28 Mart 2024, Cümə axşamı

Son vaxtlar angioqrafiya və stent üçün xəstəxanalara müraciət edənlərin sayı artır. Bəs biz bu haqda nə bilirik? Xəstəyə angioqrafiya etmədən stent taxılacağını əvvəlcədən söyləmək mümkündürmü? Bəs ­tıxanmış damarın stentlə açılmasından sonra stentin yenidən tıxanmayacağına zəmanət varmı? Həmin stent keyfiyyətini nə qədər qoruyub saxlaya bilər? Muxtar respublikamızda angioqrafiya üsulu ilə müayinə və müalicə üçün hansı şərait yaradılıb? 

Bu barədə ətraflı məlumat almaq üçün Naxçıvan Diaqnostika Müalicə Mərkəzinin həkimi, kardioloq-­an­gioq­raf, bu sahə üzrə Türkiyə Respublikasının müxtəlif tibb universitetlərində xüsusi kurs keçmiş Nail Mehbalıyevlə həmsöhbət olduq. O bildirdi ki, bədənimizdə lazımi qan və oksigenin bütün orqanlara çatdırılmasında xüsusi rol oynayan ürəyimiz bəzən müxtəlif səbəblərdən bu funksiyanı yerinə yetirə bilmir. Bu da ürəyin özündə və ya digər orqanlarda bir sıra dəyişikliklərə səbəb olur, xəstədə müəyyən şikayətlər yaradır. Ağrı, təngnəfəslik, yorğunluq və halsızlıq, ürəkdə döyüntü, ayaqlarda və bədəndə şiş əmələ gəlməsi, öskürək, özündəngetmə (senkop), hıçqırıq, udma çətinliyi, mədə, baş və boyun ağrıları, göyərmə ürək xəstəliklərinin ilkin əlamətləridir.
Həkim qeyd edir ki, döş qəfəsində yaranan ağrıların səbəblərini dəqiq öyrənmək üçün xəstəyə bir neçə müayinə aparılması məsləhət görülür ki, bunlardan biri də koronar angioqrafiyadır.

Ardını oxu...

Naxçıvan Muxtar Respublikası Səhiyyə Nazirliyinin həkim briqadası ötən şənbə Naxçıvan Muxtar Respublikası Ədliyyə Nazirliyi Penitensiar Xidmətinin Qarışıq Rejimli Cəzaçəkmə Müəssisəsində məhkumları profilaktik müayinələrdən keçirib.
Müəssisənin tibbi sanitar hissəsinin həkim və orta tibb işçilərinin də fəal iştirakı ilə həkim briqadası tərəfindən gün ərzində 62 nəfərdən ümumi, həmçinin hepatit B, C, QİÇS və digər yoluxucu xəstəliklərin müəyyən edilməsi üçün qan analizləri götürülüb. Sonra yüksəkixtisaslı həkimlər tərəfindən müayinələr aparılıb. 24 nəfər USM, 12 kardioloji xəstə EKQ müayinəsindən keçirilib. 24 nevroloji, 18 uroloji, 20 terapevtik xəstə tibbi müayinələrlə əhatə olunub.
Profilaktik tibbi müayinələr Naxçıvan Muxtar Respublikası Ağciyər Xəstəlikləri Dispanseri tərəfindən davam etdirilərək 79 məhkum ftiziatr müayinələrindən keçirilib. Ağır xəstəlik halları müşahidə olunmayıb. Aşkarlanan xəstəliklərin müalicəsi müvafiq səhiyyə müəssisələrində həyata keçirilir.
Bununla yanaşı, yüksəkixtisaslı həkim briqadaları tərəfindən də tibbi müayinələr aparılır, əlaqədar təyinatlar məhkumların tibbi kitabçalarına qeyd olunur. Onların dərin tibbi müayinələrə cəlb edilməsi məsləhət görülür, həmçinin mövsümi xəstəliklər barədə səhiyyə maarifi işləri aparılır.

Naxçıvan Muxtar Respublikası
Səhiyyə Nazirliyinin mətbuat xidməti

Tanrı öz bəndələrinə qəribə tale, ruzi, ömür payı, alın yazısı verib. Birinə yüksək mənəviyyat, əxlaqi keyfiyyət, digərinə zəka və idrak bəxş edib. Kimisinə isə bu məziyyətlərlə yanaşı, əllərinə şəfa, ürəyinə təpər də verir ki, insanların sağlamlığı keşiyində dayansın. Elə bugünkü müsahiblərim də çox insanlara şəfa, naümid gözlərə ümid, nigaran baxışlara sevinc bəxş edən bu nəcib peşənin sahibləridir. Müsahiblərimi birləşdirən başlıca ortaq dəyər isə onların muxtar respublikamızda səhiyyə və tibbi təhsilin inkişafına göstərilən yüksək diqqət və qayğıdan bəhrələnərək peşəkar mütəxəssis kimi formalaşmalarıdır. Müsahiblərimlə söhbətə keçməzdən əvvəl onların ali təhsil aldıqları Naxçıvan Dövlət Universitetinin Tibb fakültəsi haqqında bir neçə kəlmə…

Tibb fakültəsi Naxçıvanın blokada şəraitində olması nəzərə alınaraq tibbi kadrlara tələbatın ödənilməsi məqsədilə 1999-cu ildə yaradılıb. O dövrdə bir ixtisasla fəaliyyətə başlayan fakültə ötən müddətdə inkişaf edərək hazırda həm bakalavr, həm də rezidentura təhsili üzrə həkim hazırlığı həyata keçirir. Bu gün fakültənin müasir xəstəxanası tələbələrin nəzəri və praktik biliklərinin təkmilləşdirilməsində müstəsna rol oynayır. Muxtar respublikamızda fəaliyyət göstərən bütün xəstəxanalarda tələbələrin təcrübə keçmələrinə hər cür şərait yaradılıb. Tibb sahəsi üzrə yüksəkixtisaslı kadrlar hazırlamaq və dünya tibb elminə daha sıx inteqrasiya etmək üçün universitet qonşu Türkiyə və İranın universitetləri ilə sıx əlaqələr qurub.
Bütün bunlar universitetin və fakültənin beynəlxalq nüfuzunu artırmaqdadır. Əgər bir vaxtlar naxçıvanlı məzunlar tibb təhsili almaq üçün respublikamızın və dünyanın ali məktəblərinə üz tutmaq məcburiyyətində qalırdılarsa, bu səbəbdən gələcəyin peşəkar həkimləri ola biləcək çoxları bu istəyindən imtina etməli olurdusa, bu gün muxtar respublikada tibb təhsili üçün yaradılan unikal şərait xarici ölkə vətəndaşlarının da buraya olan marağını günbəgün artırır. Belə ki, yeni tədris ilindən fakültədə 300 xarici ölkə vətəndaşı təhsil alacaq.
“Xalqın müqəddəs saydığı, inanıb, etibar etdiyi həkim adını daşımaq olduqca şərəfli və məsuliyyətlidir”, – deyən Zəbur Bağırov Naxçıvan Muxtar Respublika Xəstəxanasının baş həkimi kimi məsuliyyətli bir işi yerinə yetirməklə bərabər, gənc olmasına baxmayaraq, sayılıb-seçilən uroloqdur. O, Naxçıvan Dövlət Universitetinin Tibb fakültəsini 2009-cu ildə bitirib: – Nənəm böyrək xəstəliyindən əziyyət çəkərdi və tez-tez müalicə üçün paytaxt Bakıya, ya da qonşu dövlətlərə üz tutardı. Bu ixtisası seçməyimin səbəbi peşəkar uroloq olub, şəfa tapmaq üçün başqa yerlərə üz tutan insanlara öz doğma yurdumuzda kömək etmək istəyi olub. Naxçıvanda ali təhsilimi uğurla başa vurmaqla yanaşı, Ali Məclis Sədrinin xüsusi tapşırığı ilə qardaş Türkiyə Respublikasında internatura, Urologiya ixtisası üzrə uzmanlıq təhsili almışam.

Ardını oxu...

Naxçıvan Muxtar Respublikası Ali Məclisi Sədrinin “Şərur rayonunda icbari tibbi sığortanın tətbiqi ilə bağlı tədbirlər haqqında” 2019-cu il 25 yanvar tarixli Sərəncamına uyğun olaraq 1 iyun 2019-cu il tarixdən rayon ərazisində icbari tibbi sığortanın tətbiqinə başlanılıb.
Müvafiq sərəncamda icbari tibbi sığortanın tətbiqi məqsədilə Şərur Rayon Mərkəzi və Uşaq xəstəxanalarına publik hüquqi şəxs statusu verilib və tibb işçilərinin əmək­haqları əhəmiyyətli dərəcədə artırılıb.
Tibbi sığorta Şərur rayonunda 115 min 575 nəfəri əhatə edir. Rayonda icbari tibbi sığortanın tətbiqinə hərtərəfli şərait yaradılıb. Şərur Rayon Mərkəzi və Uşaq xəstəxanalarına, kənd sahə xəstəxanası və həkim ambulatoriyalarına yeni avadanlıqlar alınıb. Tibbi sığortanın tətbiqi ilə əlaqədar icbari tibbi sığortaya cəlb olunacaq əhali haqqında məlumatlar toplanılıb, tibb müəssisələri və tibb işçilərinə dair mərkəzləşdirilmiş məlumat bazaları, səhiyyə informasiya idarəetmə sistemi və digər zəruri proqram təminatları, eləcə də reyestrlər yaradılıb.

Ardını oxu...

