Dünya birjalarında neftin qiyməti bahalaşır.
Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,94 dollar artaraq 30,40 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 1,16 dollar bahalaşaraq 24,71 dollar təşkil edib.
Yaşayış məntəqələrinin abadlaşdırılması muxtar respublikanın sosial-iqtisadi inkişafını xarakterizə edən amillərdəndir. Babək rayonunda da hər il tikinti-quruculuq işləri aparılır, insanların rahatlığı təmin olunur və kənd yaşayış məntəqələrində görülən işlər kəndlə şəhər arasındakı fərqi minimuma endirir. Cari ildə rayonun kiçik kəndlərindən olan Nəcəfəlidizədə yeni sosial obyektlər inşa olunur, Babək qəsəbəsində isə bazar tikilir.
Sovet hakimiyyəti illərində Nəcəfəlidizə kəndinin taleyi, insanlarının həyat səviyyəsi, sosial problemləri ilə bağlı olan məsələlər nəhəng imperiyanı heç vaxt maraqlandırmayıb. Bu səbəbdən ötən əsrin sonlarına qədər neçə-neçə ailə yaxşı yaşayış, şərait ümidi ilə şəhərə, yaxud aran kəndlərinə köçməyə məcbur olub. Təhsil almaq istəyənlər isə 4 kilometr aralıda yerləşən qonşu Qahab kəndindəki məktəbə yollanıblar.
Ötən əsrin 70-ci illərindən başlayaraq dünya ölkələrində sənayenin inkişafı enerjiyə tələbatı kəskin artırmaqla yanaşı, müxtəlif təbii resursların deqradasiyasına da səbəb olmağa başladı. III sənaye inqilabının mühüm inkişaf mərhələsinə daxil olan həmin illər bir tərəfdən yeni kimya müəssisələrinin, hərbi və mülki zavod və fabriklərin yaradılmasını zəruri edir, digər tərəfdən ətraf mühitə öz mənfi təsirini göstərirdi.
Naxçıvan Muxtar Respublikası Meliorasiya və Su Təsərrüfatı Açıq Səhmdar Cəmiyyətinin əməkdaşları tərəfindən aprel ayında nəzərdə tutulan tədbirlər vaxtında yerinə yetirilmişdir.
Suvarma mövsümünün mütəşəkkil keçirilməsi məqsədilə sututarlarına suvarma suyunun doldurulması davam etdirilmişdir. Hazırda su anbarlarında 191 milyon kubmetrə yaxın su ehtiyatı vardır. Bu dövrdə su istifadəçilərinə 36,8 milyon kubmetr su verilmiş, bunun müqabilində 30 min 830 hektar torpaq sahəsi suvarılmışdır. 3 kilometr suvarma və 9 kilometr təzyiqli boru xətti təmir edilmiş, 31 kilometr beton və torpaq kanal, 21,5 kilometr ara arxlar, 3 kilometr kollektor lildən təmizlənmişdir. Yaşayış məntəqələrinin və əkin sahələrinin sel sularından mühafizəsi məqsədilə 1 kilometr istiqamətləndirici bənd salınmışdır. Həmçinin 46,8 hektar torpaq sahəsində qrunt sularının səviyyəsi aşağı salınaraq şoranlaşmanın qarşısı alınmışdır. 5 kəhrizdə və 56 subartezian quyusunda təmir işləri davam etdirilmiş, 1 yeni subartezian quyusu qazılmış, 3 subartezian quyusunun bərpası başa çatdırılmışdır.
Muxtar respublikada əmlak və torpaq idarəçiliyinin müasir əsaslarla qurulması istiqamətində qarşıda duran vəzifələrin icrası 2020-ci ilin aprel ayında da Daşınmaz Əmlak və Torpaq Məsələləri üzrə Dövlət Xidməti tərəfindən diqqətdə saxlanılmışdır.
Torpaqların elektron uçotunun aparılması məqsədilə Sədərək rayonunun Sədərək kəndində planaalma işləri davam etdirilmiş, ay ərzində 1071 daşınmaz əmlak obyekti plana alınmışdır. 13 ailə təsərrüfatına məxsus qeyri-yaşayış obyekti, həyətyanı təsərrüfat binaları və təsərrüfat fəaliyyəti ilə əlaqədar icarəyə götürülmüş torpaq sahələri üzərində hüquqlar dövlət qeydiyyatına alınmışdır. Şərur rayonunun Kosacan, Xanlıqlar, Ələkli, Çəmənli, Dərvişlər və Siyaqut bələdiyyələrinin torpaqların qida maddələri ilə təminolunma kartoqramları yenilənərək aidiyyəti üzrə təqdim edilmişdir.
