İyulun 12-də və 13-də Ermənistan hərbi qüvvələri tərəfindən Azərbaycanla sərhəddə törədilən təxribat barədə İndoneziya KİV-ləri də məlumatlar yayıb.

İndoneziyanın “dunia.rmol.id”, “inews.id”, “respublika.co.id”, “news.demokrasi.id” və digər saytlarında Azərbaycan Müdafiə Nazirliyinə istinadla bazar günü Ermənistan silahlı qüvvələrinin artilleriya atəşindən istifadə etməklə hücuma keçdiyini bildirilir. Lakin düşmənin cavab atəşi ilə geri oturdulduğu qeyd edilir.

“Konstitusiya Məhkəməsinin insan hüquqlarının müdafiəsi sahəsində mühüm beynəlxalq sənədlərə əsaslanaraq qəbul etdiyi qərarlar insanların siyasi, iqtisadi, sosial və digər hüquq və azadlıqlarının təmin edilməsinə, dövlətin hüquqi bünövrəsinin möhkəmləndirilməsinə, gələcək nəsillər üçün zəngin hüquqi irsin formalaşmasına xidmət edir”.

 Azərbaycan xalqının ümummilli lideri Heydər Əliyev

 Azərbaycan Respublikası Konstitusiya Məhkəməsinin fəaliyyətə başlamasından 22 il keçir.

Ermənistan silahlı qüvvələrinin bölmələri iyulun 14-də səhər saatlarından başlayaraq Tovuz rayonunun Ağdam və Əlibəyli kəndlərini iriçaplı silahlardan və artilleriya qurğularından atəşə tutublar.

Müdafiə Nazirliyinin mətbuat xidmətinin rəisi polkovnik Vaqif Dərgahlı bildirib ki, kənd sakinlərinə heç bir ziyan dəyməyib.

Taleyinə şəhidlik zirvəsi yazılan, doğulduğu torpaqdan yüzlərlə kilometr uzaqda “Öncə Vətəndir!” – deyib canından keçən Toğrul Məmmədovun əziz xatirəsinə.
Yenə həmin gün gəldi, yenə məzarın başında səninlə danışıram şəhidim, Sənə demək istədiyim sözləri misra-misra vərəqə köçürürəm. Məhz köçürürəm, nöqtəsinə, vergülünə toxunmadan, bir sözünü dəyişmədən, əzbər bildiyim bir şeir kimi...

Dünyada elə şəxsiyyətlər var ki, onların həyatından, taleyindən, fəaliyyətindən yazmaq üçün bütöv bir xalqın, ölkənin tarixini yazmaq lazım gəlir. Ümummilli liderimiz Heydər Əliyev məhz belə nadir şəxsiyyət, xoşbəxt insan idi. XX əsrin 30 ili Azərbaycan tarixi üçün Heydər Əliyev dövrü olmuşdur. Ulu öndər Azərbaycan milli tarixində özünəməxsus yer tutan elə dühadır ki, onun zəngin irsi hələ uzun müddət politoloqların, filosofların, tarixçilərin və tədqiqatçıların diqqət mərkəzində olacaqdır. O, Azərbaycan xalqının müstəqillik mübarizəsindəki misilsiz xidmətləri ilə hələ sağlığında canlı əfsanəyə çevrilmiş, bütün dünya azərbaycanlılarının sonsuz sevgisini qazanmışdı. 1969-cu ildə ulu öndər Heydər Əliyev ölkəmizə rəhbər seçiləndə Azərbaycan ozamankı SSRİ-nin ən geridə qalmış respublikası idi. 1971-ci ildə isə Azərbaycan inkişafın sürətinə görə SSRİ-də ən qabaqcıl bir respublikaya çevrildi.

Naxçıvan şəhərindəki “Sarvanlar” məscidində Naxçıvan Muxtar Respublikası Ali Məclisi Sədrinin tapşırığı ilə dini icma rəhbərlərinə və din xadimlərinə pulsuz geyimlər verilib.

