Füzuli rayonunun yaşayış məntəqəsinə Ermənistan silahlı qüvvələri tərəfindən atılan "Tochka U" raketinin qalıqları jurnaistlərə təqdim edilib.

Raket barədə açıqlama verən ANAMA əməkdaşı Musa Məmmədov bildirib ki, adıçəkilən silah "Tochka U" sisteminin 9M79 raketidir: "Raket oktyabrın 9-da gecə saat 10-11 radələrində Füzuli rayonuna atılıb. Raketin uçuş məsafəsi maksimum 120 kilometrdir. Düşmən öz müdafiəsinin dərinliyindən bu əraziləri vura bilib. Raketin təyinatı əsasən canlı qüvvə, kommunikasiya, vacib obyektlərin məhv edilməsidir. Raket öz təyinatı üzrə yerə 20 metr qalmış məsafədə partlayır, 14 min 500 ədəd yarımhazır qəlpələrə bölünür. Qəlpələr 2-3 hektar ərazidə məhvetmə qabiliyyətinə malikdir. Raketdə 162,5 kiloqram partlayıcı var ki, trotillə bərabər çəkisi 200 kiloqrama malikdir. Raket bir neçə yüz metr aralıda partlayır, qəlpələr yayılandan sonra qalıq hissə yerə düşür".

M.Məmmədov bildirib ki, raket əkin sahəsinə düşdüyündən yaxınlıqdakı yaşayış məntəqələrinə ziyan dəyməyib.

         Düz bir il bundan əvvəl təlxək Paşinyanın sərxoş vəziyyətdə  yallı getdiyi, Cıdır düzünü  bu günlərdə də, yallı  sədaları bürüdü.  Amma qol açıb oynayanlar məhz oranın əsl sahibləri, yəni Azərbaycan əsgərləri oldu. Azərbaycan ordusu bununla bir daha sübut etdi ki, bu torpaqların əsl sahibləri bizlərik. Həmin kadrları sosial şəbəkələrdə yayımlanan bir gündən dəfələrlə izləmişəm, izlədikcə də, doymaq istəmirəm. Elə kadrlardan da, məlum olur ki, Şuşa dağları Qara zurnanın cəngindən sanki dil açıb danışırdı...Dağlarımız hayqırmaq istəyirdi uca səslə: – Ay mənim igid övladlarım, xoş gəlmisiniz Vətənə, bax yallı rəqsimiz sizlərə yaraşır. Bu Qələbə yallısının sədalarına doğma torpaq  da, qürur əzmi içərisində idi.Qədim musiqi alətinin səsi ucaldıqca dağ da, daş da, riqqətə gəlmişdi.Uzun müddət nigarçılığa qərq olan xarıbülbül də qoşulmuşdu bu sevincə. Axı, Xan Şuşinskinin, Bülbülün, Cabar Qaryağdıoğlunun, Hacı Hüsnünün, Məcid Behbudovun, İslam Abdullayevin və başqalarının sinələrinə basdıqları tarın səsinə şahidlik edib Şuşa dağları, elə Qara zurna çalınan kimi də başa düşmüşdülər artıq igidlərinin Cıdır düzündə yallı getdiklərini.

Azərbaycan Respublikasının Prezidenti, Müzəffər Ali Baş Komandan İlham Əliyevin dediyi kimi: “Naxçıvanlılar da ikinci Qarabağ müharibəsində digər bütün bölgələrdən olan vətəndaşlar kimi fəal iştirak ediblər… Başqa bütün bölgələrdən olan hərbçilərlə bərabər naxçıvanlılar da böyük qəhrəmanlıq göstəriblər və torpaqlarımızın azad edilməsi işində fədakarlıq göstəriblər, şəhidlər veriblər”.

(esse) 

          Hələ orta məktəbdə oxuyarkən tarix fənnini daha çox sevər, şanlı və qədim tariximizi yaxşı öyrənməyi özümə borc bilərdim. Tarixə, tariximizə olan marağımdan da torpaqlarımızın işğal tarixlərini məhz əzbərə bilirdim. Hesab edirdim ki, həmin tarixləri bilməmək, unutmaq ən azından nankorluqdur...

          Mən özümü anlayandan, ətrafımı dərk etməyə başladığım gündən bəri Şuşa, Laçın, Xocalı, Xocavənd, Kəlbəcər, Ağdam, Cəbrayıl - bir sözlə işğal altında olan bütün rayonlarımız haqqında çox oxumuş və eşitmişəm. Ən çox da Şuşa... Qarabağ Azərbaycanımızın dilbər guşəsi, Şuşa isə Qarabağın incisidir. Təmiz havası, uca dağları, şəfalı suyu, səfalı təbiəti dillər əzbəridir. Məşhur Qarabağ atları isə nəinki Azərbaycanda, hətta bütün dünyada tanınan cinslərdəndir. Hələ muğamını demirəm. Suyundandır, havasındandır bilinmir, amma Şuşalı olub da səsi olmuyan adam yoxdur. Sanki bu onlara genlə keçən fitri istedaddır. Əbəs yerə deyilmir ki, Şuşa Şərqin konservatoriyasıdır.

Qarabağın azadlığı uğrunda böyük şücaət göstərən Naxçıvanın igid oğulları dünyanın ən qədim insan məskənlərindən biri olan Füzuli rayonundakı Azıx mağarasına üçrəngli bayrağımızı asıblar. Video Naxçıvan televiziyasına Culfa şəhərindən həqiqi hərbi xidmətə çağırılmış Qazıbəyov Fəxri Ramazan oğlu tərəfindən göndərilib.

Həmin görüntüləri təqdim edirik:

Sentyabrın 27-dən bu günə qədər Qarabağ müharibəsində 2425 erməni əsgərinin öldüyü təsdiq edilib.

Bu barədə Ermənistanın səhiyyə naziri Arsen Torosyan jurnalistlərə açıqlamasında deyib.

