Son illər muxtar respublikada müalicə-sağlamlıq turizminin inkişafı məqsədilə Duzdağ Fizioterapiya Mərkəzi, Darıdağ Arsenli Su Müalicəxanası, müalicəvi Şorsu palçığı və Naftalan nefti haqqında təbliğat materiallarının, o cümlədən elektron resursların hazırlanması istiqamətində bir sıra işlər görülüb. Görülən tədbirlərin nəticəsi olaraq bu il dekabrın 6-dan muxtar respublikada sanator-kurort müalicələrinə start verilib. İlk dəfə olaraq ölkəmizin paytaxtı Bakı şəhərində yaşayan 44 sağlamlıq imkanları məhdud şəxs sanatoriya-kurort göndərişləri ilə dekabrın 6-da Naxçıvana gəlib.
Naxçıvan Diaqnostika-Müalicə Mərkəzində qonaqlara bu səhiyyə müəssisəsi barədə məlumat verilib. Bildirilib ki, burada sanator-kurort müalicələrinin aparılması üçün hərtərəfli şərait yaradılıb. Şorsu palçığının tətbiqi fizioterapiyanın yeni üsulu kimi müalicələrdə öz faydasını verməkdədir. Naxçıvan Muxtar Respublikası Ali Məclisi Sədrinin tapşırığı ilə müalicə əhəmiyyətli palçıq bu il AMEA Naxçıvan Bölməsi tərəfindən qablaşdırılaraq səhiyyə müəssisələrinə, əczaxanalara verilib.

Azərbaycan Respublikası Səhiyyə Nazirliyi, Naxçıvan Muxtar Respublikası Səhiyyə Nazirliyi, Azərbaycan Oftalmoloqlar Cəmiyyəti və Akademik Zərifə Əliyeva adına Milli Oftalmologiya Mərkəzinin təşəbbüsü ilə dünən Naxçıvanda Azərbaycan gənc oftal­moloqlarının “Müasir oftalmologiya elminin son nailiyyətləri və problemlər” mövzusunda XII elmi-praktik konfransı keçirilib.
Tədbir iştirakçıları əvvəlcə ümummilli liderimiz Heydər Əliyevin Naxçıvan şəhərinin baş meydanında əzəmətlə ucaldılan abidəsinin önünə tər gül dəstələri düzüb, Heydər ­Əliyev Muzeyini ziyarət ediblər.
Konfransı Naxçıvan Muxtar Respublikasının səhiyyə naziri Niyazi Novruzov açıb.
Naxçıvan Muxtar Respublikası Ali Məclisi Sədrinin konfrans iştirakçılarına təbriki oxunub.
Nazir çıxışında muxtar respublikada səhiyyənin o cümlədən oftalmologiyanın inkişafı sahəsində görülən işlərdən bəhs edib.

Dünən Şərur Rayon Mərkəzi Xəstəxanasında antibiotiklərə qarşı rezistenliyin qarşısının alınmasına həsr olunmuş səyyar konfrans keçirilib.
Tədbirdə çıxış edən Naxçıvan Muxtar Respublikası səhiyyə nazirinin müavini Samrat Gəncəyeva bildirib ki, Dünya Səhiyyə Təşkilatının təşəbbüsü ilə hər il noyabr ayında Ümumdünya Anti­biotiklərdən Düzgün İstifadə Həftəsi keçirilir. Məqsəd mikrob əleyhinə preparatlara davamlılıq problemi barədə dünya ictimaiyyətini məlumatlandırmaq və antibiotiklərə davamlılığın daha çox inkişaf etməsinə və yayılmasına yol verməmək üçün bu sahədə qabaqcıl təcrübəni ictimaiyyət, səhiyyə işçiləri arasında təbliğ etməkdir. Çünki antibiotiklər qlobal sağlamlıq üçün artmaqda olan ciddi təhlükədir və onunla əlaqədar tədbirlərin görülməsi zəruri hala çevrilib. Bir çox bakteriyalara davamlı yoluxmanın nəticəsində hər il dünyada 70 min, Avropada isə 33 min insan həyatını itirir. Hazırda dünyada, təxminən, 200 növ antibiotikdən istifadə olunur.

Əziz Əliyev adına Azərbaycan Dövlət Həkimləri Təkmilləşdirmə İnstitutu əməkdaşlarının iştirakı ilə Naxçıvan Muxtar Respublikası Doğum Mərkəzində yenidoğulmuşların reanimasiyası üzrə üçgünlük seminar-treninq keçirilib.
Naxçıvan Muxtar Respublikası səhiyyə nazirinin müavini Samrat Gəncəyeva tədbirdə çıxış edərək bildirib ki, ölkəmizdə ana və uşaqlara göstərilən tibbi xidmətin keyfiyyətinin yaxşılaşdırılması dövlətin sosialyönümlü siyasətinin prioritet istiqamətlərindən biridir. Son illər bu sahədə mühüm tədbirlər həyata keçirilib.
“Ana və uşaqların sağlamlığının qorunması üzrə Dövlət Proqramı”nın icrası ilə bağlı onlara tibbi xidmət göstərən müəssisələrin maddi-texniki bazası möhkəmləndirilib, dərman preparatları və tibbi texnika ilə təminatı yaxşılaşdırılıb.

Əhaliyə göstərilən tibbi xidmətin keyfiyyətinin yaxşılaşdırılması dövlətin sosial siyasətinin prioritet istiqamətlərindən biridir. Xüsusən də məktəbyaşlı uşaqların sağlamlıqlarının qorunmasına, onların müayinə və müalicəsinə, dispanserizasiyasının təşkilinə xüsusi diqqət yetirilir. Bu il oktyabrın 9-da Ali Məclis Sədrinin “Naxçıvan Muxtar Respublikasında uşaqların icbari dispanserizasiyadan keçirilməsinə dair 2018-2022-ci illər üçün Dövlət Proqramı”nın təsdiq edilməsi haqqında imzaladığı  Sərəncam da uşaq əhalisinin sağlamlığının qorunmasına göstərilən dövlət qayğısının parlaq ifadəsidir. Dövlət proqramının məqsədi uşaqlara göstərilən tibbi xidmətlərin keyfiyyətini yüksəltməklə, onlar arasında xəstələnmənin, sağlamlıq imkanlarının məhdudluğunun və ölüm səviyyəsinin azaldılmasından ibarətdir. Yeni dövlət proqramının əhəmiyyəti və görüləcək işlərlə bağlı Naxçıvan Muxtar Respublikası Səhiyyə Nazirliyi Tibbi yardımın təşkili şöbəsinin baş məsləhətçi-pediatrı, Azərbaycan Respublikasının Əməkdar həkimi İbrahim Ağayevlə həmsöhbət olduq:

– İbrahim həkim, Naxçıvan Muxtar Respublikası Ali Məclisi Sədrinin ­Sərəncamı ilə təsdiq olunmuş “Naxçıvan Muxtar Respublikasında uşaqların icbari dispanserizasiyadan keçirilməsinə dair 2018-2022-ci illər üçün Dövlət Proqramı” uşaq əhalisinin sağlamlığının qorunmasında yeni mərhələ açır. Bu mərhələdə qarşıya qoyulan vəzifələr nədən ibarətdir?

Əziz Əliyev adına Naxçıvan Muxtar Respublikası Mərkəzi Uşaq Xəstəxanasının ixtisaslı həkim briqadası tərəfindən cari ilin payız mövsümünün dərin tibbi müayinələri oktyabrın 8-dən 31-dək həyata keçirilib.
Müayinələr 12 min 155 nəfəri əhatə edib. Şagirdlər arasında aşkar edilən xəstəliklərin kompleks müayinəsi üçün onların müvafiq səhiyyə müəssisələrinə göndərilməsinə göstəriş verilib.
Qeyd edilməlidir ki, müayinələrin normal təşkili üçün əvvəlcədən cədvəllər tərtib olunaraq məktəblərə göndərilib. Orta məktəblərdə çalışan tibb işçiləri xəstəxananın Poliklinika şöbəsinə dəvət olunub, lazımi izahatlar verilib. Şagirdlər əvvəlcədən məktəb həkimləri tərəfindən müayinələrdən keçərək qruplaşdırılıb. Profilaktika məqsədilə maarifləndirmə işi gücləndirilib.
Məktəblərdə aparılan tibbi müayinələrdən sonra bu tədbir Naxçıvan şəhərindəki məktəbəqədər müəssisələrdə davam etdirilib.

Hüseyn ƏSGƏROV

Aqillər insan üçün sağlamlığı ən şirin nemət hesab edirlər. Elə el arasında “sağlam bədəndə sağlam ruh olar” deyimi də hədər yerə işlədilmir. Belə ki, canımız sağlam olduqda bütün gözəllikləri görür, naz-nemətin ləziz dadını, tamını duya bilirik. Ömrümüzə qonaq gələn hər fəsil öz bənzərsizliyi ilə sağlam ruhumuzu daha da təzələyir, həyatımız maraqlı və xoş anlarla yaddaşımıza yazılır. Xəstələnən zaman isə gülün, çiçəyin ətrini duya bilmir, giley-güzarımız çoxalır, həyata küskünləşirik.
Payız-qış aylarında havaların dəyişkən olması mövsümi xəstəlikləri qaçılmaz edir. Elə buna görə də ilin bu vaxtlarında soyuqdəymədən əziyyət çəkən, dərman üçün əczaxanalara üz tutan insanların da sayı çoxalır. Böyüklərin bədən müqaviməti və immuniteti güclü olduğu üçün bu xəstəliklər uşaqlara daha çox sirayət edir. Artıq payız fəslinin soyuq nəfəsi duyulduğundan azyaşlılarda mövsümi xəstəliklər baş qaldırır. Valideynləri isə, təbii ki, bir sual düşündürür. Övladını mövsümi xəstəliklərdən necə qorusun?