Ermənistan silahlı qüvvələrinin bölmələri iyulun 12-si saat 22:45-dən etibarən iyulun 13-ü saat 00:40-dək iriçaplı silahlardan da istifadə etməklə Şahbuz və Culfa rayonları istiqamətində müdafiə olunan müvqelərimizi atəşə tutub.

Düşmənin atəşkəs rejimini pozması zamanı əsasən izburaxan və yandırıcı mərmilərdən istifadə etməsi ara boşluğunda olan 5 hektara qədər ərazinin yanması ilə nəticələnib.
Düşmən cavab atəşi ilə susdurulub. Əməliyyat şəraiti qoşunlarımızın tam nəzarəti altındadır.

Azərbaycanda 529 yeni koronavirus infeksiyasına yoluxma faktı qeydə alınıb, 547 nəfər müalicə olunaraq sağalıb və evə buraxılıb.

Bu barədə Nazirlər Kabineti yanında Operativ Qərargahdan məlumat verilib.

COVID-19 üçün götürülən analiz nümunələri müsbət çıxmış 7 nəfər isə vəfat edib. 

Cəbhə xəttində erməni tərəfin növbəti təxribatının qarşısı Azərbaycan Ordusunun bölmələri tərəfindən layiqincə alındı və Ermənistan ordusu növbəti dəfə çökdürüldü. Ermənistan Müdafiə Nazirliyi faktı inkar etməyə cəhd etsə də, alınmadı. Artıq erməni ictimaiyyəti baş verən hadisə nəticəsində ermənilərin saysız-hesabsız itki verməsini faktlarla açıqlayıb.

Azərbaycan Ordusunun adekvat cavab atəşi nəticəsində erməni ordusu külli miqdarda itki versə də, Ermənistan Müdafiə Nazirliyi cəbhənin Tovuz rayonu istiqamətində işğalçı ordunun 2 hərbçisinin yaralandığını bəyan edib.Məlumatda qeyd edilir ki, hadisə nəticəsində cəmi 2 erməni həbçisi xəstəxanaya yerləşdirilib.

Ermənistan silahlı qüvvələrinin Azərbaycan-Ermənistan dövlət sərhədinin Tovuz rayonu istiqamətində mövqelərimizi ələ keçirmək məqsədilə hücum cəhdi Türkiyənin aparıcı KİV-ləri tərəfindən kəskin tənqid olunur.

Yeni növ koronavirus (COVID-19) pandemiyası nəticəsində "Boeing" korporasiyası ensiz və geniş füzelyajlı təyyarələrin istehsalını azaldacaq.

Bu barədə "Boeing"in Rusiya və MDB ölkələri üzrə prezidenti Sergey Kravçenko bildirib.

Almaniyanın ARD ictimai televiziyasının “Tagesschau” proqramında Ermənistanın Tovuz rayonu istiqamətində törətdiyi təxribatdan bəhs edilib.

Məlumatda Azərbaycan Müdafiə Nazirliyinin açıqlamasına istinadən Ermənistan silahlı qüvvələrinin artilleriya qurğularından istifadə etməklə hücuma keçdiyi bildirilib.

Məlumatda Ermənistan-Azərbaycan Dağlıq Qarabağ münaqişəsinin tarixindən də bəhs edilib.

AZƏRTAC

İyulun 13-də Avstraliyanın “İnternational Busines Times” saytı iyulun 12-də Ermənistan hərbi qüvvələrinin Azərbaycanın dövlət sərhədində törədikləri təxribat barədə geniş məqalə yayıb.

Avstraliya saytı Azərbaycan Müdafiə Nazirliyinə istinadla bazar günü Ermənistan silahlı qüvvələrinin artilleriya atəşindən istifadə etməklə hücuma keçdiyini bildirib. Lakin düşmən cavab atəşi ilə geri oturdulub. Döyüş nəticəsində Azərbaycan hərbiçilərinin həlak olduğu və yaralandığı qeyd edilib.

