Naxçıvan Muxtar Respublikası Ali Məclisi Sədrinin 2015-ci il 31 avqust tarixli Sərəncamı ilə Naxçıvan Muxtar Respublikasının Ali Məclisinə seçkilər təyin edilmişdir.
Naxçıvan Muxtar Respublikasının Ali Məclisinə 2015-ci il 1 noyabr tarixdə keçirilən seçkilər başa çatdıqdan sonra seçkilər üzrə yaradılmış 45 seçki dairəsi və 316 seçki məntəqəsi tərəfindən tərtib edilmiş səsvermənin nəticələrinin müəyyən edilməsi haqqında protokollar Naxçıvan Muxtar Respublikasının Mərkəzi Seçki Komissiyasında yoxlanılmışdır. Yoxlama nəticəsində protokolların seçki komissiyaları üzvlərinin hamısı tərəfindən imzalandığı, heç bir xüsusi rəy olmadığı, seçkilərin qanunauyğun keçirildiyi müəyyən edilmişdir.
Dairə və məntəqə seçki komissiyalarından Mərkəzi Seçki Komissiyasına daxil olmuş protokollara əsasən seçici siyahılarında qeydə alınmış 268463 seçicidən 205166 nəfəri, yəni 76,4 faizi seçkilərdə iştirak etmiş, seçki qutularında olan seçki bülletenlərinin 203991 ədədi, yəni 99,4 faizi etibarlı sayılmış, 1174 bülleten, yəni 0,6 faizi etibarsız sayılmış, bülletenlərdən 9-u seçicilər tərəfindən korlanmış, 63288 bülleten isə istifadə edilmədiyi üçün ləğv edilmişdir.

Seçki sənədləri yoxlandıqdan sonra seçkilərin yekunlarının təsdiq edilməsi üçün Naxçıvan Muxtar Respublikası Konstitusiyasının 16-cı maddəsinə və “Naxçıvan Muxtar Respublikası Ali Məclisinə seçkilər haqqında” Naxçıvan Muxtar Respublikası Qanununun 93.2-ci maddəsinə uyğun olaraq seçkilərin ümumi yekunları haqqında Naxçıvan Muxtar Respublikası Mərkəzi Seçki Komissiyasının protokolu tərtib olunmuş və müvafiq Qərarı qəbul edilərək 2015-ci il noyabrın 5-də Naxçıvan Muxtar Respublikasının Ali Məhkəməsinə təqdim edilmişdir.
Naxçıvan Muxtar Respublikası Ali Məhkəməsi Rəyasət Heyətinin 2015-ci il 10 noyabr tarixli Qərarına əsasən seçkilərin yekunları bütövlükdə təsdiq edildiyindən adları aşağıda qeyd olunan deputatlığa namizədlər beşinci çağırış Naxçıvan Muxtar Respublikası Ali Məclisinin deputatı seçilmiş hesab olunmuşlar:

1 saylı Sədərək Seçki Dairəsi                                                            Qasımov Arif Mikayıl oğlu

2 saylı Heydərabad Seçki Dairəsi                                                       Əliyeva Vüsalə Abazər qızı

3 saylı Maxta Seçki Dairəsi                                                               Həsənov Nüsrət Firudin oğlu

4 saylı Yengicə Seçki Dairəsi                                                            Babayev Əmir Baxşəli oğlu

5 saylı Alışar Seçki Dairəsi                                                               Tağıyev Asəf Tağı oğlu

6 saylı Çərçiboğan Seçki Dairəsi                                                       Məhərrəmov Saleh Heydər oğlu

7 saylı Aralıq Seçki Dairəsi                                                              Talıbov Vasif Yusif oğlu

8 saylı Düdəngə Seçki Dairəsi                                                          Vəliyev Musa Məmməd oğlu

9 saylı Mahmudkənd Seçki Dairəsi                                                   Möhbəliyev Telman Əli oğlu

10 saylı Şərur şəhər Seçki Dairəsi                                                   Zeynalov Azər Yadulla oğlu

11 saylı Həmzəli Seçki Dairəsi                                                       Məmmədova Yeganə Qurban qızı

12 saylı Yuxarı Daşarx Seçki Dairəsi                                              Talıbov Tariyel Hüseynəli oğlu

13 saylı İbadulla Seçki Dairəsi                                                       Həsənli Oruc Qafar oğlu

14 saylı Danyeri Seçki Dairəsi                                                       Əliyev Asim Yediyar oğlu

15 saylı Qarabağlar Seçki Dairəsi                                                  Quluyeva Sevda Rüstəm qızı

