Dekabrın 2-dən 6-dək Türkiyənin İstanbul şəhərində Türkdilli Dövlətlərin Əməkdaşlıq Şurasının 3-cü Gənclik Festivalı keçirilir. Tədbirdə Azərbaycan nümayəndə heyətinin rəhbəri, Naxçıvan Muxtar Respublikasının Gənclər və İdman naziri Azad Cabbarov Azərbaycan, o cümlədən Naxçıvanla bağlı geniş məlumat verib və ölkə gənclərinin fəaliyyətini əks etdirən slayd nümayiş olunub.

Azərbaycanın ATƏT yanında daimi nümayəndəliyi ATƏT Xarici İşlər Nazirləri Şurasının Bratislavada keçiriləcək 26-cı illik görüşü ərəfəsində Ermənistan-Azərbaycan Dağlıq Qarabağ münaqişəsinin sülh yolu ilə həllinə dair dövlətimizin mövqeyini təqdim edib.

İki qardaş dövlət – Azərbaycan və Türkiyə arasındakı yeni hava dəhlizi “Dostluq dəhlizi” adlandırılıb.

Ermənistan silahlı qüvvələrinin bölmələri sutka ərzində cəbhənin müxtəlif istiqamətlərində snayper tüfənglərindən də istifadə etməklə atəşkəs rejimini 21 dəfə pozub.

Dövlət Miqrasiya Xidmətinin Vətəndaşlıq məsələləri baş idarəsinin rəisi Rza Talıbov və Bakı şəhərində Naxçıvan Muxtar Respublikası daimi nümayəndəliyinin rəhbəri Bəxtiyar Əsgərov Birləşmiş Ərəb Əmirliklərinin Azərbaycan Respublikasında fövqəladə və səlahiyyətli səfiri Mohamad A. Al-Qubaisinin dəvətilə, bu ölkənin milli bayramı-Birləşmə Gününün 48-ci ildönümü münasibətilə Bakıda təşkil olunan rəsmi qəbulda iştirak ediblər.

Naxçıvan Muxtar Respublikası Nazirlər Kabinetinin 2019-cu il 1 noyabr tarixli 158 nömrəli Qərarı ilə “Şahbuz Rayon Mərkəzi Xəstəxanası” publik hüquqi şəxsinin Nizamnaməsi” təsdiq edilmişdir. Adıçəkilən qərara əsasən xəstəxana Naxçıvan Muxtar Respublikası Səhiyyə Nazirliyinin tabeliyindədir və Şahbuz rayonunun əhalisinə çoxprofilli stasionar və ambulator tibbi yardım göstərən laborator müalicə və profilaktika təyinatlı diaqnostik müəssisədir.

Azərbaycanın Belçikadakı səfirliyi tərəfindən "Mincə sənət" qalereyası və Brüsseldəki səfirliyimizdə "Bir dəfə Azərbaycanda" adlı incəsənət sərgisinin açılış mərasimi keçirilib. Sərgidə Azərbaycanda, eləcə də ölkəmizin hüdudlarından kənarda yaşayan rəssamların və sənətkarların əsərləri və əl işləri nümayiş etdirilib.

Naxçıvan Muxtar Respublikası Ali Məclisinin Sədri yanında Dövlət Qulluğu Məsələləri üzrə Komissiya tərəfindən dövlət orqanlarında vakant dövlət qulluğu vəzifələrinin tutulması üçün 18 sentyabr 2019-cu il tarixdə elan olunmuş müsabiqənin test imtahanları mərhələsinə dekabr ayının 2-dən start verilib. Müsabiqəyə çıxarılan 224 vakant vəzifənin tutulması üçün 573 namizəd sənəd təqdim edib.

Arpaçay Dövlət Təbiət Yasaqlığının ərazisində toxumla bərpa işləri aparılıb. Tədbir zamanı 5 hektarlıq sahəyə yemişan, həmərsin, badamça, iydə, armud və ardıc bitkilərinin toxumları əkilib.

23 dekabr 2019-cu il Azərbaycan Respublikasında bələdiyyə seçkiləri günüdür

Hörmətli seçicilər!

