Oktyabrın 15-də İtaliyada yaşayan soydaşlarımız Roma şəhərində İtaliya parlamentinin binası qarşısında Ermənistanın Azərbaycana qarşı son təxribatlarına, işğalçılıq siyasətinə və Azərbaycanın müxtəlif şəhərlərində dinc əhalini atəşə tutmaqla törətdiyi terror aktlarına etiraz olaraq dinc aksiya keçirirlər.

Aksiyada bu ölkədə yaşayan və təhsil alan soydaşlarımız, yerli ictimaiyyətin nümayəndələri iştirak edirlər.

Aksiya iştirakçıları İtaliya parlamentinə ünvanlanan bəyanatı səsləndiriblər.

İstanbulun Bağçılar rayonundakı Dostluq Parkında ölkəmizə dəstək mitinqi keçirilib. Tədbir Türkiyədə fəaliyyət göstərən Xəzər Folklor Təhsil və Araşdırma Mərkəzinin (Hazarfem dərnəyi) təşkilatçılığı ilə baş tutub.

Biz vasitəçilərə çox böyük bir jest etdik. Çünki bilirsiniz ki, ilk günlərdən bizə atəşkəslə bağlı müxtəlif yerlərdən mesajlar gəlirdi. Təbii ki, dünyanın öz qaydaları var, müharibənin öz qaydaları, öz qanunları var. Əgər sənə kimsə hücum edirsə, sən öz torpaqlarını, öz əhalini müdafiə etməlisən. Bildiyiniz kimi atəşkəs rejiminin tətbiq edilməsinin əsas səbəbi humanitar məsələlərdir. Bu istiqamətdə müəyyən işlər aparıldı. Biz cəsədlərin dəyişdirilməsi istiqamətində çox önəmli addımlar atdıq. Ancaq təəssüf ki, Ermənistan bu atəşkəsdən istifadə edərək bizə yeni hücumlar təşkil etdi.

Prezident İlham Əliyev bunu Türkiyənin NTV kanalına müsahibəsində bildirib.

Məlum olduğu kimi, oktyabrın 10-da Azərbaycan və Ermənistanın Xarici İşlər nazirlərinin Rusiyanın vasitəçiliyi ilə Moskvada keçirilən görüşündə humanitar atəşkəs barədə razılaşma əldə olunmasına baxmayaraq, erməni tərəfi bu razılaşmanın üstündən bir neçə saat keçməsindən sonra yenidən Azərbaycanın mülki yaşayış məntəqələrinə zərbələr endirməyə başladı. Xüsusilə  Azərbaycanın ikinci böyük şəhəri olan Gəncə şəhəri oktyabrın 11-də Ermənistan silahlı qüvvələri tərəfindən, həm də Ermənistan ərazisindən raket atəşinə məruz qaldı və bu hücum nəticəsində 10 mülki vətəndaşımız həlak oldu, o cümlədən aralarında azyaşlı uşaqlar da olmaqla, 30-dan çox insan yaralandı. Ümumilikdə isə ermənilərin bu cür hücum aktları təkcə Gəncə şəhəri ilə məhdudlaşmır, Azərbaycanın digər yaşayış məntəqələri, o cümlədən Mingəçevir, Ağcabədi, Bərdə, Beyləqan və digər şəhər, rayonlarımız da mütəmadi olaraq düşmən hücumuna məruz qalır. Azərbaycan Respublikası Baş Prokurorluğunun oktyabrın 15-də günorta saat 12-yə olan məlumatına görə, sentyabrın 27-dən ermənilərin yaşayış məntəqələrimizi atəşə tutması nəticəsində 43 mülki şəxs həlak olub, 218 dinc sakin yaralanıb, 1592 yaşayış evi, 79 çoxmənzilli yaşayış binası, 290 mülki obyekt yararsız vəziyyətə düşüb. Bu məlumatların yayılmasından təxminən bir saat sonra düşmənin Tərtər şəhər qəbirstanlığına atdığı mərmilər nəticəsində mülki vətəndaşlardan ölən və yaralananlar var. 

200 ildən bəri Azərbaycan xalqına qarşı təcavüzkar və soyqırımı siyasəti yeridən ermənilər özlərinə saxta tarix yaratmaqla kifayətlənməmiş, tarixi Azərbaycan torpaqlarını “böyük Ermənistan” ərazisi kimi qələmə vermiş və bu saxta fikirləri ilə beynəlxaq ictimaiyyəti çaşdırmağa çalışmışlar. 

XX əsrboyu torpaqlarımızı hissə-hissə mənimsəyən ermənilər böyük güclərin köməyi ilə öz dövlətlərini yaratmağa nail oldular. Sovetləşmədən sonra Dağlıq Qarabağa yiyələnmək arzusuna çata bilməyən ermənilər XX yüzilliyin sonlarında havadarlarının köməyi ilə Dağlıq Qarabağı və ətraf rayonları işğal etdilər. Həmin vaxt Azərbaycan iri dövlətlər tərəfindən müdafiə olunan Ermənistanın işğalçılıq siyasətinin qarşısını ala bilmədi. Bununla kifayətlənməyən ermənilər Azərbaycandan yeni torpaqlar qoparmaq üçün tez-tez təxribatlar törətməyə başladılar. Ancaq nəzərdən qaçırdılar ki, Azərbaycan dövləti 20-25 il bundan əvvəlki dövlət deyildir. Həyata keçirilən məqsədyönlü və düzgün siyasət sayəsində Azərbaycan yüksək səviyyədə inkişaf etmiş, güclü bir dövlətə çevrilmişdir.

