Bazar günü Budapeşt şəhərində Macarıstanın birinci xanımı Anita Orbanın himayəsi ilə keçirilən ənənəvi illik xeyriyyə yarmarkası baş tutub.

Ötən illərdə olduğu kimi, bu il də yarmarkada iştirak edən ölkəmizin Macarıstandakı səfirliyi qonaqlara milli şirniyyatlar, xalq sənətkarlığı məhsulları, Azərbaycan xalqının çoxəsrlik mədəniyyəti və ölkəmizin uğurları haqqında nəşrlər təqdim edib.

“Daily News” nəşrinin bugünkü sayında bu möhtəşəm tədbirdən və Azərbaycanın iştirakından bəhs edən material dərc olunub. Burada yerləşdirilmiş fotoşəkillərdə səhnədə xalq təranələrini ifa edən Ramil və Kamil Şükürov qardaşlarının çıxışı əks olunub.

Pərvanə Qarayeva

AZƏRTAC-ın xüsusi müxbiri

Budapeşt