Naxçıvan Muxtar Respublikası Səhiyyə Nazirliyi əhalinin sağlamlığının qorunması və tibbi xidmətin səviyyəsinin yüksəldilməsi istiqamətində fəaliyyətini oktyabr ayında da davam etdirib. İxtisaslı kadrların hazırlanması, yoluxucu xəstəliklərin profilaktikası, ilkin səhiyyə xidmətinin yeni tələblərə uyğunlaşdırılması ay ərzində də diqqət mərkəzində saxlanılıb.
Muxtar respublikada aparılan genişmiqyaslı quruculuq işlərinə uyğun olaraq ötən ay Babək rayonunun Aşağı Buzqov kənd həkim ambulatoriyası, Yuxarı Buzqov feldşer­-mama məntəqəsi və Babək Rayon Gigiyena və Epidemiologiya Mərkəzi istifadəyə verilib.
Akademik Zərifə Əliyeva adına Milli Oftalmologiya Mərkəzinin həkimləri tərəfindən Naxçıvan Muxtar Respublika Xəstəxanasında 105, Babək Rayon Mərkəzi Xəstəxanasında 79, Culfa Rayon Mərkəzi Xəstəxanasında 33 nəfərdə müayinələr, 24 nəfərdə katarakt əməliy­yatı aparılıb.

Son illər ölkəmizdə, eləcə də muxtar respublikamızda uşaqların sağlamlığının qorunmasına yönəldilmiş çoxsaylı dövlət proqramları qəbul edilir, uşaq hüquqlarının etibarlı təminat mexanizmləri yaradılır, ölkənin sürətli inkişafı fonunda uşaqların təhsili və intellektual inkişafı istiqamətində önəmli layihələr həyata keçirilir.

Oktyabrın 24-də Əziz Əliyev adına Naxçıvan Muxtar Respublikası Mərkəzi Uşaq Xəstəxanasında “Dispanserizasiya xidməti: problemlər və qarşıda duran vəzifələr” mövzusunda konfrans keçirilib.
Tədbiri xəstəxananın baş həkimi Rəhim Rəhimov açaraq bildirib ki, əhalinin, xüsusən məktəbyaşlı uşaqların sağlamlığının qorunmasına, onların müayinə və müalicəsinə, dispanserizasiyasının təşkilinə xüsusi diqqət yetirilir. Bu il oktyabrın 9-da Ali Məclis Sədrinin “Naxçıvan Muxtar Respublikasında uşaqların icbari dispanserizasiyadan keçirilməsinə dair 2018-2022-ci illər üçün Dövlət Pro­qramı”nın təsdiq edilməsi haqqında imzaladığı Sərəncam da uşaqlara göstərilən tibbi xidmətlərin keyfiyyətini yüksəltməklə onların arasında xəstələnmənin, sağlamlıq imkanlarının məhdudluğunun və ölüm səviyyəsinin azaldılması məqsədi daşıyır.
Naxçıvan Muxtar Respublikası Səhiyyə Nazirliyi Tibbi xidmətin təşkili şöbəsinin baş məsləhətçi-pediatrı İbrahim Ağayev qeyd edib ki, məktəbyaşlı uşaqlar arasında mütəmadi olaraq həyata keçirilən dispanserizasiya tədbirləri, o cümlədən kütləvi tibbi müayinələr nəticəsində uşaqların sağlamlığını xarakterizə edən göstəricilərdə nəzərəçarpan müsbət dinamika müşahidə olunur.
Sonra Mərkəzi Uşaq Xəstəxanası baş həkiminin müavini İlkay Əliyevanın, həkimlərdən Aytən Rzayevanın, Leyla Rəsulovanın məruzələri dinlənilib.
Məruzələr videosüjet, diaqram, cədvəl və slaydlarla müşayiət olunub, dinləyiciləri maraqlandıran suallar ­cavablandırılıb.

Naxçıvan Muxtar Respublikası
Səhiyyə Nazirliyinin mətbuat xidməti

Naxçıvan Muxtar Respublikası Səhiyyə Nazirliyinin iş planına uyğun olaraq hər il yaz və payız mövsümlərində tam orta məktəblərin şagirdləri arasında profilaktika xarakteri daşıyan dərin tibbi yoxlamalar aparılır.
Cari ilin payız mövsümünün dərin tibbi müayinələri oktyabrın 8-dən 31-dək həyata keçiriləcəkdir. Müayinələrin normal təşkili üçün əvvəlcədən cədvəllər tərtib olunaraq məktəblərə ­göndərilib. Hazırda tibbi müayinələr muxtar respublikanın hər bir yaşayış məntəqəsini əhatə edir.
Əziz Əliyev adına Naxçıvan Muxtar Respublikası Mərkəzi Uşaq Xəstəxanası tərəfindən isə bu il payız mövsümündə Naxçıvan şəhərinin 20 tam orta məktəbinin şagirdləri dərin tibbi müayinələrə cəlb ediləcək. Bu məqsədlə orta məktəblərdə çalışan tibb işçiləri xəstəxananın Poliklinika şöbəsinə dəvət olunub, lazımi izahatlar verilib. Şagirdlər əvvəlcədən məktəb həkimləri tərəfindən müayinələrdən keçərək qruplaşdırılıblar.

Naxçıvan Muxtar Respublika Xəstəxanasında şəkərli diabet xəstələri ilə görüş keçirilib.
Xəstəxananın baş həkimi Zəbur Bağırov səhiyyənin inkişafına göstərilən dövlət qayğısı nəticəsində digər sahələrlə yanaşı, endokrinologiya sistemində də mühüm irəliləyişlərə nail olunduğunu bildirib. Qeyd edib ki, son illər ölkəmizdə şəkərli diabet xəstəliyinin müalicə və profilaktikası istiqamətində mühüm tədbirlər görülüb. “Şəkərli diabet xəstəliyinə tutulmuş şəxslərə dövlət qayğısı haqqında” Qanun, 2006-2010-cu və 2011-2015-ci illəri əhatə edən “Şəkərli diabet üzrə Dövlət Proqramı” qəbul edilib. Muxtar respublikamızda da görülmüş tədbirlər nəticəsində bu qəbildən olan xəstələrin dərman və özünənəzarət vasitələri ilə təmin olunması xeyli yaxşılaşıb. Hazırda muxtar respublikada onlara şəkər­ölçmə cihazı, test çubuqları və dərmanlar pulsuz verilir.
Sonra Naxçıvan Muxtar Respublika Xəstəxanası Endokrinologiya şöbəsinin müdiri Aysel Dünyamalıyevanın “Şəkərli diabet nədir”, həkim­-endokrinoloqlardan Gülşən Həsənquliyevanın “Şəkərli diabet xəstəliyində ağırlaşmalar”, Aysel İsmayılovanın “Şəkərli diabet və qidalanma”, həkim-oftalmoloq Rəhmiyyə Əliyevanın “Şəkərli diabet və göz xəstəlikləri” mövzularında məruzələri dinlənilib.

Naxçıvan Muxtar Respublikası
Səhiyyə Nazirliyinin mətbuat xidməti

Naxçıvan Muxtar Respublikası Səhiyyə Nazirliyinin, Naxçıvan Dövlət Universitetinin, Azərbaycan İmplantoloq İctimai Birliyinin təşkilatçılığı ilə “Modern və multidissiplinar stomatologiya” mövzusunda elmi-praktik konfrans keçirilib.
Tədbir iştirakçıları əvvəlcə ümummilli lider Heydər Əliyevin Naxçıvan şəhərindəki abidəsi önünə gül dəstələri qoyub, Heydər Əliyev Muzeyini ziyarət ediblər.
Naxçıvan Muxtar Respublika Xəstəxanasında keçirilən tədbiri Naxçıvan Muxtar Respublikasının səhiyyə naziri Niyazi Novruzov açaraq bildirib ki, səhiyyə sisteminin inkişafına dövlət qayğısının artırılması, bu sahənin maddi-texniki bazasının, infrastrukturunun yenidən qurulması, mövcud olan və tikilib istifadəyə verilən kənd həkim ambulatoriyalarında stomatoloji kabinələrin yaradılması, onların müasir avadanlıqlar, müayinə və müalicə aparatları ilə təchiz edilməsi hər bir vətəndaşa öz sağlamlığını qorumağa imkan yaradır.
Nazir qeyd edib ki, Naxçıvan Muxtar Respublikası Ali Məclisi Sədrinin 2017-ci il 3 oktyabr tarixli Sərəncamı ilə Stomatoloji Mərkəzə Naxçıvan Muxtar Respublikası Səhiyyə Nazirliyinin tabeliyində publik hüquqi şəxs statusu verilib. Mərkəzin fəaliyyətinin əsas məqsədi muxtar respublikada stomatoloji tibbi xidmətin göstərilməsi, eləcə də bu sahədə praktik biliklərə yiyələnmənin təmin edilməsidir.

Naxçıvan Muxtar Respublika Xəstəxanasının Cərrahiyyə şöbəsinin həkimləri Səfər Qədimov və Həbib Məmmədov tərəfindən muxtar respublika səhiyyəsində ilk dəfə laparoskopik total histerektomiya əməliyyatı həyata keçirilib. Hazırda həkim nəzarəti altında olan xəstə tam sağalmaq üzrədir.
Laparoskopik total histerektomiya müasir ginekoloji cərrahiyyənin zirvəsi, ən son nailiyyəti hesab olunur. Açıq abdominal histerektomiya əməliyyatı ilə müqayisədə laparoskopik histerektomiya qan itkisinin azlığı, əməliyyatın davametmə və stasionar müalicə müddətinin qısa olması, xəstələrin normal həyat tərzinə tezliklə qayıtması ilə seçilir. Bu əməliyyat­lar az travmatik olub, əməliy­yat sonrasında qarın boşluğu bitişmələrinin əmələ gəlməsi aşkar edilmir, piylənmə və şəkərli diabeti olan xəstələr üçün ideal üsul sayılır.
Əməliyyatın icraçı­larından olan gənc hə­­­kim Həbib Məmmədov 2015-ci ildə Azərbaycan Tibb ­İnstitutunun Pediatriya fakültəsini bi­tirib. Həmin ildən Naxçıvan Muxtar Respublika Xəstəxanasının Cərrahiyyə şöbəsində həkim-­rezident kimi fəaliyyətə başlayıb. Cari ilin iyul, avqust və sentyabr aylarında Türkiyə Respublikasının Kocaeli Universitetinin xəstəxanasında laparoskopiya üzrə kurs keçib.