Saat 6 radələrində hava yenicə ağarmaq istəyirdi. Sübh azanının səsi gəlirdi. Amma bu səhər o səhərlərdən deyildi. Bu səhər alovlu, odlu, dərdli səhər idi. Havadan vahimə qoxusu gəlirdi. Kəndin mərkəzindəki evin alışan divarları, pəncərələrdən qalxan tüstü kəndi qaralan dərdə boğmuşdu. Pərən-pərən düşmüşdü camaat. Səhərin gözü açılmamış qara xəbərə oyanmışdı Kəlbəcər. Həmin gün Ağdabanda bir çox evlər, evlərin içərisində ailələr yanıb kül olmuşdu. Nənələr, babalar, qadınlar, uşaqlar, yarımçıq qalan həyatlar, ümidlər, xəyallar, arzular da yanmışdı. Kəlbəcər dabanından yandırılmışıdı həmin günü. Odu göylərə, tüstüsü dağlara qarışmışdı. Dumanında nisgilə, dağlarında kədərə boyanmışdı dağlar gözəli Kəlbəcər. Gözəlliyindən əsər-əlamət qalmamışdı. Hadisənin səbəbini başa düşə bilməyən kəlbəcərlilərin Azərbaycanla əlaqəsi də kəsilmişdi. Adada təkliyə məhkum edilmiş, əzizləri öldürülmüş Kəlbəcərin yamacları da matəmə bürünmüşdü. Çünki dağlarına od yağmışdı. Yana-yana kül olmuşdu. Boynunu büküb, qoynunu gizlətmişdi gələn kədərdən. Kədəri öz elinə yaraşdırmamışdı.

“Naxçıvan” Universitetində İqtisadiyyat və İdarəetmə fakültələrinin əyani şöbəsinin İqtisadiyyat, Turizm və otelçilik, Mühasibat uçotu və audit, Beynəlxalq münasibətlər və Maliyyə ixtisasları üzrə IV kurs tələbələrinin 2020-2021-ci tədris ilinin payız semestrində keçəcəkləri istehsalat təcrübəsinə həsr olunmuş başlanğıc konfransı keçirilib.

Naxçıvan Dövlət Universitetində AMEA Naxçıvan Bölməsinin sədri, akademik İsmayıl Hacıyevin “Naxçıvan Muxtar Respublikasının sosial-iqtisadi və mədəni inkişafı” kitabının təqdimat mərasimi keçirilib.
Naxçıvan Dövlət Universitetinin rektoru, dosent Elbrus İsayev tədbiri giriş sözü ilə açaraq bildirib ki, monoqrafiya muxtar respublikanın son 25 ildəki sosial-iqtisadi və mədəni həyatının bütün sahələrini əhatə edən fundamental tədqiqat əsəridir. Müəllifin elmi fəaliyyətində həmişə prioritet təşkil edən diyarımızın dinamik və davamlı inkişafı əsərdə faktiki materiallar, rəqəmlər əsasında təhlil edilib. Qeyd olunub ki, son 25 ildə enerji təhlükəsizliyi, iqtisadiyyat, kənd təsərrüfatı, tikinti-quruculuq və digər sahələrdə həyata keçirilmiş genişmiqyaslı tədbirlər muxtar respublikanın tarixində xüsusi mərhələ təşkil edir. Monoqrafiyada ümummilli lider Heydər Əliyevin Naxçıvandakı fəaliyyəti dövrü muxtar respublikamızın, bütövlükdə, ölkəmizin həyatında dönüş nöqtəsi kimi qiymətləndirilir. Qısa bir zamanda qazanılan müqayisəyəgəlməz ictimai-siyasi uğurların əsasını isə, heç şübhəsiz, muxtar respublika rəhbərinin məqsədyönlü fəaliyyəti, möhkəm iradəsi, ulu öndərimizin siyasi xəttini uğurla davam etdirməsi təşkil edir.
Rektor təqdimatı keçirilən elmi monoqrafiyanın Naxçıvan Dövlət Universitetinin professor-müəllim heyəti, tələbə kollektivi, o cümlədən muxtar respublikamızı tanımaq, öyrənmək istəyən hər kəs üçün dəyərli, sanballı yaradıcılıq məhsulu olduğunu vurğulayaraq müəllifi uğurlu tədqiqat əsərinə görə təbrik edib, kitabın universitetə təqdim olunmasına göstərdiyi diqqətə görə Naxçıvan Muxtar Respublikası Ali Məclisi Sədrinə minnətdarlığını bildirib.

Baytarlıq təbabəti hər bir cəmiyyətin sosial-iqtisadi həyatında rolu durmadan artan, insanların keyfiyyətli ət və süd məhsulları ilə bağlı tələbatının ödənilməsində müstəsna əhəmiyyətə malik olan bir sahədir. Muxtar respublikamızda ardıcıl şəkildə həyata keçirilən səmərəli tədbirlər nəticəsində aqrar sektorda inkişafa nail olunması kənd təsərrüfatının digər sahələri kimi, heyvandarlıqda da öz əksini tapmış, məhsul istehsalında kəmiyyətlə yanaşı, keyfiyyət amilini başlıca məqsədə çevirmişdir. Əldə edilən nailiyyətlər isə, ümumilikdə, bir amilə – əhalinin ərzaq təhlükəsizliyinin təminatına, insan sağlamlığının qorunmasına yönəlmişdir. 

Bu məqsədlə hazırlanan “2020-2025-ci illərdə Naxçıvan Muxtar Respublikasında baytarlıq təbabətinin inkişafı üzrə Dövlət Proqramı” Naxçıvan Muxtar Respublikası Ali Məclisi Sədrinin 2020-ci il 17 fevral tarixli Sərəncamı ilə təsdiq edilmişdir. Proqramda baytarlıq sahəsində dövlət tənzimləməsi, dövlət nəzarəti və əlaqələndirmənin həyata keçirilməsi, heyvandarlıq təsərrüfatlarında elmi nailiyyətlərin, qabaqcıl təcrübənin tətbiqinə nail olunması, muxtar respublikada yoluxucu, parazitar xəstəliklərin baş verməsinin qarşısının alınması kimi bir sıra vəzifələr müəyyən edilmişdir. Həmin xəstəliklərin baş verməməsi üçün mühüm tədbirlərdən biri tələf olmuş heyvan cəsədlərinin ətraf mühitə atılmasının qarşısının alınmasıdır. Üçüncü rübdə bu məqsədlə Dövlət proqramının icrasına uyğun olaraq Şahbuz rayonunun Ayrınc kəndində və Şahbuz şəhərində quyular qazıl­mışdır. Ümumilikdə, iyul-sentyabr aylarında tələf olmuş 19 baş iribuynuzlu və 15 baş xırdabuynuzlu heyvanın cəsədi dərmanlanaraq zərərsizləşdirilmiş və basdırılmışdır.

