Muxtar respublikada torpaqlardan təyinatı üzrə səmərəli istifadə edilməsinə dövlət nəzarətinin gücləndirilməsi 2018-ci ilin birinci yarımilində də diqqət mərkəzində saxlanılmış, mülkiyyət hüquqlarının dövlət qeydiyyatına alınmasında operativlik təmin edilmişdir. Naxçıvan şəhəri və ətraf yaşayış məntəqələrində, Şərur rayonunun Düdəngə, Zeyvə, Danyeri, Tənənəm, Xələc, Ələkli, Arbatan, Cəlilkənd və Sərxanlı kəndlərində 7822 daşınmaz əmlak obyekti plana alınmışdır.
Babək rayonunun 5, Şahbuz rayonunun 5, Culfa rayonunun 4, Şərur rayonunun 8, Ordubad rayonunun 3 bələdiyyəsinin torpaqlarının qida maddələri ilə təmin olunmasına dair sənədlər hazırlanaraq müvafiq bələdiyyələrə təqdim edilmişdir. Həmçinin Culfa rayon inzibati ərazi vahidinə daxil olan Culfa və Gülüstan bələdiyyələrinin, Babək rayonunun Nehrəm, Araz, Çeşməbasar, Güznüt, Göynük, Nəhəcir, Nəzərabad, Didivar, Qahab, Naxışnərgiz, Məmmədrza Dizə, Sirab, Aşağı Buzqov, Yuxarı Buzqov, Kərimbəyli, Payız, Zeynəddin və Şıxmahmud bələdiyyələrinin xəritələrinin və müvafiq yerquruluşu sənədlərinin hazırlanması başa çatdırılmışdır. Şərur rayonunun 30 bələdiyyəsinin isə sərhəd xəritələrinə dair müvafiq yerquruluşu sənədləri elektron variantda hazırlanmış və torpaqların növləri üzrə uçotu aparılmışdır. Həmçinin Şahbuz rayonunun 22 bələdiyyəsinin mövcud mülkiyyət növləri üzrə torpaq sahələrinin elektron kadastr xəritələri hazırlanmışdır.
Cari ilin ilk altı ayı ərzində, ümumilikdə, muxtar respublika üzrə 2739 daşınmaz əmlak obyekti qeydiyyata alınmışdır. Bu dövrdə muxtar respublika üzrə 45 yaşayış məntəqəsində 432 vətəndaşın müraciətinə baxılmış, komitənin göstərdiyi elektron xidmətlərdən 212 müraciət daxil olmuş və icra edilmiş, yüklülüyə dair 2029 arayış verilmişdir. Muxtar respublika üzrə ilkin qeydiyyat, bölünmə və birləşmə nəticəsində yeni yaranmış 350 daşınmaz əmlak obyektinə ünvan verilmiş, 404 torpaq sahəsinin plan-ölçüsü dövlət kadastr kitablarında qeydiyyata alınmış, 105 əmlak real bazar dəyərinə uyğun olaraq qiymətləndirilmiş, 778 əmlakın bazar dəyəri məlumat bankına daxil edilmişdir.
Naxçıvan Muxtar Respublikası
Daşınmaz Əmlak və Torpaq Məsələləri üzrə Dövlət Komitəsinin mətbuat xidməti