Sentyabrın 28-də Şərur Rayon Mərkəzi Xəstəxanasında Naxçıvan Muxtar Respublikası Səhiyyə Nazirliyinin kollegiya iclası keçirilib.
Səhiyyə naziri Niyazi Novruzov tədbirdə çıxış edərək bildirib ki, insan amili, onun layiq olduğu səviyyədə yaşamasının təmin edilməsi ölkəmizdə həyata keçirilən sosial-iqtisadi islahatların mühüm tərkib hissələrindən biridir. Ulu öndərimiz Heydər Əliyev tərəfindən əsası qoyulan bu alternativsiz inkişaf yolu ölkəmizin hər bir bölgəsində səhiyyə ocaqları üçün yeni binaların tikilərək istifadəyə verilməsində və müasir səhiyyə avadanlıqları ilə təmin edilməsində, həkimlərin peşə hazırlığının diqqət mərkəzində saxlanılmasında mühüm əhəmiyyət kəsb edir.

Bəşəriyyətin beşiyi Naxçıvan, həqiqətən də, sirli-sehrli bir diyar, möcüzələr məkanıdır. Onun özünəməxsus coğrafi relyefi və təbiəti var. Burada yay fəsli quru kontinental iqlimlə müşahidə olunur, qışda isə əksinə, sərt şaxtalı hava hakim kəsilir. Dağlıq və dağlıq-düzənlik ərazilərə malik olan muxtar respublikamızın relyefi özünün cazibədarlığı ilə seçilir. 

­ Bu qədim diyarın köksündə vüqarla dayanmış dağların alt qatlarında nələr yoxdur ki? Onlarla növdə tikinti materialları üçün xammal yataqlarından tutmuş duz laylarınadək, müxtəlif metal yataqlarından tutmuş mineral tərkibli bulaqlaradək bəşər övladının istifadəsinə verilmiş saysız­-hesabsız zənginliklər. Bunlardan Duzdağ mağarası isə Uca Yaradanın bəşəriyyətə böyük bir lütfüdür. Çünki burada dövrümüzün bəlası hesab edilən bronxial-astma xəstələrini ana təbiətin özü müalicə edir. Həm də heç bir əks-təsiri olmadan.

Dünən Əziz Əliyev adına Naxçıvan Muxtar Respublikası Mərkəzi Uşaq Xəstəxanasında “Pediatrik stomatologiyanın aktual məsələləri” mövzusunda keçirilən elmi-praktik seminarı xəstəxananın baş həkimi Rəhim Rəhimov açıb.
Bildirilib ki, muxtar respublikamızda fəaliyyət göstərən tam orta məktəblərdə tibbi xidmətin keyfiyyətinin yüksəldilməsi, səmərəliliyinin artırılması həyata keçirilən səhiyyə islahatlarında mühüm yer tutur. Səhiyyə müəssisələrinin maddi-texniki bazasının yaxşılaşdırılması, onların müasir tibbi texnika və ləvazimatlarla təchiz edilməsi, yeni tibbi texnologiyaların tətbiqi, kadrların peşə səviyyəsinin artırılması və digər tədbirlər uşaqlara göstərilən tibbi xidmətin keyfiyyətinin yüksəldilməsinə imkan verir.
Sonra Stomatologiya şöbəsinin həkim-stomatoloqları Natəvan Rzayeva “Diş kariyesinin etiologiyası, təsnifatı, klinikası, müalicə və profilaktikası”, Əli Məmmədov “Pulpitlər”, Rövşən Babayev “Paradont xəstəlikləri” mövzularında məruzələr ediblər.
Məruzələr videosüjet, diaqram, cədvəl və slaydlarla müşayiət olunub, dinləyiciləri maraqlandıran ­suallar cavablandırılıb.

Naxçıvan Muxtar Respublikası Səhiyyə Nazirliyinin mətbuat xidməti

Sentyabrın 25-də Naxçıvan Muxtar Respublikası Səhiyyə Nazirliyi Əmək və Əhalinin Sosial Müdafiəsi Nazirliyi ilə birgə səhiyyə müəssisələrində vakant həkim və orta tibb işçisi yerləri üzrə əmək yarmarkası keçirib.
Naxçıvan Muxtar Respublikasının səhiyyə naziri Niyazi Novruzov tədbiri giriş sözü ilə açaraq səhiyyə sistemində aparılan qurucu­luq işlərindən, həyata keçirilən islahatlardan danışıb. O qeyd edib ki, muxtar respublikada tibbi kadrların hazırlanması da diqqətdə saxlanılır. Naxçıvan Dövlət Universitetində ali, Naxçıvan Tibb Kollecində isə orta ixtisas təhsilli tibbi kadrların hazırlanması üçün lazımi şərait mövcuddur. Səhiyyə müəssisələrinin tibbi kadrlara olan tələbatını ödəmək, eləcə də muxtar respublikada hazırlanan ali və orta ixtisas təhsilli kadrların işlə təminatı məqsədilə hər il tibb işçilərinin əmək yarmarkası keçirilir. Ötən il işaxtaranlara 428 həkim, 127 orta tibb işçisi olmaqla, 555 vakant yer təklif edilib, 14 həkim, 19 orta tibb işçisi işə götürülüb. Tibb işçiləri üçün muxtar respublikada bütün zəruri şərait yaradılıb. Kənd yerlərindəki səhiyyə müəssisələrində yeni əmək fəaliyyətinə başlayan gənc mütəxəssislər üçün bir sıra güzəştlər və stimullaşdırıcı tədbirlər müəyyənləşdirilib.

Naxçıvan Muxtar Respublika Xəstəxanasında qanvermə aksiyalarında, o cümlədən qarşıdan gələn Aşura günü keçiriləcək qanvermə aksiyasında qanın itkisiz götürülməsi və Mərkəzi Qan Bankına göndərilməsinin təşkilinə dair treninq keçirilib.
Mərkəzi Qan Bankının müdiri Məmmədəli Həsənov bildirib ki, qarşıdan gələn növbəti Aşura günündə muxtar respublikanın bir sıra şəhər və kənd məscidlərində qanvermə aksiyalarının keçirilməsi nəzərdə tutulub. Bu aksiyaların mütəşəkkil təşkili üçün həkim və orta tibb işçiləri müəyyən hazırlığa, tibbi proseslərin lazımi qaydada həyata keçirilməsinə nail olmalıdırlar.
Sonra tibb işçiləri üçün təşkil edilən treninqdə qanın götürülməsi, müxtəlifölçülü paketlərə yığılması, bağlanması, saxlanılması və müvafiq ünvana göndərilməsi qaydaları əməli şəkildə izah olunub. Tədbir iştirakçılarını maraqlandıran suallar cavablandırılıb.
Tədbirdə, həmçinin Mərkəzi Qan Bankı haqqında da məlumat verilib.

Naxçıvan Muxtar Respublikası
Səhiyyə Nazirliyinin mətbuat xidməti

Bu gün tibbi xidmətin keyfiyyətcə müasir standartlar səviyyəsinə yüksəldilməsi, vətəndaşların sağlamlığının etibarlı təminatı məsələləri dövlətin üzərinə götürdüyü sosial öhdəliklər sırasında mühüm yer tutur. Səhiyyənin prioritet sahələri üzrə qəbul olunmuş dövlət pro­qramlarnın həyata keçirilməsi, yerli tibbi kadr hazırlığı istiqamətində görülən işlər insanlara göstərilən tibbi xidmətin səviyyəsinin xeyli yüksəlməsinə, müayinələrin həcminin artmasına, xəstələrin dərmanla təchizatının əhəmiyyətli dərəcədə yaxşılaşmasına imkan vermişdir. 

Muxtar respublika səhiyyəsinin keçdiyi yola nəzər salsaq, görərik ki, Naxçıvan səhiyyəsi çox qədim tarixə malik olsa da, onun dövlət səviyyəsində təşkilatlanması ötən əsrin 20-ci illərinə təsadüf edir. Səhiyyənin cəmiyyət və dövlət həyatında ən mühüm sahəyə çevrilməsi, onun inkişaf və tərəqqisi isə xalqımızın ümummilli lideri Heydər Əliyevin adı ilə bağlıdır. Həyatını ölkəmizin yüksəlişinə və insanların xoşbəxtliyinə həsr edən ümummilli liderimiz səhiyyəni cəmiyyət həyatında ən mühüm sahə kimi qiymətləndirərək demişdir: “Səhiyyə bizim üçün, hər bir cəmiyyət və dövlət üçün çox lazımlı, həyatın bütün sahələrini əhatə edən sahədir. Onun üçün zəruri tədbirlər görülüb və gələcəkdə də görüləcəkdir”.
Bütövlükdə, 1969-1999-cu illərdə muxtar respublikada 1156 yerlik xəstəxana, növbədə 1045 nəfər qəbul edə biləcək poliklinika və ambulatoriyalar tikilmişdir ki, bu da ulu öndərimiz tərəfindən əsası qoyulmuş genişmiqyaslı quruculuq və inkişaf konsepsiyasının əyani ifadəsidir.

Naxçıvan Muxtar Respublikası Səhiyyə Nazirliyində keçirilən tədbiri giriş sözü ilə səhiyyə nazirinin müavini Samrat Gəncəyeva açaraq muxtar respublikada fəaliyyət göstərən məktəblərdə və bağçalarda tibbi xidmətin təşkili ilə bağlı yaradılan şəraitdən bəhs edib.
Bildirilib ki, bu gün muxtar respublikanın bütün yaşayış məntəqələrində məktəblər və bağçalar üçün müasirtipli binalar istifadəyə verilib. Sevindirici haldır ki, həmin müəssisələrin hər birində uşaqlara ilkin tibbi xidmətin göstərilməsi üçün lazımi şərait yaradılıb. Bu da, təbii ki, səhiyyə işçilərinin öz vəzifələrini yerinə yetirmələri üçün geniş imkanlar açır. Buna görə də məktəb və bağçalarda tibbi xidmətin daha da yaxşılaşdırılması məqsədilə hər bir əməkdaş səylə çalışmalıdır.
Tədbirdə Naxçıvan Muxtar Respublikası Təhsil Nazirliyinin Ümumtəhsil məktəbləri və liseylərlə iş üzrə şöbə müdiri Abdulla Əsgərov çıxış edərək vurğulayıb ki, bu gün muxtar respublikada təhsil sahəsi hərtərəfli dövlət qayğısı ilə əhatə olunub. Təhsil sistemində uğurlu islahatlar aparılması ilə yanaşı, müasirtipli binalarda fəaliyyət göstərən təhsil ocaqlarında oxuyan məktəblilərin sağlamlıqları da diqqətdə saxlanılır. Bu məqsədlə məktəblərdə tibb işçilərinin səmərəli fəaliyyəti üçün hərtərəfli iş şəraiti yaradılıb.
Sonra Əziz Əliyev adına Naxçıvan Muxtar Respublikası Mərkəzi Uşaq Xəstəxanasının baş həkiminin müavini İlkay Əliyeva məktəb və bağçalarda tibbi xidmətin təşkili ilə bağlı iştirakçılara ətraflı məlumat verib. Digər çıxış edən səhiyyə işçiləri də məsələ ilə bağlı fikirlərini bildiriblər.
Sonda tədbir iştirakçılarını maraqlandıran suallar cavablandırılıb.