Azərbaycan Xarici İşlər Nazirliyinin Mətbuat xidməti idarəsi Rusiya Federasiyasının Prezidenti Vladimir Putinin noyabrın 17-də Ermənistan-Azərbaycan münaqişəsinə dair müsahibəsi ilə əlaqədar KİV-in sualını cavablandırıb.

Həmin sualı və cavabı təqdim edir.

Sual: Rusiya Federasiyasının Prezidenti noyabrın 17-də Ermənistan-Azərbaycan münaqişəsi ilə bağlı medianın suallarını cavablandırdı. Bu müsahibəni necə qiymətləndirirsiniz, vurğulanan məqamlarla bağlı nə deyə bilərsiniz?

44 günlük müharibə dövründə və ondan sonrakı günlərdə Fransanın anti-Azərbaycan mövqeyində durması bu ölkənin bəyanatlarında və əməllərində səmimi olmadığını nümayiş etdirir. ATƏT-in Minsk qrupunun həmsədri kimi neytral mövqe tutmaq əvəzinə Ermənistanı açıq şəkildə dəstəkləməsi, hətta bu ölkənin rəsmilərinin məsuliyyətsiz bəyanatlar vermələri, fikirlər səsləndirmələri Fransanın beynəlxalq etimad limitini tükətməkdədir.

Bu fikirləri Yeni Azərbaycan Partiyası Siyasi Şurasının üzvü, “İki sahil” qəzetinin baş redaktoru, siyasi elmlər doktoru Vüqar Rəhimzadə söyləyib.

Vüqar Rəhimzadə bildirib ki, Fransa rəsmilərinin məsuliyyətsiz bəyanatları, Ermənistana münasibətdə, əgər belə demək mümkündürsə, “böyük bacı” missiyasını yerinə yetirməsi bu ölkənin beynəlxalq imicinə ciddi zərbədir. O deyib: “Bu kontekstdə Paris meriyasının qondarma “Dağlıq Qarabağ respublikası”nı tanımağa hazırlaşması ilə bağlı merin fikirləri nəinki Azərbaycan-Fransa münasibətlərinə, hətta beynəlxalq hüququn norma və prinsiplərinə ciddi zərbə vurur. Əslində, bu fikirlərlə fransız məmur Azərbaycanın suverenliyinə, ərazi bütövlüyünə xələl gətirmək niyyətini ortaya qoyur. Fransa rəsmisinin bu cür fikirlər səsləndirməsi, ilk növbədə, bu ölkənin öz nüfuzuna xələl gətirmiş olur. Belə görünür ki, Fransa kimi bir ölkə 3-5 erməninin əlində əsir-yesir qalıb, yaxud erməni lobbisi tərəfindən bu dövlətin rəsmiləri satın alınıb”.

Burada gördüklərimiz Ermənistan silahlı qüvvələri tərəfindən ağ fosfordan istifadə olunmasının növbəti faktıdır. ANAMA-nın nümayəndəsi tərəfindən ətraflı məlumat verildi. Bundan əvvəl də Ermənistan silahlı qüvvələri tərəfindən ağ fosforlu mərmilərdən istifadə edilmişdi.

Bunu Azərbaycan Prezidentinin köməkçisi-Prezident Administrasiyasının xarici siyasət məsələləri şöbəsinin müdiri Hikmət Hacıyev bir qrup yerli və beynəlxalq jurnalistin Füzuli rayonuna səfəri zamanı bildirib.

Ermənistan silahlı qüvvələrinin Bərdə rayonunu atəşə tutması nəticəsində dəymiş ziyanın müəyyənləşdirilməsi prosesi davam edir.

Bu barədə açıqlamasında Ermənistan silahlı qüvvələrinin təxribatı nəticəsində mülki əhaliyə dəyən ziyanın müəyyənləşdirilməsi və aradan qaldırılması ilə bağlı yaradılmış Dövlət Komissiyasının üzvü Elçin İbrahimov deyib.

O bildirib ki, hazırda işçi qrup üzvləri Bərdə rayonunun 6 kəndində dəymiş ziyanı müəyyənləşdirib: "Bərdə rayonunda 6 kənd və rayon mərkəzinə ciddi ziyan dəyib. 1 həftədir ki, kəndlərdə dəymiş ziyanı müəyyən edirik. Hazırda kəndlərdə araşdırmalar başa çatdırılıb. Komissiya üzvləri rayonun mərkəzində də araşdırmalara başlayıb. Erməni təxribatı nəticəsində Bərdə rayonunda ən çox ziyan rayon mərkəzinə dəyib. Hazırda rayon ərazisində dəymiş ziyanın miqdarı müəyyən edilir".

Xatırladaq ki, Dövlət Komissiyasının üzvləri müharibə dövründə ziyan çəkən Ağdam, Ağcabədi, Tərtər, Bərdə, Füzuli, Gəncə, Beyləqan, Goranboy, Naftalan və digər ərazilərə ezam olunub.

Ermənistanın Müdafiə Nazirliyi İran İslam Respublikası ərazisində olan hərbçilərinin sayını bilmir.

Bunu Ermənistan Müdafiə Nazirliyinin sözçüsü Şuşan Stepanyan bildirib.

Məlumata görə, Azərbaycanın əvvəllər işğal altında olan ərazilərində Ermənistan ordusunun hərbçiləri və əsgərləri xidmət edib. 44 günlük döyüşlərdə onların bir qismi itkin düşüb. Həmin əsgərlərin valideynləri övladlarının İran ərazisinə keçdiyini ehtimal edirlər.

Nazirliyin nümayəndəsi bildirib ki, məsələnin araşdırılması üçün İrana müraciət ediblər. Ancaq İslam Respublikası ərazisinə erməni hərbçilərinin keçməsi barədə yayılan məlumatları təsdiqləməyib.

