Paşinyan kifayət qədər alçaldıldı, öz çirkin əməllərinə görə cəzalandırıldı, faktiki olaraq diz çökdü, mənim bütün şərtlərimi qəbul etdi.

Bunu Prezident İlham Əliyev 1 saylı Kliniki Tibbi Mərkəzdə müalicə olunan hərbçilərlə görüşündə çıxışı zamanı deyib.

Azərbaycan Respublikasında koronavirus infeksiyasına daha 1202 yoluxma faktı qeydə alınıb, 998 nəfər müalicə olunaraq sağalıb.

Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 18 nəfər vəfat edib.

Hazırkı dövrədək ölkəmizdə 68 min 594 nəfərin koronavirus infeksiyasına yoluxması faktı müəyyən edilib. Onlardan 51 min 7 nəfər müalicə olunaraq sağalıb, 885 nəfər vəfat edib. Aktiv xəstə sayı 16702 nəfərdir.

Ötən müddət ərzində 1 milyon 467 min 842 test aparılıb. Bugünkü test sayı isə 10665-dir.

İşğaldan azad olunan Azərbaycan ərazilərində erməni vəhşilikləri üzə çıxıb.

Bunu bu gün keçirilən mətbuat konfransında “Mədəniyyət Abidələrini Müdafiə Təşkilatı” İctimai Birliyinin sədri Faiq İsmayılov deyib.

O bildirib ki, ermənilər həmin ərazilərdə olan abidələri məhv edib, təhqir edib, dağıdıblar: "Ermənistan Azərbaycanın işğal altındakı ərazilərində müharibə cinayətləri törədib. Müxtəlif mədəniyyət abidələrini dağıdaraq qanunsuz fəaliyyət həyata keçiriblər. İşğal altında olan ərazilərin adları dəyişdirilərək erməniləşdirilməyə cəhd edilib. Həmin ərazilərdə çoxlu sayda kilsə inşa edilib, orada yüzlərlə erməni xaç nişanları quraşdırılıb. Tanınmış erməni terrorçularının xatirəsinə monumental abidələr tikilib. Ermənilər həmin ərazilərdən Azərbaycan tarixinə aid bütün əsasları silməyə cəhd ediblər".

Əziz keçmiş köçkünlər, siz artıq köçkün deyilsiniz.

Bunu Prezident İlham Əliyev 1 saylı Kliniki Tibbi Mərkəzdə müalicə olunan hərbçilərlə görüşündə çıxışı zamanı deyib.

Dövlət başçısı bildirib:

Paşinyan, sən harada imzalamısan bu sənədi?

Bunu Prezident İlham Əliyev 1 saylı Kliniki Tibbi Mərkəzdə müalicə olunan hərbçilərlə görüşündə çıxışı zamanı deyib.

Dövlət başçısı bildirib:

"Noyabrın 9-da imzalanmış birgə bəyanat faktiki olaraq Ermənistan sülh kapitulyasiya aktı idi. Necə ki, vaxtilə İkinci Dünya müharibəsi başa çatandan sonra Hitlerin əlaltıları müttəfiq ölkələrin hərbi rəhbərlərinin qarşısında kapitulyasiya aktını imzalamışlar, mən də deyirdim ki, eyni qaydada Paşinyan canlı formatda, videokonfrans şəklində kapitulyasiya aktını imzalamalıdır. Amma açığını deyim, ondan sonra Rusiya Prezidenti Vladimir Putin məndən xahiş etdi ki, mən bu məsələdə çox da təkid etməyim. Mən hesab etdim ki, onsuz da Paşinyan kifayət qədər alçaldıldı, öz çirkin əməllərinə görə cəzalandırıldı, faktiki olaraq diz çökdü, mənim bütün şərtlərimi qəbul etdi. İmzalanmış bəyanatda Ağdam, Laçın, Kəlbəcər rayonlarından işğalçı qüvvələrin çıxarılmasının cədvəli də təsdiq olundu. Dedim etiraz etmirəm. Dedim getsin harada istəyir imzalasın, qaranlıq bir otaqda, bir anbarda, kameralardan uzaq bir yerdə imzalasın. Belə də oldu. Mənim və Prezident Putinin imzalanma mərasimini bütün Azərbaycan xalqı gördü. Paşinyan, sən harada imzalamısan bu sənədi? O qədər də əhəmiyyətli deyil. Çünki indi onu tapmaq mümkün deyil. Heç kim də soruşa bilməz, ay Paşinyan, sən bunu harada imzalamısan?".

İsrailin aparıcı mətbu orqanlarından olan, ingilis və ivrit dillərində dərc olunan “İsrael HaYom” qəzetində Xarici İşlər naziri Ceyhun Bayramovun müsahibəsi dərc edilib.

Xarici İşlər Nazirliyindən verilən məlumata görə, Xarici İşlər naziri Ceyhun Bayramov qəzetin bölgədəki son vəziyyət, Ermənistan-Azərbaycan münaqişəsinin həlli, eləcə də Azərbaycan-İsrail ikitərəfli münasibətləri, Azərbaycanda mövcud olan tolerantlıq mühiti və yəhudilərin ölkədə əsrlərlə sülh şəraitində yaşaması ilə bağlı suallarını cavablandırıb.

Ceyhun Bayramov Ermənistan-Azərbaycan münaqişəsi ilə bağlı Azərbaycanın beynəlxalq hüquqa əsaslanan mövqeyi, Ermənistanın uzun illər davam edən işğalçı siyasəti və danışıqlar prosesində nümayiş etdirdiyi destruktiv mövqeyindən bəhs edib. O, Azərbaycanın hər zaman münaqişənin sülh yolu ilə həll edilməsinin tərəfdarı olduğunu, lakin Ermənistan rəhbərliyinin məsuliyyətsiz və təxribat xarakterli bəyanatları, həmçinin danışıqlar prosesində tutduğu destruktiv mövqeyinin bölgədəki son gərginliyə gətirib çıxardığını bildirib. Nazir Azərbaycanın ərazi bütövlüyünün heç bir zaman danışıqlar predmeti olmadığını vurğulayıb.

Hər bir dövlətin təməl prinsipləri, həmçinin hüquqi siması onun Konstitusiyasında əks olunmuşdur. Bu baxımdan dünyanın ən humanist ölkələrinin konstitusiyaları ilə bir cərgədə dayanan Azərbaycanın ilk milli Konstitusiyasını dövlətimizin və xalqımızın həyatındakı demokratik inkişafın təminat kodeksi adlandırmaq olar. Ümummilli Lider Heydər Əliyevin rəhbərlik etdiyi xüsusi komissiya tərəfindən hazırlanan bu Konstitusiya 1995-ci il noyabrın 12-də qəbul edilmiş, həmin ilin 27 noyabr tarixində ümumxalq səsverməsinin nəticələri nəşr edildiyi andan qüvvəyə minmişdir. 1996-cı ildən isə Prezident Heydər Əliyevin sərəncamına əsasən noyabrın 12-i Azərbaycan Respublikasının Konstitusiyası Günü kimi qeyd olunmağa başlamışdır.