Aprel ayında 395 daşınmaz əmlak obyekti üzərində hüquqlar dövlət qeydiyyatına alınmış, 333 texniki sənəd hazırlanmış, yeni yaranmış 19 daşınmaz əmlak obyektinə ünvan verilmiş, 83 torpaq sahəsinin plan-ölçüsü dövlət kadastr kitablarında qeydiyyata alınmışdır. 20 vətəndaşa elektron xidmətlər göstərilmişdir.
Naxçıvan Dövlət Universitetinin xidmətin hamiliyinə verilmiş ixtisaslarında təhsil alan tələbələrlə onlayn görüş olmuş, tələbələrə “Layihələrin idarə edilməsi” mövzusunda onlayn təlim-məşğələ keçirilmişdir.
Naxçıvan Muxtar Respublikası Daşınmaz Əmlak və Torpaq
Məsələləri üzrə Dövlət Xidmətinin mətbuat xidməti
Ötən ildən başlayaraq muxtar respublikada yerləşən Duzdağda yeni şaxtanın açılması üçün işlər davam etdirilir.
Hazırda şaxtada texnoloji rejimə nəzarət edilir, burada havalandırma sistemi qurulub. Müəyyən olunmuş duz layına qədər 390 metr uzunluğunda tunel çəkilir. Tunelin 280 metrlik hissəsində işlər artıq başa çatdırılıb. Təhlükəsizlik məqsədilə metal dayaqlardan istifadə olunur, püskürtmə üsulu ilə betonlama işləri aparılır.
Bu ilin ötən dövründə də mövcud potensialdan səmərəli istifadə edilməklə muxtar respublika iqtisadiyyatının dinamik inkişafına nail olunub. Bunun nəticəsidir ki, cari ilin ötən dövrü ərzində muxtar respublikada qaynaq çubuğu, plastik səbət, istixana kompleksi və heyvandarlıq təsərrüfatları üzrə 48 istehsal müəssisəsi fəaliyyət başlayıb, 153 yeni iş yeri açılıb.
Müxtəlif istehsal və xidmət sahələri üzrə 51 müəssisənin yaradılması davam etdirilir. Eyni zamanda, dövlət maliyyə dəstəyi və özəl investisiyalar hesabına 596 yeni iş yerinin açılması üzrə işlər davam etdirilir.
Muxtar respublikada həyata keçirilən məqsədyönlü tədbirlərin nəticəsidir ki, aqrar sektorda dinamik inkişaf qorunub saxlanılmış, daxili bazarda məhsul bolluğu yaradılmışdır. Dövlət siyasətinin prioritet istiqamətlərindən biri olan ərzaq təhlükəsizliyi tədbirləri, ilk növbədə, cəmiyyətin sağlam həyat tərzinin qorunub saxlanılmasına, səmərəli məşğulluğun təmin olunmasına, ümumilikdə, muxtar respublikanın davamlı inkişafına yeni imkanlar yaratmışdır.
Artıq may ayının ilk günlərini yaşayırıq. Qışın soyuğu öz yerini baharın günəşli günlərinə verib. Sanki Günəş öz isti nəfəsi ilə hər bir kənd zəhmətkeşini fəal olmağa, əkib-becərmək əzmini artırmağa səsləyir. Kəndli də yaxşı bilir ki, torpaqda işləmək, onu həvəslə əkib-becərmək, gəlir əldə etmək firavan yaşamaq deməkdir. Əgər torpağını əkmirsənsə, öz ailənə lazım olan məhsulları yetişdirmirsənsə, onda xoş günləri arzulamaq da əbəsdir. Gərək zəhmətə qatlaşıb, əkib-becərəsən ki, faydasını da görəsən.
Muxtar respublikamızda gənc ailələrin sosial müdafiəsinin gücləndirilməsi, onların mənzil-məişət şəraitinin yaxşılaşdırılması istiqamətində hər il ardıcıl tədbirlər həyata keçirilir. Təqdirəlayiq haldır ki, bu istiqamətdə görülən işlər bütün bölgələri əhatə edir. Ordubad rayonunda da bu tədbirlər uğurla davam etdirilir. Belə ki, hazırda Ordubad şəhərinin mərkəzində – Heydər Əliyev prospektində gənc ailələr üçün nəzərdə tutulmuş zirzəmi ilə birlikdə 8 mərtəbəli yaşayış binasında inşaat işləri həyata keçirilir.