Ermənistan silahlı qüvvələri Azərbaycanın hansı gücə qadir olduğunu elə sentyabrın 27-də gördü.

Bunu açıqlamasında işğal altında olan torpaqlarımızın azad olunması uğrunda döyüşlərdə yaralanan müddətdən artıq xidmət edən hərbi qulluqçu Faiq Yusifov deyib.

O bildirib ki, Ermənistan silahlı qüvvələri sentyabrın 27-də cəbhə bölgəsində təxribat törədərək Azərbaycan Silahlı Qüvvələrinin bölmələrini və yaşayış məntəqələrimizi ağır artilleriyalardan atəşə tutmağa başladı: "Azərbaycan silahlı qüvvələri cavab atəşi ilə düşmənin atəş mövqelərini susdursa da, qarşı tərəf təxribatlarına davam etdi və cəbhəboyu bütün ərazilərimiz atəşə tutuldu. Azərbaycan Ordusu əks-həmlə hücumlarına başladı. Qısa müddətdə düşmən mövqelərini darmadağın etdik və onlar geri çəkilməyə başladılar. Amma buna baxmayaraq, düşmən tərəf itirdiyi mövqeləri almağa cəhd edirdi. Hər dəfə cəhd edərkən isə bir neçə ərazi itirir, itki verərək geri çəkilirdilər".

Beynəlxalq jurnalistlər Ermənistanın hərbi cinayətlərini görmək üçün işğaldan azad olunmuş Füzuli rayonuna səfər edib.

Bu barədə Hikmət Hacıyev məlumat verib.

Azərbaycan Respublikasında koronavirus (COVID-19) infeksiyasına 2 239 yeni yoluxma faktı qeydə alınıb, 1 217 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 25 nəfər vəfat edib.

Azərbaycanda indiyədək ümumilikdə 81 397 nəfər koronavirus infeksiyasına yoluxub, onlardan 58 111 nəfər müalicə olunaraq sağalıb, 1005 nəfər vəfat edib, aktiv xəstə sayı 22 256 nəfərdir.

Ölkədə son sutka ərzində 13 134, hazırkı dövrədək isə 1 549 568 test aparılıb.

"Türkvizyon" gələn il Şuşada keçirilməsi planlaşdırılır.

Bu barədə "Türk Müzik Birliği Televizyonu" (TMB) məlumat yayıb.

Məlumata görə, Türkiyənin "Eurovision"dan imtina etməsindən sonra təşkil etdiyi "Türkvizyon" gələn il Şuşada keçirilməsi planlaşdırılır.

27 sentyabr 2020-ci il tarixdən etibarən Ermənistan silahlı qüvvələrinin Azərbaycanın mülki əhalisinə qarşı törətdiyi hərbi cinayətlər mütəmadi olaraq yerli və beynəlxalq kütləvi informasiya vasitələri tərəfindən geniş dünya ictimaiyyətinə çatdırılıb.

Ombudsman Aparatından verilən məlumata görə, bu məqsədlə, Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva Azərbaycan ərazilərinə Ermənistan silahlı qüvvələrinin hərbi təcavüzü nəticəsində mülki əhaliyə qarşı törədilmiş kobud insan hüquqları pozuntularının dünya ictimaiyyətinə çatdırmış Türkiyənin “TRT World” kanalının əməkdaşları Nihat Yayman və Hasan Abdullahı qəbul edib və onlara qərəzsiz və obyektiv fəaliyyətlərinə görə təşəkkürünü bildirib.

Şuşa şəhərinə yeni tikilən yolun inşasına başlanıb.

Bunu açıqlamasında Azərbaycan Avtomobil Yolları Dövlət Agentliyinin Mətbuat xidmətinin rəhbəri Anar Nəcəfli deyib.

O bildirib ki, yeni yol Füzulinin Əhmədbəyli kəndi ərazisindən başlayaraq Füzuli şəhərindən keçməklə Tağaverdi və Daşaltı ərazilərini əhatə edərək Şuşa şəhərinə çəkiləcək:

A.Nəcəfli bildirib ki, yeni tikilən yolun əvvəllər fəaliyyətdə olan Ağdam-Xankəndi-Şuşa yoluna aidiyyatı yoxdur: "Şuşa şəhərinə əvvəllər Ağdam rayonundan yol olub. Lakin bu yolun hələlik istifadəsi mümkün deyil. Ona görə də Şuşaya Füzuli rayonundan yeni yol çəkilir".

Ermənistan parlamentinin yaxınlığında baş nazir Nikol Paşinyanın istefası tələbi ilə aksiya keçirilir.

Etirazçılar hakim “Mənim addımım” partiyasının deputatlarını aksiyaya qoşulmağa çağırır.

Parlamentə daxil olan deputatlar etirazçıların “Ar olsun!”, “Satqınlar!” kimi şüarları ilə üzləşir.

Qeyd edək ki, Yerevanda aksiyalar noyabrın 10-dan etibarən davam edir.

İşğaldan azad olunmuş Zəngilan rayonunun ərazisində Ekologiya və Təbii Sərvətlər Nazirliyinin təşkilatçılığı, rayonda xidməti vəzifələrinin icrasına başlayan Daxili İşlər, Müdafiə Nazirlikləri və Dövlət Sərhəd Xidmətinin əməkdaşlarının iştirakı ilə Şərq çinarları əkilib.

Ekologiya və Təbii Sərvətlər Nazirliyinin mətbuat katibi İradə İbrahimova bildirib ki, payız ağac əkini mövsümündə Azərbaycanın bütün bölgələrində olduğu kimi işğaldan azad olunmuş ərazilərimizdə də müxtəlif cinsli ağaclar, əsasən də Şərq çinarları əkilir.

“Ötən həftə Füzuli rayonunun işğaldan azad olunmuş Qarğabazar kəndinin ərazisində də Şərq çinarları əkilib və palıd toxumları səpilib”.

İspaniyanın “LA VANGUARDIA” və “EL MUNDO” qəzetlərinin elektron versiyalarında yerləşdirilmiş videolarda Azərbaycan Respublikasının işğal altında olan Kəlbəcər rayonunun erməni vandalizminin daha bir nümunəsinə şahidlik etdiyi qeyd olunur (https://www.youtube.com/watch?v=0bHsMVBSJJE).

