Naxçıvan Muxtar Respublikasında ailə, qadın və uşaq hüquqlarının qorunması, müvafiq sahə ilə bağlı təbliğat işinin aparılması iyul ayında da diqqətdə saxlanılmışdır. Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsində qarşıya qoyulan vəzifələr və 2020-ci ilin ötən ayı ərzində görülən işlər barədə kollegiya iclası keçirilmişdir.

12 avqust – Beynəlxalq Gənclər Günü münasibətilə Ağbulaq kəndi ətrafında təmizlik aksiyası keçirilib. Naxçıvan Muxtar Respublikası Gənclər və İdman, Təhsil nazirlikləri və Gənclər Fondunun birgə təşkil etdiyi aksiyada 30 gənc iştirak edib.

Naxçıvan Muxtar Respublikası Antiinhisar və İstehlak Bazarına Nəzarət Dövlət Xidməti tərəfindən iyul ayında yerli məhsulların daxili və xarici bazarlarda rəqabətədavamlı olması üçün keyfiyyət standartlarına əməl edilməsinə nəzarət işi, o cümlədən təsərrüfat subyektlərinin istehsal-xidmət şəraitinin və məhsul göstəricilərinin standartların tələblərinə uyğunluğu diqqətdə saxlanılmış, məhsul nümunələrinin 127 halda, o cümlədən qida məhsullarının 126 halda keyfiyyət və təhlükəsizlik göstəricilərinin yoxlanılması təmin olunmuş və bu istiqamətdə nöqsan aşkar edilməmişdir.

“Google” şirkəti Android smartfonların köməyilə zəlzələlərin müəyyən edilməsi üçün ən geniş şəbəkə yaratmaq niyyətində olduğunu bildirib. Bu barədə məlumat şirkətin rəsmi saytında yer alıb.

TASS informasiya agentliyinə istinadla xəbər veririk ki, məlumatda deyilir: “Yaşadığınız yerdən asılı olmayaraq sizin Android zəlzələ haqqında xəbərdarlıq sisteminin bir hissəsi ola bilər. Bu, o deməkdir ki, sizin telefon mini seysmometr ola bilər və dünyada ən böyük zəlzələ xəbərdarlığı sisteminin yaradılması məqsədilə digər Android telefonlara qoşula bilər”.

Avqustun 12-si dünyada Beynəlxalq Gənclər Günü kimi qeyd olunur. 1998-ci ildə hər il avqustun 12-sinin Beynəlxalq Gənclər Günü kimi qeyd olunması qərara alınıb. Həmin vaxtdan etibarən hər ilin bu günü gənclərə lazımi diqqət göstərmək, onların nailiyyətlərini təbliğ etmək, cəmiyyətin bütün sahələrində gənclərin iştirakına təkan vermək məqsədilə dünyada geniş qeyd olunur.

Azərbaycan bu sahədə də bir çox ölkələri, o cümlədən beynəlxalq ictimaiyyəti qabaqlayıb. Belə ki, 1997-ci ildə ümummilli lider Heydər Əliyevin Fərmanı ilə Azərbaycanda Gənclər Günü təsis edildikdən xeyli sonra gənclərin işləri üzrə nazirlərin ümumdünya konfransının (1998-ci il avqustun 8-12-də) tövsiyəsi əsasında BMT Baş Məclisinin 1999-cu il 17 dekabr tarixli qətnaməsi ilə 12 avqust - Beynəlxalq Gənclər Günü elan edilib.

Ölkəmizdə gənclərə ən yüksək diqqət və qayğı göstərilir, uğurlu dövlət gənclər siyasəti həyata keçirilir. Xalqımızın ulu öndəri Heydər Əliyevin əsasını qoyduğu gənclər siyasətinin Prezident İlham Əliyevin rəhbərliyi ilə müasir dövrün tələblərinə uyğun davam etdirilməsi gənclərin hərtərəfli fəaliyyətinə geniş imkanlar yaradıb.

Şəffaflığı, operativliyi, məsuliyyəti, mənəvi zənginliyi, gülərüz və  səbirliliyi özündə əks etdirən, min illərlə formalaşmış milli-mənəvi dəyərlərimizin nadir töhfəsidir könüllülük. Könüllü olmaq özünü inkişaf etdirmək,  yeni dostlar qazanmaq, sosial əhatəni genişləndirmək, vaxtı səmərəli keçirmək, öyrənmək, iş təcrübəsi qazanmaq, cəmiyyətə yararlı bir şəxsiyyət kimi yetişməkdir. Heç bir qarşılıq gözləmədən digər insanlara, bütün canlı, cansız varlıqlara sevgi ilə xidmət etmək, həmin sevgini könüldən paylaşmaq, bölüşməkdir. Lazım gəldikdə könüllü əsgər kimi Vətənin müdafiəsində fədakarlıq edərək Şəhidlik  adlı ali zirvəyə yüksəlməkdir...

Gələcəyimiz olan gənclərin inkişafına verdiyi töhfələrlə də daim qəlbimizdə yaşayan ümummilli liderimiz Heydər Əliyevin təşəbbüsü ilə başlanan xeyriyyəçilik və könüllülük hərəkatı bu gün ölkəmizdə, eləcə də onun ayrılmaz tərkib hissəsi olan muxtar respublikamızda uğurla davam etdirilir.