Naxçıvan Muxtar Respublikasında miqrasiya proseslərinə dövlət nəzarətinin gücləndirilməsi, qanunsuz miqrasiyanın qarşısının alınması məqsədilə Dövlət Miqrasiya Xidməti tərəfindən həyata keçirilən tədbirlər sentyabr ayında da davam etdirilib. Xidmət tərəfindən muxtar respublika ərazisində qanunsuz yaşayan 3 əcnəbi aşkarlanaraq Azərbaycan Respublikasının qanunvericiliyinə uyğun olaraq barəsində müvafiq tədbirlər görülüb.

Muхtаr rеspublikаdа mülki müdаfiə, əhаlinin və ərаzilərin fövqəlаdə hаllаrdаn qоrunmаsı, fövqəlаdə hаllаrın qаrşısının аlınmаsı və nəticələrinin аrаdаn qаldırılmаsı istiqаmətində qаrşıyа qоyulmuş vəzifələr sentyabr ayında da icrа edilmişdir.

(hekayə)

Nigar “Onunla” hər dəfə “görüşə” həsrətlə can atsa da, mənzilbaşına yaxınlaşanda “ürəyi qulaqlarında döyünür”, dizləri bükülür, ayaqları sözünə baxmırdı. Beləcə, gənclik şövqünü itirməmiş, məhəbbət və qayğı dolu baxışları ilə Nigarı “qarşılayan” “Ona” yaxınlaşdı, ehmalca “qarşısında” diz çökdü. Qəlbindəki xatirələr yumaq-yumaq çözələnib, gözlərində yaşa dönüb gilələndikcə, yanağıboyu yuvarlandıqca, ürəyinə bir sərinlik gəldiyini hiss edirdi...

"Rəşadətli Azərbaycan Ordusu tərəfindən Füzuli rayonunun Arış, Cəbrayıl rayonunun Doşulu, Xocavənd rayonunun Edişə, Düdükçü, Edilli, Çiraquz kəndləri işğaldan azad edilib. Eşq olsun Azərbaycan Ordusuna! Qarabağ Azərbaycandır!"

Bunu Prezident İlham Əliyev tvitter səhifəsində yazıb.

Bu günlərdə sosial şəbəkələrdə Şuşada çəkilmiş çiçəkləmiş xarı bülbülün şəklini gördüm. Sordum ki, bu payız çağında nədir belə növrağın? Xarı bülbül dedi ki, eşitmişəm torpaqlarımızın bir çoxu düşmən işğalından azad edilib. Mənsə onların pişvazına çıxmışam. Səbirsizliklə yollarını gözləyirəm, Azərbaycan əsgəri məni bu əsirlikdən xilas edəcək deyə. Şuşamız düşmən əsarətinə düşdüyü gündən bu yana heç açmamışdım çiçəklərimi. Boynubükük qalmışdım.

Payız fəsli olmasına baxmayaraq xarı bülbül bahar ömrünü yaşayır Vətən torpağında. Yazımı qələmə aldığım məqamda niyyət etdim ki, tez bir zamanda cənnətməkanımız olan Şuşamıza gedib, xarı bülbülün ətrini doyunca alım. Niyyətim hasil olar, əsirlikdə olan xarı bülbülün həsrəti isə sona çatar dedim...

Vətəni sevmək, onu qorumaq həm vətəndaşlıq, həm də əsgəri borcumuzdur. Bu gün bütün dünya Azərbaycan əsgərinin Vətən müharibəsində göstərdiyi şücaətin şahididir. Əsgərlərimiz sentyabrın 27-dən başlayan döyüşlərdə nümayiş etdirdiyi igidlik sayəsində torpaqlarımızın bir qismi azad edilib. Məhz Azərbaycan əsgəri uğrunda vuruşduğu Vətən torpaqlarına üçrəngli bayrağımızı sancır, xalqımıza tarixi qələbə sevinci bəxş edir.

Ali Baş Komandanının rəhbərliyi ilə müasir texnika və silah-sursatla silahlanmış Ordumuz düşmənin bütün mövqelərini darmadağın edərək, addım-addım irəliləyir və 30 ilə yaxındır işğal altında olan torpaqlarımızı azad edir.

Son günlər sosial şəbəkələrdə guya Azərbaycan Ordusunun hərbi qulluqçularının erməni əsirlərinə qarşı kobud davranması barədə videolar yayılıb.

Azərbaycan Müdafiə Nazirliyinin Mətbuat Xidmətindən bildirilib ki, beynəlxalq ictimaiyyətin diqqətini cəlb etmək məqsədilə ermənilər tərəfindən səhnələşdirilən bu videolar təxribat xarakteri daşıyır:

"Bu videoların Azərbaycan hərbi qulluqçularının döyüş fəaliyyətinə heç bir aidiyyəti yoxdur.