İlk milli  Konstitusiyamızın qəbul edilməsindən keçən 25 il ilk baxışdan kiçik bir zaman dilimi kimi görünsə də, onun müddəalarına əsaslanaraq milli və demokratik dəyərlərlərə hər zaman sadiq qalan Azərbaycan Respublikasının bu müddət ərzində əldə etdiyi uğurların əhəmiyyəti əsrlərə bərabərdir.

Son 44 gün ərzində Türkiyə dövlətinin, türk xalqının, millət vəkillərinin, ictimai xadimlərinin Azərbaycan xalqının mücadiləsinə verdiyi tam dəstəyi gördük.

Bunu Xarici İşlər naziri Ceyhun Bayramov deyib.

Onun sözlərinə görə, Azərbaycan bu dəstəyi hər gün hiss edib: "Türkiyənin xarici işlər naziri Mövlud Çavuşoğlu bu qısa müddətdə 5 dəfə Azərbaycanda olub".

Qarabağın işğaldan azad olunması ilə bağlı Azərbaycanı təbrik edirəm.

Bunu Türkiyə Prezidenti Rəcəb Tayyib Ərdoğan deyib.

Ərdoğan bildirib: "Rusiya ilə Türkiyə atəşkəs monitorinq mərkəzinin yaradılması haqqında razılaşma imzalayıb.

O qeyd edib ki, Türkiyə Rusiya ilə birgə sülhməramlıların tərkibində yer alacaq:

"Bəyanatın imzalanması ilə Azərbaycan xalqını və qardaşım İlham Əliyevi təbrik edirəm. Hər zaman olduğu kimi biz Azərbaycanın yanında olduq və işğalın sona çatması üçün hər bir şeyi etdik".

Naxçıvanla qərb rayonlarımız arasında birbaşa nəqliyyat dəhlizinin açılması Muxtar Respublikanın iqtisadi inkişafına hərtərəfli dəstək olacaq.

Bunu Trend-ə iqtisadçı ekspert Eldəniz Əmirov deyib.

Onun sözlərinə görə, Kiçik Qafqaz sıra dağlarının yamaclarında yerləşən digər regionlarımız kimi Naxçıvan da yetərincə faydalı qazıntı yataqlarına malikdir. Muxtar respublika ərazisində 21 filiz yatağı aşkarlanıb. Aparılmış axtarış-kəşfiyyat işlərinin nəticəsi olaraq 5 filiz yatağı ehtiyatlar balansında qeydə alınıb. Bunlardan Parağaçay molibden, Gümüşlü və Ağdərə polimetal və Darıdağ mərgümüş yataqları sənaye mənimsənilməsinə cəlb olunub, Qapıcıq yatağı ehtiyatda saxlanılıb. Digər 16 yataqda ilkin qiymətləndirmə işləri aparılıb. Məhz sözügedən nəqliyyat dəhlizi bu yataqların hasilatdan sonra növbəti emal proseslərində işğaldan azad edilmiş ərazilərimizdə olan yataqlarla birgə işlənməsi üçün iri emal kompleksinin yaradılmasına imkan verəcək.

Bakı şəhərində Naxçıvan Muxtar Respublikasının daimi nümayəndəliyinin rəhbəri Bəxtiyar Əsgərov Rusiya Federasiyasının Azərbaycan Respublikasındakı səfirliyində olub. Fövqəladə və Səlahiyyətli səfir Mixail Nikolayeviç Boçarnikovla görüşüb, 9 noyabr 2020-ci il tarixində Ermənistan-Azərbaycan dövlət sərhədi yaxınlığında Rusiya Federasiyasına məxsus Mi-24 hərbi helikopterinin vurulması ilə bağlı yaşanan hadisə ilə bağlı Naxçıvan Muxtar Respublikası adından başsağlığı verib.

Nəhayət, o gün gəldi. Biz hamımız xoşbəxtik. Çünki işğal altında olan torpaqlarımız azadlığına qovuşdu. Ali Baş Komandanın dili ilə desək, bu günlər, bu dəqiqələr hər bir Azərbaycan vətəndaşının həyatında ən xoşbəxt günlər, dəqiqələrdir.Milli şüarımıza çevrilmiş “Qarabağ Azərbaycandır!” gerçəyi reallaşdı. Bütün dünya, xüsusilə mənfur düşmənlərimiz bu şüarı təsdiqləməyə məcbur edildi. Azərbaycan xalqına müraciəti zamanı Ali Baş Komandan İlham Əliyev demişdir: “Qarabağ Azərbaycandır və nida” ifadəsi artıq bizim qələbəmizin rəmzinə çevrilib. Bir il bundan əvvəl mən bunu demişəm. Mən fəxr edirəm ki, mənim dediyim ifadə artıq milli bir şüara çevrildi”. Bəli, Azərbaycan xalqı Ali Baş Komandan İlham Əliyevin rəhbərliyi və müzəffər ordumuzun qüdrəti altında iki yüz ilə yaxın bir dövrdə ardıcıl olaraq torpaq itirmək bəlasından xilas olaraq ərazi bütövlüyünü təmin etdi. Bunun təməlində heç şübhəsiz xalqın öz Liderinə sonsuz inamı,yurd, torpaq sevgisi və Liderin də xalqa arxalanması dayanır.

Türkiyənin müdafiə naziri Hulusi Akarla rusiyalı həmkarı Sergey Şoyqu arasında telefon danışığı baş tutub.

Bu barədə Türkiyənin Milli Müdafiə Nazirliyi bildirib.

Qeyd olunub ki, danışıq zamanı Dağlıq Qarabağda atəşkəs bərqərar olunduqdan sonrakı müddətlə əlaqədar fikir mübadiləsi keçirilib.

Azərbaycan xalqı 30 ildir ki, bu qələbənin həsrəti ilə yaşayırdı.

Bunu Azərbaycanın Müdafiə naziri, general-polkovnik Zakir Həsənov deyib.

Ermənistan bu günədək axıtdığı qanların cəzasını aldı, 30 illik zülm başa çatdı.

Bunu Türkiyənin Milliyyətçi Hərəkat Partiyasının sədri Devlet Bahçeli deyib.

