və ya Naxçıvan yenidən qurulduqca daha da gözəlləşir

Günü-gündən qloballaşan və təzadlarla dolu olan yaşadığımız həyatda insan ömrü çox qısadır. Ulu Dədə Qorqud deyirdi: “Gəlimli-gedimli dünya, son ucu ölümlü dünya”. Məsələ bu qısa zaman kəsiyində elə ömür yaşamaqdır ki, cəmiyyət üçün faydalı işlərlə yaddaşlarda qalsın. Belə yaşamaq yolunu tutan kamil insanlar öz yaxşı əməlləri ilə, necə deyərlər, o yolu uzada bilirlər. Həmin əməllərin fövqündə dayanan isə Ulu Tanrının bizə bəxş etdiyi ömrü mənsub olduğun dövlətə və xalqa fədakarlıqla xidmət etməkdir.

Muxtar respublikada uşaqların qanunvericiliklə müəyyən edilmiş hüquqlarının və mənafelərinin qorunması ilə əlaqədar Yetkinlik Yaşına Çatmayanların İşləri və Hüquqlarının Müdafiəsi üzrə Komissiya tərəfindən 2021-ci il ərzində 30 uşaq müəssisəsində monitorinq aparılması nəzərdə tutulmuşdur. Monitorinqlər zamanı uşaqların dərsə davamiyyəti, dərnək və məşğələlərin, təlim-tədris prosesinin keyfiyyəti, müəssisənin sanitar-gigiyenik vəziyyəti, təhlükəsizlik tədbirləri, eləcə də uşaqlarla davranış və hüquqlarının müdafiəsi, müəssisə binasının infrastrukturu və sair sahələr yoxlanılır. Bu il ərzində ekspert qrupunun iştirakı ilə 30 uşaq müəssisəsində monitorinq aparılmışdır. Monitorinqlərin nəticələri ekspert qrupunun üzvləri tərəfindən aktlaşdırılmış və nəticələr ilə bağlı komissiyaya məlumat verilmişdir.

“Naxçıvan” Əlahiddə Sərhəd Diviziyasının xidməti ərazisində dövlət sərhədinin mühafizəsi üzrə tapşırıqlar uğurla yerinə yetirilir və sərhəd zastavalarında şəxsi heyətin peşəkarlığı daim artırılır. Dövlət sərhədinin etibarlı mühafizəsinin təşkili və sərhədin pozulması əlamətlərinin vaxtında aşkar edilməsi məqsədilə növbəti taktiki tapşırıqlar icra edilib.

Bu gün Müzəffər Ali Baş Komandan İlham Əliyevin 60 yaşı tamam olur.

Bu münasibətlə Şuşa Şəhəri Dövlət Qoruğu İdarəsi şəhərdə çalışan heyətlə və hərbçilərlə birgə Cıdır düzündə "Dəmir Yumruq” fləşmobu təşkil edilib.

“Azərbaycana rəsmi səfər zamanı yeni səhifə açmaq barədə razılığa gəldik”.

Bunu İranın xarici işlər naziri Hüseyn Əmir Abdullahian tviter hesabında yazıb.

“Prezident İlham Əliyev, xarici işlər naziri Ceyhun Bayramov və parlament sədri Sahibə Qafarova ilə görüşdən sonra əlaqələrimizi daha da inkişaf etdirmək üçün yol xəritəsi hazırladıq. Orada yaşayan iranlılarla tanış olmaqdan məmnun oldum. Biz qonşuluğa üstünlük verməyə davam edirik”, - tvitdə bildirilib.

Tarixi yaddaş fərdi və bütövlükdə cəmiyyəti tanımaq qabiliyyətini təmin edən ictimai şüurun əsası, psixi nüvəsidir. Tarixi yaddaş sosial konsolidasiya üçün ən mühüm katalizatordur. Milli kimliyin formalaşmasında tarixi yaddaşın rolu danılmazdır. Dünyanın nüfuzlu elm adamları tarixi yaddaşın öyrənilməsinə dair əsas metodoloji yanaşmaları ümumiləşdirmiş, milli kimliyin mexanizmlərini öyrənmişlər. Xalqın maarifləndirilməsi, dövlətin daxili və xarici siyasəti, hətta gələcək perspektivlərin dəqiq müəyyənləşdirilməsi və digər amillər tarixi yaddaşa mühüm təsir göstərir. Lakin ən əsas amil odur ki, “tarixi yaddaş” və “şəxsiyyət” anlayışları bir-birindən ayrılmazdır və onlar arasında sıx qarşılıqlı asılılıq əlaqələri mövcuddur, çünki yaddaşın qorunması fərdlərin öz müqəddəratını təyin etməsi və sosial qrupların birliyinin güclənməsi üçün ən vacib şərtdir.