Seçki komissiyalarının üzvləri, müvafiq seçki dairəsi üzrə qeydə alınmış namizədlər və onların səlahiyyətli nümayəndələri, yaxud onların vəkil edilmiş şəxsləri, siyasi partiyaların vəkil edilmiş şəxsləri seçki komissiyasının iclaslarını, habelə səslərin hesablanmasını, məntəqə və dairə seçki komissiyalarında seçki bülletenləri, seçici siyahıları ilə, səsvermənin nəticələri və yekunları haqqında protokollarla müvafiq işin aparılmasını müşahidə etmək və onlarla tanış olmaq, dairə və məntəqə seçki komissiyalarının qərarlarının və digər seçki sənədlərinin (seçici siyahıları, səsvermə üçün qeydiyyatdan çıxma vəsiqələri, seçki bülletenləri və imza vərəqələri istisna olmaqla) surətlərini almaq, seçki komissiyalarında digər seçki hərəkətlərinin həyata keçirilməsini müşahidə etmək hüququna malikdirlər.

Seçki komissiyalarının fəaliyyəti seçicilər üçün şəffaf olmalıdır

Aktiv seçki hüququna malik olan Azərbaycan Respublikası vətəndaşları, o cümlədən Seçki Məcəlləsinin 44-cü maddəsində göstərilən xarici vətəndaşlar müşahidəçi qismində çıxış edə bilərlər.

Rusiya həmsədr qismində Dağlıq Qarabağ münaqişəsinin həllinə kömək göstərəcək.

Azərbaycan Milli Elmlər Akademiyasının vitse-prezidenti, akademik İsa Həbibbəyli Türkiyədə fəaliyyət göstərən Avrasiya Yazıçılar Birliyi (AYB) tərəfindən “Şərəf” medalı ilə təltif olunub.

Dünən “Şərq qapısı” qəzetinin məsul katibi Muxtar Məmmədovun anadan olmasının 60 illik yubileyi münasibətilə tədbir keçirilib.

Azərbaycan Milli Elmlər Akademiyası (AMEA) Geologiya və Geofizika İnstitutunun Geoekologiya şöbəsinin rəhbəri Vaqif Məmmədov, Mühəndisi geofizika şöbəsinin rəhbəri Əvəz Salamov və Bakı Dövlət Universitetinin Biologiya fakültəsinin dosenti Saleh Əliyevin həmmüəllifi olduqları “Azərbaycan Respublikası böyük göllərinin hidrobiokimyəvi xüsusiyyətləri və gölətrafı ərazilərin mühəndisi geofiziki şəraiti” kitabı çapdan çıxıb.

Ümumdünya Mətbuat Şuraları Assosiasiyasının və Azərbaycan Mətbuat Şurasının nümayəndələri Naxçıvan Muxtar Respublikasında səfərdə olublar. Qonaqlar səfərləri çərçivəsində media mərkəzlərində, tarixi memarlıq abidələrində, ali təhsil ocaqlarında olub, beynəlxalq konfransda iştirak ediblər. Konfrans çərçivəsində Naxçıvan mətbuat şurası Ümumdünya Mətbuat Şuraları Assosiasiyasına üzv seçilib.

Ermənistanın baş naziri Nikol Paşinyanın Azərbaycanın işğal olunmuş əraziləri ilə bağlı fikirləri və hərəkətləri beynəlxalq hüquqa ziddir. Bu şəxs bir müddət əvvəl BMT tribunasından da məntiqəzidd ifadələr səsləndirməklə növbəti dəfə dünya birliyi qarşısında yalan və məsuliyyətsiz sözlər danışıb.

Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 22 dəfə pozub.

Dünya birjalarında neftin qiyməti bahalaşıb.

Naxçıvanda keçirilən “Onlayn media və sosial şəbəkələr: yeni dövrün çağırışlarında jurnalist peşəkarlığı və cəmiyyətin mənafeləri” mövzusunda beynəlxalq konfransda iştirak etmək üçün muxtar respublikaya səfər edən Ümumdünya Mətbuat Şuraları Assosiasiyasının və Azərbaycan Mətbuat Şurasının nümayəndələri əvvəlcə ulu öndər Heydər Əliyevin Naxçıvan şəhərinin baş meydanında əzəmətlə ucalan abidəsini və Heydər Əliyev Muzeyini ziyarət ediblər.

“Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” Naxçıvan Muxtar Respublikası Ali Məclisi Sədrinin 2019-cu il 3 aprel tarixli Sərəncamının icrasının təmin edilməsi məqsədilə Naxçıvan Muxtar Respublikası Ali Məclisinin Sədri yanında Dövlət Qulluğu Məsələləri üzrə Komissiya könüllülərin iştirakı ilə “Səyyar dövlət qulluğu xidməti könüllüyü” startap layihəsini 2019-cu il ərzində uğurla həyata keçirmişdir.

Müdafiə nazirinin təsdiq etdiyi 2019-cu il üçün döyüş hazırlığı planına əsasən, ümumqoşun poliqonlarında raket-artilleriya bölmələrinin döyüş atışlı taktiki təlimləri başlayıb

Dekabrın 2-də AMEA-nın Qadınlar Şurasının təşkilatçılığı ilə ümummilli lider Heydər Əliyevin anım gününə həsr olunan tədbir keçirilib.

Rusiya Elmlər Akademiyasının “Riyazi oyun nəzəriyyəsi və tərkibi” jurnalında dərc edilmiş məqalədə Azərbaycan Milli Elmlər Akademiyasının (AMEA) İdarəetmə Sistemləri İnstitutunun (İSİ) əməkdaşı, AMEA-nın müxbir üzvü, texnika elmləri doktoru, professor Ağası Məlikovun elmi əsərlərinə istinad olunub.

\

Bu gün “Şərq qapısı” qəzetinin məsul katibi Muxtar Məmmədovun 60 illik yubileyidir.

Dekabrın 2-də Milli Məclisin növbəti iclası keçirilib.

İclasda Azərbaycan Respublikası Milli Məclisinin buraxılması və növbədənkənar seçkilərin təyin edilməsi haqqında Azərbaycan Respublikasının Prezidentinə müraciət edilməsi barədə məsələ müzakirə edilib.

Rusiyanın Xarici İşlər Nazirliyi bu ölkənin Xarici İşlər naziri Sergey Lavrovun dekabrın 2-3-də Azərbaycana rəsmi səfəri ilə bağlı şərh yayıb.

Şərhdə Sergey Lavrovun Bakıda Azərbaycan Prezidenti İlham Əliyevin qəbulunda olacağı, habelə azərbaycanlı həmkarı Elmar Məmmədyarovla müzakirələr aparacağı qeyd olunur. Vurğulanır ki, bu müzakirələrdə beynəlxalq və regional problemlərin, o cümlədən Dağlıq Qarabağ münaqişəsinin həlli üzrə məsələnin detallı şəkildə müzakirəsi aparılacaq. Həmçinin, Rusiya və Azərbaycanın xarici siyasət idarələri arasında 2020-ci il üçün Məsləhətləşmələr Planı imzalanacaq.

Ömrün 365-lərini  60 dəfə  yaşayan, bu 60-ların içərisinə neçə-neçə  baharlardan təravət, yaylardan hərarət, payızlardan çiskin, qışlardansa bəyazlıq qataraq onu duyğulu, həssas jurnalist ömrünə çevirən Muxtar Məmmədovdan  sizə danışmaq istəyirəm. Müəllimdir Muxtar müəllim‑Azərbaycan dili və ədəbiyyat müəllimi. Uzun illər müəllim işləyib. Lakin  istər müəllim, istər həkim, istər mühəndis  ol, o qəlbə ki, ədəbiyyat hakim kəsilir,  ürək səni vadar edir ələ qələm almağa... Muxtar müəllim kimi. 18 il öncədən də  imzaları ilə tanınan  bu ədəbiyyat vurğunu  düz 18 ildir ki,  muxtar respublikanın  aparıcı mətbu orqanı olan “Şərq qapısı” qəzetində çalışır, yazır-yaradır. Oçerk, məqalə, müsahibə, reportaj, esseləri ilə  lap çoxdan oxucularının qəlbində sözdən bir yuva qurub, bu yuvaya onların   sevgisini, məmnuniyyətini sığdırmaqdadır.