O bildirib ki, noyabrın 10-da atəşkəs bərqərar edilməklə Ermənistan işğal etdiyi əraziləri Azərbaycana qaytaracaq:

"Rusiya və Türkiyə sülhməramlı qüvvələri yerləşdiriləcək. Azərbaycan hər iki istiqamətdə Laçın dəhlizi ilə insanların hərəkətinin təhlükəsizliyini təmin edəcək. Azərbaycanın qərb bölgələri isə Naxçıvanla dəhliz vasitəsi ilə bağlanacaq. Bundan sonrasını Paşinyan düşünsün. Qarabağ türk torpağıdır, Qarabağ azaddır, Qarabağ Azərbaycandır”.

Türkiyə Müdafiə naziri Hulusi Akar, Quru Qoşunları komandanı ordu-generalı Ümit Dündar və Hərbi Hava Qüvvələri komandanı ordu-generalı Hasan Küçükakyüz bu gün Azərbaycan Müdafiə Nazirliyinə gələrək, görüş keçiriblər.

Bu barədə Türkiyə Milli Müdafiə Nazirliyi rəsmi "twitter" səhifəsində məlumat verib.

Görüş zamanı Hulusi Akar Zakir Həsənovu qələbə münasibətilə təbrik edib.

Azərbaycan Müdafiə Nazirliyində Qarabağda əldə olunmuş qələbə münasibəti ilə ziyafət təşkil edilib.

Bu barədə Türkiyə Milli Müdafiə Nazirliyinin "Twitter" səhifəsində deyilir.

Ziyafət zamanı müdafiə nazirləri Hulusi Akar və Zakir Həsənov bir-birlərini qucaqlaşaraq təbrik edib.

Tədbirdə H.Akarı Türkiyənin Quru qoşunları komandanı Ümit Dündar, Hərbi Hava Qüvvələr komandan Həsən Küçükakyüz müşayiət edib.

Nəhayət Azərbaycan xalqının 30 ildən bəri intizarla gözlədiyi xoş xəbər gəldi. Azərbaycanda uzun illərdən bəri Azərbaycan Respublikasının Prezidenti, Ali Baş Komandan İlham Əliyev tərəfindən aparılan məqsədyönlü işlər, xüsusilə ordu quruculuğu sahəsində həyata keçirilən tədbirlər öz bəhrəsini verdi. 10 noyabr 2020-ci il Azərbaycan tarixinin şanlı səhifəsinə - QƏLƏBƏ GÜNÜnə çevrildi, təqvimdə qızıl hərflərlə yazıldı. Məhz bu gün Azərbaycanın rəşadətli ordusunun düşmənin “yenilməz ordusu” üzərində möhtəşəm qələbəsi təmin olundu. Ermənistan məğlub olduğunu etiraf etməyə məcbur edildi.

         Azərbaycan ordusu düşmənə öz gücünü göstərdi, dünyanın ən güclü ordularından biri olduğunu təsdiq etdi. Ordumuz tərəfindən sentyabrın 27-dən bəri başlanan əks-hücum əməliyyatları zamanı dünya hərb tarixində görünməmiş hərbi əməliyyatlar aparıldı. Hələ müharibənin gedişi dövründə bu əməliyyatlar dünyanın mühüm hərbi akademiyalarında təhlil olunmağa, öyrənilməyə başladı. Azərbaycan xalqının mədəniyyət beşiyi, milli qürur mənbəyi olan Şuşa şəhəri uğrunda döyüşlər xüsusilə diqqətəlayiq oldu. Düşmən, həmçinin dünyanın aparıcı kütləvi informasiya vasitələri bu döyüş zamanı haqq işi uğrunda vuruşan Azərbaycan əsgərlərinin vətənpərvərliyini, qəhrəmanlığını, şücaətini, yenilməzliyini etiraf etməyə məcbur oldu, onların döyüş əzmi qarşısında heyrətini gizlədə bilmədi. Bütün bunlar isə Azərbaycan Respublikasının Prezidenti, Ali Baş Komandan İlham Əliyevin yüksək sərkərdəlik qabiliyyəti sayəsində baş verdi. Bu döyüşlər Ali Baş Komandanın dünya hərb tarixinə, hərbi işin strategiya və taktikasının incəliklərinə dərindən bələd olduğunu göstərdisə, əməliyyatların gedişi zamanı müxtəlif kütləvi informasiya vasitələrinə bir-birinin ardınca verdiyi müsahibələr isə onun nə qədər hazırlıqlı, dünyanın dövlətlərinin hərb  tarixinə və siyasətinə yaxından bələd olan və ondan gözəl baş çıxaran bacarıqlı bir diplomat, dövlət xadimi  olduğunu göstərdi.

Təxminən 30 ilə yaxındır, Ermənistan-Azərbaycan, Dağlıq Qarabağ münaqişəsi öz siyasi, hüquqi həllini tapmır və ya buna mane olunurdu. Atəşkəs haqqında razılıq əldə edildiyi tarixdən etibarən tərəflər arasında qeyri-müəyyən vəziyyət yarandığına görə, problemin beynəlxalq hüquq normaları çərçivəsində həlli tələb olunurdu. Dünyanın aparıcı dövlətləri bu münaqişəyə münasibətdə müxtəlif mövqelərdə dayandıqlarından bu variant da real nəticə verməmişdir.Şübhəsiz ki, Ermənistanın işğal etdiyi torpaqlardan xoşluqla çıxacağı məntiqə uyğun deyildi. Azərbaycan tərəfi də torpaqlarının heç bir şəkildə güzəştə getməyəcəyini bütün rəsmi və qeyri-rəsmi səviyyədə keçirilən görüşlərdə bəyan etmişdir.Heç təsadüfi deyildir ki, Azərbaycan hərbi güctətbiq etməkdən belə çəkinməyəcəyini hər dəfə vurğulamışdır. Düzdür, Azərbaycanın hərbi büdcəsini artırması Ermənistan tərəfindən siyasi manevr olaraq qəbul edilsə də, 8 iyun 2010-cu ildə Hərbi Doktrinanın qəbulu Azərbaycanın bu məsələdə son dərəcə ciddi olduğunu ortaya qoydu. Doktrinada beynəlxalq hüququn Azərbaycana tanıdığı haqlar çərçivəsində hərbi güc tətbiq edərək işğal altında olan torpaqların qaytarılması təsbit edilmiş və bu məsələ dəfələrlə təkrarlanmışdır.