Koronavirus infeksiyasının “omikron” ştamı artıq 110 ölkədə aşkarlanıb. Bu ştam “delta” variantından daha sürətlə yayılsa da, nisbətən az ağır ola bilər.

Bu barədə məlumat Ümumdünya Səhiyyə Təşkilatının (ÜST) cümə günü yenilənmiş informasiyasında yer alır.

“Dekabrın 22-nə olan məlumata görə, “omikron” dünyanın 110 ölkəsində, ÜST-nin bütün altı regionunda aşkarlanıb”, - deyə təşkilatın bəyanatında bildirilir. Qeyd olunur ki, “omikron” ştamı “delta” variantından çox sürətlə yayılır və nisbətən az ciddi ola bilər. Lakin hələlik vaksinlərin xəstəliyin yüngül keçməsinə nə dərəcədə təsiri göstərdiyi məlum deyil.

Qeyd edək ki, “omikron” ştamı ilk dəfə noyabr ayında Afrikanın cənubunda aşkarlanıb. Mütəxəssislərin fikrincə, o, pandemiya dövrü ərzində alimlərin müəyyən etdiyi digər ştamlara nisbətən daha sürətlə yayılır və çox sayda mutasiyaya malikdir.

Müstəqil Azərbaycan dövlətinin siyasətində dünya birliyi ölkələri ilə əlaqələrin yaradılması və inkişaf etdirilməsi mühüm yer tutur. Uzun illər ərzində ölkəmizin dünya dövlətləri ilə formalaşdırdığı qarşılıqlı etimad və əməkdaşlıq mühiti Azərbaycan Respublikasına beynəlxalq miqyasda böyük nüfuz qazandırmışdır. Azərbaycan xalqının Ümummilli Lideri Heydər Əliyevin əsasını qoyduğu xarici siyasət xətti dünya birliyi ölkələri ilə tarazlaşdırılmış münasibətlərdən müstəqil dövlətçilik siyasətinə doğru inkişafın formalaşdırılmasının müsbət nəticələrini meydana qoymuşdur. Müstəqillik illərində Azərbaycan qonşu dövlətlərlə qarşılıqlı etimada əsaslanan münasibətlərdən dünya ölkələri ilə səmərəli əməkdaşlığa doğru böyük yol keçmişdir.

Tarix dəfələrlə sübut edib ki, xalqın vahid məqsədlər uğrunda birləşməsi üçün zəruri olan milli birlik böyük siyasi dühaların yaratdığı ideologiyalarda reallaşır. XX əsrdə xalqımızla bağlı bu şərəfli missiyanı ümummilli lider Heydər Əliyev həyata keçirmişdir. Ulu öndər Heydər Əliyev həyatının bütün dövrlərində milli ideologiyanın formalaşması və möhkəmlənməsi naminə müstəsna xidmətlər göstərmiş, milli şüurun inkişafına nail olmuş, xalqa məxsus adət-ənənə və dəyərlər sistemini qloballaşmanın sərt təsirlərindən qorumağı bacarmış, azərbaycançılığı milli ideologiyaya çevirməyə nail olmuşdur.

Azərbaycanda müstəqillik dövrü epoxasında demokratik seçki sistemi formalaşmış, bu tarixi mərhələdə prezident, parlament və bələdiyyə seçkiləri həmin əsasda keçirilmişdir. Görkəmli dövlət xadimi Heydər Əliyevin 3 oktyabr 1993-cü il tarixdə Azərbaycan Respublikasının prezidenti seçilməsi ölkəmizdə demokratik seçkinin əsl nümunəsi olmuşdur. Həmin seçkidə xalqın və dövlətin möhtəşəm həmrəyliyi və birliyi ölkəmizə qələbə qazandırmış, yeni tarixi epoxanın yaranmasının bünövrəsinə çevrilmişdir.