Məqalədə qeyd edilir ki, Ermənistanın təcavüzü nəticəsində Azərbaycanın Dağlıq Qarabağ bölgəsi və ona bitişik yeddi rayonu işğal olunub. Eyni zamanda, bildirilir ki, Ermənistan tərəfindən iyulun 12-də növbəti hərbi təcavüz Azərbaycanın Tovuz rayonu istiqamətində - dövlət sərhədində törədilib.

Cəbhə bölgəsindəki vəziyyətlə bağlı sosial şəbəkələrdə əsassız məlumat yayılır.

Bunu jurnalistlərə açıqlamasında Müdafiə nazirliyinin Mətbuat xidmətinin rəhbəri, polkovnik Vaqif Dərgahlı deyib.

Ermənistan ağlını başına toplasın, Türkiyə olaraq bütün imkanlarımızla Azərbaycanın yanındayıq. Türkiyə Dağlıq Qarabağ probleminin siyasi yollarla həlli tərəfdarı olsa da, Ermənistan Silahlı Qüvvələrinin Azərbaycanın Tovuz rayonu istiqamətində təxribatı sübut edir ki, Ermənistan mühabriə tərəfdarıdır. Biz Azərbaycanı yalnız buraxmayacğıq!

Bunu Türkiyə Xarici İşlər Nazirliyinin rəhbəri Mövlud Çavuşoğlu bildirib.

Bu çirkin əməllərə əl atmaq Ermənistanın təcavüzkar siyasətinin təzahürüdür. Bu siyasəti məntiqlə izah etmək mümkün deyil. Çünki bu siyasət olduqca ziddiyyətlidir və bu siyasət Ermənistan üçün böyük təhlükə mənbəyidir.

Bu fikirləri Prezident İlham Əliyev Təhlükəsizlik Şurasının iclasında söyləyib.

“Mən dəfələrlə demişəm, bir daha demək istəyirəm ki, Azərbaycan heç vaxt işğal edilmiş torpaqlarının bu vəziyyətdə qalması ilə barışmayacaq, işğalla barışmayacaq və əlindən gələni edəcək ki, öz ərazi bütövlüyünü bərpa etsin”, - deyə Prezident qeyd edib.

İyulun 13-də Azərbaycan Respublikasının Xarici işlər naziri Elmar Məmmədyarovun ATƏT-in Minsk qrupunun Rusiya Federasiyasından olan həmsədri İqor Popov və ATƏT-in fəaliyyətdə olan sədrinin şəxsi nümayəndəsi Anji Kaspşik ilə telefon danışığı baş tutub.

Yeni Azərbaycan Partiyası Tovuz istiqamətində sərhəd zonasında erməni təxribatı ilə əlaqədar bəyanat yayıb.

Bu barədə  YAP-ın mətbuat xidmətindən məlumat verilib.

Bəyanatda deyilir: “İyul ayının 12-də Ermənistan silahlı qüvvələri tərəfindən Tovuz rayonu istiqamətində sərhəd xəttində törədilən təxribat bütün Azərbaycan xalqı kimi Yeni Azərbaycan Partiyasının çoxminli üzvlərinin dərin hiddətinə səbəb olub. Təxribatın Dağlıq Qarabağ bölgəsinə aid olmayan ərazidə baş verməsi onun çirkin mahiyyətindən, erməni tərəfinin təmas xəttində süni gərginlik yaratmaq niyyətindən xəbər verir. Öz ölkəsinin daxilində bütün dayaqlarını itirən Ermənistanın diktatura rejiminin cəbhədə təxribatlar yaratmaqla xalqın qəzəbindən yayınmağa çalışması yeni taktika deyil. Azərbaycanın Silahlı Qüvvələri, qəhrəman əsgərlərimiz səbəblərindən asılı olmayaraq cəbhə xəttində erməni tərəfinin törətdiyi hər bir təxribata həmişə layiqincə cavab verib, ağır zərbələrlə düşməni yerində oturdub. İyul ayının 12-də Tovuz istiqamətində sərhəd xəttində qısamüddətli döyüşlər bunun daha bir əyani nümunəsi oldu. Düşmən tərəfi yenə də ciddi itkilər verərək geri oturduldu, törətdiyi təxribatlara görə layiqli cəzasını aldı.