Bu gün dünyada hamılıqla qəbul olunan fakt ondan ibarətdir ki, baytarlıq xidməti çoxşaxəli, iqtisadi, istehsal və biotəhlükəsizlik sistemidir. Çünki əhalinin ərzaq təminatının, təhlükəsizliyinin çox vacib və mühüm məsələləri məhz burada öz həllini tapır. Sağlam, keyfiyyətli ət və süd məhsulları ilə təminatda mühüm əhəmiyyətə malik olan baytarlıq xidmətinin təşkilinə muxtar respublikamızda da xüsusi diqqət yetirilir. Bunu sürətlə inkişaf edən bölgələrimizdən olan Babək rayonunda son illər ərzində bu sahədə həyata keçirilən və artıq öz bəhrələrini verən kompleks tədbirlər də bir daha təsdiq edir.
Naxçıvan Muxtar Respublikasında dini-mənəvi dəyərlərin qorunmasına, yeni məscid və mərasim evlərinin tikilməsinə mühüm əhəmiyyət verilir. Bu işlər Kəngərli rayonunda da davam etdirilir.
Rayonun Böyükdüz kəndində aprel ayının əvvəllərində mərasim evinin tikintisinə başlanılıb. Bunun üçün dövlət tərəfindən torpaq sahəsi ayrılıb, layihə hazırlanıb.
Naxçıvan-Sədərək magistral avtomobil yolunun kənarında 100 hektar sahədə salınan püstə bağından əlavə 2 hektar sahədə yeni püstə bağı salınacaq.
Muxtar respublikamızda kənd təsərrüfatının bütün sahələri kimi, üzümçülüyün də inkişafı diqqət mərkəzində saxlanılır, görülən tədbirlər nəticəsində hər il bağlardan tonlarla məhsul tədarük olunur. Müqayisə üçün bildirək ki, ötən il Naxçıvan Muxtar Respublikasında, ümumilikdə, 1400 hektardan çox sahədə üzüm bağı salınıb, 16 min 700 tondan çox məhsul götürülüb.
Əlavə dəyər vergisinin (ƏDV) müəyyən hissəsinin qaytarılma mexanizmi müəyyən olunub.
Pərakəndə ticarət və ya iaşə obyektlərindən alınmış mallara görə ödənilən ƏDV-nin bir hissəsinin geri qaytarılması ilə bağlı İqtisadiyyat Nazirliyi yanında Dövlət Vergi Xidmətinin baş idarə rəisi Elçin Məmmədovun şərhini təqdim edirik.
Müasir mərhələdə ölkədə pul və maliyyə sabitliyi siyasətinin əsas istiqamətləri iqtisadi artımın və inkişafın başlıca şərti olan makroiqtisadi sabitliyin qorunmasına, bank sektorunda stabilliyin təmin olunmasına və maliyyə vasitəçiliyinin dərinləşməsinə yönəldilib. Bu məqsədlə ölkədə nağdsız ödəniş xidmətlərinin institusional və hüquqi bazasının gücləndirilməsi, infrastruktur imkanlarının artırılması yolu ilə həmin xidmətlərin çeşidinin, keyfiyyətinin və tətbiq dairəsinin genişləndirilməsi, habelə onlardan istifadənin kütləviləşdirilməsi başlıca strateji prioritetlərdir.
“Naxçıvan Aqrolizinq” Açıq Səhmdar Cəmiyyəti tərəfindən muxtar respublikaya bu il tələbata uyğun olaraq 5 ədəd südsağan qurğu gətirilib. Texnikalar 1200 manata lizinq, nağd və köçürmə yolu ilə sahibkarlara təklif edilir. Alınan texnikalar dünyanın qabaqcıl ölkələrin istehsalıdır.
Kiçik ailə təsərrüfatları üçün nəzərdə tutulan avadanlıqlardan bir neçəsi nağd ödəmə yolu ilə satılıb. O cümlədən bu texnikalar Dövlət Məşğulluq Xidməti tərəfindən özünüməşğulluq proqramına cəlb edilən nümunəvi təsərrüfat sahiblərinə də ödənişsiz olaraq verilir.
“Aİ-95” markalı yanacağın qiyməti bu gündən 10 qəpik ucuzlaşaraq, 1 manat 10 qəpik olub. Dünya birjalarında neftin qiymətinin kəskin ucuzlaşmasına baxmayaraq, Azərbaycanda yerli istehsal olan “Aİ-92” markalı benzinin qiyməti dəyişmir.