Kəlbəcər rayonunda qanunsuz olaraq məskunlaşmış erməni əhalisi rayonu vandalizm aktları törədərək boşaldırlar. Videolarda əhalinin özləri ilə apara bilmədiyi əşyaları, yaşayış evlərini, məktəbləri yandırması öz təsdiqini bir daha tapır.

Ermənistanın xarici dövlət borcu əsaslı dərəcədə artıb. Hökumətin 2020-ci il üçün dövlət büdcəsi layihəsində xarici borcun ümumi daxili məhsulun (ÜDM) 49,5 faizinə enəcəyi proqnozlaşdırılmışdı. Lakin bu gözlənilənlərin əksinə olub və xarici dövlət borcu daha da artaraq ÜDM-in 66,5 faizinə bərabər olub.

Bu barədə Ermənistanın maliyyə naziri Atom Candcuqanyan parlamentin iclasındakı çıxışı zamanı məlumat verib.

O, 2021-ci ilin dövlət büdcəsi layihəsini müzakirəyə təqdim edib və bildirib ki, gələn il dövlət borcunun ÜDM istehsalının ümumi həcminin 67 faizindən çox olmayacağı gözlənilir.

Onun sözlərinə görə, xarici borcun artmasına əsasən koronavirus pandemiyası səbəbindən alınan kreditlər səbəb olub.

Əsası ulu öndər Heydər Əliyev tərəfindən qoyulan və ölkə başçısı cənab İlham Əliyev tərəfindən davam etdirilən milli təhsil siyasəti bu gün də uğurla həyata keçirilir. Azərbaycanın dünyanın inkişaf etməkdə olan ölkələri sırasında öz layiqli yerini tutması üçün digər sahələr kimi, təhsil də inkişaf etdirilir, təhsil alanların müasir bilik və bacarıqlara yiyələnmələri təmin olunur. Görkəmli dövlət xadimi, Azərbaycan xalqının ümummilli lideri Heydər Əliyevin layiqli davamçısı cənab Prezident İlham Əliyev daim ölkəmizdə təhsilin inkişafına böyük önəm vermiş, onun müasir dünya standartları səviyyəsinə çatması üçün bütün imkanlarını səfərbər etmişdir. Qürur hissi ilə deyə bilərik ki, bu gün muxtar respublikamızda da bütün sahələrlə yanaşı  təhsilin inkişafı da diqqət mərkəzindədir. Təhsilə göstərilən böyük  qayğının nəticəsidir ki, bu sahədə qazanılan uğurlar surətlə  artır,  davamlı və  yüksək səviyyədə inkişaf etdirilir. Naxçıvan Muxtar Respublikası Ali Məclisi Sədrinin imzaladığı müvafiq sərəncamlar təhsilin inkişafında yeni mərhələnin əsasını qoymuş, tədrisin keyfiyyətini daha da yüksəltmişdir. Doğma diyarımızda ümumtəhsil məktəbləri və ali təhsil müəssissələri ən müasir informasiya və kommunikasiya texnologiyaları ilə təmin edilmişdir. Bunun da nəticəsində orta məktəblərdə və ali təhsil ocaqlarında interaktiv təlim metodlarından istifadə ildən-ilə daha da genişlənir və təkmilləşir.     

II Qarabağ müharibəsi ilə bağlı materialların qısa zaman ərzində məktəblərə çatdırılması planlaşdırılır. Yəqin ki, bu tədris ilinin növbəti yarımilindən bununla bağlı məzmunda müəyyən dəyişikliklər ediləcək.

Bunu Təhsil naziri Emin Əmrullayev deyib.

Nazir qeyd edib ki, işğal tarixlərini yadda saxlamalıyıq. Amma bununla bərabər, torpaqlarımızlın işğaldan azad edilməsi və bununla bağlı əldə edilən uğurlar şagirdlərə çatdırılmalıdır.

Milli Məclisin növbəti plenar iclasının gündəliyi açıqlanıb.

İclas noyabrın 20-də keçiriləcək. İclasın gündəliyinə 10 məsələ daxildir.

Ermənilər Laçını tərk edir. Bu barədə BBC-nin Rusiya xidmətinin hazırladığı reportajda deyilir.

Bildirilir ki, 10 noyabrda əldə edilən razılaşmadan sonra əraziyə Rusiya sülhməramlıları gəlib. Hazırda isə ermənilər Laçından qaçır.

Qeyd edək ki, üçtərəfli bəyanata görə, Ermənistan Respublikası 15 noyabr 2020-ci il tarixinədək Azərbaycan Respublikasına Kəlbəcər rayonunu, 1 dekabr 2020-ci il tarixinədək isə Laçın rayonunu qaytarır. Dağlıq Qarabağla Ermənistan arasında əlaqəni təmin edəcək və bununla belə Şuşa şəhərinə toxunmayacaq Laçın dəhlizi (5 km. enliyində) Rusiya sülhməramlı kontingentinin nəzarəti altında qalır.

Türkiyə Prezidenti Rəcəb Tayyib Ərdoğan Türkiyə Böyük Millət Məclisinin Azərbaycana hərbi qüvvələr göndərilməsi ilə bağlı qəbul etdiyi qanunu imzalayıb.

Bu barədə "Resmi gazete"yə istinadən məlumat veririk.

Naxçıvanlı döyüşçü  Elton İsmayılovla müsahibə

Azərbaycanın tam qələbəsi ilə başa çatan 44 günlük Vətən müharibəsi müzəffər Ordumuzun gücünü bütün dünyaya göstərdi. İşğalçı Ermənistanı torpaqlarımızdan qovmuş əsgərlərimizin qəhrəmanlığı indi dillərdə dastandır. Ağıllı silah-sursatlarla tək atışla düşmən hədəflərini bir-bir yox edən, Şuşanı əlbəyaxa döyüşdə düşməndən təmizləyən bütün əsgərlərimiz indi Azərbaycan Ordusunun fəxridirlər. Artıq müharibə qurtarmış və döyüşlərdə iştirak etmiş əsgər və zabitlərimiz həmin günlərin qürurunu yaşayırlar. O döyüşçülərdən biri də leytenant Elton Pənah oğlu İsmayılovdur.

