Tibbi maskaların istifadəsi yeni növ koronavirusun insanlar arasında yayılmasını azalda bilər.

Bu barədə məlumatı “Natural Medicine” jurnalı yazıb.

Naxçıvan Muxtar Respublikasında ailə, qadın və uşaq hüquqlarının qorunması, həmçinin qəbul edilmiş dövlət proqramlarından irəli gələn vəzifələrin icrası diqqətdə saxlanılmış, təlim, tədbir keçirilmiş, 8 Mart- Beynəlxalq Qadınlar Günü qeyd edilmişdir. 

Naxçıvan Muxtar Respublikasının Ailə, Qadın və Uşaq Problemləri üzrə Dövlət KomitəsininvəNaxçıvan Muxtar Respublikası Maliyyə Nazirliyi yanında Maliyyə Tədris Mərkəzinin təşkilatçılığı ilə maliyyə savadlılığı üzrə 2 günlük “Gələcəyini planlaşdır” təlimi keçirilmiş, təlimdə 30 nəfər iştirak etmiş, təlimin sonunda sertifikatlar təqdim olunmuşdur. 

8 Mart - Beynəlxalq Qadınlar Günü ilə bağlı Şahbuz şəhərində yaşayan uzunömürlü 110 yaşlı Ceyran Qafarova, Şahbuz rayonunun Kükü kəndində yaşayan sağlamlıq imkanları məhdud qadınlar Mirvari və Şəfa Qurbanova bacıları və Naxçıvan şəhərində yaşayan Sosialist Əməyi Qəhrəmanı, Prezident təqaüdçüsü Həvayət Qurbanova ilə görüşlər keçirilmiş və hədiyyələr verilmişdir. 

Naxçıvan Muxtar Respublikasında həyata keçirilən sosial–iqtisadi  islahatlar nəticəsində əmək resurslarından səmərəli istifadə edilməsi, əhalinin məşğuluğunun təmin olunması və sosial müdafiəsinin gücləndirilməsi  istiqamətində zəruri tədbirlərin icrası mart ayında da davam etdirilib. 

Muxtar respublika ərazisində ekoloji tarazlığın qorunması, əlverişli ekoloji mühitin yaradılması, insanların sağlam ətraf mühitdə yaşamasının təmin edilməsi məqsədilə uğurlu sosial-ekoloji siyasət həyata keçirilməkdədir. Ətraf mühitin mühafizəsi, qanunsuz ov edilməsi, meşə fondu torpaqlarından qanunsuz istifadə, ətraf mühitə atılan tullantıların normadan artıq olması hallarına qarşı mübarizə aparılması məqsədilə 17 yoxlama-reyd keçirilmiş, 6 inzibati xəta qeydə alınmış və qanunauyğun tədbir görülmüşdür.

Qida Təhlükəsizliyi Agentliyi koronavirus infeksiyasından (COVID-19) qorunmaq üçün ərzaq mağazalarında alış-veriş zamanı istehlakçıların diqqət etməli olduğu məqamlara dair maarifləndirici material yayıb.

Ölkədə vahid sığorta-pensiya sisteminin qurulması ilə əlaqədar ümummili liderimiz Heydər Əliyevin əsasını qoyduğu islahatlar bu gün ölkə başçısı tərəfindən uğurla davam etdirilir. İslahatların nəticəsi olaraq ölkəmizdə vahid prinsiplər əsasında fəaliyyət göstərən və bütün işləyən əhalini əhatə edən, pensiyaların məbləğinin ödənilmiş sosial sığorta haqlarına bağlı olan müasir sığorta-pensiya sistemi yaradılıb.

Milli Hidrometeorologiya Xidmətindən verilən məlumata əsasən, aprelin 6-sı səhərdən 9-u gündüzədək Bakıda və Abşeron yarımadasında hava şəraitinin qeyri-sabit keçəcəyi, temperaturun tədricən aşağı enəcəyi, 6-sı səhərdən 7-si səhərədək şimal-qərb küləyinin 15-20 m/s, yarımadanın bəzi yerlərində arabir 28-33 m/s-dək güclənəcəyi, aprelin 7 və 8-də arabir yağış yağacağı, bəzi yerlərdə intensiv olacağı gözlənilir. 

Dünyada pandemiya elan olunan virusun Naxçıvan Muxtar Respublikasına təsirlərinin qarşısının alınması ilə bağlı həyata keçirilən tədbirlərə “Cahan Holdinq” Şirkətlər Qurupu da fəal qoşulub. 