SOCAR-ın İctimaiyyətlə əlaqələr və tədbirlərin təşkili idarəsinin rəis müavini İbrahim Əhmədov bildirib ki, ucuzlaşmaya səbəb “Aİ-95” markalı benzinin idxal edilməsidir:
“Azərbaycanda istifadə edilən “Aİ-95” xaricdən idxal olunur və bazar qiymətlərinə alınır. Bazar qiymətləri dəyişəndə, ölkədə də həmin benzinin qiyməti dəyişir”.
Azərbaycan bu gündən etibarən “OPEC+” razılaşması çərçivəsində neft hasilatının azaldılması prosesinə başlayıb. May-iyun aylarında “OPEC+” üzrə öhdəliklər gündəlik neft hasilatının 2018-ci ilin oktyabr ayı səviyyəsindən 23 faiz az olmaqla 9,7 milyon barrel, Azərbaycan üçün isə 164 min barrel azaldılmasını nəzərdə tutur.
Energetika Nazirliyindən bildirilib ki, 2018-ci ilin oktyabr ayında gündəlik xam neft hasilatı 718 min barrel olan Azərbaycanın öhdəlikləri bu ilin iyul-dekabr aylarında həmin göstəricidən 18 faiz az olmaqla yəni, 131 min barrel, 2021-ci il və 2022-ci ilin aprel ayı ərzində isə 14 faiz olmaqla yəni, 98 min barrel müəyyənləşib.
“OPEC+” çərçivəsində Azərbaycanda neft hasilatının müvəqqəti məhdudlaşdırılması ilə bağlı tədbirlərin icrası SOCAR-a tapşırılıb.
SOCAR-dan bildirilib ki, aprelin 9-da “OPEC+” formatının 23 iştirakçı ölkəsi dünya bazarlarında COVID-19 pandemiyasının təsirindən yaranan iqtisadi resessiya şəraitini müzakirə edib, neftə olan tələb-təklifin tarazlaşdırılması üçün cari il mayın 1-dən etibarən neft hasilatının gündəlik 9,7 milyon barrel həcmində azaldılması barədə razılığa gəlib. Azərbaycan Respublikası OPEC+ iştirakçısı kimi görüşdə iştirak edib və digər ölkələrlə birlikdə üzərinə hasilatın könüllü azaldılması ilə bağlı mütənasib öhdəliklər götürüb.
Tütüncülük muxtar respublikada inkişaf etdirilən sahələrdəndir. Son illərdə bu məqsədlə lazımı tədbirlər görülüb, Kəngərli rayonunun ərazisində “Cahan Tabak” Beynəlxalq Məhdud Məsuliyyətli Cəmiyyətinin Tütünyetişdirmə Mərkəzi yaradılıb. Ötən il mərkəz tərəfindən muxtar respublikada 50 hektar sahədə tütün əkini aparılıb. Sahələrdən 96 ton quru tütün əldə olunub.
Əsası Azərbaycan xalqının ümümilli lideri Heydər Əliyev tərəfindən qoyulmuş Azərbaycan iqtisadiyyatı son illərdə sürətlə inkişaf etmiş, aparılan iqtisadi islahatlar və iqtisadiyyatın diversifikasiyası qeyri-neft sektorunun inkişafını təmin etmiş, bu sahədə əhəmiyyətli irəliləyişlərə imkan yaratmışdır.
Hazırda dünyada gedən siyasi və iqtisadi proseslər ölkə iqtisadiyyatının rəqabət qabiliyyətini artırmaq, idxaldan asılılığı azaltmaq, ixracyönümlü qeyri-neft iqtisadiyyatının əsaslı inkişafını təmin etmək, insan kapitalından səmərəli istifadə etmək kimi prioritetlərin ön plana çəkilməsini zəruri edir. Bu baxımdan qeyri-neft sektorunun inkişaf etdirilməsində sənaye və kənd təsərrüfatı sahələri xüsusi əhəmiyyət kəsb edir.
Naxçıvan Muxtar Respublikasında yaz əkinlərində əsas yerlərdən birini qarğıdalı tutur. Bu məhsuldar bitkinin əkilməsinə təsərrüfat sahibləri tərəfindən maraq ildən-ilə artır. İqtisadi baxımdan sərfəli olan qarğıdalı həm də qida elementləri ilə zəngindir.
Təkcə ötən il muxtar respublikada min hektardan artıq sahədə qarğıdalı əkini aparılıb, 8 min 400 tona yaxın məhsul əldə edilib.