9-dan10-na keçən gecə Ermənistan və Azərbaycan arasında bağlanmış sülh müqaviləsinin qüvvəyə minməsi dünya azərbanlıları kimi mənidə çox sevindirdi. Xalqımızın dədə-baba torpaqlarınının erməni işğalından azad olunması savaşı qələbə ilə başa çatdı. Şanlı ordumuzun döyüş əzmi, mübariz ruhu qarşısında çoxumuzdlulardan ibarət olan erməni ordusu duruş gətirə bilmədi, silahı yerə qoydu.

Təqvimdə Noyabr ayı bayramlar ayıdır. Dövlət bayrağı günü (9 noyabr), Dirçəliş günü (17 noyabr), Konstitusiya günü (12 noyabr). Müstəqil dövlətçiliyimizin əsas atributlarından olan üçrəngli bayraq düz 30 il bundan öncə Naxçıvan Ali Məclisinin sessiyasında ulu öndərin təklifi ilə Azərbarbaycan Respublikasının dövlət bayrağı kimi qəbul edilmişdi. Bu müqəddəs üçrəngli bayrağın 28 ildən sonar yenidən Şuşada dalğalanması milli ruhumuzun, gücümüzün, birliyimizin yenidən dirçəlməsi, dünyaya nümayişi oldu. Ali Baş Komandanın başçılığı ilə biz işğalçıya qalib gəldik. Qarabağ torpağı düşmən tapdağından azad oldu.

Hiyləgər, mənəviyyatı, şərəfi olmayan ermənilər 200 ilə yaxındır ki, çar Rusiyası dövründə Türkmənçay müqaviləsi ilə Qafqaza, xüsusilə Azərbaycana, onun Qarabağ, İrəvan və Naxçıvan kimi dilbər guşələrinə yerləşdirilmişdir. İlk vaxtlar kiçik bir ərazidə məskunlaşmış bu milli azlıq, etnik qrup keçən dövr ərzində böyük güclərə güvənərək Azərbaycanın İrəvan, Dərələyəz, Zəngəzur, Göyçə mahallarını işğal etmiş, Azərbaycandan qoparmışlar. Bu azmış kimi Qarabağımıza göz dikmişlər. Mənfur xristian albanların mədəni irsini saxtalaşdırıb öz adlarına çıxmış, güya bu torpağın qədim sahibi olduqlarını utanmadan iddia etmişlər. Bakını erməni paytaxtı etməyi qarşılarına məqsəd qoyan erməni daşnakları Şaumyanın başçılığı ilə 1918-ci ildə burada mart qırğınları törətmişlər, tək Bakıda deyil, Şamaxı, Quba,  Naxçıvan və s. bölgələrdə yaşayan əhalimizi qanına qəltan etmişlər. 1921-ci ildə sovet dövləti daşnakları müdafiə etmiş, Qarabağda erməni muxtar qurumu yaratmışdır. Ənacınacaqlısı o oldu ki, keçən əsrin 80-90-cı illərində Qorbaçovun, sonar Yeltsinin havadarlığı ilə onlar Dağlıq Qarabağı, Azərbaycan mədəniyyətinin qədim beşiyi Şuşanı işğal etdilər. Onlar 2020-ci ildə daha çox torpaq işğal etmək iddisasına düşdü. Bu dəfə müstəqil dövlətimiz və xalqımız bir yumruq kimi Prezidentimizin ətrafında birləşdi, qəhrəman ordumuz işğalçılara sarsıdıcı zərbə vurdu. Ona görə də ermənilərin 200 illik səlib yürüşünün qarşısı nəhayət ki, Ali Baş Komandanın rəhbərliyi altında xalqımızın və ordumuzun sarsılmaz döyüş əzmi ilə alındı.

Bunun əminliklə deyə bilərəm ki, dünən gecənin gec saatlarından bəri Azərbaycanda hər evdə işıqlar yanırdı, televizorlar işləyirdi. 5-10 dəqiqəlik gecikməylə bütün Azərbaycan xalqı bir-birini xəbərdar edərək oyatmışdı. Necə ki, mən kənddəki ata-anama gözaydınlığı, muştuluq vermək üçün zəng etmişdim, eləcə də hamı tanışına, qohumuna ailəsinə, qardaşına, bacısına zəng edib yuxudan oyatmışdı. Hamı öz Prezidentinin, Ali Baş Komandanının Zəfər xəbərini izləyirdi.

30 ilə yaxın bir müddətdə hər bir Azərbaycan vətəndaşının ər kimi üstünə hopmuş məğlubluq hissi sentyabrın 27-dən etibarən yox olmuşdu. Biz artıq öz haqqımız uğrunda haqq savaşımıza başlamışdıq. Biz 30 ilə yaxındır işğal altında olan müqəddəs torpaqlarımıza qarış-qarış geri qayıdırdıq. Bu geri qayıtmağın kluminasiya nöqtəsi bir gün arayla həm də final nöqtəsi oldu. Azərbaycan Respublikası Prezidentinin məhz Ali Baş Komandan geyimindəki Şuşa müjdəsinin sonundakı fikirləri xalqı küçələrə tökdü. “Əziz Şuşa, biz qayıtmışıq” nidasındakı sevinc və o anda ölkə başçısının kövrəldiyini və hətta sevincdən doluxsunduğunu yəqin ki, təkcə mən hiss etməmişəm. Bunu bütün Azərbaycan hiss etdi.

Dağlıq Qarabağ və ətraf rayonlarda rəsmi fəaliyyət göstərən 67 məscidin 63-ü tamamilə, 4 məscid isə qismən dağıdılaraq yararsız hala salınıb.

Azərbaycan Milli Elmlər Akademiyasından bildirilib ki, bu məlumatlar Beynəlxalq Türk Mədəniyyəti və İrsi Fondu, AMEA Hüquq və İnsan Haqları İnstitutu və UNESCO üzrə Azərbaycan Respublikasının Milli Komissiyasının birgə əməkdaşlığı çərçivəsində “Azərbaycanın işğal olunmuş ərazilərindəki tarix və mədəniyyət abidələrinə vurulan zərər” adlı iri layihənin həyata keçirilməsi nəticəsində əldə edilib.

Allah şəhidlərimizə rəhmət eləsin. Onlar qanları və canları ilə “fait accompli” prinsipi ilə işğala əsaslanan status kvonu bizə illər ərzində qəbul etdirməyə yönələn geosiyasi oyunları darmadağın etdilər.

Bu fikirləri Azərbaycan Respublikası Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev tvitterdəki hesabında yazıb.

“Torpaqlarımız işğaldan azad olundu. Qarabağın ürəyi olan Şuşa azad edildi”-deyə, o bildirib.

Rusiya Müdafiə Naziri Sergey Şoyqu Türkiyə Müdafiə Naziri Hulusi Akarla telefon danışığı zamanı Dağlıq Qarabağ və Suriyadakı vəziyyəti müzakirə edib.