Bir daha xatırladırıq ki, Azərbaycan Ordusu hərbi qanunvericiliyə uyğun olaraq Cenevrə Konvensiyasının tələblərinə riayət edərək hərəkət edir".

Ermənistan KİV-lərinin Azərbaycan Hərbi Hava Qüvvələrinə (HHQ) məxsus Su-25 təyyarəsinin vurulması barədə yaydığı məlumat yalandır və düşmən tərəfinin növbəti dezinformasiyasıdır.

Müdafiə Nazirliyinin mətbuat xidmətindən bildiriblər ki, oktyabrın 15-də Azərbaycan HHQ-nin döyüş aviasiya vasitələri tətbiq edilməyib və heç bir Su-25 döyüş təyyarəsi havaya qaldırılmayıb.

Ermənistanın baş naziri Nikol Paşinyan bir sıra hərbi qulluqçuların "milli qəhrəman" fəxri adıyla təltif olunması və növbədənkənar hərbi rütbəylə mükafatlandırılması üçün Ermənistan prezidenti Armen Sarkisyana təqdimat ünvanlayıb.

Bunlar Qarabağda gedən döyüşlərdə həlak olan hərbçilərdir. Paşinyan hesab edir ki, bu şəxslər döyüşlərdə şəxsi şücaət göstəriblər və "qəhrəmancasına həlak olublar".

Paşinyan N saylı qoşun hissəsinin komandiri, polkovnik Vaahn Asatryanın ölümündən sonra "milli qəhrəman" fəxri adıyla təltif olunması ilə yanaşı, polkovnik Araik Arutyunyana general-mayor, polkovnik Artak Budaqyana general-mayor, general-leytenant Onik Qasparyana general-polkovnik rütbəsinin verilməsini məqsədəuyğun sayıb.

Bu, yəqin ki, ordusuz qalmış generallar üçün son təsəllidir və onların ard-arda uğradıqları məğlubiyyətlərə görə düşdükləri depressiyadan çıxarmaq cəhdidir.

Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Ermənistan silahlı qüvvələrinin Tərtərdəki qəbiristanlığa hücumu nəticəsində 3 azərbaycanlı mülki şəxsin həlak olması, 3 nəfərin isə yaralanması ilə bağlı özünün "Twitter" hesabında paylaşım edib.

Prezidentin köməkçisi Ermənistanın humanitar atəşkəsin arxasında gizlənərək dinc insanlara qarşı terror siyasəti yürütdüyünü qeyd edib. O vurğulayıb ki, Azərbaycan öz mülki şəxslərini qorumaq üçün suveren hüququnu özündə saxlayır.

Azərbaycan Respublikasının Baş Naziri Əli Əsədov oktyabrın 15-də Türkiyə Respublikasının Vitse-prezidenti Fuat Oktaya məktub ünvanlayıb.

Nazirlər Kabinetinin mətbuat xidmətindən bildiriblər ki, məktubda Ermənistanın Azərbaycana qarşı davam edən hərbi təxribatı barədə son məlumatlar verilib.

Xüsusi vurğulanıb ki, təxribatın ilk saatlarından etibarən qardaş Türkiyə bütün səviyyələrdə bu xain təcavüz aktını qətiyyətlə pisləyib və hər zaman Azərbaycanın yanında olduğunu bəyan edib.

Azərbaycanın ərazi bütövlüyü bərpa edilməlidir.

Bunu Çin Sosial Elmlər Akademiyası Baş katibinin müavini, hüquq elmləri doktoru Yang Jin deyib.

O, Dağlıq Qarabağ münaqişəsinin ədalətlə həllinə inandığını da söyləyib:

“Mən Azərbaycanı sevirəm və bölgənizdə baş verənləri həyəcanla izləyirəm. Gözəl, zəngin və sülhpərvər ölkənizdə dəfələrlə olmuşam, hətta bir müddət orada yaşamışam. Dərindən ümid edirəm ki, Azərbaycanın ərazi bütövlüyü bərpa ediləcək, problem BMT Təhlükəsizlik Şurasının qərarlarına müvafiq surətdə, ədalətlə həll olunacaq. Azərbaycan xalqına səadət və sülh arzulayıram".

Erməni hərbi birləşmələri Tərtərdə əhalini atəşə tutub.

Hadisə şəhər qəbiristanlığında dəfn mərasimi zamanı baş verib.

Dünyasını dəyişən Tərtər rayon sakini dəfn edilərkən Ermənistan silahlı qüvvələri mərasim iştirakçılarını ağır artilleriya atəşinə tutub.

3 nəfər hadisə yerində ölüb, 3 nəfər isə müxtəlif xəsarətlərlə xəstəxanaya yerləşdirilib.

Ermənistanın son zamanlar Azərbaycana qarşı artan hücumları bizi daha məsuliyyətli olmağa çağırır. Azərbaycan torpaqlarının 20 faizini təxminən 30 ildir işğal altında saxlayan Ermənistan digər ərazilərə də hücumlar edir, mülki insanları atəşə tutur. Ermənistanın bu hərəkətləri müharibə cinayətləridir.