Bu ilin ilk rübündə kənd təsərrüfatı sahəsi ilə məşğul olan təsərrüfat subyektlərinə, ümumilikdə, 3 milyon 592 min 400 manat kredit verilib.
Naxçıvan Muxtar Respublikası Dövlət Statistika Komitəsindən Naxçıvan bürosuna bildirilib ki, bu da bir il öncəki göstəricidən 82,4 faiz çoxdur.
Yaponiyanın avtomobil istehsalı sahəsində tanınmış 8 şirkəti koronavirus pandemiyası ilə əlaqədar martda dünya üzrə istehsalı 26 faiz aşağı salıb.
Muxtar respublikamızda gənc ailələrin sosial müdafiəsinin gücləndirilməsi, onların mənzil-məişət şəraitinin yaxşılaşdırılması istiqamətində hər il ardıcıl tədbirlər həyata keçirilir. Təqdirəlayiq haldır ki, bu istiqamətdə görülən işlər rayonları da əhatə edir. 2020-ci ilin başa çatmaqda olan aprel ayında da bu tədbirlər uğurla davam etdirilir. Belə ki, hazırda Ordubad şəhərinin mərkəzində – Heydər Əliyev prospektində gənc ailələr üçün nəzərdə tutulmuş zirzəmi ilə birlikdə 8 mərtəbəli yaşayış binasında inşaat işləri həyata keçirilir.
2020-ci ilin ilk rübündə muxtar respublikanın bank və kredit təşkilatları tərəfindən hüquqi və fiziki şəxslərə 49 milyon 419 min 700 manat kredit verilib ki, bu da bir il öncəki göstəricidən 2,9 dəfə çoxdur. Verilmiş kreditlərin 7 milyon 264 min 200 manatı və yaxud 14,7 faizi qısamüddətli, 42 milyon 155 min 500 manatı və yaxud 85,3 faizi uzunmüddətli kreditlər olub.
Muxtar respublikanın dinamik inkişafı, ən əsası yerli istehsalın şaxələndirilməsi xarici ticarət əlaqələrinin genişlənməsinə müsbət təsir göstərib.
Naxçıvan Muxtar Respublikası Dövlət Statistika Komitəsindən Naxçıvan bürosuna bildirilib ki, 2020-ci ilin birinci rübündə muxtar respublikanın xarici ticarət dövriyyəsi 70 milyon 998 min 400 ABŞ dolları təşkil edib.
Xarici ticarət dövriyyəsinin 53 milyon 530 min 700 ABŞ dollarını ixrac, 17 milyon 467 min 700 ABŞ dollarını idxal təşkil edib və 36 milyon 63 min ABŞ dolları dəyərində müsbət saldo yaranıb.
2020-ci ilin yanvar-mart aylarında muxtar respublikada informasiya və rabitə xidmətlərinin dəyəri 2019-cu ilin müvafiq dövründəki göstəricini 2,1 faiz üstələyərək, 13 milyon 380 min 100 manat olub.
Naxçıvan Muxtar Respublikası Dövlət Statistika Komitəsindən bildirilib ki, ümumi xidmətlərin 80,2 faizi mobil rabitənin payına düşüb, mobil rabitə xidmətlərinin dəyəri 2019-cu ilin müvafiq dövrü ilə müqayisədə 2,8 faiz artıb.
2020-ci ilin yanvar-mart aylarında muxtar respublikada nəqliyyat sektorunda 2019-cu ilin müvafiq dövrü ilə müqayisədə yük daşınması 0,8 faiz, sərnişin daşınması 0,9 faiz artıb. Yük və sərnişin daşınmasından bütövlükdə 11 milyon 991 min 400 manat gəlir əldə edilib ki, bu da bir il öncəki göstəricidən 0,8 faiz çoxdur.
Naxçıvan Muxtar Respublikası Dövlət Statistika Komitəsindən bildirilib ki, artan əhali tələbatına uyğun olaraq muxtar respublikada müasir nəqliyyat sisteminin qurulması, nəqliyyat sektorunun səmərəli idarə olunması istiqamətində ardıcıl tədbirlər həyata keçirilir.
Muxtar respublikada çoxşaxəli iqtisadiyyatın formalaşdırılması və sosial sahənin inkişafı istiqamətində həyata keçirilən tədbirlər “İxrac ili” elan edilmiş 2020-ci ilin ilk rübündə də davam etdirilmişdir.
"Sahibkarlara əlavə dəstək tədbirlərinə ehtiyac olduğu halda bu istiqamətdə müvafiq tətillər həyata keçiriləcək".