Naxçıvan Muxtar Respublikası Dövlət Sosial Müdafiə Fondu ötən ay pensiya və müavinətlərin vaxtında ödənilməsi, əmək fəaliyyətinə yeni başlayan işçilərin fərdi uçot sistemində qeydiyyata alınması və sosial sığorta şəhadətnamələri ilə təmin olunması, habelə pensiya və müavinətlərin qanunvericilikdə nəzərdə tutulan qaydada təyinatı işlərinin icrasını tam təmin edib. Əmək pensiyalarının və məcburi dövlət sosial sığorta haqları hesabına müavinətlərin vaxtında maliyyələşdirilməsi üçün müvafiq tədbirlər həyata keçirilib, pensiya ödənilməsinə 14 milyon 622 min, sosial müavinətlərin ödənilməsinə isə 334 min manat vəsait xərclənib. Təyin olunan əmək pensiyaları ödənişi plastik kartlar vasitəsilə pensiyaçılara çatdırılıb. Muxtar respublikanın kəndlərindəki əmək pensiyaçıları isə pensiyalarını ərazidə yerləşən poçt bölmələri vasitəsilə də əldə ediblər.

Cari ilin iyul ayında Nахçıvаn Muхtаr Rеspublikаsı Fövqəlаdə Hаllаr Nаzirliyi tərəfindən muхtаr rеspublikаdа mülki müdаfiə, əhаlinin və ərаzilərin fövqəlаdə hаllаrdаn qоrunmаsı, fövqəlаdə hаllаrın qаrşısının аlınmаsı və nəticələrinin аrаdаn qаldırılmаsı, yаnğın təhlükəsizliyinin, tikintidə, sənаyеdə və dаğ-mədən işlərində tехniki təhlükəsizliyin təmin оlunmаsı istiqаmətində qаrşıyа qоyulmuş vəzifələrin icrаsı, əsasən, təmin еdilmişdir.

Dünyada yeni növ koronavirusa yoluxma hallarının sayı 20 milyonu keçib.

Bunu ABŞ-ın Con Hopkins Universitetinin apardığı hesablamalar göstərib.

Məlumata əsasən, hazırda yoluxanların sayı 20 001 019 nəfər təşkil edir, 733 103 nəfər ölüb, 12 209 074 isə sağalıb. Yoluxma hallarının çoxu ABŞ-da (5 799 441) qeydə alınıb.

(Esse)

Əzəl gündən elimizdə, obamızda, tariximizdə yaddaşımızda, mənliyimizdə, kimliyimizdə, dünənimizdə, bu günümüzdə səslənən, qəlbimizi ovsunlayan, varlığımızı sübut edən bir kəlmə var yer üzündə – Ana dilim. O dilim ki atdığımız hər addımda, aldığımız hər nəfəsdə duyuruq varlığını, hərarətini. Onun adı ilə səhərlərə gözümüzü açıb, onun qüdrətilə qaranlıq gecələrlə sağollaşırıq. O dilim ki beşik başında körpələrin ilk eşitdiyi şirin ana laylasının məlahətli səsidir. Elə qəlbimizi kövrəldən, ruhumuzu dinləndirən həmin məlahətli, harmoniyalı, nəvazişli, qayğılı səsin vəhdətində bütünləşirik, birlik oluruq, dilin qüdrətindən güc alırıq, yumruq oluruq. Gücümüzə güc qatan ana dilim hərflərdə, sətirlərdə, sözlərdə, cümlələrdə, şeirlərdə yaranıb-yaşayıb, müqəddəs milli dəyərlərimizin libasına bürünərək bizi təmsil edir. Bir sözlə, o dilim ki rəngarəng poeziya, şirin layla, ecazkar mahnı dilidir. Himnimizin məğrur, vüqarlı dilidir. O dilim ki dosta məhəbbət, düşmənə nifrət dilidir. Qardaşlıq, mübarizlik, qəhrəmanlıq dilidir. Ana qədər müqəddəs ocağın istisindən ilhamlanıb dünyanı qucaqlayan ana dilimdir...

O dilim ki illərə meydan oxuyan çətin sınaqlardan süzülə-süzülə uzun və qətiyyətli məsafələr qət edərək keşməkeşli yol keçib, nüfuzlu ədiblərin təbliği ilə cilalanıb formalaşaraq kamil qrammatik quruluşa, zəngin söz boğçasına malik şəkildə bu günümüzə gəlib çatıbdır. Orta əsrlərdə Nəsimi, Füzuli, Xətai kimi sənətkarlar, daha sonrakı əsrlərdə Mirzə Fətəli Axundzadə, Cəlil Məmmədquluzadə, Səməd Vurğun, müasir dövrdə isə Bəxtiyar Vahabzadə bu ənənənin görkəmli nümayəndələrindəndir. Onlar öz əsərləri ilə dilə yeni-yeni sözlər gətirib, dilimizin zənginliyindən lazımınca istifadə edərək unudulmaqda olan bədii ifadələrimizi, söz xəzinəmizi mühafizə ediblər.
Ana dilinin inkişafında əməyi keçən publisistləri xatırlayarkən görkəmli dramaturq, publisist Cəlil Məmmədquluzadəni xüsusi vurğulamaq gərəkdir. Çünki “Molla Nəsrəddin” jurnalının əsas mövzularından biri məhz ana dilinin saflığı problemi idi. Cəlil Məmmədquluzadə yaradıcılığında ortaq türk ədəbi dili, ana dilinin saflığı, əlifba məsələsi aparıcı mövzular idi. Dahi yazıçı sözün təsir imkanlarını, rolunu, əhəmiyyətini yüksək qiymətləndirirdi. Böyük demokrat, ədib yazırdı: “Dünyada hər bir kəs üçün sözdən böyük yadigar yoxdur. Zira ki, mal-mülk tələf olur gedir, amma söz qalır”. “Anamın kitabı” tragikomediyasında da ana dili məsələsi aktual mövzu kimi səciyyəvidir. Belə ki, rus dilinə meyilli Rüstəm bəy, fars dilinə meyilli Mirzə Məhəmmədəli, türk dilinə meyilli Səməd Vahid obrazlarının timsalında ədib XX əsrin əvvəllərində ziyalıların ana dilinə düşmən kəsilməsini, biganəliyini “başqasının ləhcəsinin şirinliyini” ürək ağrısı ilə təsvir edib.