Artıq daha bir ilin sonuna saylı günlər qalır. İllər bir-birini əvəzlədikcə, zaman məsafəsi artdıqca keçilən yolun düzgün təhlili və dəyərləndirilməsi üçün daha geniş imkanlar yaranır. Bir yazı çərçivəsində son 18 ilin uğurlarını əhatə etmək mümkün olmasa da “18 il ulu öndər Heydər Əliyevin şah əsəri olan  müasir müstəqil  Azərbaycana nə verdi” sualı ilə 18 illik yola çıxaraq tariximizə yazılan önəmli hadisələrin qısa xronologiyasını təqdim etməklə  dünənimizə  baxış fonunda gələcəyimizin ümumi mənzərəsini təqdim etmək istədik.

2003-cü ilin prezident seçkiləri ərəfəsində Azərbaycan xalqına ünvanladığı tarixi müraciətdə “…Mənim hələ tamamlanmamış çox perspektivli planlarım var”, – deyən ulu öndərimiz Heydər Əliyev bu planları həyata keçirmək qüdrətində olan siyasi varisi haqqında demişdir: “İlham Əliyev yüksək intellektli, praqmatik düşüncəli, müasir dünya siyasətini və iqtisadiyyatını gözəl bilən, enerjili və təşəbbüskar bir şəxsiyyətdir. Sizi əmin edirəm ki, İlham Əliyev bundan sonra da xalqımızın ən layiqli övladlarını öz ətrafında sıx birləşdirərək Azərbaycan dövlətinin inkişafı və xalqımızın firavanlığı yolunda çox işlər görəcəkdir. İnanıram ki, mənim axıra çatdıra bilmədiyim taleyüklü məsələləri, planları, işləri İlham Əliyev başa çatdıra biləcək. Mən ona özüm qədər inanıram və gələcəyinə böyük ümidlər bəsləyirəm”.

"Bu yaxınlarda Bosniya və Herseqovinanın Azərbaycanda səfirliyi açılacaq".

Bunu xarici işlər naziri Ceyhun Bayramov Bosniya və Herseqovinanın xarici işlər naziri Bisera Turkoviç ilə keçirdiyi mətbuat konfransında bildirib.

Nazirin sözlərinə görə, Azərbaycana rəsmi səfərə gəlmiş həmkarımla görüş zamanı hər iki ölkənin qarşılıqlı olaraq səfirliklərinin açılmasına dair müzakirələr aparılıb: "Bununla yanaşı, pandemiyadan sonra turizm, humanitar, təhsil sahələrində ikitərəfli əlaqələr, o cümlədən iqtisadi, enerji sahəsində əməkdaşlığı daha da genişləndirmək istiqamətində atılacaq addımlar müzakirə olunub.

Milli Məclisin dekabrın 24-də keçiriləcək plenar iclasının gündəliyinə dəyişiklik edilib.

Toplantının gündəliyindəki məsələlərin sayı 23-dən 24-ə qaldırılıb.

İclasda müzakirə ediləcək məsələlər aşağıdakılardır:

1. Azərbaycan Respublikası apellyasiya məhkəmələri hakimlərinin təyin edilməsi haqqında Azərbaycan Respublikası Milli Məclisinin qərarının layihəsi.

Milli Məclisin dekabrın 24-də keçiriləcək plenar iclasının gündəliyinə dəyişiklik edilib.

Toplantının gündəliyindəki məsələlərin sayı 23-dən 24-ə qaldırılıb.

İclasda müzakirə ediləcək məsələlər aşağıdakılardır:

1. Azərbaycan Respublikası apellyasiya məhkəmələri hakimlərinin təyin edilməsi haqqında Azərbaycan Respublikası Milli Məclisinin qərarının layihəsi.

Qalib dövlət, Cənubi Qafqazın lideri, qlobal məsələlərdə söz sahibi, regionun tranzit qovşağı və s… Bunlar hazırda müasir Azərbaycanı xarakterizə edən və onu tarixinin ən qüdrətli dövlətinə çevrilməsini şərtləndirən gerçəkliklərin yalnız bir qismidir. Bəli, Ümummilli Lider Heydər Əliyevin müəyyənləşdirdiyi yüksəliş strategiyasının Prezident İlham Əliyevin əzmkarlığı, qətiyyəti, xarizması, yüksək siyasi və liderlik keyfiyyətləri ilə həyata vəsiqə alması bütün bu nailiyyətlərimizi layiqincə təmin etməkdədir.