Bu gün sərhəddə gərgin vəziyyət davam edir. Dünən gecə bütün aidiyyəti qurumlarla, komandanlarla əlaqədə idim. Bu gün səhər tezdən də mənə operativ məlumat verilib və sərhəddə vəziyyət sabitləşməyib.

Bu barədə Prezident İlham Əliyev Təhlükəsizlik Şurasının iclasındakı çıxışında deyib.

Hərbçilərimizin, şəhidlərimizin qanı yerdə qalmayıb və qalmayacaq.

Bunu Prezident İlham Əliyev Təhlükəsizlik Şurasının iclasında çıxışı zamanı deyib.

Dövlət başçısı bildirib:

Dünən günorta saatlarında Ermənistan Azərbaycan-Ermənistan dövlət sərhədinin Tovuz istiqamətində növbəti hərbi təxribat törədib.

ABŞ Azərbaycanlıları Şəbəkəsi Amerika ictimaiyyətini erməni silahlı qüvvələrinin Azərbaycanın Tovuz rayonunda törətdiyi provokasiya və Azərbaycan ərazilərinin ermənilər tərəfindən işğalı barədə məlumatlandırma kampaniyasına başlayıb.

 Amerika qanunvericilərinə, Tramp Administrasiyasına və kütləvi informasiya vasitələrinə göndərilən müraciətdə iyulun 12-də erməni qüvvələrinin Azərbaycan ordusunun mövqelərinə hücumunun dəf edildiyi bildirilir. Azərbaycan tərəfinin itkilər verdiyi qeyd olunur. Artilleriya hücumu nəticəsində Azərbaycan ordusunun üç hərbi qulluqçusu öz ölkəsinin ərazi bütövlüyünü müdafiə edərkən həlak olub.

Azərbaycan tərəfi heç bir ərazi itkisi verməyib.

Bunu Müdafiə Nazirliyinin mətbuat xidmətinin rəhbəri Vaqif Dərgahlı bildirib.

Naxçıvan Muxtar Respublika Xəstəxanasında keçirilən qanvermə aksiyasında 50-dən artıq könüllü iştirak edib.

Xeyriyyə məqsədilə keçirilən qanvermə aksiyasına Naxçıvan Şəhər İcra Hakimiyyəti, qəsəbə, kənd və sahə ərazi inzibati dairəsi üzrə nümayəndəliklər və bələdiyyələrin, eyni zamanda İcra Hakimiyyətinin tabeliyində olan müəssisə və təşkilatların əməkdaşları qoşulublar. Donorlar lazımi müayinədən sonra qan veriblər.

Ermənistan silahlı qüvvələrinin bölmələri cəbhənin müxtəlif istiqamətlərində gərginliyi artırmaq məqsədilə iriçaplı pulemyotlardan, qumbaraatanlardan, snayper tüfənglərindən, 60, 82 və 120 millimetrlik minaatanlardan və digər artilleriya qurğularından da istifadə etməklə sutka ərzində atəşkəs rejimini 70 dəfə pozub.

Müdafiə Nazirliyindən bildirilib ki, Ermənistan Respublikası Berd rayonunun Mosesqex kəndində yerləşən mövqelərdən Tovuz rayonunun Ağdam kəndində yerləşən mövqelərimiz atəşə tutulub.

Ermənistan kütləvi informasiya vasitələrində Azərbaycana məxsus PUA-nın vurulması barədə növbəti dezinformasiya xarakterli məlumat yayılıb.

Bu barədə Müdafiə Nazirliyinin mətbuat xidmətindən bildiriblər.