Muxtar respublikada həyata keçirilən kompleks sosial müdafiə tədbirləri sağlamlıq imkanları məhdud gəncləri də əhatə edir. 12 avqust – Beynəlxalq Gənclər Günü ərəfəsində sosial könüllülərlə sağlamlıq imkanları məhdud gənclərin görüşü keçirilib.
Sosial könüllülərin təşəbbüsü, Naxçıvan Muxtar Respublikası Əmək və Əhalinin Sosial Müdafiəsi Nazirliyinin və Gənclər Fondunun birgə təşkilatçılığı ilə keçirilən görüşdə sosial könüllülər muxtar respublikanın şəhər və rayonlarında yaşayan müvafiq kateqoriyadan olan gənclərlə görüşüb, onlara Beynəlxalq Gənclər Günü münasibətilə hədiyyələr təqdim ediblər. Könüllülər gənclərlə birgə vaxt keçirib, onların gündəlik məşğuliyyətləri, yaradıcılıqları ilə tanış olublar. Keçirilən görüş böyük sevinclə qarşılanıb.
Qeyd edək ki, muxtar respublikada əlamətdar günlər münasibətilə, sosial qayğıya ehtiyacı olan şəxslərlə görüşlər artıq ənənə halını alıb və bu kimi tədbirlərin gələcəkdə də davam etdirilməsi nəzərdə tutulur.

Naxçıvan Muxtar Respublikası Əmək və Əhalinin Sosial Müdafiəsi Nazirliyinin mətbuat xidməti

*   *  *

Naxçıvan şəhərindəki Sahil Parkında 12 avqust – Beynəlxalq Gənclər Gününə həsr olunmuş gənclər arasında stolüstü tennis üzrə muxtar respublika birinciliyi keçirilib.
Birinciliyin keçirilməsində məqsəd Beynəlxalq Gənclər Gününün qeyd edilməsi, gənclər arasında bədən tərbiyəsi və idmanın kütləviliyinin təmin edilməsi, onların asudə vaxtlarının səmərəli keçirilməsi, o cümlədən stolüstü tenis idman növünün inkişaf etdirilməsi olub. Naxçıvan Muxtar Respublikasının Gənclər və İdman, Təhsil nazirlikləri və Gənclər Fondunun birgə təşkilatçılığı ilə keçirilən birincilikdə 26 idmançı iştirak edib.
Yarışın yekun nəticəsinə əsasən qızlar arasında Xurşud Mahmudova, Alsu Məmmədli və Duyğu Əliyeva ilk üç pillədə qərarlaşıblar. Oğlanların mübarizəsində qalib adını Naxçıvan Dövlət Universitetinin tələbəsi Nigeriyalı Olabide Sadare Samuel qazanıb. Əkrəm Rəhimli ikinci, Mirnəsib Seyidzadə isə üçüncü olub.
Sonda qaliblər təşkilatçılar tərəfindən hədiyyə və diplomlarla təltif olunublar.

Naxçıvan Muxtar Respublikası
Gənclər və İdman Nazirliyinin mətbuat xidməti 

Naxçıvan Muxtar Respublikasında uşaqların təhsili, sağlamlıqlarının qorunması, istedadlarının üzə çıxarılması, intellektual və mənəvi inkişafı, asudə vaxtının və tərbiyəsinin düzgün təşkili, cəmiyyətin ictimai-mədəni həyatındakı iştiraklarının təmin edilməsi məqsədilə mühüm tədbirlər həyata keçirilir. Həmçinin sosial qayğıya ehtiyacı olan uşaqların ehtiyaclarının hərtərəfli təminatı, reabilitasiyası, onların yüksək mənəvi mühitdə, milli dəyərlər əsasında tərbiyəsi, təhsil alaraq layiqli şəxsiyyət kimi yetişməsi diqqət mərkəzində saxlanılır. Eyni zamanda muxtar respublikada sağlamlıq imkanları məhdud uşaqların təhsil hüquqlarının təmin olunması və sosial reabilitasiyasında müasir üsullar tətbiq edilir. Naxçıvan Muxtar Respublikası Ali Məclisinin Sədri cənab Vasif Talıbov demişdir: “O cəmiyyət möhkəmdir ki, o dövlət inkişaf edərək irəli gedir ki, o xalq xoşbəxt gələcəyə malikdir ki, orada uşaqlara qayğı var”.

Dünyada COVID-19 infeksiyasına yoluxanların sayı 20 milyon nəfəri ötüb.

Worldometer saytına istinadla xəbər veririk ki, avqustun 9-da dünyada koronavirusa 219 min 598 nəfər yoluxub, 4 min 798 nəfər isə həyatını itirib.