 Nail ƏSGƏROV

Muxtar respublikamızda prioritet sahələrin inkişafına hesablanan istiqamətlərdən biri də dövlət gənclər siya­sətidir. Bu siyasətin əsas məqsədi gənc­lərin intellektual səviyyəsinin artırılması, elmə, təhsilə yiyələnmələri, onların Azərbaycançılıq ideologiyasına, milli-mənəvi dəyərlərə, Vətənə, xalqa, dövlətçiliyə sədaqət ruhunda tərbiyə olunmaları, dövlət strukturlarında geniş təmsil edilmələri üçün hərtərəfli şəraitin yaradılmasıdır. Bütün bu məsələlərin həlli gənclərimizə göstərilən diqqət və qayğının, etimadın ifadəsidir. Aparılan məqsədyönlü gənclər siyasətinin nəticəsidir ki, Naxçıvan şəhəri bu il ölkəmizin Gənclər Paytaxtı seçilib.
Hər bir naxçıvanlı gənc muxtar respublika paytaxtının bu adı daşımasından fəxarət hissi keçirir, qürur duyur. Gənclər Paytaxtının gəncləri bu gün digər strukturlarda olduğu kimi, səhiyyə sistemində də səmərəli fəaliyyət göstərirlər. Son illər Naxçıvan səhiyyəsində yüksək­ixtisaslı gənc həkimlərin sayı xeyli artıb. Təkcə bu ilin ötən 7 ayında isə səhiyyə müəssisələrində işlə təmin olunan 18 həkim və 72 tibb işçisinin əksəriyyətini gənclər təşkil edir. Əziz Əliyev adına Naxçıvan Muxtar Respublikası Mərkəzi Uşaq Xəstəxanasının Reanimasiya və cərrahiyyə şöbəsinin həkim-reanimotoloq və anestezioloqu Cabir Həsənov da onlardan biridir. Güman edirəm ki, onunla tanışlıq, ilk növbədə, valideynlərin işinə yarayacaq.

Elm və texnikanın sürətli inkişafı ilə əlaqədar olaraq müasir dövrdə insanların fiziki, cəmiyyətin isə sosial sağlamlığının qarşılıqlı əlaqə problemi daha da aktuallaşıb.
Məlumdur ki, insanların fiziki inkişafının təməli uşaq yaşlarından qoyulur. Onların kiçik yaşlardan başlayaraq irsindən, həyat tərzindən, sosial vəziyyətindən və qidalanmasından asılı olaraq fiziki inkişafı qeyri-bərabər şəkildə gedir. Pedaqoqlar uşaqların yaş qrupları haqqında fikirlərini ümumiləşdirərək onların fiziki inkişafını məktəbəqədər (0-6 yaş), məktəb yaşı (6-18 yaş), yetkinlik (18 yaşdan yuxarı) dövrlərinə bölüblər.
Məktəbəqədər yaş dövründə uşaqlar ailədə və məktəbəqədər tərbiyə müəssisələrində tərbiyə olunurlar. Bu dövrdə uşaqların orqanizmi sürətlə inkişaf edir. Artıq məktəbəqədər yaş dövrünün sonlarına yaxın qidalanmadan və həyat tərzindən asılı olaraq normal uşaqlarla çəkisi normadan artıq olan uşaqların davranışında, hərəki fəallığında xeyli dərəcədə fərqlər meydana gəlməyə başlayır.
6-10 yaş məktəblilərin kiçik yaş dövrü hesab edilir. Bu dövrdə uşaqların zəif olan orqanizmində bir sıra yeni keyfiyyətlər əmələ gəlir. Bu yaşda sümükləşmə gedir, əzələlərin həcmi və qüvvəsi xeyli artır. Məktəbəqədər yaş dövrünə nisbətən kiçik məktəb yaş dövründə boy inkişafı ləngiməyə başlayır, çəki isə artır. Uşaqlarda düzgün qidalanmama və hərəkət azlığı olanda ən çox bu yaş dövründə artıq çəki əmələ gəlməyə başlayır. Bu cür uşaqların məktəbdə və ailədə fiziki tərbiyəsi düzgün qurulmadıqda artıq çəki onların sonrakı fiziki və zehni inkişafında müəyyən problemlərin yaranmasına səbəb olur.

Əziz Əliyev adına Naxçıvan Мuxtar Respublikası Mərkəzi Uşaq Xəstəxanasının həkim briqadası Şahbuz rayonundakı Sələsüz kəndində uşaqları kütləvi profilaktik tibbi müayinədən keçirib.
Pediatr, stomatoloq, ftiziatr, endokrinoloq və laborantlardan ibarət briqada kəndin həkim ambulatoriyasında 30 uşağa tibbi xidmət göstərib, aşkar edilmiş bəzi xəstələrin əlavə müayinə və müalicəsi üçün Mərkəzi Uşaq Xəstəxanasına gəlmələri məsləhət görülüb. 35 valideynlə səhiyyə maarifi işi aparılıb, uşaqların sağlamlığının qorunmasında səhiyyə müəssisələri ilə valideynlərin birgə fəaliyyətinin zəruriliyi qeyd edilib.
Xəstələrə pulsuz dərman və sarğı materialları verilib, peyvəndlərin təqvim üzrə aparılması və dispanserizasiya işinin təşkili, tibbi sənədləşmənin düzgün həyata keçirilməsi ilə əlaqədar məntəqə işçilərinə metodik köməklik göstərilib.

Naxçıvan Muxtar Respublikası
Səhiyyə Nazirliyinin mətbuat xidməti

Naxçıvan Muxtar Respublikası Səhiyyə Nazirliyində 2018-ci ilin 7 ayı ərzində həkim-məsləhət komissiyalarının (HMK) fəaliyyəti və Tibbi-Sosial Ekspert Komissiyasına (TSEK) göndərişlərin vəziyyəti müzakirə edilib.
Səhiyyə naziri Niyazi Novruzov xəstəliyə görə əlillik qrupu pensiyalarının və müavinətlərin dayanıqlı maliyyə təminatının formalaşdırılmasını ölkədə həyata keçirilən uğurlu­­ sosial siyasətin bəhrəsi kimi dəyərləndirərək bu sahədə görülən işlərdən danışıb.
Sonra Səhiyyə Nazirliyində əlilliyin müəyyən edilməsi və TSEK-ə­­­­ göndərişlərə nəzarət komissiyasının sədri Süleyman Cəfərov ötən 7 ay ərzində daxil olan müraciətlər, ekspertizadan keçən, əlillik qrupu təyin edilən, əlavə müalicəyə qaytarılan, əlillikdən imtina olunan xəstələr haqqında məlumat verib.

Naxçıvan Muxtar Respublikası Səhiyyə Nazirliyi Tibbi yardımın təşkili şöbəsinin baş məsləhətçi pediatrı, Azərbaycan Respublikasının Əməkdar həkimi İbrahim Ağa­yevin “Əcəmi” Nəşriyyat-Poliqrafiya Birliyində “Uşaqlarda qızdırma və çəngolma zamanı nə etməli?” adlı metodik vəsaiti nəşr olunub.
Vəsaitdə uşaqlarda qızdırma və çəng­olma sindromları və bu zaman göstərilən ilkin tibbi yardım barədə məlumatlar öz əksini tapır. “Qızdırma nədir?” bölməsində məlumat verilir ki, qızdırma xəstəlik deyil, əksinə müxtəlif xəstəliklərin əlaməti kimi özünü göstərir. Uşaqlarda qızdırma müxtəlif qıcıqların – virus, bakteriya, göbələk və parazitlərin təsirinə qarşı orqanizmin müdafiə reaksiyasıdır. Bu qıcıqların təsirindən termorequlyasiya (istilik tənzimi) pozulduğundan hərarət yüksəlir.
“Uşaqlarda qızdırmanın müalicə prinsipləri” bölməsində anaların həkim gələnə qədər nə edəcəkləri barədə məlumat verilir. Eyni zamanda metodik vəsaitdə uşaqlarda qıcolmalar, səbəbləri, ilkin yardımlar, müalicəsi, bununla əlaqədar muxtar respublikada aparılan səhiyyə maarifi işinin təşkili, valideynlərin tibbi maariflənməsi və digər bölmələr də diqqəti cəlb edir.
Metodik vəsait müəllifin uzun illərin pediatrik təcrübəsi, müşahidəsi və müxtəlif ədəbiyyatlardan istifadəsi nəticəsində ərsəyə gəlmişdir. Bu kitabdan analarla yanaşı, tibb kollecinin və tibb fakültəsinin tələbələri də faydalana bilərlər.
Metodik vəsait Naxçıvan Muxtar Respublikası Səhiyyə Nazirliyinin Elmi-Tibbi Şurasının qərarı ilə çap olunub. Xatırladaq ki, “Uşaqlarda qızdırma və çəng­olma zamanı nə etməli?” adlı kitab müəllifin səhiyyə maarifi xarakteri daşıyan dördüncü kitabıdır.