Duzdağ Fizioterapiya Mərkəzinin yaradılmasının 40 illiyinin qeyd edildiyi bu günlərdə kollektiv daha bir şad xəbərin yaratdığı əhval-ruhiyyə içərisindədir. Belə ki, Naxçıvan Muxtar Respublikası Ali Məclisinin Sədri cənab Vasif Talıbovun 2019-cu il 10 iyun tarixli Sərəncamı ilə Duzdağ Fizioterapiya Mərkəzi publik hüquqi şəxsin işçilərinin vəzifə maaşları bu il iyunun 1-dən 10 faiz artırılıb.
Kollektivin hər bir üzvü bu xoş xəbəri səhiyyə işçilərinə göstərilən dövlət qayğısının parlaq ifadəsi kimi dəyərləndirir, ağxalatlı peşə sahiblərinin rifahının yaxşılaşdırılmasına xidmət etdiyini bildirir. Onlar razılıq hissi ilə vurğulayırlar ki, bütövlükdə, səhiyyə sistemində olduğu kimi, son illər bu müəssisədə də tibbi xidmətlərin əhatə dairəsinin genişləndirilməsi, uğurlu islahatların ardıcıl xarakter alması ona görə mümkün olur ki, aparılan siyasətin mərkəzində Azərbaycan vətəndaşı, onun rahatlığı, sağlamlığı dayanır. Muxtar respublikada da bu yolun sədaqətlə davam etdirilməsi əhalinin sağlamlığının qorunması, tibbi xidmətin səviyyəsinin yüksədilməsi, bu sahənin maddi-texniki bazasının gücləndirilməsi istiqamətində mühüm rol oynayır.

Ardını oxu...

Uşaqları Beynəlxalq Müdafiə Günü münasibətilə Naxçıvan Diaqnostika Müalicə Mərkəzi publik hüquqi şəxsin həkim briqadası Ordubad şəhərindəki Məhəmməd Füzuli adına internat tam orta məktəbdə şagirdləri kompleks tibbi müayinədən keçirib. Müayinələr zamanı xəstəlikləri aşkar olunanlara müalicə və eynəklər yazı­lıb, həkim məsləhəti verilib. On iki uşaqda əlavə tibbi müayinələrə ehtiyac olduğundan onlar müalicə məqsədilə Diaqnostika Müalicə Mərkəzinə dəvət ediliblər.
Humanitar aksiya çərçivəsində alınmış şirniyyat məhsulları məktəbin bufetinə, ilkin tibbi yardım üçün ləvazimat, dərman və sarğı materialları isə tibb məntəqəsinə təhvil verilib. Publik hüquqi şəxsin öz vəsaiti hesabına alınmış idman geyim dəstləri və gündəlik istehlak məhsulları valideynlərindən birini itirmiş 34 şagirdə, bunlarla yanaşı, ayaqqabı, paltarlar isə hər iki valideynini itirmiş 6 şagirdə hədiyyə olunub.
Məktəbin müəllimləri və valideynlər şagirdlərə göstərilən bu xidməti dövlətimizin gələcəyimiz olan uşaqların sağlamlığının qorunması istiqamətində həyata keçirdiyi layihələrin uğurlu icrası kimi dəyərləndirərək minnətdarlıqlarını bildiriblər.

Naxçıvan Muxtar Respublikası
Səhiyyə Nazirliyinin mətbuat xidməti

 

Naxçıvan Muxtar Respublikası Doğum Mərkəzində ana və uşaqlara göstərilən tibbi xidmətin əhatə dairəsini genişləndirmək üçün mövcud tibbi avadanlıq, cihaz və aparatlardan istifadə metodları ilə müayinə və müalicələrin səmərəliliyi yüksəldilir. Həmin tədbirlərin davamı olaraq mərkəzin Histoloji laboratoriyasının kompüterinə hamilə qadınlarda gələcək övladının bəzi genetik xəstəliklərlə doğulma ehtimalını müəyyən etmək üçün ikili və üçlü araşdırma testləri yüklənib və onun tətbiqinə başlanılıb. Qeyd edək ki, əvvəllər Almaniyanın “Siemens” şirkətinə məxsus lisenziyalı “Prisca” proqramı ölkəmizdə yalnız bir səhiyyə müəssisəsində mövcud idi. Doğum Mərkəzinin də belə bir proqramla təmin olunması Naxçıvan  səhiyyəsi üçün əlamətdar hadisədir.  

Ardını oxu...

Naxçıvan Muxtar Respublikası Nazirlər Kabineti yanında İcbari Tibbi Sığorta üzrə Dövlət Agentliyi tərəfindən Şərur rayonunda icbari tibbi sığortanın tətbiq edilməsi ilə bağlı tədbir keçirilib.
Tədbiri Şərur Rayon İcra Hakimiyyətinin başçısı Kamal Cəfərov açaraq icbari tibbi sığortanın əhəmiyyəti barədə danışıb. Naxçıvan Muxtar Respublikası Nazirlər Kabineti yanında İcbari Tibbi Sığorta üzrə Dövlət Agentliyinin direktoru Samiq Sadıxov çıxış edərək bildirib ki, 2017-ci il iyulun 1-dən icbari tibbi sığortanın tətbiqinə ilkin olaraq Sədərək rayonunda başlanılıb.
Qeyd olunub ki, icbari tibbi sığortanın Şərur rayonunda da tətbiq edilməsi üçün bütün lazımi məlumatlar müvafiq icra hakimiyyəti orqanlarına müraciət edilərək toplanılıb. Həmin məlumatlar əsasında icbari tibbi sığortaya cəlb olunacaq əhali, tibb müəssisələri və tibb işçilərinə dair mərkəzləşdirilmiş məlumat bazaları, proqram təminatları, reyestrlər yaradılıb. Tibbi sığorta Şərur rayonunda 115 min 575 nəfəri əhatə edəcəkdir.
Agentliyin direktoru bildirib ki, rayonda icbari tibbi sığortanın tətbiqinə hərtərəfli şərait yaradılıb. Naxçıvan Muxtar Respublikası Ali Məclisi Sədrinin “Şərur rayonunda icbari tibbi sığortanın tətbiqi ilə bağlı tədbirlər haqqında” 2019-cu il 25 yanvar tarixli Sərəncamına uyğun olaraq 1 iyun 2019-cu il tarixdən rayon ərazisində icbari tibbi sığortanın tətbiqinə başlanacaqdır.
Müvafiq sərəncamda icbari tibbi sığortanın tətbiqi məqsədilə Şərur Rayon Mərkəzi və Uşaq xəstəxanalarına publik hüquqi şəxs statusu verilib və tibb işçilərinin əməkhaqqı əhəmiyyətli dərəcədə artırılıb. İcbari tibbi sığortanın tətbiqi məqsədilə görülən işlər vətəndaşlara göstərilən tibbi xidmətin keyfiyyətinin daha da artırılmasını, səhiyyə sisteminin dayanıqlı inkişafını, əhalinin və tibb işçilərinin sosial müdafiəsinin gücləndirilməsini və maddi rifah halının yaxşılaşmasını təmin edəcəkdir.
Sonra çıxışlar olub.

 Səbuhi HƏSƏNOV

Yer üzündə olan saysız-hesabsız, görünüşcə yaraşıqlı, çoxmərtəbəli xəstəxanalardan, klinikalardan fərqli bir məkanda – təbiət özünün nəsibini dəniz səviyyəsindən 1173 metr hündürlüyə bəxş edib. Yerin altına sığdırdığı möcüzəvi şəfa ocağının girintili-çıxıntılı sal duzların əhatə etdiyi yüz metrlərlə uzanan tunelində irəliləyərkən və duzun möhtəşəm qoxusunu alarkən düşünürəm: Necə ki dünyada çox sayda insanlar var, müxtəlif xəstəliklər də var. Elə bu xətəliklərlə insanlar böyük şəhərlərin ən məşhur xəstəxanalarına, klinikalarına üz tutur, şəfa axtarırlar. Və bu şəfa ocaqlarından əllərində bir xeyli dərman siyahısı olan reseptlərlə ayrılırlar. Bu reseptlər faydalı da ola bilir, faydasız da. Bəs burada – Duzdağ Fizioterapiya Mərkəzində? Bəli, burada xəstəlik deyəndə ilk düşünülən iynələrdən, dərmanlardan fərqli olaraq, sadəcə, bir udum nəfəslədir müalicə. 

Ardını oxu...

Əziz Əliyev adına Naxçıvan Мuxtar Respublikası Mərkəzi Uşaq Xəstəxanasının həkim briqadası Şahbuz rayonunun Aşağı Qışlaq kəndində uşaqları kütləvi profilaktik tibbi müayinədən keçirib.
Pediatr, nevropatoloq, ginekoloq, endokrinoloq həkim, rezident və laborantlardan ibarət briqada kəndin həkim ambulatoriyasında 25 nəfər uşağa tibbi xidmət göstərib. Bəzi xəstələrin əlavə müayinə və müalicəsi üçün Mərkəzi Uşaq Xəstəxanasına gəlmələri məsləhət görülüb.
Valideynlər arasında səhiyyə maarifi işi aparılıb, “Naxçıvan Muxtar Respublikasında uşaqların icbari dispanserizasiyadan keçirilməsinə dair 2018-2022-ci illər üçün Dövlət Proqramı” haqqında məlumat verilib. Uşaqların sağlamlığının qorunmasında səhiyyə müəssisələri ilə valideynlərin birgə fəaliyyətinin zəruriliyi qeyd edilib.

Hüseyn ƏSGƏROV

Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsi və Naxçıvan Muxtar Respublikasının Əmək və Əhalinin Sosial Müdafiəsi Nazirliyi tərəfindən 1 iyun – Uşaqları Beynəlxalq Müdafiə Günü münasibətilə hemofiliyalı və ­talassemiyalı uşaqlar üçün qanvermə aksiyası keçirilib.
Komitə və nazirlik əməkdaşları – könüllü donorlar qanvermədən əvvəl tibbi müayinədən keçirilib, donorlardan qan nümunələri götürülüb, infeksion xəstəliklərə qarşı yoxlama aparılıb. Hemofiliyalı və talassemiyalı uşaqlara köçürülmək üçün, ümumilikdə, 10 litrə yaxın qan toplanılıb.
Qeyd edək ki, qanvermə aksiyasının keçirilməsində əsas məqsəd muxtar respublikada yaşayan irsi qan xəstəliyi olan sağlamlıq imkanları məhdud uşaqlara yardım göstərmək, onlara dəstək olmaqdır.

Naxçıvan Muxtar Respublikası
Ailə, Qadın və Uşaq Problemləri üzrə Dövlət Komitəsinin mətbuat xidməti

Muxtar respublikada hər sahədə olduğu kimi, tibb sahəsində də yüksəkixtisaslı gənc kadrların hazırlanmasında mühüm addımlar atılır. Bunun nəticəsidir ki, xəstəxanalarda və həkim ambulatoriyalarında çalışan gənc həkimlərin sayı gündən-günə artmaqdadır. 