Saytın məlumatına əsasən, hazırda dünyada koronavirus infeksiyasına yoluxanların sayı 20 milyon 31 min 558 nəfərə, ölənlərin sayı isə 734 min 98 nəfərə çatıb. Eyni zamanda, 12 milyon 904 min 43 nəfər COVID-19 xəstəliyindən sağalıb, müalicəsi davam edən 6 milyon 393 min 417 xəstədən 64 min 827 nəfərin vəziyyəti isə ağır qiymətləndirilir.

12 avqust – Beynəlxalq Gənclər Günü münasibətilə gənclər arasında “Xəmsə” milli intellektual oyunu keçirilib.

Əncir hələ eramızdan çox əvvəl becərilən qiymətli meyvədir. Yer üzündə 1000-ə qədər növü məlum olan əncir haqqında bütün dinlərdə söz açılır. Müqəddəs kitabımız “Qurani-Kərim”in 95-ci surəsində Allah Təbarəkə-Təala buyurur: “And olsun, əncirə və zeytuna”. Bu sözlər həmin meyvələrin müqəddəsliyini və insan orqanizmi üçün faydalı xüsusiyyətlərə malik olmasını təsdiqləyir. Əncir ağacı bir sıra mədəniyyətlər tərəfindən iqtidar simvolu və ibadət yeri, cənnətdən göndərilən meyvə kimi qəbul olunub. Bu səbəbdən də, bir sıra məzarlara başqa əşyalarla yanaşı, quru əncir də qoyulub. Tarixboyu bu ağacın, sadəcə, meyvəsi yox, qabığı, yarpaqları, kökləri və qatranı da dərman olaraq istifadə edilib. Əncir ekologiyaya verdiyi faydaları ilə də seçilir. Belə ki,  yer üzündə 1200-dən çox canlı  əncirlə qidalandığı üçün ekoloqlar onu “əsas qaynaq” olaraq görürlər.  

Muxtar respublikada meliorasiya və irriqasiya sistemlərinin yenidən qurulması sahəsində tədbirlər ­davam etdirilir.
Əkin sahələrinin suvarma suyu ilə təmin olunması, torpaqların meliorativ vəziyyətinin yaxşılaşdırılması məqsədilə iyul ayında bir sıra tədbirlər görülmüş, 10 kilometr beton və torpaq kanal, 17,7 kilometr ara arxlar və 4,5 kilometr kollektor lildən təmizlənmiş, 230 metr yeni qapalı drenaj xətti çəkilmiş, 93,5 hektar torpaq sahəsində qrunt sularının səviyyəsi aşağı salınaraq şoranlaşmanın qarşısı alınmışdır. Qeyd olunan dövrdə 9,4 kilometr yeni suvarma xətti çəkilmişdir.

12 avqust – Beynəlxalq Gənclər Günü münasibətilə Uzunoba gölü ətrafında təmizlik aksiyası keçirilib. Naxçıvan Muxtar Respublikası Gənclər və İdman, Təhsil nazirlikləri və Gənclər Fondunun birgə təşkil etdiyi aksiyada 30 gənc iştirak edib. Aksiyanı keçirməkdə məqsəd gənclərin maarifləndirilməsi və onların asudə vaxtlarının səmərəli təşkili, ətraf mühitin mühafizəsi və bununla bağlı məsuliyyət hissini daha da artırmaq olub.

Muxtar respublikada pandemiyaya qarşı qabaqlayıcı profilaktik tədbirlərə cəlb edilən Naxçıvan Muxtar Respublikası Fövqəladə Hallar Nazirliyinin şəxsi heyəti dezinfeksiya işlərini davam etdirərək, ümumilikdə, 35 min kvadratmetr yol və səkiləri dezinfeksiya ediblər.
Qeyd edək ki, Naxçıvan şəhərinin inzibati ərazi vahidinə daxil olan Tumbul kəndinin əsas yolları, kənd mərkəzi və ətrafı xüsusi qurğu quraşdırılmış yanğınsöndürmə avtomobili vasitəsilə dezinfeksiya olunub.
Bu tədbirlər çərçivəsində muxtar respublikanın digər rayon və şəhərlərində də dezinfeksiya işləri intensiv olaraq davam etdirilir.

Naxçıvan Muxtar Respublikası Fövqəladə Hallar Nazirliyinin
mətbuat xidməti

Muxtar respublikada sosial qayğıya ehtiyacı olan insanlar hərtərəfli dövlət qayğısı ilə əhatə olunublar.
Naxçıvan Muxtar Respublikası Ali Məclisi Sədrinin tapşırığına əsasən – Qurban bayramı ərəfəsində Naxçıvan şəhərində xüsusi qayğıya ehtiyacı olan şəxslərlə görüşlər keçirilib, onlara bayram sovqatları təqdim olunub. Bu münasibətlə təşkil olunan tədbirdə çıxış edənlər bildiriblər ki, sosial qayğıya ehtiyacı olan şəxslər dövlətimizin hərtərəfli qayğısı əhatəsindədir. Onların sosial müdafiəsi, məşğulluğu, habelə cəmiyyətə inteqrasiyalarının səmərəli təşkili istiqamətində davamlı tədbirlər həyata keçirilir, göstərilən xidmətlərin həcmi və keyfiyyəti ilbəil yaxşılaşdırılır.
Qeyd edək ki, ümumilikdə, 1026 ailəni əhatə edəcək bu tədbirlər iyulun 31-də muxtar respublikanın digər rayonlarında da keçiriləcək.