Bildirilib ki, bu xəbər həqiqətə uyğun deyil, Azərbaycan Ordusunun bölmələrinə məxsus PUA-lar tam tərkibdə sıradadır və itki yoxdur.

Ermənistanın beynəlxalq hüquq normalarını kobud və nümayişkaranə şəkildə pozması bu ölkənin daxili və xarici siyasətində baş verən böhrandan xəbər verir. Belə ki, iyulun 12-də günorta saatlarından başlayaraq Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz rayonu sahəsində atəşkəs rejimini kobud şəkildə pozaraq artilleriya qurğularından istifadə etməklə mövqelərimizi atəşə tutublar. Döyüş nəticəsində Azərbaycan Ordusunun hərbi qulluqçularından üç nəfər şəhid olub, dörd nəfər isə yaralanıb.

Azərbaycan-Ermənistan dövlət sərhədinin Tovuz istiqamətində iyulun 13-nə keçən gecə ərzində də gərginlik davam edib.

Müdafiə Nazirliyinin mətbuat xidmətindən bildirilib ki, artilleriya, minaatan və tankların tətbiqi ilə gedən gecə döyüşlərində bölmələrimizin dəqiq atəşi ilə düşmənin dayaq məntəqəsi, artilleriya qurğuları, hərbi hissəsi ərazisində avtomobil texnikası və canlı qüvvəsi məhv edilib.

Ermənistan silahlı qüvvələri Tovuz rayonunun Ağdam kəndini 120 millimetrlik minaatanlardan atəşə tutub. Pandemiya dövründə mülki əhaliyə qarşı ermənilərin bu cür hərəkətləri insan hüquqlarının kobud pozulması kimi qiymətləndirilməlidir.

Bu barədə Azərbaycan Respublikasının insan hüquqları üzrə müvəkkili (ombudsman) məlumat yayıb.

Bildirilib ki, artıq ordumuz 3 şəhid verib. Allah Şəhidlərimizə rəhmət eləsin. Yaralılara tezliklə sağalmağı diləyirik.

Ermənistan silahlı qüvvələri bölmələrinin Azərbaycan Ordusunun mövqelərini ələ keçirməsi cəhdlərinin qarşısı qətiyyətlə alınıb və hər hansı ərazi itkisinə yol verilməyib.

Bunu Müdafiə Nazirliyi mətbuat xidmətinin rəisi polkovnik Vaqif Dərgahlı Ermənistan kütləvi informasiya vasitələrində guya düşmən ölkənin hərbi bölmələrinin Azərbaycan Ordusunun mövqelərini ələ keçirməsi ilə bağlı yayılan məlumatla bağlı  sorğunu cavablandırarkən deyib.

V.Dərgahlı bildirib ki, əməliyyat şəraiti qoşunlarımızın nəzarəti altındadır.

Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz istiqamətində mövqelərimizi ələ keçirmək məqsədilə artilleriya atəşlərindən istifadə edərək hücuma keçməyə cəhd göstərib.

Müdafiə Nazirliyinin mətbuat xidmətindən  bildiriblər ki, görülən adekvat tədbirlər nəticəsində düşmənə zərbə endirilib və o, itki verərək geri oturdulub.

Döyüş nəticəsində Azərbaycan Ordusunun hərbi qulluqçularından 2 nəfər şəhid olub, 5 nəfər isə yaralanıb.

Müdafiə Nazirliyinin rəhbərliyi şəhid olanların ailələrinə başsağlığı verir və səbr diləyir. Allah rəhmət eləsin.

İyulun 12-də günorta saatlarından başlayaraq Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz rayonu sahəsində atəşkəs rejimini kobud şəkildə pozaraq artilleriya qurğularından istifadə etməklə mövqelərimizi atəşə tutublar.

Müdafiə Nazirliyinin mətbuat xidmətindən bildiriblər ki, hər iki tərəfdən itki var. Hazırda bu istiqamətdə döyüş gedir. Əməliyyat şəraiti bölmələrimizin nəzarəti altındadır.