16 saylı Qıvraq Seçki Dairəsi                                                        İbrahimov Anar Adil oğlu

17 saylı Çalxanqala Seçki Dairəsi                                                  Məmmədov Ehtimad Cəfər oğlu

18 saylı Nehrəm Seçki Dairəsi                                                       Niftəliyev Hüseyn Əsrafil oğlu

19 saylı Babək qəsəbə Seçki Dairəsi                                              Məmmədov İsa Mustafa oğlu

20 saylı Yarımca Seçki Dairəsi                                                      Allahverdiyeva Həbibə Rəşad qızı

21 saylı Məzrə Seçki Dairəsi                                                         Seyidov Mirhəşim Əhməd oğlu

22 saylı Şıxmahmud Seçki Dairəsi                                                Məmmədli Turan Bəyməmməd qızı

23 saylı Cəhri Seçki Dairəsi                                                          Səfərli Hacıfəxrəddin Yəhya oğlu

24 saylı Naxçıvan şəhər Seçki Dairəsi                                           Abbasov Məhərrəm Hüseyn oğlu

25 saylı Naxçıvan şəhər Seçki Dairəsi                                           Talıbov Seymur Vasif oğlu

26 saylı Naxçıvan şəhər Seçki Dairəsi                                           Cəfərli Elman Yusif oğlu

27 saylı Naxçıvan şəhər Seçki Dairəsi                                           Rzayeva Yazgül Həsənəli qızı

28 saylı Naxçıvan şəhər Seçki Dairəsi                                           Əliyev İsmayıl İsrafil oğlu

29 saylı Naxçıvan şəhər Seçki Dairəsi                                           Allahverdiyeva Aidə Məhərrəm qızı

30 saylı Naxçıvan şəhər Seçki Dairəsi                                           Məmmədov Namiq Qəzənfər oğlu

31 saylı Naxçıvan şəhər Seçki Dairəsi                                           Məmmədov Nazim Məmməd oğlu

32 saylı Naxçıvan şəhər Seçki Dairəsi                                           Bababəyli Nazim Səfərəli oğlu

33 saylı Naxçıvan şəhər Seçki Dairəsi                                           Əzimov Behruz Nurəddin oğlu

34 saylı Şahbuz şəhər Seçki Dairəsi                                             Məmmədov Rizvan Təmo oğlu

35 saylı Kolanı Seçki Dairəsi                                                        İsmayılov Cəbi Əziz oğlu

36 saylı Şahbuzkənd Seçki Dairəsi                                               Dünyamalıyev Qoçəli İsa oğlu

37 saylı Culfa şəhər Seçki Dairəsi                                                İbrahimov Qadir Abbas oğlu

38 saylı Yaycı Seçki Dairəsi                                                        Fərəcov Fərəc Rza oğlu

39 saylı Ərəzin Seçki Dairəsi                                                       Əliyev Tahir Rza oğlu

40 saylı Saltaq Seçki Dairəsi                                                       Həşimli Hüseyn Məmməd oğlu

41 saylı Ordubad şəhər Seçki Dairəsi                                           Rzayev Qurbət İsmayıl oğlu

42 saylı Ordubad şəhər Seçki Dairəsi                                           Zeynalov Eldar Əhməd oğlu

43 saylı Yuxarı Əylis Seçki Dairəsi                                              Cəfərli Əhəd Məmməd oğlu

44 saylı Vənənd Seçki Dairəsi                                                     Babayev Tofiq Süleyman oğlu

45 saylı Aza Seçki Dairəsi                                                          Mustafayeva İlhamə Rafiq qızı

Yuxarıda göstərilənlərə, “Naxçıvan Muxtar Respublikası Ali Məclisinə seçkilər haqqında” Naxçıvan Muxtar Respublikası Qanununun 20.4-cü, 20.9-cu, 23.3-cü, 24.1.7-ci maddələrinə və Naxçıvan Muxtar Respublikası Ali Məhkəməsi Rəyasət Heyətinin 2015-ci il 10 noyabr tarixli Qərarına əsasən Naxçıvan Muxtar Respublikası Mərkəzi Seçki Komissiyası

Q Ə R A R A   A L I R :

2015-ci il noyabrın 1-də Naxçıvan Muxtar Respublikasının Ali Məclisinə keçirilmiş seçkilərin nəticələri dərc edilməsi üçün “Şərq qapısı” qəzetinə və elan olunması üçün Naxçıvan Muxtar Respublikası Dövlət Televiziya və Radio Verilişləri Komitəsinə göndərilsin.

Sədr: Məhərrəm Qasımov
Katib: Elnur Eyvazov

11 noyabr 2015-ci il