Onlardan biri də Naxçıvanda ilk dəfə olaraq burun plastikası (rinoplastika) əməliyyatları icra edən otorinolarinqologiya üzrə həkim-rezident Ruslan Qurbanovdur.
Əmək fəaliyyətinə Babək Rayon Mərkəzi Xəstəxanasında başlayan, hazırda Naxçıvan Muxtar Respublika Xəstəxanasında çalışan Ruslan həkim Azərbaycan Tibb Universitetinin məzunudur və 3 il müddətində Türkiyənin Ankara Qazi və Ərzincan Mengücek Elm və Araşdırma Xəstəxanasında təkmilləşdirmə kursu keçib.
Kurs müddətində 1000-dən artıq uğurlu əməliyyat icra edən gənc həkim hazırda tonzillektomiya, adenoektomiya, septoplastika, otoplastika və nazal polip əməliyyatlarını uğurla həyata keçirir.
Ruslan həkim bildirir ki, muxtar respublikada həkim-­rezidentlərin yüksəkixtisaslı mütəxəssis kimi yetişməsi üçün lazımi şərait vardır. Çünki müasir maddi-texniki təchizata malik xəstəxana binasında fəaliyyət göstəririk. Bu səhiyyə ocağında ən müasir tibbi avadanlıqlar quraşdırılıb, nümunəvi iş şəraiti yaradılıb. Bu isə investisiya mühitini yaxşılaşdırmaq, innovasiyaya və dayanıqlı inkişafa əsaslanan düşüncəni və elmi-texniki tərəqqini əks etdirən yeni layihələrin həyata keçirilməsinə imkan verir. Bunun müqabilində tibb işçiləri göstərilən qayğıya öz əməli işi ilə cavab verməyə çalışır, əhalinin sağlamlığının keşiyində dayanmağı müqəddəs vəzifə sayır.
Rinoplastika kimi əməliyyatlar sayəsində xəstələrin artıq Naxçıvandan kənara getmədən ən müasir cərrahi avadanlıq və cihazların köməyi ilə müalicə olunması Naxçıvan səhiyyəsinin daha bir uğurudur.

Naxçıvan Muxtar Respublikası
Səhiyyə Nazirliyinin mətbuat xidməti

Ulu öndər Heydər Əliyevin anadan olmasının 96-cı ildönümündə Naxçıvanda humanitar tibbi aksiyalar keçirilib.
Naxçıvan Muxtar Respublika Xəstəxanasının həkim və tibb işçiləri ötən şənbə Kəngərli rayonunun Qarabağlar kəndində təşkil olunmuş humanitar tibbi aksiyada 96 nəfəri ambulator tibbi müayinədən keçiriblər. Müayinələrin aparılmasında Naxçıvan Muxtar Respublikası Səhiyyə nazirinin müavini Samrat Gəncəyevanın rəhbərliyi ilə 11 yüksəkixtisaslı həkim iştirak edib. Aksiya iştirakçılarına Naxçıvan Muxtar Respublika Xəstəxanasının ambulator kartları da təqdim olunmaqla ilk dəfə yeniliyə imza atılıb. Bu, aksiyada iştirak edən hər bir xəstənin səhiyyə müəssisəsinin xidmətlərindən daha rahat şəkildə istifadə etməsinə şərait yaradacaqdır.
Culfa rayonunda keçirilən humanitar tibbi aksiyada 78 nəfər ambulator müayinələrdən keçirilib, 35 xəstə üzərində cərrahi əməliyyatlar aparılıb.
Bu tədbir Məhəmməd Füzuli adına Ordubad şəhər internat tam orta məktəbində də keçirilib.

Ardını oxu...

Naxçıvan Muxtar Respublikası Səhiyyə Nazirliyinin təşkilatçılığı ilə Bakı şəhərində fəaliyyət göstərən yüksəkixtisaslı həkim briqadalarının dəvət olunaraq muxtar respublikamıza gətirilməsi və aztəminatlı ailələrdən olan xəstələrin başqa ünvanlara üz tutmadan müayinəsinin və cərrahiyyə əməliyyatlarının təşkili davam etdirilir.
Akademik Zərifə Əliyeva adına Milli Oftalmologiya Mərkəzinin yüksəkixtisaslı həkim-oftalmoloqları da hər həftənin cümə və şənbə günlərində Naxçıvan Muxtar Respublika Xəstəxanasında humanitar tibbi aksiya keçirir.
Mayın 10-da start verilən növbəti aksiya isə ulu öndərimiz Heydər Əliyevin anadan olmasının 96-cı ildönümünə həsr edilmişdi. Aksiyada oftalmoloq-cərrahlar Fərəh Abduləliyevanın, Nəzrin Xıdırovanın və tibb bacısı Səfiyyə Səlimxanovanın iştirakı ilə müxtəlif göz problemlərindən əziyyət çəkən xəstə­lərin müayinəsi və mürəkkəb göz əməliyyatları aparılıb.

Ardını oxu...

Akademik Mirəsədulla Mirqasımov adına Respublika Klinik Xəstəxanası ulu öndər Heydər Əliyevin 96 illiyi münasibətilə Ordubadda dördgünlük humanitar tibbi aksiyaya start verib. Bu məqsədlə mayın 8-də xəstəxananın baş həkimi Telman İbadovun rəhbərliyi ilə 28 yüksəkixtisaslı həkim və orta tibb işçisi Ordubad Rayon Mərkəzi Xəstəxanasına gəlib. Briqadada həkim cərrahlardan Elçin Mirzəyev, Sona Budaqova, mama-ginekoloq Zenfira Cəfərova, kardioloq Güllü Abbasova, otolarinqoloq Sahib Səmədov, nevropatoloq Aytən Xələfova, uroloq Ceyhun Cəlilov, nefroloq Xuraman Eminbəyli, endokrinoloq Şahsoltan Abdullayev və başqalarının səyi ilə ilk gün 337 nəfər ambulator müayinə ilə əhatə olunub. Müayinə olunmaq üçün xəstəxanaya müraciət edən pasiyentləri tibbi xidmətlə təmin etmək məqsədilə Naxçıvan Muxtar Respublikası Səhiyyə Nazirliyi tərəfindən lazımi şərait yaradılıb. Ordubad Rayon Mərkəzi Xəstəxanasının tibbi heyəti də Bakıdan gələn həkimlərlə birgə əhaliyə tibbi xidmət göstərib.
Aztəminatlı ailələrdən cərrahi müdaxiləyə ehtiyacı olanlar üzərində ümumi cərrahi, proktoloji, uroloji, fimoz, burun-qulaq-boğaz və digər əməliyyatlar aparılıb.
Aksiyada iştirak edən rayon sakinləri onlara göstərilən bu xidməti dövlətimizin əhalinin sağlamlığının qorunması istiqamətində həyata keçirdiyi tədbirlərin tərkib hissəsi kimi dəyərləndirib və minnətdarlıqlarını bildiriblər.

Hüseyn ƏSGƏROV

Dünən Naxçıvan Muxtar Respublika Xəstəxanasında İran İslam Respublikası Şərqi Azərbaycan Vilayətinin Təbriz Tibb Elmləri Universiteti ilə birgə beynəlxalq konfrans keçirilib.
Tədbiri giriş sözü ilə açan Naxçıvan Muxtar Respublikasının Səhiyyə naziri Niyazi Novruzov İran İslam Respublikası ilə qarşı­lıqlı əlaqələrin hazırda bütün sahələrdə, o cümlədən səhiyyə sistemində uğurla inkişaf etdiyini bildirib. Azərbaycanın Naxçıvan Muxtar Respublikası ilə İranın yaxın vilayətləri arasında səhiyyə və tibb elmi sahəsində əməkdaşlığın bütövlükdə hər iki ölkə əhalisinin sağlamlığının qorunmasına xidmət etdiyini vurğulayan nazir birgə əməkdaşlığa uyğun olaraq ötən il muxtar respublikanın bir qrup həkiminin Qərbi Azərbaycan vilayətinin Urmiya şəhərinə, urmiyalı həkimlərin, o cümlədən Təbriz Tibb Elmləri Universitetinin rektoru Məhəmmədhüseyn Sominin bu il Naxçıvana səfərlər etdiyini xatırladıb. Bildirib ki, praktik həkimlərin bilik və bacarığının yüksəldilməsində, bu sahədə təhsil alan tələbələrin nəzəri və təcrübi biliklərinin artırılmasında keçirilən elmi-praktik konfranslar mühüm əhəmiyyət kəsb edir.

Ardını oxu...

Azərbaycan Respubli­kasının ümummilli lideri ­Heydər Əliyevin anadan olmasının 96 illiyi ilə əlaqədar Naxçıvan Diaqnostika-Müalicə Mərkəzi publik hüquqi şəxsində göstəriləcək tibbi xidmətə bayram güzəştləri ediləcək.
May ayının 1-dən start verilən bu tədbir ayın sonunadək davam edəcək. Ay ərzində sakinlərə göstəriləcək tibbi xidmətlərə 20 faiz həcmində güzəştlər olunacaq.
Bu müddətdə vətəndaşlar mərkəzdə həyata keçirilən tibbi xidmətin ambulator, laborator müayinələrindən yararlana bilərlər. Pasiyentlərə ay ərzində stasionar müayinə-­müalicə təminatı da verilir. Onlar, həmçinin cərrahi xidmətlərlə əhatə ediləcək və həkim məsləhəti ­alacaqlar.
Vətəndaşlar Naxçıvan Diaqnostika-Müalicə Mərkəzi publik hüquqi şəxsində yaradılmış bu imkanlardan istifadə nəticəsində sağlamlıqlarının etibarlı şəkildə qorunmasına xidmət edə bilərlər.