Bu barədə Rusiya Müdafiə Nazirliyi bildirib. 

Məlumata əsasən, Rusiya və Türkiyənin müdafiə nazirliklərinin rəhbərləri Dağlıq Qarabağ münaqişəsinin həllini müzakirə ediblər və Suriyadakı vəziyyətin sabitləşdirilməsinə dair fikir mübadiləsi aparıblar.

Türkiyə Respublikasının İnsan Hüquqları üzrə Müvəkkili (Baş Ombudsman) Şərəf Malkoçun başçılıq etdiyi nümayəndə heyətinin üzvləri əvvəlcə Naxçıvan şəhərində Türkiyə Cümhuriyyətinin qurucusu Mustafa Kamal Atatürkün və ümummilli lider Heydər Əliyevin abidələrini ziyarət edib, Heydər Əliyev Muzeyində olublar.
Məlumat verilib ki, Heydər Əliyev Muzeyi Naxçıvan Muxtar Respublikası Ali Məclisi Sədrinin 1999-cu il fevralın 18-də imzaladığı Sərəncamla yaradılıb və həmin ilin may ayının 10-da fəaliyyətə başlayıb. Muzeydəki eksponatlar görkəmli dövlət xadiminin ictimai-siyasi fəaliyyətini, keçdiyi şərəfli həyat yolunu özündə əks etdirən kitab, qəzet və jurnallardan, 1990-1993-cü illərdə Naxçıvan Muxtar Respublikası Ali Məclisinin deputatı və Ali Məclisin Sədri kimi işləyib hazırladığı, qəbul etdiyi tarixi qərar və sərəncamlardan, imzalanmış protokol və müqavilələrdən, məktub və teleqramlardan, istifadə etdiyi xatirə əşyalarından, ulu öndərin şərəfinə toxunmuş xalçalardan, çəkilmiş portretlərdən, tarixi fotolardan və sənədli filmlərdən ibarətdir. Muzeydə zəngin fond materialları, orijinal sənədlər və eksponatlarla dahi rəhbərin mənalı həyatı, xalqımızın rifahı, xoş gələcəyi naminə siyasi fəaliyyətinin ayrı-ayrı dövrləri, mərhələləri işıqlandırılıb. Dahi şəxsiyyətin muzeylərə sığmayan zəngin ömür yolunu əks etdirən dəyərli ekspozisiyada ümummilli liderin uşaqlıq və gənclik dövrü, təhsil illəri, ilk əmək fəaliyyəti, 1969-1982-ci illərdə Azərbaycana rəhbərliyinin birinci dövrü, Moskvada çalışdığı və yaşadığı dövr, Naxçıvana qayıdışı, muxtar respublikaya rəhbərlik etdiyi illər, müstəqil Azərbaycanın memarı kimi fəaliyyəti dövrü zəngin materiallarla nümayiş etdirilir.

Salamlar  olsun sənə, ey Vətənə qayıdışını Şəhidlər xiyabanından salıb, şəhidini, torpaq uğrunda canlarından keçənlərini  bağrına basan, 1990-cı illərin 20 Yanvarında, Xocalı qətliamında, bir-birinin ardınca işğal olunan qol-budaqlarında can qoyub, qan tökən igid övladlarını ziyarət edib, azadlığının müjdəsini doğmalarına verib Qarabağa – ata-baba yurduna doğru yolçuluğa çıxan, Şuşa. Sənə elə bu da yaraşırdı. Axı sən qala qürurlu, şiş dağ vüqarlı, əzəmət mücəssəməsi, yenilməzlik simvolusan, Qarabağın ağsaqqalısan. Salamlar olsun sənə, ey Qarabağın gözü, döyünən ürəyi, Azərbaycanın baş tacı... Azadlığın, hürriyyətin mübarək! Ey igid oğlu dağlar, mərd qızı qayalar olan gözəlliklər məskəni, Şuşa. Bayrağının qırmızısından gözəllərinə köynək, yaşılından ətək biçən, mavisini göy üzünün buludları, dumanı-çəni ilə qarışdırıb gözəllərinə örpək edən, Şuşa, qayıdışın mübarək! Ey tarixin əzəli, mədəniyyətin beşiyi, şeiriyyətin məskəni, Şuşa!

Pişvazına Azərbaycan çıxdı, Şuşa!

Sən Qarabağa yolçuluğa çıxdın, sənin pişvazına isə bütün Azərbaycan çıxdı. Onların arasında kimlər vardı, gördünmü? Yolunun başlanğıcında Ali Baş Komandanımız, sonra Şəhidlər xiyabanında bağrına basdığın şəhidlərin ailələri, 28 il əvvəl köksündən qoparılaraq Azərbaycanın müxtəlif bölgələrinə ümid aparan qaçqın, köçkün övladların qarşıladı səni. Paytaxt Bakı, Qoca Naxçıvan çıxmışdı pişvazına. Qarabağ uğrunda yenicə mərmi yağışına tutulub neçə-neçə günahsız insanlarını itirmiş, minlərlə ev-eşiyi dağılmış, lakin düşmənə qorxusuzluğu, əyilməzliyi ilə meydan oxuyan Gəncə, Bərdə, Tərtər şəhərlərinin övladları qarşılayırdı səni. Azərbaycanın bütün rayon, şəhər, qəsəbə, kəndləri böyük coşqu ilə Bayraq meydanlarında küçələrdə, xiyabanlarda 28 il həsrət qaldığın üçrəngli bayrağımızla qarşıladı səni. Bayraq günün, bayraq vüsalın mübarək, Şuşa! 

28 il əvvəlki və 28 il sonrakı 8

Yaxşı yadımdadır, işğal olunduğun gün. Azərbaycanın başının üzərini dumanların aldığı, Naxçıvanın blokadasının ağrılı-əzablı ilk illəri idi. Hərtərəfli blokada şəraitində yaşayırdıq. Sədərəkdə döyüşlər gedirdi. Bir tərəfdən də 3-4 saatdan bir işıq yanarkən baxa bildiyimiz televizordan yalnız Qarabağdan acı xəbərlər alırdıq. Əliyalın insanların canları-qanları bahasına yurd yerlərimizin müdafiəsinə qalxmasını, onların Azərbaycan rəhbərliyindən dəfələrlə kömək istəməsini, lakin heç bir kömək ala bilmədiklərini eşitmişdik, bilirdik. Onlara heç bir köməyin gəlməyəcəyini də bilirdik. Çünki Qarabağ da, ətrafındakı rayonlar da ozamankı ölkə rəhbərləri tərəfindən imperiyaya hədiyyə olunmuşdu. Ona görə də ardıcıl şəkildə gedəcəkdilər. Getdilər də. Bizə qalan isə şəhid övladlarımız, yurdları talanmış didərginlərimiz, bir də 28 illik nisgil, həsrət oldu. Hələ Naxçıvan da sizlərin ardınızca gedəcəkdi. Bilirsən, niyə getmədi? 1990-cı ildə ulu öndərimiz Heydər Əliyev Moskvadan Bakıya gələrkən törədilən əngəllərə görə onun Bakıya deyil, Naxçıvana gəlişi qurtardı Naxçıvanı. Əgər O, Naxçıvana gəlməsəydi, indi Naxçıvan da həmin işğal olunmuş rayonların sırasında idi. Naxçıvandan Azərbaycan rəhbərliyinə işğala son qoyulması, kömək göstərilməsi üçün böyük ürək yanğısı ilə üz tutdu ulu öndər. Lakin bütün bunlara baxmayaraq, alındı əlimizdən torpaqlarımız.