Hüseyn ƏSGƏROV

Naxçıvan Muxtar Respublikası Səhiyyə Nazirliyinin iş planına uyğun olaraq yay mövsümünü yaylaqlarda keçirən heyvandarlara, onların ailələrinə göstərilən səhiyyə xidməti davam etdirilir. Növbəti belə tibbi xidmət Qanlıgöl yaylağında müvəqqəti məskunlaşanlar üçün təşkil edilib.
Şahbuz rayonunun təbii-iqlim şəraiti, təmiz havası geniş və zəngin otlaq sahələri heyvandarlıqla məşğul olmaq üçün münbit şərait yaradır. Ərazidəki yaylaqlarda təkcə yerli fermerlər deyil, həmçinin muxtar respublikanın digər bölgələrindən gələn təsərrüfat sahibləri də ailəliklə oba qurub heyvandarlıqla məşğul olurlar. Onların sağlamlıqları daim diqqət mərkəzində saxlanılır. Şərur Rayon Mərkəzi Xəstəxanasının həkim briqadası ərazidəki Qanlıgöl yaylağında olub. Burada, əsasən, Şərur rayonunun Xanlıqlar və Kəngərli rayonunun Qarabağlar kəndlərindən gəlmiş heyvandarlar məskunlaşıblar. Həkim briqadası 3 çadırda məskunlaşan 13 nəfəri profilaktik tibbi müayinələrdən keçirib. Heyvandar­lar göstərilən tibbi xidmətə görə minnətdarlıqlarını bildiriblər.
Yaylaq sakinlərinə yay aylarında yoluxa bilən xəstəliklər, qida zəhərlənmələri, həşərat və ilan sancmaları zamanı göstərilən ilk tibbi yardımlar barədə də məlumatlar verilib.
Obalarda tibbi xidmət mövsüm boyu davam etdiriləcəkdir.

Naxçıvan Muxtar Respublikası
Səhiyyə Nazirliyinin mətbuat xidməti

Sinir sistemi insan orqanizminin bütün sistem və orqanlarının əlaqəli fəaliyyətini təmin edir. Bu sistem mərkəzi və periferik sinir sistemlərini özündə birləşdirir. Sinirlər bizim hərəkət fəallığımızı və bədənimizin bütün sahələrinin həssaslığını təmin edir. Sinir sistemi şaxələnmiş şəkildədir və hər bir alt sistemi unikaldır. Onun funksiyasının pozulması digər daxili orqan və sistemlərin fəaliyyətinə zərbə vura bilir.
Bu barədə Naxçıvan Muxtar Respublikası Psixi Xəstəliklər Dispanserinin baş həkimi, həkim-psixiatr Rəşadət Nabatovla həmsöhbət olduq. O bildirdi ki, insan enerjini beyin qan dövranı sistemindən alır. Lakin bəzi hallarda beyinin normal qan təchizatı müxtəlif səbəblərə görə pozulur və nəticədə, beyin qan dövranı çatışmazlığı xəstəlikləri inkişaf edir.
Bu xəstəlik ilk mərhələlərdə ­özünü­ tez yorulma, emosional dəyişkənlik, diqqətsizlik, yuxunun pozulması, ağrılarla büruzə verir. Tez-tez təkrarlanan baş ağrıları, başgicəllənməsi, yaddaşın pozulması, qulaqlarda küy, cingilti çox ciddi simptomlar sayılır. Vaxt keçdikcə xəstəlik daha da ağırlaşır ki, nəticədə, xəstədə ağıl zəifliyi, parkinson sindromu və digər ağır psixi pozulmalar inkişaf edə bilər. Xəstənin yaddaşı çox zəif­ləyir, buna görə də hətta evdən çıxarkən aza, öz qohumlarını və yaxınlarını tanımaya­ bilər.

Naxçıvan Muxtar Respublika Xəstəxanasının həkim və tibb işçiləri rayon mərkəzlərinin, qəsəbə və kənd­lərin, eləcə də ucqar sərhəd və dağ yaşayış məntəqələrinin səhiyyə müəssisələrində yaradılmış imkanlar hesabına əhalinin tibbi müayinəsini və cərrahi əməliyyatları uğurla davam etdirirlər.
Ayda bir dəfə təşkil edilən növbəti aksiya Şərur rayonundakı Aralıq kənd sahə xəstəxanasında keçirilib. Bunun üçün əvvəlcədən hazırlıq işləri görülüb, müayinə və müalicə olunacaq xəstələrin siyahısı hazırlanaraq xəstəxanaya dəvət olunublar.
Həkim briqadasının üzvləri bu səhiyyə müəssisəsində 81 nəfəri ambu­lator müayinələrdən keçirərək müvafiq tövsiyələr veriblər. Müayinələrin aparılmasında cərrah, oftalmoloq, terapevt və nevropatoloqlar, LOR həkimləri və laboratoriya işçiləri iştirak ediblər.
` Ambulator tibbi müayinələrlə əhatə olunanlardan Aralıq kənd sakini Mirməcid Seyidov başqa yerlərə getmədən, ərazidə yerləşən səhiyyə müəssisəsində müayinə olunmasına görə minnətdarlıq edib, bütün bunları aztəminatlı ailələrdən olan xəstələrə xüsusi qayğı kimi dəyərləndirib. Kənd sakini Lyudmila Ağayeva da belə xeyirxah aksiyaların təşkilatçı və icraçılarına minnətdarlığını bildirib.
Naxçıvan Muxtar Respublika Xəstəxanası belə aksiyaları digər rayonlarda da davam etdirəcəkdir.

Naxçıvan Muxtar Respublikası
Səhiyyə Nazirliyinin mətbuat xidməti

Naxçıvan Muxtar Respublikası Səhiyyə Nazirliyi əhalinin sağlamlığının qorunması və tibbi xidmətin səviyyəsinin yüksəldilməsi istiqamətində fəaliyyətini iyul ayında da davam etdirib. İxtisaslı kadrların hazırlanması, yoluxucu xəstəliklərin profilaktikası, ilkin səhiyyə xidmətinin yeni tələblərə uyğunlaşdırılması diqqət mərkəzində saxlanılıb, səhiyyə müəssisələri lazımi tibbi preparatlarla təmin olunub.
Səhiyyə sistemində kadrların bilik və bacarıqlarının artırılması məqsədilə 15 həkim Türkiyə Respublikasının müxtəlif universitetlərinə və Bakı şəhər tibb müəssisələrinə təcrübəyə göndərilib, 75 orta tibb işçisi sertifikasiya imtahanına cəlb olunub. Yaylaqların ərazisində məskunlaşan heyvandarların kütləvi tibbi müayinəsi təmin edilib.

Muxtar respublikamızda iyul ayında infeksiya ocaqlarında profilaktik və epidemiya əleyhinə tədbirlər davam etdirilib. Yenidoğulmuş uşaqların 356-sı idarəolunan yoluxucu xəstəliklərə görə BSJ, hepatit B, poliomielit peyvəndi alıb.
Gözəllik salonlarında, bərbərxanalarda, stomatoloji müəssisələrdə, oyun zallarında sanitar-gigiyenik qaydalara əməl olunması, işlədilən alətlərin sterilizasiya edilməsi, obliqat qrup kimi işçilərin tibbi müayinələrdən keçmələri, dezinfeksiya ilə bağlı müvafiq tədbirlər görülüb.
İyul ayı ərzində bakterioloji laboratoriya fəaliyyətini davam etdirib. 93 su, 21 yuyuntu və 1075 digər nümunələrin müayinələri aparılıb.
Obliqat qrupların bakterioloji müayinələri diqqət mərkəzində saxlanılıb, səhiyyə üzrə 330, qidalanma sənayesi, ictimai iaşə və ticarət üzrə 173, kommunal sahələr üzrə 95, sürücülük üzrə 3 nəfər müayinədən keçib.

Zəngin yeraltı və yerüstü sərvətlərə malik olan muxtar respublikamızın flora və faunası, havası, şəfa bulaqları min bir dərdin dərmanıdır. Ərazidə 200-dən çox mineral su bulağı, şəfa qaynaqları vardır. Darıdağ, Sirab, Nəhəcir, Badamlı, Cəhri, Qahab, Dəstə və başqa yataqlar öz xüsusiyyətləri ilə fərqlənir.
Naxçıvan Muxtar Respublika Xəstəxanası Reabilitasiya şöbəsinin müdiri, həkim-fizioterapevt Fazil Fərzəliyevlə söhbətimiz zamanı o da təbiətin bu torpağa bəxş etdiyi bütün nemətlərdən danışdı. Bildirdi ki, mineral sular, dərman bitkiləri və digər təbii ehtiyatlarla zəngin olan qədim diyarımızda hələ də geniş istifadə üçün təqdim edilməyən təbii müalicəvi vasitələr vardır. Naxçıvan-Sədərək magistral avtomobil yolunun birinci kilometrində yerləşən “Şorsu” palçığı da belə müalicə qaynaqlarından biridir. Naxçıvan Muxtar Respublikası Ali Məclisi Sədrinin tapşırığı ilə istehsal edilən müalicəvi əhəmiyyətli bu palçıq AMEA Naxçıvan Bölməsi tərəfindən artıq qablaşdırılıb. Hazırlanan bu vasitə həm palçıq, həm də quru, toz formasındadır. Yaxın günlərdə şəhərin bütün əcza­xanalarına paylanılacaq.

Muxtar respublikamızda praktik tibb və ya əczaçılıq fəaliyyəti ilə məşğul olan səhiyyə mütəxəssislərinin sertifikasiya prosesi davam etdirilir.
Cari ilin ötən yarımilində orta tibb işçilərinin sertifikasiya imtahanında 91 orta tibb işçisindən 41 nəfəri uğurlu nəticə əldə edib. Bu müddətdə 12 nəfər işə qəbul üçün imtahan verib.
İyulun 27-dən start götürən sertifikasiya imtahanlarının növbəti mərhələsində orta tibb işçiləri 3 gün ərzində öz bilik və bacarıqlarını sınayıblar.
Muxtar respublikanın səhiyyə sistemində elektron test üsulu ilə mərkəzləşdirilmiş qaydada, obyektiv və şəffaf surətdə keçirilən sertifikasiya imtahanları tibb işçilərinin öz üzərlərində çalışmalarına, tibb peşəsinin məsuliyyətini daha dərindən dərk etmələrinə imkan yaradır.