Naxçıvan Muxtar Respublikası
Əmək və Əhalinin Sosial Müdafiəsi
Nazirliyinin mətbuat xidməti

Muxtar respublikada sağlamlıq imkanları məhdud şəxslərə tibbi-sosial reabilitasiya xidmətləri göstərilir, onların zəruri sosial məsələlərinin həlli və vaxtaşırı tibbi müayinədən keçmələri təmin edilir. Müvafiq kateqoriyalı şəxslərə göstərilən xidmətlərin həcmi və keyfiyyəti daha da artırılır, onların reabilitasiya vasitələri ilə təminatı daim diqqət mərkəzində saxlanılır.

Bu ilki Qurban bayramını dünyada davam edən pandemiya şəraitində qarşılayırıq. Uca Allahın yaratdığı ən müqəddəs dəyər olan insan həyatının qorunması məqsədi ilə ibadət məkanları müvəqqəti bağlıdır.

Bu barədə Qafqaz Müsəlmanları İdarəsindən verilən məlumatda bildirilib.

Artıq iyun ayından başlayaraq muxtar respublikada intensiv taxıl biçini aparılır. Profilaktik tədbirlər nəticəsində Ordubad, Sədərək rayonlarında, eləcə də Naxçıvan şəhərində taxıl biçini təhlükəsiz başa çatıb, digər rayonlarda isə davam edir.

Naxçıvan Muxtar Respublikası Əmək və Əhalinin Sosial Müdafiəsi Nazirliyinin və Gənclər Fondunun birgə təşkilatçılığı ilə Babək rayonunun Buzqov və Vayxır kəndlərində tənha yaşayan ahılların evlərinə sosial könüllülərin ziyarətləri təşkil olunub.

Naxçıvan Muxtar Respublikası Ali Məclisinin Sədri yanında Dövlət Qulluğu Məsələləri üzrə Komissiyanın əməkdaşları və könüllülərdən ibarət səyyar xidmət qrupu Ordubad rayonunda olublar.

Komissiyadan bildirilib ki, xidmət zamanı Fövqəladə Hallar Nazirliyinə, dövlət ümumi təhsil müəssisələrinə və dövlət musiqi təhsili müəssisələrinə işə qəbul üçün elan edilmiş müsabiqələrdə iştiraklarını təmin etmək məqsədilə vətəndaşlara qeydiyyatdan keçməkdə operativ köməklik göstərilib.

Hər bir insan üçün yaşadığı regiona məxsus və mövsümə uyğun formalaşdırdığı qida rasionu onun sağlam qidalanmasında əvəzolunmaz rol oynayır. Ola bilsin ki, standart diyet proqramlarının istifadəçiləri üçün region və mövsüm anlayışlarının eyni sağlam qidalanma proqramı adı altında cəmlənməsi qəribə görünsün. Amma bu cür qidalanmanın insan sağlamlığı üçün nə qədər əhəmiyyətli olduğu qənaətindəyik. Fikrimizcə həyati əhəmiyyət kəsb edən bu cür mövzuların cəmiyyətimizdə vaxtaşırı xatırlanmasına və sistemli şəkildə öyrənilməsinə olan ehtiyac getdikcə artmaqdadır.

Diqqətinizə çatdıraq ki, regional və mövsümi rasional qidalanma proqramını bu sahədə fəaliyyət göstərdiyim on ilə yaxın bir müddət ərzində şəxsi təcrübəmlə  formalaşdırmış və ona əsaslanaraq tərtib etdiyim sağlam qidalanma proqramında müsbət nəticələr əldə etmişəm. Sağlam qidalanma proqramımda milli mətbəximizdən və yerli məhsullardan istifadə etməyim işimlə bağlı qürur hissi duyduğum nüanslardan biridir.

Hər bir xalqın milli mənsubiyyətinin göstəricilərindən biri də onun qidalanma mədəniyyətidir. Müasirləşmə və qloballaşma bu mədəniyyəti bizə unutdurmamalı və bu mədəniyyət xor görülməməlidir. Çünki, bir ölkədə kütləvi şəkildə qidalanma  mədəniyyəti, davranışı dəyişdirilərsə orada zamanla xəstəliklər də artar.

Naxçıvan Muxtar Respublikası Paralimpiya Federasiyası tərəfindən məhdud fiziki imkanlı şəxslərin idman həyatına inteqrasiyası, istedadlı idmançıların aşkara çıxarılması üçün idmanın müxtəlif növləri üzrə yarışlar təşkil edilir.

Muxtar respublikamızda ailə təsərrüfatlarının inkişafı istiqamətində davamlı şəkildə sistemli tədbirlər həyata keçirilir, istehsalın genişləndirilməsi, əhali məşğulluğunun artırılması, ailə biznesinin qurulması diqqət mərkəzində saxlanılır. Ötən dövrdə bu istiqamətdə qarşıya qoyulan vəzifələrin icrasına uyğun olaraq Ailə Təsərrüfatları İctimai Birliyi yaradılıb, diyarımızda bu mütərəqqi təsərrüfat forması ilə məşğul olan şəxslərə ətraflı informasiyalar verilib, maddi dəstək göstərilib.

“WhatsApp” messenceri öz istifadəçilərinə bir akkauntu eyni zamanda dörd qurğu ilə istifadə etmək imkanı yaradacaq.