Bu gün hər birimiz çox qürurluyuq, çox sevincliyik, çox fərəhliyik, çox xoşbəxtik! Çünki bu gün QARABAĞ BÜTÖV AZƏRBAYCAN, AZƏRBAYCAN BÜTÖV QARABAĞDIR! Bu gün hər kəsin ürəyi Qarabağla döyünür, Bu gün hər kəs QARABAĞLIDIR! Hər kəsin dilində bir şüar var! “QARABAĞ BİZİM İDİ, BİZİM OLDU!” Bu gün torpaq uğrunda şəhid olan oğul analarının gözlərində qəm yağışı deyil, sevinc yaşı görürük! Bu gün şəhid ataları beli bükük deyil, başı dikdir! Çünki bu gün əbədi Zəfərin mübarək günüdür! Gözün aydın, od ürəkli, od nəfəsli diyarım, Azərbaycan!

Rusiya Prezidenti Vladimir Putin Dağlıq Qarabağda tənzimləmə üzrə qərarın qəbul olunması zamanı Azərbaycan Prezidenti İlham Əliyevin cəsarətini qeyd edib.

V.Putin bunu Şanxay Əməkdaşlıq Təşkilatının sammitində deyib.

O bildirib: “Həqiqətən də bu cür çətin, düyünlənmiş münaqişələrin sülh yolu ilə həlli üçün kompromis əldə etmək vacibdir, bunun üçün isə ilk növbədə bu qərarları qəbul edənlərin cəsarəti tələb olunur”.

Daxili İşlər Nazirliyi (DİN) komendant saatı ilə bağlı növbəti dəfə vətəndaşlara müraciət edib.

Nazirlikdən verilən məlumata görə, müraciətdə deyilir:

Belə bir sevincli, fərəhli gündə onu da unutmamalıyıq ki, ölkəmizdəki hərbi vəziyyətlə əlaqədar hər gün saat 21:00-dan ertəsi gün saat 06:00-dək komendant saatı tətbiq edilir.
Ona görə də xahiş edirik ki, gedəcəyiniz ünvanadək olan məsafəni nəzərə alaraq komendant saatının başlanmasınadək, yəni saat 21:00-dək küçədəki hərəkətlərinizi başa çatdıraraq yaşadığınız ünvanlara qayıdasız. Eləcə də komendant saatı dövründə xüsusi icazə və şəxsiyyəti təsdiq edən sənəd olmadan küçələrə və digər ictimai yerlərə çıxmayın".

Diasporla İş üzrə Dövlət Komitəsi dünya azərbaycanlılarına müraciət edib.

Müraciətdə deyilir:

"Əziz və hörmətli soydaşlar!

Bu gün Azərbaycan tarixinin ən şərəfli və qürurlu günlərindən birini yaşayırıq. 30 ildir düşmən tapdağı altında olan qədim Azərbaycan torpaqları Ali Baş Komandan cənab İlham Əliyevin rəhbərliyi altında müzəffər Azərbaycan ordusunun uğurlu əməliyyatları və qəhrəmanlığı ilə işğaldan azad olundu, Ermənistan-Azərbaycan Dağlıq Qarabağ münaqişəsinə son qoyuldu.

45 gün davam edən mübarizədə Siz – xaricdə yaşayan soydaşlarımızın bütün varlığınızla Azərbaycan dövləti, Prezidenti və ordusuna göstərdiyiniz böyük dəstək ən yüksək qiymətə layiqdir. İnformasiya cəbhəsində, Azərbaycanın haqq davasının dünyaya çatdırılmasında hər birinizin göstərdiyi fədakarlıq şanlı qələbəmiz üçün çox böyük əhəmiyyət daşıyır.

Bu zəfər, həm də Azərbaycan xalqının birlik rəmzidir. Bu günlər göstərdi ki, milli məsələlərdə siyasi baxışlarından, yaşadığı ölkədən, milli və dini mənsubiyyətindən asılı olmayaraq biz hamımız birləşə bilirik. Bu, bizim uğurlu gələcəyimiz üçün çox vacibdir.

Diasporla İş üzrə Dövlət Komitəsi olaraq sizlərə nail olduğumuz sarsılmaz həmrəylik və birliyə görə dərin minnətdarlığımızı bildiririk.

Gözünüz aydın olsun dünya azərbaycanlıları! Qarabağ bizimdir, Qarabağ Azərbaycandır! Eşq olsun Azərbaycan xalqına! Yaşasın Azərbaycan!".

8 noyabr tarixi sən necə də gözəl gəldin.Necə də əbədi həkk olundun yaddaşlarımıza. Səhər saatları idi. Yeni günə yenicə başlamışdıq.Bir anlıq qəribə hisslərə hakim kəsilmişdim. Qəlb atışlarımın daha da artdığını hiss edirdim. Nahara az bir zaman qalırdı ki, Ali Baş Komandanımızın xalqımıza qıssa bir zamanda müraciəti olacağını efir vasitəsilə gördüm. Elə bu zaman niyə bu qədər təlaş içərisində olduğumu başa düşdüm. Budur cənab Prezidentimiz, Ali Baş Komandanımız xalqımıza müraciətində dedi: “Böyük fəxarət və qürur hissi ilə bəyan edirəm ki, Şuşa şəhəri işğaldan azad edildi!Şuşa bizimdir!Qarabağ bizimdir! Bu münasibətlə bütün Azərbaycan xalqını ürəkdən təbrik edirəm! Bütün şuşalıları ürəkdən təbrik edirəm!

