Mayın 5-də ümummilli  lider Heydər Əliyevin anadan olmasının 92-ci ildönümü münasibətilə Türkiyənin Ərzurum Atatürk Universitetində “Azərbaycan-Türkiyə münasibətlərində Heydər Əliyevin rolu” adlı konfrans keçirilmişdir. 

Azərbaycan Respublikasının Qars şəhərindəki Baş konsulu Ayxan Süleymanlı, universitetin prorektoru, professor Mehmet Sadi Çögenli, Türkiyyat Araşdırmaları İnstitutunun müdiri, professor Çingiz Alyılmaz, universitetin professorları Yavuz Aslan və Sedat Adıgözəl, Azərbaycanın Türkiyədəki təhsil müşaviri Nəcibə Nəsibova çıxış edərək ulu öndərin Azərbaycanın dövlət müstəqilliyinin qorunması və inkişafı sahəsindəki xidmətlərindən danışmış, dost və qardaş ölkə olan Türkiyə Respublikası ilə əlaqələrin inkişafı istiqamətində gördüyü işləri diqqətə çatdırmışlar.

Sonra Atatürk Universitetinin Dil, ədəbiyyat fakültəsinin tələbələri arasında ümummilli lider Heydər Əliyevin anadan olmasının 92-ci ildönümü münasibətilə keçirilən inşa-yazı müsabiqəsinin qalibləri mükafatlandırılmışdır.
Mayın 9-da isə Azərbaycan Respublikasının Türkiyənin Qars şəhərindəki Baş Konsulluğunda ümummilli lider Heydər Əliyevin anadan olmasının 92-ci ildönümü ilə bağlı tədbir keçirilmişdir.
Əvvəlcə tədbir iştirakçıları ümummilli lider Heydər Əliyevin Qars şəhərindəki abidəsi önünə gül dəstələri qoymuşlar.
Tədbirdə Azərbaycan Respublikasının Qars şəhərindəki Baş konsulu Ayxan Süleymanlı ulu öndərin dövlətimiz və xalqımız qarşısındakı tarixi xidmətlərindən ətraflı bəhs edərək demişdir ki, bu gün Azərbaycan Respublikasının müstəqil dövlət kimi tanınması, ölkəmizin iqtisadiyyatının gündən-günə güclənməsi və siyasi arenada yüksək imicə malik olması ümummilli lider Heydər Əliyevin adı ilə bağlıdır. Dahi rəhbərin təşəbbüsü ilə Türkiyə və Azərbaycan arasında möhkəmlənən qardaşlıq və dostluq münasibətləri hazırda uğurla inkişaf etdirilir.
Mərasimdə Qars Qafqaz Universitetinin professorları Hacıəli Nəcəfoğlu və Xurşud İsayev çıxış edərək ulu öndər Heydər Əliyevin zəngin həyat və fəaliyyətindən bəhs etmişlər.
Türkiyənin İqdır şəhərində də ümummilli lider Heydər Əliyevin anadan olmasının 92-ci ildönümü qeyd edilmişdir.
Mayın 10-da Türkiyə-Azərbaycan Dərnəyinin İqdır şöbəsi və İqdır-Azərbaycan Dil, Tarix və Mədəniyyət Birliyini Yaşatma və Dəstəkləmə Dərnəyinin üzvləri şəhərin mərkəzindəki Heydər Əliyev Parkında ulu öndərin əzəmətlə ucalan abidəsini ziyarət etmiş, dahi rəhbərin xatirəsinə dərin ehtiramlarını ifadə etmişlər.

“Şərq qapısı”