"Google" şirkəti koronavirus pandemiyası müddətində bütün dünyada istifadəçilərinin hərəkətini izləyən sayt işə salıb.

" COVID-19 Community Mobility Reports" adı verilən sayt vasitəsilə bir sıra obyektlərə və ərazilərə səfərlərin həcmi qeydə alınır.

Virusdan qorunmaq üçün əsasən rezin əlcəklərdən istifadə edilir. Mütəxəssislər əlcəklərin qoruyucu olmadığını və bəzi hallarda düzgün istifadə edilmədiyi təqdirdə virusu daha çox yaya biləcəyini deyirlər.

Bakıdakı 20 nömrəli poliklinikanın həkim-terapevti Solmaz Musayeva bu barədə deyib: “Gün ərzində əlcəklərlə gəzmək düzgün deyil, çünki belə olanda əlcəklərin köməkdən çox ziyanı olur. Əlcəklər əldə olanda arxayınçılıq yaradır və çox vaxt əlləri yumadan çirkli əlcəklərlə hər şeyə toxunurlar. Belə olanda həm dəri havasız qalır, həm də əlcəklər yoluxmaya səbəb olur”.

Muxtar respublikanın Şahbuz rayonunun Ağbulaq kəndində yol kənarlarındakı yaşıllıq sahələrinin suvarma suyu ilə təminatı yaxşılaşdırılır.

Turizm bölgəsi olan Ağbulaqda ötən ilin payızında dağ yamaclarında 15 hektar sahədə toxumla bərpa işləri aparılıb. Ağbulaq kənd yolunun hər iki tərəfinə 1500 cəviz tingi əkilib, suvarma xətlərinin çəkilişinə başlanılıb.

Autizm sindromlu insanların sosial problemlərini öyrənmək, onlara göstərilən diqqət və qayğını artırmaq üçün Birləşmiş Millətlər Təşkilatının qərarı ilə 2011-ci ildən 2 aprel tarixi “Dünya Autizm Məlumatlandırma Günü” kimi qeyd olunur. Bu günün təsis edilməsində əsas məqsəd cəmiyyətin diqqətini sözügedən şəxslərin problemlərinə çəkmək, maarifləndirmə tədbirlərinin keçirilməsinə şərait yaratmaqdır.

Qeyd edək ki,  Autizm sindromu ilk dəfə psixoloq Leo Kanner tərəfindən 1943-cü ildə təyin olunub. Kanner 11 uşaqda gördüyü oxşar xüsusiyyətləri müəyyən edərək, bu sindroma “erkən uşaqlıq Autizmi” adını verib. Daha sonra 1944-cü ildə isə Avstriyalı psixiatr Hans Asperger də bir qrup uşaqda gördüyü bəzi davranışları “Autist Psixopatiya” olaraq adlandırıb.

Düşmənlə üz-üzə dayanan Sədərək rayonunun sakinləri bu qədim oğuz-türk yurdunu daha da gözəlləşdirmək üçün yaşıllıq zolaqları salır, sahələrə gül kolları, tinglər əkirlər.

Rayon sakinləri yeni bağ üçün ayrılan boş sahəyə 200 çinar, 50 küknar tingi, 110 dekorativ bəzək bitkisi və gül kolu əkiblər.

"Son zamanlar koronavirusla bağlı yayılan məlumatlar hamıda narahatlıq doğurur. Ətrafda eşitdikləri, valideynlərinin duyduğu təşviş uşaqlara da təsir edir. Çünki onlar çox həssasdırlar. Bəs onlara bu barədə necə danışmaq olar ki, həm məlumat verib, həm də rahatlıqlarını təmin etmək mümkün olsun?".

Bu, Ailə, Qadın, Uşaq Problemləri üzrə Dövlət Komitəsinin “Uşaqlara koronavirus barədə necə danışaq?” yazısında yer alıb.

Valideynlər əvvəlcə uşaqların bu barədə nə bildiklərini öyrənməlidirlər: "Suallar verin, söhbət edin. Əgər o bu məsələdən çox da narahat deyilsə və ya heç maraqlanmırsa, o zaman sadəcə qısa şəkildə anladığı dildə informasiya verə bilərsiniz və təmizlik qaydalarını izah edə bilərsiniz. 

Aprel ayına olan hava proqnozu açıqlanıb.

Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə,məlumatına görə aprel ayında havanın orta aylıq temperaturunun iqlim normasına yaxın olacağı gözlənilir. Aylıq yağıntının miqdarının iqlim normasına yaxın, bəzi ərazilərdə isə normadan bir qədər çox olacağı ehtimal olunur.

Muxtar respublikanın sosial könüllüləri Kəngərli rayonunun Böyükdüz və Babək rayonunun Nehrəm kəndlərində yaşayan ahılları ziyarət edib, onların evlərində mövsümi xəstəliklərə qarşı qabaqlayıcı təmizlik və dezinfeksiya işləri aparıblar.

“Badamlı” mineral sular zavodunun nümayəndələri də könüllülərlə birgə ahılları ziyarət edib, onlara sovqat aparıblar. Həmçinin ziyarətçilər gətirdikləri tibbi-profilaktik ləvazimatları da ahıllara təqdim ediblər.

Hər il aprelin 1-nin ənənəvi olaraq Ümumdünya Gülüş Günü kimi qeyd olunması heç də səbəbsiz deyil. Qənaətimizcə, bunu şərtləndirən başlıca səbəb insanların həyatlarını gülüşsüz təsəvvür etməmələridir. “Gülüş bir günəşdir, o qışı insanın üzündən götürür” deyimi də yəqin ki, insanların bu mənəvi-psixoloji dəyərə verdikləri ən düzgün qiymətdir.

Gülüş Günü 500 il əvvəl Fransada yaranıb. O vaxt fransızlar yeni ili məhz həmin gün qarşılayırdılar. Amma Fransa kralı qərar verdi ki, yeni il yanvarın 1-də qeyd olunsun. Xalq kralın qərarından narazı qaldı. Buna etiraz etmək üçün müxtəlif tədbirlər keçirirdilər. Camaat kralın adamlarını lağa qoyurdu. Onları qonaqlığa dəvət edir, özləri həmin yerə gəlmir, yalan xəbərlər yayırdılar. Amma kral qərarını dəyişmədi.

İcbari tibbi sığortanın tətbiqi və icbari tibbi sığorta haqqının toplanılması 2021-ci ildə həyata keçiriləcək.

İcbari Tibbi Sığorta üzrə Dövlət Agentliyindən verilən məlumata görə, Milli Məclisin 30 mart 2020-ci il tarixində keçirilən plenar iclasında “Tibbi sığorta haqqında” qanunun 4 maddəsinə dəyişikliklər qəbul edilib.

Birinci dəyişikliyə əsasən, icbari tibbi sığorta ölkənin inzibati ərazi vahidləri üzrə 2021-ci il ərzində mərhələli şəkildə tətbiq olunacaq.

Muxtar respublikada sosial xidmət işçiləri və könüllülər zəruri qabaqlayıcı tədbirlərə uyğun olaraq, sanitar-gigiyenik qaydalara riayət etməklə, tənha ahılların evlərində təmizlik işləri aparırlar.

Naxçıvan şəhərində sosial könüllülər yaşı 65-dən yuxarı olan tənha ahılları ziyarət edib, ahılların evlərində dezinfeksiya və təmizlik işləri aparıb, gətirdikləri tibbi profilaktik məmulatları ahıl vətəndaşlara təqdim ediblər.

Naxçıvan şəhərində yerləşən təsərrüfat malları mağazalarında, oyun zallarında, diş kabinəsində və əhalinin daha çox istifadə etdiyi yerlərdə viruslara və yoluxucu xəstəliklərə qarşı  dezinfeksiya işləri aparılır.

Muxtar respublikada sakinlərin ən çox istifadə etdiyi məkanlardan biri də mağazalardır. Naxçıvan şəhərində sahibkarların təşəbbüsü ilə ticarət obyektlərində və mağazalarda dezinfeksiya işləri aparılır, qabaqlayıcı tədbirlər görülür.                                      

Həmçinin  oyun zallarında dərmanlama işləri həyata keçirilir, xüsusi məhlulla dezinfeksiya olunur.

Naxçıvan şəhərindəki diş kabinəsində də dezinfeksiya işləri aparılıb. Kabinə otaqları və girəcəklər xloramin və xlorlu əhənglə dezinfeksiya olunub.

Qeyd edək ki, bu tədbirlərin həyata keçirilməsində məqsəd əhalinin sağlamlığını qorumaq və yoluxucu xəstəliklərin qarşısını əvvəlcədən almaqdır. Muxtar respublikada sanitar-epidemioloji tədbirlər davam etdiriləcək.