Bu sözləri Türkiyənin Xarici İşlər naziri Mövlud Çavuşoğlu Əhməd Yasəvi Türk-Qazax Beynəlxalq Universitetinin 2020-2021-ci tədris ilinin açılış mərasimində onlayn formatda çıxışı zamanı söyləyib.

Türkdilli ölkələrin ortaq dəyərlərinin qorunmasının, qarşılıqlı dəstəyin vacibliyindən danışan nazir deyib: “Azərbaycanın öz torpaqlarını və xalqını müdafiə etmək üçün apardığı mübarizədən qanuni daha nə ola bilər ki?! Bəzi qüvvələr Azərbaycanın haqq işinə səssiz qalır, işğalçı ilə təcavüzə məruz qalan eyni tutulur. BMT təhlükəsizlik Şurasının və ATƏT-in qətnamə və qərarları yerinə yetirilmir. Qardaş ölkələr olaraq bu məsələdə Azərbaycanla həmrəyliyimiz çox vacibdir”.

Azərbaycan Respublikasının Baş Naziri Əli Əsədov oktyabrın 14-də Gürcüstanın Baş Naziri Giorgi Qaxariyaya məktub ünvanlayıb.

Nazirlər Kabinetinin mətbuat xidmətindən bildiriblər ki, məktubda Gürcüstanın Baş Naziri sentyabrın 27-dən başlayaraq Ermənistanın Azərbaycana qarşı törətdiyi növbəti hərbi təxribat barədə məlumatlandırılıb. Xüsusi vurğulanıb ki, humanitar atəşkəsə dair razılıq əldə edildikdən bir gün sonra Ermənistan silahlı qüvvələrinin gecə saatlarında Gəncənin mərkəzindəki çoxmənzilli yaşayış binalarını “SCUD” raket sistemindən atəşə tutması nəticəsində 5-i qadın olmaqla 10 nəfər həlak olub, 10-u qadın, 9-u uşaq olmaqla 34 nəfər yaralanıb.

Ermənistanın Bakı-Tbilisi-Ceyhan neft boru kəmərinə zərbə endirmək cəhdinə Gürcüstan Xarici İşlər Nazirliyinin dərhal münasibət bildirməsinin təqdirəlayiq olduğu vurğulanıb.

Qeyd edilib ki, Azərbaycan və Gürcüstan bütün beynəlxalq təşkilatlarda bir-birini dəstəkləyir, iki ölkənin üzləşdiyi münaqişələrin beynəlxalq hüququn prinsip və normaları, xüsusilə suverenlik, ərazi bütövlüyü və beynəlxalq səviyyədə tanınmış sərhədlərin toxunulmazlığı əsasında, habelə beynəlxalq təşkilatların müvafiq qətnamə və qərarlarına uyğun olaraq həll olunması məsələsində bir-biri ilə həmrəylik göstərir.

Ermənistanda daha bir qalmaqallı vəziyyət yaranıb.

Ölkənin Milli Təhlükəsizlik Xidmətinin xüsusi təyinatlı qüvvələri Dağlıq Qarabağa cəbhə bölgəsinə yollanmaqdan imtina edib.

Nəticədə yüzlərlə şəxsə cinayət işi açılıb, həbs olunanlar, işgəncəyə məruz qalanlar olub.

Qeyd edək ki, bir neçə gün əvvəl Ermənistanın baş naziri Nikol Paşinyan bir müddət Xidmətin rəhbəri, vəzifədə 4 ay işləmiş 29 yaşlı Argişti Kərəmyanı vəzifədən azad edib.

Döyüş əməliyyatları başlayandan Ermənistanın ordu sıralarında 3 minədək fərari aşkar edilib.

Cəbhə bölgəsində ard-arda itkilər verən Ermənistan artıq döyüşlərə birinci Qarabağ müharibəsinin iştirakçıları olan “qocalar”ı cəlb edir. Elit qüvvələrin imtina etdiyi döyüşlərdə qoca əsgərlərin nə cür xeyir verə biləcəyi isə sual altındadır.

Ermənistan silahlı qüvvələrinin polkovniki Vahan Asatryan məhv edilib.

Bu barədə Ermənistan baş naziri Nikol Paşinyan məlumat verib.

Ermənistanın silahlı qüvvələri humanitar atəşkəs rejiminin tələblərini, o cümlədən 1949-cu il tarixli Cenevrə Konvensiyalarının əsas norma və prinsiplərini kobud şəkildə pozmaqla azərbaycanlı dinc mülki əhaliyə qarşı terror əməllərini davam etdirir.

Oktyabrın 15-də səhər saatlarından başlayaraq düşmənin silahlı birləşmələri tərəfindən Ağdam rayonu müxtəlif istiqamətlərdən intensiv raket və ağır artilleriyadan atəşə tutulub. Səhər saat 09 radələrində Ağdam rayonunun Birinci Baharlı qəsəbəsində fərdi evlərə mərmi düşməsi nəticəsində 1969-cu il təvəllüdlü Vəliyev Şahsuvar Millət oğlu və 1979-cu il təvəllüdlü Musayev Loğman Yusif oğlu müxtəlif dərəcəli bədən xəsarətləri alaraq xəstəxanaya yerləşdiriliblər. Evlərə ciddi ziyan dəyib.