44 günlük zəfər yürüşü... Bu, adi yürüş deyildi. Bu yürüş tarixşünaslığımızın ikiəsrlik münaqişəli dövrünə son qoyan zəfər idi. Bu yürüş tarixin axarına yeni nizam verən zəfər idi. Bu zəfər iki yüz ildə itirilən torpaqların geri qayıdış zəfəri idi. Bu qayıdış haqqın geri qayıdışı idi. Bu qayıdış Ali Baş Komandanın müdrik siyasətinin, uzaqgörənliyinin nəticəsi idi. Bu qələbə ölkə rəhbərinin qurduğu müzəffər Azərbaycan Ordusunun qələbəsi idi. Düşmən tapdağında olan torpağımızın hər qarışının şəhid qanı və canı ilə qayıdışının qələbəsi idi. Xalqın həmrəyliyinin, milli birliyinin, ölkə rəhbərinə inam və güvəninin qələbəsi idi.

Portret hekayə

Payızın ilk vaxtları idi. Pəncərə qarşısında oturub payızın şıltaqlığını anbaan izləmək Yusifin ən zövq aldığı mənzərə idi. Ağacların yarpaqlarının tökülməsi, yerdə qalanlarının isə küləyin mehi ilə rəqsindən yaranan xışıltılı səsi onu həmişə özünə heyran qoyurdu. Saatlarla təbiətin keçib gedən işvəsinə, nazına tamaşa edirdi. Arabir yağan yağışlar, dolan buludlar da, sanki həvəskar həmdəmini dilə gətirirdi. Əlinə qarmon alıb,  gözlərini yumaraq təsirlənib doyunca ifa edirdi. Deyirdi, payızda təbiətlə dilə gələn musiqi bir başqa olur, bir də ürək cuşa gələndə. İkisi də bir arada oldu, gəl görəsən. Yaxınları, dostları onun həyat dolu baxışlarını yüksək dəyərləndirir, özünəməxsus dəliqanlılığı ona çox yaraşdırırdılar. Zarafatsız bir günü olmazdı. Əsəblə, yersiz deyilmiş sözləri zarafata salmaq onun mərd obrazına xas idi.  O mərdlik ki onu gələcəkdə qəhrəmanlığa yüksəldəcəkdi...

Neçə gündür ki, böyükdən-kiçiyə bütün Azərbaycan sevinc göz yaşları içərisindədir. “Qarabağ əzəli sahibinə qayıdıb, Şuşa bizimdir, Laçın bizimdir!” “Şəhidlərimizin qisası alındı, onların ruhu ağ göyərçinə dönüb Qarabağımızın azad səmasında qanad çalır!” kimi şüarlar dolaşır hamının dilində. Hər kəs qürurlu və sevinclidir. Amma aramızda elələri də var ki, onların sevinci tam başqadır. Bəli, onlar illərdir, öz yurdlarından zorla qovulub məcburi köçkün kimi vaxtilə qışın soyuğunda, yayın istisində çadırlarda yaşamağa məcbur olan insanlardır. Biri Cəbrayıldan, biri Şuşadan, digəri Zəngilandan, Qubadlıdan və işğalda olan başqa torpaqlarımızdan silah gücünə çıxarılanlar. İllərdir, o gün gələcək, – deyib ordusuna, dövlətinə, dövlət başçısına ümid bəsləyənlər. Artıq o ümid doğrulub. Bununla hamımızın arzusu yerinə yetib. İşğaldan qarış-qarış azad edilən torpağımızın ən yüksək zirvəsinə sancılan bayrağımız hər birimizin ürəyini dağa döndərib. Yurdlarından qovulanda özləri  ilə təkcə evinin qapılarının açarlarını götürən, son nəfəsində: bax o sandıqda evimizin açarları var, onları qoruyun, yurdumuz alınanda qapımızı açarsınız,  deyənlərin arzusu yerinə yetib. 

Gözümüzü dünyaya açandan ata-babalarımızın Vətən uğrunda mübarizə əzminin sədaları altında böyümüşük. Bu gün hər bir Azərbaycan övladı dərk edir ki, özünü vətəndaş sayan heç bir şəxs Vətənin dərdinə biganə qala bilməz. Nəinki əsgəri, hərbçisi hər bir mülki vətəndaşı belə, düşmənlə döyüşdə Vətən naminə ölümə hazır olan bir xalqı əzməyə heç bir qüvvə yetməz. Çünki hər bir ölkənin qüdrətini göstərən əsas cəhətlərdən biri onun xalqının, ordusunun və əsgərinin vətənpərvərlik ruhudur. Əgər bu ruh yoxdursa, Vətənin etibarlı müdafiəsindən danışmağa dəyməz. Sentyabr ayının 27-dən başlayaraq düşməni geri çəkilməyə, təslim olmağa məcbur edən də elə bu ruh yüksəkliyi, ordumuzun qorxmaz, igid oğullarının mübarizə əzmi, dövlətçiliyimizin sarsılmaz dayaqları oldu. Bu gün Qələbə sevincini yaşayan xalqımızın qəlbində bir kədər də var. 44 gün davam edən müharibədə düşmənlərimizdən Xocalı, 20 Yanvar, Bərdə, Gəncə qətliamlarının qisasını alaraq şəhid olan oğullarımızın yaxınlarının üzüntüsü. Ordumuzun apardığı uğurlu əks-hücum əməliyyatları zamanı şəhid olanlar arasında qəhrəmanlar Vətəni olan Naxçıvanımızın da igid oğulları vardır. Prezident, Ali Baş Komandan cənab İlham Əliyevin də xalqa müraciətində dediyi kimi: “Naxçıvanlılar da ikinci Qarabağ müharibəsində bütün digər bölgələrdən olan vətəndaşlar kimi fəal iştirak ediblər. İndi müharibə başa çatır. Bəzi bu günə qədər açıqlanmayan məsələlər də üzə çıxacaq. Və hər kəs biləcək ki, bütün başqa bölgələrdən olan hərbçilərlə bərabər, naxçıvanlılar da böyük qəhrəmanlıq göstəriblər. Və torpaqlarımızın azad edilməsi işində fədakarlıq göstəriblər. Şəhidlər veriblər”.