                                                                              Turab Hacızadə

Muxtar respublikadakı xüsusi mühafizə olunan təbiət ərazilərinin qorunması nəticəsində fauna və flora zənginləşdirilib. Bunun nəticəsidir ki, bu nadir quş növü Naxçıvanda da məskən salıb, Araz çayının sahilləri  flaminqoların sevimli məkanına çevrilib.

Naxçıvan televiziyasının əməkdaşlarının mövzu ilə bağlı hazırladığı videomaterialı təqdim edir.

                                                             Röyal Kərimov

Naxçıvan Muxtar Respublikası Əmək və Əhalinin Sosial Müdafiəsi Nazirliyinin və Gənclər Fondunun birgə təşkilatçılığı ilə tənha ahılların evlərinə sosial könüllülərin ziyarətləri davam etdirilir, onlara evlərində dəstək və xidmətlər göstərilir.

Orqanizmin bakteriya və viruslara, eləcə də koronavirus (COVID-19) infeksiyasına qarşı davamlı olması üçün immun sisteminin güclü olması olduqca vacibdir. Güclü immun sistemi hüceyrələri, orqanizmə daxil olan mikroorqanizmləri asanlıqla fərqləndirir və dərhal müvafiq cavab reaksiyası formalaşdıraraq onları məhv edir. Araşdırmalar göstərir ki, immunitet sisteminin güclü olması əhəmiyyətli dərəcədə qida rasionundakı makro və mikro elementlərin normasından, eləcə də bağırsaq florasının funksiyasından asılıdır. Belə ki, qidadan alınan zülallar, karbohidratlar və yağlar qan, limfa düyünləri və mədə-bağırsaq sisteminin immun hüceyrələrinə təsir göstərir.

Daun sindromlu insanların sosial problemlərini öyrənmək, onlara göstərilən diqqət və qayğını artırmaq üçün Birləşmiş Millətlər Təşkilatının Baş Məclisi 2011-ci ildə 21 mart tarixini “Ümumdünya Daun Sindromlu İnsanlar Günü” elan edib. Bu günün təsis edilməsində əsas məqsəd cəmiyyətin diqqətini sözügedən şəxslərin problemlərinə çəkmək, maarifləndirmə tədbirlərinin keçirilməsinə şərait yaratmaqdır. Həmin gün aidiyyəti orqanlar, müxtəlif beynəlxalq və qeyri-hökumət təşkilatları bu istiqamətdə bir sıra tədbirlər həyata keçirirlər.

İlıq bir nəfəs evlərimizin pəncərəsini döyüb, qapılarımızı taybatay açıb bizə qonaq olur. Gəlişin həyatımıza yenilik, qəlbimizə sevinc, ətrafa gözəllik, təbiətə canlanma, elimizə şadlıq, Vətənimizə isə xalqımızın sevimli bayramı – Novruzu gətirir. Təbiət min rəngə çalır, al-əlvan naxışlarla bəzənir, quşlar öz yuvalarına qayıdır, hər yerdə onların ürəkləri riqqətə gətirən nəğmələri ruhumuzu oxşayır.

“2016-2020-ci illərdə Naxçıvan Muxtar Respublikasında əhalinin məşğulluğunun artırılması üzrə Dövlət Proqramı”nın icrası ötən ildə də uğurla davam etdirilib.
İlin əvvəlində muxtar respublikanın əmək bazarında tələb və təklifin müəyyənləşdirilməsi məqsədilə təhlillər aparılıb və boş iş yerləri toplanılıb. Müxtəlif peşə istiqaməti üzrə kadrlara olan tələbatı müəyyənləşdirmək məqsədilə 127-si dövlət, 99-u özəl olmaqla, ümumilikdə, 226 müəssisədə sorğular keçirilib. Sorğuların nəticələrinə əsasən Naxçıvan Muxtar Respublikası Əmək və Əhalinin Sosial Müdafiəsi Nazirliyi yanında Naxçıvan Regional Peşə-Tədris Mərkəzində təşkil edilən peşə kurslarına 13-ü sağlamlıq imkanları məhdud şəxs olmaqla, ümumilikdə, 402 nəfər cəlb edilib.