İctimaiyyətə əlavə məlumat veriləcək.

"Türk Hava Yolları" Azərbaycanla Türkiyə arasında həyata keçirdiyi xüsusi uçuşların sayını iyulun 14-dən etibarən artıracaq.

Aviaşirkətdən bildirilib ki, uçuşlar həftədə 4 dəfə həyata keçiriləcək. Yeni cədvələ uyğun olaraq aviareyslər çərşənbə axşamı, çərşənbə, cümə və şənbə günləri olacaq.

Sərnişinlər aviabiletləri "www.turkishairlines.com" rəsmi veb-saytından əldə edə bilərlər

İyulun 10-da Yerevanda keçirilən təhlükəsizlik şurasının iclasında Ermənistanın milli təhlükəsizlik strategiyasının müzakirəsi zamanı bu ölkənin bölgədə sülh və təhlükəsizliyə birbaşa hədə törədən təcavüzkar siyasəti baş nazir N.Paşinyanın dilindən növbəti dəfə etiraf edildi.

Bu barədə Azərbaycanın Xarici İşlər Nazirliyinin Mətbuat xidməti idarəsinin açıqlamasında bildirilir.

Türkiyədə yeni inşa olunan Beğendik körpüsünün açılış mərasimi keçirilib. Bu çərçivədə, eyni zamanda, Küçüksu-Hizan ayrımı-Pervari magistralı istifadəyə verilib.

 Türkiyə Prezidenti Rəcəb Tayyib Ərdoğan videoformatla körpünün açılışına qatılıb.

İyulun 11-də Naxçıvan Muxtar Respublikası Ali Məclisi Sədrinin tapşırığı ilə muxtar respublikada təhsil alan və dünyada yayılmış pandemiyaya görə ölkələrinə gedə bilməyən 94 əcnəbi tələbəyə maddi yardım verilmişdir. 

Naxçıvan Dövlət Universitetində bu münasibətlə tədbir keçirilmişdir. 

Naxçıvan Muxtar Respublikası Ali Məclisi Sədrinin köməkçisi Seymur Talıbov çıxış edərək demişdir ki, dünyada pandemiya elan olunan virusun Naxçıvan Muxtar Respublikasında yayılmasının qarşısının alınması üçün tədbirlər görülür. Bununla bağlı qabaqlayıcı tibbi profilaktik və dezinfeksiya işləri aparılır. Görülən məqsədyönlü işlərin nəticəsidir ki, muxtar respublikamızda virusun yayılması minimum səviyyədədir. Naxçıvan Muxtar Respublikası Ali Məclisi Sədrinin tapşırığı ilə ötən dövrdə muxtar respublikada təhsil alan və ölkələrinə gedə bilməyən tələbələrə ərzaq və Ramazan bayramı ilə əlaqədar iftar payları verilmişdir. Bu istiqamətdə həyata keçirilən tədbirlərin davamı kimi əcnəbi tələbələrə maddi yardım da ayrılmışdır. 

Azərbaycanda 531 yeni koronavirus infeksiyasına yoluxma faktı qeydə alınıb, 514 nəfər müalicə olunaraq sağalıb və evə buraxılıb.

Bu barədə Nazirlər Kabineti yanında Operativ Qərargahdan məlumat verilib.

COVID-19 üçün götürülən analiz nümunələri müsbət çıxmış 6 nəfər isə vəfat edib. 