Təcavüzkar Ermənistanın hərbi-siyasi rəhbərliyi öz təxribatçı əməllərini davam etdirərək beynəlxalq hüququn fundamental norma və prinsiplərini kobud şəkildə pozaraq Azərbaycan Respublikasının qəsdən və hədəflənmiş şəkildə dinc əhalinin sıx yaşadığı əraziləri artilleriya atəşinə tutmaqla mülki əhaliyə qarşı müxtəlif cinayətlət törədirlər.

          Təcаvüz­kаr mü­hа­ri­bə­ni plаn­lаş­dır­mа, hаzırlаmа, bаş­lа­mа və yа аpаr­mа bеynəl­хаlq hüqu­qun prinsip­lə­ri ilə təs­bit оlun­muş sül­hün, хаlq­lаr və döv­lət­lər аrа­sın­dа dinc yа­nа­şı yаşаmаnın və əmək­dаş­lı­ğın əlеy­hi­nə yö­nəl­di­yi üçün bе­lə əməl­lə­rin törədilmə­si bеy­nəl­хаlq hü­quq nоr­mа­lа­rı ilə məsu­liy­yə­tə sə­bəb оlur.

          Bütövlükdə mü­hа­ri­bə­lər хаlq­lаr və döv­lət­lər аrа­sın­dа münа­si­bət­lə­rə zər­bə vu­rur, оn­lа­rа kül­li miqdаr­dа mаd­di və mə­nə­vi zə­rər yе­ti­rir, mil­li-mədə­ni sər­vət­lə­rin, sə­nа­yе-tə­sər­rü­fаt оbyеktləri­nin dаğıdılmа­sı, hа­bе­lə in­sаn­lа­rın məh­vi ilə nə­ti­cə­lə­nir. Bu ci­nа­yə­tin ic­ti­mаi təhlükə­li­li­yi də məhz bir döv­lə­tin bаş­qа bir döv­lə­tin ərаzisi­ni zəbt еtmə­si və tə­cа­vüz­kаr əməllə­ri­ni dа­vаm еt­dir­mə­si­nin bеy­nəl­хаlq hü­qu­qun dövlət­lə­rin dinc yа­nа­şı yа­şа­mа­sı prinsipinə zər­bə vur­mа­sın­dа ifа­də оlu­nur.

Ermənistan tərəfindən Azərbaycana qarşı törədilən təcavüzkar əməllərin qurbanları təkcə ölkə vətəndaşları deyil, həm də yaşı minillərə söykənən tarixi-mədəni abidələrimizdir. Azərbaycanın mədəni irsi bəşər mədəniyyətinin ayrılmaz tərkib hissəsi olduğundan ölkəmizin ərazisində xalqımızın çoxəsrlik tarixi keçmişindən yadigar qalmış mədəniyyət abidələrinin erməni vandalizmindən mühafizəsi beynəlxalq əhəmiyyət kəsb edən bir problemdir. Ona görə ki, təcavüzkar Ermənistan işğal etdiyi Azərbaycan ərazilərində mədəni irsin məhv edilməsinə və saxtalaşdırılmasına yönələn, beynəlxalq konvensiyalarda bəşəri cinayət kimi qiymətləndirilən əməllər törədib.

    Ermənistan Azərbaycanın işğal edilmiş torpaqlarında ölkəmizə qarşı mədəni təmizləmə siyasəti həyata keçirərək, tarixi və mədəni irsimiz məqsədyönlü şəkildə və xüsusi qəddarlıqla məhv etmişdir. Bu əməllər isə ümumilikdə bəşəriyyətə qarşı mənəvi soyqırımıdır.      

          Ermənistanın işğalı nəticəsində Dağlıq Qarabağ və ətraf rayonlarda dağıdılan muzeylər, məscidlər, abidələr tək Azərbaycan xalqının deyil, bütün İslam dünyasına, ümumilikdə isə bəşəriyyətə aiddir. Bu, bəşər mədəniyyətinə qarşı təcavüzdür.

Biz həmişə öhdəliyimizə sadiq qalırıq. Bildiyiniz kimi, humanitar zəmində atəşkəsin elan olunması qərarı Rusiyadan gəlmişdir və biz bunu dəstəklədik. Çünki düşünürəm ki, ölmüş əsgərlərin cəsədlərini və girovları mübadilə etmək, fəaliyyəti danışıqlar masasında davam etdirmək üçün, bu, doğru qərar idi. Çünki Moskvada elan olunmuş bəyannamədə faktiki olaraq danışıqların əsas prinsiplər çərçivəsində aparılacağı təmin edilib. Bu, həmişə bizim mövqeyimiz olub.

Prezident İlham Əliyev bu barədə “France 24” televiziya kanalına müsahibəsində atəşkəs rejiminin pozulması ilə bağlı suala cavabında bildirib.

Ermənistan silahlı qüvvələri humanitar atəşkəsə açıq şəkildə əməl etməyərək Azərbaycanın Tərtər, Ağcabədi, Ağdam və digər rayonlarını atəşə tutublar. Nəticədə 1 dinc sakin yaralanıb.