Ulu Öndərin qoruduğu, xilas etdiyi və inkişaf yoluna çıxardığı vətənimiz məhz İlham Əliyev fenomeninin fitri idarəçilik və liderlik keyfiyyətləri sayəsində hazırda özünün parlaq yüksəliş dövrünü yaşayır. Möhtərəm Prezident İlham Əliyevin rəhbərlik etdiyi ötən 18 ildə Azərbaycan olduqca qürurdoğuran uğurlara imza atıb, öz dövlətçilik tarixinin ən güclü inkişaf mərhələsinə qədəm qoyub. Bu dövrdə həyata keçirilmiş genişmiqyaslı tədbirlər, sistemli, ardıcıl və dərin islahatlar nəticəsində hazırda Azərbaycan makroiqtisadi baxımdan sabit, təhlükəsiz və sürətlə inkişaf etməkdə olan ölkə, həmçinin regionun siyasi, iqtisadi və mədəni mərkəzidir. Respublikamız irimiqyaslı enerji, nəqliyyat və infrastruktur layihələrinin təşəbbüskarı və fəal iştirakçısı, Avropanın enerji təhlükəsizliyinin təmin edilməsində etibarlı tərəfdaş, dünya kosmos ailəsinin üzvü, şimaldan cənuba, şərqdən qərbə və əksinə gedən beynəlxalq nəqliyyat dəhlizlərinin əsas qovşağıdır. Azərbaycana regionun aparıcı dövləti statusu, qlobal miqyasda isə yüksək nüfuz qazandıran bütün bu nailiyyətlərimiz beynəlxalq ictimaiyyətin də qəbul etdiyi tarixi reallıqlardır.

Naxçıvan Muxtar Respublikası Televiziya və Radio Şurası noyabr ayında muxtar respublikanın teleradiolarının fəaliyyətini izləmiş, Naxçıvan Muxtar Respublikası Ali Məclisi Sədrinin Fərman və sərəncamlarından, təsdiq olunmuş Dövlət proqramları və Tədbirlər planlarından irəli gələn vəzifələrin teleradiolarda icrasını diqqətdə saxlamışdır. Noyabr ayında Naxçıvan Televiziyasının öz teleməhsulları efirin 72 faizini təşkil etmişdir. Naxçıvan Muxtar Respublikası Ali Məclis Sədrinin iştirak etdiyi tədbirlərə həsr olunmuş 10 telematerial hazırlanmışdır.

Əfsanəyə dönən ömürlər

Ümidlər, xəyallar həqiqətə çevrildi. Xalqımızın ulu öndərinin “Mən ona özüm qədər inanıram. İnanıram ki, mənim axıra çatdıra bilmədiyim taleyüklü məsələləri, planları, işləri İlham Əliyev başa çatdıra biləcək” kəlamının deyildiyi vaxtdan cəmi 17 il ötsə də, zaman bir daha böyük Heydər Əliyevin – o siyasət dahisinin bütün bəlalardan xilas edərək ayağa qaldırdığı Azərbaycanı əmin əllərə təslim etdiyini təsdiqlədi. Xalqına arxalanan Müzəffər Sərkərdə dünyaya qüdrətli ordusu, yenilməz siyasi-diplomatik gücü ilə meydan oxudu. İllərdir, xəyalı ilə yaşadığımız həmin gün gəldi – tariximizin şanlı səhifələri igid Azərbaycan əsgərinin qəhrəmanlığı, şücaəti, qanı ilə yenidən yazıldı. Vətən müharibəsi başlayan gündən ordumuz torpaqlarımızı düşməndən qarış-qarış aldı. Hər qarış torpaq uğrunda onlarla igid canından keçdi. Onlar Vətəni canlarından əziz bilib onun bütövlüyü bərpa olunsun deyə, günlərlə keçilməz yolları ac-susuz keçib imkansızı həqiqətə çevirdilər. Həmin igidlərdən biridir qədim Şərur diyarının qəhrəman oğlu İlkin Rzayev. Onu döyüş yoldaşları “Murov aslanı” çağırırlarmış... Mayor İlkin Rzayev 1984-cü ildə Şərur rayonu Ələkli kəndində anadan olmuşdu. 1993-cü ildə onun atası, əmisi I Qarabağ müharibəsində könüllü şəkildə fəal iştirak ediblər. Heydər Əliyev adına Azərbaycan Ali Hərbi Məktəbinə daxil olan və 2006-cı ildə məktəbi bitirən İlkin Rzayev hərbi xidməti zamanı daim yüksək hərbi bacarıqlarına görə fərqlənir, mayor rütbəsinə kimi yüksəlir. O, xidməti dövründə “Silahlı Qüvvələrin yaranmasının 90 illiyi”, “Hərbi xidmətdə fərqlənməyə görə 3-cü dərəcəli”, “Qüsursuz xidmətə görə 3-cü dərəcəli”, “Silahlı Qüvvələrin yaranmasının 95 illiyi”, “Qüsursuz xidmətə görə 2-ci dərəcəli” medallar təltif edilib. Onun son hərbi vəzifəsi döyüş hazırlığı bölməsinin rəisi olmuşdu.