Bu funksiya hələlik hazırlıq mərhələsindədir. Funksiya istifadəyə verildikdən sonra messencerdə “Linked Devices” (vir-biri ilə bağlı qurğular) adlı xüsusi bölmə açılacaq. İstifadəçi bu bölmədə yeni qurğular əlavə edə biləcək.

Əhalinin sosial rifahının yaxşılaşdırılması sahəsində görülən işlərin tərkib hissəsi kimi məşğulluq probleminin həlli mühüm əhəmiyyət kəsb edir və bu baxımda son illər ərzində muxtar respublikada işaxtaranların məşğulluğunun təmin olunması, peşə hazırlığı, əməyin təşkili və mühafizəsi ilə bağlı mühüm tədbirlər həyata keçirilir. Bu sahədə görülən işlər 2020-ci ildə də diqqətdə saxlanılır. Görülən tədbirlərin nəticəsində 2020-ci ilin yanvar-may aylarında orta aylıq əməkhaqqının məbləği 520 manat təşkil edib ki, bu da 2019-cu ilin müvafiq dövründəki göstəricidən 18,2 faiz çoxdur və Naxçıvan Muxtar Respublikası üzrə orta aylıq nominal əməkhaqqının səviyyəsi ölkənin digər iqtisadi rayonları ilə müqayisədə daha yüksəkdir.

Naxçıvan Muxtar Respublikası Əmək və Əhalinin Sosial Müdafiəsi və İqtisadiyyat Nazirliklərinin birgə təşkilatçılığı ilə muxtar respublikada fəaliyyət göstərən sahibkarlar, işəgötürənlərlə maarifləndirici görüşlər keçirilir, onlara qanunvericiliyin müvafiq tələbləri izah olunur, bu mövzuda onları maraqlandıran suallar cavablandırılır. Bu tədbirlərin davamı olaraq, növbəti görüş iyulun 22-də onlayn formatda keçirilib.
İşəgötürən müəssisələrlə sosial tərəfdaşlıq əlaqələrinin inkişaf etdirilməsi məqsədilə keçirilən tədbirdə Naxçıvan şəhərində fəaliyyət göstərən sahibkarlıq subyektlərinin nümayəndələri və nazirliklərin əməkdaşları iştirak edib.

Naxçıvan Muxtar Respublikası Ali Məclisinin Sədri yanında Dövlət Qulluğu Məsələləri üzrə Komissiyanın əməkdaşları və könüllülərdən ibarət səyyari xidmət qrupu Şərur rayonunda olublar. Xidmət zamanı Naxçıvan Muxtar Respublikasının Fövqəladə Hallar Nazirliyinə, dövlət ümumi təhsil müəssisələrinə və dövlət musiqi təhsili müəssisələrinə işə qəbul üçün elan edilmiş müsabiqələrdə iştiraklarını təmin etmək məqsədilə vətəndaşlara qeydiyyatdan keçməkdə operativ köməklik göstərilmişdir.

Ana təbiətin əsas qoruyucu vasitələrindən biri də yaşıllıqların mühafizəsi və artırılmasıdır. Yaşıllıqlar ekoloji mühitin tarazlığının saxlanılması ilə yanaşı, həm də sağlamlıq mənbəyi rolunu oynayır. Ona görə də Naxçıvan Muxtar Respublikasında bu sahədə həyata keçirilən tədbirlər ekoloji tarazlığın pozulmasının qarşısının alınması, təbii sərvətlərimizin qorunub saxlanması kimi ümumbəşəri əhəmiyyət daşıyır.

Şərurda kartofun əkilib-becərilməsi ənənəsinin tarixi qədim olduğundan ailə təsərrüfatlarında da bu istiqamətdə yetərincə təcrübə var. İstər əkində və becərmədə, istərsə də məhsul yığımında aqrolizinq xətti ilə gətirilən yeni texnikalardan istifadə edilir ki, bu da işin səmərə və keyfiyyətini artırır.
Məlumat üçün bildirək ki, ötən il 1100 hektara yaxın sahədə kartof əkib-becərən torpaq mülkiyyətçiləri 17 min tona yaxın məhsul istehsal ediblər. Bu il də məhsuldarlığın yüksəldilməsi və əkin sahələrinin daha da artırılması istiqamətində müvafiq işlər görülüb, kartof əkini sahələri genişləndirilərək 1350 hektara çatdırılıb.

Əlahiddə Ümumqoşun Orduda keçirilən tabor, divizion döyüş atışlı və atışsız taktiki təlimlər davam edir. Taktiki təlimlərdə haubitsalı artilleriya, aviasiya, hava hücumundan müdafiə və digər bölmələr arasında qarşılıqlı əlaqə sualları işlənilib.

İlahi qüdrətin bənzərsiz nişanəsi, şairlərin, yazıçıların ilham mənbəyi, sağlamlığımızın keşikçisi, yolyoldaşımız, sığınacaq yerimizdir ağaclar. Kölgəsi ruhumuzun dincliyi, yarpağı, çiçəyi, gövdəsi, qabığı dərdimizə məlhəmdir. Bağları, parkları, həyətləri bəzəyən,  meyvəsi ilə ağzımıza dad, süfrəmizə bəzək gətirən, güclü küləklərin, qasırğaların qarşısında etibarlı sədd, örtük olandır ağaclar. Əbəs yerə deyil ki, Məhəmməd Peyğəmbərin (s.ə.s) hədislərindən birində deyilir ki, ömrünüzə bir gün qaldığını bilsəniz də, yenə ağac əkin, ən böyük savab ondadır. Beşikdən məzara qədər–hər vaxt köməyimizə yetəndir ağaclar... 

