Muxtar respublikamızda daxili bazarın qorunması, istehlakçıların hüquqlarının müdafiəsi, аntiinflyаsiyа tədbirlərinin gücləndirilməsi, süni qiymət artımının qarşısının alınması, yerli istehsal və idxal olunan malların keyfiyyətinə nəzarətin həyata keçirilməsi, istehlak müddəti bitmiş, keyfiyyətsiz malların ticarət dövriyyəsindən çıxarılması mühüm vəzifə kimi qarşıya qoyulmuş məsələlərdəndir.
Bu istiqamətdə həyata keçirilən tədbirlər istehlakçıların hüquqlarının qorunmasına, əhalinin tələbatının daha keyfiyyətli məhsullarla ödənilməsinə hərtərəfli şərait yaratmışdır.
Naxçıvan Muxtar Respublikası İqtisadiyyat və Sənaye Nazirliyi tərəfindən də istehlakçıların hüquqlarının müdafiəsi daim diqqət mərkəzində saxlanılır. İstehlakçıların hüquqlarının qorunması, daxili bazara nəzarət və keyfiyyətin yüksəldilməsi üçün 2015-ci ilin 6 ayı ərzində 338 halda topdan və pərakəndə ticarət, istehsal müəssisəsi və xidmət obyektində monitorinqlər keçirilmiş, topdansatış müəssisələri və ticarət obyektlərində ümumi dəyəri 13603,79 manat olan istehlak müddəti ötmüş ərzaq və qeyri-ərzaq malları aşkar edilərək ticarət dövriyyəsindən çıxarılmışdır.
Aparılmış monitorinqlər zamanı ticarət obyektlərində aşkar edilmiş nöqsanlara görə Azərbaycan Respublikası İnzibati Xətalar Məcəlləsinə uyğun olaraq, dörd sahibkar barəsində inzibati cərimə, səkkiz sahibkar barəsində “Xəbərdarlıq” inzibati tənbeh növü tətbiq edilmişdir.
İstehlakçıların hüquqlarının qorunması istiqamətində həyata keçirilən tədbirlərdən biri də süni qiymət artımının və antiinhisar qanunvericiliyinin pozulması hallarının qarşısının alınmasıdır. Dахili bаzаrdа süni qiymət аrtımınа səbəb оlа biləcək hаllаrın qаrşısının аlınmаsı məqsədilə 480 adda yеrli istеhsаl, 1527 adda idхаl mənşəli əsаs istеhlаk mаllаrının tоpdаn və pərаkəndə sаtış qiymətləri nəzаrətdə sахlаnılmışdır.
Yeyinti məhsullarının keyfiyyətinin və təhlükəsizliyinin təmin edilməsi sahəsində aparılan dövlət nəzarətinin bir hissəsini də yerli istehsal və idxal məhsullarının orqanoleptik, fiziki-kimyəvi, mikrobioloji və toksikoloji göstəricilərinin yoxlanılmasıdır. Bu məqsədlə 251 hаldа idхаl, 870 hаldа yеrli istеhsаl mаllаrındаn nümunələr götürülərək onların “İstehlak Mallarının Ekspertizası Mərkəzi” MMC-nin laboratoriyasında təhlili aparılmışdır. Keyfiyyət göstəriciləri normativ-texniki sənədlərin tələblərinə cavab verməyən məhsulların istehsalçısı və idxalçısı barədə qanunvericiliyə uyğun tədbirlər görülmüşdür.
Daxili bazarın və istehlakçıların hüquqlarının qorunmasında inzibati tədbirlərlə yanaşı, istehlakçıların və sahibkarların maarifləndirilməsi də böyük əhəmiyyət kəsb edir. Məhz bu səbəbdən müxtəlif konfranslar və seminarlar keçirilməsi diqqətdə saxlanılır, ticarət və ictimai iaşə obyektlərində çalışan xidmət personallarının təlimatlandırılması və digər bu kimi tədbirlər həyata keçirilir.
Nazirlik bundan sonra da istehlak bazarında çatışmazlıqların aradan qaldırılması üçün inzibati tədbirlərin görülməsi ilə yanaşı, təbliğat-təşviqat və maarifləndirmə işlərini də gücləndirəcəkdir.
Naxçıvan Muxtar Respublikası İqtisadiyyat və
Sənaye Nazirliyinin mətbuat xidməti