Dekabrın 22-də Naxçıvan şəhərindəki İlham Əliyev adına Olimpiya İdman Kompleksində 31 Dekabr – Dünya Azərbaycanlılarının Həmrəyliyi Günü münasibətilə keçirilən yeniyetmələr (2005-2007-ci il təvəllüdlər) arasında sərbəst güləş üzrə muxtar respublika birinciliyinə yekun vurulub.

Azərbaycan Respublikasının Baş naziri Əli Əsədov dekabrın 22-də Türkiyə Respublikasının energetika və təbii sərvətlər naziri Fatih Dönməz ilə görüşüb.

Nazirlər Kabinetinin mətbuat xidmətindən bildiriblər ki, görüşdə Azərbaycan-Türkiyə münasibətlərinin bütün sahələrdə inkişafından məmnunluq ifadə edilib. Cari ilin fevralında Ankarada keçirilmiş İqtisadi əməkdaşlıq üzrə birgə hökumətlərarası komissiyanın 9-cu iclasında əldə olunmuş razılıqların iki ölkə arasında iqtisadi-ticari əlaqələrin genişləndirilməsi baxımından vacibliyi qeyd olunub.

Azərbaycan ilə Türkiyə arasında enerji sahəsində əməkdaşlığın əhəmiyyətinə toxunularaq, birgə həyata keçirilən transmilli layihələrin Avropanın enerji təhlükəsizliyinin təmin edilməsində rolu xüsusi vurğulanıb.

Bakıda keçirilən Azərbaycan-Türkiyə 1-ci Enerji Forumu çərçivəsində aparılacaq müzakirələrin və imzalanacaq sənədlərin iki ölkə arasında enerji sahəsində əməkdaşlığın ayrı-ayrı istiqamətlərdə inkişaf etdirilməsinə töhfə verəcəyinə əminlik ifadə olunub.

Dekabrın 22-də Bakıda Azərbaycanın energetika naziri Pərviz Şahbazov ilə Türkiyənin energetika və təbii sərvətlər naziri Fatih Dönməz arasında ikitərəfli görüş olub.

Görüşdə nazir Pərviz Şahbazov Azərbaycanda enerji sahəsində həyata keçirilən layihələr və bu sahəyə yönəlik qarşılıqlı sərmayələr barədə danışıb.

Türkiyənin energetika və təbii sərvətlər naziri Fatih Dönməz iki ölkə arasında qardaşlıq münasibətlərindən söz açıb, birgə əməkdaşlıq və əlaqələrin gələcək perspektivləri məsələlərinə toxunub.

Görüşdə, həmçinin Azərbaycan-Türkiyə 1-ci Enerji Forumunun əhəmiyyəti qeyd edilib.

Türkiyədə növbədənkənar seçkilər olmayacaq. Ölkəmizdə hüquqi dövlət mövcuddur. Müəyyən edilən tarix hansıdırsa, seçkilər həmin tarixdə də keçiriləcək.

Bu fikirləri Prezident, Ədalət və İnkişaf Partiyasının (AKP) Sədri Rəcəb Tayyib Ərdoğan AKP-nin Türkiyə Böyük Millət Məclisindəki qrup toplantısındakı çıxışında ifadə edib.

Çıxışında gündəlikdə duran məsələləri, eləcə də son günlər ölkənin valyuta bazarında baş verən prosesləri dəyərləndirən dövlət başçısı Türkiyənin milli valyutası olan lirənin dəyərinin bərpası və möhkəmlənməsi istiqamətində görülən hökumət tədbirləri, onun nəticələri barədə geniş məlumat verib.

Prezident Rəcəb Tayyib Ərdoğan təkrarən qətiyyətlə bildirib ki, bundan sonra da dolların məzənnəsi ilə ölkədəki ictimai-siyasi proseslərin məcrasına təsir edilməsinə imkan verilməyəcək.