Ətraf mühitin mühafizəsi istiqamətində qanunsuz ov edilməsi, meşə fondu torpaqlarından qanunsuz istifadə, ətraf mühitə atılan tullantıların normadan artıq olması hallarına qarşı mübarizə aparılması məqsədilə 10 yoxlama-reyd keçirilmişdir. Bu sahədə 3 inzibati xəta qeydə alınmış və qanunauyğun tədbirlər görülmüşdür.
Sədərək Rayon Su Monitorinq Laboratoriyasında fevral ayı ərzində Araz və Arpaçayın muxtar respublikaya daxil olan hissəsindən və Sədərək rayonu ərazisindən keçən “Şir arxından” hər birindən 8 su nümunəsi olmaqla, ümumilikdə, 24 su nümunəsi götürülmüş və 360 analiz aparılmışdır. Analizlərin nəticəsində sularda çirklənmə hallarının yol verilə bilən qatılıq həddini keçməsi halı qeydə alınmamışdır.
Hesabat dövründə Darıdağ Arsenli Su Müalicəxanasının ətrafındakı yamaclarda 5,5 hektar sahədə həmərsin, yemişan, badamça, alça toxumları ilə əkin işləri aparılmış, Naxçıvan-Şahbuz avtomobil yolunun sol kənarı, Uzunoba Dövlət Meşəsi ərazisində 2 hektar sahədə təmizləmə işləri görülmüş, ərazidə 1623 qovaq və iydə çiliyi, 650 göyrüş, alça, qarağac tingləri və 70 qızılgül kolu ilə əkin aparılmışdır.

Ömrümüzdən ötüb keçən günləri adilikdən sıyıraraq unudulmaz edən, tarixə çevirən qəhrəmanlardır şəhidlər. Bu dünyada hər birimizə bəxş olunan bir ömür payını Vətənə fəda etməklə həyata ən gözəl şəkildə əlvida deməyin adıdır şəhidlik!
Övladı, həyat yoldaşı, yaxınları şəhid olanların, sağlamlıqlarını torpaqlarımız uğrunda mübariz döyüşlərdə itirən insanların doğmaları başlarını dik tutub, məğrurcasına düşmənə gözdağı olsalar da, müəyyən məqamlarda onlara təsəlli olacaq diqqətə, qayğıya ehtiyacları var. Günümüzdə Azərbaycanın ərazi bütövlüyünün müdafiəsi zamanı hərbi xidməti vəzifəsini yerinə yetirərkən, həmçinin 20 Yanvar və Çernobıl hadisələri zamanı sağlamlığını itirmiş vətəndaşların mənzil-məişət şəraitlərinin yaxşılaşdırılması, onlara mütəmadi olaraq yeni mənzillərin, avtomobillərin verilməsi, bu mənada, təqdirəlayiqdir. Ölkə Prezidentinin bu istiqamətdə imzaladığı müvafiq sərəncam və fərmanlar xalqımız tərəfindən insan amilinə yüksək qayğı kimi dəyərləndirilir. Qürurla deyə bilərik ki, doğma diyarımızda da bu kateqoriyadan olan insanların rifah halının yaxşılaşdırılması sahəsində ardıcıl tədbirlər görülür. Bütün bunların nəticəsidir ki, cari ildə müvafiq kateqoriyalı 157 şəxsin bərpa mərkəzlərində müalicələri təşkil edilmiş, 35 şəxsə müalicə müəssisələrinə göndəriş verilmiş, 4 ailəyə fərdi yaşayış evləri və mənzillər, 11 nəfərə minik avtomobilləri təqdim olunmuşdur.