Bunu Nazirlər Kabineti yanında Operativ Qərargahın brifinqində İqdisadiyyat naziri Mikayıl Cabbarov deyib.
Muxtar respublikada kartofçuluğun inkişaf etdirilməsi sahəsində görülən işlər nəticəsində kartof əkinləri ildən-ilə genişləndirilir.
Torpaq mülkiyyətçilərinin keyfiyyətli toxumlarla təmin olunması məqsədilə ötən il olduğu kimi, bu il də xaricdən yerli şəraitə uyğun kartof toxumları gətirilib.
Prezident İlham Əliyevin “Azərbaycan Respublikasında Sahibkarlar Gününün təsis edilməsi haqqında” 2016-cı il 21 aprel tarixli Sərəncamına əsasən, aprelin 25-i Azərbaycanda Sahibkarlar Günü kimi qeyd edilir. Sahibkarlar Gününün təsis olunması ölkənin sosial-iqtisadi inkişafında, məşğulluğun təmin olunmasında sahibkarların fəaliyyətinə verilən yüksək qiymətlə bərabər, sahibkarlığın, xüsusən də qeyri-neft sektorunun inkişafına dövlətimizin başçısı tərəfindən göstərilən diqqət və qayğının bariz nümunəsidir.
Azərbaycan Respublikası Prezidentinin “Koronavirus (COVID-19) pandemiyasının və bundan irəli gələrək dünya enerji və səhm bazarlarında baş verən kəskin dalğalanmaların Azərbaycan Respublikasının iqtisadiyyatına, makroiqtisadi sabitliyə, ölkədə məşğulluq məsələlərinə və sahibkarlıq subyektlərinə mənfi təsirinin azaldılması ilə bağlı bir sıra tədbirlər haqqında” 19 mart 2020-ci il tarixli 1950 nömrəli Sərəncamının 10.2-ci bəndinin icrası ilə bağlı Nazirlər Kabineti tərəfindən təsdiq edilmiş “Tədbirlər Planı”nın “Karantin rejimi müddətində pandemiyadan zərər çəkmiş sahələrdə fəaliyyət göstərən sahibkarların öhdəliklərinin tənzimlənməsi məqsədilə kredit təşkilatlarına requlyativ tətilin verilməsi” tədbirinin icrası çərçivəsində Azərbaycan Mərkəzi Bankı Maliyyə Sabitliyi Şurasının tövsiyələrini nəzərə almaqla müvafiq qərar qəbul etmişdir. Bu qərar Azərbaycan Respublikası Nazirlər Kabinetinin sərəncamında nəzərdə tutulan müvafiq tədbirlərlə sinxronlaşdırılmaqla bərabər, eyni zamanda daha geniş istiqamətləri, o cümlədən fiziki şəxslərin Azərbaycan Respublikası İpoteka və Kredit Zəmanət Fondunun vəsaitləri hesabına verilmiş ipoteka kreditlərinin restrukturizasiyasını, dövlət fondlarının vəsaitləri hesabına verilmiş biznes təyinatlı kreditlərin restrukturizasiyasını, eləcə də sığorta və kapital bazarı iştirakçılarının dəstəklənməsini əhatə edən məsələləri də nəzərdə tutur.
Dünyanın iqtisadi inkişafı sənayenin üzərində qurulub. Son iki yüz ildə sənaye sektoru müxtəlif mərhələləri keçərək elm və texnoloji yeniliklərin nəticəsində həyatımızın bütün sahələrində öz əksini tapıb. Hazırda isə sənaye sahəsi özünün yeni mərhələsinə qədəm qoymaqdadır. Elmi dairələrdə bu yeni dövrü IV sənaye inqilabı dövrü adlandırırlar. Son bir ildə dünyanın mötəbər elmi mərkəzlərində, araşdırma dairələrində tez-tez səsləndirilən bu yeni dövr haqqında müzakirələr mühüm aktuallıq kəsb etdiyindən biz də bu haqda araşdırdığımız bəzi məlumatları oxucularımızla bölüşmək istəyirik.
Hər il aprel ayının dördüncü həftəsinin dördüncü günü keçirilən Beynəlxalq “İKT-də Qızlar” Günü bu il aprelin 23-nə təsadüf edir. Beynəlxalq Telekommunikasiya İttifaqı tərəfindən təsis edilən əlamətdar gün ənənəvi olaraq Azərbaycanda da qeyd olunur.