Ümummilli liderimiz Heydər Əliyevin əsasını qoyduğu dövlət təhsil siyasətinin prioritetlərindən biri də istedadlı şagirdlərin aşkarlanması, inkişafı, bilik və bacarıqlarının praktik olaraq yönləndirilməsidir. Muxtar respublikamızda da bu istiqamətdə davamlı olaraq islahatlar aparılır, onların bilik və bacarıqlarının inkişaf etdirilməsi yönündə bir çox tədbirlər həyata keçirilir. Bu məqsədlə yaradılan məktəbdənkənar təhsil müəssisələrinin fəaliyyəti şagirdlərin istedadlarının üzə çıxarılmasına və milli-mənəvi dəyərlərimizə bağlı bir nəsil yetişməsinə öz töhfəsini verir.
Belə istedadlı şagirdlərimizdən biri də İnci Nəsirovadır. 2011-ci ildə Naxçıvan şəhər 15 nömrəli tam orta məktəbin birinci sinfinə qəbul edilən İnci bu təhsil ocağında öz çalışqanlığı və fəallığı ilə seçilib. Belə ki, o, məktəbdaxili müxtəlif viktorinalarda iştirak edərək bir neçə dəfə qalib olub. Həkimlik sənətinə olan marağı onu kimya fənnini daha dərindən öyrənməyə sövq edib.
2013-2014-cü illərdə 15 nömrəli tam orta məktəb üzrə “İlin şagirdi” nominasiyasına layiq görülən İnci, Naxçıvan Muxtar Respublikası Təhsil Nazirliyi tərəfindən ümumtəhsil məktəblərinin şagirdləri arasında istedad və bacarığı ilə fərqləndiyinə görə də təltif olunub.
İnci ən böyük uğurlarından birini Rusiyada keçirilən elmi-praktik konfransda qazanıb. Belə ki, 17 mart 2020-ci il tarixdə Rusiyanın Penza şəhərində “Elm və təhsil beynəlxalq elmi əməkdaşlıq mərkəzi”ndə keçirilən “Müasir gənclərin elmi diskussiyası: aktual suallar, nailiyyətlər və yeniliklər” XI Beynəlxalq elmi-praktik konfransda iştirak edən AMEA Naxçıvan Bölməsi və Naxçıvan Muxtar Respublikası Təhsil Nazirliyinin birgə təşkilatçılığı ilə “Sabahın tədqiqatçıları” layihəsi çərçivəsində İncinin “Biləv alüminium süxurundan alüminiumun mühüm birləşmələrinin alınması” layihəsi müzakirə edilərək I yerə layiq görülüb.
İncinin elmi rəhbəri AMEA Naxçıvan Bölməsi Təbii Ehtiyatlar İnstitutunun Mineral xammalın kimyası və texnologiyası laboratoriyasının müdiri, kimya üzrə fəlsəfə doktoru, dosent Qorxmaz Hüseynov deyir ki, İnci hər zaman öz qabiliyyəti və yüksək qavrama bacarığı ilə seçilib. Şagirdinin hər zaman onun etimadını doğrultduğunu fərəh hissi ilə qeyd edən elmi rəhbər vurğuladı ki, İncinin gələcəkdə daha böyük uğurlara imza atacağına inanır.

Əlahiddə Ümumqoşun Orduda keçirilən tabor, divizion döyüş atışlı və atışsız taktiki təlimləri davam edir. Taktiki təlimlərə motoatıcı və tank bölmələri ilə yanaşı, hərtərəfli təminatın təşkili üzrə digər bölmələr də cəlb edilib.
Təlimə cəlb edilmiş bölmələr “Həyəcan” siqnalı ilə qaldırılaraq təlim rayonlarına çıxarılıb.

Ordumuzun qüdrətini artıran mühüm amillərdən biri də xalq-ordu birliyidir. Naxçıvan Muxtar Respublikasında bu məsələ daim diqqətdə saxlanılır, ardıcıl tədbirlər həyata keçirilir. Muxtar respublika əhalisinin, dövlət qurumlarının, müəssisə və təşkilatların, ayrı-ayrı sahibkarlıq subyektlərinin hərbi hissələrə sovqat aparmaları şəxsi heyət tərəfindən böyük ruh yüksəkliyi ilə qarşılanır. Xalq-ordu birliyinin əyani sübutu olaraq Culfa Rayon İcra Hakimiyyəti tərəfindən iməciliklər yolu ilə salınmış bağlardan 400 kiloqram ərik, 500 kiloqram alma və 180 kiloqram alça “N” hərbi hissəyə, 110 kiloqram ərik, 170 kiloqram alma və 40 kiloqram alça yığılaraq sərhəd zastavasına təhvil verilib. Ümumilikdə, hərbçilərimizə tədarük olunmuş 1400 kiloqram meyvə sovqat aparılıb.