Naxçıvan Muxtar Respublikası
Səhiyyə Nazirliyinin mətbuat xidməti

Beynəlxalq Endoskopik Laparoskopik Cərrahiyyə Dərnəyinin təşkilatçılığı ilə Şimali Kipr Türk Respublikasında 14-cü Endoskopik laparoskopik cərrahiyyə konfransı keçirilib. Türkiyə Endoskopik Cərrahiyyə Dərnəyinin sədri professor Levent Avtanın dəvəti ilə Naxçıvan Diaqnostika-Müalicə Mərkəzinin həkim-cərrahı Nazim İbrahimov da bu konfransda iştirak edib.
Tədbir təbabətin ən müasir nailiyyətlərindən biri olan laparoskopik cərrahiyyəyə həsr edilmişdi. Konfransın əsas məqsədi dünyada aparılan əməliyyatların və tibbi yeniliklərin Azərbaycanda da tətbiq edilməsinə dair ən müasir protokollarla mütəxəssisləri tanış etmək olub. Beynəlxalq konfransda dünyanın müxtəlif ölkələrindən gəlmiş 100-ə yaxın iştirakçı olduğunu bildirən Nazim həkim bizimlə söhbətində qeyd etdi ki, həmin tədbirdə son illərdə inkişaf edən texnologiyanın cərrahiyyədə yaratdığı imkanlar, bu texnologiyanın tətbiqi ilə aparılan ən son cərrahiyyə əməliyyatları barədə ətraflı məlumatlar verilib. Konfrans müddətində klinik və nəzəri praktikalar keçirilib.
Nazim İbrahimov həmin praktika və məşğələlərdə fəal şəkildə iştirak edib və sertifikat alıb. O, Naxçıvanda həyata keçirilən endoskopik cərrahiyyə ilə əlaqədar təcrübələrini bölüşüb. Bildirib ki, hazırda Naxçıvan Diaqnostika-Müalicə Mərkəzində ən müasir tibbi avadanlıq, aparat və cihazların alınıb qurulması müxtəlif əməliyyatların kəmiyyət və keyfiyyət göstəricilərinə öz müsbət təsirini göstərir. Həmin tibbi cihazların köməyi ilə artıq bir neçə ildir ki, endoskopik cərrahiyyənin ən son metodları tətbiq edilməklə mərkəzimizdə qapalı prostat vəzinin adenoması əməliyyatı (TUR), öd kisəsinin endoskopik əməliyyatları (laparoskopik xolesistektomiya), laparoskopik appendektomiya, laparoskopik kistektomiya və bunun kimi bir sıra müasir cərrahiyyə əməliyyatları uğurla icra olunmaqdadır.

Hüseyn ƏSGƏROV

“Naxçıvan Muxtar Respublikasında uşaqların icbari dispanserizasiyadan keçirilməsinə dair 2018-2022-ci illər üçün Dövlət Proqramı”nın tələblərinə uyğun olaraq yaz və payız mövsümlərində tam orta məktəblərin şagirdləri arasında profilaktika xarakteri daşıyan dərin tibbi yoxlamalar aparılır.
Dünən keçirilən növbəti dispanserizasiya tədbirində Ordubad şəhər 3 nömrəli tam orta məktəbin şagirdləri kütləvi profilaktik müayinələrlə əhatə olunublar.
Ordubad Rayon Mərkəzi Xəstəxanasının pediatr, stomatoloq, kardioloq, cərrah-ortoped, LOR, nevropatoloq və digər ixtisaslı həkimlərdən ibarət briqadası məktəbin 587 şagirdini müayinədən keçirib.

Naxçıvan Muxtar Respublikası
Səhiyyə Nazirliyinin mətbuat xidməti

Naxçıvan Muxtar Respublikası Səhiyyə Nazirliyi əhalinin sağlamlığının qorunması və tibbi xidmətin səviyyəsinin yüksəldilməsi istiqamətində fəaliyyətini cari ilin birinci rübündə də davam etdirib. Dövlət proqramlarının icrası, ixtisaslı kadrların hazırlanması, yoluxucu xəstəliklərin profilaktikası, ilkin səhiyyə xidmətinin yeni tələblərə uyğunlaşdırılması işləri diqqətdə saxlanılıb.
2019-cu ilin ilk rübündə səhiyyə müəssisələrində xroniki böyrək çatışmazlığından əziyyət çəkən xəstələrin aktiv müalicəyə cəlb edilməsi, eləcə də xəstələrin dövlət vəsaiti hesabına ixtisaslaşdırılmış müalicə ilə təminatı nəzarətdə saxlanılıb, həyata keçirilən tədbirlər nəticəsində şəkərli diabet xəstələrinin dərman və özünənəzarət vasitələri ilə təminatı yaxşılaşıb. Muxtar respublikada həyata keçirilən sosial-iqtisadi islahatların səmərəliliyi, əhalinin yaşayış standartlarının davamlı yüksəlişi, güzəranının daha da yaxşılaşması, müalicə-profilaktika işinin təşkili sahəsində görülən tədbirlər demoqrafik vəziyyətə də öz təsirini göstərib. Belə ki, 2019-cu ilin ilk rübündə muxtar respublikada 1000 uşaq doğulub.

Ardını oxu...

Muxtar respublikada icbari tibbi sığortadan yararlanan daha bir nəfərin üzərində pulsuz cərrahi əməliyyat aparılıb.
İcbari tibbi sığorta olunan Sədərək kənd sakini 49 yaşlı Vidadi Rzazadə Sədərək Rayon Mərkəzi Xəstəxanasına ürək nahiyəsində yaranan ağrı ilə müraciət edib və müayinə olunub. Müayinə nəticəsində onun ürəyində ciddi problemlər aşkar edilib.
O, xəstəxana tərəfindən Naxçıvan Diaqnostika-Müalicə Mərkəzinə göndərilib. Mərkəzin kardioloq-­angioqrafı Nail Mehbalıyev tərəfindən 2 balon və 3 ədəd dərmanlı stend vasitəsilə damarlarda yaranmış problemlər aradan qaldırılıb və ürək qan dövranı tam bərpa edilib. Birgünlük həkim müşahidəsindən sonra xəstə sağalmış halda təxliyə olunub.
Vidadi Rzazadəyə göstərilən bütün tibbi xidmətlərin xərcləri İcbari Tibbi Sığorta üzrə Dövlət Agentliyi tərəfindən qarşılanıb.
Qeyd edək ki, bu ilin ilk rübündə 9 nəfər icbari tibbi sığorta ilə Naxçıvan Muxtar Respublika Xəstəxanasına, Diaqnostika-Müalicə Mərkəzinə, Doğum Mərkəzinə və Kardioloji Mərkəzə müalicəyə göndərilib.

Naxçıvan Muxtar Respublikası
Səhiyyə Nazirliyinin mətbuat xidməti

7 aprel Ümumdünya Sağlamlıq Günü kimi qeyd olunur. Bu tarix 1948-ci il aprelin 7-də BMT-nin xüsusi agentliyi kimi yaradılan Ümumdünya Səhiyyə Təşkilatının fəaliyyətə başlaması ilə əlaqədardır.
Ölkəmizdə səhiyyənin cəmiyyət və dövlət həyatında ən mühüm sahəyə çevrilməsi xalqımızın ümummilli lideri Heydər Əliyevin adı ilə bağlıdır. Ümummilli liderimiz səhiyyəni cəmiyyət və dövlət həyatında ən mühüm sahə kimi diqqətdə saxlamış, ölkəmizdə kompleks səhiyyə quruculuğunun əsasını qoymuşdur. Bu gün dövlət başçısı cənab İlham Əliyevin ulu öndərin müəyyənləşdirdiyi yolu uğurla davam etdirməsi səhiyyə sisteminin də inkişafına səbəb olub. Muxtar respublikada da əhalinin sağlamlığının qorunması diqqət mərkəzində saxlanılır. Son illər tikilərək və ya yenidən qurularaq istifadəyə verilən, ən müasir tibbi avadanlıqlarla təchiz olunmuş xəstəxanalar, dispanserlər, həkim ambu­latoriyaları insan amilinə verilən dəyərin daha bir ifadəsidir.

Ardını oxu...

Naxçıvan Muxtar Respublika Mərkəzi Xəstəxanasının baş hə­kiminin müavini, neyrocərrah ­Ramazan Abbasov tərəfindən aparılan neyrocərrahiyyə əməliyyatı uğurla nəticələnib.
Xəstəxanaya gətirilən Kəngərli rayonunun Yurdçu kənd sakini, 79 yaşlı Feyzulla Əliyevə beyin qanaması (xroniki subdural hematoma), sol tərəfin iflici (hemipilegiası) ­diaqnozu qoyulub. Xəstədə yüksək təzyiqlə yanaşı, şəkərin 400 milli­qram-faiz səviyyəsinə yüksəlməsi də müşahidə edilib. Onun hərəkət və danışıq qabiliyyəti tamamilə məhdud olub.
Xəstə yaxınları Naxçıvanda mürəkkəb tibbi əməliyyatların aparılması üçün kifayət qədər əsaslı maddi­-texniki bazanın olduğunu vurğulayaraq xəstənin yüksəkixtisaslı yerli cərrahlar tərəfindən tibbi əməliyyat olunmasını xahiş ediblər.

Ardını oxu...

Azərbaycan Respublikası Prezidentinin müvafiq Sərəncamı ilə 2020-ci ildə ölkəmizdə icbari tibbi sığortanın tam tətbiqinə başlanılacaqdır. Artıq muxtar respublikamızda bununla bağlı müəyyən işlər görülüb, Ali Məclisin Sədri bu il martın 18-də Naxçıvan Muxtar Respublikasında icbari tibbi sığortanın tətbiqinin təmin edilməsi ilə bağlı tədbirlər haqqında Fərman imzalayıb, dövlət səhiyyə sisteminə daxil olan tibb müəssisələrinin icbari tibbi sığorta sisteminə inteqrasiyasının təmin olunması, onlarda informasiya-kommunikasiya texnologiyalarının imkanlarından istifadə etməklə müvafiq proqram təminatının yaradılması, habelə həmin tibb müəssisələrinin yeni maliyyələşmə mexanizmləri əsasında 2020-ci ildən tam fəaliyyətə başlamasının təminatı ilə əlaqədar zəruri tədbirlərin görülməsi məqsədəuyğun hesab edilib.