Qeyd edək ki, ABŞ dollarının məzənnəsinin lirəyə nisbətən durmadan artmasının qarşısı Türkiyə hökumətinin qərarı ilə son iki gündə alınıb.

Azərbaycanda dekabrın 23-nə gözlənilən hava proqnozu açıqlanıb.

Ekologiya və Təbii Sərvətlər Nazirliyinin Milli Hidrometeorologiya Xidmətindən verilən məlumata görə, Bakıda və Abşeron yarımadasında havanın arabir yağıntılı olacağı, bəzi yerlərdə sulu qara, nisbətən yüksək ərazilərdə qara keçəcəyi gözlənilir. Səhər bəzi yerlərdə zəif duman olacaq. Arabir güclənən şimal-qərb küləyi əsəcək. Havanın temperaturu gecə 3°-dək isti, gündüz 3-5° isti olacaq.

Atmosfer təzyiqi 764 millimetr civə sütunundan 769 millimetr civə sütununa yüksələcək. Nisbi rütubət 80-90 faiz təşkil edəcək.

Sinoptiklərin tibbi-meteoroloji proqnozuna görə, dekabrın 23-24-də Abşeron yarımadasında küləkli və yağıntılı hava şəraiti fonunda temperaturun enəcəyi gözlənilir ki, bu da bəzi meteohəssas insanlar üçün əlverişsizdir.

Azərbaycanın rayonlarında havanın arabir yağıntılı olacağı, bəzi yerlərdə qar yağacağı, duman olacağı, ayrı-ayrı yerlərdə intensiv olacağı ehtimalı var. Qərb küləyi əsəcək, bəzi yerlərdə arabir güclənəcək. Havanın temperaturunun gecə 0-3°, gündüz 3-8° isti, dağlarda gecə 3-8° şaxta, yüksək dağlıq ərazilərdə 10-15° şaxta, gündüz 0-3° şaxta olacağı ehtimal edilir.

Dekabrın 13-dən 19-dək dünyada koronavirusa 4.177.622 yoluxma və bu xəstəlikdən 616 ölüm halı qeydə alınıb ki, bu da əvvəlki həftə ilə müqayisədə müvafiq olaraq, 2 faiz və 9 faiz azdır.

Bu barədə Ümumdünya Səhiyyə Təşkilatının (ÜST) həftəlik epidemioloji bülletenində deyilir.

Bununla yanaşı, xəstəliyə yoluxmanın (53 faiz) və ölüm hallarının (15 faiz) nəzərəçarpacaq dərəcədə artımı Afrikada qeydə alınıb. Afrika ilə bərabər, xəstəlik yalnız Qərbi Sakit okean regionunda (12 faiz) artıb, bu regionda ölüm hallarının sayı isə azalıb (6 faiz).

Həftə ərzində yoluxmaların 63 faizi və ölüm hallarının 60 faizi Avropanın payına düşür. Bununla belə, xəstəliyə yoluxmaların sayında 3 faiz, ölüm hallarında 7 faiz azalma qeydə alınıb. Amerikada yeni yoluxma hallarının sayı 10 faiz, Cənub-Şərqi Asiya və Qərbi Aralıq dənizi regionunda isə 12 faiz azalıb. Ölüm hallarının sayının aşağı düşməsi Amerikada (15 faiz) və Şərqi Aralıq dənizi regionunda (12 faiz) müşahidə olunub.

Həftə ərzində yoluxanların ən böyük sayı barədə ABŞ (725.750) xəbər verib. Sonrakı yerlərdə Böyük Britaniya (507.984), Fransa (358.175) və Almaniya (283.673) gəlir.

ÜST-nin 21 dekabra olan məlumatına görə, pandemiya başlayandan bəri dünyada 274.628.461 yoluxma və 5.358.978 ölüm faktları təsdiqlənib. Yoluxanların sayı sutka ərzində 543.414 nəfər, ölüm halları – 6.488 nəfər artıb. ÜST-yə daxil olan məlumata əsasən, koronavirusa təsdiqlənmiş yoluxma halları daha çox ABŞ-da (50.565.638) qeydə alınıb. Sonrakı yerləri Hindistan (34.752.164) və Braziliya (22.213.762) tutur. Ən çox ölüm halları ABŞ-dadır (799.942), ikinci yerdə Braziliya (617.803), üçüncü yerdə isə Hindistandır (478.007).