Muxtar müəllimi uzaqdan tanıyırdım, lakin iki ildir ki, lap yaxından tanıyıram-“Şərq qapısı” qəzetində çalışmağa başlayandan. Hər gün səhər işə gələndə onun otağının qarşısından keçərkən ayaq saxlayıb salamlaşmağı özümə borc bilmişəm. Axı o qapının ağzından biganə ötmək olmazdı. Çünki o otaqda mətbuatımızın qocamanı, qəzetimizin  ağsaqqalı əyləşirdi. Bu iki ildə o qapının önündən keçərkən hər dəfə  Muxtar müəllimin mütaliə etdiyini, qəzet oxuduğunu görmüşəm. Öz qəzetimizlə yanaşı, ölkə qəzetlərini. Sonralar  bildim ki, Muxtar müəllim hər dəfə işə gələndə  köşklərdən özü üçün qəzet alır. İndiki dövrdə çox maraqlıdır, deyilmi? Daha doğrusu, müasir dövrümüzdə belə insanlara çox az-az rast gələrik, desəm, daha doğru olar. Günlərin birində isə Muxtar müəllimin otağında olarkən masasının üstündəki qəzetlərdə yazıların bəzi cümlələrinin altından xətt çəkildiyini də gördüm. Deməli, Muxtar müəllim onu düşündürən, özü üçün maraqlı olanları işarəliyir. Bir neçə dəfə ondan aldığım kitablarda da bu işarələri görmüşəm. Bax, söylədiyim bu kiçik nüans elə bilirəm Muxtar müəllimin necə bir ziyalı olduğundan söhbət açır.

Ermənistan silahlı qüvvələrinin bölmələri cəbhənin müxtəlif istiqamətlərində snayper tüfənglərindən də istifadə etməklə sutka ərzində atəşkəs rejimini 23 dəfə pozub.

Dünya birjalarında neftin qiyməti bahalaşır.

Oş şəhərindəki S.İbrahimov adına Milli Dram Teatrında “Oş-Türk dünyasının mədəniyyət paytaxtı-2019” ilinin təntənəli bağlanış mərasimi keçirilib

Bu il qış fəslinin Azərbaycana gəlmə vaxtı məlum olub.

Noyabrın 30-da  Naxçıvan şəhərində “Onlayn media və sosial şəbəkələr: yeni dövrün çağırışlarında jurnalist peşəkarlığı və cəmiyyətin mənafeləri” mövzusunda beynəlxalq konfrans keçirilib. 

Gənc olmaq müstəqil, yeni həyata qədəm qoymaqdır. Gənc olmaq həm də həyatda öz yerini tapmaq üçün mübarizə aparmaqdır. Mübarizə isə arzu və məqsədləri gerçəkləşdirmək yolunda qarşıya çıxacaq maneələri aradan qaldırmaq üçün yeni üsulların axtarılıb tapılmasıdır. Gənc olmaq açıq dənizdə bir gəmidə olmaq kimidir: bəzən sakit, bəzən dalğalı bir mərhələdir. Burada yaşadığın ətraf mühit, ölkə, şəhər mühüm önəm daşımaqdadır. Azərbaycanda gənc olmaq qürurvericidir. Çünki mənim ölkəmdə gənclərin inkişafı üçün hər cür şərait yaradılıb. Mənim Vətənim gələcəyin yaxşı valideynini, savadlı müəllimini, məsuliyyətli rəhbərini, qanunlarını dərindən bilən hüquqçusunu, peşəkar sənətçisini, yaradıcı mühəndisini yetişdirir. Ölkəmizdə aparılan məqsədyönlü gənclər siyasəti qazanılan  uğurların təməlini təşkil edir.

Naxçıvan Muxtar Respublikası Ali Məclisi Sədrinin tapşırıqlarına əsasən Sədərək rayonunda mərkəzi stadionun yenidən qurularaq gənclərin istifadəsinə verilməsi Naxçıvanda idmana, idmançılara göstərilən qayğının növbəti töhfəsidir.

Strasburqda Avropa Şurası Parlament Assambleyası (AŞPA) Bürosunun və Daimi Komitəsinin iclasları keçirilib.