Bunu Azərbaycan Prezidentinin köməkçisi Hikmət Hacıyev "Tvitter" hesabında bildirib..

Uzun illərdir ki, Cənubi Qafqaz, xüsusilə də Azərbaycan üçün dəhşətli bir kabusa çevrilmiş erməni aqressiyası regiona böyük bəlalar gətirir. Nəhayət ki, Ermənistanda əsassız ərazi iddiaları və etnik təmizləmə siyasətinin ağır nəticələrə səbəb olduğunu bu ölkənin öz cəmiyyətində də anlamağa başlayıblar.

Bunu AMEA Qafqazşünaslıq İnstitutu “Ermənişünaslıq” şöbəsinin müdiri, tarix üzrə elmlər doktoru Qasım Hacıyev deyib.

Onun sözlərinə görə, Ermənistanın terrorçu, işğalçı bir dövlət olmasını bu dövlətin son zamanlar özünü göstərən hərbi-siyasi fəaliyyəti daha çox büruzə verdi:

"Görünən odur ki, vaxtilə terrorçu partiya və təşkilatlar yaradan, faşizmə xidmət edən Nijdenin heykəlini qoyan, onun “ideyalarını” təbliğ edən erməni ideoloqları öz xalqlarını addım-adım uçuruma sürükləyib. Onlar yaşadıqları region üçün də təhlükə mənbəyinə çevrildilər. Digər region dövlətlərindən fərqli olaraq Ermənistan separatizm mövqeyi tutmuş, əsassız ərazi iddiaları ilə işğalçılıq siyasəti yürütmüş və bunu həyata keçirmək üçün terror aktlarına rəvac vermişdir. Bir zaman Dağlıq Qarabağ Muxtar Vilayətində yaşayan ermənilərin güya iqtisadi və mənəvi “böhran keçirdiyindən narahat olduğu üçün” süni Dağlıq Qarabağ problemi yaradan Ermənistan onları məhvə doğru sürüklədi".

ABŞ-da fəaliyyət göstərən Azərbaycan diaspor təşkilatları etiraz tədbiri keçirib.

Diasporla İş üzrə Dövlət Komitəsindən verilən məlumata görə, Vaşinqton şəhərində - Ağ Evin qarşısında keçirilən etiraz tədbirində Ermənistan silahlı qüvvələrinin Azərbaycanın yaşayış məntəqələrini - Tərtər, Goranboy, Bərdə, Yevlax, Ağdam, Ağcabədi, Beyləqan, Füzuli rayonlarını, Gəncə və Mingəçevir şəhərlərini, digər əraziləri artilleriya və raket atəşinə tutması nəticəsində dinc əhali arasında tələfatın baş verməsi, mülki şəxslərin və günahsız körpələrin həlak olması, yaşayış evləri və mülki obyektlərin dağıdılması sərt şəkildə pislənib.

Oktyabrın 14-dən 15-ə keçən gecə cəbhənin Ağdərə-Ağdam və Füzuli- Hadrut-Cəbrayıl istiqamətlərində əvvəlki günlərdə olduğu kimi vəziyyət gərgin olaraq qalıb.

Müdafiə Nazirliyindən verilən məlumata görə, Ermənistan silahlı qüvvələrinin bölmələri gecə ərzində cəbhənin bəzi istiqamətlərində Azərbaycan Ordusunun mövqelərinə basqın etməyə cəhd göstərib. Qoşunlarımız tərəfindən həyata keçirilən uğurlu tədbirlər nəticəsində qarşı tərəf ciddi itki verib və cəbhənin müxtəlif istiqamətlərində geri çəkilməyə məcbur edilib.

Humanitar atəşkəs rejimini kobudcasına pozan Ermənistan silahlı qüvvələri Goranboy, Tərtər, Ağdam və Ağcabədi rayonlarının ərazilərini atəşə tutur.

Bu barədə Müdafiə Nazirliyindən bildirilib.

Naxçıvan Muxtar Respublikası Dövlət Təhlükəsizliyi Xidməti tərəfindən düşmən və işğalçı ölkə Ermənistanın dövlət qurumları arasındakı elektron yazışmalar əldə olunmuşdur. Ermənistan Hökumət Aparatının Vətəndaşların qəbulu və müraciətlərinin müzakirəsi idarəsinin müdiri Aleksandr Qazaryanın 5 oktyabr 2020-ci il tarixdə Ermənistan Müdafiə nazirinə göndərdiyi iki məktubda işğalçı ölkənin ordusundakı acınacaqlı vəziyyət öz əksini tapmışdır.

Bu münasibətlə keçirilən tədbirdə çıxış edən Naxçıvan Muxtar Respublikası Əmək və Əhalinin Sosial Müdafiəsi naziri Nicat Babayev bildirib ki, məhdud fiziki imkanlı şəxslər tərəfindən toxunmuş 2000 cüt yun corab və 1700 ədəd yun boyunluq əsgərlərimizə hədiyyə edilir. Qeyd olunub ki, bu kimi tədbirlər məhdud fiziki imkanlı şəxslərin məşğulluğunu təmin etməklə bərabər onların maddi təminatlarının yaxşılaşmasına da müsbət təsir göstərir.