44 gün... Tarixə meydan oxuyan, dünyaya kimliyimizi göstərən  44 gün...   Azərbaycanın döyünən ürəyinə, bir parçasına qovuşduğu, 30 illik bir həsrətin, nisgilin bitdiyi an... 10 noyabr 2020-ci il.  “Qarabağ” dastanının yazıldığı gün.  Ali Baş Komandanımız, Azərbaycan Respublikasının Prezidenti cənab İlham Əliyevin və Milli Ordumuzun  Azərbaycan tarixində yazdığı yeni salnamə... Azərbaycan Sizinlə qürur duyur Ali Baş Komandan! Siz Azərbaycanın 300 min illik sərkərdəsi, qəhrəmanı oldunuz. Səfəvilər dovlətindən  sonra işğal edilən torpaqları azad edən ilk lider oldunuz. Tarix Sizin adınızı şanlı səhifələrinə yazdı. Sizinlə qürur duyuruq  Milli Ordumuz! İşid oğullarımız, mərd övladlarımız! Siz bu qələbəni qanınızla, canınızla yazdınız tariximizin səhifələrinə.

 Ulu öndər,  ruhun şad olsun

          Mən həmişə yazılarımda yazmışam, yenə də yazıram:  yaxşı ataların yaxşı oğulları olur. Cənab İlham Əliyev ümummilli liderimiz Heydər Əliyevin mənəvı və siyasi varisidir.  Əsl azərbaycanlı, xalqını canından artıq sevən, vətənpərvər insan olan, həyatının sonunadək bu xalqın, bu millətin yolunda cəfa çəkən  ulu öndərimizin. Elə buna görə də xalq  Onu  özünə ümummilli lider seçdi. Taleyini Ona tapşırdı. Müstəqilliyini Ona etibar etdi. Beləliklə də müstəqilliyimiz təhlükədən, itirilməkdən xilas oldu. Torpaqlarımızın daha da geniş miqyasda itirilməsinin qarşısı alındı. Ölkəmiz dünyada tanındı, dünya dövlətləri ilə iqtisadi əlaqələr quruldu. 70 illik imperiya məngənəsindən qurtulan, bütün sahələrdə tənəzzülə uğrayan Azərbaycanda yeni bir Azərbaycan quruldu. Azərbaycan bütövlükdə ulu öndərimizin əsərinə çevrildi.

Azərbaycanın tək bir yolu vari idi, o da savaş.

Bunu Türkiyənin Cümhuriyyət Xalq Partiyasının lideri Kamal Kılıçdaroğlu deyib.

K.Kılıçdaroğlu bildirib ki, Azərbaycan mübarizə apardı və savaşı qazandı. Azərbaycanın bu savaşdan başqa heç bir seçimi qalmadı. Hesab edirik ki, imzalanan anlaşma bölgədə sülhün olmasına təkan verəcək.

2021-ci ildə Azərbaycanda Formula 1 Qran Prisinin tarixi məlum olub.

Formula 1 2021-ci il üçün təqvimini təsdiq edib. Təqvimə əsasən, Bakıda yarış 4-6 iyunda keçiriləcək.

Cari ilin 10 noyabr tarixində Azərbaycan tərəfinin təşəbbüsü ilə Xarici İşlər naziri Ceyhun Bayramov və Rusiya Federasiyasının Xarici İşlər naziri Sergey Lavrov arasında telefon danışığı baş tutub.

Bu barədə Xarici İşlər Nazirliyindən məlumat verilib.

Nazir Ceyhun Bayramov Rusiya Federasiyasının təşəbbüsü ilə 10 noyabr 2020-ci ildə imzalanmış üçtərəfli bəyanatın əhəmiyyətini vurğulayıb və bu sənədin uzun illərdir ki, davam edən münaqişənin həllində yeni mərhələni başlatdığını qeyd edib. Nazir Ceyhun Bayramov bölgədə sülhün təmin olunması üçün davamlı səylərinə görə Rusiya tərəfinə təşəkkürünü bildirib.

Rusiya Xarici İşlər naziri Sergey Lavrov öz növbəsində münaqişənin həlli istiqamətində mühüm addım olan bu bəyanatın imzalanması ilə əlaqədar məmnunluğunu ifadə edib. O, tərəflərin bu qərarının bölgədə dayanaqlı sülhün təmin olunması baxımından yüksək əhəmiyyət kəsb etdiyini bildirib.

Azərbaycanın qanuni haqqı və qalibiyyəti nəhayət ki, düşmən tərəfindən də qəbul edildi. Ermənistan işğal edərək qətliamlar həyata keçirdiyi Qarabağdan çəkilməyə və təslim olmağa məcbur qaldı.

Trend-in məlumatına görə, bu fikirləri Türkiyə Böyük Millət Məclisinin sədri Mustafa Şentop özünün “Twitter” hesabında paylaşıb.

Türkiyə parlamentinin sədri yazıb: “Tarixin faciəvi səhifəsi Azərbaycan üçün zəfərlə başa çatdı. Azərbaycan bayrağı və azan Qarabağda yenidən yüksəldi”.

Rusiyanın Ulyanovsk şəhərindən Dağlıq Qarabağa rusiyalı sülhməramlıları gətirən 4 İl-76 təyyarəsi yola düşüb.

Bu barədə Rusiyanın Müdafiə Nazirliyi bildirib.

Qeyd olunur ki, daha sonra daha 5 təyyarə yola düşəcək:

“Təyyarələrin göyərtəsində sülhməramlı birliyin şəxsi heyəti, avtomobil texnikası, zirehli transportyorlar və digər vasitələr olacaq”.

Ümumilikdə sülhməramlı kontingentdə 1 960 hərbi qulluqçu, 90 ZTR, 380 avtomobil və xüsusi texnika yer alacaq.

Qəhrəman qardaşlarımız mərdliklə vuruşaraq qələbə qazandı.

Bunu Türkiyə Müdafiə Nazirliyi rəsmi "Twitter" səhifəsində qeyd edib.

"30 il əvvəl yaşanan əzablar bu gün başa çatır. Qəhrəman qardaşlarımız döyüş meydanında gücünü göstərdi və mərdliklə vuruşaraq qələbə qazandı. Azərbaycanlı qardaşlarımız aşağıdakı atalar sözünü yaxşı bilir: “Pis günün ömrü az olur". Pis günlər bitdi, bu gün zəfər günüdür və mübarək olsun”.

10 noyabr 2020-ci il tarixində Azərbaycan Respublikasının Xarici İşlər naziri Ceyhun Bayramovun Türkiyə Respublikasının Xarici İşlər naziri Mevlüt Çavuşoğlu ilə telefon danışığı baş tutub.