AMEA Naxçıvan Bölməsinin Təbii Ehtiyatlar İnstitutunun Tətbiqi kimya laboratoriyasında “Şorsu” müalicəvi palçığının təqdimatı keçirilib. Tədbiri bölmənin sədri, akademik İsmayıl Hacıyev açaraq elmi müəssisənin yaranma zərurətindən, strukturu və fəaliyyəti barədə məlumat verərək burada aparılan araşdırmaların əhəmiyyətindən söz açıb. Bildirilib ki, doğma Naxçıvanımız yeraltı və yerüstü sərvətlərlə zəngindir və səmərəli istifadə edilməsi üçün bu sərvətlərin dərindən öyrənilməsi zəruridir.
Akademik Naxçıvan Muxtar Respublikası Ali Məclisi Sədrinin bölməyə göstərdiyi diqqət və qayğı sayəsində elmi-tədqiqat imkanlarının genişləndiyini, səmərəli nəticələrin əldə edilməsinə şərait yarandığını bildirib. Son illər fundamental tədqiqat işləri həyata keçirən bölmənin Təbii Ehtiyatlar və Bioresurslar institutlarının laboratoriyalarında tətbiqyönümlü tədqiqatların aparıldığını diqqətə çatdıran İsmayıl Hacıyev Ali Məclis ­Sədrinin “Şorsu” müalicəvi palçığının hazırlanması ilə bağlı müvafiq tapşırığından irəli gələn vəzifələrin yerinə yetirildiyini bildirib. Bölmə tərəfindən müalicəvi əhəmiyyətli “Şorsu” palçığının hazırlığı ilə bağlı məlumat verən akademik palçığın laboratoriya şəraitində işlənməsindən sonra həm palçıq, həm də quru toz formasında qablaşdırıldığını deyib. Qeyd olunub ki, təbii müalicəvi vasitə bu günlərdə müxtəlif əczaxanalara satışa veriləcək.

Naxçıvan Muxtar Respublikası Səhiyyə Nazirliyində beşinci çağırış Naxçıvan Muxtar Respublikası Ali Məclisinin səkkizinci sessiyasında qarşıya qoyulan vəzifələrin müzakirəsi ilə bağlı kollegiya iclası keçirilib. İclasda səhiyyə naziri Niyazi Novruzov çıxış edərək bildirib ki, hesabat dövründə səhiyyə sisteminin yenidən qurulması və müasir standartlara uyğunlaşdırılması, ixtisaslı kadrların hazırlanması, yoluxucu xəstəliklərin profilaktikası diqqət mərkəzində saxlanılıb. Kadr hazırlığı və səhiyyə obyektlərinin müasir avadanlıqlarla təchiz olunması sahəsində tədbirlər davamlı xarakter alıb.
Qeyd olunub ki, müasir tibbi avadanlıqlarla təchiz olunmuş tibb ocaqlarının istifadəyə verilməsi muxtar respublikanın səhiyyə sistemində real­laşdırılan mühüm islahatlardandır. Bunun nəticəsidir ki, cari ilin ötən dövründə Naxçıvan Muxtar Respublikası Mərkəzi Uşaq Xəstəxanası əsaslı təmir və yenidənqurmadan sonra yeni avadanlıqlarla təchiz edilərək, Şərur rayon Ərəbyengicə kənd həkim ambulatoriyası, Culfa rayon Dizə kənd feldşer-mama məntəqəsi tikilərək istifadəyə verilib. Hazırda Naxçıvan Tibb Kolleci, Şərur Rayon Uşaq Xəstəxanası, rayonun İbadulla, Kərimbəyli, Culfa rayonunun Qazançı, Babək rayonunun Aşağı Buzqov, Ordubad rayonunun Dəstə kənd həkim ambulatoriyalarında yenidənqurma və tikinti işləri davam etdirilir.

Dünən Naxçıvan Muxtar Respublika Xəstəxanasında Beynəlxalq Hepatitlə Mübarizə Gününə həsr olunmuş elmi-praktik konfrans keçirilib. Naxçıvan Muxtar Respublikası Yoluxucu Xəstəliklər Mərkəzinin baş həkimi Xeyrənsə Babayeva çıxış edərək bildirib ki, Ümumdünya Səhiyyə Assambleyasının 2010-cu il tarixli qərarına əsasən iyulun 28-i bütün dünyada Beynəlxalq Hepatitlə Mübarizə Günü kimi qeyd olunur. Bu, hepatit barədə daha geniş məlumatlandırma işinə və bütün dünya ölkələrində yoluxmaya qarşı profilaktik tədbirlərin gücləndirilməsinə xidmət edir.
Qeyd olunub ki, ötən əsrin sonlarından yayılmış hepatit virusları kəskin xroniki xəstəliklər törədərək insanların sağlamlığında ciddi pozuntular yaradır. Hepatitə yoluxmuş insanların çox böyük əksəriyyəti bundan xəbərsiz olur, diaqnozu təyin edilmir və müalicəsi aparılmır. Yalnız hepatitin müxtəlif formaları, onların qarşısının alınması və müalicəsi yolları barədə maarifləndirməni genişləndirməklə insan həyatını xilas etmək olar.
Mərkəzin həkimləri Nəzirə Cəmşidli “Hepatit B xəstəliyinin etiopatogenezi, yoluxma yolları və klinikası”, Münəvvər Ələsgərli “Hepatit C xəstəliyinin etiopatogenezi, yoluxma yolları və klinikası”, Əminə Seyidzadə “Hepatit B və C xəstəliklərinin diaqnostikası və müalicəsi” mövzularında çıxış ediblər.
Çıxışlar videosüjet, diaqram, cədvəl və slaydlarla müşayiət olunub, müzakirələr aparılıb, suallar cavablandırılıb.

Naxçıvan Muxtar Respublikası
Səhiyyə Nazirliyinin mətbuat xidməti

Naxçıvan Dövlət Universiteti Təbiətşünaslıq və kənd təsərrüfatı fakültəsinin Baytarlıq ixtisası üzrə təhsil alan tələbələri Türkiyənin Qars Qafqaz Universitetində birhəftəlik təcrübə kursu keçiblər.
Qars Qafqaz Universitetinin Baytarlıq fakültəsinin dekan əvəzi, dosent Sadiq Yayla və dekan müavini, dosent Səmra Kaya 2 müəllim, 7 tələbənin iştirak etdiyi nümayəndə heyətini qəbul edərək, klinik təcrübənin keçirilmə planına uyğun olaraq tələbələri əlaqədar şöbələrlə tanış ediblər.
Klinik müayinə və laboratoriya dərslərində iştirak edən tələbələrə əvvəlcə universitetin Cərrahiyyə kafedrasının professoru İsa Özaydın xəstə heyvanların qəbulu, qeydiyyatı, onların təsbiti, müayinə üsulları, qan və digər analizlərin götürülməsi qaydaları haqqında məlumat verib. Sonra cərrahiyyə praktikasında istifadə olunan müxtəlif növ tikiş üsulları haqda danışıb. Tələbələr cərrahların rəhbərliyi ilə tibbi əməliyyatlarda iştirak ediblər.
Yoluxmayan daxili xəstəliklər kafedrasında tələbələrə laboratoriya avadanlıqları və heyvanları ilə tanışlıq, vakuum şprislər vasitəsilə heyvanlardan qan alınması və sonradan onun sentrifuqada fırladılaraq fraksiyalara bölünməsi, heyvanlara müxtəlif üsullarla dərman maddələrinin yeridilməsi texnikası öyrədilib.

Səadət ƏLİYEVA

Yay mövsümünü Şərur, Şahbuz, Culfa və Ordubad yaylaqlarında keçirən heyvandarlara, onların ailələrinə səhiyyə xidmətinin təşkili davam etdirilir. Bu məqsədlə yaradılmış xüsusi həkim briqadaları tərəfindən obalarda yaşayan sakinlərin zəruri dərman vasitələri, sarğı materialları ilə təminatı, səhiyyə maarifi işi aparılması diqqətdə saxlanılır.
Naxçıvan Muxtar Respublikası Səhiyyə Nazirliyinin iş planına uyğun olaraq Culfa Rayon Mərkəzi Xəstəxanasının həkim briqadası rayonun Dəmirli yaylağı ərazisində məskunlaşan hey­vandarlara baş çəkib.

Yay fəsli uşaqlar arasında bəzi mövsümi xəstəliklərin yayılması dövrü hesab edilir. Xüsusən bəzi çimərliklərdə çimmək, Günəş şüaları altında uzun müddət qalmaq, qidalanma rejiminə riayət etməmək uşaqların bədən bioritmini pozur. Nəticədə, mövsümi xəstəliklərə yoluxma halları baş verir. Bəs övladlarımızı bu xəstəliklərdən necə qoruya bilərik? Bu barədə Yoluxucu Xəstəliklər Mərkəzinin Uşaq şöbəsinin müdiri, həkim-pediatr infeksionist Abbas Əliyevlə həmsöhbət olduq. 

Yay mövsümündə uşaqların sağlamlığına nəzarətin daha da artırılmasını vacib sayan həkim qeyd etdi ki, uşaqlar çimərliyə gedərkən valideyn nəzarəti altında olmalı, valideyn onun neçə saat suda və qumda qalmasına diqqət yetirməlidir. Bu fəsildə uşaqlar arasında allergiya, mədə-bağırsaq pozuntuları və günvurma ilə bağlı xəstəliklərə daha çox rast gəlinir.
Həkimin sözlərinə görə, digər aylara nisbətən yay aylarında mədə-bağırsaq xəstəliklərinin aktivləşməsinə daha çox təsadüf olunur. Buna səbəb isə yayda ərzaqların daha tez xarab olması, qarışıq qidaların qəbulunun uşaq orqanizmində bakteriyaların çoxalması və inkişafı üçün münbit şərait yaratmasıdır. Mikroblu qidaların və başda su olmaqla, digər içkilərin ağız yolu ilə qəbulu ürəkbulanma, qusma, ishal, yüksək hərarət və dehidratasiya (su itkisi) ilə müşahidə oluna bilən qida zəhərlənməsi və qastroenterit kimi sağlamlıqla bağlı əsas narahatlıqların ortaya çıxmasına səbəb ola bilər.