Nəqliyyat, Rabitə və Yüksək Texnologiyalar Nazirliyindən bildirilib ki, “İKT-də Qızlar” Gününün keçirilməsi qızları informasiya-kommunikasiya texnologiyaları (İKT) sahəsinə cəlb etmək, onların bu sektorda fəaliyyətini stimullaşdırmaq məqsədi daşıyır.
Naxçıvan Muxtar Respublikasının əlverişli iqlim şəraiti alternativ və bərpaolunan enerji növlərinin inkişafına möhkəm zəmin yaradır. Bu məqsədlə yeni texnoloji avadanlıqlar əsasında elektrik stansiyaları tikilib istifadəyə verilib.
Muxtar respublikada bu sahədə qazanılmış uğurları bərpaolunan enerji mənbələrindən geniş istifadə edən Avropa İttifaqı ölkələrindən Avstriya, İsveç, Danimarka kimi ölkələrlə müqayisə etmək mümkündür.
Koronavirus pandemiyasının təsirinə məruz qalıb-qalmamasından asılı olmayaraq, bütün mikro sahibkarlar üçün vergi güzəştlərinin verilməsi nəzərdə tutulur.
Bu barədə İqtisadiyyat Nazirliyinin hazırladığı “Pandemiyadan zərərçəkmiş sahələrdə fəaliyyət göstərən sahibkarlıq subyektlərinə (o cümlədən, kiçik və orta sahibkarlığa) vergi güzəştləri və tətilləri mexanizmi”ndə deyilir.
Mikro sahibkarlara:
- Sadələşdirilmiş vergi üzrə 50 faiz güzəştin verilməsi (verginin dərəcəsi 2 faizdən 1 faizə salınır);
İnsanın ən təməl ehtiyaclarından biri olan qidalanma və sağlam həyat tərzi ərzaq təhlükəsizliyinin kifayət qədər təmin edilməsi ilə mümkündür. Bu gün dünyada ərzaq təhlükəsizliyi məsələsi çox geniş və son dərəcə vacib əhəmiyyət daşıyır. Ərzaq təhlükəsizliyi nədir? Bir ölkənin ərzaq təhlükəsizliyi iqtisadi və milli təhlükəsizlik siyasətinin ayrılmaz tərkib hissəsidir. Ölkə əhalisinin ərzaq məshulları ilə təmin edilməsi dövlətin ən mühüm sosial-iqtiasdi siyasət istiqamətlərindən biridir. Ərzaq təhlükəsizliyi balansı pozularsa ölkədə aclıq və yoxsulluq baş verməsinin əsasını qoyur. Ona görə də biz bu gün ölkəmiz də ərzaq təhlükəsizliyi və bu sahədə mövcud olan qanunvericilik bazasından söhbət açmağı məqsədə uyğun hesab edirik.
Bu il ilk dəfə olaraq muxtar respublikanın Şərur rayonunda istixana şəraitində kartof əkini aparılıb, əkin sahələri genişləndirilib.
Bbu şəraitdə kartofun vegetasiya müddəti açıq sahələrlə müqayisədə tez baş verir. Eyni zamanda, tez yetişən kartofun alış qiyməti də yüksək olur.
“Azeri Light” markalı neftin bir barrelinin qiyməti 0,85 dollar ucuzlaşaraq 21,30 dollar təşkil edib.
Qeyd edək ki, Azərbaycan neftinin bir barrelinin qiyməti bu il aprelin 1-də minimuma enərək 16,53 dollar, 2008-ci ilin iyulunda isə maksimuma yüksələrək 149,66 dollar olub.
Muxtar respublikada 2020-ci ilin “İxrac” ili elan olunması istehsal olunan məhsulların ixrac imkanlarını artırıb, iqtisadi əlaqələri genişləndirib.
Muxtar respublikada sahibkarlığın inkişafı sahəsində ardıcıl tədbirlər görülür. Ötən il “Gəmiqaya Holdinq” Şirkətlər İttifaqının plastik kapsul və qapaq istehsalı sahəsi istifadəyə verilib. Artıq muxtar respublikada bu məhsullara olan tələbat yerli istehsal hesabına ödənilir. Bu il müəssisədə böyük həcmli su taraları üçün plastik kapsul və qapaq istehsalı sahəsi də yaradılacaq.