Naxçıvan Muxtar Respublikasında ailə, qadın və uşaq hüquqlarının qorunması, müvafiq sahə ilə bağlı təbliğat işinin aparılması iyun ayında da diqqətdə saxlanılmışdır.
Naxçıvan Muxtar Respublikası Ali Məclisi Sədrinin Sərəncamı ilə təsdiq edilmiş “2016-2020-ci illərdə Naxçıvan Muxtar Respublikasında əhalinin məşğulluğunun artırılması üzrə Dövlət Proqramı”­- nın müvafiq bəndinin icrası ilə əlaqədar sağlamlıq imkanları məhdud, aztəminatlı ailənin üzvü olan 220 qadınla əlaqə saxlanılaraq söhbətlər aparılmış, onlardan 41-i haqqında məlumat Naxçıvan Muxtar Respublikasının Təhsil, Əmək və Əhalinin Sosial Müdafiəsi nazirliklərinə göndərilmişdir.

Ordumuzun Azərbaycan-Ermənistan sərhədi istiqamətində Ermənistan silahlı bölmələrinə sarsıdıcı zərbələrvurmasından sonra ermənilər intiqam almaq üçün gücsüzlüklərindən müxtəlif hiylələrə və təxribatlara əl atırlar.

Düşmən daha bir məkrli niyyətini smartfonlar və mobil platformalar vasitəsilə həyata keçirməyə çalışır. Ona görə də smartfon istifadəçisi olan və müxtəlif mobil applikasiyalardan fəal istifadə edən vətəndaşlarımız bu məsələdə son dərəcə diqqətli olmalı, aşağıda qeyd olunan tövsiyələri ciddi şəkildə nəzərə almalıdırlar:

İyulun 12-də günorta saatlarından başlayaraq Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz rayonu sahəsində atəşkəs rejimini kobud şəkildə pozaraq artilleriya qurğularından istifadə etməklə mövqelərimizi atəşə tutublar. Gedən döyüşlər zamanı bölmələrimizin cavab tədbirləri nəticəsində böyük itkilər verən düşmən geri çəkilməyə məcbur edilib.

Muхtаr rеspublikаdа mülki müdafiə, əhаlinin və ərаzilərin fövqəlаdə hаllаrdаn qоrunmаsı, fövqəlаdə hаllаrın qаrşısının аlınmаsı və nəticələrinin аrаdаn qаldırılmаsı ilə bağlı qаrşıyа qоyulmuş vəzifələrin icrası iyun ayında da davam etdirilib.

Naxçıvan Muxtar Respublikası Kənd Təsərrüfatı Nazirliyinin tədbirlər planına əsasən Culfa rayonunun Dəmirli yaylağında Kənd Təsərrüfatı, Ekologiya və Təbii Sərvətlər nazirliklərinin və Dövlət Baytarlıq Xidmətinin əməkdaşları ilə heyvandarlıq təsərrüfatları sahibkarlarınının görüşü keçirilib.

Dövlət rəmzləri milli dövlətçiliyin, istiqlaliyyətin mövcudluğunu, xalqın keçmişini və gələcəyə yönəlmiş ən ülvi arzularını ifadə edir. Odur ki, hər bir vətəndaş dövlət rəmzlərinin yaranma tarixini, daşıdığı mənanı yaxşı bilməli, onları qorumalı, təbliğ etməli və aşıladığı ideyaları yaşatmalıdır. Bu baxımdan bayraq da xüsusi önəm kəsb edir.

Azərbaycan Nəqliyyat, Rabitə və Yüksək Texnologiyalar Nazirliyi yanında Elektron Təhlükəsizlik Xidmətinə daxil olan məlumata əsasən, ölkənin sosial şəbəkə istifadəçilərinin hesablarına kütləvi kiberhücumlar baş verir.

Nazirlikdən verilən məlumata görə, hücum metodlarından birində kibercinayətkarlar "Şifrəmi unutmuşam" bildirişindən istifadə edərək istifadəçilərin mobil nömrələrinə parolu bərpa et linkləri göndərir və onların hərəkətlərini izləyir. İstifadəçilər bu keçidləri sosial mediada paylaşdıqları zaman həmin keçidlərdən istifadə olunmaqla parol dəyişilir və hesab ələ keçirilir.

Elektron Təhlükəsizlik Xidməti bu həssas dövrdə vətəndaşları xüsusilə diqqətli olmağa, sosial şəbəkə hesablarının təhlükəsizliyinə ciddi yanaşmağa və hesablarını qorumaq üçün vaxt itirmədən aşağıdakı ümumi qaydalara əməl etməyə çağırır: 

Naxçıvan Muxtar Respublikası Rabitə və Yeni Texnologiyalar Nazirliyinin rəsmi internet saytı müasir proqram təminatı və tərtib olunmuş alqoritm əsasında yenidən hazırlanaraq istifadəyə verilib. Yenilənmiş saytın əsas məqsədi müasir iş prinsiplərinin və innovativ yeniliklərin tətbiqi, rabitə və internet xidmətləri sahəsində fəaliyyəti gücləndirmək, kütləvi informasiya vasitələri ilə əlaqələrin daha dinamik və operativ şəkildə qurulmasını təmin etməkdir.

