2018-ci ilin ötən dövründə muxtar respublikada makroiqtisadi sabitlik qorunub saxlanılmış, özəl bölmənin inkişafına əlverişli şərait yaradılmış, 25 layihə üzrə istehsal sahəsi istifadəyə verilmişdir. Kəndlərdə müasir infrastrukturun yaradılması və istehsal olunan məhsulları sərbəst bazara çıxarmaq imkanları ailə təsərrüfatlarının inkişafı üçün əlverişli şərait yaratmışdır. Cari ilin ötən dövründə 12 ailə təsərrüfatına 145 min manatdan artıq maliyyə dəstəyi göstərilmişdir.

Özəl sektorun inkişafı və biznes fəaliyyəti üçün əlverişli mühitin yaradılması qarşıya qoyulan əsas vəzifədir. 2018-ci ilin 6 ayı ərzində Sahibkarlığa Kömək Fondu tərəfindən sənaye, kənd təsərrüfatı və xidmət sahələri olmaqla, ümumilikdə, 23 layihənin maliyyələşməsinə 5 milyon 735 min manatdan artıq kredit verilmişdir. Dахili bаzаrın qоrunmаsı, аntiinflyаsiyа tədbirlərinin gücləndirilməsi və yеrli istеhsаlın stimullаşdırılmаsı istiqamətində də tədbirlər davam etdirilmiş, 2728 çeşiddə ərzaq və qeyri-ərzaq məhsullarının qiymətləri təhlil olunmuş, qabaqlayıcı tədbirlər nəticəsində süni qiymət artımına yol verilməmişdir. Bu dövrdə 1654 halda ərzaq məhsullarından nümunələr götürülərək Mərkəzi Qida Sınaq Laboratoriyasında təhlil edilmişdir.
“Naxçıvan Məhsulları” Məhdud Məsuliyyətli Cəmiyyəti tərəfindən dövlət büdcəsi vəsaiti hesabına maliyyələşən 46 müəssisənin 250 çeşiddən artıq ərzaq və qeyri-ərzaq məhsulları ilə keyfiyyətli təchizatı təmin edilmiş, 78 ailə təsərrüfatından və 24 istehsal topdansatış müəssisəsindən 707 min 346 manat dəyərində məhsul satın alınmışdır. Naxçıvan Biznes Mərkəzi tərəfindən muxtar respublikada xalq yaradıcılığı sahələrinin inkişafı, sənətkarların fəaliyyətinin stimullaşdırılması və iş şəraitinin yaxşılaşdırılması istiqamətində tədbirlər davam etdirilmiş, 722 adda əl işi və sənət əsəri qəbul edilmiş, 171 adda əl işinin satışı həyata keçirilmişdir.

Naxçıvan Muxtar Respublikası
İqtisadiyyat Nazirliyinin mətbuat xidməti