Ermənistan-Azərbaycan münaqişəsi XX yüzilliyin tarixinə ən faciəli münaqişələrdən biri kimi daxil olmuş, onun nəticələri milyonlarla insanın taleyinə ciddi təsir göstərmişdir. 1988-ci ildə ermənilərin Azərbaycanın tarixi torpaqlarına açıq formada əsassız ərazi iddiaları və etnik zəmində təxribatları ilə başlamış bu münaqişə Ermənistanın Azərbaycana qarşı hərbi təcavüzü ilə nəticələnmişdir.

1988-1993-cü illərdə Ermənistanın ölkəmizə hərbi təcavüzü nəticəsində Azərbaycan Respublikasının 20 faiz ərazisi – Xankəndi şəhəri, Xocalı, Şuşa, Laçın, Xocavənd, Kəlbəcər, Ağdam, Füzuli, Cəbrayıl, Qubadlı, Zəngilan rayonları, həmçinin Tərtər rayonunun 13, Qazax rayonunun isə 7 kəndi Ermənistan ordusu tərəfindən işğal olunmuşdur. Həmin ərazilərdə azərbaycanlı əhaliyə qarşı etnik təmizləmə həyata keçirilmiş, bütün Azərbaycan əhalisi işğal edilmiş ərazilərdən qovulmuş, qaçqın və məcburi köçkün vəziyyətinə salınmışlar. Ermənistan azərbaycanlı mülki şəxslərə qarşı bir sıra müharibə və insanlıq əleyhinə cinayətlər törətmiş, torpaqlarımızın işğalına görə məsuliyyətdən yayınmaq məqsədilə həmin ərazilərdə cinayətkar, terrorçu, qondarma rejim yaratmışdır.

AMEA Naxçıvan Bölməsində cari ilin doqquz ayında görülən elmi və elmi-təşkilati işlərin yekunlarına həsr edilən tədbiri bölmənin sədri, akademik İsmayıl Hacıyev açıb, müvafiq istiqamətlər üzrə aparılan tədqiqatlardan danışıb.
Bölmənin Elm və təhsil şöbəsinin müdiri, aqrar elmləri üzrə fəlsəfə doktoru, dosent Orxan Bağırov bildirib ki, bəhs olunan dövrdə bölmə əməkdaşlarının, ümumilikdə, 502 elmi əsəri nəşr edilib. Əsərlərdən 2 monoqrafiya, bir kitab, 79 məqalə, 50 konfrans materialı və 5 tezis xaricdə işıq üzü görüb. Elmi məqalələrdən 36-sı impakt faktorlu jurnallarda çap olunub. 5 monoqrafiya, 2 kitab, 345 elmi məqalə hazırlanaraq müxtəlif nəşriyyatlara təqdim edilib. Əməkdaşların 359 əsərinə istinadlar qeydə alınıb.
Vurğulanıb ki, cari ilin 9 ayı ərzində bölmədə iki seriya üzrə “Elmi əsərlər” və “Axtarışlar” jurnalının 2 nömrəsi, “Görkəmli Azərbaycan mütəfəkkiri: Nemətullah Naxçıvani” beynəlxalq konfransın və “Naxçıvanın muxtariyyəti: tarixdə və günümüzdə” respublika konfransının materialları nəşr olunub. “Naxçıvan tarixi mənbələrdə” kitabı, “Nağı Nağıyev: taleyi və sənəti” məqalələr toplusu hazırlanaraq çapa təqdim edilib.

Dövlət Vergi Xidmətinin vergi.nakhchivan.az rəsmi internet səhifəsi daha da təkmilləşdirilərək vergiödəyicilərinin və ictimaiyyətin istifadəsinə verilib. İnternet səhifəsinin vizual görüntüsü dəyişdirilib, daha çox müraciət olunan bölmələr xüsusi banderlərlə saytın əsas səhifəsinə yerləşdirilib.
Vergiödəyiciləri ilə yerlərdə həyata keçirilən maarifləndirici görüşlərlə yanaşı, müasir dövrün tələblərinə uyğun olaraq dövlət orqanının rəsmi internet səhifəsi və sosial media üzərindən məlumatlandırma işləri təkmilləşdirilir.