Türkiyə Böyük Millət Məclisi Azərbaycana hərbi qüvvələr göndərilməsi ilə bağlı qanun layihəsini təsdiqləyib.

Layihə parlamentin bu gün keçirilən iclasında müzakirəyə çıxarılıb və qəbul edilib.

Layihəyə əsasən, Türkiyə hərbçiləri 1 il müddətinə Dağlıq Qarabağdakı Rusiya-Türkiyə Birgə Monitorinq Mərkəzində fəaliyyət göstərəcəklər.

Bərpa edəcəyik bunları, hamısını bərpa edəcəyik. Azərbaycan xalqı bir daha öz böyüklüyünü göstərəcək. Bir daha bütün dünyaya sübut edəcəyik ki, biz böyük xalqıq. Biz qayıtmışıq, vuruşa-vuruşa qayıtmışıq. Heç kim bizə bu torpaqları bağışlamayıb.

Bu fikirləri Azərbaycan Prezidenti, Müzəffər Ali Baş Komandan İlham Əliyev işğaldan azad olunmuş Cəbrayıl şəhərinə səfəri zamanı söyləyib.

Biz bütün bu yerləri bərpa edəcəyik. Mən demişdim, Füzulidə bir dənə də bina tapılmadı ki, orada Azərbaycan bayrağı ucaldılsın. Amma biz bərpa edəcəyik.

Bu barədə Azərbaycan Prezidenti, Müzəffər Ali Baş Komandan İlham Əliyev işğaldan azad olunmuş Füzuli şəhərinə səfəri zamanı bildirib.

Şuşa işğaldan azad olunandan sonra artıq düşmən dərk etdi ki, bundan sonra bizə qarşı müqavimət göstərmək heç bir əhəmiyyət kəsb etməyəcək. Şuşa işğaldan azad olunandan bir gün sonra qəhrəman Azərbaycan Ordusu daha 70-dən çox yaşayış məntəqəsini işğalçılardan azad edib və əslində, bu, düşmənə vurulan son zərbə idi. Təsadüfi deyil ki, noyabrın 10-da düşmən faktiki olaraq kapitulyasiya aktını imzaladı.

Bu barədə Azərbaycan Prezidenti, Müzəffər Ali Baş Komandan İlham Əliyev Füzuli-Şuşa avtomobil yolunun təməlqoyma mərasimində Şuşanın azad edilməsinin tarixi əhəmiyyətindən danışarkən bildirib.

Bu gün ölkəmizin həyatında çox əlamətdar bir gündür, tarixi bir gündür. Bu gün Füzuli-Şuşa avtomobil yolunun təməli qoyulur. Bu münasibətlə bütün Azərbaycan xalqını ürəkdən təbrik edirəm. Bu yolun çox böyük əhəmiyyəti var. Çünki bu yol bizi Qarabağın tacı olan Şuşa şəhərinə aparır.

Bu fikirləri Azərbaycan Prezidenti, Müzəffər Ali Baş Komandan İlham Əliyev Füzuli-Şuşa avtomobil yolunun təməlqoyma mərasimində səsləndirib.

19 noyabr tarixindən etibarən Azərbaycanın milli aviadaşıyıcısı (AZAL) Bakı-Naxçıvan-Bakı marşrutu üzrə uçuşları bərpa edir.

"Azərbaycan Hava Yolları" QSC-nin mətbuat xidmətindən bildirilib ki, reyslər hər gün həyata keçiriləcək: Bakıdan uçuş - saat 13:00, Naxçıvandan uçuş - saat 16:10.

Hava gəmisinə COVID-19 testi üzrə mənfi nəticə barədə arayış təqdim edən sərnişinlər buraxılacaq.

Hazırda atəşkəsə nəzarət üzrə Türkiyə-Rusiya Birgə Monitorinq Mərkəzi ilə bağlı görüşlər davam etdirilir.

Bunu Türkiyənin Milli Müdafiə naziri Hulusi Akar deyib.

O bildirib ki, Türkiyə və Rusiya nümayəndə heyətləri hazırda texniki məsələləri müzakirə edir və qarşılıqlı səylər davam etdirilir.

Türkiyənin üç siyasi partiyası Azərbaycana əsgər göndərilməsilə bağlı qanun lehinə səs verəcək

Qanun leyhinə səs verəcək partiyalar hakim "Ədalət və İnkişaf Partiyası", "Cümhuriyyət Xalq Partiyası" və "İYİ Partiyası"dır.

Qeyd edək ki, qanun layihəsinə əsasən Türkiyə Azərbaycana atəşkəsə nəzarət montorinq mərkəzinin yaradılması üçün hərbiçilərin göndərilməsi nəzərdə tutulur.

Türkiyənin Milli Müdafiə Nazirliyi Azərbaycanı Milli Dirçəliş günü münasibətilə təbrik edib.

Təbrik Nazirliyin "Twitter" səhifəsində yer alıb.

Dağlıq Qarabağla bağlı əldə olunan razılaşmalara əməl olunur, regionda vəziyyət stabilləşir.

Bunu Rusiya Prezidenti Vladimir Putin BRİKS (Braziliya, Rusiya, Hindistan, Çin və CAR) ölkələrinin sammitində deyib.

O bildirib ki, sentyabr ayında kəskinləşmiş Dağlıq Qarabağ münaqişəsinin dayandırılması üçün Rusiya ciddi səylər göstərdi:

“Bizim vasitəçiliyimiz nəticəsində noyabrın 10-da atəşin dayandırılması və Dağlıq Qarabağda rusiyalı sülhməramlıların yerləşdirilməsi barədə razılaşmalar əldə olundu”.

Azərbaycan Respublikasında koronavirus (COVID-19) infeksiyasına 2 075 yeni yoluxma faktı qeydə alınıb, 1 139 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 20 nəfər vəfat edib.