İlin bu gözəl günlərində gəzməli, görməli Naxçıvanımızın hər guşəsi bütün növrağı ilə insanı özünə cəzb edir. Dağlar gözəli Batabatdan xan Araza, Azərbaycanın incisi Ordubaddan qeyrət qalası Sədərəyədək bütün torpaqlarımızda ana təbiətin və insan əlinin yaratdığı füsunkarlıqlar aşıb-daşır, hər qarışda kök salan quruculuq, torpağa, yurda sevgi hissləri öz bəhrəsini verir. Böyük və güclü Azərbaycanın ən qərb nöqtəsi, ölkəmizin qardaş Türkiyəyə və bilavasitə bütün Avropaya çıxış qapısı olan Sədərəyə bir gün gəlsəniz, bəlkə də, dünyanın heç bir yerində qazana bilməyəcəyiniz duyğularla dolu təəssüratlarla evə qayıtmaq mümkündür.
Sədərək haqqında çox deyilib, çoxlu yazılar yazılıb, bu yurdun şöhrətinə nəğmələr qoşulub. Ancaq nədəndirsə, bu torpağa hər gəlişində, sanki yeni bir hekayəyə şahidlik edir, onu yaşadan insanların qulaqyoldaşı olursan. Odur ki, Günəşin qocaman Ağrı dağının ağappaq zirvəsindəki rəng çalarları qədər süslənmiş Sədərəyin keçmişi, bu günü və gələcəyi üçün yaşayıb-yaradan insanları, onların əməyi barədə söhbət açmaq da ürəkdən gələn hissdir.

Naxçıvan Muxtar Respublikasının Televiziya və Radio Şurası tərəfindən aparılan monitorinqlərin nəticəsi kimi qeyd etmək olar ki, muxtar respublika teleradiolarının əməkdaşları iyun ayında baş verən yeniliklərə operativ münasibət göstərməyi bacarıb, fəaliyyətlərini günün tələblərinə uyğun qurublar. Naxçıvan Dövlət Televiziyasında və Radiosunda, “Naxçıvanın səsi” radiosunda Naxçıvan Muxtar Respublikası Ali Məclisi Sədrinin iştirakı ilə istifadəyə verilən sosial obyektlərdən operativ materiallar hazırlanıb.

Təxminən, iki il bundan əvvəl velosiped sürməyin faydaları haqqında bir yazı hazırlamışdım. Yazıda qeyd etmişdim ki, velosipeddən istifadə bizim üçün yad məşğuliyyət deyil. Ölkəmizdə bu nəqliyyat vasitəsindən istifadənin tarixi ötən əsrin 30-cu illərindən başlayır. 40-cı illərdən sonra isə, əsasən, məktəblilər arasında populyar olan velosiped idmanı o zamanlar müxtəlif spartakiadaların keçirilməsi ilə yadda qalmışdır. 

Naxçıvan Muxtar Respublikasında miqrasiya proseslərinə dövlət nəzarətinin gücləndirilməsi, qanunsuz miqrasiyanın qarşısının alınması məqsədilə Dövlət Miqrasiya Xidməti tərəfindən həyata keçirilən tədbirlər iyun ayında da davam etdirilib. Xidmət tərəfindən muxtar respublika ərazisində qanunsuz yaşayan və qeydiyyatsız olan 3 əcnəbi aşkarlanaraq Azərbaycan Respublikasının qanunvericiliyinə uyğun olaraq barəsində müvafiq tədbir görülmüşdür.