Sentyabrın 27-dən etibarən Ermənistan silahlı qüvvələri müxtəlif istiqamətlərdən hərbi mövqelərimizi, kəndlərimizi, şəhərlərimizi atəşə tutur. Bunun nəticəsində minə yaxın ev ya dağıdılıb, ya da ki, böyük ziyan görüb, mülki şəxslər arasında itkilərimiz, şəhidlərimiz vardır. Bu günlərdə yanımızda olan, bizim haqq işimizə öz ədalətli mövqelərini açıq şəkildə ifadə edən ölkələr qardaş Türkiyə və qardaş Pakistan respublikalarıdır. Münaqişə başlayandan bəri hər iki ölkə “qardaş Azərbaycanın yanındayıq”, – dedi. Türkiyənin bir çox yerlərində Azərbaycanla həmrəylik nümayiş etdirmək üçün Azərbaycan və Türkiyə bayraqları birlikdə dalğalanır. Ölkəmizdə, eləcə də kənarda yaşayan əcnəbi vətəndaşlar, xüsusilə Türkiyə və Pakistandan dövlət başçımıza yazılan məktublarda bu şanlı mübarizədə ürəklərinin qardaş Azərbaycanla bir vurduğunu qeyd etdilər. Xalqımızın həmrəyliyi, birliyi, inamı qədim diyarımız Naxçıvanda yaşayan, təhsil alan əcnəbi vətəndaşları, xüsusilə Türkiyə türklərini daha da ruhlandırıb. Onlar da ordumuzun sıralarına yazılmaq, səngərdə düşmənə qarşı birlikdə mübarizə aparmaq istədiklərini bildirirlər. Qardaş Türkiyə və Pakistanın Azərbaycana birlik, bərabərlik çağırışları məni həmin ölkələrin diyarımızda təhsil alan vətəndaşları ilə söhbətə aparıb çıxardı. Naxçıvan Dövlət Universitetində təhsil alan tələbələrlə həmsöhbət olduq, onların da mövcud hadisələr barədə fikirlərini öyrəndik.

“ASALA” terror təşkilatının üzvü Fransa vətəndaşı Gilbert Minasyan və onun rəhbərlik etdiyi 15 nəfərdən ibarət dəstənin Azərbaycan Respublikasının ərazisində törətdikləri cinayət əməllərinə görə cinayət işi başlanıb.

Bu barədə Baş Prokurorluğun Mətbuat xidmətindən məlumat verilib.

Məlumatda qeyd edilib ki, Ermənistan Respublikasının işğalçı mahiyyətinin beynəlxalq müstəvidə bir daha ifşa edilməsi, eləcə də ordumuza və dinc əhaliyə qarşı cinayətlər törətmiş təxribatçı erməni birləşmələrinin hərbi qulluqçularının beynəlxalq hüquq normaları çərçivəsində məsuliyyətə cəlb edilmələri üçün Azərbaycan Respublikasının Baş Prokurorluğu tərəfindən zəruri tədbirlərin görülməsi davam etdirilir.

Ermənistan Azərbaycanın mülki əhalisinə qarşı raketlərdən, o cümlədən “Smerç” raketlərindən istifadə edir. Siz Gəncə şəhərinə səfər edəndə Ermənistanın təxribatının şahidi oldunuz.

Bu sözləri Prezidentin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev oktyabrın 14-də xarici ölkələrin səfirləri, Azərbaycanda akkreditə olunmuş xarici hərbi attaşelər və beynəlxalq təşkilatların ölkəmizdəki nümayəndələri üçün keçirilən brifinqdə bildirib.

Qafqaz Müsəlmanları İdarəsinin Qərb bölgəsi üzrə səlahiyyətli nümayəndəsi Hacı Tahir Abbasov, Aleksandr Nevski adına Rus Pravoslav Kilsəsinin iereyi Varfolomey Denis Sotnikov və Gəncə Yəhudi Dini İcmasının sədr müavini Anar Məmmədov Ermənistan silahlı qüvvələrinin humanitar atəşkəs rejimini kobudcasına pozaraq, cəbhə bölgəsindən xeyli aralıda yerləşən Azərbaycanın ikinci böyük şəhəri olan Gəncəni raket atəşinə tutmasını kəskin şəkildə pisləyən birgə bəyanat yayıblar.

Bəyanatın mətnini təqdim edirik :

Ermənistan baş naziri Nikol Paşinyan erməni xalqına müraciət edib. 

O, Qarabağ ətrafındakı 7 rayonu Azərbaycana qaytarmaq barədə təklifləri qəbul etmədiyini açıqlayıb. 

“Azərbaycan addım-addım qarşımıza şərt qoydu ki, öncə 5, sonra isə 2 rayonu onlara qaytaraq, sonda Qarabağı sülh müqabilində qaytarmalı idik. Bizim hökumətimiz bundan imtina etdi, bu bizim üçün qəbuledilməz idi”. 

Ermənistanın hökumət rəhbəri cəbhənin həm şimal, həm də cənub istiqamətində geri çəkildiklərini və döyüşlər zamanı ciddi itkilər verdiyini etiraf edib.

"Mən bunları sizin aranızda vahimə yaratmaq üçün demirəm. Düşmən son vaxtlar döyüş taktikasını dəyişərək arxa xəttimizə daxil ola bilib".

Nikol Paşinyan döyüşlərdə ağır itkilər vermələrinə baxmayaraq, Qarabağın heç bir ərazisinin Azərbaycana qaytarılmayacağını söyləyib.

“Biz sona qədər dirənəcəyik. Heç bir ərazi Azərbaycana qaytarılmayacaq. Sona qədər müharibə” – deyə Paşinyan çıxışını yekunlaşdırıb.

Bunu xalqa müraciətində Ermənistan baş naziri Nikol Paşinyan deyib.

Paşinyan bildirib ki, hazırda itkilərimizin sayı böyükdür. Ermənistan qoşunları şimal və cənub istiqamətində geri çəkilməli olub.

Ardını oxu...