Dünən Əziz Əliyev adına Naxçıvan Muxtar Respublikası Mərkəzi Uşaq Xəstəxanasında “Uşaq əhalisi arasında cərrahi, travmatoloji, ortopedik və endokrinoloji xəstəliklərə müasir yanaşma” mövzusunda keçirilən elmi-praktik ­seminarı baş həkim Rəhim Rəhimov açıb.
Naxçıvan Muxtar Respublikası Səhiyyə Nazirliyinin Tibbi yardımın təşkili şöbəsinin baş məsləhətçi-pediatrı İbrahim Ağayev uşaqlar arasında xəstəliklərin vaxtında aşkar edilməsi məqsədilə icbari tibbi müayinələrin aparılmasının, aşkar edilmiş xəstə uşaqların dispanserizasiyaya cəlb edilməsinin və müalicə-sağlamlaşdırıcı tədbirlərin həyata keçirilməsinin əhəmiyyətindən danışıb.
Sonra Poliklinika şöbəsinin həkim-cərrahı Şəhla İmanova “Naxçıvan Muxtar Respublikasında uşaq əhalisi arasında rast gəlinən cərrahi xəstəliklər və onların intensivliyi”, ortoped-cərrah Elvin Əsədov “Uşaqlarda aşağı ətraf problemləri”, həkim-endokrinoloq Zümrüd Məmmədova “Naxçıvan Muxtar Respublikasında uşaq əhalisi arasında rast gəlinən endokrinoloji xəstəliklərə müasir baxış” mövzularında məruzələr ediblər.
Məruzələr videosüjet, diaqram, cədvəl və slaydlarla müşayiət olunub, dinləyiciləri maraqlandıran suallar cavablandırılıb.

Naxçıvan Muxtar Respublikası Səhiyyə
Nazirliyinin mətbuat xidməti

Naxçıvan Dövlət Universitetinin Tibb fakültəsinin tələbələri Türkiyə Cümhuriyyətinin müxtəlif universitetləri ilə qarşılıqlı əməkdaşlıq çərçivəsində qardaş ölkənin ali məktəblərində yay istehsalat təcrübəsi keçiblər.
Türkiyənin Ərzurum Atatürk, Trabzon Qaradəniz Texnik, Ərzincan Binəli Yıldırım, Kayseri Erciyes universitetlərinin kliniki xəstəxanalarındakı təcrübədə, ümumilikdə, 115 nəfərlik tələbə-müəllim heyəti iştirak edib. Tələbələr Cərrahiyyə, Pediat­riya, Təcili Tibbi Yardım, Ginekologiya və Terapiya şöbələrində qrafik üzrə praktik məşğələlərdə, xəstə müayinə və müalicələrində iştirak ediblər. Universitetin Oftalmologiya, Qulaq-burun-boğaz, Dermatologiya ixtisasları üzrə rezident-həkimlər müayinə-müalicə proseslərində öz bilik və bacarıqlarını artırıblar. Tələbələr həkimlərin xəstəxanada keçdikləri mühazirələri dinləyiblər. Rezidentlər isə Kardiologiya ixtisası üzrə sərbəst xəstə müayinəsi aparıblar.

Naxçıvan Muxtar Respublikası Səhiyyə Nazirliyinin həkim briqadası Naxçıvan Muxtar Respublikası Ədliyyə Nazirliyi Penitensiar Xidmətin Qarışıq Rejimli Cəzaçəkmə Müəssisəsində məhkumları profilaktik müayinələrdən keçirib. Müəssisənin tibbi sanitar hissəsinin həkim və orta tibb işçilərinin də fəal iştirakı ilə həkim briqadası tərəfindən gün ərzində bütün məhkumlardan ümumi, hepatit B, C, QİÇS və digər yoluxucu xəstəliklərin müəyyən edilməsi üçün qan analizləri götürü­lüb. Sonra yüksəkixtisaslı həkimlər tərəfindən müayinələr aparılıb. 24 nəfər USM, 7 nəfər EKQ müayinəsindən keçirilib. 12 kardioloji, 5 nevroloji, 8 göz, 10 uroloji, 10 te­rapevtik, 9 stomatoloji xəstə tibbi müayinələrlə əhatə olunub. 21 nəfərə diaskin test sınağı qoyulub.
Profilaktik tibbi müayinələr Naxçıvan Muxtar Respublikası Ağciyər Xəstəlikləri Dispanseri tərəfindən davam etdirilərək 120 məhkum ftiziatr müayinələrindən keçirilib. Aşkarlanan xəstəliklər məhkumların tibbi kitabçalarına qeyd olunub və dərin tibbi müayinələrə cəlb edilməsi məsləhət görülüb, həmçinin mövsümi xəstəliklər barədə səhiyyə maarifi işləri aparılıb.

Naxçıvan Muxtar Respublikası
Səhiyyə Nazirliyinin mətbuat xidməti

Naxçıvan Muxtar Respublikası Səhiyyə Nazirliyində Əmək və Əhalinin Sosial Müdafiəsi Nazirliyi ilə birgə iclas keçirilib.
İclasda tibb müəssisələrindəki ­həkim-məsləhət komissiyalarının fəaliyyətinin və tibbi-sosial ekspert komissiyalarına göndərişlərin vəziyyətinin daha da yaxşılaşdırılması ilə əlaqədar məsələ müzakirə edilib. İclasda səhiyyə nazirinin müavini Samrat Gəncəyeva çıxış edərək xəstəliyə görə əlillik qrupu pensiyalarının və müavinətlərin dayanıqlı maliyyə təminatının formalaşdırılmasını ölkədə həyata keçirilən uğurlu sosial siyasətin bəhrəsi kimi dəyərləndirib, bu sahədə görülən işlərdən danışıb.
Naxçıvan Muxtar Respublikası Səhiyyə Nazirliyində əlilliyin müəyyən edilməsi ilə əlaqədar yaradılmış komissiyanın sədri Süleyman Cəfərov ötən 6 ay ərzində daxil olan müraciətlər, ekspertizadan keçən xəstələr, əlillik qrupu təyin edilən, əlavə müalicəyə qaytarılan, əlillikdən imtina olunan xəstələr haqqında məlumat verib.

Muxtar respublikamızda iyun ayında infeksiya ocaqlarında profilaktik və epidemiya əleyhinə tədbirlər həyata keçirilib. Yenidoğulmuş uşaqların 343 nəfəri idarəolunan yoluxucu xəstəliklərə görə BSJ, hepatit B, ­poliomielit peyvəndi alıb. Ay ərzində aşkar olunan hepatit xəstəliklərinə qarşı müvafiq profilaktik tədbirlər görülüb.Yoluxma mənbələri müəyyənləşdirilib və səhiyyə maarifi işi aparılıb.

Gözəllik salonlarında, bərbərxanalarda, stomatoloji müəssisələrdə, oyun zallarında sanitar-gigiyenik qaydalara əməl olunması, işlədilən alətlərin sterilizasiya edilməsi, obliqat qrup kimi işçilərin tibbi müayinələrdən keçmələri diqqətdə saxlanılıb.
Mövsümi xəstəliklərin və zəhərlənmələrin qarşısını almaq məqsədilə su təchizatı sistemlərində, ictimai, inzibati və fərdi binalarda, məişət tullantıları qoyulan meydançalarda dezinfeksiya və ərazidə dezinseksiya tədbirləri həyata keçirilib.

...Neçə vaxtdan bəri muxtar respublikamızın blokada şəraitində qalması yaşayış tərzini bir az da mürəkkəbləşdirib. Evlərdə, iş yerlərində elektrik enerjisinin, lazımi istiliyin olmaması müxtəlif problemlər yaradır. Belə vəziyyət sağlam adamların da səhhətinə müəyyən dərəcədə təsir edir. Bəs xəstələrin halı necədir?
Yaxınlarının, dost-tanışlarının vəziyyəti ilə maraqlanmaq istəyənlər xəstəxanaya gələrkən onların halını sözsüz başa düşürlər. Soyuq, bəzən də qaranlıq palatalar ilk baxışda soruşmadan vəziyyəti göstərir. Naxçıvan Respublika Xəstəxanasının baş həkimi Mustafa Fətullayev də bu sözlərə şərik çıxdığını bildirir: – Xəstələrin tez sağalması üçün, ilk növbədə, palatalarda, otaqlarda lazımi istiliyin yaradılmasını əsas şərt kimi qəbul edirik. Lakin bizdən asılı olmayan səbəblərə görə zəruri şəraiti yarada bilmirik. Xəstəxanamızın qazanxanası təmirdən təzəcə çıxıb. Lakin mazut, qaz olmadığından ondan istifadə edə bilmirik. Məcbur qalan xəstələr vəziyyətdən çıxış yolunu elektrik qızdırıcılarından istifadə etməkdə görürlər. Bunun isə nə demək olduğunu hamı bilir. Standarta uyğun olmayan qızdırıcılar hər an yanğın törədə bilər... Bundan başqa, gərginlik həddindən artıq sərf edildiyindən elektrik xətləri tez-tez sıradan çıxır. Bəzən günlərlə xətlərin təmiri ilə məşğul oluruq. Elektrikin, istiliyin olmaması, xüsusilə Cərrahiyyə şöbəsində vəziyyəti ağırlaşdırır. Tez-tez çətinliklərlə qarşılaşırıq. Əməliyyat aparılarkən elektrik enerjisinin kəsilməsinin nə demək olduğunun izaha ehtiyacı yoxdur. Xəstəxanamızda olan 5 kilovatlıq generatordan belə, çətin məqamlarda yalnız Cərrahiyyə şöbəsində istifadə edirik. 550 çarpayılıq xəstəxanada yalnız 440-a yaxın xəstəyə tibbi xidmət göstərə bilirik. Hamı başa düşür ki, bu cür vəziyyətin tezliklə aradan qaldırılması üçün yuxarı təşkilatlar tərəfindən gərgin iş aparılır. Yəqin ki, İran və Türkiyə respublikaları tərəfindən muxtar respublikamıza çəkilən elektrik xətləri istifadəyə verildikdən sonra vəziyyət nisbətən yaxşılaşar.
Ümidlə yaşamaq yaxşıdır. Amma hələlik vəziyyət, deyildiyi kimi, çətindir. Bizə isə qalır xəstələrə “yastığın yüngül olsun” deməklə onlara xoş arzularımızı bildirmək.