Xarici İşlər Nazirliyindən verilən məlumata görə, Türkiyə Xarici İşlər naziri qələbə münasibətilə nazir Ceyhun Bayramovu və Azərbaycan xalqını səmimi qəlbdən təbrik edib. Bir millət, iki dövlət olaraq, Azərbaycanın bu sevincinin Türkiyə tərəfindən paylaşıldığını vurğulayıb.

Nazir Ceyhun Bayramov hər zaman Azərbaycan xalqının yanında olduğu, ölkəmizin haqq mövqeyinə münasibətdə qəti dəstəyini heç bir zaman əsirgəmədiyi, sevincimizi və kədərimizi bölüşdüyü üçün qardaş Türkiyəli həmkarına və bütün Türkiyə xalqına təşəkkürünü bildirib.

Moskva vaxtı ilə saat 06:00-dan başlayaraq Ermənistan qoşunlarının Dağlıq Qarabağdan çıxarılmasına başlanır.

Bu barədə Rusiya Müdafiə Nazirliyi məlumat yayıb. Məlumatda deyilir ki, Rusiya Dağlıq Qarabağ zonasında sülhməramlı kontingentini yerləşdirir, eyni zamanda, Ermənistan qoşunlarının buradan çıxarılmasına başlanır.

“Bayraktar TB2” pilotsuz uçuş aparatının yaradıcısı, Türkiyə Prezidenti Rəcəb Tayyib Ərdoğanın kürəkəni Səlcuq Bayraktar Azərbaycan Ordusunun Qarabağda qələbə qazanması münasibəti ilə fikirlərini bölüşüb. 

Bu barədə S.Bayraktar “Twitter” hesabında yazıb. 

“Zəfəri nəsib edəndə, mütləq zəfər sahibi də Allahdır. Şəhidlərimizin ruhları şad olsun, Rəbbin türkün şanını ucaltsın. Eşq olsun Azərbaycan Ordusuna! Qarabağ Azərbaycandır!”, - o bildirib.

Azərbaycanın özünün hərbi və siyasi gücünü sübut edərək tarixi qələbə qazandı.

Bunu Türkiyə hökumətindən bildiriblər.

Qeyd olunub ki, 10 noyabr tarixi Azərbaycan tarixinə qələbə günü kimi düşəcək: "Azərbaycan xalqını möhtəşəm qələbə münasibətilə təbrik edirik".

Türkiyə hökumətindən bildiriblər ki, beynəlxalq hüquq Azərbaycanın tərəfindədir və Türkiyə hər zaman qardaş Azərbaycan xalqına dəstək olacaq.

Ermənistanda başlayan etiraz aksiyalarında ASALA terror təşkilatının üzvləri də iştirak edirlər.

Bunu Ermənistan sosial şəbəklərində yayılan videolarda görmək olar. Parlamentin qarşısında keçən aksiyada terror təşkilatının emblemini daşıyan avtomobil qeydə alınıb.

Həmçinin bildirilir ki, aksiyada qara maskalı şəxslər də iştirak edirlər. İstisna edilmir ki, həmin şəxslər də ASALAnın üzvüdürlər.

“Azərbaycanın qanuni haqqı və qalibiyyəti nəhayət düşməni tərəfindən də qəbul edildi. Bu gözəl gecənin şanı əbədi olsun!”

 Türkiyə Böyük Millət Məclisinin (TBMM) sədri Mustafa Şəntop Twitter sosial şəbəkəsindən yaydığı açıqlamada belə bildirib.

TBMM sədri qeyd edib ki, Ermənistan işğal edib qətiam törətdiyi Qarabağdan çəkilməyə və təslim olmağa məcbur qalıb: “Tarixin tragik bir səhifəsi Azərbaycan üçün zəfərlə başa çatdı. Bayraq və azan Qarabağda yenidən yüksəldi. Qardaş Azərbaycanın qəhrəman ordularının zəfərini ürəkdən təbrik edir, şəhidlərimizi bir daha rəhmətlə anıram”. 

M.Şentop regionda sülhün və qələbənin tərəqqi edəcəyindən  məmnunluğunu ifadə edib.

“Qələbə! Qələbə! Qələbə! İşğalçı Ermənistan Dağlıq Qarabağda təslim oldu!”

 Türkiyə Müdafiə Naziri Hulusi Akar sosial şəbəkə üzərindən yaydığı paylaşımda belə yazıb. 

Nazir qeyd edib ki, Azərbaycan Ordusu qarşısında ağır itkilər verən, son olaraq Şuşanı itirən Ermənistan Kəlbəcər, Ağdam, Laçından və nəticədə Dağlıq Qarabağdan tamamilə çəkiləcək!

Bu bəyanat bizim şanlı qələbəmizdir. Şadam ki, bu gün bu müjdəni Azərbaycan xalqına verirəm.

Bunu Prezident, Müzəffər Ali Baş Komandan İlham Əliyev xalqa müraciətində söyləyib.

“Hesab edirəm ki, bu bəyanatın imzalanmasının səbəblərindən biri də dünən qeyd etdiyimiz parlaq qələbəmizdir, tarixi qələbəmizdir, Şuşanın işğaldan azad edilməsidir, Şuşa Qarabağın tacıdır! Şuşanın azad edilməsi həm böyük siyasi, həm böyük strateji, eyni zamanda, çox böyük mənəvi məna daşıyır. Biz Şuşaya qayıtdıq, biz Şuşanı qaytardıq, biz Şuşada yaşayacağıq və işğaldan azad edilmiş digər bütün torpaqlarda həyat qaynayacaq. İnsanlar o torpaqlara qayıdacaq, orada yaşayacaq, insanlarımızın 30 illik həsrətinə son qoyulur”, - deyə dövlətimizin başçısı qeyd edib.

Azərbaycan Respublikasının Prezidenti İlham Əliyevin, Ermənistanın baş naziri Nikol Paşinyanın və Rusiya Federasiyasının Prezidenti Vladimir Putinin Bəyanatının tam mətni açıqlanıb.

Sənəddə deyilir:

Biz, Azərbaycan Respublikasının Prezidenti İ.H.Əliyev, Ermənistan Respublikasının baş naziri N.V.Paşinyan və Rusiya Federasiyasının Prezidenti V.V.Putin aşağıdakıları bəyan edirik:

Mənə çıxış yolu qoymadılar. Məcbur qalıb sənədi imzaladım.

Bunu Ermənistan baş naziri xalqa müraciətinə deyib.

Paşinyan bildirib ki, istefamı tələb edən bir gün əvvəl Şuşadaki vəzifələrindən ayrılan bir siyasətçidir. Niyyətləri ədalətli və səmimi olan insanlar da var. Bunlar həlak olan əsgərlərin qohumlarıdır və mən onların qarşısında diz çökürəm.