.Naxçıvan televiziyasının əməkdaşlarının bununla bağlı hazırladıqları videomaterialı təqdim edirik
Turab Hacızadə
Azərbaycan Respublikasında iqtisadiyyatın davamlı və rəqabətqabiliyyətli inkişafı istiqamətində çoxşaxəli islahatlar həyata keçirilir və bu islahatlar çərçivəsində iqtisadiyyatın divertisifikasiyası, qeyri-neft sektorunun stimullaşdırılması, biznes və investisiya mühitinin yaxşılaşdırılması, dövlət-sahibkar münasibətlərinin inkişaf etdirilməsi, kiçik və orta sahibkarlığın dəstəklənməsi istiqamətində kompleks tədbirlər görülür.
Yeni iqtisadi şəraitdə ölkəmizdə həyəta keçirilən inkişaf strategiyası, ilk növbədə regionların social-iqtisadi inkişafının təmin edilməsi, iqtisadiyyatın rəqabətqabiliyyətliliyinin yüksəldilməsi idxaldan asılılığına zaldılması və ixracyönümlü məhsul istehsalına keçməklə iqtisadiyyatın şaxələndirilməsinə xidmət edir. Regionun kompleks inkişaf məqsədi onun ərazisində formalaşan potensialın istifadəsi və təkrar istehsalı üçün zəruri olan vəzifələrin, əsas tədbirlərin hazırlanması və tətbiqi ilə mümkündür.
Çinin iri müəssisələri yeni koronavirus epidemiyası ilə uğurlu mübarizə nəticəsində öz işlərini tam bərpa edib.
Bu barədə Çinin Dövlət Statistika İdarəsinin rəsmi nümayəndəsi Mao Şenyun məlumat verib.
“Cahan Tabak” Beynəlxalq Məhdud Məsuliyyətli Cəmiyyətinin Tütün Yetişdirmə Mərkəzindəki istixanalarda tütün şitilləri yetişdirilib. Şitillərin əraziyə köçürülməsi üçün hazırlıq işlərinə başlanılıb.
Muxtar respublikanın Kəngərli rayonunun ərazisindəki istixanalarda 50-55 gün ərzində əkilən toxumlar şitil halına gətirilib. Bu şitillər bir neçə gün sonra sahələrə köçürülərək əkiləcək.
İxrac hər bir ölkənin davamlı iqtisadi artımının təmin olunmasında vacib rol oynayır. Məlum olduğu kimi ixracın artması bir tərəfdən milli gəlirin yüksəlməsi ilə yanaşı, digər tərəfdən xarici valyuta ilə bağlı çətinlikləri aradan qaldırmaqla ümumi iqtisadi inkişafa öz müsbət təsirini göstərir. Bu səbəbdən ixracın artırılması ilə bağlı səylər və siyasətlər uzun müddət beynəlxalq ticarət rəqabətinin əsas elementi olmuşdur.
Bu ilin yanvar-mart aylarında Azərbaycana 15 492 ədəd avtomobil idxal olunub ki, bu da ötən ilin analoji dövrü ilə müqayisədə 94,1% çoxdur.
Dövlət Gömrük Komitəsindən verilən məlumata görə, hesabat dövründə ölkəyə 14 417 ədəd əsasən adamların daşınması üçün nəzərdə tutulan minik avtomobilləri və digər mühərrikli nəqliyyat vasitələri idxal olunub. Bu göstərici ötən ilin göstəricisindən 98,8% artıb.
Qloballaşan cəmiyyətdə müasir insan həyatını bu gün texnologiyalarsız təsəvvür etmək çox çətindir. Naxçıvan Muxtar Respublikasında müasir texnologiyalardan geniş istifadə insanların informasiya tələbatlarının ödənilməsində, iqtisadiyyat, elm, təhsil, səhiyyə və digər sahələrin inkişafında mühüm əhəmiyyət daşıyır.Naxçıvan Muxtar Respublikası Rabitə və Yeni Texnologiyalar Nazirliyi tərəfindən muxtar respublikada əhaliyə keyfiyyətli rabitə və internet xidmətlərinin göstərilməsi diqqət mərkəzində saxlanılmış, mövcud avtomat telefon stansiyaların nömrə tutumlarının artırılması nəticəsində ay ərzində abonentlərə yeni telefon xəttlərinin, habelə “Evədək optika” layihəsi çərçivəsində mənzillərə fiber optik kabel xəttlərinin və GPON avadanlığının quraşdırılması davam etdirilmişdir. Bunlarla yanaşı, yeni inşa olunan kənd xidmət mərkəzlərinə,təhsil müəssisələrinə və digər qurumlara fiber-optik xətlərin çəkilişi də həyata keçirilmişdir.
Dekabr 2021 |