Sual: Vətəndaş nəqliyyat vasitəsini idarəetmə hüququndan hansı hallarda məhrum edilir?

Cavab: Vətəndaşın nəqliyyat vasitəsini idarəetmə hüququndan məhrum edilməsi halları Azərbaycan Respublikasının cinayət qanunvericiliyi ilə tənzimlənir. Belə ki, Cinayət Məcəlləsinin 45-ci maddəsinə əsasən nəqliyyat vasitəsini idarəetmə hüququndan məhrumetmə cəza növü Cinayət Məcəlləsinin Xüsusi hissəsinin müvafiq maddəsi ilə nəzərdə tutulmuş hallarda, cinayətin xarakteri, təqsirkar şəxsin şəxsiy­yəti və cinayətin digər halları nəzərə alınmaqla, bir ildən beş ilədək müddətə təyin edilə bilər.
Nəqliyyаt vаsitəsini idаrəеtmə hüququndаn məhrumеtmə qаnundа yаlnız əlаvə cəzа növü kimi nəzərdə tutulmаqlа hərəkət təhlükəsizliyi və nəqliyyаt vаsitələrinin istismаrı qаydаlаrı əlеyhinə оlаn cinаyətlərin törədilməsinə görə məhkum оlunаn şəхslərə tətbiq еdilir. Nəqliyyat vasitəsini idarəetmə hüququndan məhrumetmə cəza növünün intizam xarakterli hərbi hissədə saxlama və ya azadlıqdan məhrumetmə cəzalarına əlavə olaraq təyin edildiyi hallarda, əlavə cəza əsas cəzanın çəkildiyi bütün müddətə və bundan əlavə, hökmdə bu cəza növü üçün müəyyən edilmiş müddətə şamil olunur. Bu cəza növünün digər əsas cəzalara əlavə olaraq təyin edildiyi hallarda, habelə şərti məhkumetmə zamanı əlavə cəzanın müddəti hökmün qanuni qüvvəyə mindiyi andan hesablanır.

Naxçıvan Muxtar Respublikası
Prokurorluğunun Hüquqi təminat və insan
hüquqları məsələləri şöbəsi

Naxçıvan Muxtar Respublikasında daimi fəaliyyət göstərən ştatlı Naxçıvan Qarnizonu Mərkəzi Hərbi-Həkim Komissiyası və Həkim-Uçuş Komissiyasının yaradılması həyata keçirilən genişmiqyaslı sosial islahatların bəhrəsidir. Naxçıvan Qarnizonu Mərkəzi Hospitalında yeni yaradılmış komissiyanın təqdimat mərasimi keçirilib.

(“Şərq qapısı” qəzetinin materialları əsasında)

“Naxçıvan bizim hamımız üçün doğma diyardır, əziz vətəndir. Mənim atamın Vətənidir. Demək, mənim də Vətənimdir. Hər bir azərbaycanlının Vətənidir”. Bu sözləri ölkə Prezidenti cənab İlham Əliyev 2004-cü il mayın 12-də Naxçıvan Muxtar Respublikasına səfəri zamanı Azərbaycan Milli Elmlər Akademiyası Naxçıvan Bölməsinin yeni korpusunun təntənəli açılışına həsr olunmuş mərasimdə demişdir (14 may 2004-cü il, № 57). Ölkə başçısı müstəqilliyimizin banisi, ümummilli liderimiz Heydər Əliyevin doğulub boya-başa çatdığı qədim Nuh diyarı, Şərqin qapısı Naxçıvana dəfələrlə səfər etmişdir. Gəlin həmin səfərlərə 100 yaşlı “Şərq qapısı” qəzeti vasitəsilə yenidən nəzər salaq.

Dekabrın 21-də Prezident İlham Əliyevin təhsil sahəsinə dair 20 dekabr 2021-ci tarixli müvafiq sərəncamları ilə bağlı təhsil naziri Emin Əmrullayevin brifinqi keçirilib.

Brifinqdə Emin Əmrullayev təhsilin keyfiyyətinin artırılması baxımından məktəbəqədər təhsil pilləsinin müstəsna rol oynadığını qeyd edib. Nazir vurğulayıb ki, Azərbaycanda son illərdə bu təhsil pilləsi üzrə ciddi uğurlar əldə olunub. Məktəbəqədər təhsil formasının əhatəliliyinin artırılması istiqamətində mühüm işlər görülüb.

Ardını oxu...