Azərbaycanda indiyədək ümumilikdə 79158 nəfər koronavirus infeksiyasına yoluxub, onlardan 56894 nəfər müalicə olunaraq sağalıb, 1005 nəfər vəfat edib, aktiv xəstə sayı 21259 nəfərdir.

Ölkədə son sutka ərzində 13213, hazırkı dövrədək isə 1536434 test aparılıb.

       Azərbaycan Xalq Cümhuriyyətinin atributu olan üçrəngli, ay-ulduzlu bayrağın yenidən Azərbaycanın müstəqillik rəmzinə çevrilməsi ulu öndər Heydər Əliyevin tarixi xidmətləri ilə bağlıdır. Xalqımızın ümummilli lideri Heydər Əliyevin 1990-cı ilin iyulunda Naxçıvana qayıdışı və bu qədim Azərbaycan diyarında milli dövlətçiliyimizin bərpası istiqamətində atdığı tarixi addımlar, nəinki Naxçıvanı, bütövlükdə, Azərbaycanı məhv olmaq təhlükəsindən xilas etdi. Ölkədə cərəyan edən mürəkkəb və ziddiyyətli bir dövrdə Naxçıvana rəhbərlik edən dahi lider Heydər Əliyevin milli dövlət quruculuğu sahəsində qəbul etdiyi mühüm qərarlar Naxçıvanda milli dirçəlişin əsasını qoymaqla Azərbaycanın müstəqil, demokratik və dünyəvi dövlət kimi gələcək fəaliyyətinin siyasi və ideoloji əsaslarını müəyyən etdi. Bu dövrdə xalqda milli özünüdərki gücləndirən, milli dövlət rəmzlərinə hörmət təlqin edən genişmiqyaslı addımlar atıldı. 1990-cı il noyabrın 17-də Naxçıvan Ali Sovetinin sessiyasında ümummilli lider Heydər Əliyevin təşəbbüsü ilə müstəqil Azərbaycan dövlətçiliyinin bərpası istiqamətində bir çox məsələlər müzakirə olundu, “Naxçıvan Muxtar Sovet Sosialist Respublikasının adının dəyişdirilməsi haqqında”, “Naxçıvan Muxtar Respublikası Ali Dövlət hakimiyyəti orqanı haqqında”, “Naxçıvan Muxtar Respublikasının Dövlət rəmzləri haqqında” tarixi qərarlar qəbul edildi. “Naxçıvan Muxtar Respublikasının Dövlət rəmzləri haqqında” Qərara əsasən müstəqilliyimizin əsas atributlarından olan Azərbaycan Xalq Cümhuriyyətinin üçrəngli bayrağı Naxçıvan Muxtar Respublikasının Dövlət Bayrağı kimi qəbul olundu. Bununla əlaqədar ümummilli lider Heydər Əliyevin öz əli ilə yazdığı Ali Məclisin Qərarında deyilirdi:

     Naxçıvan Muxtar Respublikası Ali Məclisi qərara alır:

       1) İlk Azərbaycan Xalq Cümhuriyyətinin üçrəngli Dövlət Bayrağı Naxçıvan Muxtar Respublikasının Dövlət Bayrağı kimi təsis edilsin.

    2) Naxçıvan Muxtar Respublikasının digər dövlətrəmzi – Dövlət Himni və gerbi haqqında məsələ öyrənilib Naxçıvan Muxtar Respublikası Ali Məclisinin müzakirəsinə verilsin.

    3) Azərbaycan Xalq Cümhuriyyətinin üçrəngli Dövlət Bayrağının, bütövlükdə, Azərbaycan SSR-in dövlət rəmzi kimi təsis edilməsi məsələsi qanunvericilik təşəbbüsü qaydasında Azərbaycan SSR Ali Sovetindən xahiş edilsin.

17 noyabr 2020-ci il tarixində xarici işlər naziri Ceyhun Bayramov Beynəlxalq Türk Akademiyasının prezidenti Darxan Kıdırali ilə görüşüb.

Xarici İşlər Nazirliyindən bildirilib ki, görüş zamanı xarici işlər naziri Ceyhun Bayramov qonağı salamlayıb, Beynəlxalq Türk Akademiyasının fəaliyyətinin türkdilli ölkələr arasında əməkdaşlıq əlaqələrini gücləndirilməsinə xidmət etdiyini qeyd edib. Nazir Akademiyanın türk dünyası irsinin, tarixinin və mədəniyyətinin araşdırılmasında apardığı işlərin ölkəmiz tərəfindən yüksək qiymətləndirildiyini ifadə edib.

Nazir Ceyhun Bayramov Azərbaycan tarixinin xüsusi dövrünü yaşadığını qeyd edərək bu zaman çərçivəsində Azərbaycanın ədalətli mövqeyini dəstəkləyən beynəlxalq təşkilatlar sırasında olan Beynəlxalq Türk Akademiyasına təşəkkürünü ifadə edib və bu dəstəyin həmişə ölkəmiz tərəfindən xüsusi minnətdarlıqla xatırlanacağını vurğulayıb.

Ermənistan xarici işlər nazirinin müavini Şavarş Köçəryanın da vəzifəsindən istefa verib.

Qeyd edək ki, Ermənistan xarici işlər naziri Zöhrab Mnatsakanyan da vəzifəsindən azad edilib.

Ölkəmizdə səfərdə olan Türkiyə Respublikası Səhiyyə Nazirliyinin nümayəndə heyəti ilə TƏBİB arasında qarşılıqlı çoxistiqamətli əməkdaşlıq çərçivəsində müzakirələr aparılıb.

TƏBİB-dən verilən məlumata görə, görüş zamanı Türkiyə Respublikası hökuməti ilə Azərbaycan Respublikası höküməti arasında “Səhiyyə və Tibb Elmləri sahəsində” əməkdaşlıq sazişini rəhbər tutaraq “Qardaşlaşmış Xəstəxana” memorandumu imzalanıb.

Memorandum ilkin mərhələdə Kliniki Tibbi Mərkəz və Gülhanə Təhsil və Tədqiqat Xəstəxanası, eyni zamanda K.Fərəcova adına Pediatriya İnstitutu və Ankara Şəhər Xəstəxanasının Uşaq Xəstəxanasını əhatə edib.