik çəkənlərə operativ köməklik göstəriblər.
Rusiyanın ORSIS şirkətinin iştirak etdiyi silah tədarükü üzrə tenderi pozduğuna görə Moskva Yerevana etiraz notası göndərəcək. AZƏRTAC RIA Novosti agentliyinə istinadla xəbər verir ki, nota Ermənistanın müdafiə naziri David Tonoyana ünvanlanıb.
Agentliyin məlumatına görə, 2019-cu il 22 oktyabr tarixli etiraz notasında deyilir ki, Rusiyanın ORSIS firmasının müraciəti heç bir əsas olmadan rədd edilib və erməni tərəfi onu bu iş üçün uyğun olmayan tədarükçülər siyahısına daxil edib. Sənəddə müdafiə naziri Tonoyanın məsələni araşdırması tələb olunur.
Qeyd olunur ki, hazırda etiraz notası Rusiya Xarici İşlər Nazirliyindədir və yaxın vaxtlarda diplomatik kanallar vasitəsilə Ermənistana göndəriləcək. Agentlik yazır ki, çoxmilyonluq silah tədarükü üzrə tender bu ilin yayında keçirilməli idi. Ermənistan Müdafiə Nazirliyi Rusiya şirkətinin tenderdə iştirakla bağlı müraciətini ləğv edib və bunu ORSIS-in bank təminatını ödəmədiyi ilə əsaslandırıb. Rusiyanın İstintaq Komitəsində bununla bağlı cinayət işi qaldırılıb.
Ermənistan Müdafiə Nazirliyində ORSIS şirkəti ilə bağlı bu qalmaqalı şərh etməkdən imtina ediblər.
AZƏRTAC
Ermənistan Dünya Bankının “Doing Business 2020” hesabatında altı pillə geriləyib. AZƏRTAC erməni KİV-nə istinadla xəbər verir ki, bu geriləmə ölkədə sərmayə mühitinin və azad biznes üçün şəraitin pisləşməsinin nəticəsidir.
Qeyd olunur ki, ötən il “Doing Business 2019” hesabatında 41-ci yeri tutan Ermənistan bu il reytinq cədvəlində 47-ci yerə düşüb. Belə ki, Dünya Bankının Yerevan ofisinin rəhbəri Silvi Boustro keçən il bu ölkənin hesabatda irəliləməsini əmlak alqı-satqısı prosedurunun sadələşdirilməsi, vergi sistemində dəyişikliklərlə izah etmişdi. Ermənistanın builki düşüşünün səbəbi isə hələ bu ofis tərəfindən açıqlanmayıb.
AZƏRTAC
Azərbaycan Respublikasının Xarici İşlər naziri Elmar Məmmədyarov Bakıda keçirilən Qoşulmama Hərəkatının XVIII Zirvə Görüşü çərçivəsində Afrika İttifaqının Siyasi məsələlər üzrə Komissarı Sessuma Minata Samate ilə görüşüb.
Nazirliyin mətbuat xidmətindən AZƏRTAC-a bildiriblər ki, qonağı salamlayan nazir Elmar Məmmədyarov Azərbaycanın Qoşulmama Hərəkatına sədrliyinin prioritetləri barədə məlumat verib, ölkəmizin Afrika İttifaqı ilə əməkdaşlıq əlaqələrinin dərinləşdirilməsində maraqlı olduğunu diqqətə çatdırıb.
Azərbaycanda olmasından məmnunluğunu bildirən S.M.Samate ölkəmizdə iqtisadi sahədə yüksək inkişaf müşahidə etdiyini diqqətə çatdırıb. Eyni zamanda, o, Afrika İttifaqının bir sıra sahələrdə, ələlxüsus ictimai xidmətlər sektorunda ölkəmizin təcrübəsinin öyrənilməsində maraqlı olduğunu vurğulayıb.
Görüşdə, həmçinin qarşılıqlı maraq doğuran məsələlər ətrafında fikir mübadiləsi aparılıb.
AZƏRTAC
Azərbaycanın Gürcüstandakı səfiri Dursun Həsənov bu ölkənin Dövlət Təhlükəsizlik Xidmətinin (DTX) rəisi Qriqol Liluaşvili ilə görüşüb.
AZƏRTAC xəbər verir ki, görüşdə Azərbaycan ilə Gürcüstan arasında təhlükəsizlik sahəsində əməkdaşlığın əsas istiqamətləri müzakirə edilib. Söhbət zamanı bölgədəki təhlükəsizlik mühiti və iki ölkənin üzləşdiyi təhdid və çağırışlar diqqət mərkəzində olub. Ölkələrimizin müvafiq qurumları arasında sıx əməkdaşlığın vacibliyi vurğulanıb.
Görüşdə DTX rəisinin müavinləri Aleksander Xojevanişvili, Şengeli Pitsxelauri və Giqa Nikoleişvili iştirak ediblər.
Gürcüstanın Barışıq və Vətəndaş Bərabərliyi Məsələləri üzrə Dövlət naziri Ketevan Tsixelaşvili Marneulidə azərbaycanlı gənclərlə görüşüb.
Görüşdə gənclərə Gürcüstanın inkişafı, ölkənin sülh siyasəti barədə məlumat təqdim olunub.
Azərbaycanlı gənclər mövzu ilə bağlı fikirlərini bölüşüblər. Sonra K.Tsixelaşvili gəncləri maraqlandıran sualları cavablandırıb.
Dövlət naziri qeyd edib ki, hər bir vətəndaşın ölkənin həyata keçirdiyi sülh təşəbbüsləri barədə məlumatlı olması olduqca vacibdir. Belə görüşlər vaxtaşırı keçirilməlidir.
K.Tsixelaşvili deyib: “Mənim üçün gəncləri məlumatlandırmaqla yanaşı, onların fikirləri ilə tanış olmaq da çox əhəmiyyətlidir. Sülh prosesində ictimai diplomatiya və vətəndaş iştirakı çox vacibdir. Əksər hallarda maraqlı ideya və layihələr gənclər tərəfindən irəli sürülür”.
Ermənistan silahlı qüvvələrinin bölmələri cəbhənin müxtəlif istiqamətlərində snayper tüfənglərindən də istifadə etməklə sutka ərzində atəşkəs rejimini 21 dəfə pozub.
Müdafiə Nazirliyinin mətbuat xidmətindən bildiriblər ki, Ermənistanın İcevan rayonu ərazisindəki adsız yüksəkliklərdə yerləşən mövqelərdən Qazax rayonu ərazisindəki adsız yüksəkliklərdə, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Göyəli kəndində və adsız yüksəkliklərdə yerləşən mövqelərimiz atəşə tutulub.
Dekabr 2021 |