Qeyd edək ki, icbari tibbi sığorta əhalinin və dövlətin səhiyyənin maliyyələşməsində fəal iştirakını təmin etməklə sosial həmrəylik prinsipinə əsaslanır və səhiyyənin dayanıqlı, innovativ maliyyələşmə metodu hesab edilir. Muxtar respublikamızda icbari tibbi sığorta sahəsində təcrübənin olmadığı nəzərə alınaraq bu prosesin mərhələli qaydada həyata keçirilməsi nəzərdə tutulur. Naxçıvan Muxtar Respublikası Ali Məclisi Sədrinin 2017-ci il mayın 3-də imzaladığı “Sədərək rayonunda icbari tibbi sığortanın tətbiqi ilə bağlı tədbirlər haqqında” Fərmanına uyğun olaraq ilk mərhələdə həmin rayonda bu işə start verilib. “Sədərək rayonunda icbari tibbi sığortanın tətbiqi ilə bağlı əlavə tədbirlər haqqında” Ali Məclis Sədrinin 2018-ci il 27 yanvar tarixli Sərəncamı ilə Sədərək rayonunda icbari tibbi sığortanın tətbiqinin təmin olunması, işçilərin sosial vəziyyətinin yaxşılaşdırılması və fəaliyyətin stimullaşdırılması məqsədilə Sədərək Rayon Mərkəzi Xəstəxanası publik hüquqi şəxs statusu alıb.

Ardını oxu...

“Naxçıvan Muxtar Respublikasında uşaqların icbari dispanserizasiyadan keçirilməsinə dair 2018-2022-ci illər üçün Dövlət Proqramı”nın icrası istiqamətində görülən tədbirlər çərçivəsində aprelin 2-dən 25-dək cari mövsümün dərin tibbi müayinələri keçiriləcək.
Əziz Əliyev adına Naxçıvan Muxtar Respublikası Mərkəzi Uşaq Xəstəxanası tərəfindən bu il Naxçıvan şəhərində 20 tam orta məktəbin şagirdləri yaz mövsümünün dərin tibbi müayinələri ilə əhatə ediləcəklər. Bu məqsədlə müxtəlifixtisaslı həkimlərdən ibarət briqada təşkil olunub. Dərin tibbi müayinələrə Naxçıvan şəhərindəki 1 nömrəli tam orta məktəbdə start verilib. İlk gün 397 şagird dərin müayinədən keçirilib. Bəzi şagirdlərdə miopiya (yaxındangörmə), ortodontik, nitq qüsurları, konstisional piylənmə, xroniki tonzillit və digər xəstəliklər aşkarlanıb, lazımi müalicə tədbirləri təşkil olunub.
Muxtar respublikanın rayonlarında da məktəbəqədər və məktəbyaşlı uşaqların kütləvi profilaktik müayinələrinə start verilib.

Naxçıvan Muxtar Respublikası Səhiyyə Nazirliyinin
mətbuat xidməti

Martın 5-də Əziz Əliyev adına Naxçıvan Muxtar Respublikası Mərkəzi Uşaq Xəstəxanasında uşaqlara göstərilən ftiziatrik və fizioterapevtik xidmətə dair elmi-praktik seminar keçirilib.
Tədbiri xəstəxananın baş həkimi Rəhim Rəhimov açaraq bildirib ki, uşaqlara tibbi yardım göstərən tibb müəssisələrinin maddi-texniki bazasının yaxşılaşdırılması, onların müasir tibbi texnika və ləvazimatlarla təchiz edilməsi, yeni tibbi texnologiyaların tətbiqi, tibbi kadrların peşə səviyyəsinin artırılması və digər tədbirlər uşaqlara göstərilən tibbi xidmətin keyfiyyətinin artırılmasına imkan vermişdir. Uşaqlar arasında xəstəliklərin vaxtında aşkar edilməsi məqsədilə icbari tibbi müayinələrin aparılmasının, aşkar edilmiş xəstə uşaqların dispanserizasiyaya cəlb edilməsinin və müalicə-sağlamlaşdırıcı tədbirlərin həyata keçirilməsinin də müstəsna əhəmiyyəti vardır.
Diqqətə çatdırılıb ki, hazırda əhalinin, xüsusən məktəbyaşlı uşaqların sağlamlığının qorunmasına, onların müayinə və müalicəsinə, dispanserizasiyasının təşkilinə xüsusi diqqət yetirilir.

Ardını oxu...

Naxçıvan Muxtar Respublikası Səhiyyə Nazirliyi martın 1-də Babək Rayon Mərkəzi Xəstəxanasında səyyar kollegiya iclası keçirib.
Nazir Niyazi Novruzov çıxış edərək bildirib ki, muxtar respublika rəhbərinin qayğı və diqqəti nəticəsində bu gün səhiyyə müəssisələrində dünyanın aparıcı şirkətlərinin istehsalı olan müasir avadanlıqlarla, yeni texnologiyalarla müayinə və müalicə işləri aparılır. Babək Rayon Mərkəzi Xəstəxanası da belə səhiyyə müəssisələrindən biridir. Burada yüksəkixtisaslı həkimlər müasir tibbi avadanlıq və cihazlarla müayinə, müalicə işləri aparırlar. Naxçıvan Muxtar Respublika Xəstəxanası, Diaqnostika-Müalicə Mərkəzi ilə yanaşı, Bakı şəhərindən yüksəkixtisaslı mütəxəssislərin dəvət olunaraq müxtəlif cərrahi əməliyyatlar aparmaları, humanitar tibbi aksiyaların keçirilməsi ənənə halını alıb. Aztəminatlı ailələrdən olan xəstələrin muxtar respublikadan kənara getmədən mürəkkəb cərrahi əməliyyatların təşkili onlara həm maddi, həm də mənəvi dəstək olub. Rayonda sağlamlığa mənfi təsir edən faktorların aradan qaldırılması əhalinin hər bir təbəqəsinin sağlamlığının qorunması işində əsaslı dönüş yaradıb.

Ardını oxu...

Ölkəmizdə səhiyyənin inkişafı yönündə məqsədyönlü və ardıcıl tədbirlər görülür, həkim və tibb işçilərinin sosial müdafiəsinin gücləndirilməsi, ixtisaslı və peşəkar həkim kadrlarının hazırlanması diqqət mərkəzində saxlanılır. Bütün bunlar isə Azərbaycan səhiyyəsinin yeni inkişaf mərhələsinə qədəm qoymasına stimul olub. Muxtar respublikamızda da səhiyyənin müasir tələblər səviyyəsində inkişafı təmin edilib. Səhiyyə müəssisələri üçün hər il yeni binalar inşa olunur, tibb ocaqları müasir avadanlıqlarla təchiz edilir. Bu yaxınlarda Şərur Rayon Uşaq Xəstəxanasının istifadəyə verilməsi də görülən işlərin davamıdır. Səhiyyə ocağı ilə tanış olmaq üçün oraya üz tutur, baş həkim Günay Quliyeva ilə həmsöhbət oluruq.

Günay həkim bildirir ki, xəstəxanada stasionar şöbə, poliklinika bölməsi və yoluxucu xəstəliklər üçün izolyator fəaliyyət göstərir. Stasionar şöbə 3 palata, reanimasiya və intensiv terapiya, uşaqlar üçün oyun və işçilər üçün otaqlardan ibarətdir. Poliklinika bölməsi birinci və ikinci mərtəbələrdə yerləşir. Birinci mərtəbədə qeydiyyat, dispanserizasiya, təcili tibbi yardım və manipulyasiya, stomatoloq, stomatoloq-ortodont, fizioterapiya, laboratoriya, ultrasəslə müayinə, kardio­revmotoloq, nevropatoloq, cərrah-travmatoloq, qəbul üzrə həkim, sahə pediatrları və sahə tibb bacıları, peyvənd və BÇJ kabinələri, yeməkxana, mətbəx, camaşırxana, texniki işçilər üçün otaqlar vardır.

Ardını oxu...

Naxçıvan Muxtar Respublika Xəstəxanasında “Endokrinologiyanın aktual problemləri” mövzusunda elmi-praktik konfrans keçirilib.

Ardını oxu...

Naxçıvan Muxtar Respublikası Yoluxucu Xəstəliklər Mərkəzində Polimeraz zəncirvarı reaksiyası (PZR) üçün termik dövr cihazından istifadəyə başlanılması səhiyyə sisteminin maddi-texniki bazasının möhkəmləndirilməsi istiqamətində növbəti uğurlardan biridir. Mərkəz əvvəllər bu cihazla təchiz edilsə də, manual hissə çatışmadığından indiyədək istifadəsiz halda idi. Həmin hissə ötən ilin sonlarında alınaraq cihazla birgə fevralın 7-də Yoluxucu Xəstəliklər Mərkəzinin QİÇS şöbəsində işə salınıb. Bu prosesdə Bakı şəhəri və Ankaradan dəvət edilmiş tibb üzrə mütəxəssislərlə birgə çalışan həkim-laborant Münəvvər Ələsgərli kifayət qədər təcrübə qazanaraq analizləri sərbəst şəkildə həyata keçirir.
Hazırda müasir səhiyyə sistemində son modellərdən sayılan termik dövr cihazı ilə HİV daşıyıcısı olan xəstələrin laborator müayinələri aparılır. Bundan əlavə, hepatit B və C viruslarının müayinəsi üçün aparata xüsusi proqram yüklənib. Yaxın günlərdə həmin müayinələrlə yanaşı, qrip viruslarının laborator müayinələri də icra olunacaq.

Ardını oxu...