Naxçıvan Muxtar Respublikasında əhalinin sosial güzəranının yüksəldilməsi istiqamətində atılan əməli addımların nəticəsi olaraq yeni-yeni iş yerləri açılır, insanların məşğulluğunun təmin edilməsi istiqamətində mühüm işlər görülür.
“2016-2020-ci illərdə Naxçıvan Muxtar Respublikasında əhalinin məşğulluğunun artırılması üzrə Dövlət Proqramı”nın təsdiq edilməsi haqqında Naxçıvan Muxtar Respublikası Ali Məclisi Sədrinin 2016-cı il 11 yanvar tarixli Sərənca­mına uyğun olaraq həyata keçirilən tədbirlərin nəticəsidir ki, proqram qəbul edilən gündən bu günə 11 min 524 yeni iş yeri, o cümlədən 2019-cu ildə 3250 yeni iş yeri açılıb. Ötən il muxtar respublikada iqtisadi fəal əhalinin 99,9 faizini iqtisadi sahədə məşğul olanlar təşkil edib. Təbii ki, yeni iş yerlərinin açılması insanların sosial rifah səviyyəsinin və ümumilikdə, muxtar respublika iqtisadiyyatının inkişafına təkan verir.
Müvafiq dövrdə aidiyyəti dövlət orqanları ilə birlikdə aparılan monitorinq və yoxlamaların nəticəsi olaraq 2016-cı ildə 424 hüquqi və fiziki şəxsdə 218 yeni əmək müqaviləsinin bağlanılmasına, 1066 şəxsin əməkhaqqının real əməkhaqqı səviyyəsində göstərilməsinə, 2017-ci ildə 573 hüquqi və fiziki şəxsdə 443 yeni əmək müqaviləsinin bağlanılmasına, 1475 şəxsin əməkhaqqının real əməkhaqqı səviyyəsində göstərilməsinə, 2018-ci ildə 676 hüquqi və fiziki şəxsdə 511 yeni əmək müqaviləsinin bağlanılmasına, 1811 şəxsin əməkhaqqının real əməkhaqqı səviyyəsində göstərilməsinə, 2019-cu ildə 355 hüquqi və fiziki şəxsdə 620 yeni əmək müqaviləsinin bağlanılmasına, 582 şəxsin isə əməkhaqqının real əməkhaqqı səviyyəsində göstərilməsinə, o cümlədən ölkədə minimum əməkhaqqı məbləğinin yüksəldilməsi ilə əlaqədar 539 şəxsin əməkhaqqının minimum əməkhaqqı səviyyəsinə yüksəldilməsinə nail olunub.
Sahibkarlıq fəaliyyəti ilə məşğul olan şəxslərin qeydiyyatı 2020-ci ilin müvafiq aylarında da davam etdirilib. Belə ki, yanvar və fevral aylarında Dövlət Vergi Xidmətinin “bir pəncərə” qeydiyyat sistemi vasitəsilə 7 publik hüquqi şəxs, 7 kommersiya hüquqi şəxs və 3 qeyri-kommersiya hüquqi şəxs, həmçinin yerli vergi orqanları tərəfindən 518 fiziki şəxs sahibkarlıq uçotuna alınıb. Qeydiyyata alınan fiziki şəxslərin 71 faizi muxtar respublika rayonlarının payına düşüb.
Muxtar respublikada həyata keçirilən sosial siyasətin əsas məqsədi əmək ehtiyatlarından daha effektiv istifadə etmək və əhalinin səmərəli məşğulluğuna nail olmaqdır.

Naxçıvan Muxtar Respublikası Dövlət Vergi Xidmətinin
mətbuat xidməti

Xalqımızın od-ocaq-atəşlə bağlı təsəvvür sistemi zəngin tarixi köklərə malikdir. Od-ocaq inkişafın, mədəniyyətin təkanverici qüvvəsi kimi göstərilməklə qədim Şərq təqvimlərində özünəməxsus yer alıb.

Daha bir bahar bayramının astanasındayıq. Yurdumuzda ilıq nəfəsini duyuran yazın gəlişi əsrlər boyunca xalqımız tərəfindən bayram əhval-ruhiyyəsi, Novruz ənənələri ilə qarşılanır. Novruzun özünəməxsus adət-ənənələri və simvolları həyat tərzimizə, məişətimizə hopub, bu gün də qorunub yaşadılır.

“2016-2020-ci illərdə Naxçıvan Muxtar Respublikasında əhalinin məşğulluğunun artırılması üzrə Dövlət Proqramı”nın icrası çərçivəsində Naxçıvan Muxtar Respublikası Əmək və Əhalinin Sosial Müdafiəsi Nazirliyi tərəfindən özünüməşğulluq proqramına cəlb edilmiş sosial qayğıya ehtiyacı olan şəxslərin maarifləndirilməsi məqsədilə zəruri tədbirlərin icrası davam etdirilir. Həyata keçirilən tədbirlərin davamı olaraq mart ayının 12-də Əmək və Əhalinin Sosial Müdafiəsi, Kənd Təsərrüfatı nazirlikləri, Dövlət Baytarlıq Xidməti və Dövlət Baş Sığorta Agentliyi əməkdaşlarının iştirakı ilə Şərur rayonunda müvafiq proqrama cəlb edilən sakinlərlə görüş keçirilib.