X.Sadiqova
“Şərq qapısı” qəzeti
25 noyabr 1992-ci il

Naxçıvan Muxtar Respublika Xəstəxanası
bu gün xəstələrin ümid yeri, şəfqət ünvanıdır

Ötən əsrin 90-cı illərinin əvvəllərindən blokadaya salınan Naxçıvan Muxtar Respublikasında, demək olar ki, bütün sahələrdə vəziyyət çox ağır idi. Ermənilərin çirkin əməllərinə paralel olaraq, mərkəzi hakimiyyətin də biganə münasibəti ucbatından bir tərəfdən qədim diyarımızın işğal təhlükəsi ilə üz-üzə qalması, digər tərəfdən, ərzaq qıtlığı, süfrəmizin neməti olan çörəyə belə, həsrət qalmağımız, işığın, təbii qazın olmaması, bütün bunların fonunda təbiətin də bizi sınağa çəkməsi – yayın şiddətli istilər, qışın isə sərt şaxtalar ilə müşahidə edilməsi vəziyyəti daha da gərginləşdirirdi. Yaxşı ki həmin illərdə ulu öndərimiz Heydər Əliyev Naxçıvanda idi. Məhz onun ciddi səyləri nəticəsində bir sıra problemlər həll edilirdi. Lakin yaranmış vəziyyət bütün məsələləri tam həll etməyə imkan vermir, bəzi çətinliklərin aradan qaldırılması üçün zaman tələb olunurdu... 

Həmin vaxtlarda isə ümid ilə üz tutduğumuz xəstəxanalardan çox vaxt nagüman qayıdırdıq. Yuxarıdakı məqalədə də qeyd olunduğu kimi, tibbi əməliyyat aparılarkən işığın sönməsi və bu zaman xəstənin həyatını itirməsi, qan çatışmazlığı, anti­sanitar vəziyyətdə olan xəstəxana palatalarında səhhəti daha da ağırlaşan insanlar həmin illərin reallıqları idi. Çox böyük xoşbəxtlikdir ki, bu gün artıq bütün bunların hamısı ­geridə qalıb.

Muxtar respublikamızda əhalinin sağlamlığının qorunması və tibbi xidmətin müasir standartlar səviyyəsinə yüksəldilməsi 2018-ci ilin ötən dövründə də diqqət mərkəzində saxlanılıb. Səhiyyə müəssisələri zəruri tibbi avadanlıq və dərman preparatları ilə təchiz olunub, tibbi xidmətin səviyyəsi yüksəldilib, 398 min 127 nəfər tibbi müayinədən keçib.

Naxçıvan Muxtar Respublikası Səhiyyə Nazirliyinin iş planına uyğun olaraq, yay mövsümünü yaylaqlarda keçirən heyvandarlara, onların ailələrinə göstərilən səhiyyə xidməti davam etdirilir.
Ordubad Rayon Mərkəzi Xəstəxanasının terapevt, kardioloq, cərrah, stomatoloq və pediatrlardan ibarət çoxprofilli həkim briqadası Göygöl ərazisindəki yaylaqlarda məskunlaşan heyvandarlara baş çəkib. Hazırda təkcə Əyriçay yaylağında 2 oba məskən salıb. Onların öhdəsində 5 min başa yaxın mal-qara, qoyun-quzu var. Çadırlarda Kəngərli rayonunun Çalxanqala kəndindən gəlmiş fermer və çobanların 32 ailə üzvü yaşayır. Briqadanın fəaliyyəti zamanı onların hamısı profilaktik tibbi müayinəyə cəlb olunub, pediatrik, kardioloji, cərrahi, stomatoloji müayinələr aparılıb. Yaylaqda arana nisbətən havaların sərin keçməsi səbəbindən obalardakı azyaşlı uşaqların bir qismində qulaqağrısı və yuxarı tənəffüs yollarının patologiyası müşahidə olunub, onların müalicəsi ilə bağlı lazımi dərmanlar verilib.
Ordubad Rayon Gigiyena və Epidemiologiya Mərkəzi tərəfindən obalarda dezinfeksiya, dezinseksiya tədbirləri həyata keçirilib, gigiyenik qaydalara əməl olunması barədə səhiyyə maarifi işi aparılıb.

Naxçıvan Muxtar Respublika Xəstəxanasının həkim və tibb işçiləri muxtar respublikanın səhiyyə müəssisələrində yaradılmış imkanlar hesabına əhalinin tibbi müayinəsini və cərrahi əməliyyatları uğurla davam etdirirlər. 

Ayda bir dəfə təşkil edilən növbəti aksiya Sədərək Rayon Mərkəzi Xəstəxanasında keçirilib. Aksiya üçün əvvəlcədən hazırlıq işləri görülüb, müayinə və müalicə olunacaq xəstə­lərin siyahısı hazırlanaraq onlar xəstəxanaya dəvət olunublar.
Qeyd edək ki, səhiyyə xidmətlərinin səviyyəsini müasir tələblərə çatdırmaq, keyfiyyətini daha da yaxşılaşdırmaq məqsədilə cari ildən etibarən Sədərək rayonunda icbari tibbi sığortanın tətbiqinə başlanılıb. Tibbi sığortanın təşkili ilə əlaqədar rayon mərkəzi xəstəxanası kompüterlərlə təmin edilərək səhiyyə informasiya sistemi yaradılıb, ehtiyac olan tibbi avadanlıqlarla təchiz edilib. Gələcəkdə icbari tibbi sığortanın digər rayonlarda da tətbiqi səhiyyəni yeni inkişaf mərhələsinə çıxaracaqdır.
Naxçıvan Muxtar Respublika Xəstəxanasının həkim briqadasının üzvləri bu səhiyyə müəssisəsində 57 nəfəri ambulator müayinələrdən keçirərək müvafiq tövsiyələr veriblər. Müayinələrin aparılmasında cərrah, oftalmoloq, uroloq, endokrinoloq, terapevt və nevropatoloqlar, LOR həkimləri iştirak ediblər.
Qaraağac kənd sakini Hüseynalı Cəfərovun iki övladı ambulator tibbi müayinələrə cəlb olunub. Valideyn övladlarının başqa yerlərə getmədən, ərazidə yerləşən səhiyyə müəssisəsində müayinə olunmasına görə minnətdarlıq edib, bütün bunları az­təminatlı ailələrdən olan xəstələrə yönəldilmiş xüsusi sağlamlıq layihələrinin uğurlu icrası kimi dəyərləndirib. Naxçıvan Muxtar Respublika Xəstəxanası belə aksiyaları digər rayonlarda da davam etdirəcəkdir.

Naxçıvan Muxtar Respublikası
Səhiyyə Nazirliyinin mətbuat xidməti

Yaşıllığı az olan, dəniz səviyyəsindən yüksək ərazilərdə, Günəş şüasının çox düşdüyü isti ölkələrdə allergiya, keratokonus, quru göz sindromu kimi xəstəliklərə daha çox rast gəlinir. Bəs dünyanın enerji qaynağı olan Günəşin sağlamlığımız üçün faydaları ilə yanaşı, zərərli olduğunu da bilirikmi? Sadaladığımız bu qədər təhlükələrdən necə qorunmalıyıq? Yay fəslində ən çox rast gəlinən problemlərdən biri – günvurma zamanı ilk tibbi yardım necə aparılmalıdır?

Bu barədə Naxçıvan Muxtar Respublika Xəstəxanasının Təcili təxirəsalınmaz planlı yardım şöbəsinin müdiri Pəri Əliyeva ilə həmsöhbət olduq. Bildirdi ki, Günəş şüalarının insan orqanizminə çox faydalı olması ilə yanaşı, aldığımız ultrabənövşəyi şüaların zərərli təsirini də yaddan çıxarmamalıyıq. Bundan qorunmanın ən yaxşı yolu Günəş şüaları altında uzun müddət qalmamaqdır. Günəş şüalarının ən təsirli vaxtı saat 1000-1600 arasıdır. Ona görə də günün bu saat­larında qapalı məkanlarda olmaq məsləhət görülür. Açıq havada işləyənlər həmin saatlarda kölgəyə çəkilməli və ya əyinlərinə açıq rəng­li geyimlər geyinməlidirlər.

Naxçıvan Muxtar Respublika Xəstəxanasında keçirilən konfransı Naxçıvan Muxtar Respublikası səhiyyə nazirinin müavini Samrat Gəncəyeva açıb. O, səhiyyə sisteminin inkişafına dövlət qayğısının get-gedə artırılmasının, bu sahənin maddi-texniki bazasının, kadr potensialının gücləndirilməsinin, infrastrukturun yenidən qurulmasının digər sahələr kimi, endokrinologiya sistemində də mühüm irəliləyişlərə şərait yaratdığını bildirib.
Sonra Bakı şəhərində tibbi fəaliyyət göstərən “Bakı” klinikasının endokrinoloqu, tibb elmləri üzrə fəlsəfə doktoru Rauf Cabbarovun “Qalxanabənzər vəzinin autoimmun xəstəlikləri”, Bakı şəhərindəki Mərkəzi Dənizçilər Xəstə­xanası Endokrinoloji xəstəliklər şöbəsinin müdiri Nazim Rüstəmovun “Prediabet xəstə­lərinin idarə olunması”, Naxçıvan Muxtar Respublika Xəstəxanası Endokrinologiya şöbəsinin müdiri Aysel Dünyamalıyevanın “Naxçıvan Muxtar Respublikasında şəkərli diabet xəstəliyinin epidemiologiyası” mövzularında məruzələri dinlənilib.
Mütəxəssislər şəkərli diabetin tipləri, risk faktorları, diaqnostikası, dərman vasitələrinin seçilməsi və müalicə işinin təşkilində müasir üsullar barədə məlumat veriblər. Bildirilib ki, ciddi təhlükə törədən, kəskin ağırlaşmalarla müşayiət olunan, müalicəsi çoxlu vəsait tələb edən bu xroniki xəstəliyin yüksək artımı, eyni zamanda tibbi, sosial, iqtisadi, psixoloji və digər problemlər də ortaya çıxarır.