Muxtar respublika ərazisində kəskin respirator virus infeksiyası ilə bağlı təhlükəli hala rast gəlinməsə də, hava şəraitinin qeyri-sabit keçməsi zəruri qabaqlayıcı profilaktik tədbirlərin gücləndirilməsini tələb edir. Muxtar respublikanın Səhiyyə Nazirliyinin iş planına uyğun olaraq ictimai yerlərdə – xüsusən məktəb və bağçalarda kəskin respirator infeksion xəstəliklərinin profilaktikası məqsədilə dezinfeksiya işləri aparır. Həmin tədbirlər Naxçıvan Muxtar Respublikası Gigiyena və Epidemiologiya Mərkəzi, onun rayon təşkilatları tərəfindən həyata ­keçirilir.
Cari həftə ərzində Naxçıvan şəhər dəmiryol və avtovağzallarında, topdan və pərakəndə satış məntəqələrində dezinfeksiya tədbirləri başa çatıb. Rayonlarda, əsas etibarilə, siniflərdə, idman zallarında, qarderoblarda, bufet və yemək­xanalarda, dəhlizlərdə, sanitar qovşaqlarında və digər yerlərdə dezinfeksiya işləri təşkil edilib. Tədbirin gedişində tibb işçiləri tərəfindən məktəb və məktəbəqədər uşaq müəssisələrinin girişində tibbi müşahidələr aparılır. Kəskin respirator virus infeksiyası xəstəliyinə şübhəli hal aşkar olunduqda ambu­lator müalicəyə göndərilir. Xəstəlik halları müşahidə edilmiş uşaqlar haqqında isə Əziz Əliyev adına Naxçıvan Muxtar Respublikası Mərkəzi Uşaq Xəstəxanasının Poli­klinika şöbəsi ilə əlaqə saxlanılır. Bununla yanaşı, məktəb kollektivi və şagirdlər arasında səhiyyə maarifi işi aparılır.
Dezinfeksiya tədbirləri mövsüm ərzində davam etdiriləcək.

Naxçıvan Muxtar Respublikası
Səhiyyə Nazirliyinin mətbuat xidməti

Dünən Naxçıvan Muxtar Respublika Xəstəxanasında yoluxucu və dəri-zöhrəvi xəstəliklərinin müasir müayinə və müalicəsinə həsr olunmuş elmi-praktik konfrans ­keçirilib.
Naxçıvan Muxtar Respublikası Yoluxucu Xəstəliklər Mərkəzinin baş həkimi Xeyrənsə Babayeva məruzə edərək bildirib ki, son illər yoluxucu xəstəliklərlə mübarizə və profilaktika sahəsində aparılan tədbirlər nəticəsində vaxtaşırı olaraq qonşu ölkələrdə və ümumiyyətlə, regionda müşahidə edilən epidemioloji gərginliyə baxmayaraq, muxtar respublikamızda epidemioloji sabitlik təmin edilib.

Ardını oxu...

Dünən Ordubad Rayon Mərkəzi Xəstəxanasında ana və uşaqların sağlamlığının qorunmasına dair seminar-treninq keçirilib.
Naxçıvan Muxtar Respublikasının səhiyyə nazirinin müavini Samrat Gəncəyeva bildirib ki, ana və uşaqlara göstərilən tibbi xidmətin keyfiyyətinin yaxşılaşdırılması dövlətin sosialyönümlü siyasətinin prioritet istiqamətlərindən biridir. Son illər muxtar respublikamızda bu sahədə mühüm tədbirlər həyata keçirilib, ana və uşaqlara tibbi xidmət göstərən müəssisələrin maddi-­texniki bazası möhkəmləndirilib, dərman preparatları və tibbi texnika ilə təminatı yaxşılaşdırılıb. İstifadəyə verilən kənd həkim ambulatoriyalarının, feldşer-mama məntəqələrinin hər birində zəruri avadanlıqlarla təchiz edilmiş doğuş otaqları yaradılıb.

Ardını oxu...

Bu gün muxtar respublikada digər prioritet sahələr kimi səhiyyə müəssisələrinin tibbi kadrlara olan tələbatının ödənilməsi üçün də ardıcıl tədbirlər görülür. Naxçıvan Dövlət Universitetində Tibb fakültəsi üçün korpusun, Naxçıvan Tibb Kolleci binasının müasir tələblər səviyyəsində yenidən qurulması, ixtisasların sayının artırılması səhiyyə müəssisələrinin ixtisaslı tibbi kadrlarla təminatına geniş imkanlar açıb. Onların bilik və bacarıqlarının daim yüksəldilməsi üçün müvafiq mexanizmlər yaradılır, o cümlədən xarici ölkələrdə təlimlər təşkil edilir. Naxçıvan Dövlət Universitetinin Tibb fakültəsinin məzunu, tibb üzrə fəlsəfə doktoru Elvin Əliyev də onlardan biridir. 

Elvin 2013-cü ildə İspaniya Krallığının Santyaqo de Kompostela Universitetinin Tibb fakültəsində doktorantura pilləsinə qəbul olunub. Naxçıvan Muxtar Respublika Xəstəxanasının Cərrahiyyə şöbəsinin həkim-ordinatoru kimi tez-tez iş yoldaşları ilə əlaqə saxlayır, qazandığı elmi yenilikləri onlarla bölüşür. Bildirir ki, bu ölkəyə gəldiyi ilk vaxtlarda bəzi çətinliklərlə rastlaşıb. Çünki hər şey onun üçün tam fərqli və yeni idi: ölkə, mədəniyyət, din, dil və sair. Amma qarşısında bir məqsəd vardı: təhsilini uğurla başa vurmaq və “Papilyar tiroid mikrokarsinomalarında hormonal reseptorlar və BRAF-ın klinik-patoloji tədqiqi. “Porto təklifi”nin təsdiqlənməsi” mövzusunda elmi işini müdafiə etmək. Buna görə də ilk işi elmi rəhbərlərindən məsləhət və tövsiyələr almaq, elmin dərinliklərinə yiyələnmək üçün qısa zaman ərzində ispan dilini yüksək səviyyədə öyrənmək olub. İspan dili ilə yanaşı, türk, ingilis, rus və alman dillərini bilməsi onun elmi-tədqiqat işinə mühüm fayda verib.

Ardını oxu...

  Xalqın, dövlətin ən qiymətli sərvəti uşaqlardır. Uşaqlar xalqın gələcəyi, dövlətin möhkəmliyidir. Bu səbəbdən hər bir dövlət və cəmiyyət gələcəyi olan uşaqların qayğısına qalmağı, onların fiziki və mənəvi cəhətdən böyüməsini təmin etməyi özünün ən ümdə vəzifələrindən biri hesab edir. Ölkəmizdə uşaqlara qayğının dövlət siyasətinin əsas istiqaməti kimi müəyyənləşməsi ulu öndərimiz Heydər Əliyevin adı ilə bağlıdır. “Mən həyatımın, bu günümün, gələcəyimin xoşbəxtliyini məhz uşaqlara qayğıda, diqqətdə görürəm”, – deyən dahi şəxsiyyət onların layiqli vətəndaş kimi formalaşdırılmasını  hər bir dövlətin başlıca sosial məsuliyyətlərindən biri kimi belə dəyərləndirirdi: ”Uşaqlar bizim gələcəyimizdir. Gələcəyimizi nə cür tərbiyə edəcəyiksə, böyüdəcəyiksə, ölkəmizin, millətimizin, dövlətimizin gələcəyi bundan asılı olacaqdır”.

Ulu öndərin müəyyənləşdirdiyi dövlət uşaq siyasəti bu gün muxtar respublikamızda da uğurla həyata keçirilir, müxtəlif təbəqələrdən olan uşaqların hər birinə xüsusi diqqət və qayğı göstərilir. Naxçıvan Muxtar Respublikası Ali Məclisinin Sədri cənab Vasif Talıbovun dediyi kimi: “Əgər xalqımızın, dövlətimizin gələcəyini düşünürüksə, bu gələcəyin təminatçısı olan uşaq və gənclərin sağlam mühitdə yetişməsi qayğısına qalmalı, onların təlim-tərbiyəsi ilə ciddi məşğul olmalıyıq”.

Ardını oxu...

Naxçıvan Muxtar Respublikası Doğum Mərkəzində Bakı Şəhər Mərkəzi Klinik Xəstəxanasının həkimlərinin iştirakı ilə “Sonsuzluğun müalicəsində müasir texnologiyaların rolu” mövzusunda elmi-praktik konfrans keçirilib.
Konfransda Naxçıvan Muxtar Respublikası Səhiyyə Nazirliyinin Tibbi yardımın təşkili şöbəsinin müdiri Süleyman Cəfərov bildirib ki, ölkəmizdə ana və uşaqlara göstərilən tibbi xidmətin keyfiyyətinin yaxşılaşdırılması dövlətin sosialyönümlü siyasətinin prioritet istiqamətlərindən biridir. Son illər bu sahədə mühüm tədbirlər həyata keçirilib. “Ana və uşaqların sağlamlığının qorunması üzrə Dövlət Pro­qramı”nın icrası ilə bağlı onlara tibbi xidmət göstərən müəssisənin maddi-texniki bazası möhkəmləndirilib, dərman preparatları və tibbi avadanlıqlarla təminatı yaxşılaşdırılıb.
Qeyd olunub ki, hazırda reproduktiv sağlamlığa və ailə planlaşdırılmasına nəzarət daha da gücləndirilib, səhiyyə maarifi işləri günün tələbləri səviyyəsində qurulub. Hamilələrin qeydiyyatı işinin daha da yaxşılaşdırılması məqsədilə mama-ginekoloji şöbələrdə hamilələrin elektron reyestri yaradılıb. Ginekoloji xəstəliklərin vaxtında aşkar edilməsi, müalicə işinin düzgün və səmərəli qurulması üçün profilaktik müayinə tədbirləri daha da gücləndirilib.

Ardını oxu...

1924-cü il yanvarın 18-də Naxçıvan MSSR Mərkəzi İcraiyyə Komitəsinin qərarı ilə Xalq Səhiyyə Komissarlığı yaradılıb və səhiyyə sisteminin dövlət tərəfindən tənzimlənməsinin əsası qoyulub.
Ölkəmizdə səhiyyənin cəmiyyət və dövlət həyatında ən mühüm sahəyə çevrilməsi, onun inkişaf və tərəqqisi xalqımızın ümummilli lideri­­ Heydər Əliyevin adı ilə bağlıdır. Həyatını ölkəmizin yüksəlişinə və insanların xoşbəxtliyinə həsr edən ümummilli liderimiz səhiyyəni cəmiyyət və dövlət həyatında ən mühüm sahə kimi qiymətləndirərək demişdir: “Səhiyyə bizim üçün, hər bir cəmiyyət və dövlət üçün çox lazımlı, həyatın bütün sahələrini əhatə edən sahədir”.
Ulu öndərin Azərbaycana rəhbər­liyinin hər iki dövründə muxtar respublikada 1156 yerlik xəstəxana, poliklinika və ambulatoriyalar tikilmişdir ki, bu da genişmiqyaslı quruculuq və inkişaf konsepsiyasının əyani ifadəsidir. Bu gün dövlət başçısı cənab İlham Əliyevin ulu öndərin müəyyənləşdirdiyi yolu uğurla davam etdirməsi səhiyyə sisteminin də inkişafına səbəb olub. Qəbul olunmuş dövlət proqramlarının icrası xəstələrə göstərilən tibbi xidmətin səviyyəsinin xeyli yüksəlməsinə, xəstəliklər üzrə müayinələrin həcminin artmasına, xəstələrin dərmanla təchizatının əhəmiyyətli dərəcədə yaxşılaşmasına imkan verib.