Bioloqlar planetdə olan canlıların bütün nümayəndələrini əhatə edən ümumi taksonomik atlas yaratmaq təklifini irəli sürüblər. Canlıların təsnifatı üçün alimlər sadə meyarlar seçimi işləyib hazırlayıblar. Belə atlasın yaradılması canlıların, mikrobların və bitkilərin kəşfində və ya təkrar kəşfində dolaşıqlığı azaldacaq. Bu barədə məqalə “PLOS ONE” elmi jurnalında dərc olunub.

Məqalə müəlliflərindən biri - Çarlz Darvin Universitetinin (Avstraliya) professoru Stiven Qarnettin fikrincə, məlum canlıların hamısının siyahısının tərtib etmək çox mürəkkəb problemdir. Hazırda hamı tərəfindən qəbul olunan bir taksonomik atlas yoxdur. Bununla belə bəzi qrup canlıların, məsələn, məməlilərin və quşların bu cür bir neçə siyahısı var, lakin digər canlılar və bitkilər üçün belə siyahı bir dənə də yoxdur.

Muxtar respublikada pandemiyaya qarşı qabaqlayıcı profilaktik tədbirlərə cəlb edilən Naxçıvan Muxtar Respublikası Fövqəladə Hallar Nazirliyinin şəxsi heyəti tərəfindən, ümumilikdə, Şərur rayonu üzrə 240 min kvadratmetr yol və səkilər dezinfeksiya edilib.
Qeyd edək ki, rayonun Arbatan, Dərvişlər, Arpaçay, Çəmənli, Qarahəsənli, Ərəbyengicə, İbadulla, Qışlaqabbas, Tumaslı, Diyadin, Vərməziyar, Ələkli kəndlərinin mərkəzi və məhəllə yolları, kənd və xidmət mərkəzləri, mərasim evlərinin qarşısı xüsusi qurğu quraşdırılmış yanğınsöndürmə və dezinfeksiya avtomobilləri ilə dezinfeksiya olunub.

Naxçıvan Muxtar Respublikası Fövqəladə
Hallar Nazirliyinin mətbuat xidməti

Naxçıvan Muxtar Respublikası Ali Məclisi Sədrinin 2018-ci il 9 aprel tarixli Sərəncamı ilə təsdiq olunan “Naxçıvan Muxtar Respublikasında xalça sənətinin qorunmasına və inkişaf etdirilməsinə dair 2018-2022-ci illər üçün Dövlət Proqramı” xalçaçılıq ənənələrinin dərindən öyrənilməsi, araşdırılması və təbliği üçün geniş imkanlar açmışdır.

Muxtar respublikada sosial müdafiə sahəsində modern və çevik idarəetmənin təmin edilməsi məqsədilə Naxçıvan Muxtar Respublikası Dövlət Sosial Müdafiə Fondunda və onun yerli orqanlarında müasir standartlara uyğun iş yerləri yaradılıb, vətəndaşlara göstərilən xidmət müasir səviyyədə qurulub. Bunun nəticəsidir ki, hər ay olduğu kimi, iyul ayında da əmək pensiyalarının maliyyələşdirilməsi vaxtında başa çatdırılıb. Təyin olunan əmək pensiyalarının ödənişi plastik kartlar vasitəsilə pensiyaçılara çatdırılıb. Kəndlərdə yaşayan əmək pensiyaçıları isə pensiyalarını yaşadığı məntəqədən kənara getmədən ərazidə yerləşən poçt bölmələri vasitəsilə də rahatlıqla əldə ediblər. Eyni zamanda əhaliyə məcburi dövlət sosial sığorta haqları hesabına müavinətlərin də vaxtında ödənilməsi, həmin şəxslərin şəxsi hesablarına və ya poçt ünvanlarına vəsaitin köçürülməsi üçün müvafiq işlər davam etdirilir.

BMT-nin Dünya Meteorologiya Təşkilatı görülən tədbirlərə rəğmən qlobal istiləşmənin sürətləndiyini bəyan edib.

Beynəlxalq qurum qlobal istiləşmənin növbəti on il ərzində kritik həddə çatacağı qənaətindədir. Bu barədə məlumat təşkilatın növbəti beş il üçün nəzərdə tutulan iqlim proqnozunda yer alıb. Proqnoza əsasən, 2024-cü ilədək qlobal orta temperatur sənayeləşmə dövründən əvvəlki vaxtla müqayisədə azı bir dərəcə yuxarı olacaq.

Quru üzüm kimi istifadə edilən kişmiş orqanizm üçün çox xeyirlidir. Ondan istifadə edilməsi bir sıra sağlamlıq problemlərini qaydaya salır. Qara kişmişin müalicəvi təsiri ağ üzümünkündən artıq olduğunu mütəxəssislər də təsdiq edirlər.

Kişmiş sinir sistemini və ürəyi möhkəmləndirir, limfaları, ağciyərləri, qaraciyəri və bağırsağı təmizləyir. Kişmişdən istifadə etmək qaraciyəri təmizləyir, qan azlığını aradan qaldırır. Onun tərkibində xolesterini aşağı salan və xərçəng əleyhinə maddələr var. Yuxu pozğunluğunu aradan qaldıran kişmiş sinirləri gücləndirmək və oynaq ağrılarını azaltmaqda mühüm əhəmiyyət daşıyır.