Ardını oxu...

Bakı şəhərində fəaliyyət göstərən Akademik Mirəsədulla Mirqasımov adına Respublika Klinik Xəstəxanasının yüksəkixtisaslı həkim heyəti yanvar ayının 12-dən başlayaraq Şərur rayonunda üçgünlük humanitar aksiya keçirib.

Ardını oxu...

Muxtar respublikamızda dekabr ayında epidemioloji vəziyyət sabit olub, zəhərlənmələr baş verməyib. İnfeksiya ocaqlarında profilaktik və epidemiya əleyhinə tədbirlər həyata keçirilib. Yenidoğulmuş uşaqların 271-i idarə­olunan yoluxucu xəstəliklərə görə BSJ, hepatit B, poliomielit peyvəndi alıb. Ay ərzində aşkar olunan hepatit xəstəliklərinə qarşı müvafiq profilaktik tədbirlər görülüb. Yoluxma mənbələri müəyyənləşdirilib və səhiyyə maarifi işi aparılıb.
Mövsümi xəstəliklərin və zəhərlənmələrin qarşısını almaq məqsədilə qidalanma sənayesi, kommunal, ictimai iaşə, ticarət, su təchizatı, müalicə-profilaktika müəssisələrinin rəhbərlərinə müvafiq göstərişlər verilib, su təchizatı sistemlərində, ictimai, inzibati və fərdi ­binalarda, məişət tullantıları qoyulan meydançalarda 27 min 750 kvadratmetr sahədə dezinfeksiya və 10 min 600 kvadratmetr ərazidə dezinseksiya tədbirləri həyata keçirilib.

Ardını oxu...

Bu gün onkoloji xəstəliklərin qarşısının alınması üçün ölkəmizdə, eləcə də muxtar respublikamızda məqsədyönlü tədbirlər görülür. 1946-cı ildə Naxçıvan Şəhər Poliklinikasında 20 çarpayılıq onkoloji kabinet, 1951-ci ildən dispanser kimi fəaliyyət göstərən indiki Naxçıvan Muxtar Respublikası Onkoloji Mərkəzi üçün 2009-cu ildə yeni bina inşa olunub. Mərkəz lazımi tibbi avadanlıqlarla təchiz edilərək müasir səhiyyə mərkəzinə çevrilib.
Mərkəzdə onkoloji xəstəliklərin diaqnozu və müalicəsi üçün müasir tələblərə cavab verən aparatlar quraşdırılıb. Burada stasionar şöbə, poliklinika və şüa bölmələri fəaliyyət göstərir.
Hazırda mərkəzdə süd vəzi xərçənginin diaqnostikası üçün ultrasəslə müayinə, rəqəmsal mammoqrafiya aparatları, onkoloji xəstəliklərin diaqnostikasında əsas rol oynayan onkomarkerlərin təyin olunduğu histoloji və sitoloji laboratoriya fəaliyyət göstərir. Laboratoriya şöbəsinin müdiri, həkim­-laborant Hüseyn Qasımov 27 illik həkimlik təcrübəsinə əsaslanaraq bildirir ki, müasir səhiyyə ocağında yaradılan geniş imkanlar onkoloji xəstəliklərin vaxtında aşkar olunmasında mühüm rol oynayır. Xəstəlik vaxtında aşkar olunduğu zaman isə onun qarşısını almaq daha asan olur.

Ardını oxu...

Son illər Naxçıvan səhiyyəsində müxtəlif sahələr üzrə çalışan    yüksəkixtisaslı gənc həkimlərin sayı xeyli artıb. Təkcə ötən ilin 11 ayında səhiyyə müəssisələrində işlə təmin olunan 32 həkim və 127 tibb işçisinin əksəriyyətini gənclər təşkil edir. Əziz Əliyev adına Naxçıvan Muxtar Respublikası Mərkəzi Uşaq Xəstəxanasının Stomatologiya şöbəsinin həkim ortodont stomatoloqu  Əli Məmmədov da belə kadrlardan biridir.

Əli Məmmədov 2009-2015-ci illərdə Ukraynanın Vinnitsa şəhərində İ.V.Piroqov adına Milli Tibb Universitetinin Stomatologiya fakültəsini bitirib. Bakı şəhərində həkim ortodont stomatoloq kimi fəaliyyətə başlayıb, 2018-ci ilin yanvar ayından isə uşaq xəstəxanasında çalışır. Bilik və bacarığı, səmimiliyi, ünsiyyətcilliyi qısa müddətdə kollektiv arasında hörmət, xəstələrin isə inam və etibarını qazanmasına səbəb olub.
Qeyd edək ki, ortodontiya stomatologiyanın böyümə və inkişafı davam edən və ya tam yetkin fərdlərdə görünən diş və çənə anomaliyalarının qarşısının alınması və müalicəsi ilə məşğul olan əsas sahəsidir. Əli həkim çalışdığı səhiyyə müəssisəsində bu sahə üzrə ilk mütəxəssis olmasa da, artıq bir neçə ilkə imza atmaqla müəyyən uğurlar qazanıb. Şagirdlər arasında yaz mövsümünün dərin tibbi müayinələri zamanı onun təşəbbüsü ilə distal anomaliyası olan xəstələrin müalicədən əvvəl və sonrakı rentgen analizləri aparılıb. Müalicələrdən sonra tənəffüs sisteminin tam yaxşılaşdığı müşahidə olunub.

Ardını oxu...

Muxtar respublikada əhaliyə göstərilən səhiyyə xidmətinin səviyyəsi ilbəil yüksəldilir. Səhiyyə infrastrukturunun yenilənməsi əhalinin sağlamlığının qorunması işində əsaslı dönüşə səbəb olmuşdur. Müasir tibb ocaqlarının tikilib istifadəyə verilməsi, insanların ­sağlamlığının yaxşılaşdırılması, əhalinin bütün təbəqələrinin keyfiyyətli tibbi xidmətlə təmin edilməsi diqqət mərkəzində saxlanılır. Bununla yanaşı, yüksək­ixtisaslı həkim briqadalarının mütəmadi olaraq muxtar respublikaya gəlməsi də aztəminatlı ailələrdən olan xəstələrin müayinə və müalicəsinə hərtərəfli şərait yaradır.

Ardını oxu...

Naxçıvan Tibb Kollecinin müxtəlif ixtisaslar üzrə 12 nəfərdən ibarət tələbə və müəllim heyətinin Ankara şəhərində fəaliyyət göstərən Yıldırım Bəyazit Eyitim və Araşdırma Xəstəxanasında biraylıq təcrübə kursu başa çatıb. Keçirilən kurs ixtisaslı kadrların hazırlanması ilə yanaşı, elmi əlaqələrin genişləndirilməsinə də xidmət edib. 

Qazanılan elmi və praktik vərdiş­lər təcrübə keçən tələbələr üçün iş yerlərində çox əhəmiyyətli olacaqdır. Heyətdə təmsil olunan tələbələrdən 5 nəfəri tibb bacısının işi, 5 nəfər isə mamalıq ixtisasları üzrə təhsil alır. Təcrübə müddətində tibb bacıları araşdırma xəstəxanasının ortopedik və infeksion xəstəlikləri, mamalıq ixtisasından olan tələbələr isə Doğum və Yenidoğulmuşlar şöbələrində fəaliyyət göstəriblər. Tələbələr Daxili xəstəliklər və LOR şöbələrinin də işi ilə tanışlıq imkanı qazanıblar. Təcrübədə məqsəd tələbələrin xəstələrlə ünsiyyət yaratmaq, gündəlik həkim təyinatlarını yerinə yetirmək bacarıqlarına yiyələnmələri olub.
Tələbələr kurs müddətində araşdırma xəstəxanasının Daxili xəstə­liklər və Cərrahiyyə, Təcili tibbi yardım üzrə bölmələrində, Yenidoğulmuşlar, Döş qəfəsi, Yoluxucu xəstəliklər şöbələrində plastik və qeysəriyyə əməliyyatlarını izləyib, doğuş palatalarında, genetik laboratoriyada iş prosesi ilə tanış olub, müasir tibbi avadanlıq və cihazların istifadə qaydalarını, yeni müayinə­-müalicə üsullarını mənimsəyiblər. Onlar müxtəlif manipulyasiyaların həyata keçirilməsində, sarğıların qoyulmasında, digər tibbi proseslərdə iştirak edib, qarşılıqlı təcrübə mübadiləsi aparıblar.
Tələbələrdən Kifayət Pənahova, Turalə Əmirbəyli, Bəhruzə Hüseynova, Rahibə Məmmədova onların müasir nəzəri və təcrübi biliklərə yiyələnmələri üçün unikal şərait yaradanlara öz minnətdarlıqlarını bildiriblər.
Türkiyə Respublikasının tanınmış klinika və ali məktəbləri arasında qarşılıqlı əməkdaşlıq əlaqələri bundan sonra da davam etdiriləcəkdir.

Hüseyn ƏSGƏROV

Akademik Mirəsədulla Mirqasımov adına Respublika Kliniki Xəstəxanasının bir qrup professor­-həkim heyəti Ordubad və Şahbuz Rayon Mərkəzi xəstəxanalarında humanitar tibbi aksiyalar keçirib.
Ordubad Rayon Mərkəzi Xəstəxanasında təşkil olunan aksiyada Klinik Xəstəxananın baş həkimi Telman İbadovun rəhbərliyi ilə 26 yüksəkixtisaslı həkim və orta tibb işçisi iştirak edib. Aksiyada 1480 nəfər ambulator müayinə ilə əhatə olunub.
Aztəminatlı ailələrdən cərrahi müdaxiləyə ehtiyacı olan 63 nəfər üzərində əməliyyatlar aparılıb. 3 gün davam edən aksiyada pasiyentlər müxtəlif müayinələrdən keçiblər.
Şahbuz rayonunda isə 41 nəfərin müayinə və müalicəsi həyata keçirilib. Aztəminatlı ailələrdən 42 nəfərin üzərində ümumi cərrahi əməliyyatlar aparılıb.

Naxçıvan Muxtar Respublikası
Səhiyyə Nazirliyinin mətbuat xidməti

Naxçıvan səhiyyəsinin dünəni barədə söhbət düşəndə yaşlı insanlar illər öncənin bu sahədəki çatışmazlıqlarını yada salır, bugünkü vəziyyətlə müqayisə edirlər. Yararsız xəstəxana binaları, köhnə avadanlıqlar, kadr çatışmazlığı o dövr səhiyyəsinin əsas xarakterik xüsusiyyətlərindən idi. Şəhərə nisbətən kəndlərdə vəziyyət daha acınacaqlı olurdu. Nə həkim tapılırdı, nə də ki dərman. Pis günün ömrü az olar, – deyiblər. İllər keçdi Vətən, millət qədri bilənlər qurub-yaratdılar, xalqın sabaha inamı özünə qaytarıldı. Qısa müddət ərzində bütün sahələrdə dirçəliş özünü göstərdi. Səhiyyə sahəsinə də xüsusi diqqət yetirildi. Çox keçmədi ki, ən ucqar kəndlərdə belə, müasir səhiyyə infrastrukturu yaradıldı, tibbi xidmətin səviyyəsi yüksəldi. Bu sahədə yüksəkixtisaslı kadrların hazırlanması işi də diqqətdən kənarda qalmadı. Bir sözlə, insanların muxtar respublika səhiyyəsinə, həkimlərə olan inamı artdı.

Bu gün paytaxt Naxçıvan şəhərində sakinlərin sağlamlığı keşiyində duran müasir səhiyyə ocaqları fəaliyyət göstərir, tibb müəssisələri ən yeni avadanlıqlarla təmin olunub, bacarıqlı kadrlar işə cəlb edilib. Naxçıvan şəhərinin Qaraçuq kəndindəki həkim ambulatoriyası da məhz belə şəfa ocaqlarındandır. Ötən günlərdə həmin ünvanda səhiyyə sahəsində yüksəlişin bir daha şahidi olduq.

Ardını oxu...

Naxçıvan Tibb Kollecində Naxçıvan Muxtar Respublika Xəstəxanası, “Naxçıvan Diaqnostika-Müalicə Mərkəzi” publik hüquqi şəxsi, Naxçıvan Şəhər Təcili Tibbi Yardım Mərkəzi, rayon mərkəzi xəstəxanaları və onların tabeliyindəki tibb müəssisələrində çalışan 31 feldşer üçün treninqlər təşkil edilib. İlk məşğələdə kəskin öd və böyrək sancısı, kəskin qida zəhərlənmələri, klinikası və diferensasiyası, suda boğulma, elektrik vurma, donmalar və dəm qazı ilə zəhərlənmələr, zəhərli həşəratlar və ilan sancmaları zamanı göstərilən ilk tibbi yardım tədbirləri haqqında təcili tibbi yardım sahəsində çalışan tibb işçilərinə ətraflı məlumat verilib. Mulyajlar üzərində təcrübələr aparılıb, tibbi yeniliklərlə bağlı mühazirələr oxunub. Elektron lövhələrdə mövzuya dair slaydlar nümayiş etdirilib, dinləyiciləri maraqlandıran suallar cavablandırılıb.
Praktik məşğələlər isə Naxçıvan Muxtar Respublika Xəstəxanasının müvafiq şöbələrində həyata keçirilir. Müdavimlər tibbi prosedurlarda iştirak edir, müasir aparat və avadanlıqlardan istifadə qaydalarını öyrənirlər.
Məşğələlər Naxçıvan Muxtar Respublika Xəstəxanası Anesteziologiya-reanimasiya və intensiv terapiya şöbəsinin müdiri Azər Məmmədov, şöbənin həkimləri Elsevər Ağəliyev, Bəxtiyar Hüseynov, Tahirə Hüseynova və Təcili təxirəsalınmaz və planlı yardım şöbəsinin müdiri Pəri Əliyeva, eləcə də Tibb Kollecinin müəllimləri tərəfindən qrafik əsasında həyata keçirilir.
Kursun ilk mərhələsi 25 gün davam edəcək və növbəti mərhələyə daha 30 feldşer cəlb olunacaq.

Hüseyn Əsgərov

Əziz Əliyev adına Azərbaycan Dövlət Həkimləri Təkmilləşdirmə İnstitutu əməkdaşlarının iştirakı ilə Naxçıvan Muxtar Respublikası Doğum Mərkəzində mamalıq və ekstragenital patologiya üzrə üçgünlük seminar-treninq keçirilir.
Tədbirdə çıxış edən Naxçıvan Muxtar Respublikası səhiyyə nazir­i­­­­­nin müavini Samrat Gəncəyeva bildirib ki, nazirliyin bu ilin noyabr ayında keçirilən kollegiya iclasında doğuşayardım xidmətinin yaxşılaşdırılması məqsədilə bir sıra vəzifələr müəyyənləşdirilib. Bununla bağlı rayonlarda ginekoloqların və mama tibb bacılarının iştirakı ilə seminarların keçirilməsinə başlanılıb. Ginekoloji xəstəliklərin vaxtında aşkar edilməsi, qeydiyyatının aparılması, onların vaxtlı-vaxtında tibbi müayinədən keçirilməsi, aşkar edilən xəstəliklərin müalicə işinin düzgün və səmərəli qurulması üçün profilaktik müayinə tədbirləri, reproduktiv sağlamlıq və ailə planlaşdırılması problemlərinə nəzarət daha da gücləndirilib. Hamilələrin qeydiyyatı işinin daha da yaxşılaşdırılması məqsədilə mama-­ginekoloji şöbələrdə hamilələrin elektron reyestri yaradılıb.

Ardını oxu...

Ötən il Naxçıvan Muxtar Respublika Xəstəxanasında Qan bankının fəaliyyətə başlaması qan köçürülməsinə ehtiyacı olan xəstələrin müalicəsinə göstərilən tibbi xidmətin səmərəliliyini xeyli yüksəldib.
Hazırda müxtəlif travma və yaralanmalar, mürəkkəb cərrahi əməliy­yatlar zamanı qan itirmələrdə, xroniki qanazlığında, qanın irsi və qazanılmış xəstəliklərində, ürək, böyrək, mədə-bağırsaq, qaraciyər və digər daxili orqanların müxtəlif xəstəliklərində, onkoloji xəstələrin müalicəsində Qan bankı tərəfindən tədarük olunan qandan və ya qandan hazırlanmış preparatlardan geniş istifadə olunur. Bu isə qana olan tələbatı daha da artırır.
Muxtar respublikada son dövrlərdə qan donorlarının sayı iki dəfədən çox artıb. Qan komponentlərinin də miqdarı, keyfiyyəti və təhlükəsizliyi xeyli yüksəlib. Əhalinin bu işə aktiv cəlb edilməsi pullu donorluqdan tam imtina edilməsinə imkan yaradıb. Hazırda Naxçıvan Muxtar Respublika Xəstəxanasında mövcud şərait mərkəzi Qan bankının fəaliyyətinə geniş imkanlar açıb. Qan Bankında qan komponentlərinin uzun müddət saxlanılması üçün dondurucu və soyuducu avadanlıqlar mövcuddur. Bu isə qanı 42 günə qədər, plazmanı isə bir il müddətində saxlamağa imkan verir.
Burada əlverişli şərait yaradılıb, yeni avadanlıqlar quraşdırılıb. Bu avadanlıqlar vasitəsilə Qan bankında müxtəlif xəstəliklərin müalicəsi üçün qanın komponentləri olan plazma, eritrositar, limfositar və trombositar kütlənin alınması, saxlanması və məqsədyönlü istifadəsi həyata keçirilir.

Naxçıvan Muxtar Respublikası
Səhiyyə Nazirliyinin mətbuat xidməti

Dünya Azərbaycanlılarının Həmrəyliyi Günü və Yeni il bayramı ilə əlaqədar olaraq Naxçıvan Muxtar Respublikası Diaqnostika-Müalicə Mərkəzi Publik Hüquqi şəxsində vətəndaşlara göstəriləcək tibbi xidmətlərdə bayram güzəştləri ediləcək. Bu tədbirə dekabr ayının 15-dən start veriləcək və 2019-cu il yanvarın 15-də başa çatdırılacaq. Ay ərzində vətəndaşlara göstəriləcək tibbi xidmətlərə 20 faiz həcmində güzəştlər olunacaq.
Bu müddətdə vətəndaşlar Diaqnostika-Müalicə Mərkəzində həyata keçirilən tibbi xidmətin bütün növlərindən, o cümlədən ambulator, KT, MRT, rentgen, ultrasəs, laborator müayinələrdən yararlana bilərlər. Pasiyentlərə ay ərzində stasionar müayinə-müalicə təminatı da verilir. Onlar, həmçinin stomatoloji, cərrahi xidmətlərlə əhatə ediləcək və fizioterapiya təminatı alacaqlar.
Vətəndaşlar Naxçıvan Muxtar Respublikasının Diaqnostika-Müalicə Mərkəzi Publik Hüquqi şəxsində yaradılmış bu imkanlardan istifadə etməklə sağlamlıqlarının etibarlı şəkildə qorunmasına xidmət edə bilərlər.

Naxçıvan Muxtar Respublikası
Səhiyyə Nazirliyinin mətbuat xidməti

İxtisaslı kadrların hazırlanması və beynəlxalq elmi əlaqələrin genişləndirilməsi məqsədilə Naxçıvan Tibb Kollecinin 12 nəfərdən ibarət müəllim və tələbə heyəti Türkiyə Respublikasının Ankara şəhərində yerləşən Halide Edip Mesleki və Teknik Anadolu Liseyində biraylıq təcrübə kursuna yola salınıb.

Ardını oxu...

ARXİV

Mart 2021
Be Ça Ç Ca C Ş B
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

MÜƏLLİFLƏR

KEÇİDLƏR